दऺपिथ कऻशुर तॖ कथ-बाथ: March 2021

Wednesday, March 31, 2021

01.04.2021

01.04.2021 च़िथ्थॖर (चैत्र/चैत) गटॖ पछॖ (कृष्ण पक्ष) च़ोरम (देवादेव) (चतुर्थी) (देवादेव) ब्रसवार (ब्रहस्पतिवार/गुरुवार/वीरवार),श्री सप्तर्षि सम्वत 5096, नक्षत्र विशा, राश वृश्चिक (चलान) ऋतु बसंत (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

*************************

महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

नुंदॖ रॆशॖन्य श्रुक्य

नफॖस छुय वनुक अगॖ ज़ोलो

नेरॆस नॖ पॆंट कुट मंज़ोंलो

यॆम्य च़ॊट ॳनिथ गजि ज़ोलो

तमी शरह मुहम्मद पोलो

अर्थात

नफॖस छु वनचि लऺकरि हुन्द अग। न यियि चीरनॖ न नेरॆस कांह लागिकार पॆंट, कूट नॖ मंज़ुल मगर यॆम्य ब्वज़ॖवानन यि च़ऺटिथ ऒन तॖ ज़ॊलुन गजि तिम छि हज़रत मुहम्मद सऻबुन शरह पऻलिथ ब्रोंहकुन पकान। तिथय पऻठ्य युस नफसस ततॖ गन्ड कऺरिथ पनुन अज्ञान ज्ञानॖ नारस मंज़ ज़ालि तस मेलि ज़िन्दगी ज़ुवॖनॖय आसान वथ।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

*********

1. गासॖ बनॖ (Heap of grass)

2. गाश (Light/Lustre/Sunshine)

3. गाशॖ रॊस (Blind/Dark)

4. गाश युन (To be dawn)

5. गाशॖर (Lovely/Elegant)

मुहावरॖ

1. मु: ग्वसऻन्य गऺडवॖ

अ: बेछॖवुन

2. मु: ग्वसऻन्य त्वमुल

अ: वारियाह कॖसमॖक्यन

चीज़न हुन्द रल

3. मु: गोंछ़ि ॴस पतॖ ख़ोस

अ: प्रथ कांह चीज़ छु पनॖनि

अनॖवारि सपदान

(पनॖन्य शुर्य ह्यॆछॖनऻव्यूख)

**************************

पंचान्ग:- राथ वुछ्य असि पनॖनि शरीरक्यन कॆंच़न अंगन हॖन्द्य नाव कऻशिर्य ज़बऻन्य मंज़। अज़ पकव तमि ब्रोंहकुन - नऺर (बाज़ू) ख्वनॖवठ (कोहनी) हॏच़ (कलाई) अथॖ (हाथ) न्यॊठ (अंगूठा) ऒंंगजि (उंगलियां) किस (छोटी उंगली) नम (नाखून) सीनॖ (छाती) यड (पेट) तून (नाभी) हॊल (कमर) थर (पीठ) लंग (जांघ) ज़ंग (टांग) रोंख (नितंब) कॊठ (घुटना) ग्वड (टखना) खूर (एडी) ख्वर (पैर) तलपॊत (पैर का तलवा) ख्वर ऒंगजि (पांव का पंजा)- म्यऻन्य व्यनती छि त्वहि सारिनी ज़ि पनॖन्यन शुर्यन करनऻविव ज़ान यिमन अंगन सॗत्य कऻशिर्य ज़बऻन्य मंज़। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

*************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक यि म्योन सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Tuesday, March 30, 2021

31.03.2021

31.03.2021, च़िथ्थॖर (चैत्र) गटॖ पछॖ (कृष्ण पक्ष) त्रय (देवादेव) (तृतीया) (देवादेव) ब्वदॖवार (बुद्धवार),श्री सप्तर्षि सम्वत 5096, नक्षत्र स्वाति, राश वृश्चिक (रऻच़ हॖन्ज़ॖ 1.55 बजि प्यठॖ), ऋतु बसंत (चलान)...अज़ छि संकट च़ोरम (संकट निवार्ण चतुर्थी) ति

**************************

महामऻरी नाश - मंत्र

**************************

नुंदॖ रॆशॖन्य श्रुक्य

शिव छुय थलि थलि रोज़ान

माज़ान ह्यॊन्द तॖ मुसलमान

त्रुकुय छुख पनुन पान परज़ान

सॊय छय साहिबॖन्य ज़ऻनी ज़ान

अर्थात

शिव छुय हर जायि तॖ प्रथ इन्सानस मंज़ रोज़ान तवॖ किन्य न छु कांह ह्यॊन्द तॖ न कांह मुसलमान। यॊद च़ॖ पनॖनिस दबस ख़बरदार छुख च़ॖ ज़ान पनुन पान तसॖन्ज़ अमानथ। तस सॗत्य ज़ान गछ़ॖन्य गव पनुन पान परज़ॖनावुन।

**************************

*********

1. गाडॖ हऻन्ज़ (Fisherman)

2. गारुन (To look for/To search for/To search)

3. गारॖ (Kneaded mud/Mortar)

4. गाज़ॖर (Carrot)

5. गासॖ (Grass)

मुहावरॖ

1. मु: ग्वनॖ ख्वतॖ ग्वनॖ दूष

अ: नीकी करान करान वुल्टॖ

गछ़ुन

2. मु: ग्वलाब ऱवय

अ: ग्वलऻब्य बुथ, या, माशूक़,

या, ख्वश युवुन

3. मु: ग्वलाबॖ तॗर

अ: सोंतॖ कालॖच तॗर, या,

मोमूली सर्दी

(पनॖन्य शुर्य ह्यॆछॖनऻव्यूख)

**************************

पंचान्ग :- तिमन हॖन्द्यि बापथ यिम पनॖनि शरीरॖक्यन अंगन हॖन्द्य नाव कऻशिर ज़बऻन्य मंज़ ज़ानुन छि यछ़ान। मस (बाल) कलॖ (सिर) ड्यकॖ (माथा) बुम्मॖ (बौंहवे) ॳछ (आंख/आंखें) ॳछरवाल (बरौनी) ॳछ टोर/ॳछ टऻर्य (पलक/पलकें) लाल (पुतला) नस (नाक) नकवोर/नकॖवऻर्य (नथने) कन (कान) कनॖ फ्यच़ (ललरी) गल/गलॖ (गाल) दऻर/रेश (दाढी) गोंछ़ (मूंछ़) वुठ (होंठ) ह्वॊंगन्य (ठुड्डी) ज़्यव (जीभ) दंद (दांत) ॴस (मुंह) बुथ (चॆहरा) हॊट (गला) गर्दन (गरदन/ग्रीवा) फ्यॊक/फ्यॆक्य (कन्धा/कन्धै) कछ़ (बगल) - म्यॆ। छि व्यनती ज़ि पनॖन्यन शुर्यन करनऻविव ज़ान यिनम अंगन सॗत्य कऻशिर्य ज़बऻन्य मंज़। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक यि म्योन सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Monday, March 29, 2021

30.03.2021

30.03.2021, च़िथ्थॖर (चैत्र) गटॖ पछॖ (कृष्ण पक्ष) द्वय (देवादेव) (द्विती) (देवादेव) बॊम्वार (मंगलवार) श्री सप्तर्षि सम्वत 5096, नक्षत्र चित्र, राश तुला (चलान),ऋतु बसंत (चलान)

**************************

महामऻरी नाश - मंत्र

**************************

नुंदॖ रॆशॖन्य श्रुक्य

शिव छुय ज़ऻव्युल ज़ाल वऻहरिथ

तिय छुय मरुन तिर्थ कथ

ज़िंदॖ नय मरख अदॖ कवॖ ज़ि मऺरिथ

पानॖ मंज़ॖ पान कड व्यच़ऻरिथ कथ

अर्थात

शिव छुनॖ बोज़नॖ यिनॖवोल, मगर ॳस्य सऻरी छि तऺस्य मंज़ बऺसिथ। यॊद च़ॖ च़ेनख तॆलि छुय नॖ कुनि तीर्थस प्यठ गछ़नुय। च़िह च़िह सु पानस सॗत्य बासनऻविथ मरख ज़िन्दय। तिक्याज़ि यॊद सु पानस सॗत्य थवॖहन, च्यानि दऺस्य गछ़ि नॖ ग़लत किहिन्य मगर यिछ़ अमल छि स्यठा मुश्किल। वारॖ वारॖ छु आदत गछ़ान तॖ इन्सान छु प्वख्तॖ बनान। अथ प्यठ व्यच़ार कऺरिथ ह्यकख पनुन पान प्रज़नऻविथ पानसॖय मंज़ दय लऺबिथ।

**************************

**********

1. गाठ (River bank/Bathing place)

2. गाड (Fish)

3. गार्ड (Guard/Security man)

4. गाडॖ बत्तॖ (Fish and rice)

5. गाडॖ तील (Cod liver oil)

मुहावरॖ

1. मु: ग्यवस तॖ कनहऻपिनि रॖश

अ: पानॖवॖन्य सख वऻर

2. मु: ग्यवहऻ तॖ ग्यव ख्यव ब्रार्यव

अ: बहानॖ बऻज़ी कऺरिथ कामि

च़ूर बनुन

3. मु: ग्यव ख्यवान तॖ गर्दनि कुन

अथॖ लागान

अ: वुतावली हावॖन्य, या, कूनि

तर न्यॆरनस ति गछ़ि वखॖथ

द्युन

(पनॖन्य शुर्य ह्यॆछॖनऻव्यूख)

**************************

पंचान्ग:- वुनि गऺयि कॆंह दुहुय जे के विचार मंच संस्थायि कऺर ब्यॆयि अख पहल यि वछनॖ बापथ ज़ि सानि समाजिक शुर्य कथ हदस ताम छि ह्यकान पनॖनि माजि ज़्यॆवि मंज़ कथ बाथ कऺरिथ। असि कऺर वुछनॖच यि कूशिश ति ज़ि वुछव यिमन शुर्यन कोताह छु पताह कॆंच़न चीजन हुन्द नाव कऻशिर्य ज़बऻन्य मंज़। यि वऺनिथ छुस बॖ ख्वश गछ़ान ज़ि सऻन्य शुर्य यिम व्यलायतस मंज़ बिहिथ छि तिम ति छि कऻशिर ज़बऻन्य मंज़ कथ करान रोज़ान मगर व्यछ़य अगर छि तॖ सॊ छि ह्यॆछनावन वाल्यन हॖन्ज़। याने मोल मऻज्य या नान्य बुड्यबब छुनॖ कॆंच़न जायन यि व्यछ़य दूर करनॖच कूशिश करान। नतीजि छु नेरान यि ज़ि शुर यॊदवय यछ़ान ति छु मगर छुनॖ ह्यकान पनॖनि यछ़ायि मंज़ पूरॖ वुतॖरिथ। बॖ छुसुय छुस पनॖन्यन शुर्यन यि कऺमी पूर करनॖच कूशिश करान पनॖनि मोबाईलॖ दऺस्य या ब्यॆयि कुनि वऺतीरॖ, म्यॆ सॖत्य सॗत्य छि कॆंह म्यऻन बऻय या म्यानि ब्यॆनि वतनॖक्यन कॆंच़न जायव प्यठॖ तॖ वतनॖ न्यबर ति कॆंच़व जायव प्यठॖ यि कूशिश जऻरी थविथ मगर अशद ज़रूरत छि मऻलिस माजि, नानि बुड्यबब सॖन्ज़ भाग्यदऻरी। तिम ज़ऻनिन यि पनॖन्य ख़ास ज़िम्वऻरी पनॖन्यन शुर्यन पनॖनि माजि ज़्यॆवि सॗत्य जुडिथ थवनॖच। पनॖन्यन बदनॖक्यन ॳगन हॖन्द्य नाव कऻशिर्य पऻठ्य, गरस मंज़ रोज़मराक्यन चीज़न हॖन्द्य नाव कऻशिर्य ज़बऻन्य मंज़, पलवन दलवन हॗन्द्य नाव, बानन बठन हॖन्द्य नाव वगैरा वगैरा। सॗती छि यि ज़िम्वारी ति तिमन प्यठ ॴयिद सपदान ज़ि तिम ह्यॆछनाविन परुन तॖ लेखुन देवनागिरीयस मंज़ कऻशुर ताकि सऻनिस अदबस याने साहित्यस मेलि कांह रऺछ़रावनवोल। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

*त्रिवेणी* सम्पर्क कऺरिव मो्नo 9419110310/9419137163 प्रोग्रामस मंज़ शिरकत करनॖ बापथ

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक यि म्योन सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठ ति)

Sunday, March 28, 2021

29.03.2021

29.03.2021, च़िथ्थॖर (चैत्र) गटॖ पछॖ (कृष्ण पक्ष) ऒक्दॊह (प्रथमा) च़ऺन्दॖरवार (सोमवार), श्री सप्तर्षि सम्वत 5096, नक्षत्र हस्त, राश तुला (रऻच़ हॖन्ज़ॖ 1.41 बजि प्यठॖ) ऋतु बसंत (चलान)

**************************

महामऻरी नाश - मंत्र

**************************

नुंदॖ रॆशॖन्य श्रुक्य

ज़िकरि सॗती रटुन माले

फिकरी सॗती तारुस पुन

नफ़स गन्ड मालि हाले हाले

ज़न तोरुथ म्वख्तॖ माले पन

अर्थात

ज़िकरि हॖन्ज़ ज़ितिन्य ज़ॆवरिथ गछ़ि फिकरी हॖन्दि चिलॖ सॗत्य प्वख्तॖ कऺरिथ पनुन ध्यान यादि दयस कुन पूरॖ लागुन। अमलि मंज़ अनान अनान गछ़न नफसी खऻहिशि वारॖ वारॖ तिथॖ पऻठ्य गन्डॖ रटॖन्य, यिथकऺन्य म्वख्तस पन तऻरिथ मालॖ छि बनावान। याने शाह रूप थावन गछ़न ज़िकरि तॖ फिकरि रूप म्वख्तॖ मालॖ दयस नऻल्य त्रावनि।

**************************

***********

1. गाटॖ (Deficit/Deficiency/Damage)

2. गाटॖ आसुन (To be at loss)

3. गाटॖजार (Wisdom/Intelligence/Wit/Knowledge)

4. गाटॖ द्युन (To advice/To instruct/To guide/To educate)

5. गाटुल (Intelligent/Wise/Talented)

मुहावरॖ

1. मु: गऺह्यर्यून्ज़

अ: सु शखॖस युस बऺल्य वऺथ्य

वऺथ्य आसि गछ़ान, या,

लॊत शखॖस

2. मु: ग्यव ख्यवानॖय छॆ नॖ गर्दन

म्वटान

अ: कांह कऻम कऺरिथ छु

तम्युक नऺतीजि नेरनस वख

लगान

3. मु: ग्यॆलि ग्यॆलि छि कांह ग्यल

स्यॆज़ गछ़ान

अ: लगातार कूशिश करनॖ

सॗत्य छु स्यज़र गछ़ान

(पनॖन्य शुर्य ह्यॆछॖनऻव्यूख)

**************************

पंचान्ग:- विजयेश्वर पंचान्ग याने जंत्री मंज़ ओस होल्य हुन्द त्योहार राथ हावनॖ आमुत मगर यॆमिस ति म्यॆ मुबारक कॊर तऺम्य वॊन म्यॆ ज़ि हूल्य छि पगाह याने अज़। म्यॆ तॊर नॖ फिकरि ज़ि अगर हूल्य पगाह छि त्यॆलि किथॖ पऻठ्य छि सानि जंत्री मंज़ राथ हऻवमॖच़ हुल्य। अगर जंत्री मूजूब राथ ॴसमॖच़ छि हूल्य त्यॆलि क्याज़ि छि म्यानि बरादऺरी हॖन्द्य लूख दपान ज़ि अज़ छि हूल्य। ओरॖ योर प्रॖछ़गऻर करनॖ पतॖ नन्योम ज़ि राथ ॴस न हूल्य बऺल्कि होलिका दहन याने ल्वकॖट हूल्य। म्यॆ छु याद प्यवान ज़ि यॆलि बॖ कानपुरॖ ऒसुस ततिक लूख आस्य मनावान यि होलि हुन्द त्योहार करीबन सतन दॊहन लगातार तॖ पऺत्यमि द्वह ओस आसान तिमन गंगा गाठस प्यठ होली मिलन तॖ अदॖ ओस वातान यथ त्योहारस अंद। मगर यॊताम म्यॆ ज़्वन छु ज़ि कऻशिर बटॖ ॴस्य कऺशीरि मंज़ अकी द्वह हूल्य मनावान। मगर 1990-तॖ पतॖ ह्यॆतिन ॳस्य रलन बाकी जायन मंज़ रोज़न वाल्यन लुकन सॗत्य तॖ ह्यॊत असि ति ती करुन यि तिम रूद्य करान। गाह सु करवा चौथ छु, या भाई दूज छु, या सु धन तेरस छु या तीज त्योहार छु। ॶसि ह्यॊत वैलनटायन द्वह ति मनावुन तॖ क्रॖसमॖस द्वह ति मनावुन। अगर त्वहि याद आसि यिमन सारिनॖय त्योहारन हॖन्ज़ ब्वयी ॴस नॖ असि कऻशर्यन कऺशीरि मंज़ रूज़िथ। यिमन त्योहारन वॊल असि नाल बालॖ यपोर तरनॖ पतय। लॊहरी ति छि ॳस्य व्वंय मनावान। मगर तऻज्यबॖच कथ छि यि ज़ि सान्यव पनॖन्यव त्योहारव मंज़ॗ छु नॖ कांह अख ति त्योहार बाक़ी ज़ऻच़ हॖन्द्यव लूकव पानॖनोवमुत। न गाडॖ बतॖय, न ख्यॆच़ि मावसॖय। ज़ानि दय क्याह कऺशिश छि तिहॖन्द्यन त्योहारन यीच़ ज़ि ॳस्य गऺयि तूर्य कुन तॖ पनॖन्य थऺव्य यूर्यकुन। असि गव यि हाल ज़ि पनॖनि माजि ज़्यवि मंज़ कथ करनस छि गछ़ान असि गाल। पनॖन्य त्योहार ह्यॆत्य असि लबि ताकस थवॖन्य तॖ पर-ज़ऻच़ त्योहारन ह्यॊत असि ल्वलॖमतॖलाय करुन। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

12,13 तॖ 14 अप्रैल 2021 छु *त्रिवेणी* प्रोग्राम जे के विचार मंच संस्थायि तरफॖ। तॊह्य ति कऺरिव शिरकत

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक यि म्योन सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Saturday, March 27, 2021

28.03.2021

28.03.2021, फाल्गुन (फाल्गुन) ज़ूनॖ पछॖ (शुक्ल पक्ष) पुनिम (पूर्णिमा) आथवार (रविवार/ऐतवार), श्री सप्तर्षि 5096, नक्षत्र उफा, राश कन्या (चलान) ऋतु बसंत (चलान)...अज़ छि हूल्य ति

**************************

महामऻरी नाश - मंत्र

**************************

नुंदॖ रॆशॖन्य श्रुक्य

दॊहस गुज़ोरुम नॊफलॖ हथा

रातस रूदुस ज़ागय

यॊद व्वंय करहम क्बूल्ययथा

नतॖ हून ज़न फ्यूरुस आगय

अर्थात

द्वहस कऺरॖम इबादत स्यठा, रातस कऺरॖम बेदऻरी तॖ रूदुस ज़ागि तस दयस। यॊद व्वंय रथि खसि म्यऻन्य यि इबादत, तॆलि बनिह्यम तसॖन्ज़ कृपा, नतॖ छुस गरॖ गरॖ फेरवुन ज़न हून।

**************************

*******

1. खऺदॖर (Cotton-cloth)

2. खच (Crowd)

3. खचि (Tailless animal)

4. खडॖपंच (A leader/Chieftain/Guide)

5. खच़ाखच (Full of the capacity/Filled up to the brim/Stuffed together)

मुहावरॖ

1. मु: लुकॖ बुज़्य जॆशनॖ

अ: कांह कऻम बेमक्सद गछ़ॖन्य

2. मु: लशकरि शिकस

अ: ॴनि शिकसलद

3. मु: लशकरि पतॖ तॖ पछाडि

ब्रोंठ

अ: मुकाबलॖ करनस मंज़

सारीवी ख्वतॖ पथ तॖ च़लन

वाल्यन ब्रोंह, या, बुज़दिल

आसुन

(पनॖन्य शुर्य ह्यॆछॖनऻव्यूख)

**************************

पंचान्ग:-राथ वुछ असि ज़ि कऺशीरि मंज़ कम कम फल यानि कुस कुस म्यवॖ छु व्वपदान। यिमव मंज़ॖ छि तिम ति कॆंह म्यवॖ थिम नॖ सानि नवि पुयि आसन वुछमती या ख्येमॖती मसलन ग्वरॖदऻल्य, क्यनॖबऺब्य, त्रेलॖ, शाह तुल्य, बम्च़ूंठ। यिम म्यवॖ छिनॖ यपऻर्यम्यन अलाकन मंज़ नज़रि यिवान। वऺलिव अज़ वुछव ॳस्य कऺशीरि मंज़ क्वस क्वस सब्ज़ी छि व्वनदान। सब्ज़ियन हॖन्द्य नाव कऻशिर ज़बऻन्य मंज़ छि - हाक (हाकस छि वारियाह कॖसॖम यानि कानुल, वारि हाक, बऺद्य हाक, वगैरा), म्वन्जि, मुजि (ज़्यॆछि तॖ गोल), मटर, ग्वगजि, अल (ज़ीठ, गोल), गाज़ॖर, सॊच़ल, पालक, व्वस्तॖहाक, नदॖर्य, नुनर, वान्गन, ओलव,टमाटर, गन्डॖ, रोहनॖ, लऻर (वारि लऻर तॖ बागॖ लऻर), पुदनॖ, मीथ्य, लीसॖ, हन्द, करेलॖ, त्वरेलॖ व्वपलहाक, बुम, फूल गो़बी, बंदगोबी, नील्य मर्चॖवांगन, वगैरा। कऺशीरि मंज़ ॴस अख प्रथा चलान सऺदियव प्यठॖ सु गऺयि यि ज़ि कॆंह सब्ज़ी आसॖ यिवान ह्वखॖनावनॖ ऱयतॖकऻलिस तॖ आसॖ यिवान ख्यनॖ वंदस मंज़ तिक्याज़ि वंदस आसॖ नॖ मेलान सब्ज़ी शीन प्यनॖ म्लखॖ। अज़कल यॊदवय सब्ज़ी वंदस मंज़ छि कऺशीरि वातान न्यॆबरॖ ब्यॆयव जायव प्यठॖ मगर ह्वखनावनॖच प्रथा छि वुनि ति जऻरी। तिम सब्ज़ी आसॖ अलॖ हचि, वांगन हचि, करेलॖ, हॊख्य फूलगोबी। यिमव सब्ज़ियव मंज़ॖ छि वारियाह तिम सब्ज़ी यिम असि बालॖ यपारि ति मेलान छि रोज़ान हालांकि ब्यॊन ब्यॊन नावॖ सॗत्य छि ज़ानॖन यिवान। म्यॆ छि व्यनती ज़ि पनॖन्यन शुर्यन करॖनऻविव यिमन कऻशिर सब्ज़ियन सॗत्य ज़ान पहचान। अमि अलावॖ छि कऺशीरि मंज़ मेलान मासाहारी ख्यन ति मसलन गाडॖ, ह्वगाडॖ (पचॖ ह्वगाडॖ, रज़ॖ ह्वगाडॖ), न्यॆनि यानि कटॖ मांज़। ब्यॊन ब्यॊन कॖसमॖच दालॖ यानि म्वंगॖ, करॖ,चन्नॖ, वारिमुठ वगैरा। यिमव दालव मंज़ॖ ॴस वारिमुठ दाल ख़ास मुकाम हऻसिल कऺरिथ। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

*त्रिवेणी* प्रोग्रामस मंज़ कऺरिव शिरकत 12,13 तॖ 14 अप्रैल 2021, नाव कऺरिव दरॖज जे के विचार मंच सदऺस्यन दऺस्य

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक यि म्योन सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Friday, March 26, 2021

27.03.2021

27.03.2021 फाल्गुन (फाल्गुन) ज़ूनॖ पछॖ (शुक्ल पक्ष) च़्वदह (चतुर्दशी) बटॖवार (शनिश्चरवार/शनिवार), श्री सप्तर्षि सम्वत 5096, नक्षत्र पूफा, राश कन्या (रऻच़ हॖन्ज़ॖ 1.19 बजि प्यठॖ),ऋतु बसंत (चलान)

**************************

महामऻरी नाश - मंत्र

**************************

नुंदॖ रॆशॖन्य श्रुक्य

बंगि कऻनिस अम्बर छ़ॊटुय

वीरि कऻनिस फल नो बोवे

ग्वरॖ कऻनिस अम्बर मॊटुय

वतॖ कऻनिस अन्दॖवह पॆयॆ

अर्थात

यिथॖ बंगि मूर छि जलद हॊखान, तिथॖ छुनॖ वीरि मूरि फल कॆंह बॊवान। ग्वरॖ रॊस अज्ञऻन्यस छि बदनऺसीबी नाल व्वलान। सु छु अंज़ऻन्य दय सॖन्ज़ि वति निशि हमेशॖ दूर रोज़ान। तिथिस वतॖ कऻनिस छु ॳछन ऒन प्यवान।

**************************

**********

1. खपचॖ कडॖन्य (To hack to

pieces)

2. खटारॖ (Worn out/Out dated/Exposed)

3. खटॖ (Sour)

4. खटुन (To hide/Keep secret/Conceal)

5. खजर (Breadth/Extension/Width)

मुहावरॖ

1. मु: लूटस तॖ जोशस बऻजवऺठ

अ: नाकारॖ छु नाकारस सॗत्य

रलान, या, बुरॖ काम्यन

मंज़ हिसॖदऻरी

2. मु: लॊग न तॖ जॊग आव पॊत

फीरिथ

अ: कुनि चीज़स या कामि हुन्द

पूरॖ करनुक वादॖ कऺरिथ

नाकाम गछ़ुन

3. मु: लन्जि पम्पोश

अ: ल्वकटि माहोलॖ न्यबर

नीरिथ स्यठाह थज़र प्रावुन

(पनॖन्य शुर्य ह्यॆछॖनऻव्यूख)

**************************

प़चान्ग;- अज़ वुछव ॳस्य कऺशीरि मंज़ कुस कुस म्यवॖ छु पऻदॖ सपदान, सब्ज़ी कम कम छि पऻदॖ सपदान। म्यवॖ यानि फलन हॖन्द्य कॆंह नाव छि यिथॖ पऻठ्य - च़ूंठ्य (च़ूंठ्यन मंज़ छि ब्यॊन ब्यॊन जऻच़ यानि कॖसॖम। मसलन अम्बॖर्य च़ूंठ, सफ़ेद च़ूंठ, च़ॊक मॊदुर च़ूंठ वगैरा), बम्म च़ूठ्य, टंग (टंगन मंज़ ति छि ब्यॊन ब्यॊन ज़ऻच़ यानि कॖसॖम मसलन ल्वकॖट्य टंग, बबॖगोश टंग, रसॖदार टंग वगैरा वगैरा) ॴर, च़ॖनॖन्य, चॆरी यानि गिलासॖ (गिलासन मंज़ ति छि ब्यॊन ब्यॊन ज़ऻच़ यानि कॖसॖम मसलन स्यॊद गिलासॖ, डबल गिलासॖ, क्रॖहॖन्य गिलासॖ वगैरा वगैरा) ॴल्यचि, ग्वर्दऻल्य, त्रेलॖ, तुल्य (तुल्यन मंज़ ति केंह ज़ऻच़ यानि कॖसॖम शाह तुल्य, क्रॖहॖन्य तुल्य वगैरा), ह्यन्दॖव्यन्द, खरबूज़, च़ेरॖ, डून्य, बादाम (तिमन मंज़ ति ब्यॊन ब्यॊन ज़ऻच़ मसलन कागज़ी डून्य, वऻन्ट्य डृन्य, कागज़ी बादाम वगैरा वगैरा)। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

*त्रिवेणी* प्रोग्रामस मंज़ शिरकथ करनॖ बापथ सूज़िव पनॖन्य नाव जे के विचार मंच क्यन कार्यकर्ताहन युहुन्द फ़ोन नम्बर छु व्हाटसाप क्यन केंच़न ग्रुपन मंज़ आमुत हावॖनॖ्। प्रोग्राम छु त्र्यन दॊहन यानि 12, 13 तॖ 14 अप्रैल 2021

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव म्योन यि ॳज़्युक सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Thursday, March 25, 2021

26.03.2021

26.03.2021, फाल्गुन (फाल्गुन) ज़ूनॖ पछॖ (शुक्ल पक्ष) बाह (देवादेव) (द्वादशी) (देवादेव) शॊकुरवार (शुक्रवार/जुम्मा/भार्गवार) श्री सप्तर्षि सम्वत 5096, नक्षत्र मघा, राश सिंह (चलान), ऋतु बसंत (चलान)...चूंकि पगाह छि त्रुवाह (त्रयोदशी) रावान, पगहुक वॊहरवोद यी ॳज़्य याने बऻश (द्वादशी) दुहुय

**************************

महामऻरी नाश - मंत्र

**************************

नुंदॖ रॆशॖन्य श्रुक्य

रीज़िक छुय ब्रोंठ तॖ मोत छुय पतॖ

दुनिया छु शहरुक अतॖय गथ

स्वरुन बुगी तॖ गारुस वतॖ

बोज़खय छय रोज़ान नेक बद कथ

अर्थात

दय छु इन्सानस पऻदॖ कऺरिथ रीज़िख ति सॗत्य दिवान तमि पतॖ छुस मोत पतॖ ब्यॆयि तुलिथ निवान। यानि युस ज़ाव तस छु आसान मरुन। यि दुनिया छु शहरुक युन तॖ गछ़ुन, रोज़वुन छु नॖ कॆंह। रोज़वॖन्य छि इन्सान सॖन्ज़ नीकी तॖ बदी अमि खऻतरॖ पज़ि असि यमि दुनिया दय लोल मनि ललविथ यॊतान्य पिलि तॊतान्य तिहॖन्ज़ॖ वतॖ छ़ारनॖच कूशिश जऻरी थवॖन्य।

**************************

********

1. खाह डूर (Part of a land)

2. खऻज़ (Invisible insect found in ponds which causes skin disease)

3. खेल (Grass that grows in water only)

4. खप खानॖ (Noisy place)

5. खपचॖ (Pieces)

मुहावरॖ

1. मु: लॊट नय आसि लछ़ुल

गन्डॖनस

अ: अपुज़ इलज़ाम लागुन,या,

हांछ़ खारॖन्य

2. मु: लूकॖ हुन्द कऺतिथ न्यथॖनॊन

पान

अ: मॆहन्तस नॖ फल

3. मु: लूकॖ मॊत गव अनिगॊट

अ: आवाज़ि ख़लक गव नक़ार

ख़्वदा,या, जमगठस छू नॖ

कांह जवाब

(पनॖन्य शुर्य ह्यॆछॖनऻव्यूख)

**************************

पंचान्ग :- राथ वुछ असि ज़ि सान्यन धार्मिक किताबन मंज़ सान्यव ऋश्यव मुनियव दऺस्य वऺन्यमॖत्य मंत्रन मंज़ कऻच़ाह शक्ति छि रूज़मॖच़ तॖ कम कम ब्यमारि आसॖ यिवान ठीख करनॖ मंत्र उच्चारण करनॖ सॗत्य। नवन ग्रहन हुन्द्य मंत्र ति छि आमॖत्य वनॖनॖ। वऺलिव वुछव तिम मंत्र छि क्याह -

1.सूर्य (SUN)

ग्रहाणाम-आदिर्-आदित्यो- लोकरक्षण-कारक:।

विषमस्थान-सम्भूतां-पीडां-हरतु-मे रवि:

2. चन्द्र (MOON)

रोहिणिशा: सुधामूर्ति: सुधागात्र: सूधाशन:।

विषमस्थान-सम्भूतां-पीडां-हरतु- मे बिधु:

3. भौम (MARS)

भूमिपुत्रो महातेजो जगतां भयकृतसदा

वृष्टिकृद्-वृष्टिहर्ता च पीडां हरतु में कुज:

4. बुध (MERCURY)

उत्पातरूपो जगतां चन्द्र पुत्रो महाद्युति:।

सूर्यप्रिय करो विद्वान्-पीडां हरतु मे बुधा:

5. बृह्स्पति (JUPITER)

देवमन्त्री विशालाक्ष: सदा लोकहिते रत:।

अनेक शिष्यसम्पूर्ण: पीडां हरतु मे गुरु:

6. शुक्र (VENUS)

दैत्यमन्त्री गुरुस्तेषां प्राणदश्च महामति:।

प्रभुस्तारा ग्रहाणां च पीडां हरतु मे भृगु:

7. शनि (SATURN)

सूर्यपुत्रो दीर्घदेहो विशालाक्ष: शिवप्रिय:।

मन्दाचार: प्रसन्नात्मा पीडां हरतु मे शनि:

8. राहु (RAHU)

महाशिरो महावक्त्रो दीर्घदंष्ट्रो महाबल:।

अतुनश्चोध्रवकेशश्च पीडां हरतु मे शिखी

9. केतु (KETU)

अनेक-रूप-वर्णश्च शतशोथ सहस्रश:।

उत्पादरूपो जगतां पीडां हरतु मे तम:।।

पानॖ पऺरिव तॖ पनॖन्यन शुर्यन परनऻविव तॖ महसूस कऺरिव यिमन मंत्रन हुन्द प्रभाव। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

*त्रिवेणी* प्रोग्रामस मंज़ कऺरिव शिरकत 12, 13 तॖ 14 अप्रैल 2021

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक यि म्योन सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Tuesday, March 23, 2021

24.03.2021

24.03.2021, फाल्गुन (फाल्गुन) ज़ूनॖ पछॖ (शुक्ल पक्ष) दऺहम (देवादेव) (दशमी) (देवादेव) ब्वदवार (बुद्धवार) श्री सप्तर्षि सम्वत 5096,नक्षत्र तिष्य राश कर्कट (चलान) ऋतु बसंत (चलान)

**************************

महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वाहा स्वधा नमोस्तुते

**************************

नुंदॖ रॆशॖन्य श्रुक्य

लूबस तॖ मुहस द्युतुथ रज़ा

क्रूल प्यठ च़ॆय वुदॖ तॖ हाय

पांछ़ वख नॆमाज़ कऺरॖथ कज़ा

तवुक सज़ा दियी ख्वदाय

अर्थात

लूबस तॖ मुहस फऺटिथ बॊरुथ यथ संसऻर्य लोल। हंगस क्रूल खऻरिथ बासी तमॖन्य फश। याने संशय रूप हाय यियि मथनॖ मनस, यॊद दय मऺशरुथन। मगर पांछ़ वख नॆमाज़ परॖन्य मऺशरनॖ किन्य दियिय तम्युक सज़ा पनॖनि वख्तॖ पानय दय।

**************************

**********

1. खाल कांह (Hardly anyone/Uncommon/Scarce)

2. खासॖर (Skull/Head)

3. खासॖर वालॖन्य (To beat)

4. खालुन/ख़ारुन (To raise/To lift/To build)

5. खान्ठ/खांन्ठ (Slice/A part/A piece/A bit)

मुहावरॖ

1. मु: ल्यॊल वुकुर तॖ दॊल त्रकुर

अ: प्रथ कुनि तऺरीकॖ बे-रब्द

आसुन मगर टेंठ नॖ त्रावॖन्य

2. मु: लूकॖ हॖन्ज़ॖ गाव मनसावॖन्य

अ: ब्यॆयि सुन्द खर्च कऺरिथ

पनुन बजर थ्यकॖनावुन

3. मु: लूरान सऻरी लदान नॖ कांह

अ: दकॖ दकॖ द्युन अथॖ नॖ

शॆहलावुन

(पनॖन्य शुर्य ह्यॆछॖनऻव्यूख)

**************************

पंचान्ग:- पथ कुन वुछ असि हफतॖक्यन दॊहन तॖ ऱयतन हॖन्द्य नाव कऻशिर ज़बऻन्य मंज़। सॗती वुछ असि सतोवुह नक्षत्रन हॖद्य नाव तॖ ब्यॆयि वुछ असि बाह रऻश्यन हॖन्द्य नाव। सानि शास्त्रॖ मुतऻबिक छि असि कॆंह ग्रह ति आसान यिम सऻनिस ज़िन्दॖ पानस प्यठ दपान जान या नाकारॖ असर ति छि त्रावान रोज़ान। यिमन ग्रहन हॖन्द्य नाव छि यिथ पऻंठ्य -

1. सूर्या/रवि (Sun) 2. चन्द्र (Moon)3. बोम्म/ मंगल/कुजा (Mars) 4. ब्वध (Mercury) 5. ब्रहस्पति/गुरु (Jupiter) 6. शुक्र (Venus 7. शनि (Saturn) 8. राहु (Rahu)9. केतु Ketu)- ब्रॆक्टस मंज़ छि हऻविथ यिमन ग्रहन हॖन्द्य नाव अंग़्रीज़ ज़बऻन्य मंज़) राहू तॖ केतु दपान छि ज़ॖ छाया ग्रह याने तिम छिनॖ बकाया सतन ग्रहन हॖन्द्य पऻठ्य कुनि शकॖलि मंज़ नज़र यिवान। ज्योतिष विद्याय हिसाबॖ छु यिमन ग्रहन स्यठाह महत्व यिवान दिनॖ यॆलि ज़ातुक या ट्यॆकिन्य छि आसान मिलनावॖन्य या कुनि सातस वातस प्यठ। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

*त्रिवऻणी* 12, 13 तॖ 14 अप्रैल 2021 छि त्रॆ द्वह यिम जे के विचार मंच मनावि बडॖ जोश ख़रोशॖ सान याने नवरॆह द्वह कालॖ, नवरॆह द्वह तॖ नवरॆह द्वह पगाह ति। यिम त्र्यनवय द्वह यिन मनावनॖ श्री श्रीभट्टॖ, नवरेह तॖ ललितादित्य सॖन्दिस सम्मानस मंज़। त्वहि छि व्यनती अथ प्रोग्रामस मंज़ शुर्य बऻच़ ह्यथ शिरकथ कऺरिथ त्रिवऻणी यादगार बनावॖन्य।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव यि म्योन सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Monday, March 22, 2021

23.03.2021

23.03.2021, फाल्गुन (फाल्गुन) ज़ूनॖ पछॖ (शुक्ल पक्ष) नवम (देवादेव) (नवमी) (देवादेव) बॊम्वार (मंगलवार) श्री सप्तर्षि सम्वत 5096,नक्षत्र पुर्न, राश कर्कट (दुहॖचि 4.29 बजि प्यठॖ) ऋतु बसंत (चलान)

**************************

महामऻरी नाश - मंत्र

**************************

नुंदॖ रॆशॖन्य श्रुक्य

क्या करि दन्दॖ रॊस डूनिस

क्या करि रऺनिस तीर कमान

क्या करि म्वख्तॖहार हूनिस

क्या करि ॳनिस परमान

अर्थात

दन्दॖ रॊसतिस डून, रऺनिस तीर कमान, हूनिस म्वख्तॖहार, ॳनिस पदमान (अछ़रछ़) ब्रोंहंकनि थवुन छु सोरुय तिहॖन्दि बापथ बे-मतलब तॗ बे-मकसद।

**************************

**********

1. खारॖबऺठ (Furnace)

2. खारॖ (A longing/An ardent desire)

3. खारॖट (Mare/An impulse/Cupidity)

4. खारुक (Horse)

5. खारुन (Raise/To climb/To be entered in a book)

मुहावरॖ

1. मु: लीखिथ गव ज़ि ह्वखिथ

गव

अ: यि तहरीरस मंज़ आव, तथ

नॖ पतॖ क़लम च़ानुन, या,

तहरीर मिटावुन छु मुश्किल

2. मु: ल्येखि मोसी तॖ परि ख्वदा

अ: तथ तहरीरस मुतलक

यिवान वनॖनॖ युस नॖ कांह

पऺर्यथॖय ह्यॆकि

3. मु: ल्यॆजि नॖ वय परगनस साल

अ: बोज़ शोज़ नॖ आसुन, या,

अपुज़ बजर हावुन, या,

गुर्बथ छॆनॖ ह्यकान बऺड्य दब

च़ऻलिथ

(पनॖन्य शुर्य ह्यॆछॖनऻव्यूख)

**************************

पंचान्ग:- यीरवॖन्य नाव तॖ चीरवुन दॊल, ॳड्य पकान स्यॊद तॖ ॳड्य पकान हॊल। तऻजबॖच कथ छि यि ज़ि स्वामी कुमार जी सुन्द वीडियो सूज़ कऺम्यताम बख्तॖबऺड्य यथ मंज़ म्यॆ वुछ कुमार जी द्वशवय जंत्री पानस ब्रोंहकनि थऻविथ चीरि त्रावान यि वुछनॖ बापथ ज़ि तीलॖ ॴठम व्वत्सव मनावॖवॖ सतम द्वह किनॖ ॴठम द्वह। कऺमिस तान्य लऺडकस अथि तुलनोवुन काग़ज़ परचि, मुच़रावनोवुन तॖ परनोवुन। तऺम्य पॊर सतम तॖ कुमार जीयन दपान मनऻव तीलॖ ॴठम सतम दुहुय याने सान्यन ज्योतिष्यन हुन्द व्यकार गव यूत ब्वन वऺसिथ ज़ि असि कर छि व्वंय पनॖन्य बंड्य द्वह तॖ लूक्य द्वह मनावॖन्य तमि बापथ यिन ब्रोंहकुन चीरि त्रावनॖ अदॖ ह्यकव ॳस्य फऻसलॖ कऺरिथ ज़ि सऺही द्वह कुस छु असि व्वत्सव मनावनॖ बापथ। वाकऺयि छि सानि समाजि बापथ यि अख शर्मसार कथ। अगर सऻन्य यिम नामावार संत चीरि त्रऻविथ तय करन ज़ि यि छा पॊज़ किनॖ हु छु पॊज़ त्यॆलि छु असि ख्वदा हऻफिज़। असि पज़न नॖ व्वंय जंत्री गरॖ अनॖने बऺल्कि प्रऻन्य पऻठ्य पज़ि वुछन असि ज़ि थाफ कॊत ताम वोत तॖ क्याह वख्त आसि आमुत या शामन ज़ून कॊत ताम वऻच़ तॆलि ख्यमव फाकॖ बत्तॖ वगैरा। ब्रह्मण ति रूद्य नॖ, ज्योतिष्यिन नॖ कुनी कथ, संतन ति संशय। नकली ब्रह्मण, नक़ली च़ामन, नक़ली ग्यव, नकली संत तॖ नक़ली माय, नक़ली रिश्तॖ, नकली आच़ार व्यच़ार। असि त्यॆलि व्वंय क्याह बकार तॖ कऺमिस प्यठ विश्वास करुन।, वऺलिव करव अथ प्यठ हना सोच विचार। हेरच़ व्वत्सवस वोत राथ वारॖकारॖ अंद। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

*त्रॖवेणी* छु त्र्यन दॊहन हुन्द प्रोग्राम युस रोज़ि बाह, त्रुवाह तॖ च़्वदह अप्रैल ज़ॖ सास तॖ अक्वुह। तॊह्य सारिनी छि व्यनती यिवान करनॖ ज़ि कऺरिव शिरकथ शुर्यकऺट्य ह्यथ तॖ ज़ऻनिव पनुन प्वतकाल तॖ पऻर्यज़ान कऺरिव पनॖन्य महा प्वरुषन सॗत्य।

**************************

कऻशुर ह्यॆछव कऻशुर परव

कऻशिर पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक म्योन यि सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Sunday, March 21, 2021

22.03.2021

22.03.2021 फाल्गुन (फाल्गुन) ज़ूनॖ पछॖ (शुक्ल पक्ष) ॴठम (देवादेव) (अष्टमी) (देवादेव) च़ऺन्दॖरवार (सोमवार) श्री सप्तर्षि सम्वत 5096, नक्षत्र आर्द्र, राश मिथुन (चलान) ऋतु बसंत (चलान)...अज़ छि तीलॖ ॴठम ति

**************************

महामऻरी नाश - मंत्र

**************************

नुंदॖ रॆशॖन्य श्रुक्य

कऻव्य खॆयि गूज कान सतॖतिस

पंथस मुरुन कन्दे

ब्रारि हुन्द लोलऺर प्यव क्वकर पूतिस

उतनॖ बलाय तुतिस द्वन्दै

अर्थात

पनॖनि लक्ष्य निश यॊद इन्सान डलि, तस सपदि ब्रम तॖ ह्यॆयि ओरॖ योर थपॖ दिन्य। यिथॖ काव खॆयि गोजि कान, सतॖथ्य पूतिस मुरन कलॖ तिथ छि ब्रऻर पनॖन्य यड बरनॖ खऻतरॖ क्वकर पूतिस मऻरिथ ख्यवान। उतनि बलाय तुत लगुन छु द्वन्द संसारुक

**************************

**********

1. खापॖर (Skull)

2. खातॖ (Account/A Day Book/A register/A ledger)

3. खाद (Manure)

4. खार (Blacksmith)

5. खारॖबाय (Blacksmith's wife/Lady blacksmith)

मुहावरॖ

1. मु: ल्यख छा थ्वख ज़ि लऻरिथ

गछ़ि

अ: ल्यॆकि क्या खॊच़ुन, या,

बद कामि छॆनॖ वज़नदार

आसान

2. मु: ल्यॆकी तुलुन तॖ ल्यॆकी

बॆहनावुन

अ: कऻन्सि प्रथ विज़ि बेज़ती

करॖन्य

3. मु: ल्यॆजि ति च़ूरॖय गजि ति

च़ूरॖय

अ: यॆलि सऻरी बे-ईमान आसन

(पनॖन्य शुर्य ह्यॆछॖनऻव्यूख)

**************************

पंचान्ग:- तीलॖ ॴठम छि अज़। 1990-तॖ प्यठॖ वुन्यखताम यिम ति शुर्य सान्यन गरन मंज़ पऻदॖ सपद्यॆयि म्यॆ छु नॖ बासान तिमन सारिनी शुर्यन आसि पताह ज़ि ॳज़्युक यि द्वह याने तीलॖ ॴठम किथॖ पऻठ्य ॴस्य कऻशिर्य बटॖ कऺशीरि मंज़ मनावान। हालांकि कॆंच़न शुर्यन मा आसि वॊनॖमुत तिहॖन्द्यव ज़िठ्यव यथ दॊहस मुतलक मगर यॊत ताम नॖ सु शुर पानॖ मनावि यि द्वह असली अंदाज़स मंज़ तॊत ताम तरि नॖ तऺमिस फिकिरी यि तीलॖ ॴठम क्याज़ि, किथॖ पऻठ्य तॖ कथ छि वनान। यॊदवय द्वयत्रॖह वऺरी त्रऻव्य असि पथ कुन मगर यान्य यि द्वह यिवान छु हेरच़ पतॖ, कऺशीर छि ॳछन ब्रोंहकनि नज़र यिवान। याद छि तिम द्वह प्यवान यॆलि ॳस्य ॴस्य यारॖबलन प्यठ जमाह गछ़ान कांगरि ख्वर ह्यॆय ह्यॆय, क्रॆंजलि ख्वर ह्यॆय ह्यॆय तॖ तिमन मंज़ ह्वख गासॖ बऺर्य बऺर्य। गासॖव ज़ीठ रज़ ॴस यिवान बनावनॖ यॆमुक अख अंद ॴस्य गन्डान कांगरि या क्रॆंजलि ख्वरस तॖ रज़ि हुन्द दॊयिम अंद ओस रोज़ान चलावन वऻल्य सॖन्दिस अथन मंज़। गंदख तुजि सॗत्य ओस यिवान छ़ॖख दिनॖ अथ गासस युस बरनॖ ओस आसान आमुत कांगरि या क्रॆन्जलि ख्वरन मंज़। नारॖ ब्रॆह ॴस याम न्यॆरान तॖ यि शखॖस ओस नच़ॖनावान यि रज़ि गऺन्डिथ कांगरि ख्वर या क्रॆन्जलि ख्वर पनॖनिस कलस ॳन्द्य ॳन्द्य तॖ यि शखॖस ओस क्रकॖनाद लायाना तॖ वनान रोज़ान जतॗं तॗं जतॗं तॗं तऺथ्य वाज़ि सॗत्य य्यॊस आवाज़ दज़वॖनि कांग्रि या क्रॆन्जलि ख्वरॖ मंज़ॖ नेरान ॴस। ब्यॆयि ॴस्य अज़ च़ऻन्ग्य यिवान ज़ालनॖ तॖ तिमय व्यतस्तायि याने व्यथि मंज़ यिवान त्रावनॖ। हे भगवान! क्याह नज़ारॖ ओस आसान। व्यथ ॴस च़ऻन्ग्य गाशॖ सॗत्य शोलॖ मारान। यिहऻय याद छि वुनि ति असि अंदॖर्य अंदॖर्य गतॖ ग्यूर तुलान मनस तॖ कऺशीर छि याद प्यवान फीर्य फीर्य। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

जे के विचार मंच संस्थायि तरफॖ यी युहुस नवरेह व्वत्सवस प्यठ त्र्यन दोहन हुन्द अख ख़ास प्रोग्राम मनावनॖ यथ नाव छु *त्रिवेणी*

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव म्योन यि ॳज़्युक सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Saturday, March 20, 2021

21.03.2021

21.03.2021 फाल्गुन (फाल्गुन) ज़ूनॖ पछॖ (शुक्ल पक्ष) सतम (देवादॆव) (सप्तमी) (देवादेव) आथवार (रविवार/ऐतवार) श्री सप्तर्षि सम्वत 5096 नक्षत्र मृग, राश मिथुन (सुबहॖचॖ 6.8 बजि प्यठॖ), ऋतु बसंत (चलान)...अज़ छि दॊयिम सतम...रातुक वॊहरवोद यी अज़

**************************

महामऻरी नाश - मंत्र

**************************

नुंदॖ रॆशॖन्य श्रुक्य

पानय पानस पाफ न्यवारे

युस नुंदॖ संज़ुन दॊप हॆये

दॖयि वऺसिथ छुय अपोर तरुन

अख कारन तॖ ब्यॆयि क्रॆये

अर्थात

युस नुंदॖ रॆश्य सऻबॖन्यनन श्रुक्यन ज़ानि सु ह्यॆकि पऻन्य पानय पनॖन्य पाफ न्यवऻरिथ। कारन तॖ क्रॆय छु व्यवहारुक हीतू। दयस (कारन) सॗत्य ध्यानस मंज़ रूज़िथ रॖत्यव कर्मव ह्यॆकि दॖय दूर सपदिथ। यॆमिकिन्य सारिनॖय मंज़ कुन दय डींशिथ तरि ज़ीव अपोर

**************************

*********

1. कऻर (Neck)

2. काच़ुर (A brown haired person)

3. काच़ॖ ज़ून (An early moon)

4. कातुर (Mule)

5. कऻच़ (A pair of big scissors)

मुहावरॖ

1. मु: म्वकॖदमस पतॖ नय

फ्वकॖदम आसि, गामस

तुलि शामस ताम

अ: प्रथ कऻन्सि छु पनॖनि ख्वतॖ

बॊड पतॖ आसान, या,

हऻक्यमस ति गछ़ि प्यठॖ

हऻकिम आसुन

2. मु: म्वर्दस वदान बिहिथ

रीज़कस वदान वॊदॖन्य

अ: बत्तॖ कमावुन छु मरनॖ

ख्वतॖ मुश्किल, या,मातम

ति छु द्वख तॖ ज़्येनुन ति

छु मुश्किल

3. मु: मत्यव अनेये न्वश स्व ति

द्रायि मऺच़ॖय

अ: सिनिस छु ह्युवुय समखान

(पनॖन्य शुर्य ह्यॆछॖनऻव्यूख)

**************************

पंचान्ग:- ब्यॆयि सुय दु-च़्यॊत, ब्यॆयि सुय संशय, ब्यॆयि सॊय वनन, ब्यॆयि सॊय काहन रऻवमॖच़ गाव। यि छा पॊज़ वनान किनॖ हु छु पॊज़ वनान। ब्यॆयि सॊय समस्या, ब्यॆयि सॊय प्रॖछ़गऻर ॳकिस ब्यॆयिस। कुस करि फऻसलॖ? कऺमिसुन्द मानव ॳस्य सऺही। पानस असि ज़्यादॖ ज्ञान छु नॖ, बऺहस ॳस्य कऺरिथ ह्यकव नॖ। करुन हय छु तॖ करुन असि छु क्याह? जंत्री क्वस हिश छि अंसि पानॖनावॖन्य? द्वन ख़यालन प्यठ छि ॳस्य व्वदॖन्य। क्वत गऺयि तिम ज्यॊतिषार्य यिहुन्द वनुन ज़न ओस भगवान सुन्द फर्मान आसान। कलॖ ॴस्य नॖ फिरान तिहॖन्दिस वनॖनस। मगर अज़ छि असि पऺज़्य पऻठ्य तिहॖन्ज़ व्यछ़य बासान। पनॖन्यन रीच़न ऱयवाजन प्यठ ह्यॊतुन असि विश्वास छ़ॊकुन ह्यु। सवाल छु अज़ तीलॖ ॴठम हुन्द, राथ ओस हेरऺच़ हुन्द, ऊत्रॖ ओस ज़र्मसतम हुन्द वगैरा वगैरा। ओंकारनाथॖन्य जंत्री छि हावान तीलॖ ॴठम ॳज़्य याने सतम दुहुय मगर पुनीत जी छु पनॖनि जंत्री मंज़ तीलॖ ॴठम हावान पगाह याने ॴठम द्वह। अज़ छुय ब्यगाह व्वंय यू पगाह कर्ज़दारो। ओंकारनाथ जी छु वनान यि म्यॆ होवमुत छु जंत्री मंज़ सुय छु सऺही तॖ हुपऻर्य छु पुनीत जी वनान ज़ि म्यानि जंत्री मंज़ छु बिल्कुल सऺही गणित आसान। असि छि द्वशवय सऺही बासान ति क्याज़ि यि गणित छु यिमनॖय द्वन निश क्याज़िकि यिमय ज़ॖ छि ब्यॊन ब्यॊन जंत्री असि ताम वातनावान। ॳस्य आयि यिमन द्वन हॖन्ज़ि पानॖवॖन्य लडायि मंज़ खामॖखा ह्यनॖ। न छु योर गछ़ॖनस वार तॖ न छु होर गछ़नस वार। नतीजि छु यि नेरान ज़ि ॳस्य छि ॳड्य कालॖ मनावान तॖ ॳड्य पगाह। करव हय तॖ करव क्याह। ब्रह्मणन हॖन्ज़ व्यछ़य ॴसॖय ॴस असि, व्वंय प्यॆयि ज्योतिष्यन हॖन्ज़ ति व्यछ़य। यूत म्योन यि रामायण बूज़िथ कऺरिव व्वंय तॊह्य पानय फऻसलॖ ज़ि त्वहि करुन क्याह छु। ॳस्य सऻरी छि व्वंय आज़ाद पऺरिन्दॖ, यपऻर्य मन करि तपऻर्य वुडव।असि छु अब ति टोठ बब ति टोठ। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव म्योन यि ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ koshursabak.blogspot.com प्यठॖ ति)

Friday, March 19, 2021

20.03.2021

20.03.2021, फाल्गुन (फाल्गुन) ज़ूनॖ पछॖ (शुक्ल पक्ष) सतम (सप्तमी) बटॖवार (शनिवार/शनिश्चरवार),श्री सप्तर्षि सम्वत 5096, नक्षत्र रोहि, राश वृष (चलान) ऋतु बसंत (चलान)..चूंकि सतम छि ज़ॖ गछ़ान ॳज़्युक वॊहरवोद यी पगाह याने 21 मार्च तॖ आथवारि द्वह

**************************

महामऻरी नाश - मंत्र

**************************

नुंदॖ रॆशॖन्य श्रुक्य

बुगि च़्यॆति कल गऺयी म्यऻनी

गोसय बॖ गऺल्य गऺल्य च़ऺमिथ कथ

अवॖ व्वंन्य बॖ ति कल त्रावनॖ च्यऻनी

याम हऻन्कल गछ़्यम च़ऺमिथ कथ

अर्थात

संशय सॗत्य गनेयि म्यऻनिस मनस म्यऻन्य कल। याने तस गव अहंबाव मगर हीनॖ बाव युथ फ्यूरुस बॖ दयस कुन। दय गन्डस तल रूज़िथ गनेयम तसॖन्ज़ कल तॖ कॊरुम तऺहिया तिहुन्द दामन रटनुक

**************************

*********

1. कारुन (To boil)

2. कारतूस (Bullet)

3. कार्टून (Cartoon)

4. कारवान् (Company of travellers/Caravan)

5. कऻर्यगर (Craftsman/Artisan/Skilled labourer/Skillful/Expert)

मुहावरॖ

1. मु: म्वगुल डींशिथ गछ़ि फ़ार्सी

फोरुन

अ: ज़ऻन्यकारस थी गछ़ि

तगॖन्य कथ करॖन्य

2. मु: मोल मऻज्य गऺयि कऻज़्य

ॳकिस रऻज़्य तॖ ब्यॆयिस

बऻज़्य

अ: मोल मऻज्य छिनॖ ह्यकान

सारिनी शुर्यन अकी नज़रि

वुछिथ

3. मु: मऻजी व्वरुद क्युथ, बेछनॖ

ख्वतॖ स्यठाह रुत

अ: कॆंह नॖ आसनॖ ख्वतॖ छु कॆंह

आसुन जान

(पनॖन्य शुर्य ह्यॆछॖनऻव्यूख)

**************************

पंचान्ग:- राथ वुछ्य असि पंचान्गॖ हिसाबॖ सतोवुह नक्षत्रण हॖन्द्य नाव। पांछ़ नक्षत्र छि यिमन नक्षत्रन मंज़ तिम यिमन द्वहन द्रठॖपऻन्च़ुक रोज़ान छु। तिमन नक्षत्रण हॖन्द्य नाव छि - 1. धनिष्ठा 2. शतभिषक 3. पूर्वाभाद्रपदा 4. उत्तराभाद्रपदा तॖ 5. रेवती - अमि अलावॖ छि कॆंह नक्षत्र सफ़रस प्यठ गछ़नॖ बापथ श्वब याने जान यिवान मानॖनॖ। तिमन हॖन्द्य नाव छि - अश्वनी, पुनर्वस, अनुराधा, तिष्या, मृगशिर, रेवती, हस्त तॖ धनिष्ठा - कॆंह नक्षत्र छि तिम यिम सफ़रस गछ़नॖ बापथ निषेध याने अश्वब याने नाकारॖ यिवान छि मानॖनॖ। तिमन हॖन्द्य नाव छि - भरनी, कृतिका, आर्द्रा, आश्लेशा, मघा, चित्रा, स्वाति तॖ विशाखा - पंचान्गॖ हिसाबॖ छि कॆंह तिम नक्षत्र ति यिम न श्वब छि ज़्यादॖ तॖ न छि अश्वब ज़्यादॖ याने यिम नक्षत्र छि मध्यम स्थानॖक्य मानॖनॖ यिवान। यिमन हॖन्द्य नाव छि - रोहिनी, उत्तराफाल्गुनी, उत्तराषाढा, पूर्वाषाढा, उत्तरभाद्रपदा, ज्येष्ठा, मूला तॖ शतभिषक - यॊदवय कऻन्सि सफ़रस गछ़ुन छु आसान ज़रूरी तॖ नक्षत्र छु नॖ श्वब आसान, तथ सूरतस मंज़ छि अख विधि यॆमि मुतऻबिक प्रस्थान छु यिवान कडनॖ अख द्वह ब्रोंठ। तमि सॗत्य दपान ख़राब वखॖत छु टलान तॖ सफ़र छु सफलता पूर्वक मुक्कमल सपदान। महूर्त याने साथ वुछनॖ बापथ ति छु नक्षत्रणन प्यठ यिवान विश्वास करनॖ। सानि पंचान्गॖ हिसाबॖ छि कुल बाह रऻश आमॖच़ मानॖनॖ। प्रथ ॳकिस ज़ीवस छि अख राश रोज़ान ज़्यनॖ प्यठॖ मरनस ताम। यिमन बाहन राश्यन हॖन्द्य नाव छि यिथॖ पऻठ्य - 1. मेष (Aries) 2. वृष (Taurus)3. मिथुन (Gemini) 4. कर्कट (Cancer) 5. सिंह (Leo) 6. कन्या (Virgo)7. तुला (Libra) 8. वृश्चिक (Scorpio) 9. धनु Sagittarius) 10. मकर Capricorn) 11. कुम्भ (Aquarius) 12. मीन (Pisces) - यिमन राश्यन सॗत्य ब्रेक्यटस मंज़ छि अंग्रीज़ ज़बऻन्य मंज़ नाव आमॖत्य हावनॖ। सान्यन शुर्यन पज़ि यिमन राश्यन हॖन्ज़ ज़ऻन्यकऻरी थवॖन्य। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक यि म्योन सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Thursday, March 18, 2021

19.03.2021

19.03.2021, फाल्गुन (फाल्गुन) ज़ूनॖ पछॖ (शुक्ल पक्ष) शॆयम (षष्ठी) शॊकुरवार (शुक्रवार/जुम्मा/भार्गवार),श्री सप्तर्षि सम्वत 5096, नक्षत्र कृति, राश वृष (चलान) ऋतु बसंत (चलान)...अज़ छि कुमार शॆयम (कुमार षष्ठी) ति

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव।

**************************

महामऻरी नाश - मंत्र

**************************

नुंदॖ रॆशॖन्य श्रुक्य

कॆंच़न द्युतुख यॊत क्या तॊतो

कॆंच़न यॆति नतॖ तॊतुय हाव

कॆंच़न द्युतुख लालुक त्रोटो

कॆंच़न गाशि मंज़ गॊटुय गव

अर्थात

दय सॖन्ज़ि दयगऺच़ किन्य रूद्य यितॖ गछ़ि बंदनन मंज़ कॆंह आवॖर्य। कॆंच़व प्रोव मूख्य दाम। कॆंच़न छ़ॖनिन लालन हॖन्ज़ त्रठा प्यठय फिरिथ, मगर कॆंच़न गव गाश मंज़ अनिगॊट

**************************

*********

1. कारकुन (Worker/An agent)

2. कारगर (Effective/Efficacious/Active)

3. कारनामॖ (Deed/Heroic deed)

4. कारिन्द (Worker/Agent/Representative)

5. कारण (Reason/Cause/Purpose/Means/Motive/Action)

मुहावरॖ

1. मु: मोतस तॖ क़ब्रि छु हिसाब

अ: हिसाब छु प्रथ कामि तॖ

चीज़स

2. मु: मॊत च़ाव पॊत दारि क्वलय

ह्यथ अटॖबारि

अ: रनि हुन्द मऻर्यमॊत छु

इन्सानस क्वफेल

करनावान

3. मु: मुडस ज्ञान द्युन गव ख़रस

गोर आपरावुन

अ: कम अकॖल छु नॖ गाटॖजारॖच

कथ समजिथ ह्यकान

(पनॖन्य शुर्य ह्यॆछॖनऻव्यूख)

**************************

पंचान्ग:- राथ ताम ह्यॆछ असि हफतॖक्यन सतन दॊहन हॖन्द्य नाव तॖ वऺर्यिक्य बाहन ऱयतन हॖन्द्य नाव कऻशिर्य ज़बऻन्य मंज़। सानि ज़ऻच़ मंज़ छि ट्यॆक्यन्यन तॖ ज़ातकन मंज़ नक्षत्रन हुन्द स्यठाह प्रभाव रोज़ान तॖ सॗती छि सान्यन राशियन हुन्द ति महत्वपूर्ण योगदान रोज़ान सऻनिस जीवन कालस मंज़। यॆलि सोन शुर ज़न्मस यिवान छु यथ संसारस मंज़, ज़ॖ च़ोर चीज़ छि यिवान न्यॆचिपऺतरि हिसाबॖ वुछनॖ, यानि थनॖ प्यनुक माने ज़्यनॖ वख्तुक समय, तमि वख्तॖ कुस नक्षत्र कथ दिशाय मंज़ छु आसान, तमि दुहॖच्य राश क्या छि आसान, तिथि क्याह छु आसान वगैरा वगैरा। यिम चीज़ मद्य नज़र थऺविथ छु सानि बापथ ज़रूरी बनान ज़ि असि सारिनी पज़ि ज़ऻन्यकऻरी थवॖन्य यिमन चीज़न हॖन्ज़। नक्षत्र तॖ रऻश हुन्द प्रयोग छु सानि ज़ऻच़ मंज़ ब्यॆयि ति वारिहान मोक़न प्यठ यिवान करनॖ विज़ि विज़ि। मसलन ट्यॆकिन मिलाप वख्तॖ, सफ़रस गछ़नॖ वख्तॖ, खान्दरन प्यठ, द्रठॖपऻन्च़ुक वुछन बापथ, सूर्य अस्त, ब्रहस्पत अस्त, वगैरा वगैरा। वऺलिव अज़ वुछव ॳस्य सऻनिस पंचान्गस मंज़ यिमन नक्षत्रण हॖन्द्य नाव कऻशिर्य ज़बऻन्य मंज़। यिम छि कुल सतोवुह नक्षत्र आमॖत्य मानॖनॖ। यिहॖन्द्य नाव छि यिथ पऻंठ्य - 1. आश्वनी (अश्वि) 2.भरणी (भर) 3. कृतिका (कृति) 4. रोहिणी (रोहि) 5. मृगशिरा (मृग) 6. आर्द्रा (आर्द्र) 7. पुनर्वस (पुर्न) 8. तिष्या (तिष्य) 9. आश्लेषा (आश्ले)10. मघा (मघा) 11. पूर्वाफाल्गुनी (पूफा) 12. उत्तराफाल्गुनी (उफा) 13. हस्त (स्स्त) 14. चित्रा (चित्र) 15. स्वाती (स्वाति) 16. विशाखा (विशा) 17. अनुराधा (अनू)18. ज्येष्ठा (ज्येष्ठ) 19. मूला (मूल) 20. पूर्वाषाढा (पूषा) 21. उत्तराषाढा (उषा) 22. श्रवण (श्रव) 23. धनिष्ठा (धनि) 24. शतभिषक (शत) 25. पूर्वभाद्रपदा (पूभा) 26. उत्तराभाद्रपदा (उभा) 27. रेवती (रेव) - यिमन सतोवुहन नक्षत्रण मंज़ छि पांछ़ तिम नक्षत्र यिमन दॊहन द्रठॖपऻन्च़ुक रोज़ान छु तॖ कॆंह नक्षत्र छि यिवान यात्रायि खऻतरॖ श्वब यानि जान मानॖनॖ तॖ कॆंह अश्वब यानि ख़राब। सानि जंत्री मंज़ छि यिम नक्षत्र पनॖनिस खानस मंज़ छ़ॊटॖ नावॖ सॗत्य आमॖत्य हावन। तिम छ़ॊट्य नाव छि हॆरिकनि नक्षत्रन सॗत्य ब्रॆक्यटस मंज़ म्यॆ हावनॖच कूशिश कऺरमॖच़। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक यि म्योन सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com ति)

Wednesday, March 17, 2021

18.03.2021

18.03.2021, फाल्गुन (फाल्गुन) ज़ूनॖ पछॖ (शुक्ल पक्ष) पऻन्च़म (पऺचमी) ब्रसवार (ब्रहस्पतिवार/गुरुवार/वीरवार),श्री सप्तर्षि सम्वत 5096, नक्षत्र भर, राश वृष (दुहचि 5.21 बजि प्यठॖ) ऋतु बसंत (चलान)

**************************

महामऻरी नाश - मंत्र

**************************

नुंदॖ रॆशॖन्य श्रुक्य

यॆति ति म्यॆच़ॖय तति ति म्यॆच़ॖय

म्यॆच़े करतम गुलज़ार

सोरुय त्रऻविथ रॊटुख म्यॆ च़ॖय

म्यॆ च़ॖय हावतम दीदार

अर्थात

यॆरिलूक्य ति छु ख़वदा परि लूकस मंज़ ति छु तऺम्यसॖय निश वातुन। युस इन्सान सोरुय मऺशरिथ तस दयस ज़िकरि तॖ फिकरि याद करि तस हावि सु पनुन दीदार।

**************************

*********

1. कारखानॖ (Factory/Mill/System/Business)

2. कारदार (Manager/Officer/Incharge)

3. कारवऻई (Action/Trial/Proceedings)

4. कारसाज़ (Helper/God)

5. कारगर्दगी (Work performance/Out put/Efficiency)

मुहावरॖ

1. मु: म्वय ति यॆती तॖ म्वयखानॖ

ति यॆती

अ: प्रथ कांह चीज़ मॊय्यसर

आसुन

2. मु: म्वॊंगॖ खार ख्यथ ति फाकय

अ: ना शुकुर गुज़ार, या, यस

नॖ यड यी

3. मु: मॊदुर दऻन च़ॊकि नॖ च़ॊक

दऻन मॊदरि नॖ

अ: खऺसलथ छॆ नॖ हरगिज़

बदलान

(पनॖन्य शुर्य ह्यॆछॖनऻव्यूख)

**************************

पंचान्ग:- राथ वुछ असि हफतॖकयन दॊहन हॖन्द्य नाव कऻशिर ज़बऻन्य मंज़। अज़ वुछव ॳस्य कऻशिर ज़बऻन्य मंज़ ऱयतन हॖन्द्य नाव। त्वहि सारिनी छु पताह ज़ि ॳकिस वऺरियस मंज़ छि बाह ऱयथ आसान। ब्यॊन ब्यॊन ज़बऻन्य मंज़ छु यिमन ऱयतन हॖन्द्य नाव ब्यॊन ब्यॊन तऺरीकॖ यिवान ह्यनॖ। सु गव ज़ि अंग्रीज़ पऻठ्य, ह्यॆन्दी पऻठ्य, उर्दू पऻठ्य वगैरा वगैरा। कऻशिर्य ज़बऻन्य मंज़ ति छि यिमन ऱयतन हॖन्द्य नाव आमॖत्य थावनॖ। सानि जंत्री मंज़ छि यिमन ऱयतन हॖन्द्य नाव आमॖत्य हावनॖ ह्यॆन्दी पऻठ्य। वऺलिव ॳस्य वुछव यिहॖन्द्य नाव कऻशिर्य ज़बऻन्य मंज़। नाव छि यिथकऺन्य - 1.च़िथ्थॖर (चैत्र) 2. वह्यक (वैशाख) 3. ज़्येठ (ज्येष्ठ) 4. हार (आषाढ) 5. श्रावुन (श्रावण) 6. बऻदॖर्यप्यथ (भाद्र) 7. ॴशिद (आश्विन) 8. कार्तिक (कार्तिक) 9. मॊंजहोर (मार्ग) 10. पॊह (पौष) 11. माग (माघ) 12. फाल्गुन (फाल्गुन)। त्वहि पज़ि यिति याद थवुन ज़ि यॊदवय यिमन दॊहन तॖ ऱयतन हॖन्द्य नाव म्यॆ वऺन्य कऻशिर पऻठ्य मगर यिमन मंज़ छि कॆंह द्वह या ऱयथ तिम ति यिम अंग्रीज़ॖ अलावॖ बदलॖ नावॖ सॗत्य ति छि यिवान ज़ानॖनॖ। मसलन ब्रसवार (वीरवार/गुरुवार), शॊकुरवार (जुम्मा/भार्गववार), बटॖवार (शनिवार), आथवार (ऐतवार) तॖ ऱयतन मंज़ छि च़िथ्थॖर (चैत), वह्यक (बैसाख), श्रावुन (सावन), बऻदॖर्यप्यथ (भादून), कार्तिक (कतक), मॊंजहोर (मगर)। सान्यन शुर्यन पज़ि यिम नाव पनॖनि ज़्यवि प्यॆतिस प्यठ याद थवॖन्य। यॊदवय सऻनिस पंचान्गस मंज़ छि वऺरियस बाह ऱयथ हऻविथ मगर हर त्रॆयि वॖहॖर्य पतॖ छु सानि पंचान्गॖ मूजूब वऺरियस मंज़ यिवान त्रुवाह ऱयथ ति। यानि अख ऱयथ द्वयि लटि यथ ॳस्य वनान छि अधिक मास। ॳस्य छि ॳकिस वऺरियस मंज़ द्वयि लटि थालस बुथ वुछान। ग्वडनिचि लटि छि वुछान सोंतुकि द्वह युस विक्रमी सम्वत हिसाबॖ यिवान छु पहला चित्र तॖ दॊयिमि लटि छि वुछान ॳस्य थालस बुथ नवरॆह द्वह युस यिवान छु च़िथ्थॖरॖ ज़ूनॖ पछॖ ऒक्द्वह द्वह। अमि अलावॖ छु श्री सप्तर्षि सम्वत हिसाबॖ सान्यन वऺर्यक्यन ऱयतन मंज़ कॆंह तिथि रावान या कॆंह तिथि द्वयि लटि यिवान रोज़ान। अथ छि ॳस्य वनान द्वह रावुन या द्वह लबुन। हालांकि द्वह छु नॖ रावान या लबान, यि छु तिथि रावान या द्वयि लटि यिवान। अमि व्वस्थाय मुतऻबिक छु सोन ऱयथ बाकॖय प़चान्ग क्यन ऱयतन सॗत्य बराबर मॆल ख्यवान रोज़ान। हालांकि प्रथ पऺचान्गॖ हिसाबॖ छु वऺरी शुरु गछ़नुक तिथि ब्यॊन ब्यॊन। अंग्रीज़ छु जनवरी प्यठॖ तॖ सोन यानि श्री सप्तर्षि सम्वत छु नवरेह प्यठॖ यानि च़िथ्थरॖ ज़ूनॖ पछॖ ऒक्द्वह प्यठॖ। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव म्योन ॳज़्युक सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Tuesday, March 16, 2021

17.03.2021

17.03.2021 फाल्गुन (फाल्गुन) ज़ूनॖ पछॖ (शुक्ल पक्ष) च़ोरम (चतुर्थी) ब्वदवार (बुद्धवार) श्री सप्तर्षि सम्वत 5096,नक्षत्र अश्विन, राश मेष (चलान), ऋतु बसंत (चलान)

**************************

महामऻरी नाश - मंत्र

**************************

नुंदॖ रॆशॖन्य श्रुक्य

रातस द्वहस कलिमा पॊरुम

तिय ज़न मॊरुम तिलॖक स्वन

रात तॖ द्वह कनि प्यठ बॊरुम

ओसुस सास तॖ सपनुस स्वन

अर्थात

रातस द्वहस क्वरान पऺरिथ गऺयम मनॖच गांगल दूर। तिम आयि बऺरिम तिथॖ पऻठ्य रच़ि रच़ि रगन मंज़ यिथॖ पऻठ्य स्वनॖ रंगॖ तिलॖ कुनि पलवस प्यठ छि छावान। रात-द्वह खॊतुम रथि, युस कनि प्यठ बिहिथ गुज़ोरुम अज्ञऻन्य ॴसिथ प्रोवुम पज़रुक ज्ञान

**************************

********

1. कार आज़मूद (Veteran/Experienced person)

2. कार आमद (Useful/Serviceable)

3. कारॖबार (Business/Trade/Profession/Occupation/Employment)

4. कार बंद (Complying with/Acting up to)

5. कारि स़वाब (Good deed/Good turn)

मुहावरॖ

1. मु: म्यॆच़ गऺछ़्यतन या मीच़

अ: दग नॖ ह्यॆन्य, या, बेदर्दी हुन्द

इज़हार

2. मु: म्यॊंड म्यॊंड ख्यॊन तॖ

फाकय

अ: बेतसला, या, ब्वछॖरुक

इन्तिहा

3. मु: मॊत गव सु युस कॊहि

तूरस खसि

अ: बॊड गवॖ सु युस बजर

हावि, या, बऺडद्यद गऺयि

सॊय य्यॊस बऺड ल्वखॖर

ख्यावि

(पनॖन्य शुर्य ह्यॆछॖनऻव्यूख)

**************************

पंचान्ग:- कॆंह द्वह ब्रोंठ यानि च़्वदह मार्च ज़ॖ सास अकवुह तॖ आथवारि द्वह ओस जम्मू कशमीर विचार मंच संस्थायि अख प्रोग्राम ह्यॆन्दी भवनॖ नवि दिल्लि मंज़ मनोवमुत। अथ प्रोग्रामस ओस नाव महाशिवरात्रि उत्सव तॖ अथ प्रोग्राम्स मंज़ आव वुछनॖ ज़ि सानि समाजक्यन ल्वकट्यन तॖ बड्यन शुर्यन, शु वुहॖर्य प्यठॖ ज़ॖतोवुह वुहरिस ताम बऻल्कन तॖ बाल्यकायन कऻच़ाह छि तगान पनॖनि माजि ज़्यॆवि यानि कऻशिर्य ज़बऻन्य मंज़ कथ बाथ करॖन्य बॆ-फ्रूक पऻठ्य। सॗती आव वुछनॖ ज़ि सऻन्य शुर्य कऻच़ाह दिलचस्पी छि थवान चित्रकऻरी मंज़ ति। अमि अलावॖ ब्यॆयि ति कॆंह प्रोग्राम मसलन पारम्पऺरिक पॊशाक हावुन, शंख-नाद करुन, नामा वार हऺस्तियन मान सत्कार करुन, शिवरात्री माडलिंग करॖन्य वगैरा। यॊत ताम पनॖनि कऻशिर्य ज़बऻन्य मंज़ कथ करनुक तोलुक छु, म्यॆ गऺयि खुशी यि वुछिथ ज़ि सऻन्य कऻशिर्य बच्चॖ यिम अम्रीकाहस मंज़ रोज़ान छि, न्युज़ीलैंडस मंज़ रोज़ान छि या वतनॖ न्यबर कुनि ति मुल्कस मंज़ रूज़िथ छि, तिम छि कऻशिर पऻठ्य कथ करान रोज़ान पनॖन्यन गरिक्यन बऻच़न सॗत्य दफ अमा पॊज़ कऻशिर ज़बान ह्यॆछनावन वाल्यन हॖन्ज़ व्यछ़य छि यॆति ति तॖ तति ति। यि वुछिथ सूंच म्यॆ ज़ि बॖ करॖ अख कूशिश यॆमि मोबाईलॖ दऺस्य लूकन ताम तिमन दॊहन, ऱयतन, व्वत्सवन, मोसमन बेतरी हॖन्द्य कऻशिर्य नाव वातनावनॖच ताकि सऻन्य शुर्य ह्यकन ह्यॆछिथ, पऺरिथ लीखिथ तॖ ज़ऻनिथ तॖ परज़नऻविथ। अथ सिलसिलस मंज़ दॊहरावॖ बॖ ब्यॆयि अकि फिरि तिम सऻरी नाव कॖस्तन मंज़। अज़ वुछव दोहन हॖन्द्य नाव - च़न्दॖरवार (सोयवार), बॊम्वार (मंगलवार), ब्वदॖवार (बुद्धवार), ब्रसॖवार (ब्रहस्नतिवार), शॊकुरवार (शुक्रवार), बटॖवार (शनिश्चरवार) तॖ आथवार (रविवार)। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव म्योन ॳज़्युक सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Monday, March 15, 2021

16.03.2021

16.03.2021, फाल्गुन (फाल्गुन) ज़ूनॖ पछॖ (शुक्ल पक्ष) त्रय (तृतीया) बॊम्वार (मंगलवार) श्री सप्तर्षि सम्वत 5096, नक्षत्र अश्वि, राश मेष (चलान) ऋतु बसंत (चलान)

**************************

महामऻरी नाश - मंत्र

**************************

नुंदॖ रॆशॖन्य श्रुक्य

ॳन्दरॖ क्रूद त्रावख नतॖ

न्यबरॖ क्रूल कन्दे

अन्तॖ मल कासख नतॖ

छॊन्य व्वथॖ बेठ कन्दे

अर्थात

हे इन्सान! च़्यॆ छुथ ॳन्दॖर्य क्रूद पोलमुत, न्यबरॖ पान सजावनॖ क्या वसि नखॖ। यॊद क्रूद त्रावख युस आवरिय नॖ ज़ांह। श्वद तॖ साफ़ मनॖ ह्यकख संसऻर्य व्यवहार कऺरिथ नतॖ रोज़ख आच़ार व्यच़ार रॊस। यॊद नॖ व्यवहार ज्ञान प्रावख दय ज्ञान प्रावुन छुय नामुम्किन।

**************************

********

1. काजिवठ (A mortar stone)

2. काजू (Cashew nut)

3. काद (A joint effort/Group of workers at work)

4. कादस गछ़ुन (To take part in grouplabour)

5. कार (Work/Labour/Action/Operation/Business/Function/Duty/Motorcar)

मुहावरॖ

1. मु: मॆत्रो शत्रु मूद मॆतरस ति छु

मरुन

अ: मोत छु अटल, या, प्रथ

कऻन्सि छु पतॖ ब्रोंह मरुन

2. मु: मीठ प्वंद तॖ ज़ीठ वुम्बॖर

अ: रॖच़रिक्य अलामाथ,या,

जान्यर आसनुक ॴशिर्वाद

3. मु: म्योन ॴसिथ च्योन गव

मंगनॖ विज़ि अश्वद गव

अ: जबॖर कऺरिथ कऻन्सि हुन्द

हक़ ख्यॊन

(पनॖन्य शुर्य ह्यॆछॖनऻव्यूख)

**************************

पंचान्ग:- कऺशीरि प्यठॖ च़ऺल्यमॖतिस गऺयि असि व्वंय कऺरीबन अकत्रॖह वऺरी पथकुन। सऺदियव प्यठॖ यिम लफॖज़ सऻन्य पूर्वज तॖ सऻन्य ज़िठ्य रूद्य वनान रोज़ान तिमन लफ़जन ह्यॊत असि यॊत वऻतिथ नॊव माने छ़ान्डुन। मिसालन पोश्तॖ, मुबारक, वदवॖ, सलऻम्य वगैरा। असि ह्यॆत्य कथन कून कडॖन्य, कऻक्य तॖ क्वदॖ कऻक्य ह्यॆतिन ॳस्य बनॖन्य, ह्वॊछीय सियासत ह्यॆच़ असि दगॖन्य, प्रान्यन कथन ह्यॊत असि फ्युर द्युन, पनॖन्य माजि ज़्यव ह्यॆच़ मऺशरावॖन्य, पर-ज़ऻच़ हॖन्द्य व्वत्सव ह्यॆत्य पानॖनावॖन्य, पर-ज़ऻच़ सॗत्य रिश्त बऺडरावॖन्य तॖ तिमन रिश्तन हुर्यॆर द्युन, पज़नॖ प्यॆठ्य वऻन्सि ताम पनॖन्य शुर्य अनहॗरीय थावॖन्य, शुर्य न ज़्यवरावॖन्य या यॊदवय ज़्यॆवरावॖन्य अख या ज़ॖ शुर्य आसनस मंज़ॖय तृप्ती थावॖन्य। बॊरुत गरन मंज़ वार तॖ व्यस्तार न युन तॖ ल्वकट्यन ल्वकट्यन गरन मंज़ ब्यॊन ब्यॊन रोज़ुन। पनॖन्यन अंगन ॴश्यनावन सॗत्य दूर्यॆर बऺडरावुन। असि ह्योत अ़ग्रीज़स मंज़ अंकल तॖ आंटी वऺन्य वऺन्य पनॖन्यन निज़दीकी ॴशनावन हॖन्ज़ माय महोब्बत तॖ मेछर छ़ॊकरावॖन्य तॖ छ़ॊटॖरावॖन्य। ब्रदर-इन-ला वऺन्य वऺन्य छु नॖ फिकिरी तरान ज़ि यि छा हऺहरॖ सॖन्ज़ कथ करान किनॖ बेमॖ सॖन्ज़। व्वंय छि ॳज़्यिक शुर्य मऻलिस वनान पापा तॖ बऺड्यबबस डैडी। माजि वनान ममा तॖ नानि वनान मऺमी। पताह छु नॖ लगान ज़ि असि क्याज़ि रूज़ पनॖन्य संस्कार ह्यॆछनस मंज़ कऺमी। ततॖ ग्रॊद छु गोमुत सऻर्यसॖय। ओंखरिस मंज़ जोंखुर छु बासान गोमुत सऻर्यसॖय। खुर्यलद कारोबारा छु ज़न बासान सऻनिस समाजस मंज़। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव म्योन ॳज़्युक सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Sunday, March 14, 2021

15.03.2021

15.03.2021 फाल्गुन (फाल्गुन) ज़ूनॖ पछॖ (शुक्ल पक्ष) द्वय (द्विती) च़ऺन्दॖरवार (सोमवार) श्री सप्तर्षि सम्वत 5096, नक्षत्र रेवती, राश मेष (रऻच़ हॖन्ज़ॖ 4.42 बजि प्यठॖ), ऋतु बसंत द्रठॖपऻन्च़ुक (पंचक) गछ़ि अज़ समाप्त

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ तॖ आय बत्तॖ। वुद्यूग करव मुकाम प्रावव।

**************************

महामऻरी नाश - मंत्र

**************************

नुंदॖ रॆशॖन्य श्रुक्य

ॳलिम बॊड तॖ कऺलिम सोदो

मुहम्मद पऻलिथ वुदि पकख वते

क्रय विरिन्य म्वख्तय लोदो

बावॖच दावथ सु तथ वते

अर्थात

हे इन्सान! ज्ञान छु बॊड, कऺलिमॖ छु तमिच शान। हऺज़रत मुहम्मद सऻबॖन्यन वतन प्यठ पऺकिथ ह्यकख जल जल ब्रोंहकुन पकिथ। यिम वतॖ छि बेशक क्रेछि आसान, मगर क्रॆय विरनि मंज़ यॆलि ऱत्यव कर्मव रूप म्वख्तॖ बरख, तॆलि सपदन वतॖ आसान।तति छु सिरिफ बख्ति बावस म्वल। युस बावॖ तस नालॖ दियि सुय तरि अपोर।

**************************

***********

1. कऻतिब (Calligraphist/Scrib)

2. काठ (Wooden piece/Dry branch of tree)

3. काठ बर (A door made of wooden pieces)

4. काठ गछ़ुन (To be tired/To fatigue/To strain)

5. काज (Button hole)

मुहावरॖ

1. मु: म्यॆच़ हय तुलख स्वन

बऺनिनय

अ: दय कऺर्यनय हमेशॖ रुत

2. मु: म्योन ॴसिथ च्योन गव

अ: हमहऺस्ती हावॖन्य

3. मु: म्यूठ गामस क्रूठ पानस

अ: सख्ती पानस वऻनिथ

ब्यॆयिस आराम द्युन

(पनॖन्य शुर्य ह्यॆछॖनऻव्यूख)

**************************

पंचान्ग:- जबार खानन कॊर ती यि अमि बटॖ कोरि वॊनमुत ओस। पुलहारि ख्वरुक सूर मॊथुख ब्यमार सॖन्ज़ि तनि अरॖ वरॖ। दपान जबार खान सुन्द न्यॆचुव ह्यॊतुन ठीख सपदुन। यि वुछिथ आव जॆशॖन मनावनॖ च़्वपऻर्य। डोल नगारॖ आयि वायनॖ। खऻरात आयि बऻगरावनॖ। दपान सु संत युस पॊछ़ बऺनिथ शऻही मऺहलस मंज़ बॆहनावनॖ आमुत ओस आव माला माल करनॖ तॖ तमाम यज़तॖ तॖ एहतिरामॖ सान आव सु संत आज़ाद करनॖ। जबार खान दपान गव शर्मन्दॖ पनॖन्य यि हरकथ वुछिथ ज़ि बटन हॖन्ज़ हेरथ यानि शिवरात्रि फाल्गुनॖ प्यठॖ हारस ताम ज़बर्दऺस्यती वातनावनॖ बापथ। लूकव ह्यॊत वनुन ज़ि जबारॖ जंदॖ, हऻकिम द्राव स्यठाह गंदॖ, हारस ति बनोवुन वंदॖ। दपान जबार खानस बडेयि आस्था बटन हॖन्दिस धर्मस प्यठ। सु दपान आव बटन निश तॖ कऺरॖन सलाम ग्वडॖ तॖ तमि पतॖ कॊरुन मुबारक हऺरच़ हुन्द। दपान यि बूज़िथ ह्यॊत सारिवॖय मुसलमानव हेरच़ प्यठ बटन सलाम करॖन्य तॖ अज़ ताम छु यि द्वह तमी अन्दाज़ॖ यिवान मनावनॖ। शिव रात्रि पगाह ॴस्य बटन यिम मुसलमान तिहन्द्यन गरन गऺछ़िथ ग्वडॖ अदबॖ सान सलाम करान तॖ तमि पतॖ अदॖ मुबारकबाद दिवान। बटॖ ति आयि मुसलमानन यीज़ प्यठ ईद मुबारक करान तॖ दपान सलामि हॖन्ज़ प्रथा छि तनॖ प्यठय पकान आमॖच़। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव म्योन ॳज़्युक सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Saturday, March 13, 2021

14.03.2021

14.03.2021, फाल्गुन (फाल्गुन) ज़ूनॖ पछॖ (शुक्ल पक्ष)ऒक्दॊह (देवादेव) (प्रथमा) (देवादेव),आथवार (रविवार/ ऐतवार) श्री सप्तर्षि सम्वत 5096, नक्षत्र उभा, राश मीन (चलान), ऋतु बसंत....अज़ छु सोंथ ति

**************************

महामऻरी नाश - मंत्र

**************************

नुंदॖ रॆशॖन्य श्रुक्य

आरॖबलन नागॖरादा रूदुख

सऻदा रूदुख च़ूरन मंज़

मुडॖ गरन ग्वर पंडिथा रूदुख

राज़ॖ होंज़ा रूदुख कावन मंज़

अर्थात

यिम ॴस्य आरबलन मंज़ नागराद, च़ूरन मंज़ सऻद, अज्ञान्यिन हॖन्दि गरि पन्डिथ तॖ कावन मंज़ राज़ॖ हॊंज़ (ॳन्ज़) पनुन पान मानान गोया कि ॴरच़र बावस मंज़ ॴस्य दय गारान

**************************

********

1. क़ऻयिदॖ (Leader/Commander/Premier/Rule)

2. क़ऻयिम (Firm/Constant/Established)

3. क़बॖज़ (Constipation)

4. क़ब्ज़ॖ (Possession/Holding/Occupancy/Control)

5. क़बल अज़ वख्त (Before)

मुहावरॖ

1. मु: नच़ान ति पानय तॖ ग्यवान

ति पानय

अ: सऻरॖय ज़िम्मॖवऻरी पानस

प्यठ ह्यॆन्य

2. मु: नस्यति ज़ॊद तॖ नाव थॊद

अ: छ़ॊरुय बजर

3. मु: नस मॊछि मंज़ॖय ह्यथ

अ: पनॖनि जायि शर्मन्दॖ आसुन

या, पनुन यज़थ पानस

अथि

(पनॖन्य शुर्य ह्यॆछॖनऻव्यूख)

**************************

पंचान्ग:- जबार खानन कऺर्य पनॖन्य सऻरी तीर खऻली मगर पनॖनिस न्यॆचविस आस नॖ कांह ति यलाज बराह। सऻर्यसॖय पानस कोढ ब्यमऻर्य ललॖनावान रूद जबार खानुन न्यॆचुव। परेशान दपान गव जबार खान तॖ तऺम्यसुन्द सोरुय अयाल। छ़ऻन्ड दिवान दिवान दपान जबार खानस समख्यव अख संत। ॳम्य संतन बूज़ ज़ि बादशाह सुन्द न्यॆचुव छु कोढ ब्यमारि वॊलमुत तॖ बूज़ुन ज़ि तमाम यलाज ॴस्य यिम करनॖ आमॖत्य तिम ॴस्य गऻमॖत्य सऻरी फऺक्य। दपान ॳम्य संतन द्युत मशवरॖ बादशाहस ज़ि च़ॖ गछ़ तऺस्य बटॖ कोरि निश यॆमि श्राप द्युतमुत छु ति क्याज़ि अमि ब्यमारि हुन्द यलाज छु तऺम्यसॖय निश ब्यॆयि नॖ कऻन्सि निश। बादशाहन कॊर ॳमिस संतस शुक्रिया यि कथ बूज़िथ मगर सॗती वॊनॖनस ज़ि च़ॖ रोज़ख शऻही दरबारस मंज़ तॊत ताम पॊछ़ बऺनिथ यॊत ताम नॖ म्यॊन शाहज़ादॖ तंदरुस्त गछ़ि। यीतिस कालस नॖ ॳम्यसुन्द यि कोढ बिल्कुल ठीख गछ़ि तॊत ताम छुय नॖ च़्यॆ शऻही दरबार त्रावुन। बादशाहन दपान सूज़्य पनॖन्य कॆंह ॳहलिकार तऺमिस बटॖ कोरि छ़ान्डनि तॖ नन्योख ज़ि स्व बटॖ कूर ॴसमॖच़ ॴस हब्बॖकऺदलॖ प्वरुषॖयारॖ यारबलस प्यठ तमि विज़ि यॆमि विज़ि अमि श्राप द्युत जबार खान सॖन्दिस न्यॆचविस। यिमव ॳहलिकारव कॊड तऺमिस बटॖ कोरि हुन्द पय पताह। दपान बादशाहन वुछ न पथ तॖ न ब्रोंठ तॖ वोत दवान तॖ दोरान पानय तऺमिस बटॖ कोरि निश तॖ प्रुछ़ुन तस यलाज पनॖनिस न्यॆचवि सन्ज़ि ब्यमारि हुन्द। ॳमि कोरि दपान प्रुछ़ बादशाह ज़ि च़ॖ किथॖ पऻठ्य आख म्यॆ निश तॖ बॖ किथॖ पऻठ्य ह्यकॖ यलाज कऺरिथ ति कयाज़ि बॖ छस नॖ कांह हऺकीम या डाक्टर। दपान बादशाहन वऺन्य सऻरॖय दास्तान् तॖ ॳमिस बटॖ कोरि प्यव याद ज़ि तमि ओस श्राप द्युतमुत कसताम सऻलऻनियस कॆंह कालॖ ब्रोंठ कथताम ठठॖ करनस प्यठ। दपान अमिस बटॖ कोरि आव आर तॖ द्युतन पनुन पुलॖहऻर्य ख्वर ॳमिस बादशाहस यानि जबार खानस तॖ वॊनॖनस ज़ि म्योन पुलॖहोर ज़ालुन तॖ अमि पुलहार्युक सूर छु शाहज़ादॖ सॖन्दिस सऻर्यसॖय बदनस मलुन तॖ तऺमिस गछ़ि यि कोढ ब्यमऻर्य दूर। सॗती दपान वॊन अमि बटॖ कोरि बादशाहस ज़ि सु करि पनॖनिस न्यॆचविस नऺसीयहत ज़ि दुबारॖ वुछि नॖ सु कऻन्सि कुन ति बद नज़रि। बादॖशाह प्यव दपान ॳमिस बटॖ कोरि ख्वरन तॖ द्राव पनॖनिस शऻही दरबारस कुन ॳमिस बटॖ कोरि हुन्द पुलहऻर्य ख्वर ह्यथ। कथ छि जऻरी तॖ दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव म्योन ॳज़्युक सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Friday, March 12, 2021

13.03.2021

13.03.2021, फाल्गुन (फाल्गुन) गटॖ पछॖ (कृष्ण पक्ष) मावस (देवादेव) (अमावस्या) (देवादेव) बटॖवार (शनिवार/ शनिश्चरवार) श्री सप्तर्षि सम्वत 5096, नक्षत्र पूभा, राश मीन (शामन 5.56 बजि प्यठॖ), ऋतु शिशर (चलान) द्रठॖपऻन्च़ुक (पंचक) (चलान)...अज़ छि डून्य मावस...शामन छु थाल बरुन

**************************

महामऻरी नाश - मंत्र

**************************

नुंदॖ रॆशॖन्य श्रुक्य

नफसी मोरुस तॖ वाय

अच़िथ रूदुम गटे

अथि द्यन यियिह्यम तॖ हाय

करतल छ़ॖनॖहऻस हटे

अर्थात

नफसी खऻहिश गऺयम अज्ञान गटि किन्य ज़ोरावार। ज्ञानॖ किन्य ननि कऺडिथ ह्यकॖहस लाकम चीरॖ गन्डिथ छ़ुनहस हटि करतल तॖ करहऻन फन्ना।

**************************

*********

1. क़ऻफिलॖ (Multitude of travelers/Caravan)

2. कऻफियि (Rhymn in poetry)

3. क़ऻलिब (Mould/Frame)

4. कऻल्यबाफ (Carpet weaver)

5. कऻलीन (Carpet)

मुहावरॖ

1. मु: नबॖ चि तारॖ च़टनि

अ: लायक़ ग्यवुन

2. मु: नऺटी फुटान तॖ यारबल छि

रोज़ान ॳती

अ: लूख छि यिवान गछ़ान तॖ

जाय छि रोज़ान तऺती

3. मु: नच़ॖहऻ तॖ आंगुन छु छ़ॊट

ग्यवॖहऻ तॖ ग्यव ख्यव ब्रऻर्य

वनॖहऻ तॖ वन छुम दूर

अ: न तगनॖक्य छ़्रठ

(पनॖन्य शुर्य ह्यॆछॖनऻव्यूख)

**************************

पंचान्ग:- दपान जबार ह्वकुमरान सॖन्दिस वख्तस मंज़ आव बटन प्यठ स्यठाह ज़ुलुम करनॖ तॖ सु ओस यछ़ान बटन हॖन्दिस धर्मस मंज़ ख़लल त्रावुन तॖ तिहॖन्ज़ॖ कॆंह परम्परायि फुटरावनि तॖ पनुन आसुन बासनावुन तॖ सॗती लूकन मंज़ अख दऺहशथ पऻदॖ करुन। दपान जबारन वॊन बटन ज़ि फाल्गुनस मंज़ हेरथ मनावनॖ बजायि मनावॖन्य यि हेरथ हारॖ किस ऱयतस मंज़। बटन गव स्यठाह मुज़िर जबारॖन कथ मानॖन्य मगर क्याह करहऻन। नकार करनस ओसुख नॖ वार। दपान बटव मनऻव हेरथ हारॖकिस ऱयतस मंज़ मजबूरी मंज़ मगर हऻरऻनी हॖन्ज़ कथ गऺयि यिछ़ ज़ि दपान हारस मंज़ ति प्यव अछ़्यन शीन तॖ रूदॖ। यि शॆछ वऻच़ बादशाहस ताम ति। जबार खान गव परेशान तॖ सूंचुन ज़ि बटन हॖन्दिस अथ व्वत्सवस मंज़ छा यीच़ शक्ति। हैरत गऺयि तस यि वुछिथ। वनन वऻल्य छि वनान ज़ि शिव रात्रि हुन्द नाव छु अति प्यठय प्यॊमुत हेरथ यानि हऻरऻनी या हैरत। दपान जबार खान सुन्द न्यॆचुव मा ओस अकि लटि नावि सऻलस द्रामुत तॖ नाव पऺच्य व्यथि किन्य। वति वुछिन अख बटॖ कूर कथ ताम यारबलस प्यठ म्यॆच़ि सॗत्य अथॖ ख्वर छलान। कूर ॴसमॖच़ ॴस स्वन्दर दपान तॖ ॳमिस जबार खान सॖन्दिस न्यॆचविस आव दिल ॳमिस बटॖ कोरि प्यठ तॖ कॊरनस ठठाह। दॊपनस काश यि म्यॆच़ आसहऻ बॖ तॖ च्यऻनिस बदनस सॗत्य लगनुक तमाह नेरिहेम। यि ठठॖ बूज़ अमि बटॖ कोरि तॖ द्युतुन श्राप ॳमिस सऻलऻनियस। दॊपनस गछ़ च़्यॆ कोढ प्यॊन अथ पानस। दपान तऺमिस बटॖ कोरि हुन्द श्राप लॊग जबार खान सॖन्दिस न्यॆचविस तॖ ॳमिस प्यव कोढ सऻर्यसॖय पानस तॖ लॊग छ़ान्डनि यलाज यि ब्यमऻर्य च़ऺलरावनॖ बापथ। कांह यलाज गव नॖ कारगर। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ

(बूज़िव म्योन ॳज़्युक सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Thursday, March 11, 2021

12.03.2021

12.03.2021, फाल्गुन (फाल्गुन) गटॖ पछॖ (कृष्ण पक्ष) च़्वदह (देवादेव) (चतुर्दशी) (देवादेव) शॊकुरवार (शुक्रवार/ जुम्मा/भार्गवार) श्री सप्तर्षि सम्वत 5096, नक्षत्र शत, राश कुम्भ (चलान), ऋतु शिशर (चलान), द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ तॖ आय बत्तॖ। वुद्यूग करव मुकाम प्रावव

**************************

महामऻरी नाश - मंत्र

**************************

नुंदॖ रॆशॖन्य श्रुक्य

नफसय म्यान्ये च़ेरिवि अगो

दिच़मय दगो फ्वलहम नॖ ज़ात

मंद्यन्यन मूहिथ च़ॊलहम ठगो

हा सगौ पतॖ च़ॊलहम नॖ ज़ात

अर्थात

नफसो खऻहिश छि च़ेरॖ कुल्यकिस अगस बराबर युस नॖ स्यठहाव टासव ति छु हरि हरि सपदान या गन्डस यिवान। यॊद नॖ यिम जवऻनी मंज़ कोबू यिन करनॖ यिम छि मॆथॖर बऺनिथ ज़न च़ूर फऺरिथ गछ़ान। यॆमि सॗत्य बुजरस मंज़ छु इन्सान पोन्टल तॖ पत्यॆथ सपदान

**************************

*********

1. कऻश (Slice/Piece of)

2. कऻसिब (Artist/Artisan)

3. कऻसिद (Messenger/Courier/Envoy)

4. कऻयदॖ (Rule/Regulation/Maxim/Formula/System/Order)

5.कऻज़्य (Judge/Justice/Magistrate)

मुहावरॖ

1. मु: नद्यऻरिस दॊगॖन्य द्यार

अ: ग़रीबस द्वगनॖ ख़र्चॖ

2. मु: नबस सॗत्य गाडॖ बुज़िथ

ख्यॆनि

अ: पानस बराबर नॖ कांह

मानुन, या, दाब दिन्य

3. मु: नब पंजन प्यठ रटुन

अ: बहोदरी हॖन्द्य लाफ दिन्य

(पनॖन्य शुर्य ह्यॆछॖनऻव्यूख)

**************************

पंचान्ग:- त्वहि सारिनी छु हेरच़ हुन्द पोश्तॖ। राथ ॴस सलाम। यि शब्द सलाम आव कति प्यठॖ तॖ किथॖ पऻठ्य। अज़ ताम छि ॳस्य सऻरी अमि लफज़ुक इस्तिमाल करान आमॖत्य। सलाम लफॖज़ दपान छु उर्दू लफॖज़ तॖ ॳस्य छि पनॖनि माजि ज़्यॆवि मंज़ उर्दू लफज़न हुन्द इस्तिमाल कम ख्वतॖ कम करान या दपव न वनॖनस बराबर। बोज़नस मंज़ छु आमुत ज़ि यि सलाम लफॖज़ हेरच़ॖ द्वह पगाह वनॖनॖच प्रथा छ़ि त्रॆ हथ तॖ च़ोरव वऺर्यव प्यठॖ पकान आमॖच़ तॖ यि प्रथा छि वुन्युखताम चलान। अज़ छि व्हाटसापन प्यठ कॆंह म्यऻन्य ब्यॆनि बऻय यि सलाह दिवान ज़ि असि पज़ि नॖ हेरच़ पगाह सलाम लफज़ुक इस्तिमाल करुन। हऻरऻनी हॖन्ज़ कथ छि यि ज़ि अज़ क्याह ज़रूरथ प्यव असि अथ कथि प्यठ ग़ोर करनॖच तॖ यि सलह लूकन दिनॖच। अज़ ताम क्याज़ि प्यव नॖ कऻन्सि अथ कुन ज़्वन। सोंचनॖच कथ छि यि ति ज़ि अथ लफ़ज़स मंज़ क्याह छु त्युथ युथ सऻन्य बऻय ब्यॆनि अमि लफज़ुक इस्तिमाल करनॖस गुरेज़ करान छि। कांह जबान छा कऻन्सि हॖन्ज़ ज़ऻती जऻगीर बनिथ ह्यकान। क्याह कांह ज़बान वनॖनस छा कांह ठाख या पाबंदी आसान। हालांकि सलाम लफॖज़ छु कऻशुर लफ़ज़ॖय तॖ तवय छु म्यॆ बासान ज़ि सऻन्य ज़िठ्य आमॖत्य हतॖबद्यव वऺरियव प्यठॖ अज़ ताम ॴस बंद कऺरिथ तॖ यि मऻनिथ ज़ि यि लफॖज़ छु सानि ज़बऻन्य मंज़कुय अख लफॖज़। सलाम लफॖज़ कति प्यठॖ आव, हेरच़ प्यठॖय क्याज़ि आव वनॖनॖ। अथ प्यठ करव पगाह ब्रोंहकुन कथ। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव म्योन यि ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Wednesday, March 10, 2021

11.03.2021

11.03.2021, फाल्गुन (फाल्गुन) गटॖ पछॖ (कृष्ण पक्ष) त्रुवाह (देवादेव) (त्रयोदशी) (देवादेव) ब्रसवार (ब्रहस्पतिवार/ गुरुवार/वीरवार) श्री सप्तर्षि सम्वत 5096, नक्षत्र धनि, राश कुम्भ (दुहचि 9.20 बजि प्यठॖ), ऋतु शिशर (चलान)..द्रठॖपऻन्च़ुक (पंचक) ति छु ॳज़्यकि प्यठॖ शुरु

**************************

महामऻरी नाश - मंत्र

**************************

नुंदॖ रॆशॖन्य श्रुक्य

आदन कऺरिथ पापन क्रशी

बुडिथ द्युतुथ रॆशी नाव

तसबी गऺयी गुनस हिशी

यि च्यऻन्य नॆमाज़ कऺशी हाव

अर्थात

ल्वकॖचार रूदुख मऺस्ती मंज़ तॖ खऻरिथ पऻन्य पानस पापॖन्य बऻरीय। बुडिथ त्रऻवॖथ तऺसबी रॗफ गुनस पानस नऻल्य तॖ मोनुथ पनुन पान पानय ऱ़यॊश। यिमय छि चऻन्य कर्म तॖ यिहय छु च़्यॆ नॆमाज़ि हुन्द मतलब सीनस खॊनमुत।

**************************

**********

1. क़ऻबलियथ (Ablity/Capability/Competence/Fitness/Capacity/Accomplishment)

2. क़ऻबलि सज़ा (Punishable)

3. क़ऻतिल (Murderer/Assassin/Homicide)

4. क़ऻद (Imprisonment/Confinement)

5. क़ऻदि बामुशकत (Rigorous imprisonment)

मुहावरॖ

1. मु: न छि ग़रीबी रोज़ान न छि

ॳमीरी रोज़ान

अ: प्रथ कांह चीज़ छु गऻर

मुसत्किल, या, स्वख तॖ

द्वख छु नॖ हमेशि रोज़ान

2. मु: न ज़ायस न प्यायस

नहकय रऺटनस हुर्य राज़न

अ: हंगॖ मंगॖ कांह मुसीबत

वलनॖ युन।

3. मु: निमे दानम छु रहमति

जानम

अ: लऻज़्यमी छु रहमति जान

(पनॖन्य शुर्य ह्यॆछॖनऻव्यूख)

**************************

पंचान्ग:- ऊतरॖ नऺवमि मार्च 2021 द्वह गव म्यॆ मन स्यठाह ख्वश यि वुछिथ ज़ि सऻन्य नऺव पुय छि ज़ानुन यछ़ान पनुन प्वतकाल यानि तिहॖन्द्य ज़िठ्य क्याज़ि तॖ किथॖ पऻठ्य आयि कऺशीरि प्यठॖ च़ऺलिथ मगर यि बूज़िथ गऺयि म्यॆ हऻरऻनी ज़ि असि छॆ नॖ पानसॖय फुर्सतॖ पनॖन्यन शुर्यन तिहॖन्द्यन सवालन जवाब दिनॖ बापथ। यि छि अख विडम्बना ज़ि ॳस्य छि नॖ पानय तयार पनॖन्यन शुर्यन सॗत्य पनॖनि माजि ज़्यॆवि मंज़ कथ करनॖ बापथ तॖ अमि मूजूब छु नॖ सोन शुर व्वतलिथ ह्यकान तॖ न छु सु ह्यकान देवनागरियस मंज़ कऻशुर लीखिथ या कऻशुर पऺरिथ। सु छु यछ़ान तऺमिस गॊछ़ प्रोत्साहन मेलुन मगर तऺमिस छु नॖ कांह ह्यॆछनावन वोल मेलान। जे के विचार मंच संस्था छि स्यठाह जान कूशिश करान कऻशिर बच्चन सॖत्य कथ बाथ करनॖच तॖ यि ज़ानॖनॖच कूशिश करान ज़ि यिम कऻशिर्य बच्चॖ अज़कल लऺग्यमॖत्य छि अख होर तॖ अख योर तिमन मंज़ कोताह जज़बॖ छु पनॖन्य ज़बान, पनॖन्य सभ्यता, पनॖन्य संस्कार, पनॖन्य परम्परा रऺछ़रावनॖच। दूर दूर जायव प्यठॖ ॴस्य शुर्य बुलावनॖ आमॗत्य तॖ तिमन सॗत्य मोबाइलॖ दऺस्य कथ बाथ करान करान तॊर फिकिरी ज़ि सानि समाजिच नींव छि वुनि स्यठाह दऺर्य। सऻन्य नऺव पुय ह्यॆकि आरामॖ सान पनॖन्य प्रज़नथ बरकरार थऻविथ, मगर अशद ज़रुरथ छु तिमन डख दिनुक। यि डख ह्यकन सिरिफ त्युहुन्द मोल मऻज्य दिथ ब्यॆयि नॖ कांह। संस्थायन हॖन्ज़ कऻम छि यिमन शुर्यन ब्रोंहकुन वथ हावॖन्य मगर ज़िठ्यन हुन्द फर्ज़ छु शुरिस थफ कऺरिथ कदम क़दम ब्रोंहकुन पकनावुन। सान्यन शुर्यन छ नॖ कांह ति ख़ता। कॊसुरवार छि ॳस्य ज़ि ॳस्य छि नॖ ज़ऻनिथ मऻनिथ यछ़ान ज़ि सोन शुर गछ़ि पनॖनि माजि ज़्यॆवि सॗत्य जुडिथ रोज़ुन। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

*************************

नऺविव तॖ फॊलिव

भूषण कौल "दीप"

(बूज़िव म्योन ॳज़्युक सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Tuesday, March 9, 2021

10.03.2021

10.03.2021, फाल्गुन (फाल्गुन) गटॖ पछॖ (कृष्ण पक्ष) बाह (देवादेव) (द्वादशी) (देवादेव) ब्वदवार (बुद्धवार) श्री सप्तर्षि सम्वत 5096, नक्षत्र श्ववण, राश मकर (चलान) ऋतु शिशर (चलान)... अज़ छि हेरथ

**************************

महामऻरी नाश - मंत्र

**************************

नुंदॖ रॆशॖन्य श्रुक्य

आशकन त्रेश तॖ ब्वछि नॖ आसे

काशक कमस पऺत्ययनये नॖ ज़ान

छु दूरस वतन सदकस निशे

च़ूरस नॆन्द्र आसि नॖ ज़ात

अर्थात

यिमव आशकव (यानि दय मत्यॆव) ब्वछि तॖ त्रेशि प्यठ कऻबू आसि कॊरमुत, तिम कमायि कुल्य छि कमस प्यठ गुज़ारॖ ह्यकान कऺरिथ। यिथॖ दय छु बखत्यन निश वास करान, तिथॖ छि स्वबावॖ किन्य नॆन्द्र च़ूरॖ सॖन्ज़न ॳछन गऺजमॖच़ आसान

**************************

********

1. क़ऻबलि दीद (Able to see)

2. क़ऻबलि अमल (Actable)

3. क़ऻबलि ग़ोर (Worth considering)

4. क़ऻबलि क़दॖर (Respectable)

5. क़ऻबलि क़बूल (Acceptable)

मुहावरॖ

1. मु: न योरुक तॖ न तोरुक

अ: कुनि कारुक नॖ

2. मु: न ख़ऻर न बरकथ

अ: यस नॖ कॆंह हऻसिल यी

3. मु: न गछ़्यम मांछ तॖ न

गछ़्यम ट्वफ

अ: म्यूठ ख्यॊन छु जान मगर

अम्युक कॗमथ नॖ द्युन, या,

कुनि फऻयदॖ खऻतरॖ मॆहनत

न करॖन्य

(पनॖन्य शुर्य ह्यॆछॖनऻव्यूख)

**************************

पंचान्ग:- अज़ छि वागॖर्य बाह। वटुक ति छु ॳज़्य पूज़ुन। त्वहि सारिनी छु हथ हथ मुबारक ॳज़्यकि दुहुक। अमूमन छि हेरच़ पूज़ा रातस यिवान करनॖ। तवय छि शायद यथ दॊहस वनान हरि रात्रि, कालॖ रात्रि, तालॖ रात्रि। दपान शिव छु तमोगुण प्रधान संहार करन वोल इसलिए छि ॳमिस शिवस तमोगुणी राथ ज़्यादॖ टऻठ। कऻशिर्य बटन छि हेरथ वऺर्युक सारिवी ख्वतॖ बॊड पर्वॖ यानि व्वत्सव यिवान मानॖनॖ। कऺशीरि मंज़ ॴस हेरथ आसान वंदॖ रऻच़न मंज़ मगर कऻशिर्य बटॖ ॴस्य सोरुय मऺशरिथ यानि तॗर कठॖकोश शीन रूद बेतरी यि द्वह हर्षोलासॖ सान मनावान रोज़ान यि द्वह या यिम द्वह। त्र्यन हफतन प्यठ ओस आसान यि त्योहार। हुर्य ऒक्दॊह प्यठॖ तीलॖ ॴठम ताम। तिहिन्द्य शुर्य यॊदवय गरि न्यबर ति आसान ॴस्य, यि द्वह मनावनि बापथ ॴस्य तिम कुनि न तॖ कुनि तऺरीकॖ गर वातान तॖ सारिनी बऻच़न मंज़ समिथ हेरच़ हॖन्ज़ पूज़ा अर्चना करान तॖ ॴशिर्वाद रटिथ ज़िठ्यन हुन्द ब्यॆयि पनॖनिस पनॖनिस कारस न्यॆरान। मगर हालाथ बदलेयि व्यॊखतुय। अज़कल छिनॖ ह्यकान वऻतिथ शुर्य पनॖन्यन पनॖन्यन गरन ताम कुनि नतॖ कुनि वजह मूजूब। ॳड्य रऺट्य इम्तिहानन, ॳड्य रऺट्य पॊज़ अपुज़ बहानन। व्वंय छु नॖ रूदमुत सु वलॖवलॖ ति, सु जनून ति, न छि स्व फ़ुर्सत व्वंय तॖ न छि स्व दिलॖच फ़राग़थॖय। युहुस गव पज़नॖ प्यॆठी कोरोनावयरस महामऻरी वजह किन्य। अख ॳकिस निश गऺयि दूर, ॳकिस ब्यॆयिस निश ह्यॆक्य नॖ वऻतिथ। प्यठॖ रूज़ पनॖनि ज़ऻच़ हॖन्द्य ब्रह्मणन हॖन्ज़ व्यछ़य। पूज़ा करि कुस? मंत्र परि कुस? गरॖ कऻम करि कुस? हारनॖय गिन्दहऻव मगर हारय छॆ नॖ। तासस गिन्दॖहऻव मगर बऻज्य छि नॖ। पॊज़ हय यॊदवय बूज़िव कऻशुर बटॖ छु अज़कल गोमुत गीर। बासान पनुन पान तस बे-पीर। तऺमिस छुनॖ पानस तखसीर। खऻर रीथ छि पालॖन्य। हेरथ छि मनावॖन्य। शिव शक्ति दीन असि सारिनी स्यॆदि बुथि कारस तार। करव शिवस ॳस्य ज़ारॖ पार ज़ि असि म्वकलावि पापव तॖ शापव मंज़ॖ। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक म्योन सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Monday, March 8, 2021

09.03.2021

09.03.2021, फाल्गुन (फाल्गुन) गटॖ पछॖ (कृष्ण पक्ष) काह (देवादेव) (एकादशी) (देवादेव) बॊम्वार (मंगलवार) श्री सप्तर्षि सम्वत 5096 नक्षत्र उषा, राश मकर (चलान) ऋतु शिशर (चलान)

**************************

महामऻरी नाश - मंत्र

**************************

नुंदॖ रॆशॖन्य श्रुक्य

पॊज़ यॊद बोज़ख पांछ़ नॊमुरख

नतॖ माज़ नॊमुरख स्वय छय नॆमाज़

शिवस तॖ शुन्यहस म्युल यॊद करख

सिदव स्वय छय दन्थर नॆमाज़

अर्थात

हे प्वखतॖ इन्सानॖ श्रद्धायि रॊस शरीर रूप माज़ बनि दऺस्य नॆमाज़ छि बेमतलब, मगर यॆन्द्रिय शॆमरिथ नॆमाज़ छि बा-मकसद। यश दिनॖ वाजॆन्य नॆमाज़ गयि पयस सॗत्य लय सपदुन

**************************

**********

1. क़ऻबिज़ (Possessor/Occupant/Seizing)

2. कऻबिल (Capable/Qualified/Competent)

3. कऻबिलॖ येतिबार (Worthy/Deserving/Trust worthy/Credible)

4. कऻबिलॖ ऐतराज़ (Objectionable)

5. कऻबिलॖ तऻरीफ (Praise worthy)

मुहावरॖ

1. मु: न रगि हुन्द न दगि हुन्द

अ: कऻन्सि हॖन्ज़ बन्दनदऻरी न

आसॖन्य

2. मु: न च़रि हुन्द न हारि हुन्द

अ: कुनि वॊजूदस मंज़ न

आसुन

3. मु: न यज़तुक न बेज़ती हुन्द

अ: बे-मन्दछ

(पनॖन्य शुर्य ह्यॆछॖनऻव्यूख)

**************************

पंचान्ग:- अज़ छ़ि गाडॖ काह। कहावत छि ज़ि यिथॖ पऻठ्य बतुख छु नॖ ज़ांह अकि क़रारॖ बिहान तॖ छु बडॖ चंचल आसान, तिथय पऻठ्य छि गाड पऻनिस मंज़ नच़ान आसान तॖ चंचल आसान। अम्यसॖन्ज़ चंचलता छि दपान आमॖच़ मानॖनॖ इन्सान सॖन्ज़ि मनच चंचलतायि बराबर। अवॖ म्वखॖ छि ॳज़्यकि द्वह गाड यिवान रनॖनॖ यानि मनॖच चंचलता रोज़ि कोबुहस मंज़। ब्यॆयि ति आसन शायद कॆंह कहावच़ॖ यथ दॊहस मुतलक यॆमि मूजूब ॳज़्यकिस दॊहस नाव प्यॊमुत छु गाडॖ काह। सु ति ननि वारॖ वारॖ। अख प्रथा ॴसमॖच़ छि अल्बतॖ ज़ि ॳज़्यकि द्वह ॴस्य कऻशिर्य बटॖ कऺशीरि मंज़ गाडॖ रनान। यि कथ ति प्यॆयि मानॖन ज़ि कऻशुर बटॖ ओस नॖ सनान ज़्यादॖ यिमन कथन कऺशीरि मंज़ मगर यनॖ ॳस्य आयि च़ऺलिथ कऺशीरि प्यठॖ, असि बडेयि ज़्यादॖ ज़्यादॖ उत्सुकता यानि यछ़ा यि ज़ानॖनॖ बापथ ज़ि कथ दॊहस क्याह महिमा छु। यि ज़ानॖनॖच कूशिश छि नऺव पुय करान ज़ि कुस द्वह क्याज़ि छि मनावान। अमि तलॖ छु ननान ज़ि गरन मंज़ छि व्वंय ह्यॆछनावन वाल्यन हॖन्ज़ व्यछ़य। क्वल ब्रह्मण आसनॖच प्रथा गऺयि कर ताम ख़तम यिम बड्यंन दॊहन मुतलक यॆज़मन वनान रोज़ान ॴस्य। पठिथ ब्रह्मणन हॖन्ज़ कऺमी छि अज़कल स्यठाह बासान। नक़ली ब्रह्मणन अथि कर्मॖकाण्ड करनावुन छु अमापॊज़ अख थ्वकॖ जोदाह तॖ ब्यॆयि नॖ कॆंह। तस्लीह छु नॖ यिवान तिहॖन्दि क्रियायि सॗत्य मगर चारॖ ति छु नॖ कॆंह। अल्बतॖ ज़ड कडनॖ बापथ छु कऻफी। कति तिम थदि पायिक ब्रह्मण यिमन महऻरियत ॴस आसान शास्त्रातॖच। व्वंय रूद सु अख स्वपनाह। संस्कृत नॖ तगान परुन, ह्यॆन्दि नॖ तगान समजुन, कऻशुर नॖ तगान वनुन। व्वंय छि चलावान कैसटव सॗती कऻम। वीडियोहन वुछ वुछ कऻम, न्यटस प्यठ वुछ्य वुछ्य कऻम तॖ पकनावान छि दक्कॖ दी दी यि कऻशिर्य संस्कृति तॖ संस्कारन हॖन्ज़ तॖ धर्मॖच वासॖकाकॖन्य गासॖ नाव। पगाह छु वागुर सुबहस बरुन तॖ शामस छि पूजा करॖन्य। हालांकि बाह छि ॳज़्य शामन लगान तॖ तमि मूजूब ह्यॆकिव तॊह्य अज़ शामन बाह लगनॖ पतॖ ति वागुर बऺरिथ। यछ़ा छि त्वहि पनॖन्य ज़ि यिथॖ पऻठ्य त्वहि पानस व्यस्तार यीय। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव म्योन ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Sunday, March 7, 2021

08.03.2021

08.03.2021, फाल्गुन (फाल्गुन) गटॖ पछॖ (कृष्ण पक्ष) दऺहम (देवादेव) (दशमी) (देवादेव) च़ऺन्दॖरवार (सोमवार) श्री सप्तर्षि सम्वत 5096,नक्षत्र पूषा, राश मकर (रऻच़ हॖन्ज़ॖ 2.38 बजि प्यठॖ), ऋतु शिशर (चलान)...

अज़ छि द्यारॖ दऺहम

**************************

महामऻरी नाश - मंत्र

**************************

नुंदॖ रॆशॖन्य श्रुक्य

द्युतुथ नरस गौर तॖ तुलरस मऻछी

द्युतुथ हुलम हऺलिस रोंठनस दछ

बुगि पऻरॖय चानि क्वदॖरऻच़ॖय

द्युतुथ रूसिस कॊस्तूरी रछ

अर्थात

दय चानि दयगऺच़ छुस बॖ नमन करान। त्वहि बख्चुव नरकऻनिस मऺदरॆर, तुलरि माछ, दछि रऻठ दछ तॖ रूस कचि ख्वशबू रूप नाफॖ येमि संसऻरॖय

**************************

********

1. फराक (Separation)

2. फराक ज़द (Separated from one's sweet heart)

3. फराश (Carpet spreader/

Servant/Tent-pitcher)

4. फराश खानॖ (Servant's room)

5. फराश बीन (French beans)

मुहावरॖ

1. मु: न ख्यॊन पानॖ न ब्यॆयिस

द्युन ख्यनॖ

अ: न पानॖ कऻम करॖन्य न

ब्यॆयिस दिन्य करनॖ

2. मु: न लॊट कुनि न हॊट कुनि

अ: हिशर न आसुन,या, बे

तरतीब कार

3. मु: न पीरॖ सुन्द न च़ूरॖ सुन्द

अ: कऻन्सि सॗत्य नॖ रलुन

(पनॖन्य शुर्य ह्यॆछॖनऻव्यूख)

**************************

पंचान्ग:- अज़ छि हुर्य दऺहम। ॳज़्यकिस दॊहस छु ब्याख नाव ति। यथ दॊहस छि वनान द्यारॖ दऺहम ति। अकि पराम्परायि मूजूब आसॖ ॳज़्यकि द्वह सारेय न्वशि पनुन गरॖ यानि वऻरिव गरॖ यिवान माल्यनि प्यठॖ यॊत तिम गछ़ान आसॖ अख ज़ॖ द्वह ब्रोंठ ज़ंगि मूजूब। वऻरिव गरॖ यिनॖ वख्तॖ आसॖ यिम न्वशि, नवि क्योहऻ प्रानि, श्वगुन बापथ अनान पानस सॗत्य च़ॊचि, नून, अतॖगथ, हेरच़ बोग, हारॖ, कांंगॖर तॖ ॳमिसॖन्दि यिनॖ पतॖ यानि मालिनि डून्य परमूज़िथ ॴस्य यिवान सोज़नॖ कॊरि हुन्द वऻरिव डून्य फॊतरि मंज़ या ट्रंकन मंज़। तिम डून्य ति ॴस्य यिवान सोज़नॖ हतॖ वादॖ या सासन मंज़। तिमन डॊन्यन सॗत्य ओस यिवान सोज़नॖ च़ॊचि या रोठ रॊपॖ वरख लऻगिथ, ट्यॊक, स्यन्दॖर, नऻर्यवन, नवीद ब्यॆयि हेरच़ खऺर्च वगैरा। कांगॖर दपान ॴस्य नऺव न्वश खान्दरॖकि दॊयिमि वऺरी प्यठॖ अनान, ग्वडनकि वऺरियि नॖ। चूंकि गरॖ ॴस्य आसान बऻच़व सॗत्य बऺरिथ, ॳज़्यकि द्वह ओस यिमन गरन मंज़ रोज़ान च्युर्यग्यॊश, जटॖ जोश, व्वसॖ द्रॊस, श्वगलाह। न्वश्यन कोर्यन शुर्यन कट्यन सॗत्य ॴस्य गरिक्य ज़िठ्य बऻच़ ति ल्वकुट लऻगिथ सारिनी सॗत्य हारन गिन्दान, तासस गिन्दान, असुनाह गिन्दुनाह करान रोज़ान। ॳज़्यकि द्वह ॴस्य कम कम व्यन्जन बनान यानि कऺल्यि, रोगनजोश, मछ़, दमोलव, च़ामन, बेतरी। मगर यिमन सारिनी चीज़न मंज़ आव कति कोर बदलाव। परम्परा बदल्यॆयि। हारॖ गऺयि गऻब, डून्य गऺयि द्रॊग्य, रिश्तॖ दूरेयि, बऻच़ छ़ॊकेयि, द्यारॖ दऺहमुक मतलब बदल्यव। ख़बर कऻन्सि छा ज़्वन ति ज़ि ॳज़्युक द्वह ओस यिवान ज़ानॖनॖ ब्यॆयि ति अकि नावॖ सॗत्य। नाव ओस बुनिल्य दऺहम। नॊवुय नॊवुय खान्दर यिमन बच्चन कॊरमुत ओस आसान, ॳज़्युक द्वह ओस तिहॖन्दि बापथ ख़ास माने थवान। अकॖलमंदन हॖन्दि बापथ छु इशारॖ कऻफी। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक म्योन सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

Thursday, March 4, 2021

05.03.2021

05.03.2021, फाल्गुन (फाल्गुन) गटॖ पछॖ (कृष्ण पक्ष) सतम (सप्तमी) शॊकुरवार (शुक्रवार/जुम्मा/भार्गवार) श्री सप्तर्षि सम्वत 5096, नक्षत्र अनू, राश वृश्चिक (चलान) ऋतु शिशर (चलान)

**************************

महामऻरी नाश - मंत्र

**************************

नुंदॖ रॆशॖन्य श्रुक्य

पॊज़ दपान पन ज़न नटख

अपुज़ दपान लगिय रस

मुहम्मद त्रऻविथ इबलीस रटॖख

ख्वदाय दितुय तॖ खटक कस

अर्थात

सतुक व्यवहार छु स्यठाह कठ्युन

मगर छु तारवुन। अपुज़ वर्ताव गव शेतान (इबलीस) नालॖ रोज़ुन यॆमिकिन्य हज़रत मुहम्मद सॖन्ज़ि वति डलिथ छु पऻन्य पानय तम्युक ज़िम्मॖवार बंदॖ आसान

**************************

*********

1. फऺतलॖ (Wick)

2. फतारथ (Talk chatter/Silly)

3. फितरथ (Temper/Habit/Tendency/Temperament/Character)

4. फटाफट (Instantly/Quickly/Immediately/At once)

5. फहश (Obscenity/Indecency)

मुहावरॖ

1. मु: वख्तस यिवान म्वछि तॖ

वख्तस नॖ यिवान क्वछि

अ: कुनि कथि प्यठ नॖ रोज़ुन,

या, ॳती अख तॖ ॳती

बयाख कथ

2. मु: वख्तुक कार गव बख्तुक

बादशाह

अ: वख्तस प्यठ छु सोरुय

शूबान

3. मु: वऻन्लिजि प्यठ व्वखुल

अ: नामुम्किन कऻम करॖन्य

(पनॖन्य शुर्य ह्यॆछॖनऻव्यूख)

**************************

पंचान्ग:- ॳम्य ॳमीर शखसन वॊन पनुन ख़याल साधस तॖ प्रुछ़नस ज़ि क्याह यि छा मुम्किन ज़ि बॖ निमॖ पनॖनि वऻन्सि हॖन्ज़ कमऻय पानस सॗत्य स्वर्गस ताम यॆलि बॖ मरॖ। साधुहन कॊर व्यच़ारा पनॖनिस मनस सॗत्य ब्रिन्ज़िस खन्डस तॖ प्रुछ़नस ज़ि च़्यॆ कऺमिस प्रुछ़ुथ यि सवालॖ ब्यॆयि तॖ तिमव क्याह जवाब द्युतुय। ॳम्य शखसन दॊपनस ज़ि बॖ फ्यूरुस जायि जायि यि सवालॖ प्रॖछ़ान मगर बॖ तुलहोस फोति कॆंच़व लूकव, कॆंच़व मोन ज़ि म्यॆ छु द्यमाग ख़राब गोमुत। दोपुख ज़ि अज़ ताम छु नॖ कांह ति गोमुत कॆंह ह्यथ यॆलि तऺमिस अंत समय आव तॖ न ह्यॆकि कांह पानस सॗत्य कॆंह निथ यॆमि ब्रोंह कुन ति। मगर बॖ छुस नॖ यछ़ान यि धन दौलत पथकुन त्रावॖन्य ति क्याज़ि यथ ख्यन यॆति पंज़्य तय हापथ यानै नाहकॖक अंग ॴश्यनाव। साधुहन प्रुछ़नस ज़ि च़ॖ छुखा पनॖनि वतनॖ न्यबर ज़ांह गॊमुत कुन। शखसन वॊननस आ बॖ छुस द्वन त्र्यन मुलकन आमुत फीरिथ। स्यठाह जान गव। वॊनॖनस साधन। यथ मुलकस ति गोख च़ॖ, तति आसीय कॆंह पौंसॖ टूंक खर्चोवमुत याने कॆंह रॊपियि आसनय गऻमच़ खर्च यिमन जायन। तिमन जायन छे नॗ रॊपियि चलान। जवाबस मंज़ वॊन ॳम्य शखसन। त्यॆलि क्याह छु चलान। प्रुछ़नस साधन। प्रथ मुलकस मंज़ छि तति ची मुद्रा चलान। याने कुनि जायि डालर, कुनि जायि पौंड, कुनि जायि यन तॖ कुनि जायि दीनार वगैरा। साधुहन प्रुछ़नस ज़ि सु डालर या पौंड किथ पऻठ्य म्यूलुय च़ॆ। म्यॆ करि पनॖनि वतनॖचॖ रॊपियि जमाह बैंकस मंज़ तॖ तथ इवज़ मील्य म्यॆ डालर या य्यॊस मुद्रा म्यॆ ज़रूरथ ॴस। साधुहन समजोव यि ॳमीर इन्सान ज़ि यिथ पऻठ्य प्रथ ववतस छि पनॖन्य पनॖन्य मुद्रा आसान तॖ स्व मुद्रा हऻसिल करनॖ बापथ छु ज़रूरी ज़ि च़ॖ करख पनॖनि रॊपियि ग्वडॖ जमाह बैंकस मंज़ तॖ तमि बदलॖ मेली च़्यॆ तमि मुलकॖच मुद्रा यथ मुलकस च़ॖ गछ़ुन यछ़ान छुख। ॳमीर इन्सान गव हयबुंगु ह्यु तॖ ब्यूठ पानस सॗत्य सोंचनि ज़ि अमा पॊज़ यि साध छु शायद कथ डालनॖचच कूशिश करान। सोंचनि लॊग ज़ि साध सॖन्दिस सवालस तॖ म्यऻनिस खयालस छु नॖ वाठॖय कुनि। यि छु क्याहताम ऊट पटांग वनान। खऻर यॊत ताम छुस बॖ आमुत, पूरॖ कथ बोज़नस छु नॖ हरजॖ कॆंह। यि सूंथिथ ब्यूठ ॳमिस साधु सुन्द प्रवचन बोज़नि यिथ शखस। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव म्योन ॳज़्युक सबक़

podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)