10.09.2019

10.09.2019 भऻद्रप्यथ (भाद्र) ज़ूनॖ पछॖ (शुक्ल पक्ष) बाह (द्वादऺशी) बॊम्वार (मंगलवार) श्री सप्तर्षी सम्वत 5095, राश मकर (चलान) ऋतु वर्षा (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: दज़वॖनि नारॖ गजिहय
         दीज़्यन दऻरिथ तति ति यी
         पॊत फीरिथ
   अ: जान कऻम करनवोल मॊह-
        न्युव छु प्रथ बलायि लगान
2. मु: द्राग च़लि तॖ दाग़ च़लि नॖ
    अ: सख्ती छि हमेशि याद
          रोज़ान
3. मु: दज़ि वाज़स तॖ वुच़ि वाज़स
    अ: ज़िम्मवऻरी कऻन्सि पुशरिथ
         थवॖन्य
4. मु: दऺर्यावॖ निवान कांह आब
         बूत्यमार दिवान बुथि बुथि
    अ: अख छु ॴश्य करान
         ब्यॆयिस छु यिवान अज़र-
       वुन/ब्यॆयिस खुशी नॖ बर्दाशत
         गछ़ुन
5. मु: दज़नॖ दऺज़ॖस तॖ यि गिराह
         ति
    अ: बडि न्वकसानॖ पतॖ छु नॖ
         ल्वकुट न्वकसान तक्लीफ
         दिवान
**************************
1. अज़ तॖ पगाह करुन...To
              avoid/Not to keep
              promise
2. अज़कल....Now a days/
                     In a few days
3. अज़ऻन्य.... Ignorant/Not
             aware/Stranger/
             Unacquainted
4. अज़ार......Labour pain/
             Disorder/Trouble/
             Pain
5. अज़ताम.....Till now/Till
                      today
6. अज़रवुन..... Jealousy/
           Feeling resentment
         against a person be-
         cause of his rivalry
7. अज़लय.....From the very
                     beginning
8. अज़मावुन.....To try/To
                         test
9. अज़..........Today
10. अच़र....... Inanimate/
                       Constant
**************************
         गीता ज्ञान :अध्याय 16
 अज्ञानॖ सॗत्य यिम नष्ट गऻमॖत्य, यिम मूर्ख छि यऺच़ ब्रष्ट गऻमॖत्य
ज़गतॖक्य नाशॖ खऻतरॖ पऻदॖ सपदान
वॊन भगवानन गीता ज्ञान
**************************
 यज्ञोपवीत या खान्दरकिस मोकस प्यठ छि कॆंच़न रसमन हॖन्ज़ परम्परा चलान आमॖच़ तिमव मंज़ छु अख रसॖम सु गव दिवॖगोन या देव-ग्वन। दिवॖगोनुक मतलब छु ज़ि दीवताहन न्यमंत्रन द्युन, तिहॖन्ज़ पूज़ा सत्कार करुन, तॖ तिहुन्द ॴशिर्वाद ग्रहण करुन।अख मान्यता छि ज़ि कोरि हुन्द ज़न्म-अशौच छु दीवगोनस प्यठॖय ख़तम सपदान। न्यॆचिवॖसुन्द ज़न्म-अशौच छु ज़ातकर्म संस्कार करनॖ विज़ि ख़तम सपदान। दीवगोनस प्यठ छि कोरि यिवान लागनॖ स्वन गऺहनॖ, ॳमिस कोरि बापथ ॳन्यमॖच़ सतरऻज़ हॖन्द्य बानॖ यिवान वरतावन दीवगोनस प्यठॖय। दपान मोल छु वस्त्र, आभूषण, सतरऻच़ बानॖ कोरि दीवगोनस प्यठ दिनॖ सॗत्य कोरि-ऋण तलॖ म्वख्ती प्रावान। दीवगोनस प्यठॖय छि कूर ग्वडनिचि लटि परम्पराय मुतऻबिक कलस प्यठ तरंगॖ गन्डान य्वस सानि प्रानि समयि प्यठॖ आमॖच़ अकि परम्पराय हॖन्ज़ अख पहचान छि, अख प्रज़नथ छि य्वस वुन्युखताम चलान आयि। दीवगोनस प्यठ छु लऺडकस तॖ लऺडकी गृहस्थ-आश्रमॖच ज़ऻन्यकऻरी यिवान दिनॖ। दिवगोन छु खान्द्रचि श्रंखलाय मंज़ त्र्यॆयिम संस्कार यिवान मानॖनॖ, ग्वडन्युक छु मस मुच़ॖरुन त दॊयुम छु मऻन्ज़ लागॖन्य आसान। शास्त्रॖ हिसाबॖ छु दिवगोन ग्वडन्युक धार्मिक कार्यक्रम यिवान मानॖनॖ। अमि रॊस छु नॖ खान्दर यानि न्येथॖर यिवान करनॖ। लऺगनॖ ब्रौंठ छि यि कूर दिवगोनस प्यठॖय माहर्यॆनहुन्द रूप धारन करान तॖ मंत्रव दऺस्य छि ॳमिस शक्ती यिवान दिनॖ तॖ तिम शक्तीय हऻसिल करनॖ म्वखॖ छि यि शक्तीहॖन्ज़न सतन रूपन हॖन्ज़ पूज़ा करान। यिमन सतन शक्तियन हुन्द छु भोग यिवान लगावनॖ। अथ भोगस छि वनान मानत्रिका ति। ॳथ्य नावस प्यठ ओस सान्यन महिलायन यिवान वनॖनॖ मऻत्रिका ति। कथ छि जऻरी
**************************
"ग्वरस प्रॖछ़्योम सासि लटे
यस नॖ कॆंह वनान तस क्याह नाव
प्रॖछ़नॖ प्रॖछ़नॖ थऺचिस तॖ लूसॖस
कॆहनस निशे क्याहताम द्राव"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)