09.09.2019 भऻद्रप्यथ (भाद्र) ज़ूनॖ पछॖ (शुक्ल पक्ष) काह (एकादशी) च़ऺन्दॖरवार (सोमवार)श्री सप्तर्षी सम्वत 5095, राश मकर (दुहचि 3.11 बजि प्यठॖ), ऋतु वर्षा (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1.मु: द्रास ह्यॆनि म्यूलुम नॖ द्रास
कॖनॖनि पॊकुम नॖ
अ: यॆलि प्रथ तरफ़ॖ मॊयूसि
लबनॖ यी
2. मु: दुबॖ कलॖ हीर
अ: तस शख्सस वनान यस नॖ
सऺहल सऺहल फिकिरी तरि
3. मु: दछ कऺम्यू ख्यॆयि? परद्यव
म्यॆ दॊप पनॖन्यव मा
अ: यॆलि कांह चीज़ पनॖन्य
त्रऻविथ व्वपरॖ बुज़्य गछ़ि
4. मु: दि थफ तॖ नि दस्तार
अ: यथ नॖ पुरसानय आसि/
बे-बोज
5. मु: दऺछनिस अथस छु खॊवुर
छलान तॖ खॊवरिस दऺछुन
अ: अलज़ुन पलज़ुन/अख
ॳकिस बकार युन
**************************
1. असबाब.....Things/Furni-
ture/Luggage/Pro-
perty/Baggage/
Provision
2. अस्तॊथ करुन..To begrate-
ful/Express grati-
tude to
3. असतान....Sacred place/
Saint's tomb/Shrine
4. असथ......Lie/Untruth/
Falsehood/Incorrect
5. असनावुन.....To make
someone laugh
6. असवुन...Cheerful/Merry
laughable
7. असर......Effect
8. असुर.....Evil/Wicked/
Cruel
9. असान असान....While
laughing/Easily
10. असऻम्य.... Customer/
Post/Part/Culti-
vator/A tenant/
A debtor
**************************
गीता ज्ञान :अध्याय 16
असुर ख़सलथ वऻल्य मनुश्य मानान, यि ज़गत अपुज़ आसरॖ रॊस ज़ानान। सोरुय पानय बनान
कति छु भगवान
वॊन भगवानन गीता ज्ञान
**************************
संस्कारन हॖन्ज़ छि कथ चलान। राथ कऺर वखनय ज़ि कूर य्वस खान्दरॖ पतॖ ॳकसॖय रूपस मंज़ ॴसिथ ब्यॊन ब्यॊन रूपॖ पनॖन्य कर्म करान वऻरिव गरस मंज़। ॳमिस न्वशि ति छि यछ़ा रोज़ान ज़ि ॳमिस गॊछ़ अथ वऻरिव गरस मंज़ मान समान म्यॆलुन रॗन्य सॖन्दि दऺस्य, हशि हॆहरॖसॖन्दि दऺस्य, द्रुय दॖरॖकाकिनि हॖन्दि दऺस्य, ज़ऻम हॖन्दि दऺस्य। यथ गरस मंज़ बऻच़न पानॖवुन्य माय महोब्बत आसान छु, सु गरॖ छु फॊलान तॖ प्रज़लान।यथ गरस मंज़ यकुत आसि, अख ॳकिस प्यठ विश्वास आसि, अख ॳक्यसुन्द च़ुक आसि, सु गरॖ छु शॊलान तॖ गाह त्रावान। मगर यथ गरस मंज़ बऻच़न पानवुन्य दॖय आसि, हसद आसि, अख ॳकिस निशि कथ खऺटिथ थवि, ईर्शा आसि, न्वशि आराम बजाय अज़ाब वातनावि रून या हश ह्युहुर या द्रुय ज़ाम, तति छु हमेश तनाव रोज़ान, तति छॆ नॖ लक्ष्मी दऺरिथ ह्यकान, तति छु नॖ समुत रोज़ान, अख ॳकिसन्द्य पामॖ रोज़ान दिवान। पनुन वख नॖ स्वखॖ सान न्यॆरान। तॖ छलॖ छांगॖर गछ़ान गरस। वनॖनुक मतलबॖ छु यि ज़ि व्वपर गरॖच कूर य्वस माहर्यॆन बनिथ पनुन माल्युन दॊर त्रऻविथ वऻरिव गरस मंज़ क़दम त्रावान छि ॳमिस गछ़ि वऻरिव बऻच़न हॖन्दि दऺस्य माय महोब्बत मेलुन। यि सोरुय छु बनान अख संस्कारुक हिसॖ। यि खान्दर छु सपदान पूरॖ कॆंच़व मंत्र सॗत्य, कॆंच़व रीच़व रिवाजव सॗत्य, ॳगनस साक्षी बनऻविथ।अमि खान्दरॖक्य कॆंह अंश छि देवॖग्वन, लऺगॖन, मऻन्ज़्यराथ, पोशॖ पूज़ा वगैरा वगैरा। तिमन रीच़न रिवाजन प्यठ करव तबसरॖ ब्रौंह कुन। कथ जि जऻरी।
**************************
"कायस अन्दर रूदुम ॳच़िथ
न्यायस थऺवनम च़्वपऻर्य शाय
पाय कॆंह लॊबुम नो माय छस कऺरिथ
ज़ाय नॖ आयस लॊगुम नाव"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1.मु: द्रास ह्यॆनि म्यूलुम नॖ द्रास
कॖनॖनि पॊकुम नॖ
अ: यॆलि प्रथ तरफ़ॖ मॊयूसि
लबनॖ यी
2. मु: दुबॖ कलॖ हीर
अ: तस शख्सस वनान यस नॖ
सऺहल सऺहल फिकिरी तरि
3. मु: दछ कऺम्यू ख्यॆयि? परद्यव
म्यॆ दॊप पनॖन्यव मा
अ: यॆलि कांह चीज़ पनॖन्य
त्रऻविथ व्वपरॖ बुज़्य गछ़ि
4. मु: दि थफ तॖ नि दस्तार
अ: यथ नॖ पुरसानय आसि/
बे-बोज
5. मु: दऺछनिस अथस छु खॊवुर
छलान तॖ खॊवरिस दऺछुन
अ: अलज़ुन पलज़ुन/अख
ॳकिस बकार युन
**************************
1. असबाब.....Things/Furni-
ture/Luggage/Pro-
perty/Baggage/
Provision
2. अस्तॊथ करुन..To begrate-
ful/Express grati-
tude to
3. असतान....Sacred place/
Saint's tomb/Shrine
4. असथ......Lie/Untruth/
Falsehood/Incorrect
5. असनावुन.....To make
someone laugh
6. असवुन...Cheerful/Merry
laughable
7. असर......Effect
8. असुर.....Evil/Wicked/
Cruel
9. असान असान....While
laughing/Easily
10. असऻम्य.... Customer/
Post/Part/Culti-
vator/A tenant/
A debtor
**************************
गीता ज्ञान :अध्याय 16
असुर ख़सलथ वऻल्य मनुश्य मानान, यि ज़गत अपुज़ आसरॖ रॊस ज़ानान। सोरुय पानय बनान
कति छु भगवान
वॊन भगवानन गीता ज्ञान
**************************
संस्कारन हॖन्ज़ छि कथ चलान। राथ कऺर वखनय ज़ि कूर य्वस खान्दरॖ पतॖ ॳकसॖय रूपस मंज़ ॴसिथ ब्यॊन ब्यॊन रूपॖ पनॖन्य कर्म करान वऻरिव गरस मंज़। ॳमिस न्वशि ति छि यछ़ा रोज़ान ज़ि ॳमिस गॊछ़ अथ वऻरिव गरस मंज़ मान समान म्यॆलुन रॗन्य सॖन्दि दऺस्य, हशि हॆहरॖसॖन्दि दऺस्य, द्रुय दॖरॖकाकिनि हॖन्दि दऺस्य, ज़ऻम हॖन्दि दऺस्य। यथ गरस मंज़ बऻच़न पानॖवुन्य माय महोब्बत आसान छु, सु गरॖ छु फॊलान तॖ प्रज़लान।यथ गरस मंज़ यकुत आसि, अख ॳकिस प्यठ विश्वास आसि, अख ॳक्यसुन्द च़ुक आसि, सु गरॖ छु शॊलान तॖ गाह त्रावान। मगर यथ गरस मंज़ बऻच़न पानवुन्य दॖय आसि, हसद आसि, अख ॳकिस निशि कथ खऺटिथ थवि, ईर्शा आसि, न्वशि आराम बजाय अज़ाब वातनावि रून या हश ह्युहुर या द्रुय ज़ाम, तति छु हमेश तनाव रोज़ान, तति छॆ नॖ लक्ष्मी दऺरिथ ह्यकान, तति छु नॖ समुत रोज़ान, अख ॳकिसन्द्य पामॖ रोज़ान दिवान। पनुन वख नॖ स्वखॖ सान न्यॆरान। तॖ छलॖ छांगॖर गछ़ान गरस। वनॖनुक मतलबॖ छु यि ज़ि व्वपर गरॖच कूर य्वस माहर्यॆन बनिथ पनुन माल्युन दॊर त्रऻविथ वऻरिव गरस मंज़ क़दम त्रावान छि ॳमिस गछ़ि वऻरिव बऻच़न हॖन्दि दऺस्य माय महोब्बत मेलुन। यि सोरुय छु बनान अख संस्कारुक हिसॖ। यि खान्दर छु सपदान पूरॖ कॆंच़व मंत्र सॗत्य, कॆंच़व रीच़व रिवाजव सॗत्य, ॳगनस साक्षी बनऻविथ।अमि खान्दरॖक्य कॆंह अंश छि देवॖग्वन, लऺगॖन, मऻन्ज़्यराथ, पोशॖ पूज़ा वगैरा वगैरा। तिमन रीच़न रिवाजन प्यठ करव तबसरॖ ब्रौंह कुन। कथ जि जऻरी।
**************************
"कायस अन्दर रूदुम ॳच़िथ
न्यायस थऺवनम च़्वपऻर्य शाय
पाय कॆंह लॊबुम नो माय छस कऺरिथ
ज़ाय नॖ आयस लॊगुम नाव"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
No comments:
Post a Comment