01.10.2019

01.10.2019, ॴशिद (आश्विन) ज़ूनॖ पछॖ (शुक्ल पक्ष) त्रय (देवादेव) (तृतीय) बॊम्वार (मंगलवार) श्री सप्तर्षी सम्वत 5095, राश तुला (चलान), ऋतु हरुद (शरद) (चलान), नवरात्र (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: च़ॊट गऺयि क्वलि तॖ राहि
         ख्वदा
    अ: रोवमुत चीज़ खऻरात करुन
2. मु: च़ूंठ छु च़ूंठिस वुछिथ रंग
          रटान
    अ: इन्सानस छु ब्यॆयिसुन्द
         असर प्यवान
3. मु: च़ूरस तॖ रऻछिस बऻज-वठ
    अ: यॆति प्रथ कांह बे-ईमान
         आसि
4. मु: च़ूरस फुट ख्वर तॖ पीरस
         मोरुख मुरीद
    अ: बे-ग्वनाहन सज़ा प्यॊन/
         बे-बूज हालथ
5. मु: छ़ॊकस छु फॊख वसान
    अ: दज़ॖबुज़ लदस छि ॴखॖरस
          रुसवऻयी गछ़ान
**************************
1. इशारॖ.....Hint/Indication/
               Suggestion/Clue
               Sign
2. इशारॖ हावुन.....To give a
               hint/To show the
               direction
3. इशारॖ करुन.....To hint/
               Signal/Suggest/
               Indicate
4. इशारॖ द्युन....To give a hint
              To indicate/To
               suggest
5. इसॖम.......Name
6.  इसतिकलाल...Perseve-
           rance/Patience/
       Fortitude/Firmness/
       Constancy
7. इस्तिमाल......Use/Usage
8. इसतिकॖबाल.....Welcome/
                           Reception
9. इसतऺरी.....Iron
10. इसतिदा....Request/Pra-
                 yer/Petition/En-
              treaty/Solicitation
**************************
          गीता ज्ञान अध्याय 17
यिम मनुश शास्त्र विदी त्रावान
मनचि कल्पनायि सख़ तपस्या करान। मखर अबिमान तॖ कामना थावान
वॊन भगवानन गीता ज्ञान
**************************
दछुन खॊवुर यॆलि म्यॆ नज़र प्यवान छि तॖ बॖ छुस हऻरान सपदान यि वुछिथ ज़ि सऻनिस समाजस मंज़ छि वारियाह कोरि तॖ लऺडकॖ यिहॖन्ज़ वऻन्स पज़नॖ प्यॆठ द्रामॖच़ छि तॖ वुनि छि अनहॖरीय। च़्वयत्रॖह तॖ शॆयत्रॖह वऺरी लडकॖ तॖ लऺडकी छि छ़ान्डान वर वधु अख ॳक्यसॖन्दि बापथ। मऻज्य मोल छु परेशान ज़ि तान छु नॖ सऺही या मुनऻसिब मेलान तॖ मजबूर सपदिथ छु प्रारान ज़ि ज़ऻच़ न्यबरय ति अगर बनि तॖ ॳछ वऺटिथ करि सु पनॖनिस शुरिस
खान्दर। यि छु अख संजीदॖ मसलॖ यथ प्यठ सानि समाजिक्यन ज़िम्मवार शखॖसन पज़ि सारेय कामि त्रऻविथ ग्वडॖ यथ मसलस हल छ़ान्डुन। सानि कोरि छि लड़कन न्यसबतॖ ज़्यादॖ परिमच़ॖ ल्यॆछमच़ॖ बासान तॖ तिमन छु नॖ पानस बराबर लऺडकॖ कांह टारि खसान तॖ प्रारान प्रारान छि स्व कूर ॴखरस अथ नतीजस प्यठ वातान ज़ि पनॖनि ज़ऻच़ न्यबर नीरिथ छि पनुन जीवन सऻथी हऻसिल करनॖ बापथ कदम तुलान चाहे मजबूरी मंज़ॖय सऺही। मोल मऻज्य ति छि शायद ग़नीमथ ज़ऻनिथ ॳछन पऺ़ट गऺन्डिथ तॗ ॴसस त्रॊप दिथ शुर्यसुन्द यि फ़ऻसलॖ मानान। यि मसलॖ ह्यॊतुन   द्वह पतॖ द्वह संजीदॖ मसलॖ  बनुन। सान्यन ज़िठ्यन पज़ि गोल मेज़ कान्फ्रन्स बुलावॖन्य यूत जलॖद पिलि तॖ त्यूत तॖ अमि मसलुक  कांह वऻहिद हल छ़ान्डुन। युवा पीडी ति छि बुलावन्य तॖ त्युहुन्द तर्क बोज़ुन संजीदगी सान तॖ वुछव ज़ि ॳस्य कम क़दम  ह्यकव  तुलिथ अथ ज़ऻच़ न्यबर खान्दरन थख दिनॖ बापथ तॖ ब्यॆयि खान्दरॖच वऻन्स कम करनॖ बापथ।लऺडकस तॖ लऺडकी हॖन्ज़ माहानॖ कमायि हुन्द छु अख बॊड बारॖ मसलॖ यथ कथि प्यठॖ छु असि फ़र्ज़ बनान ज़ि ॳस्य वुछव किथॖ पऻठ्य ह्यकव अथ मसलस वाठ दिथ। कॆंह न तॖ कॆंह समजोतॖ छु करुन ज़रूरी तॖ कम ज़्यादॖ व्यॆपरावुन ति छु स्यठाह ज़रूरी। अगर असि वाकय पननि समाजुक दिली च़ुक छु तॖ पनुन समाज ज़िन्दॖ थावुन छु, पनॖन्य संस्कार तॖ पनॖन्य सभ्यता बचावॖन्य छि, यिमन कथन प्यठ सोच विचार करुन छु ज़रूरी। यि छि म्यऻन्य पनॖन्य राय। तुहॖन्ज़ राय गछ़ि नॖ ब्यॊन आसॖन्य म्यऻनि रायि निशि म्यॆ छु विश्वास।
**************************
"सऺच़सस नॖ सातस पऺच़सस नॖ रुमस
सुह मस म्यॆ ललि च्यव पनुनॖय वाख
अंदरिम गटॖकाह रटिथ तॖ वोलुम
च़ऺटिथ तॖ द्युतमस तती चाख"
  पऺरिव यि लल वाख ति
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

30.09.2019

30.09.2019, ॴशिद (आश्विन)  ज़ूनॖ पछॖ (शुक्ल पक्ष) द्वय (देवादेव)(द्विति) च़ऺन्दॖरवार (सोमवार),श्री सप्तर्षी सम्वत 5095, राश तुला(सुबहॖचि 5.44 बजि प्यठॖ), ऋतु हरुद (शरद)(चलान), नवरात्र चलान
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: छ़ॊटिस फ़ेल वॊटिस सॊम्ब
    अ: छ़ॊटिस इन्सानस छि खॊडॖ-
          फॆचि ज़्यादॖ आसान
2. मु: छ़ॊपॖ छय रॊपसॖन्ज़ करखय
         तॖ स्वनॖसॖन्ज़
    अ: छ़ॊपि छु वारियाह फ़ऻयदॖ तॖ
         ज़्यव गिलवनस छु लान्ज/
         ज़्यादॖ कथॖ करनॖ सॗत्य
         ह्यकन ग़लती ति गऺछ़िथ
3. मु: च़ॊर गव ज़ि खॊर गव
    अ: ज़्यादॖ आसनस छॆ नॖ शूब
         कॆंह
4. मु: च़ॊट छय दॊयव अथव
          बनान
    अ: इतिफ़ाकस छु ताक़थ/
         अख तॖ अख गव काह
5. मु: च़ॊर अयाल गव बॊड
         जंजाल
    अ: बऺडिस अयालस छु बॊडुय
         ख़र्चॖ आसान
**************************
1. इशतियाल....Anger/Provo
              cation/Instigation
              Incitement
2. इशटाम.....Stamp paper
3. इस़रार.....Request/Per-
         sistence/Constancy
4. इस़राफ़....Base of wealth
                    Extravagance/
                    Waste/Extrava
                gant expenditure
5. इस़लाह करुन....To amend
               To correct/To rec
               tify/To improve
6. इसलाह.....To reform/
              Correction/Writ-
             ing/Pattern/Shave
7. इज़ाफ़ॖ..... Enhancement
             Enlargement/Addi
             tional/Excess/Sur-
             plus
8. इज़तिराब..... Impatience
             Restlessness/Un-
             easiness/Anxiety
             Disturbance/
             Commotion
9. इतिलाह..... Intimation/
           Information/Notice
           Communication/
           Notification
10. इशतिहार....Poster/Bill
           Notification/Adver-
           tisement/Notice/
           Publicity
**************************
         गीता ज्ञान  :अध्याय 17
सातविक प्वरुश दीवन छु पूज़ान
राजस यखशन राख्यसन असुरन
तामसी बूतन प्रीतन पूज़ा करान
वॊन भगवानन गीता ज्ञान
**************************
सऻनिस समाजस मंज़ छु पोशॖ पूज़ायि यिवान अख अलगॖय दरजॖ दिनॖ  यि पोशॖ पूज़ा रसॖम छु खान्दरस मंज़ ॴखरी पडाव यिवान मानॖनॖ। यॊदवय वुछव तॖ पोशॖ पूज़ा माने गव पोशव सॗत्य पूज़ा करॖन्य यानि पोशॖ वर्षुन करुन मगर यि रसॖम यॊदवय ॳस्य हना सन्यरॖ सान वुछव तॖ सनव, यि पोशॖ पूज़ा छि आसान खुशी तॖ गमन हुन्द मिश्रन ति ज़न गव ज़ि  यि पोश पूज़ा छि आसान भावॖ ब्वरॖच़। मनस मंज़ छि  लोलच्यन तारन दॖनन लगान मऻलिस माजि ख़ास कर तिक्याज़ि अमि पतय छि  कोरि हॖन्ज विदऻयी आसान।मऻलिस माजि हॖन्दि जिगरुक अख अंग छु यिमन निशि ब्यॊन गछ़ान तवॖ म्वखॖ छि यि गऺर ग़मॖच गऺर आसान मगर मनॖच खुशी छि यि रोज़ान ज़ि यि कूर गछ़ि बजाह तॖ प्रावि पनुन अख सु मंज़िल यॆमि बापथ ॳमिस कोरि हुन्द पालन पोशन छु आसान आमुत करनॖ मोरॖ छलव सॗत्य।मंत्रव दऺस्य छु ॴशिर्वादॖ यिवान दिनॖ माहर्यॆनि तॖ माहराज़स। दीवी दीवताहन हुन्द आवाहन छु यिवान करनॖ तॖ त्युहुन्द ॴशिरवाद छु मेलान अमि सातॖ पोश छावनॖ दऺस्य। अथ पोशि पूज़ायि रसमस मंज़ छि मऻलिस माजि अलावॖ बाकय सऻरीय यानि ब्यॆनि-बऻय, अंग ॴश्यनाव,यार दॊस शऻमिल सपदिथ माहर्यॆनि माहराज़स पोशॖ वर्षुण करान तॖ पनुन लोल भावान,मऻजि दीवी हुन्द अनुग्रह मंगान। मानॖनॖ छु यिवान ज़ि माहर्यॆन तॖ माहराज़ॖ छु  अमि सातॖ शिव तॖ पार्वती रूपस मंज़ आसान यिमन प्यठ पोशॖ वर्षुन यिवान छु करनॖ। खान्दरॖ किस यथ रसमस मंज़ छि लॆहज़ा पोशॖ पूज़ा  बडॖ अदॖभुत रसम बनान कॆंच़व वजूहातव किन्य। अकि तरफ़ॖ ज़नानॖ  ह्यॆन्ज़ॆय वनवुन रोज़ान वनान, अकि तरफॖ  ग्वरू जी ॴशिर्वादॖक्य मंत्र उच्चारन रोज़ान करान, अकि तरफॖ छु जुदऻयी हुन्द आलम नज़र यिवान त अख ॳजीब हलचल मनस मंज़ पऻदॖ करान। ब्यॆयि तरफ़ॖ छु खुशी हुन्द माहोल बऺनिथ आसान। तिक्याज़ि वर वधु
सॖन्ज़ि ज़िन्दगी हॖन्दिस सफ़रस मंज़ छु येति प्यठॖ अख नॊव मोड यिनॖवोल आसान। सासॖबऺद्य अरमान छि व्वतलिथ यिवान। कऻत्यहान स्वपनन छु नॊव ज़ुव अच़ान।नॊव संसार ॳछन मंज़ थऺविथ प्रान्यन कथन फ्युर दिथ मनकिस कुनि कूनस मंज़ श्रपॖरावनॖच तॖ मशरावनॖच अख कूशिश करान यि कूर। मालिन गरॖ निशि दूर्यॆर ज़रान। सु माल्युन गरॖ यॆति ॳम्यसुन्द ल्वकचार छु आसान आमुत रऺछ़रावनॖ, बऺडॖरावनॖ मायि तॖ मॊहब्तॖ सान। ॳमिस कोरि छु व्वंय ब्यॊन ब्यॊन रुप दऻरिथ ब्यॆयिस ॳकिस नऺविस तॖ अन्ज़ान गरस पानॖनावुन तॖ पनॖन्यव ग्वनव सॗत्य ग्वड द्युन तॖ तत्युक रुत कांछुन। खान्दरुक यि संस्कार छु यॆत्यन संपन्न सपदान। हालांकि कॆंह ल्वकॖट्य म्वकॖट्य रीच़ॖ रसम छि ब्यॆयि अमि पतॖ ति मगर असली संस्कार छु यथ जाय अंद वातान। यथ ॳस्य वनान छि पोशॖ पूज़ा।
**************************
"वाख स्यद छ़ोह दिथ म्वखस बीठॖम
स्वखस डींठॖम रोज़नस शाय
द्वखस अंदर न्यॆंदॖर मीठॖम
ब्वद्ध यॆलि ज़ीठॖम मीठॖम कथ"
  पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

29.09.2019

29.09.2019, ॴशिद (आश्विन) ज़ूनॖ पछॖ (शुक्ल पक्ष) ऒक्दॊह (प्रथम) आथवार (रविवार/एतवार), श्री सप्तर्षी सम्वत 5095, राश कन्या (चलान) ऋतु हरुद (शरद)(चलान)...नवरात्र गऺयि ॳज़्यकि प्यठॖ शुरु
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: च़लॖहऻ तॖ छुम नॖ वार रोज़ॖहऻ
          तॖ छुसय बार
   अ: रोज़नस नॖ वार तॖ न गछ़नस
       प्रथ तरफ़ॖ मुश्किलॖय मुश्किल
2. मु: च़म तॖ नम वऺसिथ रॊख्सथ
    अ: मॆहनत मशकथ कऺरिथ ति
          नॖ कॆंह हऻसिल युन
3. मु: च़लान तॖ लारान युन
    अ: दवान तॖ दोरान वातुन/
          जल-जल वातुन
4. मु: छ़लस तल छु हॊस ति बंद
    अ: छ़ॊम्बि सॗत्य ह्यॆकि कांह
         बॊड ताक़त ति वश गऺछ़िथ
5. मु: छ़ऺल्य न तॖ बऺल्य प्यॆठ्य न
         तॖ तऺल्य
    अ: कुनि न तॖ कुनि तऺरीकॖ कॆंह
          हऻसिल करुन
**************************
1. इतमिनान.....Confidence/
           Satisfaction/Calm-
           ness/Composure
2. इलहाम.... Revelation/
                    Inspiration
3. इतिबार.... Belief/Faith/
          Confidence/Esteem
          Credit/Credence
4. इल्ज़ाम.... Allegation/
           Accusation/Blame/
           Charge
5. इक़रार.....Promise/Con-
            tract/Admission/
            Declaration
6. इलतिमास......Request/
            Supplication/Pray-
            er/Petition
7. इलहाक्.....Joining of
            hands/Coming to-
            gether/Accession
8. इमतियाज़....Discrimina-
                tion/Distinction
9. इमदाद.....Help/Aid/Sub-
              sidy/Relief/Assis-
              tance/Support
10. इमला.....Script/Writing
              system/Dictation
              Orthography
**************************
          गीता ज्ञान  :अध्याय 17
हे भारत श्रदा सारिनॖय मनुशन,
यिहॖन्द्यव अन्त:कर्नव किन्य आसन, श्रदा म्यॆ प्वरुशस तिछ़ श्रदा आसान
वॊन भगवानन गीता ज्ञान
**************************
काम्बॖर्य पछ वोत अंद राथ तॖ ॳज़्यकि प्यठॖ छि ब्याख व्वसॖ-द्रोसॖ। स्व गऺयि नवरात्रा। अज़ छु ऒक्दॊह तॖ नवम ताम रोज़ि माजि दुर्गा हॖन्द्यन नवन रूपन हॖन्ज़ पूज़ा अर्चना सपदान तॖ माजि दीवी पनुन अनुग्रह रोज़व मंगान। यिमन नवन दोहन छि कऻशिर बटॖ कॆंह पूरॖ नवन दॊहन फाकॖ दरान, कॆंह छि सिरिफ़ कॆंह दुहॖय फाकॖ दरान, कॆंह छि नॖ दरानॖय, कॆंह छि सिरिफ ॴठम फाकॖ दरान। माने शास्त्रॖ दऺस्य छि छूट यॆमिस यिथॖ पऻठ्य मन वनि सु करि फाकॖ तमी हिसाबॖ। अगर त्वहि याद आसि ज़ि कऺशीरि मंज़ ॴस्य ॳस्य नावरात्रॖ-क्यन ग्वडॖनिक्यन च़्वन दॊहन मामस याने न्यॆनि-स्युन ख्यवान। पऻन्च़म प्यठॖ ॴठम ताम ॴस्य फाकॖ थवान सु ति यॆमिस यॆच़ द्वह ख्वश करहऻन। तॖ नवम द्वह ॴस्य ब्यॆयि न्यॆनि-स्युन ख्यवान। अमि द्वह ॴस्य तऺहर तॖ च़र्वन च़ऺक्रीश्वर खारान यथ ॳस्य वनान ॴस्य च़ॊट खारुन। यि शास्त्र कत्यन बदल्यव, क्याज़ि बदल्यव, कऺम्य बदलोव, कमि ह्वॊकमॖ बदलोवॖन, बटव क्याज़ि त्रोव कऺशीरि न्यबर नीरिथ न्यॆनि-स्युन ख्यॊन, च़ॊट नॖ खारुन, यि फल्सफॖ तॊर नॖ म्यॆ फिकिरि कॆंह। कॆंह बख़त छि नवदुर्गा ववान तॖ नवि दॊह पतॖ विसर्जन करान। ॴठम या नवम द्वह छि कन्यकॖ पूज़ा यिवान करनॖ। अथ पूज़ायि मंज़ ति छु आमुत कति कोर बदलाव तॖ लॖज्यमॖच़ मान मान या देखा देखी। अथ मुतलक करव कथ  ब्रौंहकुन।
हालस छुवॖ त्वहि सारिनी नवरात्राय हुन्द पोश्तॖ।
**************************
"लोलॖकि नारॖ ललि ल्वलि ललॖनोवुम
मरनय म्वयस तॖ रूज़ॖस नॖ ज़रय
रंग रच़िह ज़ऻच़ॖय क्या नॖ रंग होवुम
बॊ दपुन च़ॊलुम तॖ क्याह सना करे"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

28.09.2019

28.09.2019 ॴशिद (आश्विन) गटॖ पछॖ (कृष्ण पक्ष) मावस (अमावस्या) बटॖवार (शनिवार/ शनिश्चरवार), श्री सप्तर्षी सम्वत 5095, राश कन्या(सुबहॖचि 6.18 बजि प्यठॖ), ऋतु हरुद(शरद)..काम्बॖर्यपछ (पितृ पक्ष)(चलान)...मावसि हुन्द श्राद्ध यी ॳज़्य (पगह प्यठॖ छि नवरात्रा शुरु)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: च़ॖनि फॊति त्यॊंगुल
    अ: सु युस ज़िठ्यन हुन्द नाव
         मन्दछावि
2. मु: च़ूरस च़्वन यारन हॖन्ज़ लार
    अ: मुजरिम या ॴबदार छु पनॖ
         न्यन क्यिहो परद्यन खोच़ान
3. मु: च़ूरस नय मूर आसि सन
          किथॖ श्रॆप्यस
    अ: च़ूरस छु मार ख्यॊन ज़रूरी
4. मु: च़ूरन समखान चन्दॖ-च़ूर
    अ: ह्यिविस ह्युवुय अगादि
         गछ़ान
5. मु: च़ूरस छि ब्वखचस कुनुय
         कल
    अ: यॆमिस योरकुन रुजान
         आसि तस छु नॖ तमि वरऻय
         ब्यॆयि किंहीं बोज़नॖ यिवान
**************************
1. अब्यॊन.....Together
2. अब्यास....Exercise/Want
            Practice/Deligence
            Routine/Manner/
            Custom/Habit/
            Meditation
3. अबिमान.....Pride/Vanity
           Prickle/Haughti-
           ness/Arrogance/
           Self conceit
4. अबद......Always/Ever/
           Continually/Per-
           petually/Incessant
           ly/Eternally/With
           out end
5. अबख छान.... Untrained
            carpenter/Unskill
            ed carpenter
6. अबख वार्यॆन्य.... Untrained
            nurse/Illiterate
            nurse
7. अबख.....Bad workman/
           Unknown/Not fully
           skilled
8. अबलवुन.....A new thing/
           In the beginning/
           Preliminary/First
           stage/Premier
9. अबल......Weak/Feeble/
                    Frail/Without
                    strength
10. अबदी....Eternal/Ever-
                lasting/Endless/
                Perpetual
**************************
         गीता ज्ञान  :अध्याय 17
         श्री भगवान वनान       
भगवान वनान यिम शास्त्र विदी त्रावान, सिरिफ पनॖनि स्वबावॖ श्रदा थवान, यि सत रज तॖ तम त्रॆयि प्रकऻर्य आसान
वॊन भगवानन गीता ज्ञान
**************************
खान्दरुक अख महत्वपूर्ण रसम छु यिवान मानॖनॖ सप्तपदी। यि रसॖम छु यिवान लगनॖ मंडपस प्यठ पूरॖ करनॖ। चूंकि ॳस्य छि ॳगनस साक्षी मानान तॖ  साक्षी मऻनिथ पनॖन्य रसम पूरॖ करान तमी मूजू्ब छि लगनस प्यठ माहर्यॆनि तॖ माहराज़स क़सम करनावान मंत्रव दऺस्य ज़ि किथॖपऻठ्य पज़ि तिमन यॆमि ब्रौंहकुन पनुन गरबार करुन रलिथ तॖ मीलिथ, सूंचिथ तॖ समजिथ, असान तॖ गिन्दान, वगैरा वगैरा। ॳथ्य दोरानस मंज़ छि माहर्यॆन तॖ माहराज़ॖ ॳगनस अंद्य अंद्य सथ फेरॖ दिवान। सथ रॊपियि छि यिवान थवनॖ तॖ तिमनॖय प्यॆठ प्यवान पकुन तॖ सतन चीज़न हुन्द शपथ प्यवान तुलुन। यिम सथ छि अन्नॖपूरणा, शक्ति, लक्ष्मी, सरस्वती, वंश उत्पति, स्वास्थ, प्रेम तॖ व्यवहार।यथ ॳस्य वनान छि सप्तपऺदी।
अथ सॗत्य सॗत्य छु माहर्यॆनि वऻरिव गछ़नॖ बापथ आग्रह यिवान करनॖ, दपान छिस च्यानि यिनॖ सॗत्य यीन वऻरिव गरस ख्वशहऻली, दॊयिमिस श्वलूकस मंज़ छु यिवान माहराज़स वनॖनॖ ज़ि च़ॖ यि होवुर गरस मंज़ सरस्वती हन्दिस रूपस मंज़, त्रेयिम श्वलूक छु वनान दॊन बऻच़न हुन्द मिलच़ार रोज़ुन, च़ूर्यमिस श्वलूकस मंज़ माहर्यॆनि वनान ज़ि वऻर्यविच मान मऺर्यादा रछॖन्य, पॗन्च़मि श्वलूक दपान वऻरिव गरस मंज़ स्वख, शऻन्ती तॖ आनन्द व्वतपन सपदुन श्यॆमि श्वलूक छु वनान ज़ि
ज़िठ्यन हॖन्ज़ सीवा करॖन्य, तॖ सऺतिम तॖ पऺतिम श्वलूक छु वनान बऻच़न द्वन पानॖवुन्य प्रेम भाव थावुन तॖ अंगन ॴश्यनावन सॗत्य आच़ार व्यच़ार जान थवुन तॖ पनुन स्वभाव मॊदुर तॖ म्यूठ थवुन। यॆमि रसमॖ पतॖ छि यिवान पोशॖ पूज़ा करनॖ। कथ छि जऻरी
**************************
"ललि ग्वर ब्रह्मांड प्यठ कुन वुछुम
शशकल वॖछॖम पादन ताम
ज्ञानॖकि अमृतॖ प्रक्रथ बऺरॖम
लूबॖय मोरुम अंदवंद ताम"
  पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

27.09.2019

27.09.2019, ॴशिद (आश्विन) गटॖ पछॖ (कृष्ण पक्ष) त्रुवह(देवा-
देव)शॊकुरवार (शुक्रवार/जुम्मा),श्री सप्तर्षी सम्वत 5095, राश सिंह (चलान),ऋतु वर्षा (चलान), काम्बॖर्यपछ (पितृ पक्ष)(चलान)...च़्वदॖश हुन्द श्राद्ध यी ॳज़्य (च़्वदह छि रावान...च़्वदॖश हुन्द वॊहरवोद यी ॳज़्य)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: च़ूरॖ क्वकुर
    अ: य्वस कऻम बे-वखतॖ
         ख़जिल करि
2. मु: च़ूर छु बे-नूर
    अ: च़ूर छु ॴबदार आसान
3. मु: च़्वदऻहिम ज़ून
    अ: फलॖ च़न्दॖर हिश ज़ून
         स्यठाह हसीन् ज़नान
4. मु: च़्वचि न तॖ लवास बतॖ न तॖ
         बतास
    अ: मॊमूली चीज़ ति नॖ बनवुन
         अमापॊज़ छ़ान्डुन थॊद
5. मु: च़ूर गऺयि नंगॖ हंगॖ तॖ मंगॖ
    अ: बेख़बर पऻठ्य कऻन्सि हुन्द
          कान्ह कॊकार नॊन गछ़ुन
**************************
1. इन्तिकाम..... Revenge/
               Vengeance/Re-
                prisal
2. इनशा...... Essay
3. इन्साफ़....Justice/Equity
                   Fair play/Impar
                   tiality
4. इनाम.....Prize/Gift/Grant
                 Favour/Gratuity
                 Reward/Tip
5. इनफिरऻदी..... Individual/
                         Lonely
6. इनफिरऻदियत....Individuali
             ty/Lonely/Solitary
7. इन्तिकाल.....Death/Trans
             mission/Transfer
             of land
8. इन्तिज़ार.....Wait/Expecta
                        tion/Waiting
                        anxiously
9. इन्तिखाब.....Choice/Elec-
                tion/Selection/
                Extract/Excerpt
10. इमकान.....Guess/Possi
              bility/Potentiality
              Existence/Count-
              er agent
**************************
          गीता ज्ञान  :अध्याय 17
यिछ़ि श्रदायि हुन्द क्या छु महिमा
यि सातविक राजस या तामसी छा
त्रॆयव मंज़ॖ कुस कमि प्रकऻर्य आसान
वॊन भगवानन गीता ज्ञान
**************************
खान्दरक्यव पडावव मंज़ छु अख पडाव द्वार पूज़ा। व्यूग वॊन म्यॆ व्यस्तऻरिथ राथ। वीगि प्यठॖ नीरिथ छु माहराज़ॖ होवरिकिस मकानकिस ब्रान्दस प्यठ वऻतिथ लगनॖ मंडपस कुन गछ़नॖ ब्रौंह ब्रांदकिस द्वारस यानि दरवाज़स प्यठ खड़ा गछ़ान। अथ दरवाज़ॖ किस दासस अन्दर अच़नॖ विज़ि छु ब्रह्मा जी कॆंह मंत्र पऺरिथ माहराज़स स्वागत करान। प्रथा छि ज़ि ॳथ्य द्वारस निश छु माहरिन्यु हुन्द मोल स्वागत करान करान पृछ़ान ॳमिस माहराज़स ज़ि च़ॖ क्याह करनि छुख आमुत योर। माहराज़ॖ छु बडॖ हऺलीमी सान तॖ नम्रता सान वनान पननिस ह्यॆरस ज़ि बॖ छुस आमुत तुहॖन्ज़ि कोरि सॗत्य खान्दर या न्येथॖर करनॖ बापथ। माहराज़ सुन्द वनुन छु यिवान स्वीकार करनॖ तॖ माहराज़स छि आज्ञा मेलान दरवाज़ॖ दासस अन्दर अच़नॖ बापथ। द्वार पूज़ा छि असली द्वार दीवता सॖन्ज़ पूज़ा आसान। ॳमिस माहराज़स छि यिवान ब्यॊन ब्यॊन प्रकऻर्य सवालॖ पृछ़नॖ धर्मस मुतलक, समाजस मुतलक, अध्यात्मस मुतलक, आर्थिक व्यवस्था मुतलक बॆतरी। यिम सवाल करनॖ सॗत्य तॖ यिमन सवालन हुन्द जवाब बोज़नॖ सॗत्य छु माहराज़ सॖन्द्यन ग्वनन हुन्द अनुमान यिवान लगावनॖ, ॳम्यसॖन्ज़ अक्लि हुन्द अन्दाज़ॖ यिवान लगावनॖ वगैरा वगैरा। मान्यता छि ज़ि कोरि मोल छु तसली बख्श रोज़ान ज़ि तऺम्यसॖन्ज़ कूर छि सऺही तॖ रॖतिस इन्सानस हवालॖ यिवान करनॖ ताकि यिमन द्वनवॖनी हुन्द गृहस्थ आश्रम रोज़ि स्वखॖ तॖ सम्पन्न। यि ति छु अख महत्वपूर्ण रसम यिवान मानॖनॖ। मगर अथ रसमस छि अज़कल दरार आमॖच़। कारण छि वारियाह। यिमन हॖन्ज़ वखनय करव ब्रौंहकुन
**************************
"यॆम्य लूब मनमथ मंद च़ूर मोरुन
वतॖ नऻश्य मऻरिथ तॖ लोगुन दास
तऺमी सहज़ॖ ईश्वर गोरुन
तऺम्य सोरुय व्यॊन्दुन स्वास"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

26.09.2019

26.09.2019, ॴशिद (आश्विन) गटॖ पछॖ (कृष्ण पक्ष) बाह (देवादेव) (द्वादऺशी) ब्रसवार (वीरवार/ब्रहस्पथवार),श्री सप्तर्षी सम्वत 5095, राश सिंह (सुबहॖचि  6.18 बजि प्यठॖ), ऋतु वर्षा (चलान), त्रुवुश हुन्द श्राद्ध यी ॳज़्य
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता   मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: छ़ॊटि बरॖ व्वटॖ बोर
    अ: सऺहल वथ छ़ान्डॖन्य
2. मु: च़्वन पऺहरन कस दॊद च़ोंग
    अ: दौलथ छॆ नॖ पोशवॖन्य
3. मु: च़्यथ रछय तॖ वऻन्लिज
         तछय
    अ: ज़बऻन्य तसला द्युन तॖ
         अन्दॖर्य ज़ख वातनावुन
4. मु: च़्यॆगि ना यंगॖ लॊग तस
    अ: कऻन्सि हुन्द आसुन बासुन
          नॖ ख्वश युन
5. मु: च़्यॆ हिशि गबि छा न्यूर
         खसान
    अ: नऻतवान इन्सान छु नॖ कुन
          वातान/कमज़ोर शख्स
          क्या करि
**************************
1. अप्यर करुन.....To boast/
              To brag/To hector
               To bounce
2. अप्यर...Boasting/Words
            used in self praise
3. अपऻर्य.....From that side/
                   On that side
4. अपऻर्य मुनन दानि यपऻर्य गऺयि
     अथन हठ
     To show sensitiveness
     To show delicacy
5. अपऻरिम.....Outsider
6. अपारि यपोर....From all
             sides/Entire/
              Whole/Entirely
7. अपारि.....On the other
                    side/Across
8. अपार.........Unlimited
9. अपान........Emission of
                      wind
10. अप्रसन्न.... Unhappy
**************************
         गीता ज्ञान  :अध्याय 17
            अर्ज़न दीव वनान       
अर्ज़न दीव श्री भगवानस पृछ़ान
यिम मनुश शास्त्र विदी त्रावान
श्रदायि सान दीव आदि दीवस बजान, वॊन भगवानन गीता ज्ञान
**************************
अख मान्यता छि यि ज़ि व्यूग छु ब्रंहाडुक आकार। माहराज़ॖ छु खान्दरॖ ब्रौंठ ॳकिस ब्रह्मचारि रूपस मंज़ आसान नच़ान फेरान। व्यूग छु ॳमिस च़्यॆनवॖन्य दिवान ज़ि च्योन यि ब्रह्मचऻरी रूपॖ समाप्त सपदिथ यी च़्यॆ गृहस्थ आश्रमुक द्वार मुच़रावान। च़्येवुन्य छुस दिवान ज़ि वुन्युखताम ओसुख च़ॖ सऻर्यसॖय ब्रह्माडस कुनु ज़ॊन मगर व्वंय यी च़्यॆ मंज़ नारी शक्ति प्रदान करनॖ यॆमि सॖन्दि मद्दतॖ सॗत्य च़ॖ ह्यकख गृहस्थ आश्रम सम्बऻलिथ तॖ पनुन वंशज ब्रौंह कुन पकनऻविथ। मोहन्जोदाडा तॖ हडपा प्यठॖ दपान  वीगिच प्रथा छि पकान आमॖच़। गरिकिस आंगनस मंज़ छु यि माहराज़ॖ पूरॖ वीगिस प्यठ खडा रोज़ान मगर होवुर वऻतिथ छि अथ वीगिस प्यठ न्यस्फस माहराज़स तॖ न्यस्फस माहर्यॆन  सॗत्य खड़ा रोज़ान ॳकिस शक्ति रूपस मंज़ ॳमिस अनज़ान मर्दस  पनुन राज़दार बनावनुक क़सम करान ताकि यिम द्वनवय मीलिथ अख ॳकिस सॗत्य चलावन गृहस्तॖच नाव तॖ सॗत्य सॗत्य बऺडरावन पनुन वंश ब्रौंहकुन। लऺगनस प्यठ मंत्रव दऺस्य छि स्व रसॖम यिवान पूरॖ करनॖ। आधार छु मगर व्यूग यॆति प्यठॖ यिमन द्वन बऻच़न पनॖन्य जीवन यात्रा शुरु सपदान छि। यि व्यूग छु च़्यॆनॖवुन्य दिवान ॳमिस मनुशस ज़ि च़ॖ छुख नॖ कुनुय ज़ॊन बल्कि च्यऻन्य अर्धान्गनी छय च़्यॆ सॗत्य शक्ति रूपस मंज़ य्वस च़्यॆ विज़ि विज़ि वथ रोज़ी हावान।अमि म्वखॖ छु व्यूग स्यठाह थॊद महत्व थवान सऻनिस कऻशिर समाजस मंज़। अथ वीगिस छि न्यॆबरॖम्य गोलऻयि चूनॖ सॗत्य यिवान बनावनॖ ति क्याज़ि चूनस छु नॖ कांह भूत प्रॗत पोरान। वीगिस अन्दर छि ब्यॊन ब्यॊन रऺग बऺरिथ यिहन्दिस गृहस्थ आश्रमस मंज़ बहार छावनॖच कामना करान।
**************************
"यस नॖ कॆंह कान तय छॊनुय यस तरुय
सु कुस शूरवीर य्वदस नेरे
अन्दरी नय गलि तस वॆहनुय ब्यॊलुय
शैय नय आसि तय क्रय कति व्यपे"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot ति वुछिव)

25.09.2019

25.09.2019, ॴशिद (आश्विन) गटॖ पछॖ (कृष्ण पक्ष) काह (देवादेव) (एकादऺशी) ब्वदवार (बुधवार) श्री सप्तर्षी सम्वत 5095, राश कर्कट (चलान), ऋतु वर्षा (चलान), काम्बॖर्य पछ (पितृ पक्ष) (चलान)...बऻश्य हुन्द श्राद्ध यी ॳज़्य
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: च़लवुन्यन ब्रौंह तॖ लारवु-
         न्यन पतॖ
    अ: बुज़दिल तॖ बे-मन्दछ
2. मु: च़लॖहऻ च़्यानि दादि च़ॖ ह्यथ
          सॗत्य
  अ: यस निश तंग सुय सॗत्य सॗत्य
3. मु: च़कि तलॖ कडॖन्य कथ
    अ: राज़ मोलूम करुन
4. मु: च़रि नच़नॖ यिवान ग्यूरुय
    अ: कुनि चीज़ॖच ज़्यादती छि
         फ़ऻयदॖ बदलॖ न्वकसान
         वातनावान
5. मु: च़रि छु कऺन्ड्य थरि प्यठॖय
         राहत
    अ: पनॖनि जायि छु प्रथ कऻन्सि
          आराम
**************************
1. इनकलाब..... Revolution/
            Change/Alteration
2. इन्कार......Refusal/Denial
                    Declining
3. इनकिशाफ़.....Disclosure/
              Revelation/Ex-
            position/Discovery
4. ऐहतियात.... Carefulness
            Caution/circums-
            pection/Care
5. ऐहतिराम.....Respect/
                       Honour
6. ऐहसान...Greatfulness/
               Kindness/Favour
               Obligation
7. ऐहसास.... Realization/
                     Feelings
8. इज़ाफ़ॖ.....Increase/Addi-
                   tion/Surplus/
                   Enhancement
9. ईश्वर......God
10. ऐकान्त.... Lonely place
**************************
         गीता ज्ञान  :अध्याय 16
च़ॖ कर्तव्य तॖ अकर्तव्य कर्म ज़ान
यिमन हुन्द सिरिफ़ शास्त्र प्रमान
मान, शास्त्र व्यऺज़ रोज़ कर्म करान
वॊन भगवानन गीता ज्ञान
**************************
महाराज़स छु व्यीगिस प्यठ स्वागत यिवान करनॖ। आरति यिवान कडनॖ। नाबद, मिठऻय यिवान ख्यावनॖ। होवुर वऻतिथ छु व्यीगिस प्यठ खड़ा रूज़ान तॖ माहर्यॆन्य ति छि ॳमिस नखॖ खड़ा
गछ़ान। द्वनवऺनी छि मनन मालॖ यिवान अदलॖ बदल करनॖ। आरती करान नाबद तॖ मिठऻय अख  ॳकिस यिवान आपरावनॖ तॖ अमि पतॖ छु लऺगॖन समाप्त गऺछ़िथ ब्यॆयि सॊय प्रक्रिया यिवान करनॖ, तिथय पऻठ्य व्यीगिस प्यठ रसम यिवान दॊहरावनॖ यॊताम माहर्यॆन वऻरिव गरस मंज़ क़दम थवान छि। दपान व्यूग गछ़ि त्रॆयव चीज़व सॗत्य युन बनावनॖ यानि चूनॖ, मऻन्ज़ तॖ व्वज़ुल रंग।मगर अज़कल छि ब्यॊन ब्यॊन डिज़ऻयनव सॗत्य तॖ ब्यॊ ब्यॊन रंगन सॗत्य यिवान व्यूग बनावनॖ।व्यीग्युक कुल खजर दपान गछ़ि आसुन पांच़हऻठ सैंटॖमीर। अथ व्यीगिस प्यठ छु यिवान थवनॖ ज़ॖ त्वमलॖ बऺरिथ टऻक्य। वनवुन गछ़ि अमि सातॖ रोज़ुन चलवुन ति क्याज़ि वनवनॖ सॗत्य छि ॳस्य दीवी दीवताहन आवाहन दिवान ज़ि तिम दिन माहराज़स माहर्यॆनि पनुन ॴशिर्वाद। यॆलि यि माहराज़ॖ तॖ माहर्यॆन व्यीगिस प्यठ व्वदनी खड़ा आसान छि यिमन ॳन्द्य ॳन्द्य छि आसान सऻरी अंग ॴश्यनाव, यार दोस्त्, हक़ हमसाय यिम अथ खान्दरस शहादत बनान छि । शंख नाद छु यिवान दिनॖ। पोशिमालॖ छि यिवान माहराज़स नऻल्य त्रावॖनॖ, हार छि यिवान नऻल्य त्रावनॖ, रॊपियि मालॖ छि यिवान नऻल्य त्रावनॖ। प्रथा ॴस आसान पॊत कालि ॴलॖ मालॖ तॖ स्वनहरी मटर मालॖ आसॖ यिवान माहराज़स नऻल्य त्रावनॖ।यिथ पऻठ्य छु यिवान व्यूगुक रसम सरान्जाम दिनॖ। कथ ज़ि जऻरी
**************************
"ज़ननि ज़ायऻयि रॖत्य तय कॖती
कऺरिथ व्वदरस बहू कलीश
फीरिथ द्वार बज़नि वऻत्य तऺती
शिव छुय क्रूठ तय च़ॆन व्वपदीश"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

24.09.2019

24.09.2019 ॴशिद (आश्विन) गटॖ पछॖ (कृष्ण पक्ष) दऺहम  (देवादेव) (दशमी) बॊम्वार (मंगलवार) श्री सप्तर्षी सम्वत 5095, राश कर्कट (चलान) ऋतु वर्षा (चलान), काम्बॖर्य पछ (पितृ पक्ष)(चलान)...कऻश हुन्द श्राद्ध
यी ॳज़य
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: च़ॖ तॖ बॖ लॖतॖ बब
    अ: स्यठाह कम तेदाद नफ़री/
          छ़ॊट अयाल
2. मु: च़ऻन्गिस तलॖ अनिगॊट
    अ: यॆति कांह चीज़ मॊहिया
        आसि तति नॖ तम्युक फ़ऻयदॖ
         वातुन
3. मु: छ़ऺरी मऺट छॆ वज़ान
    अ: न आसनस मंज़ ज़्यादॖ
         आसनॖक्य दम दिन्य
4. मु: च़रि हुन्द वान्ठ कोताह छु
    अ: कम जिगरॖ आसुन/जुर्रत-
          मंद नऺ आसुन/ख़ोच़ॖबॖड
5. मु: च़ऺरिस गाटलस छु च़ॊर खुर
    अ: ज़्यादॖ कऻक्यगी छि ज़्यादॖ
         परेशऻनी पऻदॖ गछ़ान
**************************
1. अपशब्द..... Incorrect
             language/Abuse/
          Disagreeable sound
2. अपोर....Across/From
          this side to that side
3. अपुज़ पॊज़....Untruth/
                         Falsehood
4. अपोर यपोर....That side
            and this side/From
            both sides/From
         one side to the other
5. अपोर तरुन....To cross/To
                         accomplish
6. अपॊप....Half ripe/Unripe
                 Raw/Green
7. अपनावुन.....To own/To
                       possess
8. अपॊर..... Illiterate/Un-
             learned/Uneducat
             ed/Ignorant
9. अपर....Complete/Have
                 nothing left
10. अपॖज़्योर....Liar/Untruth
                        ful
**************************
         गीता ज्ञान  :अध्याय 16
युस प्वरुश शास्त्र विदी त्रावान,
पनॖनि यछ़ायि मन मऻनी करान
सु न स्यॆदी स्वख तॖ न ब्रह्म प्रावान
वॊन भगवानन गीता ज्ञान
**************************
श्वब कार्यस प्यठ छि आंगनस मंज़ व्यूग त्रावान। दपान यि व्यूग छु यन्त्राकृति य्वस पृथ्वी प्यठ यिवान छु बनावनॖ। मानॖनॖ छु यिवान ज़ि कुनि रॖच़ॖ कामि युथ नॖ कांह विघ्नॖ पऻदॖ सपदि, तमि बापथ छि ॳस्य व्यूग बनावान। यि व्यूग त्रावनॖ सॗत्य छि दपान दीवी दीवताहन हुन्द ॴशिर्वाद छु मेलान।
व्यूगस छि ॳस्य बटॖ दपान सिरीचक्रॖ ति। यि व्यूग छि ॳस्य बटॖ त्र्यन मोकन प्यठ बनावान रोज़ान, अख गव यज्ञोपऺवीतस यानि मेखलायि प्यठ, दॊयिम गव  खान्दरन प्यठ युस ॳस्य बनावान छि तॖ त्र्यॆयिम गव हारॖ-सतम द्वह युस यिवान छु बनावनॖ। यिथुय व्यूग छि सऻनिस वतनकिस दक्षिण हिसस मंज़ ति लूख बनावान रोज़ान यथ  तिमव नाव द्युतमुत छु रंगोली। व्यूग छु यिवान मानॖनॖ ब्रह्मान्डुक अख आकार ति। कोताह महत्व छु थवान यि व्यूग सऻनिस समाजस मंज़, अथ प्यठ करव चर्चा ब्रौंहकुन।
**************************
"ज़ानॖहऻ नऻड्य दल मनॖ रऺठिथ
च़ऺटिथ वऺटिथ कटिथ क्लेश
ज़ानॖहऻ अदॖ असतॖ रसायन गऺटिथ
शिव छुय क्रूठ तय च़ॆन व्वपदीश"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

23.09.2019

ः23.09.2019,ॴशिद (आश्विन) गटॖ पछॖ (कृष्ण पक्ष) नवन(नवमी) च़ऺन्दॖरवार (सोमवार),श्री सप्तर्षी सम्वत 5095, राश कर्कट (रऻच़ हॖन्ज़ॖ 4.48 बजि प्यठॖ) ऋतु वर्षा (चलान), काम्बॖर्य पछ (पितृ पक्ष) (चलान)...नवम तॖ दऺहमऺच़ हुन्दॖ 
श्राद्ध ॳज़्य।
**************************
नमस्कार माहरा त्वहि सारिनी म्योन त्वहि ऒरज़ुव तॖ दॊरकॊठ
पऻन्छ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु : ज़्युठ ॴसिथ कून्छ़ गछ़ुन
    अ: ज़िठिस यज़थ रावुन
2. मु: ज़्यव छि तारान ज़्यवॖय छि
          मारान
     अ: ज़्यॆवि सॗत्य छु जान ति
           यिवान वनॖनॖ तॖ ख़राब ति
3. मु: ज़्येनुन गछ़ि खरॖ सॖन्द्य
         पऻठ्य तॖ ख्यॊन गछ़ि शाह
         सन्द्य पऻठ्य
  अ: मॆहनत गछ़ि खरॖसॖन्द्य पऻठ्य
       करॖन्य तॖ ख्यॊन गछ़ि शाह
       सॖन्द्य पऻठ्य
4. मु: ज़्यादॖ ज़नानन पां कामन तॖ
         च़र्यन मर्दन बतॖ कामन
  अ: यथ गरस मंज़ ज़्याद ज़नान
        या मर्द आसन तति छॆ कामि
        कऻम करनस मान मान
        लगान
5. मु: ज़्यादॖ गगरायन न रूद तॖ
         छ़र्यन कथन नॖ सूद
   अ: ज़्यादॖ गगॖरायव सॗत्य छु नॖ
         रूद प्यवान तॖ फ़ऺज़ूल तॖ
         छ़रि कथॖ करनस छु नॖ
         कांह मतलब
**************************
1. अथ छ़ॖन बलाय यथ छ़ॖन चोंचि
    Temptation/Show
     covertousness
2. अथ अथ बुथिस सथ सथ चोब
     As you sow so shall
     you reap
3. अति......That place
4. अतूल.... Uncounted/Un-
                  measured
5. अतराफ़.... Extravagant/
            Spendthrift/Prodi-
            gal
6. अपुज़ यारानॖ.....False
            friendship/Hidden
            enemy
7. अपुज़ मपुज़....Deceptive-
            ly/Uneasily/Falsely
8. अफॊल...... Unbloomed/
                      Half open
9. अफुर..... Naughtiness/
                Mischief/Wicked
                ness/Villainy
10. अफॖर्यलद...Mischievous
             Variant/Villainous
             Wickedness
**************************
          गीता ज्ञान  :अध्याय 16
हे अर्ज़न युस यिमन त्र्यनवऺन्य ज़ेनान, सु पनॖनि कल्यानॖच वथ
गारान, पर्म पद लबान तॖ म्यॆ प्राप्त सपदान। वॊन भगवानन गीता ज्ञान
**************************
स्वर्गीय सरवानन्द कौल प्रेमी जियन छि दपान अरदाह किताबॖ दिच़मच़ॖ पननिस समाजस तॖ शुराह मज़मून छि लीखिथ यिम वुनि छापनय छि। छऻपिथ काम्यव मंज़ॖ छु भगवत गीताय हुन्द तरजमॖ ति आमुत करन तॖ माता रॊपॖ भवऻनी प्यठ ति कॆंह किताब लेछमच़ॖ। वनुनुक मक़सद छुम यि ज़ि कऻशिर अदबस प्यठ छि सान्यव अदीबव वारिया कऻम कऺरमॖच़ मगर परन वाल्यन हॖन्ज़ व्यछ़य छि म्यॆ नज़र यिवान। सऻन्य सभ्यता छि कऻशिर्य ज़बऻन्य न वननॖ मूजूब रसॖ रसॖ पथ पथ ह्यवान गछ़ॖन्य। यॊदवय हालात ॳथ्य रफ्तारि प्यठ रूद्य, सोन साहित्य गछ़ि दऺबिथ कुनि कूनस मंज़ तॖ मॆहनत कऺरमॖच़ सान्यव सिहित्यकारन हॖन्ज़ गछ़ि क्वलि। म्यऻन व्यनती छि म्यान्यन बायन तॖ ब्यॆन्यन ज़ि तिमन पज़ि रऻछ करॖन्य पनॖनिस अदबस तॖ यि दरोहर ब्रौंहकुन पकनावॖन्य ताकि सान्यन लिखऻर्यन हुन्द नाव रोज़ि प्रज़लवुन हर हमेशॖ।
**************************
 "यहय मातृ रूप्य पय दिये
यहय बऻरिया रूप्य करि व्यशीश
यहय माया रूप्य अनति ज़ुव ह्यये
शिव छुय क्रूठ तय च़ॆन व्वपदीश"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

22.09.2019

22.09.2019 ॴशिद (आश्विन) गटॖ पछॖ (कृष्ण पक्ष) ॴठम (अष्टमी) आथवार (रविवार/ एतवार) श्री सप्तर्षी सम्वत 5095, राश मिथुन (चलान), ऋतु वर्षा (चलान) काम्बॖर्य पछ (पितृ पक्ष) (चलान)..ॴठम हुन्द श्राद्ध यी ॳज़्य
**************************
नमस्कार माहरा त्वहि सारिनी म्योन।त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: ज़ी छय हीय
    अ: ज़ेनॖनॖ मॆनॖनॖ सॗत्य छु गरॖबार
         फॊलान
2. मु: ज़्यॆवि छा ॳडिज
    अ: ज़्यव फिरॖन्य छॆ नॖ मुश्किल
         कथ बदलावनस छॆ नॖ तऻर
         लगान
3. मु: ज़्यव छि शमशीर
    अ: ज़्यॆवि सॗत्य ह्यॆकि वारियाह
         अतुर गऺछ़िथ
4. मु: ज़्यॆवि ज़्यॆवि बदलॖ ज़ंगॖ
         ज़ंग करुन
    अ: कथय याच़ॖ नॖ करनि बल्कि
         कॆंछ़ाह कऺरिथ हावुन
5.मु: ज़्यादॖ तमहऻस ज़्यादॖ बलाय
   अ: ज़्यादॖ लालॖच करनॖ सॗत्य छु
         मुसीबथ यिवान
**************************
1.  अथॖ दितम तॖ ब्रौंठॖ यितम..
    Lend me your hand
    and come in front of
    me to my rescue/To
    seek a helping hand
    and support
2. अथॖ छ़ॊट तॖ ज़्यॆवि ज़्यूठ
     With short hands and
     long tongue/One who
     merely talks but does
     not work
3. अथॖ क्रॖहॖन्य तॖ बुथ सफ़ेद
    Hands are black and
    the face is white/A
    deceptive person/One
  who looks very innocent
 but performs unpleasant
deeds
4. अथॖवास छु मोहरि सास
     Unity is equal to thou-
     sand golden coins
5. अथस प्यठ अथॖ द्युन....To
           promise/To vow
6. अथस अन्दर अनुन...To
           come in hand/Put
           under control
7. अथॖ दारुन गव पान कॖनुन
    To spread one's hand
    in front of some one is
    to sell oneself to him/
    Asking for something
    loses respect
8. अथॖ छॊल तॖ मॆतरुथ च़ॊल
    As soon as the hands
    are washed after taking
    meals the friendship
    vanished/A selfish
    friend
9. अथच्यन पऻन्च़न ऒन्गजन
    अन्दर किस ल्वकॖट्य, मॊहर
    छि मेलान किसी
    The little finger is the
    smallest of the fingers
    in hand and yet that is
    where the signet ring is
   worn/Small things have
   their own value
10. अथॖ प्यव तॖ ब्रऻर्य ख्यव
       It just fell down from
      the hand and was eat-
      en up by a cat/No
      sooner something is
    dropped and someone
      else grabs it
**************************
        गीता ज्ञान  :अध्याय 16
काम क्रूद लूब छु ब्वज़ नाश करान, यिमय त्रॆ दरवाज़ॖ नरकॖक्य
ज़ान, म्यॆ प्रावान सु युस यिमन त्यागान
वॊन भगवानन गीता ज्ञान
**************************
कऻशुर रामायन युस स्वर्गीय सरवानन्द कौल प्रेमी जी सॖन्दि अथॖ ल्यॆखनॖ आमुत छु बास्यव म्यॆ अमृत-ज्ञान ज़न। सहल तॖ मॊदुर ज़बऻन्य मंज़ छु यि आमुत ल्यॆखनॖ तॖ यि करि सऻनिस समाजकिस साहित्यस मंज़ ख़ज़ानॖच कऻम। बस ज़रुरथ अगर छु तॖ सु छु परन वाल्यन हुन्द। ज्ञान बन्डार छु द्युतमुत सान्यव ज़िठ्यव महाप्वरुशव युस असि पज़ि रऺछ़रऻविथ थावुन। असि पज़न यिम किताबॖ परनि तॖ पनॖन्यन शुर्यन ताम वातनावनि तॖ तिहुन्द आत्म-ज्ञान बऺडरावुन। यि छु मुम्किन तॆली यॆलि ॳस्य पनॖनि माजि ज़्यव ज़िन्दॖ थावव, पनॖनि माजि ज़्यॆवि मंज़ पानवॖन्य कथबाथ करव, कऻशुर ल्यॆखव नागरी (हॆन्दियस) मंज़, कऻशुर परव तॖ परान रोज़व। प्रेमी जी नि स्वर्गस गछ़नॖ पतॖ छि तऺम्यसॖन्द्य न्यॆचिव श्री राजेन्दरॖ प्रेमी जियन पनॖनिस मऻल्यसॖन्दि अथॖ लीछमॖच़ कऻम छापनऻवमॖच़ तॖ यॆमि सॗत्य प्रेमी जीनिस आत्माहस आसि शऻन्ती मीज्यमिच़। यथ विषयस प्यठ करव पगाह ब्रौंहकुन कथबाथ
**************************
"रव मतॖ थलि थलि तऻप्यतन
तऻप्यतन व्वतम व्वतम दीश
वरुन मतॖ लूकॖ गरॖ ॳच़्यतन
शिव छुय क्रूठ तय च़ॆन व्वपदीश"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

21.09.2019

21.09.2019 ॴशिद (आश्विन) गटॖ पछॖ (कृष्ण पक्ष) सतम (सप्तमी) बटॖवार (शनिवार/ शनिश्चरवार)श्री सप्तर्षी सम्वत 5095,राश मिथुन (रऻच़ हॖन्ज़ 11.38 बजि प्यठॖ),ऋतु वर्षा (चलान), काम्बॖर्य पछ (पितृ पक्ष) (चलान) अज़ छि साहिबॖ सतम,सतम हुन्द श्राद्ध यी ॳज़्य
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: ज़्यादॖ कशनस छु ज़्यादॖ
         रथ यिवान
   अ: ज़्यादॖ येहतियात करनस छु
        ज़्यादॖ खुर
2.मु: ज़्यादॖ कथन छु न सूद                   
   अ: बे-हद कथन छु नॖ कांह सूद
3. मु: ज़्यूठ गव क्रूठ ज़्यूठ गव
         ब्यूठ
  अ: कुनि कामि या कथि ज़्येछर
       दिनॖ सॗत्य छॆ नॖ कऻम अंद
       वातान
4. मु: ज़्येठ्यन नर्यन बोश
    अ: आसन वऻलिस सऻरी यज़थ
          करान
5. मु: ज़ोर छु सऺहलाब
    अ: ताक़त वोल इन्सान ह्यॆकि
         कॆंह ति कऺरिथ
**************************
1. अथॖ दारुन.....To beg/To
                         demand
2. अथॖ वुछुन..... Palmistry
3. अथॖ दऺछुन.....Fighter
4. अथॖ छॊन....Empty hand-
               ed/Helpless/
               Poor/Penniless
5. अथॖ तुलिथ द्युन...Donation
               Charity/To confer
               To bestowel
6. अथॖ थुरॖन्य.......To pick a
                           quarrel
7. अथॖ तंग....Hard up/Poor
8. अथॖ त्रावुन....Take upon
              one self/To inter-
              fere/Lay one's
              hand on
9. अथॖ तॖच़....Kitchen towel
                     Dish cloth
10. अथॖ फिरुन....To fight/To
                   beat/To quell
**************************
         गीता ज्ञान  :अध्याय 16
यिथ्य मूर्ख म्यॆ ज़ांह छिनॖ प्रावान
ज़न्मॖ ज़न्मॖ असुर यूनी प्राप्त सपदान, ॴखॖर गोर नरकस छि गछ़ान
वॊन भगवानन गीता ज्ञान
**************************
नेरान अकि फिरि फ़ेरान नॖ वापस
फेरान मगर तमिकुय कॆंह कालस
नम गछ़ान ॳछ यॆलि फ्युर लगान ख़यालस, दमफुट्य गछ़ान लगान ब्यॆयि तऺथ्य जंजालस। कऻशिर ओपेरा किताब छि आमॖच़ ल्यॆखनॖ स्वर्गिय पन्डित दीना नाथ नादिम सऻबनि दऺस्य। यि किताब मुच़रिथॖय आव म्यॆ बुथि नऻदिम सऻबुन ल्यूखमुत शार "अड्यन छु
हरदुक अमार बाक़ी, अड्यन छु रातुक ख़ुमार बाक़ी, मगर यि सुबहुक दीवानॖ नऻदिम, छु अज़ ति वनवान सोंतॖ कालस" ।वरख गोस फिरान बॖ अथ किताबि तॖ वुछिम कॆंह ओपेरा यिम नऻदिम सऻबन लीख्यमॖत्य छि तॖ कॆंह ओपेरा छि आमॖत्य ऱगमंचस प्यठ ति हावनॖ। किताबि मंज़ छि आमॖत्य छापनॖ कॆंह फोटू ति यिम नऻदिम सऻबन ब्यॊन ब्यॊन कलाकारन सॗत्य तुल्यमॖत्य छि। यिमन फोटुवन मंज़ छि कॆंह फोटव मुशायरिक ति आमॖत्य छापनॖ। ॳकिस मुशऻयरस मंज़ वुछ म्यॆ नऻदिम सऻब बिहिथ म्यऻनिस प्यॆतरस स्वर्गीय मखन लाल महौ सऻबस सॗत्य। ॳम्य फोटुवन नी म्यऻन याद म्यऻनिस ल्वकचारस कुन। मखन लाल जी ओस मंज़ॖ मंज़ बोज़नावान पनॖन्य शऻयरी अल्बतॖ म्यॆ ओस कमी पाहन तगान सनुन यिहन्द्यन शारन मंज़। मगर द्वह द्वह गव म्यॆति खसान तॖ म्यॆति ह्यॊत वारॖ वारॖ अथ मंज़ द्रसॖ द्युन। अकिस फोटुवस मंज़ आम नज़रि नऻदिम सऻब मखन लाल सराफस सॗत्य ॳकिस ओपेराहस मंज़। मखन लाल सराफस सॗत्य छि म्यॆति मंचस प्यठ अदाकऻरी कऺरमॖच़ सनॖ शेठस मंज़। म्यॆ प्यॆयि तिम द्वह याद यॆलि कऺशीरि शिवाला मन्दरस मंज़, कनिकऺदलॖ ॴस्य ड्रामा करान। नऻदिम सऻबन्य फोटू वुछिम रूसक्यन कलाकारन सॗत्य, बड्यन बड्यन कलाकारन सॗत्य तॖ तिम प्रऻन्य द्वह प्यॆयि याद। हालांकि म्यॆ छॆ नॖ नऻदिम सऻबस सॗत्य ज़ांह ति कऻम कऺरमॖच़ मगर नऻदिम सऻबॖन्य ग्वन ओस ग्यवान रोज़ान स्वर्गीय पृथ्वी नाथ कौल "सायल" सुबॖ प्यठॖ शाम ताम। नऻदिम सऻबनॖय दपान द्युतमुत छु पृथ्वी नाथ सऻबस सऻयल लकब। नामावार तॖ क़दावार शऻयर नऻदिम छिनॖ असि मंज़ व्वंय मगर यिथ्यन थदि पायक्यन शखस्यतन हुन्द नाव रोज़ि ज़िन्दॖ ता अबदस ताम।
**************************
"य्वसय शेल पीठस तॖ पटस
स्वय शेल छय प्रथिवून दीश
स्वय शेल शूबवॖनिस ग्रटस
शिव छुय क्रूठ तय च़ॆन व्वपदीश"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

20.09.2019

20.09.2019 ॴशिद(आश्विन) गटॖ पछॖ (कृष्ण पक्ष) शॆयम (षष्ठी) शॊकुरवार (शुक्रवार/जुम्मा) श्री सप्तर्षी सम्वत 5095, राश वृष (चलान) ऋतु वर्षा (चलान), काम्बॖर्य पछ (पितृ पक्ष) (चलान)...शॆयम हुन्द श्राद्ध यी ॳज़्य
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: ज़ऺमीन आसमान कुनुय
         करुन
    अ: क्रकॖ नाद लागुन
2. मु: ज़्वल गऺयि ज़ि क्वलि गऺयि
    अ: पूरॖ ख़याल न थवनॖ सॗत्य छु
         न्वकसान वातान
3. मु: ज़ुव ऒर तॖ जहान् ऒर
    अ: यॆलि पानॖ वारॖ आसि तॆलि
         छु सोरुय दुनिया वारॖ
         आसान
4. मु: ज़नानि रॊस मर्द जऺच़ रॊस
         हून
    अ: मर्द लवि नॖ ज़नानि बगऻर
         हार ति
5. मु: ज़मीन छि दऺग्य दऺग्य स्वन
    अ: ज़मीन छि मॆहनतॖ सॗत्य
          स्वन पऻदॖ करान
**************************
1. अथॖ शर...Incident/Apart
               to happen/Acci-
           dent/Misadventure
2. अथॖ छ़ॖनुन....Come in
            between/To be up
            on oneself/Lay
            one's hand on
3. अथॖ च़ापुन...To repent/To
              remorse/To rue/
            To regret/To grieve
4. अथॖ च़ऺटिथ....To give a
             written agreement
5. अथॖ ज़्यूठ....One who
              spends generous-
              ly/Influential
6. अथॖ ज़ोर.....Hand power
7. अथॖ रॊट.....Help/To do
                   something for
                   somebody
8. अथॖ रऻछ......To put some
                       saving/Keep
                    something for
                    rainy days
9. अथॖ द्युन.....To assist
                    someone/To
               lift weight/Give a
              helping hand
10. अथॖ दरुन.....To improve
               hand writing/To
               be proficient/To
               improve
**************************
          गीता ज्ञान  :अध्याय 16
यिमन दॖय थावन वाल्यन पऻपियन
आच़ार रॊसत्यन क्वकरमियन
असुर यूनी छख बार बार मेलान
वॊन भगवानन गीता ज्ञान
**************************
खान्दरस मंज़ छि वारियाह रीति रिवाज यिवान वरतावन शुरु प्यठॖ अंदस ताम यथ मंज़ मस मुच़ॖरुन, मऻन्ज़ लागॖन्य, दीवगोन, व्यूगिस प्यठ खड़ा रोज़ुन, बरात निन्य या यिन्य, द्वार पूज़ा, क्रूल खारुन, लऺगॖन करुन, पोशॖ पूज़ा करॖन्य, दयि बतॖ, लगनस प्यठ कन्या दान करुन, सप्त पदी, विदऻयी, फिरॖ लठ, गरॖ अच़ुन, गरॖ च़ानॖन्य, फिरॖ साल, आलत कडॖन्य, मऺत्य मुहुर तुलॖन्य, मनन माल बदलावॖन्य, नाबद आपरावुन, माहर्यॆन दारि किन्य कडॖन्य, दॖर्यबतॖ, दपनबतॖ, अतॖ गथ, ब्यॆयि ति कॆंह ल्वकॖट्य म्वकॖट्य रस्म रिवाज पूरॖ करॖन्य।सतराथ, सुहाग राथ, वगैरा। अदॖ छु वातान खान्दर अंद। दीवॖगोनस मुतलक कऺर असि चर्चा पऺतिमि लटि यानि दीवगोन कयाज़ि तॖ किथॖपऻठ्य छु यिवान मनावनॖ। अथ खान्दरस सॗत्य सॗत्य छु अख आही पाठ यिवान परनॖ ब्यॊन ब्यॊन रसमन प्यठ। यथ ॴही छि ॳस्य कऻशिर पऻठ्य वनान वनवुन। यि वनवुन छि गरचि ज़नानॖ करान तॖ अख ख़ास कथ छि याद थावुन्य लायक़ ज़ि यि वनवुन छु ह्यॆन्ज़्यॆ शब्दॖ प्यठॖ यिवान शुरु करनॖ तॖ अदॖ छि वनवनचि बाकय लऻनॖ यिवान परनॖ। यिमन रीतियन, रस्मन तॖ रिवाजन प्यठ करव ॳस्य वखनय  वारॖ वारॖ यॆमि ब्रोंह कुन। खान्दर संस्कार छु असि कऻशिर्य बटन मंज़ अख महत्वपूर्ण संस्कार युस पाक् तॖ पवित्र संस्कार यिवान छु मानॖनॖ तिक्याज़ि वंशुक मूल आधार छु खान्दर।
**************************
"यिमय श्यॆ च़्यॆ तिमय श्यॆ म्यॆ
श्याम गला तॊय व्यन त्वतस
युहुय ब्यन अभेदा च़्यॆ तॖ म्यॆ
च़ॖ श्यन स्वामी बॊ शयि मुशस
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

19.09.2019

19.09.2019 ॴशिद (आश्विन) गटॖ पछॖ (कृष्ण पक्ष) पऻन्च़म (पन्चमी) ब्रसवार (वीरवार/ ब्रहस्पथवार)श्री सप्तर्षी सम्वत 5095,राश वृष (दुहचि 3.10 बजि प्यठॖ), ऋतु वर्षा (चलान), काम्बॖर्य पछ (पितृ पक्ष) (चलान)..पऻन्च़म हुन्द श्राद्ध यी ॳज़्य...
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: ज़चि पुर नॊन गछ़ुन
    अ: तिम सिर नऺन्य गछ़ॖन्य
         यिमव सॗत्य इन्सान मन्दॖछनॖ
         यी
2. मु: ज़चि ज़ऺट तॖ पचि पऺट
    अ: हिविस ह्यु मेलुन/पानस
         ह्युवुय रिश्तॖ मेलुन
3. मु: ज़च्यन नॖ नाल अथि यिन्य
   अ: सख़ बाम्बॖर प्यॆन्य/वुतावली
        मंज़ न्येरुन प्यॊन
4. मु: ज़्यादॖ असुन गव ख़रस
         खसुन
   अ: नाहकॖ असुन गऺयि बेवॖकूफी
        ज़्यादॖ असनस छु नॖ व्यकार
5. मु: ज़ुर तॖ ब्रोर ख्यथ ति म्यव
    अ: कोरि हुन्द शुर तॖ ब्रोर छु
         ख्यॆय ख्यॆय ति नाशुकुर
         करान
**************************
1. अथस ज़ॊद आसुन....Spend
              thrift/Extravagant
              person/Prodigal
2.अथस क्यथ थवुन....To put
                              in hand
3. अथस मंज़........In hand
4. अथोल.....A tree with full
                   of branches
5. अथॖ ख्यावुन....Black mail
6. अथॖ ख्वर ......Hands and   
                         feet
7. अथॖ ख्वर वाहरॖन्य....To
              move freely/To
              extent the range
             of work/Complete
             rest
8. अथॖ ख्वर लगुन....To stand
             on his own feet/
          To work/To engage/
          To start earning
          something/To begin
          earning
9. अथॖ शॆहलावुन....To help at
            the time of difficul-
            ty/To help/To give
            relief/To support/
            To assist
10. अथॖ शलक....Beating
             some one/To beat
             some one with
             hands
**************************
         गीता ज्ञान  :अध्याय 16
यिम अहंकार बलॖ तॖ क्रूदॖ बऺरिथ
पनॖन्यन तॖ दॊयिम्यन देह मंज़ दऺरिथ म्यॆ अंतरयऻमियस सॗत्य दॖय थावान
वॊन भगवानन गीता ज्ञान
**************************
डॆजहोर अकिस कऻशिर्य ज़नानि हॖन्दि बापथ कोताह महत्वपूर्ण छु आसान अथ प्यठ वोत म्यॆ पऺतिम्यव दॊयव त्रॆयव दॊहव प्यठॖ वनान। ज़नानि हॖन्दि पनॖनि बापथ, पनॖनिस रॗन्यसॖन्दि बापथ, पनॖन्यन शुर्यन हॖन्दि बापथ तॖ अथ मंज़ कऻछ़ा दैव्य-शक्ति छि यि वोत म्यॆ व्यस्तारॖ सान वनान। म्यॆ आयि कॆंह प्रतिक्रियायि ति तॖ कॆंह फ़ोन ति अथ मुतलक। म्यॆ आव वनॖनॖ ज़ि माहरा वारियाह ज़नानॖ यिम नोकरी पेशॖ छि छॆ नॖ डॆजहोर लागान ज़ऻनिथ मऻनिथ ति क्याज़ि वारियाह हऻदिसॖ आयि सपॖदान यॆलि थप्पलव नी ज़नानन हॖन्द्य कनॖय च़ऺट्य च़ऺट्य यि डॆजहोर स्वनॖसुन्द आसनॖ म्वखॖ। कॆंच़व ज़नानव छु ज़ऻनिथ मऻनिथ डॆज- होर न लागनुक मन बनोवमुत ति क्याज़ि तिहन्दिस वर्धनस या ड्रसस सॗत्य छु नॖ डॆजहोर मेल ख्यवान शायद।फऻशनस मंज़ छु आमुत कति कूत बदलाव तॖ  ज़नानॖ छि व्वंय जीन तॖ टी शऻर्टि मंज़ॖय नच़ान फॆरान तिमन छु यि ज़ेवर लागुन खरान ति क्याज़ि डॆजहोर छु अलोंद रोज़ान युस नॖ तिमन ख्वश छु करान। वारिहाव दित्य वारियाह तर्क डॆजहोर कनन मंज़ न लागनुक। कॆंच़न ज़नानन यिमन लऻगिथ छु तिमव छॆ नॖ अथ स्व ज़ीठ अट बनावनऻमॖच़ बऺल्कि तिमव छु कम वज़नुक तॖ ल्वकुट म्वकुट डॆजहोर असली आकारॖ रॊस बनावनोमुत तॖ कनन मंज़ॖय कनॖ दूरॖक्य पऻठ्य लगावनुक तऺरीकॖ पानॖनोवमुत। सवाल छु व्वंय असि ब्रौंहकनि ज़ि असि पज़्याह डॆजहोर लगावुन किनॖ न। अगर लागुन छु तॆलि कमि आयि त्रायि गछ़ि आसुन तॖ अगर नॖ लागुन छु तॖ अम्युक विकल्प क्याह छु। अमि बदलॖ क्याह पज़ि लागुन त्युथ यॆमि सॗत्य सोन संस्कार ति बरकरार रोज़ि, धर्मॖच लाज ति रोज़ि तॖ पनॖन्य सभ्यता ति मरि नॖ। असि पज़्याह मऺशरावुन दिवगोनुक महत्व सान्यन कॊर्यन हॖन्द्यन ज़ेवरातन युस यिवान छु मंत्र दऺस्य  प्रदान करनॖ। यि छु अख संजीदॖ सवाल यथ प्यठ असि सोंचुन पज़ि
**************************
"मनस सॗतिय मनॖय गॊन्डुम
च़्यतस रऺटॖम च़्वपऻर्य वग
प्रकृच़ सॗतिय प्वरुश नो वॊलुम
सरॖह म्यॆ कॊरुम लऺबॖम वथ"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

18.09.2019

18.09.2019 ॴशिद (आश्विन) गटॖ पछॖ (कृष्ण पक्ष) च़ोरम(देवादेव)(चतुर्थी) ब्वदवार (बुधवार),श्री सप्तर्षी सम्वत 5095, राश मेष (चलान),ऋतु वर्षा (चलान),काम्बॖर्य पछ (पितृ पक्ष)(चलान)..अज़ यी नॖ कॖन्हॗय श्राद्ध
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: ज़ान छय जहान्
    अ: रॊसूखॖ वऻलिस छु प्रथ कांह
          फ़ऻयदॖ मेलान
2. मु: ज़ाथ कवो रऻवॖय ज़चॖलो
         वऻन्स कवो रऻवॖय छ़ॊचॖरो
    अ: ग़ऺरीबी छि ज़ाथ रावरावान
         तॖ छ़ॊट्यसॖन्ज़ वऻन्स छॆ नॖ
         पताह लगान
3. मु: ज़ायि नॖ प्यायि नाहकय
         रऺट छ़ायि
    अ: ब्यॆयिसॖन्ज़ च्यॆट्य मऺल्य
          ह्यॆन्य/नाहकॖ शाहमत
          नऻल्य गछ़ॖन्य
4. मु: ज़ॖ तॖ ज़ॖ गऺयि च़ोर
    अ: समुतस छु बजर/यितिफ़ा
          कस छु ताक़त
5. मु: ज़ऺट हय दॖनि मऺट यी बरनॖ
    अ: ॳमीर आसनुक यिज़िहार
          करुन
**************************
1. अतुर.....An error/Fault/
                 Negligence/An
                omission/A slip
2. अटस खसुन.... To should-
                er responsibility/
           To ride on the back
3. अथॖ गछ़ुन.... Abortion/
                       Miscarriage
4. अथॖ मूरुन.....To regret/To
              repent/To grieve/
              To rue
5. अथॖवास करुन....To shake
              hands/To express
              greetings/Have
              friendly contact
6. अथॖवास....Handshake/
                     Friendship
7. अथॖ वऺथॖर....Deed of inhe-
                     ritance
8. अथाह.....Very deep/Un-
                 limited/Bottom
                 less/Immeasur-
             able/Beyond limit
9. अथस अन्दर थवुन..To keep
            in hand/Be able to
            influence/Possess
10. अथस प्यठ.....On hand/
            Very soon/Quickly
**************************
        गीता ज्ञान  :अध्याय 16
पऻन्य पानस स्रेष्ठ मानन वऻल्य गुमंडी मनुश मानॖ मदॖ मतॖवऻल्य,
पाखंडी व्यज़ रॊस यऺगन्य करान
वॊन भगवानन गीता ज्ञान
**************************
स्वामी लक्ष्मण जी आश्रम, सरिता विहारॖ, दिल्लि मंज़ ओस राथ हवन तॖ महाव्वतसव। सुबॖ प्यठॖ शाम ताम आसॖ म्यानि ब्यॆनि लजिमच़ॖ ख्यावनस तॖ च्यावनस मंज़। गारि पूर्य, तऺलिथ ओलव नदॖर्य, ज़ामुत द्वद, चाय वगैरा वगैरा। म्यऻन बऻय ति लऺगिथ सीवायि मंज़। हवनस प्यठ ओस मखन लाल कुकिलू सऻब बिहित तॖ पवन ब्रह्मा जी ॴस्य मंत्र परनस मंज़ व्यस्त। गर्मॖ क्रायि मंज़ हवन करुन छु नॖ सऺहल कथा। वारियाह भक्त ॴस्य आमॖत्य पनॖन्य हऻज़िरी दिनि। भगवान कऺर्यनख पनुन अथॖरॊट। हवन गव सुबहस शुरु तॖ दुह्यकिस दॊहस चल्यव। पूर्ण आहूती आयि कऺरीबन श्यॆयि बजि शामन दिनॖ तॖ पतॖ आव प्रसाद बऻगरानॖ। बतॖ दमोलु, व्वपल-हाक, तॖ ब्यॆयि अख सब्ज़ी आव बऻगरावनॖ नवीद रूपस मंज़। अमि अलावॖ ओस आमुत खिर बनावॖनॖ युस नऺवीदस सॗत्य आव बऻगरावन। दुह्यकिस दॊहस रूज़ कीर्तन चलान तॖ भक्त ति रूद्य यिवान च़ेर तामथ। अथ व्वतसवस मंज़ आव म्यॆ नज़रि ज़ि पांच़तऻजी-पन्च़ाह वॖहॖर्य ह्यॊर ह्यॊरॖय ॴस्य भक्त आमॖत्य। ज़ॖ च़ोर नवजवान ति आयि नज़रि। मगर यिमन शुर्यॆन पज़ि हे युन तॖ प्वन्य कमावुन तॖ ॴशिर्वाद स्वामी लक्ष्मन जीयुन न्युन, तिम शुर्य आयि नॖ नज़रि कॆंह। असि पज़ि पनॖन्यन शुर्यॆन मॊकॖ द्युन तॖ यिथ्यन हवनन प्यठ शिरकथ करनावॖनॖ बापथ आमादॖ करॖन्य।
**************************
"प्राणस सॗतीय लय यॆलि कऺरॖम
ध्यानस थऺवनम नॖ रोज़नस शाय
कायस अन्दर सोरुय वुछुम
पायस पोवुम कऺडमस ग्राय"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

17.09.2019

17.09.2019 ॴशिद (आश्विन) गटॖ पछॖ (कृष्ण पक्ष)त्रय(देवादेव)(तृतीय)बॊम्वार (मंगलवार) श्री सप्तर्षी सम्वत 5095, राश मेष (चलान), ऋतु वर्षा (चलान)काम्बॖर्य पछ (पितृ पक्ष)
(चलान)..च़ोरम हुन्द श्राद्ध यी ॳज़्य, अज़ छि संकट च़ॊरम (संकट निवार्ण चतुर्थी) ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: रज़ दऺज़ मगर वर द्रास नॖ
    अ: हून्य लऺटिस छु नॖ वर नेरान
         यस मूलुय हॊल आसि तस
         छॆनॖ पनॖन्यहऻन च़लान
2. मु:रस मीनिथ तॖ नाटॖ गऺन्ज़रिथ
    अ: तूलिथ तॖ मीनिथ/कमॖय
3. मु: रहदार गुरिस छि पनॖनी
         कॊठ्य फुटान
    अ: युस शख़ॖस कऻम करनस
         मंज़ मऻहिर आसि तऺस्य छि
         ज़्यादॖ कऻम मटि खसान
4. मु: ज़ामतुर गव पामतुर
    अ: ज़ामतॖरिस यिथय ह्यॊर
          ब्वन गछ़ि तस छु रोज़ान
          कानि तल
5. मु: ज़ाम हय आसि गाम तति
         प्यठॖ सोज़ि पाम
    अ: ज़ाम यॊदवय दूरि ति आसि
         तोति छॆ नॖ थफ़ तुलान
**************************
1. अथॖ अनुन....To get/To
                        obtain
2. अथॖ आमुत....Come to
                hand/Be gained/
                Be obtained
3. अथि आमुत....In hand
4. अथि फॊल....An offering/
              An oblation/Offe-
          ings made in sacred
          fire of yajna
5. अथॖ लगुन.......Come to
              hand/Be touched
            Fall into the hands
            of
6. अथि लूर तॖ बॆबि खोस...Very
                   poor/A stick in
                  hand and a cup
              inside the clothes
7. अथि नॖ हार अंदॖकार... False
              pride/False vanity
8. अथॖ युन....To earn/To
                   gain/To obtain
9. अथुक...Which is in hand
10. ॳतीथ....Poor person/
              Stranger/Traveler
              Unknown
**************************
         गीता ज्ञान  :अध्याय 16
 अज्ञानॖ सॗत्य सोंचान रोज़ान, विशय बूगन मंज़ फऺसिथ रोज़ान,यिथ्य मनुश क्रूठ नरख बूगान, वॊन भगवानन गीता ज्ञान
**************************
सान्यन शुर्यन मंज़ छि अज़कल कॆंच़न चीज़न हॖन्ज़ कऺमी नज़र यिवान। अगर ॳस्य हना सन्यरॖ सान वुछव तॖ पनॖन्यन शुर्यन हॖन्द्य ग्वन पनॖनिस ल्वकचारस सॗत्य तोलव तॖ असि यिन तिम कऺमियि नज़र मगर ॳस्य छि तिमन कऺमियन नज़र अन्दाज़ करान हालान्कि तिमन कऺमियन हुन्द फल छि बुगतान ॳसी मगर ॳछ वऺटिथ या कनॖ डोल दिथ छि पकान रोज़ान। सानि समाजिक्यन खान्दर कऺरिथ ज़नानन छि नॖ डॆजहऻर्य लऻगिथ नज़र यिवान। अगर कऻन्सि डॆजहोर लऻगिथ ति छु सु छु नॖ शास्त्रॖ विधि हिसाबॖ यिवान न बनावनॖ तॖ न लगावनॖ। लऻग्यमॖत्य डॆज्यहार्यन हुन्द ज़्यॆछर युस आसुन गॊछ़ सु छु नॖ बिल्कुल नज़र यिवान। माने गव यि ज़ि अमि डॆज्यहारिच शक्ति छि गऻब या यिथ पऻठ्य वनव ज़ि माजि हन्दिस द्वदस मंज़ छॆ नॖ व्वंय स्व दैव-शक्ति यॆमुक असर तऺम्यसॖन्दिस शुर्यन हॖन्द्यन ग्वनन प्यठ प्यॆयिहे। कऻशुर बटॖ शुर छु तिमन ग्वनन तॖ संस्कारन निशि
स्यठाह दूर अज़कल बोज़नॖ यिवान। परुन ल्यॆखनुय योत छु नॖ सान्यन शुर्यॆन ज़रुरत, बाकय संस्कारन हॖन्द आसुन ति छु स्यठाह माने थवान।  म्यॆ छु बासान ज़ि अज़कलक्यन शुर्यन हॖन्ज़न माज्यन पज़ि डॆजहोर तमी आयि तॖ त्रायि लागुन यॆमि आयि सऻन्य शास्त्र वनान छि। ज़रूरी छु नॖ ज़ि अठ गछ़ि स्वनॖसॖन्ज़ि आसॖन्य, डॆज्यहार्युक ज़्यॆछर यी पनॖ दावि सॗत्य ति पूरॖ सपदिथ। बॖ छुस मऻनिथ ज़ि स्वन लागनस छु  ख़तरॖ थपि थॊसि निनुक मगर मॊट पन लागनस क्याह हर्जॖ छु। म्यॆ अगर सऺही याद छु सान्यन माज्यन ओस पनॖव रज़ॖय या अट आसान ग्वडॖ ग्वडॖ। स्वनॖच प्रथा आयि मंज़ॖ प्यठय। यिमन ज़नानन डॆज्यहोर लऻगिथ छु नॖ तिमन पज़ि मानुन ज़ि यि छु अपशॊगुन आसान। सुहागॖच निशऻनी कनस मंज़ न थावुन छु वॊहव। तिथय पऻठ्य यिथ पऻठ्य ज़नानि हॖन्दिस ड्यकस प्यठ ट्यॊक न लागुन छु अपशॊगुन यिवान मानॖनॖ। डॆज्यहोर नाप तोल मुतऻबिक न आसुन छु माजि हॖन्दिस शुर्यसन्दि बापथ अपशोगुन। यि मऻनिथ पज़ि सान्यन ब्यॆन्यन यिम खान्दर कऺरिथ छि पनॖन्य संस्कार बचऻविथ तॖ रऺछ़रिथ थवॖन्य युस तिहन्द्यन शुर्यन बुथि बकार यी।
**************************
"पवन तॖ प्राण सॊमॖय ड्यूठुम
मीलिथ रूदुम शेर ख्वर ताम
दीह यॆलि मॊठुम अदॖ क्याह मॊतुम
न कुनि पवन तॖ न कुनि प्राण"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

16.09.2019

16.09.2019, ॴशिद (आश्विन) गटॖ पछॖ (कृष्ण पक्ष) द्वय (देवादेव)(द्विति), च़ऺन्दॖरवार (सोमवार),श्री सप्तर्षी सम्वत 5095, राश मेष (रऻच़ हॖन्ज़ॖ 4.21 बजि प्यठॖ),द्रठपऻन्च़ुक (पंचक) ति गछ़ि समाप्त अज़, ऋतु वर्षा (चलान)....त्रॆयि हुन्द श्राद्ध यी ॳज़्य
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
*************************
1. मु: रऻछस दॊहा तॖ च़ूरस गऺरा
    अ: वुम्रि हॖन्ज़ रऻछ छि रछ़ा
         ग़फ्लऺच़ किन्य क्वलि गछ़ान
2. मु: डेडि तलय चरॖस दज़ान
    अ: यॆलि बऺडिस हऻक्यमस ब्रौंह
          कनि कांह वुल्टॖ कऻम
          सपदि
3. मु: रब तॖ सब हिशी कथा
    अ: यॆलि रॖतिस तॖ क्रॖतिस
          फ़रकॖय रोज़ि नॖ
4. मु: रतस तॖ त्रेशि
    अ: सख़ अदावत
5. मु: रॖतिस छि दऺह बऻग्य
    अ: जान कारस छि सऻरी
          व्वमेदवार आसान
************************
1. अटल...Constant/Strong
                Firm/Unchange-
                able/Unmoved/
              Steady/Steadfast
2. अटकाव..... Interruption/
              Obstruction/Pre-
              vention/Suspen-
              sion
3. अटॖ रज़.....A part of an
              ornament/Hang-
              ing chain/The
              tying rope
4. अटॖ होर....A part of an
              ornament used by
              Kashmiri Hindu
              women
5. अटॖ.....To carry at back
6. अटकल....To guess/In-
                    genuity
7. अठ.....Golden chain of
               ear
8. अछिपोश.....A flower
9. अछोव.....Uncooked/
                   Half cooked
10. अछॖदऻर....Doll
**************************
        गीता ज्ञान  :अध्याय 16
छुस दनॖवान कॊटम्ब वोल, म्यॆ सिवाय छु नॖ कांह आसन वोल
बॖ यऺगॖन्य करॖ ब्यॆयि दिमॖ स्यठाह
दान
वॊन भगवानन गीता ज्ञान
**************************
डेज्यहोर छु सऻनिस समाजक्यन खान्दरवाज्यन ज़नानन हुन्द सुहागॖच निशऻनी। अमि डॆजहॆरुक ज़ेछर छु आमुत थवनॖ ज़नानीहॖन्दिस सीनस ताम कुनि ख़ास वजह किन्य। मंत्रव दऺस्य दिवॖगोनस प्यठ छि यिमन ज़ेवरातन शक्ती यिवान प्रदान करनॖ तॖ यथ मंज़ डॆज्यहोर छु ख़ास महत्व थवान। मानॖन छु आमुत ज़ि द्वदॖ शुर यॆलि माजि हुन्द द्वद चवान छु, डेज्यहार्यिच शक्ती छि अथ द्वदस वातान तॖ तमि द्वदॖ सॗत्य छु शुरिस शक्ती मेलान रोज़ान तॖ शुर छु महान बनान बऺडिथ। शुर छु संस्कऻरी बनान। दपान छि ज़ि शायद छु यिति अख वजाह यॆमिकिन्य कऻशुर बटॖसुन्द द्यमाग छु थॊद तेज़ तॖ अक्लि बऺरिथ आसान। मानॖनॖ छु यिवान ज़ि डॆज्यहऻर्य दऺस्य धार्मिक शक्ती मेलनॖ सॗत्य छु नॖ शुर ग़लत काम्यन लगान तॖ ॳम्यसॖन्द्य मनॖक्य भाव छि रोज़ान  सकारात्मक तॖ श्वद। ॳम्यसॖन्द्य व्यच़ार छि मॊदॖर्य तॖ मीठ्य बनान। यि छु ॳमिस शुरिस पनॖनि माजि हन्दिस द्वदस  मंज़ असर तॖ अथ असरस पऺत्यकिन छि अख दैव्य शक्ती कऻम करान। यि छु मानॖनॖ आमुत ज़ि शुर छु बऺडिथ हॊन्नरमंद तॖ आज्ञाकऻरी बनान। मिलनसार तॖ ईमानदार बनान। मगर शुर्यॆन हॖन्द्यन यिमन ग्वनन म़ज़ छि अज़कल दरार आमॖच़ नज़र यिवान। वजूहात छि वारियाह। करव पगाह अथ प्यठ ब्यॆयि ब्रौंहकुन कथबात
**************************
"परुन स्वलब तॖ पालुन द्वरलब
सहज़ गारुन सिखिम तॖ क्रूठ
अभ्यासॖकि गनिरय शास्त्र मॊठुम
च़ीतन आनन्द निश्च़य गोम"
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

15.09.2019

15.09.2019ॴशिद(आश्विन) गटॖ पछॖ (कृष्ण पक्ष)ऒक्दॊह (देवादेव)(प्रथम) आथवार (रविवार/एतवार) श्री सप्तर्षी सम्वत 5095, राश मीन (चलान)ऋतु वर्षा (चलान)द्रठपऻन्च़ुक(पंचक)(चलान) काम्बॖर्यपछ़(पितृ पक्ष)(चलान)...द्वय हुन्द श्राद्ध यी अज़
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: देगि लदुन लायक़
    अ: रऺज़ीलॖ/बदज़ाथ/वॊहव
2. मु: द्यॆदि छि बऻच़ व्यॆदि
    अ: गरिकिस ज़िठिस छि बऻच़
         वनि आसान
3. मु: डॊम्ब्य शुर्यॆन ख्वकॖ ब्रऻर्य
    अ: तस रोब हावुन यह नॖ
         व्यच़ानॖय आसि
4. मु: ड्यकॖ टिकॖ
    अ: हावुन लायख/सरताज
5. मु: डंगॖ सॖह
    अ: गरस मंज़ॖय ज़ऻलिम मूजूद
         आसुन
**************************
1. अछोव....Unused
2. अछर.....Alphabet
3. अख़बार..... Newspaper
4. अख़बार नऺवीस...News-
            paper editor/Pro-
            fession of working
            Journalist
5. अदॖ क्याह....What else/
                       O.K./Yes
6. अदाकऻरी....Stage craft/
                  Acting/Action
7. अदाकारा.... Actress
8. अदाकार..... Actor
9. अदरख.......Ginger
10. अदलॖ बदल...Exchange
**************************
           गीता ज्ञान  :अध्याय 16
अख दुशमन मोरुम, बाकय ति मारख, बॖ ईश्वर छुस म्यॆ ॴश करनुक हक़, म्यॆ स्यॆदी तॖ स्वख छुम, छुस बलवान
वॊन भगवानन गीता ज्ञान
**************************
बलिदान दिवस आव ॴखॖर मनावनॖ दिल्लि, बी के गॊंजू पार्कि मंज़ राथ। गाशॖ तारकॖक शुर्य ॴस आमॖत्य यिमव शहीदन हॖन्दि नावॖ कॆंह बऻथ ग्यॆव, धारा 370 तॖ 35A-यस प्यठ ओस आमुत शुर्यन हुन्द डिबेट थावनॖ तॖ ब्यॆयि कऺर शुर्यव चित्रकऻरी यथ मंज़ तिमव कूशिश कऺर यि पऻग़ाम वातनावनॖच ज़ि कोताह ज़ुलुम सपद्यव कऻशिर बटन 1989-90-तस मंज़ तति कऺशीरि मंज़ दहशतगर्दनॖ हॖन्दि दऺस्य तॖ किथ पऻठ्य प्यव तिमन बटन रातो राथ च़लुन पनुन ज़ुव बचावनॖ बापथ।शऻयरी ति कऺर कॆंच़व शऻयरव,छ़ॊट छ़ॊट भाषण ति आव दिनॖ यथ मंज़ तिम सऻरी स्वर्गॖवऻस्य याद आयि करनॖ यिमव पनॖन्य प्राण त्रऻव्य कऺशीरि मंज़ अज़ त्रॖह वऺरी ब्रौंठ। तिम बिचऻर्य बनॆयि गोल्यन हॖन्द्य निशानॖ। आतंकवाद्यव मचोव क़हर तति। मर्द, ज़नानॖ, लऺडकॖ लऺडकी, ल्वकॖट्य बऺड आयि ह्यनॖ तॖ नाहक़ आयि मारनॖ। तिमनॖय आयि अज़ताम श्रद्धांजली दिवान तॖ भगवानस मंगान शऻन्ती तिहन्द्यन आत्माहन। यि पार्क ति छि सरकारन  यिथिसॖय ॳकिस शहीद सॖन्दिस नावस प्यठ दिच़मॖच़ तॖ ॳथ्य पार्कि मंज़ छि सारॆय संस्थाय यिकवटॖ समान तॖ श्रद्धांजली दिवान। चाय पानिच व्यवस्था ति ॴस आमॖच़ करनॖ। तापॖ क्रायि मंज़ ॴस्य आमॖत्य लूख श्रद्दांजली दिनॖ। कार्यक्रम वोत अंद ठीख पऻठ्य।
**************************
"दिहॖचि लरे दारि बर त्रॊपरिम
प्राणॖ च़ूर रॊटुम तॖ द्युतमस दम
हृदयिचि कूठरि अन्दर गॊन्डुम
ओम् के चोबुकॖ तुलमस बम"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

14.09.2019

14.09.2019 भऻद्रप्यथ (भाद्र) ज़ूनॖ पछॖ (शुक्ल पक्ष) पुनिम (पूर्णमा) बटॖवार (शनिवार/ शनिश्चरवार),श्री सप्तर्षी सम्वत 5095, राश मीन ( दुहचि 4.11 बजि प्यठॖ)ऋतु वर्षा (चलान),द्रठॖपऻन्च़ुक (पंचक) (चलान)...काम्बॖर्यपछ छु ॳज़्यकि प्यठॖ शुरु...पगाह ऒक्दुहुक श्रा‌द्ध यी अज़
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: दहि वुहिर्य दशहार
    अ: स्व खुशी य्वस वारिहाय
         कऻल्य मेलि
2. मु: दऺहन दऺह मन छॊनन नॖ
         कुनिस मनुट पोशि नॖ
    अ: वारिहान बऻच़न छि बरकथ
          कुन छु न पोशान
3. मु: दय हय दी तॖ पोशख नॖ
         रटनस
   अ: यॆलि दय मॆहरबऻनी करि
         तॆलि छु फिर्य फिर्य छ़ॖनान
4. मु: द्वयव अथव छॆ नॖ च़ऺर
         वज़ान
    अ: कुन ज़ॊन छु नॖ कामि
         पोशान
5. मु: द्वह यिवान तॖ छ़ॊ द्यावान
       द्वह यिवान तॖ गॊह ख़यावान
    अ: यॆलि रॖत्य द्वह यिवान छि
         तॆलि छि अथ वथ यिवान
**************************
1. अडॖ ख़ाम....Not fully ripe
2. अडॖ फॊल ...Unbloomed/
                     Half opened
3. अडॖ फॊट.... Uncooked/
                Unbashed/Raw
4. अड फलि गाशॖ....At dawn/
                Early morning/
                Early enough
5. अडॖ पॊप....Raw/Half ripe
6. अडॖ प्रोन....Not fresh/
               Second class/
               Used dress
7. अडॖ प्रॊन....Half white/
                     Half fair
8. अडॖ बुज़.....Unroasted/
                      Half fried
9. अडॖ ओम....Half boiled/
                      Half cooked
10. अदम.....Ill mannered
              person/Mean/In-
              ferior/Evil
**************************
          गीता ज्ञान :अध्याय 16
सिरिफ़ सौंचान करॖ कूत हऻसिल,
बाकय मनोरथ ति पूरॖ करॖ बिल्कुल, दौलथ किथॖ कऺन्य छि ज़्यादॖ बडान
वॊन भगवानन गीता ज्ञान
**************************
डॆजहोर छु यिवान लगावन दिवॖगोनस प्यठॖय कोरि य्वस व्वंय माहरॖनि रूपस मंज़ छि अच़ान।
असि कऻशिर्य बटन मंज़ छु डॆजहोर यिवान मंगल सूत्रस बराबर मानॖनॖ। यि छु अख स्वनॖसुन्द ज़ेवर। अम्युक वज़न छु दारोमदार करान ज़ि कऺमिस मऻलिस माजि कऻछ़ा पौंसॖच सहूलियत छि। यि प्रथा छि वारियाहाव सऺदियव प्यठॖ आमॖच़ चलान। मंगल सूत्र छु हॆन्द्य समाजस मंज़ हऺटिस मंज़ नऻल्य त्रावनॖ यिवान मगर डॆजहोर छु कऻशिर्य ज़नानि कनन मंज़ यिवान लगावनॖ। अमि बापथ छि कोर्यॆन ल्वकचारसॖय मंज़ कन यिवान च़्वम्बनॖ यानि कनन मंज़ ज़ॊद यिवान करनॖ। डॆजहोर गछ़ि ज़नानि हॖन्दिस सीनस ताम ज़्यूठ आसुन। कऻशिर्य ज़नानि हॖन्ज़ प्रज़नथ छि ॳम्यसुन्द यि डॆजहोर।खान्दर कऺरिमच़ि ज़नानि पज़ि हर हमेशि डॆजहोर कनन मंज़ लऻगिथ आसुन। चूंकि दिवॖगोनस प्यठ छु ज़ेवरातन मंत्रॖव दऺस्य यिवान शक्ति प्रदान करनॖ, डॆजहोर छु ॳकिस विवाहित ज़नानि रक्षा सूत्रॖच कऻम ति करान रोज़ान। अमि डेजिहारॖच बनावट छि आसान दॊयव तरफव नुकीलि बऺनिथ तॖ मंज़स छु आसान चपटॖ ति या अर्ध गोलऻयी आकारॖस मंज़। दॊयव तरफॖ ज़ॖ प्यॆत्य छि आसान शिव तॖ शक्ति प्रतीक तॖ मंज़िम हिसॖ छु मानॖनॖ यिवान गृहस्थ आश्रमुक प्रऺतीक। यि कथ छि जऻरी
**************************
"त्यमबॖर प्यॆयस कवॖ नो च़ऻजिन
मस रस कवॖ ऒहनऻजन गोस
शांतन हॖन्ज़ क्रय तुलमुल वऻजिन
अन्दरिम गाह यॆलि न्यबर प्योस"
   पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

13.09.2019

13.09.2019 भऻद्रप्यथ (भाद्र) ज़ूनॖ पछॖ (शुक्ल पक्ष)च़्वदह (चतुर्दशी) शॊकुरवार (शुक्रवार/जुम्मा)श्री सप्तर्षी सम्वत 5095,
राश कुम्भ (चलान)ऋतु वर्षा (चलान),द्रठपऻन्च़ुक(पंचक)(चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: द्वन ख्रावन प्यठ लथ
    अ: यॆलि कांह द्वन काम्यन ज़ंग
          छ़ॖनि तॖ कांह ति पूरॖ ह्यॆकि
          नॖ कऺरिथ
2. मु: द्वदॖक्य द्यार द्वदस तॖ
         आबॖक्य आबस
    अ: असलॖच कमऻय छि ॴख-
          रस रॖच़ि वति लगान
3. मु: द्वन सलाह तॖ त्र्यन वाह-
         व्यला
    अ: द्वन मंज़ छु सलाह रोज़ान
         तॖ त्र्यन मंज़ नॖ
4. मु: द्वन बऻच़न हुन्द क्रूद गव
         वऺहरऻच़ रूद
    अ: द्वन बऻच़न हॖन्ज़ हर छॆ नॖ
         ज़्यादॖकालस रोज़ान
5. मु: द्वन गाडन छॆ नॖ थफ
         यिवान
    अ: अकि वख्तॖ छि अकऻय
          कऻम अंद वातान
**************************
1. अडॖमोर.....Severely
              beaten/Half dead
2. अडॖल्यॊक.....Not able to
              do anything/
              Handicapped
3. अडॖगॊर..... Incomplete
              covered item/
              Insignificant/
              Common
4. अडॖ खूर.....Little child
5. अडॖकॊल ....One who
              stammers/Stutt-
              er/Stammerer
6. अडॖ सिव....Half boiled
7. अडॖ स्यॊन....Half saltish
8. अडॖ च़ॊट....Untimely
                      demise
9. अडॖ ज़ोम/अडॖ ज़ोव...Curds
                 not formed fully
10. अडॖ दॊद....Half burnt
**************************
          गीता ज्ञान  :अध्याय 16
युथ मनुश हतॖ बज़ॖ आशॖ थावान
काम क्रूदस फ़सान बूग बूगान
अन्याय कऺरिथ धन सॊम्बरावान
वॊन भगवानन गीता ज्ञान
**************************
दिवॖगोनॖ समाप्त सपदिथ छि गरिचि सार्यॆय ज़नानॖ, ॴश्यनाव बायि तॖ हमसाय बायि अमि दिवगोन हवनॖ प्यठॖ सामग्री तुलिथ यिकवट समिथ न्यॆरान तॖ कुनि यारबलॖस या कुनि कुलिस तल त्रऻवनॖ ब्रौंठ ग्वड पूज़ा अर्चना करान तॖ अमि सामग्री मंज़ॖ प्रसाद सारिनी  बऻगरिथ बाकय दऺर्यावस मंज़ या कुनि कुलिस तल त्रावान।हॆन्ज़ॆ वनवुन छु सॗत्य सॗत्य चलान रोज़ान तॖ यिथॖपऻठ्य छि यि रीथ अंद वातान। दिवत गुल्य छि माता शक्ती हॖन्ज़न सतन रूपन  हॖन्द्यन नावॖ यिवान सथ खिर टऻक्य थावनॖ तॖ यिमन सतन खिर टाक्यन सॗत्य छु यिवान थवनॖ ट्यॊक, नऻर्यवन, डुन्य, म्वंगॖवऺर्य, अर्ग्य पोश , च़ॊचि टुकरॖ तॖ छु गुरु जी यिमन टाक्यन पूज़ा करान। माहर्यॆन तॖ माहराज़स ज़ीठ वम्बॖर ईश्वरस मंगनॖच कामना करान। अथ सऻरिसॖय क्रियायि छि दिवत गुल्य यिवान वनॖनॖ। यि छु दिवगोनकुय अख हिसॖ आसान।
**************************
"च़लॖ च़्यता व्वंदस भयि मो बर
चोन च़िन्थ करान पानॖ अनाद
च़्यह कवॖ ज़नॖन्य क्ष्वद हरि, कर
कीवल तसुंदुय तारुक नाद"
पऺरिव यि लल वाख ति
**************************
च़्यता-चित्त/मन, व्वंदस-मनॖ अंदर, च़िन्थ-चिता, अनाद-ईश्वर, ज़नॖन्य- ज़न्मन,क्ष्वद-ब्वछि, हरि-च़ऺलरावि, तारुक-भवसर तार
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

12.09.2019

12.09.2019 भऻद्रप्यथ (भाद्र) ज़ूनॖ पछॖ (शुक्ल पक्ष) च़्वदह (चतुर्दशी) ब्रसवार (वीरवार/ ब्रहस्पथवार/गुरुवार)श्री सप्तर्षी सम्वत 5095,राश कुम्भ(चलान),ऋतु वर्षा (चलान)..द्रठॖपऻन्च़ुक (पंचक) ॳज़्यकि प्यठॖ..चूंकि च़्वदह छि ज़ॖ गछ़ान, ॳज़्युक वॊहरवोद यी पगाह...पगहॗ यी अन्त-च़्वदह ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: दन्दानॖ मूद लूकव दॊप ज़ि
         यि छु असान
   अ: ॳन्दॖर्य ॳन्दॖर्य सोर्योमुत
         मगर न्यॆबॖर्य नॖ बास दिवान
2. मु: दूरि दूरि छु मर्च़ म्यॆठान नखॖ
         नखॖ छु नाबद ट्यठान
   अ: मिलच़ार गछ़ि हदस अन्दरॖय
        थावुन/ज़्यादॖ नऺज़्यदीकी छि
        खुर अनान
3. मु: दगि रॊस दोद गव बे-माने
    अ: यस सॗत्य नॖ रिशतॖ आसि
         तस द्वख बावुन छु फ़ज़ूल
4. मु: द्वदॖ डुल्य तॖ नाबद नऺट्य छि
         नॖ पोशान
    अ: सॊन्य गरॖ वोतमुत माल छु
         नॖ पोशान
5. मु: दॊग ह्यथ ति बारव तॖ दॊग
         दिथ ति बारव
    अ: प्रथ हालस मंज़ ना-शुकुर-
          गु़ज़ऻरी
**************************
1. अर्यर-दर्यर...Good health/
               Strong/Sound/
               Healthy/Safe/
               Hale
2. अरॖन्य......Forest
3. अरनमथ....Ninetyeight
4. अरशीथ.....Eightyeight
5. अरसतथ....Seventyeight
6. अरॖत्रॖह.....Thirtyeight
7. अरतऻजी....Fortyeight
8. अडॖब्रोक....Half chewed/
            Half grinded/Half
            crashed
9. अडॖ वर......Aged person
10. अडॖ वुन.....Slope
**************************
       गीता ज्ञान  :अध्याय 16
बे शुमार फिकरन मंज़ गिरिफतार गछ़ान, मरनस ताम बूग बूगुन यछ़ान,यितुय छु स्वख बस यी वनान
वॊन भगवानन गीता ज्ञान
**************************
सथ शक्ती यिमन यि कूर माहरिनि हॖन्दिस रूपस मंज़ दीवगोनस प्यठ पूज़ा करान छि तिमन सतन शक्तियन हुन्द नाव छु - अन्नमति (अन्न दिनॖ वाज्यन), दान्नी (प्रथ प्रकारॖ स्वख दिनॖ वाज्यन), सर्वेश्वरी (ऐश्वर्य दिनॖ वाज्यन), एकान्त वासनी (एकान्तुक स्वख दिनॖ वाज्यन),लक्ष्मी (धन दिनॖ वाज्यन), सरस्वती(विद्या दिनॖ वाज्यन), शारिका (यछ़ा पूरॖ करन वाज्यन)...शास्त्र विधि मुतऻबिक गछ़ि दिवगोन दिथ सतन दोहन अंदर अंदर खान्दर सपदुन। यॊदवय ति सम्भव सपदिनॖ, तॆलि छु प्यवान दुबारॖ दिवगोन द्युन।दिवगोनुक रस्म छु स्यठाह पवित्र रस्म यिवान मानॖनॖ। अमि संस्कारॖ दऺस्य छि यि कूर माहरिनि रूपस मंज़ पूर शक्तियव बऺरिथ आसान।यिम शक्ती मंत्रव दऺस्य यिवान छि प्रदान करनॖ। ॳमिस कोरि छि वनान मऻत्रका ति। ॳथ्य रसमस सॗत्य छि यिवान ब्याख रीथ ति सरांजाम दिनॖ यथ वनान छि 'दिवत गुल्य'। दिवत गुल्य कथ छि वनान यि वुछव पगाह
**************************
"ज़न्म प्रऻविथ व्यबव ना छ़ोंडुम
लूबन बूगन बऺरॖम नॖ प्रय
सॊमुय आहार स्यठा ज़ोनुम
च़ोलुम द्वख दाद पोलुम दय"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

11.09.2019

11.09.2019 भऻद्रप्यथ (भाद्र) ज़ूनॖ पछॖ (शुक्ल पक्ष) त्रुवाह (त्रॆयॊदश)ब्वदवार(बुधवार)श्री सप्तर्षी सम्वत 5095, राश कुम्भ (रऻच़ हॖन्ज़ि 3.27 बजि प्यठॖ)ऋतु वर्षा (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: दऺग्य दऺग्य स्वन
    अ: मुकमल गोमुत चीज़/नारॖ
         द्राव स्वन/यि परखोवमुत
         आसि
2. मु: दमस सॗती नमस्कार
    अ: आसनस बासनस छु यज़थ
3. मु: दिल छु शीशि युथ वुछॖहऻस
         त्युथ वुछीय
  अ: युथ कऻन्सि योरॖ करव त्युथुय
        करि ओरॖ ति
4. मु: दिल लॊग हिलि प्यठ दब
         लॊग रबि प्यठ
    अ: मोजथ छु ऒन/पनॖन्य
         पसंद
5. मु: दुशमन नय तु शेंकुन क्याह
    अ: दुशमनदऻरी हॖन्ज़ अलामथ
**************************
1. अच़्यॊत.... Stupid/Silly/
             Foolish/Unwise/
             Ignorant
2. अरवन्ज़ाह.....Fiftyeight
3. अरहऻठ.........Sixtyeight
4. अर्थ.......Meaning/Pur-
             pose/Signification
             Intention/Sense/
             Import/Wealth/
             Properly/ Import
5. अरॖसरॖ....... Uneasiness
6. अरॖ...... Fulcrum
7. अर्पण....An offer in res-
                 pect/Delivering/
                An offering/En-
                trusting
8. ॳर्थी.....Funeral proces-
                sion
9. अरज़ुन..To earn/To work
                 To perform/To
                 gain/To get
10. अरदाह....Eighteen
**************************
         गीता ज्ञान  :अध्याय 16
 मऺखॖर फ़रेब गुमन्ड वोल इन्सान
न पूरॖ गछ़ॖवुन्य कामना थावान, अपॖज़्य चालॖ हमेशि पानॖनावान
वॊन भगवानन गीता ज्ञान
**************************
अख अवसर आव ब्यॆयि यॆलि ॳस्य बटॖ दुच़्यॆतिस मंज़ गऺयि ज़ि करव हय तॖ करव क्याह। द्वन जंत्रियन हुन्द वाद विवाद। विजयेश्वर पन्चांग छि द्वनवय मगर अख छि ओंकार नाथ जीयिन तॖ ब्याख छि पुनीत जियिन यानि स्व. डा.मनमोहन जीयिन। द्रठॖपऻन्च़ुक छु लगान मगर कर छु लगान यि छु नॖ सऺही सऺही ननान। अख छु ल्यॆखान अज़ रऻच़ हॖन्ज़ि 3.27 बजि प्यठॖ यानि ॳज़्यकि प्यठय तॖ दॊयिम छि ल्येखान 11/12 राथक्युथ 3.28 बजि प्यठॖ। द्रठपऻन्च़ुक म्वकलुनुक तिथि छु अख हावान 16-हऻमि तॖ दॊयिम छु हावान 16/17 राथक्युथ। अगर ॳज़्यकि प्यठॖ मानव  तॆलि गछ़ि म्वकलुन द्रठपऻन्च़ुक पान्च़ि द्वह पतॖ यानि आथवारि या 15-हऻमि मगर हावान छु पंचक समाप्त 16-हऻमि यानि अमि हिसाबॖ छि यिवान शॆ द्वह न कि पांछ़। दॊयिमा जंत्री छु हावान समाप्ति 16/17 तमि हिसाबॖ छि पांछ़ द्वह यिवान। चूंकि द्रठॖपऻन्च़ुक छु लगान धनिष्ठ नक्षत्र प्यठॖ रेवती नक्षत्रस ताम, धनिष्ठ नक्षत्र छु ग्वडन्युक जंत्रीवोल ब्वदवारि दुहुय यानि ॳज़्यकि प्यठय हावान तॖ द्वनवुनी जंत्रीयन हॖन्ज़ ग़लती छि ॴखरस बुगतॖन्य असि। ल्यॆखनवोल छु छ़ॊपॖ कऺरिथ। म्यॆ आव ॳकिस मित्रॖ सुन्द फ़ोन अथ मुतलक तॖ म्यॆ द्युत तऺमिस जवाब ग्वडनिचि जंत्री हिसाबॖ। मगर बॖ यॆलि सन्योस थोड़ा तॖ म्यॆ बासेयि क्याताम फरख। म्यॆ कॊर फ़ोन ॳकिस ज़ऻन्यकार गुरु जियस तऺम्य वॊन ॳज़्यकि प्यठय छु मगर ब्यॆयिस ॳकिस व्यद्वानसुन्द फ़ोन आव तॖ दॊयिमि जंत्रीहुन्द फोटू सूज़ुन तॖ म्योन तर्क दॊपुन छु ग़लत। येमिस मित्रॖसुन्द द्रठपऻन्च़कस मुतलक ग्वडॖ फ़ोन ओस आमुत म्यॆ ह्यॆच़्यो तऺमिस पनुन तर्क साफ़ करुन मगर जवाब वॊनॖनम ज़ि दॊयिम जंत्री छि ठीख तिक्याज़ि तऺम्य ओस ओंकारनाथ जियस ति फ़ोन कॊरमुत। म्वखसरॖ कथ छि असि छि वाकयी रऻवमॖच़ काहन गाव।धर्म गुरु प्यठॖ परम गुरुहस ताम।
ख़बर कऻत्यहान सान्यन बायन ब्यॆन्यन डलि द्रठपऻन्च़कॖच ग्रन्दॖय अज़। तवय ल्यूख नॖ म्यॆ हॆरि कनि  द्रठपऻन्च़कस मुतलक कॆंह
**************************
"ज़न्म प्रऻविथ कर्म सोवुम
धर्म पोलुम सॊय छम सथ
न्यत्रन अन्दर प्रेयम दोरुम
च़ोरुम तॖ मोनुम यिहोय अख"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)