05.04.2019

05.04.2019, च़ित्थॖर (चैत्र) गटॖ पछॖ (कृष्ण पक्ष)मावस (अमावस्या), शॊकुरवार (शुक्रवार जुम्मा),श्री सप्तार्षि सम्वत 5094, राश मीन (चलान), ऋतु बसन्त (चलान)... द्रठॖपऻन्च़ुक (पंचक) (चलान).....अज़ शामन छु थाल बरुन
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: मरॖ हऻ गरि कुस थवन
    अ: फुर्सथ नॖ आसॖन्य/
       इन्सानस छु शुर्यन बऻच़न
       हॖन्द्य किन्य तीच़ ज़िम्वऻ-
       री कलस प्यठ आसान
       ज़ि मरनॖकिस दमस ताम
       ति छस नॖ तिमन हॖन्ज़
       फिकिर त्रावान
2. मु: मान मऻन्य छि गऻमॖच़
         राजदऻनी ति फ़ना
    अ: मान मऻन्य सॗत्य वुजाडॖ
         गछ़ुन
3. मु: मालि मुफुत दिल बे-
         रहम
    अ: ब्यॆयि सॖन्दि चीज़ुक बे-
         रहमी सान इस्तिमाल
         करुन/नाजऻयिज़ तऺरी-
         कव हऻसिल कऺरमॖच़
         दौलत बेदर्दी सान वर-
         तावॖन्य
4. मु: मऻर्यमंद्यन ब्रऻर्य ज़ागि
    अ: खानॖमाल्यन छि
         आसान हथ बलायि
         पतय
5. मु: मऻज्य गऺयि स्वनॖसॖन्ज़
         यऺट रऺन्य गऺयि ब्वकॖवऺट
   अ: माजि ख्वतॖ ज़नानि
        लोल बरुन/ख्वदगर्ज़ी
        हुन्द हद
**********************
1. ततॖवॊन्य....Warm
        water/Spring hav-
        ing warm water
2. ततुर.... Burning pain
3. तऺतिमॖ....Remaining/
        Rest/Outstanding
        Surplus/Arrears
4. तिजारथ.... Business/
        Trade/Commerce
        Traffic
5. तजरुबॖ....Experience/
                   Experiment
6. तजवीज़...Proposal/
         Suggestion/Pres-
         cription/Opinion/
         Arrangement
7. तजरुबॖकार...Experien
                       ced
8. तजीरॖ.... Wrapping
         cloth of a tent
9. तछुन....To scratch
10. तछि बछि करुन...To
            work hard for
            earning lively-
            hood/Be indus-
            trious
**********************
      गीता ज्ञान :अध्याय-11
         संजय वनान
संजय वनान भगवान सॖन्द्य यिम वच़न, बूज़िथ मुकटदऻरी अर्ज़न गुल्य गन्डिथ श्री कृष्णस छु वनान
वॊन भगवानन गीता ज्ञान
**********************
अज़ छि मावस। यथ छि वनान च़ित्थॖरॖ मावस। ॳज़्यकि द्वह ओस कऺशीरि मंज़ लगान मेलॖ व्यच़ार नागॖ। लूख ॴस्य व्यच़ारनागॖस मंज़ श्रान करान। युथुय मेलॖ ओस लगान वेरनागॖ ति तॖ जैनपुरा शुपियन ति। ॳज़्युक द्वह छु यिवान मनावनॖ श्री भट्ट सॖन्दिस नावस प्यठ ति। यि छु श्री सप्तार्षि सम्वत 5094 वऺरियुक अंतिम द्वह अज़। अज़ छु शामन थाल बरुन। अथ थालस मंज़ छि तिम सऻरी चीज़ थवॖन्य यिम पऺतिमि लटि थालस बऺर्यमॖत्य ॴस्य। तमि अलावॖ छि थवॖन्य नऺव जंत्री ति। पगाह सुबहऻय न्यॆन्दरि व्वथवुनुय छु ग्वडॖ थालस बुथ वुछुन ति क्याज़ि पगाह छु नवरॆह यानि नवि वऺरियुक ग्वडन्युक द्वह तॖ नवरात्र ति गछ़न शुरु।
**********************
"मातंगी सिद्धिदात्री च ब्रह्माणी देवपूजिता
वेद वेदान्ततत्वाज्ञा कला रूपा यशस्करी।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
   नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)