04.04.2019

04.04.2019, च़ित्थॖर (चैत्र) (गटॖ पछॖ),च़्वदाह (चतुर्दशी) ब्रसवार (वीरवार/ब्रहस्पतवार), श्री सप्तार्षि सम्वत 5094, राश मीन (चलान), ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: माजि बतॖ
    अ: स्वख तॖ सावय/रॖच़र/
         जान्यर
2. मु: माजि नॖ लचकॖ तॖ
         सेतारस गिलाफ़
  अ: ग़ऺरीबी मंज़ ॳमीरी हॖन्ज़
        तेह हावॖन्य
3. मु: मऻन्ज़ि गुल्य ह्यथ
         प्रारॖन्य
    अ: परेशऻनी हॖन्दिस
         आलमस मंज़ बेसबरी
         सान प्रारुन
4. मु: मऻन्ज़ लऻगिथ ति अथॖ
         छ़्यॆटी
   अ: बदकॖस्मती छॆ नॖ तदबी-
         रव सॗत्य ख़त्म गछ़ान
5. मु: मऻज्य गऺयि ओल तॖ
         मोल गव च़्रोल
    अ: मऻल्यसॖन्दि ख्वतॖ छु
         माजि हुन्दुय थज़र तॖ
         बजर मानॖनॖ आमुत
**********************
1. तफ.... Mediation/
              Prayer/Fever/
              Temperature
2. ताफ़...Sun shine
3. तऺपिश...Heat/Uneasi-
                ness/Grief
4. ततॖखल करॖन्य...To
                spoil/Desso-
                late/Vitiate
5. तपॖरयॊश....Yogi
6. ततुन.....To become
                 hot
7. तति/तत्यन/........There
     ततिनस
8. ततबीर.......Action/
          Device/Arrange-
          ment/Courses
          of action
9. ततिफू....Very hot
10. ततिफू करवुन...Very
                              hot
**********************
      गीता ज्ञान :अध्याय-11
द्रोणाचार्य भीष्म जी ब्यॆयि जयद्रथ, यिम म्यॆ मऻर्यमॖत्य सऻरी करण ह्यथ
य्वद कर च़ॖ ज़ेनख म गछ़ हऻरान
वॊन भगवानन गीता ज्ञान
**********************
याद छु म्यॆ प्यवान ज़ि कऺशीरि मंज़ आसॖ सतॖसंग मंडली ब्यॊन ब्यॊन जायन आसान। च़क्रीश्वरॖ, प्वखरीबलॖ, तुलिमुलि वगैरा वगैरा ब्यॆयि आसॖ केंह मंडली कुनि कुनि आश्रमन मंज़ आसान। तिथय पऻठ्य आयि यॆति ति बारसस यिम मंडली फऺरीदाबाद, गुडगांवॖ तॖ रोहिनी अलाक़न मंज़। अमि अलावॖ छि अख सतसंग मंडली इन्द्रापुरमस मंज़ ति यथ मंज़ सिरिफ़ ज़नानय याच़ॖ छि रोज़ान। यि मंडली छि शिपरा सनसिटी मंज़ प्रथ ज़ूनॖपछॖ ॴठम द्वह भजन कीर्तन करान रोज़ान। यि आसुन छु जान मगर यि बनिहे बॆहतर यॊदवय यिमन मंडलीयन मंज़ सऻन्य नऺव पुय ति यिहे सॗत्य सॗत्य पकनावनॖ ताकि सोन पगाह ह्यकन तिम व्यस्तऻरिथ तॖ व्यतॖरऻविथ। हालांकि कॆंच़न जायन छि ल्वकॖट्य शुर्य नज़रि गछ़ान मगर बाकयन जायन ति छि तिमन शुर्यन हुन्द आसुन ज़रूरी। सॗत्य सॗत्य छि पनॖन्य माजि ज़्यव पनॖन्यन शुर्यन पनॖन्यन पनॖन्यन गरन मंज़ वर्तानॖच सख़ ज़रूरथ। कऻशिर्य ज़बऻन्य मंज़ लेखुन तॖ कऻशिर ज़बान परॖन्य गछ़ि तगॖन्य शुर्यन तगुन देवनागरी यानि हॆन्दियस मंज़। यि वऺरी वाति वारॖकारॖ पगाह अंद तॖ पगाह छु ब्यॆयि अकि फिरि थाल बरुन ति क्याज़ि कऻल्यक्यथ छु नवरेह यानि नॊव वऺरी
**********************
"स्मृति शक्ति ज्ञानशक्ति प्रतिभाशक्ति रूपिणी।
कल्पनाशक्तियुक्तायै मत् वाण्यै तु मंगलम।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)