01.05.2019

01.05.2019, वह्यक (वैशाख) गटॖ पछॖ (कृष्ण पक्ष) बाह (द्वादशी) ब्वदवार (बुधवार), श्री सप्तार्षि सम्वत 5095, राश मीन (चलान) ऋतु बसन्त (चलान), द्रठॖपऻन्च़ुक (पंचक) (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: गबि बुथि रामॖ हून
    अ: ज़ुलुमगार मगर शऺरीफ
          बुथ
2. मु: गऻज़ व्वदुर
    अ: सु शख्स युस ब्यॆयिस
          थपि नी
3. मु: गऻन्ठ नॖ कुनि तॖ गऻन्टॖ
         ओल
    अ: बेवख्तॖच तयऻरी करॖन्य
4. मु: गऻन्ठ क्याह ज़ानि
         पऻज़ सुन्द शिकार
    अ: क़दॖर न ज़ानन वोल
         क्याह ज़ानि कऻन्सि
         हुन्द म्वल क्याह छु
5. मु: गऻव मार बोज़ान सऻरी
         तॖ दांदॖ मार नॖ बोज़ान
         कांह
    अ: ज़नानि हुन्द न्याय छि
         सऻरी बोज़ान तॖ हम-
         दर्दी करान तॖ मर्दॖ सुन्द
         ज़ुलुम छु नॖ बोज़ान
         कांह
**********************
1. राग.... Attachment/
           Love/Mental
           affection/Tune/
           Melody/A mode
           of music
2. राग तॖ दूश..... Attach-
           ment/Attraction
3. राग रंग.... Merry mak-
           ing/Dance and
           song/Music and
           merriment
4. राग ग्यवुन...To sing a
                      song
5. बे-वख्त राग...Unhar-
            monious tune/
            Disharmony
6. राग अलापुन...To set a
                          tune
7. राम कहानी....Tale of
            woe/A long tale
8. राम राम बऺदरॖन्य दून्य...
                    Rainbow
9. रामॖ गुरुन....A kind of
                    small fish
10. रामॖ हून.....Wolf
**********************
      गीता ज्ञान :अध्याय-11
मगर युस सिरिफ म्यॆ पॊछ़्य कर्म करान, बेग़र्ज़ तॖ वऻरॖ बावॖ रॊस आसान
सारिनॖय ज़ीवन ह्यु ज़ऻनिथ म्यॆ प्रावान।
वॊन भगवानन गीता ज्ञान
**********************
वनॖ हऻ वन छु दूर, करॖ हऻ करॖ छु द्रॊग, बरॖ हऻ बर छु बंद, तरॖ हऻ तॖ तारि कुस, खसॖ हऻ तॖ खारि कुस, वसॖ हऻ वालि कुस, च़ल हऻ चानि दादि मगर च़ॖ ह्यथ सॗत्य, ॳनिम सॊय वऺवॖम सॊय लऺजिम सॊय पानसॖय, तुले ल्वंगुन तुलान छस, मऻज्य वॊहवान छुम नॖ कांह पॊत्रॖ वति प्यठ ब्यॆह दऺह वॊहवनय, च़ॖ छुख हॆरि बॖ छुसय ब्वनॖ स्वनो च़ॖ कर पनॖन्य कऻम, ॳथ्य दऻर्य वुछनय म्यानि ॳछ मॖ वुछनय, ॳकिस दज़ान दऻर
ब्याख वुशनावान अथॖ, सराफ़ गन्ज़रावान द्यार अतॖराफ रावॖ रावान द्वह, हून वोरान तॖ कारखानॖ पकान, व्यथ रूज़ पकॖवॖन्य, अकि कनॖ बोज़ुन दॊयिमि कनॖ त्रावुन, च़ॖति बॊड बॖति बॊड तुलि कुस यि आबॖ च़ॊड, आयि कथा गऺयि कथा रठ च़ॖ पनॖन्य वथा व्वंय, कथि कथि कथ नय गछ़्यम कथा वनय बायो, कथ म्यऻन्य लवि रॊपिय लछा, लोंचि थव गऺन्डिथ बायो। अंदॖर्य ख्वश तॖ न्यॆबॖर्य व्वश। तॆलि तोश यॆलि न्वश गरॖ वाति, च़ॖति यॆती बॖति यॆती वुछव कस सॖन्ज़ मऻज्य स्वन तोलि तॖ कस सॖन्ज़ मऻज्य रौफ तोलि...ॳज़िक यिम मुहावरॖ छि असि कऻशिर्य बटन पूरॖ पूरॖ बिहान। करिव तॊह्य ति पनॖनि जायि व्यच़ार तॖ वुछव कऺमिस प्यठ छु कुस मुहावरॖ फिट बिहान।
**********************
"कर्पूर गौरम् करुणावतारं संसार-सारं भुजगेन्द्रहारम्, सदा रमन्तं हृदयारबिन्दे भवं भवानी सहितम् नमामि।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

30.04.2019

30.04.2019, वह्यक (वैशाख) गटॖ पछॖ (कृष्ण पक्ष) काह (एकादशी) बॊम्वार (मंगलवार), श्री सप्तार्षि सम्वत 5095, राश मीन (रऻच़ हॖन्ज़ि 4.14 बजि प्यठॖ), ऋतु बसन्त (चलान)
 द्रठॖपऻन्च़ुक (पंचक) (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: गाव च्यऻव्यज़्यन व्वछ़
         रऺछिज़्यन
   अ: कऻम करनॖ विज़ि गछ़ि
         नॖ पनुनुय योत फ़ऻयदॖ
         छ़ान्डुन बऺल्कि ब्यॆयि
         सुन्द ति ख़याल थवुन
2. मु: गऻन्य बुडि तॖ यॆन्दॖर
         कति
    अ: युस वुम्रि जखान रूद
         तस छु नॖ बऺडिथ ति
       आराम नसीबस आसान
3. मु: गाड छि दऺर्यावस मंज़
         त्रेशि बापथ मरान
    अ: यॆलि सोरुय दस्तियाब
       आसिथ ति इन्सान ह्यॆकि
        नॖ तम्युक फ़ऻयदॖ तुलिथ
4. मु: गऻव ज़ाव व्वछ़ सु म्यॆ
         गॊछ़
   अ: लालॖच करुन/ती मंगुन
        यी नॖ पज़ि
5. मु: गऻव छु व्वनुमुत हटि
        किन्य दितम लटि किन्य
        दिमय
    अ: अगर कऻन्सि फ़ऻयदॖ
        वातॖनावव या तस सॗत्य
      नीकी करव सु दी तम्युक
       फ़ऻयदॖ ज़रूर/गाव अगर
       जान ख्यन ख्यॆयि द्वद ति
       दी ज़्यादॖ
**********************
1. दम....Breath/Life/
              Movement/
              Silence
2. दमबदम...Every move
       ment/Continuous-
        ly
3. दम ॴखॖर....The last
        movement before
        death
4. दम अनुन.... To look
                     showily
5. दम ओलुव...A dish/
         Preparation of
         potatoes
6. दिलॖ खॊट....Not good
         at heart/Having
         misgivings
7. दिलबऺरी.....Loveliness
          Being a beloved
8. दिलबर....Beloved/
          Sweet heart/
          Heart ravishing
          Lovely
9. दिल जानानॖ....Charm-
           ing/Lovely/
           Beautiful
10. दिलॖ जानॖ.... By heart
           With full heart
            and mind
**********************
     गीता ज्ञान  :अध्याय-11
मगर ही अर्ज़न यिम बक्ती सान, च़ॊतुर ब्वज़ रूप म्यॆ वुछुन यछ़ान।
म्यॆ प्रावनॖ खऻतरॖ म्योन तत
ज़ानान
वॊन भगवानन गीता ज्ञान
**********************
कऻशिर्य बटन हॖन्ज़ संस्थायि छि बनेमॖच़ॖ व्वंय यस्लॖ। कशीरि न्यबर नीरिथ कॊर असि बटव यी हऻसिल। यि गव बडॖ जान क़दम अख युस तुलनॖ छु आमुत। अथ सॗत्य सॗत्य आयि ॳस्य हवन ति करान पनॖनि समाजकि कल्यान बापथ। यि ति छु अख जान ख़याल वॊथमुत यॆमिस ति कऻन्सि यॆमिसातॖ कऺशीरि न्यबर नीरिथ। व्वंय गऺयि असि क़रीबन त्रॖह वऺरी अथ सिल्सिलस सॗत्य जुडिथ यी वुछान तॖ यी करान। मगर वुछनस तल आव ज़ि असि दिच़ कॆंच़न चीज़न ज़रूरतॖ ख्वतॖ ज़्यादॖ अहमियत यॆम्युक नऺतीजि द्राव कॆंच़न संस्थायन मंज़ तनाव, खींचातऻनी, मान-मान, देखा-देखी। हवनन मंज़ ति छु यिवान नज़रि ज़ि हवन ति छि यिवान करन पज़नॖ प्यॆठी। फ़रीदाबादस मंज़ ब्यॊन ब्यॊन जायन, दिल्लि मंज़ ति ब्यॊन ब्यॊन जायन, तिथय पऻठ्य गाज़ियाबादस मंज़ या बकाया जायन। खूब पौंसा छु यिवान ख़र्च करनॖ यिमन हवनन प्यठ। कुल मिलऻविथ यॊदवय वुछव तॖ यि छु करोरन मंज़ गछ़ान हिसाब। अथ बजायि अगर यि पौंस यिहे लागनॖ ब्यॆयि कुनि कामि तमि सॗत्य मेलिहे सऻनिस समाजस ज़्यादॖ राहत। तऻलीमी अदारॖ या अस्पताल बनावनॖच छि सख़ ज़रुरत। हवनन अगर थख दिमव तॖ अख सामूहिक हवनऻना करव म्यॆ छु बासान ति करनॖ सॗत्य ति मेलि सुय कल्याण सान्यन समाज्यक्यन लूकन युस ब्यॊन ब्यॊन जायन हवन करनॖ सॗत्य मेलान छु। ग़ोर करुन पज़ि सान्यन बायन पनुन अहम् त्रऻविथ तॖ समाज्युक ख़याल नज़रि मंज़ थऻविथ।
**********************
"मृत्युंजय महादेव पाहि मां शरणागतम्, जन्ममृत्यु: जरारोगै: पीडितं भव बन्धनात्।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

29.04.2019

29.04.2019 वह्यक (वैशाख) गटॖ पछॖ दऺहम (दशमी) च़ऺन्दॖरवार (सोमवार)
श्री सप्तार्षि सम्वत 5095,राश कुम्भ (चलान) ऋतु बसन्त (चलान)..द्रठॖपऻन्च़ुक (पंचक) (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: गाटॖ छा नाटॖ बाज़रॖ
         ह्यॆयज़ि मऺल्य
    अ: अकॖलमन्दी छि दय
          सुन्द द्युत
2. मु: गाम छु ख़ाम
    अ: गऻमी ज़िन्दगी छि क्रॗठ
         आसान
3. मु: गाव ति चावॖन्य वॊछ़
         ति रन्ज़नावुन
    अ: स्व कऻम करॖन्य यॆमि
         सॗत्य पानस ति फ़ऻयदॖ
         वाति तॖ ब्यॆयिस ति
         न्वकसान गछ़ि नॖ
4. मु: गाव दी नॖ वॊछ़ ति
         ह्यॆयि नॖ
    अ: न करि ब्यॆयिस मदद
       तॖ न तुलि पानस फ़ऻयदॖ
5. मु: गाडॖ हऻन्ज़ बापार
    अ: क्रख लागॖन्य/यथ नॖ
         कॆंह हऻसिल यी
**********************
1. ज़ऻबितॖ..... Genuine/
          Order in good
          taste/Regula-
          tion/Rule
2. ज़ाफल......A dry nut-
                     meg
3. ज़ातुक......Horoscope
4. ज़ाथ......Caste/Tribe
5. ज़ार....Gambling/Re-
          quest/Petition/
          Any game of
        chance with stake 
6. ज़ऻर्य....Gambler
7. ज़ोर......Strength
8. ज़ीर......To touch/
                  To move
9. ज़ार ज़ार...To weep
                  bitterly
10. ज़ारॖ पार..To beg/
             Request/
             Entreaty/Supp-
             lication
**********************
      गीता ज्ञान :अध्याय-11
च़ॊतुर ब्वज़ रूप च़्यॆ दर्शुन दिथ, ब्यॆयि कांह यिथॖ पऻठ्य ह्यॆकि नॖ वुछिथ। न ज़प तप
कऺरिथ न यगॖन्य तॖ दान।
वॊन भगवानन गीता ज्ञान
**********************
कऺशीरि मंज़ अज़ त्रॖह वऺरी ब्रौंठ ॴस्य ॳस्य कऻशिर बटॖ  दपान ज़ि फलऻन्य छि परबथ कुन या फलऻन्य छि तुलमुल कुन। मगर खालॖय कऻन्सि ॴस पता ज़ि अम्युक मतलब क्या ओस। इष्ट दीवी या इष्ट देव आसुन गव क्याह यि छे नॖ म्यॆ बासान वुनि ति वारिहान म्यान्यन बायन या ब्यॆन्यन पता ज़ि यिमन चीज़न हुन्द मतलब क्याह छु। ॳड्य ॴस ज़ीठ्य-यऻर यानि जिष्टा दीवी कुन तॖ ॳड्य ॴस्य ज़्वाला दीवी, ख्रॖव कुन। मगर यिम गामन मंज़ ॴस्य रोज़ान तिम कोर कुन ॴस्य आसान ति आसिहे तिमनॖय पताह। यि योरकुन या होरकुन आसुन क्याह मतलब ओस थावान यि छु नॖ पताह वारियाहान मगर परम्परा ॴस चलान। परबथ ॴस्य गछ़ान न्यॆनि ख्यथ मगर तुलॖमुल ॴस्य गछ़ान न्यॆनि ख्यनय। देव ग्वन यानि दिवॖगोन यॆलि आसान छु तॖ वऺर छि बनावान, वरि मंज़ छिछर यानि कटॖ माज़ मिलावान मगर यॊदवय अमि द्वह बॊम्वार या ब्रसवार प्यवान आसि तॆलि छि डून्य गोजि मिलऻविथॖय ज़ड कडान। यिथय पऻठ्य हेरच़ॖक्यन दॊहन छि कॆंह गरॖ गुरॖट्य आसान यिम ॴस्य नॖ ॳकिस हफ्तस न कऻन्सि हुन्द गरॖ गछ़ान या न ओस युहुन्द गरॖ कांह ह्यकान गऺछ़िथ। कॆंह रीति रिवाज छि अज़कल याद प्यवान तॖ पानस सॗत्य छु असुनाह यिवान। मतलब न पताह आसनॖ म्वखॖ पतॖ ति ॴस्य रसॖम निबावान। बालॖ यपोर लगिथॖय डॊल असि पनुन वऺतीरॖ तॖ व्यस्तार। गामस तॖ शहरस गव म्युल योर लगनॖ पतॖ। कारकुन कमिस ॴस्य वनान तॖ क्याज़ि ॴसिस वनान यि ह्यॆछनावन वोल छु नॖ अज़कल नज़रि यिवान।
म्यॆ छु बासान असि पज़ि यिमन कथन पर्दॖ तुलुन तॖ ज़ानुन ज़ि यिमन पऺत्यकिन क्याह कथॖ छि आसमच़ॖ तॖ क्वत ताम ॴस्य ॳस्य यिमन सॗत्य जुडिथ।
**********************
"प्रणतोsस्मि महादेव प्रपन्नोsस्मि सदाशिव, निवारय महामृत्युं मृत्युंजय नमोस्तुते।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

27.04.2019

27.04.2019 वह्यक (वैशाख) गटॖ पछॖ (कृष्ण पक्ष) ॴठम (अष्टमी) बटॖवार (शनिवार/शनिश्चरवार),श्री सप्तार्षि सम्वत 5095, राश मकर (चलान), ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: गरॖ वन्दय गर सासा बरॖ
       नेरय नॖ ज़ांह/गरॖ वन्दयो
        गरॖ सासा च़्यॆ ह्यु ख़ासा
        नॖ कांह
    अ: गर्युक ह्यु राहत छु नॖ
         गरि न्यबर मुम्किनॖय
2.मु: गरि नॖ वय कावन करान
        साल/गरि नॖ वय न्यॆबरॖ
         हावान टय
   अ: गुज़ारॖ रॊस ति फटनस
        युन
3. मु: गर्युक गव सरुक आब
    अ: यी गरि व्वपॖदावि ती छु
         पोशॖवुन
4. मु: ग्रदिहूर
    अ: बॆ-डॊल/वुचापॖ
 5. मु: गुर्यन लाज्येयख नाल
          खर गऺयि पडर दऻरिथ
    अ: नाबॖकऻरी या ॳज़र्वुन
          किन्य पनुन पान
          क़ऻबिल ज़ानुन
**********************
1. तॊत तुरुन....Hot and
                      Cold
2. तॊता.....Praise of   
                God/Worship
3. तून.....  Navel
4. तोबॖ करुन...To seek
           forgiveness/
           Repent/Renoun-
           ce
5. तुहुन्द...... Your's
6. थऺजकाद.... Plantation
                 of paddy in a
                 group
7. थऺन्य ...... Butter
8. थऺर.........Bush
9. थऻल्य......Plate
10. थख...Rest/Respite
**********************
       गीता ज्ञान  :अध्याय-11
        श्री भगवान वनान
भगवान वनान च़ॊतुर ब्वज़ रूप। वुछुन, स्यठाह दुर्लब छु
यि म्योन दर्शुन
दीवता छि ॳथ्य दर्शनस तरसान
वॊन भगवानन गीता ज्ञान
**********************
कशीरि ॴस्य भैरव मंदर बनावनॖ आमॖत्य। रॗन्यवारि अलाव ओस सॊथि प्यठॖ, मयसूमि, करन नगरॖ, सोपोरॖ, वगैरा वगैरा। यिमन जायन ॴस्य निवान च़रवन-तऺहर ख़ास कर बटॖवारि बोम्वारि।यछ़ तॖ पछ़ ॴस असि यिमन प्यठ वारियाह आसान। बऺली चडावान ॴस यानि च़ॊट खारान ॴस्य मगर बालॖ यपोर लगिथॖय डॊल असि पनुन वऺतीरॖ तॖ व्यस्तार, यॆति बूज़ुम ज़ि विताल षष्टी द्वह ऒस निनॖ आमुत तऺहर तॖ ओलव न कि तऺहर तॖ च़रवन। भैरव छु मंगान बऺली। तमि सॗत्य छु सु दपान ख्वश रोज़ान। कॆंह रसॖम बदलऻव्य असि पऻन्य पानय ति ज़न गव ज़ि कऺशीरि मंज़ ॴस्य नवरात्रक्यन ग्वडनिक च़ॊन द्वॊहद यानि च़ोरम ताम न्यॆनि ख्यवान तॖ पतॖ ॴस्य नवम यानि रामॖ नवम द्वह च़क्रीश्वर शूशनोर तॖ तऺहर खारान। मगर यॊर यिथ लऺज्य देखा-दीखी तॖ बदलोव रिवाजन रौख।
**********************
"ओम् हर शम्भु महादेव विश्वेशामरवल्लभा, शिवशंकर
सर्वात्मन् नीलकण्ठ नमोस्तुते।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

26.04.2019

26.04.2019, वह्यक (वैशाख), गटॖ पछॖ (कृष्ण पक्ष) सतम (सप्तमी) शॊकुरवार (शुक्रवार/जुम्मा)श्री सप्तार्षि सम्वत 5095, राश मकर (चलान) ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: गगर सऻर
    अ: रच़ि रच़ि च़ूरि निनुक
         अमल
2. मु: गगरायन छु नॖ रूद
         आसान
   अ: युस क्रख करि सु छु नॖ
         कऻम कॊट करनस
         पोशान
3. मु:गगुर वॊथ ब्रऻरिस ख्यॆनि
   अ:कमज़ोर सुन्द ज़ोरावरस
        सॗत्य मुक़ाबलॖ करुन
 4. मु: गगुर छु करान ब्रऻरिस
          लार
     अ: यि ख़लाफ क्क्दरयथ
          या ख़लाफ़ तवक़ॖ
          आसि ती सपदुन
5. मु: गगुर च़ाव लऺकरि बनि
         ह्यथ क्या च़ाव तॖ ख्यथ
         क्या द्राव
   अ: फ़ज़ूल कांह कऻम करनॖ
        सॗत्य छु नॖ कॆंह नेरान/
        फ़ज़ूल कऻम
**********************
       गीता ज्ञान :अध्याय-11
         अर्ज़नॖ दीव वनान
अर्ज़न दीव वनान ही मदॖसॗदन
डंजि दिल म्यॆ ब्यूठ कऺरिथ च्योन दर्शुन
मनशि रूप वुछिथ छुस शाद सपदान
वॊन भगवानन गीता ज्ञान
**********************
हटकेश्वर भैरवसॖन्दि सतव भैरवव मंज़ॖ ओस विताल भैरव दपान युस सऻर्यसॖय रॗन्यवऻरिस नज़र गुज़़र थविथ ओस आसान पनॖनि वख्तॖ। वनॖनॖ छु यिवान ज़ि हटकेश्व भैरव ओस रॗन्यवऻरकिस मलखाह अलाकस अंद्य-पऺख्य आसान तॖ बाकय ॳम्यसॖन्द्य सथ भैरव ॴस्य अमि अलाकॖक्यन बसकीनन हन्द्य रऻछदऺरी करान रोज़ान। बोज़नस तल छु यिवान ज़ि वैताल भैरव ओसमुत छु स्यठाह थ्वद भैरव। ॳम्यसॖन्दि नावुक छु ओसमुत अख मंदर ति बनावनॖ आमुत युस रॗन्यवारि मूत्यार महलस मंज़ छु मूजूद वुन्युखताम ति। दपान योदवय कऻन्सि ति तफ तॗर ॴस आसान तऺमिसॖन्दि नावॖ ॴस तऺहर च़रवन बनावानॖ तॖ वैताल या विताल भैरवस च़ॊट खारान तॖ फलस्वरूप ॴस्य वुछान ज़ि ब्यमार ओस ठीख गछ़ान। मानॖनॖ छु यिवान ज़ि विताल भैरव ओसमुत छु बडॖ त्रॊश भैरव तॖ लूख ॴस्य न्यॆत्य ॳम्यसॖन्ज़ पाठ पूज़ा करान रोज़ान तॖ स्व प्रथा छि वुन्युख ताम चलान। राथ आव पम्पोश एनक्लेवस दिल्लि मंज़ वैताल शॆयम द्वह पाठ पूज़ायि सान मनावनॖ यथ पाठ पूज़ायि मंज़ रॗन्यवऻरिस मंज़ रोज़नवऻल्य आमॖत्य ॴस्य शिरकत करिनि तॖ ब्येयि तिम यिमन भैरव सऻबस मंज़ यछ़ तॖ पछ़ रूज़िथ छि। कऺशीरि मंज़ दपान ॴस्यमॖत्य छि कुल च़ुहऻठ भैरव यिहन्द्य ॴठ लीडर रूद्यमॖत्य छि। यिमन ॴठन हॖन्द्य नाव ॴस्यमॖत्य छि यिथकऺन्य - आनन्देश्वर, मंगलेश्वर, पूर्णराज़ॖ, तुश्कॖराज़, विशवाकसिन, ज़याकसिन तॖ महाकाल। तॖ ॷठिम ओस हटकेश्वर भैरव।यिमन भैरवन ओस मयसूम, बानॖमहलॖ, सॊथ, नरसिंहगड, नमचिबल तॖ सोपोर अलाकॖ आमुत दपान हवालॖ करनॖ।हटकेश्वरस ओस मलखाह यानि रॗन्यवोर हवालॖ। कॆंह मंदर छि वुनि कशीरि मंज़ मूजूद यिम सान्यन कथन प्रमानित करान छि।
*********************
"यज्ञस्वरूपाय जटाधराय पिनाकहस्ताय सनातनाय।नित्याय शुद्धाय निरंजनाय तस्मै यकाराय नम: शिवाय।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

25.04.2019

25.04.2019 वह्यक (वैशाख) गटॖ पछॖ (कृष्ण पक्ष) शॆयम (षष्टी) ब्रसवार (वीरवार/ब्रहस्पतवार) श्री सप्तार्षि सम्वत 5095, राश मकर (रऻच़ हॖन्ज़ॖ 3.13 बजि प्यठॖ), ऋतु बसन्त (चलान)...अज़ छि वैताल षष्टि ति...
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: गगरि हुन्द कन
    अ: कथ ज़्यॆठॖन्य
2. मु: गलवानस गुर हवालॖ
    अ: यसुन्द ख़तरॖ आसि
         तऺस्य पान मटि थवुन
3. मु: गन्टायि शुर
    अ: बुजरस मंज़ ज़ामुत
          शुर
4. मु: गन्दॖ खश-खाश
    अ: बद ज़ाथ इन्सान
5. मु: गऺन्डिथ गऻव गासॖ लॊव
    अ: प्रथ कऻन्सि ज़रूरतॖ
         मुतऻबिक ख्यन-च्यन
         वातॖनावुन
**********************
1. तोर....To have cross-
          ed/wooden bolt/
          There
2. तोर कुन...In that direc
                   tion
3. तोलुक....Relationship
                  Possession
4. तोह,......Husk
5. तॊत......There
6. त्वत......Hot
7. तॊत ताम...Up to that
                point/Up to
                that place
8. तवुन....Get to bake/
                To roast
9. तवय...That is why
10. तवकल....Trust in
                 God/Belief
**********************
      गीता ज्ञान :अध्याय-11
         संजय वनान
संजय वनान अर्ज़नस श्री भगवान, च़ॊतुर ब्वज़ रूप हऻविथ कृष्ण वनान भयि हऺतिस अर्ज़नस तसला दिवान
वॊन भगवानन गीता ज्ञान
**********************
रॗन्यवोर अलाकॖ ओस कऺशीरि मंज़ अख स्यठाह बॊड अलाक आसान यॆति कऻशिर्य बटन हॖन्ज़ बऺस्ती ॴस वख्तॖ अकि अकि अंदॖ प्यठॖ ब्यॆयिस अंदस ताम। अथ अलाक़स ओस यॊत ताम म्यॆ ज़्वन छु गामुक दर्जॖ आमुत दिनॖ ति क्याज़ि वारिहान बटॖ गरन आसॖ आरम-वारि आसान यथ मंज़ सब्ज़ी ॴस यिवान व्वपदावनॖ। अतिक बसकीन ॴस्य दपान अज़ छु असि शहर गछ़ुन यॆलि ति तिमन रॗन्यवारि प्यठॖ अम्राकऺदल या हब्बॖकऺदल कुन ओस आसान युन। बटॖ ॴस्य लऺसिथ तॖ बऺसिथ मगर आयि वावॖ छ़ठ तिछ़ ज़ि सोरूय रूदुख तती तॖ ज़ुव बचावनॖ म्वखॖ प्योख च़लुन कशीरि प्यठॖ। रॗन्यवऻरिस मंज़ ओस वैताल भैरव युस दपान ओस सऻर्यसॖय रॗन्यवऻरिस रऻछ कऺरिथ आसान। ॳम्यसुन्द द्वह ओस यिवान मनावनॖ बडॖ जोशॖ ख़रोश सान। रॗन्यवारिक लूख ॴस्य अमि द्वह ओर तऺहर तॖ च़रवनॖ निवान तॖ पूज़ा पाठ कऺरिथ पतॖ नवीद बऻगरावान। यि प्रथा छि आमॖच़ यॆति ति थवनॖ जऻरी। पम्पोश एनक्लेवस दिल्लि मंज़ छु यिवान यि द्वह मनावनॖ वह्यकॖ गटॖ पछॖ शॆयम द्वह प्रथ वऺरियि। मगर यॆमि लटि छु सान्यव ज्यॊतिष्याचार्यव अथ ति द्वन दोहन मनावनुक तजवीज़ पनॖन्यव जंत्रीयव दऺस्य द्युतमुत। सौंचुन थोवुख असि ज़ि ॳस्य कालॖ मनावॖ या पगाह। ॳस्य वऻत्य यथ हालतस ताम ज़ि सऻन्य ज्योतिष बऻय ति गऺयि द्वन तॖ च़्वन मंज़।रामॖ लगय च्यानि लीलाये।
**********************
"वशिष्ठकुम्भोदभव गोतमादि मुनिन्द्रवन्द्याय गिरीश्शराय श्री नीलकण्ठाय वृषभध्वजाय तस्मै वकाराय नम: शिवाय।।"
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

24.04.2019

24.04.2019, वह्यक (वैशाख) गटॖ पछॖ (कृष्ण पक्ष) पऻन्च़म (पन्चमी) ब्वदवार (बुधवार),श्री सप्तार्षि सम्वत 5095,राश धनु (चलान),ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1.मु: गूर्य गरि छा वॊछ़ रावान
   अ: यथ जायि माहोल मुवऻ-
        फिक आसि तति छु
        इन्सान फ़ऻयदस मंज़ॖय
        रोज़ान
2. मु: गॊट नय आसि गाश
         कस बासि
    अ: जऻनी छि तऺती अथि
         यिवान यॆति नाकारॖगी
         ति आसि
3. मु: गूर वन्या ज़ांह म्योन
         द्वद छु च़ॊक
    अ: पनॖनिस चीज़स छा
         कांह कॖठ कडान
4. मु: ग्वडॖ गव पानस पतॖ
         गऻर ज़ानस
    अ: ग्वडॖ गछ़ि पानसॖय
         फ़ऻयदॖ वातॖनावुन
5. मु: ग्वडॖ यड अदॖ थर
    अ: यॆलि यॆड बतॖ या गुज़ारॖ
         आसि तॆली छु इन्सान
         जिस्म वलनॖ बापथ
         प्वशाक छ़ान्डान
**********************
1. तोतॖ....Parrot
2. तोंथ... Beak/Bill
3. तॊमुल....Rice
4. तॊमलॖ ओट...Rice floar
5. तॊमॖलॖ च़ॊट..  Rice
                         bread
6. तोशुन.....Be happy
7. तॊहमत... Allegation/
              False accusa-
              tion
8. तॊबरूख...Gift/Pre-
              sent/Benedic
               tion
9. तॊन्दूर...Oven/Stove/
                Tandoor
10. तनब....Ground floor
             of the house/
             A room in
             ground floor
**********************
       गीता ज्ञान :अध्याय-11
भयंकर रूप वुछिथ मॖ गछ़ व्याकुल, मूडॖ बाव त्राव ब्यॆयि मॖ प्राव बिल्कुल।
वुछ च़ॊतुर ब्वज़ रूप शंख गदा, च़क्रॖ सान
वॊन भगवानन गीता ज्ञान
**********************
मोबायल अगर अथस मंज़ आसि तॆलि छु नॖ इन्सान कुन ज़ॊन बासान। बनावन वऻल्यसुन्द द्यमाग क्याह गछ़ि आसुन ओसमुत यॆमिस मोबायल बनावनुक ख़याल छु आमुत। तऺमिस आसिहे नॖ
ज़्वन अमि कथि हुन्द ज़ि लूख कमि कमि रऺन्ग्य करन अम्युक इस्तिमाल। म्यॆ छु बासान ज़ि सानि ज़ऻच़ मंज़ छि सऻन्य कॆंह बऻय अम्युक इस्तिमाल स्यठहॗय ग़लत तरीकस मंज़ करान। तिहॖन्द्य किन्य आसि ठीख मगर म्यऻन्य किन्य छु ग़लत। गूर वन्या ज़ांह म्योन द्वद छु च़ॊक। पनुन चीज़ या पनुन कॆंह कॊरमुत छु हमेशॖ ठीखॖय बासान। मोबायल क्या लॊग सान्यन अथन मंज़ ॳस्य छि नॖ ठऺठ्य यिवान। कति कति प्यठॖ छि फोटू अनान तॖ त्रावान रोज़ान यथ मोबायलस प्यठ, कॆंह छि सियासत दग़ान रोज़ान तिथकऺन्य ज़ि बासान छु ज़ि सऻर्यसॖय ज़गतुक फऻसलॖ छु तिमनॖय करुन। कॆंच़व बायव बनोव यथ मोबायलस मंज़ कॆंह ग्रुप यथ बॖ नाव ह्यकॖ दिथ हऻन्ज़ ग्रुप ति क्याज़ि यिथ पऻठ्य कऺशीरि मंज़ हऻन्ज़ ॴस्य लडऻय या ल्यकॖ थ्वकॖ दॊहस कऺरिथ पतॖ शामस फ्वतिस तल थविथ पतॖ दॊयिमि द्वह फ्वत तुलिथ ब्यॆयि ती करान रोज़ान। ब्यॊन ब्यॊन तरीकव छि यॆमि मोबायलुक इस्तिमाल करान आमॖत्य लूख। मगर सऺही इस्तिमाल अम्युक छि स्यठा कम लूख करान। म्यॆ छु बासान।
**********************
"शिवामुखाम्भोजविकासनाय दक्षस्य यज्ञस्य विनाशकाय।
चन्द्रार्कवैश्वानरलोचनाय तस्मै शिकाराय नम: शिवाय।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

23.04.2019

23.04.2019 वह्यक (वैशाख) गटॖ पछॖ (कृष्ण पक्ष) च़ोरम (चतुर्थी) बॊम्वार (मंगलवार), श्री सप्तार्षि सम्वत 5095, राश धनु (दुहचि 5.15 बजि प्यठॖ)ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: ग्वडनिच लानथ तॖ
         दॊयिम न्यामथ छि
         बराबर
    अ: यी करुन ती ग्वडॖय
         करुन छु बेहतर
2. मु: ग्वडॖन्युक सौदा गछ़ि नॖ
         त्रावुन
   अ: यी ग्वडॖ बनि सु छु जान
        हमेशॖ आसान
3. मु: गॊबुर छा लॊबुर ज़ि
         गुपन गूरिस निशि अनि
  अ: न्यॆचुव छु स्यठाह म्वलुल
        आसान/पनुन शुर छु
        न्यामथ
4. मु: गूर्य वॊहवॖ छु नॖ गुपुन
         मरान
    अ: पनॖनि सॖन्दि नाकारॖ
       यछ़नॖ सॗत्य छु नॖ परवाय
        आसान
5. मु: गूर्य हखुर
    अ: नादान/बेवकूफ़/च़ूर
**********************
1. तन्दरुस्त....Hale and
           hearty/Healthy
2. तॊन.....Thin/Lean
3. तनॖ मनॖ....With body
           and soul/With
           all one's heart
           and soul
4. तऺनॖरावुन...To dilute/
           To make thin
5. तन दिन्य...To devote/
           To pay attention
6. तनहा....Alone/Lonely
           Solitary/Single/
           Single handed
7. तनज़ीम....An organi-
                    zation
8. तनक़ीद.... Review/
           Criticism/Criti-
           cal appreciation
           Fault finding
9. तंग युन...Be utterly
           sick of/Have
           one's patience
           exhausted/To
           be perplexed/To
           be dejected
10. तंग... Narrow/Too
           small/Contract-
           ed/Compressed
**********************
     गीता ज्ञान :अध्याय-11
च़्यॆ रॊस ह्यॆकि नॖ कांह वुछिथ
वीद पऺरिथ तॖ तपस्या यऺगॖन्य कऺरिथ
नॖ कांह क्रिया कऺरिथ, न धर्म दान
वॊन भगवानन गीता ज्ञान
**********************
श्री एम के टेंग सऻबस आव करनॖ मान समान जे के विचार मन्च तरफ़ॖ यॊस अख बडॖ खुशी हॖन्ज़ कथ छि। हऻरऻनी गऺयि म्यॆ यि बूज़िथ ज़ि टेंग सऻबस छु नॖ अज़ ताम कऻन्सि संस्थायि कुनि कॖस्मुक मान समान कॊरमुत हालांकि श्री एम के टेंग सऻबन छि पनॖनिस कार्यकालस मंज़ समाजिच स्यठाह सीवा कऺरमॖच़। असि पज़न नॖ यिथ्य नामावार व्यक्ति कुनि सूरतस मंज़ ति मऺशरावॖन्य। म्यॆ छु बासान ज़ि यॊदवय छ़ऻन्ड दिमव ब्यॆयि ति आसन कॆंह नफ़र तिथ्य यिमव कुनि न तॖ कुनि रंग्य पनुन योगदान द्युतमुत आसि अल्बतॖ ॳस्य आसव नॖ तिमन ताम वऻत्यमॖत्य मान समान करनि। म्योन नमन जे के विचार मन्च  संस्थायि तॖ तिहॖन्द्यन सदस्यन तिक्याज़ि यि संस्था छि कूशिश करान प्रथ ॳक्यसॖन्द्युक मान समानुक। यि संस्था छि वातनावान हक़दारन पनुन हक़ सुलि या च़ीर्य।
**********************
"मातंगचर्माम्बरभूषणाय समस्तगीर्वाणगणार्चिताय।
त्रैलोक्यनाथाय पुरान्तकाय तस्मै मकाराय नम: शिवाय।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

22.04.2019

22.04.2019, वह्यक (वैशाख) गटॖ पछॖ (कृष्ण पक्ष) त्रय (तृतीय) च़ऺन्दॖरवार(सोमवार),श्री सप्तार्षि सम्वत 5095, राश वृश्चिक (चलान), ऋतु बसन्त (चलान)...अज़ छि संकट च़ोरम (संकट निवारण चतुर्थी)..
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: गोंछ़ि मथुन सोंम्ब
    अ: स्यठाह कम
2. मु: गॊसऻन्य त्वमुल
    अ: वारियाह कॖस्मॖ ख्यनॖ
         चीज़न हुन्द रलॖ
3. मु: गॊसऻन्य गऺडवॖ
    अ: बेछवुन
4. मु: ग्वलाबॖ तॗर
    अ: सौंतॖ कालॖच तॗर/
          मोमूली सर्दी
5. मु: ग्यॆलि ग्यॆलि छि कांह
         ग्यल स्यॆज़ गछ़ान
    अ: लगातार कूशिश करनॖ
         सॗत्य छु स्यज़र गछ़ान
**********************
1. तन....Body
2. तनाव...Tension
3. तिम....They
4. तनि-तनहा...All alone/
              All by oneself
5. तमाह.... Greediness/
            Temptation/
            Inducement
6. तमना...Wish/Desire/
                Longing
7. तुम्बकनऻर...A musical
                   Instrument
8. तमगॖ....Medal
9. तम्बलुन...To be rest-
           less/Impatient/
           Hasty
10. तम्बलावुन...To tempt
                       To attract
**********************
       गीता ज्ञान :अध्याय-11
यि म्यऻन्य यूगॖ शक्ती तॖ परम दाम, च़्यॆ सिवाय वुछ नॖ कऻन्सि अज़ताम
आदि अंतॖ रॊस म्योन रूप महान
वॊन भगवानन गीता ज्ञान
**********************
म्यॆ छु बासान ज़ि व्वंय गव सान्यन संस्थायन तसलाह मर्दन दऺस्य कऻम करनऻव्य करनऻव्य तॖ प्यॊख ख़याल ज़ि क्याज़ि थवोख नॖ ज़नानॖ ति पानस सॗत्य सॗत्य या पानस ब्रौंठ ब्रौंठ युथ तिम ति ह्यकन पनॖनि समाजिक्यन मसलन हल छ़ऻन्डिथ। हालांकि वुन्यखताम आव यि नज़रि ज़ि प्रथ संस्थायि मंज़ छि ज़नानॖ थॊद वऺथ्य वऺथ्य समाजिच सीवा करान रोज़ान अल्बतॖ यिमन छॆ नॖ कांह पदवी आमॖच़ दिनॖ माने काह ख़ास ज़िम्वऻरी आमॖच़ दिनॖ ॳकिस द्वन संस्थायन रॊस। यि छु अख जान व्यच़ार। ज़नानॖ यॆलि गरॖ गृहस्ती ह्यकन चलऻविथ, संस्थायि क्याज़ि ह्यकन नॖ चलऻविथ। बऺल्कि अथ ख़यालस पज़िहे वारियाह ब्रौंठ अमली जामॖ छ़ॖनॖनॖ आमुत। खऻर, देर आयद दुरुस्त आयद। यॆति यिम त्रॖह वऺरी कऺड्य मर्दन हॖन्दिस राज्यस मंज़, ब्यॆयि त्रॖह वऺरी कडव ज़नानॖ ब्वदि तल द्यवॖ कुनि अंदस लगव। ब्यॆयि पज़ि सानि समाजिक्यन युवा पीढी कमर कऺसिथ संस्थायन हॗन्ज़ लाकम पनॖन्यन अथन मंज़ रटॖन्य तॖ पनॖन्य जवान ख़यालव सॗत्य मसलन हल छ़ान्डुन। ब्रौंठ ब्रौंठ पकुन तॖ पनॖनिस समाजस वथ हावॖन्य। कॆंह मसलॖ छि तिम ति यॆत्यन तिमनॖय छु सख़ फऻसलॖ करॖन्य ति ज़न गव ज़ि ज़ऻच़ न्यबर खान्दर न करुन, शुर्य कम से कम त्रॆ या च़ोर आसॖन्य, वुहि प्यठॖ पॖन्च़ॖह वुहरिस अंदर अंदर खान्दर करुन, मोल मऻज्य कुनी ज़ऺन्य त्रऻविथ व्यलायत गछ़नुख ख़याल मऺशरावुन, रॗनिस ज़नानि हॖन्द्य तनाज़ॖ अदालतन न्यॆबरय अंज़रावॖन्य वगैरा वगैरा। युवा पीढ्यहॖन्ज़ ज़िम्वऻरी छि बनान ज़ि तिम वातन यिमन मसलन कूनि न तॖ कुनि तरीकॖ।
**********************
"नागेन्द्रहाराय त्रिलोचनाय भस्मान्गरागाय। देवाधिदेवाय दिगम्बराय तस्मै नकाराय नम: शिवाय।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
   नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

21.04.2019

21.04.2019, वह्यकॖ (वैशाख), गटॖ पछॖ (कृष्ण पक्ष) द्वय (द्विती), आथवार (एतवार/रविवार),श्री सप्तार्षि सम्वत 5095, राश वृश्चिक (दुहचि 11.12 बजि प्यठॖ), ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
*********************
1. मु: ग्वलाबॖ रॊय
    अ: गुलऻब्य बुथ/माशूक/
         ख्वश बोन
2. मु: ग्वनॖ ख्वतॖ ग्वनॖ दूष
    अ: नीकी करान करान
          वॖल्टॖ गछ़ुन
3. मु: ग्यव ख्यवान तॖ गर्दनि
         कुन अथॖ लागान
    अ: वुतावली हावॖन्य/कुनि
         तर नेरनस ति गछ़ि
         वख्त द्युन
4. मु: ग्यव हऻ तॖ ग्यव ख्यव
         ब्रार्यॆव
    अ: बहानॖ बऻज़ी कऺरिथ
         कामि च़ूर बनुन
5. मु: ग्यवस तॖ कनॖहऻपिनि
         रॖश
    अ: पानॖवॖन्य सख़ वऻर
**********************
1. तम....Rest/Ease/Re-
             pose/Truce/
             Stop/Relaxa-
             tion
2. तमीज़..Sense/Good/
             Judgement/
            Etiquette/Good
            manners
3. तमोक.....Tobacco
4. तमदुन.....Culture/
            Civilisation/
            Urbanization
5. तमाशॖ...Spactacle
           Show/Entertain
           ment/Show
           business
6. तमी....That is why
7. तमाशॖ गीर.....Specta-
          tors/On lookers
8. तमुन करुन...To black-
             en something/
             To defame
9. तमाशॖ वुछुन...To wit-
           ness a show or
           happening/To
           enjoy others
           misfortune
10. तमाशि करॖन्य...To
           make a fun/Put
           on a show/
           Stage a play
**********************
      गीता ज्ञान :अध्याय-11
         श्री भगवान वनान
भगवान वनान छुस हे अर्ज़नॖ अनुग्रह कऺरिथ हावय दर्शुन
यि विराट रूप म्योन स्यठाह तीज़वान
वॊन भगवानन गीता ज्ञान
**********************
बॖ छुस वाकॖयी कॆंच़न बायन तॖ ब्यॆन्यन नमन करान यिम पनुन कॗमती वखॖत कऺडिथ करान छि रोज़ान समाज सीवा कुनि ति रंग्य। त्यूतुय योत नॖ बऺल्कि वातान छि अकि जायि प्यठॖ ब्यॆयिस जायि पान्यन काम्यन अंद वातॖनावनॖ बापथ। कऺशीरि मंज़ अज़ त्रॖह वऺरी ब्रौंठ ओस नॖ यिमन चीज़न हुन्द ज़रूरथॖय मगर योर यानि कऺशीरि न्यबर यिथ ह्यॆतिन ॳस्य तॖ सऻन्य शुर्य पनॖनि तहज़ीब तॖ तमदुनॖ निश दूरॖन्य, पनॖनि माजि ज़्यॆवि निशॖ दूरॖन्य। युथ नॖ ॳस्य बिल्कुलॖय रावव, युथ नॖ सान्यन शुर्यन मऺशिथ गछ़ि त्युहुन्द प्वतकाल, सु ज़िन्दॖ थावनॖ बापथ छि सऻन्य बऻय ब्यॆनि कमर कऺसिथ पनॖनिस समाजस पनॖन्य प्रज़नथ दिनॖ म्वखॖ कऻम करान। म्योन नमन तिमन ब्यॆयि अकि फिरि। गुडगांवॖ प्यठॖ दिल्लि युन तॖ दिल्लि प्यठॖ फ़रीदाबाद वातुन तॖ फ़रीदाबादॖ प्यठॖ गुडगांव वातुन ॳक्यसॖय दॊहस मंज़ तॖ पनुन गरॖबार ति करुन छॆ नॖ मोमूली कथा। मगर करान छि, वातान छि, हावान छि, समाजुक च़ुक छुख। मुफ्त सीवा। निषकाम बावॖ सान। कुनि लालचि रॊस करान छि रोज़ान यि सीवा। ज़रूरथ ति छु यिछ़ि सीवायि हुन्द तॆली छि व्वमॆद ज़ि सऻन्य शुर्य यिम पगहॖक्य वतॖहावक बनन रोज़न कामयाब पनॖन्य संस्कृति बरक़रार थवनस मंज़
**********************
"प्रणतानां प्रसीद त्वं देवि विश्वार्तिहारिणि, त्रैलोक्यवासिनामीड्ये लोकानां वरदाभव"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
   नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

20.04.2019

20.04.2019, वह्यक (वैशाख), गटॖ पछॖ (कृष्ण पक्ष) ऒक्दॊह (प्रथमा/ प्रतिपदा), बटॖवार (शनिवार/ शनिश्चरवार), श्री सप्तार्षि सम्वत 5095, राश तुला (चलान), ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: लऻर ख्यवान पानस
         डाकुर त्रावान ब्यॆयिस
    अ: मग़रूर्यत हावॖन्य
2. मु: लाफ़ गऺछ़्यनम माफ़
    अ: पनॖनि ताक़तुक बे-जा
         इस्तिमाल करनुक
         एहसास गछ़ुन
3. मु: लाल शिनऻसी ज़ानि
         लालॖच क़दॖर
   अ: क़दॖरदानॖय ज़ानि कामि
        हॖन्ज़ या मालॖच क़दॖर
4. मु: लानॖतन टोक नऻल्य
         गछ़ुन
    अ: हंगॖ तॖ मंगॖ शाहमतस
         मंज़ वलनॖ युन
5. मु: लऻव ब्वद गऺयि सऻव
         ब्वद
    अ: ल्वकचि वुमरि मंज़
         गाटॖजार/ल्वकटिस छु
         जलॖद फ़िकरी तरान
**********************
1. तलख़....Bitter/Pun-
             gent/Unpalat-
             able
2. तलातुम....Storm/
         Dashing/Buffet-
         ing
3. तलवास....Heart pal-
        pitation/Be dis-
        gusted/Be des-
        paired/Be frigh-
        tened/Be grieved
        Heart break/Anx-
        ious
4. तलॖ.....Down/Below/
               Beneath
5. तलाव....Pond/Pool/
                 Lake
6. तुलॖ क़तुर...Ice/Frozen
                     water
7. तल रटुन....To hide/To
                 keep under
8. तल गछ़ुन....To out
           strip/To be left
           behind/To be
           ignored
9. तल छ़ुनुन...To hide/
           To keep in lower
           position
10. तुलॖनावुन....To get
            lifted/To make
            someone to lift
**********************
        गीता ज्ञान :अध्याय-11
मुकटदर गदा च़ऺक्रॖ ह्यथ अथन क्यथ, तिथय पऻठ्य वुछुन यछ़ान छुसथ
हे विश्वॖ रूपॖ म्यॆ तमिय रूपॖ हाव पान
वॊन भगवानन गीता ज्ञान
**********************
बऺड समस्या छि सानि ज़ऻच़ अज़कल स्व गऺयि अख ज़ऻच़ न्यबर खांदर करुन तॖ दॊयिम गऺयि शुर्य कम आसॖन्य। यॊताम बॖ सन्योस यिमन मसलन म्यॆ नन्यव ज़ि अख बॊड वजह छु सान्यन शुर्यन हुन्द ज़ऻच़ न्यबर खांदर करनुक तिहॖन्ज़ प्राइवेट कम्पनियन मंज़ नोकरी आसॖन्य। सऻन्य शुर्य अज़कल छि म्यानि बेकॖल अकलि किन्य 96 प्रेतिशत प्राइवेट कम्पनियन मंज़ नोकरी करान। नोकरी करन वाल्यन छु नॖ अकि जायि प्यठॖ ब्यॆयिस जायि तब्दीली हुन्द कांह सबीलॖ। सु यॆतिनस छु तॖ रोज़ुन छुस तऺतीनस न तॖ नोकरी त्रावॖन्य तॖ ब्यॆयिस कुनि कम्पनी मंज़ नोकरी छ़ान्डॖन्य। गारन्टी छख नॖ नोकरी हॖन्ज़। ज्यट एयरवेज़स मंज़ नोकरी करनवाल्यन हुन्द नोकरी निशि अथॖ छलुन छि अख मिसाल ब्रौंह कनि। लडकॖ छु ॳकिस शहरस मंज़ तॖ अगर ॳम्यसॖन्ज़ टॆक्यन रलान छि कऻन्सि तस कोरि सॗत्य य्यॊस कुनि ब्यॆयिस शहरस मंज़ नोकरी करान छि, यिमन द्वन छु नॖ पानॖवॖन्य मेल गछ़नुक हिसाब-किताबा नज़र यिवान। दॊयव मंज़ॖ छु नॖ कांह पनॖन्य नोकरी त्रऻविथ दॊयिमिस सॗत्य रोज़न प्यठ सहमथ गछ़ान। न छि कूर मानान तॖ न छु लऺडकॖ मानान ॳकिस ब्यॆयिस जायि गछ़ुन। नतीजि छु ज़ि दॊनॖवय छि पनॖन्यन पनॖन्यन कम्पनियन मंज़ कऻम करनवाल्यन पसंद करान तॖ निवान छि खांदर कऺरिथ...कथ छि जऻरी
**********************
"इन्द्रियाणामधिष्ठात्री भूतानां चाखिलेषु या, भूतेषु सततं तस्यै व्याप्तिदेव्यै नमो नम:।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव

19.04.2019

19.04.2019, च़ित्थॖर (चैत्र) ज़ूनॖ पछॖ (शुक्ल पक्ष) पुनिम (पूर्णिमा), शॊकुरवार (शुक्रवार/जुम्मा),श्री सप्तार्षि सम्वत 5095, राश तुला (सुबहॖचि 8.25 बजि प्यठॖ) ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: लाम लगॖन्य
    अ: लऻन लगॖन्य/अख
         ॳकिस पतय कुनि
         जायि दवुन प्यॊन
2. मु: लरि तल नॖ वगुव ति
         रोज़ुन
    अ: स्यठाह ग़ुर्बत प्यॆन्य
3. मु: लऻर्य किन्य लोहूर
    अ: ज़्यॆछर द्युन/वथ तॖ
          कथ ज़्यॆठॖरावॖन्य
4. मु: लाख लाख निन्य तॖ
         बाख बाख दिन्य
    अ: नी नी ति बारव दिन्य/
         ॴसिथ बऺसिथ ति ना
         शुकरऻनी करॖन्य
5. मु: लऻर कमव ख्यॆयि?
         परद्यव। म्यॆ दॊप पनॖ-
         न्यव मा
    अ: पनॖनिसुन्द जानियर नॖ
          ज़रुन/पनॖनिस फऻयदॖ
          नॖ वातॖनावुन
**********************
1. तिख....Piece
2. तगुन..To know/Make
              possible
3. तग.....Row/Line
4. तिगडम....Fraud/
               Mischievous/
               Trick
5. तल.....,Under/Fry
6. तोल.....To weigh
7. तुल..... Mulberry/
                Pick up
8. तलुन....To fry
9. तलनावुन....To get
                       fried
10. तुलुन......To pick up
                     To lift
**********************
      गीता ज्ञान :अध्याय-11
अज़ वुछिथ यि अजब रूप च्योन, खोफ़ॖ सॗत्य व्याकुल गव मन म्योन।
चॊतुर ब्वज़ रूप छुसथ वुछुन
यछ़ान
वॊन भगवानन गीता ज्ञान
**********************
कथ कथ कथि दिमव वाठ। यपऻर्य वुछान छुस छि तपऻर्य क्रॖहिन्य काव।क्रुहुन यि ऒबरा कपऻर्य सना आव। ऊतरॖ ओसुस बॖ जंत्री वुछान तॖ नन्योम ज़ि ओंकार नाथ जीनि जंत्री मंज़ ॴस नॖ सिंह राश आमॖच़ हावनय। हेरथ छि युहुस ति ब्यॊन ब्यॊन तिथियन प्यठ आमॖच़ हावनॖ। कॆंह मंत्र ति छि कॆंच़न किताबन मंज़ ब्यॊन ब्यॊन आमॖत्य हावनॖ। यिमन कथन छु नॖ सऻनिस समाजस मंज़ कांह गोर करनवोल नज़र यिवान। ॳस्य हय परव तॖ परव क्या। म्यॆ करेयो मोबायलॖ दऺस्य ज्ञान-अंताक्षरी गिन्दॖनुक प्रोग्राम शुरु। गीता जी मंज़ॖ ॴस्य कॆंह श्वलूक छ़ान्डॖन्य तॖ नन्योम ज़ि सानि गीता जी मंज़ॖ ति छि गडबडी ति ज़न गव ज़ि अध्याय च़ूरिमि मंज़ छि कुल दॊयतऻजी श्वलूक। मगर फोन आव म्यॆ गुरुग्रामॖ प्यठॖ ज़ि ॳकिस गीतायि मंज़ छि सिरिफ चतजी श्वलूक आमॖत्य हावॖनॖ। ज़ॖ श्वलूक छि तऺमिसॖन्ज़ि गीता जी मंज़ॖ गऻबॖय। माने य्यॊस हिन्दु धर्मॖच अख ज़ऻन्यमॖच़ तॖ मऻन्यमॖच़ किताब छि भगवद् गीता तमिक श्वलूक ति छि नॖ पूरॖ मेल ख्यवान। दपान छि भगवद् गीतायि मंज़ छि कुल मिलऻविथ सथ हथ श्वलूक। म्यॆ बूज़ अज़ ज़ि ॳकिस गीतायि मंज़ छि शॆ हथ तॖ अरनमतय श्वलूक तॖ ब्यॆयिस ॳक्यसुन्द फ़ोन आव म्यॆ ज़ि तऺमिस छि गीतायि मंज़ सथ हथ तॖ अख श्वलूक। यॆहय ग्रन्दि-फ्युर छु मह्मिनापारस ति। अड्यन छि दॊयत्री तॖ अड्यन छि शॆयत्रॖह। कुस करि सान्यन किताबन सऺही? अगर यि ग्रन्ज़-फ्युर ब्यॆयन ज़ऻच़ हॖन्ज़न किताबन मंज़ आसिहे, तलातुम आसिहे आमुत तुलमुत। मगर ॳस्य छि पकान तॖ पकनावान नाव कस ताम हवालॖ कऺरिथ तॖ दिवान हॊछय क्रकॖ यड बऺरिथ
**********************

18.04.2019

18.04.2019, च़ित्थॖर (चैत्र)
ज़ूनॖ पछॖ (शुक्ल पक्ष) च़्वदह (चतुर्दशी), ब्रसवार (वीरवार/ ब्रहस्पतवार),श्री सप्तार्षि सम्वत 5095, राश कन्या (चलान), ऋतु (बसन्त)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: लरि लब लागॖन्य
    अ: दोस्ती लागॖन्य/दॊस्ती
         हुन्द अथॖ ज़्येठरावुन
2. मु: लर्यन बऻच़ तॖ बऻच़न
         बतॖ
    अ: लरि गऺयि तॆलि यॆलि
         बऻच़ आसनस तॖ बऻच़न
         गछ़ि बतॖ आसुन
3. मु: लरि तल नॖ गासॖ न्यॆबरॖ
         वननि फ़रि
    अ: छ़र्यन मच्यन ठसॖय
         योत/छ़ऺरी हॊखी दम
         दिन्य
4. मु: लडऻय मऺल्य ह्यॆन्य
    अ: हन्गॖ तॖ मन्गॖ तनाज़न
         मंज़ पान आवरावुन/
         लडायि-गॊर आसुन
5. मु: लऺड्य लऺड्य ह्यॊन
    अ: ताक़तॖकि ज़ोरॖ कांह
         चीज़ हऻसिल करुन
**********************
1. तक़सीम....Division/
           Partition/Circu-
           lation/Distribu-
           tion
2. तक़सीर....Mistake/
           Short-coming/
           Error/Omission/
           Defect/Fault
3. तक़लीद....Following
           in the footsteps
           of/Conform/
           Follow/Emulate
4. तिक्याज़ि....Reason/
           Cause/Basis/
           Means
5. तक़लीफ़.... Trouble/
             Torment/Pain
6. तक़लुफ....Formality
7. तक़रार.....Clash
8. तक़बुर.....Pride
9. तऺकयि....Pillow/Re-
          liance/Support
10. तऺकयि कलाम...Exple-
                             tive
**********************
     गीता ज्ञान :अध्याय-11
पिता प्वत्र सुन्द म्यॆथॖर म्यॆथरॖ सुन्द या पति पनॖनि टऻठ पत्नी हुन्द
छिवॖ च़ालान तॖ च़ऻलिथ माफ़ करान
वॊन भगवानन गीता ज्ञान
**********************
कति तिम पांछ़ शॆ ॴठ नव शुर्य, अज़ यिमन अख ज़ॖय तिमन ति खुर्य। फ़ीस-वीस बऺर्य-बऺर्य पेरैंट बरहम। लऺर म्यॆ खारेयम मंज़ मऻदानस, तॆलि ओस यकुत, अज़ पानस पानस। राथ ओस च्युरग्यॊश अज़ ना शोरुय। लरि गऺयि तॆलि यॆलि बऻच़ आसनस तॖ बऻच़न बतॖ आसि। याद करव अगर तॖ हऻरान गछ़व ज़ि कमि जायि प्यठॖ कथ जायि वऻत्य। सान्यन ज़िठ्यन कऻछ़ाह ह्यमथ ॴस ज़ि प्रथ गरस मंज़ ॴस्य शुर्य पंगथा आसान, शोर-ओ-गुल ओस आसान। तिम किथ पऻठ्य ॴस्य पलान-बडान, परान-लेखान, ख्यवान-च्यवान, अनान-ज़ेनान, लरि तॖ बंगलॖ बनावान। अहलस-मऺहलस मंज़ नामदार आसान। वनान ॴस्य यि गव फलऻन्य सुन्द न्यॆचुव, यि गऺयि फ़लऻन्य सॖन्ज़ कूर। अख बोय ओस आसान प्रॊफॆसर, ब्याख बोय ओस आसान डाक्टर, त्रॆयिम बोय ओस आसान प्रिन्सॖपुल तॖ च़ूरिम बोय ओस आसान सरकऻर्य अफ़सर मगर अज़ छु सोरुय फ़िरिथ। म्यॆ छु याद प्यवान ज़ि कऺशीरि मंज़ यॆलि दऺर्यायि जॆहल्मस या व्यतस्तायि मंज़ हऻन्ज़ ओस पनॖन्य बऺरिथ बहच़ फ़तॆकऺदलॖ प्यठॖ हब्बॖकऺदल कुन खारान तॖ अथ बहच़ि ॴस्य रज़व सॗत्य लमान हऻन्ज़। यिमन हऻन्ज़न ति आसान शुर्य तन्दल तॖ कुन्यर ओसुख नॖ बासान। ॳकिसॖय रज़ि ॴस्य लमान तॖ बहच़ ॴस वातान मुकामस प्यठ। मगर अज़ छु इन्सान गोमुत परॖ छ़्यॊन, शुर्य छिनॖ अकि या दॊयि अलावॖ नज़रि यिवान। तिम ति नॖ समिथ। तिम मंदोरि हिशॖ लरि नॖ कुनी। रज़ि लमन वऻल्य नॖ अथि यिवान। प्रथ कांह छु अंदर्य अंदर्य च़न्द्रहोम वोतमुत। कुस कथ वाठ दिनस लॊगमुत यि छु नॖ असि ति पता लगान यानि असि कऻशिर्य बटन। मगर पकान छि तॖ पकनावुन छु पनुन पान। छ़ॊकान छि द्वह ख्वतॖ द्वह। शुर्य ॴस्य मऻलिस माजि वख्तॖ अकि दऺछिन तॖ खोवॖर्य आसान मगर अज़ कल छु मोल-मऻज्य न्यथनॊन गछ़ान याम शुर छुस बऺहिम जमऻच़ अपोर तरान।
**********************
"अचिन्त्य-रूपचरिते सर्व-शत्रु-विनाशिनी, रूपं देहि जयं देहि यशो देहि दिशो जह्वि।।"
पऺरिव यि मंत्र ति दॊहय
**********************"
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

17.04.2019

17.04.2019, च़ित्थॖर (चैत्र)ज़ूनॖ पछॖ (शुक्ल पक्ष)त्रुवाह (त्रयोदशी), ब्वदवार (बुधवार),श्री सप्तार्षि सम्वत 5019,राश कन्या (सुबहॖचि 7.16 बजि प्यठॖ), ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: लशकरि पथ तॖ पछाडि
         ब्रौंठॖ
    अ: मुक़ाबलॖ करनस मंज़
         सारिवॖय ख्वतॖ पथ तॖ
         च़लन वाल्यन ब्रौंह/
         बुज़दिल आसुन
2. मु: लशकरि शिकस
    अ: ॴनि शिकस्लद
3. मु: लूकॖ बुज़्य जॆशनॖ
    अ: कांह कऻम बेमक्सद
         गछ़ॖन्य
4. मु: लंजि पम्पोश
    अ: ल्वकटि माहौलॖ न्यबर
         नीरिथ स्यठाह थज़र
         प्रावुन
5. मु: लॊग न तॖ जॊग आव
         पॊत फीरिथ
    अ: कुनि चीज़स या कामि
          हुन्द पूरॖ करनुक वादॖ
          कऺरिथ नाकाम गछ़ुन
**********************
1. तफ़सील....Detail/
                     Particulars
2. तफ़रीक...Difference/
            Subtraction/Dis
            tress/Perplexity
            Harassment
3. तफ़री पसंद...One who
            enjoys sight
           seeing/Cheerful
4. तफ़री......Entertain-
            ment/Amuse-
            ment/Recess/
            Diversion
5. तिफ़लॖ.....Naughty/
                    Immature
6. तक़दीर....Luck/Fate/
             Fortune/Lot/
             Destiny/Devine
             Decree
7. तक़दुस....Holiness/
                   Sanctity
8. तक़रीब... Function/
            Festival/Occas-
             sion
9. तक़रीबन...Nearly/
            Approximately/
            Round about/
            About
10. तक़रीर....Speech/
           Oration/Lecture
           Discourse/Talk/
           Address
**********************
      गीता ज्ञान :अध्याय-11
च्यान्यन पादन तल बॖ पान त्रावान, अस्तुती करान च्यऻन्य श्रद्धायि सान। भखत्यन प्यठ छुख प्रसन्न रोज़ान।
वॊन भगवानन गीता ज्ञान
**********************
ख़बर आयि ज़ि पूना हस मंज़ छु कमि ताम कऻशिर्य बटॖ कोरि कऺमिस ताम मुसलमान लडकस सॗत्य खांदर करनुक मन बनोवमुत। ॳमिस कोरि हुन्द मोल ति छु रज़ामन्द अमि रिश्तॖ बापथ। ज़ऻच़ न्यबर खांदर करुन छु स्यठाह ग़लत। यि मदिनज़र थऻविथ दपान पूनाहस मंज़ कऻशिर बटॖ सभाय हॖन्द्य कॆंह सदस्य मा ॴस्य समख्यॆमॖत्य लडकी हॖन्दिस मऻलिस मगर दपान सु छु नॖ टस से मस गोमुत कॆंह तॖ जवाब द्युतुमुत छुनख ज़ि म्यॆ यि करुन छु बॖ करॖ ति।म्यऻनिस मामलस मंज़ छु नॖ दखॖल दिनुक ज़रूरथ कॆंह। यॊत ताम ह्यॊतुन सोन समाज वातुन। ज़ऻच़ न्यबर युस द्राव खांदर करॖनि, तऺमिसॖन्दि बापथ छि पतॖ कुनी कथा ज़ि लऺडकॖ या लऺडकी सॊनुर छा या ख़ार, सु मुसलमान छा या सिख छु या पारसी छु या मद्रऻस्य छु। कुनी कथा छि पतॖ। अस्य दपान मोल मऻज्य गोछ़ नॖ पनॖनिस शुरिस पनॖनि ज़ऻच़ न्यबर पनुन वर छ़ान्डनुक इजाज़त द्युन मगर हालात छि बदल्येमॖत्य। मोल मऻज्य ति छि साथ दिवान पनॖनिस शुरिस यिछ़ॖ कामि करनॖ बापथ। हालांकि ख़बर बूज़ म्यॆ यिति ज़ि अदालतन मंज़ छि सासॖ बऺद्य केस प्यथ असि कऻशिर्य बटन हॖन्द्य यिम तलाकॖक तॖ तनाज़ॖक छि। मगर ग्रेन कस छि। कुस दी लगाम यिमन त्रासदीयन। कर सऻ म्यॊन न्याय अंदे मदनवारो।
**********************
"पृथिव्यां पुत्रास्ते जननि वहव: सन्ति सरला: परं तेषां मध्ये विरलतरलांsहं तव सुत:।
मदीयोsयं त्याग: समुचितमिदं नो तव शिवे कुपुत्रो जायेत् क्वचिदपि कुमाता न भवति।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

16.04.2019

16.04.2019, च़ित्थॖर (चैत्र) ज़ूनॖ पछॖ (शुक्ल पक्ष) बाह (द्वादशी) बॊम्वार (मंगलवार) श्री सप्तार्षि सम्वत 5095, राश सिंह (चलान), ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: लूटस तॖ जोशस बऻज्य
         वठ
    अ: नाकारॖ छु नाकारस
        सॗत्य रलान/बुरॖ काम्यन
        मंज़ हिसॖदऻरी
2. मु: लूकॖ मॊत गव अनिगॊट
    अ: जमॖगठस छु नॖ कांह
         ति जवाब/आवाज़ि
       ख़लक गव नक़ार ख्वदा
3. मु: लूकॖ हुन्द कऺतिथ न्यथॖ
         नॊन पान
   ॶ: मेहनतस नॖ फल
4. मु: लॊति ख्वतॖ लॊत गव
         ननॖवोरुय
    अ: यॆमिस ख्वाहिश्यातॖ
         कम आसन सु छु सुखी
         आसान
5. मु: लोरि कुटनस दस्तारॖ
         गन्डुन
    अ: कऻन्सि नाक़ऻबिलस
          यज़थ बखशुन
**********************
1. तासुफ़़.... Prejudice/
                   Bigotry
2. तऻमीर...Construction
                 Building
3. तारुफ़....Introduction
                 Presentation
                 Preface
4. ताक़ुब...Pursuit/Act
                of pursuing/
            Effort to attain
5. तऻजुब...Surprise/
            Astonishment/
            Amazement/
            Wonder
6. तऻजुब गछ़ुन...Be sur-
            prised/Be
            wonder/Be
            amazed
7. तेदाद... Number/
                Strength
8. तऻरीफ़...Admiration
             Praise/Com-
             mendation/
             Definition
9. तफ़ावथ... Difference
                     Disparity/
                     Diversity
10. तफ़तीश... Inquiry/
               Investigation/
               Research
**********************
       गीता ज्ञान  :अध्याय-11
च़रा च़र ज़गत पिता तॖ पूज्य गुरु, च़्यॆ ह्यु प्रबाव वोल ब्यॆयि कुस छु
त्र्यन लूकन मंज़ कुस च़्यॆय समान
वॊन भगवानन गीता ज्ञान
**********************
रऺछ़रुन तॊगुम नॖ रोवुम प्रेमुक निशान व्यॆसिये। असि कऻशिर्य बटॖन छि तिछ़ॖय वनॖन गऻमॖच़। ज़मीन जायदाद त्रोव कशीरि मंज़ तॖ आयि ज़ुवस रऻछ करान करान बालॖ योर तॖ लऺग्य छम्बन तॖ छालन तापॖ क्रायन मगर असि त्रऻव पनॖन्य माजि ज़्यव वनॖन्य पानय। ज़्यव ॴस असि पानस सॗत्य मगर यि तऺज्य नॖ असि रऺछ़रावॖन्य। यि हाल वुछिथ आयि कॆंह संस्थायि बारसस यिम कूशिश आयि करान ज़ि सऻनिस समाजस मंज़ गऺछ़ यि माजि ज़्यव, पनॖन्य संस्कृति, पनॖन्य प्रज़नथ बरक़रार रोज़ॖन्य। जम्मू कशमीर विचार मंच छि अख स्व संस्था यॆमि दऺस्य यि ह्यॊतुन मुम्किन सपदुन ज़ि ॳस्य छि पनॖन्यन अनमोल चीज़न रऻछ कऺरिथ। गाशॖ तारुख प्रोग्राम या शिवरात्रि महाउत्सव यथ मंज़ कऻशिर्य ज़बान, पेंटिंग, ग्यवुन, साज़, नच़ुन, कऻशिर्य  आयि यिवान छि मनावनॖ। मनावुन छु बहानॖ, रछ़रावुन छु मुद्दा। युहुस ति छु यि प्रोग्राम जून किस रयतस मंज़। त्रोवुह जून छु फाईनल मुकाबलॖ गाशि तारुख च़ारनुक। बच्चॖ शु वुहर्य प्यठॖ ज़तोवुह वुहरिस ताम ह्यकन शिरकत कऺरिथ।ॳस्य छि गरॖ गरॖ गऺछ़िथ च़्येनॖवुन्य दिवान ज़ि असि पज़ि पनॖन्यन शुर्यन सॗत्य कऻशिर्य ज़बऻन्य मंज़ कथ बात रोज़िन करान ताकि तिम थवन पनॖनि समाजिच आन बान तॖ शान थऺज़ हर हमेशि।
**********************
"न मन्त्रं नो यन्त्रं तदपि च न जाने स्तुतिमहो, न चाह्वानं ध्यानं तदपि च न जाने स्तुतिकथा:।
न जाने मुद्रास्ते तदपि च न जाने विलपनं, परं जाने मातस्त्वदनुसरणं क्लेशहरणम्।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

15.04.2019

15.04.2015, च़ित्थॖर (चैत्र) (ज़ूनॖ पछॖ),दऺहम (दशमी), च़ऺन्दॖरवार (सोमवार),श्री सप्तार्षि सम्वत 5095, राश सिंह (चलान), ऋतु बसन्त (चलान)...चूंकि पगाह छि काह रावान, पगहुक वॊहरवोद यी ॳज़्य यानि दुहुम द्वह
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: लॊकुट नय आसि तॖ
         बॊड किथॖ बनि
    अ: दां फऺल्यसॖय छु ह्यॊल
         बनान
2. मु: लूरान सऻरी लदान नॖ
         कांह
    अ: दकॖ दकॖ द्युन अथॖ नॖ
         शॆहलावुन
3. मु: लूकॖ हॖन्ज़ गाव मनसा
         वॖन्य
   अ:  ब्यॆयि सुन्द ख़र्च कऺरिथ
         पनुन बजर थ्यकनावुन
4. मु: ल्यॊल वुकुर तॖ दॊल
         त्रकुर
    अ: प्रथ कुनि तरफ़ॖ बेरबॖद
         आसुन मगर टेंठ नॖ
         त्रावॖन्य
5. मु: ल्यॆजि नॖ वय परगनस
         साल
    अ: बोज़ शोज़ नॖ आसुन
         अपुज़ बजर हावुन
**********************
1. तशनगी...Thirst/Desi-
           re/Longing/
           Temptation
2. तशऻदुद... Violence/
              Third degree
               methods
3. तशवीश....Anxiety/
                    Worry
4. तसादुम.... Collision/
              Clash/Conflict
5. तसदीक...Verification
             Certification/
             Attestation/
             Affirmation/
             Authentication
6. तसफी.... Decision/
            Settlement/Dis-
            posal/Reconci-
            liation/Reppro-
            chment
7. तसनीफ़.... Writing/
            Compilation/
            Book
8. तसवीर....Photograph
            Photo picture/
         Painting/Portrait
         Image
9. तसऺवुर.....Imagination
          Idea/Conception
          Fancy
10. तज़ाद....Contradic-
                    tion
**********************
      गीता ज्ञान  :अध्याय-11
व्वथान बिहान गिन्दान ख्यवान च्यवान, कॗंस्यन या दोस्तन थी थदि थदि वनान
अपराद म्यॆ बख्श छुख दयावान, वॊन भगवानन गीता ज्ञान
**********************
मुबारक त्वहि सारिनी नवरात्रक्यन दॊहन हुन्द।म्यॆ छि आशा ज़ि त्वहि सारिवॖय आसिनवॖ यिम द्वह भक्तिबावस मंज़ कऺड्यमॖत्य। मातायि हॖन्ज़ि आराधनाय मंज़ कऺड्यमॖत्य। मऻज्य दुर्गा कऺर्यनव त्वहि सारिनी पनुन अनुग्रह तॖ अथॖरॊट। जायि जायि यानि फ़रीदाबादॖ, गुडगांव, दिलशादगार्डनॖ, प्रतापविहार, वैशाली बगैरा वगैरा आयि प्रोग्राम मनावनॖ, हवन करनॖ, सांस्कृतिक प्रोग्राम करनॖ, बजन तॖ कीर्तन करनॖ। गाशॖ तारख ॴस्य प्रथ तरफॖ नज़र यिवान पनॖन्य पनॖन्य मॊदुर्य मॊदुर्य बऻथ ह्यथ, लीलायि ह्यथ तॖ ॴस्य ग्यवान पनॖन्यव पनॖन्यव मोदॖर्य हट्यव तॖ यि करनॖ सॗत्य गव मऺशिथ कुनि हदस ताम ज़ि ॳस्य छि आमॖत्य च़ऺलिथ कऺशीरि प्यठॖ। कूशिश छि करान ज़ि यि दग़ लॊतिहे मगर ज़खम छि तऺती अल्बतॖ क्रोर छु प्यठॖ यमि किन्य नॖ दग़ बासान छि। वारॖकारॖ यॆछ़िन असि सारिनॖय छावुन नॊव बहार।
ओमकार नाथ जियिनि विजयेश्वर जंत्री मंज़ बासेयम
छि गलती सान छु नॖ  सिंह राशि हुन्द वर्णन करनॖ आमुत रातचि तिथि मंज़। कर्कट राश य्यॊस च़ित्थरॖ ज़ूनॖ पछि सतम द्वह लज्यमॖच़ ॴस, तमि पतॖ गऺछ़ सिंह राश लगॖन्य नवम द्वह मगर तम्युक ज़िक्र करुन छु मशिथ गोमुत। म्यानि हिसाबॖ गछ़ि अज़ सिंह राश लज्यमॖच़ आसॖन्य। यॊदवय बॖ ग़लत आसॖ म्यॆ गछ़ि क्षमा करॖन्य मगर जंत्री मंज़ गऺयम नॖ यि राश नज़रि नवम या दुहुम द्वह।
**********************
"देवि त्वं भक्तसुलभे सर्वकार्यविधायिनी।
कलौ हि कार्यसिद्धर्थमुपायं ब्रुहि यतन्त:।।"
पऺरिव यि मंत्र ति
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
,(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

13.04.2019

13.04.2019, च़ित्थॖर (चैत्र)ज़ूनॖ पछॖ (शुक्ल पक्ष) ॴठम (अष्टमी) बटॖवार (शनिवार/शनिश्चरवार), श्री सप्तार्षि सम्वत 5095, राश कर्कट (चलान), ऋतु बसन्त (चलान)..अज़ छि दुर्गा अष्टमी तॖ रामॖ नवमी ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: लीखित गव ज़ि
         हॊखिथ गव
    अ: यि तहरीरस मंज़ आव
      तथ नॖ पतॖ क़लम च़ानुन/
       तहरीर मिटावुन छु
       मुश्किल
2. मु: लेखॖ बॖ तॖ परि ख्वदा
    अ: तथ तहरीरस मुतलक
         यिवान वनॖनॖ युस नॖ
      ब्यॆयि कांह पऺरिथॖय ह्यॆकि
3. मु: लॆजि ति च़ूरॖय गजि ति
         च़ूरॖय
   अ: यॆलि सऻरी बेईमान
        आसन
4. मु: ल्यॆकी तुलुन तॖ ल्यॆकी
         बॆहनावुन
    अ: कऻन्सि प्रथ विज़ि
         बेज़ती करॖन्य
5. मु: ल्यख छा थ्वख ज़ि
        लऻरिथ गछ़ि
    अ: ल्यॆकि क्याह खोच़ुन/
        बद-कामि छॆ नॖ वज़न-
        दार आसान
**********************
1. तस....To him/To her
2. तास.... Playing cards
3. तसला...Satisfaction
                Consolation
4. तसुन्द...His/Her
5. तसकीन....Consola-
           tion/Satisfac-
           tion/Appeas-
           ment/Soothing/
         Pacification/Rest
6. तसलीम....Concede/
                   Surrender/
                 Acceptance
7. तसलॖ...Cup shapped
             vessel/A shal-
             low pan
8. तशरीफ़ अनुन.....To
                              come
9. तशरीफ़ न्युन... To
            leave/Go away
10. तशनॖ.....Thirsty/In
            desire/Keen/
            Eager
**********************
       गीता ज्ञान :अध्याय-11
प्रबाव नॖ ज़ऻनिथ छुसथ मॆथॖर मानान, ही कृष्ण यादव वनान
लोलॖ सान
सोंचन समजनॖ बगऻर क्या क्या वनान, वॊन भगवानन गीता ज्ञान
**********************
यि ज़ऻनिथ ति ज़ि मरुन छु प्रथ ॳकिस। कऻन्सि ब्रौंठ तॖ कऻन्सि पथ। मऺरिथ अज़ ताम पानस सॗत्य ह्यॊक नॖ कांह कॆंह निथ। यि कॆंछ़ा सारीय वऻन्सि हऻसिल कॊरुन ति रूदुस यॆती। मगर यि ज़ऻनिथ ति छुस तमाह, लालॖच, तॆह, अहम्, मोह, तऺपिश कमावनॖच, सम्पति सोम्बरावनॖच, यि प्रावनॖ बापथ कम कम छ़ल त छ़्वम्बॖ छु करान रोज़ान यि इन्सान। पोज़ अपुज़ वऺन्य वऺन्य छु दम दम कडान। ॳथ्य दवि तॖ दोरि मंज़ कऻत्यहान सॗत्य व्वथान बॆहान, असान गिन्दान, लडायि च़ुवान जगडॖ करान, मार दाड करान रोज़ान। हालांकि ॳमिस इन्सानस छु अख ख़ौफ़ सॗत्य ज़ि मऺरिथ छि ज़ॖय वतॖ मेलान यानि जन्नत माने स्वर्ग तॖ जाहनम माने नरक।
यि डर, यि खौफ़, यि भय छु इन्सानस नॊमरावान कुनि हदस ताम तॖ द्यमागस मंज़ छुस याद रोज़ान ज़ि जान कामि करनॖ सॗत्य छु स्वर्ग मेलान तॖ नाकारॖ कामि करनॖ सॗत्य छु नरक मेलान।कॆंह छि नादान बऺनिथ यि कथ मऺशरावान तॖ ॳछ ज़ॖ वऺटिथ गन्दॖ कामि करान रोज़ान। मेलान कऺमिस क्याह छु यि ज़ानि भगवान मगर यॆति यीतिस कालस ज़िन्दॖ छु यि इन्सान, तीतिस कालस पज़ि ॳमिस हर हमेशॖ रुत करुन, रुत सोंचुन, रॖच़ वथ हावॖन्य, रॖत्य व्यच़ार थवॖन्य, प्रथ कऻन्सि रुत कान्छ़ुन। तऺमिस मेलि रुत फल ज़िन्दॖ ज़ुवस ति तॖ मरनॖ पतॖ ति। यी छु रॆश्यव मुनियव अज़मोवमुत परखोवमुत तॖ सानि बापथ वॊनुमुत। यि छु असि पानस ताम व्वंय ज़ि ॳस्य क्वस हिश वथ रटव यानि स्वर्गॖच किनॖ नरकॖच।
**********************
"दुर्गे स्मृता हरसि भीतिमशेषजन्तो: स्वस्थै: स्मृता मतिमतीव शुभां ददासि।दारिद्र्यदु:खभयहारिणि का त्वदन्या सर्वोपकारकारणाय सदार्द्रचित्ता।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

12.04.2019

12.04.2019, च़ित्थॖर (चैत्र) ज़ूनॖ पछॖ (शुक्ल पक्ष) सतम (सप्तमी), शॊकुरवार (शुक्रवार/जुम्मा), श्री सप्तार्षि सम्वत 5095, राश कर्कट (रऻच़ हॖन्ज़ॖ 3.13 बजि प्यठॖ),ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: मछि वालुन पोछ़
    अ: सऺही न्वक्तॖचीनी करॖन्य
2. मु: मुजि ख्यथ सर्द गछ़ुन
    अ: कुनि कामि मंज़ ना-
          काम सप्दुन/तसलाह
          गछ़ुन
3. मु: मुजि प्यॆठ मिलॖवन
    अ: म्वल कम करुन/
         बऻज़्य तारॖन्य
4. मु: मऺत्य आबॖय मऺत्य आब
    अ: अफ़रा तफ़री/बद-
          इन्तिज़ऻमी
5. मु: मऺतिस ज़ीर बतस कुन
    अ: ख्वदगर्ज़ी हुन्द इज़हार
**********************
1. तरबियत.... Training/
               Bringing up/
               Instruction
2. तरानॖ.....Music/Song
                 Anthem
3. तरतीब.....Arrange-
            ment/Order/
            Formation/
            Development
4. तरजमकार....Trans-
                         lator
5. त्रॖश.....A piece of
            wood/A little
            dry branch
6. त्रॖकांज....A dish of
          three vegetables
7. त्रुस.......Prick
8. त्रुस द्युन....To prick
9. त्रुक त्रुक ....Be sound
           of eating crisp
           things
10. त्रॊप.....Stitch
**********************
    गीता ज्ञान :अध्याय-11
यछ़ ताकतॖ वालि च़्यॆ पतॖ ब्रौंठॖ नमस्कार, सर्वॖ व्यापक च़्यॆ हर
तरफ़ॖ नमस्कार।
च़्यॆ व्यापत सऻरी छिय सर्वॖ रूप वनान
वॊन भगवानन गीता ज्ञान
**********************
इन्सानन कऺर तरकी वारियाह तॖ करान रोज़ि। कमव छ़लव तॖ बलव तल आव नेरान इन्सान। कम दब तॖ द्रुस्य आयि ॳमिस लगान तॖ रूद पकान ब्रौंठ ब्रौंठ। दोस्त गऺयस बनान दुशमनन सॗत्य रूद मुकाबलॖ करान। कॆंह गऺयि ॳमिस ब्रौंठ नीरिथ, कॆंह रूद्य पथ, कॆंह गऺयि ख्वश तॖ कॆंच़न आव अज़रवुन। कॆंह वऻत्य ज़ूनि ताम तॖ कॆंह रूद्य पातालस छ़ऻन्ड दिवान। कोताह अजीब छु यि इन्सान। क्याह क्याह छु रोज़ान करान। मगर यूत सोरुय कऺरिथ ति छु सौंचान ज़ि म्यॆ कॊर नॖ वुनि किंही ति। कॊत गछ़ुन छु ॳमिस इन्सानस ॳमिस छॆ नॖ पानस पताह। मगर लऺगिथ छु कथ ताम छान-बीन करनस। प्रथ विज़ि छु अख नॊव चीज़ नॊन नेरान तॖ इन्सान छु यि वुछिथ पानॖ हऻरान ज़ि बॖ करान छुस क्याह तॖ म्यॆ करुन छु क्याह। कथ छि जऻरी
**********************
"सर्वस्वरूपे सर्वेशे सर्वशक्तिसमन्विते।
भयेभ्यस्राहि नो देवि दुर्गे देवि नमोsस्तु ते।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

11.04.2019

11.04.2019, च़ित्थॖर (चैत्र) ज़ूनॖ पछॖ (शुक्ल पक्ष) शॆयम (षष्ठी), ब्रसवार,(वीरवार/ब्रहस्पतवार),श्री सप्तार्षि सम्वत 5095, राश मिथुन (चलान),ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1.मु: मान या न मान बॖ छुसय
        मॆहमान
   अ: पनुन पान ज़ोरॖ मंज़
       च़ानुन/ज़ोरॖ ज़ंग लदॖन्य
2.मु: माम थवि यज़थ तॖ गाम
        ति थवि यज़थ
  अ: यॆलि पनॖन्य यज़थ थवन
       तॆलि थवि ब्याख ति
3. मु: माल फ़ितॖनॖ या औलाद
         फ़ितॖनॖ
   अ: फ़सादन हुन्द ग्वड छु
       माल या औलाद आसान
4. मु: मऺत्य सुन्द दॊप छु
         बलायन थॊप
    अ: गाटॖल्य सॖन्ज़ कथ छे
         मुश्किलन हुन्द हल
5. मु: मतॖनस मश्कॖ
    अ: ज़्यादॖ मच़र करुन
**********************
1. त्रॖथ..... Wrong
2. त्रऺहरुन...To be afraid/
           Harassment/
           Disturb
3. तरक..... Giving up/
           Quitting/Relin-
           quishing/Deser
            tion/Foresak-
            ing/Dropping
4. तरग़ीब...Inducement
            Persuasion/
            Temptation/Re-
             duction
5. त्राय.... Inclination/
                Direction
6. त्रम.....Gap/Breach
7. त्रास.... Fear
8. तरलॖ करॖन्य...To en-
           treat/To request
           To supplicate
9. तरमीम..Corrigendum
            Correction/
            Amendment/
            Modification/
         Change/Improve
         ment
10. तरकीब....Method/
                      Plan
**********************
      गीता ज्ञान :अध्याय-11
च़ॖय हवा ॳग्न यमराज़ वरून तॖ च़ऺन्द्रम, च़ॖय प्रज़ा हुन्द स्वामी ब्रह्मा, ब्रह्मा जियुन पिता ति च़ॖय।
सऻरी बार बार छि नमस्कार करान
वॊन भगवानन गीता ज्ञान
**********************
मोबायलॖच छेडेये म्यॆ कथ राथ। ॳम्य मोबायलन थऻव्य ॳस्य सऻरीय च़ऺटिथ अख ॳकिस निशि।कुनि गरस मंज़ यॊदवय अच़ान छि अमि गरिक्य बऻच़ छि आसान ब्यॊन ब्यॊन कूनन मंज़ बिहिथ अथ मोबायलस सॗत्य मशगूल कुनि न तॖ कुनि रऺन्ग्य। ब्यॆनि छॆ नॖ बऻयिस सॗत्य कथ करान, रून छु नॖ ज़नानि सॗत्य मशवरॖ करान,शुर ति छु छ़ॊपॖ दम कऺरिथ छ़्यफ दिथ आसान कम ताम गेमॖ गिन्दान। मैट्रोहस मंज़ छि वुछान सार्यॆय सवारि याम स्टेशनॖ प्यठॖ मैट्रोहस मंज़ छि क़दमॖ त्रावानॖय योत, तॖ छि शुरु गछ़ान अथ मोबायलस सॗत्य। म्यॆ छु बासान ज़ि ॳस्य गऺयि पनॖन्यन ॴशनावन निशि ति छ़्यनॖ अमी मोबायलॖ दऺस्य।
मोबायल यॆलि नॖ ओस ॳस्य ॴस्य ॴश्यनावन निश यिवान गछ़ान मगर यनॖ यी मोबायल आव असि त्रोव ॴश्यनावन निश युन गछ़ुन। व्वंय छि करान रोज़ान हय हैलो मोबायलॖ दऺस्य। सऻरी ॴश्यनाव छि रूज़िथ  सान्यन कनन मंज़, दिलस मंज़ न व्वंय कांह। यॊदवय कऻन्सि अंगस ॴश्यनावसुन्द फ़ोन नम्बर होरॖ योर गछ़ान छु दफ ज़ि सु ॴश्यनावॖय छु रावान ज़न सानि दऺस्य। मुफ़ीद ति छु मोबायल। तथ मंज़ शक छु नॖ कांह मगर न्वखसान ति गव वारियाह म्यॆ बासान यि यंत्र आसॖनॖ सॗत्य। मोबायल छु बन्यॊमुत अख अंग सोन तॖ असि छि रोज़ान  मन तॖ प्राण ॳथ्यकुन अकि सुबॖ प्यठॖ दॊयिमिस सुबहऻस ताम।
काग़ज़स प्यठ लेखनॖच हऻलॖय ज़न मऺठ। कति तिम चिठि लेखॖनि, यारन दोस्तन, अंगन ॴश्यनावन, इस्तर्यन पिस्यतर्यन। म्वकॖल्यव सु दोर ति। मोबायल आसनॖ सॗत्य यॊदवय वारियाह कॆंह सहूलियात आयि मगर सॗत्य सॗत्य वोत न्वखसान ति वारियाह। कथ छि जऻरी
**********************
"शरणागतदीनार्तपरित्राणपरायणे।सर्वस्यार्तिहरे देवि नारायणि नमोsस्तु ते।।"
पऺरिव यि मंत्र ति
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

10.04.2019

10.04.2019, च़ित्थॖर (चैत्र) ज़ूनॖ पछॖ (शुक्ल पक्ष), पऻन्च़म (पन्चमी) ब्वदवार (बुधवार)श्री सप्तार्षि सम्वत 5095, राश मिथुन (रऻच़ हॖन्ज़ॖ 10.31 बजि प्यठॖ), ऋतु बसन्त (चलान)...अज़ छि कॊमारॖ शॆयम ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: माजि कऺर दन्दॖ तुज्य
         शुर्यव ख्यव गासॖ बॊद
    अ: बे-सोच नकॖल करुन
         ज़िठ्यन
2. मु: माजि नय बतॖ मंगव
         स्व ति दी नॖ पानय
    अ: कूशिश करनॖ बगऻर छॆ
          नॖ कांह कथ या कऻम
          बनान
3. मु: माजि मासि तॖ कोरि
         कुस कासि
    अ: कांह खानदऻन्य ॴब
         या कमज़ूरी
4. मु: माजि ल्यख, ब्यॆनि
        ल्यख मगर कॊल्यि
        ल्यख नॖ
   अ: ज़नानॖ सारिवॖय ख्वतॖ
        टऻठ आसॖन्य
5. मु: माजि हुन्द दोद
    अ: असलियत ज़ानॖन्य
**********************
1. त्राम.... Copper
2. त्राव....Leave/To give
              up
3. त्रठ....Thundering
              bolt
4. त्रावुन...To let go/To
                leave
5. त्रावनावुन....Cause to
           liberate/Cause
           to set free
6. त्रच़ुन....Fear/To get
           bored/Be dis-
           turbed
7. त्रऺच़रावुन....Cause to
           fear/Cause to
           be disturbed
8. त्रुकुन.....To cut to
           pieces/To cut
           with teeth
9. त्रॊम्बुन....To prick/
                  Inoculate
10. त्रॊश... Crisp
**********************
       गीता ज्ञान  :अध्याय-11
ही आदि दीव च़ॖ पुरातन प्वरुश छुख, परम दाम ब्यॆयि आदार ज़गतुक
ज़गतस व्याप्त ज़रॖ ज़रस आसान
वॊन भगवानन गीता ज्ञान
**********************
व्हाटसापन तुल व्वथवार च़्वपऻर्य। यि कॆंहछ़ा परॖ ओसुस सु कॊरनस पूरॖ फेसबुकन तॖ टॖविटरन। शुर्यव प्यठॖ बुज़र्गन ताम आमुत छु मोबायलुक सऺहलाब। कम कम त्वतमॖ छि गछ़ान मॊबायलॖ दऺस्य। जान ति तॖ नाकारॖ ति। परेशान छु ॳज़्युक इन्सान गछ़ान अगर नॖ मोबायल मेल्यस दऺस्ती यानि छ़्यनॖ गछ़ि नॖ गछ़ुन। बोज़ान ओसुस ज़ि महाशया अख ओस ॳकिस लिफटस मंज़ तॖ गछ़ुन ओसुस शुरहऻमिस पोरस प्यठ।मोबायलस सॗत्य रूद साहब व्यस्त यूत ज़ि यि गव नीरिथ लिफ्टॖ मंज़ॖ पंदहऻमिसॖय पोरस प्यठ तॖ कऺरॖन ब्यल ॳकिस फ्लैटस। फलैटिच मऻल्यक्यन ॴस मोबायलस प्यठ कस ताम सॗत्य कथ करान तॖ इशारॖ सॗत्य वॊनुन पनॖनि दायि दरवाज़ॖ मुच़रावुन। यि नफ़र च़ाव अन्दर तॖ ब्यूठ सोफस प्यठ। दायि ऒन त्रॆशि गिलासॖ तॖ दितुन ॳमिस पऺछ़िस। अमि फलैटचि मऻल्यक्यनि छु ख़याल ज़ि तम्यसुन्द रून आव ति क्याज़ि तमिस ति ओस यिहॊय वख़त यिनुक तॖ तमि ज़ोन मसऻवी तॖ रूज़ मोबायलस सॗत्य मस्त न्यबर वरनडाहस प्यठ कऺमिस ताम सॗत्य कथॖ करनस मंज़। आमुत नफ़र ति छु मोबायलस प्यठ कऺमिसताम सॗत्य कथॖ करान तॖ प्रारान कांह यी तॖ हय हैलो करि। ॳमिस छु नॖ ख़यालॖय ज़ि यि मा च़ाव ग़लत फ्लैट्स। यीतिस कालस मंज़ आव ॳमिस मऻल्यक्यनि हुन्द खान्दार ति तॖ यिति छु मोबायलस प्यठ कऺमिस ताम सॗत्य कथ करनस मंज़ मश्गूल। याम यि अन्दर च़ावॖय योत यि द्राव वापस न्यबर यि ज़ऻनिथ ज़ि शायद च़ास बॖ ग़लत फ्लैटस। वजह गव यि ज़ि ब्यल याम ॳम्य ह्यॆच़ बजावॖन्य ॳम्य वुछ दरवाज़ॖ यलय ति क्याज़ि प्वछ़ ओस अंदरॖ बिहिथ। ॳमिस गऺयि राय ज़ि यि च़ाव ग़लत फ्लैटस। यीतिस कालस आयि मऻल्यक्यन ति नफ़र वुछुन अजनऺबी। यिनॖ वोल नफ़र ति गव छितॖ यि वुछिथ ज़ि यि छु नॖ सु यॆमिस निश तऺमिस गछ़ुन ओस। यि छु मोबायलुक असर। कथ छि जऻरी
**********************
"सर्वमंगलमंगल्ये शिवे सर्वार्थसाधिके। शरण्ये त्र्यम्बके गौरि नारायणि नमोsस्तु ते।।"
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
   नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

09.04.2019

09.04.2019, च़ित्थॖर (चैत्र) ज़ूनॖ पछॖ (शुक्ल पक्ष), च़ोरम (चतुर्थी),बॊम्वार (मंगलवार),श्री सप्तार्षि सम्वत 5095, राश वृष (चलान),ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: माहराज़ॖ सऺन्द्य ति द्वह
         तारॖ माहर्यिनि हॖन्द्य ति
         द्वह तारॖ
    अ: प्रथ कऻन्सि पनॖन्य द्वह
         सारिनी विज़ि विज़ि
2. मु: मऻलिस राज तॖ मॊह-
         ताज, बऻयिस राज तॖ
         मॊहताज रॗनिस राज
         तॖ शेरि ताज
   अ: ख्वदग़र्ज़ी हॖन्दिस आल
         मस मंज़ रिशतन हुन्द
         इज़ॖहार/रॗनिस प्यठ छु
      ज़्यादॖ यख्तियार आसान
 3. मु: मऻज्य माम हय आव
          पॊत्रॖ म्यॆ गव बोय
    अ: कुनि कथि हॖन्ज़ जान
         ज़ान आसॖन्य
4. मु: मऻज्य ति बऺडेयि तॖ
         थऻज्य ति बडेयि
    अ: नफ़र बडनॖ सॗत्य छि
         अख़राजात ति बडान
5. मु: मऻज्य च़ॖ थव कांगॖर
         फुकिथ बॖ यिमय व्वस-
         तस द्वह ठुकिथ
   अ: कामि च़ूरॖ सॖन्द्य अला-
        मथ/कामि बदलॖ ज़ड
        नखॖ वालॖन्य
**********************
1. त्रॆ....Three
2. त्रॆयिम....Third
3. त्रॊगुन....Three fold
4. त्रेल.....A kind of fruit
               A small apple
               like
5. त्रेश....Drinking water
6. त्रेशिहॊत... Thirsty
7. त्रेशुन....To strive/To
                crave
8. तरसुन....To strive/
          Desire anxiously
        Long for/Compas
        sion
9. त्रकॖर.....Scale
10. त्रकुर.... Stiff/Hard
**********************
       गीता ज्ञान :अध्याय-11
ब्रह्मा जियुन आदि कर्ता च़ॖय
च़ॖय बॊड सारिनॖय सऻरी नमान छिय
सत चित आनन्द ब्रह्म ज़ानान
वॊन भगवानन गीता ज्ञान
**********************
ज़ंग त्रय ति म्वकॖलॆयि मगर ॳज़्यकि दुहुक महत्व छि दपान छु स्यठाह बॊड। दपान नीलमत पुराणस मंज़ छु ॳज़्यकिस दॊहस नाव आमुत दिनॖ "ज़ान गोरॖत्रय" युस नाव फुटान फुटान बन्यॊमुत छु ज़ंगॖ त्रय। दॊयिम वनुन छु ज़ि ॳज़्यकि द्वह ॴस पार्वती माल्युन गऻमॖच़ तॖ आमॖच़ पतॖ वऻरिव कॆंह शॊगुन ह्यथ। सु शॊगुन छु अज़कल नूनकिस रूपस मंज़ यिवान दिनॖ तॖ सॗत्य सॗत्य ॴस्य अतगथ ति अनान। यि प्रथा ॴस कऺशीरि मंज़ चलान। सारॆय ज़नानॖ आसॖ पनुन पनुन माल्युन गछ़िथ वऻरिव वापस यिवान नून तय अतगथ ह्यथ तॖ अथ रसमस या यथ रीच़ि ॴस वनान जंगॖ त्रय। चूंकि कऺशीरि न्यबर आयि सऻरीय बटॖ छऺकरावनॖ अख होर तॖ अख योर सानि न्वशि कोरि छॆ नॖ ह्यकान वऻतिथ पनॖन्यन पनॖन्यन मालिन गरन ताम अमि मूजूब छु ॳज़्युक यि ज़ंग-त्रय द्वह मनावॖनॖ यिवान कॆंच़व संस्थायव दऺस्य तॖ न्यमंत्रण छि दिवान तिमन सारिनी माज्यन ब्यॆन्यन न्वश्यन कोर्यन तॖ छिख दिवान नूनॖ पैक्यट तॖ अतॖगथ तॖ छि वुन्युखताम यि रीथ पऻलिथ। नून छु जान शॊगुन यिवान मानॖनॖ तॖ अतॖगथ लऺक्ष्मी हॖन्दिस रूपस मंज़ यिवान मानॖन तॖ यिम द्वनवय चीज़ छि दिवान ॴशिर्वादकिस रूपस मंज़ ताकि यिनॖवोल समय नेर्यख हृव्च़ तय फ्रूच़।
**********************
"सरस्वती प्रिया वाणी गीर्देवी गीतनादिनी। अक्षमालाधरा ब्राह्मी वीणा-पुस्तकभूषणी।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

08.04.2019

08.04.2019, च़ित्थॖरॖ (चैत्र) ज़ूनॖ पछॖ (शुक्ल पक्ष) त्रय (तृतीय) च़ऺन्दॖरवार (सोमवार), श्री सप्तार्षि सम्वत 5095, राश वृष (दुहचि 3.53 बजि प्यठॖ), ऋतु बसन्त (चलान)...अज़ छि ज़ंगॖ-त्रय
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: मऻज्य कऺरिन शुर शुर
         शुर मॖ कऺरिन मऻज्य
          मऻज्य
    अ: मऻज्य रावॖन्य छु स्यठा
         मुसीबथ
2. मु: माल गव तॖ न्याल गव
    अ: कुनि चीज़कि म्वकलनॖ
         सॗत्य तम्युक वॊजूद
         म्वकॖलुन
3. मु: माहर्येन्य माजि पऺति-
         किन्य पितुरबोय
   अ: दुशमन नऺज़दीख ज़ानुन
4  मु: मास्तॖर गऻवहुन्द प्वफ-
         तॖर लॊट
    अ: हंगॖ तॖ मंगॖ ॴश्यनऻवी
         हावॖन्य
5. मु: माल वुछिथ ज़काथ
    अ: बुथ वुछिथ बोग
**********************
1. तरकऻर्य.... Vegetable
                     dish
2. तर....Sprout/Result
             Consequence
             Conclusion
3. तॖर...A piece of cloth
4. तुरुन.....Cold
5. तज़करॖ....Mention/
           Memoir/Biogra-
           phy
6. तदबीर....Method/
           Policy/Device/
          Council/Way out
          Plan
7. तदॖ्बुर....Prudence/
          Deliberation/
          Statesmanship
8. तख़लीक...Creation/
                     Writing
9. तख़लीक-कार..Writer
10. तख़युल...Imagina-
           tion/Fency/ idea
        Taught of  image-
          ry
**********************
        गीता ज्ञान :अध्याय-11
ज़गत सोरुय छु आनन्द प्रावान, सॆद्य तॖ सादॖ छि प्रणाम करान
ख़ोफ़ॖ सॗत्य राख्यस तर्फन च़लान
वॊन भगवानन गीता ज्ञान
**********************
नवरॆह आव मनावनॖ हारी पर्वतॖ, अनंनगपुरॖ, फ़रीदाबादस मंज़ राथ यानि सतिमि अप्रील ज़ॖ सास कुनवुह तॖ आथवारि द्वह। हालांकि नवरॆह ओस श्यॆमि तऻरीखॖ मगर आथवारि मूजूब आव मनावनॖ अख द्वह च़ीर्य। व्यवस्था ॴस बडॖ जान। प्रोग्राम ओस स्यठाह जान। असुना ग्यिन्दुना यानि ल्वकुट म्वकुट ड्रामा ओस, मज़ऻयाह तबसुरॖ ओस, ल्वक्ट्यन शुर्यन हॖन्द्यि हट्यव मॊदुर्य बऻथ ॴस्य, बड्यव कालाकारव ति ग्यव पनॖनि पनॖनि त्रायि मायि हऺत्य तॖ पायदार बऻथ, बजन तॖ लीलायि। हवन ति आव करनॖ। यि दऺप्यज़ि ति द्वह द्राव सफल तॖ बास्यव ज़ि नवरॆह ओस। फ़रीदाबाद प्रबन्दक कमीटी छु मुबारक रातुक प्रोग्राम कामयऻबी सान सरांजाम वातनॖ बापथ। नीरिन्य यि वऺरी असान गिन्दान सारिनी सान्यन बायन तॖ ब्यॆन्यन।
ऊतरु शामन ओस कथबात तॖ ब्यॆयि क्याह ग्रुपुक प्रोग्राम आमुत करनॖ गुडगांव स्यकटर 56-हस मंज़ विजय जी धर सॖन्दि गरि। स्यठाह जान प्रोग्राम रूद यथ मंज़ मऻज्य दीवी आयि बऻतव दऺस्य याद करनॖ ब्यॊन ब्यॊन तॖ मॊदुर्य मॊदुर्य हट्यव।ख्यनॖच च्यनॖच व्यवस्था ति ॴस बडॖ जान
**********************
"हंसासना तत्वमयी श्वेतपद्मविभूषिता।
विद्यादात्री विश्वजननी विद्यारूपा प्रियंकरी।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

06.04.2019

06.04.2019, च़ित्थरॖ (चैत्र) ज़ूनॖ पछॖ (शुक्ल पक्ष) ऒक्दॊह (प्रथमा) बटॖवार (शनिवार/शनिश्चरवार) श्री सप्तार्षि सम्वत 5095, राश मेष (सुबहॖचॖ 7.21 बजि प्यठॖ), ऋतु बसन्त (चलान), द्रठपऻन्च़ुक ति समाप्त...
**********************
न्यॆन्दरि व्वथुवुनि सुबहस वुछिव थालस बुथ।
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: माल मस्त हाल मस्त
    अ: यस यड बऺरिथ आसि
         सु क्याह ज़ानि ब्यॆयि
         सॖन्ज़ ब्वछि
2. मु: माजि ख्वतॖ कूर बऺड
    अ: मसलुक व्यखच़ार
         आसुन/ताज़ॖ मसलॖ छि
         व्यॊख्ती आसान
3. मु: माजि। हुन्द नॖ माल्युन
         शुर्यन हुन्द मातामाल
   अ: ज़ोरॖ लदनि ज़ंगॖ/पानि-
         यार ज़ोरॖ हावुन
4. मु: मऻज्य वॊहवान छुम नॖ
         कांह, प्वत्रॖ वति प्यठ
         बॆह
    अ: हंगॖ मंगॖ न्यायन मंज़
         पान त्रावुन/ज़ोरॖ लडऻय
         मऺल्य ह्यॆन्य
5. मु: मऻज्य करान कूर कूर
         कूर करान रऻन्य रऻन्य
    अ: ख्वदगर्ज़ी हुन्द इज़हार
         बे-माय आसुन/खान्दरॖ
         पतॖ रॗन्यसॖन्ज़ॖय माय
         रोज़ॖन्य
**********************
1. तखॖत......Throne/
           Wooden bed/
       Sign board(ship)
2. तहत.....Under/Sub-
          ordination/Con
          trol/Charge/
          Below/Beneath
3. तहकीक.... Research/
            Inquiry/Investi-
            gation/Verifica-
            tion/Ascertain-
            ment
4. तहरीक....Movement/
            Agitation/Incite
            ment/Motion
5. तहफुज़....Safeguard/
            Preservation/
            Conservation
6. तोफॖ.....Gift/Present
7. तॊहमुल....Toleration/
             Forbearance/
             Patience/Endu
             rance
8. तखरीब....Destruction
                  Subversion
9. तख्तस खसुन...Ascend
                    the throne/
             Assume royal
             power
10. तखलुस...Poet's pen
                     name
**********************
     गीता ज्ञान :अध्याय-11
         अर्ज़न वनान
अर्ज़न वनान छुस हे भगवान
यि छु पॊज़ यिम छि च्योन नाव ह्यवान
च्यानन ग्वनन हुन्द कीर्तन करान
वॊन भगवानन गीता ज्ञान
**********************
न्यॆन्दरि वॊथितॖय अज़ सुबहस छु त्वहि थालस बुथ वुछुन ति क्याज़ि अज़ छु नवरेह यानि नवि वऺरियुक ग्वडन्युक द्वह।हृच़ तॖ फ्रूच़ नीर्यनवॖ यिनॖ वोल समय। ग़मव तॖ फिकिरव निशि रूज़िव दूर। ॳज़्यकि प्यठॖ छि नव दुर्गा हॖन्द्य ति द्वह शुरु। रूज़िन मऻज्य दुर्गा सहायतस सारिनी विज़ि विज़ि। वख्तॖ अकि ओस नवरेह द्वह शोलान कऺशीरि मंज़। कऻशिर्य बटन हुन्द मेलॖ ओस लगान ब्यॊन ब्यॊन जायन। तिम द्वह गऺयि नीरिथ यिन नॖ व्वंय फीरिथ। पनॖन्यन शुर्यन ह्यकन पनॖन ज़िठ्य कॆंह कॆंह कथॖ बोज़नऻविथ ज़ि किथॖ पऻठ्य ॴस गछ़ान बादामवारि, रामच़न्द्रुन, निशात वगैरा वगैरा।
**********************
"चिन्मयी श्यामला देवी शारदा सा तु भामिनी
ज्ञानदात्री विशालाक्षी श्वेतवस्त्रावृता शुभा।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)