01.03.2019

01.03.2019, फागुन (फाल्गुन) गटॖ पछॖ (कृष्ण पक्ष), दऺहम (दशमी) शॊकुरवार (शुक्रवार/जुम्मा), श्री सप्तार्षि सम्वत 5094, राश धनु (चलान), ऋतु शिशर (चलान)...दऺहम हुन्द वॊहरवोद यी अज़..चिल्लॖ बचॖ ति म्वकॖल्यव अज़
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: वॊछ़ रटुन छा सऺहल
         किनॖ गाव च्यावॖन्य
    अ: प्रथ कुनि कामि छु
         पनुन पनुन म्वल
2. मु: व्वज़िम्यो क्वत गोख
         हुर्यॆर रावरावने
   अ: व्वज़ॖमिस छॆ नॖ बरकथ
3. मु: वॊथिव कॊठ्यव बिहिव
       कॊठ्यव ख्यॆयिव शिकार
       माज़, वॊथिव नय बिहिव
       नय ख्यॆयिव पनुन मांज़
   अ: युस करि हर्कत सु प्रावि
        फल
4. मु: वव बा वव तॖ लोन बा
         लोन
   अ: युथ ववख त्युथ लोनख
5. मु: वूंटॖ नच़ुन तॖ ख़रॖ ह्यंग
         छु मशहूर
    अ: वुचापॖगी छि बे-असर
         आसान
**********************
1. कॊन.... Messenger
2. कून्स... Younger/
                Junior
3. कूनस...In a corner
4. कूनल... Angular
5. कून...... Corner/Side
6. कून्ज.... Corner
7. कुन्ज़.....Key
8. क्वम्ब....Small pot for
              water/Festival
9. कॊम..... Embrace
10.कॊम करॖन्य...To emb-
                         race
**********************
     गीता ज्ञान  :अध्याय-11
बूज़ुम ज़ीवन हॖन्ज़ उत्पती तॖ प्रलय
तुहॖन्दि नाशॖ रॊस आसॖनॖच वखनय
यि रूप बूज़ म्यॆ व्यस्तारॖ सान
वॊन भगवानन गीता ज्ञान
**********************
चिल्लॖय कलान, चिल्लॖ ख्वरुद तॖ चिल्लॖ बच्चॖ यानि चतजिह, वुह तॖ दऺह द्वह यानि कुल सतथ द्वह ॴस्य कऺशीरि मंज़ सख़ सर्दी-हॖन्द्य आसान तॖ ॳज़्यकि प्यठॖ ॴस ह्यवान तॗर हमॖन्य वारॖ वारॖ तालाकि तीलॖ ॴठम ताम यॆमि द्वह कऻशिर्य बटॖ ॴस्य ज़ालान तॗर कांग्रिख्वरव दऺस्य, क्रॆंजिलि ख्वरव दऺस्य यारबलनक्यन चांदन प्यठ। गासॖव रज़ गऺन्डिथ तॖ गासॖ मंज़ बऺरिथ ओस यिवान यिमन कांग्रि या क्रॆंजलि ख्वरन नार दिनॖ तॖ यिवान नच़नावनॖ तॖ सॗत्य सॗत्य ॴस्य वनान जतॗं तॗं, जतॗं तॗं। दपान ॴस्य ज़ि वंदॖ म्वकॖल्यव। हेरच़ पतॖ य्यॊस ॴठम यी स्व गऺयि तीलॖ ॴठम। युहुस आयि हेरथ ज़न शऺगनावनॖ।ॳड्य छि वनान त्रॆयिमि मार्चॖ तॖ ॳड्य छि वनान च़ूरिमि मारचॖ। यि छि ग़लती सरासर ग़लती सान्यन ज्योतिष्यि आचार्यन हॖन्ज़ यिम नॖ ह्यकान छि  वऺर्युक पंचान्ग कडनॖ ब्रौंठॖय इकॖवटॖ मीलिथ तॖ तय कऺरिथ ज़ि कुस बॊड द्वह कमि द्वह यी। पतॖ छि शाल च़ऺलिथ बठ्यन लोरि दिवान। पनॖन्यन यॆज़मनन द्वन तॖ च़्वन मंज़ त्रावान। अख दिवान अख तरक तॖ ब्याख दिवान ब्याख तरक। तॖ खामॖखा परेशान करान कऻशिर्य बटन। असि पज़ि यिमन ज्योतिष जियन साफ़ पऻठ्य वनुन ज़ि यॊदवय तिम ह्यकान छि नॖ यिथ्यन मोकन फऻसलॖ कऺरिथ, तिमन पज़ि जंत्री छापनी बंद करॖन्य। म्यंगॖ दगॖय म्वकलि। न तॖ पज़ि तिमन छापनॖ ब्रौंठ पानॖवॖन्य मशवरॖ कऺरिथ कुनी वनन करॖन्य तॖ असि यिमव अज़ाबव तलॖ म्वकजार द्युन।
कथ जि जऻरी
**********************
"नन्दणतु साधका सर्वे विनष्यन्तु विदूषका, अवस्थाम् शामभ्वीमsस्तु प्रसन्नस्तु गुरु सदा।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
******************* ***
  नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(kashursabak.blogspot.com ति वुछिव)

28.02.2019

28.02.2019, फागुन (फाल्गुन) गटॖ पछॖ (कृष्ण पक्ष) दऺहम (दशमी) ब्रसवार (वीरवार/ब्रहस्पतवार),श्री सप्तार्षि सम्वत 5094, राश धनु (चलान), ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: वूंठ बुड्यव तॖ मॖथॖर
         करुन ह्यॆछुन नॖ
    अ: वऻन्सि बुडिथ ति युस
         नॖ रब्द तॖ ज़बॖत ह्यॆछि
2. मु: वोन्य गव सु युस
         पानस ति बोज़ि हिसाब
    अ: कारॖबारॖ वऻलिस पज़ि
         प्रथ कुनि हिसाब थवुन
3. मु: वोन्य गव सु युस मऺछ
         च़ॖहि
    अ: कऺन्जूस/वऻनिस छु
          फ़ऻयदॖ सौंचुन
4. मु: वोरॖ मऻलिस तोरि दब
         ज़ंगि
    अ: वोरॖ मऻलिस छि नॖ शुर्य
          रुत करान
5. मु: व्वथु निकॖ कऻम कर,
         न्युक छुस तॖ ह्यकॖ नॖ,
         व्वथु निकॖ बतॖ ख्यॆ,डुल
         म्योन कति छु
   अ: कामि च़ूर लागुन।मगर
         ख्यनस क्युथ तेज़
         आसुन
**********************
1. कोन...One eyed man
2. क्वंड...A big vessel
3. कॊंथुल...A long stick
4. कॊंतल...Decorated
                 horse
5. कॊतॖल्य...New buds/
          Sprouting shoot
6. कोंठ मऻज्य.... Queen
7. कोंद.... Furnace/A
          kiln/Forge/Stove
8. कोंदॖ बल....A place of
                     kiln
9. कोंद लागॖन्य...To light
              fire in furnace
10. कॊंजि करॖन्य.....To
                   waste time
**********************
      गीता ज्ञान  :अध्याय-11
        अर्ज़न दीव वनान
अर्ज़न वनान तुहॖन्दि अनुग्रह सॗत्य
गुप्त अध्यात्मॖ ज्ञानॖ उपदेशि सॗत्य
नष्ट सपद्यव म्यॆ सोरुय अज्ञान
वॊन भगवानन गीता ज्ञान
**********************
अज़ छि हुर्य दऺहम। यथ दॊहस छि वनान द्यारॖ दऺहम ति। असवॖनि तॖ मखोल बुथि किन्य ॴस ॳज़्यकिस दॊहस वनान बुनिल्य दऺहम ति। ॳज़्यकिस दॊहस ओस वख्तॖ अकि कऺशीरि मंज़ अलगॖय महत्व। यिम न्वशि माल्युन आसॖ आसान गऻमच़ॖ ज़ंगि मूजूब सतम या ॴठम दॊह तिम आसॖ अज़ वापस वऻरिव यिवान। सॗत्य ओसुख आसान शुर्यन हॖन्दि बापथ हारॖ बऺरिथ ग्वच़ॖर, शीरिन्य, कचॖ जलगोज़ॖ, ह्वख्य खज़ॗर, ट्वाफी, कान्दॖर्य वानॖचि च़्वचि तॖ डून्य तॖ अतॖगथ। कऺशीरि मंज़ वैसे ति यॆलि न्वश मालिनि प्यठॖ वऻरिव आसॖ गछ़ान, अक्सर आसॖ तिम दॊह लूस्यथॖय गछ़ान। ॳज़्यकि दॊह ति हिस्बि मामूल यॆलि न्वश शामन वऻरिव आसॖ वातान, तिहिन्द्य खांदार ॴस्य नॖ व्यच़ान कुनि। दपान ॴस्य न्वश आयि गरॖ यानि वऻरिव अज़ अनन बुन्युल यॆलि कमरस मंज़ अच़न श्वंगनॖ बापथ। तवय ओस नाव प्यॊमुत ॳज़्यकिस दॊहस बुनिल दऺहम। ॳस्य आयि ती बोज़ान यॊतान कऺशीरि प्यठॖ द्रायि। ब्यॆयि ति मा आसिहे कुनि वजह किन्य अज़ वनान बुनिल्य दऺहम सु ह्यकन कॆंह ज़ानकारॖय वऺनिथ। ब्याख चीज़ ओस ज़ि अज़ शामन ओस यिवान खुलॖ डुलॖ पऻठ्य हारन गिन्दनॖ पानॖवुन्य तॖ नव्यन न्वश्यन सॗत्य ति तिक्याज़ि तमि ति आस आसान मालिनि प्यठॖ हारॖ अनिमच़ॖ। अज़ ओस गिन्दिथ कऺरिथ पतॖ हना थख लगान हारन ति। गऺयि तिम द्वह। गऺयि स्व कऺशीर। गऺयि तिम हारॖ अज़ गऻमॖत्य रंगॖ रंगॖ मारॖ तॖ पारॖ पारॖ। बॖ कति यारॖ लबख तिम द्वह।
**********************
"ओम् नम: शम्भवाय च, मयोभवाय च, नम: शंकराय च, मयस्कराय च, नम: शिवाय च, शिवतराय च।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

27.02.2019

27.02.2019, फागुन (फाल्गुन), गटॖ पछॖ (कृष्ण पक्ष) नवम (नवमी), ब्वदवार (बुधवार),श्री सप्तार्षि सम्वत 5094, राश धनु (रऻच़हॖन्ज़ॖ 12.44 बजि प्यठॖ), ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: व्वथ न्वश कुठ खस
         आयस क्याह करॖनि
  अ: पनुन फ़र्ज़ अंजाम अनुन
2. मु: व्वज़लि कनि च़ॊप
         कडुन
    अ: ख्वद ग़र्ज़ी हॖन्ज़
         अलामथ
3. मु: व्वपर मुल्क गव
         क्वकर च़ूर
    अ: व्वपरस छि हांछ़
         खसान
4. मु: व्वडि च़न्जि कूर
    अ: यस ॴड-ज़ऻड विज़ि
         विज़ि प्यॆयि/बेज़ती
         लद
5. मु: व्वडि तॖ वछ वायुन
    अ: द्वखस मंज़ वछ च़टॖन्य
         तॖ मस कडुन
**********************
1. कॆल्य फम्ब...A kind of
                       fine wool
2. क्यॊम...... Insect
3. क्याज़ि.....Why
4. कऻहज़बान...A herb/
             Primal/Ox lip
         
5. कऺहवट..Touch stone
6. कॊहसतानी....Hilly/
              Mountainious
7. कॊंड...Thorn/Misery
              A fishing hook
              A nail
8. क्वंग... Saffron
9. क्वंगॖ पोश... Saffron
                       flower
10. क्वंगॖ तिहिज..Saffron
               piece/Saffron
               mane
**********************
        गीता ज्ञान :अध्याय-10
हे अर्ज़न यऺच़ ज़ानुन क्याह प्रयोजन
यि ज़गत म्यॆ सॗत्य छु परिपूर्ण
यि म्यानि यूग शक्ती हॖन्ज़ रछ़ा ज़ान
वॊन भगवानन गीता ज्ञान
**********************
हुर्य ॴठम ति म्वकलॆयि। कऺशीरि मंज़ ओस हुर्य ॴठम द्वह शामॖ प्यठय हारी पर्वतॖ यानि  च़ऺक्रीश्वरॖ बीरॖ ह्यवान समॖन्य ति क्याज़ि रऻत्य रातस ओस बजन-कीर्तन चलान रोज़ान। पहाडस प्यठ माईक ॴस ग्रज़ान तॖ सु ग्रज़ुन ओस पहाडकिस दामनस ताम वातान तॖ तमि ग्रज़नॖ सॗत्य ॴस यिनॖ वाल्यन भक्तन ह्यमथ मेलान। क़दम ॴस्य तेज़ व्वथान, द्वन डायन हतन हेरॖ पाव्यन ॴस्य दवान तॖ दौरान खसान। मान मान ॴस खसनस लगान। रऻत्य रातस ओस तबल, चुमटॖ, छनकॖ, नॊट, तुम्बकनऻर, तॖ अथॖबाजि वज़ान रोज़ान तॖ मातायि शारिकायि पनुन पान मऺशरऻविथ तॖ तमिस माजि पनुन पान पुशरऻविथ लीलायि ग्यवान रोज़ान रऻत्य रातस। म्वगॖल्य चाय ॴस चलान रोज़ान। अख अदभुत नज़ारा ओस नज़र यिवान। व्वंय छि यॆति ति कॆंच़न आश्रमन मंज़ ब्यॊन ब्यॊन जायन प्यठ भजन कीर्तन यिवान करनॖ। मगर कऺशीरि हॖन्दिस कीर्तनस ओस पनुन अख अलग अंदाज़। हॆरच़ हॖन्द्य द्वह ह्यॆतिन नऺज़दीक वातॖन्य वुनि छे नॖ ख़बर असि बटन ज़ि हेरथ छा त्रॆयमि मार्च किनॖ च़ूरिमि मार्च मनावॖन। कऻशिर्य बटॖ आयि ह्यनॖ त्र्यन पंचान्गन मंज़ॖ। अख गव ओंकार नाथ जीयुन विजयेश्वर, दॊयिम गव स्वर्गियि मनमॊहन जीयुन पंचान्ग युस तऺम्यसुन्द सुपुत्र पुनीत जी छु चलावान। यिति छु विजयेश्वर पंचान्ग ह्यथ पकान तॖ त्रॆयिम छु सतीसर फौंडेशन वाल्यन हुन्द पंचान्ग। येमि लटि छि यिमन ब्यॊन ब्यॊन वनन गऻमॖच़ तॖ तमि मूजूब कऻशिर्य बटन बिचार्यन बखऻलन वथ रऻवमॖच़ ज़ि गछ़व हय तॖ गछ़व कमि वति। म्यॆ वॊनमख हा मति च़ॖ पख पनॖनि वति यानि य्यॊस जंत्री च़्यॆ गरस मंज़ छय च़ॖ पख तमीय वति। अज़ छि व्वंय हुर्य नवम तॖ पगाह गऺयि हुर्य दऺहम।
**********************
"सर्वस्वरूपे-सर्वेशे सर्वशक्ति-समन्विते भयेभ्य: त्राहि नो देवी। दुर्गे देवि नमस्तुते।"
 पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

26.02.2019

26.02.2019, फागुन (फाल्गुन) गटॖ पछॖ (कृष्ण पक्ष), ॴठम (अष्टमी), बॊम्वार (मंगलवार), श्री सप्तार्षि सम्वत 5094, राश वृश्चिक (चलान), ऋतु शिशर (चलान)...अज़ छि हुर्य-ॴठम
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: वॊडि मस कामॖन्य
    अ: यस ताल छ्यन्य तॖ
         नऺन्य आसि
2. मु: व्वथ बा ज़ुवॖ कस
         सॗत्य च़ुवॖ
   अ: आलुच़ त्रऻविथ कऻम
         करॖन्य
3. मु: व्वज़ॖल्य जामॖ छि
         गछ़ान क्रऻल्य
    अ: जवऻनी छॆ नॖ पोशवॖन्य
         बजर छु प्रथ कऻन्सि
         यिवान
4. मु: व्यनॖ पोश ति तारि तॖ
         सॊनॖ पोश ति तारि
    अ: दौलथ ख़र्चऻविथ ति
        कारि खऻर यिवान करनॖ
        तॖ कम द्यार ख़र्चिथ ति/
        खांदरस मंज़ कम या
        ज़्यादॖ ख़र्च करुन
5. मु: व्यथ छ़्यॆन्या ज़ि पनुन
         छ़्यॆनि
    अ: रिश्तॖ छु नॖ छ़्यनान
**********************
1. क्वविज़...Wrong time
            Evil days/Hard
            time
2. क्ववोक..Inauspicious
               speaking man
3. क्वद्वह....Bad day/
                  Adversity
4. कोहि माल...Range of
                    mountain
5. कोहि तूर...Mount
                    Sinai
6. कोहि नूर...A diamond
            World's largest
            diamond
7. कोहि काफ...Name of
                  a mountain
8. कॊहनॖ...Very difficult
                Hard
9. कॊह... Mountain
10. कॊहनॖ तेग..Mountain
              summit/Peaks
**********************
      गीता ज्ञान :अध्याय-10
युस युस चीज़ शक्तिमान तॖ शूबिमान, ईश्वर्यवान यशवान छुय बासान
सु सु म्यानि तीज़ॖच अख ज़ॖच़ ज़ान
वॊन भगवानन गीता ज्ञान
**********************
कशमीर एज्युकेशन कल्चर एण्ड साईंन्स सोसाइटी (के ई सी एस एस) संस्थायि म्वकलोव पनुन प्रोग्राम "शुहुल ताफ" युस त्रोवुहमि तॖ च़ॊवुहिमि फर्वरी ज़ॖ सास कुनवुह यानि (23-24/02.2019) द्वन दोहन चल्यव। प्रथ वऺरियि छु यि द्वह यिवान मनावनॖ केवल अख मुद्दा मध्यनज़र थऺविथ ज़ि असि रोज़ि पनॖनि समाजिच सभ्यता यानि कऻशिर तहज़ीब कुनिति हालतस मंज़ ज़िन्दॖ। कऻशिर्यन बटॖन यॆलि च़लुन प्यव पनॖन्य ऋश्यवऻर यानि कऺशीर त्रऻविथ, तिमन ॴस नॖ छ़्यपन तॖ व्यपन जाय कुनि योर यिथ। छऺकॖरनॖ आयि तॖ लऺग्य छम्बन तॖ छालन, कोहन तॖ बालन, दक्कन तॖ डुलन। अकि अंदॖ प्यठॖ ब्यॆयिस अंदस ताम। भारतॖ-किस अकि कूनॖ प्यठॖ ब्यॆयिस कूनस ताम। यि पलायन यानि यि च़लॖ लार प्यॆयि असि बटन कुनवुहशथ तॖ नमत ईस्वी मंज़। यथ यथ जायि बटस बिहिन जाय मीज सु ब्यूठ तथ जायि तॖ ह्यॊतुन सन्दरावुन पनुन पान। ह्यॆतिन नवि सरॖ पनॖन बच्यॆमॖत्य ज़िन्दगी हॖन्द्य द्वह कडॖन्य। ॳथ्य दोरानस आयि कॆंह संस्थायि ति बारसस यिहन्दि दऺस्य बटस मीज्य राहत वारिहायि रंग्य तॖ बटव ह्यॆत्य ॶथॖ ख्वर वाहरावॖन्य। के ई सी एस एस ति छि अख मिसाल। प्रोग्रामुक यि शुहुल ताफ नाव छु आमुत दिनॖ स्वर्गियि विजय साकी जीनि दऺस्य युस अमि संस्थायि हुन्द अख अहम् अंग ओस, अख शऻयिर ओस, अख सीवा-दार ओस, पनॖनि समाज्युक रुत कांछन वोल ओस। अथ प्रोग्रमस मंज़ छि पनॖनि संस्कृती हॖन्द्य कॆंह रंग-बिरंग चीज़ यिवान हावनॖ य्यॊस सोन पॊतकाल छि मीलिथ थवान यथ कालस सॗत्य तॖ ब्रौहकुन यिनॖवऻलिस कालस सॗत्य। अथ प्रोग्रामस मंज़ छि आसान, मुशऻयिरॖ, साज़-संगीत, ड्रामा, कथबाथ, मसलन हुन्द आच़ार-व्यच़ार प्रान्यन कथन फ्युर द्युन तॖ नवि पुयि बापथ पनॖन ज़बान यानि पनॖन्य माजि ज़्यव बरक़रार थावनॖक्य सबीलॖ छ़ान्डॖन्य वगैरा वगैरा तॖ ख्यन-च्यन ति। कथ जि जऻरी
**********************
"सह नौ अवतु सह नौ भनक्तु सह वीर्य करवावहे तेजस्विनाम् अधीतमस्तु माद्विषावहे। ओम् शान्ति ओम्।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

25.02.2019

25.02.2019, फागुन (फाल्गुन), गट ज़ट (कृष्ण पक्ष)सतम (सप्तमी), च़ऺन्दॖरवार (सोमवार),श्री सप्तार्षि सम्वत 5094, राश वृश्चक (दुहचि 4.1 बजि),ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1.मु: हापॖतस नम कासॖन्य
   अ: ज़ऻलिम हॊमॖरावुन
2. मु: हऻन्ठ गऺयि बरस गऻन्ठ
         दिथ
  अ: लावऻरिस जादाद त्रऻविथ
       गछ़ुन
3. मु: हऻज़व त्रऻव्य ज़ाल तॖ
        गाडव ह्यॆछि व्वटॖ
    अ: पनुन बचाव सौंचुन तॖ
         करुन/प्रथ मुसीबतस
         मंज़ छु बचनुक हल
4. मु: हापतस अथि ओट
         मांडॖनावुन
    अ: नाकऻब्यलस अथि
         कामि न्वख्सान वातॖ-
         नावुन
5. मु: हापुत करिहेना च़्वचि
         मगर ओट कति अनि
    अ: आसुन छु ह्यॆछनावान
         तॖ नासुन छु मंदछावान
**********************
1. कॆंह.... Something
2. कीनॖ... Grudge
3. केवल....Alone/Sheer
               Absolute
4. क्यमखाब...Woven
           material lament-
           ed with designs
5. क्यूर/क्रूल....Well
6. केंछ़ा.... Anything/
           Whatever/Any/
           Some/A little
7. केन....Cane
8. केक...Cake
9. केन्दॖर....Centre
10. कैमरा....Camera
**********************
      गीता ज्ञान  :अध्याय-10
म्यऻन्य दीवॖ शक्ती छि अपरमपार
म्यान्यन विबूतियन छु नॖ व्यस्तार
वॊनमय यि स्यठाह छ़ॊट्य पऻठ्य ज़ान
वॊन भगवानन गीता ज्ञान
**********************
कऻशिर्य ज़बान या पनॖन माजि ज़्यव रऺछ़ॖरावन छि असि कऻशिर्य बटॖन तीच़ॖय ज़रूरी यीच़ असि ज़िन्दॖ रोज़नॖ बापथ बाकय सादन छि ज़रूरी ति क्याज़ि यॊदवय सऻन्य ज़बान रावि ति प्यॆयि मानुन तॖ पज़ि ज़ानुन बटॖ तॖ बटॖ ज़ाथ रऻव। सानि नवि पुयि हुन्द शुर छु कऻशिर्य पऻठ्य कथ करनस मंदछान ति क्याज़ि अमिस शुरिस छु नॖ मोल मऻज्य लाकम रटान। तिमन छि ब्वकॖ फॊलान याम तिम पनॖनिस शुरिस व्वपर ज़्यॆवि मंज़ कथ करान छि वुछान। तिम छि मऺशरावान ज़ि तिम कऻच़ाह दरार छि वातनावान पनॖनिस पानस, पनॖनिस समाजस, पनॖनि ज़ऻच़। कूशिश छि जऻरी वारियाहव संस्थायव दऺस्य तॖ वारियाहव रऺन्ग्य पनॖन्य माजि ज़्यव बचावनॖच तॖ यि कूशिश गछ़ि तॆली सफल यॆलि तॊह्य अथरॊट कऺरिव तॖ वछि वऻन्लिजि साथ दीव तॖ पनॖन्यन शुर्यन पनॖन्यन गरन मंज़ कऻशिर्य पऻठ्य कथॖ करनावॖनॖच तरबियत दीव तॖ पानॖ ति रूज़िव पनॖनि माजि ज़्यॆवि मंज़ॖय कथ करान।
**********************
"मंत्रहीनम् क्रियाहीनं भक्तिहीनम् सुरेश्वरी, यत पूजिता मया देवी परिपूर्णम् तद्sस्तुमे।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

24.02.2019

24.02.2019, फागुन (फाल्गुन) गटॖ पछॖ (कृष्ण पक्ष) शॆयम (षष्ठी) आथवार (एतवार/रविवार), श्री सप्तार्षि सम्वत 5094, राश तुला (चलान), ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: हारि टंग तॖ ज़ॖलनय
         मॊहरि च़ूंठ तॖ च़ॖलिथ
    अ: टंग छु द्यलॖ सान श्रपान
     च़ूंठ्य द्यल छु नॖ हऻज़्यमस
      क्युत ठीक
2. मु: हारॖच ग्वगॖज तॖ लारॖच
         गुनस गऺयि बराबर
    अ: हारॖच ग्वगॖज गऺयि
         ज़हरस बराबर
3. मु: हापत यारज़
    अ: मुडॖ संज़ यारज़/
         जऻहिल सॖन्ज़ दोस्ती
4. मु: हऻन्ज़स यॆलि दऺर्यावस
         अंदर वाव छु यिवान
         पथ नम छु ब्रौंह नम
         करान तॖ ब्रौंह नम छु
         पथ नम करान
   अ: द्वलाबन मंज़ छु आदम
        पानस गतॖ-ग्यूर तुलान/
        परेशऻनी मंज़ ओरॖ योर
        करान
5. मु: हऻन्ज़स गॊब्यॆयि ल्वलि
         दिच़ॖन दऻरिथ क्वलि
    अ: पनॖन्य कूर स्यठाह
          वऺसिथ गरस मंज़ दिन्य
**********************
1. क्युथ....Of what kind
                What sort of
2. क्युत....For the sake
        of/On account of/ 
         For the purpose
         of/In order to
3. क्युथ ताम ह्यु...To feel
         ashamed of/Sad
4. क्युल.....Nail/A pin/A
                  peg/Wedge
5. कत्यन... Where
6. कत्यथ... Where
7. केरन..... Condition/
           Circumstances/
           Ideas/Thoughts
8. क्युल लगुन...To have
                   acute pain
9. कॆंज़ि खोस...A cup
                     with stand
10. केंछ़ा-मेछ़ा...Some-
               thing good
**********************
     गीता ज्ञान :अध्याय-10
हे अर्ज़न सारिनॖय ज़ीवन हॖन्ज़ उत्पती, अम्युक मूल कारन ति छुस बॖय।
म्यॆ सिवा च़र अच़र नॖ आसान
वॊन भगवानन गीता ज्ञान
**********************
माजि ज़्यॆवि प्यठ छि कथ चलान। राथ वॊन म्यानि अकि कोरि के ई सी एस एस-सस मंज़ ज़ि बॖ छस कऻशिर्य गरस मंज़ ज़ामॖच़ मगर छस ज़ामॖच़ कऺशीरि न्यबर तॖ तवय छुम नॖ तगान कऻशुर या कऻशिर्य पऻठ्य कथ करॖन्य। ॳमिस कोरि हुन्द वनुन छु सरासर ग़लत। यि छु नॖ ज़रूरी ज़ि कऻशिर्य ज़बऻन्य बापथ गछ़ि आसुन कऺशीरी ज़न्म ह्यॊतॖमुत। वुछुन छु ज़न्म कथ गरस मंज़ तॖ कथ माहोलस मंज़ छु आमुत ह्यनॖ। जाय छॆ नॖ ज़रूरी। ज़रूरी छि वुछिन्य माजि हॖन्ज़ ज़्यव। सऻन्य माजि ज़्यव छॆ नॖ ॳज़िच। यि छि स्यठा प्रऻन्य तॖ बागॖ बऺरॖच़।नामवर तॖ ॳदीब शऻयिर तॖ लिखऻर्य गयि विज़ि विज़ि पऻदॖ यिमव यि ज़बान पनॖन्यव तखलीफातव सॗत्य माला माल कऺर। ज़मानॖ गव ब्रौंह पकान। ज़बान ति छि पकान।
ॳज़्यकिस दोरस मंज़ छि सारेयि ज़बानॖ बोहरानस मंज़ ह्यनॖ आमच़ॖ तॖ सऻन्य कऻशिर ज़बान किथ रोज़ि बे-असर। मगर चूंकि सऻन्य ज़बान छि रॖच़ ज़बान, परि पूर्णॖ ज़बान, प्रऻन्य ज़बान तॖ मॊदुर ज़बान। यि ज़बान मरि नॖ सहल सहल। अल्बतॖ अथ ज़बऻन्य छि असि पानय रऻछ करॖन्य। चूंकि स्कूलन मंज़ छॆ नॖ आमॖच़ अथ ज़बऻन्य जाय दिनॖ तमि मूजूब छु स्यठाह ज़रूरी ज़ि ॳस्य ह्यॆछनावोन पनुन शुर पनॖनिसॖय गरस मंज़ पनॖन्य यि माजि ज़्यव। मऻलि माजि प्यठ छि यि ख़ास ज़िम्मॖवऻरी। कथ छि जऻरी।
**********************
"माया कुण्डलिनी क्रिया मधुमती काली कलामालिनी मातन्गी विजया जया भगवती देवी शिवा शम्भवी।शक्ति शंकर वल्लभा त्रिनयना वाक-वादिनी भैरवी।। ह्रींकऻरी त्रिपुरा पराअपरमयी माता कुमारी-इति-असि।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

24.02.2019

24.02.2019, फागुन (फाल्गुन) गटॖ पछॖ (कृष्ण पक्ष) शॆयम (षष्ठी) आथवार (एतवार/रविवार), श्री सप्तार्षि सम्वत 5094, राश तुला (चलान), ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: हारि टंग तॖ ज़ॖलनय
         मॊहरि च़ूंठ तॖ च़ॖलिथ
    अ: टंग छु द्यलॖ सान श्रपान
     च़ूंठ्य द्यल छु नॖ हऻज़्यमस
      क्युत ठीक
2. मु: हारॖच ग्वगॖज तॖ लारॖच
         गुनस गऺयि बराबर
    अ: हारॖच ग्वगॖज गऺयि
         ज़हरस बराबर
3. मु: हापत यारज़
    अ: मुडॖ संज़ यारज़/
         जऻहिल सॖन्ज़ दोस्ती
4. मु: हऻन्ज़स यॆलि दऺर्यावस
         अंदर वाव छु यिवान
         पथ नम छु ब्रौंह नम
         करान तॖ ब्रौंह नम छु
         पथ नम करान
   अ: द्वलाबन मंज़ छु आदम
        पानस गतॖ-ग्यूर तुलान/
        परेशऻनी मंज़ ओरॖ योर
        करान
5. मु: हऻन्ज़स गॊब्यॆयि ल्वलि
         दिच़ॖन दऻरिथ क्वलि
    अ: पनॖन्य कूर स्यठाह
          वऺसिथ गरस मंज़ दिन्य
**********************
1. क्युथ....Of what kind
                What sort of
2. क्युत....For the sake
        of/On account of/ 
         For the purpose
         of/In order to
3. क्युथ ताम ह्यु...To feel
         ashamed of/Sad
4. क्युल.....Nail/A pin/A
                  peg/Wedge
5. कत्यन... Where
6. कत्यथ... Where
7. केरन..... Condition/
           Circumstances/
           Ideas/Thoughts
8. क्युल लगुन...To have
                   acute pain
9. कॆंज़ि खोस...A cup
                     with stand
10. केंछ़ा-मेछ़ा...Some-
               thing good
**********************
     गीता ज्ञान :अध्याय-10
हे अर्ज़न सारिनॖय ज़ीवन हॖन्ज़ उत्पती, अम्युक मूल कारन ति छुस बॖय।
म्यॆ सिवा च़र अच़र नॖ आसान
वॊन भगवानन गीता ज्ञान
**********************
माजि ज़्यॆवि प्यठ छि कथ चलान। राथ वॊन म्यानि अकि कोरि के ई सी एस एस-सस मंज़ ज़ि बॖ छस कऻशिर्य गरस मंज़ ज़ामॖच़ मगर छस ज़ामॖच़ कऺशीरि न्यबर तॖ तवय छुम नॖ तगान कऻशुर या कऻशिर्य पऻठ्य कथ करॖन्य। ॳमिस कोरि हुन्द वनुन छु सरासर ग़लत। यि छु नॖ ज़रूरी ज़ि कऻशिर्य ज़बऻन्य बापथ गछ़ि आसुन कऺशीरी ज़न्म ह्यॊतॖमुत। वुछुन छु ज़न्म कथ गरस मंज़ तॖ कथ माहोलस मंज़ छु आमुत ह्यनॖ। जाय छॆ नॖ ज़रूरी। ज़रूरी छि वुछिन्य माजि हॖन्ज़ ज़्यव। सऻन्य माजि ज़्यव छॆ नॖ ॳज़िच। यि छि स्यठा प्रऻन्य तॖ बागॖ बऺरॖच़।नामवर तॖ ॳदीब शऻयिर तॖ लिखऻर्य गयि विज़ि विज़ि पऻदॖ यिमव यि ज़बान पनॖन्यव तखलीफातव सॗत्य माला माल कऺर। ज़मानॖ गव ब्रौंह पकान। ज़बान ति छि पकान।
ॳज़्यकिस दोरस मंज़ छि सारेयि ज़बानॖ बोहरानस मंज़ ह्यनॖ आमच़ॖ तॖ सऻन्य कऻशिर ज़बान किथ रोज़ि बे-असर। मगर चूंकि सऻन्य ज़बान छि रॖच़ ज़बान, परि पूर्णॖ ज़बान, प्रऻन्य ज़बान तॖ मॊदुर ज़बान। यि ज़बान मरि नॖ सहल सहल। अल्बतॖ अथ ज़बऻन्य छि असि पानय रऻछ करॖन्य। चूंकि स्कूलन मंज़ छॆ नॖ आमॖच़ अथ ज़बऻन्य जाय दिनॖ तमि मूजूब छु स्यठाह ज़रूरी ज़ि ॳस्य ह्यॆछनावोन पनुन शुर पनॖनिसॖय गरस मंज़ पनॖन्य यि माजि ज़्यव। मऻलि माजि प्यठ छि यि ख़ास ज़िम्मॖवऻरी। कथ छि जऻरी।
**********************
"माया कुण्डलिनी क्रिया मधुमती काली कलामालिनी मातन्गी विजया जया भगवती देवी शिवा शम्भवी।शक्ति शंकर वल्लभा त्रिनयना वाक-वादिनी भैरवी।। ह्रींकऻरी त्रिपुरा पराअपरमयी माता कुमारी-इति-असि।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

23.02.2019

23.02.2019, फागुन (फाल्गुन), गटॖ पछॖ (कृष्ण पक्ष) च़ोरम (चतुर्थी), बटॖवार (शनिवार/शनिश्चरवार), श्री सप्तार्षि सम्वत 5094,राश तुला (दुहचि 11.26 बजि प्यठॖ), ऋतु शिशर (चलान)...
चूंकि पऻन्च़म (पन्चमी)छि रावान, पऻन्च़म हुन्द वॊहरवोद यी ॳज़्य यानि च़ोरम द्वह
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: हऻन्ज़ मऻरिथ तॖ कऻन्ज़
         कऻरिथ
    अ: हऻन्ज़ छु चौब ख्यथ
         मानान तॖ कऻन्ज़ छु
         कऻरिथ ठीख गछ़ान
2. मु: हालव गलन मगर
         दान्यस दाह कऺरिथ
    अ: बद छु गलान मगर
         न्वख्सान वातनऻविथ
3. मु: हारि तॖ तोतस वनुन
    अ: वनॖनस गछ़न बोज़न
         वऻल्य आसॖन्य/वनन
         वोल वनान गछ़ान तॖ
         बोज़न वऻल्य नॖ ध्यान
         दिवान
4. मु: हारि वोंठ हार नॖ कुनी
    अ: द्यार आसन तॖ सौदा ति
    बनि/आसुन छु ह्यॆछनावान
    तॖ न आसुन छु मन्दॖछावान
5. मु: हारि नॖ सौदा बाज़रस
         खलबऺली
    अ: लेन-देन कम तॖ शोर
         ज़्यादॖ तुलुन
**********************
1. खटुन...To hide/Keep
            secret/Conceal
2. खटॖ......Sour
3. खटारॖ....A worn out/
         Out dated/Expo-
         sed
4. खपचि....Pieces
5. खपचॖ कडॖन्य...To hack
                     to pieces
6. खप-खानॖ.Noisy place
7. ख्यल....Grass (grows
                in water only)
8. खऻज़....An invisible
             insect found in
             ponds which
           causes skin re-
           citation
9. खाह....Field/Land
10. खाह-डूर....Part of a
                       field
**********************
      गीता ज्ञान :अध्याय-10
जीत यछ़न वाल्यन हॖन्ज़ बॖ नीती
सीर रछन वाल्यन हॖन्ज़ खामोशी
ज्ञानॖ वानन हुन्द छुस तत्व ज्ञान
वॊन भगवानन गीता ज्ञान
**********************
माजि ज़्यॆवि मुतलक ॴस कथ चलान राथ। दपान माजि ज़्यव गऺयि स्व ज़बान य्यॊस कुनि अलाक़स मंज़ रोज़न वाल्यन माजि हॖन्द्यन
द्वदॖगल्यन सॗत्य तरान छि।स्व ज़बान यॆमिच ग्वडॖन्युक पडाव माजि हुन्द वछ छु।ॳस्य छि कऻशिर्य तॖ सऻन्य माजि ज़्यव छि कऻशिर।माजि ज़्यव छु इन्सान पनॖनिस ज़ॆहनस मंज़ ख़ज़ानॖ ज़ऻनिथ रऺछ़रावान। इन्सानसॖन्ज़ प्रज़नथ छि तऺम्यसॖन्ज़ि माजि ज़्यॆवि सॗत्य सपदान।इन्सानसॖन्ज़ बोल चालि हॖन्ज़ बुनियाद छॆ माजि ज़्यव फ़राहम करान। अगर सु व्वपर ज़बान ति ह्यॆछि या बोलि मगर तोति ह्यॆकिनॖ सु पनॖनि माजि ज़ॆवि हॖन्द्य त्राव्यमॖत्य छाप दिलॖ तॖ ज़ॆहनॖ प्यठॖ नहऻवनऻविथ। कथ छि जऻरी
**********************
"आवाहनम् नैव जानामि, नैव
जानामि पूजनम्, पूजा भागम् न जानामि, क्षम्यताम परमेश्वर।।"
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

22.02.2019

22.02.2019, फागुन (फाल्गुन) गटॖ पछॖ (कृष्ण पक्ष) त्रय (तृतीय),शॊकुरवार (शुक्रवार जुम्मा), श्री सप्तार्षि सम्वत 5094, राश कन्या (चलान), ऋतु शिशर (चलान)....अज़ छि संकट च़ोरम ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: हतॖ होनि ख्यतॖ ज़ंग
    अ: हंगतॖ मंगॖच्यन काम्यन
         मंज़ ज़ंग त्रावॖन्य/योरय
         मुसीबतन पान पुशरुन
2. मु: हतस कथन कुनी कथ
    अ: म्वख्तॖसर कथन मंज़
         बावथ करॖन्य
3. मु: हति पावि वऺसिथ गछ़ुन
    ॶ: परेशऻनियन मंज़
          मुब्तुला गछ़ुन/कांह
          बद ख़बर बूज़िथ कम
          ह्यमत गछ़ुन
4. मु: हऺत्य हून्य ख्यॊमुत
    अ: वारिहान खुर्यन मंज़
         ह्यनॖ आमुत/फिकिरन
         तॖ अंदेशन मंज़ गीर
         गोमुत
5. मु: हथ गऺर्य नऻनी कथ गरॖ
         छख
    अ: स्व ज़नान य्यॊस गरॖ
         गरॖ फेरान आसि/य्यॊस
         नॖ ॳकिस जायि क़रार
         करि
**********************
1. खलबऺल्य.......Distur-
         bance/Alarm/
         Commotion
2. खुलरावुन....To widen/
                     To expand
3. खलुर....Stone morter
4. खलुन..To drive away
5. खल वसॖन्य...To be
                        skinned
6. खल...Open place for
              keeping crops
              Barn/Skin/Kip
              Membrane/
              Fell/Hide
7. खल तॖ ख्वदा..All alone
8. खल बरुन...To fill the
         place with crops/
         To fill the granary
9. खशिर्य नाग.... Sulfur
                          spring
10. खशुर....Scab/Skin
                   disease
**********************
       गीता ज्ञान :अध्याय-10
यारन मंज़ च्योन मित्र बॖ पानॖ वासुदीव
पांडवन मंज़ च़ॖय अर्ज़न दीव
मुनियन मंज़ वेद व्यास कऺवियन मंज़ शुक्राचार्य ज़ान
वॊन भगवानन गीता ज्ञान
**********************
राथ यानि अकवुहमि फर्वरी ज़ॖ सास कुनवुह (21.02.2019) तॖ ब्रसवारि द्वह ओस अंतर राष्ट्रीय माजि-ज़्यव द्वह युस असि मनोव नोयडाहस मंज़ कश्यप ऋषि भवनॖकिस हालस मंज़।अमि प्रोग्रामॖच व्यवस्था ॴस कऺरमच़ AIKS तॖ KMWA NOIDA.
अथ प्रोग्रामस मंज़ आव पनॖनि माजि ज़्यव प्यठ व्च़ार करनॖ ज़ि यि ज़बान किथॖ पऻठ्य ह्यकव ॳस्य रऺछ़रऻविथ तॖ ब्रौंहकुन पकनऻविथ। अथ प्रोग्रामस मंज़ आव श्री रहबर सऻबस मान तॖ यज़थ दिनॖ, मुशऻयरॖ सपद्यव, तॖ गोतम जीयनि मॊदुर हटि त शुर्यन हॖन्द्य दऺस्य आयि बऻथ ग्यवनॖ यॆमि सॗत्य माहोल रंगा-रंग बन्यव। ख्यनॖच च्यनॖच व्यवस्था ति ॴस नफीस पऻठ्य आमॖच़ करनॖ KMWA दऺस्य।
असली मुद्दा ओस ज़ि माजि ज़्यव किथ पऻठ्य ह्यकव ॳस्य रऺछ़रऻविथ ति क्याज़ि वुछनस तल छु बासान ज़ि ॳस्य कऻशिर्य बटॖ छि पनॖनि ज़बऻन्य मंज़ कथबात कम करान तॖ पर-ज़बऻन्य हुन्द इस्तिमाल ज़्यादॖ करान ख़ास तौर से यॆनॖ ॳस्य ह्यनॖ आयि कऺशीरि न्यबर नीरिथ। माजि ज़्यॆवि प्यठ करव कथ पगाह ति
**********************
"करचर्ण कृतं वाक्कायजं कर्मजंवा, श्रवण नयनजं वा मानसं वा अपराधम्।विहितम् अविहितम् वा सर्वमेतत क्षमस्व, जय जय करुणाब्धे श्री महादेव शम्भो।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबात करव
**********************
  नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

21.02.2019

21.02.2019,माघॖ गटॖ पछॖ (कृष्ण पक्ष), द्वय (द्विती), ब्रसवार (वीरवार/ब्रहस्पतवार), श्री सप्तार्षि सम्वत 5094, राश कन्या (दुहचि 10.21 बजि प्यठॖ), ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: हटि गव तॖ मटि गव
    अ: ज़िम्मॖवऻरी खारॖन्य/
         यॆस कऻम मटि खसि
         तऺस्य सऻलिम ज़िम्मॖ-
         वऻरी ति आसॖन्य
2. मु: हटि खश तॖ हॊंगनि
         म्यूठ
    अ: न्वख्सान वातनऻविथ
         कथव सॗत्य दिल रछुन
3. मु: हटुन जान तॖ फटुन नॖ
    अ: ज़्यादॖ ख्यथ नॖ फटनस
         युन
4. मु: हुथ छ़ॖन बलाय यथ
         त्राव चोंचॖ
    अ: दॊयिमन हॖन्ज़ नॖ
         फिकिर करॖन्य/पनुन
         नफ़ॖस बरुन
5. मु: हऺथ्य गरि नान्यी कथ
         गरि रूदुय कांगॖरि ख्वर
    अ: य्यॊस जायि जायि
         फ़ेरान आसि तस छु
         न्वख्सान गछ़ान
**********************
1. खमुन....To gasp/To
             breath heavily
2. खखॖर दिन्य....To drag
3. खखॖर लगॖन्य....To be
                       dragged
4. खसवॖन्य जवऻनी....
           Bloom of youth
5. ख्रॊकल... Irritable/
           Touchy/Senti-
       mental/Contemp-
       lating
6. ख्रॊब.....Bend/Dent
7. ख्राव.....Wooden
                 sandal
8. खरुन....To dislike
9. ख्रंग...... Reproaching
10.ख्रफ....Gap/Break/
              Opening in a
              wall
**********************
      गीता ज्ञान  : अध्याय-10
छ़ल करन वाल्यन अंदर छुस ज़ार
पछ़ करन वाल्यन मंज़ एतबार
ज़ेनन वाल्यन मंज़ जीत म्यॆ ज़ान
वॊन भगवानन गीता ज्ञान
**********************
हेरच़ हॖन्द्य द्वह तॖ हारन गिन्दॖनुक वख्त। सु ति ओस अख वख्त कऺशीरि मंज़। सऺमिथ बऻच़ तॖ हारॖ बऻथ त्रावॖन्य, सु शॊगुल छु अज़ अख स्वपुन। हारॖ गऺयि गऻबॖय। गिन्दनवऻल्य छि नॖ नऺन्य। न रुद ब्रांद तॖ न ब्रांदॖ कऺन्य। अगर ॳस्य ॳज़्यक्यन शुर्यॆन फिकिरी तारव ति तिमन तरि नॖ फिकिरी कॆंह। ति क्याज़ि असि ओस गिन्दान गिन्दान तरान फिकिरी ज़ि बऻतुल क्याह गव, कॊस हार किछ़ ॴस आसान, म्वंजांटॖ, ख्रॗंच़, ॳछुल, ज़ॖ ॳछुल, खरांटॖ यिम गयॆ हारन मंज़ ज़ऻच़। पतॖ गयो हारॖ बऻथन हॖन्द्य कॖसॖम यानि कुन्य, ट्यकॖर, छॊत, जुफ, ताक, च़ाख, वगैरा वगैरा। हारॖ गॊच़ॖर, मोज़ॖ खॊरस ॴस्य बनावान हारॖ थावनॖ बापथ ठेलॖ। यॆमस निश यीच़ॖ हारॖ आसॖ आसान सु ओस यिमन दॊहन ॳमीर यिवान मानॖनॖ। बऻज्य-बऻज्य ति ॴस्य आसान। शोर ओ गुल, क्रकॖनाद ओस आसान। बासान ॴस ज़ि हेरथ मऻज्य आयि। हारय छॆ नॖ तॖ शुर्यॆन हावव क्या, गिन्दनवऻली छि नॖ तॖ ह्यॆछनावोख क्याह। सारिवॖय खॊतॖ कऺमी अगर छि तॖ स्व गऺयि शुर्यन हॖन्ज़। अज़ छु अख या ज़ॖ शुर्य मसा, तिम ति छऺकरिथ, छ़ऺर्य गरॖ च़्वपऻर्य नज़रि यिवान। तिम शुर्य रूद्य व्वंय यिमव चीज़व निशि अनज़ान। ॳस्य ति छि मजबूर पनॖनि जायि। त्राहि त्राहि। कॊत गऺयि तिम हेरॖच़ हॖन्द्य द्वह।
**********************
"महाबले महोत्साये महाभय विनाशिनी।त्राहि मां देवि दुष्प्रेक्ष्ये, शत्रूणां भयवर्धिनी।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

20.02.2019

20.02.2019, फागुन (फाल्गुन), गटॖ पछॖ (कृष्ण पक्ष)ऒक्दॊह (प्रथमा/ प्रतिपदा), ब्वदवार (बुधवार),श्री सप्तार्षि सम्वत 5094, राश सिंह (चलान) ऋतु शिशर (चलान)...अज़ छु हुर्य ऒक्दॊह यानि हेरऺच़ हॖन्द्य द्वह गऺयि शुरु
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: हट्यु वंदय रथ तॖ नटिच
         दिमय नॖ त्रेश
    अ: फ़ऻयदॖ न वातॖनावुन
         मगर कथव सॗत्य बरा-
         बरी अनॖन्य/वुठ माज़-
         रथ
2. मु: हजि कुजि ड्यकॖ बजि
    अ: स्यज़राह पज़राह छु
         बख्तॖ बजराह
3. मु: हचिविस गुरिस ज़चुव
         ज़ीन
    अ: बेवकूफ सॖन्द्य बेवकूफ़
         कार
4. मु: हऺर हऺर हऺर कर हऺर
         विज़ि स्वर कर
    अ: मिज़ाजि डंजि थवुन/
         लडायि विज़ि होश
         रोज़ुन
5. मु: हर्दॖ लानथ हिशी कथा
    अ: रुत तॖ क्रुत हिवु आसुन
**********************
1. खजर.... Breadth/Ex-
              tension/Width
2. खजर द्युन...    To ex-
          pand/To widen
3. खऺज,.....Broad/Wide
4. खऺदॖर.....Cotton cloth
5. खऺदॖर भण्डार....Khadi-
                           Store
6. खच..... Crowd/Over
                 crowding
7. खचॖ......Tail less
                  animal
8. खडॗपंच...Leader/A
                   guide
9. खचा खच...Full to the
            capacity/Filled
            up to the brim/
           Stuffed together
           Overcrowded
10. खरॖ.....Good/Pure/
            Genuine/Can-
       did/Unadulterated
**********************
      गीता ज्ञान  :अध्याय-10
कीर्तन वाज्यन श्रुत्यन मंज़ ब्रहत साम
मंत्रन मंज़ गायत्री मंत्र पर्मदाम
रयतन मंज़ माघ मोसमन मंज़ वसंत ज़ान
वॊन भगवानन गीता ज्ञान
**********************
रातॖच कथ...वनॖनॖ छु यिवन ज़ि ॳहरबलॖ आबशारॖ प्यठॖ कौंसरनाग सर किस दामनस तान्य छि लगबग 15 किलोमीटर वथ पकॖन्य।वति छु यिवान टुसु गाम ति। ॳथ्य सॗत्य छि वार्याह थऺज़ बालॖ तंदल य्यॊस आकाशस तान्य बासान छि तॖ ॳथ्य अंद्य-पऺख्य अलाकस छि वनान काव भट। यिहऻय जाय आसि नील पर्वत।वनॖनॖ छु यिवन ज़ि अति छु वुनि ति काक भुष्ण्डी जियिन कथ तॖ काव काव शब्द कनन गछ़ान ति क्याज़ि सु छु च़िरज़ीव तॖ छु कावॖ रूपस मंज़ॖय ॳथ्य वनस मंज़ रूज़िथ। अति बसन वाल्यन लूकन तॖ सारिनॖय कऻशर्यन ॴस अथ कथि प्यठ श्रद्दा तॖ यिनॖ वोल वऺरी अन्न धन रंग्य फ्रूच़ नेरनॖ खऻतरॖ ॴस्य अस्तुति करान।तवय छि कावॖ पुनिम द्वह सऻरीय कऻशिर्य बट्टॖ काव-प्वतलिस (तीरचि शक्लि) प्यठ श्रूच़ तऺहर थविथ बसंत कावस यानि काकभुष्न्डि जियस नाद लायान।
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
"अपन्नोस्मि शरण्योस्मि सर्वास्था च सर्वदा
भगवन्तम् प्रपोन्नोस्मि रक्षमाम शरणागतम्"
पऺरिव यि मंत्र ति दॊहय
**********************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

19.02.2019

19.02.2019, माघॖ ज़ूनॖ पछॖ (शुक्ल पक्ष) पुनिम  (पूर्णिमाशी), बॊम्वार (मंगलवार) श्री सप्तार्षि सम्वत 5094, राश सिंह (दुहचि 11.2 बजि प्यठॖ), ऋतु शिशर (चलान)..माघॖ-पुनि/कावॖ पुनिम ति छि अज़
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: हर्दॖ गुरुस म्यॆथरस
         सौंतॖ गुरुस शॆत्रस
    अ: हर्दॖ छु गुरुस वयान तॖ
         सौंतॖ नॖ
2. मु: हर कमाले राज़ वाले
    अ: कमालस वऻतिथ ति छॆ
         नॖ पायदऻरी/कमालस
         पतय ज़वाल
3. मु: हरमॊख गॊसऻन्य
    अ: नॊन तॖ छॊन/जऺख्य
          जऺख्य नॖ पूरुन
4. मु: हश ति थज़रय न्वश
         ति थज़रय, देग दऺज़ी
         तॖ वालि कुस
   अ: ज़िठिस तॖ कॗन्सिस मान
        मान लगॖन्य/मान मान
        लऺगिथ न्वख्सान गछ़ुन
 5. मु: हश गऺयि तॖ न्वशि कॊर
          आराम
     अ: हश मऺरिथ न्वश स्वख
          तुलान/ज़िठ्य गऺलिथ
          ज़िछर प्रावुन
**********************
1. खाद..... Manure
2. खेद..Sorrow/Repent
            Grief/Anguish
3. खेद करुन....To repent
            To feel sorrow-
        ness/To be griev
        -ed
4. ख्यलॖ वऺथॖर....Lotus
                        leaf
5. खिलॖ मिलॖ गछ़ुन...To
           disappear/To
           vanish/Be con
           -cealed
6. खिस्कुन.....Slip away/
           To decamp with
7. खिरिक्य....Window
8. खऺहरन दिन्य....To
            sharpen knife
9. खॖन्य....Nasal mucus
10. खॖंज़......Bribe
**********************
    गीता ज्ञान :अध्याय-10
नाश करन वोल मोथ म्यॆ ज़ान
पऻदॖ करनुक ति बॖय कारन
कर्ती सुमर्ती तॖ क्षमा म्यॆ ज़ान
वॊन भगवानन गीता ज्ञान
**********************
कावॖ पुनिम। ल्वकॖचारस ओस नॖ पताह लगान या फिकिरी तरान ज़ि यि काव पुनिम द्वह क्याज़ि ॴस्य ॳस्य कऻशिर्य बट्टॖ मनावान।तिथय पऻठ्य यिथ पऻठ्य सान्यन ॳज़्यक्यन शुर्यॆन छॆ नॖ पताह ज़ि यि द्वह क्याज़ि छि मनावान। यि ॳज़्युक द्वह छु यिवान बडॖ रुत द्वह मानॖनॖ।
"काव बटॖ कावो ख्यच़रे कावो, गंगय ज़लय श्राना कऺरिथ, गुरे म्यॆच़े ट्यॊकाह कऺरिथ, वलबा साने नवे लरे कनदरे बॆह, वरि बता ख्यॆह।"
दपान श्री राम तॖ लक्ष्मण जी यॆलि इन्द्रजितन नागपाशस मंज़ बंद कऺर्य तॖ म्वकलऻव्य गरुड जियन।अति गऺयि गरुड जियस मनस शंका। यि शंका दूर करनॖ बापथ वोत ॴखॖर शिव जियस निश। तऺम्य सूज़ भुषुण्डि जियस निश तॖ वॊनुनस
अथ पतॖ कथ य्यॊस छि स्व वनव पगाह।
तॗर हमॆयि मगर म्वकलेयि नॖ ति क्याज़ि अज़ म्वकॖल्यव चिल्लॖ ख्वरुद तॖ ॳज़्यकि प्यठॖ गव चिल्लॖ बच्चॖ शुरु युस दऺहन दॊहन रोज़ि असि तॗरिहुन्द एहसास करनावान।
पतॖ वुछव ॳस्य बसंत वारॖकारॖ
**********************
"कर्पूर गौरं कर्नावतारम् संसार सारं भुजगेन्द्रहारम्
सदा रमन्तम् हृदयारविन्दे, भुवम भवानि सहितम नमामि।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

18.02.2019

18.02.2019,माघॖ ज़ूनॖ पछॖ (शुक्ल पक्ष), च़्वदाह (चतुर्दशी), च़ऺन्दॖरवार (सोमवार), श्री सप्तर्षि सम्वत
5094, राश कर्कट (चलान), ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: हल्यन बानन वुकॖर्य
         ठानॖ
    अ: हिविस ह्यु समखान
2. मु: हलय नो डलय नो
         पनॖनि हेनि च़लय नो
    अ: ॳक्यसॖय कथि प्यठ
         डाड करुन
 3. मु: हऺस्य यॆड गासॖ गॆड
     अ: स्यठा ज़रूरथ आसुन
         मगर स्यठा कम बनुन/
          कम ख्यनॖ सॗत्य छॆ नॖ
          यड खसान
 4. मु: हकस तॖ हाकस कुनुय
          करुन
     अ: सारिनॖय चीज़न कुनुय
          करुन
 5. मु:हऺस्यतिस खऺसिथ बेछुन
     अ: थदि पायि रोज़ुन तॖ
           कऻम करॖन्य लॊति
           पायि
**********************
1. खोच़ॖबुड.... Coward/
                   Timid/Shy
2. खूच़्य खूच़्य...Fearfully
3. खोच़ुन....To be fright-
              ened/To dread
4. खॊंद.....Wound/Sore
5. खॊश खॊवुर....Improp-
             er/Unsuitable/
             Unfit
6. खॊश....Left handed
7. खॊच..A kind of open
              boat
8. खॊट...Faulty/Defec-
             tive/Adulterat-
             ed/False
9. खॊटमुत...Hidden/
                   Concealed
10. खॊत.....Nook/A
              Corner/Secret
              place
**********************
      गीता ज्ञान :अध्याय-10
अछरन मंज़ ओम् काल सुन्द महाकाल
सारिनॖय उदार करन वोल तॖ रक्षिपाल
च़्वपऻर्य म्वख वोल विराट म्यॆ ज़ान
वॊन भगवानन गीता ज्ञान
**********************
राथ यानि सदऻहिमि फरवऺरी ज़ॖ सास कुनवुह तॖ आथवारि द्वह ओस दिलशाद गार्डॖनॖ हवन युस ततिचि कशमीरी  पंडित सभायि दऺस्य आव करनॖ बडॖ धूम धाम सान। संस्थायि हुन्द प्रॆज़िडैंट श्री रमेश ज़ाडू सऻब तॖ तऺम्यसॖन्द्य बाकय सदस्य ॴस्य व्यवस्था करनस मंज़ लऺगिथ ज़ुव जानॖ सान। व्यवस्था ॴस नफीस तॖ मुकमल। लूख यानि भक्त-गण ॴस्य आमॖत्य दूरि-दूरि जायि प्यठॖ। रोहनी, गाज़ियाबाद, साकेत, शालामार गार्डॖन, वैशाली वगैरा वगैरा। मगर अख चीज़ युस म्यॆ नज़र आव ज़ि कम उम्र वऻल्य भक्त ॴस्य न आसनस बराबर। यानि द्वन त्रॆन हतन लूकन मंज़ ॴस्य मसा सथ ॴठ बच्चॖ त्रॆ च़ोर कोरि तॖ त्रॆ च़ोर लऺडकॖ यिहॖन्ज़ वऻन्स ॴस वुह वॖहरिस ताम।
बाकॖय ॴस्य सऻरी चतजी ह्यॊर ह्यॊरॖय ब्वन नॖ कांह। म्यॆ छु बासान सान्यन शुर्यन छु ज़्यादॖ ज़रूरथ यिमन हवनन मंज़ शिरकत करनुक ति क्याज़ि यिम छि धार्मिक काम्यन निशि स्यठाह दूरेमॖत्य तॖ यिमन छि आस्था वारॖ वारॖ कम ह्यवान गछ़ॖन्य। मऻलिस माजि छु पनॖनि ख्वतॖ पनॖनिस शुरिस या शुर्य सॖन्दिस शुरिस यिमन जायन वथ हावनॖच ज़रूरथ। तिहॖन्दि कॗमति समयि मंज़ थोडा समय अध्यात्मक काम्यन बापथ कडुन छु त्यूतुय ज़रूरी यूताह तिमन ख्यनुक-च्यनुक छु।
**********************
"अपन्नोस्मि शरण्योस्मि सर्वास्था च सर्वदा।
भगवन्तम् प्रपोन्नोस्मि
रक्षमाम् शरनागतम"
पऺरिव यि मंत्र ति दॊहय
*********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

17.02.2019

17.02.2019, माघॖ ज़ूनॖ पछॖ (शुक्ल पक्ष) बाह (द्वादश), आथवार (रविवार/एतवार), श्री सप्तर्षि सम्वत 5094, राश कर्कट (दुहचि 11.22 बजि प्यठॖ), ऋतु शिशर (चलान)...चूंकि पगाह छि त्रुवाह रावान, त्रुवुश हुन्द वॊहरवोद यी ॳज़्य यानि बऻश द्वह
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: हलि ति श्राख तॖ बलि
         ति श्राख
    अ: प्रथ तरफ़ॖ खोफ़ तॖ
         ख़तरॖ आसुन
2. मु: हऺलिस कऺलिस ख्वदा
         दोस्त
    अ: स्यज़रस पज़रस छु नॖ
         ज़वाल/सादगी छि
        लाज़वाल
3. मु: हलि गन्डॖन लायक़
         ज़्यव आसॖन्य
    अ: कथॖगॊर आसुन
4. मु: हम प्यालॖ हम निवालॖ
    अ: इकॖवटॖ ख्यन-च्यन
         करनवऻल्य/सॗत्य सॗत्य
         रोज़नवऻल्य/कुनी कथ
         आसॖन्य
5. मु: हनि प्यठ हन खसॖन्य
    अ: व्यठुन/व्यठुन-पॊठुन
**********************
1. ख्वडॖफेंचल...Mischie-
                        ous
2. ख्वडॖक्यॊम...An insect
              (Wood insect)
3. ख्वडॖमॊंड...Part of the
             tree between
          roots and stump
4. ख्वरॖशोर...From head
                    to foot
5. ख्वर च़ानुन...To enter/
               To make way
6. खुर्यदार...Twisted/
                 Complicated
7. खुर कासुन..To resolve
             complication/
             Untwist
8. खुर युन..To be involv-
            ed in problems/
            To be twist
9. खुलॖ....Open/Wide
10. खुला... Divorce
**********************
      गीता ज्ञान : अध्याय-10
सृष्टियन हुन्द आदि अंत ब्यॆयि दरमियान
विद्यायन मंज़ म्यॆ ब्रह्मॖ विद्या ज़ान
बहस करन वाल्यन हुन्द वाद म्यॆ ज़ान
वॊन भगवानन गीता ज्ञान
**********************
पंडित पोष्कर नाथ रैना जियन युस ज्यॆमि मनोरमा विहारॖ रोज़ान छु, छि पनॖनि ॳकिस किताबि "ह्यंज़े वनवुन हियमाल" मंज़ सान्यन कॆंच़न संस्कारन मुतलक वारियाह कॆंह ल्यूखमुत व्यछ़नऻविथ तॖ कॆंच़न तिमन कथन हुन्द ग्यान छु असि ति मेलान यिम सानि द्यमागॖ मंज़ द्रामच़ॖ छि कुनि न तॖ कुनि कारणॖ। श्री मोहन लाल आश जियन ति छि सान्यन संस्कारन प्यठ स्यठाह कॆंह ल्यूखमुत मगर परन वाल्यन हॖन्ज़ व्यछ़य छि। यॊदवय कांह परान ति छु, अमलि मंज़ अनॖनॖच व्यछ़य छि। म्यॆति वोत मोबायलॖ दऺस्य  वारियाह कॆंह वनान तॖ लूख छि तऻरीफ़ करान म्यानि कामि मगर तऻरीफ़न सॗत्य सॗत्य अगर म्यॆन ब्यॆनि बऻय यिमन कथन प्यठ अमल करन तॆलि क्याज़ि रावि असि काहन गाव। कूशिश छि करान ज़ि ॳस्य गऺछ़्य नॖ पनॖनि वति होरॖ योर डलॖन्य तॖ मऺत्य आबस मंज़ रलॖन्य तवॖ मूजूब छु ज़रूरी ज़ि ॳस्य दिमव पनॖन्यन संस्कारन अकि फिरि फ्युर तॖ छ़ान्डनॖच कूशिश करव तिम चीज़ तिम संस्कार यिम असि निशि दूर ह्यवान छि गछ़ॖन्य। पनॖन्यन शुर्यन छु असि पिह पिह छ़ुनुन तॖ तिमन पनॖन्यन ज़िठ्यन हॖन्ज़ॖन रॖच़न काम्यन कुन कन दिवनावुन ताकि तिमन तरि फिकिरी ज़ि तिम कमि थदि ज़ऻच़ हॖन्द्य अनमोल रत्न छि। संस्कारन रऻछ करॖन्य तॖ रऻछ करनावॖन्य छि सऻन्य ज़िमॖवऻरी तॖ सोन फर्ज़ तॆलि ह्यकव ॳस्य नखॖ वऻलिथ पनॖन्यन ज़िठ्यन हुन्द कर्ज़ न तॖ रोज़ि यि मर्ज़ असि ॳट्य ॳट्य कडान।
**********************
"माता भवानि च पिता  भवानि, बन्धु भवानि सखा भवानि।
विद्या भवानि द्रविनम भवानि
यतो: यतो: यानि ततो भवानि"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

16.02.2019

16.02.2019, माघॖ ज़ूनॖ पछॖ (शुक्ल पक्ष) काह (एकादशी), बटॖवार (शनिवार/शनिश्चरवार) श्री सप्तर्षि सम्वत 5094 राश मिथुन (चलान) ऋतु शिशर (चलान)...अज़ छि भीमसेन काह ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ॖ अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: हन हन गलान पनॖन्य
         हऻन नॖ च़लान
    अ: बऺदी लगातार करॖन्य/
         वऻन्सि नॖ बुरऻई त्रावॖन्य
2. मु: हंगॖनय तॖ रंगॖनय ज़ंगॖ
         ज़ेछि हॖनिनय
    अ: ज़िठ्यन नॖ यज़थ तॖ
         मान करनवोल/वॊहव
3. मु: हूनि मऺशीदि हुन्द जिन
    अ: कुनि मकानस मंज़
         यॆलि कुन्यसॖय ज़ऺनिस
         प्यॆयि रोज़ुन
4. मु: होवमुत गव रोवमुत
    अ: हावुन छु रावरावुन/
         कऻन्सि कॆंह हावुन गव
         रावरावनस बराबर
5. मु: हून्य माज़स वातल
         वाज़ॖ
    अ: कऺमीनस सॗत्य कऺमीन-
          गी करॖन्य
**********************
1. खर.....Donkey/Ass
2. खॖर.....Slip
3. खार.... Blacksmith/
                To raise up/   
          Weight (Approx.
           a quintle)
4. खिर.....A sweet dish
       (Made of rice and
         milk)
5. खुर....Twist/Distor-
               tion
6. खूर.....Razor/Safety
               razor
7. खूर करुन....To have a
                  clean shave
8. ख्वर....Foot
9. ख्वरॖबानॖ...Shoe
10. ख्वरॖ गन्ड..Tied feet/
              Settlement of
              marriage
**********************
     गीता ज्ञान  :अध्याय-10
पवॆत्र करन वाल्यन मंज़ म्यॆ
हवा ज़ान
शस्त्र दारियन मंज़ श्री राम भगवान
नऺदियन मंज़ बागीरऺथी गंगा म्यॆ ज़ान
वॊन भगवानन गीता ज्ञान
**********************
लऺगनॖ चिरि ह्यथ छु यिवान ब्रह्मुन तॖ ब्यॆ यि शेछ वनॖनि ज़ि लऺगनुक समय छु फलऻन्य द्वह फलऻन्य वख्तॖ तॖ बरऻच़ हॖन्ज् संख्या यानि कऻत्या नफ़र आसन बरऻच़ सॗत्य वगैरा वगैरा मगर बासनस तल छु अज़कल यिवान ज़ि यिमन चीज़न प्यठ छि अमल कमॖय पाहन यिवान करनॖ। ग्वडॖ छि नॖ असि कऻशिर ब्रह्मन नज़रीय यिवान। बरऻच़ मंज़ ति छु वुछंनॖ यिवान ज़ि अज़कल छि गंज़रिथॖय नफ़र यिवान यानि पॊतकालॖ पऻठ्य स्व बऺड बरात यथ मंज़ ज़ं, त्रॆ या च़ोर हथ बरऻत्य ॴस्य आसान, तमि हिसाबॖ छि अज़कलॖच बरात मसा हथ शथ या डॊड हथ ज़यादॖ ख्वतॖ ज़्यादॖ आसान। ब्रह्मा जी  यिम मंत्र परान छु लऺगनॖ मंडपस प्यठ तॖ यिम शरायत थवनॖ छि यिवान माहराज़स तॖ माहर्यॆनि बापथ ब्रौंहकुन पूरॖ करनॖ बापथ तिम शर्त ति छि नॖ पूरॖ करान अज़कलुक रून तॖ ज़नान। अख शर्त छु ज़ि ब्रह्मा जी छु नव या काह डून्य दिवान माहर्यॆनि तॖ तमिस छि तिम डून्य आसान त्रावॖन्य पनॖनिस हॆहरॖसॖन्दिस हलमस मंज़ यि वऻदॖ कऺरिथ ज़ि यीत्य यिम डून्य छि तीत्य शुर्य करख बॖ पऻदॖ यॆमि सॗत्य खानदान ओरुत तॗ बॊरुत रोज़ि शुर्य़व-कट्यव सॗत्य तॖ खांदानॖच परंपरा रोज़ि वऺरी बद्यन चलवॖन्य। मगर तिम डून्य कुस कऺमिस दिवान छु, दिवान ति छा, तिम डून्य हॆहरसॖन्दिस हलमस मंज़ त्रावनॖ छा यिवान ति, म्यॆ ज़न छु अथ मुतलक शकॖय बासान। तॖ अगर यि शर्त या यि रसॖम चलान छु वुनि ति तॆलि क्याज़ि छि शुर्य ज़्यॆवरावनस अकिस या दॊन्य प्यठ रोक लगान। तॆलि गऺछ़ शुर्यन हॖन्ज़ संख्या ज़्यादॖ आसॖन्य प्रथ गरस मंज़।अगर तीतीय शुर्य यानि अख या ज़ॖय छि थावॖन्य, तॆलि गछ़न अख या ज़ॖय डून्य ति यिनॖ माहर्यॆनॖ दिनॖ। यिथय पऻठ्य छि ल्वकॖट्य म्वकॖट्य शर्त वारियाह मगर अमलि मंज़ छिनॖ यिवान। मतलब ज़ि अथ लऺगनस क्याह महत्व रूद व्वंय। कथ छि जऻरी
**********************
"त्वमेव माता च पिता त्वमेव
त्वमेव बन्धु: सखा त्वमेव।
त्वमेव विद्या द्रविनम त्वमेव।
त्वमेव सर्वम् मम देव देव।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

15.02.2019

15.02.2019,माघॖ ज़ूनॖ पछॖ (शुक्ल पक्ष), दऺहम (दशमी)शॊकुरवार (शुक्रवार/ जुम्मा), श्री सप्तर्षि सम्वत 5094, राश मिथुन (9.31 बजि प्यठॖ), ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: होन्यन सॗत्य तुल ख्यॆन
    अ: यज़थ नॖ आसुन/
         अहम्यित नॖ रोज़ॖन्य
2. मु: हून्य हून्य हर करान
         तॖ जंगॖ विज़ि कुनीय
    अ: पनुन न्याय मऺशरऻविथ
         मुशतरकॖ दुशमनस
         मुकाबलॖ करुन
3.मु:हॊन्दुर ख्यख नॖ वुशनिस
       प्रारख नॖ
   अ: बऺल्य माज़रथ/अपुज़
        बजर
4. मु: हून आसुन जान कूंस
         आसुन नॖ
    अ: कॗन्सिस छि सऻरी
         हॊकुम कडान
5. मु: हून्यसुन्द ह्यु स़बूर
    अ: कऻफ़ी स़बॖर करुन/
         संतोष करुन
**********************
1. खोंट...Half part/Half
              side
2. खोलुन....To open/To
              display/To dis-
              close
3. खोल.....To open/
              Kernel/Inner
              part of a nut
4. खॊखुस.... Mischief/
                 Wickedness
5. खोस.....Cup (made
                alloy metal)
6. खोसॖ.....Having no
                 beard
7. खॊखुर करुन..To make
                          hallow
8. खॊखुर.......Hallow
9. खॊखॖज..... Crawling
                     (of child)
10. खॊखॖज यिन्य...To
              begin crawl-
              ing on knees
**********************
      गीता ज्ञान : अध्याय-10
दॗतन मंज़ प्रहलाद ग्रंज़ मंज़ समय ज़ान
पशन मंज़ बॖ पादर सॖह बलवान
परिन्दन मंज़ म्यॆ गरुड जी ज़ान
वॊन भगवानन गीता ज्ञान
**********************
खांदरन छि अज़ ति करान। खऻंदर ॴस्य तॆलि ति करान। मगर वख्तस सॗत्य सॗत्य आव रीच़न तॖ रिवाजन मंज़ बदलाव। दाजस दहेजस मंज़ बदलाव। ह्यॆतिस दॆतिस मंज़ बदलाव। व्यवस्थायि मंज़। ख़यालन मंज़। अतरावनस व्यतरावनस मंज़। शूब-शर्मि मंज़। तुलनस त्रावनस मंज़। यानि सऻर्यसॖय माहौलस मंज़ आव बदलाव। सऻन्य बुज़र्ग छि अज़कलॖक खांदर वुछिथ हऻरान गछ़ान। मगर छु शायद यि वख्तुक तकाज़ यॆमि हिसाबॖ अज़कलॖक खांदर गछ़ान छि। जायि बदली द्युत सान्यन सारिनी काम्यन फ्युर तॖ ॳस्य आयि ह्यनॖ यथ फ्युरॖ-थुरिस मंज़। क्रूल कत्यन खारान। द्वार पूज़ा कत्यन करान। दानस प्यठ कुस बिहान। लाय-बोय या कऺन्य मॊहन्युव कति व्वंय। पॊत माहराज़ॖ न कुनी। वनवुन न कुनि। शॆंकॖ-शब्द नॖ कुनि। क्वत गऺयि यिम चीज़। कति रूज़ सॊ सऻन्य जिय क्वत गऺयि सॊ माय। यि असि प्यठ प्यॆयि यि कस्सन्ज़ छ़ाय।
**********************
"ओम् शंंनोमित्र:। शं वरुण:।शं नो भवत्वर्यमा।
शंनो इन्द्रो बृहस्पति:। शं नो
विष्णुरुरुक्रम:।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

14.02.2019

14.02.2019, माघॖ ज़ूनॖ पछॖ (शुक्ल पक्ष) नवम (नवमी), ब्रसवार (वीरवार/ ब्रहस्पतवार), श्री सप्तर्षि सम्वत 5094, राश वृष (चलान), ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: हून्य ख्यॆयि बस्तॖ खलर
    अ: बे-सूद कऻम
2. मु: हूनिस म्वख्तॖ हार
    अ: बे-क़दरस क़दॖर
3. मु: हॊल गऺन्डिथ बतख़
         नच़ॖन्य
    अ: लडऻय करॖन्य
4. मु: हॊल गऺन्डिथ हर करॖन्य
    अ: हर करनॖ बापथ प्रथ
         विज़ि तयार
5.मु: हॊल क्याह करि स्यॆदिस
    अ: स्यॆदिस सादस छु नॖ
         कऻन्सि हुन्द हजर कॆंह
         करान
**********************
1. ख्वर....Feet
2. खोवुर...Left side
3. होवुर...In-laws
4. ख्वठ... Defective/
       Useless/Adverse
5. ख्वठ नियथ...Evil wish
        Evil intention/Bad
        intention
6. खॊपॖर....Hut/Cottage
7. ख्वड......Ditch
8. ख्वन...Lap/Adoption
9. ख्वनि रटुन...To hold in
                       lap
10. ख्वनि ख्वनि रछुन..To
            rear/Cherish/
           To bring up/
           With affection
**********************
     गीता ज्ञान  :अध्याय-10
नागन मंज़ शीशनाग ज़ल राज़ॖ वरुन दीवता
पॆत्रन मंज़ प्यॆत्र नावॖ अरीयमा
हुकुम दिनॖ वाल्यन मंज़ यमराज़ॖ ज़ान
वॊन भगवानन गीता ज्ञान
**********************
यिमन शंख वायुन पज़ि तिम छि आसान नच़नस सॗत्य मस्तॖ। शंख छि करान हवालॖ बड्यन बुज़र्गन यिम नॖ ह्यकान छि शेंकॖ शब्द दिथ। खालॖय कऻन्सि छु अज़कल संख पानस सॗत्य आसान म्यॆ बासान। बैंड-बाजॖ छु चलान बे रोक-टोक। कोरि वऻल्य बिचऻर्य छ़ॊपॖ दम कऺरिथ वुछान प्रारान अथन मंज़ पोशॖमालॖ या रॊपियि हार ह्यॆय ह्यॆय ज़ि कर गछ़ि बैंडस थख तॖ माहराज़ॖ अच़ि अंदर। जंगॖ छि थकान व्वदनी रूज़्य रूज़्य। अज़कल छॆ नॖ तीच़ त्वछ़ ति ज़ि वारिहास कालस प्रारन खड़ा रूज़िथ। यि प्रथा ति प्रऻव असि टनलि यपारीय। कऺशिरि मंज़ ओस नॖ बैंड बाजुक रिवाज कॆंह। कोचस अच़वुनुय ओस यिवान शेंकॖ शब्द दिनॖ तॖ छग ॴस लगान कोरि वाल्यन ज़ि माहराज़ॖ हऻय आव। अंदर ॳछ़िथॖय आसॖ ज़नानॖ वनवन हुर त्रावान मगर व्वंय छु खालॖय कांह वनवान। वनवनस कोताह महत्व ओस आसान यि ह्यॆकि सुय वऺनिथ युस अमि तारॖ तॊरमुत आसि। वनवनस मंज़ छि सिरिफ ॴही आसान यॊस माहराज़स तॖ माहरॆनि यिवान छि करनॖ वीद मंत्र पऺर्य पऺर्य। ह्यॆंज़े वनवुन छु सान्यन सारिनॖय संस्कारन सॗत्य सॗत्य पॊतकालॖ प्यठॖ आमुत चलान मगर यि प्रथा ह्यॆच़ॖन्य ज़न छ़्वकॖन्य। ह्यॆंज़े वनवुन ओस सान्यन माज्यन ज़्येवि पॆतिस प्यठ याद आसान मगर तिम बुडॆयि अजि तॖ वाच़ॖ स्वर्गस अजि। व्वंय छु ह्यॆंज़ॆ वनवुन किताबन मंज़ लीखित मगर कऻशुर परनवऻल्य छि कति तॖ कऻत्याह। इस्लिये रोज़ॖ तिम किताबॖ ति ताकस। वनॖ च्यन यार्यन ख्वदाय सुन्द सग। अज़कल छु माहराज़स तॖ माहर्यॆनि दय सॖन्ज़ ॴही पकान रोज़ान शंखॖ नादॖ रॊस तॖ ह्यॆंज़ॆ वनवनॖ रॊस्तुय। यथ खांदरस मंज़ वुनि अमिच प्रथा नज़र यी या यिवान छि तथ गरस छु म्योन नमन।
**********************
नन्दणतु साधका  सर्वे विनष्यन्तु विदूषिका
अवस्थाम् शामभ्वीमsस्तु
प्रसन्नस्तु गुरु सदा
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
( koshursabak.blogspot.com ति वुछिव)

13.02.2019

13.02.2019, माघॖ ज़ूनॖ पछॖ (शुक्ल पक्ष), ॴठम (अष्टमी), ब्वदवार (बुधवार),श्री सप्तर्षि सम्वत 5094, राश वृष (चलान) ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: हऺस्य दरेयि नॖ वावस
         तॖ बुजि कऺड कपस
    अ: ऒछ़ करि बाज़े ॳर्य
         दऺर्य सॖन्दि ख्वतॖ अहम
         कऻम/यथ कामि ज़ो-
         रावार खोच़ान तथ छु
         कमज़ोर निवान कऺरिथ
2. मु: हॆम्य क्यॊम
    अ: ग्वनहऻन छु सज़ा सॗत्य
3. मु: हशि हॖन्द्य पांछ़ द्वह
         न्वशि हॖन्द्य पांछ़ द्वह
    अ: प्रथ कऻन्सि थज़रॖक्य
         द्वह यिवान
4. मु: हॆरि वऺछ़ॖस अनिगटि
         बुथ छॊलुम बऺरिथ नटि
         यथ गरस यी वति
    अ: बॆयिस गरस मंज़ गछ़ि
         ती करुन यि तति गरॖ-
         वऻल्य करान आसन
5. मु: ह्यनॖ आयस म्यॆ नॖ राह
         गटॖ कारस वनॖ क्याह/
         ह्यनॖ आस म्यॆ नॖ राह
         तक़दीरस वनॖ क्याह
    अ: बदकॖस्मती किन्य बे-
         ग्वनाह फ़सुन/सोरुय
         तक़दीरस प्यठ त्रावुन/
     हंगॖ मंगॖ कुनि मंज़ फसुन
**********************
1. ख्यफ अथॖ यिन्य....To
                  get a large
                  amount of 
                  money
2. ख्यच़ॖर....A dish pre-
          pared from rice
          and pulse boiled
          together
3. क्षमा/ख्यमा... Pardon/
                         Apology
4. ख्यन....Food/Eating/
                Edibles
5. ख्यन त्रावुन...To give
                    up eating
6. ख्यन मशुन...To forget
             to eat/To be
             worried
7. ख्यय....Deminution/
                Destruction/
                Removal
8. ख्यॊल....A group (of
                 sheep)
9. ख्यथ छ़ुनुन...To eat/
              Disgrace/To
              overawe
10. ख्यनॖ बुलबुल...One
            who eats very
            little
**********************
     गीता ज्ञान :अध्याय-10
हथ्यारन मंज़ वज़्रॖ गऻवन मंज़ कामदीन
सनातन उतपती कारनॖ कामॖ दीवनॖय
सर्पन हुन्द राज़ॖ म्यॆ वासुकी ज़ान
वॊन भगवानन गीता ज्ञान
**********************
खांदरन मंज़ श़ंख नाद बोज़नस गव समया अख। व्वंय ज़न छु मऺशथॖय गोमुत शंख वायुन माहराज़ सॖन्दि गरि नेरनॖ प्यठॖ गरॖ वापस यिनस ताम माहर्यॆन ह्यथ। बस अगर कनन गछ़ान छु तॖ सु गव किरायस प्यठ ऒनॖमुत बैंड-बाजॖ युस नॖ सऻनिस समाजस मंज़ ज़ांह रिवाजी ओस। शंख नादस छि दपान ओस या छु पनुन अख मज़ॖ तॖ महत्व। दपान शंखॖ नादॖ सॗत्य छि अलाय-बलाय दूर सपदान। देवलूकस ताम आवाज़ वातान तॖ ॴशिर्वाद मेलान माहराज़स तॖ माहर्यॆनि। पूज़ायि वख्तॖ शंख नादस ति छु यी मतलब ज़ि ॳस्य छि दीवी दीवताहन आवाहन करान। न्यमंत्रन दिवान यिनॖ बापथ। अलाय-बलाय दूर गछ़नॖ बापथ। मुसलमानन हॖन्ज़ अज़ान तॖ सोन शंखॖ नाद। कॊत गव सु खांदरुक शेंकॖ शब्द? न छि व्वंय बोज़ान यॆलि माहराज़ॖ व्यीगिस प्यठ छु खड़ा आसान। न छि शेंकॖ शब्द बोज़ान यॆलि बरऻच़ सॗत्य माहराज़ होवुर वातान छु। न छि बोज़ान यॆलि माहर्यॆनि विदऻयी छि आसान तॖ न छि बोज़ान यॆलि माहराज़ तॖ माहर्यॆन वापस गरॖ यिवान छि। न छि लगनस प्यठ शॆंकॖ शब्द बोज़ान तॖ न छि व्वंय पूज़ायि प्यठ ति बोज़नस तल यिवान। म्यॆ वुछ वारिहान जायन ज़ि कॆंह बऻय छि पनॖनकिन्य कूशिश करान मगर तिमन छु नॖ शॆंकॖ शब्दॖय द्युन तगान ति क्याज़ि हऻलॖय छि मऺठमॖच़। शाहॖय छु नॖ खसान शंख नाद दिनॖ बापथ। बैंड बाजन न्यू सोन शंख नाद वरगॖलऻविथ। असि ति ज़ोन हज़ीमतस ग़नीमथ असि ति छ़ुन मऺशरऻवऻथ। रामॖ लगय च्यानि लीलाये। कथ जि जऻरी
**********************
"राज स्वस्थि प्रजा स्वस्थि देश स्वस्थि तथैवच, यजमान गृहे स्वस्थे स्वस्थ गौ ब्रह्ममणेषु च।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

12.02.2019

12.02.2019, माघॖ ज़ूनॖ पछॖ (शुक्ल पक्ष) सतम (सप्तमी), बॊम्वार (मंगलवार), श्री सप्तर्षि सम्वत 5094, राश वृष (रऻच़ हॖन्ज़ॖ 4.18 बजि प्यठॖ), ऋतु शिशर (चलान)...अज़ छि सिर्यि सतम (मार्तण्ड तीर्थ यात्रा)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: ह्यन हय आसिहेस
         ख्यन मशिहेस
    अ: यॆम ह्यन आसि रॊटमुत
         सु करि नॖ दुबारॖ अतुर
2. मु: ह्यंग नय आयस वछ़ॖरॖय
         रोज़ि
   अ: यस नॖ बजरुक एहसास
         आसि
3. मु: ह्यॆछुन छु इन्सानस
         मरनांतस ताम
    अ: ह्यॆछनस छॆ नॖ वऻन्स
4. मु: हऺर फुटि मगर ग्यॆड नॖ
    अ: समुत छु ज़ोरावार/
         यकुत छु बलवान
5. मु: हस्यत्यन गुर्यन ज़ीन
         करुन
    अ: कुनि कारि खऻरॖच
         तयऻरी करॖन्य
**********************
1. खुलॖ.....Open/Wide
2. खुलम खुला...Openly/
                        Publicly
3. खुलाह.. Divorce
4. खचाखच...Full to
             capacity/Over
         crowded/Stuffed
         together
5. खूंख....One who
                 speaks with
                 nasal voice/
                snuffle/Snort
6. खोच़ॖन्यल... Coward/
                      Timid
7. ख्यावुन....To make
           someone eat/
           To feed
8. खऺरिल....Vulgarity/
                  Mischief
9. खऺज़ॗर कुल..Date plant
10. खीमॖ......Tent
**********************
     गीता ज्ञान :अध्याय-10
ऋषन मंज़ ब्रगू ज़प यऺगॖन्य हवनन मंज़
अख अक्षर ओंकार अछुर ज़ान
कुल्यन मंज़ म्यॆ पीपल कुल ज़ान
वॊन भगवानन गीता ज्ञान
**********************
ॳज़्यकि द्वह ॴस्य गछ़ान कशीरि मंज़ मटन तॖ तति ॴस्य पनॖन्यन पूर्वजन या प्यॆत्रन यिम स्वर्गस गऻमॖत्य छि तिहन्दि नावॖ श्राद हावान।मटनॖकिस नागस मंज़ आसॖ ल्वकचि ल्वचि गाडॖ आसान तिमन ॴस्य दानॖ त्रावान रोज़ान तॖ तिमन गाडन हुन्द सु दानन प्यठ व्वटॖ त्रावॖन्य ओस अख अलगॖय नज़ारा नज़र यिवान। दपान छि यिम गऺयि नागॖ गाडॖ, रछिन्य जान ख्यॆनॖ नॖ। ज़ानि दय अथ कथि पतॖ क्याह आधार छु रूदमुत। नागॖ गाडॖ क्याज़ि पज़न नॖ ख्यॆनि, यि बूज़ नॖ म्यॆ कऻन्सि निश वुन्यख ताम।मगर अज़ ताम छु म्यॆ हऻबत ज़ि यि गाड ख्यॆन्य छु नॖ मुनऻसिब। अथ नागस मंज़ यॊतताम म्यॆ याद छु कॆंह रंगदार गाडॖ ति। जान मेलॖ ओस लगान ॳज़्यकि द्वह कऺशीरि मंज़ मटन मंदरस मंज़ यथ ॳस्य वनान छि मार्तंड ति।
**********************
"सर्वे भवन्तु सुखिना सर्वे सन्तु निरामया, सर्वे भद्रानि पश्यन्तु मा कश्चित दु:खम भवेत।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

11.02.2019

11.02.2019, माघॖ ज़ूनॖ पछॖ (शुक्ल पक्ष), शॆयम (षष्ठी), च़ऺन्दॖरवार (सोमवार),श्री सप्तर्षि सम्वत 5094, राश मेष (चलान),ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: हाकॖ च़ूरस गलि चपाथ
    अ: युथ जुरुम त्युथ सज़ा/
         ल्वकचि च़ुरि ल्वकटुय
         सज़ा
2. मु: हिरि खसान खिरि
         टऻक्य
    अ: पानय कथॖ करनि तॖ
     वनॖनि/अफ़वा फऻलावॖन्य
3. मु: ह्यॊत कऺम्य तॖ द्युत कऺम्य
   अ: नखॖ वालनस नॖ खऻयश
        आसॖन्य/यॆति नॖ प्रछ़गऻर
        आसि
4. मु: ह्यॊन नॖ आसुन द्युन नॖ
         आसुन
    अ: कुनि मंज़ नॖ मुदाख्लत
5. मु: ह्यॊर नय पिलय ज़ंगय
         ज़ॖलय
    अ: कांह न तॖ कांह अज़ार
         वातनावुन
**********************
1. ख्रॗन्च़....A small rat
2. खोच़ुन...To be afraid/
             To be frightful
3. खोज....Search/En-
                quiry
4. खश..... Scratch
5. खॊच़ॖर...Defect/Defi-
            ciency/Blemish
6. खय..... Ditch/Rust
7. खसुन....To climb/To
           raise/To ascend
8. खश खाश...Pappy
           seed/Saw seed
9. ख्यॊन....To eat/To
           dine/To endure
           To embezzle
10. खूपरॖ..... Coconut
**********************
      गीता ज्ञान : अध्याय-10
प्रोहितन मंज़ ज़्युठ ब्रहस्पत म्यॆ ज़ान
सेनापऺतयन मंज़ सिकंदर बलवान
पां ज्वॊयन मंज़ बॖ समंदर महान
वॊन भगवानन गीता ज्ञान
**********************
वुनि छि कॆंह गरॖ यॆति सऻन्य सभ्यता प्रऻन्य पऻठ्य ज़िन्दॖ छि दफ अमापॊज़ कॆंच़व हालातव मूजूब छि पनॖनि संस्कृति मंज़ थोडा बहुत बदलाव आमुत। ज्यॆमिस मंज़ वुछ म्ये अख गरॖ मनोरमा विहारस मंज़ यॆति तिम वुनि बूठ कमरॖ न्यॆबरय कडान छि तॖ अदॖ अंदर अच़ान छि। पऺथर बिहतॖय कपरॖव शीटहऻन वाहरऻविथ तऺथ्य प्यठ ख्यवान च्यवान छि। बाज़ऻबितॖ हून्यम्यॆट ख्यनॖ ब्रौंठ त्रावान छि। अल्बतॖ म्यॆच़ि बदलॖ छि साबन इस्तिमाल करान । ॳकिस गरस मंज़ वुछुम सतवारि तरफॖ ज्यॆमिस मंज़ ज़ि तिम छि वुनि तिमय लॊयिव थाल, लॊयिव खऻस्य, समावार इस्तिमाल करान मगर म्यॆच़ि-दानॖ बदलॖ गैस स्टोव इस्तिमाल करान। यॆति कॆंच़न गरन मंज़ प्रऻन्य रीथ रिवाज नज़र यिवान छि तती छि वुछनस तल यिवान अज़कल ज़ि कॆंच़न गरन मंज़ छु सोरुय फिरिथॖय। बूठ छ़ॖनिथॖय अंदर अच़ुन, बूठ छ़ॖनिथय ख्यॊन-च्यॊन, डायनिंग टेब्लस प्यठ ख्यॊन च्यॊन, हून्यम्यॆट नॖ त्रावॖन्य, कॆंच़न गरन मंज़ छि हून्य ति पलान यिम गरिक्यन बऻच़न सॗत्य सॗत्य छि पकान रोज़ान, चोकस मंज़, सोफस प्यठ, ब्यडस प्यठ, ॳक्यसॖय कमलि तल। तऺमिस ल्वलॖमतॖ लाय करान। तिमन गरन मंज़ वुछ म्यॆ ज़ि कऻशुर कल्चरुक छु नॖ हावबावा रूदमुत कॆंह। पकान छि द्वनवय। ॳकिस मंज़ छि सभ्यता रऺछ़रिथ तॖ ब्यॆयिस मंज़ छि रऻवमॖच़। मगर नज़र छु यिवान ज़ि रावरावन वऻल्य छि ज़्यादॖ तॖ रऺछ़रावन वऻल्य छि कम बस यिहऻय छु अख ग़म ज़ि यिथ्यन हालातन मंज़ कॊत ताम रोज़ि असि दम।
**********************
"या देवी सर्वभूतेषु भ्रान्ति रूपेण संस्थिता नमस्तस्यै नमस्तस्यै नमस्तस्यै नमोनम:"
पऺरिव यि मंत्र ति
**********************
कऻशुर ह्यॆछव कऻशुर परव
कऻशिर पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

10.02.2019

10.02.2019, माघॖ ज़ूनॖ पछॖ (शुक्ल पक्ष),पऻन्च़म (पन्चमी), आथवार (एतवार/ रविवार), श्री सप्तर्षि सम्वत 5094,राश मेष (रऻच़ हॖन्ज़ॖ 7.36 बजि प्यठॖ), ऋतु शिशर (चलान)...द्रठॖपऻन्च़ुक (पंचक) ति समाप्त अज़,..अज़ छि बसंत पऻन्च़म (बसंत पंचमी) ति तॖ कुमार शॆयम (षष्ठी) ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: या पूर न तॖ दूर
    अ: कऻम अंद वातॖनावॖन्य
         न तॖ मटि ह्यॆन्य
2. मु: या च़लुन या च़ालुन
    अ: यॆमिस नॖ त्वछ़ आसि
       तऺमिस पज़ि नॖ मऻदानस
       मंज़ वसुन
3. मु: यार ज़िन्दॖ सॆहतयऻबी
    अ: ज़िन्दॖ ज़ुवय छि प्रॖछ़-
         गऻर
4. मु: ह्यनॖ आव तॖ ख्यनॖ आव
    अ: खुर्य काम्यन मंज़ ह्यनॖ
         युन
5. मु: ह्यडुन गेलुन पानस
         मेलुन
    अ: युस यस ह्यॆडि तस यी
         पानस ह्यडनॖ/ह्यडनस
         गेलनस परिहेज़ करुन
**********************
1. गेरुन....To surround
2. ग्यॆन्य.... Wrinkle/
           Breaking crease
3. ग्यूर...Revolvingness
             Giddy
4. ग्यऻनी..Scholar/Sage
5. ग्यान...Spiritual/
                Knowledge/
                Wisdom
6. ग्यवुन....To sing
7. ग्यवन बऻथ... Lyric/
                        Song
8. ग्यवन वोल...Singer
9. ग्यव....Sing/Ghee
         (Clarified butter)
10. गीरुन....To pour/To
          scatter/To throw
          down
**********************
     गीता ज्ञान :अध्याय-10
बॖ शंकर छुस काहन रुद्रन मंज़
वसवन मंज़ ॳग्न सुमेर पर्वतन मंज़
यछ़न मंज़ धनुक स्वामी कबीर ज़ान
वॊन भगवानन गीता ज्ञान
**********************
अज़ छि बसंत पऻन्च़म। यिम ज़ॖ त्रॆ द्वह ॴस्य यिवान मानॖनॖ बऺड्य द्वह यानि रंगॖ द्वय, गोरॖ त्रय, तिक्य च़ोरम, बसंत पऻन्च़म तॖ क्वमार शॆयम। लगातार यिम बऺड्य द्वह तॖ माघुन यि रयथ यि छु यिवान मानॖनॖ स्यठाह पवित्र रयथ वऺरियुक। कॆंह लूख छि पूरॖ माघुक माघ दरान यानि माघॖकिस रयतस फ़ाकॖ थवान। ब्यॊन ब्यॊन दॊहन ब्यॊन ब्यॊन आहार ख्यवान तॖ कॆंह द्वह निराहार थवान। मगर म्यॆ छु नॖ बासान अज़कल आसि सानि ज़ऻच़ मंज़ वुनि यिम द्वह दरान। यॊदवय कांह वुनि छु यथ माघॖ रयतस मंज़ सॊय यछ़ तॖ पछ़ ह्यथ थऺविथ पकान म्योन नमन छु तस। सान्यन ज़िठ्यन ओस कऺशीरि मंज़ धर्म कर्म ज़बर्दस्त मगर यॆति आम नॖ त्युथ नज़रि कॆंह। आसि मा कांह कांह वुनि ति करान तॖ शायद छि ॳस्य ति तिहॖन्ज़ी ॴही सॗत्य द्वह द्वह कडान। असि ॴस्य सुबॖ प्यठॖ शाम ताम ह्यॆछनावान।बूठ गछ़ि नॖ कमरस मंज़ च़ानुन, न्यॆबरॖ गछ़ि वुज़स मंज़ दवुन, ख्यनॖ च्यनॖ ब्रौंठ गछ़ि म्यॆच़ि सॗत्य अथॖ छलुन, बतॖ ख्यनॖ ब्रौंठ हून्य-म्यॆबट त्रावॖन्य, चोकि प्यठ या पीरि प्यठ पथर बिहिथ बतॖ ख्यॊन।वगैरा वगैरा। मगर यिम चीज़ रूद्य नॖ व्वंय म्यॆ बासान। वुज़ रूद्य नॖ, चूक्य या पीर छे नॖ कुनी, हून्यम्यॆट खालॖय कांह आसि त्रावान तॖ त्रऻविथ हूनिस ताम वातनावान। फ्लैटन मंज़ छि नॖ यिमन चीज़न हॖन्ज़ व्यवस्था। असि मंज़ नॖ कांह वननवोल तॖ नॖ कांह करनवोल। कथ छि जऻरी।
**********************
"या देवी सर्वभूतेषु मात्र रूपेण संस्थिता नमस्तस्यै नमस्तस्यै नमस्तस्यै नमोनम:"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

09.02.2019

09.02.2019, माघॖ ज़ूनॖ पछॖ (शुक्लॖ पक्ष) च़ोरम (चतुर्थी) बटॖवार (शनिवार/ शनिश्चरवार), श्री सप्तर्षि सम्वत 5094, राश मीन (चलान), ऋतु शिशर (चलान)...द्रठॖपऻन्च़ुक (पंचक) (चलान)..अज़ छि तिक्य च़ोरम ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: याजि पऻजामॖ
    अ: बॆ-रब्द/बे-वतीरॖ
2. मु: यार ज़ागान छ़लस
         तमऻक्य चिलिम च्यॆयि
         तॖ च़लि
    अ: ख्वदग़र्ज़ी हॖन्द्य
         अलामथ
3. मु: यारस मऻज्य मॊयि तॖ
         लूकॖ सासा, यार मूद तॖ
         कुनि नॖ कांह
    अ: यारसॖय सॗत्य छि
         यारऻनी तॖ रिश्तॖ/यार
         मूद रिश्तॖ छ़्यॊन
4. मु: युपिस शुप डखॖ
    अ: ख़र्च ज़्यादॖ आमदनी
         कम
5. मु: यथ वावॖ हालि च़ॊंग
         कुस ज़ालि
    अ: मुसीबतस मंज़ जुर्रतॖच
         कऻम अंजाम दिन्य
**********************
1. गॊन.....Thick
2. गुहुल... Thick/Dense
3. गोंद.....Gum
4. गॊंद.....Crown/Comb
                Crest
5. गोंछ़.... Moustaches
6. गोंछ़ल..One having
       large moustaches
7. गोंदॖवऻर...Gum pot
8. ग्वन....Virtue/Quality
               Talent
9. ग्वनमाथ...An artist/
                    Singer
10. ग्वन दान....Skillful/
         Potential/Virtual
**********************
       गीता ज्ञान :अध्याय-10
दीवन मंज़ इन्द्र यॆन्द्रयन मंज़ मन
वीदन मंज़ साम वीद रूपॖ आसन
ज़ीवन मंज़ ज़िन्दॖगऻनी म्यॆ ज़ान
वॊन भगवानन गीता ज्ञान
**********************
अज़ छि तिक्य च़ोरम। त्रुपरा दीवी हुन्द द्वह। करफऺल्य मऺहलॖ, हब्बॖकऺदलॖ, श्रीनगर, कऺशीरि मंज़ छु ॳमिस दीवी हुन्द वास। सुबहऻय प्रभातन ओस करफलिमऺहलॖ तथ कोचस मंज़ मेलॖ लगान। तिक्य ज़ऻच़ हॖन्द्य लूख ॴस्य सऻरीय वातान ओर दर्शनॖ करनॖ बापथ। यथ कोचस मंज़ त्रुपरा दीवी हुन्द वास ओस सु कोचॖ ओस हना तंग पाहन अवॖ किन्य ओस अथ कोचस मंज़ लूकन हुन्द रश प्यवान तॖ वख्तस च़्यलॖ-च़्रट गछ़ान। त्रुपराय छि दपान तिक्यन सॗत्य रिश्तॖ रूदमुत तवय छि ख़ास तौर पऻठ्य तिक्य खान्दानॖक्य या तिहिन्द्य ॴश्यनाव रॖश्यनाव ॳज़्यकि द्वह आसान तॖ ॳम्यसुन्द वॊहरवोद मनावान।
तिक्यन हॖन्दि छु ॳज़्यकि द्वह बॊड द्वह आसान। ख्यना-च्यना खूब आसान। म्योन मुबारक सारिनीय तिक्यन तॖ तिहन्द्यन अंगन ॴश्यनावन।
**********************
"या देवी सर्वभूतेषु तुष्टि रूपेण संस्थिता नमस्तस्यै नमस्तस्यै नमस्तस्यै नमोनम:"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

08.02.2019

08.02.2019, माघॖ ज़ूनॖ पछॖ (शुक्लॖ पक्ष) त्रय (तृतीय) शॊकुरवार (शुक्रवार/जुम्मा),श्री सप्तर्षि सम्वत 5094, राश मीन (दुहचि 8.17 बजि प्यठॖ), ऋतु शिशर (चलान)..द्रठॖपऻन्च़ुक (पंचक) (चलान)...अज़ छि गोरॖ त्रय(गुरु तृतीया) ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: यथ कलस नॖ ग़ऻरत सॊ
         गऺयि अल
    अ: इन्सानस गछ़ि ग़ऻरत
         आसुन/ग़ऻरत रॊस
         इन्सान क्याह लवि
2. मु: यथ गामस नॖ गछ़ुन
         तमि गामुक नाव क्याह
         ह्यॊन
    अ: यॊसय कऻम ह्यकव नॖ
        कऺरिथ तथ क्याह अथय
         लागुन
3. मु: यथ नम अच़ि तथ
         क्याह छु शॆशतॖर लागुन
    अ: आसान कऻम क्याज़ि
          छि मुश्किल बनावॖन्य
4. मु: यथ लछस ति चरसॖय
    अ: ख़र्चॖ कऺरिथ ब्यॆहऻन
         ख़र्चनस नॖ खोच़ुन
5. मु: युथ कॊर तऺम्य त्युथ
         करस बॖ ति
   अ: नखॖ वालुन/बदलॖ ह्यॊन
**********************
1. ग्वलाब....Rose
2. ग्वलाब रुवय..Red face
                        like rose
3. ग्वलऻब्य....Rosy/Per-
            taining to rose/
        Of light red colour
4. ग्वलाब थऺर..Rose bush
5. ग्वलाब जामुन...A kind
              of sweetmeat
6. ग्वलाब ॳतॖर...Rose
           perfume/Rose
           scent
7. ग्वलुर....Crust/Bark
8. ग्वलॖरावुन...To hull/To
                      peel
9. ग्वनाह...Sin/Wicked-
        ness/Crime/Guilt
        Evil
10. ग्वनाहगार...Sinner/
         Criminal/Sinful/
         Wicked
**********************
      गीता ज्ञान :अध्याय-10
बाहन आदितियि पॊत्रन मंज़ विष्णु ज़ान
ज़ॖच़ॖ वोल सिर्यि तॖ वायू तेज़ ज़ान
नक्षर हुन्द आदि पऻती च़न्द्रमॖ ज़ान
वॊन भगवानन गीता ज्ञान
**********************
अज़ छि गोरॖ त्रय। बॊड द्वह। वख्तॖ अकि कऺशीरि मंज़ ॴस्य सुबहऻय क्वल-गुरु (ब्रह्मन) पनॖन्यन पनॖन्यन यज़मनन हुन्द गर गछ़ान गोरॖ त्रय ह्यथ तॖ ॴस्य रटान दक्षणा तॖ नेरान। चाय च्यनस सॊम्ब ति ॴस नॖ आसान तिमन फुर्सत। यि गोरॖ त्रय गऺछ़ वातॖन्य यज़मनस सुबहऻय सुबहऻय। अथ गोरॖ त्रयि मंज़ ओस आसान सरस्वती हुन्द फोटू बनऻविथ।
यज़मन ओस यि गोरॖ त्रय ॳछन लागान तॖ लबि प्यठ लागान। कॆंह बच्चॖ ॴस्य यि फोटू पनॖन्यन पनॖन्यन किताबॖ सॊन्दकन प्यठ मायि सॗत्य चिपकावान। ॳज़्यकि द्वह ॴस्य शुर्यन च़ाटॖहालॖ दऻखॖल करान विद्या प्राप्त करनॖ बापथ। राथ यॊस द्वय गऺयि अथ द्वयि ॴस्य वनान रंगॖ द्वय। दपान यिम ब्रह्मन ॴस्य पानय बनावान फोटू सरस्वती हुन्द अथॖ सॗत्य स्यॆन्दॖरि मीलि सॗत्य अमि द्वय द्वह तॖ वातनावान पनॖन्यन यज़मनन त्रय द्वह। गुरु जियन हुन्द रस्तॖ ओस लगान ॳज़्यकि द्वह। यिमन ॴस्य नॖ पऺन्य यिवान अथि कुनि। बॊड ब्वखचि नखस प्यठ ह्यथ ॴस्य नज़रि यिवान कऺशीरि मंज़। गऺयि तिम द्वह ति।यॆति रूद नॖ व्वंय क्वलॖ ब्रहमुन ति म्यॆ बासान। विरिहाव ब्रह्मनव त्रोव पनुन कार करुन तॖ गऺयि ॳस्य हवालॖ हिमाचलक्यन गुरु जियन यिम दावा करान छि ज़ि तिम छि कऻशिर-विद्याय मंज़ॖय सान्यन बड्यन दॊहन प्यठ पूज़ा करान। असि ति कॊर ॳछ वऺटिथ तिहन्दिस वनॖनस विश्वास तॖ थऺव यछ़ तॖ पछ़ तिमनॖय प्यठ। ॳज़्यकिस शुरिस कुस तारि फिकिरी ज़ि गोरॖ त्रय क्याह गऺयि।
**********************
"या देवी सर्वभूतेषु दया रूपेण संस्थिता नमस्तस्यै नमस्तस्यै नमस्तस्यै नमोनम:"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

08.02.2019

08.02.2019, माघॖ ज़ूनॖ पछॖ (शुक्लॖ पक्ष) त्रय (तृतीय) शॊकुरवार (शुक्रवार/जुम्मा),श्री सप्तर्षि सम्वत 5094, राश मीन (दुहचि 8.17 बजि प्यठॖ), ऋतु शिशर (चलान)..द्रठॖपऻन्च़ुक (पंचक) (चलान)...अज़ छि गोरॖ त्रय(गुरु तृतीया) ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: यथ कलस नॖ ग़ऻरत सॊ
         गऺयि अल
    अ: इन्सानस गछ़ि ग़ऻरत
         आसुन/ग़ऻरत रॊस
         इन्सान क्याह लवि
2. मु: यथ गामस नॖ गछ़ुन
         तमि गामुक नाव क्याह
         ह्यॊन
    अ: यॊसय कऻम ह्यकव नॖ
        कऺरिथ तथ क्याह अथय
         लागुन
3. मु: यथ नम अच़ि तथ
         क्याह छु शॆशतॖर लागुन
    अ: आसान कऻम क्याज़ि
          छि मुश्किल बनावॖन्य
4. मु: यथ लछस ति चरसॖय
    अ: ख़र्चॖ कऺरिथ ब्यॆहऻन
         ख़र्चनस नॖ खोच़ुन
5. मु: युथ कॊर तऺम्य त्युथ
         करस बॖ ति
   अ: नखॖ वालुन/बदलॖ ह्यॊन
**********************
1. ग्वलाब....Rose
2. ग्वलाब रुवय..Red face
                        like rose
3. ग्वलऻब्य....Rosy/Per-
            taining to rose/
        Of light red colour
4. ग्वलाब थऺर..Rose bush
5. ग्वलाब जामुन...A kind
              of sweetmeat
6. ग्वलाब ॳतॖर...Rose
           perfume/Rose
           scent
7. ग्वलुर....Crust/Bark
8. ग्वलॖरावुन...To hull/To
                      peel
9. ग्वनाह...Sin/Wicked-
        ness/Crime/Guilt
        Evil
10. ग्वनाहगार...Sinner/
         Criminal/Sinful/
         Wicked
**********************
      गीता ज्ञान :अध्याय-10
बाहन आदितियि पॊत्रन मंज़ विष्णु ज़ान
ज़ॖच़ॖ वोल सिर्यि तॖ वायू तेज़ ज़ान
नक्षर हुन्द आदि पऻती च़न्द्रमॖ ज़ान
वॊन भगवानन गीता ज्ञान
**********************
अज़ छि गोरॖ त्रय। बॊड द्वह। वख्तॖ अकि कऺशीरि मंज़ ॴस्य सुबहऻय क्वल-गुरु (ब्रह्मन) पनॖन्यन पनॖन्यन यज़मनन हुन्द गर गछ़ान गोरॖ त्रय ह्यथ तॖ ॴस्य रटान दक्षणा तॖ नेरान। चाय च्यनस सॊम्ब ति ॴस नॖ आसान तिमन फुर्सत। यि गोरॖ त्रय गऺछ़ वातॖन्य यज़मनस सुबहऻय सुबहऻय। अथ गोरॖ त्रयि मंज़ ओस आसान सरस्वती हुन्द फोटू बनऻविथ।
यज़मन ओस यि गोरॖ त्रय ॳछन लागान तॖ लबि प्यठ लागान। कॆंह बच्चॖ ॴस्य यि फोटू पनॖन्यन पनॖन्यन किताबॖ सॊन्दकन प्यठ मायि सॗत्य चिपकावान। ॳज़्यकि द्वह ॴस्य शुर्यन च़ाटॖहालॖ दऻखॖल करान विद्या प्राप्त करनॖ बापथ। राथ यॊस द्वय गऺयि अथ द्वयि ॴस्य वनान रंगॖ द्वय। दपान यिम ब्रह्मन ॴस्य पानय बनावान फोटू सरस्वती हुन्द अथॖ सॗत्य स्यॆन्दॖरि मीलि सॗत्य अमि द्वय द्वह तॖ वातनावान पनॖन्यन यज़मनन त्रय द्वह। गुरु जियन हुन्द रस्तॖ ओस लगान ॳज़्यकि द्वह। यिमन ॴस्य नॖ पऺन्य यिवान अथि कुनि। बॊड ब्वखचि नखस प्यठ ह्यथ ॴस्य नज़रि यिवान कऺशीरि मंज़। गऺयि तिम द्वह ति।यॆति रूद नॖ व्वंय क्वलॖ ब्रहमुन ति म्यॆ बासान। विरिहाव ब्रह्मनव त्रोव पनुन कार करुन तॖ गऺयि ॳस्य हवालॖ हिमाचलक्यन गुरु जियन यिम दावा करान छि ज़ि तिम छि कऻशिर-विद्याय मंज़ॖय सान्यन बड्यन दॊहन प्यठ पूज़ा करान। असि ति कॊर ॳछ वऺटिथ तिहन्दिस वनॖनस विश्वास तॖ थऺव यछ़ तॖ पछ़ तिमनॖय प्यठ। ॳज़्यकिस शुरिस कुस तारि फिकिरी ज़ि गोरॖ त्रय क्याह गऺयि।
**********************
"या देवी सर्वभूतेषु दया रूपेण संस्थिता नमस्तस्यै नमस्तस्यै नमस्तस्यै नमोनम:"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

08.02.2019

08.02.2019, माघॖ ज़ूनॖ पछॖ (शुक्लॖ पक्ष) त्रय (तृतीय) शॊकुरवार (शुक्रवार/जुम्मा),श्री सप्तर्षि सम्वत 5094, राश मीन (दुहचि 8.17 बजि प्यठॖ), ऋतु शिशर (चलान)..द्रठॖपऻन्च़ुक (पंचक) (चलान)...अज़ छि गोरॖ त्रय(गुरु तृतीया) ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**********************
1. मु: यथ कलस नॖ ग़ऻरत सॊ
         गऺयि अल
    अ: इन्सानस गछ़ि ग़ऻरत
         आसुन/ग़ऻरत रॊस
         इन्सान क्याह लवि
2. मु: यथ गामस नॖ गछ़ुन
         तमि गामुक नाव क्याह
         ह्यॊन
    अ: यॊसय कऻम ह्यकव नॖ
        कऺरिथ तथ क्याह अथय
         लागुन
3. मु: यथ नम अच़ि तथ
         क्याह छु शॆशतॖर लागुन
    अ: आसान कऻम क्याज़ि
          छि मुश्किल बनावॖन्य
4. मु: यथ लछस ति चरसॖय
    अ: ख़र्चॖ कऺरिथ ब्यॆहऻन
         ख़र्चनस नॖ खोच़ुन
5. मु: युथ कॊर तऺम्य त्युथ
         करस बॖ ति
   अ: नखॖ वालुन/बदलॖ ह्यॊन
**********************
1. ग्वलाब....Rose
2. ग्वलाब रुवय..Red face
                        like rose
3. ग्वलऻब्य....Rosy/Per-
            taining to rose/
        Of light red colour
4. ग्वलाब थऺर..Rose bush
5. ग्वलाब जामुन...A kind
              of sweetmeat
6. ग्वलाब ॳतॖर...Rose
           perfume/Rose
           scent
7. ग्वलुर....Crust/Bark
8. ग्वलॖरावुन...To hull/To
                      peel
9. ग्वनाह...Sin/Wicked-
        ness/Crime/Guilt
        Evil
10. ग्वनाहगार...Sinner/
         Criminal/Sinful/
         Wicked
**********************
      गीता ज्ञान :अध्याय-10
बाहन आदितियि पॊत्रन मंज़ विष्णु ज़ान
ज़ॖच़ॖ वोल सिर्यि तॖ वायू तेज़ ज़ान
नक्षर हुन्द आदि पऻती च़न्द्रमॖ ज़ान
वॊन भगवानन गीता ज्ञान
**********************
अज़ छि गोरॖ त्रय। बॊड द्वह। वख्तॖ अकि कऺशीरि मंज़ ॴस्य सुबहऻय क्वल-गुरु (ब्रह्मन) पनॖन्यन पनॖन्यन यज़मनन हुन्द गर गछ़ान गोरॖ त्रय ह्यथ तॖ ॴस्य रटान दक्षणा तॖ नेरान। चाय च्यनस सॊम्ब ति ॴस नॖ आसान तिमन फुर्सत। यि गोरॖ त्रय गऺछ़ वातॖन्य यज़मनस सुबहऻय सुबहऻय। अथ गोरॖ त्रयि मंज़ ओस आसान सरस्वती हुन्द फोटू बनऻविथ।
यज़मन ओस यि गोरॖ त्रय ॳछन लागान तॖ लबि प्यठ लागान। कॆंह बच्चॖ ॴस्य यि फोटू पनॖन्यन पनॖन्यन किताबॖ सॊन्दकन प्यठ मायि सॗत्य चिपकावान। ॳज़्यकि द्वह ॴस्य शुर्यन च़ाटॖहालॖ दऻखॖल करान विद्या प्राप्त करनॖ बापथ। राथ यॊस द्वय गऺयि अथ द्वयि ॴस्य वनान रंगॖ द्वय। दपान यिम ब्रह्मन ॴस्य पानय बनावान फोटू सरस्वती हुन्द अथॖ सॗत्य स्यॆन्दॖरि मीलि सॗत्य अमि द्वय द्वह तॖ वातनावान पनॖन्यन यज़मनन त्रय द्वह। गुरु जियन हुन्द रस्तॖ ओस लगान ॳज़्यकि द्वह। यिमन ॴस्य नॖ पऺन्य यिवान अथि कुनि। बॊड ब्वखचि नखस प्यठ ह्यथ ॴस्य नज़रि यिवान कऺशीरि मंज़। गऺयि तिम द्वह ति।यॆति रूद नॖ व्वंय क्वलॖ ब्रहमुन ति म्यॆ बासान। विरिहाव ब्रह्मनव त्रोव पनुन कार करुन तॖ गऺयि ॳस्य हवालॖ हिमाचलक्यन गुरु जियन यिम दावा करान छि ज़ि तिम छि कऻशिर-विद्याय मंज़ॖय सान्यन बड्यन दॊहन प्यठ पूज़ा करान। असि ति कॊर ॳछ वऺटिथ तिहन्दिस वनॖनस विश्वास तॖ थऺव यछ़ तॖ पछ़ तिमनॖय प्यठ। ॳज़्यकिस शुरिस कुस तारि फिकिरी ज़ि गोरॖ त्रय क्याह गऺयि।
**********************
"या देवी सर्वभूतेषु दया रूपेण संस्थिता नमस्तस्यै नमस्तस्यै नमस्तस्यै नमोनम:"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)