03.10.2019

03.10.2019 ॴशिद (आश्विन) ज़ूनॖ पछॖ (शुक्ल पक्ष) पऻन्च़म (देवादेव) (पन्चमी) ब्रसवार (वीरवार/ब्रहस्पथवार/गुरुवार) श्री सप्तर्षी सम्वत 5095, राश वृश्चिक (चलान), ऋतु हरुद (शरद)(चलान)....अज़ छि कुमार शॆयम ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: सरफॖ सॖन्ज़ॖ सथ ज़्यवॖ
    अ: दॊखॖबाज़ इन्सान/फंद
         बाज़/युस नॖ डंजि रोज़ि
2. मु: श्रॊग शॊद तॖ पनाहदार
    अ: यथ कम कॗमथ ॴसिथ ति
         जान दार न्यॆरि या बागय
         आस्यस
3. मु: श्रॊगुय गव द्रॊग तॖ द्रॊगुय
          गव श्रॊग
    अ:  वऺसिथ चीज़स छु नॖ दार
          न्यॆरान
4. मु: श्रॊदि गरुक पॊछ़
    अ: सु पॊछ़ यॆमिस श्रॊदिस
         गरस मंज़ कांह ति प्रॖछ़ि नॖ
5. मु: सतय गज़ आसमान
    अ: कऻफ़ी मुसीबथ पऻदॖ गछ़ुन/
          छ़ॊट नज़र
**************************
1. आय.....Long life/Dura-
                tion of life
2. इबतिदा....Start/Beginn-
                    ing
3. इतिहाद....Unity/Unifica-
                 tion/Alliance/
                 Amity
4. इतिफ़ाक़..... Agreement/
             Concord/Harmony
             Coincidence
5. इसबात....Recognition/
             Acceptance/Proof
             Affirmation
6. इजाज़त..... Permission/
             Leave sanction/
             Order/License
7. इजतिमाह ..... Meeting/
             Gathering/Assem
             blage
8. इजरा...... Circulation/
             Issue/Execution
9. इजलास.... Meeting/Con
             ference/Session/
             Sitting/Bench of
             court meeting
10. इखतिलाफ....Difference
             Dissimilarity/Mis-
             understanding/
           Opposition/Distinc-
           tion/Disagreement
**************************
       गीता ज्ञान  :अध्याय 17
बूज़न ति त्रॆयि प्रकऻर्य टोठ आसान
त्रॆयि कॖस्मॖ आसान तप यऺगॖन्य दान
बॖ ब्यॊन ब्यॊन वनय व्यस्तारॖ सान
वॊन भगवानन गीता ज्ञान
**************************
कऻशिर्य पंडितन हॖन्ज़ि सभ्यतायि प्यठ, संस्कारन प्यठ छु अज़ ताम वारियाह महाप्वरुषव वारियाह कॆंह ल्यूखमुत। ॳथ्य सिलसिलस मंज़ छि पंडित पोशकर नाथ रैना
सऻबन कॆंह किताबॖ छपवायमच़ॖ यिमन मंज़ ह्यॆन्ज़ॆ वनवुन हीमाल तॖ पराग किताबॖ छि बाज़रस मंज़ वाच़मच़ॖ। यिथय पऻठ्य छि ब्याख अख किताब आमॖच़ लॆखनॖ यथ मंज़ मेलान छु असि ज़ि कऻशिर्य पंड्यतन हॖन्द्य संस्कार किथॖ पऻठ्य पज़नॖ वर्तावॖन्य यि किताब छि पंडित मोहन लाल आश सऻबन लीछमॖच़। प्यारे रैना (सादक) सऻबन ति छि कऻशिर्य पंड्यतन हॖन्द्यन सभ्यतायि तॖ संस्कारन प्यठ अख किताब लीछमॖच़। थख छु नॖ यॆतिनसॖय योत आमुत कडनॖ बऺल्कि लॆखनुक सिलसिलॖ  छु सदियव प्यठॖ चलान आमुत ब्यॊन ब्यॊन विषयन प्यठ। परन वऻल्य छि परान तॖ व्यतरावन वऻल्य छि व्यतरावान। मगर यूत कऺरिथ ति छि असि व्यछ़य बासान वारिहान चीज़न हॖन्ज़।वारियाह कॆंह छु नॖ असि बिल्कुल पतहॗय ज़ि अगर यि संस्कार छु तॖ क्याज़ि छु।वारियाह तिथ्य रीच़ॖ रिवाज छि यिम ॳस्य पनॖनिस समाजस मंज़ पूरॖ करान छि रोज़ान मगर तिमन हुन्द असली रूप क्याह छु तमिच छॆ नॖ असि ब्वयी।  कॆंह चीज़ ह्यॆतिन्य असि निशि दूरॖन्य, कॆंच़न छि वुनि थफ कऺरिथ तॖ कॆंह संस्कार छि बासान तिथ्य ति यिमन नॖ अज़कल कांह महत्व रूदमुत छु मगर अख मजबूरी ज़ऻनिथ तॖ ॳछ वऺटिथ तॖ ॴस बंद थऺविथ छि कॆंह संस्कार ॳस्य वरतावान रोज़ान।  पगाह करव यथ विषयस प्यठ ब़्रौंह कुन कथ बात
**************************
"च़ॖय दीवॖ गरतस तॖ धरती स्रज़ख
च़्यॆय दीवॖ दितिथ क्रन्ज़न प्राण
च़ॖय दीवॖ ठनि रॊसतुय वज़ख
कुस ज़ानि दीवॖ च्योन परिमाण"
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव