31.08.2018

31.08.2018, बऻद्रप्यथ (भाद्र),गटॖ पछॖ (कृष्ण पक्ष), पऻन्च़म (पंचमी), शॊकुरवार (शुक्रवार/जुम्मा), श्री सप्तार्षि सम्वत 5094 राश मेष (चलान), ऋतु वर्षा (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
         ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: ॳती शाह तॖ ॳती गदाह
    अ: कॖस्मत बदलनस छे नॖ तऻर
         लगान
2. मु: अथ अथ बुथिस सथ सथ
         चौब
   अ: यॆमिस यिछ़ ख़ऺस्लथ आसि
        तऺमिस त्युथुय पेश यिवान
3. मु: ॳत्य दऻद्य वुछिनय म्यानि
         ॳछ मॖ वुछिनय
   अ: अख वॊहव/मदद करनॖ
        बदलॖ सख़ती करॖन्य
4. मु: अथ पुरनि यिमय च़ॖरनि
    अ: युस यथ लायक़ आसि तस
          तिथी मेलान
5. मु: ॳछ क्रॆहनि तॖ बुथ सफ़ेद
    अ: रुत बुथ मगर बद कार
*************************
1. यूत/यूताह.....This much
2. यूतुय...........Only this
3. यिववुन...Coming/New
          comer/About to
          come
4. यॊततामथ...Until/As long
                      as
5. योर..........Here
6. यार.......Friend/Compa-
                nion/Supporter
7. यारानॖ.....Friendship/
                  Acquaintance
8. यारबल....Bank of river
9. याति......Either
10. याम.....When/As soon
                  as
*************************
गीता ज्ञान   :    अध्याय-6   :
श्रूच़ि जायि दर्बि-गासॖ त्रऻविथ
मृग-छाला ब्यॆयि वस्त्र वाहरऻविथ
न ज़्यादॖ थॊद न यछ़ कम आसान
वॊन भगॖवानन गीता ज्ञान
*************************
मशवरॖ दिनॖ बापथ छि मेलान दऺह दर दऺह मगर मशवरस अंजाम वातॖनावन्य वऻल्य छि नॖ मेलान सहल सहल। दोस्त बनावुन छु सहल मगर दोस्ती निभावॖन्य छे नॖ सहल कथा। ख्यनॖ-च्यनॖ यार छि मेलान बिसियार, ख्वद-गर्ज़ मॆथर छि ग्रन्दि रॊस मगर दऻदिस वातनवोल यार-दोस्त छि मेलान कॖस्मतवाल्यनॖय। दुश्मनन हॖन्ज़ कमी ति छे नॖ कॆंह। न्यॆबॖर्य दुश्मनुत हावुन छु बोज़नॖ यिवान मगर अंदॖर्य दुश्मनुत थावनवऻल्य छि नॖ लबॖनॖ यिवान यॊत ताम तिम पूरॖ वगुव निवान च़ऺटिथ छि अदॖ छि तिहन्ज़ दुश्मनी बास यिवान। यि दुश्मनुत छु प्रथ जायि मूजूद, गरस मंज़, परस मंज़, वॊथवुन, बॆहवुन, मगर यि दुश्मनुत नज़र यिवान यिवान छि अख वऻन्सा नीरिथ गछ़ान। यि छि शायद इन्सानसॖन्ज़ फितरत यॊस तमिस सॗत्य रोज़ान छि ग्वडॖ प्यठय। अमापॊज़ फिकिरी छु तॆली तरान यॆलि ज़ख वातान छु। संस्कारन हॖन्ज़ कमी यस आसि तऺस्य मंज़ दुश्मनुत ज़्यादॖ बासि। यि विषय छु स्यठाह ज़्यूठ मगर बॖ छ़ॊटॖरावॖ यूतुय वऺनिथ ज़ि असि पज़ि पनॖन्यन शुर्यॆन जान जान संस्कार दिन्य, अख-ॳकिस पज़ि मनॖ पलज़ुन, ब्यॆयिसुन्द दोद पनुन ज़ानुन। लालच त्रऻविथ, मॊह मऺशरऻविथ तॖ क्रूध त्रऻविथ पानॖवुन्य असान असान द्वह कडुन ति क्याज़ि ज़िन्दगी प्यठ छु नॖ बॊरूसॖ। कर कतिनस किथॖ पऻठ्य ह्यॆयि छ़्यफ कऻन्सि छे नॖ पताह। इस्लिये अथॖरॊट करान रोज़ुन तॖ दय सुन्द नाव स्वरान रोज़ुन।
************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

30.08.2018

30.08.2018, बऻद्रप्यथ (भाद्र), गटॖ पछॖ (कृष्ण पक्ष), च़ोरम (चुतुर्थी), ब्रसवार (वीरवार/ बृहस्पतवार), श्री सप्तार्षि सम्वत 5094, राश मेष (रऻच़ हॖन्ज़ॖ 8.00 बजि प्यठॖ), द्रठॖपऻन्च़ुक (पंचक) ति म्वकॖलि अज़, अज़ छि संकट च़ोरम ति
*************************
जे के विचार मंचॖ तरफॖ छुस बॖ त्वहि सारिनीय यछ़ान
          ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: ॳड्य लार ॳड्य दार
    अ: छऺकॖरिथ जायदाद, बऻच़,
         अंग-ॴशनाव
2. मु: उतनि बलायि तुत
    अ: ॳक्यसॖन्दि बलायि ब्याख
          लगुन
3. मु: अतुल ख्योमुत हापतव
   अ: बेवकूफ छु ख्यवान हदॖ रॊस
4. मु: अपिस दऺन्य मुश्किल ख्यॆन
   अ: अख लॊत इन्सान छु नॖ राज़
         ह्यकान छुपऻविथ
5. मु: अपारि मुन दानि यपऻरि
         गऺयि अथन हठ
    अ: यि छि तस वनान युस हदॖ
         नीरिथ नोज़ुक लागि
*************************
1. दय.......God
2. दाय..... Nurse/Mid-wife
                 Maid- servant
3. दॖय....... Hatred
4. दॊय......second day
 5. दान..... Cooking oven/
              Hearth/Donation
              Charity/Presenta
              tion/Grant
6. दानि......Paddy
7. दाना..... Intelligent/Wise
8. दऻर......Window/Beard/
               Child's puppet/
               Doll
9. दऻन..... Pomegranate
10. दऻन्य...A little gram/
                Pinch
*************************
गीता ज्ञान  : अध्याय-6  :
मन यन्द्रयव सान शरीर ज़ीनिथ
यूगी कुनुय एकान्त जायि रूज़िथ
लगातार दय सुन्द ध्यान दारान
वॊन भगॖवानन गीता ज्ञान
*************************
अगर हना ॳस्य गोर करव तॖ वुछव ज़ि कुनवुह शथ तॖ नमतॖ प्यठॖ वुन्युख ताम यानि यिमन अठोवुहन वऺरियन मंज़ बनेयि कमज़कम त्रॖह-पांच़ॖत्रॖह संस्थायि ब्यॊन-ब्यॆन जायन तॖ ब्यॊन-ब्यॊन नावव सॗत्य तॖ ब्यॊन-ब्यॊन काम्यव बापथ। यि छु असि कऻशिर्य बटन कऺशीरि प्यठॖ च़लनुक असर। असर छु पनॖनि जाय मगर अरॖसरॖ रूद्य वारियाह। यिम संस्थायि छि पनॖन्यव पनॖन्यव आंगनॖ प्यठॖ बिगुल वऻयिथ ज़ि असि पज़ि समिथ रोज़ुन, इकॖवटॖ पकुन, कुनी कथ करॖन्य, ॳकसॖय रज़ि लमुन। यि छु नॖ यिमन तरान फिकिरी ज़ि कुस कऺमिस क्याह वनान तॖ कमि बापथ। यॊदवय इकॖवटय छु पकुन तॆलि क्याज़ि बनावि असि ब्यॊन-ब्यॊन संस्थायि। व्वंय छु मसलॖ ज़ि कुस मेलि कऺमिस सॗत्य। तू भी रानी मैं भी रानी कौन भरेगा पानी। यकुत आसुन छु दुशवार यिथ्यन हालातन मंज़। व्वंय छि अख अकिस छावान, पनुन बजर हावान, पानस सॗत्य मिलनावनॖच कूशिश करान। व्वंय ह्यच़न महलॖ हिसाबॖ संस्थायि बनॖनि। रॗन्यवऻर्य वऻल्य छि अलग, तिक्य महलॖ द्राव अलग, गनपतॖयारॖक छि अलग, वुनि छॆ नॖ पताह बुथि क्याह छु वुछुन। व्वंय छि वुछान दोस्त संस्था क्वस छि तॖ दुश्मन संस्था क्वस छि। वुछनुक मान दंड ति छि तिमनॖय पताह। पानॖ करन नॖ कॆंह न दिन ब्यॆयिस करनॖ। अख चीज़ छु ज़रूर ज़ि कऺशीरि प्यठॖ च़लनॖ पतॖ आयि असि अकॖल स्यठाह। पनुन तॖ परुद तॊग परज़ॖनावुन। यिति ह्यॊछ ज़ि कुस किथॖपऻठ्य गछ़ि कुनि कामि मंज़ ॴडरावुन।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

29.08.2018

29.08.2018, बऻद्रप्यथ (भाद्र), गटॖ पछॖ (कृष्ण पक्ष) त्रय (तृतीय), ब्वदवार(बुधवार),श्री सप्तार्षि सम्वत 5094, राश मीन (चलान),ऋतु वर्षा (चलान),द्रठॖपऻन्च़ुक (पंचक)(चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
        ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: ॳड्य दऺद्य यॆछ़ि तॖ ॳड्य
         दऺद्य रॆछ़ि
    अ:अड्यन म्यूल पनॖनि कॖस्मतॖ
          तॖ ॳड्यन रोव पनॖनि नीच़
2. मु: यूत वीरि टख दिख त्यूत
         छुस यावुन यिवान
  अ: जान शख्सस यीतन कऻच़ाह
         ति सख्ती सु छु फॊलान
3. मु: यूत नॖ ब्रऻर्य-सॖन्दि ग्यव
         ख्यनॖ गछ़ान त्यूत छु गछ़ान
         तऺम्यसॖन्दि लॊट गिलॖवनॖ
   अ: न्वक्सानॖ ख्वतॖ छु न्वक्सान
        करनवऻल्य सॖन्ज़ि बेशर्मी
        प्यठ अफ़सूस गछ़ान/अख
       ब्यमार पावुन पतॖ ख़बरि युन
4. मु: योकुन लुख तोकुन दय
    अ: अवामुक फ़ऻसलॖ छु रोज़ान
          बरक़रार
5. मु: युन-गछ़ुन रोज़ुन मूजूद
    अ: कारॖवऻयी जऻरी रोज़ॖन्य
*************************
1. नफ़ा....Gain/Profit
2. नफ़र... Person/Indivi-
               dual
3. नफ़रत...Dislike/Hatred/
            Disgust/Contempt
4. नफ़री...Staff/Group of
               persons
5. न्यामत...Grace/Divine/
               Blessing/Good
               thing/Delicacy
6. नग़मॖ... Song/Melody/
          Dance performance
7. नफ़ीस...Nice/Good
8. नफ़ासत...Nicely/Refine-
         ment/Exquisiteness
          Delicacy
9. निफ़ाक...Difference/
           Enmity/Hostility
10. निफ़ाक़ प्यॊन...To have
                  differences
*************************
गीता ज्ञान   : अध्याय-6  :
हमदर्द हऻसिद दोस्त दुश्मन
पनॖन्यन व्वपरन दर्मियन पऻपियन
हिवुय ज़ाननवऻल्य स्रेष्ठ आसान
वॊन भगॖवानन गीता ज्ञान
*************************
च़ॖ छुख हॆरि बॖ छुसय ब्वनॖ, स्वनो च़ॖ कर पनॖन कऻम। यि छु बन्योमुत व्वन्य अख मुहावरॖ। दरासल छु यि अख हऻदिसॖ सपद्योमुत।कऺशीरि च़ायि ॳकिस गरस च़ूर। तिमय ॴस्य दपान ज़ॖ ज़ऺन्य। तिमव वुछ ज़ि गरिक सऻरीय बऻच़ ब्वनॖ वटिस मंज़ टी वी वुछनस मंज़ मस्त। दॊयव च़ूरव मंज़ॖ ख्वत अख हॆरमिस कुठिस तॖ वॊटुन सोरुय माल तॖ दॊयिम छु ब्वन रऻछ बऻच़न तॖ हॆरमिस वनान ज़ि बॖ छुसय यिमन रऻछ तॖ च़ॖ म्वकलाव पनॖन कऻम कऺरिथ। यॊतताम तिमव न्यू सोरुय गरॖ लुटऻविथ तॊतताम छॆ नॖ बऺन्यम्यन ख़बरॖय। यि मुहावरॖ प्यव म्यॆ अमि बापथ वनुन ज़ि असि कऻशिर्य बटन छु सुय हालाह वुन्यक्यनस। ॳस्य छि व्हाटसापस प्यठ ज़िख-ज़िख दिनस मंज़ मश्गूल तॖ सरकार छु पनॖन सरकार चलावान पनॖनि आयि तॖ त्रायि। यॊताम असि द्रायि त्रॖह वऺरी। त्रॖह वऺरी। अख समया अख। यॆतिक्यन तिमन बच्चन यिम नमतॖ पतॖ कऺशीरि न्यबर ज़ायि छॆ नॖ ख़बर ज़ि कऺशीर्य कथ छि वनान तॖ कऺशीरि मंज़ यिम मुसलमान बच्चॖ नमतॖ पतॖ ज़ायि तिमन छॆ नॖ ख़बर ज़ि बटॖ कुस गव। तिम छि पनॖन आज़ऻदी छ़ान्डान तॖ ॳस्य पनॖन कऺशीर्य छ़ान्डान तॖ सरकार लऺगिथ पनॖन वोट छ़ान्डनस मंज़। कारोबार छु चलान, द्वह-द्वह छु नेरान। कस कोताह कऺम्यसुन्द क्याह छु फेरान दय ज़ानान। हालस पकव ॳस्य च़्वदहऻमिस सित्मबरस कुन यि फऻसलॖ करान करान ज़ि त्रुवऻहमि दिमवा श्रदांजली किनॖ च़्वदऻहमि, बी के गन्जू पार्कि मंज़ा किनॖ जंत्र-मंत्रस मंज़, जलसॖच लाकम कुस रटि, च़ॖ-हा किनॖ बॖ। ॳस्य छि वुन्यक्यनस ॳथ्य कशमॖकशस मंज़। वुछव क्वस संस्था क्वत वाति, त्रुवऻहमि वात्या किनॖ च़्वदाहमि तॖ कुस क्वत वाति।हालस करव ॳस्य ॳथ्य फ़ऻसलॖ।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)
(सोज़-ए-दिल सी डी छि जलदॖय यिनॖ वाज्यन बाज़रस मंज़ तॊह्य ति करिव पनॖनि नावॖ अख बुक)

28.08.2018

28.08.2018, बऻद्रप्यथ (भाद्र) गटॖ पछॖ (कृष्णॖ पक्ष), द्वय (द्विती) बॊम्वार (मंगलवार), राश मीन (दुहचि 10.39 बजि प्यठॖ),ऋतु वर्षा (चलान), द्रठॖपऻन्च़ुक (पंचक)(चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
       ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: ॳछव अंदॖरॖ न्युन स्वरमॖ
         कऺडिथ
   अ: चालऻकी सान कांह कऻम
         करॖन्य
2. मु: हारि टंग तॖ ज़ॖलनय मॊहरि
         च़ूंठ तॖ ज़ॖलिथ
   अ: टंग छु द्यलॖ सान श्रपान
        च़ून्ठ्य-द्यल छु नॖ हऻज़्यमस
        क्युत ठीक
3. मु: हारि नॖ सौदा बाज़रस
         खलबली
   अ: लेन-देन कम तॖ शोर ज़्यादॖ
         तुलुन
4. मु: हारि वोंठ हार नॖ कुनी
    अ: आसुन छु ह्यॆछनावान नऺ
          आसुन छु मंदछावान/द्यार
          आसन तॖ सौदा ति बनि
5. मु: हारि तॖ तोतस वनुन
    अ: वनॖनस गछ़न बोज़नवऻल्य
         आसॖन्य/वननवोल वनान
         गछ़ान तॖ बोज़नवऻल्य नॖ
         द्यान दिवान
*************************
1. व्यॊठ....Fat
2. व्यठॖ.....Fat-man
3. व्यॆठिन....Fat-woman
4. व्यॆछर....Fatness
5. व्यठुन...To become fat
6. व्यस..... Girl's girl friend
          Female companion 7. व्यसरुन...To fall from
          hand/To lose self
          restraint
8. व्यदवान..Scholar/A man
          of letters/Learned
9. विद्या..... Knowledge/
          Education/Learning
          Attainment
10. व्यखुत...Strange/Dread
             ful/Terrific
*************************गीता ज्ञान  : अध्याय-6  :
युस अंत:करन ज्ञान विज्ञान दऻरिथ
विकारॖ रॊस सारेयि यऺन्द्रय ज़ीनिथ
सु यूगी स्वन तॖ म्यॆच़ ह्युवुय ज़ानान
वॊन भगॖवानन गीता ज्ञान
*************************
कऺशीरि लॊग नवि सरॖ नार। धारा 35-ए-यस प्यठ। म्यॆ छु याद यिवान ज़ि यॆलि बॖ गोस कऺशीरि जून 2016-हस मंज़ तॖ अख आटोवोल बूज़ म्यॆ वनान ज़ि अगर कुनिसातन ति हिन्दुस्तानक्यव ह्वकुमरानव 370 कऺशीरि हटावनॖच कूशिश करन ॳस्य ज़ालव यि कशीर अकि अंदॖ प्यठॖ ब्यॆयिस अंदस ताम। म्यऻन आश्यन छि म्यॆकुन वुछान तॖ बॖ तसकुन। आटोहस मंज़ बिहिथ ॳस्य छि पकान हारी-पर्वत कुन। म्यॆ प्रुछ़ ॳमिस आटोवऻलिस ज़ि यि 370 छु क्याह। जवाब म्यूलुम ज़ि बा-ख्वदा म्यॆ छॆ नॖ पानस पताह मगर दपान सऻन्य लीडर यॆति व्वथि तलोतुम याम 370 हटावन। अमि तलॖ छु म्यॆ बासान ज़ि हिन्दुस्तान छु क्याथाम च़्वय करान कऺशीरिहॖन्द्यन मुसलमानन बरखलाफ। अथ कथि ज़्यादॖ तूल द्युन ज़ोन नॖ म्यॆ मुनऻसिब। म्यॆ बदलऻव कथॖय। ततिक्यन लूकन मंज़ छुख यि ज़हर बॊरमुत ज़ि तनाव छु जऻरी थऻवुन। ल्वकॖट्य ल्वकॖट्य लऺडकॖ वुनि पेंचॖ-फटनय दिवान रोज़ान क्रकॖ, "असि गछ़ि आज़ऻदी", "हम क्या चाहते हैं आज़ादी"। तऺत्युक आलम छु बदलय। तऺतिक ख़याल छि व्यॆख्तुय। हालांकि म्यॆ गऺयि यॆमि लटि नज़रि कॆंह शऻयिस्तॖ मुसलमान ति। यिम पछतावान छि ज़ि हालातव क्युथ व्वलग्वतुन ख्यव। तिम बासेयम दॖयान हि तॖ तिहिन्दि बुथि तलॖ बासान ज़न च़ूरि प्यठ रऺट्यमॖत्य मगर बास छि नॖ दिवान। वुछान छि ॳस्य ति कसहॖन्ज़ मऻज्य स्वन तोलि तॖ कसहॖन्ज़ मऻज्य रौफ तोलि
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)
सोज़-ए-दिल सी डी  छि जलदॖय तयार गछ़नवाज्यन । यथ नम्बरस प्यठ ह्यॆकिव तॊह्य पनॖनि बापथ बुक करनऻविथ।

27.08.2018

27.08.2018, बऻद्रपथ (भाद्र) गटॖ पछॖ (कृष्ण पक्ष),ऒक्द्वह (प्रथमा/प्रतिपदा), च़न्दॖरवार (सोमवार), श्री सप्तार्षि सम्वत 5094, राश कुम्भ (चलान), ऋतु वर्षा (चलान), द्रठपऻन्च़ुक पंचक (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
        ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: ॳछरवालव सॗत्य कंड्य
         कडॖन्य
   अ: कऻन्सिहुन्द स्यठाह ख़याल
        करुन/कांह स्यठाह टोठ
        आसुन
2. मु: युथ कॊर तऺम्य त्युथ करस
         बॖति
    अ: नखॖ वालुन/बदलॖ ह्यॊन
3. मु: युथ वुछख त्युथ वुछय
    अ: अमलि मुतऻबिक सज़ा तॖ
         जज़ा/वरताव हिशर
4. मु: युथ व्वस्तादॖ त्युथ च़ाठ
    अ: ह्युविस ह्यु आसुन
5. मु: यॆति नॖ कुनि बलॖवीर तऺति
         क्याह करि वॖगरॖटीर
   अ: ताक़तुक इज़हार/कमज़ोर
         ह्यॆकि नॖ कऻम अंजाम दिथ
*************************
1. जिगर....Heart/Soul/
                 Courage
2. जागुर... Argument
3. जऻगीर.. Land/Estate/
        Rent free grant given 
        by govt. as a reward
        for some services
4. जऻहिल... Arrogant/Rude
         Illiterate/Uncultured
         Foolish/Brutal
5. जऻयिज़... Appropriate/
         Permissable/Lawful
         Legal/Right/Proper/
         Justified/Genuine/
         Suitable
6. जऻली..... False/Untruth/
         Illusion/Falsehood/
         Forgrey
7. जऻनी.... Fast/Very close
          Dear/Intimate
8. जानि मन....Own life/My
           dear/Dear friend
9. जानबाज़....Daring/Brave
                     Intrepid
10. जानपऻठ्य...Very well/
            Fit/Right/Settled
            Safe and sound
*************************
गीता ज्ञान  :  अध्याय-6 :
सर्द गर्म स्वख द्वख मान अपमान
ह्यु ज़ऻनिथ अंत:करन शांत आसान
तऺमिस ब्रह्मस रॊस नॖ कॆंह बासान
वॊन भगॖवानन गीता ज्ञान
*************************
रक्षाबंधन त्योहार छु यिवान व्वंय मनावनॖ बडॖ जोश खरोश सान। बोय करि ब्यॆनि रऻछ दऻदिस द्वखस मंज़। अज़कल कऻच़ाह दुर्गटनायि छि गछ़ान, कऻत्याह बलात्कार छि गछ़ान, ल्वकच्यन ल्वकच्यन मोसूम कोर्येन, बदसॊलूकी छि गछ़ान स्कूलन मंज़, दफ्तरन मंज़, कालिजन मंज़, वति पकवुन। कऻत्याह बऻय छि आमॖत्य रक्षा करनि यिथ्यन मोकन प्यठ पनॖन्यन ब्यॆन्यन। म्यॆ छे नॖ अख मिसाला ति नज़रि आमॖच़ अख़बारव दऺस्य, मैग्जज़ीनव दऺस्य, टी वी दऺस्य।यि त्योहार छु म्यॆ बासान अख हाव-बावुक त्योहार ब्येयि नॖ कॆंह। ब्यॆनि गन्डान बऻयिस राखी तॖ अख वऻद ह्यवान ज़ि सु बोय यी अकार बकार ॳमिस ब्यॆनि द्वखस दऻदिस मंज़। राखी हुन्द मतलब छु तीय। मोदी जी कपऻर्य बन्याव बोय ल्वकच्यन ल्वकच्यन कोर्यॆन हुन्द। टी वीयस प्यठ यिम शगूफॖ हावनुक मतलब क्याह छु।म्यॆ तॊर नॖ फिकिरी। कॆंह ब्यनि छि सोज़ान राखी बायन/मास्तॖर/पॊफ्तॖर्यॆन/पितर्यॆन/वितॖर्यॆन बज़ऺरिया डाक। कमिस कर छि वातान, वऻतिथ कुस कमिस राखी गन्डान, गन्डिथ पतॖ कऺमिस कॗच़ाह रऻछ छि वातान यि ज़ानि दय। म्यॆ बासान यि त्योहार अख मज़ाखा अख तॖ ब्यॆ नॖ कॆंह। म्यॆ गछ़ि मऻफी दिन्य अमि कलामॖ बापथ मगर हक़ीकथ छि यिहऻय।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)
(सोज़-ए-दिल सी डी करिव बुक पनॖनि नावॖ)

26.08.2018

26.08.2018, श्रावणॖ (श्रावण/ सावन) ज़ूनॖ पछॖ (शुक्ल पक्ष), पुनिम (पूर्णिमा), आथवार (रविवार/एतवार), राश कुम्भ (चलान), ऋतु वर्षा (चलान), द्रठॖपऻन्च़ुक (पंचक)(चलान)..
अज़ छु रक्षा बंधन ति
*************************
जे के विचार मंचॖ तरफॖ छुस बॖ त्वहि सारिनीय यछ़ान
        ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: ॳछन पचि फ्युर गछ़ुन
    अ: कऻन्सिहुन्द कॊरमुत मदद
          या एहसान मऺशरावुन
2. मु: यॊत ताफ़ तॊत शुहुल
    अ: प्रथ कमालस छु ज़वाल/
         द्वख स्वख छु बराबर
3. मु: यॊत ताम छ़ॊट पिलन करि
         तॊत ताम ज़्यूठ यड बरि
    अ: क़द थॊद आसुन छु फऻयदॖ
          मंद
4. मु: यॊत ताम छ़ॊट नॆन्दॖर करि
         तॊत ताम ज़्यूठ जाय
         छ़ान्डि
   अ: ज़्यूठ क़द आसुन छु बाज़े
        खुर/छ़ॊट करि कुनि ति
        जायि आराम
5.मु: यॊत ताम दम तॊत ताम ग़म
   अ: यॊत ताम इन्सान ज़िन्दॖ छु
        तॊत ताम छि तस परेशऻनी
*************************
1. हॊल... Twisted/Crooked
               Bent/Uneven/
               Waist cloth
2. होल.... Love/Affection
3. हाल... A big room (Hall)
              To know welfare/
               Condition of
4. होर... Two/Pair/There/
              Lost
5. हऻल... Habit/Practice/
               Custom
6. हार.. Garland/Necklace
            Failure/Sea-shell
7. हारॖ... Sea-shell/Money
8. हाख..Greens/Khol seed
9. हाकॖ-बॊद..Bundle of
                    Knoll Khol
10. हाकॖ-रंग....Colour of
             Knoll Khol/Green
             colour
*************************
गीता ज्ञान  : अध्याय-6  :
पानॖ संसार सागर तार लबान
पनुन पान नर्कस मंज़ नॖ त्रावान
मनुष्य पनुन मॆथॖर तॖ पानय शॊत्रु आसान
वॊन भगॖवानन गीता ज्ञान
*************************
अज़ छु बॊड द्वह वारियाहव रऺन्ग्य। अज़ छि श्रावणॖ-पुनिम यानि ॳज़्यकि द्वह छि लूख करान अमरनाथ गॊफाय मंज़ शीनॖ-शिव-लिंग दर्शुन। यिम नॖ तोर ह्यकान वऻतिथ तिम ॴस्य कऺशीरि मंज़ शंक्राचार खसान तॖ तति मंदरस मंज़ शिव-लिंगसुन्द दर्शुन करान या पुंछॖ बूढा अमरनाथ गछ़ान तॖ शिवनाथुन दर्शुन करान। ॳज़्यकि द्वह ओस कऺशीरि मंज़ त्र्यन ख़ास जायन मेलॖ लगान। तिम गयेयि हरिश्वर, सर्यश्वर तॖ द्यऻन्यश्वर। यिमन त्र्यन जायन ति ॴस आसान बीरॖ वख्तॖ अकि। कऺशीरि मंज़ य्यॊस छॆड नेरान ॴस अमराकऺदलॖ अखाडा प्यठॖ अज़ दऺह-पन्दह द्वह ब्रौंठ स्व ॴस अज़ वातान अमरनाथ गॊफाय ताम। म्यॆ छु बासान यि वनुन ज़रूरी ज़ि बॖ छुस आमुत यिमन सारिनीय जायन फीरिथ पनॖनि माजि सॗत्य कर ताम। त्यूतुय योत नॖ बऺल्कि वुछमॖत्य छिम यिमन जायन कॆंह चमत्कार ति। श्रीनगरॖ ओस अज़ सुबहऻय च़ोरि बजि प्यठॖ शंक्राचारॖ म्वत मत्यॊमुत। पार्थीश्वर बापथ म्यॆच़ वालान। पैदल खसान-वसान। च़्यलॖ-च़्यल, दक्कम-दक्की, लऻनि मंज़ खडा रूज़िथ दर्शनस प्रारुन।अख स्वन्दर क्षण ओस बासान। अज़ छु फ़ाकॖ ति कॆंह बख्त थवान तॖ गारि-पूर्य, तलिथ ओलव, शकर-पारॖ ख्यवान कऺहवस सॗत्य।क्याह मज़ॖ ओस यिवान। अज़ छु रक्षा-बंधन द्वह ति। असि कऻशिर्यन मंज़ ओस नॖ अम्युक ज़्यादॖ असर आसान। यॆम द्वहन छु रंग रॊटमुत सऻनिस समाजस मंज़ अख-ॳकिस वुछिथ। म्यॆ छु नॖ याद प्यवान ज़ि म्यऻनिस ल्वकॖचास मंज़ ओस राखी गन्डनुक बोल-बाला। म्यॊन ल्वकचार यानि 1944 प्यठॖ 1960-स ताम। पतय लॊग यथ हवा ज़्यादय पाहन कशीरि मंज़ म्यॆ यॊत ताम ज़्वन छु
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)
म्यऻन सी डी सोज़-ए-दिल छि जल्दॖ यिनॖ वाज्यन यथ मंज़ थदि पायक्व कलाकारव छि बऻथ ग्यवमॖत्य। बुक करनऻविव पनॖनि बापथ ति।

25.08.2018

25.08.2018, श्रावणॖ (श्रावण/ सावन) ज़ूनॖ पछॖ (शुक्ल पक्ष), च़्वदह (चतुर्दशी), बटॖवार (शनिवार/शनिश्चरवार), राश कुम्भ (रऻच़हॖन्ज़ि 11.14 बजि प्यठॖ), ऋतु वर्षा (चलान)...द्रठॖपऻन्च़ुक (पंचक) ति लगि ॳज़्यकि प्यठॖ
*************************
जे के विचार मंचॖ तरफॖ छुस बॖ त्वहि सारिनीय यछ़ान
     ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु:ॳछ हुन्द म्वनिफॊल आसुन
    अ: स्यठा टोठ आसुन
2. मु: हालव गलन ना मगर
         दान्यस दाह कऺरिथ
    अ:  बद छु गलान मगर
         न्वकसान वातॖनऻविथ
3. मु: हऻन्ज़ मऻरिथ तॖ कऻन्ज़
         कऻरिथ
   अ: हऻन्ज़ छु चौब ख्यथ मानान
        तॖ कऻन्ज़ छु कऻरिथ ठीख
        गछ़ान
4. मु: हतॖ होनि ख्यतॖ ज़ंग
    अ: हंगॖतॖ-मंगॖच्यन काम्यन मंज़
       ज़ंग त्रावॖन्य/योरय मुसीबतन
        पान पुशॖरुन
5. मु: हतस कथन कुनी कथ
    अ: म्वख्तॖसर लफ़ज़न मंज़
         बावथ करॖन्य
*************************
1. गर....If/To make
2. गरॖ....Origin/Family/
             Residence/House
3. गरा .. At one time/For
             some time
4. गरथ... Structure/Design
5. गरॖ गरॖ... From door to
         door/In every house
6. गरॖवाज्यन ....Landlady/
           House-wife/Wife
7. गोर.....Guru/Priest/To
               think deeply
8. गर्द..... Dust/Dirt/Filth/
            Insignificant thing
9. गर्दन... Neck
10. गरदिश.... Rotation/
             Revolution/Stroll
*************************
गीता ज्ञान  : अध्याय-6  :
युस यन्द्रयन हॖंद्य बूग त्यागान
कर्मन हॖंद संकल्प त्रावान
तस प्वरुषस यूग आरोड वनान
वॊन भगॖवानन गीता ज्ञान
*************************
कथनी तॖ करनी मंज़ छि फ़र्ख। कांह छु कथॖ सासा करान मगर करान नॖ कॆंह तॖ कांह छु कामि हथा करान तॖ वनान नॖ कॆंह। प्रथ ज़ऻच़ मंज़ छु यि चलान तॖ यि छु पतवथॖ प्यठॖ आज़मावनॖ आमुत। युस कथय याच़ॖ करान सु छु ॴखरस प्रथ कऻन्सि खरान तॖ युस छ़्वपॖदम कऺरिथ कऻम करान सु छु ॴखरस कॆंह न तॖ कॆंह गरान तॖ नॊव चीज़ बनऻविथ हावान। यिम चीज़ ॳस्य वरतावान छि विज़ि विज़ि यिम चीज़ बनावनस मंज़ छु कऻन्सि वुछ़ कॊरॖमुत तॖ अदय छुन ह्यॊकमुत चीज़ बनऻविथ। सॖच़ॖनि प्यठॖ मोबायलस ताम। कॆंच़व छि वऻनस कथन मंज़ॖय कऺडमॖच़। वनॖनुक मतलब छु म्यॆ यि ज़ि व्हाटसापस प्यठॖ ह्वॊख बऺहस कर्य-कर्य पानॖवॖन्य नेरनॖ कॆंह। अल्बतॖ अगर ॳस्य यॆमि मोबायलॖ दऺस्य पनॖनिस समाजस खऻतरॖ कॆंह जान जान कामि ह्यकव कऺरिथ तथ बराबर छु नॖ कॆंह। फोटू हॊर-योर सोज़ॖनॖ सॗत्य छु नॖ कॆंह हऻसिल यिवान। कॆंह बऻय म्यऻन छि गीता हुन्द श्वलूक लेखान, कांह छु ललवाख वनान रोज़ान, कांह छु पंचस्तवी वनान माने जान-जान कामि कुन पनुन मन थऺविथ कॆंह न तॖ कॆंह करान। यिमव काम्यव सॗत्य छु छलन मल नेरान रोज़ान मगर कह बऻय म्यऻन छि आसान अलंद्यन थपॖ दिवान, पानवुन्य अख ॳकिस ज़ंगॖ कडान। तिमन पज़ि पनुन ख़याल बदलावुन तॖ व्हाटसापुक सही फऻयदॖ तुलुन। बॖ छुस पनॖनि हिसॖच कऻम करान यूताह ति म्यॆ तगान छु। बासान छु म्यॆ ज़ि म्यानि यॆमि कामि सॗत्य छि सऻरी ख्वश यॆमि हिसाबॖ म्यॆ ख़बर वातान छि।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)
म्यऻन सी डी "सोज़-ए-दिल" छि तयार गछ़नवाज्यन यथ मंज़ ब्यॊन ब्यॊन ग्यवनवाल्यव पननि मॊदुर हटि छि बऻथ ग्यवमॖत्य। त्वह्य ह्यॆकिव पनॖनि नावॖ म्यानि दऺस्य अख सी डी बुक करनऻविथ।

24.08.2018

24.08.2018, श्रावणॖ (श्रावण/ सावन) ज़ूनॖ पछॖ (शुक्ल पक्ष), त्रुवाह (त्रयोदशी), शॊकुरवार (शुक्रवार/जुम्मा), श्री सप्तार्षि सम्वत 5094, राश मकर         (चलान), ऋतु वर्षा (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
        ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: ॳछ वछ़ॖ तॖ गाशॖ रॊस
    अ: वुछिथ ऒन लागुन
2. मु: योरॖ मॊन्य ओरॖ कऺन्य
    अ: लोलस बेज़ती
3. मु: यॊत ताम पॊज़ पज़ि तॊत
         ताम आलम दज़ि
   अ: पज़र ननॖनस मंज़ छु च़ेर
         लगान
4. मु: योरकुन ल्यॆज तोरकुन रेह
    अ: मतलबी/ख्वदगर्ज़ी/वाव
          वुछिथ नाव त्रावॖन्य
5. मु: य्यॊस गाव द्वद दी तसॖन्ज़
         लथ छि च़ालॖन्य
   अ: यस निश कॆंह फऻयदॖ वाति
         तऺम्यसुन्द शरारथ ति छु
         च़ालुन प्यवान
*************************
1.स़फ़ॖ ....Page/Line/Row/
              Prayer-mat for
            one row of congre
            gation
2. स़फ़ॖ-बन्दी..To sit in a row
                   To face in row
3. स़ाफ़ॖ/दसतार....Turban
4. स़फ़ा....... Clean
5. स़फ़ा शीन.....Clean/
                   Snow white/
              As white as snow
6. शीन........Snow/Ice
7. सलाह....Advice/Opinion
                 Counsel
8. सलाह ज़ानुन...To think it
                          proper
9. सलाह च़्वचि.. Celebration
              of a compromise
10. सलाह स़फ़ऻयी...Clarifica
              tion and compro-
              mise
*************************
गीता ज्ञान   : अध्याय-6  :
युस प्वरुष यूगॖ प्राप्ती छु यछ़ान
निष्काम कर्म अम्युक हीतू आसान
संकल्पव रॊस सपदि कल्यान
वॊन भगॖवानन गीता ज्ञान
*************************
इन्सऻनियत छे नॖ प्रथ ॳकिस मंज़ आसान यि छु वुन्युखताम वुछनॖ आमुत, परज़ॖनावनॖ आमुत परखावनॖ आमुत तॖ आज़मावनॖ आमुत। इन्सऻनियत छि ज़ऻच़ पऻच़ न्यबर आसान। इन्सान करि इन्सानस मदद द्वखस-स्वखस मंज़ युस तमिस मंज़ छि दपान ॳस्य छि आसान इन्सऻनियत। यि छे नॖ न्यॆबॖर्य बोज़नॖ यिवान बऺल्कि यि छि अन्त:कर्णी आसान। अगर हना ग़ोर करव, मददॖच तऺपिश छि नज़रि यिवान जानवरन मंज़, जानावारन मंज़, क्यमन-कृलन मंज़ ति। मगर तिमन मंज़ छि सिरफ़ अमि कॖस्मॖच हर्कथ नज़र यिवान कुनि-कुनि सातन। येमिस मंज़ नॖ इन्सऻनियत आसि तऺमिस तॖ ॳकिस हयवानस मंज़ छॆ नॖ कांह फर्ख आसान। यॆत्यन इन्सऻनियत आसान छॆ नॖ तत्यन छि मार-दाड, शोर-शराबॖ, ल्यकॖ-थ्वकॖ, लडऻय-जग्डॖ, क्रूद, मॊह, लूब रोज़ान तॖ अशऻन्ती फऻलान। यॆतिनस इन्सानियत आसि तत्यन छु स्वर्ग बासान, शऻन्ती आसान, स्वख तॖ समुत आसान। पान्यार बासान। माय-महोब्बत रोज़ान। कूशिश करव ॳस्य ति इन्सान बनॖनॖच, इन्सऻनियत थवनॖच, तॖ तपोवनस मंज़ रोज़नॖच।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

23.08.2018

23.08.2018, श्रावणॖ (श्रावण/ सावन), ज़ूनॖ पछॖ (शुक्ल पक्ष), बाह (द्वादशी), ब्रसवार (वीरवार/ बृहस्पतवार), श्री सप्तार्षि सम्वत 5094, राश मकर (दुहचि 10.26 बजि प्यठॖ), ऋतु वर्षा (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
         ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: ॳछ प्यठ नॖ मऺछ ज़ॖरवॖन्य
   अ:  कऻन्सि हुंद स्यठा ख़याल
         करुन
2. मु: दुबॖ कलॖहीर
    अ: तस शख्सस यिवान वनॖनॖ
        यस नॖ सहल-सहल फिकिरी
         तरि
3. मु: द्रास ह्यॆनि म्यूलुम नॖ द्रास
         कॖननि पॊकुम नॖ
   अ: यॆलि प्रथ तरफ़ॖ मोयूसी
         लबनॖ यी
4. मु: द्राग च़लि तॖ दाग़ च़लि नॖ
    अ: सख्ती छि हमेशॖ याद
          रोज़ान
5. मु: दऺर्यावॖ निवान कांह आब
         बूत्यमार दिवान बुथि बुथि
   अ: कांह करान ॴश तॖ ब्यॆयिस
         यिवान अज़रवुन
*************************
1. कल..Deep desire/Hope
            Yearning/Longing
 2. कुल..Tree/On the
             whole/Entire/In
              total
3. काल...Time/Death
4. कलॖ...Head/Top
5. कलॖ दोद...Headache
6. कलॖपुश... A Lady head-
               gear/Skull cap
7. कलामॖ...Talk/Speach/
                 Poetry/Conver-
                 sation
8. कलश.... A pot (Deity's
             symbol) being
             worshipped in
            Hindu ceremonies
9. कॊल.....Dumb
10. कलुन...To stammer
*************************
गीता ज्ञान  :  अध्याय-6  :
ॳगॖन त्यऻगिथ बनिनॖ सऺन्यऻस्य
न क्रिया करनॖ रॊस कर्मॖ यूगी
संक्लप त्रऻविथ छु यूगी बनान
वॊन भगॖवानन गीता ज्ञान
*************************
कऻशिर्य बट्टॖ आयि च़ऺलिथ कऺशीरि प्यठॖ अज़ त्रॖह वऺरी ब्रौंठ ति क्याज़ि कऺशीरि मंज़ फऻल्यव दहशत, ख़ोफ़, कत्लॖ-गऻरथ, यज़तस ख़लल, सान्यन माज्यन ब्यॆन्यन प्यठ बुरॖ नज़र, गरन गव लूठ, मकानॖ ज़ऻलिख, मन्दर वऻलिख, बट्टॖ च़ऺलॖरऻविख तत्यक्यव दहशतगरदव, मुसलमानव। अज़ गयि त्रॖह वऺरी अथ हऻदिसस मगर असि छि वुन्य तॗर फटान यॆलि असि ॳछन ब्रौंह कनि सु मन्ज़र याद यिवान छु। मन छु करान तिमन मारॖवातलन कुन वुछहऻवनॖ, तिमन सॗत्य करहऻव नॖ दुबारॖ कथबाथॖय। खून छु खोलान। मगर यि ति सौंचान ज़ि क्याह कऺशीरि-हॖन्द्य सऻरी मुस्लमान छा कुनी ख़यालॖक, अकी त्रायिहॖन्द्य मन छु नॖ मानान।
वजह छु यि ज़ि कॆंह मुस्लमान बऻय ति छि पछतावान ज़ि यिम हालात बिगड्यॆयि क्याज़ि। कॆंच़न मुसलमानन मंज़ छि वुनि ति इन्सऻनियत मूजूद। ॳस्य सऻरी बट्टॖ छि अज़ ताम कऺशिरि गछ़ान रूद्यमॖत्य कुनि न तॖ कुनि बहानय। तॊत वऻतिथ छि ॳस्य तिमनॖय मुसलमानन सॗत्य गुफ्तगू करान।तिमनय मुसलमानन दऺस्य पनॖनि कॆंह कामि करनावान रोज़ान। यि छि सारिनीय असि बट्टन ख़बर। मगर तोति छि ॳछ फिरनावान। म्यानि वननुक मतलब छु ज़ि सोरुय छु पॊज़, असि प्यठ गव ग़द्दॖर, असि प्यठ प्यव क़हर। मगर तिमन मुसलमानन मंज़ छि वुनि ति कॆंह नज़र यिवान यिमन मंज़ इन्सऻनियत मूजूद छि। माय महॊब्बत मूजूद छु। मेलनॖच तॖ इकॖवटॖ रोज़नॖच ख़लिश छि। युथुय अख मुसलमान आव म्यॆ नज़रि राथ यॆति क्रोसिंग रिपब्लिकस मंज़ यॆलि ॳकिस म्यॆनिस मॆथरस अंत वोत सु मुसलमान ओस पनॖन आश्यन ह्यथ शानॖ बऺ शानॖ खड़ा पूरॖ दॊहस हालांकि तमिस ॴस राथ ईद मगर तम्युक परवाय न कऺरिथ रूद सु शुमशानबलस ताम असि सॗत्य पकवुन। इन्सऻनियतॖच अख ज़िन्दॖ मिसाल। यिथ्य आसन ब्यॆयि ति कऻत्याह म्यॆ बासान।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
 नऺविव तॖ फोलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

23.08.2018

23.08.2018, श्रावणॖ (श्रावण/ सावन), ज़ूनॖ पछॖ (शुक्ल पक्ष), बाह (द्वादशी), ब्रसवार (वीरवार/ बृहस्पतवार), श्री सप्तार्षि सम्वत 5094, राश मकर (दुहचि 10.26 बजि प्यठॖ), ऋतु वर्षा (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
         ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: ॳछ प्यठ नॖ मऺछ ज़ॖरवॖन्य
   अ:  कऻन्सि हुंद स्यठा ख़याल
         करुन
2. मु: दुबॖ कलॖहीर
    अ: तस शख्सस यिवान वनॖनॖ
        यस नॖ सहल-सहल फिकिरी
         तरि
3. मु: द्रास ह्यॆनि म्यूलुम नॖ द्रास
         कॖननि पॊकुम नॖ
   अ: यॆलि प्रथ तरफ़ॖ मोयूसी
         लबनॖ यी
4. मु: द्राग च़लि तॖ दाग़ च़लि नॖ
    अ: सख्ती छि हमेशॖ याद
          रोज़ान
5. मु: दऺर्यावॖ निवान कांह आब
         बूत्यमार दिवान बुथि बुथि
   अ: कांह करान ॴश तॖ ब्यॆयिस
         यिवान अज़रवुन
*************************
1. कल..Deep desire/Hope
            Yearning/Longing
 2. कुल..Tree/On the 
             whole/Entire/In
              total
3. काल...Time/Death
4. कलॖ...Head/Top
5. कलॖ दोद...Headache
6. कलॖपुश... A Lady head-
               gear/Skull cap
7. कलामॖ...Talk/Speach/
                 Poetry/Conver-
                 sation
8. कलश.... A pot (Deity's
             symbol) being
             worshipped in
            Hindu ceremonies
9. कॊल.....Dumb
10. कलुन...To stammer
*************************
गीता ज्ञान  :  अध्याय-6  :
ॳगॖन त्यऻगिथ बनिनॖ सऺन्यऻस्य
न क्रिया करनॖ रॊस कर्मॖ यूगी
संक्लप त्रऻविथ छु यूगी बनान
वॊन भगॖवानन गीता ज्ञान
*************************
कऻशिर्य बट्टॖ आयि च़ऺलिथ कऺशीरि प्यठॖ अज़ त्रॖह वऺरी ब्रौंठ ति क्याज़ि कऺशीरि मंज़ फऻल्यव दहशत, ख़ोफ़, कत्लॖ-गऻरथ, यज़तस ख़लल, सान्यन माज्यन ब्यॆन्यन प्यठ बुरॖ नज़र, गरन गव लूठ, मकानॖ ज़ऻलिख, मन्दर वऻलिख, बट्टॖ च़ऺलॖरऻविख तत्यक्यव दहशतगरदव, मुसलमानव। अज़ गयि त्रॖह वऺरी अथ हऻदिसस मगर असि छि वुन्य तॗर फटान यॆलि असि ॳछन ब्रौंह कनि सु मन्ज़र याद यिवान छु। मन छु करान तिमन मारॖवातलन कुन वुछहऻवनॖ, तिमन सॗत्य करहऻव नॖ दुबारॖ कथबाथॖय। खून छु खोलान। मगर यि ति सौंचान ज़ि क्याह कऺशीरि-हॖन्द्य सऻरी मुस्लमान छा कुनी ख़यालॖक, अकी त्रायिहॖन्द्य मन छु नॖ मानान।
वजह छु यि ज़ि कॆंह मुस्लमान बऻय ति छि पछतावान ज़ि यिम हालात बिगड्यॆयि क्याज़ि। कॆंच़न मुसलमानन मंज़ छि वुनि ति इन्सऻनियत मूजूद। ॳस्य सऻरी बट्टॖ छि अज़ ताम कऺशिरि गछ़ान रूद्यमॖत्य कुनि न तॖ कुनि बहानय। तॊत वऻतिथ छि ॳस्य तिमनॖय मुसलमानन सॗत्य गुफ्तगू करान।तिमनय मुसलमानन दऺस्य पनॖनि कॆंह कामि करनावान रोज़ान। यि छि सारिनीय असि बट्टन ख़बर। मगर तोति छि ॳछ फिरनावान। म्यानि वननुक मतलब छु ज़ि सोरुय छु पॊज़, असि प्यठ गव ग़द्दॖर, असि प्यठ प्यव क़हर। मगर तिमन मुसलमानन मंज़ छि वुनि ति कॆंह नज़र यिवान यिमन मंज़ इन्सऻनियत मूजूद छि। माय महॊब्बत मूजूद छु। मेलनॖच तॖ इकॖवटॖ रोज़नॖच ख़लिश छि। युथुय अख मुसलमान आव म्यॆ नज़रि राथ यॆति क्रोसिंग रिपब्लिकस मंज़ यॆलि ॳकिस म्यॆनिस मॆथरस अंत वोत सु मुसलमान ओस पनॖन आश्यन ह्यथ शानॖ बऺ शानॖ खड़ा पूरॖ दॊहस हालांकि तमिस ॴस राथ ईद मगर तम्युक परवाय न कऺरिथ रूद सु शुमशानबलस ताम असि सॗत्य पकवुन। इन्सऻनियतॖच अख ज़िन्दॖ मिसाल। यिथ्य आसन ब्यॆयि ति कऻत्याह म्यॆ बासान।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
 नऺविव तॖ फोलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

21.08.2018

21.08.2018, श्रावणॖ (श्रावण/ सावन) ज़ूनॖ पछॖ (शुक्लॖ पक्ष) काह (एकादशी) बॊम्वार (मंगलवार), श्री सप्तार्षि सम्वत 5094, राश धनु (चलान), ऋतु वर्षा (चलान)...काह छि ज़ॖ गछ़ान
ॳज़्युक वॊहरवोद यी पगाह
*************************
जे के विचार मंचॖ तरफॖ छुस बॖ त्वहि सारिनीय यछ़ान
        ऒरज़ुव तॖ दॊरकॊठ
*****"***************"****
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: ॳकिस दज़ान दऻर तॖ
         ब्याख छु वुशनावान अथॖ
   अ: कऻन्सि हॖन्ज़ि मुसीबतुक
         नाजऻयिज़ फऻयदॖ तुलुन
2. मु: दऺह छि दोस्त दऺह छि दुश्मन
    अ: सऻरीय छि नॖ हमदर्द
         आसान/प्रथ मामलस
         ख़बरदार रोज़ुन
3. मु: दांदन ख्यॆयि पतॖज पनॖन
         ख्यॆयन मंदॖज
   अ: स्व हरकत करॖन्य यॆमि सॗत्य
        पानसॖय तक्लीफ़ वाति
4. मु: दानॖ ब्यॊन तॖ पानॖ ब्यॊन
   अ: युस ब्यॊन द्राव तस छॆ नॖ गरॖ
      बऻच़न हॖन्ज़ फिकिर आसान/
      समुत छु ॳकिस जायि ख्यनॖ
      सॗत्य रोज़ान
5. मु: दानस प्यॆवॖतन पानस
         ख्यॆयितन
   अ: रुत कांछुन/पानॖ ॴस्यतन
        बजाह
*************************
1. तफ..... Temperature/
                 Fever
2. ताफ..... Sunshine
3. ताब.....  Patience/Toler-
                 ance
4. तॊत..... There/Hot
5. तोतॖ..... Parrot
6. तोति.... Still then
7. तीत्य.... Many
8. तपऻर्य....On that side
9. तपऻल्य... Tuberculosis/
                  Abuse
10. ततुन....To become hot
*************************
गीता ज्ञान  : अध्याय-5  :
नॆत्रन हॖन्ज़ दृष्टी तिमन दरमियान
प्राण अपान वायू सम थवान
यछ़ा ब्यॆयि क्रूदॖ निशॖ म्वकॖल्य आसान
वॊन भगॖवानन गीता ज्ञान
*************************
चूंकि यि संस्था यानि जे के विचार मंच छि लऺगिथ कुनि न तॖ कुनि रंग्य समाजचि सीवाय मंज़ ॳथ्य सिलसिलस मंज़ ज़ोन यि असि ठीख ज़ि ॳस्य वातव पनॖन्यन शुर्यन तान्य मोबायलॖ दऺस्य तॖ कूशिश करव तिमन माजि-ज़्यव हॖन्ज़ ज़ऻन्यकऻरी दिन्य। सूंच ज़ि वुह वुहिर ताम लडकॖ/लडकीयन हुन्द अख अलग ग्रुप बनावव यथ मंज़ तिमन सॗत्य रोज़व ॳस्य कऻशिर्य पऻठ्य कथबाथ करान। अमि मूजूब कॊर ऊतरॖ प्यठॖ अख ग्रुप खड़ा यथ नाव द्युत "सऻन्य कऻशिर्य ज़्यव"। बचव ह्यॆत्य पनॖनि यछ़ायि सान अथ ग्रुपस मंज़ शमूलियथ करॖन्य तॖ असि ह्यॆच़ यि अख नऺव ज़िम्वऻरी। व्वमेद छि ज़ि यि करनॖ सॗत्य वाति सान्यन बचन वारियाह फऻयदॖ।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
  नऺविव तॖ फोलिव
    भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

20.08.2018

20.08.2018, श्रावणॖ (श्रावण/ सावन) ज़ूनॖ पछॖ (शुक्ल पक्ष) दऺहम (दशमी), च़न्द्रवार (सोमवार),श्री सप्तार्षि सम्वत 5094, राश धनु (रऻच़ हॖन्ज़ॖ 9.40 बजि प्यठॖ), ऋतु वर्षा (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
     ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: ॳक्यसुन्द दज़ान आब तॖ
         ब्यॆयि सुन्द नॖ दज़ान तील
    अ: पनुन पनुन कॖस्मत
2. मु: त्रऻवमॖच़ थ्वख न्यंगलावॖन्य
    अ त्रावुन लायक़ चीज़ मजबूरी
        किन्य वापस रटुन
3. मु: त्रॖह गव ज़ि सॖह गव
    अ: नवजवान छु ताक़तवोल
         आसान
4. मु: तछान तछान नशान कॊह
    अ: लगातार कूशिश करनॖ
         सॗत्य छि मुश्किल कऻम ति
         अंद वातान
5. मु: तापॖ सॗत्य दऻर छऺच़रऻवमॖच़
    अ: वख्त ज़ायि कऺरिथ ति कॆंह
         हऻसिल नॖ सपदुमुत
*************************
1. खन......Treasure/To dig
2. खान..... Mine
3. ख़ाल.... Skin
4. ख़ानॖदार...Head of a fami
                 ly/Husband
5. ख़ानॖजंगी...Civil war
6. ख़ानॖ माजर...Giving much
                more love
7. ख़ानॖ शुमऻरी...Census/
                  House count
8. ख़ानॖ मोल....Only son/
                  Loving son
9. ख़ानॖ मऻज... Only daught
                  er/Loving
                  daughter
10. ख़ानॖकाह....A house
                  mosque where
                 prayers are held
*************************
गीता ज्ञान  : अध्याय-5 :
नॆबरॖ यिमन विशय बूग नॖ स्वरान
नॆबरय तिमन छु त्रऻविथ छ़ुनान
यऺन्द्रय मन तॖ ब्वद तिमय ज़ेनान
वॊन भगॖवानन गीता ज्ञान
*************************
जे के विचार मंचॖ छि अख संस्था यॆमिक सदस्य रोज़ान छि व्यच़ार करान ज़ि किथॖ पऻठ्य ह्यकव ॳस्य पनॖनि समाजिच सीवा कऺरिथ तिथॖ पऻठ्य ज़ि सऻन्य प्रज़नथ रोज़ि ज़िन्दॖ। अमि मूजूब छि यि संस्था रंगा-रंग कार्यक्रम करान रोज़ान विज़ि विज़ि। समाजॖक्यन शुर्यन गाशॖ तारख बनावनॖच कूशिश करान संगीतस मंज़, डानसस मंज़ या साज़ बजावनस मंज़। अमि अलावॖ छि यि संस्था कऻशिर्य ज़बान य्यॊस असि बटन हॖन्ज़ अख पहचान छि , ज़िन्दॖ थावनॖच कूशिश करान तॖ पनॖन ज़बान जान पऻठ्य ज़ाननवाल्यन, वनन-वाल्यन, लेखनवाल्यन नक्द यनामॖ दिथ तिहॖन्ज़ होस्लॖ-अफ्ज़ऻयी करान रोज़ान। चूंकि बॖति छुस अथ संस्थायि सॗत्य जुडिथ तॖ पनॖनि मोबायलॖ दऺस्य पनॖन्यन समाजक्यन बऻच़न ताम ज़बान ज़िन्दॖ थवनॖ म्वखॖ मुहावरॖ लेखान रोज़ान, कॆंह मज़मून लेखान रोज़ान, कॆंह अलफ़ाज़ लेखान रोज़ान ताकि असि गछ़ि नॖ मऺशिथ गछ़ॖन्य पनॖनीय माजि-ज़्यव तॖ रावव पानसॖय मंज़। कथ छि जऻरी
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
 नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

19.08.2018

19.08.2018, श्रावणॖ (श्रावण/ सावन) ज़ूनॖ पछॖ (शुक्ल पक्ष), नवम (नवमी), आथवार (रविवार/ एतवार), श्री सप्तार्षि सम्वत 5094, राश वृश्चिक (चलान), ऋतु वर्षा (चलान) ************************* जे के विचार मंचॖ तरफॖ छुस बॖ त्वहि सारिनीय यछ़ान ऒरज़ुव तॖ दॊरकॊठ ************************* नमस्कार माहरा त्वहि सारिनीय म्योन पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ ************************* 1. मु: ॳक्यसुन्द कस्यानॖ ब्यॆयि सुन्द ग़ॖज़ाह अ: अख ॳकिस प्यठ छि सऻरी दारमदार 2. मु: दऺह ग़ज़ ह्यॊर क्याह दऺह गज़ ब्वन क्याह अ: हिशी कथा बोज़ॖन्य 3. मु: दऺह बऻच़ काह ज़ऻच़ अ: ब्यॊन ब्यॊन मिजाज़ॖ/यॆलि नॖ सारिनीय बऻच़न कुनी राय आसि 4. मु: दऺह चंदस दऺह व्वंदस दऺह शांदस अ: यॆलि नॖ कथ साफ़ पऻठ्य वनॖनॖ यी/प्रथ कुनि चीज़ुक ख़याल रोज़ुन 5. मु: दारो कम्यू फाटवुख दॊपनस पनॖन पॊन्य अ: यॆलि पनुनुय न्वकसान वातॖनावि ************************* 1. मन.... Mind/Soul/Spirit Inclination/Con- science/Attention A maund (About 37 kg in weight) 2. मन बिहुन....To be satis- fied/Liked/ Desire 3. मनस थवुन....To keep in mind 4. मन पसंद.....Liked/Loved Cherished 5. मन फेरुन... To change one's mind/,To lose heart 6. मन डलुन....Be sick and tired/To turn one's mind from 7. मनहूस... Inauspicious/ Unlucky/Abomi- nable 8. मनज़ूर....Sanctioned/ Granted/Approv ed/intended/ Liked 9. मनशुर.....Agenda/Pro- clamation/Mani festo 10. मनोहर.... Beautiful/ Lovely/Fascinat- ing/Alluring/ Interesting ************************* गीता ज्ञान : अध्याय-5 : मन वश कऺरिथ काम क्रूद त्यऻगिथ परमात्माहस साक्षात रूज़िथ च़्वपऻर्य व्याप्थ परम ब्रह्मस डेंशान वॊन भगॖवानन गीता ज्ञान ************************* म्यॆ छु नॖ वुनि ति फिकिरी तरान ज़ि असि बटन क्याज़ि छि गऻमॖच़ दॖय पनॖनि ज़बऻन्य हॗन्ज़। सानि ज़बऻन्य मंज़ क्याह छि तिम खऻमी यिम असि पनॖन माजि-ज़्यव वनॖनस निशि दूर थवान छि। पनॖनि ज़ऻच़ न्यबर यिम ति ज़ऻच़ म्यॆ नज़रि गऺयि तॖ यिहन्ज़न महफिलन तॖ मऺज्यलिसन मंज़ म्यॆ बॆहनुक म्वॊकॖ म्यूल म्यॆ वुछ ज़ि तिम सऻरीय छि पनॖनि माजि ज़यॆवि मंज़ पानॖवुन्य कथ करान।यॊदवय तिम त्रॆ या च़ोर नफ़र आसन तॖ अख नफ़र तिमन मंज़ दोयिमि ज़ऻच़ हुन्द आसि तिमन छॆ नॖ कांह फ़र्ख प्यवान। तिम छि पनॖन कथ पनॖनीय ज़बऻन्य मंज़ करान मगर असि ज़न छि च़ूरि प्यठ रटान। अगर अख ति नफ़र सानि महफिलि मंज़ आसि ॳस्य छि यकदम पनॖन ज़बान तम्यसॗन्दि बापथ बदलावान यानि अथ छि वनान ज़ॊवि हन्दि बापथ ज़ऺट नालॗ कडॖन्य। त्यूतुय योत नॖ ॳस्य छि पानवॖन्य बिहित ति पर-ज़बऻन्य मंज़ॖय कथ करान रोज़ान। यि कऻच़ाह शर्मिहन्ज़ कथ छि तॗ कऻच़ाह न्वकसान देह छि सानि समाजि बापथ। पनॖनि बापथ कऻच़ाह ख़राब कथ छि यि ज़रा करव गरस मंज़ बिहित ग़ोर अथ कथि प्यठ ************************* कऻशुर हॆछव कऻशुर परव कऻशिर्य पऻठ्य पानॖवुन्य कथबाथ करव ************************* नऺविव तॖ फोलिव भूषण कौल "दीप" (बूज़िव ॳज़्युक सबक़ म्यानि ज़्यॆवि ति) ( बूज़िव म्यूज़कॖ प्यठॖ ति बूज़िव म्यऻन्य यि आवाज़) (koshursabak.blogspot.com ति वुछिव)

18.08.2018

18.08.2018, श्रावणॖ (श्रावण/ सावन),ज़ूनॖ पछॖ (शुक्ल पक्ष),ॴठम (अष्टमी), बटॖवार (शनिवार/शनिश्चरवार),श्री सप्तार्षि सम्वत 5094, राश वृश्चिक (दुहचि 10.58 बजि प्यठॖ), ऋतु वर्षा (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
        ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: ॳक्य छ़ोंड दुनिया तॖ ब्यॆयि
         ॳक्य यीमान
   अ: स्यठाह मुश्किल या
        नामुम्किन कऻम करनॖच
        कूशिश करॖन्य
2. मु: हारॖच गॊगॖज तॖ लारॖच
        गुनस गऺयि बराबर
    अ: हारॖच गॊगॖज गऺयि ज़हरस
        बराबर
3. मु: हापथ यारज़
    अ: जऻहिल सॖन्ज़ दोस्ती/मुडॖ
         सॖन्ज़ यारज़
4. मु: हऻन्ज़स ग्वबेयि ल्वलि
         दिच़ॖन दऻरिथ क्वलि
   अ: पनॖन कूर स्यठाह वऺसिथ
         गरस मंज़ दिन्य
5. मु: हापतस नम कासॖन्य
    अ: ज़ऻलिम हॊमरावुन
*************************
1. क़ऻबिल.....Able/Capable
                    Qualified/
                    Competent
2. क़ऻतिल.... Murderer/
                   Assasin/Homi
                   cide
3. क़ऻसिद.... Messenger/
               Courier/Envoy
4. क़ऻसिब....Artist/Artisan
5. क़ऻफिलॖ... Multitude of
             travellers/Carvan
6. क़ऻयदॖ... Regulation/
             Order/System/
             Formula/Primer/
             Maxim
7. क़ऻश.....Slice/Piece (of)
8. काश...Wish/How I wish
9. कश...  To throw
10. क़ऻलिब....Mould/Frame
*************************
गीता ज्ञान :  अध्याय-5  :
सम्सऻर्य विशयन मंज़ यिम नॖ ब्वडान
आत्माहस मंज़ दऺरिथ ध्यान दारान
ब्रह्म रूप परम आनन्द छि प्रावान
वॊन भगॖवानन गीता ज्ञान
*************************
ग्वनवान प्वरषन छि सऻरी पूज़ान।जान ग्वन आसनॖ सॗत्य छु इन्सान जान-जान काम्यन अंद वातॖनावान। प्रथ ज़ऻच़ मंज़ छि आसान ग्वनवान तॖ महाप्वरुष यिहन्दि दऺस्य असि कल्याण छु सपदान। यिम ग्वनवान छि हमेशॖ रॖच़ वथ हावान रोज़ान। बस रटन-बानॖ गछ़ि आसुन। तगुन गछ़ि यिथ्यन ग्वनवानन हॖन्द्यन क़दमन प्यठ पकुन। ज़नम छु सफल गछ़ान। ज़िन्दगी हुन्द छु क्याह सार म्यॆ वनतम, कवॖ यि आदम छु बे-क़रार म्यॆ वनतम। क्याह सौंचान, स्वरान यिवान छु सु ज़नॖमस, क्याह छु अमलान यॆति मा छय ख़बर तस। कथ प्यठ छुस यख्तियार म्यॆ वनतम। युस योर आव तस वापस गछ़ुन, मौतस क्याह करि सोन पशुन। आख अगर कह कऺर्यथॖय गछ़, कॆंह नय तगी लूकन हॖन्द्यन दिलन मंज़ प्रेम बाव बऺर्यथॖय गछ़। नेरान अकि फिरि फेरान नॖ वापस, फेरान मगर तम्यकुय कॆंह कालस। नम गछ़ान ॳछ, फ्युर लगान यॆलि खयालस दमफुट्य गछ़ान लगान ब्यॆयि यथ जंजालस। कॗत्य आयि कॗत्य गऺयि क्याह क्याह कऺर्यथॖय गऺयि मगर तोति छु असि मंज़ अपुज़ुय तॆह,बऺल्य अहंकार, क्रूध, ईर्शा, हसद, लालच, यिमव चीज़व निशि यॆमिस नजात मॆलि सु छु यूगी, सुय छु ग्वनवान तम्यसॖय मंज़ ह्यकव वुछिथ भगवान। असि छि पनॖन शुर्य ग्वनवान बनावॖन्य, अवग्वनन निशि दूर थवॖन्य। अटल जियिन पऻठ्य गीतकार बनावॖन्य,कथाकार बनावॖन्य,  साहित्यकार बनावॖन्य, कलाकार बनावॖन्य,  सियास्तदान बनावॖन, समजदार बनावॖन्य, संस्कऻरी बनावॖन्य, सलहकार बनावॖन्य, पनॖनि वतनॖक्य पहरदार बनावॖन्य।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
  नऺविव तॖ फोलिव
    भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

17.08.2018

17.08.2018, श्रावणॖ (श्रावण/ सावन),ज़ूनॖ पछॖ (शुक्ल पक्ष), सतम (सप्तमी), शॊकुरवार (शुक्रवार/जुम्मा),श्री सप्तार्षि सम्वत 5094, राश तुला (चलान), ऋतु वर्षा (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
         ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: ॳक्य च़ऺट सुम सास गव
         क्वलि
    अ: अक्य कॊर फऻशन सासव
          लूकव कॊर नकॖल/ॳक्य
          च़ॊट बंड तॖ सास लूख
          फऺट्य पऻनिस मंज़
2. मु: ताबस छु लाब
    अ: ताब करनस छु फऻयदॖ
          मेलान
3. मु: तालवस लोरि काह जंगॖ
         विज़ि नॖ अख ति
    अ: वख्तॖ विज़ि नॖ चीज़ अथि
         युन
4. मु: तऻज़्य बटॖन्य कान
    अ: मोमूली छ़वम्ब वरतऻविथ
          कांह बचाव करुन
5. मु: ताह करतम शाह करथ
    अ: चीज़स वातॖनॖ सॗत्य छु
          चीज़स दार नेरान
*************************
1. फ़रहत...Pleasure/Cheer
                fulness/Delight/
                Amusement
2. फ़राग़थ..Leisure/Respite
                 Easy/Circums-
                 tances
3. फ़रदन-फ़रदन...One by
                 one/Individually
4. फ़रामोश..Forget/Ignored
                  Neglected
5. फ़राह....Invalid/Bad
6. फ़राहम.. Gathering/
               Obtaining/Collec
                ting
7. फ़रद... Individual/Sheet
               List/Register
8. फ़रज़... Duty/Obligation
               Responsibility/
               Supposition/Un
              real/Hypothetical
9. फ़िज़ा.... Atmosphere/
              Mental environ-
               ment/Bloom
10. फ़रज़ंदॖ...Son/Child
*************************
गीता ज्ञान :  अध्याय-5  :
टोठ चीज़ प्रऻविथ नॖ ख्वश आसान
अटोठ प्रऻविथ न ग़मग़ीन सपदान
तिम ब्वज़वान समबाव दऺरिथ रोज़ान
वॊन भगॖवानन गीता ज्ञान
*************************
गुरु विद्या आसॖन्य छि स्यठाह जान। परुन लेखुन छु पनॖनि जायि मगर मंत्र ज़ानुन, पाठ पूज़ा ज़ानुन ति छु त्यूतुय ज़रूरी यूताह बाकय मज़मून परॖन्य छि ज़रूरी। ॳस्य छि बटॖ। बटॖ माने शिव-रूपी। असि छि वनान सरस्वत-ब्रह्मन ति यानि थदि-पायुक बटॖ-ब्रह्मुन। दपान वख्तॖ अकि ॴस्य ॳस्य दर्याव-सरस्वतकिस बऺठिस प्यठ रोज़ान तॖ ॴस्य शास्त्र-विद्यायि मंज़ महऻरियत प्राप्त कऺरमॖच़। सान्यन गरन मंज़ ओस आसान ठोकुर-कुठ कशीरि मंज़। यथ मंज़ दीवी-दीवताहन ॴस्य पूज़ान, शंख वायान, गन्टा पायान, ट्यॊक करान, अमृत च्यवान। छ़्यॊट नॖ ख्यवान, म्यॆच़ि सॗत्य अथॖ छलान, ज़्यॆवि सॗत्य नॖ अप-शब्द बोलान माजि-मऻल्यसॖन्ज़ सीवा करान, ज़िठ्यन आदर-सत्कार करान, पछ़िस भगवानसुन्द रूप मानान, वगैरा वगैरा। यिम चीज़ ति ॴस्य सान्यन संस्कारन मंज़ शऻमिल। कॆंह चीज़ रूद्य वुन्युख ताम मगर वारियाह चीज़व निश रूद्य महरूम। संस्कारन मंज़ आव ज़बर्दस्त बदलाव। सान्यन ज़िठ्यन ॴस्य ज़्यॆवि प्यॆतिस प्यठ आसान भगवत-गीता, रामायण, पन्चस्तवी, महिमनापार, मृत्युंजय पाठ, इन्द्राक्षी, वनवुन, वगैराह वगैराह मगर वख्तन ख्यव सु व्वलगॊतुन ज़ि अज़कल आसि खालॖय कऻन्सि यिमन सारिनीय चीज़न हुन्द ज्ञान। व्यछ़य छि। पऻन्सन रॊट ज़ोर तॖ ॳस्य गऺयि कमज़ोर यिमव चीज़व रंग्य। क्याह ब्यॆयि फेरना तिम द्वह वापस, म्यॆ छु न बासान। मगर व्वमेद छे नॖ मऺशरावॖन्य। संस्कारन छि थफ कऺरिथ रोज़ुन। पनॖन प्रज़नथ छि बरक़रार थवॖन्य। कॆंह न तॖ कॆंह छु ज़रूर करुन
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

16.08.2018

16.08.2018,श्रावणॖ (श्रावण/ सावन),ज़ूनॖ पछॖ (शुक्ल पक्ष), शॆयम (षष्ठी), ब्रसवार (वीरवार/ बृहस्पतवार), श्री सप्तार्षि सम्वत 5094, राश तुला (चलान), ऋतु वर्षा (चलान)...अज़ छि कुमार शॆयम
*************************
जे के विचार मंचॖ तरफॖ छुस बॖ त्वहि सारिनीय यछ़ान
      ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ त पनॖन कथबाथ
*************************
1. मु: हापतस अथि ओट मांड-
         नावुन
   अ: नाकऻबिलस अथि कामि
         न्वकसान वातॖनावुन
2. मु: हापुत करिहेना च़्वचि मगर
         ओट कति अनि
    अ: आसुन छु ह्यॆछनावान तॖ नऺ
          आसुन छु मंदछावान
3. मु: हऻर ख्यवान गॖस कऻर
         थविथ थऺज़
    अ: अपॖज़्य नऺखरॖ करॖन्य/
         ॴब थ्यकॖनावुन्य
4. मु: हऻन्ज़व त्रऻव्य ज़ाल तॖ
         गाडव ह्यॆछि व्वटॖ
    अ: पनुन बचाव सौंचुन तॖ
         करुन/प्रथ मुसीबतस मंज़
         छु बचनुक हल
5. मु: हऻन्ठ गयि बरस गऻन्ठ दिथ
    अ: लावऻरिस जायदाद त्रऻविथ
         गछ़ुन
*************************
1. मस......Wine/Hair
2. कस..... To whom/To
                 tighten
3. मास..... Mother's sister
4. मासू.... Mother's sister's
                husband
5. मासतुर-बोय... Cousin
                          brother
6. मासतॖर-ब्यॆनि.... Cousin
                            sister
7. कास......To cut (hair/
                  nails)
8. कुस....... Who(for male)
9. क्वस... Who(for female)
10. कम....Who (Plural)/
                 Less/Short of
*************************
गीता ज्ञान  :  अध्याय-5 :
युहुन्द मन समबाव दऺरिथ असान
तिम ज़िन्दय सोरुय सम्सार ज़ेनान
छु परम ब्रह्मस मंज़ दऺरिथ आसान
वॊन भगॖवानन गीता ज्ञान
*************************
म्यॆ छु याद यिवान ज़ि कऺशीरि मंज़ ओस वख्तॖ-अकि प्रथ बटॖ गरस अख पनुन ब्रह्मुन आसान यॆमिस ॳस्य ॴस्य वनान क्वलॖ-ब्रह्मुन।ॳमिस क्वलॖ-ब्रह्मनस ॴस्य अमि बटॖ-गरक्यन सारिनॖय बऻच़न हॖन्ज़ क्वलावली पानस निश रोज़ान। यि बटॖ-गरॖ गयो ॳमिस ब्रहमनस पनुन यॆज़मन। सारिनीय बऻच़न हुन्द वॊहरवोद ओस ॳमिस ब्रह्मनस पनॖनि डायरी मंज़ आसान लीखित। पानय ओस वातान ॳमिस यॆज़मनस निश तॖ हावान तहरि प्रेपुन, योनि नॊव दिवान, तॖ ज़ातॖकस ति मंज़्य-मंज़्य नज़राह दिवान तॖ व्वपाय ति वनान ज़ि कमि द्वह क्याह कऺर्यज़ि। ॳमिस ब्रह्मनस ओस यिवान आदर-सत्कार करॖनॖ। यि ओस दक्षणा रटान तॖ ॴशिर्वाद दिवान तॖ नेरान। कुनि गरस मंज़ कांह ज़्यवुन-शुर यॊदवय कुनि सातॖ कऺहर हिश करान ओस तऺमिस शुरिस ओस यि क्वलॖ-ब्रहमुन मंत्र परान, फ्वखा-व्वखा दिवान या रऺछा-वऺछा दिवान तॖ ॳमिस ॴस यि कऺहर च़लान।
बदलाव आव प्रथ तरफ़ॖ। यॆज़मनस रूद नॖ क्वलॖ-ब्रहमनॖय, ब्रह्मन रूद नॖ ब्रहमन, ब्रहमन रूद नॖ यॆज़मनय। मंत्र गयि गऻब, रछ्यन पॆयि मछि। अज़कल यान्य शुर कऺहर करि, ब्रह्मनस बदलॖ छु डाक्टर यलाज करान। आस्था य्यॊस  ब्रह्मनस ॴस आसान स्व ह्यॆच़ॖन्य वारॖ-वारॖ ख़तम कछ़ॖन्य।
व्वंय छु नॖ ब्रह्मनॖय अथि यिवान। क्वलॖ-ब्रह्मनॖन प्रथा म्वकॖलॆयि।अथ कारस मंज़ च़ाव तिजारथ।यि बापारॖ ति बन्यव अख बॊड बापारॖ। अज़ छि सऻनिस समाजस मंज़ ब्रह्मनन हॖन्ज़ व्यछ़य। अम्युक फऻयदॖ तुल ब्यॆयि ज़ऻच़ हखन्द्यव लूकव ब्रह्मुन बऺन्य-बऺन्य। असि छु बासान असी ज़्यून क्याहताम मगर ॳस्य गऺयि नरि-च़ऺट्य अमि दऺस्य ति। ॳस्य छियी मॊहताज वैसे ति, मॊहतऻजी बडेयि ब्यॆयिहेन।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
 नऺविव तॖ फोलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

15.08.2018

15.08.2018, श्रावणॖ (श्रावण/ सावन), ज़ूनॖ पछॖ (शुक्ल पक्ष) पऻन्च़म (पंचमी), ब्वदवार (बुधवार), श्री सप्तार्षि सम्वत 5094, राश तुला (रऻच़हॖन्ज़ि 3.54 बजि प्यठॖ), ऋतु वर्षा (चलान)....अज़ छि नाग पंचमी
*************************
जे के विचार मंचॖ तरफॖ छुस बॖ त्वहि सारिनीय यछ़ान
         ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: पान्यो पान्यो
    अ: ख्वदगर्ज़ी
2. मु: पानस पॖर-पॖर लूकन
         तबाबथ
   अ: पानॖ नाकारॖ कामि कऺरिथ
        लूकन रॖच़ॖ कामि करनॖच
        नऺसीहत करॖन्य
3. मु: पांच़ऻलिस रोज़ि नॖ दॊहय
         वाव
    अ: मुसीबथ छु नॖ अकी डंजि
         रोज़ान
4. मु: पांतॖछौकॖ न्वशन स्वख तॖ
         कोर्यॆन द्वख
    अ: ॳकिस जायि ॳकिस
         स्वख तॖ ॳकिस द्वख
5. मु: पऻन्सस निश छु पऻन्सॖ
         वातान
    अ: पऻन्सॖवऻलिस निश छु पऻन्सॖ
          वातान
*************************
1. गाव......Cow
2. गव...... Gone
3. ग्यव..... Ghee/To sing
4. गाहे..... Occasionally/
                At any time
5. गाह..... Light/Sunshine/
                Splendour
6. गाह बॆगाह..Occasionally
7. गुह...... Cow dung
8. गऻव-गान...Cow shed
9. गांगल.... Disturbance
10. गाम..... Village
*************************
गीता ज्ञान  :  अध्याय-5  :
सु मनॖ सॗत्य सऻरी कर्म त्यऻगिथ
नव-द्वार वोल शरीर रूप गरॖ प्रऻविथ
आनन्द सान ब्रह्मस मंज़ दऺरिथ रोज़ान
वॊन भगॖवानन गीता ज्ञान
*************************
दपान कुनवुहशथ तॖ सत्तऻज्यहस मंज़ पंदऻहिमि अगस्त गव सोन वतन भारत यानि हिन्दुस्तान यानि ईण्डिया अंग्रीज़ शासनकालॖ निशि आज़ाद यिम अर्दहशथ तॖ पंच़ाह प्यठॖ आमॖत्य ॴस्य सऻनिस वतनस प्यठ राज करान। अज़ ति छि ॳस्य सु द्वह मनावान ज़ि कम कम तीर कऺर्य सान्यव ज़िठ्यव खऻली अंग्रेज़न पनॖनि वतनॖ मंज़ॖ न्यबर कडनॖ बापथ। मगर यॊदवय ॳस्य गहरऻयी सान वुछव तॗ साम ह्यमव तॖ च़ेनव, क्याह पऺज़्यपऻठ्य छा असि आज़ऻदी मीज्यमिच़ अंग्रेज़न निशि। म्यॆ छु नॖ बासान। सिरिफ ह्वकुमरान बदलेयि मगर अंग्रीज़ छाप छि अज़ताम असि सॗत्य सॗत्य पकान। ख्यनस-च्यनस मंज़, प्वशाकस मंज़, व्वथनस-बॆहनस मंज़, कथि-बाथि मंज़, तुल-त्रावि मंज़, बोल-चालि मंज़, मेल-जोलस मंज़। कमिच आज़ऻदी तॖ कऺमिस निशि छि असि आज़ऻदी मीज्यमिच़। म्यॆ छु नॖ वुन्यख ताम तरान फिकिरी। सुबहस नॆन्द्रि वऺथित छि ॳस्य वुनि गुड मार्निंग करान, शॊंगनॖ विज़ि गुड नाईट करान, नेरनॖ विज़ि बय-बय करान, यिनॖ-विज़ि व्यलकम करान, डाईनिंग-टेब्लस प्यठ ख्यवान-च्यवान, अंग्रीज़स मंज़ॖय बोलान तॖ तोलान वगैरा-वगैरा। तिमव ह्वकुमरानव कॊर अकि रंग्य असि प्यठ ज़ुलुम, ॳज़िक्य ह्वकुमरान छि ब्यॆयि रंग्य असि प्यठ ज़ुलुम कऺरिथ। ख़बर छि सारिनी दफ अमापॊज़ ॴस छु बंद सारिनीय, ॳछ छि वऺटिथ सारिनीय, कन छि बंद सारिनीय
आज़ऻदी कति तॖ कमिच
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

14.08.2018

14.08.2018, श्रावणॖ (श्रावण/ सावन), ज़ूनॖ पछॖ (शुक्ल पक्ष),च़ोरम (चुतुर्थी), बॊम्वार (मंगलवार), श्री सप्तार्षि सम्वत 5094, राश कन्या (चलान), ऋतु वर्षा (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
       ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: यज़तस ख़लल गछ़ुन
    अ: यज़तस ददारॖ वातुन
2. मु: येज़ारस थफ़
    अ: च़लनस तयार
3. मु: यिवॖन्य दौलथ प्यवुन शीन
       च़लवुन्य दौलथ गलवुन शीन
    अ: दौलथ छि यिवान वारॖ वार
         मगर च़लान जल जल
4. मु: यि हकीमस दीज़ि ति कोनॖ
         दीज़िनॖ ब्यमारस
   अ: यलाजॖ ख्वतॖ छु परिहेज़
        बेहतर/दवा ख्यनॖ ख्वतॖ छु
        ताकती चीज़ ख्यॊन जान
5. मु: युहन्दॖय रथ तिमनॖय मथ
    अ: ब्यॆयि सॖन्दि चीज़ॖ सॗत्य
          ब्यॆयिस खऻतिर करुन
*************************
1. ठोंसुन.....Thrust/To in
               fill to capacity/
               Impose
2. ठंड........Cold/Chill
3. ठंडॖ........Cold-drink
4. ठुकिथ....By hook or by
              crook/Any how
5. ठंडॖ दिलॖ ...Passionately/
    सान         Cool heartedly
6. ठिसॖवोर....A small pot in
              which money is
              being kept
7. ठाह ठाह करुन...To laugh
              heartedly/To
              scream
8. ठठॖ..... Ridicule/Joke/
              Laughter
9. ठाक.... Restraint/Bar/
                Hindrance
10. ठाठ बाठ...Tip top/
                Pomp/Show/
                Splendour
*************************
गीता ज्ञान : अध्याय-5 :
यॆमिस अंत:करन वशस आसन
सु सांक्षि यूगुक अब्यास करान
न करान पानॖ केंह न करनावान
वॊन भगॖवानन गीता ज्ञान
*************************
राथ वन्यो म्यॆ ज़ि जंत्री (पंचांग) कऻच़ाह ज़रुरी छि सानि बापथ। पनुन वॊहरवोद वुछुन युस प्रथ वऺरी बदलान रोज़ान तिथि कि रावनॖ/लबनॖ मूजूब। साथ या महूर्त वुछुन या फ़ाकॖ वुछिन यानि ॴठम/काह/पुनिम बेतरी। सौंचुन छु ज़ि यॆमिस निश नॖ यि जंत्री आसि सु क्याह करि। सु किथपऻठ्य ह्यॆकि दॊहन हॖन्ज़ शनाख्त कऺरिथ। सान्यन शुर्यन छॆ नॖ पानस पताह ज़ि यिमन चीज़न हुन्द महत्व क्याह छु। ह्यॆछनावनवऻल्य छि स्यठाह कम।
सान्यन संस्थायन मंज़ ति छॆ नॖ नियमित रूपस मंज़ यिमन चीज़न हॖन्ज़ व्यवस्था। तिमन छि तीच़ॖय फिकिर ज़ि हवन कर छु करुन/होमा कमि द्वह छु या फाकॖ ॴठम भण्डार कमि द्वह छु। पाठशाला हॖन्ज़ व्यवस्था छॆ नॖ कुनि ति संस्थायि मंज़। कऻशिर्य गुरु जियन हुन्दअभाव छु असि।सान्य पाठ-पूज़ा छि व्वंय दॊयिमि ज़ऻच़ हॖन्द्य लूख करान पनॖनि त्रायि। यि छि सानि बापथ शर्मी हॖन्ज़ कथ ज़ि असि छि नॖ पनॖनि ज़ऻच़ मंज़ पनॖन गोर (गुरु)। क्याह बाकयन समाजन मंज़ ति छा यॆहऻय हाल ? म्यॆ गव नॖ वुन्युख ताम नज़रि कांह। क्याह यि छे ना अख गंभीर समस्या सानि समाजिच। अथ प्यठ क्याज़ि नॖ ॳस्य कथ बाथ करान। सऻन्य नाव क्वत कुन यीरॖ गछ़ान।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

13.08.2018

13.08.2018, श्रावणॖ (श्रावण/ सावन), ज़ूनॖ पछॖ (शुक्ल पक्ष) द्वय (त्रय छि रावान), (द्विती), च़न्द्रवार (सोमवार), श्री सप्तार्षि सम्वत 5094, राश कन्या (रऻच़ हॖन्ज़ॖ 12.38 बजि प्यठॖ), ऋतु वर्षा (चलान)...त्रॆयि हुन्द वॊहरवोद यी ॳज़्य यानि द्वॊयि द्वह ति क्याज़ि त्रय छि रावान (यानि त्रय छि लगान सुबहस 5.44 बजि)
*************************
जे के विचार मंचॖ तरफॖ छुस बॖ त्वहि सारिनीय यछ़ान
      ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: बालॖ नॖ छि लाल नेरान/
         ल्यॆम्बि मंज़ॖय छि पम्पोश
         फॊलान
   अ: ग़रीब गरॖ मंज़ॖ कांह जान
        नेरान
2. मु: बाब-आदमस ज़ॖ गबर
         ॳक्य रऺट आवर्यॆन तॖ
         ब्यॆय क़बर
   अ: मतलब छु ज़ि हॆन्द्य तॖ
        मुस्लमान छि बारॖन्य
3. मु: बान्दव कुस ज़ि चन्दॖ
    अ: द्यारॖव सॗती छु व्वपर ति
         पनॖन बनान
4. मु: बानॖ हतस दीज़ि ठानॖ हथ
         ज़्यॆवि हतस कऺर्यज़ि क्याह
   अ: यॆलि कथ लूकन अथि छि
         लगान पतॖ छु नॖ तथ चारॖ
         बनान
5. मु: बागि बोग नानि क्युथ टोक
    अ: बॆ-मंदछ लागुन/ज़्यादॖ
         लालॖच करुन
*************************
1. गाड.....Fish/Guard (of
               train, etc.)
2. गऻड्य...Motor car/Lorry/
                Coach
3. ग्वड..... Ankle/Base/To
                start/To begin
4. गूड......Deep (colour)
5. गारुन...To look for/To
                search
6. गाज़ॖर....Carrot
7. गाश......Light/Sunshine
                 Lustre
8. गासॖ..... Grass
9. गाशुर.... Elegant/Lovely
10. गागॖर... Metallic pitcher
*************************
गीता ज्ञान :  अध्याय-5  :
कर्मॖ यूगी कर्म फल त्यागान
भगवत रूप शऻन्ती प्राप्त सपदान
स्वकाम मनुश फल यछ़ाय वलनॖ यिवान
वॊन भगॖवानन गीता ज्ञान
*************************
रावुन लबुन द्वह छु असि तॆली ननान यॆलि ॳस्य जंत्री मंज़ वुछान छि। यॆमिस बऻयिस निश जंत्री आसि नॖ तऺमिस किथॖ पऻठ्य लगि पताह ज़ि कमि द्वह कुस द्वह छु रावान या हुर्रान। जंत्री ॴसिथ ति छे नॖ वारिहान तगान द्वह या तिथि वुछुन। जंत्री मंज़ तिथियन ब्रौंह कनि लीख्यमॖत्युक मतलब छु नॖ आम इन्सानस फिकिरी तरान ज़ि अम्युक मतलब क्याह छु । मसलन कॆह शब्द छि वुछान ॳस्य मगर माने क्याह छु तिमन शब्दन हुन्द ति छॆ नॖ पताह सु ज़न गव...."स्थिर:", "गण्डान्त", "मातंग", "क्षया", "त्र्यह:", "धोम्य:", "प्रवर्ध:", "गज:".....
ॳस्य छि अनज़ऻनी पऻठ्य वरुखा फिरान जंत्री हुन्द, वुछ अज़ क्वस वार छि, कच़म छि, तॖ पख पानस। मगर यिमन चीज़न हॖन्ज़ ज़ऻन्यकऻरी गऺछ़ सपदॖन्य असि मंज़। अगर पंडित जियस पृछ़व सु छु वनान ज़ि यि तरिवॖ नॖ त्वहि फिकिरी। यि कुस तारि फिकरी असि? सान्यन शुर्यन यिम नॖ परनॖ मूजूब पनॖन्यन गरन मंज़ छि रोज़ान, तिमन बिचार्यन छॆ नॖ अमिच ब्वदॖय। रावुन-लबुन छॆ नॖ तिमन पतहॗय। ॴठम, काह, च़्वदह, पुनिम मावस वगैरा क्याज़ि छि यिवान ख़ास मानॖनॖ यि छॆ नॖ वारिहान पताह तॖ न छु वननवोल कांह नज़रि यिवान। अथ मसलस प्यठ पज़ि असि ग़ोर करुन। हवनॖ-भवनॖ ख्वतॖ छु यिमन चीज़न प्यठ ध्यान द्युन ज़रुरी म्यॆ बासान।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नविव तॖ फोलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

11.08.2018

11.08.2018, श्रावणॖ (श्रावण/ सावन)गटॖ पछॖ (कृष्ण पक्ष) मावस (अमावस्या) बटॖवार (शनिवार/शनिश्चरवार),श्री सप्तार्षि सम्वत 5094, राश सिंह (रऻच़हॖन्ज़ि 12.4 बजि प्यठॖ), ऋतु वर्षा (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
      ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: ह्यडुन गेलुन पानस मेलुन
    अ: युस ब्यॆयिस ह्यॆडि तस यी
         पानस ह्यडनॖ/ह्यडनस
         गेलनस परिहेज़ करुन
2. मु: ह्यनॖ आव तॖ ख्यॆनि आव
   अ: खुर्य-काम्यन मंज़ ह्यनॖ युन
3. मु: ह्यॊर नय पिलय ज़ंगय
         ज़ॖलय
   अ: कांह न तॖ कांह आज़ार
        वातॖनावुन
4. मु: ह्यॊन नॖ आसुन द्युन नॖ
         आसुन
   अ: कुनि मंज़ नॖ मुदाख्लत
5. मु: ह्यॊत कऺम्य तॖ द्युत कऺम्य
    अ: नखॖ वालनस नॖ खऻयिश
         आसॖन्य/यॆति नॖ पृछ़गऻर
         आसि
*************************
1. ख़ऻर... Welfare/Safety/
      Happiness/goodness
      Virtue/Health
2. खऻर-खा...A friend/Well
                   wisher
3. खऻतिर.... Welcome/Res-
             pect/Hospitality/
             On account of/On
             behalf of/For the
             sake of/Because
             of/In order (to)
4. ख़ऻसियत..Charachteris-
             tic/ Feature/
             Quality/Habit/
          Specialty/Property
5. ख़ऻली....Empty/Void/
           Vacant/Vacated/
           Unoccupied/Blank
           Only/Merely
6. ख़ाम....Raw/Unripe
7. ख़ामॖख़ा.... Without any
         reason/Intentionally
         Positively/Surely
8. ख़ामोश..... Silent
9. ख़ामोशी.....Silence/Calm
                     ness
10. ख़ाकॖ...... Sketch/Out-
                line/Layout/
                Diagram
*************************
गीता ज्ञान  : अध्याय-5  :
ज़ाननवोल यूगी वुछान बोज़ान
शाह ह्यवान व्वथान बॆहान फ़ेरान
यिथ पऻठ्य पम्पोश वऺथॖर पानॖ छु नॖ ॳदरान
वॊन भगॖवानन गीता ज्ञान
*************************
वारिहान म्यान्यन बायन ब्यॆन्यन छि यछ़ा ज़ि तिम ति लेखहऻन मोबायलस प्यठ कऻशुर नागरियस मंज़ मगर दिक़त छि तिमन ज़ि यि कऻशुर फ्वोंट छु नॖ तिमन मेलान पनॖनिस मोबायलस प्यठ। म्यॆ आव वारिहाव तरफ़ॖ फोन अथ मुतलक। म्यॆ छु कॊडमुत यि की-बोर्ड प्ले-स्टोरॖ (गुगॖल) मंज़ॖ तॖ यिथय पऻठ्य ह्यकन तिम ति कऻन्सि ज़ऻन्यकार सॖन्द्य दऺस्य यि कऻम कऺरिथ तॖ ह्यन नागरी भाषाय मंज़ कऻशुर लेखुन। म्यॆ छि व्वमेद ज़ि तिम पकन अख अख क़दम ब्रौंठ। ग़लत या ठीख लेखुन छि दोयिम कथ। सु ह्यकव ठीख कऺरिथ पकान पकान। ब्यॆयि छि कॆंह म्यऻन्य बऻय यछ़ान ज़ि गीता जी मंज़ॖक्य श्वलूक म्यानि ज़्यॆवि ति बोज़ॖन्य। बॖ छुस तुहुन्द स्यठाह शुक्रगुज़ार ज़ि तॊह्य छिवॖ म्यानि यथ कामि मंज़ पनॖन दिलचस्पी हावान परनॖ दऺस्य, लेखनॖ दऺस्य या बोज़नॖ दऺस्य। ती छु म्योन मुद्दा ति। बॖ करॖ तुहन्ज़ी रायि पकनॖच
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

10.08.2018

10.08.2018, श्रावणॖ (श्रावण/ सावन),गटॖ पछॖ (कृष्ण पक्ष) च़्वदाह (चुतुर्दशी), शॊकॖरवार (शुक्रवार/जुम्मा), श्री सप्तार्षि सम्वत 5094, राश कर्कट (चलान),ऋतु वर्षा (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
      ऒरज़ुव तॖ दॊरकॊठ
*************************
नमस्कार त्वहि सारिनीय माहरा म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु : बांग्यन छि बांग दिन्य
    अ: गाटॖल्य छि वथ हावान न
         कि मजबूर करान
2. मु: बऻज़्य ति कऺरिव तॖ ज़ुव ति
         बचऻविव
    अ:कांह सख़ कऻम करनॖ विज़ि
         गछ़ि ज़ुवुक ति ख़याल
          रोज़ुन
3. मु: बऻच़न इज़ा तॖ प्वतल्यन
         पूज़ा
    अ:पनॖन्यन तक्लीफ़ तॖ व्वपरन
         फऻयदॖ
4. मु: बऻज़्य-गारस बऻज़्य गरस
    अ: युस कऻन्सि बद कान्छि
          तस छु पानसॖय बद गछ़ान
5. मु: बाह त्रख शॊंगुन तॖ खार
         वौथुन
    अ: बॆ-ग़म रोज़ुन
*************************
1. रज़.....Rope/Chord/
              String
2. राज़.... Secret
3. राज़ॖ.... King/Lord/
               Monarch
4. राज़ॖ-पॊथुर...A beautiful
               boy/Prince
5. राज़ॖ-कूर...A beautiful
               girl/Princess
6. राज़ॖ-दरबार... Royal court
7. राज़दार...One who keeps
                the secret/Faith
                ful/Trusted
8. राज़ॖबल... Cremation
                   ground
9. राज़ॖमाह.... Kidney-beans
10. राज़माह-ह्यम्बॖ...Green
                  Kidney beans
*************************
गीता ज्ञान : अध्याय-5  :
कर्मॖ यूगॖ बगऻर सपदुन हऻसिल
कर्म करनुक त्यागॖ बाव स्यठाह मुश्किल
कर्मॖ यूगी ब्रह्मस छु जल प्रावान
वॊन भगॖवानन गीता ज्ञान
*************************
मॆहनत छॆ नॖ कुन रावान। सान्यव ज़िठ्यव, ज्ञानियव यि अज़ ताम असि ताम वातनोवुख तमिच रऻछ करनस सॗत्य सॗत्य छु सोन फ़र्ज़ बनान ज़ि तमि ख़ज़ानॖ मंज़ॖ कडव तिम तिम चीज़ यिमव सॗत्य सऻन्य नऺव बडवॖन्य तॖ फॊलवॖन्य पुय ज़्यादॖ ख्वतॖ ज़्यादॖ फऻयदॖ ह्यॆकि निथ। पनॖन्यन संस्कारन रऻछ ह्यकन कऺरिथ। पनॖन माजि ज़्यॆवि लोल बरन। पनॖन मनॖक्य बाव कऻशिर्य ज़बऻन्य मंज़ नागरीयस मंज़ लीखित तॖ पऺरिथ ह्यकन तॖ पनॖन्यन शुर्यन कट्यन ति यि रऺछ़रावनॖ बापथ मजबूर करन।
सानि ज़ऻच़ मंज़ छु व्यदवान त्रऺहरान नागरीयस मंज़ कऻशिर्य ज़बऻन्य मंज़ केंह लेखनस ति क्याज़ि तऺम्यसॖन्दिस लीख्यमॖतिस तथ ज़बऻन्य मंज़ परनवऻल्य छि स्यठाह कम यि छु सानि बापथ अख बॊड ग़म तॖ क़लमस ति ज़न ह्यॊतमुत छुन गछ़ुन दम। छ़ान्डान छु परनवऻल्य तॖ लेखनवऻल्य पनॖनि मॊदुर कऻशिर्य ज़बऻन्य यानि नागरीयस मंज़। मऺशरऻविव मुग्लन हुन्द सु दोर, अंग्रेज़न हुन्द सु ज़ोर। युस ना पनॖन ज़बान नागरियस यानि हॆन्दियस मंज़ ह्यॆकि लीखित तॖ पऺरिथ सु छु म्यऻन्यकिन स्यठाह स्यदॖ-चोर
*************************
कऻशुर ह्यॆछव कऻशुर परव
कऻशिर्य पऻठ्य पानॖवॖन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

09.08.2018

09.08.2018 श्रावणॖ (श्रावण/ सावन) गटॖ पछॖ (कृष्ण पक्ष), त्रुवाह (त्रयोदशी) ब्रसवार (वीरवार/ बृहस्पतवार) श्री सप्तार्षि सम्वत 5094, राश कर्कट (रऻच़हॖन्ज़ि 12.24 बजि प्यठॖ), ऋतु वर्षा (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
       ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: अपारि मुन दानि तॖ यपऻर्य
         गऺयि अथन हठ
    अ: यि छि तस वनान युस हदॖ
         नीरिथ नोज़ुक लागि
2. मु: अपज़िस ग्वड कति
    अ: अपॖज़िस छु नॖ हॊट-लॊट
         आसान
3. मु: आबस अंदर क्रऺन्ड
   अ:  गुज़ारॖ पकवुन आसुन/
         आमदनी हॖन्ज़ व्वमेद
4. मु: आबॖ तऺल्य श्राख
    अ:दोस्त लऻगिथ दुश्मनी करॖन्य
5. मु: आबुक आबस तॖ द्वदुक
         द्वदस
    अ: हलालुक छु वति लगाव तॖ
         हरामुक छु ज़ायॖ गछ़ान
*************************
1. इख़तिलाफ...Difference/
           Dissimilarity/Mis-
           understanding/
           Opposition/Distinc
           tion/Disagreement
2. इजलास.... Meeting/Con-
           ference/Sitting/
           Session/Bench (of
           court) meeting
3. इजरा..Circulation/Issue
           Execution
4. इजतिमाह.... Gathering/
           Assemblage/Meet-
            ing
5. इजाज़त.... Permission/
          Leave sanction/
          Order/License
6. इसबात...Proof/Recogni-
          tion/Affirmation/
          Acceptance
7. इतिफ़ाक... Coincidence/
         Agreement/Concord
         Harmony
8. इतिहाद....Unity/Alliance
          Unification/Amity
9. इबलीस....An abuse/
          Satan/Devil/Mis-
          chievous person
10. इबतिदा... Beginning/
                     Start
*************************
गीता ज्ञान : अध्याय-5  :
ज्ञानॖ यूगॖ युस पर्मदान मेलान
कर्मॖ यूगॖ सॗत्य ति सुय प्राप्त सप्दान
फल हिवी ज़ानि युस छु ठीख ज़ानान
वॊन भगॖवानन गीता ज्ञान
*************************
कऻशुर दपिथ यानि मुहावरॖ बऺरिथ किताब स्व. श्री ओंकार नाथ कौल जीयनि दऺस्य नक़तालीस ज़बऻन्य मंज़ छापनस मंज़ यिमव नव रत्नव मेहनत छि कऺरमॖच़, तिहिन्द्य नाव छि यिथपऻठ्य:
1. श्री रत्न लाल शांत
2. श्री मोती लाल क्यॊमू
3. जगर नाथ साग़र
4. जवाहर लाल कोसम
5. मोहन लाल आश
6. रोशन लाल रोशन
7. नारायण यार-बाश
8. प्यारे लाल स्वदेशी
9. जगर नाथ मंगल
यिमव नव रतनव छि पनॖनि हिसॖच काम्येन बेहतरीन पऻठ्य कऺरमॖच़ तॖ पनॖनि समाजिच कऻशिर्य-ज़बान ज़िन्दॖ थावनॖच स्यठा जान कूशिश कऺरमॖच़ तॖ यि कऻम छि ॳस्य ब्रौंहकुन पकनावॖनच कूशिश करनस मंज़ मश्गूल। ॳथ्य संबंदस मंज़ छु म्यॆ बासान वनुन यि ज़रूरी ज़ि यॊदवय कऻन्सि निश प्रच़न हुन्द बन्डार मूजूद छु तमिस छुस बॖ प्रार्थना करान ज़ि सु सोज़ि तिम प्रच़ॖ म्यऻनिस मोबायलस प्यठ ताकि बॖ ह्यकख सॊबरऻविथ तॖ त्वहि ताम वातनऻविथ।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
 (भूषण कौल "दीप")
(बूज़िव ॳज़्युक सबक़ बूज़िव म्यऻन्य ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

08.08.2018

08.08.2018, श्रावणॖ (श्रावण/ सावन),गटॖ पछॖ (कृष्ण पक्ष), बाह (द्वादशी), ब्वदवार (बुधवार), श्री सप्तार्षि सम्वत 5094, राश मिथुन (चलान), ऋतु वर्षा (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
         ऒरज़ुव तॖ दॊरकॊठ
*******************"*****
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: यि छु ब्युच, यूत रछॖहऻन
        त्यूत दीय ट्वफ
   अ: गन्दॖ खऺस्लथ छॆ नॖ च़लान
2. मु: यि छि हून्य वुश्कॖ तॖ मऻश
        गोह, न लगान लिवनस न
        लगान ज़ालनस
   अ: सु चीज् युस नॖ कुनि लगि
3. मु: यि च़्यॆ छुय व्वंदस ति छु म्यॆ
        चन्दस
    अ: ॳन्द्रिम्य हाल्तुक पताह
         लगुन
4. मु: यि ज़ाल वुछान छु ति छु नॖ
        हऻन्ज़ वुछान
   अ: ॳक्यसुन्द च़ालुन छु नॖ
         ब्यॆयिस फिकिरी तरान
5. मु: यि ज़्यॆवि-ज़्यॆवि कऺर्यज़ि
        ति कऺर्यज़ि ज़ंगि-ज़ंगि
   अ: बेकार कथ करॖनॖ ख्वतॖ छि
        कऻम करॖन्य जान/बेकार
       रोज़नॖ ख्वतॖ छु कॆंह न तॖ कॆंह
       करुन जान
*************************
1. ज़र....wealth/Riches/
              Fear/High tempe
              rature/Deafness
2. ज़रॖ....Holster/Leather
             case for a pistol
           or revolver/To bear
3. ज़ॊर...Hard of hearing/
             Deaf
4. ज़ार...Request/Petition/
             Prayer/Gambling/
             Playing with dice/
             Any game of
             chance with stake
5. ज़ार-ज़ार..(Weep) Bitterly
6. ज़ऻर्य... Gambler
7. ज़ान... To know
8. ज़ून.... Moon
9. ज़ख... Harm/Hurt/
               Injury/Damage/
               Grievance
10. ज़ाग... Watch
*************************गीता ज्ञान  :  अध्याय-5  :
ज्ञानी सन्यास तॖ कर्म ह्यु मानान
मूर्ख फल अम्युक ब्यॊन-ब्यॊन ज़ानान
अकी मंज़ॖ दॊन हुन्द फल छु प्रावान
वॊन भगॖवानन गीता ज्ञान
*************************
रातक्यन मुहावरन मंज़ ओस ग्वडन्युक मुहावरॖ "अबख छानस सबक़ रुद"...असली मुहावरॖ छु "अबख छानस सबक़ रोव"...माने अडॖह्यॆछलस छु वख्तॖ विज़ि मऺशिथ गछ़ान। स्वर्ग ॴसिन श्री ओंकार नाथ कौल सऻबस, यॆम कऻशिर्य ज़बऻन्य प्यठ वारियाह कऻम छि थऻवमॖच़ करिथ। दऺपिथ कऻशुर यानि मुहावर ति छि ॳकिस किताबि मंज़ छापनॖ आमॖत्य यि किताब छि कौल सऻबनि दऺस्य आमॖच़ छापनॖ। मगर यिम मुहावरॖ छि नस्तालीक यानि उर्दू ज़बऻन्य मंज़ छपिथ तॖ सानि ज़ऻच़ मंज़ छिनॖ सऻरी ह्यकान उर्दू पऺरिथ तॖ म्यॆ सूंच ज़ि बॖ करॖ कूशिश यिम मुहावरॖ त्वहि ताम वातनावनॖच तॖ म्यॆ ह्यॆत्य नागरीयस मंज़ यानि हॆन्दियस मंज़ कऻशिर्य पऻठ्य लेखॖन्य तॖ छुस तुहन्ज़ सीवाय मंज़ लगिथ। दपिथ कऻशुर यानि मुहावरॖ छॆ नॖ कऻन्सि हॖन्ज़ ज़ऻती जऻगीर बल्कि छि यिम मुहावरॖ आमॖत्य विज़ि विज़ि वनॖनॖ सान्यव ज़िठ्यव दऺस्य। अ ल्बतॖ यिम मुहावर सॊम्बरानच कऻम छि अख बऺड कऻम य्यॊस कौल सऻबन जान पऻठ्य सर-अंजाम वातनऻव। हालांकि अथ कामि मंज़ छि ॴस्यमॖत्य नव-रत्न यिहन्ज़ मेहनत कौल सऻबन रहति खऻर।यिमन नव-रत्नन हॖन्द्य नाव वनोवॖ पगाह यॊछ़ हय भगवानन।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)

07.08.2018

07.08.2018, श्रावणॖ (श्रावण/ सावन) गटॖ पछॖ (कृष्ण पक्ष), दऺहम (दशमी)/काह (एकादशी), बॊम्वार (मंगलवार), श्री सप्तार्षि सम्वत 5094, राश मिथुन (रऻच़हॖन्ज़ि 11.48 बजि प्यठॖ), ऋतु वर्षा (चलान)....चूंकि काह छि रावान, कऻश हुन्द वॊहरवोद यी ॳज़्य....काह छि लगान प्रात: 5.15 बजि प्यठॖ...
*************************
जे के विचार मंचॖ तरफॖ छुस बॖ त्वहि सारिनीय यछ़ान
    ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु:अबख छानस सबक़ रूद
    अ: अडॖ-ह्यॆछॖलिस छु वख्तॖ
        विज़ि सबक़ मशान
2. मु: अबॖन्य द्रॖय बबन द्रॖय
    अ: नाहकय क़स्मॖ-कसम/
         हीलॖ तय बहानॖ/पछ़
         अनॖनावनॖ बापथ हु क्या
         यि क्या वऺनिथ टाल-मटोल
         करुन
3. मु: अब ति टोठ तॖ बब ति टोठ
    अ: दॊयव मंज़ॖ नॖ कांह चीज़
         त्रावनस तयार आसुन/हु
         ति गॊछ़ुम तॖ यि ति गॊछ़ुम
4. मु: अबख छानस तबक़ यड
    अ:बेवक़ूफस छु ब्वछर आसान
        अडॖह्यॆछलस छु ब्वछर
5. मु: अपुज़ छु तुलॖकतुर तॖ पॊज़
         छु आफ़ताब
    अ: अपुज़ छु नॖ दऺरिथ ह्यकान
         पऺज़िस निश
*************************
1. प्वफ.... Father's sister
2. प्वफू.... Father's sister's
                husband
3. मास.... Mother's sister
4. मासू.... Mother's sister's
                husband
5. पॆतॖर.... Uncle
6. पॆचन्य.. Aunt
7. पितुर-बोय.. Cousin broth
                      -er
8. पितॖर-ब्यॆनि....Cousin
                         sister
9. बॖड्यबब.....Grand father
10. नान्य ..... Grand-mother
*************************
गीता ज्ञान  :   अध्याय-5  :
यस नॖ कऻन्सि हॖन्ज़ दॖय नॖ छि कामना
सु कर्मॖ-यूगी छु सन्यऻस्य सदा
सु रागॖ लीशॖ बंदनॖ मुक्तॖ आसान
वॊन भगॖवानन गीता ज्ञान
*************************
सऻरी रिश्तॖदार छि असि मोबायलस मंज़ थऻवमॖत्य। यान्य ख्वदा-नखास्ता कुनि विज़ि मोबायलस हॊरॖ-योर गछ़ान छु  दफ ज़ि रिश्तस छि दॖनन लगान, दूर्यर लगान। ॳकिस-ब्यॆयिस पृछ़्य-पृछ़्य ॳमिस रिश्तॖदार सुन्द नम्बर छु वारियाह समय ख्यवान। कुनि-कुनि सातन छु रिश्तॖदारॖय मऺशिथ गछ़ान। अमापॊज़ ज़ऻनुन तॖ मानुन प्यॆयि ज़ि अज़कलुक रिश्तॖदार छु असि कनस मंज़ ज़्यादॖ तॖ दिलस मंज़ कम। दूर्यर आसनॖ मूजूब गव अख-ॳकिस निश युन-गछ़ुन ति कम। ओत्ताम ओस आसान पॊछ़। पॊछ़ यानि अतिथि यानि युस कुनि सातॖ ति पॆयिहे गरॖ वऻतिथ। अज़कल म्वकल्यव अतिथि सुन्द अर्थ यानि मानेयि।बिना ख़बर कऺरिथ कऻन्सि हुन्द गरॖ अतिथि बनिथ गछ़ुन छु बडॖ ख़तरनाक ति ज़न गव ज़ि ज़्यूठ सफ़र कडिथ यॊदवय कऻन्सि हुन्द गर गछ़व तॖ सु तति मेलॖ नॖ, दिलस छि थफ़ हिश लगान तति दरवाज़स कुलुफ वुछिथ। दुबारॖ यिनुक छु नॖ सवालॖ। इस्लिये छु ज़रूरी ज़ि ग्वडॖ फोन कऺरिथ वख्त मंगुन, वार वुछिन्य तॖ अदॖ अख-ॳकिस मेलुन। समयिच रफ़्तार छि तेज़ पकान तॖ ॳस्य ति छि अमी समयिक्य गुलाम। म्यॆ छु बासान ज़ि कऺशीरि मंज़ रूज़िथ ॴस असि वारियाह राहत। गरॖ ॴस्य वख्तॖ-अकि ऒरुत तॖ बॊरुत आसान। दारि-बर ॴस्य यलॖ आसान। कऻन्ह ति यीहे कुनि सातॖ ति तॖ कांह न तॖ कांह ओसुस मेलानॖय। छ़ॊर ओस नॖ नेरान। न ॴस वख्तॖच पाबंदी। न ओस यिनस-गछ़नस थख। पॊछ़-लॊछ़ यीहे तॖ बासान ओस ज़ि भगवान च़ाव गरॖ। ख्यावुन-च्यावुन ओस धर्म बासान। व्वंय छु सोरुय फिरिथ। पॊछ़ रूद नॖ पॊछ़, पॊछ़ यिवान तॖ जायिहॖन्ज़ व्यछ़य प्यवान। पऺछ़िस प्यठॖ यॊदवय ब्याख पॊछ़ यी तॖ तॆलि पऺछ़िस पॊछ़ खरान, खानॖदारस दॊनॖवय तॖ खानॖदारिनि त्र्यनवय।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(बूज़िव म्यूज़कॖ प्यठॖ ति बूज़िव म्यऻन्य यि आवाज़)
(koshursabak.blogspot.com ति वुछिव)