01.01.2019

01.01.2019, पॊह (पौष) गटॖ पछॖ (कृष्ण पक्ष) काह (एकादशी)
बॊम्वार (मंगलवार),श्री सप्तर्षि सम्वत 5094,राश वृश्चिक (रऻच़ हॖन्ज़ॖ 3.22 बजि प्यठॖ) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
*****************"********
1. मु: डेडि तलॖय चरॖस दज़ान
    अ: यॆलि बऺडिस हऻकिमस ब्रौंह
         कनि कांह वुल्टॖ कऻम सप्दि
2. मु: डंगॖ सॖह
    अ: गरस मंज़ ज़ऻलिम मूजूद
         आसुन
3. मु: डॊम्बि शुर्यन ख्वखॖ ब्रऻर
    अ: तस रोब हावुन यस नॖ
         व्यच़ानॖय आसि
4. मु: डेन्जि तॖल्य पन तॖ पनॖ
         तऺल्य डीन्ज्य
    अ: ओरुक योरुक वऺनिथ
          बराबरी अनॖन्य
5. मु: डबॖ डबॖ गव वऺड रब
    अ: महशूर स्यठाह तॖ ह्यॊन
          द्यॊन कमॖय
**************************
1. लाब.....Gain/Profit/
                Advantage
2. लाब तुलुन.....To gain/To
                 benefit/To profit
3. लाबुर.....Slope/Side of a
                  hill
4. लाटरी.... Lottery
5. लाश...... Dead body/
                   Corpse
6. लाफ़...... Boast/Brag/
                   Self praise
7. लागत....Cost/Expenses
                  Expenditure
8. लागत लागॖन्य....To spend
                  money (on)
9. लाल...... Favourite/Dear
                  Darling/Red
10. लाल परी...Fairy dress-
                  ed in red
**************************
        गीता ज्ञान  : अध्याय-9 :
यगॖन्य बॖय ॳग्न बॖय ॳग्नॖ वऺत्र बॖय
अवशदी ॳग्न ग्यव तॖ मंत्र बॖय
कर्म वोल बॖ हवनॖच क्रॆया म्यॆ ज़ान
वॊन भगवानन गीता ज्ञान
**************************
मुबारक त्वहि सारिनी ॳज़्यकि दुहुक ति क्याज़ि अज़ गव शुरु ईसऻई सम्वतुक नॊव वऺरी यानि 2019 अज़ रऻच़ हॖन्ज़ॖ बाहि बजि प्यठय रूद्य मोबाइलन प्यठ लूख अख ॳकिस मुबारक-बाद दिवान तॖ अख ॳक्यसुन्द रुत कांछान।सऻरी छि यछ़ान प्रथ पल, प्रथ क्षण, प्रथ विज़ ज़िन्दगी हॖन्ज़ गछ़ि नेरॖन ह्रच़ तॖ फ्रूच़,असान तॖ गिन्दान, ख्वश तॖ ख्वशहाल। पऺतिमि वऺरियुक समय बन्यव अख ख़्वाब, अख स्वपनाह, अख कथा। वऺरी बदल्यव, नॊव जोश आव, नऺव्य व्यच़ार आयि मनस मंज़, नव्यन चीज़न हॖन्ज़ आश थवव। ईश्वर कऺरिन ज़ि सोन मन लऺगिन रॖच़न रॖच़न काम्यन कुन। यॆछ़िन असि अख ॳकिस पलज़ुन। अख ॳक्यसुन्द मान सम्मान थवुन। अख ॳकिस नखि-डखि रोज़ुन। मऺशरावव पतिमि वऺरियिक गिलॖ-शिकवॖ।
अथवास कऺरिथ पकव तॖ ॳकसॖय रज़ि सऻरीय समिथॖय लमव। असान गिंदान ॳस्य सऻरीय ख्यमव च्यमव।
**************************
"अज्ञानतिमरान्यधस्य ज्ञानन्यजन शलाकया, चक्षुर्-उन्मीलितं येन तस्मै श्री गुरवे नम:"
गुरु स्तुति मंत्र गछ़ॖन दॊहय परॖन
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
************"*************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

31.12.2018

30.12.2018

30.12.2018, पॊह (पौष) गटॖ पछॖ (कृष्ण पक्ष),नवम (नवमी), आथवार (एतवार/रविवार),श्री सप्तर्षि सम्वत 5094,राश तुला (रऻच़ हॖन्ज़ि 8.16 बजि प्यठॖ), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: दऺछनिस अथस छु ख्ववुर
         छलान तॖ ख्ववरिस दऺछुन
    अ: अलज़ुन-पलज़ुन/अख
         ॳकिस बकार युन
2. मु: द्रास ह्यॆनि म्यूलुम नॖ द्रास
         कॖनॖनि तॖ पॊकुम नॖ
    अ: यॆलि प्रथ अंदॖ मोयूसी
          लबनॖ यी
3. मु: द्राग च़लि तॖ दाग़ च़लि नॖ
    अ: सख्ती छि हमेशि याद
          रोज़ान
4. मु: दऺरियावॖ निवान कांह आब
         बूतीमार दिवान बुथि बुथि
  अ: अखा छु ॴश करान ब्यॆयिस
        छु यिवान अज़रवुन/ब्यॆयि
        खुशी नॖ बर्दाश्त गछ़ॖन्य
5. मु: दज़ि वाज़स तॖ वुच़ि वाज़स
    अ: ज़िम्वऻरी कऻन्सि पुशरिथ
         थावॖन्य
**************************
1. ला......Without
2. लापता.....Unknown/
               Without address
3. लापरवाह....Careless/
            Negligent/Heed-
            less/Inattentive
4. लातेदाद.....Countless/
                     Innumerable
5. लासऻनी..... Unparallel/
            Matchless/Incom
            parable/Unique
6. लाज....Shame/Shyness
                Honour/Bashful
                ness
7. लाजवाब...... Speechless
            Matchless/Silent
8. लाचार......Helpless/
            Destitute/Miser-
            able/Compelled
9. लाखऻर....Ingratefulness
                   Gratitude
10. लादवा.....Incurable
**************************
      गीता ज्ञान  :अध्याय-9 :
म्यऻन्य बखॖत्य म्यॆ लगातार स्वरान
प्रणाम छिम बारबार करान
छि सदा म्योनुय ध्यान दारान
वॊन भगवानन गीता ज्ञान
**************************
असि ॴस्य कऺशीरि मंज़ वारियाह चीज़ मुफ्तस मंज़ मेलान तॖ ॴस्य खुलॖ-डुलॖ छावान। म्यॆ छु याद यिवान ज़ि ल्वकचारस मंज़ ओसुस बॖ पनॖन्यन ज़िठ्यन सॗत्य यारबल वसान तॖ यारबलस मंज़ छि म्यॆ छ़ान्ठ वायिन ह्यॆछमॖच़। मगर अज़ यॆलि बॖ पनॖन्यन ल्वकट्यन ल्वकट्यन शुर्यन कुन वुछान छुस बॖ छुस पऺज़्यपऻठ्य हऻरान गछ़ान यि वुछिथ ज़ि तिमन छि छ़ान्ठ ह्यॆछनॖ बापथ रॊपियि-रूद प्यवान ख़र्च करुन। पतॖ गोस प्यठॖ श्रानुक ड्रस सु अलग। यिथय पऻठ्य शीन छावुन ति ओस मुफ्त। यॆति प्यठॖ छि शुर्य निन्य शिमला वगैरा यॆति शीन प्यवान आसि। ग्वडॖ छे नॖ शुर्यन फुर्सथॖय ओरॖ योर गछ़नॖ बापथ। परनन थऻव्यमॖत्य आवॖर्य। मोल मऻज्य ति छि व्यसत पनॖन्यन पनॖन्यन काम्यन सॗत्य तिमन ति कति छु वार-व्यस्तार ज़ि नच़हऻन तॖ फेरहऻन। अल्बतॖ कॆंह म्यऻन्य बऻय छि यिछ़ि व्यस्तॖतायि मंज़ ति बहार छावान या शीन छावान। मगर कऺशीरि ओस पनुन अख चम खम। कति वुछव ब्यॆयि तिम द्वह बस सुय छुम ग़म।
**************************
"गुरु ब्रह्मा: गुरु विष्णो गुरु साक्षात
महेश्वरा: गुरु एव जगत् सर्वं तस्मै श्री गुरवे नम:"
यि मंत्र गछ़ि लगातार परुन यॆमि सातॖ ति समय मेलि। यि छि गुरुस्तुति। यि परनॖ सॗत्य छि मन शऻन्ती मेलान
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

29.12.2018

29.12.2018, पॊह (पौष) गटॖ पछॖ (कृष्ण पक्ष) ॴठम (अष्टमी) बटॖवार (शनिवार/शनिश्चरवार),श्री सप्तर्षि सम्वत 5094, राश कन्या (चलान), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: दिल छु शीशॖ युथ वुछहऻस
         त्युथ वुछी
    अ: युथ कऻन्सि योरॖ करव
         त्युथुय करि ओरॖ ति
2. मु: दिल लॊग हिलि प्यठ दब
         लॊग रबि प्यठ
    अ: पनॖन पसन्द/मोजथ छु
          ऒन
3. मु: दन्दानॖ म्वयो लूकव दॊपुस
         यि छु असान
    अ: अन्दॖर्य अन्दॖर्य सोर्योमुत
          मगर न्यॆबॖर्य नॖ बास द्युन
4. मु: दूरि दूरि मर्च़ मेठान नखॖ
         नखॖ छु नाबद ट्यठान
    अ: मिलच़ार गछ़ि हदस अंदरॖय
         थावुन
5. मु: दज़नॖ दऺज़ॖस यि गिराह ति
    अ: बडि न्वख्सानॖ पतॖ छु नॖ
         ल्वकुट न्वख्सान तक्लीफ़
         दिवान
**************************
1. लॆदॖर.....Turmeric
2. लॆदुर.... Yellow
3. लॆज.....Earthen utensil
4. लीसॖ.... A kind of vege-
                 tables
5. ल्यवुन...To lick/To taste
6. लेखुन....To write
7. लॊखॖर... A small heap/
            Piece/A portion/
            Morsel
8. लॊह लंगर....Family/Bag
                    and baggage
9. लॆहज़ा....For this reason/
                  Therefore
10. लेकिन.......But
**************************
        गीता ज्ञान :  अध्याय-9 :
दीव प्रकृच़ वऻल्य महात्मा ज़ानन
सारिनॖय ज़ीवन हुन्द मूल कारन
म्यॆ नाशि रॊस्तिस हमेशॖ स्वरान
वॊन भगवानन गीता ज्ञान
**************************
कऺशीरि मंज़ छु अज़कल तॗरि बॊहरान। व्हाटसापस प्यठ छि वुछान कशीरि हुन्द हाल युस वख्तॖ अकि ॳस्य ॴस पानस ब्रौंहकनि छावान। तुलॖकतुर वुछुन, शिशरगऻन्टॖ फॖटॖरऻव्य फॖटॖरऻव्य ख्यॆनि। सरकऻर्य नलकव प्यठॖ पोन्य सारुन तॖ त्र्यन-त्र्यन, च़्वन च़्वन पोरन सु पोन्य खारुन। अख अज़ाब ओस मगर मुर ॴस पनॖन्य, ज़ामॖत्य-प्यामॖत्य ॴस्य तऺथ्य कऺशीरि मंज़ तॖ अथ तॗरि मंज़ बासान ओस नॖ। असान असान ॴस्य पनॖन द्वह कडान। नारॖ-जोशा ओस सॗत्य सॗत्य आसान। मोज-मऺस्ती ॴस खूब चलान। कऺशीरि न्यबर यनॖ द्रायि तॖ फसेयि यॆति गर्मॖ-क्रायि, व्वंय छॆ नॖ असि तॗरि रछ़ ति यॆति बर्दाश्त गछ़ान। सान्यन शुर्यॆन नॖ बिल्कुलॖय। यिम यॆति कुनवुह शथ तॖ नमतॖ पतॖ ज़न्मस आयि तिमन छे नॖ ब्वयी कऺशीरि हॖन्ज़। व्वंय छि तिमन व्हाटसापस प्यठॖय हावान रोज़ान कऺशीरि मंज़ तॗरि हुन्द असर। कॆंह शुर्य छि हऻरान गछ़ान मोबाईलस प्यठ ज़ेछि ज़ेछि शिशरगऻन्टॖ वुछ्य वुछ्य। कॆंच़न छु मथ गछ़ान ज़ि प्रोकुठ वुछहऻव यि हाल। तति छु मगर आतंकवाद्यव वाहरोवमुत ज़ाल। तिमन ख्यॆतन महाकाल।
**************************
विपति दूर गछ़नॖ बापथ अख मंत्र
"शरणागत दीनार्त-परित्राण परायणे, सर्वस्यार्ति हरे देवि नारायणि नमोस्तुते।"
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

28.12.2018

28.12.2018,पॊह (पौष) गटॖ पछॖ (कृष्ण पक्ष),सतम (सप्तमी),शॊकुरवार (शुक्रवार/ जुम्मा), श्री सप्तर्षि सम्वत 5094, राश कन्या (दुहचि 3.47 बजि प्यठॖ), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: दगि रॊस दोद गव बेमाने
    अ: यस सॗत्य नॖ रिश्तय आसि
          तस द्वख बावुन छु फ़ज़ूल
2. मु: दऺग्य दऺग्य स्वन
    अ: मुकमल गोमुत चीज़
3. मु: नारॖ द्राव स्वन
    अ: युस पूरॖ पऻठ्य परखॊवमुत
         आसि
4. मु: दमस सॗत्य नमस्कार
    अ: आसनस बासनस छु यज़थ
5. मु: दिलॖच फुलय गछ़ि आसॖन्य
         गुलॖच फुलय कथ यी बकार
    अ: यॆलि कांह सुखी आसि
          तॆलि बास्यस ओंद-पॊख
          ति ख्वश
**************************
1. लेन-देन....Trade/Transac
                   tion/Business/
                   Dealings
2. लेफ़........Quilt
3. लेफ़-हॆन्य...To fall ill/To
                   remain silent
4. लय........Song/Tune/
                   Melody/Attach
                   ment
5. लीला...Devotional song
6. लियाकथ.... Ability/Skill/
                Capability/Profi
                ciency
7. लीडर....Leader/Chief
8. लीडरी....Leadership
9. ल्यद.......Horse-dung
10. ल्यडॖ....Coward/Timid
**************************
       गीता ज्ञान  : अध्याय-9 :
बॖ पनॖनि मायायि मनशॖ रूप दारान
सऻर्यसॖय ज़गतस उदार करान
मूर्ख म्यॆ सादारन मनुष्य ज़ानान
वॊन भगवानन गीता ज्ञान
**************************
यि रयथ ह्यॆतुन अंद वातुन तॖ ॳथ्य सॗत्य वाति दिसम्बरुक यानि यॆमि वऺरियुक ति अंद यानि ईस्वी सनॖ 2018 वाति अंद तॖ 2019 गछ़ि शुरु। बॖ छुस भगवानस मंगान सारिनीय बापथ रुत फल नविस वऺरियस मंज़। सारिनीय गऺछ़िन पनॖनि पनॖनि मनोकामनायि पूरॖ।
सान्यन शुर्यन मीलिन स्वबुद्दि। असि सारिनीय रूज़िन ऒरज़ुव तॖ दॊरकॊठ। असि रूज़िन पनॖन्यन ज़िठ्यन हुन्द सायि मूजूद। रूज़िन असि पानवुन्य मिलच़ार। काम क्रूध अहम्  रूज़िन असि निशि दूर स्यठाह दूर तॖ रूज़िन असि संतुष्टी मनॖच सुब-शाम। हरे कृष्ण हरे कृष्ण हरे राम हरे राम।
**************************
"सर्वे भवन्तु सुखिन: सर्वे सन्तु निरामया। सर्वे भद्राणि पश्यन्तु, मा कश्चिद दु:ख भाग्भवेत्"
अथ-बुथ छऺलिथ श्रान कऺरिथ यि मंत्र ति परुन
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
 नऺविव तॖ फॊलिव
  भूषण कौल "दीप"

(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

27.12.2018

27.12.2018, पॊह (पौष) गटॖ पछॖ (कृष्ण पक्ष), पांच़म (पंचमी), ब्रसवार (वीरवार/ब्रहस्पतवार),श्री सप्तर्षि सम्वत 5094, राश सिंह (चलान), ऋतु (हेमन्त चलान)...
चूंकि पगाह छि शॆयम रावान, पगहुक वॊहरवोद यी ॳज़्य यानि पऻनंच़म द्वह
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: द्वदॖ डुल्य तॖ नाबद नऺट्य छि
         नॖ पोशान
    अ: सॊन्य-गरि वोतमुत माल छु
          नॖ पोशान
2. मु: द्वदॖक्य द्यार द्वदस तॖ
         आबॖक्य आबस
   अ:असलॖच कमऻय छि ॴखरस
        रॖच़ि कामि लगान
3. मु: द्वन बऻच़न हुन्द क्रूद गव
         वऺहरऻच़ रूद
    अ: द्वन बऻच़न हॖन्ज़ हर छॆ नॖ
         ज़्यादॖ कालस रोज़ान
4. मु: द्वन सलाह तॖ त्र्यन वाह-
         व्यला
    अ: द्वन बऻच़न मंज़ छु सलाह
         रोज़ान तॖ त्र्यन मंज़ नॖ
5. मु: द्वसि प्यठ कॊम-यऻज्य, न
         पिल्यस च्यऻन्य मऻज्य न
         पिल्यस म्यऻन्य मऻज्य
    अ: ज़्वन/त्युथ चीज़ युस नॖ
         कऻन्सि अथि यी
**************************
1. ल्यख....Abuse/Abusive/
                Rebuke
2. ल्यकॖ-ल्यख...Abuses/
        Showering of abuses
3. ल्यकन हलम दारुन...To
             show extragentle-
             ness
4. ल्यकॖ वातुल....One who
          uses abusive lang-
          uage
5. ल्यग....Eye wax
6. ल्यम्ब.....Mud/Dirt
7. ल्यॊब-थॊप करुन...To nip in
                  the bud/To hide
8. ल्यॊच़.......Weak/Feeble/
                    Lazy
9. ल्यॊल......A big pot
10. ल्यॆदॖर छ़ठ फेरॖन्य...To
            come pale (with
            fear)/To turn pale/
            To become weak
**************************
         गीता ज्ञान : अध्याय-9 :
पर्म भाव न ज़ानन वऻल्य मूर्ख
मनषि रूप किन्य म्यॆ ब्रह्मस करान शख
म्यॆ पर्म ईश्वरस छि तुछ ज़ानान
वॊन भगवानन गीता ज्ञान
**************************
ॳज़्यक्यन मुहावरन मंज़ छु पॗन्च़िम मुहावरॖ दरासल अख प्रऺच़। मुहावरॖस यानि दऺपिथ कऻशुर तॖ प्रऺच़ि मंज़ छि फ़र्ख यि ज़ि प्रऺच़ छि अकिस सवाल किस रूपस मंज़ यिवान वनॖनॖ तॖ जवाब प्यवान छु छ़ान्डुन मगर मुहावरस मंज़ छु नॖ ति कॆंह आसान बल्कि जवाब छु सॗती आसान। स्वर्गीय श्री ओंकार नाथ कौल सऻबनि अथॖ तयार कऺरमॖच़ किताब "कऻशिर दऺपिथ डिक्शनरी" प्यठॖ छुस बॖ यिम मुहावरॖ त्वहि ताम वातनावान अल्बतॖ प्रच़न हॖन्ज़ किताब गयि नॖ म्यॆ नज़रि वुन्युखताम कॆंह। योदवय कऻन्सि निश कॆंह प्रच़ॖ आसन पनॖनि ज़बऻन्य प्यठ या लीखित कुनि जायि सु ह्यॆकि म्यॆ फोन कऺरिथ तालाकि बॖ करॖ हऻसिल तऺमिस निशि तॖ ह्यकॖ त्वहि ताम वातनऻविथ। बॖ छुस प्रारान तुहॖन्दिस जवाबस
**************************
प्रथ रंगॖ कुशल-मंगल यछ़नुक मंत्र
"सर्वॖ मंगल मंगल्ये , शिवे सर्वार्थ साधिके, शरण्ये त्रयम्बके, गौरि नारायणि नमोस्तुते"
बुथ अथ छॆलिथ या श्रान करनॖ पतॖ यि मंत्र परनॖ सॗत्य छु मंगल प्राप्त सपदान
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

26.12.2018

26.12.2018, पॊह (पौष) गटॖ पछॖ (कृष्ण पक्ष), च़ोरम (चतुर्थी), ब्वदवार (बुधवार),श्री सप्तर्षि सम्वत 5094, राश सिंह (दुहचि 1.38 बजि प्यठॖ), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: दऺहन थवान सय ॳकिस नॖ
         त्रावान वय
    अ: युस वारिहान काम्यन थफ़
         छ़ॖनि तॖ ॳकिस ति वाति नॖ
2. मु: दऺहन दऺह मन छ्वनन नॖ
         ॳकिस मनुट पोशि नॖ
   अ: वारिहान बऻच़न छि बरकथ
         कुन छु नॖ पोशान
3. मु: दहि वुहर्य दशहार
    अ: स्व खुशी य्यॊस वारिहाय
          कऻल्य मेलि
4.मु: द्वन गाडन छॆ नॖ थफ़ यिवान
    अ: अकि वख्तॖ छि अकऻय
          कऻम अंद वातान
5. मु: द्वन ख्रावन प्यठ लथ
    अ: यॆलि कांह द्वन काम्यन ज़ंग
          छ़ॖनि तॖ कांह ति पूरॖ ह्यॆकि
          नॖ कऺरिथ
**************************1. मकऻय....Maize/Corn
2. मकाय-च़ॊट...Maize bread
3. मकायवऺट...Corn cob
4. मक्कॖ......Mecca
5. मुकमल....Complete/
             Finished/Complet
             ed
6. मुकुट....Crown/Crest
             ornomental coro-
             net for groom
7. मकतूम....Hidden/Con-
                   cealed
8. मकतबॖ....Book shop/
             Library/Book stall
             (Rare)
9. मकतब.... Elementary/
            Religious school/
            School
10. मकऻर्य..... Cunningness
            Cheating/Deceitful
            ness
**************************
        गीता ज्ञान : अध्याय-9 :
म्यानि सहारॖ सॗत्य म्यऻन्य प्रकृत
च़राच़र सान रचान सोरुय ज़गत
अमि सॗत्य यि सम्सार चलान
वॊन भगवानन गीता ज्ञान
**************************
के एस डी यानि कश्मीर सम्मति दिल्ली मंज़ ओस राथ यानि "डॆडिकेशन डे" यथ प्रोग्रामस मंज़ वारिहाव मान्यवर वक्ताहव पनॖन पनॖन व्यच़ार थऺव्य पनॖनि समाजिक्यन वारिहान विषयन प्यठ। मुशऻयरॖ ओस। कॆंच़न म्यान्यन बायन आयि ताजपूशी करनॖ, ट्राफी आयि दिनॖ, शाल वगैरा आव दिनॖ तिहन्ज़न जान जान काम्यन बापथ यॆमि सॗत्य समाज्युक नाव रथि खॊत। ब्येयि कऺरॖख बादाम सऻबॖन्य अख किताबा ति शऻयी। अमि अलावॖ ओस चाय, लूचि, ख्यन च्यन यानि लंच वगैरा। प्रोग्राम रूद नफ़ीस अल्बतॖ वख्तॖच कमी रूज़। द्वह छि अज़कल वैसे ही ल्वकॖट्य तॖ शाम छु ज़रा सुली गछ़ान। यथ प्रोग्रामस मुतलक तरि नॖ म्यॆअख ज़ॖ कथॖ फिकरी कॆंह सु ज़न गव ज़ि सऻन्य यि कश्मीर समति छि। दिल्लि मंज़ स्यठा प्रऻन्य संस्था यानि 1953 प्यठॖ चलान आमॖच़। युथ क्याह कारण छु ज़ि यथ संस्थायि प्यव पनुन यि प्रोग्राम लूकॖ हॖन्दि या हमसायन हॖन्दि गरि करुन। क्या अथ संस्थायि छॆ ना यीच़ ति सूरथ ज़ि यिम छि नॖ ह्यकान प्रोग्राम पनॖनिस मुरिस मंज़ कऺरिथ। दॊयिम वुछुम ज़ि यीत्यव म्यानव बायव यि कॆंहछ़ाह ति वॊनुख तिहन्द्यन व्यच़ारन बासेयि नॖ म्यॆ कांह नव्यर। यि कुनत्रॖहव वऺरियव प्यठॖ आव वनॖनॖ वुन्यखताम तथ मंज़ बास्यॊम नॖ बदलावा कॆंह हालांकि नऺव्य मसलॖ छि वारियाह मगर तिमन मसलन कुन द्युत नॖ खास सुजावा कऻन्सि। खऻर। पकान छि ॳस्य ति तॖ पकान छु वख ति।
**************************
यॊनि छलनॖ विज़ि पज़ि परुन:
"ओम् भूर्भुवा: स्व: तत्सवितुर-वरेण्यं भर्गो देवस्य धीमहि , धियो योन: प्रचोदयात्"
यि मंत्र गछ़ि त्रॆयि लटि परुन
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

25.12.2018

25.12.2018, पॊह (पौष) गटॖ पछॖ (कृष्ण पक्ष), त्रय (तृतीय), बॊम्वार (मंगलवार), श्री सप्तर्षि सम्वत 5094, राश कर्कट (चलान), ऋतु हेमन्त (चलान), अज़ छि संकट-च़ोरम (संकट निवार्ण चतुर्थी)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: दय हय दी तॖ पोशख नॖ
         रटनस
    अ: यॆलि दय मॆहरबऻनी करि
          तॆलि छु फिर्य फिर्य छ़ॖनान
2. मु: दॊयव अथव छु च़रिपॊप
         वज़ान
  अ: कुन ज़ॊन छु नॖ कामि पोशान
3. मु: दॊयव छु मोरमुत सॖह
    अ: यकुत हय आसि बडि ख्वतॖ
          बऺड कऻम छि अंद वातान
4. मु: देगि लदुन लायक़
  अ: रज़ीलॖ/बदज़ाथ/अख वॊहव
5. मु: द्यद ति गऺयि बजायि
         वऻल्यदय
    अ: हिशी कथा
**************************
1. मिलनसार.... Sociable/
                        Affable
2. मिलथ.........Society/
                       Friendship
3. मुलतवी.......Put off/Post
                       ponement
4. मलॖ......A Muslim priest/
                 A boat man
5. मलॖर....Pitcher/Beautiful
                Young lady
6. मुलाक़ाथ....  Meeting/An
                        interview
7. मलऻय....Cream of milk/
                  Essence
8. मलुन...     To rub with
              hands/To pound/
              To massage
9. मिलच़ार.... Integration/
              Harmony/Fami-
              liarity/Intercourse
              Connection/Rela-
              tion
10. मिलावठ.... Adulteration
              Mixture/A blend
**************************
       गीता ज्ञान : अध्याय-9 :
अर्ज़न यिम कर्म बे लगाव आसान
यि सोरुय पऻन्य पानय छु सपदान
म्यॆ पर्म ब्रह्मस छु नॖ कर्म गंडान
वॊन भगवानन गीता ज्ञान
**************************
म्यॆ वोत वारियाह कालॖ प्यठॖ सौंचान ज़ि ॳस्य किथॖ पऻठ्य ह्यकव पनॖन्यन शुर्यन जंत्री कुन त्युहुन्द ध्यान दारनऻविथ। बॖ वोतुस अथ नतीजस प्यठ ज़ि यिम सानि जंत्री मंज़ छ़ॊट्य-छ़ॊट्य मंत्र छि तिम क्याज़ि परनावोखनॖ ॳस्य पनॖन्य शुर्य दॊहय अख अख ज़ॖ ज़ॖ यॊत ताम तिमन यिम मंत्र ज़बऻनी याद गछ़न। यिम छि तिम मंत्र यिम असि रऻछ करान छि, विद्या दिनस सहायक छि, लक्ष्मी गरस मंज़ वातनावनस मदद करान छि, सोन शऺरीर स्वस्थ थावान छि, कॊबुद्दि च़ऺलरावान छि तॖ स्वबुद्दि प्राप्त करनस मंज़ साथ दिवान छि। यिम सऻरी मंत्र छि यि दऺप्यज़ि ति बीज मंत्र। बॖ छुस वुछान ज़ि यॆलि ॳस्य पूर्ण आहूति बापथ कुनि हवनस प्यठ खडा आसान छि, सऻन्य ज़िठ्य छि परान रोज़ान शांति पाठ या कॆंह बीज मंत्र,सऻन्य शुर्य या कॆंह बऺड्य ति छि वुछान आसान मोन दऻरिथ तिहन्द्यन बुथ्यन कुन हालांकि अमि म्वखॖ छि सऻन्य जंत्री मंत्रव सॗत्य बऺरिथ मगर ॳसीय छि नॖ ओरकुन ज़्वन दिवान। वऺलिव करव ॳज़्यकि प्यठॖ शुरुआत तॖ वुछव क्वत ताम गछ़व ॳस्य अथ मुहिमस मंज़ सफल। बॖति करॖ ॳज़्यकि प्यठॖ पनॖनि जंत्री मंज़ लीखिथ अख अख मंत्र पनॖनिस यथ सब्कस सॗत्य वनुन तॖ परुन शुरु तॖ तॊह्य दीव पनॖन्यन शुर्यन या बड्यन यि विद्या।
**************************
सुबहऻय नॆन्दरि व्वथवुन द्वनवऺन्य अथन बुथ वुछुन तॖ परुन....
"कराग्रे वस्ते लक्ष्मी: कर मध्ये सरस्वती: । कर मूले स्थितो ब्रह्मा प्रभाते कर दर्शनम्"
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

21.12.2018

21.12.2018, मॊन्जॖहोर (मार्ग/ मगर), ज़ूनॖ पछॖ (शुक्लॖ पक्ष), च़्वदाह (चतुर्दशी), शॊकुरवार (शुक्रवार/जुम्मा),श्री सप्तर्षि सम्वत 5094, राश वृष (चलान)ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: ख्वजा च़ॖ ति यिख नॖ बॖति
         समखय नॖ
    अ: यॆलि नॖ रलनस-मेलनस
          कांह ब्रांथॖय आसि/यॆलि
          वतॖ अलग अलग आसन
2. मु : ख्वजॖ मूद तॖ च़ास ति
          बलेयि
    अ: मरनॖ सॗत्य छि वारियाह
         मसलॖ पानय हल सपदान
3. मु: ख्वजॖसऻबा गाम न्यूहोय
         म्यॆ त्रोव पानय
    अ: युस अपुज़ ज़िछर हावि/
         युस न्वख्सान गऺछ़िथ ति
         ब्यॆयिस बास दी नॖ
4. मु: ख्वजा दि सऻ बतॖ, सु
         तुलान पानॖ पऺथरॖ
    अ: तस शख्सस कॆंह मंगुन
         यह नॖ पानस आसि
5. मु: ख्वदाय सॖन्ज़ खॖर तॖ
         नऻयदॖसॖन्ज़ च़्यफ़
    अ: यस मुसीबतस प्यठ
          मुसीबत यी
**************************
1. माल.....Goods/Cargo/
                Riches/Wealth/
                Property
2. माल/माला... Rosary/
          Garland/Necklace
3. माल फिरॖन्य....To count
          one's beads/To pray
4. मऻलिश.... Massage
5. मालदार.....Rich/Wealthy/
                     Moneyed
6. मालि ग़नीमथ....Booty
7. मालि मुफ्त.....Free/Some-
          thing without effort
8. मऻली...... Financial
9. माली...... Gardener
10. मऻलियि....Land revenue
**************************
      गीता ज्ञान : अध्याय-9 :
प्रकृच़ हुन्द स्वबाव कऺरिथ सुमरन
प्रतंत्री गऻमॖच़ सारिनी ज़ीवन
कर्मव अनुसार छुसख पऻदॖ करान
वॊन भगवानन गीता ज्ञान
**************************
ॳज़्यकि प्यठॖ गव चिल्लॖय कलान
शुरु। चिल्लय कलान यानि तॗर शिदतॖच या सख़। यि तॗर रोज़ि चतजीहन द्वहन तॖ अदॖ गछ़ि शुरु
चिल्लॖ ख्वरुद यॆम्युक मियाद छु रोज़ान वुहन द्वहन। तॖ ॴखरस मंज़ छु रोज़ान चिल्लॖ बच्चॖ दऺहन द्वहन। कुल मिलऻविथ छि यि तॗर रोज़ान सत्तथन द्वहन। मगर यि ग्रन्द अमि तॗरिहॖन्ज़ ॴस्य ॳस्य करान रोज़ान कऺशीरि मंज़ वख्तॖ अकि। च़ाटॖहाल ॴस्य गछ़ान बंद। शीनॖय शीन ओस आसान च़्वपऻर्य। व्वंय छि कऺशीरि मंज़ ति तथ तॗरि मंज़ कति कोर फ़रॖख आमॖच़। चिल्लय कलानुक यॆति ज़िकिर करुन छु नॖ कांह मतलब थवान। तॗर छि रोज़ान मगर कति कऺशीरिहॖन्ज़ तॗर तॖ कति यॆतिच तॗर। ज़मीन आसमानॖच फरॖख। यॆति छु यि माजि बतॖ। कऺशीरि हॖन्ज़ि तमि तॗरि निशि त्राहि त्राहि।
पलवन प्यठॖ पलव लगऻव्य लगऻव्य ॴस्य नेरान। कांगॖर बॆबिस मंज़ ॴस्य आसान। दफ्तरन मंज़ ॴस बुखार्यॆन बोश आसान। वुनि ति छु तॗरि हुन्द माहौल त्युथुय दफ अमापॊज़ फरॖख छि वारियाह आमॖच़। मौसमस मंज़ छु बदलाव आमुत। पलवन मंज़ ति छि हना नज़ाकत आमॖच़। खऻर असि गयि व्वंय त्रॖह वऺरी कऺशीरि द्रामतिस। सान्यन शुर्यन छॆ नॖ ब्वयी अमिच तॖ न ह्यकव ॳस्य तिमन व्यखनऻविथ ज़ि सु दौर क्युथ ओस। यॆलि असि अथस मंज़ छ़िरॖ च़ॊट तॖ फ्यरनॖ नऺरिस प्यठ म्वगल्य-चायि खोस आसान ओस
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

20.12.2018

20.12.2018, मॊन्जॖहोर (मार्ग/ मगर), ज़ूनॖ पछॖ (शुक्लॖ पक्ष) त्रुवाह (त्रयोदशी), ब्रसवार (वीरवार/ब्रहस्पतवार), राश वृष (दुहचि 9.58 बजि प्यठॖ), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: ख्वजि छु यिनय तॖ टाव
         वॊथ ब्रोंहठॖय
    अ: कऻन्सि हॖन्दि यिनॖच ख़बर
          ब्रुंहॖय वातॖन्य
2. मु: ख्वजि ज़ांह मेलय नॖ वानि
         ज़ांह समखय नॖ
    अ: अलग अलग वथ रटॖन्य
3. मु: ख्वजि सऻब बिदाद गोम नॖ
         वऺनिथ थोवुम
    अ: ब्रौंहठॖय व्यलाफ़ करॖन्य
4. मु: ख्वजि ब्यूठ वान द्यगल्यव
         सान
    अ: बॆ-तरतीब कारॖबार/यि नॖ
         ज़रूरथ ती करुन
5. मु: ख्वजि मानख ना तॖ मनॖट्य
         दब ख्यथ
    अ: यस पऻज़ारन लायक़ बुथ
         आसि सु छु नॖ पथ बिहान
**************************
1. माशोक़....Beloved
2. मऻश........ Buffalo
3. मऻशॖक्रऻर...A milk-product
4. मऻल.....Appetite/Hunger
            Need/Want/Desire
5. मऻलॖ.....Dirty/Filthy/Fair/
          Crowd/Assemblage
6.मऻर.....Tributary/Tract of
               land
7. मऻर्यमॊन्द.... Beautiful/
            Charming/Grace-
            ful
8. मऻदॖ.....Fine flour
9. मऻदान.....Ground/Plain/
                Field/Shit
10. मऻन्ज़.... Myrtle
**************************
      गीता ज्ञान : अध्याय-9 :
कल्पॖकिस अंतस सऻरी ज़ीव ज़ात
म्यानि पृक्रच़ ब्यॆयि सपदान प्राप्त
कल्पॖकिस आदस मंज़ छुसख ब्यॆयि रचान
वॊन भगवानन गीता ज्ञान
**************************
पनुन गणित तॊर नॖ म्यॆ मुडस वुनि ति फिकिरी सु ज़न गव ज़ि दपान पॊह लॊग तॖ साथ ति ख़त्म तामथ। मगर सानि पंचान्गॖ हिसाबॖ छु वुनि मॊन्जॖहोरॖय चलान तॖ पॊह गछ़ि शुरु त्रॊवुहमि दिसम्बरॖ प्यठॖ अल्बतॖ विक्रमी सम्वतॖ हिसाबॖ च़ाव पॊह ऊतरॖ शुरऻहमि दिसम्बर। तम्युक मतलब गव ज़ि ॳस्य छि पॊह अच़ुन मानान विक्रमी सम्वत हिसाबॖ तॖ बाकय तिथि सप्तर्षि सम्वत हिसाबॖ। अथ प्यठ कऺमिस सॗत्य करव कथ तॖ कऺम्यसुन्द बोज़व। म्यॆ छु व्वंय ज़्वन प्यवान ॳस्य ॴस्य कऺशीरि मंज़ सऻंक्रात मनावान तॖ म्यऻन माता श्री ॴस अमि द्वह फ़ाकॖ ति दवान तॖ ब्यॆयि ॴस स्व सत्यदीव यानि पूर्य ति बनावान मगर भगवान ज़ानि स्व प्रथा क्याज़ि तॖ कर रुकेयि मगर व्वंय छि वुछान ज़ि जंत्री मंज़ छि हावान विक्रमी सम्वतस मंज़ मासान्त तॖ पतॖ संक्राति वृत। गव ज़ि ॳस्य छि शायद दॊनवऺनी सम्वतन थफ कऺरिथ पकान आमॖत्य। तॖ व्वंय रॊट असि दामानॖ आर्यसमाजकिस पंचान्गस ति तॖ ह्यॊत मरनॖ पतॖ च़ोरय द्वह करॖन्य, मेखल छ़ॖनॖन्य, वगैरा वगैरा। मतलब द्राव म्यॆ बासान यि ज़ि ॳस्य छि नॖ ॳकिस डंजि तॖ लंजि रूज़िथ। असि छु द्वन नावन मंज़ ख्वर। असि कुस बनि ग्वर। बॖ छुस सौंचान
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

19.12.2018

19.12.2018, मॊन्जॖहोर (मार्ग/ मगर), ज़ूनॖ पछॖ (शुक्लॖ पक्ष) काह  (एकादशी), ब्वदवार (बुधवार), श्री सप्तर्षि सम्वत 5094, राश मेष (चलान), ऋतु हेमन्त (चलान)...चूंकि पगाह छि बाह रावान, बऻश हुन्द वॊहरवोद यी ॳज़्य यानि कऻश द्वह
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: ख़रस खसनॖ नॖ मंदॖछुन तॖ
         खर-खर करनस क्याह छु
         मंदॖछुन
  अ: कांह चीज़ इस्तिमाल करनस
        नॖ शर्म यिन्य तॖ सु चीज़
        सम्बालनस क्वस शर्म छि
2. मु: ख़रस खऺसिथ बुथ पथ कुन
         कऺरिथ
    अ: स्यठाह बे-शर्मी
 3. मु: ख़ून छु बारव दिवान
     अ: खॊटमुत चीज़ छु नॖ खऺटिथ
          रोज़ान/पनुन छु नॊन नेरान
4. मु: ख़ूनस छि रैय
    अ: पनॖन्यन छु च़ुक आसान
5. मु: ख्वजन दॊपनम फटकऻय
    अ: बऺडिस मॊहनिविसॖन्ज़ छ़ऺर
         कथ ति छि ख्वश करान
**************************
1. मन....Mind/Heart/Soul
             Spirit/Inclination/
             Conscience/Atten
             tion/A maund
     (About 37kg in weight)
2. मनहूस.... Inauspicious/
                Unlucky/Abomi-
                nable
3. मनज़ूर..... Sanctioned/
          Granted/Approved/
          Accepted/Liked/
          Intended
4. मनशूर....Agenda/Mani-
           festo/Proclamation
5. मन्दर.....Hindu temple
6. मंदछ.....Shame/Bashful
                 ness/Disgrace/
                Modesty
7. मंज़िल..... Destination/
                    Goal
8. मंज़ुल...... Cradle
9. मुनऻसिब.... Appropriate/
             Proper/Fit/Suitab-
             le/Expedient
10. मनमऻनी..... Wilfulness/
             Self generated/
             Spontaneous
**************************
         गीता ज्ञान :अध्याय-9 :
आकाशॖ पऻदॖ सपदन वोल हवा
न्यथ आकाशसॖय मंज़ रोज़ान सदा
म्यानि संकल्पॖ पऻदॖ ज़ीव म्यॆ मंज़ आसान
वॊन भगवानन गीता ज्ञान
**************************
सानि जंत्री मंज़ तिथि रावुन या तिथि दॊयि लटि युन छु अज़कलकिस इन्सानस परेशऻनी हुन्द सबब बन्यॊमुत ति क्याज़ि अज़ छु कम्प्यूटरुक दौर चलान। लूकव छु थॊवमुत अंग्रीज़ तऻरीखॖय पनॖनिस लैपटापस मंज़ लीखिथ। फ़ेस-बुकस प्यठ ति छु ॳल्यफॖ प्यठॖ यॆयस ताम अंग्रीज़ तऻरीखॖय लीखिथ। सानि पंचान्गुक ज़ा-द्वह यानि वॊहरवाद्युक द्वह छु बदलान रोज़ान प्रथ वऺरियि। याद थावुन छु हना मुश्किल गछ़ान। अमापॊज़ श्राद ॴस्यतन या वॊहरवोद, कांह बॊड द्वह आस्यतन या कांह फ़ाकॖ द्वह ॴस्यतन जंत्री वुछनॖ बगऻर छॆ नॖ कऻम अंदान। मगर ॳस्य छि मजबूर। अमि बगऻर छि नॖ ह्यकान होरॖ-योर डऺलिथॖय। प्यठॖ यॆलि-यॆलि बाहव बजायि त्रुवाह रयथ वऺरियस मंज़ आसान छि परेशऻनी छि ज़्यादय पाहन बडान। मुगालतॖ छु वारियाहन गछ़ान। जंत्री छे नॖ सॗत्य सॗत्य आसान। अगर आसि ति, वारिहान लूकन छे नॖ परॖन्य ति तगान। कुनि-कुनि वख्तॖ छु बाज़े मऺशिथ ति गछ़ान। पतॖ छि दॊयिम परेशऻनी ज़ि वॊहरवोद यियाह ग्वडनिकि द्वह या दॊयिमि द्वह। पूर छा द्वह किनॖ देवादेव वगैरा वगैरा। मोन ज़ि कऻशिर्य जंत्री छि शास्त्राथ हिसाबॖ पूरॖ गणित कऺरिथ आमॖच़ बनावनॖ मगर यि छे नॖ वाठ ख्यवान ॳज़्यक्यन हालातन सॗत्य। अमि रंग्य ति छि ॳस्य गऻमॖत्य ब्यॊन-ब्यॊन। वॊहरवोद छि मनावान दॊयि लटि। अख ॳकिस मुबारकबाद छि सोज़ान अंग्रीज़ तऻरीखॖ वुछितॖय। कऻशुर तऻरीख छु गरिक्यन बऻच़नॖय पता सु ति माजी योत, मऻलिस ति छु नॖ ज़्यादॖतर याद आसान।अथ मसलस प्यठ छु बनान मशवरॖ करुन। सु कुस करि, कर करि,कति करि, कऺमिस सॗत्य करि यि ति सौंचनॖच कथ
**************************
कऻशुर ह्यॆछव कऻशुर परव
कऻशिर पऻठ्य पानवॖन्य कथबाथ करव
**************************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

18.12.2018

18.12.2018, मॊन्जॖहोर (मार्ग/ मगर), ज़ूनॖ पछॖ (शुक्लॖ पक्ष), दऺहम (दॊयिम), दश्मी (अधिक), बॊम्वार (मंगलवार), श्री सप्तर्षि सम्वत 5094, राश मेष (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: ख़रन नर तॖ नरन ख़र
    अ: यॆलि ना-बराबर रून तॖ
         ज़नान आसि/यॆलि नॖ मनॖ
         मुवऻफ़िक नफ़र प्यॆयि/
         ह्यिवस ह्यु नॖ प्यॊन
2. मु: ख़रॖ पूतिस गुर्य-पूत प्यॆठ-
         वऻन्य
    अ: यॆलि ल्वकचि कामि ख़ऻतरॖ
          बॊड मुवाज़ॖ मंगनॖ यी
3. मु: खर खसनय खर खाव
    अ: हंगॖ मंगॖ बदनाम
4.मु: ख़र क्याह ज़ानि ज़ाफ़रानुक
        क़दॖर
   अ: ज़ानन वोलुय छु चीज़स
         क़दॖर ज़ानान
5. मु: ख़र ह्यंग तॖ वूंटॖ नच़ुन
    अ: बऺल्य नाराज़ॖ गछ़ुन या
          ज़िदस लायनॖ युन
**************************
1. मोर.....Killed/Pea cock
2. मूर..... A thin stick/A
               branch of a tree
3. मूड.....Mood
4. मुडॖ.....Foolish/A simple-
               ton/An idiot
5. मोड...Turn/Twist
6. मूर्ती....An idol
7. मुनतज़ीम...Manager/
          Master of ceremon-
          ies
8. मुनतज़िर.... Waiting/
                       Awaiting
9. मुनतिशिर...Dispersed
          (Crowd)/Distracted
          (Ideas)
10. मुनतिख़ब...Chosen/
           Selected/Elected
**************************
         गीता ज्ञान : अध्याय-9 :
यि म्यऻन्य ईश्वरी यूग शक्ती ज़ान
बॖय ज़ीवन पऻदॖ तॖ पालन करान
बॖ तिमन मंज़ नॖ दऺरिथ रोज़ान
वॊन भगवानन गीता ज्ञान
**************************
यीरॖवुन्य नावा तॖ ब्यॆयि नॖ कॆंह। पंडित ओंकार नाथ जीनि जंत्री मंज़ छि दऺहम ज़ॖ हाविमच़ॖ मगर पंडित मनमोहन जीनि जंत्री मंज़ छि दऺहम बजायि नवम ज़ॖ हाविमच़ॖ। ब्याख पंचाग ति छु हावान नवम ज़ॖ गछ़ान। गयि ॳस्य कऻशिर्य बटॖ परेशान ज़ि नवम छा ज़ॖ गछ़ान किनॖ दऺहम छि ज़ॖ गछ़ान। पॊज़ कऺम्यसुन्द मानव? असि छु नॖ पूरॖ ज्ञान अमि चीज़ुक। ॳस्य ह्यकव नॖ ठोक के वऺनिथ ज़ि अख छु ग़लत तॖ ब्याख छु ठीख। मगर ग़लत छु अख न तॖ अख। बॖ छुस करान इस्तिमाल ओंकार नाथ जीयिन जंत्री ग्वडॖ प्यठय यानि पंडित प्रेम नाथ शास्त्रीयनि वख्तॖ प्यठॖ तॖ म्यॆ ल्यूख एमीय जंत्री मुतऻबिक तिथि तॖ वार। त्युथुय सूज़ कऻन्सि मित्रन ब्यॆयि द्वन जंत्रीयन हॖन्द्य फोटू व्हाटसापस प्यठ यथ मंज़ नवम छि ज़ॖ आमॖच़ हावनॖ। म्यॆ कॊर विजयेश्वर कार्यालय फ़ोन तॖ प्रुछ़मख फ़रॖख आसनुक वजह।जवाब म्यूलुम ज़ि सोन गणित छु सऺही तॖ दॊयिमि जंत्री मंज़ आसि कम्प्यूटर दऺस्य गलती रूज़मॖच़। सॗतीय वॊनॖनम ज़ि त्रॆयिम पंचांग छु नॖ कऻशिर्य बटन हुन्द तॖ तमि हिसाबॖ छु नॖ पकुन। बोज़नाह कॊरूम तॖ पॊकुस ब्रौंहकुन पानस। पंडित मनमॊहन कार्यालय फोन कऺरिथ नेरिहेनॖ मतलब कांह। सु वनिहेनॖ पानस ग़लत। तॖ असि त्रॆयिम वथाह छॆ नॖ कांह। ॳछ वऺटिथ विश्वास करुन। अमि हिसाबॖ आसि म्यान्यन वारिहान बायन-ब्यॆन्यन तिथि मानॖनस मंज़ मुगाल्तॖ गोमुत। तॊह्य ति मजबूर तॖ बॖति मजबूर। यी मन पनुन वनि ती छु मन्ज़ूर। ज़ानि दय कॊत्ताम रोज़ि जऻरी यि दॊस्तूर।
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
  नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

17.12.2018

17.12.2018, मॊन्जॖहोर (मार्ग/ मगर),ज़ूनॖ पछॖ (शुक्लॖ पक्ष), दऺहम (दशमी), च़ऺन्दॖरवार (सोमवार), श्री सप्तर्षि सम्वत 5094, राश मेष (रऻच़ हॖन्ज़ॖ 4.16 बजि प्यठॖ), ऋतु हेमन्त (चलान), द्रठॖपऻन्च़ुक (पंचक) म्वकलि रऻच़ हॖन्ज़ॖ 4.16 बजि)...चूंकि दऺहम छि ज़ॖ गछ़ान, ॳज़्युक वॊहरवोद यी पगाह यानि अरदऺहमि दिसम्बर 2018
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पऻंछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: ख़र किरायि तॖ ॴशनऻवी
         क्या
   अ: लेन-देनस मंज़ गछ़ि नॖ
        ॴश्यनऻवी अनॖन्य/कारॖ
        बारस मंज़ गछ़ि नॖ कऻन्सि
        पच़ुन
2. मु: ख़र सुन्द मरुन छि हून्य-
         सॖन्ज़ शऻदी
    अ: कऻन्सि हॖन्दि मरनॖ ब्यॆयिस
         फ़ऻयदॖ वातुन
3. मु: ख़रस बोर ख़रबचस अतॖ-
         गथ
    अ: अड्यन हक़ॖ अड्यन नाहक़ॖ
4. मु: ख़ऺजिलज़दस छु बराबरॖय
  अ: बदनाम नफ़र छु नॖ बदनऻमी
        खोच़ान/बे-शर्मस छु यज़थ
        तॖ बे-यज़त ह्युवॖय
5. मु: ख़ानॖदार गव थानॖदार
    अ: गर्युक ज़्युठ ह्यॆकि कऻन्सि
          ति रोबॖ-दाब कऺरिथ
**************************
1. मल....Dirt/Filth/Scam
2. मलॖ बॊरुत....Full of dirt/
             Dirty/Filthy/Grimy
3. मलालॖ....Grief/Insult/
          Sadness/Dejection
          Melancholy/Dis-
          pleasure
4. मुलऻयिम.....Soft/Tender/
            Light/Slow/Mode-
            rate/Gentle
5.  मलमास....An intercalary
            month falling once
            in three years (an
        extra month accord-
      ing to Hindu calendar)
6. मिलाप.... Meeting/Re-
           conciliation/Agree
           ment/Concord/
           Union
7. मगन.... Engrossed/
                 Absorbed
8. मगर..... But
9. मगरमछ.... Crocodile
10. मुकॖ......Blow with the
                   fist/Thump
**************************
       गीता ज्ञान : अध्याय-9 :
न्यराकार ब्रह्म ज़गत परिपूर्ण
संक्लप किन्य छु नॖ प्राप्त सपदान
बॖ असली तिमन मंज़ छुस नॖ आसान
वॊन भगवानन गीता ज्ञान
**************************
निव पालम विहार गुडगांवस मंज़ कॊर गौरी शंकर मंदरस मंज़ कथ-बाथ ग्रुपन पतिमि बटॖवारि द्वह ग्वडॖनिचि लटि कीर्तन-बजन। निव पालम विहार छु हना दूर पाहन अलाकॖ पालम विहारस नखय मगर कॆंह कऻशिर्य बटॖ छि अति ति रोज़ान। हालांकि गरॖ हथ-शथ आसि मसा अथ अलाकस मंज़ मगर वुनि छॆ नॖ सारॆय सहूलियात ओरकुन वाच़मॖच़ॖ। बाज़र छु नॖ सही, वतॖ छि अडलॆचि, शामन छु खोच़ुन लगान। मगर मजबूरी ति छि रोज़नॖच। गरॖ-बार त्रऻविथ जाय-जायदाद त्रऻविथ कऺशीरि मंज़ 1990-तस मंज़ च़लिथ बटॖ लऺग्य छालन तॖ बालन। अख वऻन्सा लऺज्य यिमन बटन पनुन डॆरॖ नविसरॖ जमावनस। ब्यॊन ब्यॊन जायव प्यठॖ आमॖत्य कऺशीरि प्यठॖ लूख छि अख ॳकिस हमसायि बनॖनॖच कूशिश करान। कूत काल लगि नव्यन दिलन मेलनस, अख ॳकिस ज़ानॖनस, ॳकिस-ब्यॆयिस प्यठ विश्वास करनस, यि वनुन छु मुश्किल अल्बतॖ कूशिश छि जऻरी। सु नन्यव अमि तलॖ ति कि ग्वडॖनिचि लटि कॊर अतिक्यव रोज़नवाल्यव पतिमि बटॖवारि द्वह हवन तॖ पूर्ण आहूती ॴस दॊयिमि द्वह यानि आथवारि द्वह। अख ॳकिस सॗत्य मेल-जोल करनुक छु यि अख जान सबीलॖ।
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

14.12.2018

14.12.2018, मॊन्जॖहोर (मार्ग/ मगर), ज़ूनॖ पछॖ (शुक्लॖ पक्ष), सतम (सप्तमी), शॊकुरवार ,(शुक्रवार/जुम्मा), श्री सप्तर्षि सम्वत 5094, राश कुम्भ (चलान), ऋतु हेमन्त (चलान), द्रठपऻन्च़ुक (पंचक)(चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: खानॖमाजन तानॖ बागय
    अ: हक़दार शख्सन छु नॖ शूबि
         दार कॖस्मत आसान
2. मु: खानॖमऻलिस नॖ कोज तॖ
         परद्यन मिमुच़
    अ: गरिक्यन बऻच़न नॖ वातुन तॖ
         परद्यन साल करुन
3. मु:खऻकी फूकी गर्दि आसमऻनी
    अ: यॆलि कांह सऻर्यसॖय फ़ान
         कऺरिथ पऺथरिस लारि/यस नॖ
         कॆंह ति सुरथ रोज़ि
4. मु: ख़ान बडा ख़ान बडा मंज़
         बागन च़ॊचि ॳडा
    अ: यॆलि कऻन्सि नाव थॊद
         आसि अमापॊज़ करि
         म्वख़सरय
5. मु: ख़ाम तमाह तॖ अपज़्योर
    अ: लालची छु बद-नियथ
         आसान
**************************
1. मॊज़ूर.....Labourer/Work
                  man/A carrier
2. मोज़ूर..... Handicap/
                   Cripple
3. मॊदुर.....Sweet/Delicious
                 Tasty/Pleasant/
                  Moderate
4. मॊच़ुन.....To shrink/To
            remain/To become
            less or smaller
5. मॊचर..... Thickness/
            Obesity/Plum/
            Corpulence
6. म्वख..Face/Mouth/Brim
              An opening/Front
7. म्वक्खती/मुक्खती....Delive
               rance/Emancipa-
               tion/Absolution
8. म्वकजार...Leisure/Salva
                     tion/Divorce
9. मूसीक़ी....Music/The art
               of music and
               dancing
10. मूल.....Basis/Root/
             Origin/Foundation
**************************
       गीता ज्ञान :  अध्याय-9 :
हे अर्ज़न श्रदायि रॊस इन्सान
म्यॆ ज़ांह ति छु नॖ प्राप्त सपदान
संसार च़ऺक्रस छु ह्यनॖ यिवान
वॊन भगवानन गीता ज्ञान
**************************
ज्यॆमिस मंज़ छि ह्यकान होर-योर गऺछ़िथ तॖ ख़बर-अतर ह्यथ अख-ॳक्यसॖन्ज़। तसलाह ह्यु छु यिवान ज़ि कऻन्सि ॴशनावस ताम वऻत्य तॖ प्रुछ़ुस हाला-चाला या बोवुस पनॖनि दिलुक बावा तॖ बासान छु ज़ि ग़मन तॖ फिकिरन हुन्द बोर गव कम ह्यु। सॗतीय छु यॆति मगर मन स्यठाह दुखी गछ़ान यॆलि बोज़ान छि कॆंच़न गरन हॖन्द्य अंदरिम दऻद्य। कनॖन छि थफ करान बूज़्य-बूज़्य। न्यॆचिव कऺड मऻज्य गरि तॖ हश ॳनिन गरस मंज़ बॆहनॖ बापथ। न्वशि कॊर केस हशि प्यठ जायदादॖ बापथ। मोल तॖ मऻज्य छि हॆरिमिस पोरस प्यठ बिहिथ तॖ न्वश-न्यॆचुव छि बऺन्यमिस पोरस मंज़ बिहिथ।
व्यलायतॖ प्यठॖ आव न्यॆचुव तॖ गुरु जियस कऺरिन कॆंह पौंसॖ हवालॖ तॖ दॊपनस समय न आसनॖ म्वखॖ मऻल्यसॖन्दिस मरनॖ पतॖ क्रियायि द्वह छ़ॊटरावॖन्य तॖ फलस्वरूप कॊर गुरू जियन दऺहिम-कऺहिम-बऺहिम द्वह दऺहिमि दॊहनॖय। यिथय पऻठ्य  छि वारियाह कथॖ यिम बूज़िथ इन्सान छु त्रऺहरान ज़ि बुथि असि वुछुन क्याह छु।
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

11.12.2018

11.12.2018, मॊन्जॖहोर (मार्ग/ मगर),ज़ूनॖ पछॖ (शुक्लॖ पक्ष),च़ोरम (चतुर्थी) बॊम्वार (मंगलवार),श्री सप्तर्षि सम्वत 5094, राश मकर (चलान), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
**************************
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: हलहऻस हिसाब तॖ हरामस
         अज़ाब
   अ: हलालकिस पूरॖ हिसाब
        थवुन तॖ हरामस सज़ा तुलुन
2. मु: हीलॖ-गरस बहानॖ बिसियार
    अ: यस नॖ करनस गरज़ आसि
         सु छु वारियाह हीथ रटान
3. मु: हवऻल्यह्यथ तॖ दासदारऺज़
    अ: पनुन पनुन कॖस्मत
4. मु: हमाम करि राज़ॖ तॖ तावस
         ग़रीब
    अ: ग़रीब छु ॳमीरस तल
         रोज़ान
5. मु: हरामुक माल हरामचि वति
         न यॆति तॖ न तति
    अ: हरामॖच कमऻय हरामचि
         वति गछ़ॖन्य
**************************
1. मॊठ....Forgot
2. म्वठ....Handful/Clutch/
              A grip/The bread-
              th of closed palm
3. मोयूस.... Disappointed/
              Despondent/Frus
              trated/Disturbed
4. मोनस....Feminine
5. मोन दारुन....To remain
                        Silent
6. मोसम..........Weather/       
                  Season/Time
7. मोसमॖ बहार....Spring sea-
                          sons
8. मोसुमॖ ख़िज़ान.... Autumn
                              Season
9. मूल  द्युन........To grow/To
            take roots/To be
            firmly rooted
10. मूलादार......Basic/The
            progenitor of a
            race or family
**************************
      गीता ज्ञान। : अध्याय 9 :
        श्री भगवान वनान
भगवान वनान च़ॖ दॖयि रॊस भख्त्य ज़ान
वनय च़्यॆ पर्म गुप्त विज्ञान
यि ज़ऻनिथ द्वखॖ सागरॖ म्वकलाव पान
वॊन भगवानन गीता ज्ञान
**************************
जॆमिस मंज़ छु अज़कल तूफानुक रश गाड्यन हुन्द, वतॖ छि बरिथ कारव सॗत्य, पकनस छॆ नॖ वथ। यपऻर्य नज़र त्रावान छि तपऻर्य छि कऻशिर्य बटन हॖन्द्य खांदर नज़रि गछ़ान। जंजगर छि आवॖर्य सऻरी। म्यानि समाजिक म्यऻन्य बटॖ ब्यॆनि बऻय छुसख वुछान यथ ज्यॆमिस मंज़ हॊरॖ-योर करान। कांह छु मेखलायि मंज़ ॳबीद त्रावनि दवान, कांह छु बरऻच़ सॗत्यन पकान, कांह छु बरऻच़- स्वागतस बापथ खड़ा।मिनारि दुकानन प्यठ, मिठाई वानन प्यठ, पलव वानन प्यठ छि यस्लॖ बटॖ नज़र यिवान। पैदल वुछिम कमॖय पाहन मगर कारन तॖ आटो-रिक्शाहन मंज़ छि वुछिम सऻरी मश्गूल खांदरन सॗत्य। राथ वऻज्य प्यठॖ रूदन वुतल। दुह्यकिस द्वहस ओस रूद प्यवान। जंजगरन मंज़ मचॆयि ख़लबली हिश। अल्बतॖ कऻम रूज़ चलान। असि ति छु अकीय द्वह पिसिथ यिवान। खांदर छि वारियाह। कऻन्सि-कऻन्सि छु च़्वन-च़्वन,पांच़न-पांच़न ॴशनावन अकीय द्वह खांदर। वाति क्वत-क्वत। अड्यन छु यॆति तॖ अड्यन छु दिल्लि तॖ ब्यॆयि ब्यॆयि जायन। खऻर वनुन छुम यि ज़ि ज्यॆमिस मंज़ छि कशीर बासान। यथ कशीरि मंज़ यिमन खांदरिक्यन मोक़ा प्यठ ॴस्य  वख्तॖ अकि च़्वापऻर्य  बटय-बटॖ नच़ान आसान।
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com)

08.12.2018

08.12.2018,मॊन्जहोर (मार्ग/ मगर), ज़ूनॖ पछॖ (शुक्लॖ पक्ष), ऒक्दॊह (प्रथमा/प्रतिपदा), बटॖवार (शनिवार/शनिश्चरवार),श्री सप्तर्षि सम्वत 5094, राश धनु (6.5 बजि), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: हरफस गवाह तॖ म्यॆन्डिस
         शरीक
   अ: सॗत्य बोज आसुन/नज़दीकी
        ज़ऻन्यकार आसुन
2. मु: मऺहदॖ शाह ख्रोन्य तॆलि न तॖ
         व्वंय
    अ: बे-वख्तॖ कार/यॆलि नॖ कार
         शूबि तॆलि करुन
3. मु: हऻज़िरस बोग तॖ नऻज़िरस
         चौब
    अ: युस ब्रौंह कनि आसि तस
         बनि सोरुय
4. मु: हाल मतॖ प्रॖछ़तम रॊयि सॖय
         वुछतम
    अ: कऻन्सि हुन्द गुदरुन छु
         तसन्दि बुथि प्यठय ननान
5. मु: हमऻल्य तॖ दमऻल्य
    अ: पनॖन कथ बॆहनावनॖ खऻतरॖ
         शोर तुलुन
**************************
1. मोल.....Father
2. मूल......Root
3. मून......Wool
4. मूरिख... Historian
5. मूर्ख..... Unwise/Fool
6. मोरॖछल...Fan made of
            peacock's feathers
7. मॊकुर.....Dirty
8. मॊकुर गछ़ुन.....Dirty/Pro-
                     fane/Unholy
9. मॊकुर ख्यॊन....To eat
             impure/To take
             profane things
10. मॊलुत.....Dirty/Foul/
            Unclean/Defiled
**************************
       गीता ज्ञान : अध्याय-8 :
युस यूगी प्वरुष यि राज़ ज़ानान
वीद परन करन तप ज़प यऺगॖन्य दान
प्वन्य फल प्रऻविथ पर्म पद प्रावान
वॊन भगवानन गीता ज्ञान
**************************
फूर्सत छे नॖ। वख्त छु कम। वातुन छु वारिहान काम्यन। वारिहान जायन। जायि छि दूर-दूर। बूज़ुम ज़ि मरनॖ पतॖ पूरॖ द्वह यानि दऺहमिस दॊहस ताम प्रारुन छु व्वंय गछ़ान मुश्किल। व्वंय छि ह्यवान मदद ब्यॆयन शास्त्रन हुन्द। यानि आर्य समाज्युक। व्वंय छु बासान सुय शास्त्र छु जान ति क्याज़ि तमि शास्त्रॖ हिसाबॖ छि मरनॖ पतॖ दऺहव दॊहव बदलॖ च़ोर द्वह करान। कॆंच़व ह्यॊत यि रिवाज अपनावुन। राथ ऊतरय बूज़ुम ज़ि ॳक्य बटन छु कऻम ब्यॆयि छ़ॊटरावॖनॖ बापथ अख नॊव क़दम तुलमुत। सु गव यि ज़ि पतिम त्रॆ द्वह ति आयि अकीय द्वह करनॖ। यानि कऺहिम तॖ बऺहिम द्वह ति कॊर तऺम्य दऺहिमि दॊहन तॖ बचऻविन्य ब्यॆयि ज़ॖ द्वह। पंडित जियन बूज़ुम ह्यॊत पनुन फ़ीस पूर त्र्यनॖवुनी दॊहन हुन्द मगर क्रिया आयि करनॖ कुनी द्वह।यानि दऺहिमि द्वह। समय छु नॖ। कऻम यूत जल सप्दि त्यूत छु जान। विधि क्याह छि, व्वंय कथ छु तथ सनुन। असि छु वुछुन हाजथ पनुन। ति क्याज़ि असि छु नॖ मॊरदस पतॖ दवुन बऺल्कि छु हालात वुछिथ वख्तस पथ दवुन।
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

07.12.2018

07.12.2018, मॊन्जॖहोर (मार्ग/ मगर), गटॖ पछॖ (कृष्ण पक्ष), मावस (अमावसया), शॊकुरवार (शुक्रवार/जुम्मा),श्री सप्तर्षि सम्वत 5094, राश वृश्चिक (चलान), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: छलन मल छा अच़ान किनॖ
         नेरान
    अ: कथ कथ करनॖ सॗत्य छि
          फुठ नेरान
2. मु: छम छिट तॖ छमा कऻन्सि
    अ: अपुज़ मपुज़ थ्यकनावुन
3. मु: छऺल्य छऺल्य माहराज़ॖ
    अ: साफ़ पलव लऻगिथ नेरन
          वोल
4. मु: छ्यन्य मऺट छि वज़ान
    अ: छ्यॊन इन्सान छु ज़्यादॖ
         थ्यकान/बेकलस छि कथॖ
         ज्यादॖ
5. मु: छऺतॖरॖ बून्य
    अ: बऺड द्यद यस वारियाह जुर्य
         पुत्र आसन
**************************
1. मल....Dirt/Rub
2. मिल.....Mill/Factory
3. मलॖ......Boatman
4. म्यूल.....Has found/Has
                met
5. मऺल्य....Buy/Purchase
6. मऺल्य ह्यॊन....To buy
              against payment/
              To purchase
7. मोम....Wax
8. मोमजामॖ....Tarp cloth/Oil
               cloth/Tarpaulin/
               Cover
9. मोमबॖत्य..... Candle
10. मोम गछ़ुन.....To be soft-
            ened/To be appea-
            sed
**************************
        गीता ज्ञान  : अध्याय-8 :
दॊयि प्रकऻर्य वतॖ यिम ज़गतॖच ज़ान
शॊक्लॖ तॖ कृष्णॖ पछि दीवयान पत्रयान
यॆमि वति सनातन मानव यिवान
वॊन भगवानन गीता ज्ञान
**************************
समय कति छु? फुर्सथ कऺमिस छि? आवर्यर छु प्रथ ॳकिस। खांदरन कुस वाति, क्वत वाति, कऺच़न दॊहन प्यठ वाति? परेशान छु ॳज़ इन्सान। खासकर ॳस्य कऻशिर्य बटॖ। माहराज़स छि बरात निन्य जेमि प्यठॖ विशाखापट्नम।
माहराज़ॖ छु ख्वख। तमिस छि ब्वकॖ फॊलान ज़ि तऺम्य पटऻव विशाखापट्नमॖच कूर मगर बरऻच़ मंज़ कत्याह नफ़र नी सॗत्य। यारन दोस्तन मंज़ ह्यॆच़न छटऻय गछ़न्य।अंगन ॴशनावन मंज़ ति ज़ि कुस निमोन तॖ कुस निमोन नॖ। सॗत्य गछ़न वाल्यन पनॖन परेशऻनी। कऺच़ दॊह लगन यिनछ़ तॖ गछ़न,पतॖ गव बाकॖय प्रोग्राम ति ज़न गव ज़ि रिस्यपशन छु, गरॖ अच़ुन छु, गरॖ च़ानॖन छि। अगर मेखल ति आसि तॆलि हर्यॆयि ब्येयि द्वह। अमि ख्वतॖ छु न गछ़नुय जान। समय ति बचि तॖ पौंसॖ ति। मगर खांन्दरवोल करि क्याह? तऺम्य छु पनॖनि तरफ़ॖ यूत पौंसॖ ॴडरोवमुत। तऺमिस छु तमाह ज़ि खांदर करि शुरिस चिकॖ-चावॖ सान। कशमॖकश छि दॊनवुनी तरफ़न। छुट्टी छॆ नॖ ज़्यादॖ कालस।सऻरी छि नॖ ह्यकान वऻतिथ अख ॳक्यसॖन्दिस खांदरस। तसलाह छु न यिवान। मगर दवॖ-दवॖ छि, दौरॖ-दौर छि, तृफॖ-तृफॖ छि। समय छु न। वख्त छु नोज़ुक, नौकरी छि थफ करॖन्य। प्राइवेट मामलॖ छु, बरोसॖ छु नॖ। मगर वातुन ति छु। अजब हलचल छि नज़र यिवान। प्यठॖ अकीय सातॖ खांदरन हॖन्ज़ लऻन लगान। सारिनॖय खांदरन छि नॖ ह्यकान वऻतिथ। यॆमिस निश नॖ वातव सुय नाराज़। कऺशीर्य यंज़ ॴस्य त्र्यन-त्र्यन च़्वन-च़्वन खांदरन ह्यकान वऻतिथ मगर बाल यपऻर्य यिथ मॊठ सु सोरुय। नारस दिया नरि। गछ़ि क्वत क्वत। यि छु नॖ हब्बॖकदॖल तॖ ज़ऻनॖकऺदॖल। यि छु दिल, हर्याना, यूपी, भारतॖक दूर दूर आलाकॖ। ख्यॆ कथ व्वंय च़ॖ पानस काकॖ। ख्वश छु कऺशीरि मंज़ बिहित ऱज़ाकॖ वुछान तमाशा ज़ि बटन क्याह गव।
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

06.12.2018

06.12.2018, मॊन्जॖहोर (मार्ग/ मगर) गटॖ पछॖ (कृष्ण पक्ष),च़्वदाह (चतुर्दशी), ब्रसवार (वीरवार/ब्रहस्पतवार), श्री सप्तर्षि सम्वत 5094, राश वृश्चिक (चलान), ऋतु हेमन्त  (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: छानॖ ठुकस छु रस तयार
    अ: मऻहिर इन्सानस छॆ नॖ ख्यन
        ख्वरदनी हॖन्ज़ कमी आसान
        यॆलि कांह कऻम करि तस छु
        यज़थ मेलान
2. मु: छाव यिथ बतॖ तॖ दाव यिथ
         कथ
   अ: प्रथ कामि छु मॊक़स प्यठ
       क़दॖर आसान/बतॖ गछ़ि छाव
       यिथ ख्यॊन तॖ कथ गछ़ि
       सूंचिथ समजिथ करॖन्य
3. मु: छानॖ किज्य
    अ: कऻन्सि कऻसिबॖ सुन्द
          ज़ऻनिथ-मऻनिथ न्वकुस
          थवुन
4. मु: छानॖ ठुक
    अ: अडॖल्यॊक कार/य्यॊस
          कऻम नॖ पूरॖ छि गछ़ान
5. मु: छानॖ ट्वख छे नॖ बस्ति
         रोज़ान
    अ: कांह कऻम छे नॖ खऺटिथ
          रोज़ान
**************************
1. मॊहसन..... Benefactor/
                     Patron
2. मॊहसूस.... Feeling
3. मॊहफ़ूज़....Safe
4. मोलूम...... Obvious/Evi-
                     dent/Known
5. मोक़ूल...... Appropriate/
               Right/Correct/
               Reasonable/
               Worthy/Exact
6. मोल-मऻज्य....Father and
                        mother
7. मॊक़ॖ.... Occasion
8. मोक़ॖ द्युन....To give an
                      opportunity
9. मोक़ॖ आसुन.....To have
               time/To have an
              occasion/To have
              an opportunity
10. मॊकुल.... To have free
                      time
**************************
          गीता ज्ञान : अध्याय-8
यिम स्वकाम कर्मॖ वऻल्य यूगी ज़ान
स्वर्गस मंज़ श्वब फल प्रावान
फल बूगिथ ब्यॆयि वापस यिवान
वॊन भगवानन गीता ज्ञान
**************************
ॳस्य कऻशिर्य बटॖ छि जंत्री मुतऻबिकॖय पनॖनि दुहुक कार्य-क्रम करान। ज़ऻहिर छि ज़ि यि जंत्री गछ़ि सही पऻठ्य छापवनॖ यिन्य।माने छापनॖ ब्रुंहॗ अथ अख नज़र यिन्य दिनॖ ज़ि कांह ग़लती मा छि छापनस मंज़ रूज़मॖच़। मगर म्यॆ छु बासान ज़ि विजयेश्वर पंचाग (ओंकार नाथ शास्त्री जीयिन) जंत्री छापनॖ ब्रौंह छु नॖ यिवान अमि चीज़ुक ख़याल थावनॖ। ति ज़न गव ज़ि अज़ छु दिसम्बर श्यॆ मगर सानि अथ जंत्री मंज़ छु अज़ दिसम्बर पांछ़ आमुत छापनॖ। ग़लती छि गछ़वॖन्य मगर ग़लती छि सुधारॖन्य ति। ख़बर कऻत्या म्यऻन्य बऻय गछ़न अज़ दु-च़्यॆतिस मंज़ ज़ि अज़ छा पांछ़ किनॖ श्यॆ दिसम्बर। अथ जंत्री मंज़ छि ब्यॆयि ति कॆंह ग़लती छपायि मंज़ रोज़मच़ॖ तॖ तिम ग़लती छि वारियाह कालॖ प्यठॖ रोज़मच़ चलान मगर चूंकि तिम छि होरॖ-योर कॆंच़न मंत्रन मंज़, तिम छि ॳस्य नज़र-अन्दाज़ कऺरिथ सही परान मगर तऻरीखस मंज़ ग़लती रोज़ुन्य सॗत्य डलि परनवोल। असि बटन छि यछ़ पछ़ ॳथ्य जंत्री प्यठ। चाहे स्व पंडित ओंकार नाथ जियिन छा या पंडित मोहन लाल जियिन। असि छु नॖ ब्यॆयि कांह साधन यॆमि दऺस्य ॳस्य पनुन दुह्य चर्या ह्यकव करिथ। जंत्री छि अख महत्वपूर्ण पंचान्ग युस असि वतॖ-हावुक छु। यिहय अगर असि ग़लत ह्यॆछनावि स्यॆज़ वथ असि तॆलि कुस हावि।बॊठ कुस लागि सानि नावि
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
  नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

05.12.2018

05.12.2018, मॊन्जॖहोर (मार्ग/ मगर) गटॖ पछॖ (कृष्ण पक्ष), त्रुवाह (त्रयोदशी), ब्वदवार (बुधवार),श्री सप्तर्षि सम्वत 5094, राश वृश्चिक (रऻच़ हॖन्ज़ि 9.22 बजि प्यठॖ), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: छानस यॆलि प्यॆयि पानस
         प्यठ यीकॖल तुलि शानन
         प्यठ
   अ: मजबूरी मंज़ ह्यॆकि इन्सान
        कॆंह ति कऺरिथ
2. मु: छानस तोरि छपॖ पानस
         कुन
    अ: ग़रज़मन्द छु हमेशॖ पानस
         फ़ऻयदॖ वातॖनावनॖच कूशिश
         करान
3. मु: चॆटि नूर शाह
    अ:हंगॖ तॖ मंगॖ लान्ज बारि ह्यॊन
4. मु: च्यॊटन्य ज़ि टपास
    अ: पॊतुस-पथ थापॖर/स्यठाह
          वुछ़
5. मु: च्योन नॖ सॖथॖर तॖ म्यऻन्य नॖ
         कतवॖन्य
   अ: न मूल तॖ न सूद
**************************
1. म्वॖख्तॖ.....Pearl
2. म्वख्तॖ फॊल....One pearl
3. म्वख्तॖ छकुन....To sprinkle
              pearls/To speak
              elegantly
4. म्वल....Value/Cost/Rate
                 Price/Worth/
                Charge/Wages
5. म्वलॖ रॊस..... Valuable/
              Costly/Precious/
              Expensive
6. मोल तोल.... Valuation/
              Haggling/Fixing
              the price of a
              commodity
7. म्वल करुन....To fix the
              price/To make an
              estimate
8. मॊहतात...Cautious/Care-
             ful/Wary/Circums-
              pect
9. मॊहताज....Poverty/Need
              Want/Dependant
10. मॊहरूम.... Deprived of/
              Debarred/Unfor-
              tunate
**************************
           गीता ज्ञान : अध्याय-8 :
गटॖ पछॖ रात श्यॆ रयथ दक्षनायन
ब्यॆयि दऺह यथ वति दीवता आसन
मऺरिथ अमि वति च़न्द्रॖलूक प्रावान
वॊन भगवानन गीता ज्ञान
**************************
यनॖ ॳस्य कंशीरि प्यठॖ च़ऺलरऻविख अज़ अठोवुह-कुनत्रॖह वऺरी ब्रौंठ ततिक्यव आतंकवाद्यव असि गऺयि छलॖ-छांगॖर। असि डजि वतय। असि बदलॆयि ख़यालाथ। ॳस्य आयि छऺक्कॖरावनॖ। असि ह्यॊतुन रावुन अख ॳकिस प्यठ विश्वास। असि बनेयि सऻरी लीडर। अख छु अकि तरफ़ॖ लमान ब्याख छु ब्यॆयि तरफ़ॖ लमान। असि ह्यॆच़ॖन पनॖन ज़बान रावॖन्य। असि ह्यॊतुन पनुन व्यकार रावुन। असि गऺयि च़्वन च़ोर वतॖ। याम कांह कथ कऻन्सि हॖन्दि ॴसॖ नेरान छि वलनॖ छिस यिवान सऻरी दऺछिन तॖ खॊवॖर्य। नट्यन तॖ नार्यन छिस खारान। कथि हुन्द मूल पताह करनॖ रॊस्तुय छि  पनॖन फऻस्लॖ बोज़नावान। अपुज़ पॊज़ वऺन्य वन्य पनुन पान शऺगनावान। अख ॳकिस अनाप-शनाप वनान रोज़ान। व्हाटसापस प्यठ दुनियाहस बोज़नावान पननि अंदरिमि कथॖ। अफ़सूस कथ छि यि ज़ि व्वंय वऻत्य ॳस्य यथ हदस ताम ति ज़ि असि मंज़ॖ कॆंह नादान बऻय छि वनान पन्डित् ओंकार नाथ शास्त्री जी छु नाखांदॖ, जंत्री करिव बंद परनि ॳम्यसॖन्ज़ॖ। राहुल गान्धी जीनिस बॖड्यबबस ताम वऻत्य।हक़ीक़त अगर बोज़व असि छे नॖ पनॖनि गुत्थॖरॖच ख़बर वारिहान पनॖनिस समाजस मंज़ व्वपरन हॖन्द्यन गुत्थरन ह्यॊतुक करुन मापतोल। धर्म परिवर्तन कऻत्याहाव कॊर वुन्यखताम सानि ज़ाच़ मंज़ तथ प्यठ तुलुख नॖ शोर शराबाह। ज़ऻच़ न्यबर खांदर कऺर्य कर्य कमिस क्याह गुत्थुर म्यूल तमिच छ्यख नॖ ब्वॊयी। मगर हॖटॖमॖटस प्यठ कॊरुख हंगामॖ खड़ा ज़ि कऺम्यताम वॊन ज़ि म्योन गुत्थुर छु फलऻन्य। अमि सॗत्य कऺमिस क्याह ज़ख वोत तथ छु नॖ सनुनुय मगर अख ॳकिस थ्वकॖ लायिनि छि थवॖन्य जऻरी। ही माता असि सारिनी कर पनॖन यऻरी। वऺथिव करव ॳज़िच तयऻरी।
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

04.12.2018

04.12.2018, मॊन्जॖहोर (मार्ग/ मगर) गटॖ पछॖ (कृष्ण पक्ष),बाह (द्वादशी) बॊम्वार (मंगलवार)श्री सप्तर्षि सम्वत 5094,राश तुला (चलान)ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: चन्दस ह्यु नॖ बान्दव कांह
    अ: पौंसॖ छु सारिवॖय ख्वतॖ बॊड
          दोस्त
2. मु: चन्दॖ बान्दव
    अ: आसनॖ-बासनॖ विज़ि यारज़
         लागनवोल
3. मु: चायि तॖ लायि गछ़ि ऒगुन
         आसुन
    अ: दॊयमि सॖन्दि मदतॖ वरऻय छु
         नॖ कार अंदान
4. मु: चन्डालॖ बापार
    अ: बद-मिज़ऻजी
5. मु: च्योन म्वंगॖ त्रख सोन स्युन
         अख
    अ: यॆलि ख़र्च ज़्यादॖ आसि/
          बऺड नज़र आसॖन्य
**************************
1. मॆहर....Kindness/Favour
               Love/Affection/
               Compassion
2. मॆहरबान....Kind/Consider
              able/Affectionate
              Friendly/Loving/
              Compassionate
3. मॆहरबान गछ़ुन...To be kind
                  To show favour
4. मॊहलत....Respite time/
             Grace/Deferment
5. मॆहमान.....Guest
6. मॆहमान-खानॖ......Guest
                              house
7. मॆहमान-नवऻज़ी.....Hospi-
                                  tality
8. महात्मा.....Pious/Lofty
              minded/Generous
        Noble/Magnanimous
9. मॊमॖ च्यॊन....To suck milk
10. मॊमॖ दाम....A drink of
                       breast milk
**************************
          गीता ज्ञान : अध्याय-8 :
मऺरिथ अमि वति गछ़न वऻल्य यूगी
तिमन दीवताहन हन्दि मदतॖ सॗती
छि परम ब्रह्मस प्राप्त सपदान
वॊन भगवानन गीता ज्ञान
**************************
ईश्वर आश्रम छु स्वामी लक्ष्मी जियुन आश्रम सरिता विहारॖ, प्वाक्यट डी, आर-5, दिल्लि मंज़।अतिक्यव सदस्यव छु अकि हफ़्तुक प्रोग्राम शुरु कॊरमुत यथ प्रोग्रामस मंज़ यछ़न वऻल्य बख्त ह्यकन शिवस्त्रोतस प्यठ ज्ञान प्राप्त कऺरिथ। परॖनावन वाल्यन हुन्द इन्तिज़ाम छु आमुत करनॖ। अथ प्रोग्रामस मंज़ शिरकत करनॖ बापथ छु फ़ीस-वीस ति यिवान ह्यनॖ। रोज़नुक इन्तिज़ाम, ख्यनॖ-च्यनुक इन्तिज़ाम ति छु आश्रमॖ दऺस्य आमुत करनॖ। म्यॆति आव मॊकॖ ग्वडनिकि द्वह प्रवचन बोज़नुक। पूरॖ दॊहस रूद कार्यक्रम चलवुन। प्रवचन दिनॖवऻल्य व्यदवान ॴस्य आमॖत्य। अति नन्योम ज़ि अथ आश्रमस मंज़ अथ प्रोग्रामस मंज़ शिरकत करनवाल्यन मंज़ ॴस्य सऻरी विद्यार्थी ब्यॊन-ब्यॊन जायव प्यठॖ आमॖत्य क़रीबन पंदाह-वुह नफ़र यिमन मंज़ ओस सिरिफ़ अख कऻशिर महिला बंगॖलोरॖ प्यठॖ आमॖच़ तॖ अख कऻशुर लऺडकॖ ति ओस यिनॖवोल। बाक़य सऻरी ॴस्य सऻनि ज़ऻच़ न्यबरॖकी। ब्यॆयि यि म्यॆ नज़र आव सु गव यि ज़ि प्रवचन ग्वडनिकि दॊहन ति बोज़न वऻल्य सानि ज़ऻच़ हॖन्दि ॴस पंच़ाहि वुहॖर्य ह्यॊर-ह्यॊरॖय तॖ ब्वन नॖ कांह। हालांकि म्यॆ छु बासान ज़ि सान्यन शुर्यन गॊछ़ अम्युक फ़ऻयदॖ ज़्यादॖ ख्वतॖ ज़्यादॖ वातुन मगर ति छु नॖ सपदान। सान्यन शुर्यन छु नॖ म्वकलनॖ पाय पनॖनि सबक़ॖ तलय तॖ यथ सबक़स किथ पऻठ्य वातन। मगर दॊयिम तरफ़ॖ छुस वुछान ज़ि यिम अथ प्रोग्रामस मंज़ ज्ञान प्राप्त करनि बच्चॖ आमॖत्य ॴस्य तिम ति छि नॖ कम पायिक कॆंह। जान पऺर्यमॖत्य-लीख्यमॖत्य। जान-जान गरन हॖन्द्य। शिवस्त्रोतुक ज्ञान प्राप्त करनॖच अख अभिलाषा ह्यथ छि आमॖत्य। त्रॖह-पांच़ॖत्रॖह वुहिर्य तामॖक्य। तिमन किथ पऻठ्य छि फुरसत तॖ असि छॆ नॖ। सौंचॖनॖच कथ छि।
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

03.12.2018

03.12.2018, मॊन्जॖहोर (मार्ग/ मगर) गटॖ पछॖ (कृष्ण पक्ष) काह (एकादशी) च़ऺन्दॖरवार (सोमवार) श्री सप्तर्षि सम्वत 5094, राश तुला (दुहचि 2.51 बजि प्यठॖ),ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: जहनमॖन्य तऻव
    अ: सख़ गर्म/तापॖ च़ऺन्ड
2. मु: जहनमुन च़ॊक
   अ: सख़ अज़ाब/अज़ाबॖच जाय
3. मु: चऻनिस हाकस छु नॖ पाक
         दिनुक ज़रूरथ
    अ: कऻम करन वऻलिस तऻरीफ़
          करॖन्य
 4. मु: चऻर्यपथॖर
     अ: हज़ॖल पऻठ्य छि तथ बऺस्ती
          वनान यॆति सऻरीय आसन
          बेकॖल
5. मु: चाह कुन राह चाह दर पेश
    अ: युस कऻन्सि बद यॆछ़ि तस
          छु पानसॖय गुदरिथ यिवान
**************************
1. मियाद....Time/Period
2. म्यादॖ..... Stomach
3. मील.......Mile/Ink
4. मीलॖ दवात....Ink pot
5. मीलॖ पऺट...Mile stone
6. म्यकनातीस...Magnet
7. म्यकराज़/कैंची... Scissors
8. मकॖज़/तबॖर....Axe
9. मीज़ान......Total/Balance
10. मीच़....... Measurement
**************************
        गीता ज्ञान : अध्याय-8 :
प्रज़लवुन ॳग्न तॖ दुहुक दीवता
छु पथ वति ज़ूनॖ पछुक दीवता
ब्यॆयि श्यॆयि रॆत्य उतरायनॖक्य आसान
वॊन भगवानन गीता ज्ञान
**************************
क्रछ़, नुनर, कनॖगॖछ, नदॖर्य, गन्डॖ अलॖकानॖज ति छि सब्जी मंज़ यिवान गऺन्ज़रावनॖ। हालांकि गाडॖ पचॖ हॊगाडॖ, गुरन, रज़ॖ हॊगाडॖ, माज़ या न्यॆनि  छे नॖ सब्ज़ी हुन्द अंग मगर ॳस्य छि कऻशिर ज़बऻन्य मंज़ वख्तॖ वख्तॖ यिमन ति सब्ज़ी मंज़ शुमार करान। वख्तॖ अकि ॴस्य नॖ कऻशिर बटॖ गन्डॖ या टमाटर ख्यवानॖय मगर वारॖ वारॖ बन्यॆयि यिम ति अहम अंग सान्यन सब्ज़ियन हॖन्द्य। राज़ॖमा(छत्तरि राज़मा/पुन्छिच/भद्रवऻय राज़मा), वारिमुठ हालांकि छि दालहन हुन्द कॖसॖम मगर गन्ज़रावान छि ॳस्य कऻशिर्य सब्ज़ीयन सॗतीय। कॆंह म्यवॖ मसलन बम-च़ून्ठ, च़ॊक-च़ून्ठ, ग्वरदऻल्य, ॴल्यचि ति छि ॳस्य सब्ज़ियन मंज़ॖय शुमार करान। कुनि विज़ि छि ॳस्य ठूल ति सब्ज़ी मंज़ शुमार करान। सब्ज़ी छे नॖ असि कऻशिर्यन मंज़ सब्ज़ी यानि पतॖ-दार सब्ज़ियन तानी महदूद।
पालक, गोबी (फूल गोबी/बंद गोबी) ति छि सब्ज़ी। असि मंज़ छि द्वदॖ कऺर ति सब्ज़ी हुन्द अख अंग बनान। यिम आसॖ कऺशीरि मंज़ ख़ास सब्ज़ी या सिन्य यिवान मानॖनॖ। कऺशीरि न्यबर छि व्वंय सब्ज़ियन हुन्द भण्डार खुल्योमुत तॖ तिमन सब्ज़ियन हुन्द नाव छि प्रथ ॳकिस यादॖय याद।
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

02.12.2018

02.12.2018, मॊन्जॖहोर (मार्ग/ मगर), गटॖ पछॖ (कृष्ण पक्ष) दऺहम (दशमी), आथवार (रविवार/एतवार), श्री सप्तर्षि सम्वत 5094, राश कन्या (चलान) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: जोदगारस जोद गरस
    अ: युस ब्यॆयिस द्वख करि तस
         छु पानस द्वख वातान
2. मु: जंगॖ मीर
    अ: बऺल्य प्यठोवली करन वोल
3. मु: जन्दॖगऺर्य म्वल
    अ: त्यूत म्वल युस नॖ व्यपुन
         लायक़ आसि
4. मु: जवानस क्याह करि द्रठॖ-
         पऻन्च़ुक
    अ: बऺहोदुरस छॆ नॖ बलाय
         पोशान
5. मु: जवानस नॖ रोज़गार, ल्वक
         टिस मऻज्य मरॖन्य तॖ बऺडिस
        आश्यन्य मरॖन्य
    अ: यिम छि त्रॆशवय कथॖ मुसी-
         बथ/जवान गछ़ि नॖ बेकार
         आसुन, ल्वकटिस शुरिस
         गछ़ि नॖ मऻज्य मरॖन्य तॖ न
         गछ़ि बऺडिस ज़नान मरॖन्य
**************************
1. मॊहर....Stamp/A seal/A
                gold coin
2. मोहलथ....Respite time/
                Deferment
3. मोया.....Less/A little
4. मोज़ॖ.....Socks
5. मूर्ख......Fool/Ignorant/
          Unwise/Dull/Idiotic
6. मॊह...... Mosquito
7. मॊहमाया... Attraction of
         worldly things/Affec
         tion/Love
8. मोसूम... Innocent/Small
                 Insignificant/
                 Little
9. मॊलिज....Costly/Expen-
                  sive/Precious/
                  Valuable
10. महा....Gram/Vetch/
              Most/Very/Great/
          Large/Arrant/Heavy
          Illustrious
**************************
        गीता ज्ञान : अध्याय-8 :
शरीर त्यऻगिथ यॆमि वति यूगी ज़न
वापस नॖ फेरनॖच गऺती प्रावान
ब्यॆयि वति छि तिम वापस यिवान
वॊन भगवानन गीता ज्ञान
**************************
म्यॆ वोत फ़ोन ॳकिस बऻयसुन्द तॖ दॊपनम ज़ि कऻशिर्य सब्ज़ियन हॖन्द्य नाव वनॖन। हालांकि वारियाह कालॖ ब्रौंठ छि म्यॆ यिम नाव वऺन्यमॖत्य। बॖ दॊहरावॖ ब्यॆयि अकि फिरि तिम सऻरी नाव, बानन हॖन्द्य, पलवन हॖन्द्य, वगेरा वगैरा। यॊदवय म्यॆ कांह नाव मऺशिथ गछ़ि तोह्य पऻव्यज़्यवॖ म्यॆ याद। अज़ वुछव सब्ज़ी हॖन्द्य नाव।
हाख (वारि हाख/बऺद्य हाख/कान्युल हाख), मॊन्जि, गॊगजि, मुजि (गोल मुजि/ज़ेछि मुजि), वान्गन (फूलॖ वान्गन), अल (ज़ीठ अल/गोल अल), सॊच़ल, व्वस्तॖ-हाख, ऒबुज,राज़मा-हॆम्बॖ, ठूलॖ-राज़मा,हन्द, व्वपल-हाख, अलॖ-हचि, वान्गन-हचि, लऻर (बाग़ॖ लऻर), लीसॖ, बुम, मीथ्य,ओलव, पॖदनॖ, टमाटर, मटर, अदरक, नील्य-मरच़ॖवान्गन, सिमला-मिरिच, हॊगाडॖ, गुरन (हॊख्य-गुरन), रज़ॖ-हॊगाडॖ, स्युन(नॆनि), गाडॖ, दाल (म्वंग/करॖ/चन्नॖ/महा), नुनर, ह्यडर
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

01.12.2018

01.12.2018, मॊन्जॖहोर (मार्ग/ मगर),गटॖ पछॖ (कृष्ण पक्ष) नवम (नवमी) बटॖवार (शनिवार/ शनिश्चरवार),श्री सप्तर्षि सम्वत 5094, राश कन्या (दुहचि 10.3 बजि प्यठॖ) ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: जन्दॖगऺर्य बापारॖ
    अ: बे-तरतीब/खुर्यदार
2. मु: जन्तुक माज़ॖ-द्वगुल
    अ: स्यॊद-सादॖ इन्सान
3. मु: जमाथ गऺयि करामात
    अ: इतिहादस छु ताक़त/अख
         तॖ अख गव काह
4. मु: जगॖ यॆज़मन
    अ: कुनि व्वसि-द्रॊसि मंज़ हंगॖ
          तॖ मंगॖ होर-योर करनवोल
5. मु: जऺच़ रॊस हून
    अ: स्यठाह ग़रीब/शिकस-लद
**************************
1. म्यॆ.....To me
2. मे......May (Fifth month)
3. मेख....Nail/Peg
4. मेखल......Sacred Thread
                    Ceremony of
                    Hindus
5. मॊय..... Liquor/Wine
6. मेमार....Mason/Builder
7. मेज़......Table
8. मेज़बान....Host
9. मेज़पोश.....Table cloth
10. मॆच़ि-तील.. Kerosene oil
**************************
       गीता ज्ञान  : अध्याय-8 :
यस ब्रह्मस मंज़ सऻरी ज़ीव आसान
ब्यॆयि यि सोरुय ज़गत परिपूर्न
सु भक्तॖ भावॖ सॗत्य छु प्राप्त सपदान
वॊन भगवानन गीता ज्ञान
**************************
बॖ छुस पनॖनि जायि सौंचान ज़ि अमा पॊज़ यॆमि मोबायलॖ दऺस्य यि कॆंछ़ा बॖ कऻशिर्य ज़बऻन्य मंज़ लीखित ब्यॊन ब्यॊन ग्रुपन मंज़ सोज़ान रोज़ान छुस। अथ छा कुनि जायि कॆंह मतलबा ति नेरान, कॆंह तर नेरान। यि सौंचान सौंचान प्रुछ़ म्यॆ पनॖन्यन कॆंच़न मित्रन ति मन गव ख्वश यि बूज़िथ ज़ि तिम छि आसान प्रारान
म्यऻनिस लीख्यमॖतिस मसौदस। मगर तिमन छि अख व्यछ़य ज़ि तिमन छु नॖ पनॖन्यन पनॖन्यन मोबायलन प्यठ कऻशुर की-बोर्ड अनुन तगान तॖ अवॖ किन्य छि नॖ तिम यछ़ा ॴसिथ ति कऻशुर ह्यकान मोबायलस प्यठ लीखित। म्यॊन सलाह छु ज़ि तिमन पज़ि कऻन्सि ज़ऻन्यकारस मशवरॖ ह्यॊन तॖ पनॖन यछ़ा पूरॖ करॖन्य। वारिहाव बायव-ब्यॆन्यव वॊन म्यॆ ज़ि म्यानि यॆमि कामि सॗत्य ह्यॊत तिमव पनॖन्यन शुर्यन परनावनॖच मुहिम शुरु करॖन्य। पॊज़ क्याह तॖ अपुज़ क्याह यि ज़ानन तिमय मगर म्यॆ बडेयि पछ़। बॖ छुस यछ़ान ज़ि असि पज़ि बटॖवारि-आथवारि प्रथ हफ़्तॖ पनॖन्यन पनॖन्यन संस्थायन प्यठ शुर्य-बऺडय नाद दिथ अनॖन तॖ अख कार्यशाला यानि वऺर्कशाप चलावुन गन्टस-द्वन-गन्टन यथ मंज़ पनॖन कऻशिर्य-ज़बऻन्य हुन्द क्लास रटिथ तिमन लेखनॖच/परनॖच/ज़बऻनी बोज़नावनॖच तजरुबॖ यी दिनॖ। केंच़न वालनटेरन हॖन्ज़ छि ज़रूरथ। यिथ पऻठ्य असि ह्यॊत शारदा ज़बऻन्य प्यठ पनुन मुहिम चलावुन, तिथय पऻठ्य छु करुन कऻशिर्य-ज़बऻन्य हुन्द ति बन्दोबस्त। म्यॆ छि व्वमेद ज़ि यि कऻम करनॗ बापथ पकन म्यऻन्य बऻय ब्रौंठ-ब्रौंठ।
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

30.11.2018

30.11.2018, मॊन्जॖहोर (मार्ग/ मगर),गटॖ पछॖ (कृष्ण पक्ष) ॴठम (अष्टमी) शॊकुरवार (शुक्रवार/ जुम्मा), श्री सप्तर्षि सम्वत 5094, राश सिंह (चलान), ऋतु हेमन्त (चलान)...अज़ छि महाकाल भैरव ॴठम
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: जिगरॖय छु करान कार
    अ: ह्यमथ छि बऺड
2. मु: जिगर पारचॖ
    अ: स्यठाह टोठ
3. मु: जऻन्य यार तॖ नऻन्य यार
    अ: असली तॖ मत्लबी यार/
        द्वन दोस्तन मंज़ फ़र्ख करॖन्य
4. मु: जन्दस पऻर्य व्वंदस कऺर्यज़ि
         राहत
    अ: मोमूली चीज़ ति ह्यॆकि
         वख्ति ज़रूरथ फ़ऻयदॖ दिथ
5. मु: जन्दनॖय छि ज़्वॊवॖ आसान
    अ: आसन वऻल्यसॖय छि
          परेशऻनी आसान
**************************
1. मॆहनत... Hard-work/Toil
                  Labour
2. मॆहनत करॖन्य.....To work
                             hard
3. मॆहनॖतानॖ....Wages/Fees/
                  Remuneration/
                  Honorarium
4. मॆहनती..... Hardworking/
                  Industrious/
                  Energetic
5. मिठऻय....Sweets
6. मॆठुन......To be sweet
7. मॆछर......Sweetness
8. मेनुन......To measure
9. मेननबानॖ...Measuring pot
10. मेननवोल....One who
                        measures
**************************
      गीता ज्ञान  : अध्याय-8 :
यस अव्यख्तॖ अक्षर वननॖ यिवान
सु अव्यख्तॖ बावॖ म्यॊन परमधाम ज़ान
सु प्रऻविथ मनुष्य छु नॖ पॊत फेरान
वॊन भगवानन गीता ज्ञान
**************************
वुछान वुछान गऺयि असि व्वंय पऺज़्यपऻठ्य अठोवुह वऺरी कऺशीरि द्रामतिस। बासान ज़न छि राथची कथ। अख कथ तॖ कऺशीर, ब्याख कथ तॖ कऺशीर। सऺनिथ छि गऻमॖच़ असि कऺशीर। क्याज़ि नॖ? मूल छु ना ततिकुय। असि मशि नॖ। ब्यॆयि छि ॳस्य द्रामॖत्य कमव कमव ब्रकव तलॖ। पौंसॖ ओस नॖ वऺफूर। अखराजात ॴस्य कम। हाखा-बता ॴस्य ख्यवान तॖ सुय ओस ज़न पऺह्य-पनॖ लगान। रयतॖकऻलिस ओस नॖ पंखुक ज़रूरथ प्यवान, फ्रिजिच कऻम ओस तत्युक आबोहवा पूरॖ करान। यॆतिच हिश तापॖ-क्राय ॴस नॖ। व्वंदस ॴस सख्ती रोज़ान मगर स्व ति असान असान च़ालान। गरिच्यन काम्यन तलॖय ॴस्य नॖ म्वकलान। कसरत ॴस हेरन ह्यॊर-ब्वन द्वहस दहि फिरि करनॖ सॗतीय गछ़ान। ब्यमार्यन ति ज़न च़ाव ज़ुव यनॖ बालॖ-योर लऺग्य। दाय तॖ मॊहनिव ओस ॴही मंज़ॖय योत आसान, कऻम ॴस्य सऻरीय पऻन्य-पानय करान। दाय ववतस या जीरॖ-बाय गऺयि नज़रि बालॖ यपऻर्यी योत। बॆहमॊंड च़ायि यॆति। योरकुन वुछ नॊवुय आलमा। नॊवुय हवा। बदलय आबोहवा। सान्यन शुर्यन क्याह छि ख़़बर। तिमव क्याह वुछ ज़ि कऺशीरि क्याज़ि ॴस्य ॳस्य वनान मऻज्य-कऺशीर। बिल्कुल छि म्यॆ बासान राथची कथ। म्यॆ आव बुजर यिमन त्रॖहन वऺरियन मंज़। त्रॖह वऺरी ति छि अख वऻन्सा। अज़ छि त्रॖह वुहिर्य अनॖहॖहर्य। तॆलि ॴस्य त्रॖह वुहरिस आसान त्रॆ च़ोर शुर्य ज़ामॖत्य। दपान ॴस्य त्रॖह गव सॖह, च़तजी गव पतजी तॖ शेठ गव ब्रेठ। यॆमि मुहावरुक मत्लबॖय गव व्वंय फऺक्य।
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

29.11.2018

29.11.2018, मॊन्जॖहोर (मार्ग/ मगर)गटॖ पछॖ (कृष्ण पक्ष), सतम (सप्तमी) ब्रसवार (वीरवार/ ब्रहस्पतवार),श्री सप्तर्षि सम्वत 5094, राश सिंह (सुबहॖचि 6.37 बजि प्यठॖ)ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: जंगस मंज़ छि ठील्य ति
         गूल्य ति
    अ: यॆति जान फ़ऻयदॖ छ़ान्डव
         तति छु न्वख्सानॖ खऻतरॖ ति
         तयार रोज़ुन
2. मु: जऻहिल बटन छु ठोकुर ति
         च़लॖनोवमुत
    अ: जाहलत छि न्वख्सान वातॖ
         नावान
3. मु: जान गव सु युस जान वर-
         तावि
   अ: जऻनियर छु नॖ सिरिफ़ वनॖनॖ
       सॗत्यी आसान, बल्कि बऻविथ
        द्युन प्यवान
4. मु: जान छु पनुनुय पान
    अ: ब्याख ह्यॆकि तॆली जान
         आसिथ यॆलि पानॖ जान
         आसि
5. मु: जान ऒर तॖ जहान् ऒर
    अ: ऒरज़ुव छु सोरुय जान
         आसान
**************************
1. म्युल... Meeting/Connec-
            tion/Alliance/Unity
2. म्युल गछ़ुन....To be united
                To be connected
3. म्यूठ......Sweet/Kiss
4. मॊन्य.....Kiss
5. म्यॊन्ड.... Morsel/Mouth-
                   full of
6. म्यॊन्द.....Leprosy
7. म्यॊंद प्यॊन...To be afflict-
                  ed with leprosy
8. मॆथॖर......Friend
9. म्यॆतराचऻरी....Friendship/
                     Friendliness
10. म्यॆतॖरुत.....Friendship
**************************
        गीता ज्ञान : अध्याय-8 :
हे पारथ तिथय पऻठ्य यि च़ऺक्रॖ चलान
दॊहस ज़ीव ज़ात पऻदॖ सपदान
प्रकृच़ वश रऻच़ सॗत्य लय सपदान
वॊन भगवानन गीता ज्ञान
**************************
कति वुछव कऺशीरि मंज़ॖक्य तिम खांदर। ॳकिस गरस ओस खांदर आसान मऺहलुक मऺहलॖ ओस वॊलसनस यिवान। अख द्वह गऺयो वॖरॖ लागॖन्य। अख द्वह गऺयो क्रालस सॗत्य लागुन। ल्यॆजि, टऻक्य, प्यालॖ, ल्यॆजन कॊंड करुन, वॖरिबलि छप्पर करुन। अहलॖक्य-मऺहलॖक्य ॴस्य यिवान तॖ इकॖवटॖ मीलिथ वॖरॖबल तयार करान। वॖरि बापथ ज़्युन अनुन। पतॖ गऺयो अख द्वह तॊमुल छ़टुन, तॊमुल च़ारुन, अंग-ॴश्यनाव ति ॴस्य मंन्ज़्य-मंन्ज़्य नज़रा दिवान तॖ साम ह्यवान अमा पॊज़ क्वत वऻच़ खांदरॖच तयऻरी। पतॖ गऺये बानॖ सौंबॖरॖन्य, बिस्तरॖ सौंबॖरुन, कमरन हॖन्ज़ सजावठ तॖ बासान ओस ज़ि खांदर छु। कमज़कम ॴस मऺहलॖक्य पांछ़ सथ गरॖ आवॖर्य रोज़ान। तथ बजायि छु ॳज़्यक खांदर युस पतहॗय छु नॖ लगान आव कर तॖ गव कर। पौंसा छकुन तॖ तमाशा वुछुन। कुनि कॖस्मॖच नि मॆहनत करॖन्य।सोरुय छु रडी-मेड। ख्यन-च्यन, बानॖ-बठॖ, बिस्तरॖ-विस्तरॖ यि दऺपिज़ि ति माहराज़ॖ सॖन्दि दस्तारॖ प्यठॖ पऻज़ारस ताम छु सोरुय रऺडी-मेड या माहरिनि हॖन्दि लैंहगॖ प्यठॖ हय-हील सैंडलि ताम सोरुय रऺडी-मेड। न साडि फ्वाल लागुन, न दोति तिलॖ छावुन। न वॖरॖ लागॖन्य तॖ न क्राल छ़ान्डुन। ओरॖ आयि योरॖ द्रायि सऻरीय वऻत्य पनॖनि-पनॖनि जायि। म्वकल्यव खांदर।
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

28.11.2018

28.11.2018,मॊन्जॖहोर (मार्ग/ मगर),गटॖ पछॖ (कृष्ण पक्ष) शॆयम (षष्ठी), ब्वदवार (बुधवार), श्री सप्तर्षि सम्वत 5094, राश कर्कट (चलान),ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************'
1. मु: ठूलॖ च़ूरि प्यठय छु मूलॖ च़ूर
         बनान
    अ: ल्वकचि च़ूरि प्यठय छु
         अथॖ दरान
2. मु: टॆंड खाव
    अ: य्यॊस लिखऻय परनॖ यी नॖ
3. मु: टोठ छु नेक
    अ: पनुन चीज़ छु रुत बासान
4. मु: टोडरमऺल्य हिसाब
    अ: पॆठ्य पॆठ्य अंदाज़ॖ लगावुन
5. मु: टरॖ मीरॖन्य राद
    अ: अपज़्यॆरि सॖन्द्य अपुज़ुय
         क़ॖसॖ
**************************
1. मीर....Leader/Title used
             for Syeds
2. मीर कारवां....Carvan lead-
                        er
3. मीर मुशऻहिर....President
            of the meeting of
            poets
4. मीरास....... Heritage/
            Ancestral property
5. मीटर.....Meter
6. मीय......Khestri/Kash-
           miri Rajput/A caste
           in Kashmiri Pandits
7. मीथ्य..... Fenugreek/A
           kind of vegetables
8. म्यॆच़.....Clay/Dust
9. म्यॆच़ि फॊल....Small quanti
                   ty of clay/dust
10. म्यॆच़ि म्वल....Having low
                cost/Very cheap
**************************
        गीता ज्ञान  :  अध्याय-8 :
ब्रह्मा सुन्द द्वह यॆलि शॊरु गछ़ान
च़राच़र ज़ीव सऻरी पऻदॖ सपदान
रात यिनस सॗत्य यॆलि लय सपदान
वॊन भगवानन गीता ज्ञान
**************************
खांदरन हॖन्ज़ त्रफ-त्रफि मंज़ छि ॳस्य कऻशिर बटॖ हना ज़्यादय पाहन गीर गछ़ान। वजह छु यि ज़ि कुनि न तॖ कुनि रऺंग्य छि सानि लंग-लंजि कऺशीरि न्यबर व्वंय जॆमिस सॗत्य जुडिथ। पानॖ छि आमॖत्य छऺकॖरनॖ हॊर-योर यि दऺपज़ि ति सऻर्यसॖय हॆन्दुस्तान किस प्रथ कूनस ताम। मगर जॆमिस सॗत्य छि तारॖ-कानॖज बराबर चलान। जंजगरॖ हालांकि छि यसलॖ जॆमिस मंज़ मगर खांदरन हॖन्ज़ रफ़्तार नज़रि तल थऻविथ छि जंजगरन हॖन्ज़ बुकिंग प्यवान रयतबद्यन ब्रुंहॖय करॖन्य। दौरॖ-दौर छि प्यवान करॖन्य ॳकिस सान ब्वकिस। ति गव ज़ि कोरिवाल्यन, न्यॆचिव-वाल्यन, सालॖरन, अंगन-ॴश्यनावन, यारन-दोस्तन, इस्तर्यन-पिस्तर्यन।
पॊत कल छि रोज़ान ज़ि गरस गछ़ि कांह रऻछ आसुन। ज़मानॖ छु ख़राब। च़ूरस गऺराह तॖ रऻछिस द्वहा। बॊड-बुज़र्ग बनॖनि कुन-ज़ॊन गरस मंज़ बॆहनावुन। तऺम्यसुन्द सबीलॖ सौंचुन। कुस करि तस सीवा कुनिरस मंज़। च़लॖ-लार छि रोज़ान। शुर्यन छॆ नॖ छुट्टी ज़्यादॖ कालस। अज़कल छु व्वंय खांदरन हुन्द मतलबॖय बदल्यॊमुत। तिम गोरि गऺयि द्वद कॖनिथ यॆलि कऺशीरि मंज़ खांदर ओस आसान। कथ छि जऻरि
**************************
 कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

27.11.2018

27.11.2018, मॊन्जॖहोर (मार्ग/ मगर), गटॖ पछॖ (कृष्ण पक्ष) पऻन्च़म (पन्चमी), बॊम्वार (मंगलवार),श्री सप्तर्षि सम्वत 5094, राश कर्कट (चलान), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: तेल-फॊल छु ख्योमुत सतव
         बारन्यव
    अ: इन्सानस पज़ि बऻगरिथ
         ख्यॊन
2. मु: तॆलि तोश यॆलि न्वश गरॖ
         वाति
   अ: कऻम अंद वातनॖ ब्रुहॗयिं पज़ि
        नॖ इत्यमीनान करुन
3. मु: थरि पोश वरि गोम
    अ: कांह खऺयऻश्य मुश्किलन
          पूरॖ गछ़ॖन्य
4. मु: थ्वकॖ न्यॆचुव म्वकदम
    अ: नाकऻबिल इन्सान ज़्युठ
          बनावुन
5. मु: तऺहर कमव ख्यॆयि? परद्यव,
         म्यॆ दॊप पनॖन्यव मा
    अ: पनॖनिस कुन फिरिथ रोज़ुन
          तॖ  व्वपरस कुन ध्यान द्युन
**************************
1. नामॖ निगार....Correspond-
            ent of periodical or
            newspaper
2. नामॖ अमल....Record of
            someone's deeds
3. नामॖ....Letter/Record of
4. नामो-निशान....Trace/
                        Particulars
5. नाव नॖ ह्यॊन....Forget all/
                  Be disgusted
6. नाम निहाद....So called/
      Self styled/Professed
7. नाव लगुन...To be blamed
             To be accused of
8. नावस दबॖ लगुन....To earn
              a bad name for
              oneself
9. नाव ज़िन्दॖ करुन..To revive
                            the name
10. नामज़दगी...... Nomina-
                             tion
**************************
        गीता ज्ञान : अध्याय-8 :
ब्रह्मा सुन्द द्वह रात कूत आसान
अख अख सास यॊग द्वनवय ज़ान
यमिच अस्लियथ यूगी ज़ानान
वॊन भगवानन गीता ज्ञान
**************************
यनॖ लूकन मोबायल म्यूल वारियाह कामि करनि गऺयि कम। सारिनि काम्यन हुन्द नाव ह्यॊन छु मुश्किल। पॆठ-पॆठ वुछव तॖ चिठि अख ॳकिस लेखनि गऺयि यि दऺपज़ि ति बंद। अख ॳकिस निश युन गछ़ुन गव स्यठाह कम। मोबायलॖ दऺस्य छि यिवान अख ॳकिस पऻगाम सोज़नॖ। पॊज़ हय बोज़व तॖ अख इन्कलाबाह ऒन मोबायलॖन। दावत-नामॖ या निमन्त्रन छि व्वंय दिवान मोबायलॖ दऺस्य। मगर म्यॆ तॊर नॖ फिकिरी ज़ि वुनि क्याज़ि छि सालॖ-कार्ड छापान रोज़ान। अथ छपायि प्यठ यिनॖवोल ख़रॖच ह्यकव ॳस्य ब्यॆयि कुनि कारस लऻगिथ। अज़कल छि ॳस्य द्वनवय कामि करान ति गव ज़ि मोबायलस प्यठ छि न्यमंत्रनॖच अबारत लेखानॖय लेखान पतॖ छि कार्ड ति छापान तॖ बऻगरावान पनॖन्यन अंगन ॴशनावन मंज़। यि द्वगनॖ कऻम ह्यॆकिहे कम गऺछ़िथ मगर वख़त लग्यस। दपन-बतॖ प्रथा छि म्यॆ बासान ख़तम गऻमॖच़। कुनि-कुनि जायि मा आसि बॖ ह्यकनॖ वऺनिथ मगर अज़कलॖक हालात वुछिथ छुम बासान ज़ि दपन-बतॖ रिवाज ह्यॊतुन म्वकलुन। चूंकि रून-ज़नान छि द्वनवय न्यबरॖय आसान दफ्तरन मंज़ तॖ गरस छु दरवाज़ॖ बंदॖय रोज़ान सालॖ-कार्ड वातनावुन ति छु अख मसलॖ बन्योमुत। छ़ान्डान छि अम्युक ति हल। मगर वुछुन छु यि ज़ि अज़कल छु खांदरन मंज़ वातुन स्यठाह मुश्किल बासान। शुर्यकऺट्य छि व्यस्त पनॖनिस परनस सॗत्य तिमन छॆ नॖ ब्रॖन्ज़िस ति फ़रागथ। खांदरवाल्यन ति छि जायहॖन्ज़ व्यछ़य। जंजगरन फीर्य-फीर्य ति छि लगान अज़ खखॖर। मऻन्ज़िराथ छि ॳकिस जायि, दीवॖगोन छु ब्यॆयिस जायि, बरात छि त्रॆयिमि जायि, मेखला छि च़ूर्यमि जायि, रिस्यपशन छु ब्यॆयिस जायि। हॊदॖहऺर छि खसान अज़कल खांदरवाल्यन। सालर ति छि नच़ान अकि जायि प्यठॖ ब्यॆयिस जायि। यिम दॊयिम्यव जायव प्यठॖ सालर छि आसान आमॖत्य तिमन ति छु मच़र व्वथान। अंदॖर्य अंदॖर्य छि परेशान सऻरी। न खर ख्वश तॖ न खरवोल। क्याह करि अज़कल मऻज्य तय मोल। तवय दिवान सालर ति छि कनॖ-डोल। नच़ान रोज़ान छि यथ मॊकस प्यठ सऻरीय  गोल-गोल
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)