01.01.2021

01.01.2021 पोह (पौश) गटॖ पछॖ (कृष्ण पक्ष)  द्वय (देवादेव) (द्विती) (देवादेव) शॊकुरवार (शुक्रवार/जुम्मा), श्री सप्तर्षि सम्वत 5096, राश कर्कट (चलान) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ।वुद्यूग करव मुकाम प्रावव

**************************

ईस्वी सम्वत 2021 गव ॳज़्यकि प्यठॖ शुरु। यि वऺरी असि सारिनी ह्रॊच़ तॖ फ्रूच़ नेरुन। ग़म तॖ फिकिर कासुन। ख्वश तॖ ख्वशहाल थवुन। मऻज्य दीवी असि सारिनॖय पनुन अथॖरॊट तॖ अनुग्रह करॖन्य

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वाहा स्वधा नमोस्तुते

**************************

             लल वाक्

        (पराग पुस्तक-168)

मनस ग्वन छुय च़ंच़ल आसुन

च़्यतस ग्वन छुय गछ़ुन दूर

ज़ीवस ग्वन छुय ब्वछॖ त्रेश आसॖन्य

आतमस ग्वन छुय न आसुन लीफ

              अर्थात

मन का गुण चंचलता है। चित का गुण दूर निकल जाना है, जीवन का गुण भूख और प्यास है और आत्मा का गुण निर्लिप्त होना है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

           ********

1. च़ऻन्गिज (Grass mat/Pallet)

2. च़पल हून (A dog which bites/Biting dog)

3. च़ुपंज (Running fast/Galloping)

4. च़िथ (Backache)

5. च़िथॖर (Chetra...12th month of Bikramii Samvat)

                  मुहावरॖ

1. मु: लरि तल नॖ गासॖ न्यॆबरॖ

         वनॖन्य फरि

    अ: छ़र्यन मच्यन ठसॖय योत,

         या, छ़ऺरी ह्वॊखी दम दिन्य

2. मु: लडऻय मऺल्य ह्यॆन्य

    अ: हंगॖ तॖ मंगॖ तनाज़न मंज़ 

         पान आवरावुन, या, लडायि

         गॊर आसुन

3. मु: लऺड्य लऺड्य ह्यॊन

    अ: ताकतॖ कि ज़ोरॖ कांह चीज़

         हऻसिल करुन

      (पनॖन्य शुर्य ह्यॆछॖनऻव्यूख)

**************************

पंचान्ग:- बॖ रूदुस च़ान्गिचि रेह कुन वुछान तॖ कनस मंज़ आयि मोलवी सऻबॖन्य आवाज़। कांह छुयि बोज़नॖ यिवान? न कॖंहॗय नॖ।  च़़ कत्यन छुख पानॖ? बॖ छुस मातामालॖ नखॖ सडकि प्यठ। कांह छिहऻनॖ वुछान दऺछिन खोवॖर्य? न कॖंहॗय नॖ। ॳती रोज़ व्वदॖन्य। कुस छु च्यानि मातामालॖ तरफॖ पकान? आ पकान छि अख, ज़ॖ, त्रॆ नफ़र। क्याह छुख नऻल्य? पलव। किथ्य पलव? कमीज़ पऻजामॖ छु ॳकिस, ब्यॆयिस छु कुर्तॖ शिलवार, त्रॆयमिस ति छु कुर्तॖ तॖ शिलवार। कॊत गऺयि? अख नफ़र गव बरस कुन। बाकय ज़ॖ छि खडा सडकि प्यठ दऺछुन खोवुर नज़र दिवान। ब्रोंठ पाहन पख। क्या छु ग्वडन्युक नफ़र करान। यि छु कुलुफ मुच़रावान। मुच़रावान छा किनॖ फुट़रावान? मुच़रावान। कमि सॗत्य छु मुच़रावान। ॳमिस छु कुन्ज़ि कॊर अथस मंज़। यि छु छ़ान्डान करि मंज़ॖ क्वसताम कुन्ज़। नज़र थवुस। क्याह छु करान। लऻजिन क्वसताम कुन्ज़ तॖ मुच़ॖरोवुन बर। कॊत गव। अती छु खड़ा। प्वत फ्यूर । बाकयन द्वन कोरुन इशारॖ तिम ति गऺयि पतय। गछ़ च़ऺति यिनम सॗत्य। खोच़ान मा छुख। न। अछ़ अंदर। च़ास। कॊत गऺयि? बर कॊरुख बंद। बरस दिच़ॖख हऻन्कल अंदॖर्य। अख नफ़र वॊथ हेरि किन्य ब्वन, अख च़ाव अंदर कुठिस मंज़ तॖ त्रॆयिम खॊत ह्यॊर। च़ॖ कत्यन छुख खड़ा। बॖ छुस वुज़स मंज़ खडा। क़्याह छि करान। ब्वन युस वॊथमुत ओस, दऺस्ती खॊत वापस। क्याहताम छु वनान दॊयिमिस नफ़रस। क्याह छुस वनान? बॖ छुस नॖ बोज़ान। क्याह बीठ्य करनि। अख लॊग अलमारि मंज़ॖ सामानस छ़ऻन्ड दिनि, दोयिम लॊग स्टील ट्रंक प्राटनि। किथॖ पऻठ्य छु प्राटान? शॆशतरुव डंडॖ कॊडुन कमि ताम बैगॖ मंज़ॖ। तमी सॗत्य फुटरऻविन सौंदकन कुलुफ। कऺच़ सौंदुख फुटरऻविन। ज़ॖ। ह्यॊर खस। खॊतुस। खोच़ान मा छुख। नॖ। क्याह छुख वुछान। ॳम्य छु वाहरोवमुत करॖच़ तॖ फिरिमच़ॖ अटैचि ॳथ्य प्यठ। अति क्याह छुख वुछान? पलव, दोति, नोठ क्याहताम तमाशि, कैमरा, छु गन्डान यि फुटॖज्य। ब्यॆयि क्याह छु करान? ताखचन प्यठ चीज़ छिन पथर दितिमॖत्य दऻरिथ। दारि निश वऻतिथ कर्यन दारि बंद। च़्यॆ थऺवथॖ यिहॖन्ज़ शकॖल याद? परज़ॖनऻविथ ह्यकॖहऻकॖ यिम। कूशिश करॖ। द्वन छि दऻर तॖ त्रॆयिम छु दारि रॊस। कऻत्या बऺड्य छि? जवान छि त्र्यनवय। अख छु ज़ऻव्युल युस दारि रोस छु। बकाया ज़ॖ छि जान हटॖ कटॖ। नज़रि रोज़ यिमन त्र्यनवॖनी। ब्यॆयि वुछ यिहुन्द हुलियि क्युथ छु? कथ छि जऻरी।दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ podcast दऺसय ति - https//anchor.fm/bldeep)

(यि सबक ह्यॆकिव वुछिथ koshursabak.blogspot.com प्यठॖ ति)

31.12.2020

31.12.2020 पॊह (पौष) गटॖ पछॖ (कृष्ण पक्ष) ऒक्दॊह (देवादेव) प्रथमा (देवादेव) ब्रसवार (वीरवार/ ब्रहस्पतिवार/गुरुवार)श्री सप्तर्षि सम्वत 5096, राश कर्कट (दुहचि 1.37 बजि प्यठॖ), ऋतु हेमन्त (चलान)..अज़ छि मॊंजॖहोर तऺहर...ईस्वी सम्वत 2020 वाति अज़ अंद

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ।वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वाहा स्वधा नमोस्तुते

**************************

            लल वाक्

       (पराग पुस्तक-167)

पऺरिथ तॖ बूज़िथ ब्रह्मन छ़्यटन

आगर घटन तिहिन्दि व्यद सॗत्य

पटनॖच सन निथ थवन मटन

मुहिथ मन गछ़्यख अहंकऻरी

              अर्थात

वेदों के ज्ञाता माने जाने वाले ब्रह्मण अब अनुभव के बिना अपवित्र तथा पथभ्रष्ट होंगे, अर्थात ब्रह्मकर्म से गिर जाएंगे और वेद का निमन्न स्तर का अर्थ करेंगे। उन के मन में चोर अर्थात धोखा परिग्रहित होगा जिस कारण वह अशुद्ध अर्थ बताएंगे अर्थात झूठ बोलेंगे और मोह के कारण अहंकारी हो जाएंगे।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            **********

1. च़ाखॖर (Sound of cough)

2. च़ाल (Palmful/Handful of anything/To bear)

3. च़ालन (A wooden or iron piece tied to kangeri)

4. च़ामन (Cheese)

5. च़ानुन (To insert/To drive in) 

                मुहावरॖ

1. मु: लरि लब रटॖन्य

    अ: कऻन्सि नखॖ गछ़ुन, या, 

         दोस्ती मंज़ ब्यॆयिहऻन नखॖ 

         युन

2. मु: लरि लब लागॖन्य

    अ: दोस्ती लागॖन्य,या, दोस्ती 

         मंज़ अथॖ ज़्येठरावुन

3. मु: लरि बऻच़ तॖ बऻच़न बत्तॖ

    अ: लरि गऺयि त्यॆलि यॆलि बऻच़

         आसनस तॖ बऻच़न गछ़ि 

         बत्तॖ आसुन

       (पनॖन्य शुर्य ह्यॆछॖनऻव्यूख)

**************************

पंचान्ग:- व्वथ सॖ जिगरा थॊद। वॊन मोलवी सऻबन। बॖ यान्य थॊद वॊथुस, दॊपनम बॆह पथर मगर बिहुन छु कॊठ्यन प्यठ। बॖ ब्यूठुस तिथय पऻठ्य यिथॖ पऻठ्य सु यछ़ान ओस। मॆज़स प्यठ य्यॊस किताब थऺवमॖच़ ॴस मोलवी सऻबन अलमारि मंज़ॖ कऺडिथ, यि खूजिन तॖ यि किताब बास्येयि म्यॆ मज़हबी किताबा क्वसताम। अर्बी ज़बऻन्य मंज़़ ॴस यि किताब, ति क्याज़ि म्यॆ तॊग नॖ अख लफॖज़ ति परुन अमि किताबि मंज़ॖ। हालांकि म्यॆ ॴस ब्यॊन ब्यॊन ज़बानन हॖन्ज़ ज़ान, मिसालन ह्यॆन्दी, उर्दू, संस्कृत, अंग्रीज़, नसतालीक, देवनागरीयस मंज़ कऻशुर तॖ कम ज़्यादॖ गुरमुखी तॖ फ़ारसी ति मगर अथ किताबि मंज़ लीखित ज़बान ॴस बिल्कुलुय ब्यॊन। म्यॆ बास्यॆयि ज़ि यि लीछमॖच़ ज़बान अथ किताबि मंज़ ॴस अरबी ज़बान। ज़ॖ च़ोर वरख ओरॖ योर फिरिथ रुक्यव यि मोलवी सऻब तॖ पॊरुन क्याहताम पानस सॗत्य तॖ म्यॆ वॊनुन थव पनुन कलॖ अथ किता्बि प्यठ। म्यॆ थवेयो स्यॊदुय कलॖ किताबि प्यठ तॖ रुकोवनस। यिथॖ पऻठ्य नॖ। पनुन कलॖ थव सऻविथ, दछुन कन गछ़ि रोज़ुन किताबि प्यठ। यिथॖ पऻठ्य सु वनान गव बॖ गोस ती करान। व्वंय ब्यूठ यि मोलवी सऻब पानॖ ति। बॊड च़ोंग पकनोवुन ब्रोंहकुन पाहन तॖ थोवुन म्यॆ ॳछन स्यदॖस्यॊद। च़ॖ छुख ठीख बिहिथ? प्रॖछ़ुन म्यॆ। आहनहऻज़,म्यॆ द्युतुमस जवाब। अज़ाब मा छुय गछ़ान कॊठ्यन प्यठ ब्यॆहनॖ सॗत्य? प्रुछ़न ब्यॆयि अकि लटि म्यॆ। न हऻज़, बॗ छुस बिल्कुल ठीख बिहिथ। मोलवी सऻबन कऺड पनॖनि फ्यरनॖ चन्दॖ मंज़ॖ गन्दख डऺब्य तॖ ज़ोलुन यि बॊड च़ौंग। च़ान्गिच रॆह छय च़्यॆ बोज़नॖ यिवान। प्रुछ़ मोलवी सऻबन म्यॆ। आहनहऺज़। म्यॆ द्युतमस जवाब। पनॖन्य नज़र थाव उर्य कुन। ॳथ्य रॆहकुन रोज़ वुछान। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

 नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति) 

(koshursabak.blogspot.com ति वुछिव)

30.12.2020

30.12.2020 मॊंजॖहोर (मार्ग/ मगर) ज़ूनॖ पछॖ (शुक्ल पक्ष) पुनिम (देवादेव) (पूर्णिमा) (देवादॆव) ब्वदवार (बुद्धवार) श्री सप्तर्षि सम्वत 5096, राश मिथुन (चलान) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

                 लल वाक्

            (पराग पुस्तक-166)

पटनॖच सन दिथ थावन मंटन

लूबॖ ब्वछि बोलन ज्ञानॖक्य गीथ

फऺट्य फऺट्य नेरन तिम कति वटन

त्रुकुय मालि छुख पॗर्य कड पथ

              अर्थात

लोभ के कारण स्वांगी लोग ज्ञान के गीत गायेंगे और पटन में डाका डाल के माल को मटन में छिपा देंगे। अर्थात झूठ का सहारा लेंगे। ऐसे लोग तो एक दिन नंगे हो जायेंगे तथा उनको कुछ भी प्राप्त नहीं होगा। इसलिये यदि तू बुद्धिमान है तो ऐसे लोगों का निराकरण कर, या उनके साथ कोई मेल मिलाप मत रख। अर्थात इनसे बच के रह।

भावार्थ:- स्वांगी मत बनो। स्वांग देर तक टिकता नहीं। अत: ऐसे लोगों का निराकरन कर यथार्थ का सहारा लेना चाहिए।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            *********

1. च़ादर (Blanket/Sheet/Coverlet/Veil)

2. च़ादर ह्यॆन्य (To sleep/To remain silent)

3. च़ारुन (To select/To sort out/To choose/

4.  च़ास (Cough/ I have entered)

5. च़ाख (A group of four/You have entered)

                  मुहावरॖ

1. मु: लऻव ब्वद गऺयि सऻव ब्वद

    अ: ल्वकचि वुम्रि मंज़ गाटॖजार,

         या, ल्वकटिस छु जल्दी 

         फिकिरी तरान

2. मु: लाख लाख निन्य तॖ बाख 

         बाख दिन्य

    अ: नी नी ति बारव दिन्य, या,

         ॴसिथ बऺसिथ ति 

          नाशुक्रऻनी करॖन्य

3. मु:  लरि तल नॖ वंगुव ति रोज़ुन

    अ: स्यठाह ग़ुर्बत प्यॆन्य

         (पनॖन्य शुर्य ह्यॆछॖनऻव्यूख)

**************************

पंचान्ग:- बर मुच़ॖरोव कऺम्यताम। पीर सऻब छा गरीय। असि प्रुछ़ ॳमिस। आ यॆत्य छि, ॳम्य द्युत वापस जवाब। यपऻर्य गऺछ़िव। हेरि खसवुनॖय छु स्यदॖस्यॊद दरवाज़ॖ। यि वनिथ गऺयि स्व पानॖ अंदर तॖ ॳस्य खऺत्य ह्यॊर तॖ मुच़रोव ल्वत ल्वति कुठ्युक दरवाज़ॖ तॖ अथॖ जूडिथ कॊरुस नमस्कार तॖ च़ायि अंदर। कलॖ सॗती द्युतुन सऻनिस नमकारस जवाब तॖ इशारॖ होवुन बॆहनॖ बापथ। कुठ ओस ल्वकटुय पाहन। सानि अच़नॖ सॗत्य बास्यव कुठ ज़न आव बऺरिथ ह्यु। अथ कुठिस मंज़ ओस क़ऻलीनॖ फर्द वऻहरिथ। च़ोर पांछ़ गोल तऺकियि सफेद वोरि कऺरिथ ॴस्य लबन सॗत्य लऺगिथ। ॳकिस कूनस मंज़ ओस पानॖ यि मोलवी सऻब बिहिथ तॖ ब्रोंठॖ कनि ओसुस अख ल्वकुट  म्वकुट डून्य हचि हन्द नख्चि कऺरिथ मेज़ युस ज़ॖ बय ज़ॖ फुटु आकारुक ओस तॖ अथ मॆज़स प्यठ ओस अख बॊड तीलॖ च़ोंग तॖ कॆंह किताबॖ। वऺनिव किथॖपऻठ्य ॴयिवॖ, प्रुछ़ मोलवी सऻबन असिकुन वुछिथ। म्यानि माजि द्युतनस जवाब ज़ि असि हऻज़ च़ायि च़ूर गरि तॖ कऺम्यताम वॊन वुछनवऻलिस निश गछ़िव तॖ कॆंह सुराग मेलवॖ। ॳकिस द्वन प्रुछ़ तुहुन्द पताह तॖ व्वमेद छि ज़ि तॊह्य कऺरिव कॆंह मदद। च़ूर कति गऺयि? प्रुछ़ मोलवी सऻबन? सॊथि प्यठॖ। जवाब द्युतुस। च़ूर कर गऺयि? ब्याख सवालॖ प्रुछ़ुन। राथ दॊहलि। द्युतुस जवाब। गरस मंज़ ओसा कांह ? म्यॊन मतलबॖ छु हॆरि ब्वनॖ? न हॏज़ कॖहॗं नॖ। तिम ॴस सालस गऻमॖत्य सऻरी। राथ शामनॖय क्याज़ि ॴयवॖनॖ? असि न हऻज़ ॴसनॖ ख़बर तुहॖन्ज़। यि वॊन असि कऺम्यताम तॖ लऺज्य ख़बर। मामलॖ छु ठंठॖ गोमुत। सु च़ूर आस्या वुनि तऺती। ताहम कूशिश करॖ बॖ। म्यॆ कुन इशारॖ कऺरिथ प्रुछ़ मोलवीयन म्योन नाव तॖ वऻन्स। माजि म्यानि द्युतनस जवाब। यॆमिस छु नाव भूषण लाल। ॳम्यसॖय ओस वॊहरवोद तॖ यिम छि म्यानि बऺयकाकनि तॖ यि छु म्योन बोय। यिम आस आमॖत्य सोन सालस तॖ पऺत्यकिन गऺयि च़ूर फऺरिथ। च़ॖ कति छख पानॖ रोज़ान? मोलवी सऻबन प्रुछ़ म्यानि माजि। ॳस्य छि यॆत्य दऺर्यावॖ अपारि डलहसनयारॖ रोज़ान। यि कऺम्यसुन्द लऺडकॖ छु? प्रुछ़ुन म्यानि माजि म्यॆ मुतलक। दोपनस यिथ छु म्योन निकॖ ल्वकुट तॖ हु लबि सॗत्य म्योन बॊड ह्यु लऺडकॖ। ठीख छु। यि वऺनिथ वॊथ थॊद मोलवी सऻब, गव ॳकिस अलमारि निश खड़ा तॖ बास्यव ज़ि क्याहताम छु छ़ान्डान। अति कऺडॖन अख किताब तॖ थऺवॖन अथ ल्वकटिस मेज़स प्यठ। मेज़स प्यठ ग्वडय थऺविमच़ॖ किताबॖ डाज्यन ॳकिस अंदस कुन तॖ यि अलॖमारि मंज़ॖच कऺडमॖच़ किताब थऺवॖन मंज़स तॖ च़ऻन्गिस बदलऻवॖन्य स्वयथ तॖ अकि टीनॖवि डबॖ मंज़ फ्युरुन तील अथ च़ऻन्गिस तॖ बॖ बॆहनोवनस पानस दऺछिन्य किन्य। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि)

(koshursabak.blogspot.com ति वुछिव)

29.12.2020

29.12.2020 मॊंजॖहोर (मार्ग/ मगर) ज़ूनॖ पछॖ (शुक्ल पक्ष) च़्वदह (देवादेव) (चतुर्दशी) (देवादेव) बॊम्वार (मंगलवार) श्री सप्तर्षि सम्वत 5096, राश मिथुन (चलान) ऋतु हेमन्त (चलान)...चूंकि च़्वदह आसॖ ज़ॖ गछ़ान रातुक वॊहरवोद यी अज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

               लल वाक्

         (पराग पुस्तक-165)

पवन पूरिथ युस अनि वगि

तस ब्वना स्पर्शि न ब्वछि तॖ त्रेश

ति यस करुन अनतिहि तगि

समसारस सुय ज़्ययि नेछ

            अर्थात

जो मनुष्य अपने प्राण अपान को पूर्ण रूप से वश में करेगा उस को भूख प्यास कभी स्पर्श नहीं करेगा। जो अंत तक ऐसा अनुशीलन करंगा, संसार में वही सफल होकर जियेगा

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            **********

1. च़ाटॖहाल (School)

2. च़ाठ (Pupil/Disciple/Student/Scholar)

3. च़ाटॖबोज (Classmate)

4. च़ाटॖकॊठ (The sitting posture of twisted legs)

5. च़ाछर (Sourness)

                 मुहावरॖ

1. मु: लाफ़ गऺछ़्यनम माफ़

    अ: पनॖनि ताक़तुक बेजाह 

          इस्तिमाल करनुक एहसास 

          गछ़ुन

2. मु: लाल शिनऻही ज़ानिआलॖच

         क़दॖर

    अ: क़दॖर वोलुय ज़ानि लालॖच 

         या कामि हॖन्ज् क़दॖर

3. मु: लानतन टोक नऻल्य गछ़ुन

    अ: हंगॖ तॖ मंगॖ शाहमतस मंज़

         वलनॖ युन

       (पनॖन्य शुर्य ह्यॆछॖनऻव्यूख)

**************************

पंचान्ग:- बाबापोरॖ वुछन वऻल्यसुन्द पताह कऺरिथ वोतुस सत्यवऺती हुन्द माल्युन। सुबहऻय म्यॆ वुछिथ गाबरेयि तति सऻरी बऻच़ तॖ ख़बर बूज़िथ छ़ॖनिख दंदन तल ऒंगॖज्य। बॖ ठऺहर्यॊस नॖ ज़्यादॖ कालस तॖ प्वत खोरी द्रास तति तॖ वोतुस मातामाल।  वॊनुम तिमन ज़ि ज़ॖ डायि बजि ताम छु वातुन वुछन वऻलिस निश फलऻन्य जायि। अति ति द्रास जलदॖय गरॖ कुन वापस। मातामालस मंज़ तिहॖन्ज़ हालथ वुछिथ ज़न त्रऺहर्यॊस बॖति। ग़मज़द बुथ्य, बॆह्यमथ चाल, बॆवसीलॖगी ॴस साफ़ नज़र यिवान तॖ कुठ्यन हॖन्ज़  हालथ वुछिथ ओस बासान ज़ि लूठ छु गोमुत। अहलॖक्य मऺहलॖक्य कॆंह नफ़र ति गऺयम नज़रि। ज़िठ मामन्य वुछिम ॴस आवॖर शेरनस सम्बालनस मंज़ तॖ ल्वकॖट मामन्य ॴस बिहिथ दिल मलूल हिश। रऻछस दॊहा तॖ च़ूरस गऺराह मुहावरॖ ओस पूरॖ फिट बिहान अथ माहौलस मंज़। बॖ वोतुस पनुन गरॖ तॖ वॊनुम माजि सोरुय कॆंह यिमन काम्यन बापथ बॖ द्रामुत ओसुस। पुलसस करवा रिपोर्ट किनॖ न, यि ओस नॖ वुनि तय गोमुत। माम बूज़ुम दपान ओस ज़ि ब्रिजनाथ नेरि दिल्लि वापस ब्यॆयि पांच़ि दहि दॊह्य पतॖ तॖ यॊदवय पुलसस रिपोर्ट करव तॖ तिम करनावन ॳमिस लटॖ पौंज़ दिल्लि प्यठॖ श्रीनगर तॖ पतॖ छुस फेरुन अदालऺच़ वानन तॖ सामानॖ यि गव सु यी नॖ वापस कॆंह। बऺल्य लग्यस खखॖरय यऻच़। भगवान गछ़ि हऻक्यमस तॖ हऺकीमस निश रछुन। अकि फिरि यान्य कथ वऻच़ पुलसस निश यिम छि पूरॖ ड्रिल करनावान तॖ हऻसिल छु नॖ कॆंह यिवान खासकर च़ूर यॆलि प्यॆदेमुत आसि। च़ूरस यॊदवय रटन ति मगर न्यूमुत सामान तिमन निशि वापस अवुन छु नॖ मुम्किन। प्यठॖ नगॖद पौंसॖ न्यूमुत छु नॖ कतई वापस यिवान। वुछनवोल ति क्याह करि सिरिफ मेलि मनस तसलाह अगर कॆंह बोज़नॖ आव। गोमुत चीज़ कति यी वापस। यि गऺयि हून्य ख्यॆमॖच़ बस्तॖ खलर। सान्यव इतर्यव पितर्यव ति बूज़ यि हऻदिसॖ तॖ आयि म्यानि माजि निश अफसूस करनि। यिथ्यन मोकन प्यठ छि इन्सानस पनॖन्य व्वलहऺरिश वैसे ही आसान आमॖच़, ब्यॆयिसॖन्ज़ प्रॖछ़ॖगऻर करनॖ सॗत्य छि ज़ख्मन क्रऻली व्वथान तॖ मरहम सपदुन छु दूर। दॊयि बजि ओस वातुन वुछनवऻलिस निश। बॖ तॖ म्यऻन्य मऻज्य तॖ ब्यॆयि बऻयजान गऺयि तयार गछ़नॖ बापथ। वुछनवऻल्य सुन्द गरॖ ताम वऻत्य तॖ लऺग्य प्रारनि मातामालॖक्यन। प्यॆयि तिम ति वऻतिथ ब्रिजनाथस बगऻर। वख ओस डायि बजेमॖच़ तॖ कॊर ठुख ठुख पीर सऻबनिस बरस। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

************************** 

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

28.12.2020

28.12.2020 मॊंजॖहोर (मार्ग/ मगर) ज़ूनॖ पछॖ (शुक्ल पक्ष) च़्वदह (चतुर्दशी) च़ऺन्दॖरवार (सोमवार), श्री सप्तर्षि सम्वत 5096, राश मिथुन (रऻच़ हॖन्ज़ॖ 4.38 बजि प्यठॖ) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

        (पराग पुस्तक- 164)

पर तय पान यॆम्य सॊम मोन

यॆम्य ह्युवुय मोन द्यन क्यो रात

यॆम्यसॖय अद्वय मन सऻंपुन

तऺमिय ड्यूंठुय सुरग्वरनाथ

             अर्थात

दूसरे तथा अपने को, दिन और रात को जिसने समान माना। अद्वैत (समान, द्वैत के बिना) जिस का मन हो गया, उसी ने परमेश्वर (सत्गुरु) के दर्शन किए। सारांश यह कि मन की अद्वैत भावना से ही परमशिव के दर्शन होते हैं।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

                ********

1. च़ॖन्य (A piece of charcoal)

2. च़ॖनुन (Peach)

3. च़ॖनुन पोश (Peach flower)

4. च़ापुन (To chew/To munch)

5. च़ाफ द्युन (To chew/To munch)

                  मुहावरॖ

1. मु: लाम लगॖन्य

    अ: लऻन लगॖन्य, या, अख 

         ॳकिस पतय कुनि जायि

         दवुन प्यॊन

2. मु: लऻर्य किन्य लोहूर

    अ: ज़्येछर द्युन, या, वथ तॖ 

         कथ ज़्येठॖरावॖन्य

3. मु: लऻर कऺम्यू ख्यव? परद्यव

         म्यॆ दॊप पनॖन्यव मा

    अ: पनॖनिसुन्द जान्यर नॖ ज़रुन

        (पनॖन्य शुर्य ह्यॆछॖनऻव्यूख)

**************************

पंचान्ग:- राथ कऺड यिथॖ तिथॖ। सुबहस वऺछ़ म्यऻन मऻज्य हसबि मामूल प्रबातन। कऺशीरि मंज़ यॊत ताम म्यॆ ज़्वन छु, सानि ज़नानॖ आसॖ गाश फ्वलवुनुय न्यॆन्दरि वथित ग्वडॖ ब्रांदफश दिवान, वुज़स लिवान तॖ अथॖ बुथ छऺलिथ अदॖ चोकस ॳचान तॖ दानस प्यवान। यि ॴस प्रथ गरॖच रीथ बऺनिथ तति। स्वखस या ग़मस फिकिरि मंज़, ब्रांदफश ओस आसान द्युनुय द्युन। म्योन सारिवॖय ज़्युठ बोय ओस बादामबागॖ (मिलिट्री दफ़तरस मंज़) नोकरी करान तॖ ओस सुबहऻय शॆयि बजि बत्तॖ ख्यथ नेरान दफ़तर। अवॖ मूजूब ओस म्यऻनि माजि आसान बत्तॖ स्युन तयार शॆयि बजि ब्रोंठॖय। चूंकि अज़ ओस बऻयजान रातस मातामालॖ, माजि ॴस्य हना फरागतॖय ज़ि दफ़तर गछ़ि नॖ अज़ मगर आदतॖ मूजूब ॴस वऺछ़मॖच़ न्यॆन्दरि प्रबातनॖय। ख़बर ब्रिजनाथन तॖ सत्यवती तॖ बाकयव शूर्यव आस्या राथ कॆंह ख्योमुत ति, दय ज़ानि, वॊन म्यानि माजि पानस सॗत्य। ज़िछि न्वशि प्रुछ़ुन कर बऻग्य छु यि वुछन वोल मेलान।  ख़बर कर बऻग्य छु आसान, जवाब द्युतुन हशि। पताह ह्यकव करनऻविथ। म्यॆ कुन इशारॖ कऺरिथ वोन म्यानि माजि ज़ि च़ॖ गछ़ तॖ पताह कर यि कर बऻग्य छु आसान तॖ अपऻरी गछ़ख सत्यवती हुन्द माल्युन,काच़र्येन हुन्द ति यि खबर वनॖनॖ बापथ। गछ़ॖ ति सऺही, मगर वुछनवऻल्य सुन्द पय पताह कति नन्यम। म्यॆ प्रुछ़ माजि। यिथ्य नफ़र छि नॖ च़ूरि रोज़ान, माजि वॊन म्यॆ। च़ॖ गछ़ बाबापोर तथ कोचस मंज़ वऻतिथ प्रॖछ़ कऻन्सि गूरिस, कान्दरस, नऻव्यदस या बुहरिस वुहरिस। यिम  छि नॖ खऺटिथ आसान। कऻन्सि न तॖ कऻन्सि आसि पताह। मातामाल वाल्यन ति प्यॆयना वनुन, तिमन ति प्यॆयि युन। गछ़ॖ बलाय लगय पतॖ गछ़ि च़ेर। ओरय यि जल जल फीरिथ। अख रॊपय कऺडॖन पनॖनि बऺटवॖ मंज़ॖ तॖ दिच़ॖन म्यॆ। बाबापोरॖ यिथ गऺछ़िज़ि फतॆह क़ऺदल ताम टांगस तॖ तोरॖ ति यीज़ि टांगस प्यठॖय तॖ तपऻरी गछ़ख मातामाल।  ब्रॆयिकुज्यनि प्यठॖ खऺस्यज़ि रॗन्यवऻर्य टांगस तॖ जल जल वातख। अज़ करख स्कूलस छुटी। ति क्याज़ि यि छि ज़रूरी कऻम। रतॖछ्यॆपि लगय। वुछतॖबा तॊह्य ति कथ ॴयवॖ वलनॖ म्यानि  शापॖ। त्रठ प्यॆयि यिमन  च़ूरन।बॖति द्रास यिमन ॳकिस द्वन जायन गछ़नॖ बापथ। कमलावती आसि सूज़मॖच़ पनॖन्यन माल्यन्यन शॆछ।म्यॆ सूंच मनॖ मंज़्य। तिम ॴस्य नविसडकि रोज़ान तॖ म्यऻन्य मामतर्य बऻय ॴस्य अक्सर तोर यिवान गछ़ान रोज़ान। प्रानि वख्तॖ ओस सारिवॖय ॴश्यनाव गरव मंज़ॖ मातामालॖय ज़्यादॖ युन गछ़ुन आसान। म्यानि माजि तॖ बऺयकाकन्यव तुल पनुन अथॖ तेज़ॖय पाहन तॖ दॊपुख ख़बर कांह कांह मा यी पतॖ तॖ गरॖच कऻम थवव म्वकलऻविथ सुलि गरि। हुपऻर्य ॴस सॊथि प्यठॖ अपारि यपोर पितर्यन लऺज्यमॖच़ ख़बर ज़ि कमलावती हॖन्द्यन छि च़ूर च़ामॖत्य। तिम ति ॴस्य आमॖत्य तॖ हालातन साम ह्यॆच़मॖच़। व्वतॖ छ़ऻन्ठ ॴस्य करान ज़ि किथ पऻठ्य मेलि च़ूरन हुन्द सुराग। म्यऻन दॊश्यवय ज़िठ्य बऻय ॴस्य मातामालॖ प्यठॖ बानॖ वानॖ ह्यथ गरॖ आमॖत्य तॖ ओसुख माजि ततिच दऻद्य कान्गॖर वऺन्यमॖच़। व्वंय ॴस्य सऻरी गरि म्यऻनिस यिनस प्रारान तॖ बॖ ओसॖसन वुछनवोल छ़ारान। कथ छि जऻरी दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

27.12.2020

27.12.2020 मॊंजॖहोर (मार्ग/ मगर) ज़ूनॖ पछॖ (शुक्ल पक्ष) त्रुवाह (त्रयोदशी) आथवार (रविवार/ऐतवार) श्री सप्तर्षि सम्वत 5096, राश वृष (चलान)ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

        महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक- 163)

द्यन छ्यज़ि तॖ रज़न आसे

भूतल गगनस कुन व्यकासे

च़ऺन्दॖर्य राह ग्रोस मावॖसे

शिव पूज़न गवाह च़्यत आत्मसे

            अर्थात

दिन की समाप्ति पर रात हो जाती 

है और अंधेरे में पृथ्वी व आकाश दृष्टि में एक जैसे दिखते हैं। चन्द्रमा के उदय होने पर प्रकाश होता है। मानो चन्द्रमा ने राहू को अमावस्या पर ग्रास कर लिया हो।अपने चिदात्मा में शिव पूजा यही होती है। 

भावार्थ:- दिन की समाप्ति पर रात्रि का आगमन होता है। जिस से आकाश एवंं धरती दोनों अंधेरे में ग्रस्त हो जाते हैं मानो अमावस के चन्द्रमा ने सूर्य को ढकने वाले राहू को भी ग्रास किया हो। अर्थात प्रत्येक वस्तु में परसपर अंतर करने का अभाव होता है। ऐसी काली रात मन की शून्य अवस्था का प्रतीक है जिस में द्वैत भाव नहीं रहता। मन की इस अद्वैत अवस्था में प्रमात्र, प्रमेय, प्रमाण तीनों का अभाव रहता है। इसी अद्वैत भाव का प्रगट होना अपने चिदात्मा में शिव की पूजा है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             **********

1. ज़ऻमी (Husband's sister's husband)

2. ज़ामन (Yawning)

3. ज़ान (Acquaintance)

4. ज़ानॖवुन (Knowledgeable)

5. ज़ानुन (To know/To understand)

               मुहावरॖ

1. मु: गरस गरॖ छा वाठ दिवान

    अ: गुज़ारॖवोल गरॖ छु नॖ ग़रीब 

         गरस फऻयदॖ वातनावान

2. मु: गरा द्युतमय हऻविथ लरा 

         ब्यूठुख त्रऻविथ

    अ: यॆलि कऻन्सि सॗत्य जान

         पहचान गछ़ि तॖ पतॖ तुल्यस

         नॖ थफॖय

3. मु: गरि ति हाख परि ति हाख

         नाहकय ज़ुवॖ गरीय द्राख

    अ: यॆलि नॖ ब्यॆयिसॖन्दिस गरस

         मंज़ खऻतिर वाति

      (पनॖन्य शुर्य ह्यॆछॖनऻव्यूख)

**************************

पंचान्ग:- कमलावती तॖ तऺम्यसॖन्द्य शुर्य लऺग्य पनॖन्य पनॖन्य चीज़ छ़ान्डनि। च़ाटॖहालॖ गछ़न वऻल्य शुर्य बीठ्य पनॖनि किताबॖ कापीयि सॊम्बरावनि यिम च़ूरव होरॖ योर छऺकॖरावमच़ि आसॖ। मोहन जियुन किताबॖ बस्तॖ ओस अलगॖय ति क्याज़ि सु ओस यि बस्तॖ ह्यथॖय पोफिहुन्द याने सोन आमुत। कमलावती तॊर नॖ फिकिरी ज़ि क्याह छुहोस न्यूमुत तॖ क्याह छुहोस त्रोवमुत। थपि थ्वसि वऺटिन वऺहर्यमॖत्य चीज़ तॖ सूंचुन ज़ि वारॖ वार वुछि बाकय फरागऺच़ सान पगाह।अल्बतॖ स्टील अलमारि अंदर अख सिक्रट ल्वाकर खूलुन तॖ सीनस प्यठ थोवुन अथॖ तॖ बडि बडि वॊनुन ज़ि तपालि लदन छख नॖ योर नज़र पिल्येमॖच़। स्वन गऺहनॖ ब्वकुस ओस तऺथ्य मंज़। ओड ओसुस लऻग्यथॖय तॖ बकाया ओसुन आलमारि हॖन्दिस ल्वाकरस मंज़ॖय थॊवमुत। कऻन्सि आव नॖ व्वंदॖ चाय च्यॆन या कॆंह ख्यॊन। म्यानि माजि वॊन म्यॆ ल्वति पऻठ्य ज़ि ॳस्य वसव गरॖ तॖ यिहॖन्दि बापथ खारव कॆंह ख्यन च्यन सामानॖ। म्यॆति कॊर आंकार तॖ ॳस्य माजि प्वथुर द्रायि मामन मामियन यि वऺनिथ ज़ि ॳस्य यिमव गरि नज़र दिथ। सॊथि प्यठॖ गरॖ ताम वातान वातान छॆ नॖ माजि म्यानि ज़्यव थऺचमॖच़ च़ूरन वॊहवोह करनॖ सॗत्य। म्यॆति ओस नॖ द्यमाग कऻम करान ज़ि क्याह करव ब्रोंहकुन। गरॖ वऻतिथ लऺज ख़बर सारिनीय म्यान्यन बायन तॖ ब्यॆनि। मोल ओस म्यॆ तॆली स्वर्गवास सप्दुमुत यॆलि बॖ त्रु-च़ु वुहुर ओसुस। अमि वॊहरवादि गोस बॖ पंदहऻन पूर तॖ शुरहऻयमिस वऺर्ययस मंज़ त्रोवुम क़दम। यि द्वह रूद वुमरि याद। म्यॆ ज़िठ्य ॴस्य ज़ॖ बऻय तॖ ब्यॆयि अख ब्यॆनि। बड्यन बायन तॖ म्यानि ब्यॆनि ओस खान्दर कोरमुत। सारिवी ज़िठिस बऻयिस ओस अख न्यॆचुव तॖ अख कूर। मंज्यमिस बऻयिस ॴस अख कूर तॖ म्यानि ब्यॆनि ओस नॖ कांह सन्तान। परेशान गऺयि गरस मंज़ सऻरी यि बुरॖ ख़बर बूज़िथ। सऻरी बीठ्य पनॖनि पनॖनि आयि सवाल प्रॖछ़नि तॖ म्यऻन मऻज्य ति गऺयि जवाब दिवान तॖ सॗत्य सॗत्य शूरुन बतॖ स्युन मातामाल वातॖनावनॖ बापथ। पुलसस कॊरा रिपोर्ट मामा जियन प्रुछ़ ज़िठ्य ही बऻय। ना वुनि कति। जवाब द्युत म्यानि माजि। वुछन वऻलिस गछ़व, वॊन म्यानि ज़िछि बऺयकाक्नि। वुछन वऻलिस? म्यानि माजि वुछ सवालिया नज़रि सॗत्य पनॖनि न्वशि कुन। पॊज़ छ्यसव वनान। हब्बॖकऺदलॖ अपारि बाबापोर कोचस मंज़ छु अख वुछन वोल। दपान तऺम्यसुन्द छु सोरुय पॊज़ ननान कुस च़ूर कपऻर्य च़ाव तॖ कुस कपऻर्य द्राव। ज़िठ्य बऻय तुज्य टूकॖर तॖ मंज़िम बऻय ति तुज्य दॊयिम टूकॖर तॖ द्रायि सॊथ कुन बतॖ स्युन ह्यथ।माजि दॊप यिमन म्यान्यन बायन ज़ि रातस रूज़िज़्यवॖ तऺत्य तॖ तिम ख्यऻवनऻव्यज़्योख ठीख पऻठ्य। सॗती वऺन्यज़्योख ज़ि पगाह गछ़व वुछन वऻलिस। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

26.12.2020

26.12.2020 मॊंजॖहोर (मार्ग/ मगर) ज़ूनॖ पछॖ (शुक्ल पक्ष) बाह (द्वादशी) बटॖवार (शनिवार/ शनिश्चरवार) श्री सप्तर्षि सम्वत 5096, राश वृष (शामन 5.17 बजि प्यठॖ) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

        (पराग पुस्तक- 162)

दीव वटा दीवुर वटा 

प्यठॖ ब्वन छुय यीकॖ वाठ 

पूज़ कस करख हूटॖ बटा

कर मनस तॖ पानस संगाठ

         अर्थात

ललेश्वरी कहती है कि मन्दिर तथा इस में स्थित मूर्ति तथा इसके बैठने का आसन ऊपर से नीचे तक सारा कुछ पत्थर ही पत्थर है। अरे मूर्ख। अब तुम किस पत्थर की पूजा करोगे। हां, (केवल) अपने मन और प्राणों को एक करके तू स्वात्म को प्राप्त होगा।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            *******

1. ज़ालुन (To burn/Firewood)

2. ज़ऻलिम (Cruel/Unjust)

3. ज़ाम (Husband's sister)

4. ज़ामतुर (Son-in-law)

5. ज़ामुत द्वद (Curds)

                 मुहावरॖ

1. मु: गबि बुथि रामॖ हून

    अ: ज़ुलुमगार मगर शरीफ बुथ

2. मु: गुपॖनस नॖ गासॖ नीर ख्यलन

         नून

    अ: हक़ दारस नॖ हक़ वातुन 

         हंगॖ तॖ मंगॖक्यन फऻयदॖ द्युन

3. मु: गजि सूर कॊडूम पजि सूर

         लॊदुम तॖ त्रोवुम, गऺयि त्रे 

         कामि

    अ: कामि मंज़ मश्गूल रोज़नुक

         बहानॖ करुन तॖ बऺल्य कामि

         ति गन्ज़रनि

        (पनॖन्य शुर्य ह्यॆछॖनऻव्यूख)

**************************

पंचान्ग:- हेरमि कुठि प्यठॖ वऺथ्य सऻरी तॖ च़ायि बऺन्यमिस कुठिस तॖ छि सऻरी दमफुट्य। म्यानि माजि वऺछ़ ॳश्य ददराय तॖ वदान वदान कर्यॆन वॊहवॊ च़ूरन, यिम कथ फऺट्य नम्बलि यपऻर्य तॖ लऺग्य बलायि असि। यिम चीज़ यॆति नियख, तिम लग्यनख ब्यमार्यन ब्यॆयि लऺग्यनख कफनस। गरस लऺग्यनख ज़ॊंग। कमि लोलॖ सान ॴस्य ॳस्य बिहिथ पंद्य कॊडुख सोरुय, पंद्य नीरिन तिमन ति। ॳश्य टऻर्य आयि सारिनी बऺरिथ तॖ सॗती ह्यॊतुख अख ॳकिस दिलासॖ द्युन। तमि बगऻर चारॖ ति क्याह ओसुख। ब्रिजनाथन वॊन पनॖनि आश्यनि सत्यवऺति कुन च़ॖ खस ह्यॊर तॖ वुछ क्याह छुख त्रोवमुत पथकुन, ग्वडॖ छु नॖ म्यॆ बासान किहीं ति क्याज़ि अटैची वुछम खऻली सारेय। सत्यवऺती वऺछ़ फुच्यमॖच़व ज़ंगव रॗन्यसॖन्ज़ कथ बूज़िथ तॖ खऺच़ ह्यॊर। दिल्लि प्यठॖ ॴस्य आमॖत्य दऺहन पऺदहान दॊहन बापथ दिल बहलऻयी करनि तॖ तमी हिसाबॖ आसन पनॖनि कॆंह कॗमती दोति अनिमच़ॖ, स्वन गऺहनॖ ति ओसुस तॖ रॗन्यसॖन्द्य पलव दलव ब्यॆयि ति आसहऻनस कॆंह ल्वकॖट्य म्वकॖट्य चीज़ शुर्यन वुर्यन हॖन्दि बापथ यिम वुनि बऻगरनय ॴस्य। अमि द्वह चूंकि सालस ॴस आमॖच़ ज़ऻम हुन्द गरॖ याने सोन, स्वन गऺहनॖ ओसुस पानस लऻग्यथॖय तॖ क्वसताम कॗमती दूत्य ति ॴसॖस कऺर्यथॖय। बाक़ी ओस च़ूरव फुटजि मंज़ गॊन्डमुत सोरुय सिरिफ कछॖ बन्यानॖ तॖ ब्रा बेतरी त्रऻविथ। ब्रिजनाथन ॴस्य नऺव्य ताज़ॖ नोटॖ बंडल पानस सॗत्य ॳन्यमॖत्य खर्चावनॖ बापथ तॖ तिम बऺडल ति ॴस्य सऻरी वऺट्यमॖत्य च़ूरव तॖ च़लनॖ विज़ि छि तिमन प्येमॖच़ बासान बाम्बॖर तॖ तिमवॖय बंडलव मंज़ॖ ॴस्य कॆंह नोठ पथ्थर प्येमॖत्य तॖ आमॖत्य छऺकरनॖ। बस ब्रिजनाथस तॖ सत्यवती यी नऻल्य ओस ती ओस बच्योमुत ब्यॆयि नॖ किंहीं। दपान ॴस ज़ि अख कैमरा ति छु च़ूरव पकनोवमुत।बऺन्यमिस कुठिस मंज़ ओस कमलावती सोरूय सामानॖ स्टील ट्रंकन मंज़, अलमार्यन मंज़, अटैचियन मंज़। पनॖन्य पलव, रॗन्यसॖन्द्य तॖ शुर्यन हॖन्द्य। ज़ॖ न्यॆचिव तॖ अख कूर ॴस्य कमलावति तमि सातन। तॆलि ॴस्य आसानॖय पांछ़ पांछ़, शॆ शॆ शुर्य तोति ॴसॖ आसान बॆतस्लऻही। सत्यवऺती ओस नॖ काह शुर तमिसातन। तऺमिस ज़ायि ज़ॖ शुर्य तमि पतॖ। व्वंय लऺज्य कमलावती ति छ़ऻन्ड दिनि ज़ि क्याह ओस च़ूरव न्यूमुत तॖ क्याह ओसुख त्रोवमुत पथकुन। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

25.12.2020

25.12.2020 मॊंजॖहोर (मार्ग/ मगर) ज़ूनॖ पछॖ (शुक्ल पक्ष) काह (एकादशी) शॊकुरवार (शुक्रवार/ जुम्मा) श्री सप्तर्षि सम्वत 5096, राश मेष (चलान) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

        (पराग पुस्तक- 161)

ज़लॖ प्यॆठ्य पकुन थ्यकुन लूकन

नारस अच़ुन मारस व्यद

आकाश गमनो वुफुन आसुन

कपट बासुन आसुन च़्यथ

           अर्थात

कुछ लोग अपनी बडाई दर्शाने के लिए जल पर चलने, जलती आग में घुसने, मरे हुए का उपचार करने, आकाश में उडने का चमत्कार दिखाते हैं। किंतु ऐसा समझना चाहिए कि यह सारे चमत्कार चित्त में कपट भावना रखकर किए जाते हैं।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

               *********

1. ज़ालस मंज़ फसावुन (To entrap/To dupe)

2. ज़ाय (Little curd for making curd)

3. ज़ायि (To waste/Has taken birth)

4. ज़ालॖ (Heat allergy/Rashes around mouth)

5. ज़ालॖ खसॖन्य (To shiver/To feel cold)

                मुहावरॖ

1. मु: गऻन्ठ क्याह ज़ानि पऻज़ 

         सुन्द शिकार

    अ: क़दॖर न ज़ाननवोल क्याह

         ज़ानि कऻन्सिहुन्द म्वल

         क्याह छु

2. मु: गऻन्ठ नॖ कुनि तॖ गऻन्टॖ ओल

    अ: बे-वख्तॖच तयऻरी करॖन्य

3. मु: गऻज़ व्वदुर

    अ: सु शखॖस युस ब्यॆयिस थफ

          दिथ नी

     (पनॖन्य शुर्य ह्यॆछॖनऻव्यूख)

**************************

पंचान्ग:- यथ बरस ॳन्दॖर्य हऻन्कल ॴस, यि बर ओस खुलान सडकि तरफॖ। ज़ॖ किनॖ त्रॆ पऻव्य खसिथ ओस यि बर तॖ बरॖ ॳच़िथॖय ओस दऺछिन्य किन्य अख कुठ रवख ह्यु तॖ खॊवॖर्य किन्य ॴस हेर ब्वन वसनॖ बापथ तॖ बरस स्यदॖस्यॊद ॴस हेर ह्यॊर याने त्रॆयिमिस पोरस कुन गछ़ान। बर मुच़ॖरिथॖय य्यॊस ब्वन वसनॖ बापथ हेर ॴस स्व ॴस गछ़ान दऺछिन किन्य वॊटिस कुन तॖ खोवरि तरफॖ ओस बर खुलान आंगनस मंज़। आन्गुन ओस बॊड तॖ तम्युक गेट ओस ख़ुलान कोचस मंज़। हालांकि यि गेट ओस बोड मगर अमि गेटॖ ओस युन गछ़ुन हना कमॖय पाहन ति क्याज़ि यि पऺतिम कोचॖ ओस नॖ ज़्यादॖ साफ़ सुथरॖ रोज़ान। वजह ओस ज़ि अमि गेटॖ न्यबरय ॴस्य अख ज़ॖ मुसलमान मकानॖ युहुन्द व्यवसाय ओस पुज्य कार। मंज़्य मंज़्य ॴस्य यिम कठ वठ मारान रोज़ान पनॖनिस आंगनस मंज़ॖय। चुंकि अपऻर्य ॴस दुर्गन्द दुह्यकिस दॊहस यिवान रोज़ान अवॖ म्वखॖ ओस अमि गेटॖ युन गछ़ुन कमॖय पाहन। सडकि तरफुक बर ओस आकारस मंज़ ल्वकुट मगर यिनस गछ़नस ॴस्य आसऻयिश बासान। मतलब यि ज़ि यि बर ओस दॊयमिस पोरस प्यठ खुलान। युथुय असि बरॖ अंदर क़दम थॊव वुज़स मंज़ वुछ्य कॆंह नऺव्य तॖ ताज़ॖ नोठ छऺकरिथ, दु रॊपियुन, पांच़ॖ रॊपियुन, दऺह्युन नोठ तॖ यिम नोठ ॴस्य आमॖत्य छऺकरावनॖ अथ वुज़स मंज़ तॖ ह्यॊर खसवॖनि हेरॖ पाव्यन प्यठ। बासान ओस ज़ि युस ति च़ामुत छु, न्यॆरनॖ विज़ि छि तस या तिमन च़लॖ लार  प्येमॖच़। यिमन नोटन सॗत्य सॗत्य ॴस्य कॆंह पलव ति छऺकरावनॖ आमॖत्य यॆत्यन हुत्यन। यि गव तय ज़ि यिम नोठ ॴस्य दिल्लि प्यठॖ आमॖत्य वऻलिस मामा जियिन्य। अमिच तस्दीख कऺर द्वशवॖय मामव। बरॖ अच़वुनुय कुठिस मंज़ च़ायि ॳड्य तॖ ॳड्य गऺयि यिम छऺकरिथ आमॖत्य नोठ तॖ पलव तुलान तॖ वऻत्य त्रॆयमिस पोरॖकिस कुठिस ताम। बरॖ प्यठॖ त्रऻव कुठिस कुन नज़राह तॖ वुछ सऻर्यसॖय व्वथॖवार गोमुत, पलव लॖति छिति गऻमॖत्य, अटैची अजि हजि तॖ अजि कजि। बासान ओस ज़ि लूठ छु सऺही गोमुत। ब्वनॖ कुठि मंज़ॖ आयि आवाज़ ज़नानन हॖन्ज़ ज़ि त्रठ छि प्येमॖच़ च़ूर छि सऺही फऺर्यमॖत्य, सोरुय छि प्रऻटिथ गऻमॖत्य। यॆति ति छु युथुय हाल।आवाज़ दिच़ हॆरि प्यठॖ।  सत्यवऺती हॖन्दिस सार्यसॖय सामानस छि दून्य आमॖच़ दिनॖ तॖ सोरुय तहस नहस गोमुत। कऺम्य ताम वॊन ज़ि खाकस प्यठ माहरा छिख बॆहनऻव्यमॖत्य। अथ वथ डऺज्य सारिनीय। सऻरी छि पनुन पनुन सामानॖ छ़ान्डनस लऺग्यमॖत्य मगर कऻन्सि कॆंह अथि लॊग नॖ। ओंखरिस मंज़ जोंखुर ओस गोमुत। ॳक्यसॖन्द्य पलव ब्यॆयि सॖन्द्यन पलवन मंज़ तॖ ब्यॆयिसॖन्द्य पलव त्रॆयिमिस सॖन्द्यन मंज़। बऺनिमॖ कुठ्यचि अलमारि आसॖ आमच़ॖ प्राटन। ट्रंकन ॴस्य कुलुफ आमॖत्य फुटरऻवनॖ। पलि ओस नॖ प्यवान ज़ि करव हय तॖ करव क्याह, गछ़व हय तॖ गछ़व कॊत। लॆदरि छ़ठ फीर्य सारिनी बुथ्यन। सऻरी बीठ्य कलस थफ कऺरिथ ज़न प्यॆयि सऻरी हऺरिथ। च़ूर छि आमॖत्य तॖ द्रामॖत्य डुबॖडास कऺरिथ। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

******"*******************

  नऺविव तॖ फॊलिव

  भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

24.12.2020

24.12.2020 मॊंजॖहोर (मार्ग/ मगर) ज़ूनॖ पछॖ (शुक्ल पक्ष) दऺहम (दशमी) ब्रसवार (वीरवार/ बृहस्पतिवार/गुरुवार) श्री सप्तर्षि सम्वत 5096, राश मेष (चलान), ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

        (पराग पुस्तक-160)

ज़ल थमवुन हुत वा तॗरनावुन

उर्द्ववा ग़मन पऻर्यव च़ऺरिथ

काठॖ दीनि द्वद शरमावुन

अनतिहि सकलॖ कपट च़ऺरिथ

             अर्थात

चलते जल को रोकना, आग को ठंडा बनाना, आकाश में पैरो से चढना, लकडी की नकली गाय से दूध प्राप्त करना, अंतत: यह सारे चमत्कार कपट के ही चरित्र अर्थात क्रियांए हैं।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              *******

1. ज़ख (Harmless/Hurt/Damage/Injury/Grievance)

2. ज़ाफरान (Saffron)

3. ज़ाग (Watch)

4. ज़ागुन (To keep a watch/

Be watchful) 

5. ज़ाल (Net/Web/Snare/ Trap/Fraud)

              मुहावरॖ

1. मु: गऻव ज़ाव वॊछ़ सु म्यॆ गॊछ़

    अ: लालॖच करुन, ती मंगुन यी

         नॖ पज़ि

2. मु: गऻव छु वॊनमुत हटि किन्य

         दितम तॖ लटि किन्य दिमय

    अ: अगर कऻन्सि फऻयदॖ 

         वातॖनावव या तस सॗत्य

         नीकी करव सु दी तम्युक

         फऻयदॖ ज़रूर, या, गाव

         अगर जान ख्यॆयि द्वद ति 

         दी ज़्यादय

3. मु: गऻव मार बोज़ान सऻरी तॖ

         दांदॖ मार नॖ बोज़ान कांह

   अ: ज़नानि हुन्द न्याय छि सऻरी

        बोज़ान तॖ हमदर्दी करान

        मर्दॖ सुन्द ज़ुलुम छु नॖ

        बोज़ान कांह

      (शुर्य पनॖन्य ह्यॆछनऻव्यूख)

**************************

पंचान्ग :- शीर्य चाय नऺरिस प्यठ रूज़ यिथय पऻठ्य, गर्म गर्म कुल्चॖ, तेलवऺर्य, कत्लमॖ, टखटचि, बऻकिरखानि, ग्यव च़ॊचि रोज़ॖ डोलान। बुथ्यन हुन्द रंग गव फीरिथ। द्वनवय माम, मामनि तॖ तिहॖन्द्य शुर्य बऻच़ रूद्य पानवॖन्य ईशारन मंज़ॖय अख ॳकिस प्रछ़ान ज़ि अमा असि मंज़ छु नॖ कांह तति, तॆलि कुस छु ॳन्दॖर्य हऻन्कल दिथ बिहिथ। सारिवॖय कऺर सखर गरॖ वातनॖच। डलहसनयारॖ प्यठॖ ओस वातुन सॊथ अंदर। तिमन दॊहन ओस नॖ ट्रान्सपोर्टुक ति कांह खास सादन ति मॊय्यसर आसान। पैदलॖय ओस वातुन सॊथ ताम। मर्द मर्द द्रायि दऺस्ती। मामॖन्यन लॊग रछ खन्ड तयार गछ़नस तॖ द्रायि तिम ति यिमनॖय पतॖ। म्यऻन मऻज्य ति गऺयि परेशान। कॊरुमुत क्रोवमुत द्राव सोरुय पऺन्द्य। म्यानि माजि ति कति यीहे ताब। तमि ति वॊट वॊहुरमुत सामान जल्दबऻज़ी मंज़ तॖ बॖति तुलनस पानस सॗत्य तॖ त्रोव पडाव सॊथ कुन। मोबाइल ॴस्य नॖ। शॆछ ख़बर किथॖ पऻठ्य तॖ कऺमिस प्रछ़ॖहऻव। फ्रटॖ वऻन्लिजि मंज़ द्रायि सऻरी। तकरीबन म्यॆ बासान ऒड दून गन्टॖ लॊग सॊथ अंदर वातनस। म्यान्यन मातामालन ॴस्य त्रॆ मकानॖ ॳक्यसॖय लऻनि मंज़ सडकि उतरायि प्यठ यॊस वथ रॗन्यवोर कुन गछ़ान ॴस। टांगॖ ॴस्य नेरान रॗन्यवऻर बापथ ब्रॆयिकुजनि प्यठय योत। डलहसनयारॖ प्यठॖ यूताह ब्रॆयिकुजुन ताम ओस फऻसलॖ तमि ख्वतॖ कमॗय ओस पतॖ ब्रॆयिकुजनि प्यठॖ म्योन मातामाल ताम। सडकि वसवुनुय ग्वडनिकिसॖय मकानस मंज़ ॴस्य म्यऻन्य माम रोज़ान तॖ बकाया द्वन मकानन मंज़ ॴस्य म्यऻन तिहॖन्द्य पितॖर्य रोज़ान। खऻर यिथॖ तिथॖ वऻत्य ॳस्य ति तॖ तॊत वऻतिथ वुछ ज़ि यथ बरस ॳन्दॖर्य हऻन्कल ॴस, सु बर ओस रहि रास यलॖय यॆलि ॳस्य सऻरी तॊत  वऻत्य। चूंकि द्वनवय माम ॴस्य वऻत्यमॖत्य दऺह पंदाह मिनट ब्रोंठुय तॖ ॴस्य व्वंय प्रारान सऻनिस वातनस। अंदर ॳच़्यथॖय क्याह वुछ असि सारिवॖय सु वनोवॖ ब्रौंहकुन पगाह। कथ छि जऻरी।दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

23.12.2020

23.12.2020 मॊंजॖहोर (मार्ग/ मगर) ज़ूनॖ पछॖ (शुक्ल पक्ष) नवम (नवमी) ब्वदवार (बुद्धवार) श्री सप्तर्षि सम्वत 5096, राश मेष (रऻच़ हॖन्ज़ॖ 4.28 बजि प्यठॖ) ऋतु हेमन्त (चलान), द्रठॖपऻन्च़ुक गछ़ि अज़ समाप्त

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

       (पराग पुस्तक-159)

च़्यदानंदस ज्ञानॖ प्रकाशस

यिमव च़्यून तिम ज़ीवऺत्य म्वखॖत्य

विशमिस समसारनिस पाशस

अबॊद्य गन्डाह शथ शीत्य दित्य

             अर्थात

सतचित आनंद परमेश्वर जो ज्ञान रूपी प्रकाश है, का जिन्होंने अनुभव किया, वे ही लोग जीते जी मुक्ति पाते हैं, अर्थात जीवन मुक्त हैं। इसके विप्रीत अबोध लोग विषयमय संसार रूपी फांसी को पहन कर, अर्थात अपना कर इसमें सैंकडों गान्ठे देते हैं, अर्थात अपने को संसार बंधन में बांधते हैं।

भावार्थ:- संसार रूपी फंदे से सतचिदानंद परमेश्वर की भक्ती ही बचा सकता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            *********

1. गुलज़ार (Flower beds/Garden)

2. लालॖज़ार (Bed of tulips)

3. मरगुज़ार (Graveyard)

4. ज़ारॖपार (To beg/Request/Pardon/Entreaty/Supplication)

5. ज़ार गिन्दुन (To gamble)

                 मुहावरॖ

1. मु: गाव चऻव्यज़्यन वॊछ़ 

         रऺछज़्यन

    अ: कऻम करनॖ विज़ि गछ़ि नॖ 

         पनुनुय योत फऻयदॖ छ़ान्डुन

         बऺल्कि ब्यॆयिसुन्द ति ख़याल 

         थवुन

2. मु: गऻन्य बुडि तॖ यॆन्दॖर कति

    अ: युस वुम्बरि जखान रूद 

         तस छु नॖ बुडिथ ति आराम

         नसीबस

3. मु: गाड छि दऺर्यावस मंज़ त्रेशि

         बापथ मरान

    अ: यॆलि सोरुय दऺस्तियाब 

         ॴसिथ ति इन्सान ह्यॆकि

         नॖ तम्युक फऻयदॖ तुलिथ

      (पनॖन्य शुर्य ह्यॆछॖनऻव्यूख)

**************************

पंचान्ग:- म्योन माम ओस दिल्लि मंज़ नोकरी करान तॖ यि आव छुटी ह्यथ पनुन गरॖ युस कऺशीरि मंज़ श्रीनगरॖ शहरस मंज़ सॊथि प्यठॖ ओसुस। पनुन अयाल ओसुस सॗत्य। कथ छि 1959-60 -च हिश। म्यॆ छु याद ज़ि यिमनॖय दॊहन मंज़ आव म्योन वॊहरवोद ति तॖ म्यानि माजि कॊर पनॖन्यन बायन तॖ तिहॖन्द्यन अयालन साल अमि दोहन। सऻरी छि आमॖत्य व्वत्सव छु ज़ोरस प्यठ। ख्वश तॖ ख्वशहाल, असान गिन्दान छि सऻरी पनॖनि पनॖनि आयि। बतॖ ति छु ख्योमुत, शीर्य चाय छि चलान। कान्दरस निशि ॴस ॳन्यमॖत्य ताज़ॖ तेलवऺर्य, कत्लमॖ, ब्यॆयि ति क्याहताम क्याहताम। दिल्लि हॖन्ज़ खबरा अतरा छि चलान। तिमन दोहन यॊदवय कांह न्यॆबरॖ प्यठॖ याने टनलि अपारि प्यठॖ श्रीनगर या कऺशीरि यिवान ओस बासान ओस ज़ि कुस ताम छु व्यलायतॖ प्यठॖ कांह फरंगी आमुत। अलनॖ तॖ वलनॖ ॴसिस अंग ॴश्यनाव यिवान। पछ़ ॴस नॖ यिवान ज़ि ॳस्य छि करान ॳकिस न्यॆ्ब्रिमिस सॗत्य कथ बाथ।  न्यॆबरॖ प्यठॖ आमॖत्य वऻल्यसॖन्द्य शुर्य कऺट्य ति ॴस्य आसान न्यॆब्रकिसॖय हवाहस मंज़। गाह सु बानहालि प्यठॖ आसिहे या बम्बयी प्यठॖ आसिहे आमुत आसान। नज़ाकतस मंज़ ॴस्य आसान। कथि हुन्द तुलॖ त्राव ति ओस आसान हना ब्यॊनुय। ऒड अंग्रीज़ तॖ ऒड कऻशुर। खऻर वुनि छि ॳस्य चाय च्यवऻनी ज़ि ब्यॆयिस मामॖ सुन्द लऺडकॖ युस च़ाटॖहाल गोमुत ओस ति आव किताबॖ बस्तॖ ह्यथ च़ाटॖहाल वर्दी मंज़ॖय। माजि ॳम्यसॖन्ज़ि प्रुछ़ ॳमिस ज़ि च़ॖ क्याज़ि आख नॖ गरि यि किताबॖ बस्तॖ त्रऻविथ तॖ पलव बदलऻविथ। जवाबस मंज़ वॊन ॳम्य न्यॆचिव माजि ज़ि सु ओस गरॖ गोमुत मगर बर ओस बंद। अन्दॖर्य ॴसॖस हऻन्कल। दॊपुन ठुख ठुख करेयोम मगर बर मुच़ॖरोव नॖ कऻन्सी। अमा तति कुस सना छु तॆलि ति क्याज़ि सऻरी छि योर सालस आमॖत्य। मामलॖ बन्यऻव शकावर तॖ असवुन गिन्दवुन माहोल गव संजीदगी मंज़ तब्दील ब्रिंज़िस मंज़। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

22.12.2020

22.12.2020 मॊंजॖहोर (मार्ग मगर) ज़ूनॖ पछॖ (शुक्ल पक्ष) ॴठम (अष्टमी)  बॊम्वार (मंगलवार) श्री सप्तर्षि सम्वत 5096, राश मीन (चलान) ऋतु हेमन्त (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

       (पराग पुस्तक- 158)

च़्यथ अमर पथि थऻविज़ि

ति त्रऻविथ लगि ज़ूढे

तति च़ॖ नो शऺकिज़ि संदऻरिज़ि

द्वदॖ शुर तऻ क्वछि नो मूढे

          अर्थात

अपने चित को अविनाशी पथ अर्थात परमार्थ के मार्ग पर चला ले नहीं तो वह दूसरे मैले पथ की ओर मुढेगा, अर्थात विषयों की ओर भागेगा। अमर पथ पर दृढ होकर चलते हुए शंकाएं (क्यों, कैसे, कहां आदि) न करना चाहिए, अपितु अपने को संभाल कर अभ्यास करना चाहिए, दूध पीते शिशु की भांति जो मां की गोद में मूढता नहीं दिखाता, अपितु पूर्ण विश्वास (सहज़ व सरलता) के साथ एवं किसी शंका के बिना पूर्ण विश्वास के साथ संभल कर अपनी माता की गोद में बैठता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *********

1. ज़ादगी (Some defect/Fault/Flaw/Deficiency/Blemish)

2. ज़ार (Request/Prayer/Petition/Gambling/Playing with dice/Any game of chance with stake)

3. ज़ार ज़ार (To weep bitterly)

4. ज़ऻर्य (Gambler)

5. सब्ज़ार (Greenery/Lawn/Meadow)

                  मुहावरॖ

1. मु: गाव दी नॖ वॊछ़ ति ह्यॆयि नॖ

    अ: न करि ब्यॆयिस मदद न 

         तुलि पानॖ फऻयदॖ

2. मु: गासॖ बऻरस अटॖ छ़्यॆन्यम 

         तॖ करस कमचॖ

    अ: सामानॖ ब्रोंह कनि ॴसिथ

         ति बऺल्य अरॖसरॖ करॖन्य,या,

         अथ वथ नॖ यिन्य

3. मु: गाडॖ हऻन्ज़ बापार

    अ: क्रख लागॖन्य, या, यथ नॖ 

         कॆंह हऻसिल यी

       (पनॖन्य शुर्य ह्यॆछॖनऻव्यूख)

**************************

पंचान्ग:- साधु संत ज्ञऻनी पंडित ॴसी ॴस्य कशीरि मंज़ अमि अलावॖ ॴस्य तति वुछन वऻल्य, प्राह कडन वऻल्य ति। बॖ छुस पनॖनि यथ वऻन्सि मंज़ आमुत यिमन द्वन हुन्द दर्शुन ति कऺरिथ। म्यॆ छु मन करान ज़ि पनुन यि तजरुबॖ वातनावॖ त्वहि ताम ति।श्रीनगरॖ हब्बॖकऺदलॖ ॴस्य ज़ॖ वुछन वऻल्य। अख ओस बाबापोरॖ कोचस मंज़ कत्यथताम तॖ ब्याख ओस बाबापोरॖ अंदर शीलटेंग कुन। यिहॖन्ज़ कऻम ॴस ज़ि यॊदवय कऻन्सि कांह चीज़ रोवमुत आसिहे, यिम ॴस्य ह्यकान वऺनिथ ज़ि सु चीज़ कऺम्य छु न्यूमुत तॖ सॗती ॴस्य वनान ज़ि सु च़ूर कॊत छु गोमुत च़ूर कऺरिथ तॖ कति छु खऺटिथ बिहिथ। अमापॊज़ द्वनवॖन्य वुछन वाल्यन ओस ब्यॊन ब्यॊन वतीरॖ कऻम करनुक। अख ओस च़ोंग ज़ऻलिथ वनान तॖ ब्याख ओस कतरिविस नऻरिस प्यठ काग़ज़ तिलिम थऻविथ ह्यकान वऺनिथ च़ूरॖ सुन्द नाव। ग्वडन्युक वुछन वोल ओस पनॖनि मऻथरि सॗत्य च़ांगि गाशॖ मंज़्य वुछन वऻलिस च़ूरस सॗत्य सॗत्य पकनावान तॖ वातनावान तथ जायि ताम यॆत्यन सु च़ूर थख कडिहे तॖ दॊयिम ओस सिरिफ च़ूरॖ सुन्द नाव ह्यकान वऺनिथ तॖ ब्यॆयि नॖ कॆंह। म्यॊन सम्पर्क कर तॖ किथॖ पऻठ्य छु सपद्योमुत यिमन सॗत्य यि वनोवॖ पगाह। तॊह्य ति गऺछ़िव हऻरान यि बूज़िथ ख़ास कर गछ़न तिम हऻरान यिम नॖ अमि तारॖ तऺर्यमॖत्य आसन। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

21.12.2020

21.12.2020 मॊंजॖहोर (मार्ग/ मगर) ज़ूनॖ पछॖ (शुक्ल पक्ष) सतम (देवादेव) (सप्तमी) (देवादेव) च़ऺन्दॖरवार (सोमवार),श्री सप्तर्षि सम्वत 5096, राश मीन (दुहचि 4.28 बजि प्यठॖ) ऋतु हेमन्त (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

        (पराग पुस्तक- 157)

अभ्यास किन्य विकास फॊलुम

स्वप्रकाश ज़ोनुम यिहोय दीह

प्रकाश ध्यान म्वख यिय दॊरुम

स्वखॖय बॊरुम कॊरुम तीय

          अर्थात

अभ्यास करने से मेरा विकास अथवा विस्तार हुआ और मैं खिल गई। इस शरीर को भी प्रकाश रूप मानकर इसी में ध्यान किया तो मैं अत्यन्त सुखी हो गई। कियोंकि इसी शरीर द्वारा अभ्यास हो सकता है अन्यथा नहीं।

भावार्थ::- शरीर की उपेक्षा नहीं करनी है क्योंकि यही एक माध्यम है जिस के द्वारा परमात्मा का साक्षात्कार हो सकता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              ********

1. ज़ऻबतॖ (Genuine order in good taste/Rule/Regulation)

2. ज़ाफल (A dry nutmeg)

3. ज़ाति स्वबाव (Individual nature/Self tendency/Habit)

4. ज़ातुक (Horoscope)

5. ज़ाथ (Caste/Tribe)

              मुहावरॖ

1. मु: गाटॖ छा नाटॖ बाज़रॖ 

         ह्यॆयज़ि मऺल्य

    अ: अकॖलमन्दी छि दय सुन्द

          द्युत

2. मु: गाम छु ख़ाम

    अ: गामॖच ज़िन्दगी छि क्रॗठ

         आसान

3. मु: गाव ति च्यावॖन्य तॖ वॊछ़ ति

         रंज़नावुन

    अ: स्व कऻम करॖन्य यॆमि सॗत्य

         पानस ति फऻयदॖ वाति तॖ

         ब्यॆयिस ति न्वक्सान गछ़ि नॖ

        (पनॖन्य शुर्य ह्यॆछॖनऻव्यूख)

**************************

पंचान्ग :- वख ओस यॆलि ग्वर शिष्य ॴस्य आसान अख ॳकिस ब्रोंहकनि रु ब रु तॖ ॴस्य करान रोज़ान ज्ञानचि तॖ ध्यानचि कथॖ। सिरिफ ज्ञानॖय ज्ञान ओस न्यॆरान तिहॖन्दि म्वखारब्यन्दॖ मंज़ॖ। रसॖम रिवाज आयि सऻन्य ज़िठ्य निबावान तॖ वरतावान सासॖ बद्यव वऺरियव प्यठॖ तॖ पनॖन्य संस्कारन तॖ संस्कृति ति आयि रऻछ करान अज़ त्रॖह पान्च़ॖत्रॖह वऺरी ब्रोंठ ताम, पनॖन्य माजि ज़्यव ॴस्य वनान रोज़ान पानॖ तॖ पनॖन्यन शुर्यन ति ॴस्य ती ह्यॆछनावान। छ़्यॆटि श्रूच़्युक तमीज़ ति ओस यिवान ह्यॆछॖनावनॖ। नान्य ॴस पऺरियन हॖन्ज़ॖ कथॖ बोज़ॖनावान तॖ बॖडिबब ओस ऒंगजि थफ कऺरिथ शुर्यन सांसऻरिक्य व्यवहार ह्यॆछनावान रोज़ान, माय महोब्बतुक सन्यर तॖ गन्यर ओस यिवान ह्यॆछनावनॖ। मगर व्वलगॊतुन ख्यव समयन तॖ  व्यखतुय बदलाव आव सऻर्यसॖय मंज़। मोबाईलन कर्य ॳस्य वारिहान चीज़न निशि दूर। अंगन ॴश्यनावन निश यिनस गछ़नस सॊम्ब छॆ नॖ फुरसथ।  ग्वर गऺयि पनॖनि वति तॖ असि रूज़ तिहन्ज़ स्मरण पानस सॗत्य। हालांकि तिमन साधन, स़ंतन हॖन्ज़ॖ मूर्ती पकनावि असि पानस सॗत्य, तिहिन्द्य फोटव छिनॖ सान्यन गरिक्यन लबन प्यठ व्वंय बऺल्कि छि रोज़ान नच़ॖनावान पनॖन्यन मोबाईवलन क्यन व्हाटसापन प्यठ,  कॆंच़न संतन हॖन्द्य स्मृति चिन्ह छि तिहॖन्द्यन आश्रमन मंज़।मगर तिमन सॗत्य छु नॖ व्वंय रु ब युं गुफ्तगू करुन सम्भव। ऒत्ताम ॴस्य ॳस्य वनान रोज़ान तॖ तिम ॴस्य बोज़ान रोज़ान  या तिम ॴस्य प्रवचन दिवान रोज़ान तॖ ॳस्य ॴस्य अमल करान रोज़ान मगर तिहन्दि निर्वान गछ़नॖ पतॖ रूद यि व्यवहार यकॖतरफा। ॳस्य छि वनान रोज़ान तिम छि वुछान रोज़ान वऺनिथ नॖ ह्यकान कॆंह। यॊत्ताम म्यॆ पनुन नज़रिया छु पानस अन्द्य पऺख्य अज़कल छु नॖ ग्वर ग्वरॖय तॖ न छु च़ाठ च़ाठॖय।  अज़कलॖक साध, संत छि बन्यॆमॖत्य तिजारती तबीयतॖक्य, महशूरी कमावनस मंज़ लऺग्यमॖत्य, वासनायि रऺट्यमॖत्य, लालचन वऺल्यमॖत्य। असि छि व्यछ़य तिमन ग्वरन हॖन्ज़ यिमन स्यॆद्धि ॴस त यिम विश्वस्नीय ॴस तॖ ॴस्य पनॖनि ज्ञान भण्डारॖ सॗत्य मालामाल करान असि। दिल तसलऻयी बापथ छि ॳस्य तिमन मूर्तियन सऺजदि दिवान तॖ पनुन द्वह कड़ान मगर ॳस्य छिनॖ ह्यकान पनुन पान सम्बऻलिथ तॖ न पनॖन्यन शुर्यन कट्यन ज्ञान ध्यानॖच कथ कऺरिथ ति क्याज़ि समयुक अभाव छु तॖ अज्ञऻनी छि। दौलतस पतॖ छि सऻरी दोरान मगर पनॖन्य माजि ज़्यव, पनॖन्य संस्कृति, पनॖन्य सभ्यता, पनुन माय महोब्बत गऺयि ॳस्य होरान तॖ पनुन पान गऺयि मऺशरावान। पताह छॆ नॖ ॳस्य कॊतकुन छि लमान। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

( koshursabak.blogspot.com ति वुछिव)

20.12.2020

20.12.2020 मॊंजॖहोर (मार्ग/ मगर) ज़ूनॖ पछॖ (शुक्ल पक्ष) शॆयम (देवादेव) (षष्ठी) (देवादेव) आथवार (रविवार/ऐतवार) श्री सप्तर्षि सम्वत 5096, राश कुम्भ (चलान) ऋतु हेमन्त (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

                लल वाक्

          (पराग पुस्तक-156)

च़रमन च़ऺटिथ दितिथ पऺन्य पानस

त्युथ क्या वव्यॊथ तॖ फलिही सोव

मूढस व्वपदीश गऺयि रींज़्य डुमटस

कऺन्य दांदस गोर आपरिथ रोव

              अर्थात

तू ने (संसारी काम के लिए) स्वयं की चमडी को गला कर (कठोर शारीरिक परिश्रम करके) अपने को उसी में खूंटे गाढ कर उलझाए रखा है, और अपने अंदर शुभ  फल देने वाला कोई बीज नहीं बोया अर्थात तुम ने कोई ऐसा शुभ  कर्म भी नही् किया जिसका फल तुम्हारे लिए शुभ होता। तुम समझाकर भी नऺ समझे। ऐसे अल्पबुद्धि वाले  को उपदेश देना वैसा ही है जैसे डुमट या गुंबद को छोटे कंकर मार कर गिराने की कोशश करना है या पीले भूरे बैल को (दूध देने के लिए) गुड खिलाना है। 

भावार्थ:- ललेश्वरी की यह कडवी चेतावनी लोगों के लिए दी गई है जो अपने अंतर में न जाकर तथा सत्यता का बीज न बोकर बाहरी आडंबर एवं केवल भौतिक साधना जैसे धन अर्जित करना, पोथियां पढना, हवन करना, व्रत रखना, चमत्कार दिखाना आदि के लिए कठिन परिश्रम करते हें और भक्ति का बीज नहीं बोते हैं।पनु: कहा है कि इस कडवे सच्च को न अपनानेवाले मूर्खों को समझाना व्यर्थ ही है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *********

1. राज़दार (One who keeps the secret/Faithful/Trusted)

2. राज़दऻरी (Secrecy/Confidence)

3. राज़ वनुन (Disclose a secret/Repose one's confidence)

4. राज़ फाश सपदुन (Disclosed secret/Betrayal someone's confidence)

5. राज़बल (Cremation ground)

               मुहावरॖ

1. मु: ख्वरस प्यठ ख्वर

    अ: वऻर्यदाथ, या, वकानॖ

2. मु: ख्वखॖ ब्रोर

    अ: च़र्यन हार्यन च़लॖनावनॖ 

         बापथ ज़च्यन हुन्द इन्सान

3. मु: खॊट मॊहर

    अ: सु शखॖस युस नॖ कुनि 

          कारस लगि

       (पनॖन्य शुर्य ह्यॆछॖनऻव्यूख)

*********************"****

पंचान्ग:- ऋष्य पीरन दपान कऺर च़्वदहऻन वऺरियन पनॖन्य साधना तॗ प्रऻवॖन स्यॆद्धी। बटॖ क्यो मुसलमान बन्यॆयि ॳम्यसॖन्द्य मुरीद। लूकन मंज़ पानॖवुन्य भाईचारा याने ज़ात पात मऺशरिथ पानॖवुन्य बऻय बरादरी वरतावुन ओस ऋष्यपीरुन अख खास मुद्दा। ह्यॆन्द्यन बापथ ओस यि ऋ्ष्य तॖ मुसलमानन हॖन्दि बापथ ओस यि पीर मानॖनॖ यिवान। दपान ॳमिस मंज़ ओस रूहऻनी ताक़त यूत ज़ि ॳम्य बऺलरऻव्य कॆह ब्यमार पनॖनि योग शक्ति सॗत्य। ॳम्यसॖन्दि वख्तॖ दपान सरकारन ॴस ॳमिस देवसरॖ गामस मंज़ ज़मीन याने जऻगीर बखॖशमुत। ॳम्यसॖन्दिस नावस प्यठ ॴस अख कथ मशहूर ज़ि दपान ॴस्य पीर पंडित पादशाह हरदु जहान् मुश्किल। अज़कल ति छि दपान ॳम्यसॖन्ज़ि जायि यॆति यि ज़ामुत ओस बडॖ एहतिराम यिवान करनॖ। अख कुलचॖवॊर छु मेलान प्रसाद रूपस मंज़। ऋष्पीरॖन्य ख्राव छि ॳम्यसॖन्दिस आसनस प्यठ थवनॖ आमॖच़ यथ ब्रोंहकनि सऻरी छि नमन करान युस ति कांह आश्रम  गछ़ान छु। 1990-तस मंज़ दपान ऋष्यपीरॖन ख्राव छि आमॖच़ अननॖ ज्यॊम ति येति ॳम्यसुन्द आश्रम छु बन्योमुत। वेदन हुन्द ज्ञान दपान ओसमुत छु ऋष्यपीरस ज़बर्दस्त यॆमॖच ख्याति दूर दूर ताम वऻच़मॖच़ ॴस। दपान अख मुसलमान संत मुल्लाह अकन्दबदकशानि ति छु मुतऻसिर सपद्योमुत ऋष्यपीरुन वेदिक अलिम वुछिथ तॖ बन्याव ॳम्यसुन्द मुरीद। कथ छि जऻरी।दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

19.12.2020

19.12.2020 मॊंजॖहोर (मार्ग/ मगर) ज़ूनॖ पछॖ (शुक्ल पक्ष) पऻन्च़म (देवादेव) (पऺचमी) (देवादेव) बटॖवार (शनिवार/शनिश्चरवार) श्री सप्तर्षि सम्वत 5096, राश कुम्भ (सुबहॖचि 7.15 बजि प्यठॖ) ऋतु हेमन्त (चलान) द्रठॖपऻन्च़ुक (पंचक) ॳज़्यकि प्यठॖ शुरु....अज़ छि कुमार शॆयम (कुमार षष्ठी) ति

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव।

**************************

             लल वाक्

        (पराग पुस्तक-155)

ज्ञानॖ मार्ग छय हाक वऻर्य

दिज़्यस शमॖदम क्रय पऺन्य

लामा-च़क्र-पॊश प्रऻन्य क्रय दऻर्य

ख्यनॖ ख्यनॖ म्वच़ी वऻरॖय छॆन्य

             अर्थात

ज्ञानमार्ग एक सांग सब्ज़ी की खेत की तरह है। इस के गिर्द शम दम रूपी मज़बूत खूंटे गाड दो ताकि एक के पीछे एक होकर इस के गिर्द चक्कर लगाने वाले वासना युक्त क्रिया रूपी आवारा पशु प्राणी खेत में नॖ घुस सकें। नहीं तो वह सारी सब्ज़ी (ज्ञान) खा जाएं गें। और शेष खाली खेत अर्थात अज्ञान ही रहेगा।

भावार्थ:- ज्ञानमार्ग अर्थात आत्मज्ञान को दृढ रखने के लिए शम (इन्द्रियों को काबू करना) दम (श्वासोश्वास को काबू करना) क्रिया को दृढता प्रदान करना आवश्यक है नहीं तो मार्ग से भटक जाने का भय है। 

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              ********

1. राद (Length)

2. राज़ (Secret)

3. राज़ॖ (King/Lord/Monarch)

4. राज़ॖ हॊन्ज़ (Swan/Goose/A duck)

5. राज़ॖ प्वथुर (Prince/A beautiful boy)

                  मुहावरॖ

1. मु: ख्वश दानि रटुन तॖ वुकिर्य

         वानि ख्यॊन

    अ: हरामुक माल बॆवऺतीरॖ 

         पऻठ्य वरतावुन

2. मु: खॊवरि अथॖच कऻम

    अ: सहल कऻम, या, यथ नॖ 

         कांह मुश्किल यी

3. मु: खॊडॖ गुपुन

    अ: युस शखॖस पनॖन्य कथ 

          ॳन्दरी रटिँ   

       (पनॖन्य शुर्य ह्यॆछॖनऻव्यूख)

**************************

पंचान्ग:- साधु, संत, पंडित, पीर फऺकीर ह्यॆन्द्य क्योह मुसलमान यिम ति कऺशीरि मंज़ पऻदॖ सप्देयि, कऺशीर ॴस बासान महफूज़ तिहॖन्दिस सायस तल। तिहॖन्ज़ि नज़रि सऻनी तल ॴस्य कऺशीरि मंज़ लूख द्वह द्वह कड़ान। यिहॖन्ज़ि ग्रॆन्दि मंज़ यनॖ फरॖख ह्यॆच़ॖन यिन्य याने यिमन मंज़ कऺमी ह्यॆच़ॖन यिन्य, लूकन हुन्द रंग डंग ति ह्यॊतुन बदलुन। प्रऻन्य गऺयि निर्वाण सप्दान तिहॖन्ज़ॖ मूरच़ॖ रोज़ॖ तॖ ॳस्य ति आयि तिमनॖय मंज़ पनॖन्य आस्था थवान। तिम नय तॖ तिहॖन्ज़ॖ मूर्तीय सऺही। मगर युस ज्ञान प्रकाश असि मेलान रूद तिहॖन्दिस ज़िन्दॖ ज़ुवस मंज़, तमि ज्ञानॖच रूज़ असि व्यछ़य तिहॖन्दि मरनॖ पतॖ। नऺव्य ति नवेयि नॖ कॆंह कऺशीरि मंज़ तॖ ॳस्य ति रूद्य ब्यॆपीरॖय। असि निशि छि तिहॖन्ज़ स्मरण व्वंय यिमन ॳस्य फ्युर रोज़ान छि दिवान तॖ पनुन द्वह द्वह कड़ान रोज़ान। अज़ करोन याद ॳस्य ऋषि पीर। ऋष्यपीर ओस ज़ानॖनॖ यिवान पीर पंडित पादशाह नावॖ सॗत्य ति। ॳम्यसॖन्दिस मऻलिस ओस नाव पंडित गोबिन्द कौल तॖ यि ओस रोज़ान श्रीनगरॖ ॴल्यकऺदलॖकिस बटॖयार मऺहल्लस मंज़। दपान ऋष्यपीरस गऺयि मऻज्य मऺरिथ यॆलि यि पानॖ ल्वकुट ओस याने दपान सतॖ वुहुर शुर। ॳम्यसॖन्द्य मऻल्य कॊर दॊयिम खान्दर तस कोरि सॗत्य यससॖन्ज़ वऻन्स ॴस गॊबिन्द कौलॖ न्यस्बतॖ स्य़ठाह कम। ऋष्यपीर ओस ल्वकटुय यॆलि अमिस आत्मज्ञान ज़ानॖनॖच यछ़ा बडेयि। साधना क्याह गऺयि, किथॖपऻठ्य छि यिवान करनॖ यि रहस्यमय ज्ञान हऻसिल करनॖ बापथ द्राव ऋष्यपीर पनुन ग्वर छ़ान्डनि। ग्वर याने पनुन शिक्षक, पनुन व्वसताद, पनुन वतॖहावुक छ़ान्डनि द्राव युस ॳम्यसॖन्दिस अद्यात्मकिस ज्ञानस वुसत दिनस मंज़ मद्दतगार सऻबित ह्यॆकि सपदिथ। छ़ान्डान छ़ान्डान वोत ऋष्यपीर ॳकिस ग्वरस निश यस नाव ओसमुत ओस पंडित कृष्ण कार। सु दपान बन्यऻव ॳम्यसुन्द असली वतॖहावुक। सु दपान ओस तमोक च्यवान रोज़ान चिल्मि सॗत्य न कि जऺजीरि सॗत्य। तंम्य दपान च्यावनोव ऋष्यपीर ति तम्यऻक्य चिलिम। मानॖनॖ छु यिवान ज़ि तमि तमऻक्य दामॖ सॗत्य खुलेयि ऋष्यपीरॖन्य नज़र तॖ ॳमिस आयि नज़र त्रिकालदृष्टि तॖ ॳमिस बास्यव पनॖनिस पानस मंज़ आत्मॖज्ञान तॖ अख नॊव बदलाव। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

17.12.2020

17.12.2020 मॊंजॖहोर (मार्ग/ मगर) ज़ूनॖ पछॖ (शुक्ल पक्ष) त्रय (देवादेव) (तृतीय) (देवादेव) ब्रसवार (वीरवार/बृहस्पतिवार/ गुरुवार), श्री सप्तर्षि सम्वत 5096, राश मकर (चलान) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक- 153)

ख्यथ गऺन्डिथ शमि ना मानस (दूर)

ब्रांथ यिमव त्रऻव तिमय गय खऺसिथ

शास्त्र बूज़िथ छुह यमॖ भयॖ क्रूर

सु ना पॊच़ तॖ दन्या लऺसित

             अर्थात

वाख का अर्थ केवल ख़ाने से (फलाहार, कभी शाकाहार, केवल दूध पीना या व्रत रखकर एक समय खाना आदि) तथा पहनने (जैसे गेरवा वस्त्र, सादा या बहुमूल्य या रेशमी आदि पहनावा)से मनको शांत एवं नियंत्रण में नहीं किया जा सकता है। अपितु जिन्होंने सारी भ्रांतियां अर्थात संदेह एवं दुविधाएं त्याग दीं वे परमपद को पा गए। शास्त्र सुनने से काल भय अत्यन्त क्रूर है और वह किसी को क्षमा नहीं करता किंतु वह गुणयुक्त तथा पवित्र भी है। 

भावार्थ:- विभिन्न प्रकार के पहनावे तथा आहार से मन नियंत्रण में नहीं आता क्योंकि इच्छा से ही मन वासनाओं में फंसाकर यमराज के दण्ड का भागीदार हो जाता है। अपितु मनुष्य पूर्ण समर्पण से ही ऊंचाई प्राप्त करता है। काल यद्यपि क्रूर  तो है किंतु समर्पित मनुष्य को काल की परिधि से छुटकारा देता है। काल का अर्थ समय है और परमात्मा के सामने आत्मसमर्पित मनुष्य अपने आपको भूलकर अर्थात देहाभिमान से मुक्त होकर समय की परिधि से बाहर आता है। और स्वंय ही कालभय से मुक्त होता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             ********

1. रऻछ (Security/Protection/Safety)

2. रऻछदर (Watchman/Security person/Protector)

3. रऻछ रोज़ुन (To watch and ward)

4. राज (Government/Kingdom/Administration)

5. राज करुन (To govern/To reign /To rule)

               मुहावरॖ

1. मु: खल तॖ ख्वदा

    अ: यॆलि नॖ कॆंह नॊन आसि

2. मु: खमिहे गुर तॖ खमान छु 

          गुनॖ

    अ: यस नॖ पज़ि सु म्यंगॖ हावान

3. मु: खऺन्ड्य फुट हिसाब

    अ: सु कारॖ बार यथ पूरॖ हिसाब

          थावनॖ आसि नॖ आमुत

        (पनॖन्य शुर्य ह्यॆछॖनऻव्यूख)

**************************

पंचान्ग:- माल्युन यिथ कॊर माधव धर सऻबन स्यठाह लाड प्यार रॊपॖ भवानि। तऺम्य ओस बूज़मुत रॊपॖ भवऻनि सॗत्य किथॖ पऻठ्य ओस यिवान दुर्व्यवहार करनॖ तॖमिसॖन्ज़ि हशि हॖन्द्यि दऺस्य। तम्य हऻर नॖ ह्यमथ बऺल्कि कॊरुन स्वागत रॊपॖ भवानि वऻरिव त्रऻविथ तॖ हशि हुन्द ज़ुलॖमॖ निशि छुटकारॖ प्रऻविथ वापस माल्युन गर यिनस प्यठ। मगर रॊपॖ भवऻनि आव नॖ बॆहनस व्यस्तार मालिन्य गरस मंज़ ज़्यादॖ कालस। हालांकि माधव जियन दिच़ वुसथ रॊपॖ भवऻनि हॖन्दिस ज्ञान तीज़स मगर दपान तमि ज़ोन मुनऻसिब पनॖन्य साधना कुनि तन्हऻयी जायि मंज़ करनस। यि व्यच़ार मनस मंज़ थऺविथ दपान रॊपॖ भवानि त्रोव यि माल्युन गरॖ तॖ स्व वऻच़ वुसुन, मनिगाम, वासॖकूर,तॖ चेशमॖ साहिब। तॊत वऻतिथ बनोव रॊपॖ भवऻनि हॖन्दि रोज़नॖ बापथ तऺम्यसॖन्द्यव भख्तव अख आश्रम ति। सऻरी ज़ऻच़ हॖन्द्य लूख याने हॆन्द्य, मुसलमान ॴस्य ऱवफ द्यदि निश यिवान रोज़ान तॖ बोज़ान ॳम्यसॖन्द्य वाख ता प्रवचन। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

*********"****************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

16.12.2020

16.12.2020 मॊंजॖहोर (मार्ग/ मगर) ज़ूनॖ पछॖ (शुक्ल पक्ष) द्वय (देवादेव) (द्विती) (देवादेव) ब्वदवार (बुद्धवार) श्री सप्तर्षि सम्वत 5096, राश मकर (रऻच़ हॖन्ज़ॖ 1.47 बजि प्यठॖ) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

       (पराग पुस्तक-152)

ख्यनॖ ख्यन करन कुन नो वातख

न ख्यनॖ गछ़ख अहंकऻरी

सॊमुय ख्यॆ मालि सॊमुय रोज़ख

स्वमिय ख्यनॖ मुच़रनय बरन्यन तऻरी

           अर्थात

केवल खाते ही रहने से सफलता नहीं मिलेगी और कुछ भी न खाने से तेरा अहंकार बढेगा। इसलिए सम (न कम न ज़्यादा) ही खाने से तू सम ही रहेगा जिससे तेरे लिए वास्तविकता के दरवाज़े खुलेंगे। 

सारांश यह कि हर कार्य समभाव से ही सम्पन्न करना चाहिए।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

           *********

1. रातॖ म्वगुल (Owl)

2. रऻतिब (Ration/Eating allowance/D.A.)

3. रऻठ्य (Hooligan/Rough/Mean fellow)

4. रऻठ (Creepers)

5. रऻठ वान्गुन/टमाटर (Tomato)

                  मुहावरॖ

1. मु: खऺरिस हय पकिहे पनॖनि

         वॊडि कासिहे खऺर

    अ: यस नॖ पानस खऻर करुन

          तगि तस वनान

2. मु: खसॖवुनिस ज़ेरिहेन 

         वसॖवुनिस दकॖहऻन

    अ: बऺडिस मॊहन्यविस पतॖ पतॖ

          पकुन तॖ ल्वकटिस दक्कॖ

          द्युन

3. मु: खऺस्य पोव वऺस्य पोव

    अ: ग़फलतस अंदर गऻमॖच़

         ग़ल्ती, या, हिशर न आसुन

        (पनॖन्य शुर्य ह्यॆछॖनऻव्यूख)

**************************

पंचान्ग:- माधव धर सऻबस तॖ तऺम्यसॖन्ज़ि आश्यनि आसॖ ब्वकॖ फ्वलान पनॖनि कोरि हॖन्ज़ॖ शुर्य बाशि वुछ्य वुछ्य। ॳम्यसॖन्ज़न तिमन शुर्य बाश्यन मंज़ ॴस साफ पऻठ्य नज़र यिवान अध्यात्मॖकॖच रेह तॖ सादगी हुन्द तीज़। मोल मऻज्य ओस यछ़ान ज़ि रूपा गऺछ़ नॖ पनॖनि अमि स्वभावॖ निशि दूर गछ़ॖन्य बऺल्कि रूद्य तिम ह्यमथ दिवान ॳमिस कोरि धर्मॖचि कामि करनस मंज़, ईश्वर आस्थायि मंज़ पनुन मन लागनस मंज़ तॖ यिथ पऻठ्य गऺयि रूपा बडान मॏलिस माजि हॖन्ज़ि निगरऻनी मंज़। रूपा छि दपान आमॖच़ ज़न्मस सन्नॖ 1625 ईस्वी मंज़ तॖ यि ओसमुत छु सु वख यॆलि कऺशीरि मंज़ पठान राज ओस चलान तॖ तिमन पठानन हॖन्ज़ बद-नज़र ॴसमॖच़ छि बटॖ कॊर्यन प्यठ ति क्याज़ि तिम आसॖ स्वन्दर दपान आसान। यिम पठान दपान ॴस्य कऻशिर्य पंड्यतन सॗत्य बुरॖ व्यवहार करान तॖ बटॖ कोर्यन ज़बर्दस्ती अगवा करान रोज़ान। अख प्रथा दपान ॴस बन्यॆमॖच़ ज़ि मोल मऻज्य ओस पनॖन्यन कोर्यन ल्वकचि वऻन्सि मंज़ॖय तिमन खान्दर करान ताकि त्युहुन्द अस्मत रोज़ि महफूज़। ॳथ्य खयालस मंज़ दपान माधव जियन कॊर रूपस खान्दर सतॖ वऺर्षी वऻन्सि मंज़ सपरु खान्दानकिस ॳकिस लऺडकस सॗत्य। मगर कॖस्मतुक तमाशा गव युथ ज़ि रूपा जियिन्य हशॖ माजि ओस नॖ ख्वश यिवान पनॖनि न्वशि हुन्द तोर तऺरीकॖ याने ॳम्यसुन्द अध्यात्मिकायि मंज़ लीन गछ़ुन, ॳम्यसॖन्ज़ साधना, ॳम्यसुन्द दया धर्म तॖ ह्यॆच़ॖन यि न्वश सख तंग करॖन्य। रूप भवऻनी सॗत्य दपान आव त्युथुय बुरॖ व्यवहार करनॖ युथ लल द्यॆदि ॴस पनॖन्य हश करान रोज़ान। दपान रूप भवऻनी दरेयि नॖ ज़्यादॖ कालस वऻरिव गरस मंज़ तॖ आयि च़ऺलिथ पनुन माल्युन तॖ बीठ मऻल्य सॖन्दिस संरक्षनस मंज़। ॳम्यसुन्द माल्युन दपान ओसमुत ओस दऺर्यायि झेलमकिस बऺठिस प्यठ खानकाहि सोख्ता याने सफाकऺदलस नखय। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com) ति वुछिव

15.12.2020

15.12.2020 मॊंजॖहोर (मार्ग/ मगर) ज़ूनॖ पछॖ (शुक्ल पक्ष)ऒक्दॊह (प्रथमा) बॊम्वार (मंगलवार) श्री सप्तर्षि सम्वत 5096, राश धनु (चलान) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा ‌क्षमा शिवा धात्री स्वहा स्वधा नमोस्तुते

**********************"***

               लल वाक्

         (पराग पुस्तक- 151)

कॆंहनस प्यठॖय क्या छुय नच़ुन

म्वच़िय कॆंह नॖ तॖ नच़ुन त्राव

पॊत फीरिथ छुय तॊतुय अच़ुन

यिहोय  वच़ुन च़्यतस थाव

            अर्थात

इस असार संसार में क्यों अटखेलियां करता है। यहां कुछ प्राप्त नहीं होता है और न ही कुछ शेष रह जाता है। यह अटखेलियां करनी छोड दें और मेरे इस तथ्य को स्मरण रखो कि अपने अंतर में ही जाना फलदायक है। शेष सारा व्यवहार अस्थायी है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             ********

1. रातस प्यठ (For the night)

2. राथ द्वह (Day and night)

3. राथक्युत (In the night/Night time/Very late)

4. राथ लगॖन्य (Have to spend a night)

5. रातॖ क्रॗल (Bat/s)

                 मुहावरॖ

1. मु: खित खित ग्वच़ॖर

    अ: स्व ज़नानॖ य्यॊस असुन तॖ

         असुन त्रावि, या, ज़्यादॖ

         असन वाज्यन

2. मु: खऺरिये पॊठये पऺतिम मॊठये

    अ: यॆलि कॖस्मत यावरी करान 

         छु प्रऻन्य बद्दी छि मशान

3. मु: खऺरिस राज डायन गर्यन

    अ:  नाकारॖ इन्सान सुन्द असर

         रॊसूख छु नॖ ज़्यादॖ कालस

         रोज़ान

        (पनॖन्य शुर्य ह्यॆछॖनऻव्यूख)

**************************

पंचान्ग :- ऋश्य वारि मंज़ॖ वुछव अज़ ॳकिस साधवी हॖन्ज़ जीवनी। ॳमिस छु नाव ओसमुत रूप भ‌वऻनी। दपान अख शख़स यस नाव ओस पंडित माधव धर, ओसमुत ओस माजि शारिकाय हुन्द ज़बर्दस्त व्वपासक। ॳम्यसॖय ओस कोरि हुन्द अमार। यि दपान ओस न्यथ हारी पर्वत गछ़ान तॖ तॊत वऻतिथ माजि हॖन्द्यन पादि कमलन तल बिहिथ माजि कूर आसनॖच यछ़ा बावान रोज़ान। दपान माधव जियिन मुराद गऺयि मनज़ूर माजि हॖन्दिस दरबारस मंज़ तॖ मऻज्य शारिका गऺयि प्रकट ॳकिस ल्वकचि कोरि हॖन्दिस रूपस मंज़ तॖ प्रुछ़ुन माधव जियस तऺम्यसॖन्ज़ यछ़ा। दपान माधव जी गव स्यठाह भावुक तॖ दॊपनस च़ॖ यितॖ म्यऻनिस गरस मंज़ म्यऻन्य कूर बऺनिथ। तथास्तु वऺनिथ दपान यि ल्वकॖट कूर गऺयि अदृश्य। अमि पतॖ कॆंच़ॖ कऻल्य दपान आयि माधव धर सॖन्दिस गरस मंज़ अख कूर ज़न्मस। ॳमिस कोरि दपान ॴस्य ज़्यनॖ पानॖ प्यठय कॆंह व्यॊख्तुय लक्ष्ण यिम अध्यात्मिकायि कुन ॴस्य इशारॖ करान। ॳमिस कोरि आव नाव दिनॖ रूपा। यॊदवय यि नाव छु ओसमुत अख आम नाव कऻशिर बटॖ ज़ऻच़ मंज़ ति क्याज़ि मानॖनॖ ओस यिवान ज़ि यॆलि तॆलि कुनि गरस मंज़ कूर यीहे ज़न्मस दपान ॴस्य लक्ष्मी हॖन्दिस रूपस मंज़ आयि ज़न्मस याने रूप नाव ओस यिवान मानॖनॖ हमेशि दीवी हुन्द रूप। कांह ति दीवी, लक्ष्मी, सरस्वती, दुर्गा, रऻज्ञन्या वगैरा वगैरा। ती मध्यनज़र थऺविथ आव ॳमिस कोरिहेनि हुन्द नाव ति थावनॖ रूपा। चूंकि पंडित माधव जी ओसमुत ओस माजि शारिकाय हुन्द भखॖत्य तऺम्य हऻव वथ पनॖनि कोरि ति माताय हॖन्ज़न रहस्यमय लीलायन कुन, योग शक्ति कुन, अध्यात्मिक ज्ञानस कुन शारिकायि हॖन्द्यन व्वपदेशन कुन। अमि अलावॖ ओस माधव जी ललेश्वरी हुन्द ति भखॖत तॖ पननि कोरि दिच़ॖन ज़ान पहचान लल वाकन हॖन्ज़ ति। रूप भवऻनी दपान आयि सम्पर्कस मंज़ कॆंच़न थदि पायक्यन संतन मंज़, मसलन शाह क़लंदर ह्यु तॖ सय्यद कमाल ह्यु। मऻली ॴस रूप भवऻनी संत शाह क़लंदरस सॗत्य रू ब रू कऺरनऻवमॖच़ तॖ सय्यद कमाल ओस दपान यिमन हमसायय रोज़ान तवॖ म्यखॖ आयि तऺम्यसॖन्दिस सम्पर्कस मंज़। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

14.12.2020

14.12.2020 मॊंजॖहोर (मार्ग/ मगर) गटॖ पछॖ (कृष्ण पक्ष) मावस (अमावस्या) च़ऺन्दॖरवार (सोमवार) श्री सप्तर्षि सम्वत 5096, राश धनु (रऻच़ हॖन्ज़ॖ 11.25 बजि प्यठॖ) ऋतु हेमन्त (चलान)...अज़ छि सुमरी मावस (सोम अमावस्या) ति 

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

        (पराग पुस्तक-150)

कुस मरि तॖ कसू मारन

मरि कुस तॖ मारन कस

युस हरॖहरॖ त्रऻविथ गरॖगरॖ करे

अदॖ सुय मरि तॖ मारन तस

           अर्थात

संसार में आकर मरना तो सब ने है। मरने का भय प्रभु भक्ति से ही दूर हो सकता है, अर्थात प्रभु भक्त मरने वालों में से नहीं होते हैं। वे आवागमन में नहीं फसते। वे तो सदा आत्मा में ही स्थित रहते हैं। प्रभु नाम स्मरण न करने वाले ही मृत्यु को प्राप्त होते हैं। अर्थात जो भगवान का नामसमृण त्याग कर केवल घर के कार्यो में लिप्त रहते हैं वे ही मृत्यु को प्राप्त होते हैं।

भाव यह है कि घर में रहकर भी जो हर भगवान को भजता है वह भी मृत्य को प्राप्त नहीं होता है। अर्थात वे मृत्य से नहीं डरतै हैं।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             ********

1. राब (Molasses/Golden syrup (used in tobacco)

2. राबॖर (Muddy/Liquid moisture)

3. राथ (Night/Yesterday)

4. रऻत्य रातस (For the whole night)

5. राथ प्यॆठ प्यॆन्य (Have a long and wearisome night)

              मुहावरॖ

1. मु: खास्यन गव नॖ माछ लऻरिथ

    अ: वुनि छॆ नॖ जल्दी, या, 

         तम्बलुन नॖ

2. मु: खागर्य प्वलाव

    अ: सब्ज़ बाग़

3. म: खऻस्य ठिलॖ

    अ: लऺठ्यकिंजि गिन्दनॖ विज़ि

         यॆलि हारन वऻलिस ज़ेनन

         वऻलिस सवऻर्य दिन्य छि

         प्यवान

       (शुर्य पनॖन्य ह्यॆछनऻव्यूख)

**************************

पंचान्ग :- शिवाला मंदरकिस अहातस मंज़ ओस यि ड्रामा हाल अकि तरफॖ तॖ दॊयिमि तरफॖ ओस ॳकिस कमरस मंज़ अख उर्दू अख़बारुक न्यॆरान यथ नाव ओस आसान "ज्योती" तॖ ब्यॆयिस ॳकिस कमरस मंज़ ओस समाज सुधार समति हुन्द दफ़तर। ब्यॆयि अख ज़ॖ कमरॖ ॴस्य यिमन मंज़ कॆंह स्टाफॖक्य नफ़र रोज़ान ॴस्य। यॊताम म्यॆ ज़्वन छु, श्रीनगरॖ प्यठॖ ओस नॖ कांह हिन्दी अखबार न्यॆरान बऺलकि यीत्य ति अख़बार नज़रि तल यिवान ॴस्य, तिमन मंज़ ओस रोज़ानॖ अख़बार आसान मार्तंड, खऺदमत तॖ हमदर्द तॖ हफ्तवऻर्य अख़बार ओस आसान ज्योती तॖ शायद शीतलनाथनि प्यठॖ ओस आसान नवजीवन। बाक़ी अख़बार ॴस्य वातान न्यॆबरॖ प्यठय। समाज सुधार समति हुन्द प्रेज़िडैन्ट ओस पंडित गोपी कृष्ण जी। चूंकि बॖ ओसुस वऻन्सि ल्वकटुय, म्यॆ ॴस्य ड्रामहॖच कल रोज़ान मगर यि समाज सुधार समति हुन्द माने ओसुम कमॖय पाहन फिकरी तरान। मगर अख चीज़ ओस साफ वुछनस तल यिवान ज़ि अथ शिवाला मंदरस मंज़ आसॖ कॆंह ज़नानॖ सिलऻय ह्यॆछान, कढऻय ह्यॆछान। म्यॆ ओस तमि वख्तॖ यूतुय   तरान फिकिरी ज़ि सानि समाजुक सुधार छु ओतॖतॗय ताम महदूद। अमि अलावॖ ओस मेलान अमि दफतरॖ प्यठॖ बॆज कुनि बऺडिस दॊहस प्यठ ख़ास कर ज़्यॆठॖ ॴठम द्वह। तमि द्वह ॴस्य ॳस्य तुलॖमुलि वालनटेर यानि कार्यकर्ता बऺनिथ तति यात्रीयन हॖन्ज़ सीवा करान रोज़ान।  दान-पात्रस निश खडा रूज़िथ लूकन आग्रह करान दान पात्रस कॆंह त्रावनॖ बापथ। असि ॴस्य वनान ज़ि यिम छि समाज सुधार समति तरफॖ सेवादार ति क्याज़ि ॳस्य ॴस्य आसान बेज लगऻविथ। समाज सुधार समति हुन्द दायत्व क्याह छु, यि तॊर म्यॆ  वारियाहि कऻल्य फिकिरी यॆलि दहेज प्रथाय प्यठ सवाल वऺथ्य, बरऻच़ मंज़ बरऻत्य कऻत्याह गछ़न आसॖन्य, ग़रीब कोरियन किथॖ पऻठ्य ह्यकव आर्थिक सहायता वातनऻविथ, गरीब शुर्यन किथॖ पऻठ्य ह्यकव तऻलीम दिथ वगैरा वगैरा। वनॖनुक मतलब छु म्यॆ ज़ि सऻनिस समाजस मंज़ आसॖ कॆंह कमियि तमि सातन ति याने अज़ शेठ सतथ वऺरी ब्रोंठ ति। तिमन खऻमियन दूर करनॖ म्वखॖ ओस म्यॆ बासान समाज सुधार समति हॖन्ज नींव आमॖच़ थवनॖ। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

13.12.2020

13.12.2020 मॊंजॖहोर (मार्ग/ मगर) गटॖ पछॖ (कृष्ण पक्ष) च़्वदह (चतुर्दशी) आथवार (रविवार/ ऐतवार), श्री सप्तर्षि सम्वत 5096, राश वृश्चिक (चलान) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

         (पराग पुस्तकॖ- 149)

कऻली सथ क्वलॖ गछ़न पातऻली

अकऻल्य ज़लॖ मलॖ वर्शन प्यन

मामस टऻक्य तय मस की प्याली

ब्रह्मण तॖ च़्रऻली यिकॖवटॖ ख्यन

              अर्थात

भविष्यवाणी करते हुए ललेश्वरी कहती है कि एक समय ऐसा आएगा कि सातों उपहार पाताल लोक में चले जाएंगे। असमय मैली वर्षा होगी जिस से कोई लाभ नहीं होगा अत: हानी होगी। ब्रह्मण तथा चंडाल मिल बैठकर मांस तथा मंदिरा का सेवन करेंगे। मां अपनी बेटी की दलाली करेगी और मानव जन्म अर्थात मानवता का सर्वत्र ह्रास होगा। अर्थात सारे मनुष्यों में चरित्र का पतन होगा।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *******

1. ज़लथ (Misery/Dishonour/Disgrace/Insult)

2. ज़लथ तुलॖन्य (Suffer Disgrace)

3. ज़लील करुन (To Disgrace/Dishonour)

4. ज़लील गछ़ुन (Be disgraced/Be dishonoured)

5. ज़िमॖ (Responsibility/Burden/Obligation)

               मुहावरॖ

1. मु: काकॖ साल तॖ च़्यॆ क्याह

         काकॖ बेगार तॖ म्यॆ क्याह

    अ: यॆलि कांह ख्यनॖ विज़ि 

         ब्रोंठ तॖ कामि विज़ि पथ

         रोज़ि

2. मु: काल छु नॖ कड़ान प्रॖछ़्य

          प्रॖछ़्य प्राण

    अ: मोत छु पनॖनि वखतॖ पानय

          यिवान

3. मु: कालि दास तालि च़्यल

    अ: गाटॖलिस छि मुसीबथ

          तुलॖन्य प्यवान

        (पनॖन्य शुर्य ह्यॆछॖनऻव्यूख)

**************************

पंचान्ग:- न छु योर गछ़नस वार न छु होर गछ़नस वार। असि रूज़ कलस प्यठ दॊहय तलवार। बोज़न वोल छु नॖ कांह सऻन्य विलॖज़ार। ॳस्य ति छि बन्यॆमॖत्य डींठ्य। केंह चीज़ त्रावनस ति छु नॖ यिवान वार। द्यवॖ भगवानस यी पानय कुनि न तॖ कुनि द्वह सोन आर तॖ असि ति रोज़ि यछ़ पछ़ थावनस व्यस्तार तॖ लगि भवॖसरस तार। ब्यॆयि सॊय कथ ब्यॆयि सॊय समस्या। म्योन ॳज़्युक इशारॖ छु द्वन जंत्रीयन कुन। ओंकार नाथनि जंत्री मंज़ छु हऻविथ मॊंजॖहोरॖ गटॖ पछॖ त्रुवाह, च़्वदह तॖ मावस देवादेव मगर पुनीत जीनि जंत्री मंज़ छु हऻविथ यिम त्र्यनवय द्वह पूर। कऺमिस प्यठ करव पछ़ समॖज छु नॖ यिवान। म्यॆ निश छि ओंकार नाथ जीयिन्य जंत्री तॖ तमि मूजूब ओस म्यॆ राथ ल्यूखमुत त्रुवाह देवादेव मगर म्यॆ आव प्यठय फ़ोन माहरा अज़ छि त्रुवाह पूर त्वहि छुवॖ ल्यूखमुत देवादेव। ठीख क्याह छु। प्रॖछ़गऻर कऺरिथ नन्यव ज़ि तऺमिस बऻयिस निश छि ॴसमॖच़ पुनीत जीयिन्य जंत्री यथ मंज़ यिम त्रॆ द्वह छि हावनॖ आमॖत्य पूर। बॖ सन्योस ओंकार नाथ जीनि जंत्री हना ज़्यादय पाहन सु ति यीच़ म्यॆ ज़ऻन्यकऻरी पानस छि तॖ वुछुम ज़ि शायद छु ओंकार नाथ जी ग़लत यिमन त्र्यन दॊहन देवादेव ल्येखनस मंज़ ति क्याज़ि तऺथ्य जंत्री मंज़ छु तलॖकनि लीखिथ ज़ि श्राद्ध यिन  त्रुवॖश्य प्यठॖ मावसि ताम अपने दिन याने पनॖनि द्वहय यॆमुक दॊयिम मतलब न्यॆरान छु ज़ि यिम त्रॆ द्वह छि पूर न कि देवादेव। मगर हॆरि कनि पंचान्गस मंज़ छुन होवमुत ॳम्य देवादेव। यिहऻय कारण छु ज़ि ॳज़्यकिस पंचान्गस मंज़ छॆ नॖ म्यॆ हऻवमॖच़ च़्वदह देवादेव। तॊह्य ति गऺछ़्यज़्यव नॖ दु-च़्यॆतिस मंज़। म्यऻन्य ज़ऻती राय छि ज़ि नवि वऺरी  बापथ चलावव ॳस्य पुनीत जीयिन्य जंत्री तॖ ओंकारनाथ जीनि जंत्री दिमव ऱवखसथ कॆंच़स कालस। बॖ करॖ ती तॖ तुहॖन्ज़ छम नॖ पताह। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

12.12.2020

12.12.2020 मॊंजॖहोर (मार्ग/ मगर) गटॖ पछॖ (कृष्ण पक्ष) त्रुवाह (देवादेव) (त्रयोदशी) (देवादेव) बटॖवार (शनिवार/शनिश्चरवार) श्री सप्तर्षि सम्वत 5096, राश वृश्चिक (रऻच़ हॖन्ज़ॖ 10.40 बजि प्यठॖ) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ।  वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

       (पराग पुस्तकॖ - 148)

कायस बल छुय मायस ज़ागुन

प्राणस बल छुय शब्दॖ सॊरूफ

आयस बल छुय तत्वॖ व्यद्ध ज़ानुन

ज्ञानस बल छुय आदि अंत तान्य

               अर्थात

काया का बल तरलता है। प्राणों का बल शब्द स्वरूप है। आयु का बल तत्व विज्ञान को जानने से है। यह सभी बल अस्थाई हैं परन्तु ज्ञान का बल स्थाई है।

भावार्थ :- तरलता से काया को बल मिलता है। शरीर में तरलता कम हुई तो काया निर्बल हो जाती है। वायु द्वारा ही शब़्द उत्पन्न 

हौकर सुना जा सकता है।  तत्वों के ज्ञान से आयु को बल मिलता है। शरीर में तरलता, शब्द, तत्व यह क्षीण हो जाते हैं किन्तु ज्ञान का बल आदि से अंत तक रहता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             ********

1. ज़रद (Yellow)

2. ज़ऺरियि पऻदॖ करॖन्य (Find means/Have recourse/Intervention)

3. ज़ुरियाथ (Living being)

4. ज़िकिर (Mention/Remembrance/Reference)

5. ज़िकिर व्वथॖन्य (To be mentioned)

              मुहावरॖ

1. मु: कारि ख्वदा ज़ानि ख्वदा

    अ: क्वदर्यतक्यन सिरन छु नॖ

         सनॖनुक ज़रूरथ

2. मु: कारि नजार बदस्ति 

          गिलकार

    अ: यस नॖ यम्युक तजरुबॖ 

         आसि तस ती प्यतॖरुन

3. मु: काकुन हापुथ

    अ: यॆलि कांह कऻम अगादि 

         गछ़ि तॖ म्वकजार मेलनॖ

      (पनॖन्य शुर्य ह्यॆछॖनऻव्यूख)

**************************

प़चान्ग:- रातकिस सबक़स मंज़ यिमन कलाकारन हुन्द्य नाव ह्यॆत्य म्यॆ पनॖनि यादाश्तॖ मुतऻबिक तिमन मंज़ ओस रूदमुत पंडित सूमनाथ सुम्बली जियुन नाव ह्यनय। हालांकि बॖ ओसुस ॳकिस द्वन ड्रामाहन मंज़ सुमनाथ जियुन आश्यन्य बन्यॊमुत। ॳम्यसुन्दुय नाव गयो वख्तॖ विज़ि मऺशिथ। ओम् प्रकाश थर ति ओस यिमन कलाकारन मंज़ अखा। म्यॆ छु याद यिवान सु वख तॖ मथ छु गछ़ान ज़ि यि ल्वकचार गॊछ़ ब्यॆयि अकि फिरि फीरिथ युन। छु्ट्टी द्वह या आथवारि द्वह या यैलि ति ड्रामा ओस आसान करुन तिमन दॊहन ॴस्य दोहस आसान शिवाला मंदरॖकिस अहातस मंज़ रंग मंचॖच कऻम करान रोज़ान। सूरज जी, मास्टर कऻशी नाथ जी तॖ ओम् प्रकाश धर जी ॴस दिवान रोज़ान यिमन गत्तॖपट्यन शकॖल कुल्यन हॖन्ज़, पहाड़न हॖन्ज़, शीनॖ पहाडॖ, ज़न्ड याने झाडी, कुटिया, आसन, वगैरा वगैरा।यिमन ॴस्य वनान विंगॖ। खास पोशाक याने कास्ट्यूम ॴस्य शेरान सम्बालान। द्वह ओस न्यॆरान असान गिन्दान। ॳड्य कलाकार ॴस्य रिहर्सल करान, अख नफ़र ओस आसान प्रोम्प्ट करान याने डायलाग परान रोज़ान तॖ कलाकार ओस तमी आयि याद करान रोज़ान। ड्रामा हालॖक्यन लबन प्यठ ॴस सूरज जियन स्टैनसलिंग कऺरमॖच़ तॖ तिमन लबन प्यठ आसॖ मूर्तियन हॖन्द्य आकार नज़र यिवान। कुनि कुनि सातन ॴस्य ॳस्य सऻरी कलाकार ड्रामा खतम गछ़ॖनॖ पतॖ डूंगस मंज़ डल सऻरस ति गछ़ान।  ड्रामा ओस यिवान हावनॖ त्र्यन त्र्यन च़्वन च़्वन दॊहन लगातार। दपान स्वथि प्यठ शीतल नाथॖनि ति ओस यिवान ड्रामा करनॖ। ब्रारू सऻब, नऻदिम सऻब, सऻयल सऻब साकी सऻब दपान तिम ॴस्य शीतल नाथय ड्रामा करान रोज़ान। मगर म्यानि शिवाला गछ़नॖ ब्रोंठ मा आसिहे आसान, बॖ ह्यकॖ नॖ अथ प्यठ कांह ज़िकिर कऺरिथ। ड्रामाहान आव थख दिनॖ शिवाला मंदर किस अथ ड्रामा हालस मंज़ ति क्याज़ि यिम सऻरी कलाकार लऺग्य ब्यॊन ब्यॊन कारस याने ॳड्य गऺयि टी वीहस मंज़ तॖ ॳड्य वऻत्य स्वांग एण्ड ड्रामा डिवॖजनस मंज़। ॳड्य ॴस्य ग्वडय नोकरी करान तॖ तिमन ति बडेयि पनॖनि ज़िम्मॖवऻरी। प्रऻन्य ह्यॆतिन्य प्रानॖन्य तॖ नऺव्य कलाकार ह्यॆतिन्य यिन्य बारसस ब्यॊन ब्यॊन जायन। प्रान्यव मंज़ॖ रूद्य कॆंह नव्यन सॗत्य सॗत्य क़दम ताल बराबर थऻविथ तॖ रूद्य ड्रामाहन नॊव आयाम दिवान वख्तस सॗत्य सॗत्य। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

11.12.2020

11.12.2020 मॊंजॖहोर (मार्ग/ मगर) गटॖ पछॖ (कृष्ण पक्ष) काह(देवादेव) (एकादशी)(देवादेव) शॊकुरवार (शुक्रवार/ जुम्मा),श्री सप्तर्षि सम्वत 5096, राश तुला (चलान) ऋतु हेमन्त (चलान)...चूंकि पगाह छि बाह रावान बऻश्य हुन्द वॊहरवोद यी ॳज़्य याने कऻश्य द्वह

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

       (पराग पुस्तक- 147)

कलन कालॖ ज़ॊल्य यॊदवय च़ॖय गॊल

व्यंदिव गेह वा व्यंदिव वनवास

ज़ऻनिथ सर्व गथ प्रभू अमॊल

युथुय ज़ान्यख त्युथुय आस

             अर्थात

काल के फंदे अथवा दराड से तभी छूटेगा जब तुझ में "मैं" अर्थात "द्वैत भाव " मिटेगा। फिर वनवास या घर में रहने में कोई अंतर नहीं है। यह जानकर कि जो भी (गतिविध) संसार में हो रही हैं उसी प्रभू की ही निर्मल गतिविधि है। ऐसा ज्योंही जानेगा तो तू भी वही हो जाएगा अर्थात अपनी वास्तविकता को प्राप्त होगा।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

           **********

1. ज़ख़म (Wound/Injury/Sore/Damage)

2. ज़ऺखीरॖ (Stock/Store/Treasure)

3. ज़रा ( A little/Little while)

4. ज़राय (Means/Sources/Medium/Influence)

5. ज़रानवऻज़ी (Kindness)

                 मुहावरॖ

1. मु: क़ऺबिलॖ छुम पनुन च़्यॆ क्याह

         ओर सनुन

    अ: पनॖनिस मामलस मंज़ नॖ

         ब्यॆयिसॖन्ज़ मुदाख़लत पसंद

         यिन्य

2. मु: क़तरॖ क़तरॖ छु दऺर्याव समान

    अ: रछ़ रछ़ कऺर्यथॖय छि कऻम

         अंद वातान

3. मु: कर्ज़न छु च्योमुत आबि 

         हयात

    अ: कर्ज़ छु नॖ वख्तस प्यठ 

          नखॖ वसान

       (शुर्य पनॖन्य ह्यॆछनऻव्यूख)

**************************

पंचान्ग:- तिमन दॊहन याने 1959-60 ईस्वी मंज़ यॊतान्य म्यॆ ज़्वन छु, रंगमंचस प्यठ आसॖ नॖ कऺशीरि मंज़ बटॖ कोरि एक्टिंग करान। मर्दन मंज़ॖय ॴस्य कॆंह गिने चुने नफ़र ज़नानि हुन्द किरदार निभावान। बाल कृष्ण कस्बॖ, कृष्ण जी लॊंगू तॖ बॖ ॴस्य च़ारनॖ आमॖत्य अमि कामि खऻतरॖ। यीत्य म्यॆ राथ नाव ह्यॆत्य पनॖनिस सबक़स मंज़, यिमन ॴस ड्रामाहस मंज़ अदाकऻरी करनॖच स्यठाह महऻरियत हऻसिल। तमि अलावॖ आसॖ यिमन मंचिचॖ छ़ॊम्बॖ ति तगान बॆहतरीन पऻठ्य। अख ड्रामा ओस चलान डॊडस द्वन गन्टन तॖ श्यन सतन कॖस्तन मंज़ याने श्यन सतन एक्टन मंज़। प्रथ कॖस्तॖ पतॖ ओस पर्दॖ यिवान तुलनॖ तॖ कॖस्तॖ म्वकलिथ ओस पर्दॖ यिवान त्रावनॖ। अकि कॖस्तॖ प्यठॖ ब्यॆयिस कॖस्तस ताम युस वकफॖ मेदान ओस तथ बकफस मंज़ ॴस अख या जॖ कलाकार मनोरंजन करान, मसखऺरी करान रोज़ान तॖ ड्रामा वुछन वाल्यन हुन्द मन ॴस्य बऺहलावान रोज़ान। ड्रामाहान मंज़ ओस मोज़ू  मूजूब सामानॖ यिवान ज़्यादॖतर अथॖ सॗत्य तयार करनॖ। मसलन जंगल अगर हावुन आसिहे आसान तॖ गऺन्य गऺन्य कुल्य, ज़न्ड पोश वगैरा ॴस्य यिवान बनावनॖ गतॖ पट्यव सॗत्य। पहाड़ ॴस्य यिवान बनावनॖ तॖ पहाड़न प्यठ शीन ताम ओस यिवान हावनॖ। यिमन काम्यन हॖन्ज़ महऻरियत ॴस श्री सूरज तिक्कू सऻबस निश ति क्याज़ि सु ओस ओसमुत चित्रकार, ड्राइंग मास्टर। यिथॖ पऻठ्य ॴस्य तिमन दॊहन ड्रामा यिवान करनॖ। खास पोशाक याने कास्ट्यूम ओस यिवान बनावनावनॖ यॆमिस युथ किरदार ओस आसान करुन, मेक-अप ति ओस तमीय अंदाज़ॖ कलाकारन यिवान करनॖ। यि फनकऻरी तॖ ज़ऻन्यकऻरी ति ॴस आसान ज़बर्दस्त। वारॖ वारॖ ह्यच़न पतॖ कॆंच़ॖकऻल्य कोरि ति फेरनि मंचस कुन ख़ास कऺरिथ तिमय यिम रेडियो कलाकार ति आसॖ। जयकिशोरी हन्डू, ब्रिजकिशोरी नखासी, कान्त्यानि गॊन्जू, भारती ज़ारु, आशा ज़ारु, कृष्णा वली, नबला बेगम वगैरा वगैरा बनेयि मंच कलाकार रेडियो कलाकऻरी अलाव। कऺशीरि मंज़ स्वान्ग एण्ड ड्रामा डिविजन खुलनॖ सॗत्य तॖ पतॖ 1970 ईस्वी मंज़ टी वी सैन्टर खुलनॖ सॗत्य लऺज्य लऻन कलाकारन तॖ अदाकारन हॖन्ज़। ड्रामाहन मंज़ ति गव वारॖ वारॖ बदलाव यिवान। पऻछ़ शे कॖस्तन हुन्द ड्रामा मॊच़्यव त्र्यॆन एक्टन ताम। स्यट डिज़ाईनस मंज़ ति आयि कति कोर तब्दीली। ड्रामाहूक सोच बदल्यव पूरॖ पऻठ्य। शयाम लाल धर "बहार", आर के ब्रारू, मोती लाल क्यॊमू ति छि रूद्यमॖत्य थदि पायिक ड्रामा निगार। हालांकि ग्वडॖ ग्वडॖ ॴस्य कऺशीरि मंज़ ड्रामाहस मंज़ कऻम करॖन्य यिवान बांडॖ पऻथॖर मानॖनॖ मगर पतॖ बन्यॆयि यिहऻय कऻम यज़तॖच कऻम। मुसलमान ॴस्य नॖ मंचस प्यठ अभिनय करान मगर पतॖ आयि नॖ तिम ति कुनि अथि। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

09.12.2020

09.12.2020 मॊंजॖहोर (मार्ग/ मगर) गटॖ पछॖ (कृष्ण पक्ष) नवम (देवादेव) (नवमी) (देवादेव) ब्वदवार (बुद्धवार) श्री सप्तर्षि सम्वत 5096, राश कन्या (चलान) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

       (पराग पुस्तक- 145)

ॳसी ॴस्य तय ॳसी आसव

असिय दोर कऺर्य पतयवथ

शिवस सोरि नॖ ज़यॊन तय मरुन

ऱवस सोरि नॖ अतॖ गत

          अर्थात

इस संसार में हम ही बहुत पहले से जीव के रूप में जन्म लेते और मरते आए हैं। नाम कमाने वाले कर्म करते रहे हैं। जिस प्रकार सूर्य का उदय अस्त तथा शिव का शरीर धारण करके पनु: त्याग करना निरन्तर है, और आगे भी रहेगा, इसी प्रकार जीव का जीना और मरना जारी रहेगा। कभी यही जीव राजा रहा है और कभी यही जीव दूसरे रूप में भिखारी बना। अर्थात हम ही एक चोला छोड कर दूसरा चोला धारण करते आए हैं

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             ********

1. ज़ऻच़ल (Belonging to a particular cast)

2. ज़ऻल (An area)

3. ज़ाथ पाथ (Caste system)

4. ज़ाल (Net/Web/To put on fire)

5. ज़ार (Gambling)

                 मुहावरॖ

1. मु: अर्शि ॳज़ीम ख्वतॖ छु 

         ख्वल्कि ॳज़ीम बॊड

    अ: रुत वर्ताव छु सारिवी 

          ख्वतॖ थॊद

2. मु: अमलन जज़ा तॖ नीत्यन

         मुराद

    अ: यस यिछ़ अमल तॖ नियथ 

       आसि तिथी फल अथॖ लगान

3. मु: ग़रज़मन्द छु फॊटॖमुत 

         ह्वॊछिमच़ि क्वलि

     अ: ग़रज़मन्द इन्सान छु सख़

          न्वक्सान तुलान

       (शुर्य पनॖन्य ह्यॆछनऻव्यूख)

**************************

पंचान्ग :- ग्रॆन्दि रॊस साध, संत छि आमॖत्य कऺशीरि मंज़ ज़न्मस तॖ आयि वुन्युखताम पनॖन्यन भक्तन कल्याण करान कुनि न तॖ कुनि रऺन्ग्य। असि ति गऺयि यछ़ तॖ पछ़ बडान यिमन मंज़ विज़ि विज़ि। महिला वर्गस मंज़ ति छि कॆंह संत थदि पायदानस ताम वाच़मच़ॖ सऻनिस समाजस मंज़ यिमन मंज़ ललद्यद, ऱवॊपॖ भवऻनी, मथुरा दीवी तॖ करुणामायी मां नाव छि स्यठाह मशहूर ति क्याज़ि यिम छि आसमच़ॖ ग्वणवती। करुणामायी मां यसुन्द असली नाव छु ओसमुत विमला तॖ ॴस ज़न्मस आमॖच़ सन्नॖ 1917 ईस्वी मंज़ किचलू परिवारस मंज़ इन्दोरॖ। दपान अम्यसॖन्दि नावॖ आव अख आश्रम बनावनॖ गुडगांवॖ ज़िलॖकिस सोहना अलाकस मंज़ सन्नॖ 1988 ईस्वी मंज़। बडि पायिच संत छि ॴसमॖच़ कऻशिर मगर कऺशीरि न्यबरॖय रूज़मॖच़ ज़्यादॖकालस। सोहना आश्रमस मंज़ ॴस यि संत रूज़िथ पनॖन्य शिष्यन सॗत्य। सन्नॖ 2000 ईस्वी मंज़ सपुद करुणामायि मां हुन्द दॆहान्त। ल्वक्चारॖ पानॖ प्यठय ओसमुत ओस अमिस अध्यात्मिकातायि कुन रुजान तॖ आयि पनॖन्य साधना करान तॖ प्रऻवॖन दैव शक्ति ति।  दपान यॊदवय ॳमिस ॴस नॖ कांह यछ़ा खान्दर करनॖच मगर दपान पनॖन्य विद्या प्राप्त कऺरॖन सन्नॖ 1940 ईस्वी मंज़ याने स्नातक (ग्रेजवेशन) तॖ तमि पतय कॊर अमि सन्नॖ 1942 ईस्वी मंज़ खान्दर पंडित यू एन चन्ना सऻबस सॗत्य। खान्दर करनॖ पतॖ ति छि रूज़मॖच़ यि पनॖन्य साधना करान। वनॖनॖ छु यिवान ज़ि पंडित सिरीकऻन्ठ युस व्यजिब्रार्युक बसकीन ओसमुत ओस तॖ ॳम्यसॖन्द्यन वऻर्यव्यन याने चनन हुन्द क्वलॖ ब्रह्मण ति रूदमुत ओस तऺमिस आयि नज़रि करुणामयि मंज़ साधनायि हॖन्ज ललक तॖ लगन। तऺम्य द्युत ॳमिस ग्वरॖम्वख तॖ द्युतनस ब्रोंहकुन अध्यात्मिकुक ज्ञान परि पूर्ण तॖ बन्येयि करुणामाया मां अख प्रसिद्ध संत। रऻज्ञन्यायि हॖन्ज़ व्वपासक आसनॖ म्वखॖ दपान यि साधवी ॴस न्यथ तुलॖमुल गछ़ान रोज़ान। अमि दपान ॴस पनॖनिस आश्रमस मंज़ पनॖन्य प्रतिमा ति स्थापित कऺरमॖच़। दपान करुणामाया मां ॴस वैदिक शिक्षाय सॗत्य सॗत्य शिव शक्ति प्यठ ति प्रवचन दिवान रोज़ान। कऻशिर परंपरा छि आमॖच़ बरक़रार थऺविथ सारि वऻन्सि यि साधवी। पनॖनिस ग्वरॖ सॖन्दिस नावस प्यठ ॴस लीलायि ग्यवान रोज़ान तॖ पनॖन्यन भखत्यन हॖन्द्य ज़ार बोज़ान। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)