04.07.2020

04.07.2020, हारॖ (आषाढ) ज़ूनॖ पछॖ (शुक्ल पक्ष) च़्वदह (देवादेव) (चतुर्दशी) बटॖवार (शनिवार/शनिश्चरवार), श्री सप्तर्षि सम्वत 5096, राश धनु (चलान) ऋतु ग्रीष्म (चलान)...अज़ छि हारॖ च़्वदह

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

       महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

         लल वाक्

हचिवि हारंजि प्यच़िव कान गोम

अबख छान प्योम यथ राज़दाने

मंज़बाग बाज़रस कुल्फु रॊस वान गोम

तीर्थॖ रॊस पान गोम कुस मालि ज़ाने

             *************

अर्थात:- (अपने को पाने का) मेरा सारा प्रयास वैसा ही निर्थक सिद्ध हुआ जैसे लकडी के धनुष पर घास का तीर। मुझे संभालने वाला अनुभवहीन (कच्चा) बढई, अर्थात भगोडा मन ही मिला। अर्थात, कोई अनुभवी पथ प्रदर्शक मुझको नहीं मिला। मेरी वही दशा हो गई जो बीच बाज़ार में ताले के बिना दुकान की होती है, जिस में से माल चोरी होने का डर व्याप्त होता है। 

भावार्थ:-( अभिप्राय यह कि बिना स्वात्म ज्ञान के (मैं बिना तीर्थ के जैसे हो गई) अनियन्त्रित विषय वासनाओं ने मुझे घेर दिया है, अथवा कोई साध्य भी नहीं मिला।मेरी इस विकट दशा को मेरे बिना दूसरा कौन जान सकता है।)

**************************

       महावरॖ (दऺपिथ कऻशुर)

1. मु: बऻल्य बऻल्य फेरान

    अ: आवारॖ गर्दी करॖन्य

2. मु: बाह त्रख श्वॊंगुन तॖ खार 

         व्वथुन

    अ: बे-ग़म रोज़ुन

3. मु: बऻज़्यगारस बऻज़्य गरस

    अ: युस कऻन्सि बद कान्छि तस 

         छु पानसॖय बद गछ़ान

**************************

पऺचान्ग:- अज़ छि हारॖ च़्वदाह। कऺशीरि मंज़ ओस ॳज़्यकि द्वह लूकन हुन्द याने कऻशिर्य बटन हुन्द मेलॖ लगान ज़्वाला दीवी मंदरस मंज़, ख्रिवि। ज़्वाला दीवी मंदर छु ख्रिवि ॳकिस वुडरि प्यठ कऺरीबन डॊड-हथ हेरॖ ह्यॊर खसुन।असि छि 1990-तॖ प्यठॖ कम-अज़-कम सऻरी दीवी दीवताहन रूप पानस सॗत्य ॳन्यमॖत्य यॊत यॊत ॳस्य कऻशिर बटॖ रोज़नि आयि कऺशीरि प्यठॖ च़लनॖ पतॖ। याने कऺशीरि मंज़ छु हारी पर्वत माने परबत, यि परबत छु व्वंय फऺरीदाबादॖ, अनन्गपुरॖ युस दपान स्वर्गीय जे.एन.कौलन येमिस पापा जी ति ॴस्य वनान,बनोवमुत। शारिका दीवी हुन्द मंदर छु फऺरीदाबादस मंज़ ति परबतस अलाव। यिथय पऻठ्य छु ब्याख तीर्थ, याने तुलमुल। ॳमिच छ़ाय छि नज़र यिवान ज्येमिस मंज़, जानीपोरॖ, दिल्लि मंज़ पटपट गंजॖ तॖ साहिबाबादॖ, शालॖमऻर गार्डनस मंज़। स्वामी गोपी नाथ जीयुन आश्रम, युस कऺशीरि मंज़ खरॖयार छु, तिम आश्रम आयि वारियाहन जायन बनावनॖ, याने ज्यॆमिस मंज़ बोडी, दिल्लि मंज़ पम्पोश कालोनी, ग्रेटर कैलाशॖ, उत्तम नगरॖ, गाज़ियाबादस मंज़ वैशाली, बंगलोरॖ तॖ ब्यॆयिति मा आसि कुनि कुनि जायि। यिथय पऻठ्य बनऻयव असि आश्रम बालॖ यपारि ब्यॆयि ति कॆंच़न संतन तॖ महात्मानन हॖन्द्य। मसलन मस्तॖ-बबुन, पोशॖ बबुन, क्रालॖ बबुन, नन्दॖ बबुन, वगेरा वगैरा। मगर ज़्वाला दीवी हुन्द स्वरूप या ज़िष्टा दीवी हुन्द स्वरूपा गव न म्यॆ नज़रि वुन्यखताम कऺशीरि न्यबर कुनि अलाक़स मंज़। क्याह वजह गछ़ि आसुन दय ज़ानि। या म्यॆय मा छॆ नॖ ख़बर तिति ह्यॆकि ॴसिथ। यपऻर्य आव साईं बाबा सुन्द मंदर ति बनावनॖ ब्यॊन ब्यॊन जायन माने गुरु ग्रामस मंज़, दिल्लि मंज़, नोयडाहस मंज़ वगैरा वगैरा तॖ रॊपॖ भवऻनी हुन्द मंदर ति आव बनावनॖ ज्यॆमिस मंज़। यि छु म्यॆ बासान बख्तन हॖन्दिस चन्दस प्यठ, कऺमिस कोताह ज़ोर छु तॖ कऺमिस कऻच़ाह दोर छि। बजाह रूज़िन सऻरी। बख्ति बाव बऺड्यनख तॖ भगवान टूठ्यनख। महामऻरी हुन्द प्रकोप छु जऻरी। नच़ुन फ़ेरुन होर-योर छु मुहाल ति क्याज़ि याम कांह यछ़ान छु अकि जायि प्यठॖ ब्यॆयिस जायि गछ़ुन कुनि ज़ऻती कामि बापथ, तऺमिस छु ग्वडॖ प्यवान कोरोटायनस मंज़ रोज़ुन तॖ प्यवान प्रारुन ज़ि तऺम्यसुन्द ट्यस्ट-रिपोर्ट कयाह छु वनान। गाह सु हवऻई जहाज़स मंज़ गछ़ि, रेलि मंज़ गछ़ि या कारि मंज़ गछ़ि। कुनि शहरस मंज़ वऻतिथॖय छुस यि ट्यस्ट पास करुन अदय ह्यॆकि सु ब्रोंहकुन क़दम कऺडिथ। दय गछ़ि पनुन पर्दॖ करुन, यिछ़व बलायव निशि रछुन

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"  

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)