01.08.2020

01.08.2020, श्रावणॖ (श्रावण) ज़ूनॖ पछॖ (शुक्ल पक्ष) त्रुवाह (त्रॆयॊदशी) बटॖवार (शनिवार/ शनिश्चरवार) श्री सप्तर्षि सम्वत 5096, राश धनु (चलान) ऋतु वऺहरात (वर्षा/बरसात) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

    महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

         लल वाक्

तनॖ मनॖ गऺयस बॖ तस कुनुय

बूज़ुम सतुक गंटॖ वज़न

तथ जायि धारनायि धारना दिच़ॖम

आकाश तॖ प्रकाश कॊरुम सरॖ

        *************

अर्थात:- मैं तन मन धन से उस प्रभु में तत्लीन हो गई तो मैं ने सत्य का नाद बजते सुना। उसी स्थान पर धारना की तो आकाश तथा प्रकाश को पा लिया। 

**************************

      मुहावरॖ (दऺपिथ कऻशुर)

1. मु: ज़ामतुर गव पामतुर

    अ: ज़ामतॖरिस यिथय ह्यॊर 

         ब्वन गछ़ि, तस छु रोज़ान

         कानि तल तॖ ॴखरस छु

         मंदॖछावान

2. मु: ज़ाम हय आसि गाम तति

         प्यठॖ सोज़ि पाम

    अ: ज़ाम यॊदवय दूर ति आसि

         तोति छॆ नॖ थफ तुलान

3. मु: ज़ऻरिस वन्योख मऻज्य हा 

         म्वयी, दॊपनख यपऻर्यी 

         ॳन्यून

    अ: बद-किरदार इन्सान छु

         बिल्कुल लापरवाह आसान

         या, नाकारॖ कामि मंज़ 

         इन्सानस छु नॖ कुनि कथि

         हुन्द परवाय आसान

**************************

पंचान्ग:- गव छ़्यनॖ असि निशि अख ब्याख ॳदीब, श्री अवतार कृष्ण माम 'रहबर' उतरॖ याने त्रॖह जुलाई 2020-मि द्वह। नामावार शखसियथ, लेखक, साहित्यकार ओस रहबर सऻब। सऻनिस समाजस फुट ब्यॆयि अख कून तॖ सऻनिस साहित्यस च़ाव ब्यॆयि ख्रॊप ह्यु। वैसे ति छु सोन साहित्य वुनक्यनस तरसान साहित्यकारन हॖन्दि बापथ ति क्याज़ि प्रऻन्य प्रऻन्य ह्यॆतिन असि निशि दूर गछ़ॖन्य तॖ नऺव्य कर यिन बारसस यि वनुन छु दुशवार ति क्याज़ि हालात छि गछ़ान द्वह पतॖ द्वह बद ख्वॊत बदतर। कॆंह द्वह ब्रोंठ गव श्री शादी लाल कौल स्वर्गॖवास। तऺम्य ति ओस पनॖनि कलाकऻरी सॗत्य पनॖन्य अख प्रज़नथ बनऻवमॖच़ तॖ ओस लूकन हॖन्द्यन दिलन मंज़ जाय बनावनस मंज़ काम्याब सपदुमुत। समाजस मंज़ पनुन रुत्बॖ बनावान बनावान छि अख वऻन्सा नेरान। दपान छि ज़िन्दगी छि पानस मंज़ अख सज़ा, मगर फिकिरी छु नॖ तरान ज़ि खत्ता क्याह छु। ज़िन्दगी हुन्द छु क्याह सार म्यॆ वनतम, कवॖ यि आदम छु बेक़रार म्यॆ वनतम। क्याह सोंचान स्वरान यिवान छु सु योर ज़न्मस, क्याह छु अमलान यॆति मा छय ख़बर तस। कस प्यठ छु तस यख्तियार म्यॆ वनतम। महामऻरी छु पनुन खॊख बरकरार थऺविथ। ॳस्य ति छि खूच़िथ बिहिथ प्रारान यि कर च़लि तॖ गलि। कलॖ फिरनस छु नॖ वार, नच़नस फेरनस छु नॖ व्यसतार। भगवान करि पनुन अनुग्रह, करोस ज़ारॖपार

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

31.07.2020

31.07.2020 श्रावणॖ (श्रावण) ज़ूनॖ पछॖ (शुक्ल पक्ष) बाह (द्वादशी) शॊकुरवार (शुक्रवार/ जुम्मा) श्री सप्तर्षि सम्वत 5096, राश धनु (सुबहॖचि 7.4 बजि प्यठॖ) ऋतु वऺहरात (वर्षा/बरसात) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

      महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

          लल वाक्

केंच़न द्युतथम ओरय आलव

केंच़व रचेयि नालय वथ

केंच़न मस चथ ॳछ लजि तालव

केंच़न पऺपिथ गऺय हालव ख्यथ

        **************

अर्थात:- प्रभु ने कुछ को स्वयं ही बुलाया तो कईयों ने प्रभु को पाने के लिए पानी में पर्याप्त स्नान संध्याएं की। कुछ ने तो प्रभु के चिंतन में मस्त होकर दृष्टि ऊपर टिका दी, तो कई की फ़सल पक कर भी टिड्डयों द्वारा नष्ट की गई.

लक्ष्यार्थ:- (मनुष्य ने शरीर पाकर भी प्रभु को न पाकर जीवन व्यर्थ कर दिया। अंतिम पद का अर्थ यह भी है कि कुछ का तो प्रभु के निकट पहुंच कर भी पतन हो गया)

भावार्थ :- (कितना भी परिश्रम करो, किंतु ईश्वर अनुग्रह ही सर्वोपरि है। अर्थात जिस पर प्रभु की कृपा हो वही परम सत्य को प्राप्त होता है।)

**************************

          मुहावरॖ (दऺपिथ कऻशुर)

1. मु: स्यॊद सादॖ माहराज़ॖ

    अ: सादगी छु पनुन बजर, या

         स्यॊद सादॖ गव शाहज़ादॖ

2. मु: स्यॆज़ि ओंगजि छु नॖ ग्यव

         खसान

    अ: युस चीज़ नॖ स्यॊद स्यॊद 

         हऻसिल सपदि, सु छु कुनि 

         विज़ि हजरॖ सॗत्य हऻसिल

         प्यवान करुन, या

        रोब दाब करुन ति छु ज़रूरी

3. मु: स्यॆदिस हॊल करि क्याह

    अ: युस दिलॖ साफ़ आसि तस 

         छु नॖ ब्यॆयिसुन्द हजर कॆंह

         करान, या

         नेको नेक कर बद लबि 

         पानय

**************************

पंचान्ग:- दपान दॊयिमि ऱयतॖ याने अगस्त 2020 कि पॗन्च़मि तऻरीख तॖ ब्वदवारि द्वह यी अयोध्यायि मंज़ राम मन्दर बनावनॖ बापथ भूमि पूजन करनॖ। तयऻरी छि दपान यिवान करनॖ बडॖ जोश खरोश सान। मगर विडम्बना छि यि ज़ि यिम पूज़ऻर्य अथ कारस सॗत्य लऺगिथ छि तिमव मंज़ आयि कॆंह पूज़ऻर्य ग्वडय कोरोनावयरस किस ज़दस मंज़ तॖ ब्यॆयि छि आमॖत्य कॆंह सिपाह ति ह्यन अथ महामऻरी मंज़। वुनि छि पॗन्च़मिस तऻरीखस ताम कॆंह द्वह बाकॖय तॖ व्वमेद छि ज़ि रुतुय रुत वुछव बुथि। बासान छु ज़ि यि तिथि याने पॗन्च़िम अगस्त मा बनि एतिहासिक द्वह ति क्याज़ि अमी तऻरीखॖ पऺतिमि वऺरियि यानॆ 2019-हस मंज़ आव धारा 370 तॖ धारा 35ए रद्द करनॖ तॖ जम्मू कश्मीर तॖ लद्दाख गव द्वन हिसन मंज़ तब्दील तॖ बनेयि ज़ॖ यूनियन टेरिट्री। हालांकि कऻशिर्य बटन हुन्द मसलॖह छु वुनि तति त्युथुय। अगर अठोवुह वुहॖर्य पतॖ वॊथ दॊष  राम मन्दरस, अकत्रॖह वुहॖर्य पतॖ गॊछ़ गछ़ुन सोन मसलॖह ति हल तॖ गऺछ़्य असि सोज़ॖन्य माजि कऺशीरि यॆति प्यठॖ ॳस्य आयि च़लान तॖ लारान तॖ वऻच़ असि वुन्युख ताम यि लडऻय हारान। छि ॳस्य प्रारान मोदी जीनिस जवाबस। 

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"  

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

30.07.2020

30.07.2020 श्रावणॖ (श्रावण) ज़ूनॖ पछॖ (शुक्ल पक्ष) काह (एकादशी) ब्रसवार (वीरवार/ बृहस्पतिवार/गुरुवार) श्री सप्तर्षि सम्वत 5096, राश वृश्चिक (चलान) ऋतु वऺहरात (वर्षा/ बरसात) (चलान)**************************नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव**************************      महामारी नाश - मंत्रजयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते**************************          लल वाक्कुस बब तय क्वसो मऻजीकमी लऻजी बऻजी वठकऻल्य गछ़ख कोंह नॖ बब कोंह नॖ मऻजीज़ऻनिथ कवॖ लऻजिथ बऻजी वठ           ************अर्थात:- इस संसार में आकर कोई किसी की मां कोई किसी का पिता नहीं होता। मरने के बाद यह सब रिशते समाप्त हो जाते हैं। इस सत्य को जान कर भी तुम ने क्यों इस संबंध को स्थाई मान लिया। इस कारण हमें पिता पुत्र के मोह में नहीं फंसना चाहिए।**************************          मुहावरॖ (दऺपिथ कऻशुर)1. मु: रातस वॊनमय लऻल नामॖ         सुबहस दॊपथम लऻल क्या         वाति मॊजिलूनस   अ: फिकिरी तऻर्य तऻर्य ति नॖ         फिकिरी तरुन2. मु: च़ूरस गऺराह तॖ रऻछिस दॊहा    अ: वुम्रि हॖन्ज़ रऻछ छि रछ़ा        ग़फ़लच़ॖ किन्य क्वलि गछ़ान3. मु: रब तॖ सब हिशी कथा    अ: यॆलि रॖतिस तॖ क्रॖतिस          फरकॖय रोज़ि नॖ**************************पंचान्ग:- तऻज्युब छु ज़ि कोरोनावयरसन बखुश नॖ स्वामीश्री पुरुषोत्म प्रियदास जी ति तॖ न्यून यॆमि सम्सारॖ निशि कऺडिथ अज़ दऺह पंदह द्वह ब्रोंठ। यि संत ओस अहमदाबादॖ रोज़ान तॖ सासॖ बऺद्य भक्त ॴस्य ॳमिस ॳन्द्य पऺख्य नच़ान रोज़ान मगर मोतस क्याह कऺर्यज़ि। वुछिनस तल आव यि ज़ि यि संत ओस पनॖन्यन भक्तन प्रसाद दिनॖ ब्रोंठ ग्वडॖ सु फल पनॖनिस ॴसस मंज़ पनॖन्यन दंदन मंज़ रटान तॖ भक्त ॴस्य यिवान ॳमिस निश तॖ अथ दारान तॖ यि संत ओस ॴसॖ सॗती यि फल प्रसादकिस रूपस मंज़ बऻगरावान रोज़ान। याने पनॖनि ॴसुक छ़्यॊट ओस यि संत दिवान रोज़ान युस ति कांह ॳमिस शरण गछ़िहे। ॳमिस संतस लार्यव कोविड-19 तॖ सप्दुस दॆहान्त 16 जुलाई 2020 द्वह। अर्सतथ वुहुर दपान ओस यि संत यॆलि यि स्वर्गॖवास गव। ॳमिसुन्द ज़िकिर कॊर म्यॆ अमि म्वखॖ ज़ि चूंकि यि संत ओस प्रसाद बऻगरावान पनॖनि ॴसॖ सॗत्य, ॳम्यसॖन्दि मरनॖ विज़ि यीत्य ति भक्त्य ॳम्यसॖन्दिस संपर्कस मंज़ आयि तिमन छि छ़ान्डान तिक्याज़ि दपान छि तिम ति आसन कोविड-19-किस ज़दस मंज़ आमॖत्य। सान्यन संतन हुन्द ॳजीब वतीरॖ प्रसाद बऻगरावनुक तॖ लूकन मंज़ अंद-विश्वास आसुन तॖ ॳमिस संतॖसॖन्दि ॴसॖ मंज़ुक छ़्यॊट स्वीकार करुन। क्याह नाव दिमव ॳस्य अथ धर्मस। यिथय पऻठ्य छि ॳस्य अंद विश्वासस मंज़ पलान यॆलि ॳस्य संतस भगवानसुन्द दरजॖ छि दिवान। म्यॆ प्रॖछ़ेयो सवाल ज़ि भगवान शिव सुन्द ज़ा द्वह कर छु आसान। अड्यव वॊन ज़ि शिव चतुर्दशी द्वह तॖ अड्यव वॊन ज़ि शिव छु निराकार तम्यसुन्द ज़ा द्वह छुयी नॖ। बॖ गोस शॆशपंजस मंज़। यिथय पऻठ्य दपान भगवान कृष्णस छि आसमच़ॖ ॴठ ज़नानॖ। वननुक मक़सद छु म्यॆ यि ज़ि सऺही ज्ञानॖच व्यछ़य छि असि। शंकराचार्य दपान साईं बाबा छु ढोंग, मगर भक्त छि वुछिनस तल यिवान यिम साईं बाबा-हस प्यठ सोरुय छि न्योछावर करान रोज़ान। ॳस्य छि सनातन धर्मस प्यठ पकान मगर यॆत्यन नॖ वार-वयस्तार यिवान छु तत्यन छि आर्य समाजक्यन रीति रिवाजन पानॖनावान। असि छु म्वखसरॖ अब ति टोठ बब ति टोठ। पॊज़ क्याह तॖ अपुज़ कयाह, भगवान ज़ानि। ॳस्य छि दिवान डोच्युराह डोच्युराह क्वत ताम कुन।**************************कऻशुर ह्यॆछव कऻशुर परवकऻशिर्य पऻठ्य पानॖवुन्य कथ बाथ करव**************************नऺविव तॖ फॊलिवभूषण कौल "दीप"(बूज़िव ॳज़्युक सबक़ म्यानि ज़्यॆवि ति)(koshursabak.blogspot.com ति वुछिव)

29.07.2020

29.07.2020, श्रावणॖ (श्रावण) ज़ूनॖ पछॖ (शुक्ल पक्ष) दऺहम(दशमी) ब्वदवार (बुधवार) श्री सप्तर्षि सम्वत 5096, राश वृश्चिक (चलान),ऋतु वऺहरात (वर्षा/बरसात) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

       महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

ह्यथ कऺरिथ राज फेरिना

दिथ कऺरिथ त्रपति ना मन

लूभ व्यना ज़ीव मरि ना

ज़ीवंत मरि तऻय सुय छुय ज्ञान

         ***********

अर्थात:- यह मन राज को पाकर भी विषयों से मुडता नहीं, या राज देकर भी तृप्त नहीं होता। यह मन लोभ से पीछे नहीं हटता। लोभ न करने से मनुष्य मरता तो नहीं। इसलिए लोभवश नहीं होना ठीक है। सारांश यह कि ज़िन्दा मरना ही ज्ञान है। अर्थात मन को लालच देकर मोडा नहीं जा सकता है। अपितु ऐसा करने से मनुष्य अधिक विषयासक्त हो जाता है।

**************************

        मुहावरॖ (दऺपिथ कऻशुर)

1. मु: शेठॖ वुहुर काव तॖ शीतॖ वुहुर

         काव पूत

    अ: अक्लि निश छॆ नॖ वऻन्स 

         कांह कॗमत थवान, या

        बेवॖकूफ मोल तॖ दाना न्यॆचुव

2. मु: शेतानॖ सॖन्द्य कन ज़ऺर्य

    अ: शेतान छु नॖ कऻन्सि हुन्द 

         बोज़ान

3. मु: शीनॖ रॊयि शेतान

    अ: अंदॖर्य अख तॖ न्यॆबॖर्य ब्याख

          या, ज़्यॆवि प्यठ राम राम तॖ

          कछ़स मंज़ श्राख

**************************

पंचान्ग:- राथ आव नॖ म्यानि दऺस्य यि सबक़ सोज़नॖ। बॖ छुस मंगान माज़रथ। म्यान्यन कॆंच़न बायन ब्यॆन्यन ॴस रूज़मॖच़ स्यठा कल। म्यॆ गव मन ख्वश यि वुछिथ ज़ि तिम छि म्योन रुत कांछान तॖ सॗती च़्रॆंग्योस बॖ यि बूज़िथ ति ज़ि तिम छि म्योन यि सबक वातनस ताम प्रारान आसान तॖ म्योन यि सबक़ मनॖ सान परान तॖ परनावान पनॖन्यन शुर्यन कट्यन तॖ अंगन ॴश्यनावन। ती छु म्योन ति मुद्दा ज़ि यि कऻशिर ज़बान गऺछ़ वातॖन्य म्यऻनि समाजकिस प्रथ ज़रस ज़रस ताकि सोन यि साहित्य, संस्कार, संस्कृति, माजि ज़्यव रोज़िहे ज़िन्दॖ ता कयामऺच़ ताम। म्ये छु याद प्यवान ज़ि पथ कालॖ यॆलि नॖ मोबायल ओस आसान तॆलि यॊदवय कऻन्सि हॖन्ज़ ख़बर अतर ॴस आसान ह्यॆन्य, तमि सातॖ ॴस्य गछ़ान नज़दीकॖय कुनि डाकखानस प्यठ या टेलीफोन एक्सचेंजस ताम तॖ ॴस्य तार सोज़ान या तति प्यठॖ टेलीफोन करान रोज़ान। बेसबरी सान ॴस्य जवाबस प्रारान रोज़ान। यॊदवय कांह नाज़ुक या संजीदॖ  मसलहॖ ओस आसान, ज़ुव ओस आसान म्वछि मंज़ यॊत ताम नॖ जवाब वातिहे तॖ ॴस्य भगवानस मंगान ज़ि सऻरी गछ़न वारॖ वति आसॖन्य तॖ रॖच़ रॖच़ ख़बर गऺछ़ वातॖन्य। चिठ्यन हुन्द ति दोर ओस चलान सॗत्य सॗत्य मगर तथ ओस वख स्यठाह लगान योरॖ सोज़नस तॖ तोरॖ जवाब वातनस।मगर यनॖ प्यठॖ मोबायल बारसस आव सोरुय मनज़र बदल्यव यकमुश्त रातो रात। इन्कॖलाब आव च़्ववापऻर्य सूचनायि, व्यच़ारन तॖ भावनावन मंज़। प्रान्यन तोर तरीकन आव फ्युर दिनॖ तॖ नऺव्य नऺव्य आलॖ ह्यॆत्य अज़मावॖन तॖ पानॖनावॖन्य। पेंचॖ फटनय शुर्य छि अज़ मोबायलन प्यठ, कम्प्यूटरन प्यठ तिम तिम हऻरत अंगेज़ कामि करान रोज़ान यिम नॖ सान्यव ज़िठ्यव आसिहे सतन ज़न्मन मंज़ ति सू़चमुत। हालांकि वुछनस तल छु यिवान अज़कल यि ज़ि बेतऻबी छि प्रानि न्यस्बतॖ ज़्यादॖ बडेमॖच़,मगर बर्दाश्त छु प्रानि न्यस्बतॖ स्यठाह कम गोमुत, यॊदवय कामि हॖन्ज़ रफतार छि ज्यादॖ बडेमॖच़, मगर रिश्तॖन हुन्द रख रखाव छु स्यठाह बदल्यॊमुत तॖ रिश्तॖ रऺछ़रावनस सॊम्ब छु समय स्यठाह कम गोमुत। बुथि छॆ नॖ पताह वुनि ब्यॆयि क्याह क्याह आसि असि वुछुन। पकान छु समय तॖ दवान छि ॳस्य ति। महामऻरी हुन्द दॊयिम छोर तॖ अंद छुनॖ ज़न नज़री यिवान। द्वह पतॖ द्वह ह्यॆच़ॖन  परेशऻनी ज़न बडॖन्य हिश तिक्याज़ि पांछ़ ऱयथ वऻत्य असि दारि बर त्रोपरिथ बिहित तॖ हालातव ति ह्यॊत खुंखार ऱवॊख हावुन ह्यु, आवन-जावन रऺन्ग्य, ख्यनॖ-च्यनॖ रऺन्ग्य, पौंसॖ-टॗन्क्य रऺन्ग्य वगैरा। दय छु बॊड रऻछदर। सुय दी तार। 

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

27.07.2020

27.07.2020 श्रावणॖ (श्रावण) ज़ूनॖ पछॖ (शुक्ल पक्ष) सतम (देवादेव) (सप्तमी) च़ऺन्दॖरवार (सोमवार) श्री सप्तर्षि सम्वत 5096, राश तुला (चलान), ऋतु वऺहरात (वर्षा/बरसात) (चलान)...चूंकि पगाह छि ॴठम रावान, पगहुक वॊहरवोद यी ॳज़्य याने सतम दुहुय। ॳज़्य यी ॴठम हुन्द ति फाकॖ। अज़ छु श्रावणॖ सोमवार वृत ति।

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

        महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

बबरि लंगस मुशुक नो मोरे

हूनि बस्ति कोफूर नेरि नॖ ज़ांह

मन यॊद गारॖहन फेरिय ज़ेरे

न तॖ शालटुंगे नेरिय क्याह

          **********

अर्थात:- रेहान (मरवाहे) की शाखा से सुगन्ध कभी नहीं जाती। कुत्ते के चमडे से कपूर की सुवास कभी नहीं आ सकती। यदि तू उस (परमपद अक्षर) का ध्यान मन से करे तो वह सहज ही (तेरी ओर) घूमेगा। नहीं तो गीदड की तरह चिल्लाने मात्र से कोई लाभ नहीं

**************************

          मुहावरॖ (दऺपिथ कऻशुर)

1. मु: साहब छु बखशनॖहार

    अ: दय छु बखशनवोल

2. म: सबॖर छु स्वनॖ सुन्द टूर

    अ: सबॗर करुन छु स्यठाह 

         फऻयदॖ वातॖनावान

3. मु: सॆहति बदन तॖ रऻहति जान

    अ: अख ॴही याने सेहतॖ 

         ख्वतॖ बॊड आराम छु नॖ 

         कांह

**************************

पंचान्ग:- राथ ओस व्वमेद कोरोटायन शो फ़ेस बुकॖ प्यठ यथ मंज़ श्री राजन नखासी सुन्द प्रोग्राम ओस। विषय ओस रिश्तन हॖन्ज़ तुलॖ त्राव, रिश्तन हुन्द वरताव, सामाजिक रिश्तॖ, ज़ऻती रिश्तॖ, धार्मिक रिश्तॖ, रिश्तन हुन्द म्वल। बडॖ जान कथ बाथ रूज़। प्रऻनिस तॖ नऺविस रिश्तस मंज़ कोताह बदलाव आव तॖ क्याज़ि आव तॖ ब्यॆयि कॗतिस कालस रोज़ि यि बदलाव चलान। म्यॆति वोत कॆंच़ॖ कालॖ प्यठॖ अथ विषयस प्यठ पनॖन्य व्यच़ार व्यक्त करान। असि सारिनी छि ख़बर छि यिमन त्रॖहन वऺरियन मंज़ ॳस्य कऻशिर्य बटॖ कमि थज़रॖ प्यठॖ ह्यॆतिन ब्वन ब्वन वातॖन्य। दपान पऺज़ कथ गऺयि माजि ल्यख, दपान यीतिस कालस पॊज़ पज़ि तीतिस कालस आलम दज़ि। पॊज़ बोज़ुन छु ट्यॊठ लगान। पॊज़ वनुन छु बहॊदरी। पॊज़ वातनावुन लूकन मंज़ छि जोदूगऺरि। जिगरॖ गछ़ि बॊड आसुन पॊज़ बोज़नॖ खऻतरॖ मगर वुछनस तल छु यिवान ज़ि पॊज़ बूज़िथ छु रिशतन मंज़ दरार पऻदॖ सप्दान हालांकि असर गॊछ़ फिरिथ आसुन मगर सु छु नॖ। बासान छु कल्युग छु ऒरूजस प्यठ। अपुज़िस तॖ अपज़्यऻरिस छु यिवान गऺज्यगाह तॖ मोरछलॖ करनॖ तॖ पज़रस तॖ पऺज़्यऻरिस छि पऻज़ार पतॖ पतॖ। ॳथ्य सायेबानस तल छु ॳज़्युख इन्सान पनुन पनुन द्वह कडान मगर पॊज़ गव पॊज़ुय तॖ अपुज़ छु अपुज़ुय। पज़र छु ॴखर रंग रटान तॖ अपुज़िस मूलय च़टान। मगर कुनि कुनि जायि छु स्यठाह च़ेर आसान गोमुत, वारियाह दोस्त छ़्यनॖ आसान गऻमॖत्य, वारियाह रिश्तॖ आसान दूरेमॖत्य। यिमन छ़्यनिमॖत्यन रिश्तन त्रॊप दिनस छि वऻन्स नेरान तॖ फ़ेरान ज़ि ग्वडय क्याज़ि मानेयोनॖ पज़र तॖ यि बदलावॖच तॖ पछतावॖच नोबथ वातिहेनॖ मगर बंदॖ छु बशर। गल्तियव सॗत्य छु यि इन्सान बऺरिथ। पज़र मानॖनस गछ़ि जिगरॖ थावुन, पज़र वनॖनस गछ़ि जिगरॖ आसुन। दय गछ़ि असि सारिनी महामऻरी हुन्द ख़ोफ़ कासुन।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

26.07.2020

26.07.2020 श्रावणॖ (श्रावण) ज़ूनॖ पछॖ (शुक्ल पक्ष) शॆयम (देवादेव) (षष्ठी) आथवार (रविवार/एतवार) श्री सप्तर्षि सम्वत 5096, राश तुला (रऻच़ हॖन्ज़ॖ 11.48 बजि प्यठॖ) ऋतु वऺहरात (वर्षा/बरसात)...अज़ छि विजय सतम (विजय सप्तमी)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

       महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

          लल वाक्

दिलकिस बाग़स दूर कर गऻसिल

अदॖ द्यवॖ फ्वलि यॆम्बॖर्ज़्वलॖ बाग़

मऺरिथ मंगनय वुम्रि हॖन्ज़ हऻसिल

मोत छुय पतॖ पतॖ तऺहसीलदार

          ***********

अर्थात:- मन-रूपी उद्यान से सब खरपतवार (कूडा-कचरा) हटा दे तब कहीं नऺर्गिस के सुमनों का उपवन पुष्पित होगा। मृत्यु के उपरान्त तुझसे उम्र भर की उपलब्धि की मांग होगी, मानो मौत तहसीलदार की तरह तेरे पीछे पडी है।

**************************

         मुहावरॖ (दऺपिथ कऻशुर)

1. मु: अर्शि ॳज़ीम ख्वतॖ छु 

         ख्वलकि ॳज़ीम बॊड

   अ: रुत वरताव छु सारिवी ख्वतॖ

        थॊद

2. मु: ॴबो पॆयियो बलाय 

         मंदछि पतॖ छय ख़जालथ

    अ: अख ॴब छु वारिहान 

          ॴबन ज़न्म दिवान तॖ 

          ब्यॆयि खऺजिल करनावान

3. मु: सराफ़ गऺन्ज़रावान द्यार तॖ

         अतराफ़ रावरावान द्वह

    अ: वख फॊज़ूल ज़ायि करुन,

         या, तमाशॖगीर

**************************

पंचान्ग:- असि कऻशिर्य बटन हॖन्ज़ संस्कृति छि रूज़मॖच़ सऺदियव प्यठॖ कऻफी पायदार, संगीन, यज़थदार तॖ शानदार। सानि ज़ऻच़ मंज़ यिम सऻरी ग्वन छि अख बॊड सबूत अमि कथि हुन्द ज़ि अज़ताम आयि असि रंगॖ रंगॖक्य ब्रख कऺशीरि मंज़ तॖ ॳस्य आयि प्यॆहनॖ ज़ुलमॖकिस ग्रटस मंज़ विज़ि विज़ि गाह सु 1931-हुक बटॖ लूठ ओस, या 1967-हुक पर्मेश्वरी कांड ओस या सु 1990-तुक आतंकवाद तॖ क़त्लॖगारत ओस या ब्यॆयि ति कांह ज़ुलमो सितम पतॖ ब्रोंठ ओस, ॳस्य आयि हर हमेशॖ सीनॖ दिवान रूज़िथ तॖ आयि बूगान मगर आन बान तॖ शान थऺव बरक़रार तॖ ह्यमथ थऺव दऺर तॖ पनॖन्य सभ्यता, पनॖन्य संस्कृति, पनॖन्य प्रज़नथ रूद्य बचावान तॖ गऺयि फीर्य फीर्य इस्तादॖ रोज़ान तॖ रूद्य ब्रोंह कुन क़दम त्रावान। अथ कशमॖकशस पऺत्यकिन्य छु रूदमुत डखॖ असि पनॖन्यन ज़िठ्यन हुन्द, पनॖन्यन पूर्वजन हुन्द ॴशिर्वाद तॖ सतॖच वथ, सरस्वती हुन्द अनुग्रह, धर्मॖच आस्था तॖ पनॖन्य मॆहनत, रॖत्य कर्म तॖ मॊदुर वरताव। मगर यिमन सारिनॖय खॊसूसियतन सान्यन ह्यॆच़ॖन्य व्वं व्वं दरार हिश पऻदॖ सपदॖन्य, ईमान ह्यु ह्यॊतुन डलुन, रसमव रिवाजन निशि ह्यॆतिन ॳस्य दूरॖन्य, माजि-ज़्यव ह्यॆच़ॖन्य मऺशिथ गछ़ॖन्य। कॊटम्ब ह्यॆतिन छ़ॊटॖन्य, शुर्य नॖ थवनॖच रिवायथ ह्यॆच़ पानॖनावॖन्य, पर-ज़ऻच़ मंज़ रिशतॖ ह्यॆत्य बऺडरावॖन्य,सान्यव शुर्यव ह्यॆच़ व्यलायथ कुन लथ लदॖन्य, पनॖन्यन माल्यन माज्यन वृद्ध आश्रमन मंज़ जाय छ़ान्डॖन्य, खान्दरॖ पतॖ तलाक वगैरा वगैरा। यि तेज़ बदलाव सानि ज़ऻच़ मंज़ यिनॖ सॗत्य ह्यॆतिन ॳस्य पस पायि ह्यि गछ़ॖन्य। संत महात्मा यिम कऺशीरि  मंज़ ॴस्य तिहॖन्द्य आश्रम आयि ॳस्य बनावान यॆत्यन यॆत्यन असि पनुन डेरॖ ह्यॊत जमावुन कऺशीरि प्यठॖ च़लनॖ पतॖ। ॳस्य गऺयि आश्रमॖय बनावान मगर असली दीवी दीवता गऺयि ॳस्य नज़र-अंदाज़ करान। हवनन प्यठ द्युत ज़ॊर स्यठाह मगर किताबगर बनावनस मंज़ रूद्य पथ येति सोन इतिहास तॖ अदब ह्यॆकिहे रूज़िथ।ॳस्य रूद्य पथ पाठशाला बनावनस मंज़ यॆति धर्मुक ज्ञान ह्यकहऻव पनॖन्यन शुर्यन दिथ, ॳस्य रूद्य पथ विद्यालय, अस्पताल, जंजगर बनावनस मंज़ यॆमि सॗत्य सऻनिस समाजस फऻयदॖ वातिहे।  हालांकि शुर्य कऺट्य गऺयि असि बजाह यिथॖ तिथॖ दय सॖन्ज़ि दयगऺच़ सॗत्य मगर  ॳस्य डऺल्य पनॖनि असली मुद्दा निशि। संस्थायि बनेयि ग्रेन्दि रॊस मगर संस्थायन कुनी अथ वथ रूज़ नॖ। लीडर बनेयि सऻरी मगर असली वतॖ हावुक गव नॖ नज़रि कांह।  पनॖन्य पनॖन्य आस्था, पनुन पनुन यॆकीन, पनॖन्य पनॖन्य यछ़ तॖ पछ़ यॆमिस यथ मंज़ रूज़ तऺम्य रऺट सॊय वथ। अथ दपान कऺबलि छुम पनुन, च़्यॆ क्याह ओर सनुन। खऻर बजाह रूज़िन सऻरी युस यॆतिनस छु। ईश्वरस करव ज़ारॖ पारॖ ज़ि दूर करि यि महामऻरी तॖ सऻनिस समाजस तॖ कुल कायनातस करि यऻरी। 

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

25.07.2020

25.07.2020, श्रावणॖ (श्रावण) ज़ूनॖ पछॖ (शुक्ल पक्ष) पऻन्च़म (देवादेव) (पन्चमी) बटॖवार (शनिवार/शनिश्चरवार), श्री सप्तर्षि सम्वत 5096, राश कन्या (चलान) ऋतु वऺहरात (वर्षा/ बरसात) (चलान)...अज़ छि नाग पंचमी तॖ कुमार शॆयम (कुमार षष्ठी)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

      महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

त्यम्बॖर पॆयस कवॖ नो च़ऻजिन

मस-रस कवॖ अह नऻजिन गव

शान्त्यन हॖन्ज़ क्रय तोलॖ म्वलॖ वऻजिन

अन्दॖर्य गाह यॆलि न्यबर प्योस

          ***********

अर्थात:- एक चिंगी भर उस पर पडी, पर अफसोस, वह सह न पाया। मधुरस क्यों उसकी नाडियां (वातनलिका) में गया, जिसका उसे कोई लाभ नहीं हुआ अर्थात उसकी क्षुधा ज्यों की त्यों बनी रही।

(पाठ भेद) मन्सूर को अध्यात्म-बोध की तनिक-सी आभा मिली, पर वह उसे सहन न कर पाया। 

(ऐसे मनुष्य ने)संतों (संत जनों) की क्रिया का आदर-मान ही घटा दिया, क्योंकि भीतर का प्रकाश उसके अंतर से बाहर निकल आया।

**************************

       मुहावरॖ (दऺपिथ कऻशुर)

1. मु: ग़रज़मंद दीवानॖ

    अ: ग़रज़मंद छु नॖ (पनुन 

         हाजथ कडनॖ विज़ि) 

         अक्लिहॖन्ज़ कथ या कऻम

         करान

2. मु: ग़रज़मंद छु फॊटमुत 

         ह्वछिमच़ि क्वलि

    अ: ग़रज़मंद इन्सान छु सख़

         न्वक्सान तुलान

3. मु: अमलन जज़ा तॖ नीत्यन

         मुराद

    अ: यस यिछ़ अमल तॖ नियथ

         आसि त्युथुय फल अथॖ 

         लगान

**************************

पंचान्ग:- ॳस्य याने कऻशिर्य बटॖ आयि ह्यनॖ वॊखॖ पऻठ्य ख़ास कर यिमन त्रॖहन वऺरियन मंज़। मुसलमानव कऺर अख बऺड कऻम ज़ि बटॖ च़ऺलरऻविख कऺशीरि प्यठॖ तॖ ललनावुन थॊवुख असि दोद रन्गॖ रन्गॖ। यॆतिनस सोरुय वनुन छु नॖ मुम्किन मगर प्यठॖ प्यठॖ यॊदवय नज़र दिमव तॖ मन छु परेशान गछ़ान तॖ समाधान छु नॖ पलि प्यवान। पलि यॊदवय प्यवान ति छु, शुतुरमुर्गसॖन्द्य पऻठ्य छि ॳछ बंद कऺरिथ पनॖन्य ज़ड कडान तॖ पकान ब्रोंहकुन। मसलॖ गऺयि व्वतलिथ बे-शुमार तॖ ग्रॆन्दि रॊस यिमन प्यठ नज़रिसऻनी करॖन्य छि बे-हद ज़रूरी यॊदवय असि पनॖन्य प्रज़नथ बचऻविथ थावॖन्य छि। समस्यायन तुलॖ बॖ पर्दॖ यिथॖ पऻठ्य - बालॖ यपोर यिथ मऺशरऻव असि पनॖन्य माजि ज़्यव। मोल मऻज्य छि नॖ ज़ऻनिथ मऻनिथ पनॖन्यन शुर्यन कऻशिर ज़बान वनॖनावान, बहानॖ छि वारियाह, तरक छि पनॖन्य पनॖन्य सऻरी दिवान। अगर म्योन अन्दाज़ॖ सऺही छु सानि ज़ऻच़ हॖन्द्य अर्नमथ फीसऺद (98%) शुर्य छि प्राइवेट कम्पनीयन मंज़ कऻम करान तॖ युहुन्द स्थानान्तरन अकि जायि प्यठॖ ब्यॆयिस जायि छु नॖ मुम्किन, अम्युक फलस्वरूप छु यि ज़ि सऻन्य शुर्य छि त्रॖह-पाच़ॖत्रॖह वऺरियस ताम अनहॖर्य रोज़ान तॖ ॳन्तर-ज़ऻच़ खान्दरन छि बडान रफ़तार यॆलि नॖ तिमन अन्द्य पऺख्य कांह कूर या लऺडकॖ पनॖनि मनॖ मुवऻफिक मेलान छु। असि वोत दिवान स्यठाह ज़ोर तॖ ध्यान हवनन प्यठॖय योत। ॳस्य रूद्य स्यठाह पथ पनॖन्यन शुर्यन असली तॖ ज़रूरी संस्कारन सॗत्य ज़ऻन्यकऻरी करनावनस मंज़। सानि ज़ऻच़ मंज़ छि व्वं अख या ज़ॖ शुर्य थावनॖच प्रथा बनेमॖच़ या शुर्य न आसुनुकुय सोंच ज़ॆहनस मंज़ बॊरमुत। नतीजि तम्युक द्राव यि ज़ि ॳस्य छ़ॊकेयि संख्यायि मंज़ ति वारॖ वारॖ। शुर्य ह्यॆतिन वातॖन्य व्यलायत तॖ मोल मऻज्य छि लबन सॗत्य कथॖ करान पनॖन्यन फ्लैटन मंज़ बिहिथ तॖ द्वह द्वह कडान। कथ छि जऻरी। महामऻरी कर तुलि थफ यि वनुन छु मुश्किल। लूख ह्यॆतिन वारॖ वारॖ व्यसरॖन्य तॖ ह्यॊतुख यॆमि सम्सऻर्य रॊखसथ ति ह्यॊन वारॖ वारॖ। असि रूद नॖ ज़्युठ व्वं ज़िन्दॖ कांह, ॳस्य ह्यॆतिन पानय ज़िठ्य बनॖन्य तॖ वतॖहावुकाह रूद नॖ कांह। महावीर गछ़ि पनुन अनुग्रह करुन पानय।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

24.07.2020

24.07.2020 श्रावणॖ (श्रावण) ज़ूनॖ पछॖ (शुक्ल पक्ष) च़ोरम (देवादेव) (चतुर्थी) शॊकुरवार (शुक्रवार/जुम्मा) श्री सप्तर्षि सम्वत 5096, राश कन्या (रऻच़ हॖन्ज़ि 9.36 बजि प्यठॖ) ऋतु वऺहरात (वर्षा/बरसात) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

       महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

हा च़ॆता कवॖ छुय लॊगमुत परमस

कवॖ गॊय अपज़िस पज़्युक ब्रोंत

दुशि-बॊज़ वश कॊरनख पर-धर्मस

यिनॖ गछ़नॖ ज़्यनॖ-मरनस क्रोन्त

          ***************

अर्थात:- हे चित्त! तू औरों की ओर क्यों आसत्त हुआ है? क्यों झूठ में सच की भ्रांति हुई तुझे? तुम में बुद्धि की कमी है, जिस ने तुझे पर-धर्म के वश कर रखा है। जभी तो तू आवागमन और जन्म-मरन के जाल में उलझा हुआ है।

**************************

        मुहावरॖ (दऺपिथ कऻशुर)

1. मु: डबॖ डबॖ गव वडॖ रब

    अ: मशहूर स्यठाह तॖ ह्यॊन

         द्यॊन कमॖय

2. मु: डेन्जि तऺल्य पन तॖ पनॖ 

          तल्य डींज

    अ: ओरुक योरुक वऺनिथ 

          बराबऺरी अनॖन्य

3. मु:  डुम्बा जऺजीर, साहिबो

          तयार

    अ: वनॖनस तॖ करनस नॖ तऻरॖय 

         थवॖन्य

**************************

पंचान्ग:- बासान छुम ज़ि असि मंज़ छि ज़्यादॖतर लूख संस्कृत ज़बऻन्य निशॖ स्यठाह दूर तॖ नतीजस मंज़ छु वुछॖनॖ यिवान ज़ि तिम छि नॖ ह्यकान पनॖनि धर्मॖचि किताबॖ श्वद्ध तॖ सऺही पऻठ्य पऺरिथ, गाह स्व भगवद् गीता आसि या कांह ति मंत्र कुनि ति किताबि मंज़ॖ य्वस संस्कृत ज़बऻन्य मंज़ आसि। यि कऺमी नज़रि तल थऺविथ छु स्वभाविक ज़ि सऻन्य शुर्य छि वऺचित रोज़ान पनुन धर्म ज़ानॖनस मंज़ तॖ पनॖनि नित्य कर्म कान्डचि किताबन मंज़ संस्कृतस मंज़ मंत्र या श्वलूक परनस मंज़। यूतुय ज़बऻन्य याद छु यॆमिस त्यूतुय छु सु परान रोज़ान, सु ठीख परान छा या न, कांह छु नॖ ह्यकान वऺनिथ यॊत ताम नॖ कऻन्सि ज़ाननवऻल्य सॖन्द्यन कनन ताम तऺम्यसॖन्ज़ परनॖच आवाज़ वातान छि। मसलन, ॳर्थी तुलनॖ विज़ि छु मंत्र यिवान परनॖ "क्षन्तव्यो मेSपराध: शिव शिव शिव भो श्री महादेव शम्भो"। मगर बोज़नस तल छु यिवान ज़ि कॆंह अनज़ान छि "क्षन्तव्यो मेSपराध:" बदलॖ परान आसान "चिन्ता यूमी अनराधा या ॳड्य छि परान आसान च़्यनता भूमि अपराधा" माने तिमन छॆ नॖ पतहॗय ज़ि असली मंत्र छु क्याह तॖ न छि ज़ानॖनॖच यछ़ा थवान। चूंकि स्व विज़ तॖ तम्यसातॖच स्व स्थिति छि स्यठाह नाज़ुक तॖ भावुक आसान,ग़लत परनवऻलिस तमि सातॖ समजावुन छु नॖ मुनऻसिब तॖ वऻजिब बासान। यिथय पऻठ्य छि "इन्द्राक्षीस्तोत्रम" या विष्णु स्तुति या श्री रुद्राष्टकम्" परनॖ विज़ि ति कॆंह परनवऻलय कुनि कुनि जायि ग़लत उच्चारन करान रोज़ान तॖ ॳछ वऺटिथ पकान ब्रोंहकुन। यिमन चीज़न प्यठ पज़ि सानि समाजक्यन पठिथ तॖ ज़ऻन्यकार  लूकन ग़ोर करुन तॖ कॆंह हल छ़ान्डुन यॆमि सॗत्य यिम खऻमियि गछ़न दूर तॖ परन वाल्यन ति बडि धार्मिक किताबॖ परनस मंज़ दिलचस्पी।  महामऻरी छि हॊल गऺन्डिथ तॖ पनॖन्य रफ़तार तेज़ थऺविथ। ॳस्य छि नऺमिथ माजि शारिकायि ब्रोंहकनि तॖ प्रारान तसॖन्दिस अनुग्रहस बॆतऻबी तॖ बॆक़रऻरी सान।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

23.07.2020

23.07.2020 श्रावणॖ (श्रावण) ज़ूनॖ पछॖ (शुक्ल पक्ष) त्रय (देवादेव) (तृतीय) ब्रसवार (वीरवार/बृहस्पतिवार/गुरुवार), श्री सप्तर्षि सम्वत 5096,राश सिंह (चलान)ऋतु वऺहरात (वर्षा/ बरसात)(चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

     महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

कामस सॗतिय प्रय नो बऺरॖम

क्रूधस द्युतुम पवनुन फेश

लूभस मूहस च़रण च़ऺटिम

त्रऺशना च़जिम गऺयस ख्वश

       ************

अर्थात:- मैं ने काम के साथ लगाव न रखा, क्रोध का मार्जिन किया, लोभ तथा मोह के चर्ण काट लिए। इनके लिए मेरी तृष्णा ही समाप्त हुई। तब मैं प्रसन्न होकर आनन्दित हुई। काम, क्रोध, लोभ तथा मोह जैसे विकारों को मैं ने वश में कर लिया।

**************************

       मुहावरॖ (दऺपिथ कऻशुर)

1. मु: कऻज़िस तॖ लऻन्छ़स मेल 

         क्या

   अ: यिमन नॖ कांह बराबऺरी 

        आसि, तिमन हिशर छ़ान्डुन

        छु फ़ज़ूल

2. मु: फऺरहाद बॖड

    अ: स्व बॖड यस खॊडॖफेंचॖ 

         आसन

3. मु: फ़कीर च़ाव आंगन होन्यन

         वॊथ लचि दोद

    अ: हंगॖ तॖ मंगॖ कऻन्सि हुन्द 

         अज़र्वुन युन

**************************

पंचान्ग:- ललद्यि ॴस ज़िन्दगी ॳकिस आम इन्सान सॖन्द्य पऻठ्य ज़ुवमॖच़ तॖ क़रीबी तोर परखऻवमॖच़ तॖ आज़मऻवमॖच़। तसॖन्द्य जज़बात ॴस्य ॳकिस आम इन्सान सॖन्द्य जज़बात। कमाल छु यि ज़ि ललद्यदि हुन्द कलामॖ छु सतव हतव वऺरियव पतॖ ति त्यूतुय मक़बूल, पुर असर तॖ बा-माने यूत यि अज़ ब्रोंह सथ हथ वऺरी ओस तॖ ॳम्यसॖन्द्य वाक् छि अज़ ति तमाम लूकन हॖन्दि बापथ वतॖ हावॖक्य तॖ पुर इलहाम सऻबिथ सपदान। ललद्यॆदि हन्द्य वाक् छि गरॖ गरॖ वऻतिथ लूकन हॖन्दि आम बोल चालॖक्य हिसॖ बन्येमॖत्य। तसुन्द मज़हब छु नॖ कितऻबी। तसॖन्द्य वाक् छि थदि मयारॖक्य, रूहऻनी, मॊदॖर्य, ज़िन्दॖ दिल तॖ आम इन्सान सॖन्ज़ हालथ बयान करवॖन्य। कोरोनावयरसन च़ॊमरोव ॳज़्युक इन्सान। दपान यिम छि लूकव पाफ यीत्य कऺर्यमॖत्य ज़ि भगवानन द्युत इन्सानस ॴस थॊप तॖ दॊपनस मास्क लऻगिथ पख। दपान यीच़ बद-नज़र ॴस इन्सानस मंज़ पऻदॖ गऻमॖच़ ज़ि ईश्वरन कॊर यि इन्सानॗय नज़र-बंद तॖ थॊवुन दूर अख ॳकिस निशॖ। परमात्मा छु असली निगहबान, तऺम्य थॊव स्यॆज़रऻविथ यि इन्सान तॖ वोलनस सोरूय मद तॖ खम ब्रिंज़िस मंज़। त्राहि त्राहि छु करान अज़्युक यि इन्सान। ईश्वरन होव पनुन चमत्कार। तऺस्य प्यमव पर्ण तॖ तऺस्य गछ़व शर्ण तॖ सुय दी असि अमि महामऻरी निशि म्वकॖजार ॳस्य करव ज़ारॖपार।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

 नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

22.07.2020

22.07.2020 श्रावणॖ (श्रावण) ज़ूनॖ पछॖ (शुक्ल पक्ष) द्वय (देवादेव) (द्विती) ब्वदवार (बुधवार) श्री सप्तर्षि सम्वत 5096, राश सिंह (शाम 7.5 बजि प्यठॖ) ऋतु वऺहरात (वर्षा/ बरसात)(चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

     महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

अव्यसतऻर्य पोथ्यन छिय हो मालि परन

यिथॖ तोतॖ परन राम पंजरस

गीता परन हीथा लबन

परम गीता परन छस

          **********

अर्थात:- अविचारी और अविस्तारी पंडित अर्थ जाने बिना ही पोथियां पढते हैं। और रट ऐसी लगाते हैं जैसे तोता रामनाम को अर्थ जाने बिना ही रटता है, जिसका उसे कोई लाभ नहीं होता । गीता पढकर ऐसे लोगों को दिखावा करने का एक बहाना मिल जाता है। वास्तविकता का उन्हें कोई ज्ञान नहीं होता है। मै (लल) ने तो ऐसा नहीं किया, अपितु मैं ने परम गीता अर्थात ओंमकार का अर्थ जानकर इसे आत्मसात कर लिया है।

**************************

         मुहावरॖ (दऺपिथ कऻशुर)

1. मु: दऺह गज़ ह्यॊर क्याह दऺह 

         गज़ ब्वन क्याह

    अ: हिशी कथा बोज़ॖन्य

2. मु: दऺह गज़ सऺन्य क्याह दऺह 

         गज़ वऺगॖन्य क्याह

    अ: यॆलि नॖ ज़्यादॖ या कमॖ सॗत्य

         कांह फरॖख प्यॆयि

3. मु: दऺह चन्दस दऺह व्वंदस दऺह

         शांदस

    अ: यॆलि नॖ कथ साफ़ पऻठ्य

         वनॖनॖ यी।  या

         प्रथ कुनि चीज़ुक बराबर

         ख़याल रोज़ुन

**************************

पंचान्ग:- ललेश्वरी हॖन्ज़ कथ छि चलान। दपान ललद्यदि ॴस नॖ वऻरिव गरस मंज़ हश बत्तॖ ति पूरॖ दिवान। स्व ॴस ललि हॖन्दिस थालस मंज़ निलॖ वठ थवान तॖ प्यठॖ ॴसॖस बत्तॖ शेरान।  लल दपान ॴस बत्तॖ ख्यथ यि निलॖ वठ छऺलिथ छॊकिथ ब्यॆयि वापस चोकस मंज़ थवान। ब्याख यिछ़ॖय कथ दपान अकि लटि गव ललद्यदि च़ेर पाहन यारबलॖ प्यठॖ पां नॊट अनॖनस तॖ रॗन्य त्रोव शरारतस मंज़ पां नऺटिस लोरि दब मगर हऻरऻनी हॖन्ज़ कथ छि दपान नॊट फुट मगर पोन्य रुद फ्यॆकिसॖय प्यठ तीतिस कालस यीतिसकालस ललि चोकस मंज़ सारिनी बानन पोन्य बॊर तॖ बच्योमुत बाकय पोन्य द्युतुन दऻरिथ। वनॖनॖ छु यिवान ज़ि यॆतिनस सु पोन्य प्यव ततिनस दपान बन्यऻव अख नाग युस ललॖ त्रागॖ नावॖ सॗत्य ज़ानॖनॖ छु यिवान। कॆंच़ॖकऻल्य पतॖ दपान ललि कॊर फऻसलॖ मनस मंज़ तॖ त्रोवुन गरॖ बार तॖ गऺयि लीन दय नावस सॗत्य मुकमल पऻठ्य। ॳम्य सॖन्ज़ॖ कॆंह करामऻच़ वुछिथ दपान लूख ह्यॆतिन्य दूर दूर जायव प्यठॖ यिन्य  ललद्यदिहुन्द दर्शुन करनॖ खऻतरॖ। कथ छि जऻरी। महामऻरी छयी छि चलान, ब्याख व्वदरुग आव व्वतलिथ सऺहलाबॖकिस सूरतस मंज़ सऻनिस वतनॖकिस कॆंच़न प्रदेशन मंज़ यॆति सासॖ-बऺद्य लूख आयि वलनॖ तॖ गऺयि पनॖन्यव गरन निशॖ बॆ-गरॖ। जानवर गऺयि यीरॖ, गुर्य गुपन मूद्य, त्रासदी मचेयि यिमन प्रदेशन मंज़ जायि जायि। आसामॖ, बिहारॖ, दिल्लि, यू पी, वगैरा वगैरा जायन। आसामस मंज़ छि लूकन हॖन्ज़ हालथ ज़्यादय पाहन ख़राब गऻमॖच़ दपान। रातुख सु शानि रूद, लूकन यादि पदन रूद। लूख करान छि त्राहि त्राहि। सोंचान ज़ि कमताम पाफ छि कऺर्यमॖत्य तॖ यथ व्वलाबस मंज़ आयि नाहक ह्यनॖ। 

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

21.07.2020

21.07.2020, श्रावणॖ (श्रावण) ज़ूनॖ पछॖ (शुक्ल पक्ष) ऒक्दॊह (प्रथम) बॊम्वार (मंगलवार) श्री सप्तर्षि सम्वत 5096, राश कर्कट (चलान) ऋतु वऺहरात (वर्षा/ बरसात)) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

        महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

लतन हुन्द माज़ लार्योम वतन

ॳकी हऻवनम अकिची वथ

यिम यिम बोज़न तिम कोनॖ मतन

ललि बूज़ शतन कुनी कथ

        ***********

अर्थात:- मैं ने जी तोड परिश्रम किया। एक ही (गुरु) ने एक ही रास्ता दिखाया। यह सुनकर लोग इस बात पर मतवाले और चिंतित क्यों नहीं होंगे और स्वाभिक भी है। कि ललेश्वरी ने सैंकडों बातों को सुनकर भी केवल एक ही बात   स्वीकार कर ली।

विशेष:-(लोग एक को छोड कर दूसरे, तीसरे के पास जाकर ज्ञान प्राप्त करते और प्रवचन आदि सुनते रहते हैं तथा इसी में अपना कल्याण समझते हैं। जैसे कोई राम, कृष्ण, विष्णु, शिव, गणपति नव शक्तियों, आदि की पूजा करते  तथा रामायण, महाभारत, गीता जी आदि ग्रन्थ पढते हैं, तथा ऐसा करने से ही अपना कल्याण समझते हैं। किंतु वे किसी एक बात पर टिकते नहीं हैं। इस से उनका मन भटक जाता है। ललेश्वरी ने ऐसा नहीं किया। उसने एक ही गुरु का दामन थाम कर एक ही शब्द पर विश्वास किया। इसी पर लोग परेशान और विस्मित हुए कि एक ही का दामन थामने से लल क्या कर सकती है। ललेश्वरी कहती है कि होने दो परेशान और पागल ऐसा सोचने वालों को। लल जैसी जिज्ञासू जन एक का ही दामन थाम कर चलते तथा एक ही बात पर विश्वास करके लक्ष्य प्राप्त करते हैं)

**************************

       मुहावरॖ (दऺपिथ कऻशुर)

 1. मु: क़र्ज़न छु च्योमुत आबि

          हयात

     अ: क़र्ज़ छु नॖ वख्तस प्यठ

          नखॖ वसान

2. मु: क़तरॖ क़तरॖ छु दऺर्याव समान

    अ: रछ़ रछ़ कऺर्यथॖय छि कऻम 

         अंद वातान

3. मु: क़ब्लि छुम पनुन च़्यॆ क्याह

         ओर सनुन

    अ: पनॖनिस मामलस मंज़ नॖ 

          ब्यॆयिसॖन्ज़ मुदाख़लत 

          पसंद यिन्य

**************************

पंचान्ग:- ललेश्वरी छि वारयाहाव नावव सॗत्य ज़ानॖनॖ यिवान, मसलन, लल द्यद, ललि आरिफा,ललॖ मऻज। ॳम्यसुन्द ज़न्म छु सपद्योमुत 1352 ईस्वी मंज़ पांद्रठन गामस मंज़ युस कऺशीरि मंज़ श्रीनगरॖ तॖ पॊंपुरस मंज़स वाकह छु। ललद्यॆदि हुन्द ग्वर छु रूदमुत श्री सिदु श्रीकन्ठ युस स्यदॖ बोय सॖन्दि नावॖ सॗत्य ज़ानॖनॖ छु यिवान। ललेश्वरी ओस खान्दर सपद्योमुत पॊंपरस मंज़ॖय। दपान ललि ॴस्य वऻरिव सख तंग करान। मानॖनॖ छु यिवान ज़ि ललद्यद यीच़ाह गाटॖज, व्यदवान तॖ संस्कऻरी ज़नान छि ॴसमॖच़, त्यूतुय मूर्ख, वुकुर तॖ त्रकुर छु ओसमुत ॳम्यसुन्द खानॖदार याने ॳम्यसुन्द रुन। लल छि आमॖच़ रोज़ान लीन पनॖनिस ज्ञानस तॖ योगस मंज़ हालांकि दपान वऻर्यव्यन हॖन्दि दऺस्य ज़ुलुम वातनॖ पतॖ ति ॴस ललद्यद असान असान वऻरिव गरस मंज़ गरॖ कऻम बखूबी करान रोज़ान तॖ अंद वातनावान तॖ सॗत्य सॗत्य वऻर्यव्यन हुन्द ज़ुलुम ति च़ालान। कथ छि जऻरी। वुनि च़ऺज्य नि महामऻरी। लूख ह्यतिन परेशान गछ़ॖन्य। आर्थिक व्यवस्था ह्यच़ॖन्य लूकन हॖन्ज़ डांवा डोल गछ़ॖन्य। लूख ह्यॆतिन पनॖन्यन रिशतव निशि वारॖ वारॖ दूरॖ गछ़ॖन्य। हालांकि कॆंच़व सामाजिक संस्थायव थऻव्य कॆंह गिने चुने लूख पानॖवुन्य जूडिथ फ़ेस बुकॖ दऺस्य मगर अख ज़ॆहनी  तनाव छु द्वह पतॖ द्वह बडान यथ दोरस मंज़ तॖ आम इन्सानस छु नॖ पलि प्यवान ज़ि सु ॴखॖर करे तॖ करि क्याह ॳकिस भगवानस ब्रोंह कनि पनुन कलॖ नोम्रावनॖ रॊस।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

20.07.2020

20.07.2020, श्रावणॖ (श्रावण) गटॖ पछॖ (कृष्ण पक्ष) मावस (अमावस्या) च़ऺन्दॖरवार (सोमवार) श्री सप्तर्षि सम्वत 5096, राश कर्कट (दुहॖचि 3.28 बजि प्यठॖ) ऋतु वऺहरात (वर्षा/बरसात) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

       महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

मायि ह्युव नॖ प्रकाश कुने

लयि ह्युव नॖ तीर्थ कांह

दयस ह्युव नॖ बांधव कुने

भयस ह्युव नॖ स्वख कांह

        ***********

अर्थात:- प्रेम जैसा प्रकाश कोई प्रकाश नहीं क्योंकि प्रेम से सब जगह परमात्मा रूपी प्रकाश है। अपने अंतर में लीन होना ही तीर्थ है, अर्थात अपने आराध्य के साथ लय होने के कारण जिज्ञासु तुरंत अंदर झांक कर अपने प्रभु के पास पहुंच जाता है। इसलिए वही तीर्थ हुआ अर्थात लीन होना ही तीर्थ है। परमात्मा के समान कोई रिश्तेदार नहीं है, जिसको हम उस समय याद करते हैं, जब हमें सब छोड देते हैं। और भय (मृत्यु तथा संसार सागर में डूबने का डर) के समान और कोई सुख नहीं। क्योंकि जब बुरा काम करने के बदले सज़ा मिलेगी तो इस भय के कारण पाप नहीं होगा इसलिए भय ही सुख है। परमात्मा का डर रखना भी यहां अर्थ देता है।

**************************

         मुहावरॖ (दऺपिथ कऻशुर)

1. मु: ख़ाम-तमाह तॖ अपज़्योर

    अ: लालची छु बद-नियथ 

         आसान

2. मु: खान बड़ा खान बड़ा मंज़

         बागॖ च़्वचि ॳडा

    अ: यॆलि कऻन्सि नाव थॊद 

         आसि अमापॊज़ खरॖच 

         करि म्वखसरय

3. मु: खऻकी फूकी गर्दि

         आसमऻनी

    अ: यॆलि कांह सऻर्यसॖय फान

          कऺरिथ पऺथरिस लारि

**************************

पंचान्ग:- अज़ छि सोमामावस्या। कऺशीरि मंज़ ओस ॳज़्यकि द्वह सुबहऻय सूमयार मंदरॖकिस यारबलस प्यठ बीरॖ आसान श्रान करनवाल्यन हॖन्ज़। ज़नानॖ क्यो मर्द ॴस्य प्रभातन प्यठय वातान ओर तॖ ॴस्य श्रान करान रोज़ान। सूमयार मंदर प्रबंधक कऺमीटी वाल्यन तरफॖ ओस तऺजीरॖ गन्डनॖ यिवान यारबलॖ तॖ ज़नानन हॖन्दि श्रानॖ बापथ ओस यिवान अलग इन्तिज़ाम करनॖ। म्यॆ छु वारपऻठ्य याद प्यवान ज़ि हब्बॖकऺदल बीनि प्यठ ओस पुलिस गश्त रोज़ान करान अमि म्वखॖ ज़ि कांह गॊछ़ नॖ हॆरि बीनि प्यठॖ खड़ा रोज़ुन तीतिस कालस यीतिस कालस ज़नानॖ म्वकलॖहऻन श्रान कऺरिथ। अख मेलॖ ह्युव ओस लगान ॳज़्यकि द्वह तथ सूमयार मंदरॖकिस यारबलस प्यठ। यिमय यार गऺयि असि निशि दूर, स्यठाह दूर। सूमयार, प्वरुषयार, गणपथयार, बऺड्ययार, क्रालॖयार, वगैरा वगैरा। नम गछ़ान ॳछ यॆलि फ्युर लगान ख़यालस। यि कथा कऺमिस बोज़नावव तॖ कुस बोज़ि तॖ बूज़िथ ति करि क्याह। व्यथि मंज़ स्व ग्वतॖ ग्वथ पऻनिस मंज़ करनस ओस पनुनुय अख अलग मज़ॖ। हब्बॖकऺदलॖ ओस आसान मॊत मत्यॊमुत, अकि तरफॖ कऻशिर्य बटन हुन्द आव गव, दॊयिमि तरफॖ हाकॖवाजिन्यन हुन्द शोर, गाडॖ कॖनन वाल्यन हॖन्ज़ क्रख चिख,स्यठाह खूबसूरत नज़ारॖ तॖ लूबवुन मोसॖम। महामऻरी छि हॊल गऺन्डिथ पतॖ लऺगिथ, ॳस्य ति कूशिश करान ज़ि सऻरी रोज़व अमि महामऻरी निशॖ डऺलिथ। बिहिथ छि पनुन पान माजि दुर्गायि पुशॖरिथ।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

19.07.2020

19.07.2020, श्रावणॖ (श्रावण) गटॖ पछॖ (कृष्ण पक्ष) च़्वदह (चतुर्दशी) आथवार (रविवार/ एतवार) श्री सप्तर्षि सम्वत 5096, राश मिथुन (चलान) ऋतु वऺहरात (वर्षा/बरसात)(चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

     महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

          लल वाक्

ॳछन ह्यु नॖ प्रकाश कुने

क्वठ्यन ह्यु नॖ तीर्थ कांह

चंदस ह्यु नॖ बांधव कुने

खनि ह्यु नॖ स्वख कांह

         ********

अर्थात:- जब आंखें हैं तो सब कुछ प्रकाशित देखा जा सकता है। इसलिए आंखें ही प्रकाश है। अपनी टांगें ही महान तीर्थ है क्योंकि अपनी टांगें ही हमें तीर्थ पर ले जा सकती हैं। पैसा ही बड़ा रिशतेदार हे क्योंकि वही बुरी समय पर काम अता है और वैसे ही चादर आदि शरीर को ढकने के वस्त्र के समान कोई सुखदायी नहीं है। जिसे ओढ कर हम आराम करते हैं।

**************************

        मुहावरॖ (दऺपिथ कऻशुर)

1. मु: काहन गरन कुनी तऻव

    अ: यॆलि स्यठाह व्यछ़य आसि

2. मु: केंह नॖ कऻम तॖ क्वलॖगोम

    अ: वख ज़ायि करुन

3. मु: केंकॖलचि छु डायि गऺर्य याद

         प्यवान

    अ: मशर्यॆनुक आदत, या

         वखतस प्यठ नॖ याद प्यॊन

**************************

पंचांग:- बुजि गऺयि च़िथ तस ओस हित। रक्षा बंधन द्वह छु जलदॖय यिनॖवोल। चूंकि रक्षा बंधन त्योहारस कांह धार्मिक महत्व छु नॖ, ॳस ह्यकव यि रीथ तुलिथॖय युहसॖ प्यठॖ। ॳमि बजायि कऺर्यतन पनॖन्यन पनॖन्यन गरन मंज़ बिहथॖय सऻरी बऻय यि संकल्प ज़ि तिम करन पनॖन्यन ब्यॆन्यन अलावॖ बकाया ब्यॆन्यन हॖन्दि यज़तस तॖ आबरु-हस पनॖनि ज़ुवॖक पऻठ्य रऻछ तॖ रोज़न बचावान सारिनी ब्यॆन्यन कुनि ति सामाजिक संकटॖ निशॖ। राखी गन्डनावॖन्य ओस वुन्युखताम अख रीथ बनऻवमॖच़ असि ह्यॆन्द्यव युस पकान पकान ओस ॳकिस फऻशनस मंज़ तब्दील गोमुत। यॆलि सऻन्य सांसद ह्यकन संसदस मंज़ पनॖनि वतनॖच हिफाज़त करनॖ म्वखॖ कुनि पनॖ दावि रॊस शपथ तुलिथ, ॳस्य कयाज़ि ह्यकव नॖ हऺच़िस प्यठ पन-दाव गन्डॖनावॖनॖ रॊस युथुय शपथ तुलिथ पनॖन्यन ब्यॆन्यन हॖन्दि हिफाज़तॖ मूजूब। अख सुझाव छु म्यानि तरफॖ। फऻसलॖ करुन छु त्वहि ताम। पनॖनि सेहतुक थऺविव ख़याल बजाह रूज़िन तुहुन्द अयाल।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com)

18.07.2020

18.07.2020 श्रावणॖ (श्रावण) गटॖ पछॖ (कृष्ण पक्ष) त्रुवाह (त्रॆयॊदशी) बटॖवार (शनिवार/ शनिश्चरवार) श्री सप्तर्षि सम्वत 5096, राश मिथुन (दुहॖचि 9.00 बजि प्यठॖ) ऋतु वऺहरात (वर्षा/बरसात) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

        महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

सिरियस ह्यु नॖ प्रकाश कुने

गंगि ह्यु नॖ तीर्थ कांह

बऻयिस ह्यु नॖ बांधव कुने

ज़नि ह्यु नॖ स्वख कांह

        *********

अर्थात:- सूर्य के समान प्रकाशवान, गंगा जैसा तीर्थ, भाई जैसा बांधव और कोई नहीं इसी प्रकार पत्नी के समान और कोई सुख नहीं है।

**************************

        मुहावरॖ (दऺपिथ कऻशुर)

1. मु: हाल मतॖ प्रॖछ़तम रॊयसॖय

         वुछतम

    अ: कऻन्सि हुन्द गुदरुन छु तस

         सॖन्दि बुथि प्यठॖ ननान

2. मु: हऻज़्यरस बोग तॖ गऻर् 

         हऻज़्यरस चपाथ

    अ: युस बरोंह कनि आसि तस 

         बनि सोरुय

3. मु: हर्फस गवाह तॖ म्यॆन्डिस

         शऺरीक

    अ: सॗत्य बोज आसुन या 

         नऺज़दीकी ज़ऻन्यकार आसुन

**************************

पंचान्ग:-  कति तिम पांछ़ शे ॴठ नौ शुर्य, अज़ यिमन अख ज़ॖय तिमन ति खुर्य। फीस वीस बऺर्य बऺर्य पेरन्ट बरहम। अख नज़र यॊदवय ॳस्य पथकुन त्रावव कऺशीरि मंज़ ॴस्य अज़ त्रॖह पांच़ॖत्रॖह  वऺरी ब्रोंठ सऻरी कऻशिर्य बटॖ गरॖ बऻच़व सॗत्य आसान बऺर्य बऺर्य याने प्रथ गरस मंज़ ॴस्य आसान पांछ़ पांछ़ शे शें शुर्य, मसलन त्रॆ बऻय तॖ ज़ॖ ब्यॆनि, च़ोर बऻय तॖ त्रॆ ब्यॆनि वगैरा वगैरा तॖ यॆलि यिम शुर्य बडान ॴस्य, फऻम्फलान ॴस्य, खान्दर-वान्दर करान ॴस्य तॖ यिमन ति शुर्य कऺट्य ज़्यवान ॴस्य, गरॖ ओस बासान ओरुत तॖ ब्वरुत। क्रख चिख ॴस आसान अहलस मऺहलस मंज़ तॖ यॊदवय कुनि विज़ि मुच़ुकरी ति गछ़िहे गरिक्यन बऻच़न पानॖवुन्य तॖ ॴस्य ब्यॊन नेरान मगर तऺथ्य मकानस मंज़ ॴस्य आसान हेरॖ तॖ ब्वनॖ। दान ॴस्य अलग गछ़ान मगर शोरोगुल ओस बराबर ग्रज़ान रोज़ान। ॳस्य छि आमॖत्य वुन्युखताम सुय माहोल वुछान मगर यिम त्रॖह पांच़ॖत्रॖह वऺरी गऺयि सऻन्य तिम बऺड्य गर श्रॊकान तॖ छ़्वकान, वजह बॊड छु यि ज़ि व्वं छि नॖ अकि या द्वयव शुर्यव ज़्यादॖ आसानॖय, अंतर-जाति खान्दरव ति रऺट तेज़ रफ्तार, ब्यॊन ति अगर पानवुन्य नेरान छि तॖ फ्लैट छि अलग यिवान ह्यनॖ तॖ दूर्यर ह्यवान लगुन। अख या ज़ॖ शुर्य बऺडिथ छिनॖ पनॖनिस मऻलिस माजि सॖत्य ह्यकान रूज़िथ तिक्याज़ि प्राईवेट नोकरी कऺर्य कऺर्य छिनॖ तिम ह्यकान यिकॖवटॖ रुज़िथ, कॆंह शुर्य छि वतनॖ न्यबर ज़ंग कऺडिथ आसान तॖ तति पनॖन्य कॖस्मतॖ आज़मऻयी करान। यॆति छि सऻन्य बऻय यकुत छ़ान्डान मगर सु नज़र यी कति यिथ्यन हालातन मंज़। यकीन कऺरिव तॊह्य ज़ि अज़कल छि मास या प्वफ छ़ान्डॖन्य ति दुशवार यिमन सानि संस्कृति मूजूब कॆंह ज़िम्वऻरी छि आसान पूरॖ करॖन्य खान्दरन व्वछ़बन प्यठ। रिशतन गऺयि तॖरॖ तॖरॖ। व्वंय छि सिरिफ ॳस्य याद करान ज़ि तॆलि ॴस्य हेरच़ प्यठ यिकवट सऻरी सऺमिथ हारन गिन्दान। सिरिफ छि याद करान। यि छि ख़बर ज़ि सु वख यी नॖ फीरिथ तोति वनान छि रोज़ान ज़ि असि पज़ि पनॖन्यन शुर्यन बोज़नावुन सोन पॊतकाल। मगर बोज़नावव कमि बापथ? तिमन करुन क्या छु बूज़िथ? बोज़नावव कस? तिम शुर्य छि कति? अख बऺंड विडम्बना छि यि यथ मंज़ ॳस्य पनॖनि ज़िन्दगी हुन्द सफर छि  करान। थऺविव पनॖनि सेहतुक ख़याल तिक्याज़ि महामऻरी छि वुनि ॴस वऺहरिथ।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

17.07.2020

17.07.2020, श्रावणॖ (श्रावण) गटॖ पछॖ (कृष्ण पक्ष) बाह (द्वादशी) शॊकुरवार (शुक्रवार/जुम्मा) श्री सप्तर्षि सम्वत 5096 राश वृष (चलान) ऋतु वऺहरात (वर्षा) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

      महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

         लल वाक्

नऻबिस्थानॖ छय प्रकरथ ज़लवॖनी

हिडिस ताम यॆति प्रान वतॖगॊत

ब्रह्मांडस प्यठॖ सॗत्य नदि वहवनी

हहॖ गव तुरुन तॖ हाह गव तॊत

          ************

अर्थात:- नाभि में जठरानल अग्नि है। कंठ तक सांस का आना जाना होता है। उससे सांस गर्म होकर बाहर निकलती है और ब्रह्मांड में प्राण वायु की शीतल नदी बसती है इसीलिए सांस लेते समय ठंडी होती है।

विशेष :- (शरीर में मेरु से तीन नाडियां उतर कर नाभि में मिल जाती हैं। इन तीनों नाडियों में इडा के ऊपरी सिरे पर चन्द्रमा तथा पिंगला के निचले छोर पर सूर्य है। अर्थात, सूर्य का स्थान नीचे के देश में तथा ब्रह्मांड में चन्द्रमा का स्थान है। सुषमना जिस के मध्य में चित्रा नाडी है, इन दोनों के बीच में चलती है। इडा नाडी का प्रभाव शीतल होता है और पिंगला का गर्म होता है।)

**************************

        मुहावरॖ (दऺपिथ कऻशुर)

1. मु: ख्यनॖ म्यूठ अमापॊज़ होरुन

         ट्यॊठ

    अ: सु मज़ॖदार चीज़ युस ख्वश

         करि, अमापॊज़ असर 

         नाकारॖ आस्यस

2. मु: ख्यनॖ ख्यवान तॖ व्यनॖ 

         डऻल्य डऻल्य

    अ: न्यॆबॖर्य बॆ-मऻल लागुन मगर

         ख्यॊन बॆवाय

3. मु: ख्यनॖ च्यनुक यार

    अ: मतलऺबी इन्सान

**************************

पंचान्ग:- रंगॖ रंगॖ रंगॖदार वुछमय म्यॆ इन्सान। च़ूर तय पऺहरदार वुछमय म्यॆ इन्सान। इन्सान कऻत्याह रूप छु दारान ज़िन्दगी हॖन्दिस सफ़रस मंज़ यि वुछिथ छु इन्सान हऻरान गछ़ान। ईमानदार आसनुक डोल वायान वायान किथपऻठ्य छु बे-ईमऻनी हॖन्दिस दल दलस मंज़ ॴडरनॖ यिवान, पतहॗय छॆ नॖ लगान। अगर शुर ॳकिस स्कूलस मंज़ पनॖन्य पडऻय करान छु तॖ अगर स्कूलस मंज़ मास्टर जी ॳमिस शुरिस सऺही तऻलीम दी, तॆलि क्याज़ि प्यॆयि ॳमिस शुरिस स्कूलॖ अलावॖ कोचिंग क्लासस मंज़ गऺछ़िथ सॊय तऻलीम ब्यॆयि दॊहरावॖन्य? स्कूलुक मास्टर जी क्याज़ि छु नॖ पनॖन्य ज़िम्वऻरी पूरॖ निभावान तॖ यि शुर छु मजबूर गछ़ान कोचिंग सैन्टरस मंज़ दऻखलॖ निनॖ बापथ तॖ सासॖबऺद्य रॊपियि खर्चावान रोज़ान। कोचिंग सैन्टर चलावनुक इजाज़थ क्याज़ि छु सरकार दिवान रोज़ान तॖ शुरिस दु-तरफानॖ ब्रख पावान, परनॖ रंग्य तॖ पौंस रऺन्ग्य ति। युस मोल मऻज्य छु नॖ ह्यकान पनुन  चन्दॖ यूत वाहरऻविथ सु छु मजबूर गछ़ान बे-ईमऻनी सॗत्य पौंसॖ कमावनस प्यठ या न तॖ  पनॖनिस शुरिस कोचिंग सैन्टर निशि दूर थवुन। यिथय पऻठ्य अगर वुछव तॖ लछॖ बॊदरॊपियि छु प्यवान खर्चावुन ॳकिस मऻलिस पनॖनिस शुरिस डाक्टर  या इन्जीनियर बनावनॖ बापथ, क्याज़ि? यॆमिस कऻन्सि स्यॊद पऻठ्य सीट मेलान छि यिमन ट्रेनिंगन मंज़, तिम छि कॖस्मतवऻलय आसानॖय मगर बकाया शुर्यन हुन्द कॖस्मथ क्याज़ि छु यिवान दावस  लागनॖ। क्याहताम ख़रऻबी छि सऻनिस परनावनॖकिस सिस्टमस मंज़। यि छु अख ख़ास वजह ति म्यॆ बासान युस ॳकिस इन्सानस मजबूर करान छु बे-ईमान बनावनस मंज़ ति क्याज़ि सु छु नॖ पूरॖ ह्यकान कऺरिथ यिथ्य ह्यी अखराजात पनॖनि माहानॖ तनखा सॗत्य तॖ दिवान रोज़ान छ़ऻन्ड बे-ईमऻनी हॖन्दिस पौंसस कुनि न तॖ कुनि रऺन्गय। म्यऻन राय छि ज़ि यिम कोचिंग सैन्टर गछ़न बंद गछ़ॖन्य तॖ शुरिस गछ़ि पूरॖ तऻलीम मेलॖन्य स्कूलस मंज़ॖय तॖ तमिस गछ़ि नॖ प्यॊन हटरि हटरि फ़ेरुन पनुन भविष्य छ़ान्डनॖ बापथ। तऻलीम गछ़ि प्रथ शुरिस यूत बॖ त्यूत मुफुत वातॖन्य या कम ख्वतॖ कम खर्चस मंज़। यि छि सरकारॖच ज़िम्वारी ज़ि किथॖपऻठ्य करि सु सिस्टम ठीख।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

16.07.2020

16.07.2020, श्रावणॖ (श्रावण) गटॖ पछॖ (कृष्ण पक्ष) काह (एकादशी) ब्रसवार (वीरवार/ बृहस्पतिवार/गुरुवार),श्री सप्तर्षि सम्वत 5096, राश वृष (चलान) ऋतु वऺहरात (वर्षा)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

       महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

हे ग्वरा परमीश्वरा 

बावतम च़्यय छुय अंतर व्यॊद

द्वशवय व्वपदन कंद पुरा

हू कवॖ तुरुन तॖ हाह कवॖ तॊत

        ***********

अर्थात :- ललीश्वरी अपने गुरु से प्रश्न करती है कि एक ही शरीर में नाभिस्थान से दोनों प्राण उत्पन्न होते हैं फिर सांस लेते समय ठंडा तथा छोडते समय गर्म क्यों होता है। आप ही बताएं क्योंकि आपको इनका अंतर विदित है।

**************************

         मुहावरॖ (दऺपिथ कऻशुर)

1. मु: चाह कुन राह चाह दरपेश

    अ: युस कऻन्सि बद यॆछ़ि तस 

          छु पानसॖय गुदरिथ यिवान

2. मु: चऻर्य पथॖर

    अ: हज़लॖ पऻठ्य छि तथ बऺस्ती

         वनान यॆति सऻरी बेकॖल

         आसन

3. मु: चऻनिस हाकस छु नॖ पाक

         दिनुक ज़रूरथ

    अ: कऻम करनवऻलिस तऻरीफ

         करॖन्य

**************************

पंचान्ग:- अकिस दज़ान दऻर ब्याख वुशनावान अथॖ। अकि तरफॖ फाटॖनऻव तॗर कोरोनावयरसन, लूख करान त्राहि त्राहि। दॊयिम तरफॖ ह्यॊत कॆंच़व लूकव यथ महामऻरी हॖन्दिस नावस प्यठ फऻशन दार मास्कॖ बनावॖन्य। मास्कन हीरॖ जवऻह्यरात जरॖन्य, स्वन जरुन। मास्क ब्यॊन ब्यॊन रंगॖक तमि आयि बनावॖन्य युथ तिम साड्यन सॗत्य मेल ख्यन। टी वी प्यठॖ होवुख यि दृश्य तॖ हऻरान गोस बॖ यि बूज़िथ ज़ि मास्कुक कॗमथ छु डॊड लछि प्यठॖ च़्वन लछन ताम। दपान ॴस्य ज़ि यि मास्क यी पनॖनि पसंद तॖ पनॖनि हिसाबॖ बनावनॖ, अथ प्यठ स्वन, हीर, जवऻह्यरात यिन छलनॖ, छ्वकनॖ यिन सुहील्यत सान वगैरा वगैरा। ब्यॆयि तरफॖ बूज़ुम दपान बाज़रस मंज़ आव कोरोना-ओवुन यथ मंज़ प्रथ कॆंह चीज़ यी सतन-ॴठन मिनटन थवनॖ तॖ यिमन चीज़न यी सैनिटायज़र लगावनॖ पानय, क्याहताम युथुय ह्यु त्वतमॖ युस त्र्यन साईज़न मंज़ आमुत छु बनावनॖ तॖ कॗमत छु शायद बाह सास रॊपियि प्यठॖ शुरु। दवा छु वुनि बाज़रस मंज़ यिनय मगर फऻशन आव ग्वडय। बासान छु यिथ्य हालाथ वुछिथ ज़ि असि मोन यि ज़ि यि महामऻरी छि ज़न असि सॗत्य रोज़नी आमॖच़ वारियाह कालस ताम तॖ तमि हिसाबॖ ह्यॊत लूकव पनुन कारबार चलावुन। मरन वाल्यन हॖन्ज़ संख्या छि बडान सऻनिस वतनस मंज़। रफ्तार छि तेज़। यिम वुन्युखताम मूद्य, तिम भवॖसागरस अपोर तरान रूद्य, यिम शाह ह्यवान छि वुनि, तिम छि नऺव्य नऺव्य तमाश वुछान द्वह पतॖ द्वह। कॊत गछ़ि अख ग़रीब इन्सान ॳज़्यकिस वख्तस मंज़। यि क्युथ न्याय छु, यि क्युथ राज छु, यि कथ दिशायि कुन छु ॳज़्युक इन्सान गछ़ान यि ख़बर ॴसिथ ति ज़ि सॗत्य छु नॖ अख देलॖ ति न्युन तॆलि क्याज़ि छु यि च़ॊच़ुन। राथ द्राव रिज़ल्ट दऺह्यमि जमऻच़ वाल्यन। मुबारक तिमन सारिनी म्योन यिम यॆमि तारॖ गऺयि तऺरिथ। हऻरऻनगी छि यि ज़ि प्रथ अख शुर छु नम्बर फीसऺदी पतॖ लॊगमुत। अख मानसिक तनाव छु पऻदॖ सप्दान, शुर्य सॖन्दि बापथ, शुर्य सॖन्दिस मऻलिस-माजि बापथ ज़ि शुर हय करि तॖ करि क्याह। अकि तरफॖ खय तॖ ब्यॆयि तरफॖ क्रूर। ज़ानि दय तस क्याह छु मनज़ूर

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

15.07.2020

15.07.2020 श्रावणॖ (श्रावण) गटॖ पछॖ (कृष्ण पक्ष) दऺहम (दशमी) ब्वदवार (बुधवार) श्री सप्तर्षि सम्वत 5096, राश वृष (रऻच़ हॖन्ज़ॖ 11.18 बजि प्यठॖ) ऋतु ग्रीष्म (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

        महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

रोज़ॖनि आयस गछ़ुन गछ़्यम

पकुन गछ़्यम वावॖ लूकपाल

कॆंहनस प्यठॖय नच़ुन गछ़्यम

अच़ुन गछ़्यम सूक्षम प्रकऻर्य

           **********

अर्थात:- जब आए हैं तो जाना ही चाहिए। सांस है तो यह भी चली जाएगी। येदि सूक्षम रास्ता न लेलूं तो शून्य पर नाचना जैसा होगा और यहां आना व्यर्थ हो जाएगा।अर्थात, यहां संसार में आकर परमार्थ प्राप्ति सर्वोपरि लक्ष्य होना चाहिए। इस के बिना कुछ साथ जाता नहीं है।

**************************

       मुहावरॖ (दऺपिथ कऻशुर)

1. मु: ग्यॆलि ग्यॆलि छि कांह ग्यल

         स्यॆज़ गछ़ान

    अ: लगातार कूशिश करनॖ 

         सॗत्य छु स्यज़र गछ़ान

2. मु: ग्यव ख्यवानॖय छॆ नॖ गर्दन

         म्वटान

   अ: कांह कऻम कऺरिथ छु तम्युक

        नतीजि नेरनस वख लगान

3. मु: गुह्य ऱयून्ज़

    अ: सु शख़स युस बऺल्य व्वथ्य

         व्वथ्य आसि गछ़ान  याने

         लॊत शख़स

**************************

प़चान्ग:- पलि छु नॖ प्यवान ॴखॖर असि करुन छु क्याह? कोरोनावयरसन होव व्यॊखतुय रूप। गरन मंज़ श्रऺपरऻविन लूख, बऺहरान छु नॖ इन्सान न्यबर नेरनस। फ्रठ छु ज़ि याम क़दम न्यबर कडव, हय रटि मा अतीय।अकि जायि प्यठॖ ब्यॆयिस जायि गछ़नस रूद बीम तिक्याज़ि कुनि जायि वातनॖ ब्रोंठुय छु कॆच़व ट्यस्टव तलॖ नेरुन ज़रूरी। यॊदवय ट्यस्टॖ ठीख आसन तॆलि छु तऺमिस मेलान इजाज़थ पनॖनिस मुकामस ताम वातनुक। यॊदय कुनि ट्यस्टस रछ़ खन्ड ति ह्यॊर-ब्वन आसि या शकावर मामलॖ बासि, तऺमिस छि थवान कोरोटायनस मंज़ कॆंच़न दॊहन, अड्यन छि थवान च़्वदहऻन दॊहन, अड्यन ॳकिस हफ्तस तॖ स्व मियाद पूरॖ गछ़नॖ पतॖय छु सु शख़स यिवान आज़ाद करनॖ बशर्ति तम्यसुन्द ट्यस्ट रिपोर्ट खॖराब आसि नॖ। वारियाह कामि छि रुकिथ गऻमच़ॖ, वारियाहन गरॖक्यन बऻच़न छि छलॖ छांगॖर गऻमॖच़। मेलुन-जेलुन गव बंद, कथ-बाथ छि करॖन्य परहेज़ सान अख ॳकिस सॗत्य। इन्सान आव पसरॖ पऺत्यम्यव पान्च़व शॆयव ऱयतव प्यठॖ। फेरुन-थोरुन ति गव बंद। शुर्यन हुन्द गिन्दुन-द्रॊकुन ति गव  बंद। कॆंच़न दफतरन हॖन्ज़ कऻम छि पनॖन्यन पनॖन्यन गरव प्यठय यिवान करनॖ तिहॖन्द्यव मुलऻज़्यमव दऺस्य। बऺड्य बुज़र्ग ह्यॆतिन तंग गछ़ॖन्य गरन मंज़ॖय बिहिथ नॖ ज़्यादॖ हिलुन या डलुन। यि महामऻरी कॗतिस कालस रोज़ि ब्यॆयि चलवॖन्य, यि वनुन छु स्यठाह मुश्किल। अंदाज़ॖ लगावुन छु नॖ मुम्किन, ती छि वनान सऻरी दऺछिन्य खॊवॖर्य। यॆमि महामऻरी कऺर सानि वतनॖच आर्थिक दशा डांवाडोल। व्यवसायस प्यठ प्यव स्यठाह बुरॖ असर, ट्रेनन हुन्द आवागमन छु बंद, हवऻयी जहाज़न हुन्द वुडुन छु बंद। यि दऺप्यज़ि ति इन्सान छु त्रऻहर्योमुत ॳन्दॖर्य ॳन्दॖर्य। सोंचान छु इन्सान ज़ि बॖहऻय गछ़ॖ तॖ गछ़ॖ कॊत। करॖहऻय तॖ करॖ क्याह, वनहऻय तॖ वनॖ कऺमिस। कॆंह छु नॖ पलि प्यवान। बस व्वंय छु सिरिफ दय सुन्द नाव ह्यवान तॖ तसॖन्दिस ह्वकमस प्रारान।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

14.07.2020

14.04.2020, श्रावणॖ (श्रावण) गटॖ पछॖ (कृष्ण पक्ष) नवम (देवादेव) (नवमी) बॊम्वार (मंगलवार) श्री सप्तर्षि सम्वत 5096, राश मेष (चलान) ऋतु ग्रीष्म (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

      महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

रुत तय क्रुत सोरुय पज़्यम

कनन नॖ बोज़ुन ॳछन नॖ बाव

ओरुक दपुन यॆलि व्वंदॖ वुज़्यम

रत्नदीफ प्रज़ल्यम वरज़ॖन्य वावॖ

            ***********

अर्थात:-  अच्छे बुरे का सामना तो मुझे करना ही है। ऐसा होने पर मैं ने इन बातों का अनसुना करके मेरी आंखों में प्रतिक्रिया वश कोई विकार नहीं आया। जब प्रभु की ओर से ही शब्द एवं अनाहत शब्द प्रगट होगा तो भयानक जंजावात में भी मेरा दीप प्रज्वलित होगा, अर्थात, मेरे अंदर का प्रकाश  प्रगट होगा तो कोई भी कठिनाई  मेरा कुछ बिगाड नहीं सकती।

भावार्थ:- (निरंतर अभ्यास से परमेश्वर की कृपा से अपने अंदर शब्द तथा प्रकाश उत्पन्न होता है। किसी ज़ोर ज़बरदस्ती से ऐसा कभी नहीं हो सकता है।)

**************************

         मुहावरॖ (दऺपिथ कऻशुर)

1. मु: जान ऒर तॖ जहान् ऒर

    अ: अरिज़ुवॖ छु सोरुय जान

          आसान

2. मु: जान छु पनुनॖय पान

    अ: ब्याख ह्यॆकि तॆलि जान 

         ॴसिथ यॆलि पानॖ जान 

         आसि

3. मु: जान गव सुय युस जान 

         वरतावि

    अ: जान्यर छु नॖ सिरिफ वनॖनॖ

          सॗत्यी आसान बऺल्कि 

          हऻविथ द्युन प्यवान

**************************

पंचान्ग:-  राथ द्राव नतीजि बऺहमि जमऻच़ वाल्यन शुर्यन यिम बेसब्री सान अमि बापथ प्रारान ॴस्य। बोज़नस तल आम ज़ि लखनवचि अकि लऺडकी छु ग्वडन्युक मुकाम हऻसिल कॊरमुत यॆमिस शॆयव हतव नम्बरव मंज़ शॆ हथ नम्बर हऻसिल कऺर्यमॖत्य। विश्वास छु नॖ यिवान यि बूज़िथ मगर हक़ीकत छि यी। पऺत्यम्यव वारियाहव वऺरियवॖ प्यठॖ वोत यी वुछान ज़ि कोरि छि लऺडकन हॖन्दि न्यसॖबतॖ ज़्यादॖ थज़र थवान आमॖच़ॗ मगर शॆयव हतव मंज़ॖ पूरॖ शॆ हथ नम्बर यिन्य छि हना हऻरऻनी तॖ अख तऻज्यबॖच कथ। ताहम म्यानि तरफॖ छु पास गऻमॖत्य शुर्यन हथ हथ मुबारकॖ। बहमि जमऻच़ पास कऺरिथ कऺरिथ छि शुर्य ह्यवान ब्यॊन ब्यॊन क्षेत्रन मंज़ पनुन मुक्क़दर आज़मावनॖच कूशिश करॖन्य याने इन्जीनियर, डाक्टर, वगैरा वगैरा। तनाव छु बडान रोज़ान। शुर्यन हॖन्द्यन मऻलिस माजि ख़ास तोर पऻठ्य। यॆति प्यठॖ छि व्वं पौंसॖच खेल शुरु गछ़ान। यॆमिस यूताह चन्दॖ बॊरुत आसि सु छु तीच़ ज़ीठ व्वठ ह्यकान त्रऻविथ। अथ तमाशस मंज़ छु ग़रीब शुर पिसनॖ यिवान तॖ छु पनॖनिस गुर्बतस कोसान रोज़ान तॖ पौंसॖवोल शुर छु बे-खोफ पऻठ्य तोषान तॖ ख्वश रोज़ान। कॆंह छि यछ़ान क्याहताम तॖ छुख मेलान क्याहताम या मेलान छुख नॖ पनॖनि आयि तॖ लाचऻरी मंज़ हलम दारान तऺथ्य यी ब्रूंठ्य यियख। परुन तॖ लेखुन छु अख बोड तिजारत बन्यॊमुत सऻनिस वतनस मंज़ ग्वडॖ प्यठॖ अंदस ताम। लछॖ बद्यन रॊपियन मंज़ छु यि कारबार आमुत चलान तॖ यि छु म्यानि हिसाबॖ भ्रष्टाचारुक ग्वडन्युक वजह तऻलीमी अदारस मंज़। स्कूलन सॗत्य सॗत्य कोचिंग सैन्टर, सरकऻर्य स्कूल तॖ प्राईवेट स्कूल हॖन्ज़ माम मान, काल्यजन मंज़ सयासतुक दब दबॖ, वगैरा वगैरा।।खऻर यि छु अख ज़्यूठ मसलॖ तॖ यॆतिनस करव नॖ अमिच कथ वुन्यक्यनस। म्यऻन्य ॴही छि सारिनी शुर्यन ज़ि तिम गऺछ़िन काम्याब पनॖनिस पनॖनिस मुरादस मंज़। महामऻरी छि ॴस वहरऻविथ तॖ निवान न्यंगलिथ अख अख जान। वुनि छु नॖ कांह व्वपाय नज़र यिवान यॆमि सॗत्य यि महामऻरी गछ़ि गऺलिथ मूलॖम्वंजे। जंग छु जऻरी। दय करि पनॖन्य यऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

13.07.2020

13.07.2020, श्रावणॖ (श्रावण) गटॖ पछॖ (कृष्ण पक्ष) ॴठम (देवादेव) (अष्टमी) च़ऺन्दॖरवार (सोमवार), श्री सप्तर्षि सम्वत 5096, राश वृष (दुहचि 11.13 बजि प्यठॖ) ऋतु ग्रीष्म (चलान) द्रठॖपऻन्च़ुक (पंचक) ति म्वकॖलि अज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

        महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

         लल वाक्

नाबद्य बऻरस अटॖ गंड ड्यॊल गोम

दीहकाड हॊल गोम ह्यकॖह कह्यो

ग्वरॖ सुन्द वनुन रावन त्यॊल प्योम

पहलि रुस ख्यॊल गोम ह्यकॖह कह्यो

           **********

अर्थात:- मेरे द्वारा उठाए गए मिश्री की बोझ की रस्सी ढीली पड गई और बोझा नीचे खिसकने से शरीर झुक गया है। अब बोझा उठाना कठिन हो गया है। जब से गुरु का वचन सुना, ऐसा लग रहा है कि मेरी कोई वस्तु खो गई हो, जिससे मैं दुखी हो रही हूं। गडरिऐ के बिना भेडों (इन्द्रियों का समूह तथा वासनाएं) के रेवड की तरह भिखर गई सों, अब इनको एवं अपने को कैसे संभालूं।

भावार्थ :- (मन के कारण इन्द्रियां काम करती हैं। जब मन गुरु को दिया तो ललेश्वरी को लग रहा है कि उसका कुन खो गया है। इन्द्रियां नेता के बिना ढीली पड कर बिखर गई हैं जैसे गडरिये बिना भेडें इधर उधर बिखर जाती हैं। यह कार्य निभाना वैसे ही कठिन है जैसे नबात का बोझ पीठ पर ढीला पड जाए (नीचे खिसककर चुभने लगे) और शरीर झुक जाए अर्थात इंद्रियनिरोध अति दुष्कर तथा पीडा लायक़ है।

**************************

        मुहावरॖ (दऺपिथ कऻशुर)

1. मु: ल्यख छा थ्वख ज़ि लऻरिथ

         गछ़ि

    अ: ल्यॆकि क्या खोच़ुन। बद 

         कामि छॆ नॖ वज़नदार

         आसान

2. मु: ल्यॆकी तुलुन तॖ ल्यॆकी

         बॆहनावुन

    अ: कऻन्सि प्रथ विज़ि बेज़ती

          करॖन्य

3. मु: ल्यॆज्य ति च़ूरॖय तॖ गऺज्य ति

         च़ूरॖय

    अ: यॆलि सऻरी बे-ईमान आसन

**************************

पंचान्ग:- मन गव क्रुह यॆलि सुबहऻय ख़बर आयि ज़ि शादी लाल कौल सपुद पूरॖ। शादी लाल ओस अख बेहतऺरीन कलाकार, यॆमि सॖन्ज़ अदाकऻरी ओस कऻशिर बटन हुन्द दिल ज़्यूनमुत। अवल आयुक मसखरॖ,असवुन तॖ गिन्दवुन कलाकार दपान ओस यि शादी लाल। टी वी एक्टर तॖ रंगमंच कलाकार ओस रूदमुत वुन्युखताम मगर मोतन न्यू यॆमि संसऻर्य कऺडिथ स्यठाह सुलि।  टी वी तॖ रंग मंच कलाकार आसनॖ म्वखॖ ओस आमुत शादी लाल आम क्यो ख़ास लूकन हॖन्ज़न नज़रन तल तॖ ऒसुन पनुन अख ख़ास मुकाम बनोवमुत। कांह कांह कलाकार छु पनॖनि अदाकऻरी सॗत्य लूकन हॖन्द्यन दिलन मंज़ अख छाप त्रावान तॖ अख जाय बनावान तॖ तऺम्यसुन्द अचानक छ़्यनॖ गछ़ुन छु नॖ बर्दाशत गछ़ान। दुह्यकिस दॊहस रूद्य शादी लालॖन यार दोस्त, अंग ॴश्यनाव, ज़ाननवऻलय तॖ माननवऻलय  श्रद्धांजली दिवान ब्यॊन ब्यॊन तऺरीकव तॖ रूद्य मंगान ॳमिस विष्णुबवनस मंज़ जाय। दपान  ब्यमार ओस कॆंच़न दॊहन, अस्पताल ओसुख न्यूमुत ज्येमि, यॆति यि रोज़ान ओस, तॖ ओस ज़ेरि यलाज। ठीख गछ़नॖच व्वमेद ति रूज़मॖच़ ॴस ॳम्यसॖन्द्यन गरिक्यन बऻच़न मगर स्व व्वमेद गऺयि नॖ साकार। शादी लाल ह्यॊक नॖ मॊतस सॗत्य लऺडिथ तॖ गव अंहि त्रऻविथ पनॖनि वति। नाव कमावान कमावान छि वऻन्स नेरान मगर इन्सान छु बेखबर पननि पऺतिमि गरि निश। कर, कति तॖ किथॖपऻठय नी वुफ तुलिथ, अमि निशि छु बेखबर यि इन्सान। महामऻरी छि पनुन ज़ाल वऺहरिथ तॖ ॳस्य छि पनुन पान बऺचरऻविथ तॖ छि थऺविथ दारि बर त्रॊपरिथ बस महावीरस छि पनुन पान पुशरऻविथ। 

*************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

12.07.2020

12.07.2020,श्रावणॖ (श्रावण) गटॖ पछॖ (कृष्ण पक्ष) सतम (देवादेव) (सप्तमी) आथवार (रविवार/एतवार), श्री सप्तर्षि सम्वत 5096, राश मीन (चलान) ऋतु ग्रीष्म (चलान) द्रठॖपऻन्च़ुक (पंचक) (चलान)...अज़ छि शीतला सतम ति

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

         महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

यि क्याह ॴसिथ यि क्युथ रंग गोम

बेरंग कऺरिथ गोम लगॖ कमि शाठय

तालव राज़दानि अबख छान प्योम

जान गोम ज़ान्यम पान पनुनुय

             **********

अर्थात:- मैं क्या थी और अब यह मेरा कैसा रंग हो गया। यह मेरा क्या हाल हो गया। उस ने (गुरु ने) मुझे बेरंग कर दिया। अब ज्ञात नहीं कि ऐसी दशा में किस किनारे लगूं। मैं अपने को चतुर समझती थी, किंतु मेरे अंदर को संभालने वाला अनुभव हीन बढई अथवा कारीगर (मन) मिल गया है। चलो अच्छा ही हुआ कि मैं अपने नासमझ मन को जान जाऊंगी। अपने मन को जानने का अब अवसर तो मिलेगा। मेरा अपना आप ही जानेगा (मन की नासमझी)

**************************

         मुहावरॖ (दऺपिथ कऻशुर)

1. मु: टरॖ मीरॖन्य राद

    अ: अपज़्येरि सॖन्द्य अपज़ी

          कॖसॖ

2. मु: टरलस टर फुटुन मोल

         मरनस बराबर

    अ: अपुज़िस नन्यर गछ़ुन छु 

         अपज़्यऻरिस सख़ मुश्किल

          गछ़ान

3. मु: टोडरमऺल्य हिसाब

    अ: प्यॆठ्य प्यॆठ्य अंदाज़ॖ

         लगावुन

**************************

पंचान्ग:-  पांछ़ अगस्त 2019 द्वह मनोव सारिवी लूकव बडॖ जोश खरोश सान ति क्याज़ि कऺशिरि मंज़ आयो धारा 370 तॖ 35-ए हटावनॖ। कऺशीरि मंज़ रूज़िथ मुसलमानन आव ॴस थॊप दिनॖ तॖ कऻशिर बटव तुजि व्वटॖ तॖ व्यॆच़ेयिनॖ कुनि। असि बास्यव ज़ि शायद मा आसि जलदॖय कऺशीरि गछ़ुन, दय दय करान मा आसिहे केंच़व बटव बारॖ बेगार ति बंद ह्यॊतमुत करुन यि सूंचिथ ज़ि व्वं छु कऺशीरि जलदॖय तरुन।सॗती गऺयि हऻरऻनी यि बूज़िथ ज़ि लद्दाख आव ब्यॊन कडनॖ जम्मू कशमीरॖ निशि। मगर अथ मंज़ ति मा आसि कॆंह जऻनी यि सूंचिथ ति गऺयि बटॖ ख्वश तॖ रूद्य प्रारान नऺविस ह्वकुम नामस ज़ि कर तॖ किथपऻठ्य तॖ कॖमन शर्तन प्यठ आसि व्वं असि गछ़ुन कशीरि। वऺरि ह्यॊतुन तथ कॖसस ति गछ़ुन तॖ अज़ ताम वोत असि प्रारान मगर ह्वकुमनावा आव नॖ नज़र कॆंह। अल्बतॖ नज़र आम अख खबरनामॖ राथ व्हाटसापस प्यठ उर्दू ज़बऻन्य मंज़ युस कऺशीरि मंज़ कमि ताम नवि मुसलमान जमऻच़ छु शाया कॊरमुत यथ मंज़ तिमव छु च़्यॆनवॖन्य दिच़मॖच़ तिमन लूकन यिम बी जे पी पार्टी सॗत्य अथॖ मिलऻविथ छि,तिमव छि तिम ख़बरदार कऺर्यमॖत्य ज़ि तिम कऺरॖन्य पनुन पान ब्यॊन बी जे पी पार्टी निशि, न तॖ रूज़िन्य तयार तमि हशरॖ बापथ युस हशर तिमव कॊर कॆंह द्वह ब्रोंह बंडॖपोरिकिस नफ़रस सॗत्य याने वुडोवुख गोल्यव सॗत्य तिक्याज़ि सु नफ़र मा ओस दपान बी जे पी पार्टी हुन्द अख सदस्य। व्हाटसापस प्यठ सूज़मुत यि ख़बरनामॖ पऺरिथ प्योस बॖ सोंचस ज़ि ॳस्य ॴस्य कथताम व्वमॆदवार, मगर तति ह्यॆतिन हालात गछ़ॖन्य ज़न बद ख्वतॖ बद-तर। ॳस्य छि सोंचान ज़ि कऺशीरि मंज़ मुसलमानस छु मनस मंज़ इरादॖ बटॖ तति गालुन, तॖ तिमन मुसलमानन छु यि सोंच ज़ि बी जे पी पार्टी हुन्द मुद्दा छु मुसलमान कऺशीरि मंज़ मारनु। व्वं कऺम्यसुन्द इरादॖ क्या छु तॖ क्वत ताम छु यि पॊज़ ति ज़ानि दय मगर सोन सु पॗंच़ॖमि अगस्तुक नच़ुन तॖ फ्यच़ुन, सु जॆशिन मनावुन गव फऺक्य तॖ ब्यकार तॖ सॗती दूरेयि कऺशीर ब्यॆयिहऻन कऻशिर्य बटस निशि। यिम हालात नज़रि तल थऺविथ ज़ोन असि मुनऻसिब ज़ि पनुन पान आवुर थवुन फेसबुकस प्यठ तॖ रोज़ुन हिसबि मामूल हालातन प्यठ तबसरॖ करान। मऺशरोव तामथ कऺशीरि गछ़नुक इरादॖ। वैसे ति त्रऻव्य ॳस्य कोरोनावयरसन च़ऺटिथ पऺत्यम्यव त्रॆयव ऱयतव प्यठॖ। न युन कुन तॖ न गछ़ुन कुन। पनॖनिस जानस तॖ पानस रऻछ करॖन्य दारि बर त्रॊपरिथ। यॆलि यॆमि ब्रकॖ न्यॆरव, तॆलि ब्यॆयि मा सोंचव ज़ि ॳस्य क्याह ॴस्य सोंचान तॖ सोंचान सोंचान क्वत वाच़ेयो सोन सु सोंच। प्रारब्ध व्वं तॊत ताम।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blokspot.com ति वुछिव)

11.07.2020

11.07.2020 श्रावणॖ (श्रावण) गटॖ पछॖ (कृष्ण पक्ष) शॆयम (देवादेव) (षष्ठी) बटॖवार (शनिवार/ शनिश्चरवार) श्री सप्तर्षि सम्वत 5096, राश मीन (चलान) ऋतु ग्रीष्म (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

     महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

         लल वाक्

ग्वरन वॊनॖनम कुनुय वच़ुन

न्यॆब्रॖ दॊपनम अंदर अच़ुन

सुय म्यॆ ललि गव वाख तॖ वच़ुन

तवय ह्यॊतुम निह्यंगय नच़ुन

        ************

अर्थात:- गुरु ने मुझे एक ही वचन (गुरु मंत्र) कहा कि बाहर से अपने अंदर चली जाओ। वही वचन मेरे लिए लक्ष्य सिद्ध का हेतु बना, जिस से मैं ने काम, क्रोध आदि वासना रूपी संसारी वस्त्रों का आवरण उतारा और मैं इनके भार से स्वतन्त्र होकर आनन्द से झूमने लगी। 

**************************

         मुहावरॖ (दऺपिथ कऻशुर)

1. मु: म्यॆच़ हय तुलख स्वन 

         गऺछ़नय

   अ: दय कऺर्यनय हमेशॖ रुत

2. मु: म्योन ॴसिथ च्योन गव

    अ: हमहऺस्ती हावॖन्य

3. मु: म्यूठ गामस क्रूठ पानस

    अ: सख़ती पानस वऻनिथ 

         ब्यॆयिस आराम द्युन

**************************

पंचान्ग:- युथ ववख त्युथ लोनख।

सऺदियव प्यठॖ छु यि मुहावरॖ आमुत वनॖनॖ मगर यि मुहावरॖ चल्यव नॖ कऺशीरि मंज़ वुन्युखताम। राथ आयि ख़बर ज़ि विकास दूबे, यॆम कॆंह द्वह ब्रोंठ ॴठ पुलसॖवऻल्य उत्तर प्रदेशस मंज़ मऻर्य गोल्य सॗत्य, आव पानॖ मारनॖ एनकौंवटरस मंज़।दपान यि दूबे मा ओस ओसमुत ख़तरनाक अपराधी वारियाह कालॖ प्यठॖ तॖ म्यूलुस नतीजस मंज़ मोथ बे-वायि पऻठ्य। सोंचनॖच कथ छि ज़ि यिम कऺशीरि मंज़ पऺत्यम्यव त्रॖहऻव वऺरियवॖ प्यठॖ आयि कऻशिर्य बट मारान गोल्यव सॗत्य, यिमव सऻन्य अख कूर चीरॖख आरस प्यठ, यिमव सोन अख नवजवान मोर पनॖनिस गरस मंज़ यॆति सु पनुन ज़ुव बचावान बचावान च़ाव ड्रमस मंज़ तॖ थवेयोन पनुन पान च़ूरि, यिमव मोल तॖ न्यॆचुव कॊड कमिताम बहानॖ पनॖनि गरि प्यठॖ तॖ न्यॆब्रॖ बनऻविख पनॖन्यन गोल्यन हुन्द शिकार, यिमव यिथुय क़त्लॖ गारथ कॊर बटन कऺशीरि मंज़ तॖ क़हर तुलुख, तिम क्याज़ि आयि नॖ वुन्युखताम एनकौंवटरस मंज़ मारनॖ विकास दूबे सॖन्द्य पऻठ्य। तिम किथॖपऻठ्य छि सरकऻर्य नज़रन तल आज़ाद फ़ेरान। तिम क्याज़ि आयि नॖ शिकन्जस मंज़ लदनॖ वुन्युखताम। तिम ॴस्या हज कऺरिथ आमॖत्य किनॖ सरकऻर्य पऺछ़्य बऺनिथ आमॖत्य। यि क्युथ न्याय छु सऻनिस वतनस मंज़? यूत ट्यॊठ ज़हरुक ब्यॊल छु कऺशीरि मंज़ आतंकवाद्यव दऺसय आमुत ववनॖ, तमि हिसाबॖ गऺछ़्य तिम मारॖवातल वुन्युखताम कब्रन मंज़ आमॖत्य सावनॖ तिक्याज़ि तिमव ओस वॊवमुत त्युथुय मगर तिमन प्यव नॖ ख़ास असरा कॆंह। ज़ॖ नज़रॖ  कयाज़ि छि यिवान करनॖ यिथ्यन संगीन जुर्मन सऻनिस पनॖनिसॖय वतनस मंज़। काश! असि कऻशिर्य बटन आसिहे कुनीय कथ, तॖ लडनुक मादॖ, काश! सरकारस आसिहे असि कऻशिर्य बटन हुन्द अंदरिम च़ुक, असि ति आसिहे म्यूलमुत इन्साफ करताम।  सासॖ बऺद्य विकास दूबे छि वुनिति बासान ज़िन्दॖ कऺशीरि मंज़ पनुन मिशन ह्यथ, मिशन छु कऻशुर बटॖ गालुन तॖ च़ऺलॖरावुन।कऺशीरि मंज़ नॖ ज़ॖरनावुन। यिम तति कॆंह बट छि तिम छि अमा पॊज़ च़ॖनि रॖख कऺरिथ बिहिथ। प्रारान छि तिम सऻन्य कऻशिर्य बटॖ पनॖन्यन ज़खमन ठानॖ दिथ, यिहॖन्द्यन हॖन्द्य गरिक बऻच़ शहीद सपॖद्य तॖ वऻत्य स्वर्गस मंज़ तॖ यिम नॖ यिन ब्यॆयि फीरिथ यथ संसारस मंज़, प्रारान छि कर मेलि न्याय तॖ कर प्यॆयि दिलस शॆहजार। लाक डावुन गव नवि सरॖ शुरु त्र्यन दॊहन खऻतरॖ राथ शामॖ प्यठॖ च़ऺन्दॖर्यवारि सुबहस पऻन्च़न बज्यन ताम। ह्यसॖ रूज़िव पनॖन्यन गरन मंज़ तॖ पनॖनिस सेहतस वऻत्यज़्यवॖ। मऻज्य करि रुतुय रुत।

**************************

कऻशुर ह्यॆछव कऻशुर परव

कऻशिर पऻठ्य पानवुन्य कथ बाथ करव

**************************

नऺविव तॖ फॊलिव

 भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

10.07.2020

10.07.2020,श्रावणॖ (श्रावण) गटॖ पछॖ (कृष्ण पक्ष) पऻन्च़म (देवादेव) (पन्चमी) शॊकुरवार (शुक्रवार/जुम्मा), श्री सप्तर्षि सम्वत 5096, राश मीन (रऻच़ हॖन्ज़ॖ 10.54 बजि प्यठॖ) ऋतु ग्रीष्म (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

       महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

केंच़न दितिथम गुलालॖ यऺच़ॖय

केंच़न ज़ोनुथ नॖ दिनस वार

केंच़न छ़ॖनिथ नऻल्य ब्रह्महऺच़ॖय

भगवानॖ चानि गऺच़ नमस्कार

           *********

अर्थात:- हे भगवान तुम ने कितने लोगों को पुत्र दिए तथा कईयों को कुछ भी न दिया। कितनों को केवल पुत्रियां प्रदान कीं, आप की इस इच्छा या लीला को हमारा नमस्कार।

भावार्थ :- (ललेश्वरी का भाव यह है उसकी अभिलाषा पूर्ति प्रभु इच्छा पर निर्भर है।)

**************************

          मुहावरॖ (दऺपिथ कऻशुर)

1. मु: थ्वकन अथॖ दारॖन्य

    अ: ताब्यॆदऻरी करॖन्य

                 या

          नाज़ बर्दऻरी करॖन्य

2. मु: थ्वकि प्यठ रिकिन्य

    अ: मोमूली चीज़ॖ सॗत्य या 

         ग़लती सॗत्य न्वकसान

         वातुन

3. मु: थ्वकॖ जोद

    अ: अपुज़ वाठ

**************************

पंचान्ग:- बॖ ओसुस अकि लटि गोमुत क्षीर भवानी याने तुल मुल युस ज्यॆमि जानीपुर आमुत छु बनावनॖ। अतिचि प्रबन्धक कऺम्मीटी ओस अख ल्वकुट वान ह्यु थॊवमुत यथ मंज़ कॆंह सी डी, कॆंह संतन हॖन्द्य फोटू, कॆंह धार्मिक किताबॖ आसख थविमच़ॖ कॖनॖनॖ  बापथ तॖ ख़रीदार ति ॴस्य तिमय  यिम ओर आमॖत्य ॴस्य सामूहिक मेखला करनावनि पनॖन्यन शुर्यन। बॖति गोस अथ वानस प्यठ तॖ ह्यच़म मऺल्य ज़ॖ त्रॆ किताबॖ। मगर वुछनस तल आव म्यॆ ज़ि यीत्य अति लूख ॴस्य, सु गव यिम आमॖत्य ॴस्य मेखलि माहराज़न हॖन्द्य ॴश्यनाव रॖशनाव ॳबीद त्रावनि, तिमव मंज़ पऺक्य ज़ॖ च़ोर नफ़र अमि वानॖ किन्य, दिच़ॖख नज़रा गुज़राह तॖ द्रायि वापस नवीदा ख्यथ कॆंह ख़रीदऻरी करनॖ रॊसतुय। युस शखॖस अथ वानस प्यठ बिहिथ ओस यिम किताबॖ या सी डी बेतरि कॖनॖनॖ बापथ, तऺम्य वॊन म्यॆ ज़ि यॆलि यॆलि यिथ्य प्रोग्राम छि यॆति आसान, ॳस्य छि यि वान थवान यलॖ खरीदारन हॖन्दि बापथ। तऺम्यसुन्द वनुन ओस ज़ि स्यठाह कम लूख छि निवान पाठॖ किताब तिक्याज़ि यिम किताबॖ छि संस्कृतस मंज़ तॖ तिमन छु नॖ संस्कृत तगान परुनुय। सी डी ति दॊप तऺम्य ज़ि निवान छि कमॖय लूख तिक्याज़ि बजन बोज़न वाल्यन हॖन्ज़ कऺमी ति छि। म्यानि वनॖनुक मतलब छु ज़ि असि पज़ि यिमन मसलन हुन्द हल छ़ान्डुन ज़ि किथॖ पऻठ्य ह्यॆकि सोन शुर यिमन चीज़न मंज़ दिलचस्पी हऻविथ। अगर किताब-गर आसि, लूकन हुन्द युन गछ़ुन रोज़ि, संतन हॖन्ज़ कथायि तॖ करामऻच़ आसन परनॖ बानथ, दिलचस्पी ति बडि वारॖ वारॖ पानय। ज़रूरथ छु ज़ि पनॖन्य प्रज़नथ बनावनॖच, पनॖन्य संस्कृति पनॖन्यन ल्वकट्यन क्यो बड्यन ताम वातनावनॖच पनॖन्यव लेछमच़व किताबव दऺस्य। यि ह्यॆकि तॆली मुम्किन सपदिथ यॆलि कुनि ॳकिस जायि यि लिट्रेचर (अदबी मसोदॖ) सॊम्बिरिथ आसि तॖ परनॖच व्यवस्था आसि। बोज़ान ओसुस यि लाक-डोवुन रोज़ि वुनि चलवुन ब्यॆयि कॆंच़स कालस तॖ केंच़न जायन यि सख़ती सान अमिच निगरऻनी करनॖ। दय ज़ानि कॗतिस कालस छि ब्यॆयि असि बूगुन्य यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

09.07.2020

09.07.2020, श्रावणॖ (श्रावण) गटॖ पछॖ (कृष्ण पक्ष) च़ोरम (देवादेव) (चतुर्थी) ब्रसवार (वीरवार/ बृहस्पतिवार/गुरुवार) श्री सप्तर्षि सम्वत 5096, राश कुम्भ (चलान) ऋतु ग्रीष्म (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

      महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

ग्वरॖय मोल तय ग्वरॖय मऻजी

ग्वरॖय दिवान न्यत्रन गाश

यॆम्य छ़ऺरिस मऺरिस वस्त्र लऻगी

छुय पुन्यस भऻगी पापस नाश

         ***********

अर्थात:- अपना गुरु ही माता व पिता है जो आंखों को (स्वात्म) प्रकाश देता है। एवं ज्ञान चक्षु प्रदान करता है। जिसने वासना शून्य शरीर को गुरु वाक्य रूपी वस्त्र पहनाए, उसी का पुण्य अर्जित होकर उसके पापों का नाश होता है।

**************************

         मुहावरॖ (दऺपिथ कऻशुर)

1. मु: नेको नेक कर बदली 

         पानय

    अ: नेकी छु नॖ कांह ज़वाल

2. मु: नेक-नऻमी छि बऺड दौलत

    अ: नेक-नऻमी छु बजर

3. मु: नेक-नऻमी छि गछ़ान 

         यॆच़कऻल्य। बदनऻमी जलॖद

    अ: नाव कमावनस छु वखॖत 

         लगान। बदनऻमी नॖ

**************************

पंचान्ग:- अगर अख नज़र पथ कुन त्रावव, 1990-तस मंज़ यॆलि सऻरी कऻशिर्य बट्टॖ कऺशीरि प्यठॖ च़ऺलिथ आयि पनुन ज़ुव जान बचावान बचावान, पनॖन्यन शूर्यन हुन्द यज़थ तॖ आबरू बचावान बचावान कऺशीरि मंज़ दहशतगर्दन निशि, ग्वडन्युक नऺज़दीकी ठिकानॖ ओस असि कऻशर्यन ज्यॊम अलाकॖ तॖ ह्यॊत सम्बालुन पनुन पान ज्यॆमिस मंज़ रूज़िथ। कॆंच़व त्रोव पनुन क़दम ब्रोंहकुन तॖ आयि वाहरावनॖ वतनॖक्यन ब्यॊन ब्यॊन जायन मंज़। ज्यॆमिस मंज़ ब्रोंठय बसकीन डूगरन खुल्यव कॖस्मथ तॖ तिमव तुल जान फऻयदॖ यिमन च़ऺलिथ आमॖत्य कऻशर्यन निशि अलग अलग तरीकॖ। मसलन तिमव दित्य पनॖन्य मकानॖ किरायस प्यठ,तिम जायि ति दिच़ तिमव किरायस प्यठ यॆति तिम पनॖन्य माल मवेशी थवान ॴस्य,  पनॖन्य ज़मीन कॖनिख बटन द्वगनॖ द्वगनॖ कॗमतस मकान बनावनॖ बापथ, सानि ज़रूरतॖ मूजूब ख्यनुक-च्यनुक सामान ह्यॊत तिमव कुनुन तॖ ह्यॊतुख पनुन कारॖबार बऺडरावुन च़्वपऻर्य। डूगरव बनऻव्य रातो-रात जंजगर यॆति असि आयि पनॖन्यन शुर्यन कट्यन खान्दर व्वछ़ब करनॖ।  सारांशस मंज़ वनुन म्योन छु ज़ि ज्यॆम्युक डूगरॖ बन्याव लखपति तॖ करोरपति तॖ तुलुख कऻशिर बटन हॖन्ज़ि मजबूरी हुन्द जान फऻयदॖ। त्रॖह वऺरी गऺयि असि कऺशीरि प्यठॖ द्रामतिस। पनुन पान सम्बालानस लऺग्य असि कॆंह वऺरी, सॗत्य सॗत्य बनऻव्य असि कॆंह आश्रम तॖ ह्यॆत्य हवन करॖन्य। यि करुन ति ओस ज़रूरी। मगर म्यॆ बासान ज़ि असि सूंच नॖ अमि ब्रोंहकुन तिमन चीज़न मुतलक यिमन चीज़न डूगरव व्वदबव द्युत। मसलन पनॖनि समाजि खऻतरॖ कॆंह जंजगर बनावॖन्य, शुर्यन हन्दि बापथ तऻलीमी अदारॖ बनावॖन्य, ट्रान्सपोर्टस मंज़ ज़ंग छ़ॖनॖन्य, वगेरा वगैरा। आर्थिक व्यवस्था बऺडरावनॖ बापथ, म्यॆ बासान, कऺर नॖ असि कांह खास यादगार कऻमाह। ॳस्य ॴस्य कऺशीरि मंज़  मुसलमानस तलॖ लऺगिथॖय लऺगिथ, ॳस्य रूद्य ज्यॆमिस मंज़ ति डूगरन तलॖ लऺगिथ, पनुन कॊर नॖ कॆंह हऻसिल, सिरिफ बनऻव्य आश्रम तॖ आश्रमन मंज़ हवन तॖ हवनन प्यठ हवन, यॆति हवन, हुति हवन, प्रथ जाय हवनॖय हवन तॖ ब्यॆयि नॖ कॆंह। हां, अख ख्वश यिवॖन्य कथ छि वाज़े्ह करॖन्य लायक़ स्व गऺयि यि ज़ि शुर्य कऺट्य गऺयि बजाह। सु छु अख बॊड तसलाह। यिमन त्रॖहन वऺरियन मंज़ बदलोव नॖ असि पनुन सोंच तॖ न ह्यॊक डूगरन सॗत्य क़दम मिलनऻविथ कारोबारकिस मामलस मंज़। ज़ॖ च़ोर सऻन्य बऻय मा आसन करान कॆंह मगर सु गव न आसनस बराबरॖय। ॳस्य छि नॖ हवनव अपोर ह्यकान कॆंह सूंचथॖय म्यॆ बासान। असि छु पानस मंज़ बदलाव अनॖनुक सख ज़रूरत। अथ सवालस प्यठ सोंच विचार करुन स्यठा ज़रूरी। दपान कोरोनावयरसुक वैक्सीन ह्यॊतुन तयार सपदुन। कॆंच़न ऱयतन हॖन्ज़ कथ छि व्वं। तॆलि तोश यॆलि न्वश गरॖ वाती। भगवानस छु रोज़ुन शरण।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

08.07.2020

08.07.2020, श्रावणॖ (श्रावण) गटॖ पछॖ (कृष्ण पक्ष) त्रय (देवादेव) (तृतीय) ब्वदवार (बुधवार),श्री सप्तर्षि सम्वत 5096, राश कुम्भ (दुहचि 12.30 बजि प्यठॖ), ऋतु ग्रीष्म (चलान)...ॳज़्यकि प्यठॖ छु द्रठॖपऻन्च़ुक (पंचक) शुरु...अज़ छि संकट च़ॊरम (संकट चतुर्थी निवार्ण) ति

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

    महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

लाचऻर्य बिचऻर्य प्रवाद कॊरुम

नदुर छुव तॖ ह्ययिव मा

फीरिथ दुबारॖ जान क्या वॊनुम

प्रान तॖ रुहुन ह्ययिव मा

         ***********

अर्थात:- नदुर वाले ने पुकारा कि नदुर 'न+दॊर' - जो मज़बूत न हो, लेलो। मैं ने भी उत्तर दिया कि प्रान रुहन अर्थात आत्मभाव लेलो। अर्थात आप न टिकने वाला संसार (नदुर) बेचते हो और हम अध्यात्म भाव (रुह एवं प्रान) ग्रहण करने के लिए आपको पुकार रहे हैं, इसे लेलो।

(ह्ययिव मा (खरीदोगे क्या) का दूसरा अर्थ भी है - मत खरीदो अर्थात प्रान तथा रुहुन (लहसुन) जो कामोत्तेजिक पदार्थ हैं, इनका प्रयोग नहीं करो।)

**************************

         मुहावरॖ (दऺपिथ कऻशुर)

1. मु: ताबस छु लाब

    अ: ताब करनस छु फऻयदॖ 

         मेलान

2. मु: तऻज़्य बटॖन्य कान

    अ: मोमूली छ़ॊम्ब वरतऻविथ

         कांह बचाव करुन

3. मु: ताह करतम शाह करथ

    अ: चीज़स वातनॖ सॗत्य छु 

          चीज़स दार न्यॆरान

**************************

पंचान्ग:- राथ ओस म्यॆ वॊनमुत ज़ि सऻनिस कऻशिर्य बटॖ समाजस मंज़ यीच़ॖ ति संस्थायि बन्यॆमॖच़ॖ छि बालॖ यपोर यिथ, तिमन मंज़ छि तनातनी बासान कुर्सी हॖन्ज़ कॆंच़न संस्थायन मंज़, कॆंच़न छि लऺज्यमॖच़ मान-मान पानवुनी तॖ कॆंह छि महदूद कुनि हदस तामॖय। बॖ ओसुस अंदाज़ लगावान ज़ि क़रीबन छि वुन्यक्यनस सऻनिस कऻशिर्य समाजस मंज़ दिल्लि तॖ दिल्लि ॳन्द्य पऺख्य नऺज़दीकन त्रॖह संस्थायि कऻम करान तॖ यिम छि हवन करान रोज़ान ब्यॊन ब्यॊन जायन प्रथ वऺरियि, कॆंच़न जायन प्रथ ज़ूनॖ पछॖ ॴठम द्वह, कुनि जायि आथवारि द्वह होमा किस रूपस मंज़, कॆंच़न जन्मोत्सवन प्यठ तॖ कॆंच़न श्राद्धन प्यठ। यिम सारी हवन छि यिवान करनॖ असि कऻशिर्य बटन हॖन्दि कल्यान बापथ, सारी समाजॖ बापथ, संसारॖ कि कल्यान बापथ। मगर यिमन हवनन ब्यॊन ब्यॊन जायन करनस मंज़ छु क़रीबन च़ोर या पांछ़ करोर रौपियि खॖर्च यिवान हालांकि मक़सद छु कुनुय वारिइहान हवनन हुन्द। छु ना यि मुम्किन ज़ि त्रॖहव पान्च़त्रॖहव हवनव बदलॖ करहऻव च़ोर या पांछ़ सामूहिक हवन तॖ बच्यॊमुत पौंसॖ लागव कुनि तऻलीमी अदारॖ बनावन, कांह शफाखानॖ बनावनस, कांह सैन्ट्रल लयब्रऻरी खोलनस यथ मंज़ सोन वाहरऻविथ तॖ छऺकरऻविथ अदबुक माल यी रऺछ़रावनॖ, कॆंह पाठशालाय चलावनस यथ मंज़ ॳस्य पनॖन्यन नव्यन फ्वलवॖन्य शुर्यन धर्मुक हवा यी च्यावनावनॖ, लगातार भण्डारॖच व्यवस्था करनॖ यिथ पऻठ्य सिख-गुरुद्वारन मंज़ यि व्यवस्था बन्यॆमॖच़ छि, धर्मशाला बनावनस,  सामाजिक जंजगर बनावनस। हवनन मंज़ कऺमी कऺरिथ म्यॆ बासान छु ज़्यादॖ ज़रूरी हऻवमॖत्य तॖ दऺप्यमॖत्य अदारन प्यठ सोंचुन यथ मंज़ सऻनि समाजस फऻयदय फऻयदॖ वाति सॖत्य सपदि सीवा कुल जहानस ति। वखतॖच मंग छि यि। असि पज़ि पनॖन्य व्यच़ार बदलॖन्य। करान छि पनॖन्य कऻम यि महामऻरी, बचावॖक इन्तिज़ामात ति छि जऻरी, कुनि जायि छि महामऻरी ब्रोंठ तॖ कुनि जायि छि यि पथ मगर ॳस्य सऻरी छि छ़ान्डान अथ महामऻरी च़लनॖच वथ।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

07.07.2020

07.07.2020, श्रावणॖ(श्रावण) गटॖ पछॖ (कृष्ण पक्ष) द्वय (द्विती) (देवादेव) बॊम्वार (मंगलवार),श्री सप्तर्षि सम्वत 5096, राश मकर (चलान) ऋतु ग्रीष्म (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

        महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

आंचऻर्य बिचऻर्य व्यच़ार वॊनुन

प्रान तॖ रुहुन ह्ययिव मा

प्रानस बऺज़िथ मज़ा च़ॖहुन

नदुर छुवॖ तॖ ह्ययिव मा

      ***************

अर्थात:- ललेश्वरी कह रही है कि आंचार वासी ने पते की बात कही कि लहसुन अर्थात (प्राणों और आत्मा का) स्वाद पाने के लिए तडका मत लगाकर खाओ। अर्थात संसारिक भोग के मज़े में अपनी आत्मा को 'नदुर' (कमल डंडी), रूपी 'नश्वर संसार' से हटा कर प्राणों को परमात्मा की ओर लगाव।

(प्रान तथा लहसुन दो वनस्पतियां हैं जिनका तामसिक प्रभाव माना गया है)

**************************

         मुहावरॖ (दऺपिथ कऻशुर)

1. मु: वॖहरिस रऺछिथ वालनॖ विज़ि 

         दब

    अ: कॊरमुत क्रोवमुत रावरिथ

         छ़ुनुन

2. मु: व्यॆथि नाबद फॊल

    अ: कम आमदनी तॖ खर्च 

          ज़्यादॖ

3. मु: व्यॆथी किथॖ छख ग्रज़ान?

         आग्रय

    अ: पतॖ बजर छु थ्यकुन लायक़

          बनावान

**************************

पऺचान्ग:- म्यॆ छु बासान ज़ि असि कऻशिर्य बटन छि पानॖवुन्य मान मान हिश लऺज्यमॖच़। न्यॆबॖर्य यॊदवय छिनॖ हऻविथ दिवान मगर ॳन्दॖर्य ॳन्दॖर्य छि क्याहताम ख्यच़ॖर यिवान बनावॖनॖ। अख खास वजह छु म्यॆ बासान ज़ि ॳस्य छि नॖ कऻन्सि ति पनुन लीडर मानान, असि छु नॖ कांह ति पनॖनि टारि खसान। ॳस्य छि सऻरी पऺर्यमॖत्य लीख्यमॖत्य तवय छु नॖ शायद असि कऻन्ह ति पानस ख्वतॖ बॊड बासान। कऻन्सि हॖन्ज़ राय, कऻन्सि हुन्द मशवरॖ छु नॖ हटि वसान या रोच़ान। हालांकि बोज़ान छि सऻरी सारिनी हुन्द मगर बूज़िथ छि सऻरी अकि कनॖ बोज़ान तॖ दॊयिमि कनॖ त्रावान। अख ॳकिस प्यठ वुछान छुस छि कॆंह सऻन्य बऻय ऒंगजि तुलान रोज़ान, अख ॳकिस कॖठ कडान रोज़ान बुथि कन्य नय तॖ मोबायलॖ दऺस्य। प्रथ इन्सानसुन्द मोबायल छु व्वंय गवाह यॆमि कथि हुन्द ज़ि व्हाटसापस प्यठ छु वारिहान ग्रुपन मंज़ आसान ह्वछी सियासत चलान, हवऻयी मशवरॖ दिवान रोज़ान। दुहिल्य ख्वाब वुछान रोज़ान तॖ प्रान्यन बुज़र्गन हॖन्ज़न काम्यन न्वखतॖचीनी करान रोज़ान तॖ तिहन्ज़न ग़ल्तियन शुमार करान रोज़ान। कुनि कुनि ग्रुपस मंज़ छुम नज़र यिवान कॆंह कॆंह कथॖ जान ति, कॆंह कॆंह कथॖ छि ज्ञानॖच तॖ ध्यानॖच ति आसान अथ मंज़ कांह शक छु नॖ मगर ज़्यादॖतर यॊदवय वुछव, मतलबॖच कथा छॆ नॖ परनस तल यिवान। ॳस्य कथ दिशायि कुन छि पकान अज़कल, दय ज़ानि। मगर असि पज़ि पनॖनिस समाजस मंज़ सकारात्मक बदलाव अनुन। मान मान न करॖन्य बऺल्कि अथॖवास कऺरिथ पकनॖच कूशिश करॖन्य। असि पज़ि नॖ ह्यडुन तॖ गेलुन कऻन्सि ति बऺल्कि पज़ि पनॖनिस ब्यॆबिस मुशॖक ह्यॆनॖ तॖ पनॖन्य ॴब गालॖन। दपान इन्सानस छु नॖ पनुन गर्दन्य मल यिवान बोज़नॖ मगर पनुन पान ह्यकि पनॖनिस ॴनस मंज़ वुछिथ तॖ पनुन पान परज़ॖनऻविथ। अहम् छु त्रावुन तॖ मंज़िल छु प्रावुन। ईश्वर गछ़ि असि रॖच़  वथ हर हमेशॖ हावुन। महामऻरी छि पनुन ज़ाल वाहरऻविथ, असि पज़ि पनुन पान बचऻविथ पकुन। भगवानस पर्ण प्यॊन तॖ शर्ण गछ़ुन। सुय छु सोन असली रऻछदर।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

06.07.2020

06.07.2020, श्रावण (श्रावण) गटॖ पछॖ (कृष्ण पक्ष) ऒक्दॊह (देवादेव) (प्रथम) च़ऺन्दॖरवार (सोमवार),श्री सप्तर्षि सम्वत 5096, राश मकर (सुबहॖचि 5.00 बजि प्यठॖ), ऋतु ग्रीष्म (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

         महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

आंचार हऻन्ज़न हुन्द गोम कनन

नदुर छुवॖ तॖ ह्यॆयिव मा

ति बूज़ त्रुक्यव तिम रूद्य वनन

च़्यॆनुन छुवॖ तॖ च़ीनिव मा

          **********

अर्थात:- आंचार झील निवासी नाविकों के बोल सुनाई दिए कि नदरु अर्थात कमलडंडी (जो टिकने वाला एवं दृढ नहीं है, अर्थात संसार) ले लो। बुद्धिमानों ने यह सुनकर ('मा' का अर्थ 'मत लेलो' समझकर) वनों की राह ली, या विरागी हो गए।

भावार्थ :-(भाव यह कि वह जो कह गए उस चेतावनी को समझना है तो समझो)

(कमलडंडी अर्थात नदुर का शाब्दिक अर्थ है 'न टिकने वाला'।लाक्षणिक अर्थ के रूप में इसकी उपमा नश्वर संसार के साथ दी जाती है। नदुर शब्द की उत्पति भी न+दॊर याने 'नहीं दृढ है जो' के कारण हुई हो सकती है। नदुर अत्यन्त कोमल होता है।

**************************

        मुहावरॖ (दऺपिथ कऻशुर)

1. मु: पौंसॖ गव पारुद तॖ म्यक्राज़

    अ: पौंसस छु हदॖ ख्वतॖ ज़्यादॖ 

          ताक़त

2. मु: पौंसस निश छु पौंसॖ वातान

    अ: पौंसॖवऻलिस निश छु पौंसॖ

          वातान

3. मु: पौंसॖ थऺव्यज़ि म्वर्दस प्यठ

         सु ति गछ़ि ज़िन्दॖ

    अ: पौंसस छु स्यठाह ज़ोर

**************************

पंचान्ग:- राथ ॴस गुरु पूर्णिमा। ब्यॊन ब्यॊन आश्रमन मंज़ कऺर बख्तव पनॖन्यन पनॖन्यन ग्वरन हॖन्ज़ स्तुति पनॖनि पनॖनि आयि तॖ पनॖनि पनॖनिअंदाज़ॖ। ग्वर माने छु सु शखॖस युस अज्ञानुक अनिगॊट बख्तस निशि दूर करि तॖ सतचॖय वथ रोज़्यस हावान विज़ि विज़ि। 

वुछनस तल छु यिवान ज़ि सिख समाजस मंज़ यीत्य ति गुरुद्वार छि सऻनिस वतनस मंज़, यिमन गुरुद्वारन मंज़ छु सुबॖ प्यठॖ शाम ताम लंगर चलान रोज़ान तॖ लछॖ बद्यन ब्वछिह्यत्यन छि प्रथ द्वह ख्यावान तॖ च्यावान रोज़ान। कुनि ति धर्मॖक्य हाजतमंद या ब्वछिहॊत छु वातान गुरुद्वारकिस भण्डारस प्यठ तॖ च़ऺलरावान पनॖन्य प्यपास या यड ब्वछि। यिमन गुरुद्वारक्यन प्रबंधक कऺम्मीटी तॖ सीवादारन छु म्योन नमन अमि कॖस्मॖच व्यवस्था चलावॖनॖ बापथ। हालांकि सान्यन कॆंच़न संस्थायन मंज़ ति छु भण्डारा यिवान करनॖ मगर सु भण्डारा छु महदूद फाकॖ बत्तस ताम युस यिवान छु बऻगरावनॖ प्रथ ऱयतकि ज़ूनॖ पछ ॴठम द्वह या यॆलि यॆलि संस्थायन मंज़ हवनुक कार्यक्रम आसान छु। बॖ छुस सोंचान ज़ि क्याह सऻनिस समाजस मंज़ छु ना यि मुम्किन ज़ि सानि संस्थायि ति चलावहऻन च़्ववुह गन्टॖ लंगर गुरुद्वारकिस तोर तऺरीकस प्यठ तॖ ख्यावहऻन च्यावहऻन ज़रूरतमंदन, ग़रीबन गुर्बातन तॖ यस प्रारब्ध आसिहे तॖ तस बिल्कुल तिथय पऻठ्य यिथ पऻठ्य गुरुद्वारन मंज़ छु सुबॖ प्यठॖ शाम ताम रोज़ान लंगर चलवुन। कॆंच़न मुसलमान अस्थानन मंज़ ति छु यि व्यवस्था नज़र यिवान। शारदा शऺरीफ, राजोरी, ज्यॆमिस मंज़ छि मिसालन। सानि संस्थायि कयाज़ि छि अथ कामि मंज़ पथ। अथ कथि प्यठ ह्यकव ना ॳस्य पानॖवुन्य विचार विमर्श कऺरिथ तॖ अख प्रथा शुरु कऺरिथ तॖ लूकॖ-सीवायि मंज़ जुडिथ? महामऻरी छि वुनि ति ज़ागि रूज़िथ तॖ निवान गिलविथ इन्सानन यॆतिनस यॆमिस थफ यियस। ॳस्य छि च़म्यॆमॖत्य तॖ प्रारान ज़ि कर गलि तॖ च़लि सानि गरॖ-बरॖ दूर यि महामऻरी। मंगान महावीरस ज़ि थव सानि गरॖ-बरॖ तॖ असि निशि दूर स्यठाह दूर यि नागहॖच बलाय। 

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

05.07.2020

05.07.2020,हारॖ (आषाढ) ज़ूनॖ पछॖ (शुक्ल पक्ष) पुनिम (देवादेव) (पूर्णिमा) आथवार (रविवार/ एतवार) श्री सप्तर्षि सम्वत 5096, राश मिथुन (चलान) ऋतु ग्रीष्म (चलान)...अज़ छि गुरु पूर्णिमा ति

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

      महामारी नाश - मंत्र

जयन्ती मन्गला काली भद्रकाली कपालिनी दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

मंदछि हऻन्कल कर छ़्यन्यम

यॆलि ह्यडुन गेलुन असुन प्रावॖ

आरुक जामॖ कर सना दज़्यम

यॆलि अन्द्रिम खार्युक रोज़्यम वारॖ

         ************

अर्थात:- लज्जित होने की मेरी जंज़ीर कब टूटेगी? जब ग्लानी, निंदा, हंसी को सहन कर सकूंगी, तथा रीति रिवाज रूपी वस्त्रों को कब जला दूं? यह तब ही संभव है  जब मेरा मन रूपी घोडा मेरे नियंत्रण में रहेगा।

भावार्थ:- (मन शांत और काबू में हो तो, शर्म, ग्लानि, निंद्या, रीति, कीर्ति, अपकीर्ति आदि का कुछ भी प्रभाव मन पर नहीं पडता है। इस वाख् में ललेश्वरी अपने हृदय की स्वछन्द अवस्था की कामना करती दिखाई देती है)

**************************

          मुहावरॖ (दपिथ कऻशुर)

1. मु: ह्यॊर नय पिलय ज़ंगय 

         ज़ॖलय

    अ: कांह न तॖ कांह अज़ार 

          वातॖनावुन

2. मु: ह्यनॖ आव तॖ ख्यनॖ आव

    अ: खुर्य काम्यन मंज़ ह्यनॖ युन

3. मु: ह्यडुन गेलुन पानस मेलुन

    अ: युस ब्यॆयिस ह्यॆडि तस यी

          पानस ह्यडनॖ

                       या

          ह्यडनस गेलनस परिहेज़

          करुन

*************************

पंचान्ग:- अज़ छि गुरु पूर्णिमा द्वह। ध्यान मूलं गुरोमूर्ति: पूजा मूलं गुरो पदम्,  ज्ञान मूलं गुरोर्वाक्यं मोक्षमूलं गुरो: कृपा।

गुरु ब्रह्म: गुरु विष्णो गुरु साक्षात् महेश्वरा:, गुरु एव जगत् सर्वं तस्मय श्री गुरवे नम:। अखण्ड मण्डलाकारं व्याप्तंयेन चराचरम्, तत्पदं दर्शितं येन तस्मै श्री गुरवे नम:। सुबहऻय न्यॆन्द्रि वऺथिथ युस पनॖनिस मऻलिस तॖ माजि हॖन्द्य चरण स्पर्श करि, तसुन्द असली ग्वर छु मोल-मऻज्य। ग्वर सुन्द रिश्तॖ छु ब्यॊन ब्यॊन तरीकव सॗत्य यिवान ज़ानॖनॖ तॖ मानॖनॖ। मसलन गुरु-शिष्य सम्बंध, अध्यापक-छात्र सम्बंध, ईश्वर-भक्त सम्बंध, निर्देशक-अभिनेता सम्बंध वगैरा वगैरा। ज़िन्दगी हॖन्दिस सफ़रस मंज़ युस कांह ति कऻन्सि रॖच़ वथ हावि तॖ रॖच़ॖ कथॖ ह्यॆछिनावि सु छु मानॖनॖ यिवान गुरु तॖ तथ वति पकनवोल सफीर या पथिक या पकनवोल छु बनान शिष्य। पज़ि मनॖ गछ़ि तऺमिस ग्वरस पूज़ा करॖन्य, तऺम्यमिस मान तॖ सम्मान द्युन, तिक्याज़ि तऺम्यसॖन्दि ज्ञानॖ भण्डारॖ सॗत्य छि ॳमिस सफ़ीरस, ॳमिस पथिकस, अथ वति प्यठ पकनवऻलिस इन्सानस काम्याबी ता उम्र मेलान रोज़ान तॖ ग्वर सॖन्दि दऺस्य भवसागरस तार स्यॆदि-बुथि मेलान। नियत गछ़ि रोज़ॖन्य साफ़ तॖ शफ़ाफ द्वश्यवऺन्य दर्यन्य, ग्वरस मंज़ ति तॖ शिश्यस मंज़ ति। महामऻरी छि तेज़ कदम तुलान तॖ पकान तॖ निवान ॳकिस ॳकिस मोतॖकिस ॴसस मंज़। बेबस तॖ लाचार इन्सान छु ज़ुवस थफ कऺरिथ विज़ विज़ कडान। ॴखॖर इन्सान छु इन्सानॖय, मंज़ॖ मंज़ॖ छु थकान तॖ लोसान मगर छु पकान लबि लबि पनुन पान बऺचॖरऻविथ तॖ भगवानस पनुन जान पुशॖरऻविथ तॖ तऺस्य मंज़ पूरॖ विश्वास थऻविथ।

**************************

कऻशुर ह्यॆछव कऻशुर परव

कऻशिर्य पऻठ्य पानॖवुन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)