02.11.2019

02.11.2019, कार्तिक (कतक) ज़ूनॖ पछॖ (शुक्ल पक्ष) शॆयम (षष्ठी) बटॖवार (शनिवार/ शनिश्चरवार),श्री सप्तर्षी सम्वत 5095, राश धनु (चलान), ऋतु हरुद (शरद) (चलान)...अज़ छि कुमार शॆयम ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1.मु: कनि नखॖ कऺन्य म्यॆ नखॖ नॖ
        कांह
   अ: यि छि कुनिरॖ वखतॖ वनान
2. मु: कनि लग्या नार ज़ि ज़ऻनिस
         यी आर
   अ: पनॖनिस छु नॖ आर यिवान
3. मु: कुन्य गबि मुठ्य ल्यॆज्य
    अ: अकुय शुर छु ज़्यादॖ लॊलॖ-
          मतॖ लायि सॗत्य बिगडान
4. मु: कुनिस पोशन सऻरी कुन
         पोशि नॖ कऻन्सि
    अ: कुन्यर छु प्रथ रंगॖ ख़राब/
          न ह्यॆकि बचाव कऺरिथ तॖ न
          हमलॖ
5. मु: कनि फॊल तॖ नूनॖ फॊल गव
         दऺर्यावस कनि फऺल्य दॊप बॖ
      हा गॊलुस तॖ नूनॖ फऺल्य वॊनुस
      युसुय गॊल तॖ सुय गॊल
    अ: बऺल्य व्यदाख दिन्य छु
          ग़लथ/यस नॖ तक्लीफ़
          वातान सुय छु बारव
          दिवान
**************************
1. इकतिदार.....Position/
             Power/Athourity/
             Influence/Dignity
2. अकसाम....Types/Kinds/
                     Sets/Various
                     kinds
3. अकलियथ.....Minority
4. आख्योन.....One who can
                not eat/Unfit to
             be eaten/Inedible
5. अख्युर......Letter of an
                    alphabet
6. अकऻल्य मरुन....Untimely
                  demise/Death
7. अकऻबीर..... Elderly wise
              person/Wise man
              Noble person
8. अकाल....Time less/Eter-
               nal/Drought/
               Famine
9. अकसऺरियत..... Majority
10. अकटूबर......October
**************************
          गीता ज्ञान अध्याय 18
यऺगॖन्य तप दान ज़रूरी ज़ान, बेगर्ज़ तॖ निष्काम करॖन्य आसान
यि निश्चय कॊरमुत म्योन मत ज़ान
वॊन भगवानन गीता ज्ञान
**************************
राथ कऺर म्यॆ कथ मेखलायि मंज़ परम्परायि सान रीच़ रिवाज वरतावनस मुतलक। अज़कल आव वुछनस मंज़ यि ज़ि सऻनिस समाजस मंज़ छि परम्परा मुतऻबिक खान्दर व्वछ़ब या मेखल वगैरा करान कमॖय पाहन ति क्याज़ि क्याह छु कमि सातॖ करुन तॖ कऺमिस छु किथॖकऺन्य करुन अमिच ज़ऻन्यकऻरी छॆ नॖ पूर पऻठय सान्य नवि पुयि तॖ न छि अमिच ब्वय तऺमिस ब्रह्मनस युस बिहारॖ या उतराखण्ड या उतरान्चलॖ प्यठॖ यिथ सान्यन बड्यन दॊहन अंद वातनावान छु किताबि वुछिथ कॆंह मंत्र पऺरिथ। मगर कॆंह गरॖ छि यिम हक़ीकतस मंज़ छि पनॖन्य सभ्यता कऻशिर्य आयि रऺछ़रऻविथ तॖ तऺथ्य अंदाज़स मंज़ सऻरॖय कार्यक्रम परम्परायि मदिनज़र थऻविथ कऻम अंद वातनावान। म्योन नमन छु तिमन गरन यिम सऻन्य प्रज़नथ ज़िन्दॖ थवनॖच कूशिश करान छि। बस कांह च़ुक्यदार गछ़ि आसुन तॖ पठिथ ब्रह्मुन तॖ ह्यॆन्ज़ॆ ज़ाननवाज्यन कांह ज़िठ मऻज्य या ब्यॆनि गछ़ि आसॖन्य।
**************************
"मद पिवुम सिन्धु ज़लन येतु
रंगन लीलिम्य क्यॆम केच़ा
कॗत्य ख्ययम मनुशि मामसॖक्य नऺल्य
स्वय बॊह लल तॖ गव म्यॆह क्या"
**************************
अर्थात ललेश्वरी पिछले जन्मों का उल्लेख करती हुई कहती है कि मैं ने मधु की तरह सिन्धुओं का जल पिया, अनेक रंगों के कीडों के साथ उन्ही के रंग में रंगकर मैं ने कितने ही मनुष्यों की ॳस्थियों का मांस खाया। अब इस समय भी मैं वही लल हूं फिर मेरी यह दशा क्यों हुई थी।
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर पऻठ्य पानॖवुन्य कथबात करव
**************************
 नऺविव तॖ फॊलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)