15.11.2019

15.11.20019, मॊन्जहोर (मार्ग) गटॖ पछॖ (कृष्ण पक्ष) त्रय (तृतीय)शॊकुरवार (शुक्रवार/ जुम्मा),श्री सप्तर्षी सम्वत 5095, राश मिथुन (दुहचि 11.1 बजि प्यठॖ) ऋतु हरुद (शरद)(चलान)...अज़ छि संकट च़ॊरम (संकट निवार्ण चतुर्थी) ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: ख्यनॖ म्यूठ पॊज़ होरुन
         ट्यॊठ
    अ: सु मज़ॖदार चीज़ युस ख्वश
         करि अमापॊज़ असर
         नाकार आस्यस
2. मु: ख्यनॖ ख्यवान व्यनॖ डऻल्य
         डऻल्य
    अ: न्यॆबॖर्य बॆ-मऻल्य लागुन
         मगर ख्यॊन बॆवायि
3. मु: ख्यनॖ च्यनुक यार
    अ: मतलऺबी इन्सान
4. मु: ख्यथ च्यथ शॊंगुन शांद
         दिथ लॊंगुन
    अ: यॆलि नॖ ख्यनॖ च्यनॖ वरऻय
          कांह कऻम आसि
5. मु: ख्यथ ति बारव न ख्यथ ति
         बारव
    अ: कुनि पऻठ्य नॖ रऻज़ी गछ़ुन
**************************
1. अंगोचॖ......Towel
2. अंग खसुन....To be cured/
                        Healed
3. अनज़ान..... Stranger/Un-
                known/Innocent
4. अंदर......Inside/Inward/
                  Within
5. अंदाज़ॖ...Estimate/Guess
                 Style/Method
6. अंदॖ वंदॖ.....All over/Every-
                     where
7. अमि पतॖ.... Aftermath/
                     After this
8. अमानथ..Entrusted thing
                   Deposit
9. अमानथ द्युन.... To die/To
                            refund
10. अम करुन...To eat/To
                       embezzle
**************************
      गीता ज्ञान   :अध्याय 18
यि ॴसिथ ति युस मनुश मूड आसान, सु शुद आत्माहस कर्ता ज़ानान, यि अज्ञऻनी छु नॖ असलियथ ज़ानान।
वॊन भगवानन गीता ज्ञान
**************************
राथ वोतुस बॖ ग्रेटर नोयडा ॳकिस ॴशनावसुन्द यॆति अकिस कऻशिर कोरि हॖन्ज़ बरात ॴस्य यिन्य। लऺडकॖ ओस पऻरिम। लऺगॖन ति गव पऻरिम पऻठीय। ब्रह्मुन ति ओस आमुत माहराज़स सॗत्यी। कूर छि व्यलायतस मंज़ पऺरमॖच़ तॖ तती नोकरी ति करान। लऺडकॖ ति छु अमि कोरि पनॖनि मनॖ मुवऻफ़िक च़ोरमुत तती मगर पनॖनि ज़ऻच़ हुन्द नॖ। शामस द्रायि माहर्येन अति जंजगरॖ प्यठय। हैलो हाय कॊर खड़ा लूकव अख ॳकिस तॖ आयि गऺयि कथा। ॳल्लाह ॳल्लाह तॖ खऻर सल्लाह। याद छुम प्यवान ज़ि ॳमिस कोरि हॖन्ज़ मऻज्य ॴस छ़ान्डान जान पाहन कऻशुर लऺडकॖ। ट्यॆकिन्यन ति नज़र दिनॖ मगर नज़रि आव नॖ लऺडकॖ कांह। मोल मऻज्य ओस यपऻर्य तान जान पाहन छ़ान्डनस लऺग्यमॖत्य, हुपऻर्य ॴसमॖच़ ॴस कूर पनुन वर पानय छ़ान्डनस लऺज्यमॖच़ व्यलायतस मंज़। तति क्वस च़ॊय ॴस चलान यॆतिक्यन नॖ ख़बरॖय यॊत ताम स्व पनुन यार तॖ प्यार ह्यथ आयि पानय तॖ रूद्य यॆतिक सऻरी लबि ताकस इशारव सॗत्यी प्रॖछ़ान ॳड्य काकनि तॖ ॳड्य काकस क्यासऻ कोरि आव ना मज़ॖ यॆतिकिस हाकस। तऺमिस व्यच़्यव ततिकुय मसाला डोसा तॖ इडली वड्डा। अख वंश गव सानि ज़ऻच़ मंज़ राथ ब्यॆयि कम मगर कऺमिस ग़म।
**************************
 "दॊद क्या ज़ानि यस नो बने
ग़मॖक्य जामॖ हा वऺलिथ तने
गरॖ गरॖ फीरॖस प्यॆयम कने
ड्यूंठुम नॖ कांह पनॖनि कने
        **********
अर्थात :- जो स्वंय न जले वह जले हुए की पीढा को कैसे जान
सकता है। ग़म अर्थात "प्रियतम
की चिन्ता" के कपडे पहने तथा घर घर मैं गऺई परन्तु मुझे दुत्कार ही सुननी पडी और मेरा
समर्थन किसी ने नहीं किया अर्थात मेरी बात को कोई समझ न सका।
    पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज्युक सबक म्यानि ज़्यॆवि ति)
(Koshursabak.blogspot.com ति वुछिव)