04.11.2019

04.11.2019, कार्तिक (कतक) ज़ूनॖ पछॖ (शुक्ल पक्ष)ॴठम (अष्टमी) च़ऺन्दॖरवार (सोमवार) श्री सप्तर्षी सम्वत 5095, राश मकर (चलान) ऋतु हरुद (शरद) (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: केंकॖ लचि छु ढायि गऺर्य याद
         प्यवान
    अ: मशरबुक आदत/वख्तस
         प्यठ नॖ याद प्यॊन
2. मु: कॆंह नॖ कऻम तॖ क्वलॖगोम
    अ: वख ज़ायि करुन
3. मु: कहन गरन कुनी तऻव
    अ: यॆलि स्यठाह व्यछ़य आसि
4.मु: क्वकुर तछान तॖ पूत ह्यॆछान
   अ: शुर करि ती यि तसॖन्द्य
        ज़िठ्य करान आसन
5. मु: क्वकॖर करिहे मान मगर
         पू्त्यन क्याह करि
   अ: बाज़े छु ज़्युठ शुर्यन हॖन्द्यव
         कारव तंग यिवान
**************************
1. अग़वा.....Kidnap/Abduc-
                   tion/
2. एज़ाज़.....Honour/Award
             Eminence/Title of
             honour/Exaltation
             Respectability
3. अग़राज़.....Selfishness/
             Motive/Aim/View
             Object/Concern/
             Interest/Want/Use
             Wish
4. अगऻफिल..... Inattentive/
             Negligent/Unmind
             ful
5. आमा....Blind/One who
              can not see
6. आमाल....Deeds/Actions
                Acts/Behaviour/
                Conduct
7. एतिमाद.....Faith/Trust/
                Confidence/
                Reliance/Belief
8. एदाद......Numbers
9. एलान.....Announcement
                  Notification/
                Pronouncement
10. आला....Of higher order
                   Top most/Ele-
                vated/Upholding
                First rate/Most
                dignified person
**************************
         गीता ज्ञान  :अध्याय 18
सऻरी कर्म छि द्वखॖ रूप आसान, पनॖनि कष्टॖ खऻतरॖ यिम छि त्यागान, तिम त्यऻगी बेशक़ छि ब्वज़वान
वॊन भगवानन गीता ज्ञान
**************************
साईं कऻशुर परिवार द्वह आव मनावनॖ बडॖ जोश खरोश सान गुडगांव यानि गुरुग्रामॖ फ्लोरेन्स क्लबस मंज़ राथ शामन यथ प्रोग्रामस मंज़ बजन कीर्तन अलावॖ रौफ ति आव करनॖ। डाक्टर सी बी सतपुते युस साईं ग्लोबल ट्रस्टुक आला कमान छु तॖ साईं भक्त छु ओस आमुत तॖ द्युतुन प्रवचन ति तॖ ब्यॆयि द्युतुन ॴशिर्वाद रूपस मंज़ यनामॖ ति तिमन यिमव अथ प्रोग्रामस मंज़ शिरकत कऺर। नवीदॖच यानि ख्यनॖच च्यनॖच व्यवस्था ति ॴस आमॖच़ स्यठाह जान पऻठ्य करनॖ।पूर्णिमा रैना छि परिपूर्ण अथ संस्थायि सॗत्य जुडिथ तॖ तऺमिस सॗत्य छु अजय जी पंडिता तॖ ब्यॆयि वारियाह सदस्य तन मन तॖ धन सॗत्य अथ संस्थायि चलावनस मंज़ मदद करान। सारिनी कार्यकर्ताहन हुन्द नाव ह्यकव नॖ यॆतिनस ह्यथ अल्बतॖ यि वनुन छु ज़रूरी ज़ि निष्काम भावॖ सान छि शुर्य बऺड्य ज़नानॖ मर्द लऺगिथ साईं सॖन्दिस अथ दरबारस मंज़ दिलॖ जानॖ सान। भगवान कऺर्यनख बजाह तॖ साईं रूज़्यनख सहायतस हर हमेशॖ। पान्च़ि बजि शामन सपुद प्रोग्राम शुरू तॖ काह बजि रऻच़ ताम रूद चलवुन तॖ प्रार्थना सॗत्य वातनोवुख कार्यक्रमस अंद। लूख ति ॴस्य वारियाह अल्बतॖ खान्दरव व्वछ़बव मूजूब ओस लूकन हुन्द तेदाद हना व्वमेदॖ न्यस्बतॖ  कमॖय पाहन। कलाकारव खऻर यि साईं संध्या रथि पनॖनि कलाकऻरी सॗत्य।
**************************
"मल व्वंदि च़ॊलुम
जिगर मोरुम
तॆलि लल नाव द्राम
यॆलि दऺल्य त्रऻव्यमस तती
        *********
अर्थात मैं ने अपने मन के मैल को हटाया, जिगर को मारा, जब अपना दामन फैलाकर वहीं उसी के पास डेरा जमा लिया, तभी मेरा नाम 'लल' प्रसिद्धि पा गया।
पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(kashursabak.blogspot.com ति वुछिव)