07.11.2019

07.11.2019, कार्तिक (कतक) ज़ूनॖ पछॖ (शुक्ल पक्ष) दऺहम (देवादेव) (दशमी) ब्रसवार (वीरवार/ब्रहस्पथवार/गुरुवार) श्री सप्तर्षी सम्वत 5095, राश कुम्भ(चलान), ऋतु हरुद (शरद) (चलान), द्रठॖपऻन्च़ुक (पंचक) (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: क्वकुर यूत व्यठान छु तीच़
         छु निच्य रयख करान
    अ: ॳमीर बनॖनस सॗत्य सॗत्य
          छु इन्सान कॊन्जूस बनान
2. मु: क्वकुर हे ख्यॆयि खार ति
         तोति सप्दि नॖ खार
    अ: इन्सान छु नॖ सिरिफ ख्यनॖ
         ख्यनॖ सॗत्यी बजर प्रावान
3. मु: कूरी वॊनमय न्वशी च़ॖ बोज़
    अ: यॆलि ॳकिस वनव मगर
         मतलब आसि ब्यॆयिस कुन
4. मु: खास्यन गव नॖ माछ लऻरिथ
    अ: तम्बलुन नॖ/वुनि छॆ नॖ
         जल्दी
5. मु: खागॖर्य प्वलाव
    अ: सब्ज़ बाग हावॖन्य
**************************
1. अरॖवरॖ.....From all sides/
                From head to
                foot/From this
                end to that
2. अराकीन.....Members/
              Pillars/Columns
3. अरबाब.....Owners/Lords
             Members/Officers
4. अरतल.....Gold leaf
5. अरकॊश.....Saw dust
6. अरदऺल्य.....Orderly
7. ॳदीब.......Writer
8. अदना... Ordinary/Mean/
                 Inferior/Wretch-
                 ed/Small
9. अदब..... Literature/Res-
                pect/Decorum/
            Politeness/Courte-
            sy/Manners
10. अदबॖ सान....With due
                          respect
**************************
       गीता ज्ञान  :अध्याय 18
कर्मॖ फल न त्यागन वोल इन्सान
मरनॖ पतॖ नेक बद फल प्रावान
कर्मॖ फल त्यागनॖ मनुश म्वकलान
वॊन भगवानन गीता ज्ञान
**************************
आसुन छु ह्यॆछनावान न आसुन छु मन्दछावान। ॴसिथ ति गछ़ि भगवान द्युन ख्यनॖ। इन्सानस गछ़ि नियथ साफ़ आसॖन्य त्यॆली छु तऺमिस दय ति रॖच़ वथ हावान।
ब्यॆयि गछ़ि सन्तुष्टी आसॖन्य। यी मेलि तऺथ्य मंज़ गछ़ि तृप्ती आसॖन्य। मान मान करनस मंज़ छु नॖ इन्सान कुन वातान ति क्याज़ि मान मान करनस छु नॖ कांह हद नज़र यिवान। इन्सान योदवय कुनि हदस मंज़ॖय रोज़ि तऺथ्य मंज़ छु बजर। मगर मॊह माया ति छि पनुन रूप दऻरिथ मनुशस वर्गलावान तॖ इन्सान छु स्यॆद्य हऺल्य कार करान। बॖ छुस नॖ कांह प्रवचन दिवान बऺल्कि अख हक़ीक़त वनान ज़ि यूत इन्सान स्यॆज़ सादॖ ज़िन्दगी बसर करि त्यूत रोज़ि सु ग़मव तॖ फिकिरव निशि दूर। प्रथ कांह छु ज़ानान यि दफ अमा पॊज़ मानान नॖ कांह। लऺग्यमॖत्य छि सऻरी अख ॳकिस पथ त्रावनस मंज़। कऻत्याह छि अथ दवि दवि मंज़ क़दम तेज़ थऺविथ ब्रौंह नेरान तॖ कऻत्याह छि दिल फुटिथ पॊत फ़ेरान। यॆम्य यि च़्यून ज़ान तऺम्य दुनियाह ज़्यून।
**************************
"रावनॖ मंज़ॖ रावुन रोवुम
रऻविथ अथि आयस भवॖसरय
असन गिंदन सहज़ॖय प्रोवुम
दपनॖय कॊरुम पानस सरय"
        **********
अर्थात मैं आध्यात्मिक पहेलियां सुनते पढते भूल भुलैयों में खो गई थी। गुरु से शब्द लेते ही उसी शब्द में गहरी खो गई। इसी खो जाने से मेरा वह (प्रारंभिक) खोना समाप्त हो गया तथा मैं बडी आसानी से सहज अर्थात परमात्मा को पाने में सफल हुई।"
     पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फोलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)