17.11.2019

17.11.2019, मॊन्जहोर (मार्ग) गटॖ पछॖ (कृष्ण पक्ष) पऻन्च़म (पन्चमी) आथवार (रविवार/ एतवार), श्री सप्तर्षी सम्वत 5095, राश कर्कट (शामन 5.4 बजि प्यठॖ), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: ख्यमस ख़ार तॖ होरस नॖ
         हार
    अ: ख्वद गर्ज़ इन्सान/कऻन्सि
         सिरिफ फऻयदॖ तुलुन अथॖ-
         रॊट नॖ करुन
2. मु: ख्यॊन द्युन प्वलावॖ तॖ अथॖ
         छलुन ग्रॖमिथ
    अ: जान कऻम कऺरिथ स्व
      मोमूली कथि सॗत्य रावरावॖन्य
3. मु: ख्यॆ गऻव गासॖ धर्मॖकि पासॖ
    अ: यॆलि कऻन्सि वऺसीलॖ ॳनिथ
         ज़ारॖ पारॖ करव
4. मु: ख्यॊन च्यॊन छु पानस
         पानस पामॖ छि बऻगरिथ
    अ: ख्यवान छि ॳस्य पनॖनि
         मर्ज़ी मुतऻबिक अमापॊज़
         कॖठ छि कडान ब्यॆयिस
5. मु: ख्यॊन गछ़ि त्युथुय युथ
         ब्यॆयिस ख्वश यी
    अ: ख्यनॖ-च्यनॖ क्यन आदॖतन
         प्यठ छि ब्यॆयिसॖन्ज़ नज़र
         आसान
**************************
1. दऻर.....Window/Beard
2. दरवाज़ॖ.....Door
3. लऻर.......Cucumber
4. बाअदब....With respect/
           Respectfully/Well
           mannered
5. बारॊसूख..... Influential
           person/One who
           can talk with offi-
           cial head
6. बाकऻयदॖ.....Properly/
            Approbatory/As
            per rules
7. बाब..... Chapter
8. उल्फ़त.....Attraction/
           Attachment/Love/
          Affection
9. उल्टॖ-पुल्ट..Upside down/
10. उजरथ.......Wages/Com
           pensation/Remune
           ration
**************************
           गीता ज्ञान  :अध्याय 18
गीता ज्ञान ति त्रॆयि प्रकऻर्य आसान
यिम कर्म करनॖच प्रेरना दिवान,
कर्त्ता, कारण, क्रॆया कर्म संग्रह ज़ान
वॊन भगवानन गीता ज्ञान
**************************
लल द्यद कऻछ़ा दूरदर्शित छि ॴसमॖच़ यॆम्य अज़ साड त्रॆ हथ वऺरी ब्रौंठ छु दपान वॊनमुत ज़ि अख समय यी यॆलि ब्यॊन ब्यॊन मोसमन हॖन्द्य कॆंह फल ॳकिसॖय मोसमस मंज़ इकवटय पपन यानि  तमि छु वॊनमुत तॆलि मालि आसन केरन यिथीय टंग च़ूंठ्य पपन च़ेरन सॗत्य तॖ अख दौर यी यॆलि मऻजि कोरि इकॖवटॖ अथवास कऺरिथ न्यॆरन तॖ द्वह बऺरिथ यिन गऻरन सॗत्य। वाकऺयी कथ कमालस प्यठ आसिहे स्व संत वऻच़मॖच़ यॆमि तमि वख्तॖ च़्यून ज़ि बुथि क्या छु सपदन वोल। 1666-हस मंज़ ज़न्मस आमॖच़ ललेश्वरी वऻच़ दपान पाये कमालस प्यठ यॆलि स्व शिवस छ़ारान छ़ारान गऺयि तॖ शिव लॊबुन तॖ शिव नावस सॗत्यी लीन गऺयि। पकान पकान छि तमि कॆंह वाक् वऺन्यमॖत्य यिमन वाकन हुन्द असर तॖ पज़र ॳस्य अज़कल च़्येनान छि। असि छि पनॖनि समाजिच़ कॆंह त्रुटी अज़ नज़र यिवान मगर ॳस्य छि शुत्रमुर्गॖसॖन्द्य पऻठ्य तिम खऻमीय नज़र अन्दाज़ कऺरिथ पकान। मगर यॆकीनन न्यॆरि यिमन कऺमियन हुन्द असर तमि सातन यॆमि सातन ॳस्य ह्यकव नॖ पॊत फीरिथ तॖ तिम कऺमियि शीरिथ। यिम कऺमियि छि पनॖनि ज़ऻच़ न्यबर पनॖन्यन शुर्यन खान्दर करुन, पनॖन्य माजि-ज़्यव नॖ वरतावॖन्य, शुर्य कम आसॖन्य या न आसॖन्य, हदॖ ख्वतॖ ज़्यादॖ च़ेर ताम पनुन शुर अनहूर थवुन तॖ पनॖन्य रीति रिवाज मऺशरऻविथ ब्यॆयि ज़ऻच़ हॖन्द्य रीति रिवाज पानॖनावॖन्य वगैरा वगैरा।वखतस छुय वखतॖय मरहमॖ। युस करि वखतस हॖनॖ सुय छुय बरहम। वखतस छुय वखतॖय मरहमॖ।
**************************
"ब्रौंठॖ कऻल्य आसन तिथिय केरन
टंग च़ूंठ्य पपन च़ेरन सॗत्य
माजि कोरि अथवास कऺरिथ तॖ नेरन
द्वह द्यन बरन परद्यन सॗत्य"
       ************
अर्थात :- यह एक भविष्य वाणी की गई है कि आने वाले समय में
सेब नाशपाती तथा खूबानी सब एक साथ ही पकेंगें और मां बेटी हाथ में हाथ डाल कर घर से निकलेंगी और सारा दिन दूसरों के साथ बिताएगीं।
  पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)