14.11.2019

14.11.2019, मॊन्जहोर (मार्ग) गटॖ पछॖ (कृष्ण पक्ष) द्वय (द्विती)ब्रसवार (वीरवार/ ब्रहस्पथवार/गुरुवार), श्री सप्तर्षी सम्वत 5095, राश वृष (चलान), ऋतु हरुद (शरद) (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: खोसस निशि ग़ोसॖ क्याह
    अ: युस क्वदरती कमज़ोर
         आसि तस निशि क्याह बऺड
         व्वमेद थवॖन्य
2. मु: खॊश वऻन्य रनुन तॖ वुकॖर्य
         वऻन्य ख्यॊन
    अ: हरामुक माल बॆ-वतीरॖ
         वरतावुन/गन्दॖ पऻठ्य रनुन
         तॖ ख्यॊन
3. मु: खोवरि अथॖच कऻम
    अ: सऺहल कऻम/यथ नॖ कांह
          मुश्किल यी
4. मु: खॊडॖ गुपुन
    अ: युस शख़स पनॖन्य कथ
         ॳन्दॖर्य रटि
5. मु: ख्वरस प्यठ ख्वर
    अ: वऻर्यदाथ/वकानॖ
**************************
1. अनमान......Guess
2. अंग ॴश्यनाव....Kith and
                  kins/Relatives
3. अन्जाम.......Result/Con-
              sequence/Con-
              clusion/Issue
4. अन्तर......Next/Distance
                   Difference
5. अन्तर्यऻमी....The almighty
                      The supreme 
              being/Instinctive/
              Keen and quick in
              sight
6. अनाशुन......Hunger strike
7. अनासीर...Natural sense/
                    Instinct nature
8. अनार दऻन... Dried pome-     
               grenate seeds
9. अनऻड्य.....Unskilled/In-
               experienced/
               Clumsy/Novice/
         Block-head/Bunglar
10. अन्याय...... Injustice/
                   Wrong/Harm
**************************
         गीता ज्ञान  :अध्याय 18
मनुश मन वऻनी तॖ शऺरीर सॗत्य, शास्त्र मूजूब या अथ विपरीथ कर्म करनॖक्य पांछ़ कारन ज़ान
वॊन भगवानन गीता ज्ञान
**************************
कोताह ॳजीब ॳजीब छु लगान यॆलि पनॖनि सबि मंज़, पनॖनि समुदायि मंज़, पनॖनि महफिलि मंज़, पनॖनि सभ्यतायि मंज़ पनॖनि ज़ऻच़ मंज़  कांह व्वपर ज़ऻच़ हुन्द नफ़र आसि शऻमिल।मऻन्यतव कुनि ओलव डेरस मंज़ अख गन्डॖ या टमाटर डेरस मंज़ अख ओलुव।  सु नफ़र यस न सान्य कथ तरि फिकिरी या यस सॖन्ज़ कथ असि तरि नॖ फिकिरी तथ महफिलि मंज़ बिहिथ इन्सानन तमि वखतॖ क्युथ माहोल छु बनान यि ह्यॆकि सुय बऻविथ युस अमि तारॖ तॊरुमुत आसि। रंगस मंज़ छि बंगॖज़ऺर गछ़ान। यपऻर्यमिस तॖ अपऻर्यमिस ति छि कथ करान करान गॖठ-गोजि गछ़ान। मगर करान छि कथबाथ इशारव सॗत्य या त्र्यॆयिमि ज़बऻन्य मंज़ य्वस द्वनवऺन्य दर्यन फिकिरी तरान आसि। अथ समा-गमाहस मंज़ छु नॖ सु असनुक-गिन्दनुक बहाव रोज़ान युस पनॖनिस सामाजिक माहोलस मंज़ रोज़ान छु। ज़ऻच़ न्यबर खान्दर करनॖ सॗत्य ह्यॊतुन सऻनिस समाजस ख्रॊप अच़ुन युस ख्रॊप योदवय कडव ति तोति गछ़ि नॖ स्यॊद तॖ समतल। द्वनवऺन्य गरन रोज़ि ज़बऻन्य हुन्द व्वथवार, संस्कारन हुन्द तनाव, आच़ार-व्यच़ारस मंज़ फरॖख। व्वथनस बॆहनस मंज़ फरॖख, ख्यनस-च्यनस मंज़ फरॖख यि दऺप्यज़ि ति सम्बंधन मंज़ रोज़ि बिखराव। द्वन-दर्यन हॖन्द्यन अंगन ॴशनावन मंज़ रोज़ि नॖ माय महोब्बतॖच तार जुडिथ तिथ पऻठ्य यिथॖ पऻठ्य पनॖनि ज़ऻच़ मंज़ सासॖ बऺद्यव वऺरियव प्यठॖ रोज़ान आयि। व्वंय बनेयि काम चलाव सरकार। गठ-जोडुक बन्धन। कर गछ़ि ब्यॊन, किथपऻठ्य गछ़ि ब्योन, यि वनुन छु मश्किल। मगर दरार छि ॳछन तल नज़र यिवान य्यॊस ला-इलाज छि ह्यवान बनॖन्य तॖ सऻनिस समाजस ख्वखॖर तॖ ज़्वज़ुर च़ानॖनस मंज़ छु सक्रिय पऻठ्य कामि लऺगिथ। सॊन मस्लॖह छु यि युस नॖ वुन्यक्यनस असि फिकिरी तरान छु
**************************
"श्रान तय ध्यान क्या सन करे
च़्यतस रठ त्रकरॖय वग
मनस तॖ पवनस मिलवन करॖय
सहज़स मंज़ कर तीर्थ स्नान"
      ************
अर्थात-स्नान ध्यान से कुछ नहीं होता, प्राणायाम द्वारा अपने मन की डोर कस कर पकड के तब आत्म स्वरूप दिखेगा
   पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
  नऺविव तॖ फॊलिव
    भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)