26.11.2019

26.11.2019, मॊन्जहोर (मार्ग) गटॖ पछॖ (कृष्ण पक्ष) मावस (अमावस्या) बॊम्वार (मंगलवार) श्री सप्तर्षी सम्वत 5095,राश वृश्चिक (चलान), ऋतु हेमन्त (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: गाड छि दऺर्यावस मंज़ त्रेशि
         बापथ मरान
    अ: यॆलि सोरुय दस्तियाब
         ॴसिथ ति इन्सान ह्यॆकि नॖ
         तम्युक फ़ऻयदॖ तुलिथ
2. मु: गऻन्ठ क्याह ज़ानि पऻज़
         सुन्द शिकार
    अ: क़दॖर न ज़ानन वोल क्याह
          ज़ानि कऻन्सि हुन्द म्वल
          क्याह छु
3. मु: गऻव ज़ाव वॊछ़ सु म्यॆ गॊछ़
    अ: लालॖच करुन/ती मंगुन यी
          नॖ पज़ि
4. मु: गऻव मार बोज़ान सऻरी दांदॖ
         मार नॖ बोज़ान कांह
    अ: ज़नानि हुन्द न्याय छि सऻरी
         बोज़ान तॖ हमदर्दी करान
       मर्दॖ सुन्द ज़ुलुम छु नॖ बोज़ान
         कांह
5. मु: गऻव छु वॊनमुत हटि किन्य
         दितम लऺट्य किन्य दिमय
    अ: अगर कऻन्सि फ़ऻयदॖ वातॖ-
         नावव या तस सॗत्य नीकी
         करव सु दी तम्युक फ़ऻयदॖ
         ज़रूर/गाव अगर जान
         ख्यॆयि द्वद ति दी ज़्यादॖ
**************************
1. च़ूंठ......Apple
2. टंग......Pear
3. दऻन..... Pomegranate
4. दछ......Grapes
5. बम-च़ूंठ... Quince apple
6. गिलास.....Cherry
7. काव......Crow
8. च़ऺर........ Sparrow
9. कोतुर..... pigeon
10. गऻन्ठ.....Eagle
**************************
       गीता ज्ञान  :अध्याय 18
ॳकिस शरीरस लॊग रोज़ुन, युक्ती रॊस तॖ बे-मतलब आसुन, सु ज्ञान त्वछ तॖ तामस आसान।
वॊन भगवानन गीता ज्ञान
**************************
ब्यॊन ब्यॊन संस्थायि छि यिवान मीलिथ सरकऻर्य मऺहकमन तॖ थवान पनॖन्य पनॖन्य मांग तिमन ब्रौंहकनि मगर बाकयन संस्थायन राय रोज़ान दिवान ज़ि असि कऻशिर्य बटन पज़ि यकुत थवुन तॖ ॳक्सॖय रज़ि लऺमिथ पकुन। वुछनस तल आव म्यॆ यि ज़ि व्वंय छु कऻशुर बटॖ पनॖनिस पानस पंडित वनॖनस ति मंदछान। तिमन छु बासान ज़ि यि छु क्याहताम तुछ लकब शायद बटस आमुत दिनॖ। व्वंय छि बैन्नरन प्यठ ल्येखान कश्मीरी हिन्दु फौन्वडेशन, कश्मीरी पंडित फौन्वडेशन नॖ। व्वंय छु नॊव मसलॖ ज़ि कऻशुर बटॖ छु क्याह तॖ कमि ज़ऻच़ हुन्द। यि छा पंडित किनॖ ब्रह्मुन। यि छा ब्रह्मुन किनॖ ह्यॊन्द। बटॖ छु व्वंय पनॖन्य ज़ात छ़ान्डान। अख छु ल्येखान क्याहताम तॖ ब्याख छु ल्येखान क्याहताम। ब्यॊन ब्यॊन पकान सऻरी मगर क्रख दिवान ज़ि यकुत थऺविव। यि कऺमिस छु थवुन, कति छु थवुन तॖ कर छु थवुन अमि निशि छि बेख़बर सऻरी। दय कऺरिन्य असि यऻरी। कथ ज़ि जऻरी
**************************
"स्वन द्राव वहनि तॖ मल गव वऺथित
यॆलि म्यॆ अनलॖह, द्युतमस ताव
कतुर ज़न गयस लोलॖ व्यगलिथ
यॆलि कठकॊश च़ॊल निशि रव द्राव
लल बो रूज़ॖस त्यॆलि शीहलिथ
यॆलि च़्यतस प्यव बॊ तस नाव"
         ***************
अर्थात :- जिस प्रकार तपाने से सोने की मैल हट जाती हैऔर शुद्ध सोना प्राप्त होता है। उसी तरह अपने हृदय की मैल को तप द्वारा तपा कर दूर किया और अविद्या रूपी बर्फ़ भी पिगल गई
और जब मुझे याद आया कि मेरा नाम तो उसी का नाम है अर्थात मैं और वह एक ही हैं तो मुझे परम शान्ति का अनुभव हो गया।
     पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)