03.11.2019

03.11.2019, कार्तिक (कतक) ज़ूनॖ पछॖ (शुक्ल पक्ष) सतम (सप्तमी) आथवार (रविवार/ एतवार) श्री सप्तर्षी सम्वत 5095, राश मकर (सुबहॖचि 5.25 बजि प्यठॖ), ऋतु हरुद (शरद) (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: क्वकुर गछ़्या बाह त्रख
    अ: ल्वकुट या कऺमीनॖ शख्स
         ह्यॆकिनॖ अज़मथ प्रऻविथ
2. मु: क्व कथ नय तॖ कऺन्य तल
         क्याज़ि
    अ: नाकारॖ कथ छि च़ूरि च़ूरि
         करनॖ यिवान जान कथ नॖ
3. मु: क्वकॖर दपान म्यॆ क्याह राह
         बतख ठूलन द्युतुम फ़ा
    अ: कांह जान कऻम कऺरिथ ति
         बदनाम गछ़ान
4. मु: कॊरि ल्यख गऺयि तोरि दब
    अ: कोरि ल्यख छि सख़ लगान
5. मु: कॊबिस लथ कारगर
    अ: कुनि सातॖ छि ग़लत तरीकॖ
         ति कऻम स्यॆज़ गछ़ान
**************************
1. इक़बाल....Fortune/Luck/
               Prosperity/Influ-
               ence/Authority
2. अफ़वा.....Rumour/Hear-
             say/Gossip/Town
             talk
3. इफ़लास..... Poverty/
           Down trodden state
4. अफ़लातून....Plato/Bragg-
                        art
5. अफ़सोस ...Sorrow/Woe/
            Distress/Trouble/
            Remorse
6. अफ़सोस ख्यॊन....Regret/
                          To deplore
7. अफ़सोस लारुन....To get
              nothing/To regret
8. अफ़सोसनाक.... Regretful
              Troublesome/Dis-
               tressful
9. अफ़सानॖ.....Short story/
               Concocted story/
               Fiction
10. अफ़रा तफ़री.....Hurly-
               burly/Disorder/
               Disturbance/
               Turmoil/Wind/
               Commotion
**************************
           गीता ज्ञान   :अध्याय 18
नाकारॖ तॖ कामि कर्म छु नॖ जान,
स्वकर्मन हुन्द त्याग लऻज़िम नॖ ज़ान, मॊह वश त्यागॖन्य तामस ज़ान
वॊन भगवानन गीता ज्ञान
**************************
खान्दरॖ खान्दरय छि कऻशिर्य बटन अज़कल चलान। यॆति यॆति बटॖ बऺसिथ छु तति तति छु वुछनस तल यिवान ज़ि बटस छि नॖ पऺन्य नज़र यिवान वुन्यक्यनस। व्वसॖ द्र्व्सॖ तॖ च़लॖ लार छस। लऺडकॖ छु आमुत बंगलोरॖ प्यठॖ कूर छि आमॖच़ पूना प्यठॖ मोल मऻज्य छु दिल्लि मंज़ मगर खान्दर छु करुन ज्यॆमिस मंज़ ति क्याज़ि द्वनवऺनी दर्यन हॖन्द्य ख़ास ख़ास अंग ॴश्यनाव छि ज्यॆमिस मंज़ॖय। अकुय द्वह तॖ डूर छु गोमुत। सालर कॊत कॊत वाति, लंजि कड्या पानस। यॊतुय नॖ वाति सुय दॊर गछ़ि नाराज़। म्यॆ वऻत्य सालॖ कार्ड ॴठॖमरॖ तॖ वुछुम ज़ि त्र्यन च़्वन गरन छि मेखला अकी तऻरीखॖ तॖ यि मेखला छि रोहनी मंज़, शालॖमऻर गार्डॖनॖ, फ़रीदाबादॖ तॖ ज़ॖ त्रॆ मेखलायि ज्यॆमिस मंज़ ब्यॊन ब्यॊन जायन, बनतालाबॖ, चिन्नोरॖ, त्रिकूटा नगरॖ तॖ ग्रेटर कैलाशॖ। ॳबीद छि त्रावॖन्य सारिनी जायन युस नॖ मुम्किनॖय छु ज़ि सारिनॖय जायन ह्यकव वऻतिथ। करव हय तॖ करव क्याह। कॆंच़न खान्दरन मंज़ आव नज़रि ज़ि तयऻरी छि ज़बर्दस्त चलान मगर कूर छि वुनि ऊर्य अम्रीकाहस मंज़ तॖ वाति मऻन्ज़्यरऻच़ कालॖ तॖ लडकॖ ति छु तूर्य। द्वनवय वातन जहाज़स मंज़ ॳकिस हफ्तस खऻतरॖ। ब्रौंहकुन नन्योम ज़ि स्वन्दर तॖ शकील कऻशिर कूर छि बागॖन्य आमॖच़ मद्रऻस्य लऺडकस। लव छुख गोमुत अम्रीकाहस मंज़ॖय। कोरि बन्यऻव नॖ यॆति तान। तऺमिस बास्यव सुय जान। म्यॆति छु ल्यूखमुत ॳकिस बऻतस मंज़ ज़ि कऻशिर्य कूर वऻच़ कर्नाटक, पेरैन्ट नारस नरि दी नाहक, क्याह फ़र्ख छि व्वंय सु स्वनुर छा या ख़ार। कर्मॖ लीखाये कर नमस्कार। यि बदलाव आव असि यिमन त्रॖहन वऺरियन मंज़ स्यठाह तेज़ रफ़तारि मंज़। यी सूंच सूंच गोमुत छु क्रन्ज़ ज़ि बटॖ परिवार ह्यॊतुन वारॖ वारॖ छ़्वकुन।
**************************
"मकरस ज़न मल च़ॊलुम मनस
अदॖ म्यॆ लऺबॖम ज़नस ज़ान
सुय यॆलि ड्यूंठुम निशि पानस
सोरुय सुय तय बो नो कॆंह"
          *******
अर्थात: जब मेरे शीशे का मैल समाप्त हुआ तो मैं ने स्वात्म को जान लिया। उस शिव को अपने पास ही देखा तो पाया कि वही सब कुछ है और मैं कुछ भी नहीं।
   पऺरिव यि लल वाख ति
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
    भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)