30.03.2019

30.03.2019, च़ित्थॖर (चैत्र) गटॖ पछॖ (कृष्ण पक्ष) दऺहम (दशमी) बटॖवार (शनिवार/ शनिश्चरवार),श्री सप्तार्षि सम्वत 5094, राश मकर (चलान), ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: नार छा थवान सार
    अ: नार छु अकॖल डालान
2. मु: नार छु मार
    अ: नारॖ सॗत्य छि तबऻही
         गछ़ान
3. मु: नारॖ द्राव स्वन
    अ: स्यठाह प्वख्तॖ आसुन
4. मु: नारॖ विज़ि क्रूर खनुन
    अ: गऻर वख्तॖ या नामुनऻ-
         सिब वख्तॖ कऻम करॖन्य
5. मु: नारॖय छु जन्नत नारॖय
         छु जहन्नम
    अ: नारॖक्य ज़ॖ बुथ्य तॊत
          ति तॖ तुरुन ति
**********************
1. तऻव....Pan
2. तऻश... Provocation/
              Excessive/Dis-
          order/Fickleness
3. ताखुच....Shelf in a
                   wall/Niche
4. ताख...Window/Case
           ment/Shutter/
           Odd number
5. ताकि....So that
6. तान्य....For the time
                being
7. तार....Telegram/
            Wire, Steel wire
8. तारॖ....Three
9. तारकोल... Coal tar
10. तार घर ....Telegraph
                       office
**********************
     गीता ज्ञान :अध्याय-11
छिवॖ दज़वॖनि ॴसॖ लूकन ग्रास करान, सारिवॖय तरफव छिवॖ फेशान।
सोरुय ज़गत तेज़ॖ च्यानि गरमान
वॊन भगवानन गीता ज्ञान
**********************
द्वद वातुन ॴस सानि ज़ाच़ मंज़ अख रिवायत। यि रिवायत छि म्यॆ बासान व्वंय बिल्कुल ख़तम गऻमॖच़। दपान सानि ज़ऻच़ मंज़ ॴस वख्तॖ अकि सान्यन न्वश्यन वऻरिव गरस मंज़ शर्म हय्या ज़बर्दस्त। ज़िठ्यन ब्रौंह कनि आसॖ नॖ नॊर यानि गूंगट तुलान, बडि हटि नॖ कथ करान तॖ ॳथ्य सिल्सिलस मंज़ यॆलि यि न्वश ज़ुवॖ ॴस आसान यानि बऺरॖच़ ॴस्य आसान यि ॴस नॖ शर्मो हय्या मूजूब ह्यकान रॗनिस बगऻर ब्यॆयि कऻन्सि निश अमि कथ्यहुन्द ज़िकिर कऺरिथ यानि हशि हॆहरस निश या द्रॖयिस दॖरॖकाकनि निश। यि न्वश दपान ॴस पनॖनि माजि अमि कथि हुन्द ज़िकिर करान तॖ यि न्वश ॴस माल्युन गऺछ़िथ ज़ामुत द्वद वऻरिव सोज़नावान यॆमि सॗत्य तिमन पताह ओस लगान ज़ि न्वश छि ज़ुवॖ या गरस मंज़ छु शुर ज़्यवन-वोल। द्वद छु असि कऻशिर्यन मंज़ जान शॊगुन मानॗनॖ यिवान तॖ दपान द्वदस ज़ॖ गऺडवॗ ॴस्य हशि हॆहरस ब्रौंहकनि थवान यॆमुक माने ओस आसान ज़ि तुहॖन्ज़ न्वश छि शुरिस ज़न्म दिनॖ वाज्यन।तिम ॴस्य ख्वश गऺछ़िथ यि द्वद बऻगरावान ओरॖ योर। मगर वखॖत गव नेरान हालात गऺयि बदलान तॖ द्वद सोज़नॖच प्रथा गऺयि शायद म्वकलान तिथय पऻठ्य यिथॖ पऻठ्य अतगथ अनॖनॖच प्रथा रूज़ नॖ
कुनि। वुनि मा आसि कुनि कुनि गरस  मंज़ द्वद अनॖनॖच या द्वद सोज़नॖच रस्म चलान,म्यॆ छु नॖ बासान।
**********************
"महालक्ष्मि नमस्तुभ्यं नमस्तुभ्यं सुरेश्वरि। हरिप्रियं नमस्तुभ्यं नमस्तुभ्यं  दयानिधे।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

29.03.2019

29.03.2019, च़ित्थॖर (चैत्र) गटॖ पछॖ (कृष्ण पक्ष)नवम (नवमी) शॊकुरवार (शुक्रवार/ जुम्मा),श्री सप्तार्षि सम्वत 5094, राश मकर (शामन 7.22 बजि प्यठॖ), ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: नावि दकॖ दिथ च़लुन
   अ: मुसीबतस अंदर त्रऻविथ
        च़लुन/दोखॖ द्युन
2. मु: नऻल्य नॖ ज़ऺट मऻल्य
         नाव
   अ: ह्वखॖय बजर/लूकन
        थ्यकॖनावुन
3.मु: नागॖ गाडॖ वुछनि हलाल
        ख्यॆनि हराम
   अ: तिम चीज़ यिम इन्सान
        ह्यॆकि नॖ वरतऻविथ
4. मु: न करनस त्रॆ करॖन्य
    अ: बॆकारस त्रॆ कार/पानॖ
         नॖ करुन पॖरॖ पॖरॖ करुन
5. मु: नाव थॊद नसिति ज़ॊद
    अ: न्वकुस आसुन/नाव
        बॊड मगर अमल नॖ बऺड
**********************
       गीता ज्ञान  :अध्याय-11
पोंपुर नारॖ गाशस छि लारान
वुछान वुछान छि बस्म सपदान
यिम लूख ति च़्यॆ मंज़ अच़ान तॖ मरान
वॊन भगवानन गीता ज्ञान
**********************
दपान छि ज़ि महर्षि कश्यपस आसॖ त्रुवाह ज़नानॖ यिमव मंज़ॖ त्रॆ ज़नानॖ आसॖ तऺम्यसॖन्ज़ॖ पटरानी यानि बाकयव रानियन ख्वतॖ थदि पायदानचि युहुन्द नाव ओसमुत छु अदिति, दिति, दनु। यिमव पतॖ आसमच़ॖ रानियन हॖन्द्य नाव छि रूद्यमॖत्य सुरभि, कद्रू, वनिता वगैरा वगैरा। मानॖनॖ छु यिवान ज़ि तथ समयस मंज़ ओस शुरिसॖन्ज़ नाव तम्यसन्ज़ि माजि हॖन्दिस नावस सॗत्य जुडिथ आसान तॖ शायद छु यिहऻय वजह रूदमुत ज़ि अदित्य हॖन्दिस शुरिस प्योमुत छु नाव आदित्य, दित्य हॖन्दिस शुरिस ओसमुत नाव छु दैत्य तॖ दनु सॖन्दिस शुरिस ओसमुत छु नाव दानव। चूंकि बाकॖयन शुर्यन हुन्द नाव छु नॖ
जुडिथ तिहन्द्यन माज्यन सॗत्य सुय वजह छु दपान मानॖनॖ यिवान ज़ि यिम त्रॆ रानी मा आसहऻन महर्षि सॖन्ज़ पटरानी। वुछनॖ छु आमुत ज़ि सुरभि हुन्द न्यॆचुव युस ओस तस ओस नाव रुद्र तॖ कद्रू सन्दिस शुरिस ओस नाव नाग। यिम नाव छि नॖ पनॖन्यन माज्यन हॖन्द्यन नावन सॗत्य मेल ख्यवान तवय छि यिम ब्यॊन ग्वडनिक्यव त्र्यन शुर्यन निशि। मानॖनॖ छु यिवान ज़ि यिमन त्रुवहऻन ज़नानन हॗन्द्य शुर्य यॆलि बडान गऺयि यिम गऺयि ब्यॊन ब्यॊन जायन तॖ बनेयि तिमनॖय जायन हॖन्द्य बसकीन। मगर कऺशीरि मंज़ आमॖत्य छि रोज़ान नाग, पिशाच तॖ यक्ष। चूंकि नाग ओसमुत दपान हना ज़ोरावार तॖ ह्यॊतुक राज करुन कऺशीरि मंज़। तवय छु यिवान वनॖनॖ ज़ि कऺशीरि हुन्द ग्वडन्युक राज़ॖ छु रुदमुत नील राज़ या नील नाग।
**********************
"ब्रह्मरूपे सदानन्दे परमानन्द स्वरूपिणी, द्रुत सिद्धि प्रदे देवि, नारायणि नमोस्तुते।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com. ति वुछिव)

28.03.2019

28.03.2019, च़ित्थॖर (चैत्र) गटॖ पछॖ (कृष्ण पक्ष)ॴठम  (अष्टमी) ब्रसवार (वीरवार/ ब्रहस्पतवार)श्री सप्तार्षि सम्वत 5094, राश धनु (चलान) ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: नागॖरादॖच न्यॆन्दॖर
    अ: शिहिज न्यॆन्दॖर/आराम
2. मु: नार तॖ मार च़ालुन
    अ: ट्यॊठ मॊदुर च़ालुन
3. मु: नारॖ मंज़ॖ गुलज़ार
    अ: नाकऻमी मंज़ॖ काम-
          यऻबी वनि यिन्य
4. मु: नावॖ गऺया नीरिथ
    अ: च़ेर न गछ़ुन
5. मु: नऻल्य गोम तॖ नाल
         वॊलनम
    अ: कुनि चीज़स या मुसी-
         बतस मंज़ वलनॖ युन
**********************
1. तऻतील.... Holiday/
                    Vacation
2. तऻज़्यथ...Condolence
                   Mourning
3. तऻरीख....Date (of
            hearing)/Fixed
            date/Dark/
            Obscure
4. तऻरीफ़....Praise/Ad-
           miration/Com-
           mendation
5. तऻर....Delay
6. तऻजिल.... Emergency
7. तऻलीम.... Education/
           Learning/Being
           a student
8. तऻलीमी मरक़ज़...Edu-
           cational centre/
           Instution
9. तऻमीर..Construction
               Building/
               Structure
10. तऻमील....Comp-
            liance/Carrying
            out/Execution
**********************
      गीता ज्ञान  :अध्याय-11
यिथ पऻठ्य नऺदियन हुन्द ज़ल लऺहरॖ मारान समंदरस कुन दवान लारान
तिथय पऻठ्य यिम वीर च़्यॆ मंज़ अच़ान
वॊन भगवानन गीता ज्ञान
**********************
वुन्युखताम छि ॳस्य यि मऻनिथ पकान ज़ि कऻशिर्य बटॖ सॖन्ज़ सभ्यता तॖ संस्कृति हुन्द मूल छु नागवंशस सॗत्य जुडिथ। दपान कऺशीरि मंज़ छु ग्वडॖन्युक राज़ ओसमुत नील नाग। दपान महार्षि कश्यपन ओस यि नीलनाग कऺशीरि मंज़ बसोवमुत। मगर सवाल छु व्वथान ज़ि नील नाग क्याज़ि बसोव कश्यप रॆश्यन कऺशीरि मंज़ॖय। वनॖनॖ छु यिवान ज़ि त्रॆ ज़ऻच़ आसॖ कऺशीरि मंज़ ग्वडॖप्यठय यानि नाग, पिशाच तॖ यक्ष। पतॖ आयि आर्या ति कऺशीरि मंज़ रोज़नि। यिमन पानॖवुन्य सम्बंध क्युथ ओस, क्याज़ि ओस, कति प्यठॖ ओस, कॊत ताम ओस यि इतिहास छु अलग। कश्यप रॆयशिस क्याह सम्बंध ओस नागन सॗत्य तॖ कऻशिर्य बटस क्याज़ि छि वनान सरस्वत ब्रह्मन वगैरा वगैरा यि कथ ति छि अलग पकान तॖ सॗत्य सॗत्य रूज़ कऺशीरि मंज़ॖच तहज़ीब असि कऻशिर्यन तनॖ प्यठय चलान। मंज़ आयि वारियाह उतार चढाव, वारियाह बदलाव,वारियाह कॆंह नऺव्य चीज़ प्रऻव्य, कॆंह प्रऻन्य चीज़ त्रऻव्य तॖ कॆंच़न संस्कारन  सॗत्य सॗत्य रूद्य ॳस्य पकान तॖ वऻत्य यॊत ताम। कथ छि जऻरी
**********************
"श्वेताम्बरधरे देवि नानालंकारभूषिते। जगत्स्थिते जगन्मात: महालक्ष्मि नमोsस्तुते।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

27.03.2019

27.03.2019, च़ित्थॖर (चैत्र) (गटॖ पछॖ) सतम (सप्तमी) ब्वदवार (बुधवार)श्री सप्तार्षि सम्वत 5094, राश धनु (दुहचि 8.18 बजि प्यठॖ)  ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: न गर्युक तॖ न पर्युक
    अ: कऻन्सि हुन्द नॖ/
          दरबॖदऺरी
2. मु: न ख़र रऻज़्य न ख़र-
         वोल ख्वश
    अ: सऻरी नाराज़ॖ आसॖन्य/
         गुज़ारॖ करनॖक्य हीलॖ
3. मु: न ख्यॊन पानॖ न ब्यॆ-
         यिस द्युन ख्यनॖ
    अ: न पानॖ कऻम करॖन्य न
         ब्यॆयिस दिन्य करनॖ
4. मु: न लॊट कुनि न हॊट
         कुनि
    अ: हिशर न आसुन/बे-
         तरतीब कार
 5. मु: न पीरॖ सुन्द न च़ूरॖ
          सुन्द
    अ: कऻन्सि सॗत्य न रलुन
**********************
1. तऻजिर..Businessman
               Merchant
2. तऻजुब... Strange/Sur-
              prise/Wonder/
           Astonishment/
           Amazement/
           Admiration
3. तऻसीर..... Effect/Effi-
                    ciency
4. तऻब्यादार... Obedient
           servant/Soil
           servant
5. तऻबीन....Subordinate
            Obedient/Follo-
            wer
6. ताहम...For the time
                being
7. ताह.....Layer/Crease
            Fold layer/Fold
8. ताव.....Heat
9. तान.....Part/Parts of
            body/Limb/
10. तामथ...For the time
                  being
**********************
      गीता ज्ञान :अध्याय-11
सानि तर्फॖक्य बऺड्य योदा ति लारान, च्यऻनिस ख़ौफ़नाक ॴसस मंज़ अच़ान।
कॆंह ॳरमन मंज़ फसान तॖ दंदन तल गछ़ान
वॊन भगवानन गीता ज्ञान
**********************
सान्यन संस्कारन पतॖ छु त्युथ दर्यर ज़ि फुटान फ्राटान कऺडिन वुन्युख ताम सासॖ बऺद्य वऺरी तॖ वुनि ति कडि दय दय करान ब्यॆयि कॆंह सास वरी।
ति क्याज़ि यिमन सान्यन संस्कारन तॖ परम्परायन तलॖ छु अध्यात्मिक तॖ विज्ञानुक मूल तॖ जान आदर्श तॖ विराट आर्यन हुन्द सम्बंद जुडिथ। सोन आदर्श छु वनान ज़िन्दॖ रूज़िव तॖ रोज़नॖ दीव्य। अड्यन हुन्द आदर्श छु सान्यव आदर्शव निशि स्यठाह ब्यॊन। पकवुनिस पऻनिस मंज़ थ्वख त्रावॖन्य छु पाफ, फलदार तॖ फॊल्यमॖत्य कुल्य च़टॖन्य छु पाफ, राथक्युत पोश च़टुन छु पाफ, छ़ॆटव अथव कॆंह कऻम करॖन्य छु पाफ़, कऻन्सि ज़ख वातॖनावुन या खामॖखा तंग करुन छु पाफ। अनपढ रोज़ुन या कऻन्सि अथॖ दारुन कुनि चीज़ॖ बापथ छु पाफ। तवय छु म्यॆ बासान ज़ि सऻनिस समाजस मंज़ छु परनस तॖ लेखनस महत्वॖ आमुत दिनॖ। सऻनिस समाजस मंज़ छु नॖ कांह बेछवुन नज़रि आमुत। सानि ज़ऻच़ मंज़ छु नि कांह पुज्य कार करान आमुत ति क्याज़ि श्राख अथस मंज़ रऺटित कुनि कॖस्मॖच्य हिंसा करॖन्य छु पाफ। ॴसॖ मंज़ कांह नाकारॖ कथ कडॖन्य या करॖन्य छि पाफ यिवान मानॖनॖ। अपुज़ वऺनिथ पनुन फऻयदॖ छ़ान्डुन या अपुज़ वऺनिथ ब्यॆयिस ज़र्र वातनावुन छु पाफ। यानि ल्वकचि म्वकचि कथॖ यिम असि बासान छि मगर यिमव ल्वकचि म्वकचि कथव सॗत्य कऻन्सि ज़ख वाति या कुनि चीज़स ज़ख वाति छुनॖ सान्यन  संस्कारन मंज़ूर तॖ छॆ नॖ सऻन्य परम्परा। सानि ज़ऻच़ मंज़ यॊदवय कऻंह वॊहव ति ॴसॖ कडान ओस दपान ॴसिस थ्वख त्राव ति ज़न गव ज़ि ज़्यव गयी छ़्य़ट वॊहव कऺडिथ। अज़कल छु हवा हना बदल्योमुत। कथ छि जऻरी।
**********************
"पद्मासनस्थिते देवि परब्रह्म स्वरूपिणि। परमेशि जगन्मात: महालक्ष्मि नमोsस्तुते।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

26.03.2019

26.03.2019 च़ित्थॖर (चैत्र) गटॖ पछॖ (कृष्ण पक्ष) शॆयम (षष्ठी), बॊम्वार (मंगलवार)श्री सप्तार्षि सम्वत 5094, राश वृश्चिक (चलान) ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: न रगि हुन्द न दगि हुन्द
    अ: कऻन्सि हॖन्ज़ बंदन-
          दऻरी न आसॖन्य
2. मु: न च़रि हुन्द न हारि
          हुन्द
   अ: कुनि वऺजूदस मंज़ न
         आसुन
3. मु: न यज़तुक न बेज़ती
         हुन्द
    अ: बेमन्दछ
4. मु: न योरुक तॖ न तोरुक
    अ: कुनि कारुक नॖ
5. मु: न खऻर न बरकथ
    अ: यस नॖ कॆंह हऻसिल यी
**********************
1. तारख गंज़रॖन्य...To
           count stars/To
         waste time/Pass
         a sleepless night
        Have no sleep
2. तारख नब...Sky full of
           stars/Starry sky
         The starry sphere
3. तारॖच़....A small mea-
                suring scale
4. तारुन....To make
            someone cross
5. ताज़ॖ....Fresh/Latest/
                Recent/New
6. ताज़गी.... Freshness/
                Newness/
                Greenness
7. तास.....Playing cards
8. ताज़ॖ कलाम....Newly
           written poem/
           New poem
9. तालव...Ceiling/Plate
10. ताम....Up to
**********************
      गीता ज्ञान :अध्याय-11
धृतराष्ट्र पॊथर सारिवॖय राज़व सान, च़्यॆ मंज़ छि सऻरी प्रवेश
करान।
भीषम द्रोनाचार्य करनस सान
वॊन भगवानन गीता ज्ञान
**********************
कॆंच़न ज़ऻच़न मंज़ छि तिथ्य कॆंह संस्कार वुछनस तल यिवान यिमन मंज़ बरबर्ता छि नज़र यिवान। तिमव संस्कारव सॗत्य छु न तथ ज़ऻच़ कांह रुत फल मेलान तॖ न छि तमि ज़ऻच़ हॖन्द्य लूख ब्यॆयिस रुत ह्यकान कऺरिथ। मिसालन कऺशीरि मंज़ कऻशिर्य बटन सॗत्य य्यॊस बरबर्ता ततिक्यव मुसलमानव हऻव तिमन बास्यव ज़ि तिमव ज़्यून सोरुय दुनियाह मगर तिहॖन्द्य तिम संस्कार न छि तिमन पानस स्वख वातनावान तॖ न छि ब्यॆयिस ज़ऻच़ हॖन्दि बापथ फऻयदॖमंद। तथ बजायि अगर ॳस्य पनॖन्यन संस्कारन कुन नज़र त्रावव, यिम संस्कार छि अज़ ताम सारिवॖय ज़ऻच़न हॖन्द्यन संस्कारव मंज़ थऺद्य संस्कार आमॖत्य मानॖन। शायद छु यि अख खास वजह ज़ि सान्यव रॖत्यव संस्कारव किन्य आयि ॳस्य कमव कमव ब्रकव तल नीरिथ तॖ रूद्य नवान तॖ फॊलान। मुसीबत तुल कऻशिर्य बटव पज़नॖ प्यॆठी मगर सऻन्य संस्कृती छि रुज़मॖच़ रॖच़ तॖ बेदाग वुन्युखताम अल्बतॖ व्वंय व्वंय ह्योतुन सानि सभ्यतायि ज़न दरार पऻदॖ सपदऺन्य यॆमि सॗत्य बासान छु ज़ि यि मा वातनावि कॆंच़ॖकालॖ पतॖ सऻनिस समाजस ज़ख कुनि न तॖ कुनि रंग्य। मगर दर्यर छु सान्यन संस्कारन सही तॖ व्वमॆद छि ज़ि ॳस्य ह्यकव पनॖन्य संस्कार वारियाह हदस ताम रऺछ़ॖरऻविथ। कथ छि जऻरी
**********************
"आद्य अन्त रहिते देवि आदिशक्ति महेश्वरि।
योगज्ञे योगसंभूते महालक्ष्मि नमोsस्तुते।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

25.03.2019

25.03.2019, च़ित्थॖर (चैत्र)
गटॖ पछॖ (कृष्ण पक्ष) पऻन्च़म (पन्चमी) च़ऺन्दॖरवार (सोमवार),श्री सप्तार्षि सम्वत 5094, राश वृश्चिक चलान, ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: न ज़ायस तॖ न प्यायस
         नाहकय रऺटनस हुर्य-
         राज़न
    अ: हंगॖ मंगॖ कांह मुसीबथ
         वलनॖ युन
2. मु: नमे दानम छु रहमते
         जानम
    अ: ला ॳलमी छि राहति
         जान
3. मु: नदऻरिस दॊगॖन्य द्यार
    अ: ग़ऺरीबस द्वग्नॖ खर्चॖ
4. मु: नबस सॗत्य गाडॖ
         बुज़िथ ख्यॆन्य
    अ: पानस बराबर नॖ कांह
          मानुन/दाब दिन्य
5. मु: नब पनज्यन प्यठ
          रटुन
    अ: बऺहोदुरी हॖन्द्य लाफ़
          दिन्य
**********************
1. तार....Across (river)/
           Ferry over/Wire
 2. तॗर....Cold
3. तोर....wooden door
              lock/Crossed
4. तारख...Stars/A
                planet
5. तापॖ तॊत....Heated in
                     sun
6. तारॖ तरुन...To cross/
            To accomplish/
            To get through/
             To die
7. तार द्युन....To cross/
         Get across/Make
         success/Bring
         success
8. ताज......Crown
9. ताज तखॖत....Crown
                    and throne
10. ताजमहल...Taj
             Mahal of Agra
**********************
     गीता ज्ञान  :अध्याय-11
ख़ौफ़नाक ॳडमॖ तॖ म्वख प्रल्युक नार, वुछिथ छुम नॖ कुनि तरफ़ॖ स्वख क़रार। दीवन हुन्द दीवॖ छुख दयावान
वॊन भगवानन गीता ज्ञान
**********************
संस्कारन हॖन्ज़ कथ ॴस चलान राथ। प्रथ ज़ऻच़ मंज़ छि पनॖनि पनॖनि रंग्य संस्कारन हून्द बखान आमुत करनॖ। हिन्दु समाजस मंज़ छु ॳकिस ब्रह्मनस बापथ शुराह संस्कारन हुन्द ज़िक्र आमुत करनॖ युस गर्भधानॖ प्यठॖ शुरु गऺछ़ित अंतिम संस्कारस प्यठ ख़तम गछ़ान छि। समाजिच संस्कृति छि संस्कारकिस बलबूतस प्यठ दऺरिथ। यिथ्य संस्कार आसन वरतावनॖ यिवान तमि हिसाबॖ छि समाजिच बुनियाद संगीन तॖ पायदार आसान। असि कऻशिर्य बटस ति छि कॆंह संस्कार वरासतस मंज़ मीजमॖच़ मगर यिमव शुरहऻव संस्कारव मंज़ छि कॆंह संस्कार असि मऺशरऻव्यमॖत्य तॖ कॆंच़न संस्कारन छि वुनि ति थफ कऺरिथ पकान। काहनेथॖर, मेखला, खांदर तॖ अंत्येष्टि संस्कार छि वुनि चलान असि सॗत्य हालांकि यिमन संस्कारन ति छु कुनि कुनि जायि ख्रॊप च़ामुत तॖ रूद्यमॖत्य छि अडफुट्य तॖ कॆंह संस्कार छि मूलॖमोंजे असि मऺश्यरऻव्यमॖत्य या ज़ऻनिथ मऻनिथ यिमव संस्कारव निशि ॳछ वऺटमॖच़ तॖ पथकुन त्रऻव्यमॖत्य। कथ छि जऻरी
**********************
"सिद्धिबुद्धिप्रदे देवि भुक्तिमुक्तिप्रदायनि। मन्त्रमूर्ते सदा देवि महालक्ष्मि नमोsस्तुते।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

24.03.2019

24.03.2019, च़ित्थॖर (चैत्र) गटॖ पछॖ (कृष्ण पक्ष),च़ोरम (चतुर्थी)आथवार (एतवार/ रविवार),श्री सप्तार्षि सम्वत 5094,राश वृश्चिक (रऻच़ हॖन्ज़ॖ 1.7 बजि प्यठॖ), ऋतु बसन्त (चलान)..अज़ छि संकट च़ोरम ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: नच़ॖहऻ आंगुन छु छ़ॊट
         ग्यवॖहऻ तॖ ग्यव ख्यव
         ब्रऻर्य वनॖहऻ तॖ वन छुम
         दूर
    अ: न तगनॖक्य छ़्रठ
2. मु: नऺट्य फुटान तॖ यारबल
         छि रोज़ान ॳती
    अ: लूख छि यिवान गछ़ान
       तॖ जायि छि रोज़ान ॳती
3. मु: नटिच दिमय नॖ त्रेश
         हट्युक वंदय रथ
    अ: अपुज़ लोल बरुन
4. मु: नबॖ दुब तॖ प्यॆन्जि छम्ब
    अ: बे-मोत मरुन/हंगॖ
         मंगॖ मरुन
5. मु: नबॖचि तारॖ च़टनि
    अ: लायक़ ग्यवुन
**********************
1. ताअबद.....For the
           whole life/Ever
           lasting
2. ताब....Patience/
              Endurance
3. ताब अनुन....To show
              patience/
           Suffer silently/
           Endure
4. ताब करुन....To be
                        patient
5. ताब नॖ अनुन...To be
            impatient/Be
         unable to endure
6. ताब नॖ आसुन...To be
         impatient
7.  ताबवुन/ताबान...Shin-
                              ing
8. ताबेदार.... Obedient/
           Loyal/Servant
9. ताफ़.....Sunshine/
                 Sunlight
10. तापस थवुन..To keep
            in sun/To keep
            pending/To
            keep in sunlight
**********************
      गीता ज्ञान :अध्याय-11
आकाशस ताम च्योन रूप तेज़वान, वाहरऻविथ ॴस ॳछ ज़ोतान
छुस कऻन्पान सबॖर छुम रावान
वॊन भगवानन गीता ज्ञान
**********************
दपान कऻशिर्य बटन हॖन्द्य संस्कार छि हऻविथ लोगा‌क्षि गृहसूत्र किताबि मंज़। यि किताब छि तक़रीबन ज़ॖ सास वऺरी ब्रौंठ आमॖच़ लेखनॖ तॖ अज़कल यि किताब मेलॖन छि हना मुश्किल अलबतॖ अथ किताबि मंज़क्यन कॆंच़न संस्कारन हुन्द ज़िकिर छु आमुत करनॖ ब्यॊन ब्यॊन  कॆंच़न किताबन मंज़ तॖ ॳस्य कऻशिर्य बटॖ छि तिमनॖय संस्कारन प्यठ पकनॖच कूशिश करान। संस्कार गव क्याह। वारिहायि लटि वॊथ यि ख़याल म्यऻनिस मनस मंज़ तॖ म्यॆ ह्यॆच़ छ़ऻन्ड दिन्य होरॖ योर, कॆंच़न किताबन मंज़, कॆंच़न ज़िठ्यन प्रुछ़ुम, कॆंच़न ज़ऻन्यकारन वोतुम प्रॖछ़ान तॖ अज़ ताम वोत म्यॆ ह्यॆछान ज़ि संस्कार गऺयि क्याह। छ़ॊट्यन लफ़ज़न मंज़ नन्यव म्यॆ ज़ि संस्कार ॳकिस समाजस मंज़ गयि तिम यिमव सॗत्य सानि समाजिच प्रज़नथ रोज़ि बरक़रार। सुबॖ प्यठॖ शाम ताम अख आम इन्सान यिम यिम कामि करान छु सु छु पनॖनि समाजिकि संस्कृति हॖन्दिस दायरस मंज़ रूज़िथॖय करान रोज़ान मगर कुनि सातॖ कांह इन्सान तमि दायिरॖ न्यबर नीरिथ कॆंह कामि छु यॆलि करान दपान छि ज़ि सु डॊल पनॖन्यव संस्कारव निशि। ॳस्य योदवय पनॖन्यन संस्कारन कुन अख नज़र त्रावव, असि छु बासान ज़ि ॳस्य छि कुनि कुनि जायि पनॖनि हेनि निशि वारियाह हदस ताम डऺल्यमॖत्य। क्याज़ि डऺल्य, कर डऺल्य, कति डऺल्य, यिमन सारिनी कथन हुन्द जवाब छु मेलान ज़ि हालऻतव कऺर्य ॳस्य मजबूर कुनि हदस ताम तॖ कुनि हदस ताम छि ॳस्य पानॖ ति ज़िम्वार यमुक असर नज़रि छु यिवान असि पनॖनि नवि पुयि मंज़। कथ छि जऻरी
**********************
"सिद्धिबुद्धिप्रदे देवि भुक्तिमुक्तिप्रदायनि।
मंत्रमूर्ते सदा देवि महालक्ष्मि नमोsस्तुते।।"
पऺरिव यि मंत्र ति दॊहय
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

23.03.2019

23.03.2019, च़ित्थॖर (चैत्र) गटॖ पछॖ (कृष्ण पक्ष), त्रय (तृतीय), बटॖवार (शनिवार/ शनिश्चरवार),श्री सप्तार्षि सम्वत 5094, राश तुला (चलान), ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: नच़ान ति पानय तॖ
         वायान ति पानय
    अ: सऻरॖय ज़िम्वऻरी पानस
         प्यठ ह्यॆन्य
2. मु: नसिति च़ॊद तॖ नाव
         थॊद
    अ: छ़ॊरुय बजर
3. मु: नस म्वछि मंज़ ह्यथ
    अ: पनॖनि जायि शर्मंदॖ
         आसुन/पनुन यज़थ
         पानस अथि
4. मु: नस रठ तॖ वगुव च़ठ
    अ: सादॖ बुथ बदकार
5. मु: निशि ज़ॖर्विथ नॖ दूरि
        पुशॖरिथ नॖ
    अ: कुनि नॖ वार आसुन/
         न दूरिरिस न नऺज़दीकी
**********************
1. ॴठ....Eight
2. अरदाह....Eighteen
3. अठोवुह......Twenty-
                       eight
4. अरत्रॖह....Thirtyeight
5. अरतऻजी...Fortyeight
6. अरवंज़ाह...Fiftyeight
7. अरहऻठ....Sixtyeight
8. अरसत्तथ...Seventy-
                     eight
9. अरशीथ....Eightyeight
10. अरनमथ...Ninety-
                      eight
**********************
      गीता ज्ञान  :अध्याय-11
चऻन्य वारियाह म्वख नरि ज़ंगॖ वुछिथ, दंद अरमॖ तॖ खॊफ़नाक रूप डींशिथ
सऻरी ह्यथ बॖ छुस व्याकुल गछ़ान, वॊन भगवानन गीता ज्ञान
**********************
राथ कऺर म्यॆ होलि-त्यौहारस प्यठ पनॖन्य कथबात तॖ ॳथ्य सिल्सिलस मुतलक ल्यूख कऻन्सि ॳक्य बऻय ज़ि म्यॆ क्याज़ि कऺर नॖ पनॖनि कथि बाति मंज़ नाडीग्राम कऺशीरि मंज़ गऻमतिस क़तलॖगऻर्तस प्यठ कॆंह कथबात।तम्यसुन्द इशारॖ ओस म्यॆ बासान 23 मार्च 2003-हस कुन यानि तथ आतंकवाद हमलस कुन यथ मंज़ सऻन्य च़ॊवुह बऻय-ब्यॆनि आयि क़तॖल करनॖ कऺशीरि हॖन्दिस नाडीग्राम गामस मंज़। तिमन शऺहीदन वोत असि श्रद्दांजलि दिवान अज़ ताम बलिदान दिवसस प्यठ। तवय शायद छीड नॖ म्यॆ अमिच कथ राथ होली हॖन्दिस पावन मॊकस प्यठ। ज़ख्मन क्रऻल्य तुलनॖ सॗत्य छि दग़ व्वतलिथॖय यिवान कम छॆ नॖ गछ़ान कॆंह। विज़ि विज़ि युस असि ज़ख वातनोव दहशथगर्दव कऺशीरि मंज़ सु  गछ़ि नॖ असि ता उम्रि मऺशिथ। कस क्याह रोव अम्युक ज़िकॖर करनॖ करनॖ सॗत्य छु त्वतुर व्वथान वऻन्लिजि मगर वननॖ वनॖनॖ नेरि क्याह। यिम असि निश छ़्यनॖ गऺयि तिम वापस यिन नॖ कॆंह। च़ालॖन्य छि तिम दऻद्य असि पानय। बाकय छि सऻरी सम्बंद अख बहानय।
नाडीग्राम प्यव अज़ ब्यॆयि याद तॖ याद रोज़ि हालॖ हालय पुलवाम्युक चतजि-पांच़तऻजी नवजवानन हुन्द ति नर-संहार
**********************
"सर्वज्ञे सर्ववरदे सर्वदुष्ट भयंकरी। सर्वदुख हरे देवि
महालक्ष्मि नमोsस्तुते।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

22.03.2019

22.03.2019, च़ित्थॖर (चैत्र)   गटॖ पछॖ (कृष्ण पक्ष) द्वय (द्विती) शॊकुरवार (शुक्रवार/ जुम्मा), श्री सप्तार्षि सम्वत 5094, राश तुला (रऻच़ हॖन्ज़ॖ 10.1 बजि प्यठॖ), ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: नऺसीबॖ छु हापुथ
    अ: क़ॖस्मत छु स्यठाह
         ज़ोरावार
2. मु: नऺसीबॖ यॆलि डलि
         आमॖच़ क्वकॖर छि पऺत्य
         गछ़ान
   अ: बद-नऺसीबी मंज़ छु प्रथ
        कांह चीज़ रावान
3. मु: नऺसीबॖ वऻलिस छु पनुन
         नसीबॖ सॗत्य सॗत्य
         आसान
   अ: बख्तावरस छु नॖ बखॖत
        त्रावान
4. मु: नफ़स छु सन दीवना-
         वान तॖ च़ूर करनावान
    अ: नफ़सॖ खऻतरॖ छु इन्सा-
         नस प्रथ कांह कार
         प्यवान करुन
5. मु: नफ़ॖहुक छु तसलाहॖय
         गाटॖ मो पाव हांगल्यो
         करॖयो शुपि सॗत्य वाव
    अ: असलस खुर अनुन/
         कॆंह हऻसिल सपदनॖच
         व्वमेद न करॖन्य
**********************
1. सथ....Seven
2. सदाह....Seventeen
3. सतोवुह.Twentyseven
4. सत्रॖह.....Thirty-seven
5. सत्तऻजी...Fortyseven
6. सतवन्ज़ाह..Fiftyseven
7. सतहऻठ...Sixtyseven
8. सतसतथ...Seventy-
                     seven
9. सतशीथ..... Eighty-
                       seven
10. सतनमथ...Ninety-
                       seven
**********************
    गीता ज्ञान  :अध्याय-11
काह रुद्र बाह आदित्य तॖ ॴठ वऺसू
गंधर्व प्यॆत्र  राख्यस तॖ स्यॆद्य सादू
हऻरान गऺछ़िथ च़्यॆ कुन वुछान
वॊन भगवानन गीता ज्ञान
**********************
राथ ॴस्य हूल्य। लूकव गिन्ज़ यडबऺरिथ हूल्य। अख ॳकिस सूज़ुख मुबारक मोबाइलॖ दऺस्य यानि व्हाटसापॖ ज़ऺरियि तॖ फोन कऺर्य कऺर्य। ॳज़्यकि द्वह आसॖ कॆंच़व गरव गुजिया बनाविमच़ॖ, नमकीन शकरपारॖ बनावमॖत्य, कॆंच़न जायन बूज़ुम ॴस ठंडऻयी आमॖच़ बनावनॖ तॖ कुनि कुनि जायि बंगॖ ति च्यावनॖ। हालांकि ॳस्य कऻशिर्य छि व्यस्तारॖ सानॖय हूल्य गिन्दान तॖ बंगॖ या ठंडऻयी निशि दूर रोज़ान मगर चूंकि यॊदवय कुनि न्यॆबरिमि महफिलि मंज़ लगान छि तॖ तति छि नॖ ह्यकान नकार कऺरिथ। ॳज़्यकि द्वह छि कुनि कुनि जायि लडऻय जग्डॖ ति गछ़ान रोज़ान गर्मा-गर्मी मंज़। ब्यॊन ब्यॊन जायन छि ब्यॊन ब्यॊन तऺरीकव यिवान हूल्य गिन्दनॖ। वुछवहय तॖ यथ त्यौहारस छु पनुन लुतुफ तॖ ब्यॊन अंदाज़ गिन्दनुक हालांकि रंग छ्यॆक्य छ्यॆक्य छि पलवन ॳदरॖखल गछ़ान।
पिचकार्यन छु भाव बडान।गुलालस छि थफॖ-थफ करान। ब्यॊन ब्यॊन रंगॖक्य गुलाल अख ॳकिस मऺथित छि बुथिस शक्लि बे-शकॖल गछ़ान मगर शूबवुन तॖ ख्वशयुवुन आकार ति छु वुछनस तल यिवान। कानपुरस मंज़ दपान लगान छु गंगा गाठस प्यठ होली मेला या होली मिलन यथ मंज़ लूख छि पानॖवुन्य अथवास करान, नालॖमऺत्य करान तॖ अख ॳकिस यिनॖवाल्युक समय रुत नेरनुक ॴशिर्वाद दिवान।असि सारिनी ति नीरिन्य यि हूल्य हृच़ तॖ फ्रूच़।
**********************
"नमस्ते गरुडारूडे कोलासुर भयंकरि। सर्वपापहरे देवि महालक्ष्मि नमोsस्तुते।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

21.03.2019

21.03.2019, फागुन (फाल्गुन) ज़ूनॖ पछॖ (शुक्ल पक्ष) पुनिम (पूर्णिमा), ब्रसवार (वीरवार/ब्रहस्पतवार), श्री सप्तार्षि सम्वत 5094, राश कन्या (चलान), ऋतु बसन्त (चलान), अज़ छि होली, चूंकि पगाह छु ऒक्दॊह रावान, पगहुक वॊहरवोद यी ॳज़्य यानि पुनिम द्वह
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: नग़ारस च़ऺन्ड तॖ स्वर्नय
         फ्वख
    अ: दुनिया बोज़नावुन
2. मु: नफ़च़ॖन्य सांग
    अ: गुज़ारॖ करनॖक्य हीलॖ
3. मु: नगरॖ नीरिथ पां द्रठन
    अ: मरकज़ नॖ आसुन/वथ
         रावॖन्य
4. मु: नलॖ राज़ॖन्य पलव
   अ: स्यठाह ग़ुर्बत तॖ लाचऻरी
5. मु: नमन म्यॆच़ कमन किच़
    अ: स्व ज़ी य्यॊस नॖ वरता-
         वॖनॖ यी/बे-वऻरिस
**********************
1. शॆ.....Six
2. शुराह.... Sixteen
3. शतवुह...Twentysix
4. शॆयत्रॖह...Thirtysix
5. शॆयतऻजी...Fortysix
6. शुवंज़ह...Fiftysix
7. शुहऻठ....Sixtysix
8. शुसत्तथ....Seventysix
9. शुशीथ....Eightysix
10. शुनमथ....Ninetysix
**********************
     गीता ज्ञान  :अध्याय-11
दीवताहन हॖन्ज़ जमऻच़ च़्यॆ मंज़ अच़ान
कॆंह गुल्य गऺन्डिथ च्यऻन्य ग्वन ग्यवान
रॆश्य तॖ सॆद्य वनान कल्यान कर कल्यान
वॊन भगवानन गीता ज्ञान
**********************
अज़ छि हूल्य यानि रंगन हुन्द त्यौहार। ॳस्य ति छि व्वंय अथ रंगस मंज़ पनुन पान रंगॖनावान। हालांकि यि छु सारिनी हॆन्द्यन हुन्द त्यौहार मगर अमि त्यौहारुक असर छु तिमन जायन ज़्यादॖ पाहन यॆति भगवान कृष्णॖन लीलायि करिमच़ॖ छि यानि मथुराय मंज़ या ब्रॖजस मंज़। सानि कऺशीरि मंज़ रूदमुत छु अम्युक असर हना कमॖय पाहन।ॳस्य कऻशिर्य चूंकि रूद्यमॖत्य छि ज़्यादॖतर शिव व्वपासक हूल्य ॴस्य कमॖय पाहन गिन्दान। म्यॆ छु बूज़मुत ज़ि यपऻर्यम्यन अलाकन मंज़ छु हूल्य श्यन-सतन दॊहन प्यठ रोज़ान। ल्वकॖट हूल्य, बऺड हूल्य, होली दहन, होली मिलन, वगैरा वगैरा। यथ होली मंज़ छि कॆंह लूख बांग च्यवान, कॆंह छि ठंडायी च्यवान। गुलाल रंग अख ॳकिस प्यठ छकान। शूर्य-बऺड्य, ज़नानॖ-मर्द, लऺडकॖ-कोरि छि ॳज़्यकि द्वह  असवॖनिस तॖ गिन्दवॖनिस वातावर्नस मंज़ आसान तॖ अख ॳकिस बुथिस रंग मथान, पलवन रंगव सॗत्य द्रॊव दिवान, कलॖ-नलॖ सान रंगस मंज़ पनुन पान रंगाबरंग बनावान। कऺशीरि न्यबर यिथ छि ॳस्य कऻशिर्य ति खुलॖ-डुलॖ पऻठ्य यॆमि त्यौहारुक लुत्फ तुलान तॖ हूल्य मनावान। ॳज़्यकि द्वह छि पानवॖन्य ग़म-गोसॖ कडान तॖ अथवास कऺरिथ प्रऻनिस रिश्तस नव्यर दिवान तॖ अख ॳकिस रुत कांछान। ईश्वर दीन सारिनी तार। रूज़िन्य पानॖवॖन्य सख़ मिलच़ार। फऺलॖरऻव्यनख गुल तॖ गुलज़ार।
**********************
"दयाहीनं धर्म त्यजेत, विद्याहीनं शिशु त्यजेत,त्यजेत्क्रोधमुखी भार्या निस्नेहान् बांधवान त्यजेत।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबात करव
**********************
नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

20.03.2019

20.03.2019, फागुन (फाल्गुन), ज़ूनॖ पछॖ (शुक्ल पक्ष), च़्वदाह (चतुर्दशी), ब्वदवार, श्री सप्तार्षि सम्वत
5094, राश कन्या (रऻच़ हॖन्ज़ॖ 9.34 बजि प्यठॖ), ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: न तॖ कस छु नॖ पय
         श्रानॖ-पटस तल क्याह
         छु
   अ: राज़स छि आसान सऻरी
        वऻकॖफ़
2. मु: नमस तॖ माज़स छु नॖ
          दूर्यॆर
    अ: नऺज़दीक रिश्तॖ
3. मु: नम हय व्वथ माज़स
         छि दग़
    अ: नम तॖ माज़ छु कुनुय/
         ॳक्यसॖन्दि सॗत्य छि
         ब्यॆयिस शूब
4. मु: नमरूदॖन्य दम
    अ: लाफ़ दिन्य
5. मु: नमन मऻन्ज़ कमन
         किछ़
    अ: हुसुन छु यछ़न वाल्यव
         सॗत्य
**********************
1. पांछ़.....Five
2. पंदाह....Fifteen
3. पॖन्च़ॗह...Twentyfive
4. पान्च़ॖत्रॖह...Thirtyfive
5. पान्च़ॖतऻजी...Fortyfive
6. पान्च़ॖवनज़ाह...Fiftyfive
7. पान्च़ॖहऻठ...Sixtyfive
8. पान्च़ॖसतथ...Seventy-
                        five
9. पान्च़ॖशीथ....Eightyfive
10. पान्च़ॖनमथ...Ninety-
                         five
**********************
     गीता ज्ञान :अध्याय-11
स्वर्ग पृथ्वी आकाश हन हन,
सारी तर्फॖ च्यानि सॗत्य परिपूर्ण
अमि भयंकर रूपॖ त्रबवन लरज़ान
वॊन भगवानन गीता ज्ञान
**********************
कश्मीर समति छि दिल्लि मंज़ अख संस्था बन्यॆमॖच़ कुनवुहशथ तॖ त्रुवनज़ाहस मंज़ यानि स्यठा प्रऻन्य संस्था कऻशिर्य बटन हॖन्दि बापथ। दपान छि ज़ि तमिसात यानि कुनवुहशथ तॖ त्रुवनज़ाहस मंज़ यिम बटॖ दिल्लि मंज़ रोज़ान ॴस्य तिमन हॖन्ज़ि बॆहबूदी बापथ ॴस यि अख संस्था आमॖच़ बनावनॖ तॖ अमि संस्थायि दऺस्य आव अख मैग़ज़ीन "कऻशुर समाचार" ति कडनॖ यॆमि दऺस्य कऻशिर्य समाजस मंज़ ॴस ख़बर अतर ति ओरॖ-योर वातान। अमि संस्थियि छि जान जान कामि करिमच़ॖ वख्तॖ वख्तॗ यॆमि सॗत्य सऻनिस समाजस कऻफी फऻयदॖ मेलान रूद। अज़कल छि अथ संस्थायि मंज़ चुनावॖच समस्या खड़ा गऻमॖच़। कुनवुहशथ तॖ नमतॖ पतॖ बड्यॆयि अमि संस्थाहॖन्ज़ ज़िम्वऻरी स्यठाह ज़्यादॖ। मगर  दपान छि ज़ि अज़कलॖच प्रबन्धक कमीटी छॆ नॖ समाजक्यन लूकन हॖन्दि मनॖ मुवऻफिक कऻम करान। तमि म्वखॖ छि यछ़ान बदलाव अनुन मगर तथ कामि छि वारियाह अडचनॖ यिवान अनॖनॖ कॆंच़व सदस्यव दऺस्य तॖ बन्योमुत छु यि मसलॖ तनाव पूर्वक। ईश्वर दीनख स्वबुद्दी तॖ  मीलनख मसलन हल लडायव तॖ जगडव रॊस्तुय।
**********************
"नमस्तेsस्तु महामाये श्रीपीठे सुरपूजिते। शंखचक्रगदाहस्ते महाल‌क्ष्मि नमोsस्तु ते।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

19.03.2019

19.03.2019, फागुन (फाल्गुन) ज़ूनॖ पछॖ (शुक्ल पक्ष) त्रुवाह (त्रयोदशी), बॊम्वार (मंगलवार),श्री सप्तार्षि सम्वत 5094, राश सिंह (चलान), ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: ननॖवोर पकुन जान
         मगर पऻज़ारॖ नॖ तंग
    अ: प्यतॖरावॖनॖ ख्वतॖ छु न
         आसुन जान
2. मु: नंगस न्यॆन्दॖर प्रंगस
         प्यठ सऻविस न्यॆन्दॖर
         पऻविस प्यठ
    अ: आसनवऻलिस छि दऺह
          परेशऻनी तॖ न आसन-
          वऻलिस छॆ नॖ अख ति
3. मु:  ननि नानि हुन्द च़ॖनि
          ॴशनाव
    अ: स्यठा दूर्युक  रिश्तॗ
4. मु: नूनॖ गुर्य तॖ तेलि तलाव
    अ: अपुज़ थ्यकुन
5. मु: नऺनिस तॗर आयि तॖ
         द्रायि वऺल्यतिस तॗर
         वलनॖ आयि
    अ: मालदारस छि आसान
       परेशऻनी, छ़ऺरिस नॖ किंहीं
**********************
1. च़ोर....Four
2. च़्वदाह...Fourteen
3. च़ॊवुह...Twenty-four
4. च़ॊयत्रॖह...Thirty-four
5. च़ॊयतऻजी...Fortyfour
6. च़ुवनज़ाह...Fiftyfour
7. च़ूहऻठ......Sixtyfour
8. च़ुसत्तथ...Seventyfour
9. च़ुशीथ.....Eightyfour
10. च़ुनमथ...Ninetyfour
**********************
      गीता ज्ञान  :अध्याय-11
आदि अंत रॊस सर्वॖशक्तिमान
सिर्यि च़न्द्रमॖ नेत्र म्वख ॳग्न प्रज़लान
ज़गत सोरुय तुहुन्द तीज़ तपान
वॊन भगवानन गीता ज्ञान
**********************
ॳकिस छिनॖ वातान कुन ब्याख छु कलॖ कडान। असि वोत यी वुछान यिमव त्रॖहव वऺरियव प्यठॖ। वुनि रूद जंत्री हुन्द मसलॖ ॳती तॖ यपऻर्य आव कशमीर समति दिल्लि हुन्द मसलॖ व्वतॖलिथ। ततिकिस चुनावस क्याह बनि, कर यी करनॖ, किथपऻठ्य यी करनॖ, कुस करि तॖ कुस करनावि। करनाव्या ति किनॖ न। यि छु संजीदॖ मसलॖ। म्यॆ वोत यि मसलॖ वुछान पऺतिम्यव पाच़व शॆयव वऺरियव प्यठॖ। असुनाह छुस करान पानस सॗत्य यि वुछिथ ज़ि असि कऻशिर्य बटन क्वस छलॖ-छांगॖर छि गऻमॖच़ रंगॖ-रंगॖ। अकि फिरि कॆंच़न संस्थायन मंज़ ॳच़िथ कुनि पदस प्यठ रूज़िथ छि नॖ पतॖ अमि पदॖ प्यठॖ ब्वन वसनुक नावॖय ह्यवान। साफ़ छु बासान ज़ि अथ जायि छु क्याहताम माछ लऻरिथ युस नॖ त्रावनस व्वंदॖ यिवान छु तिमन महानुबावन यिम अमि पदॖ बापथ अकि फिरि च़ारनॖ छि यिवान। कम कम नाटक छि करान, छ़ौंम्बॖ करान, ॳपुज़ पॊज़ वऺन्य वऺन्य वख गुसावान। ॳकिस ब्यॆयिस सॗत्य दोंखॖ दोंख करान रोज़ान, ल्यकॖ-ल्यख करान रोज़ान, पनुन तहज़ीब तॖ तऺमीज़ मऺशरऻविथ कलामॖ करान रोज़ान। कॆंह छि यिमन कथन मौज तुलान तॖ कॆंह छि हऻरान यि वुछिथ ज़ि कथ हालस आयि वलनॖ कऺशीरि न्यबर नीरिथ। कऻतिहान गऺयि ॳछ फीरिथ। कऻतिहाव थऺव्य अरमान कूरिथ, कऻत्याह गऺयि कऻतिहान निश दूरिथ।
**********************
"श्वेतवस्त्र परीधानं नानाsलंकार भूषितं।
आनन्द मुदितं देवं ध्यायेत्पंकज विष्टरं।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

18.03.2019

18.03.2019, फागुन (फाल्गुन), ज़ूनॖ पछॖ (शुक्ल पक्ष), बाह (द्वादऺशी), च़ऺन्दॖरवार (सोमवार), श्री सप्तार्षि सम्वत 5094, राश सिंह (रऻच़ हॖन्ज़ॖ 9.45 बजि प्यठॖ), ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: न्वश बनिनॖ कूर हश
         बनिनॖ मऻज्य
    अ: असलस तॖ फरहऻस
          छि वारियाह फरॖख
          आसान
2. मु: न्वश आयि रयॆत्य ज़न
         ॴस यॆत्य
    अ: न्वशि हुन्द दूर्यॆर नॖ
         बासुन
3. मु: निनॖ वऻलिस अकुय
         ग्वनाह रावन वऻलिस
         सास ग्वनाह
    अ: यस कांह चीज़ रावि सु
         छु वारिहान प्यठ शक़
         करान
4. मु: नऺनिस वुरुन छु सॊदुर
         पुरुन
    अ: ग़रीब व्वतलावुन छु
         मुश्किल
5. मु: नऺनिस दॊब क्या छलि
    अ: यॆमिस नॖ किंही आसि
         नॖ तस क्या कऺर्यज़ि
**********************
1. त्रॆ...... Three
2. त्रुवाह..Thirteen
3. त्रॊवुह...Twentythree
4. तॆयत्रॖह... Thirty-three
5. तॆयतऻजी...Fortythree
6. त्रुवनज़ाह...Fiftythree
7. त्रुहऻठ......Sixtythree
8. त्रुसत्तथ..Seventythree
9. त्रुशीथ....Eightythree
10. त्रुनमथ...Ninetythree
**********************
      गीता ज्ञान  :अध्याय-11
च़ॖ पर्म ब्रह्म परमात्मा छुख,परम आदार सारी ज़गतुक
सनातन प्वरुश धर्मुक निगाहबान
वॊन भगवानन गीता ज्ञान
**********************
युहुस ति छि असि द्वन ख्रावन प्यठ ख्वर ति ज़न गव ज़ि यिनॖवाज्यन हेरथमऻज्य छि सान्यव ज्योतिष माहराजव पनॖनि पनॖनि गणित हिसाब ब्यॊन ब्यॊन तिथियन प्यठ हऻवमॖच़। ओंकार नाथ जीयनि जंत्री मंज़ छि हऻविथ अकवुह फरवऺरी ज़ॖ सास वुह (21.02.2020) तॖ स्व डाक्टर मनमोहनॖन स्वपूतनि पुनीत जीयनि जंत्री मंज़ छि हेरथ हऻवमॖच़ वुहमि फरवऺरी ज़ॖ सास वुह (20.02.2020)  ॳथ्य छि वनान यीरनॖन्य नाव। नॖ प्रॖछ़नस कांह तॖ नॖ वनॖनस कांह। असि कऻशिर्य बटन छुख वऺनिथ थॊवमुत ज़ि नऺव जंत्री गछ़ि नॖ अंदर वुछिन तॊत ताम यॊत ताम नॖ अथ बुथ वुछ्यव थालस बुथ वुछिनिकॖ द्वह यानि नवॖरॆहस प्यठ। म्यॆ छु बासान तमि मूजूब मा आसि नॖ वारिहाव नऺव जंत्री वुनि ॳन्दरॖ वुछमॖच़ॖय। मगर म्यॆ रूद नॖ ताब , म्यॆ वुछ द्वनवय जंत्री तॖ पऺरिम ब्यॊन-ब्यॊन तिथि हेरऺच़ हॖन्द्य तॖ गोस हऻरान यि वुछिथ। म्यऻन राय छि ज़ि असि पज़ि ॳकिस जंत्री रोक लगावॖन्य। कथ जंत्री लगावव सु करव इकॖवटॖ बिहिथ मशवरॖ। दॊयिम राय म्यऻन्य छि ज़ि ॳस्य दिमव नाद यिमन दॊनवऺन्य ज्यॊतषियन तॖ पानस ब्रौंह कनि करव यिमन प्रॖछ़गऻर तॖ वातनोवोख कुनि ॳकिस तिथियस प्यठ तॖ ब्यॆयि ह्यमोख लीखित ज़ि ब्रौंहकुन नॖ दुबारॖ यिछ़ हरकथ करॖन्य तॖ असि ख्वामॖखा परेशान करुन। यिहॖन्ज़ दुकानदऻरी छि चलान, यिमन क्वस फिकिर छि, लूखॖय मूद्ययो ख्वदायो। जंत्री छि द्वनवय बाज़रस मंज़ आमच़ॖ, अड्यव छि ह्यच़ॖमच़ॖ तॖ अड्यन छि वुनि ह्यनय। मोकॖ छु वुन्यक्यनस जान। यिमन द्वन ब्रह्मा जियन तॖ बाकय कॆंच़न व्यदवानन नाद दिथ मसलस हल छ़ान्डुन। ब्यॆयि ति यॊदवय कॆंह कथॖ आसन तिमन ति यी समाधान छ़ान्डनॖ। असि गऺछ़ नॖ काहन गाव रावॖन्य। यीरवॖनि नावि रटहऻव नम कुनि जायि।च़ॖ वन ब्यॆनि बॖ वनय बायि, पनॖन्य कथ छय पनॖनि जायि। रामॖ लगय च़्यानि लीलायि।
**********************
"आपदामपहर्तारं दातारं सर्वसम्पदम, लोकाभिरामं श्री रामं भूयो भूयो  नमाम्यहम्।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

16.03.2019

16.03.2019, फागुन (फाल्गुन) ज़ूनॖ पछॖ (शुक्ल पक्ष) दऺहम (दशमी), बटॖवार (शनिवार/शनिश्चरवार),श्री सप्तार्षि सम्वत 5094, राश कर्कट (रऻच़ हॖन्ज़ि 8.38 बजि प्यठॖ), ऋतु बसन्त (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: नऺव कथ नवन दॊहन
    अ: प्रथ कुनि छि म्वखसरॖ
          वऻन्स/नव्यर छु प्रानान
2. मु: नूनॖ फऺलिस नॖ जाय,
         नाबद फऺलिस शाय
    अ: आमदनी ख्वतॖ ज़्यादॖ
          ख़र्च करुन
3. मु: नूनॖ फॊलुय छु गलान
    अ: तबऻही छि ग़रीबसॖय
         नाल वलान
4. मु: नॊव नवान तॖ प्रोन
         प्रानान
    अ: नऺव्य रिश्तॖ छि ब्रौंह
         ब्रौंह पकान तॖ पऺतिम
         छि मशान
5. मु: न्वशी वॊनमय कूर्य
         बोज़
    अ: कथ पिलनावॖन्य/
        ॳकिस वऺनिथ ब्यॆयिस
**********************
ज़ॖ.....Two
बाह.... Twelve
ज़ॖतोवुह...Twentytwo
दॊयत्रॖह....Thirty-two
दॊयतऻजी...Fortytwo
दुवनज़ाह.....Fiftytwo
दूहऻठ.........Sixtytwo
दुस्सतथ.....Seventytwo
दुशीथ.......Eightytwo
दुनमथ......Ninetytwo
**********************
     गीता ज्ञान :अध्याय-11
मुकट दऻरी गदा च़ऺक्र ह्यथ शूबान, प्रज़लवुन अगॖन तॖ सिर्यि ह्यु तेज़वान
च़्वपोर चमकॖवुन रूप छुस
वुछान
वॊन भगवानन गीता ज्ञान
**********************
व्वंय गऺयि असि कऺशीरि प्यठॖ द्रामतिस क़रीबन त्रॖह वऺरी मगर सु आसि नॖ कांह द्वह या कांह विज़ यॆमि सातॖ नॖ असि आसि कशीरि हॖन्ज़ कथ कऺरमॖच़ कुनि न तॖ कुनि रऺन्ग्य। किताबॖ आयि लेखनॖ, नाटक आयि बनावनॖ, बऻथ आयि ग्यवनॖ,
व्यथा आयि बोज़नावनॖ, कऺशीरि मंज़ युस ग़दॖर मच्यऻव असि बटन 1989 प्यठॖ तति आतंकवाद्यव दऺस्य, यिमव पान छॆपि द्युत पनॖनि समाजि बापथ, यिम नाहकस ह्यनॖ आयि सु सितम गछ़ि नॖ मऺशिथ असि ता उमरन। यिमन त्रॖहन वऺरियन मंज़ य्यॊस फुलय कऺशीरि न्यबर आयि सऻनिस समाजस मंज़ शुर्यन-कट्यन हॖन्दिस रूपस मंज़, यिमव नॖ सु गटॖकार वुछ तिम छि व्वंय किताबव दऺस्य परान, नाटकव दऺस्य वुछान, बऻतव दऺस्य बोज़ान। ॳस्य छि कूशिश करान ज़ि तिमन ज़ख्मन तुलॖहऻव नॖ क्रऻल्य मगर फीर्य फीर्य छि असि कऺशीर याद यिवान यॆलि यॆलि कांह बॊड द्वह लूक द्वह छु यिवान। याद छि प्यवान स्व खुलॖ-डुलॖ जायाह, वॊफूर ओस प्रथ कांह चीज़, क़दमन क़दमन प्यठ ॴस्य मन्दर, यारबल, बाग़ यिमन चीज़न हॖन्ज़ व्यछ़य छि यॆति ॳस्य मॊहसूस करान तॖ सूंच सूंच छि ॳछ्य-टऻर्य यिवान।तंग कमरन मंज़, छ़ॊछ्यन जायन मंज़, मंदरन निशि दूर, यारबल नॖ कुनि नज़र यिवान, बाग़ बगीचि नॖ कुनि अथि यिवान, हक़-हमसायि नॖ अंद्य-पऺख्य नज़र यिवान, सुबॖ प्यठॖ शाम ताम छि अज़कल ॳस्य कऻशिर्य बटॖ  सिरिफ मसलन हल छ़ान्डनस लऺग्यमॖत्य, यकुत थावनॖच कूशिश करान, पनॖन्य संस्कृति रऺछ़रावनॖच कूशिश करान यि दपज़ि ति पनॖन्य प्रज़नथ ज़िन्दॖ थावनॖच कूशिश करान। कऺशीरि वापस गछ़नुक संज़ करान, कुस गछ़ि, कर गछ़ि, कॊत गछ़ि किथ पऻठ्य गछ़ि कऺमिस निश गछ़ि क्याज़ि गछ़ि, यिमन सवालन हुन्द जवाब छ़ान्डान छ़ान्डान नेरन म्यॆ बासान अख ज़ॖ त्रे पीरि ब्यॆयि यॆमि ब्रौंह कुन। मगर कऺशीरि मंज़ गुज़ऻर्यमॖत्य द्वह रोज़व ॳस्य याद करान तॊत ताम यॊत ताम ॳसि शाह छु। कशीर्य छि असि रुमन रुमन मंज़ बऺसिथ ति क्याज़ि ॳस्य छि कऻशिर्य तॖ कऺशीरि छि सऻन्य।
**********************
"नास्ति मातृसमं तीर्थं पुत्राणां तारणाय च हितायात्र परत्रार्थं यस्तु माता प्रपूजिता।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

15.03.2019

 15.03.2019, फागुन (फाल्गुन) ज़ूनॖ पछॖ (शुक्ल पक्ष), नवम (नवमी) शॊकुरवार (शुक्रवार/जुम्मा), श्री सप्तार्षि सम्वत 5094, राश मिथुन (चलान) ऋतु बसन्त (ॳज़्यकि प्यठॖ),
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: नीम हऺकीम ख़तरे जान
    अ: अडॖह्यॆछुल छु कऻम
          ख़राब करान
2. मु: न्यॆचुव वांगनस सॊम्ब
       यड छस आंगनस सॊम्ब
    अ: यॆडॖल शुर/बॊछ
3. मु: न्यथनऺन्य बायो व्वडॖ-
         नऺन्य ब्यॆनि लऺजियो
    अ: ॳकिस नादार सॖन्ज़
       हमदर्दी ब्यॆयिस नादारस
       प्यठ
4. मु: न्यॆंदॖर छि मोतॖच ब्यॆनि
    अ: न्यॆन्दॖर तॖ मौत छि
         बराबर
5. मु:  न्यॆबॖर्य नुन्दॖबोन अंदॖर्य
         छ़ॊछ़-कोन
    अ: अपुज़ हाव-बाव/
          न्यॆबॗर्य ठीख अंदॖर्य नॖ
**********************
1. अख......One
2. काह...... Eleven
3. अक्वुह....Twenty-one
4. अक्त्रॖह... Thirty-one
5. अकतऻजी....Fortyone
6. अकवन्ज़ाह..Fiftyone
7. अकॖहऻठ....Sixtyone
8. अकसत्तथ..  Seventy-
                       one
9. अकशीथ....Eightyone
10. अकनमथ....Ninety-
                         one
**********************
      गीता ज्ञान  :अध्याय-11
अनेक नरि, ज़ंगॖ, यड, म्वख, नेत्रव सान, च़्वापऻर्य च्योनुय रूप डेंशान
अथ नॖ आग़ाज़, अंजाम न दरमियान
वॊन भगवानन गीता ज्ञान
**********************
ॳज़्यकि प्यठॖ छु सानि जंत्री हिसाबॖ बसंत ऋतु। सौंथ गव रातॖ प्यठॖ शुरु यानि बहार आव असि रातॖ प्यठॖ। सानि जंत्री यानि विजयेश्वर (ओंकार नाथॖन) जंत्री हिसाबॖ छु अज़ संक्रात ति। अज़ छु वाकॖय बॊड द्वह। ह्रॊच़ तॖ फ्रूच़ नीरिन सारिनी यिनॖवोल समय। कशीरि मंज़ ॴस बादाम वारि ह्यवान फुलय नेरॖन्य। अज़्यकि द्वह छु कुल्यन कट्यन ज़ुव अच़ान, ह्वछिमच़न क्वलन पोन्य यिवान, कॆंच़न पोशन बामन नेरान, बहारॖक्य कॆंह पोश छि टेकॖबट्यन, यॆम्बॖरज़ल, वीरिकॆम्य, नूनॖपोश, प्यैन्ज़ी वगैरा वगैरा। सौन्तॖ फसॖल छु ह्यवान बारसस युन यानि तीलॖ-गॊगुल, सऺन्दिज्य, कॖनॖख। ज़मीनस छि नीजार पऻदॖ सपदान। वख्तॖ अकि दपान नव्यन्य न्वॊश्यन ओस तिहन्द्यव मालिन्यव प्यठॖ ॳज़्यकि द्वह सौंतॖबोग यानि कॆंह बहार छावनॖख तॊफॖ वातान। शीन गलनॖ सॗत्य छु सौंतस मंज़ॖय क्वलन पोन्य यिवान। सौंथ छावनि छि ॳज़्यकि प्यठू लूख तॗरि हुन्द फ्रटॖ-फ्रट त्रऻविथ सऻरस ह्यवान न्येरुन तॖ बहार ह्यवान छावुन। सोंथ छु रोज़ान अवलॖ मार्चॖ प्यठॖ त्रॖहमिस अप्रीलस ताम। हालॖंकि बसंत यानि बहारकि यिनुक ईशारॖ छु मेलान असि माघॖ ज़ूनॖ पछॖ पऻन्च़म यानि बसंत पंचमी प्यठय मगर तॗर सॗत्य सॗत्य आसॖनॖ म्वखॖ छि नॖ ह्यकान ॳस्य नरि ज़ंगॖ वाहरऻविथ।
बहारुक व्यसतारॖ सान म्वख वुछव वारॖकारॖ नवरॆहस प्यठ ति।
**********************
"मंत्रहीनम् क्रियाहीनं भक्ति हीनम् सुरेश्वरी, यत पूजिता मया देवी परिपूर्णम् तदsस्तुमे।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

14.03.2019

14.03.2019, फागुन (फाल्गुन) ज़ूनॖ पछॖ (शुक्ल पक्ष)ॴठम (अष्टमी), ब्रसवार (वीरवार/ब्रहस्पतवार), श्री सप्तार्षि सम्वत 5094, राश मिथुन (दुहचि 4.57 बजि प्यठॖ), ऋतु शिशर (चलान)...
अज़ छि तीलॖ-ॴठम तॖ अज़ छु सौंथ ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: नॆन्दरिहऺतिस खश
    अ: दोखॖ द्युन/बुज़दिली
          हावॖन्य
2. मु: न्यॆबरिम प्रॖछ़ान अंद-
         रिम्यन गाश आवा
    अ: ब्याख ज़ऻनिथ-मऻनिथ
         बेवकूफ बनावुन
3. मु: न्यामच़न छु नून शूबान
    अ: बऺड्यसॖय छु बजर
         शूबान
4. मु: नेकन छु ख्वदा ख्वश
    अ: नेकन छु दय ति रऻज़ी
5. मु: न्यॆबॖर्य व्वश अंदॖर्य
         ख्वश
    अ: अपुज़ हमदर्दी/वुठॖ
          हमदर्दी
**********************
1. कुनवुह.... Nineteen
2. कुनत्रॖह.... Twentynine
3. कुनतऻजी...Thirty-nine
4. कुनवनज़ाह..Fortynine
5. कुनहऻठ...Fifty nine
6. कुनसतथ...Sixty nine
7. कुनशीथ..Seventynine
8. कुन्नमथ...Eightynine
9. नव........Nine
10. नमनमथ..Ninetynine
**********************
     गीता ज्ञान  :अध्याय-11
        अर्ज़न दीव वनान
ही दीव छुस वुछान सऻरी ज़ीव
च़्यॆ मंज़ सऻरी दीव रॆश्य तॖ महादीव
पम्पोशस प्यठ ब्रह्मा जी विराजमान
वॊन भगवानन गीता ज्ञान
**********************
अज़ छि तीलॖ ॴठम। कऺशीरि  ओस अज़ शामन यारबलॖ चान्दन प्यठ बीरॖ लगान ल्वक्ट्यन नवजवानन हॖन्ज़ यिम कांगरि-ख्वर हॆय हॆय यिवान तथ मंज़ हॊख गासॖ बरान तॖ गासॖव रज़ बनावान तॖ गन्डान अथ कान्गरि तॖ दिवान च़ॖख तॖ नच़नावान पानस अंद्य-अंद्य तॖ वनान रोज़ान जतॗंतॗं, जतॗंतॗ। शामन श्यॆयि सति बजि प्यठॖ ओस यि नज़ारॖ चलान तालाकि रऻच़हॖन्ज़ि  काहन-बाहन बजन ताम। दऺरियाव जॆहलमस अपारि यपोर ओस नारॖय नार  बोज़नॖ यिवान। यिमन गरन आंगन बऺड्य ॴस आसान, तिम ॴस पनॖन्यन पनॖन्यन आंगन मंज़ यि जतॗंतॗ रोज़ान करान। योताम म्यॆ याद छु अज़ ॴस्य सऻन्य गरिक्य च़ऻन्ग्य ज़ऻलिथ दऺर्यावस मंज़ गासॖ आर्यन प्यठ त्रावान। हॆरऺच़ हुन्द अंद ओस असली ॳज़्य वातान।
अज़ सुबहऻय नॆन्दरि व्वथवुनॖय छु राथ शामन बऺर्यमॖतिस थालस बुथ ति वुछुन आसान तॖ भगवानस मंगान ज़ि यिनॖ वोल समय नीरिन ह्रच़ तॖ फ्रूच़ प्रथ रंग्य।
सौंथ माने बहार युन। अज़ छु विक्रमी सम्वत हिसाब च़ित्थर रयतुक ग्वडन्युक द्वह मगर सप्तार्षि सम्वत हिसाबॖ गछ़ि च़ित्थॖर वुनि अकि हफ्तॖ पतॖ शुरु तॖ चित्थर गटॖ पछॖ माविसि यानि पॗंच़मि अप्रील छु ब्यॆयि थाल बरुन तॖ च़ित्थरॖ ज़ूनॖ पछॖ ऒक्दॊह द्वह ब्यॆयि थालस बुथ वुछुन तॖ नवरॆह ति मनावुन। नवरॆह यानि नॊव वऺरी गछ़ि शुरु तमि द्वह प्यठॖ।
**********************
"प्रहलादिनी महामाता दुर्गा दुर्गति नाशिनी।अघोर व्याधिनाशी च घोर दु:ख निवारिणी"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

13.03.2019

13.03.2019, फागुन (फाल्गुन) ज़ूनॖ पछॖ (शुक्ल पक्ष), सतम (सप्तमी), ब्वदवार (बुधवार), श्री सप्तार्षि सम्वत 5094, राश वृष (चलान), ऋतु शिशर (चलान)...अज़ छु थाल बरुन
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: नीजि बाछि शीन प्यॊन
    अ: खामय बरॖ गछ़ुन/अडॖ
          ल्यॊक गछ़ुन
2. मु: नीति बदस रोज़ि बद
    अ: बद करन वऻलिस छि
         बऺदी यिवान पानस
         बकार
3. मु: नीत्यन मुराद अमलन
         जज़ा
    ॶ: यस यिछ़ नियत आसि
         तस यी त्युथुय बकार
4. मु: नेकनॖय छि लमॖ लार
    अ: जान इन्सानन छि कम
         उमॖर (उम्र) आसान
5. मु: नेको नेक कर बदलि
         पानय
   अ: नीकी छु नॖ कांह ज़वाल
**********************
1. क्वपत करुन...To de-
        fame/To disgrace
2. क्वपूत...Prodigal son
3. कॊब.....Crook back-
         ed/Hump/Hunch
         backed
4. कॊब गछ़ुन....To be
                        hunched
5. कऺन्ड्य ज़ाल...A bush
         of thorns/Thorn
        bush/Thorn shrub
6. कऺन्य मॊहन्युव...Mess-
        ager from groom
        side
7. कूट...Log/Part of a
             tree
8. कुनि सातॖ..At any time
9. कुनि पऻठ्य......Some-
                           how
10. कुनॖहऻठ....Fiftynine
**********************
        गीता ज्ञान :अध्याय-11
यि आश्चर्य वुछिथ हऻरान अर्ज़न, प्रकाशमान रूपस प्रणाम करान
गुल्य गंडिथ छुस वनान श्रद्धायि सान
वॊन भगवानन गीता ज्ञान
**********************
अज़ छु थाल बरुन शामन ति क्याज़ि पगाह सुबहऻय नॆन्द्रि वऺथितॖय छु अथ थालस बुथ वुछुन। म्यानि हिसाबॖ छु नॖ अज़ थाल बरुन ज़रूरी ति क्याज़ि ॳस्य कऻशिर्य बटॖ छि पकान सप्तार्षि सम्वतॖ हिसाबॖ तॖ तमि हिसाबॖ छु थाल बरुन च़ित्थरॖ मावसि शामन तॖ बुथ वुछुन च़ित्थरॖ ज़ूनॖ पछॖ ऒक्दॊह सुबहस यानि नवरॆहुक द्वह। अज़ गछ़ि विक्रमी सम्वत हिसाबॖ फागुन रयतुक अंत तॖ लगि पगहॗकि प्यठॖ च़ित्थॖर। हालांकि सप्तार्षि सम्वतॖ हिसाबॖ छु वुनि फागुन रयथ चलान तॖ वाति अंद पुनिम द्वह यानि अकवुहमि मार्च। सोन थाल बरनुक असली द्वह छु च़ित्थॖरॖ कृष्णॖ पछॖ मावसि द्वह यानि पॗन्च़िमि अप्रील तॖ बुथ वुछुन छु श्यॆयमि अप्रील। खऻर चूंकि बटॖ छु वांगुन यथ सॗत्य यॆछ़ि तथ सॗत्य मेलि। ॳस्य छि तमि हिसाबॖ विक्रमी सम्वत ति थफ कऺरिथ, सप्तार्षि सम्वतस ति थफ कऺरिथ तॖ कृश्चन सम्वत छुयी छु। इस्लिये छु अज़ थाल बरुन मगर ॳज़्यकिस थालस प्यठ छॆ नॖ नऺव जंत्री थवॖन्य कॆंह। बाकय सऻरी चीज़ गछ़न थवॖन्य, यानि त्वमुल, ओम द्वद, ज़ामुत द्वद, डून्य, पोश, क़लम-दवात, वाय लडुर, लक्ष्मी यानि सिक्कॖ, ॴनॖ, नाबद। पगाह अच़ि सौंथ तॖ शिशरस गछ़ि विसर्जन। हालांकि सानि हिसाबॖ वाति तॗरि अंद तीलॖ ॴठम द्वह। पगाह शामन म्वकलि चिल्लॖ बच्चॖ ति।
**********************
"शारदा वरदा देवी मोक्षदाता सरस्वती नमस्तस्यै नमस्तस्यै नमस्तस्यै नमो नम:"
 पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

12.03.2019

12.03.2019, फागुन (फाल्गुन), ज़ूनॖ पछॖ (शुक्ल पक्ष) शॆयम (षष्ठी) बॊम्वार (मंगलवार), श्री सप्तार्षि सम्वत 5094, राश वृष (दुहचि 10.22 बजि प्यठॖ), ऋतु शिशर (चलान)....अज़ छि कुमार शॆयम ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: वातल बटॖवार
    अ: अपुज़ वादॖ करुन/
         अज़ तॖ पगाह करुन
2. मु: वातलस दिच़ेयोख
         डायन गर्यन राज, तऺम्य
         कॊड दालुव ज़रॖब
    अ: थज़र प्रऻविथ ति नज़र
         छ़ॊट आसॖन्य/पनॖन्य
         ख़स्लथ नेशनावॖन्य
3. मु: वान्या मठस नय छु
         वुठस ति छुय ना
    अ: युस नॖ अथॖ रऺन्ग्य या
         कथि रऺन्ग्य मदद करि
4. मु: नेकनऻमी छि गछ़ान
         यॆच़कऻल्य बदनऻमी
         जलॖद
    अ: नाव कमावनस छु वख
          लगान, बदनऻमी नॖ
5. मु:नेकनऻमी छि बऺड दौलत
    अ: नेकनऻमी छु बजर
**********************
1. कऻन्य..One eyed lady
2. कुन्य...Single lady
3. कुन.....Single man
4. कून..... Corner
5. कुनि रऺन्ग्य..Some how
6. कुन्यर... Loneliness
7. कुंज़.....Key
8. कुन्ज़ि बरदार.....Key
                            keeper
9. कुन्ज़ कुलुफ...Key and
                          lock
10. कूत......How much
**********************
      गीता ज्ञान  :अध्याय-11
कॗत्य प्रकऻर्य अर्ज़न दीवन
वुछ ब्यॊन ब्यॊन ज़गत सम्पूर्नॖ
श्री कृष्णस मंज़ सोरुय वुछान
वॊन भगवानन गीता ज्ञान
**********************
अज़ गव म्यॆ यॆकीन ज़ि वनन वाल्यव छि कॆंह दपिथ कऻशुर यानि मुहावरॖ बनऻव्यमॖत्य या वऺन्यमॖत्य  सूंचिथ समजिथ, वाव वुछिथ या भाव बूज़िथ तॖ तजरुबॖ हऻसिल कऺरिथ। मुहावरॖ छु हून्य लॊट लज़्यॆयोख कन्द्यलस सु द्राव तति ति त्युथय यानि हॊलुय। ॳस्य कऻशिर्य बटॖ छि सऻरी पऺर्यमॖत्य लीख्यमॖत्य हना ज़्यादय पाहऻन तवय छि ॳस्य शायद ग़ल्तियन प्यठ ग़लती करान रोज़ान कुनि न तॖ कुनि चीज़स मंज़ तॖ पकान ब्रौंहकुन ॳछ वऺटिथ तॖ कन बंद कऺरिथ। म्यॆ आव नज़रि ज़ि सान्यन नवि सरॖ छ्यापिमच़ॖ धार्मिक किताबन मंज़ छि लिखऻर्यव पनॖनि पनॖनि त्रायि मंत्र सॊम्बरऻव्यमॖत्य ग्रन्थव प्यठॖ, उपनिषिदव प्यठॖ या ब्रौंह लेछिमच़ॖ किताबव प्यठॖ तॖ  असि ब्रौंह कनि थविमच़ॖ। यि कऻम छि स्यठाह जान आमॖच़ कऺरमॖच़ मगर यिमन किताबन मंज़ छॆ नॖ कुनी कथ आमॖच़ वनॖनॖ यॆमि म्वखॖ ॳज़्युक परनवोल परेशान छु ज़ि परे तॖ परि क्याह। ज़बऻन्य हय याद करि तॖ करि क्याह। लिखार्यव छि बड़ॖ जान मॆहनत कऺरमॖच़ किताबॖ छापनस मंज़ मगर किताबन मंज़ छपिथ अकुय मंत्र छु ब्यॊन ब्यॊन पऻठ्य ब्यॊन ब्यॊन किताबन मंज़ नज़रि यिवान। जंत्री मंज़ॖक्य कॆंह मंत्र छि नॖ वाठ ख्यवान तिमन मंत्रन सॗत्य यिम छापनॖ छि आमॖत्य विविध पूजा संग्रहस मंज़ य्यॊस श्री गिरधारी लाल रैना सऻबन, वैशाली वऻल्य लीछ्यमॖच़ छि। यिथय पऻठ्य छि नॖ कॆंह मंत्र या विधि वाठ ख्यवान तिमन मंत्रन सॗत्य यिम वेदामृत द्रव: मंज़ आमॖत्य छि छापनॖ। कॆंच़न मंत्रन परान परान छु बासान ज़ि ग़लत शब्द छि आमॖत्य छापनॖ यिम नॖ छापनॖ ब्रौंठ ठीख आमॖत्य छि करनॖ।यिछ़ अख किताब गऺयि म्यॆ नज़रि शालॖमऻर गार्डन क्षीर भवऻनी मंदरस मंज़। वनुनक म्योन मुद्दा छु ज़ि कम से कम गऺछ़्य मंत्र यिमन किताबन मंज़ अकी लयी तॖ अकी त्रायि हॖन्द्य आसॖन। कम्प्यूटरुक ज़मानॖ छु, ॳस्य छि संस्कृत पऻठ्य मंत्र परनस मंज़ अज्ञान तॖ अनज़ान तॖ प्यठ यॆलि कुनुय मंत्र आसि ॳकिस किताबि मंज़ अकि रऺन्ग्य तॖ ब्यॆयिस किताबि मंज़ सुय मंत्र ब्यॆयि रऺन्ग्य, सौंचस छु परनवोल प्यवान ज़ि हु परा किनॖ यि। फऻसलॖ छु नॖ ह्यकान कऺरिथ न छु ह्यकान वऺनिथ ज़ि सही कुस छु ति क्याज़ि पनुन पनुन तरक छि दिवान सऻरी, असली वथ हावन वऻल्य सॖन्ज़ छि व्यछ़य। हल छु अथ कथि छ़ान्डुन तॖ यिमन ॳज़्यच्यन धार्मिक किताबन छु फ्युर दिनुक लऻज़्यमी बनान।
**********************
"अचिन्त्य रूप चरिते सर्वशत्रु
विनाशिनि।रूपं देहि जयं देहि यशो देहि दिशो जह्वि"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

11.03.2019

11.03.2019 फागुन (फाल्गुन) ज़ूनॖ पछॖ (शुक्ल पक्ष) पऻन्च़म (पन्चमी) च़ऺन्दॖरवार (सोमवार),श्री सप्तार्षि सम्वत 5094,राश मेष (चलान), ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: वाज़ गव लूकन क्युत
    अ: दॊयम्यन परुन पानस
         पॖर पॖर/अमल नॖ करॖन्य
2. मु: वाक वादिनी भैरवी
    अ: वन-वन कऺरिथ छु ती
         सपदान
3. मु: वारिनि निश शुर थवुन
         खऺटिथ
    अ: राज़दारस निश राज़
         खटुन
4. मु: वादस वाद न्यालस
         न्याय
    अ: वाद-वाद करुन/बे-
         लिहाज़ॖ पऻठ्य वर्ताव
         करुन
5. मु: वाजि सान अथॖ प्यठ
         थावुन
    अ: कऻन्सि रुत करनॖ वरऻय
         मिनथ खारॖन्य
**********************
1. कॊत....Where
2. कूत....How much
3. कूत काल...How long
4. कॊठ....Knee
5. कोठॖ....Hut/Small
               house
6. कुठ....Room
7. कॖठ....Fault
8. कॖठ कडॖन्य...To find
                         fault
9. कूठॖर...Hut type room
10. कोतुर... Pigeon
**********************
       गीता ज्ञान :अध्याय-11
अगर यिकॖवटॖ सासॖ बऺद्य सिर्यि खसन, सु प्रकाश कोताह आसि सपदन
विश्व रूपी ब्रह्म प्रकाशस नॖ वातान
वॊन भगवानन गीता ज्ञान
**********************
राथ सपुद बॊड बारॖ प्रोग्राम हॆन्दी बवनॖ, दिल्लि मंज़। यि प्रोग्राम आव करनॖ जॊम्मू कश्मीर विचार मंचॖ दऺस्य यथ मंज़ कऻशिर्य भजन कीर्तन आयि करनॖ फऺरीदाबादॖ तॖ रोहिनी प्यठॖ आमच़ॖ भजन मंडलियव दऺस्य। गाशॖ तारकस मंज़ हिसॖ निनॖवऻल्य ल्वकट्यव-ल्वकट्यव शुर्यव दऺस्य तॖ बनोवुख माहोल रंगीन। अमि अलाव आव अथ प्रोग्रामस मंज़ कऻशिर्य ज़बऻन्य मंज़ शुर्यन हॖन्दि दऺस्य यि वुछन ज़ि कुस कोताह छु ह्यकान पनॖनि माजि ज़्यॆवि मंज़ कथॖ कऺरिथ तॖ आव नक़द यॆनामॖ दिनॖ तॖ तमि अलावॖ अख सर्टिफिकेट तॖ शील्ड दिनॖ। पेंटिंग मंज़ आव मुकाबल करनॖ तॖ जान पेंटिंग करन वाल्यन आव यॆनामॖ दिनॖ। अमि मऺज़ीद आव फैंसी ड्रसस मंज़ मुकाबलॖ करनॖ तॖ तिमन ति आव यॆनामॖ दिनॖ। ब्यॆयि आव यॆनामॖ दिनॖ यिमव वारिहाव करामाच़व दऺस्य पनुन नाव छु कमोवमुत पनॖनिस समाजस मंज़। श्री प्रुभु चावला जी अख नामावार शख्सियत ॴस्य मॆहमानि ख़ास। ख्यनॖ-च्यनॖच व्यवस्था ति ॴस आमॖच़ करनॖ। अथ प्रोमस मंज़ आयि कॆंह स्क्यट ति हावनॖ येमि दऺस्य समाजिक्यन कॆंच़न त्रुटियन कुन ति आव इशारॖ दिनॖ। प्रोग्राम रूद बेहतरीन। आडिटोरियम ओस खचाखच बऺरिथ। लूख ॴस्य आमॖत्य ब्यॊन ब्यॊन जायव प्यठॖ तॖ तुलुख लुत्फा प्रोग्रामुक। जे के विचार मंचॖ दऺस्य रूद यि अख कामयाब प्रोग्राम पनॖनि समाजि बापथ।
**********************
"शरणागत दीनार्त परित्राण परायणे। सर्वस्यार्तिहरे देवि
नारायणि नमोस्तु ते।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

10.03.2019

10.03.2019 फागुन (फाल्गुन) ज़ूनॖ पछॖ (शुक्ल पक्ष), च़ोरम (चतुर्थी), आथवार, श्री सप्तार्षि सम्वत 5094, राश मेष (चलान) ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: वालॖ वालॖ खोसॖ
    अ: कऻन्सि हॖन्ज़ सऻरॖय
          दौलत विटि विटि
          ख्यॆन्य
2. मु: वावस नावॖ सऻल
    अ: बॆ-मॊकॖ कऻम करॖन्य
3. मु: वायिन दांद तॖ लायिन
         कान
    अ: अकि ख्वतॖ ज़्यादॖ
          कामि करनस मंज़
          मऻहिर आसुन
4. मु:वाव वुछिथ नाव त्रावॖन्य
    अ: करनॖ ब्रौंह सोंचुन/
          सूंचिथ समजिथ क़दम
          तुलुन
5. मु: वऻरान बोनि हुन्द काव
    अ: बेकस तॖ बे-मददगार/
          यस नॖ कांह च़ुक्यदर
          आसि
**********************
1. कूर....Daughter
2. कॊर... Bangle
3. कार....Business/Car
4. कोर....Where
5. कोरि खांदर... Girl's
                        marriage
6. कोरि मोहन्युव..A girl
7. कोरि मोल...Girl's
                      father
8. कोरकुन...In/To which
                   direction
9. कॊरूप......Awkward/
                     Ugly
10. कॊछ़...... Bribe
**********************
       गीता ज्ञान :अध्याय-11
दिवॖ खुशबू मऺलिथ, दिवॖ मालॖ लऻगिथ,
हदॖ रॊस च़्वापोर म्वख दऻरिथ
विराट रूप ईश्वरस अर्ज़न वुछान
वॊन भगवानन गीता ज्ञान
**********************
अज़ छु हॆन्दी बवनॖ, दिल्लि मंज़ शामन त्रॆयि बजि प्यठॖ जे  के विचार मंचॖ तरफॖ वार्षिक प्रोग्राम, सामूहिक शिवरात्रि महोत्सव,यथ प्रोग्रामस मंज़ यिन च़ारनॖ तिम बच्चॖ, लऺडकॖ लऺडकी यिम कऻशिर्य ज़बऻन्य  मंज़ महऻरियत आसन थवान। यिमन बच्चन यी नक़द यनामॖ दिनॖ, शील्ड दिनॖ, सऺर्टिफिकेट दिनॖ।कूशिश छि यॆमि संस्थायि दऺस्य यिवान करनॖ ज़ि असि गछ़ि रोज़ॖन्य पनॖन्य माजि ज़्यव मूजूद तिक्याज़ि माजि ज़्यवॖय छि हावान सऻन्य तहज़ीब,ज़ाथ, प्रज़नथ तॖ सोन कल्चर। कूशिश छि ज़ि सान्यन फ्वलवॖन्य शुर्यन मंज़ गछ़ि पनॖन्य माजि ज़्यव ज़िन्दॖ रोज़ॖन्य। सॗती छु अज़ पेंटिंग हुन्द मुकाबलॖ, फैन्सी ड्रस हावनुक  मुकाबलॖ।शुर्यन हुन्द ग्यवुन ति छु तॖ पुरस्कार यिन दिनॖ कॆंच़न नामावार शख्सियतन, संस्थायन वगैरा वगैरा। गाशॖ तारुख पतॖ छु आसान यॆमि संस्थाय दऺस्य  यि प्रोग्राम हॆरच़ अंद्य-पऺख्य। वनुन छु म्यॆ यि ज़ि सान्यन शुर्यन छु यिवान दिनॖ मॊकॖ विज़ि विज़ि ज़ि तिम रोज़न पनॖन्यन पनॖन्यन गरन मंज़ पनॖनि माजि ज़्यॆवि मंज़ॖय कथबात करान पनॖन्यन ज़िठ्यन सॗत्य, कॗन्स्यन सॗत्य, यारन सॗत्य व्यसन तॖ सॊदरन सॗत्य। सोन पगाह छु सान्यन ॳज़्यक्यन शुर्यन हॖन्द्यन फ्यॆक्यन प्यठ दऺरिथ। बऺड ज़िम्वऻरी छि यिमन शुर्यन पनॖनिस कल्चरस रऻछ करनॖच तॖ कल्चर रोज़ि अमर तॆलीय यॆलि पनॖन्य माजि ज़्यव अमर आसि।
**********************
"उभाभ्यां जानुभ्यां पाणिभ्यां शिरसा वचसा चोरसा मनसा च नमस्कारं करोमि नम:"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

09.03.2019

09.03.2019, फागुन (फाल्गुन) ज़ूनॖ पछॖ (शुक्ल पक्ष), त्रय (तृतीय), बटॖवार (शनिवार/शनिश्चरवार),श्री सप्तार्षि सम्वत 5094, राश मेष (रऻच़ हॖन्ज़ 1.17 बजि प्यठॖ), ऋतु शिशर  (चलान)..द्रठपऻन्च़ुक (पंचक)ति म्वकलि अज़
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: वऻन्लिजि दऻदिस रोहनॖ
         च़्यॊट
    अ: दऻदिस मुतऻबिक दवा
2. मु: वऻन्टिस हय ख्यॆयज़ि
         कॆंह छ़ॊच़िस क्याह
         ख्यॆयज़ि
    अ: कंजूसस निश नेरि कॆंह
         न्यदऻरिस निश नॖ कॆंह
3. मु: वानस फालव दिथ
         गछ़ुन
    अ: सोरुय पथकुन त्रऻविथ
          च़लुन
4. मु: वऻनिस छि ग्राहक वनि
    अ: वानॖवऻलिस छि पनॖन्य
          ग्राहक दीदॖ आसान
5. मु: वांगजो गरॖ हा दॊदुय
         वगुव छुस वटान
    अ: प्रथ कऻन्सि छि पनॖनि
         जानॖच तॖ मालॖच कल
**********************
1. कूछ कूछ करुन..To call
                             a dog
2. कोज.......Lunch
3. कॊच...Raw/Unbaked
               Half done
4. कोचि....Lane/Street/
                 Narrow
5. कॊचूमर करुन...To turn
            to pieces/To
            beat black and
            blue
6. कॊछ....Lap
7. कॊछि तुलुन....To take
                          in lap
8. क्वचाल...Bad deed/
                Bad conduct
9. कॊछि रॊछमुत...One
            who is raised
      from the childhood
10. कॊदॖ.....Short com-
                      ing/Fault
**********************
       गीता ज्ञान :अध्याय-11
बेशुमार म्वख नेत्र ॳजीब ज़ेवर
अथन क्यथ ह्यथ अनेक दीवॖ
शस्त्र
रंगॖ रंगॖ दीवॖ वस्त्र शूबान
वॊन भगवानन गीता ज्ञान
**********************
वारिहान व्हाटसाप ग्रुपन मंज़ छुस बॖ वुछान ॳजीब ॳजीब चीज़ यिमन वुछिथ मन छु करान ज़ि यिमन बायन ब्यॆन्यन सॗत्य बिहित करहऻव रू बा रू कथबात तॖ वुछहऻव कुस कॗतिस पऻनिस मंज़ छु। कऺमिस कॊताह च़ुक छु पनॖनि समाजुक तॖ पनॖनि वतनुक।
दपान छि खऻली मऺट छि बज़ान यानि ॳस्य छि थ्यकान ज़्यादॖ तॖ करान कम। मोबायलस प्यठ यिम व्हाटसाप ग्रुपन मंज़ म्यऻन्य बऻय ब्यॆनि छि सोज़ान रोज़ान रंगॖ रंगॖक फोटू। वारिहान ग्रुपन मंज़ छुस परान रोज़ान ज़ि फोटू, सियऻसी गुफ्तॖगू, फऺज़ूल तॖ अपज़ि कथॖ मतॖ रूज़्यतव सोज़ान। मगर सोज़नवऻल्य छि अकि कनॖ बोज़ान तॖ दॊयिमि कनॖ त्रावान ज़नॖ बूज़कुय नॖ। कॆंह छि सियासत दगान रोज़ान तिथकऺन्य बासान छु ज़ि ज़न छु तिमनॖय सारी ज़गतॖक्यन मसलन हुन्द हल छ़ान्डनॖच ज़िम्वऻरी मटि ह्यॆच़मॖच़। कॆंच़न ग्रुपन मंज़ छि जान जान कथ ति बुथि यिवान तॖ मन छु श्वद गछ़ान ति क्याज़ि तिमन ग्रुपन मंज़ छि ज्ञानचि कथ आसान तॖ मन छु पवित्र ह्यु गछ़ान तिम कथॖ पऺर्य पऺर्य।
ॳस्य ह्यकव पनॖन्यन शुर्यन पनॖन्य माजि ज़्यव फ़राहम कऺरिथ मोबायलॖ दऺस्य। ल्वकचि म्वकचि कथॖ बोज़नऻविथ। यि सुहीलयत छि सान्यन मोबायलन मंज़। क्याज़ि करव नॖ ॳज़्यकि प्यठय शुरु। अगर नॖ त्वहि हॆन्दियस मंज़ कऻशुर लेखुन तगान छु, ज़बऻन्य सॗत्य ह्यॆकिव रिकार्ड कऺरिथ तॖ ओरॖ योर सूज़िथ।
कथ छि जऻरी
**********************
"जयन्ती मंगला काली भद्रकाली कपालिनी।दुर्गा
क्षमा शिवा धात्री स्वाहा स्वधा नमोsस्तु ते।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

08.03.2019

08.03.2019, फागुन (फाल्गुन), ज़ूनॖ पछॖ (शुक्ल पक्ष) द्वय (द्विती), शॊकुरवार (शुक्रवार/जुम्मा), श्री सप्तार्षि सम्वत 5094, राश मीन (चलान), ऋतु शिशर (चलान), द्रठपऻन्च़ुक (पंचक)(चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: वति वतीय छु आब
         पकान
   अ: पनॖन्यन छि सऻरीय
         मदद करान/पनॖन्यन
         सबन पनॖन्य वाज़ॖ
2. मु: वुतशस च़ेर तॖ च़ीरिस
         वुतॖश्य
    अ: जल्दबऻज़ी छि दोखॖ-
         बऻज़ी/बाम्बॖर गऺयि
         छाम्बॖर
3. मु: वतन हुन्द माज़ लतन
       तॖ लतन हुन्द माज़ वतन
    अ: मॆहनत मॊज़ूर्य करान
         रोज़ुन
4. मु: वुफवॖन्य रटॖन्य
    अ: अलऻन्द्यन थपॖ दिन्य/
      नामुम्किन कऻम मटि हॆन्य
5. मु: वऻनिस नॖ ॴस च़ूरस
         नॖ च़ास
    अ: पनॖन्य कऻम छ़्वपॖ दम
         कऺरिथ करॖन्य
**********************
1. कल....Desire/Yearn-
          ing/Hope/Long-
          ing
2. कलॖ....Head/Top
3. क़लम...Pen
4. कलॖदोद....Head ache
5. कलॖ खॊपॖर...The skull
6. कलाम..Talk/Speech/
        Poetry/Conversa-
        tion/Discourse
7. कलश...Deity's sym-
        bol (a pot) wor-
        shipped in Hindu
        ceremonies
8. कलपुश...Skull cap/
        A lady head-wear
9. कलुन...Stammer
10. कलशॖ लवॖ....Sprinkl-
         ing of holly water
**********************
       गीता ज्ञान  :अध्याय-11
        संजय वनान
संजय धृतराष्ट्रस वनान, यि वऺनिथ योगीश्वर कृष्णॖ भगवान
अर्ज़नस पनुन दीवि रूप हावान
वॊन भगवानन गीता ज्ञान
**********************
समय छु पकान पनॖन्य रफ़तार बरक़रार थऺविथ। असि ति छु अख अख दॊहा पनॖनि वऻन्सि हुन्द कम गछ़ान। प्रऻन्य प्रानान नऺव्य नवान, योर कुस आमुत रोज़नि मुसत्किल, ठुहरिथ यॆति ॳस्य स्व छि अख सराय। गरॖ असली सोन मंज़ वैकुण्ठसॖय, ऋश्यन मुनियन हॖन्ज़ॖय यि राय। युस युस योर आव सु वापस गरॖ गव, कांह पॊक वारॖ वारॖ, कऻन्सि तुजनय दव।बस पथकुन त्रोवुन लोल तय माय। ठुहरिथ यॆति ॳस्य स्व छि अख सराय।असान गिन्दान कऺड कऻन्सि कऻन्सि वऻन्सा, दिल खूलिथ कऻन्सि वुडोव पौंसा, कऻन्सि रऻव वुम्बरा छ़ारान छ़ाय, ठुहरिथ यॆति ॳस्य स्व छि अख सराय। शाह छुय, शाह छुख, शाह थऻविनय दय, सॊरान च़ॖ रोज़ दय, सुय कासी भय, निष्काम, निर्लेप, नेरनुक कर व्वपाय, ठुहरिथ यॆति ॳस्य स्व छि अख सराय।ॳम्यसॖय शिव शंकरसुन्द नाव ह्यथ कऺड्य असि यिम हेरऺच़ हॖन्द्य द्वह। व्वंय पकव ॳस्य नऺविस पडावस कुन यानि सौंतस कुन।मगर तमि ब्रौंह छु करुन असि जतॗं तॗ, जतॗं तॗ तीलॖ ॴठम द्वह
**********************
"खुली प्रभातन ॳछ यॆमि सातन, परुनुय गछ़ि तमि सातन हरि ओम् तत्सत्"
पऺरिव यि मंत्र ति दोहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

07.03.2019

07.03.2019,फागुन (फाल्गुन), ज़ूनॖ पछॖ (शुक्ल पक्ष) ऒक्दॊह (प्रथमा/ प्रतिपदा), ब्रसवार (वीरवार/ ब्रहस्पतवार), श्री सप्तार्षि सम्वत 5094, राश मीन (दुहचि 2.14 बजि प्यठॖ) ऋतु शिशर (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: वतॖ वऻरऻनी तॖ जोरि
         जुदऻयी
    अ: बद वाख/क्व-वाख/
          वॊहव
2. मु: वुठन छुस द्वद लोर
    अ: वऻन्सि ल्वकुट आसुन
3. मु: वछि तलुक गछ़्या टोठ
         किनॖ बछि तलुक
    अ: परद्यन मुक़ाबलॖ पनुन
         शुर टोठ आसान
4. मु: वछस हय कुलुफ
         आसि लछस यी दकॖ
         दिथ
    अ: पनुन किरदार आसि
         नेक तॆलि क्याह करि
         लूकॖ-मॊत
5. मु: वछस कुलुफ लछस
         ठठा
    अ: पनुन मान तॖ शील
          रछुन
**********************
1. क्वकऻल्य.... Untimely/
        Unsuitable occas-
        sion
2. क्वकऻल्य वर्षुन.....Un-
                 timely rain
3. क्वकर्म.....Misdeed/
                 Wickedness
4. क्वकुल....Hair-lock
5. कोफ़ूर.... Camphor
6. क्वशल....O.K.
7. कॊश कडुन...To beat
        someone badly/
        To get much work
        done by
8. कॊस्तूर......A bird/
                     Cuckoo
9. कोसम......A flower
10. कूशिश...An attempt
                   Endeavour/
                   Effort
**********************
      गीता ज्ञान :अध्याय-11
यिमव मनशि नेत्रव ह्यकख नॖ वुछिथ
दिमय दीवदृष्टिह्यकख डींशिथ
म्योन परम शक्ति वोल रूप महान
वॊन भगवानन गीता ज्ञान
**********************
राथ ॴस्य डून्य परमूज़ॖन्य तॖ म्वकॖलोव यि कार्यक्रम ति। म्यॆ छु याद यिवान ज़ि ॳस्य ॴस्य अज़्यकि द्वह यारबल वऺसिथ नावि हऻन्ज़न डून्य दिवान तॖ तिम ॴस्य असि नावि मंज़ बॆहनऻविथ दऺर्यावस अपारि यपोर सऻर करनावान। नावि चप्पॖ सॗत्य ॴस्य यिम नावि हऻन्ज़ डून्य दऺर्यावॖ मंज़ॖ सॊम्बरावान तॖ ख्यवान। अख स्वन्दर नज़ारा ओस आसान ॳज़्यकि द्वह ति। व्वंय गऺयि ॳज़्यकि प्यठॖ डून्य बऻगरावॖन्य न्वश्यन कोर्यन, अंगन ॴश्यनावन, यारन दोसतन, अहलस मऺहलस, इस्तर्यन पिस्तर्यन। यिथपऻठ्य कॊर असि विसर्जन पनॖन्यन दीवी देवताहन यिमन असि आवाहन ओस कॊरमुत हेरऺच़ प्यठ। व्वंय नीरिन्य हृच़ तॖ फ्रूच़ यि हेरथ सारिनी तॖ तिहन्दि धर्मॖ असि ति। भगवान दीन स्वबुद्दि सान्यन शास्त्र ज़ानन वाल्यन ताकि ब्रौंहकुन ह्यकन कुनुय वच़ुन वऺनिथ बड्यन तॖ लूक्यन दॊहन हुन्द युथ नॖ ॳस्य ब्यॆयि दुच़्यॆतिस गछ़व ज़ि बॊड द्वह छा अज़ किनॖ पगाह। व्वंय छि तीलॖ ॴठम यिनॖ वाज्यन तॖ करव ॳस्य तमि द्वह जतॗं तॗ जतॗं तॗ।
**********************
"दुर्गे स्मृता हरसि भीतिम शेषजन्तो: स्वस्थे: स्मृता मतिम् अतीव शुभां ददासि।
दारिद्रयदु:खभयहारिणि का त्वदन्या सर्वोपकार करणाय सदाssद्रर्चिता।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

06.03.2019

06.03.2019, फागुन (फाल्गुन) गटॖ पछॖ (कृष्ण पक्ष),मावस (अमावस्या) ब्वदवार (बुधवार),श्री सप्तार्षि सम्वत 5094,राश कुम्भ (चलान),द्रठपऻन्च़ुक (पंचक) (चलान)....अज़ छु वटुक परमोज़ुन
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: वऺरियस खऻरिथ वालनॖ
         विज़ि दब
    अ: कॊरमुत क्रोवमुत राव-
         रऻविथ छ़ुनुन
2. मु: वऺद्य-वऺद्य च़ऺड्य बरॖन्य
    अ: स्यठाह ऒश त्रावुन
3. मु: वदनस ख्वश असनस
         व्वश
    अ: यस नॖ ब्यॆयिसुन्द ख्वश
         आसि यिवान
4. मु: वुछुन गव अख तॖ
         बोज़ुन गव ब्याख
    अ: तथ गछ़ि पछ़ करॖन्य
         यि पानॖ दीदॖ वुछि/ती
         पॊज़ यि ॳछव वुछि
5. मु: वुछिथ ऒन तॖ बूज़िथ
         ज़ॊर
    अ: डींशिथ गॊश द्युन तॖ
         कनव बूज़िथ ज़ॊर
         लागुन
**********************
1. क्वलि गातुक...A des-
        troyer of a family/
        One who ruins his
        family
2. क्वलि छ़ुनुन...To throw
       in river/To destroy
       To ruin
3. क्वलिबुज़्य गछ़ुन..To be
              wasted/To be
              destroyed
4. क्वलॖ व्वतुर..The fami-
          ly tree/Genealo-
          gical table
5. क्वलॖ टूंच... Kingfisher
6. क्वकर माज़...Chicken
                        meat
7. क्वकरमुर...Henshed
8. क्वकरच़ास...Wooping
                        cough
9. क्वकर पूत... Chicken
10. क्वकर बांग..Crowing
                      of a cock
**********************
     गीता ज्ञान :अध्याय-11
म्यऻनिस शरीरस मंज़ च़रा च़र ह्यथ
ॳक्यसॖय जायि दऺरिथ सोरुय ज़गत
ब्यॆयि यि केंछ़ा यछ़क ति गछ़ वुछान
वॊन भगवानन गीता ज्ञान
**********************
अज़ छि डून्य मावस यानि अज़ छि करान डोन्यन पूज़ा या डून्य परमोज़ान। पगहॗकि प्यठॖ छि ह्यवान डून्य बऻगरावॖन्य पनॖन्यन अंगन तॖ ॴश्यनावन। कऺशीरि मंज़ ॴस वख्तॖ अकि यि अख बऺड कऻम आसान। कऻशिर्य बटॖ तॖ बटनि आसॖ नज़रि यिवान बऺड-बऺड ज़ऻना यानि टूकरा ह्यथ यथ मंज़ थवनॖ ॴस्य यिवान डून्य बऻगरावनॖ बापथ। कान्दरन ॴस्य कऻम बडान ति क्याज़ि डॊन्यन सॗत्य सॗत्य ॴस यिवान च़्वचि ति बऻगरावनॖ। यि प्रथा ति ह्यॆच़ॖन वारॖ वारॖ गऻब गछ़ॖन्य। कऺशीरि न्यबर छि सऻरी बटॖ छऺकॖरिथ रोज़ान। अख ग्वगजि बागॖ तॖ ब्याख ख्वजि बागॖ। अख ॳकिस निश वातुन छु हना मुश्किल। यिथॖपऻठ्य वाति अज़ हेरच़ॖ त्यौहारुक अंद।
**********************
 "ओम् त्र्यम्बकं यजामहे सुगन्धिं पुष्टिवर्धनम्, उर्वारुकम-इव बन्धनात्-मृत्यॊ-र्मूक्षीय मामृतात।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

05.03.2019

05.03.2019, फागुन (फाल्गुन) गटॖ पछॖ (कृष्ण पक्ष), च़्वदह (चतुर्दशी), बॊम्वार (मंगलवार),श्री सप्तार्षि सम्वत 5094, राश कुम्भ (चलान), द्रठॖपऻन्च़ुक (पंचक) (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु:वुरुन वुछतॖय गछ़ि ख्वर
        वाहरावुन
    अ: आमदनी मुतऻबिक
          गछ़ि ख़र्च करुन
2. मु: विज़ि विज़ि छि पोश
         फ्वलान
   अ; प्रथकुनि छु पनुन वख
        आसान/वख्तॖच क़दॖर
3. मु: वऺछ़्य मार नॖ बोज़ान
         कांह दांदॖ मार बोज़ान
         सऻरी
    अ: शूर्यसॖन्दिस मामॖलस
          छि नॖ सनान मगर 
          बऺड्यसॖन्दिस छि
4. मु: वऺछ़िस लऻगिथ पऺछ़िस
         कुन
    अ: कांह ब्रौंहकनि ॴसिथ
         ब्यॆयिस कुन वनुन/
         कोरि वॊनमय न्वशी
         बोज़
5. मु: वऺछ़िस ग्यॆड तॖ दांदस
         लॊद
    अ: ल्वकटिस बॊड तॖ
         बऺडिस ल्वकुट बोग/
         ना बराबऺरी
**********************
1. क्वकुर....Cock
2. क्वकॖर...Hen
3. क्वकॖर गछ़ॖन्य..To be in
            a bad shape/To
            feel weakness/
            To be silent
4. कुल....Tree/Total
5. कॊल...Dumb/Mute
6. कौल...A surname
7. क्वलय...Wife
8. क्वल....River/Stream
9. क्वलॖ तार....To cross
          river/charges for
         crossing the river
10. क्वलॖ तारुख... Savior
             of one's family
**********************
       गीता ज्ञान -अध्याय-11
म्यॆ मंज़ आदिपऺती हॖन्द्य बाहवय पॊथुर
ज़ॖ अश्वनी कुमार ॴठ वसु काह रुद्र
वुछ स्यठाह रूप म्यऻन्य आश्चर्य सान
वॊन भगवानन गीता ज्ञान
**********************
वारॖकारॖ म्वकल्यॆयि हेरथ यिथॖ तिथॖ हडबऺडी मंज़, दु-च़्यॆतिस मंज़, बऺहसॖ बऺहस कऺरिथ, अख ॳकिस वुछिथ तॖ ॳकिस ब्यॆयिस प्रॖछ़िथ मगर आयि हेरथ मनावनॖ द्वन दॊहन। यि छि सानि शर्मिहॖन्ज़ कथ ज़ि असि रावरऻव पनॖन्यवॖय वथ ॴन्यॖ मॊकस प्यठ। कऺशीरि मंज़ वख्तॖ अकि यॆलि ब्रह्मन महामंडल ओस क्रालॖखॊडॖ आसान तथ मंडली तॖ स्वर्गीय श्री प्रैम नाथ शास्त्री जियस ॴस कुनि कुनि विज़ि कुनि कुनि महोत्सवस प्यठ दौंखॖ-दौंख रोज़ान मगर वातान ॴस्य कुनि ॳकिस कथि प्यठ तॖ लगान ओस पताह पनॖन्यव पनॖन्यव क्वलॖ-गुरुवव दऺस्य ज़ि सऺही क्याह छु तॖ ग़लत क्याह छु। मगर असि रऻव  तिम क्वलॖ गुरु। असि रूद नॖ व्वंय गुरु कांह। अल्बतॖ व्वंय छु थॊकॖ-जोद कऺरिथ ॳस्य पनॖनिस पानस तसल्लाह दिथ ज़ि हिमाचलॖक्य या बिहऻर्य छि सऻन्य खपथ पूरॖ करान। क्याह छि करान कॊताह छि करान क्याह छि परान, कमि विधि सान छि करान, यि छु नॖ असि वुनि ति फिकिरी तरान मगर रीथ छि पज़ि अपज़ि निभावान तॖ द्वह पूरॖ करान। हुमन ति छु दुकान चलान तॖ असि ति छि कऻम नेरान। दय ज़ानि कऺमिस कोताह तॖ क्याह कऺमिस छु मेलान। म्वखसरॖ वोत हेरऺच़ अंद। यॆमि लटि आयि नॖ असि यिम व्वज़ुम गुरु जी ति अथि कुनि। आवर्यर रूद सारिनी म्यॆ बासान। कैस्यट बूज़्य बूज़्य ति थऺक्य। पूज़ा छॆ नॖ यिवान करनॖ अमि दऺस्य ति। मंज़्य छु कैस्यट ब्रौंठ पकान तॖ ॳस्य पथ रोज़ान या ॳस्य ब्रौंठ नेरान तॖ कैस्यट पथ रोज़ान। खऻर व्वंय कऺड्य यिम द्वह ति। अज़ छि सलाम। त्वहि सारिनी म्योन मुबारक हेरॖच़ हुन्द।
**********************
"कृष्ण कृष्ण महाकृष्ण सर्वज्ञ त्वं प्रसीद मे, रमा-रमण विश्वेश, विद्याम्-आशु प्रयच्छ मे।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

04.03.2019

04.03.2019, फागुन (फाल्गुन) गटॖ पछॖ (कृष्ण पक्ष), त्रुवाह (त्रयोदशी), च़ऺन्दॖरवार (सोमवार), श्री सप्तार्षि सम्वत 5094, राश कुम्भ (रऻच़ हॖन्ज़ॖ 1.43 बजि प्यठॖ), ऋतु शिशर (चलान)...अज़ छि हेरच़ॖ त्रुवाह
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: वऻन्लिजि प्यठ व्वखुल
    अ: नामुम्किन कऻम करॖन्य
2. मु: वखतुक कार गव
         बखतुक बादशाह
    अ: वख़तस प्यठ छु सोरुय
         शूबान
3. मु: म्वकदमस पतॖ नय फ्वॖ
         दमॖ आसि, गामस तुलि
         शामस ताम
    अ: बद-इन्तिज़ऻमी निशि
         बचनॖ म्वखॖ गछ़ि इन्ति-
         ज़ामॖच लाकम चीरॖ
         आसॖन्य/यिथय कनि
        गछ़ि हऻक्यमस प्यठॖ ति
        कांह आसुन
4. मु: वखतस नॖ यिवान
         म्वछि तॖ वखतस नॖ
         यिवान क्वछि
   अ: कुनि कथि प्यठ न
        रोज़ुन/ॳती अख तॖ
        ॳती ब्याख कथ
5. मु: वुश्यनिहॆनि यूर्य वलॖ
         तॗरिहॆनि ऊर्य गछ़
    अ: ॳमीर रिश्तॖदार छि
         टऻठ्य आसान तॖ ग़रीब
         छि दूर यिवान थवनॖ
**********************
1. क्वलावली....Bio data/
        Family particulars
2. क्वलुर...A kind of bird
              usually seen in
              water
3. क्वलॊंग... Crippled/
                    Lazy
4. कॊल गछ़ुन...To be-
                   come dumb
5. कवॖल्य....A small cup
6. कवॖ ...........For what
                      reason
7. कॊम..Husk/Embrace
8. कॊम-च़्वचि...Husk
                        bread
9. कॊम करुन...To break
        into husk/To beat
        black and blue
10. क्वलॖ मॊत....Hen
          pecked husband
**********************
      गीता ज्ञान  :अध्याय-11
       श्री भगवान वनान
भगवान छुस वनान हे अर्ज़नॖ
म्यऻन्य सासॖ बऺद्य बनावटॖ वऻल्य वरन
नाना प्रकऻर्य गछ़ रूप वुछान
वॊन भगवानन गीता ज्ञान
**********************
अज़ छि हॆरच़ॖ त्रुवाह। कॆंच़व कऻशिर्य बटॖव कऺर राथ हॆरऺच़ हॖन्ज़ पूज़ा तॖ कॆंह करन अज़ ति क्याज़ि युहुस रूद्य सऻरीय बटॖ द्वन तॖ च़्वन मंज़। समॖज आव नॖ लूकन ज़ि त्रॆयमि मार्च करवा किनॖ च़ूर्यमि मार्च करव। येमिस यि व्यच़ार आव तऺम्य कॊर तूर्यकुन रवख। अख ॳकिस रूद्य प्रॖछ़ान तॖ करान ती यी बुथि आख। लॊतिस ग्वबिस छु माफ। मगर मसलॖ गव नॖ हल कॆंह। हल सपदि मसलॖ तॆलि यॆलि यिम त्र्यनॖवय यानि पंडित ओंकार नाथ जी, पुनीत जी तॖ सतीसर फौंडेशनुक ब्रह्मन जी बॆहन इकॖवटॖ तॖ करन मशवरॖ तॖ वातन ॳक्यसॖय कथि प्यठ। त्र्यनवऺनी जंत्रीयन गछ़ि छपाय ब्रौंठ अख सरसऺरी नज़र यिन्य दिन्य तॖ वुछुन वऺर्युक पंचान्ग छा पकान ॳक्यसॖय त्रायि मंज़ किनॖ न। कम से कम गछ़ि नॖ यज़मन परेशान हंगॖ तॖ मंगॖ ।
खऻर व्वंय वुछव ॳज़िच हेरथ। कऻशुर गुरु जी छु नॖ नज़रि यिवान अज़ ति क्यज़ि ज़िठ्य तॖ ज़ऻन्यकार मूद्य तॖ व्वंय यिम कॆंह रूद्य तिमव बडोव पनुन बाव या हऻवॖख वखतॖच व्यछ़य तॖ तमि म्वखॖ यॊदवय कांह यछ़ान ओस ज़ि  सु करॖनावि हे ॳज़ॖच पूज़ा कऻन्सि ब्रहमनॖन दऺस्य तऺमिस बन्यव नॖ गुरु जीयी कांह। कऻशिर्य ब्रहमनॖन्य कऻम छि निभावान व्वंय हिमाचलॖक्य लूख यिमव कऻशिर पऻठ्य कर्मकान्ड ह्यॊछ तॖ म्वकॖलऻवॖख गुरु जियिन व्यछ़य कुनि हदस ताम। मगर स्व यज़मन तॖ क्वलॖ ब्रहमुन अख रिश्तॖ युस कऺशीरि मंज़ सासॖ बद्यव वऺरियव प्यठॖ चलान आमुत ओस सु गव ख़तम। व्वंय गव यि पशॖ प्यॆठ पकुना तॖ ब्यॆयि नॖ कॆंह। यि गव असि हालस बेहाल। सान्यन शुर्यन छॆ नॖ पतहॗय यि रिश्तॖ क्युथ रिश्तॖ ओस वखतॖ अकि कऺशीरि मंज़। यिथॖ पऻठ्य वाति अज़ हेरऺच़ माजि हुन्द द्वह व्वंय अंद। पगाह गऺयि सलाम। कथ जि जऻरी।
**********************
"करोतु सा न: शुभहेतुरीश्वरी
शुभानि भद्राण्यभिहन्तु चापद:"
पऺरिव यि मंत्र ति दॊहय
**********************
 कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
   नऺविव तॖ फॊलिव
     भूषण कौल "दीप"

(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)