06.08.2019

06.08.2019,श्रावणॖ (सावन) ज़ूनॖ पछॖ (शुक्पक्ष)शॆयम(देवादेव)
(षष्ठी)बॊम्वार (मंगलवार),श्री सप्तर्षी सम्वत 5095, राश तुला(दुहचि 11.00 बजि प्यठॖ) ऋतु वर्षा (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**************************
1. मु: गाड छि दऺर्यावस मंज़ त्रेशि
         बापथ मरान
    अ: यॆलि सोरुय दसतियाब
         ॴसिथ ति इन्सान ह्यॆकि नॖ
         तम्युक फ़ऻयदॖ तुलिथ
2. मु: गाडॖहऻन्ज़ बापार
    अ: क्रख लागॖन्य/यथ नॖ कॆंह
         हऻसिल यी
3. मु: गऻन्य बुडि तॖ यॆन्दॖर कति
    अ: युस उम्रि जखान रूद तस
          छु नॖ बुडिथ ति आराम
          नसीबस
4. मु: गाव च्यऻव्यज़्यन वॊछ़
         रऺछज़्यन
    अ: कऻम करनॖ विज़ि गछ़ि नॖ
         पनुनुय योत फ़ऻयदॖ छ़ान्डुन
       बल्कि ब्यॆयि सुन्द ति ख़याल
         थवुन
5. मु: गऻव ज़ाव वॊछ़ सु म्यॆ गॊछ़
    अ: लालॖच करुन ती मंगुन यी
          नॖ पज़ि
**************************
1. फ़ऻतिर...Crack/Brainless
                 Foolish/Wild/
                 Unwise/Stupid/
                 Irrational
2. फ़ऻतिरगी.... Foolishness/
                Stupidness/Mad
                ness
3. फ़ारम......Farm
4. फ़ारॆग..... Unoccupied/At
                   leisure/Free
5. फ़ारॆग गछ़ुन....To be dis-
                   charged/To be
                   free
6. फ़ारॆग करुन.....To spare/
                   To discharge
7. फ़ारसी.....The Percian
                    language
8. फ़ारसी ख़ान.....One who
                    knows Persian
9. फ़ारसी दान ....One who
                   can read and
                    write Persian
10. फ़ाश करुन..To disclose
                    To reveal/To
               divulge (a secret)
**************************
         गीता ज्ञान :अध्याय 15
यॆमि सम्सार कुल्युक युस रूप बासान, व्यच़ार करनॖ पतॖ छुनॖ
त्युथ बासान
अथ नॖ आदि अंत कुनि डंजि रोज़ान
वॊन भगवानन गीता ज्ञान
**************************
परदॖ वॊथ, राज़स गव फ़ाश, धारा 370-स गव नाश, कऺशीरि शायद द्राव वाश, मगर ततिक मुसलमान बसकीन गऺयि हताश। मर्कज़ी सरकारन बासान सूंचमुत व्वंय ह्यन कऻशिर मुसलमानन द्रामॖच़न पखन त्राश। काश यि क़दम आसिहे आमुत तुलनॖ अज़ त्रॖह वऺरी ब्रौंठ, द्यवॖ ततिक्यन गद्दारन आसिहे आमुत च़टॖनॖ चौंठ। ताहम भगवत गीता छि वनान ज़ि यि सपुद ति सपुद जान, यि सपदान ति सपदान जान तॖ यि सपदि बुथि सु ति सपदि जान। असि छु विश्वास ज़ि युस ज़हर ख्यॆयि सुय मरि।स्यॊद साद इन्सान स्यॆदि बुथि भवॖ सरस तरि। ती मंगान ॳस्य माजि दीवी गरि गरि। यॆमिच नॖ ब्रांथ ॴस ती सपुद। मगर प्रथ कांह बशर हऻरान सपुद। ज़न फॊट आतश-पहाड यि बूज़िथ, कुल जहान् गव ज़न रूज़िथ, कऻन्सि ह्यॆच  नॖ कऻन्सि कांह ख़बर सूज़िथ ति क्याज़ि राज़ ओस बस राज़दारस निश खटिथ पऺतिम्यव कॆंच़व दॊहव प्यठॖ मगर कानो कन लऺज्य नॖ कऻन्सि ख़बर। मगर यि कॆंछ़ा गव ति गव ज़बर। लावॖ छु वुनि फऺतिस तलॖय, यि फटि अज़ नय तॖ पगाह। मगर व्वमेद छि ज़ि सरकार हॊमॖरावि अथ नारस ति तरतीबॖ सान तॖ फॊलरावि कऺशीरि गुल तय गुलज़ार। सान्यव संस्थायव ह्यॊत बदलावुन पनुन पनुन व्यच़ार तॖ लगि व्वंय  नॊव दरबार। सऻर्यसॖय भारतस मंज़ आव जऺशन मनावनॖ मगर ॳकिस कूनस मंज़ आव कशीर्य मुसलमानॖ सॖन्दि दऺसय ॳछव किन्य ऒश त्रावनॖ।
रामॖ लगय च्यानि लीलाये
**************************
"नाबऺद्य बऻरस अटॖ गन्ड ड्यॊल गोम
दिहकाड हॊल गोम ह्यकॖह कह्यॊ
ग्वरॖ सुन्द वनुन रावन त्यॊल प्योम
पऺहलि रॊस ख्यॊल गोम ह्यकॖह कह्यॊ"
पऺरिव यि लल वाख ति दॊहय
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
 नऺविव तॖ फॊलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)