31.10.2018

31.10.2018, कार्तिक (कतक)   गटॖ पछॖ (कृष्ण पक्ष) सतम(सप्त), ब्वदवार (बुधवार),श्री सप्तर्षि सम्वत 5094, राश कर्कट (चलान), ऋतु हरुद (शरद) (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: बॆकार गव ब्यमार
   अ: बॆकारस छु नॖ सॆहत ज़ांह ति
        ठीख रोज़ान
2. मु: बॆमंदछस बलाय दूर बुथिस
         मऺथ्यतोस लॊबर-सूर
    अ: यॆम शर्म कॖन्यमॖच़ आसि
        तस क्युथ छु जान तॖ नाकारॖ
        बराबरॖय
3. मु: बोय बऻयिस पुशॖपनाह बोय
        बऻयिस दुशमनाह
    अ: बोय छु बऻयिस हमदर्द ति
       आसान तॖ कुनि विज़ दुशमन
        ति बनान
4. मु: बॆकारस छि त्रॆ कार
    अ: कऻम-कार न करन वऻलिस
         छु सिरिफ़ ख्यॊन, च्यॊन तॖ
         श्वॊंगुन
5. मु: बेछुन तॖ गुरिस खऺसिथ
    अ: नाकारॖ कऻम ति फ़ख़रॖसान
          करॖन्य/ख़राब कामि ति नॖ
          मंदछुन
**************************
1. न्यंगलुन/न्यंगलावुन....To
             swallow/To gulp
             down
2. न्यंदॖ...... Weeding
3. न्यंदॖ-बऻथ.....The song
             sung at the time
             of weeding/A
             folk song
4. न्यंदा.....To blame/Re-
             proach/Reprehen-
             sion
5. न्याय.....Dispute/Logic/
             Quarrel/Argument
           Contention/Justice
6. न्यूल......Blue
7. न्यूर.......Green pasture/
               Meadow/Grazing
               ground
8. न्यूलॖय....Unripe/Raw/Un
               baked/Green/In-
               experienced/
               Immature
9. न्यून....Taken away
10. न्यॊठ....Thumb
**************************
      गीता ज्ञान  : अध्याय-7  :
युस स्वकाम प्वरुष श्रदायिसान
युस दीवताहस छु पूज़ुन यछ़ान
तस दीवस मंज़ छुस दरॖ रावान
वॊन भगवानन गीता ज्ञान
**************************
"ऒक्टूबर 29 फैज़टिवॖल" व्हाटसाप ग्रुप वुछ म्यॆ वऻहिद अख ग्रुप यथ मंज़ सदस्य छि अख ॳकिस सॖत्य असान तॖ गिंदान रोज़ान, पानॖवुन्य ठठॖ-मस्खऺरी करान रोज़ान, सॗत्य-सॗत्य पहचान दरोहरॖच ति कऻम करान तॖ तमि दऺस्य चीज़न हॖन्ज़, इन्सानन हॖन्ज़, संतन हॖन्ज़, मंदरन हॖन्ज़, वगैरा वगैरा चीज़न हॖन्ज़ ज़ऻन्यकऻरी दिनॖच कूशिश करान। ल्वकॖट्य बऺड्य ज़नानॖ मर्द कोरि लऺडकॖ बऺड्य बुज़र्ग छि अथ ग्रुपस मंज़ दख़ल दिथ अख ॳकिस मदद करान करान पनुन ग्यान ति बऺडरावनस मंज़ लऺगिथ। अमि ग्रुपॖक्य म्वकदमन ओस हालॖय ॳकिस अखबारस मंज़ पनॖनि ग्रुपुक हाल-चाल बोवमुत, व्यवहार होवमुत, मिलच़ार थावनुक अख अंदाज़ बनोवमुत। परान परान गव म्यॆ नज़रि मंज़ पनुन ति नावाह।यि वुछिथ गोस बॖ स्यठाह ख्वश। बाकॖयन नाव ति पऺरिम तॖ अमि ग्रुपुक लोल बड्यॊम। न फोटू अख ॳकिस सोज़ॖन्य, न कऻन्सि हॖन्ज़ न्यंदा करॖन्य, न कऻन्सि हुन्द ॴन्ज़रुन तॖ गऺन्ज़रुन। बस सिरिफ ग्यान बऺडरावनॖच अख मुहिम चलावनॖच यछ़ा यथ मंज़ असि सारिनीय हन्ज़ छि पऺज़ पछ़ा।
**************************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**************************
नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

27.10.2018

27.10.2018, कार्तिक (कतक) गटॖ पछॖ (कृष्ण पक्ष) त्रय (तृती) बटॖवार (शनिवार/शनिश्चरवार),श्री सप्तर्षि सम्वत 5094, राश वृष (चलान), ऋतु हरुद (शरद) (चलान)...अज़ छि संकट च़ोरम ति (ज़ून खसि अज़ शामन 8.1 बजि)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबात
**************************
1. मु: बोनि मुहुल तारुन
   अ: बेक्लस कथ फिकरि तारॖन्य
        छि स्यठाह मुश्किल आसान
2. मु: ब्वछि फुहॖर तॖ नॆन्दॖर पथर
    अ: ब्वछि विज़ि छि नॖ मज़ॖ
         वुछान तॖ नॆन्द्रि विज़ि नॖ
         बिस्तरॖ
3. मु: बोर छु जहनमुक पोर
    अ: ज़िम्वऻरी छि स्यठाह गॊब
         आसान
4. मु: बॊहग्नस छि बाह ग्वन
    अ: वारियाह सिफ़त आसन-
         वोल/प्रथ कऻन्सि छु कांह
         न तॖ कांह सिफ़त आसान
5. मु: बोय गव कऺन्य ब्यॆनि गयि
         थऺन्य
    अ: बोय छु ब्यॆनिहॖन्दि ख्वतॖ
          कम माय थवान
**************************
1. न्यतॖ....Lazy
2. न्यतुन...To shear animal
                (sheep)
3. न्यमुन...To bow/To nod
4. न्यमरावुन...Cause to bow
5. न्यॆनि.....Meat
6. न्यॆनि बतॖ...Meat and rice/
                 Food
7. न्यॆनि म्वंडॖज...Frog
8. न्यबर....Outside/Beyond
                 Abroad
9. न्यराहार.... Complete fast
                 ing/Fast
10. न्यॆशब्वद... Innocent/
               Irrational/Foolish
               Brainless
**************************
       गीता ज्ञान  : अध्याय-7 :
यिमव मंज़ॖ म्यॆ युस भक्ति भावॖ स्वरान
सु ज्ञऻनी म्यऻन्य असलियथ ज़ानान
बॖ तस टोठ सु म्यॆ यछ़ टोठ आसान
वॊन भगवानन गीता ज्ञान
**************************
शतवुह ओक्टूबर कुनवुहशथ तॖ सत्तऻजी द्वह छु कशीरि हुन्द म्युल आमुत करनॖ हिन्दुस्तानस सॗत्य। यि द्वह यादाशतकिस रॗफस मंज़ आव मनावनॖ राथ राजेन्द्र भवनॖ, दिल्लि मंज़। आच़ार-व्यच़ार आव करनॖ कॆंच़व महानुभावव दऺस्य। अथ दॊहस छि वनान "विलय दिवस" या Accession Day.
म्यॆ छु नॖ बासान ज़ि अथ दॊहस मुतलक आसि सानि समाजिक्यन सारिनीय बायन स्यठाह ज़ऻन्यकऻरी। रातकिस अथ प्रोग्रामस मंज़ ॴस्य अख ज़ॖ तिम ति यिमन ख़ास तजरुबॖ रूदमुत छु अमि दुहुक। बोज़नावन वऻल्य ॴस्य स्यठाह ग्यऻनी मगर बोज़न वाल्यन हॖन्ज् ॴस हना कमी। मज़मून ओस जान। यि द्वह पज़ि असि प्रथ वऺरयि मनावुन ताकि सान्यन दिलन मंज़ रोज़ि कऺशीरि हॖन्ज़ माय बरक़रार।
**************************
कऻशुर ह्यॆछव कऻशुर परव
कऻशिर्य पऻठ्य पानवुन्य कथबाथ करव
**************************
नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

26.10.2018

26.10.2018 कार्तिक (कतक)गटॖ पछॖ (कृष्ण पक्ष) द्वय (द्विती) शॊकुरवार (शुक्रवार/जुम्मा),श्री सप्तर्षि सम्वत 5094,राश वृष (दुहचि 2.53 बजि प्यठॖ),ऋतु हरुद (शरद)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
**************************
1. मु: बॊड हय बडि तॖ जऻगीर
         कडि, ऒप बडि तॖ टॊप
         कडि
   अ: बॊड छु शराफ़त तॖ नर्मी
        सॗत्य जऻगीर ज़ेनान तॖ बेकॖल
        छु लडायगॊर आसान
2. मु: बॊड गव सुय यस बऺड ब्वद
         आसि
   अ: इन्सान छु अक्लि सॗत्य बॊड
        यिवान मानॖनॖ
3. मु: बॊड कमी कॊरुख। मोतव
    अ: यॆलि बुज़र्ग छि मरान ल्वक
      टिस प्यठ छि ज़िम्वऻरी प्यवान
4. मु: बॊड हय आसि ऒडुय
         तोति छु बॊडुय
   अ: ज़्युठ ॴस्यतन कमज़ोर ति
        तोति छु तस क़दॖर
5. मु: ब्वनकुन वुछिथ च़्वन नज़र
   अ: बडॖ चालाख तॖ हुश्यार नज़र
**************************
1. नम....Nails/To bow
2. न्यॊम.... Lemon
3. न्युन..... To take
4. न्यून.....Has taken
5. नून......Salt
6. न्युक... Thin/Small/
                Weak/Feeble
7. न्युक देलॖ....Small penny
8. न्युक न्युक करुन...To make
            small pieces/To
            hack to pieces
9. नेशुन......To appreciate/
            Praise/To admire/
            To command
10. नेज़ॖ....Spear/A spike/A
                 javelin
**************************
        गीता ज्ञान : अध्याय-7  :
कॆंह स्वख पऺछ़्य कॆंह द्वख हरनॖ बापथ
ज्ञऻनी तॖ कॆंह म्यॆ पूरॖ ज़ाननॖ बापथ
छि भक्तय म्यॆ च़ोरि प्रकऻर्य बजान
वॊन भगवानन गीता ज्ञान
**************************
अज़ अठोवुह कुनत्रॖह वऺरी ब्रौंठ यानि कुनवुहशथ तॖ नमतॖ ब्रौंठ ॳस्य कऺशिर्य-बटॖ ॴस कऺशीरि मंज़ ब्यॊन-ब्यॊन जायन बऺसिथ। सु गव ज़ि सिरीनगर (श्रीनगर), वरॖमुल (बारामुला) तॖ अनन्तनाग।
सिरीनगर ओस यिवान माननॖ शहर तॖ वरमुल तॖ अनन्तनाग अलाकॖ ॴस्य यिवान मानॖनॖ गाम। गाम अमि लिहाज़ॖ किन्य कि अपऻर्यम्यन अलाकन मंज़ रोज़न वाल्यन लूकन ओस खुल-डुलॖ ज़मीन जायदाद। ॴबी ज़मीन तॖ बाग़ात। म्यवॖ बाग़ बऺड्य-बऺड्य। बऺल्कि शहरस यानि सिरीनगरस (श्रीनगरस) मंज़ रोज़न वाल्यन कॆंहन लूकन ति ओस दूर-दूर गामन मंज़ ज़मीन तॖ जायदाद आसान ह्यथ तॖ त्युहुन्द ख्यन-ख्वरदनी ॴस वातान यिमवॖय गामव प्यठॖ। गामन मंज़ बसनुक अंदाज़ॖ ओस आसान अलगॖय। शाह-हानॖ। सोरुय ओस मेलान वफूर पऻठ्य। शहरुक ह्यु तनाव ओस नॖ आसान। हालांकि गामॖच शहरॖच फ़रॖख ॴसॖन ह्यॆच़मॖच़ स्यठाह कम गछ़ॖन्य मगर ज़मीन-जायदादॖ रंगय ओस गामस मंज़ रोज़नवोल बटॖ शहरकिस बटस निशि कतिकोर ब्रौंठ। नऺविथ तॖ फोलिथ। मगर नमतॖ पतॖ बदल्यव सोरुय आलम कऻशरिस बटस। तमिस खॊत तति प्यठॖ च़लुन अटस गाह सु सिरीनगरुक ओस या वरॖमुलि तरफुक ओस या अनन्तनागॖ तरफुक ओस। तमिस मॊठ सु तत्युक ॴश-ओ-आराम।
तमिस मॊठ तत्युक सु आसुन तॖ बसुन। तमिस य्यूल यॆति नॊवुय सम्सार, नॊवुय व्यच़ार तॖ ब्यॆयि छु वुन्युख ताम बे-क़रार। कथ छि जऻरी
**************************
कऻशुर ह्यॆछव कऻशुर परव
कऻशिर्य पऻठ्य पानवुन्य कथबाथ करव
**************************
नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

25.10.2018

25.10.2018, कार्तिक (कतक) गटॖ पछॖ (कृष्ण पक्ष) ऒक्दॊह (प्रति/प्रथमा), ब्रसवार (वीरवार/
ब्रहस्पतवार), श्री सप्तर्षि सम्वत 5094, राश मेष (चलान), ऋतु हरुद (शरद)(चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
**************************
1. मु: बॊछ नॖ वाज़ॖवान नॊन नॖ
         बज़ाज़िवान
   अ: फ़ाकॖफ़ॊर छु ख्यनस-
       च्यनस तॖ नंगॖ-नॊन छु कपरस
       थपॖ दिवान
2. मु:बूज़िथ ज़ॊर तॖ डीशिथ ऒन
    अ: ज़ऻनिथ-मऻनिथ अनज़ान
          बनुन
3. मु: बॊछिस हून्य-माज़ हलाल
    अ: ब्वछि विज़ि छु प्रथ कांह
         चीज़ रुत बासान
4. मु: बनुन तॖ गुदरुन छु ह्यॆछना-
         वान
    अ: मुसीबतव सॗत्य छु इन्सान
         तजरुबॖकार बनान
5. मु: बंदॖ छु बशर
   अ: इन्सान सॖन्दि दऺस्य छि गल्ती
        ज़रूर गछ़ान
**************************
1. वद......Weep
2. वदॖव... Blessings/Cong-,
               ratulations
3. वदवुन..One who weeps/
               Sad countenance
4. वदुन...To weep
5. वदनावुन...To make some
               one cry/To cause
               to weep
6. वुचापॖ.. Strange/Odd
7. वऺहशथ....Terror/Rude-
               ness/Incivility
8. वहशी....Wild/Rude/Un
               civilized/Brute/
               Untamed
9. वछ....Chest/Breast
10. वछॖ दॊग...A blow on
          bosom/Breaking of
          heart with sorrow
**************************
     गीता ज्ञान  : अध्याय-7  :
अज्ञऻनी मायायि मंज़ गिर्फितार
असुर स्वबाव वऻल्य नीच बदकार
यिम क्वकर्मी छिनॖ म्यॆ बजान
वॊन भगवानन गीता ज्ञान
**************************
कै पी एल यानि कशमीरी पंडित लीग (क्रिक्यट) मैच छु व्वंय प्रथ वऺर्यि यिवान गिन्दनॖ यथ मंज़ बाह च़्वदह टीम छि  शिरकत करान। यि मैच छि गुडगांव वऻल्य यानि कश्यप कशमीर सबा वऻल्य गिन्दॖनावान। त्र्यन दॊहन छु यि मैच रोज़ान। युहुस ति आव यि गिन्दनॖ कुनवुह प्यठॖ अकवुह ऒक्टूबर 2018-हस ताम। ज़नानन हॖन्द्य, बुज़र्गन हॖन्द्य बचन हॖन्द्य तॖ नवजवानन हॖन्द्य टीम ॴस्य गिन्दान। यिमन गिन्दन-वाल्यन हुन्द ख्यन-च्यन, रातस श्वंगनुक इन्तिज़ाम, यिहॖन्ज़ वर्दी वगैरा वगैरा ज़िम्वऻरी छु ह्यवान कश्यप कशमीर सबा गुडगांव वऻल्य। चन्दीगड वऻल्य (हरम्वख) ति छि कुनि-कुनि वऺर्यि यि कऻम मटि ह्यवान। यिमन दॊहन छि आसान स्यठाह वॊसॖ-द्रॊसॖ। ॴखरी दॊह छि यिवान यनामॖ बऻगरावनॖ। अमि पतॖ छि सऻरी पनॖन्यन पनॖन्यन गरन गछ़ान। अथ गिन्दनॖकिस दौरानस मंज़ छु यिवान अख सांस्कृतिक यानि कल्चॖरल प्रोग्राम ति करनॖ यथ मंज़ कॆंह नऺव्य,प्रऻन्य कलाकार ब्यॊन-ब्यॊन जायव प्यठॖ यिथ छि पनॖन्य कला हावान।  वनुन छुम ज़ि कशीरि प्यठॖ नीरिथ लऺग्य ॳस्य यिमव काम्यव दऺस्य मिलच़ार करान तॖ पनॖनि समाजिक च़ीन्य मज़बूत बनावनॖच अख कूशिश करान।
**************************
कऻशुर ह्यॆछव कऻशुर परव
कऻशिर्य पऻठ्य पानवुन्य कथबाथ करव
**************************
नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

24.10.2018

24.10.2018, ॴशिद (आश्विन/असूज) ज़ूनॖ पछॖ (शुक्लॖ पक्ष) पुनिम (पूर्निमा), ब्वदवार (बुधवार) श्री सप्तर्षि सम्वत 5094, राश मेष (दुहचि 9.22 बजि प्यठॖ) ऋतु हरुद (शरद)(चलान), द्रठॖपऻन्च़ुक (पंचक) ति म्वकॖलि अज़ दुहचि 9.22 बजि प्यठॖ
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
**************************
1. मु: बस्ति मंज़ काजवठ
    अ: तक्लीफ़ तमि अन्दाज़ॖ द्युन
         युथ नॖ ब्यॆयन फिकिरी तरि
2. मु: बस्तॖ छ़ॖनिथ क्याह छु
         खखरायि ख़ोच़ुन
    अ: बेशर्म बऺनिथ क्याह छु पतॖ
         कऻन्सि ख़ोच़ुन
3. मु: बलाय मरगस तिलवारि
       च़ायि वरगस बंगि मंज़ नच़न
    अ: यॆलि बऺड्य छि मरान ल्वक
          ट्यन छु बोर खसान/
          फ़ज़ूल कऻम करॖन्य/राव-
          रावुन
4. मु: बंदय बंदस मंगि, आग़ॖ
         बेदार नोकर श्वंगि
    अ: भगवानस मंगनॖ बजाय
          बंदस मंगुन छि शर्मिहॖन्ज़
          कथ
5. मु: बंदॖ नय ग्वनाह करि ख्वदा
         क्याह बख्शियस
   अ: ख्वदा छु ग्वनहऻन माफ़
        करान
**************************
1. वुफ़.... Flying/Fast move
               ment
2. वपुन...To burn slowly/
               To burn from
                within/To burn
                from inside
3. वबाल.... Burden/Non-
                sense/Vexation
4. वबा.... Epidemic/Plague
5. वावेला...Lamentation
6. वाफिर/ ...Ample/Plenti-
     वऺफूर.      ful/Adequate/
                  Sufficient
7. वासकठ.... Waistcoat/
                     Jacket
8. वाह वाह.... Expression of
                  happiness/
                  Appreciation
9. वऻन्लिजि खोंट...Dearone/
            Intimate/A part of
            liver
10. वऻन्लिज....Liver/Heart/
                       Mind
**************************
       गीता ज्ञान : अध्याय-7
त्रग्वन मायायि मंज़ गिर्फितार
यिम म्यॆ स्वरान आसन लगातार
तिम सम्सारॖ सागरस तार लबान
वॊन भगवानन गीता ज्ञान
**************************
कऺशीरि मंज़ वख्तॖ अकि ॴस्य सऻन्य शुर्य मऺहलस मंज़ वारिहान
चीज़न गिन्दान रोज़ान, लऺठ्यकिंज लऺठिस, च़ूरि-च़ूरि रटनस, अन्य-क़तरि, गर्मस, क्रिक्यटस। योत ताम म्यॆ ज़्वन छु सऻन्य शुर्य ॴस्य नॖ हाकी या फुटबाल गिन्दान। सानि कोरि आसॖ खो-खो या ॳन्य-क़तरि गिन्दान आसान। यनॖ कशीरि प्यठॖ ॳस्य च़लिथ आयि, लऺग्य ब्योन ब्योन जाय, सान्यन शुर्यन गव गिन्दुन मशिथॖय या रूज़ॖख नॖ गिन्दनॖ बापथ सॊ जाय। कश्यप कशमीर सबा, गुडगांव-हस मंज़ समाजिच सीवा करन वाल्यव सदस्यव तुल अख क़दम तॖ सॊम्बरऻविख कॆंह लऺडकॖ होरॖक्य योरॖक्य तॖ बनोव यिमव अख क्रिक्यट टीम तॖ ह्यॊतुख गिंदुन। यिमन वुछिथ ह्यॆतिन बनॖन ब्यॆयन ब्यॆयन जायन ति ल्वकॖट्य ल्वकॖट्य टीम यिम पानॖवुन्य गिन्दान रूद्य। गिन्दान गिन्दान द्युत यिमव अख मुद्दा तॖ मक्सद ति  तॖ ह्यॆच़ॖख समाजिच अख बऺड ज़िम्वऻरी ति पानस प्यठ। पनॖनि चंदॖ पौंसॖ कऺडिथ ॳकिस संस्थायि यथ नाव छु के एम ई सी टी अमिच सम्पति बऺडरावॖन्य। अति युस पौंसॖ जमाह गछ़ान छु सु छु लगान सान्यन ब्यमारन हॖन्ज़ि तीमारदऻरी प्यठ। अम्युक तपसरॖ करव अलग कुनिसातॖ। बहरहाल वुछव ॳस्य यि के पी एल-7 क्याह छु। कथ छि जऻरी
**************************
कऻशुर ह्यॆछव कऻशुर परव
कऻशिर्य पऻठ्य पानवुन्य कथबाथ करव
**************************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

23.10.2018

23.10.2018,ॴशिद (आश्विन/ असूज),ज़ूनॖ पछॖ (शुक्लॖ पक्ष),च़्वदह (चतुर्दशी), च़न्दॖरवार (सोमवार),श्री सप्तर्षि सम्वत 5094,राश मीन (चलान), ऋतु हरुद (शरद)(चलान)... द्रठॖपऻन्च़ुक(पंचक) (चलान)
*****************"********
नमस्कार माहरा त्वहि सारिनी म्योन। त्वहि सारिनी ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
**************************
1. मु: बऺडिस बऺड ब्वद
    अ:अक्लि कनि ति बॊड आसुन
2. मु: बऺडिथ तुलुन किसि नम
    अ: बऺडिथ कऻन्सि हावॖन्य
         लायक़ कऻम करॖन्य
3. मु: बऺडिस बॊडुय बोग
    अ: बऺडिस इन्सानस छु हिसॖ ति
         बॊड
4. मु:बडि गरि अगर तील ति
         मेलि हलम गछ़्यस दारुन
    अ: बऺडिस मॊहनिविस निश यि
         कॆंछ़ा लारि रटुन गछ़ि
5. मु: बस्ति मंज़ सिर
   अ: इन्सानस अंदर छि राज़
        आसान/इन्सान छु राज़व
        बऺरिथ
**************************
1. वाक़ा....To be situated
2. वाकॖ....Incident/Happen
               ing/Occurrence
3. वाख.....Sayings
4. वाकॖय.. Certainly/Really
                 Actually
5. वाख पालुन....To honour a
                         promise
6. वाल.....Hair/To bring
                down
7. वान........Shop
8. वाद......... Argue
9. वान बिहुन..To run a shop
10. वानॖवोल...Shop-keeper
**************************
      गीता ज्ञान  : अध्याय-7
सतोग्वन रजोग्वन तॖ तमोग्वन
यिहॖन्दि बाव म्यॆ निश पऻदॖ सपदान
यिम म्यॆ मंज़ तॖ यिमन मंज़ म्यॆ ज़ान
वॊन भगवानन गीता ज्ञान
**************************
कशमीरी पंडित लीग-7 (के पी एल-7)क्रिक्यट मैच आव त्र्यन दॊहन यानि कुनवुह, वुह तॖ अक्वुह ओक्टूबर 2018  गिन्दनॖ गुडगांवस यानि ग्वरु ग्रामस मंज़ तॖ अमि म्वखॖ ह्यॊकुस नॖ बॖ त्वहि ताम मोबायलॖ दऺस्य सबक़ वातनऻविथ। सुबॖहस श्यॆयि बजि प्यठॖ शामन श्यन बजन ताम ओसुस बॖ आसान तती। कश्यप कशमीर सबा तरफॖ छु यि कार्यक्रम चलान प्रथ वऺर्यि यथ मंज़ सानि समाजिक ल्वकॖट्य बऺड्य मर्द ज़नानॖ क्रिक्यट गिन्दनॖ बहानॖ अख ॳकिस सॗत्य मिलच़ार करनॖच कुशिश आमॖत्य छि करान। अथ मंज़ शमूलियथ करनॖ बापथ छि यिवान लूख ब्यॊन ब्यॊन जायव प्यठॖ यानि श्रीनगरॖ (कऺशीरि), ज्यॆमि, चन्दीगडॖ, गाज़ियाबादॖ, फ़रीदाबादॖ, दिल्लि प्यठॖ, गुडगांवॖ प्यठॖ, पूने, जयपूरॗ प्यठॖ वगैरा वगैरा तॖ गिन्दन वऻल्य ज़्यादॖ आसनॖ म्वखॖ छि बनान ब्यॊन ब्यॊन टीम तॖ यिम छि अख ॳकिस सॗत्य क्रिक्यट गिन्दान, मुकाबलॖ करान तॖ यनामॖ प्रावान।
ल्वकट्यन बचन हुन्द टीम, ज़नानन हुन्द टीम, नवजवानन हुन्द टीम, तॖ बुज़र्गन हुन्द टीम छु बनान तॖ यिथ पऻठ्य छु यि अख बॊड प्रोजकटॖच शक्लि मंज़ बनिथ यिवान। कथ छि जऻरी
**************************
कऻशुर ह्यॆछव कऻशुर परव
कऻशिर्य पऻठ्य पानवुन्य कथबाथ करव
**************************
नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

18.10.2018

18.10.2018, ॴशिद (आश्विन/असूज), ज़ूनॖ पछॖ (शुक्लॖ पक्ष), नवम (नवमी), ब्रसवार (ब्रहस्पतवार/वीरवार),श्री सप्तर्षि सम्वत 5094, राश मकर (चलान), ऋतु हरुद (शरद)(चलान)...अज़ छि महा नवमी/विजय दशमी
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
**************************
1. मु: बऺडिस छि बऺडॖय नज़र
    अ: बऺडिस इन्सानस निश छि
         बऺड्य फ़ऻयदॖ नेरान
2. मु: बड्यन गुर्यॆन खऺसिथ
         आसुन
   अ: थऺद्य दावा करॖन्य
3. मु: ब्रोर मऻरिथ थावुन
    अ: हऻबथ थावुन/रोब-दाब
         कऻयिम करुन
4. मु: बरॖ गोमुत पोश
    अ: कमज़ोर शख्स/यॆमिस नॖ
         गुज़ारॖ आसि
5. मु: बऺडिस ख्वरस तल मरुन
         जान ल्वकटिस नॖ शान्दस
         प्यठ
   अ: बऺडिस ज़ारॖ-पारॖ करुन छु
        जान मगर ल्वकटिस नॖ
**************************
1. वारॖ वारॖ....Slowly/Gradua
                    lly
2. वारय.......All right/Right/
                   Correct/Exact
3. वारॖपऻठ्य....Rightly/
                      Correctly
4. वारॖकारॖ.. . ..In a proper
                    shape/In quite
              correct condition
5. वाव...........Air/Misery
6. वावॖलद...Poor/Miserable
                  Ruined/Burgled
7. वाव प्यॊन....To be miser-
              able/To be ruined
              To be burgled
8. वटॖ.....A measure
9. वऺटिल....Gain
10. वऺटिन....Gross income
**************************
       गीता ज्ञान : अध्याय- 7
हे अर्ज़न बेगर्ज़ तॖ कामनाय रॊस
ताक़त वरन हुन्द ताक़त बॖ छुस
बूतन मंज़ म्यॆ दर्मॖ रंग्य काम ज़ान
वॊन भगवानन गीता ज्ञान
**************************
अंग्रेज़ द्रायि यॆति प्यठॖ कर ताम यानि अज़ करीबन अकसतथ वऺरी ब्रौंठ मगर पथ कुन त्रऻव्य तिमव तिम तिम चीज़ यिम नॖ असि वुनि ति थफ तुलान छि। ख्यनॖ-च्यनॖ रंग्य, पलवव-दलवव रंग्य, कथि-बाति रंग्य, व्वथनॖ-बॆहनॖ रंग्य वगैरा वगैरा। असि ति कऺर नॖ कमी कॆंह तिमन चीज़न नक़ल करनस। कहावत छि ज़ि ब्यॆयि सुन्द चीज़ (नाव आसिवि त्वहि पतहॗय) छु पनॖनि चीज़ॖ ख्वतॖ जान बासान मगर तऻजिब छु यि कि अमि कहावतुक असर छु असीय प्यठ अंग्रेज़न प्यठ छु नॖ ज़न बासान कॆंह। अंग्रेज़ छि नॖ कऻशुर वनान, अंग्रेज़ छु नॖ पथर बिहिथ चौकि प्यठ बतॖ ख्यवान, अंग्रेज़ छु नॖ कऻशुर वरदन लगावान। ब्यॆयि ति वारियाह कॆंह चीज़ यिम नॖ तिम करान छि। ख़बर ॳस्य क्याज़ि गऺयि तिहन्द्यन चीज़न खाम तमाह।
******†*******†***********
कऻशुर ह्यॆछव कऻशुर परव
कऻशिर्य पऻठ्य पानवुन्य कथबाथ
करव
**************************
(, बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

17.10.2018

17.10.2018, ॴशिद (आश्विन/असूज), ज़ूनॖ पछॖ(शुक्लॖ पक्ष) ॴठम (अष्टमी), ब्वदवार (बुधवार), श्री सप्तर्षि सम्वत 5094, राश मकर (चलान), ऋतु हरुद (शरद) (चलान)...अज़ छि दुर्गा अष्टमी
**************************
नमस्कार माहरा त्वहि सारिनी म्योन। त्वहि ॴसिन ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द तर्जमॖ अंग्रीज़स मंज़ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
**************************
1. मु: ब्रोर डींशिथ गछ़ि बिश्तॖ
        फोरुन
    अ: गाटॖलिस ब्रौंठॖकनि गछ़न
         कथॖ तगनि करनि
2. मु: ब्रऻर्य ज़ून
    अ: ज़्यादॖ सुलि नॆन्द्रि व्वथुन/
         दॊखॖ लोगुन
3. मु: ब्रऻरिस हऻय पखॖ यिहऻन
         सरन रोज़हऻन नॖ पऺछिन
  अ: अगर ज़ऻल्यमस ज़ोर आसन
        तॆलि रोज़ि नॖ कांह ज़िन्दॖ
4. मु: ब्रऻरिस नॖ बिश्तॖ हूनिस नॖ
         दॖरॖ
   अ: हर यानि लडऻय नॖ मऺल्य
        ह्यन्य
5. मु: ब्रौंठॖ छम्ब तॖ पतॖ लार
    अ: प्रथ तरफ़ॖ मुश्किलय
         मुश्किल
**************************
1. वऻर....An earthen pot/A
             kitchen garden/
             Enmity/Hostility/
            Malice/Hatred
2. वऻराग... Indifference/
           Apathy/Renuncia-
           tion of the world/
           Leading the life of
           a recluse
3. वऻराग तुलुन...To renun-
                         ciate
4. वऻरान.... Deserted/De-
          populated/Desolate
          Ruined
5. वऻरान करुन....To ruin/To
          depopulate/To spoil
6.  वऻरऻनी.... Desolation/
          Ruin/Wretchedness
          Misery
7. वऻरिस......Inheritant/Heir
                   Successor
8. वऻरिव.. Husband's home
9. वऻर्यदाथ... Accident/
                Tragedy/Misad-
                 venture
10. वऻर्यशुन...Of one year/
                One year old
**************************
     गीता ग्यान: अध्याय-7
ज़ीव ज़ऻच़न हुन्द बीज़ बॖय छुस
तीज़ वानन हुन्द तीज़ बॖय छुस
गाटॖल्यन हुन्द गाटॖजार म्यॆ ज़ान
वॊन भगवानन गीता ग्यान
**************************
नॊव चीज़ वरतावुन गछ़ि तगुन। चाहे सु कॆंह ति ॴस्यतन। अंग्रेज़व त्रऻव्य वारियाह चीज़ पथकुन च़लान च़लान यिम ॳस्य अज़कल वरतावान छि। यिमव मंज़ॖ छु अख चीज़ सु गव डाइनिंग-टेबॖल। ॳम्य डाइनिंग टेब्लन ॳन्य ॳस्य सख़ पसरॖ। ग्वडॖ छु रटान जाय वारियाह। व्वंय यॆलि अथ टेबॖलस प्यठ बतॖ ख्यवान छि ॳस्य कऻशिर्य तॖ हून्यमयॆट त्रावनस छि खोच़ान ज़ि त्रावव हय तॖ कतिनस। त्रावव टेब्लस प्यठ तॖ दपान छि यिम गयि नॖ टेबॖल-मैनऻर्स। यानि बैड मैनऻर्स माने बुरॖ आदत। अमि खौफ़ छु नॖ कांह व्वंय ख्यनॖ ब्रौंठ हून्यम्यॆट त्रावानॖय। ज़मीनस प्यठ यानि पऺथरिस प्यठ बिहित ख्यनस छु यिवान अलगॖय स्वाद। कुनि कुनि गरस मंज़ छि वुनिति पऺथरिस प्यठॖय ख्यवान-च्यवान मगर हून्यम्यॆट त्रावनुक रिवाज छु म्यॆ बासान ह्यॊतुन तिथय पऻठ्य ख़तम गछ़ुन यिथ पऻठ्य सऻन्य माजि-ज़्यव ह्यच़ॖन्य असि निशि दूरॖन्य। कथ छि जऻरी
**************************
कऻशुर ह्यॆछव कऻशुर परव
कऻशिर्य पऻठ्य पानवुन्य
कथबाथ करव
**************************
  नऺविव तॖ फॊलिव
    भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

16.10.2018

16.10.2018, ॴशिद (आश्विन/असूज), ज़ून पछॖ (शुक्ल पक्ष) सतम (सप्तमी), बॊम्वार (मंगलवार), श्री सप्तार्षि सम्वत 5094,  राश मकर (रऻच़हॖन्ज़ॖ 1.7 बजि प्यठॖ) ऋतु हरुद (शरद)(चलान)
*************************
नमस्कार माहरा त्वहि सारिनीय म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1.मु: ब्रऻर्य सॖन्दि ग्यव ख्यनॖ सॗत्य
        छु नॖ त्युथ बुरॖ लगान युथ
        तऺम्यसॖन्ज़ि लऺट गिलवनॖ
        सॗत्य
  अ: ख्यथ-च्यथ नाशुक्रानॖ छु
       तक्लीफ वातॖनावान
2. मु: ब्रऻर्य नी माज़ॖ-दऺज्य च़्यॆ तॖ
         म्यॆ हर च़ऺज्य
    अ: न्याययिच बुनियाद ख़तम
         गछ़ॖन्य
3. मु: ब्रगो तोंथ छय हऺज्य न तॖ
         कुस तान छुम स्यॊद
    अ: यॆलि कुनि रंगॖ ति स्यज़र
          आसि नॖ
4. मु: बरॖ तलॖ हून्य
    अ: यस नॖ गरस मंज़ कांह ति
          क़दॖर आसि
5. मु: बुडुन तॖ ब्रैठुन
    अ: बुडनॖ सॗत्य छु कऻन्सि
         अकॖल कम गछ़ान
*************************
1. वथ...Path/Road/
            Method/Manner
2. वति प्यठ...On the road
3. वति प्यठ त्रावुन...To throw
            someone on the
            road/To leave on
            the road
4. वति अनुन...To mend/
            Bring someone
            round/To reform
5. वति प्यठ थवुन....To keep
            on the road/To
            expose to others
6. वति डलुन....To be on a
            wrong path/To be
            missled
6. वति लगुन.....To be on a
            right path
7. वति पॊद....Foot-path/A
           small path
8. वति वुछुन..To look ahead
           To expect/To look
           forward to a meet-
           ing with
9. वति खर्च.... Travelling
           expenses/Travell-
           ing allowance
10. वति हावुक...Someone
          who leads/Guide/
           Leader
*************************
     गीता ज्ञान : अध्याय-7 :
ज़मीनि मंज़ स्वगंद, नारस मंज़ गाश
तपस्यियन मंज़ तपुक प्रागाश
सारिनीय ज़ीवन मंज़ म्यॆ ज़ान
वॊन भगॖवानन गीता ज्ञान
*************************
ज़यनॖ प्यठॖ मरनातस ताम छु यि इन्सान कऻत्यहान सॗत्य मेलान रोज़ान। ॳड्य छि यार-दोस्त बनान, ॳड्य छि ॴश्यनाव बऺनिथ गछ़ान, ॳड्य छि हम-ख़याल बनान, ॳड्य छि मंज़ वति छ़्यनॖ गछ़ान, ॳड्य छि दूर ताम साथ दिवान, कॆंह छि दुशमन बनान तॖ कॆंह छि वतॖहावॖक्य बनान। कॆंह छि वथ रावरावान ।
कऻत्याह रूप छि ॳमिस इन्सानस बदलान रोज़ान। पनुन पान इस्तादॖ थवनॖ म्वखॖ। वति पकान पकान कोताह अपुज़ वनान, कोताह पॊज़ वनान। अंतॖत: कथ रूपस मंज़ छु सु यॆमि संसार निश नीरिथ ब्यॆयिस संसारस मंज़ वातान यि वुछिथ छु कुनि कुनि सातन मन त्रहरान ह्यु ज़ि यि हिसाब क्युथ।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

15.10.2018

15.10.2018, ॴशिद (आश्विन/असूज), ज़ूनॖ पछॖ (शुक्ल पक्ष) शॆयम (षष्ठी),च़न्द्रवार (सोमवार),श्री सप्तार्षि सम्वत 5094, राश धनु(चलान), ऋतु हरुद (शरद)(चलान)
*************************
नमस्कार माहरा त्वहि सारिनीय म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: बद जान बदनाम नॖ
    अ: बदनऻमी छि बद आसनॖ
         ख्वतॖ ज़्यादॖ ख़राब
2. मु: बदस सीर बावुन छु बॆबि
         स्वरुफ रछुन
   अ: बद इन्सानस पनुन राज़
        वनुन गव पानस गुदरिथ
        अनुन
3. मु:बद ॴस्यतन या रद ॴस्य-
         तन, इन्सान कति बनि
    अ: इन्सान छु स्यठाह म्वलुल
         आसान
4. मु: बख्तस बॊड छुय खऺदमत-
         गार
    अ: बऺडिस मॊहनिविस छु
          ताल्यॆह आसान
5. मु: बऺडॖ इश्कॖ गव मॊहरि मुशकॖ
    अ: बऺडॖ सुन्द इश्कॖ छु स्यठाह
         म्वलुल आसान
*************************
1. वठ.......Close/Stone
2. वटुक.....All the utensils
          (put together) used
          for worship on Shiv-
          ratri
3. वपुन....To burn slowly/
         To burn from within
4. वाश...Rest/Recreation/
              Repose/Stop/
              Relaxation
5. वाज़.... Sermon
6. वाज़ परुन....To provide
             advice/To preach
          To deliver a sermon
7. वांगुन.... Brinjal
8. वावॖज.....Hand-fan
9. वान्दुर....Black faced
           monkey with long
           tail
10. वांगॖज.... Tenant
*************************
     गीता ज्ञान  :अध्याय-7  :
सिर्यि च़न्द्रमस मंज़ प्रगाश म्योनॖय
आकाशस मंज़ आवाज़ छुस बॖय
वीद मंत्र ओमकार म्यॆय ज़ान
वॊन भगॖवानन गीता ज्ञान
*************************
अहम् छु इन्सानस हनि हनि मारान। क्रूद ति इन्सानस कऻन्सि हुन्द नॖ थावान। हसऺद छु इन्सानस वथ रावरावान। यि ज़ऻनिथ ति इन्सान यिमन चीज़न लोर रोज़ान तॖ पनुन व्यकार रावरावान। मगर युस प्वरुष यिमन चीज़न निशि दूर रोज़ान सु गछ़ि ज़ानुन छु भगवानसुन्द अख रूप। युस प्वरुष काम वासनायि निशि ब्यॊन रोज़ि सु गछ़ि ज़ानुन छु यूगी। लालच यानि मॊह थऻवुन ति छु इन्सानस विज़ि विज़ि शऺगनावान
तॖ कऻन्सि बुथ हावुन लायक नॖ रोज़ान। युस यिमन चीज़न मंज़ वलनॖ छु यिवान तऺमिस छु ज़िन्दगी हन्दिस सफ़रस मंज़ हमेशि तनाव रोज़ान, मन अशांत रोज़ान, पान परेशान रोज़ान। इस्लिये छु स्यठाह जान ज़ि इन्सानस पज़ि काम, क्रूद, लूब तॖ मॊह तॖ अहंकार निशि पनुन पान ब्यॊन थवुन तॖ स्वखॖ सान पनॖन्य ज़िन्दगी हॖन्ज़ नाव पकनावॖन्य।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

12.10.2018

12.10.2018, ॴशिद  (आश्विन/असूज), ज़ूनॖ पछॖ (शुक्ल पक्ष), च़ोरम (चुतुर्थी), शॊकुरवार (शुक्रवार/जुम्मा), श्री सप्तार्षि सम्वत 5094, राश वृश्चिक (चलान), ऋतु हरुद (शरद)(चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
      ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: बद बदी ख्वद गिरिफ़तऻरी
    अ: युस ब्यॆयिस बुरॖ यॆछ़ि
         तऺमिस पानस बुरॖ गछ़ान
2. मु: बजि कोरि हॖन्ज़ छ़्वपय
         छि आंकार
   अ: बालेग कोरि हॖन्ज़ खामोशी
         गऺयि तस्सॖन्ज़ रज़ामंदी
3. मु: बुजि लॊब कुजि तल च़ूंठ
         पतॖ गऺयस पऺज्य ह्यथ
   अ: अकि लटि कऻन्सि कॆंह दिथ
         तस हऻल गछ़ॖन्य
4. मु: बजि कनि तलॖय छि
         ल्वकॖट कऺन्य व्यपान
    अ: बऺड्य इन्सान छि ग़रीबस
         ह्यकान मदद कऺरिथ
5. मु: बजि कोरि हुन्द रून
    अ: हंगॖ तॖ मंगॖ कॆंह चीज़ मेलुन
*************************
1. वरनॖ...... Otherwise
2. वरज़िश... Physical exer-
             cise/Athletics/
             Gymnastics
3. वरज़िशगाह... Playing
             field/Gymnasium
4. वरग़ॖलावुन...To coax/To
             cajole/To provoke
             To incite against
5. वज़ारत......Ministry
6. विदा.... Farewell/Depar-
             ture/Adieu
7. वुदॖ......Fragrant/Aloe
8. वुदयोग.... Experience/
               Wisdom/Hurry
9. विदुर.....Widower/Oppo-
               nent/Furious/
               Rough/Violent
10. वऺडरुन....To bury
*************************
       गीता ज्ञान  :  अध्याय-7 :
म्यॆ रॊस दॊयिम छु नॖ कांह कारन
यिथॖ पऻठ्य म्वख्तॖ मालि तऻरिथ पन
तिथय पऻठ्य यि ज़गत म्यॆ मंज़ ज़ान
वॊन भगॖवानन गीता ज्ञान
*************************
पंडित चमन लाल राज़दान यिम दिलशाद गार्डॖन, दिल्लि मंज़ पनॖन्यन शुर्यन निश रोज़ान ॴस्य सपॖद्य स्वर्गवास नवरात्रॖकि ग्वडनिकि द्वह। राज़दान सऻब ॴस्य मंज़ॖ कॆंच़स कालस वैशाली ति रोज़ान। कशीरि मंज़ ओस राज़दान सऻब युनिवर्सिटी मंज़ जान पदस प्यठ मुलऻज़्यमत करान। वैशाली मंज़ ओस आसान राज़दान सऻब गोपी नाथ जी निस आश्रमस मंज़ भख्ति भावॖ सान सीवा करान। यिमव छि गोपी नाथ जियस प्यठ कॆंह शार ति लीख्यमॖत्य। म्यॆ गऺयि ज़ान पहचान राज़दान सऻबस सॗत्य तऺत्य आश्रमस मंज़ॖय। म्यॆ बास्यव यि बख्त बडॖ शांत स्वबावुक, असवुन, मॊदुर बोलवुन तॖ रलवुन मेलवुन। दपान दिलशाद गार्डनॖ मंदरस मंज़ ति ओस यि सॊय यछ़ तॖ पछ़ थऻविथ पनुन समय कडान। स्यठाह नेक इन्सान ओस। वैकुण्ठस मंज़ ॴस्यनस जाय। राथ सपुद तमिस दाह संस्कार सीमापुरी शुमशानबलॖ।
रॖत्य कर्म ॴसिन कऺर्यमॖत्य तॖ नवरात्रक्यन दॊहन मंज़ वोतुस अंत समय। बड्यन दॊहन प्यठ मरुन दपान स्यठाह जान आसान। सऻरीय छि भगवानस मंगान रोज़ान स्यॆदि-बुथि अंत युन। कमिस क्याह छु मेलान यि ज़ानि सुय यॆमिसॖन्दिस इशारस प्यठ छि ॳस्य पल-पल कडान।
रॖत्य कर्म करनस छु रुत फल मेलान। रुत सौंच थऻवनस तॖ मॊदुर ज़्यव थऻवनॖ सॗत्य छु इन्सानस ज़िन्दगी हुन्द सफ़र अंसान तॖ गिन्दान नेरान। यी छु पज़र तॖ यी आयि वुन्युखताम वुछान। बाकय गव दपान कर्मन हुन्द फल। कुस क्याह ह्यथ छु आमुत तऺमिस ती बूगिथ छु वापस गछ़ुन।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

11.10.2018

11.10.2018 ॴशिद (आश्विन)ज़ूनॖ पछॖ (शुक्ल पक्ष) त्रय (तृतीय) (ब्रसवार/वीरवार),श्री सप्तार्षि सम्वत 5094, राश वृश्चिक (रऻच़ हॖन्ज़ॖ 4.33 बजि प्यठॖ), ऋतु हरुद (शरद)(चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
       ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: बतॖ लॆलिस छि प्यठॖ कनीय
         वुछान
   अ: इन्सान छु बुथ्य तलय वनान
2. मु: बुजि बुथिस कनॖवाजि
    अ: बॆ-शूबस शूब लागॖन्य/
         बे-मकसद कूशिश
3. मु: बुजि नियोख दरवाज़ॖ स्व
         गऺये मशीदि
   अ: बे- मऻलिख चीज़स छि
        कमज़ोर ताम लारान या
        ज़ागान
4. मु: बुजि तॖ ब्रारि च़ुव हऻरवन-
         क्यन हापतन वऺछ़ थरॖ
    अ: बुजि ज़नानि तॖ ब्रऻर्यसॖन्ज़
         लडऻय छि ज़ीठ तॖ क्रॗठ
         आसान
5. मु: बुजि गऺयि च़िथ तस आव
         हिथ
    अ: पान बचावनॖ खऻतरॖ हीलॖ
         बहानॖ तलाश करॖन्य
*************************
1. वर.....Twist/Husband
2. वऺर.... Beaten rice with
             salt
3. वॖर.... To pass thread
             through needle
4. वुरॖ.... An open kitchen/
             Fire place
5. वुरॖ बल...An open fire
           place for cooking
6. वुरुन.... Bedding
7. वीर.....Brave/Willow
8. वीरि-ज़्युन...Willow wood
9. वीरि-कुल....Willow tree
10. वुरसी..    Wooden
            shutters used in a
            Verandah in lieu of
            windows
*************************
      गीता ज्ञान  :  अध्याय-7  :
हे महाबाहू च़ॖ यिथपऻठ्य ज़ान
यि सोरुय कॆंह छु प्रकृच़ पऻदॖ करान
मगर पऻदॖ तॖ नाश करनवोल म्यॆ ज़ान
वॊन भगॖवानन गीता ज्ञान
*************************
नवरात्रन मंज़ फाकॖ थवॖन्य ति छि पनॖन्य पनॖन्य मर्ज़ी म्यॆ बासान। अख छु फाकॖ नवन दॊहन दरान, अख छु दरान ग्वडन्युक तॖ पऺतिम द्वह। अख छु दरान ग्वडनिक्य त्रॆ द्वह तॖ पऺतिम ज़ॖ द्वह माने यॆमिस यिथपऻठ्य व्यस्तार यी। शास्त्र क्याह छु वनान यिमन फ़ाकन मुतलक, कऺच़ गछ़न दरॖन्य, कुस कुस गछ़ि दरुन, ॳडीय द्वह ह्यकवॖ दऺरिथ किनॖ सऻरीय द्वह छि ज़रूरी। यि छु नॖ वनॖनस कांह अमापॊज़ ॳस्य छि शायद पनुन पनुन शास्त्र पानय पनॖनि सहूलियत हिसाबॖ बनावान आमॖत्य। कॆंह लूख छि नवरात्र ववान तॖ तिम छि शायद पूरॖ नव द्वह फ़ाकॖ थवान। फ़ाकन हुन्द दारोमदार छु पनॖनिस सिहतस प्यठ ति। कांह छु नॖ ह्यकान दऺरिथ या कांह छु ह्यकान। यिथय पऻठ्य छि यिम नवरात्रॖक्य द्वह नेरान। सऻन्य शुर्य छि पृछ़ान असि सवालॖ अथ मुतलक ज़ि यि क्याज़ि या यि क्याज़ि नॖ। मगर अम्युक पूरॖ ज्ञान न आसनॖ म्वखॖ छि तिमन पनॖनि आयि दिवान जवाब ॳस्यिय यि हिरि खसि ति। यिछ़न कथन प्यठ ति अगर वख्तॖ वख्तॖ व्यच़ार यिहे करनॖ कोताह जान रोज़िहे। पतॖ गव फ़ाकस मंज़ क्याह ख्यॊन, किथॖ पऻठ्य तॖ करबऻग्य ख्यॊन। अथ प्यठ ति छु व्यच़ार करुन बासान ज़रूरी। गारि-ओट तॖ कटु-ओट। ॳस्य यॊत ताम म्यॆ ज़्वन छु छिनॖ कटु ओट ख्यवान मगर यॆतिक लूख छि सुय ओट ख्यवान। यिमन द्वन मंज़ फर्ख छि ज़ऻहिर मगर गऻर ति वऻच़ व्वंय ज़ं हथ रॊपियि अख किलो तॖ ख्यनॖवोल क्याह ख्येयि तॖ कोताह ख्यॆयि। इन्सान छु असमन्जस मंज़। खऻर नाव छि पकनावॖन्य यिथॖ तिथॖ स्व छि पकान तॖ ॳस्य ति छिनॖ सूंच सूंच थकान
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
 नऺविव तॖ फोलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

10.10.2018

10.10.2018,ॴशिद (आश्विन/ असूज), ज़ूनॖ पछॖ (शुक्ल पक्ष) ऒक्दॊह (प्रथमा/प्रतिपदा), ब्वदवार (बुधवार), श्री सप्तार्षि सम्वत 5094, राश तुला (चलान) ऋतु हरुद (शरद) (चलान)..चूंकि द्वय छि रावान, द्वय हुन्द वॊहरवोद यी अज़ यानि ऒक्दॊह द्वह..नवरात्र छि शुरु ॳज़्यकि प्यठय
*************************
जे के विचार मंचॖ तरफॖ छुस बॖ त्वहि सारिनीय यछ़ान
     ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: बजि मशीदि च़ल्या कूंज
         नीरिथ
    अ: कॆंह करनॖ सॗत्य नॖ कांह
         फर्ख यिन्य
2. मु: बठ्यन लोरि तॖ बेरन चौब
    अ: कॆंह करनॖ बजाय सिरिफ
         क्रकॖ दिन्य/बेक्लस फ़ज़ूल
         मार द्युन
3. मु: बटॖ छु बुड्यथॖय ततान ति
         जल तॖ तॖरन्यान ति जल
   अ: बटस छि जल जल च़ख ति
        खसान तॖ जल जल वसान
        ति
4. मु: बटस बॊड द्वह तॖ फ़ाकॖ
         मुसलमानस बॊड द्वह तॖ
         श्राकॖ रऻफ़्यज़स बॊड द्वह
         तॖ बाकॖ
   अ: बटॖ छु बडि द्वह फ़ाकॖ दरान
        मुसलमान छु बडि द्वह माज़
        ख्यवान तॖ शीय छि बडि
        द्वह मातम करान
5. मु: बटॖ मूद शेंकि
    अ: बटस छु शक़ रोज़ान/
         बटॖ छु शकी
*************************
1. वाज़ॖ......Cook
2. विज़.....Time
3. वुज़...... Corridor
4. वुज़ुन.... To ooze/To say
                 out
5. वुज़नावुन....To wake up/
           To arouse from
           sleep/To bring to
           senses
6. वज़ुन.....To sound
           (musical instrum-
          ment)/To be struck
7. वज़न.....Weight
8. वज़ह..... Show off/For-
           mation/Manner/
        Behaviour/Conduct/
        Fashion
9. वछ़र..... Openness
10. वछ़ॖर....She calf
*************************
     गीता ज्ञान : अध्याय-7  :
दॊयिम यॆमि सॗत्य दुन्या बसावनॖ यिवान
ज़ीव ज़नतु वगऻरॖ पऻदॖ सपदान
अथ च़त्यन प्रकृच़ छि परा वनान
वॊन भगॖवानन गीता ज्ञान
*************************
वावस सॗत्य नाव पकनावॖन्य छि वख्तस प्यवान मगर पनॖन रीति रिवाज ब्यॆयन वुछिथ बदलावॖन्य या ब्यॆयन हॖन्द्य रीति रिवाज अपनावॖन्य छु मोयूब ह्यु बासान।
यिछ़न काम्यन मंज़ ति छि ॳस्य कऻशिर्य बटॖ ब्रौंह ब्रौंह पकान। सु ज़न गव ज़ि कऺशीरि मंज़ ॴस्य अगर त्वहि पूरॖ याद आसिवॖ नवरात्रीक्यन ग्वडनिक्यन च़्वन दॊहन यानि ऒक्दॊह प्यठॖ च़ोरम ताम कऺशिर्य बटॖ स्युन यानि नॆनि ख्यवान तॖ पतॖ नवम द्वह ॴस्य तऺहर तॖ च़रवन पर्बथ च़क्रीश्वर खारान। यि प्रथा ॴस पॊतकालॖ प्यठॖ चलान। मगर यी रीथ कत्यन गऺयि बंद, क्याज़ि गऺयि बंद, दय ज़ानान। ग्वड-ग्वडॖ ॴस्य सऻरी कऻशिर्य बटॖ न्यॆनि ख्यवान हफ्तकिस हफ़तस यानि बॊम्वारि तॖ ब्रसवारि ति। हां मगर ॴठम, काह, पुनिम मावस, ॴस्य नॖ कॆंह बटॖ न्यॆनि ख्यवान। ॴठम
द्वह नॖ बिल्कुलॖय। मगर यि प्रथा ति बदलेयि। कर्वाच़ौथ, बाई-तीज दन-तेरस, होली-दहन वगैरा वगैरा रीच़ॖ आसॖ नॖ कऻशिर्य बटस। यिम कति प्यठॖ आयि, क्याज़ि आयि अथ छु नॖ जवाबा कांह। ॳस्य छि नकाल यानि नकॖल करनस मंज़ ताख। कऻशिर्य ज़बान य्यॊस असि पुशतऻनी ज़बान छि ह्यॆच़ बहानॖ बनऻव्य बनऻव्य मऺशरावॖन्य। रीति रिवाज ब्यॆयन वुछ्य वुछ्य अपनावॖन्य। पनुन वजूद वारॖ वारॖ नाहवॖनावुन। यीच़ तरक्की कऺर वाकॖय कऻशिर्य बटन। मऻज्य शारिका, रऻज्ञन्या, ज्वाला, अम्बा, सरस्वती, लक्ष्मी आसॖ बटस सॗत्य कऺशिरि मंज़ सऺदियव प्यठॖ तॖ ओस कऻशुर बटॖ कऺशीरि मंज़ गामस तॖ शहरस मंज़ नविथ तॖ फॊलिथ। रीच़न रिवाजन मंज़ बदलाव यिनॖ म्वखॖ प्यव कऻशिर्य बटस स्यठाह बुरॖ असर म्यॆ बासान। ग्वडन्युक असर प्योस ज़ि पनॖन बिहिन्य जाय रऻविस। कांह मानि या न मानि छि तऺम्यसॖन्ज़ यछ़ा।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

09.10.2018

09.10.2018, ॴशिद (आश्विन/ असूज), गटॖ पछॖ (कृष्ण पक्ष), मावस (अमावस्या), बॊम्वार (मंगलवार), श्री सप्तार्षि सम्वत 5094, राश तुला (रऻच़ हॖन्ज़ॖ 11.28 बजि प्यठॖ), ऋतु हरुद (शरद) (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
       ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: बजि कनि छि ल्वकॖट कऺन्य
         डखॖ
   अ: बऺडिस इन्सानस ति छु
        ल्वकटिसुन्द हाजथ प्यवान
2. मु: बटॖ गव ग्रटॖ
    अ: बटॖ छु बडॖ मॆहनती आसान
         राथ द्वह छु कऻम करान
3. मु: बटॖ मिसकीन न दुनिया न
         दीन
    अ: ग़रीबस न दीन न दुनिया
4. मु: बटॖ बटॖ गव काव बटॖ
    अ: बटॖ छि द्वखॖ विज़ि कुनी
         आसान
5. मु: बुथिस छ़ॖन्यतोस तॊह तॖ
         नार ड्यकस कऺर्यतोस
         नमस्कार
   अ: कॖस्मत छु नॖ शक्लि सॗत्य
        आसान/बद-शक्ल ति छु
        ख्वश-नसीब या ख्वश
        कॖस्मत आसान
*************************
1. वकानॖ....Mishap/Defi-
          ciency/Loss/Enmi-
          ty/Malice
2. वकील....Lawyer
3. वकालथ..... Advocacy/
          Legal practice/
          Proxy
4. वख्तॖ वख्तॖ....At all times/
         Time and again
5. वक़फ़..... Interval/Pause
6. वक़ार.. Prestige/Dignity
7. वख्त वातुन....To reach
          appropriate time/
          To be near death
8. वख्त गुज़ारुन....To pass
           time/To one's days
           in trouble
9. वख्त कडुन..To find time/
           To take time (for
           something) off
           one's duties
10. वफ़ूर.....Plenty/Abun-
                   dance
*************************
       गीता ज्ञान : अध्याय-7 :
पोन्य नार हवा ब्यॆयि ज़मीन आसमान
मन ब्वद अहम् मऻन्य प्रकृती ज़ान
अथ ॴठि कॖस्मॖ प्रकृच़ छि अपरा वनान
वॊन भगॖवानन गीता ज्ञान
*************************
राथ छु कऺम्यताम पंडित सऻबन म्यानि कथि सॗत्य पनॖन सहमती हऻवमॖच़ तॖ अख आडियॊ म्यॆ सूज़मुत यथ मंज़ सु वनान छु ज़ि माहरा व्वंय छि कऻशिर्य बटॖ हवनकिस मूल मंत्रस प्यठॖय वातान ति ज़न गव ज़ि पूर्णॖ आहूती समयस प्यठ अथि-फॊल अथस मंज़ रऺटिथ शांति पाठ परान तॖ अथि-फॊल हुमान तॖ दोरान नवीदस कुन तॖ नेरान लचि टासा कऺरिथ। हक़ीकत छि यि ति ज़ि सऻरी छि नॖ ह्यकान शांति पाठ ति पऺरिथ ति क्याज़ि तिमन छु नॖ परुनुय तगान। तिम छि खड़ा अख ॳक्यसॖन्दिस बुथिस कुन वुछान रोज़ान तॖ अंदर्य अंदॖर्य यि कॆंछ़ा याद छुस आसान शायद ती परान तॖ पकान ब्रौंहकुन। हवनॖच ज़िमॖवऻरी यॆमिस मटि आसान बस तिमय छि अंदस ताम नज़रि यिवान ॴखरस। मतलब म्यानि वनॖनुक छु ज़ि कर ह्यॆछव ॳस्य ज़ि हवनुक महत्व क्याह छु, क्याज़ि छि ॳस्य हवन करान, हवनस मंज़ क्याह छु ब्रह्मा जी परान, कमि ग्रन्थॖ प्यठॖ छु परान। ॳस्य क्याज़ि छि ब्यॊन ब्यॊन जायन हवन करान। कुनुय हवना कुनि ॳक्यसॖय जायि क्याज़ि छि नॖ करान। सारिनी हवनन प्यठ कुल मिलऻविथ छु करोरॖबॊद रॊपियि खर्च गछ़ान।यि पौंस हालांकि ह्यॆकि ब्यॆयन कारन प्यठ ति ख़र्चावनॖ। हवनुक महत्व छु कुनुय गाह सु ॳकिस जायि करव या दऺहन जायन करव। मगर असि छि शायद लऺज्यमॖच़ मान-मान। समाज्युक कल्यान कांछनॖ बापथ ह्यॆकि अख बोड हवना सपदिथ यथ मंज़ सऻरी कऻशिर्य बटॖ शिरकथ ह्यकन कऺरिथ। अथ कथि प्यठ ह्यकवना ॳस्य व्यच़ार कऺरिथ। बऺड्य बूज़र्गॖय छि नज़रि यिवान हवनन प्यठ। सान्यन शुर्यन छु नॖ वख्त मेलान। न शास्त्र ज़ानॖनॖ बापथ न शास्त्र वर्तावनॖ बापथ। ॳस्य ज़िठ्य छि तिहुन्द कल्याण यछ़ान मगर तिमन यॆलि नॖ ब्वयी आसि तिम क्याह यछ़न पनॖन्यन शुर्यन बापथ यॆलि तिम ज़िठ्य बनन?
*******************"*****
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

08.10.2018

08.10.2018 ॴशिद(आश्विन/असूज)गटॖ पछॖ (कृष्ण पक्ष), च़्वदह (चतुर्दशी), च़न्दॖरवार (सोमवार),श्री सप्तार्षि सम्वत 5094, राश कन्या (चलान), ऋतु हरुद (शरद) (चलान)...अज़ छि पित्रामावसी ति
*************************
जे के विचार मंचॖ तरफॖ छुस बॖ त्वहि सारिनीय यछ़ान
     ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु : बिछिस प्रछ़ुख "वन्दस
         कोनॖ छुख न्यबर नेरान"?
        दॊपनख, "रयतॖकऻलिस क्या
        कॊरुम हऻसिल"
   अ: यॆमिस लगातार मुसीबतस
        आसि
2. मु: बतॖ पावि तल छि ॴबॖ
         खार व्यपान
    अ: ख्यावनॖ च्यावनॖ सॗत्य छि
         वारियाह खरऻबी पूशीदॖ
         रोज़ान
3. मु: बतॖ मंज़ॖ टऻठ तऺहर
         ॴशनावव मंज़ॖ टोठ हऺहर
   अ: ख्यनस मंज़ छि तऺहर मज़ॖ
        दार आसान तॖ ॴशनावव
        मंज़ॖ छु टोठ आसान हऺहर
4. मु: बुथ वुछिथ बोग च़कॖज
         वुछिथ च़ऻन्गिज
    अ: मक़दूर मुतऻबिक हिसॖ या
         क़दॖर
5. मु: बतॖ मिलॖवन गऺयि रतॖ
         मिलवन
    अ: इकॖवटॖ ख्यनॖ-च्यनॖ सॗत्य
         छि माय तॖ मोजथ बडान
*************************
1. वॖठ.....Lips/To twist
2. वाठ.... Connection/
              Combination/
          Addition/Match/
       Link/Relation/Joint
3. वातलनावं...Cobbler's
            shop/Dirty place/
       Disorganized  place
4. वाटॖदार.....With joints/
               Seamy/Joined
5. वाटॖनावुन....To get fixed/
               To connect/To
               affix/To unite
6. वाटनगॊर..One who joins
               bones/Orthope-
              dition/Bone-fixer
7. वाद..... Argument/Arro-
              gance/Insolent
              talk
8. वाद वाद.... Arguments/
              Haughtiness/
              Impudence
9. वादॖ....Promise
10. वादॖ थावुन...To keep a
                        promise
*************************
     गीता ज्ञान  : अध्याय-7  :
सासॖ बऺद्य म्यॆ प्रावनुक यत्न करान
तिमवॖय यूगयव मंज़ॖ म्यॆ कांह प्रावान
छु असल रूप कांछ़ा महयॆ ज़ानान
वॊन भगॖवानन गीता ज्ञान
*************************
हवनस प्यठ लूकन हुन्द समुन सुति सिरिफ पूर्णॖ आहूति विज़ि तॖ नवीद करनॖ विज़ि छु यि सऻबित करान ज़ि ॳस्य छि बतॖ-ब्वछ तॖ ब्यॆयि नॖ कॆंह। यॆत्यन ख्यना-च्यनाह आसि कऻशुर बटॖ आसि तति हऻज़िर मगर यॆत्यन ॳमिस कऻशिर्य बटसॖन्ज़ हऻज़्यरी छि ज़रूरी तत्यन छु नॖ यि बटॖ नज़रि यिवान। यि वोत म्यॆ वारियाह कालॖ प्यठॖ वुछान तॖ मॊहसूस करान। ऊतरॖ ओस इन्द्रागान्धी
आर्ट सेन्टरॖ दिल्लि मंज़ अख कल्चरल प्रोग्राम यथ मंज़ दीपाली वातल जी ओस पनॖनि मॊदुर हटि कॆंह बऻथ ग्यवॖन्य। अथ आडिटोरियमस मंज़ बोज़नवाल्यन हॖन्ज़ कुल संख्या ॴस मसा दऺह या पंदाह लूकन हॖन्ज़। ग्यवनवोल आसिहे सौंचान ज़ि यीतिस बऺडिस हालस मंज़ बोज़न वाल्यन हुन्द यि हाल, यि छु वाकॖय कमाल। कऻशुर न ज़ाननवऻल्य ॴस्य तति बेशुमार यिमव दीपाली जीन्यन बऻतन मतलब फिकिरी तरनॖ रॊस ति तम्यसॖन्दिस ग्यवनस दाद द्युत मगर पनॖन कऻशिर्य बटॖ हॖन्ज़ संख्या ॴस नदारथ। यूतुय योत नॖ, कुनि जायि ति योतन बटस दॊपुख वातनॖ बापथ क्रख-चिख दिनॖ बापथ, बटॖ सॖन्ज़ हऻज़्यरी छि आसान गिनी-चुनी।मगर यॊदवय  ॳमिस बटस वनव ज़ि कुनि मऺजिलिसस मंज़ या कुनि महफिलि मंज़ हा छु ख्यन-च्यन ति, हथ कामि त्रऻविथ वाति तॖ ख्यॆयि-च्यॆयि टास कऺड्य कऺड्य। ज़ानि दय यि किछ़ फितॖरथा छि असि कऻशिर्य बटन। ख्यनॖ विज़ि न वुछन मटन तॖ न वुछन पटन।
मन छु करान ज़ि पऻर्य लगहऻ पनॖन्यन बटन युस वातान छु बस केवल हवनन।
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

07.10.2018

07.10.2018, ॴशिद (आश्विन/असूज)गटॖ पछॖ (कृष्ण पक्ष) त्रूवाह (त्रयोदशी), आथवार (रविवार/एतवार),श्री सप्तार्षि सम्वत 5094, राश कन्या (रऻच़हॖन्ज़ॖ 8.50 बजि प्यठॖ) ऋतु हरुद (शरद) (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
      ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: बऺड द्यद गऺयि स्व य्यॊस बऺड
         ल्वखुर ख्यावि
  अ: बॊड गव सु युस कांह फऻयदॖ
        वातॖनावि
2. मु: बतॖ न तॖ बतास च्वचि न तॖ
         लवासॖ
   अ: हदॖ निशि ज़्यादॖ तमाह
        करुन/हदॖ ख्वतॖ ज़्यादॖ
        यछ़ुन
3. मु: बतॖ गर्दन गऺयि बऺड गर्दन
    अ: बतॖ ख्यावॖन्य गऺयि बऺड
          सॖफऻरिश
4. मु: बतॖ ब्यॊन गव रतॖ ब्यॊन
    अ: ब्यॊन नीरिथ छॆ नॖ माय
         रोज़ान
5. मु: बतॖ बड्योस च्यानि गरॖ
         ज़ानय नॖ वथ
    अ: कऻन्सि हुन्द बजर न मानुन
         नाशुक्रऻनी
*************************
1. वस....Marrow/ Come
             down
2. वसुन....To come down
          from a height/To
          descend/To demi
          nish/To fall in value
3. वसवुन.... Slanting/Slope
4. वसॖन्य.....Free
5. वसवास.... Apprehension
          Superstition/Fear
6. विशवास...Trust/Faith/
                    Belief
7. वॖशकॖ....... Barley
8. वशनव्य..... Vegetarian
9. विष्णु....... Vishnu (God
                     the creator)
10. वुशकॖ-कशाबॖ...Barley
                            water
*************************
       गीता ज्ञान : अध्याय-7 :
विज्ञान सान वनय सोरुय ज्ञान
बाकॖय सम्सारस मंज़ ज़ान
ब्यॆयि ज़ानुन लायक़ छु नॖ कॆंह रोज़ान
वॊन भगॖवानन गीता ज्ञान
*************************
हऻरान छुस बॖ गछ़ान पनॖन्यन समाजक्यन लूकन हुन्द रौख वुछिथ, रूप वुछिथ, रॊय वुछिथ, रवऻया वुछिथ, व्यवहार वुछिथ।आसमानॖ छुस बॖ ज़न प्यवान। यॆलि कुनि जायि हवन छु आसान गाह सु फ़रीदाबादॖ आसि या गाज़ियाबादॖ आसि। लूख छि यिवान यसलॖ। ति क्याज़ि हवनॖ पतॖ छु नवीद आसान करुन।नवीदस मंज़ छु मेलान दाल/दमोलुव/मुजि-कऻलॖ/म्वंजि/म्वंजि-नदुर/च़ॊक-वांगुन तॖ खिर। पूर्ण आहूती समय प्यठय छि ह्यवान लूकन हॖन्ज़ संख्या बडॖन्य। लऻन छि लगान ज़ीठ। बासान छु ज़ि सऻरी बटॖ छि इकॖवटॖ तॖ ॳक्यसॖय जायि सऺमिथ। मन छु ख्वश गछ़ान अमि वख्तॖ यि समुत वुछिथ। नज़र नॖ लऺगिन बासान छु ज़ि समाजा छु ऒरुत तॖ ब्वरुत। मगर हवन छु कालॖ प्यठॖ माने अख द्वह ब्रौंठॖ प्यठय शुरु गछ़ान।लूख छि नॖ नज़रि गछ़ान कॆंह। तिमय छि नज़रि गछ़ान यिमन हवनॖच व्यवस्था करॖन्य छि आसान। ब्रह्मा जी छु हवन शुरु करान तॖ दछिन्य ख्ववॖर्य छि मसा ॴठ-दऺह नफ़र आसान। पांछ़-शॆ छि आसान यिमन शामॖच ख्यनॖच व्यवस्था छि आसान करॖन्य। क्या हवन शुरु करनॖ विज़ि छु ना लूकन हुन्द युन ज़रूरी आसान। म्यॆ चऻरिस तॊर नॖ फिकिरी यि अज़ताम। ब्रह्मा जी छु अख ज़ॖ साहाकार पऺरिथ रऻच़ हॖन्ज़ बाह-अख बजे विराम दिवान तॖ बाकय कार्यक्रम छु दॊयिमि द्वह पूरॖ सपदान। माने लूकन छु नॖ कांह मतलबॖय कालक्यन साहाकारन सॗत्य तॖ न छुख बाकॖयन सॗत्य कांह मतलब यॊत ताम नॖ पूर्ण आहूती हुन्द समय वातान छु। लूख छि ह्यवान वारॖ वारॖ समॖन तॖ व्यवस्था करनवऻल्य ति ह्यवान नवीद बनावनॖच तयऻरी करॖन्य।हजूम छु पऻदॖ गछ़ान यॆलि हवन समाप्ति कुन छु ह्यवान वातुन। अमि सॗत्य छु साफ़ ज़ऻहिर सपदान ज़ि लूकन छु ख्यनस च्यनस सॗतीय योत मतलब ब्यॆयि नॖ कॆंह। कॆंह छि अनान पानस सॗत्य डबॖ ति ताकि नवीद वातनावि पनुन गरॖ ति। गरिक्य बऻच़ यिन नॖ हवनस प्यठ बल्कि नवीदॖय गछ़ि गरॖ वातुन ताकि शामुक डंग ति नेरि अमीय सॗत्य। अथि फॊला त्रोवुख हवनॖ कॊंडस मंज़ अल्लाह अल्लाह तॖ खऻर सलाह। कथ छि जऻरी
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

06.10.2018

06.10.2018, ॴशिद (आश्विन/असूज),गटॖ पछॖ (कृष्ण पक्ष), बाह (द्वादशी), बटॖवार (शनिवार/शनिश्चरवार),श्री सप्तार्षि सम्वत 5094, राश सिंह (चलान),ऋतु हरुद (शरद) (चलान)
*************************
काम्बर्य पछ चलान...बऻश तॖ त्रुवुश हुंद श्राद्द यी ॳज़्य
*************************
जे के विचार मंचॖ तरफॖ छुस बॖ त्वहि सारिनीय यछ़ान
        ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु:  बुथ्य किन्य आमुत
    अ: तंग आमुत
2. मु: बतॖ साज़न्दर
    अ: मतलबुक यार/बऺल्य
         ख्यनॖ-च्यनुक दोस्त
3. मु: बतॖ बतॖ तॖ प्यादॖ पतॖ
    अ: पानॖ करान ब्वछि ब्वछि
          ब्याख छुस पतय
4. मु: बबॖ न्येथॖर तॖ अमी दमॖ
    अ: स्यठाह बेतऻबी लागॖन्य
5. मु: बबॖ बॖडतम तॖ ख़दमथा
         करतम
    अ: यि छि वनान यॆलि कॗन्सॖय
        ज़िठिस प्यठ ह्वकुम चलावि
*************************
1. वाबस्तॖ.....Connected/
           Related/Bound
           together
2. वाबस्तॖ गछ़ुन....To be de-
           pendent on/To be
           attached to/To be
           connected with
3. वापस.....Back/Behind/
           Return/Give back
4. वापस द्युन....To return/To
           refund/To repay/
           To give back
5. व्वफ..... Barking of dog
6. वाफ......Season/Proper
                 time
7. वातॖनावुन...To take some
            thing to someone/
            Cause to supply/
            Convey/Bring
8. वातुन......To reach/To
            arrive/To come/To
            attain
9. वातुल..... Cobbler/Shoe
            maker/Scavenger
10. वातलगी.... Rustic way/
           Meanness/Vulgari-
           ty
*************************
      गीता ज्ञान : अध्याय-7  :
         श्री भगवान वनान
हे पार्थ च़ॖ प्रेमॖ पूर्वक यूगस मंज़ म्यॆ आत्मॖ रूप ज़ानख
सऻरी ग्वन तॖ बल वनय थाव ध्यान
वॊन भगॖवानन गीता ज्ञान
*************************
राथ वॊन म्यॆ ज़ि कऻशिर्य ज़बऻन्य मंज़ छि शॆ मात्रायि हॆन्दियिचव बाकॖयव मात्रायव ख्वतॖ ज़्यादॖ यिमव दऺस्य ॳस्य ह्यकान छि पनॖन ज़बान लीखित तॖ पऺरिथ या वऺनिथ। शारदा लिपि छि आगुर यानि मूल वारिहान ज़बान्यन हुन्द। कऻशिर ज़बान ति छि अमी मूलॖ मंज़ द्रामॖच़ अख ज़बान। ज़बऻन्य सॗत्य छु इन्सान परज़ॖनावनॖ यिवान ज़ि सु कमि ज़ऻच़ हुन्द छु। हतबऺज़ॖ ज़बानॖ आसनॖ म्वखॖ छि ॳस्य ह्यकान ज़ऻनिथ या वऺनिथ ज़ि फलऻन्य इन्सान छु फलऻन्य ज़ऻच़ हुन्द। यॊदवय ज़बान रावि ज़ानुन गछ़ि ज़ि पनॖन ज़ाथ रऻव। तवय छि दपान ज़ि पनॖनि ज़बऻन्य गछ़ि नॖ रावरावॖन्य। त्रॆ चीज़ छि इन्सानस तिम यिमन रऻछ करॖन्य तॖ मान तॖ यज़थ करुन छु इन्सानसुन्द ग्वडन्युक फ़र्ज़। तिम त्रॆ चीज़ छि (1) मऻज्य (2) माजि-वतन (3) माजि-ज़्यव। यिमन त्र्यन चीज़न रऻछ करान करान छु इन्सान पनॖन वऻन्स म्वकलावान। पनुन नाव ज़िन्दॖ थावनॖच कूशिश करान रोज़ान। पनॗन यड छु बरान रोज़ान मगर सॗत्य सॗत्य पनॖनि ज़ाथ नऺवरावनॖ तॖ फॊलॖरावनॖ बापथ मॆहनत तॖ मशकथ करान रोज़ान। पनॖनि माजि-मऻलिस ता उम्र सीवा करान रोज़ान। पनुन जायदाद पनॖनिस ज़मीनस प्यठ खडा कऺरिथ पनुन नाव पीशी-दर-पीशी ज़िन्दॖ थावनॖच कूशिश करान रोज़ान। इस्लिये छु सानि बापथ ज़रूरी ज़ि पनॖनि माजि-ज़्यॆवि रऻछ करॖन्य। यि छि असि पानस सॗत्य। अथ ह्यॆकॖनॖ कांह थपि निथ। न पज़ि असि यि मशरावॖन्य। ज़बान छि सोन व्वजूद हावान, सान्यन पुशतान्यन हुन्द इतिहास वनान, सान्यन यिनॖवाल्यन हॖन्दि बापथ सोन आसुन वनान। बस ज़बान छि अख कऺदॖल बनिथ पत्यमिस-ॳज़्यकिस तॖ यिनॖवऻलिस सॗत्य म्युल करान
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
  नऺविव तॖ फोलिव
   भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

05.10.2018

05.10.2018, ॴशिद (आश्विन/ असूज),गटॖ पछॖ (कृष्ण पक्ष), काह (एकादशी), शॊकुरवार (शुक्रवार/जुम्मा),श्री सप्तार्षि सम्वत 5094,राश सिंह (शामन 7.2 बजि प्यठॖ),ऋतु हरुद (शरद)  (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
        ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: आमॖन्युक टॊट
    अ: बहानॖबाज़/कामि-च़ूर
2. मु: बान्दव कुस ज़ि चन्दॖ
    अ: द्यारव सॗत्य छि व्वपर ति
         पनॖन बनान
3. मु: बाबॖ आदमस ज़ॖ गबर
         ॳक्य रऺट आवर्यॆन तॖ ब्यॆयि
         क़बर
   अ: मतलब छु ह्यॊन्द तॖ मुसल-
         मान यिम छि बारॖन्य
4. मु: बालॖनॖय छि लाल नेरान/
         लॆम्बि मंज़्य छु पम्पोश
         फ्वलान
   अ: ग़रीब गरॖ मंज़ॖ कांह जान
        नेरुन
5. मु: बाह पंज़्य ति गऺयि शेठय
    अ: अकुय चीज़ मुख्तिलिफ़
          तऺरीकव वनुन
*************************
1. हाख बतॖ ख्यॊन....To eat
           for survival/To
           have minimum
          requirements
2. हाल....Hall/Health
               condition
3. हालव.... Locust
4. हामॖ.... A kind of weeds
5. हान..... Allegation/
             Accuse/Charge/
             Impeachment/
             Imputation
6. हानुन....To become cold
           To shrink with cold
           To freeze/To be
           chilled
7. हांठ.....Barren/Unfruit-
           ful/Unproductive
8. हांछ़.... Allegation/Taint
           Blemish/To blame
           To censure
9. हांकल...Iron chain
10. हांगुल....Stag
*************************
       गीता ज्ञान  : अध्याय-6  :
सारिनी यूगियन मंज़ॖ श्रदावान
युस पज़ि मनॖ म्योन दारान द्यान
सुय यूगी छुस बॖ स्रेष्ठ मानान
वॊन भगॖवानन गीता ज्ञान
*************************
मन गव ख्वश यि बूज़िथ ज़ि यीच़व व्हाटसाप ग्रूपव मंज़ॖ छु ॳक्य ग्रुपन "ओक्टूबर 29 Festival"  यि मन बनोवमुत ज़ि अख द्वह हफ्तस मंज़ सिरिफ कऻशिर्य ज़बान ह्यॆछॖनावनॖ बापथ थवुन तॖ अमि द्वह सिरिफ पनॖनि माजि-ज़्यॆवि मुतलक कथ करॖन्य। यि छु अख रुत ख़याल तॖ रुत क़दम आमुत सौंचनॖ तॖ तुलनॖ। म्यॆ ति आव ह्वकुम ज़ि बॖ ति करॖ जबऻन्य हॖन्ज़ॖय कथबाथ ॳज़्यकि द्वह तॖ ब्यॆयि नॖ कॆंह। अथ छि कऻशिर्य पऻठ्य वनान कॊबिस लथ कारगर यानि यी म्यॆ मुद्दा ओस ती ब्रूंठ्य युन। म्यॆ छु यॆमि ब्रौंठ ति पनॖनि सब़कॖ दऺस्य वॊनमुत ज़ि सानि यथ कऻशिर्य ज़बऻन्य मंज़ छि बाकॖयव ज़बानव ख्वतॖ शॆ मात्रायि ज़्यादॖ यिवान इस्तिमाल करनॖ लेखनॖ विज़ि यॆमि सॗत्य सानि जबऻन्य छु कऻशुर रूप बनान। सऻन्य यि कऻशिर्य ज़बान छि नागरीयस यानि देवनागरी लिपि या हॆन्दियस मंज़ यिवान लेखनॖ तॖ ब्यॆयि नसतालीकस यानि उर्दू-हस मंज़ ति यिवान लेखनॖ। चूंकि कऻशिर्य बटन हॖन्ज़ मज़हबी किताबॖ छि ज़्यादॖतर संस्कृतस या हॆन्दियस मंज़ इस्लिये छु ज़रूरी ज़ि ॳस्य लेखव पनॖन ज़बान नागरीयस मंज़ॖय।कऺशीरि मंज़ छि मुसलमान नसतालीकस यानि उर्दू-हस मंज़ पनुन फ़लसफॖ आमॖत्य लेखान।
सानि ज़बऻन्य हुन्द आदार छु शारदा लिपि। शारदा लिपि छि वारियाहन ज़बऻन्यन हुन्द ग्वड।
ॳस्य करव पनॖनि ज़बऻन्य हॖन्ज़ कथ।
यिम ज़्यादॖ मात्रायि छि:
ॶ, ॷ, ॳ, ॴ, ऒ, ऎ
यिहॖन्ज़ आवाज़ किथ पऻठ्य छि बनान स्व ननिवॖ त्वहि कॆंच़व शब्दव सॗत्य यिमन मुतलक पगाह कथ करव
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फॊलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

04.10.2018

04.10.2018, ॴशिद (आश्विन/ असूज), गटॖ पछॖ (कृष्ण पक्ष),दऺहम (दशमी), ब्रसवार (वीरवार/बृहस्पतवार),श्री सप्तार्षि सम्वत 5094, राश कर्कट (चलान), ऋतु हरुद (शरद)
(चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
        ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: आसुन गव ॴरख बुथि
         प्यठय छु ननान
    अ: बुथि प्यठय छि मनॖच कथ
         ननान
2. मु: बानॖ हतस दीज़ि ठानॖ हथ
         ज़्यॆवि हतस कऺर्यज़ि क्याह
   अ: यॆलि कथ लूकन अथि छि
         लगान पतॖ छु नॖ तथ चारॖ
         लगान/लूख छि कथन पखॖ
         लागान
3. मु: बागि बोग नानि क्युथ टोक
    अ: बेमंदॖछ लागुन/ज़्यादॖ
          लालॖच करुन
4. मु: बांग्यन छि बांग दिन्य
    अ: गाटॖल्य छि वथ हावान न
         कि मजबूर करान
5. मु: बऻज़्य ति कऺरिव ज़ुव ति
         बचऻविव
   अ: कांह सख़ कऻम करनॖ विज़ि
         गछ़ि ज़ुवुक ति ख़याल
         रोज़ुन
*************************
1. वुनुन....To face bad luck
2. वनॖहऻर...A maina
3. वनि...... Remembrance/
                 Aware
4. वनि आसुन.....To remem-
           ber/To be aware of
5. वनि कडुन..   .To disting-
           uish/To recognise/
           To discriminate
6. वंदिथ लगुन....To sacrifice
                         oneself
7. वंदुन.....To sacrifice
8. वदुन..... To weep
9. वऺन्य दिन्य....To look for
            someone eagerly/
            To search for/To
            seek/To track out
10. वूंगुन... Weeping of dog
*************************
         गीता ज्ञान  :अध्याय-6  :
यूगी तपस्वी ख्वतॖ स्रेष्ट आसान
शास्त्र ज्ञान्यव ख्वतॖ यछ़ ज़ान
अर्ज़न च़ॖ छुख यूगी तॖ ज्ञानवान
वॊन भगॖवानन गीता ज्ञान
*************************
फिकिरी छु नॖ तरान ज़ि ॳज़्युक इन्सान क्वत कुन छु लमान। ॳज़्यकिस इन्सानस त्रॖष्णा कऻच़ाह छि बडेमॖच़, अंद छु नॖ नज़र यिवान। पेंचॖ फटनय शुर्य क्याह क्याह छि मंगान रोज़ान तॖ बुज़र्ग तॖ बुडॖ क्याह क्याह आसनॖच छि व्वमॆद करान रोज़ान इन्सान छु वाकॖय हऻरान तॖ परेशान यि वुछिथ तॖ यि बूज़िथ। जवऻनी हुन्द जोश छु बिल्कुल पज़नॖ प्यॆठी। पऻन्सुक बहाव छु तेज़ तर तेज़। क़दमन हॖन्ज़ रफ़तार छि तेज़। फुर्सत छे नॖ अख ॳकिस मेलनस सॊम्ब। अंगन ॴशनावन ताम वातुन छु दुशवार। कति सु ब्वरुत गरॖ तॖ कति ॳज़्युक छ़ॊर गरॖ। सामानॖ छु वारियाह मगर बऻच़ छि कति। शुर्यन छे नॖ अज़ कथ करनस सॊम्ब फुर्सत। शुर्य ति कति छि। कति तिम पांछ़ शे ॴठ नव शुर्य, अज़ यिमन अख ज़ॖ तिमन ति खुर्य।फ़ीस वीस बऺर्य बर्य पेरैंट बरहम। शुर्य पालान ॳस्य कमि लोलॖ सान, अख वोत चीन तय ब्याख जापान। ॳड्य छि च़्रंगान तॖ ॳड्य लाचार। प्रऻन्य पऻठ्य मेलहऻव मगर मेलनस नॖ वार। वख छु नॖ दिवान वथ यिमन हालातन प्यठ करहऻव बिहित व्यच़ार। दीन ईश्वर सारिनी पनॖन्यन पनॖन्यन कारन तार। सद्बुदि दीन सारिनी, दयस रोज़व करान ज़ारॖ पार
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

04.10.2018, ॴशिद (आश्विन/ असूज), गटॖ पछॖ (कृष्ण पक्ष),दऺहम (दशमी), ब्रसवार (वीरवार/बृहस्पतवार),श्री सप्तार्षि सम्वत 5094, राश कर्कट (चलान), ऋतु हरुद (शरद)
(चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
        ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: आसुन गव ॴरख बुथि
         प्यठय छु ननान
    अ: बुथि प्यठय छि मनॖच कथ
         ननान
2. मु: बानॖ हतस दीज़ि ठानॖ हथ
         ज़्यॆवि हतस कऺर्यज़ि क्याह
   अ: यॆलि कथ लूकन अथि छि
         लगान पतॖ छु नॖ तथ चारॖ
         लगान/लूख छि कथन पखॖ
         लागान
3. मु: बागि बोग नानि क्युथ टोक
    अ: बेमंदॖछ लागुन/ज़्यादॖ
          लालॖच करुन
4. मु: बांग्यन छि बांग दिन्य
    अ: गाटॖल्य छि वथ हावान न
         कि मजबूर करान
5. मु: बऻज़्य ति कऺरिव ज़ुव ति
         बचऻविव
   अ: कांह सख़ कऻम करनॖ विज़ि
         गछ़ि ज़ुवुक ति ख़याल
         रोज़ुन
*************************
1. वुनुन....To face bad luck
2. वनॖहऻर...A maina
3. वनि...... Remembrance/
                 Aware
4. वनि आसुन.....To remem-
           ber/To be aware of
5. वनि कडुन..   .To disting-
           uish/To recognise/
           To discriminate
6. वंदिथ लगुन....To sacrifice
                         oneself
7. वंदुन.....To sacrifice
8. वदुन..... To weep
9. वऺन्य दिन्य....To look for
            someone eagerly/
            To search for/To
            seek/To track out
10. वूंगुन... Weeping of dog
*************************
         गीता ज्ञान  :अध्याय-6  :
यूगी तपस्वी ख्वतॖ स्रेष्ट आसान
शास्त्र ज्ञान्यव ख्वतॖ यछ़ ज़ान
अर्ज़न च़ॖ छुख यूगी तॖ ज्ञानवान
वॊन भगॖवानन गीता ज्ञान
*************************
फिकिरी छु नॖ तरान ज़ि ॳज़्युक इन्सान क्वत कुन छु लमान। ॳज़्यकिस इन्सानस त्रॖष्णा कऻच़ाह छि बडेमॖच़, अंद छु नॖ नज़र यिवान। पेंचॖ फटनय शुर्य क्याह क्याह छि मंगान रोज़ान तॖ बुज़र्ग तॖ बुडॖ क्याह क्याह आसनॖच छि व्वमॆद करान रोज़ान इन्सान छु वाकॖय हऻरान तॖ परेशान यि वुछिथ तॖ यि बूज़िथ। जवऻनी हुन्द जोश छु बिल्कुल पज़नॖ प्यॆठी। पऻन्सुक बहाव छु तेज़ तर तेज़। क़दमन हॖन्ज़ रफ़तार छि तेज़। फुर्सत छे नॖ अख ॳकिस मेलनस सॊम्ब। अंगन ॴशनावन ताम वातुन छु दुशवार। कति सु ब्वरुत गरॖ तॖ कति ॳज़्युक छ़ॊर गरॖ। सामानॖ छु वारियाह मगर बऻच़ छि कति। शुर्यन छे नॖ अज़ कथ करनस सॊम्ब फुर्सत। शुर्य ति कति छि। कति तिम पांछ़ शे ॴठ नव शुर्य, अज़ यिमन अख ज़ॖ तिमन ति खुर्य।फ़ीस वीस बऺर्य बर्य पेरैंट बरहम। शुर्य पालान ॳस्य कमि लोलॖ सान, अख वोत चीन तय ब्याख जापान। ॳड्य छि च़्रंगान तॖ ॳड्य लाचार। प्रऻन्य पऻठ्य मेलहऻव मगर मेलनस नॖ वार। वख छु नॖ दिवान वथ यिमन हालातन प्यठ करहऻव बिहित व्यच़ार। दीन ईश्वर सारिनी पनॖन्यन पनॖन्यन कारन तार। सद्बुदि दीन सारिनी, दयस रोज़व करान ज़ारॖ पार
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

04.10.2018

04.10.2018, ॴशिद (आश्विन/ असूज), गटॖ पछॖ (कृष्ण पक्ष),दऺहम (दशमी), ब्रसवार (वीरवार/बृहस्पतवार),श्री सप्तार्षि सम्वत 5094, राश कर्कट (चलान), ऋतु हरुद (शरद)
(चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
        ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: आसुन गव ॴरख बुथि
         प्यठय छु ननान
    अ: बुथि प्यठय छि मनॖच कथ
         ननान
2. मु: बानॖ हतस दीज़ि ठानॖ हथ
         ज़्यॆवि हतस कऺर्यज़ि क्याह
   अ: यॆलि कथ लूकन अथि छि
         लगान पतॖ छु नॖ तथ चारॖ
         लगान/लूख छि कथन पखॖ
         लागान
3. मु: बागि बोग नानि क्युथ टोक
    अ: बेमंदॖछ लागुन/ज़्यादॖ
          लालॖच करुन
4. मु: बांग्यन छि बांग दिन्य
    अ: गाटॖल्य छि वथ हावान न
         कि मजबूर करान
5. मु: बऻज़्य ति कऺरिव ज़ुव ति
         बचऻविव
   अ: कांह सख़ कऻम करनॖ विज़ि
         गछ़ि ज़ुवुक ति ख़याल
         रोज़ुन
*************************
1. वुनुन....To face bad luck
2. वनॖहऻर...A maina
3. वनि...... Remembrance/
                 Aware
4. वनि आसुन.....To remem-
           ber/To be aware of
5. वनि कडुन..   .To disting-
           uish/To recognise/
           To discriminate
6. वंदिथ लगुन....To sacrifice
                         oneself
7. वंदुन.....To sacrifice
8. वदुन..... To weep
9. वऺन्य दिन्य....To look for
            someone eagerly/
            To search for/To
            seek/To track out
10. वूंगुन... Weeping of dog
*************************
         गीता ज्ञान  :अध्याय-6  :
यूगी तपस्वी ख्वतॖ स्रेष्ट आसान
शास्त्र ज्ञान्यव ख्वतॖ यछ़ ज़ान
अर्ज़न च़ॖ छुख यूगी तॖ ज्ञानवान
वॊन भगॖवानन गीता ज्ञान
*************************
फिकिरी छु नॖ तरान ज़ि ॳज़्युक इन्सान क्वत कुन छु लमान। ॳज़्यकिस इन्सानस त्रॖष्णा कऻच़ाह छि बडेमॖच़, अंद छु नॖ नज़र यिवान। पेंचॖ फटनय शुर्य क्याह क्याह छि मंगान रोज़ान तॖ बुज़र्ग तॖ बुडॖ क्याह क्याह आसनॖच छि व्वमॆद करान रोज़ान इन्सान छु वाकॖय हऻरान तॖ परेशान यि वुछिथ तॖ यि बूज़िथ। जवऻनी हुन्द जोश छु बिल्कुल पज़नॖ प्यॆठी। पऻन्सुक बहाव छु तेज़ तर तेज़। क़दमन हॖन्ज़ रफ़तार छि तेज़। फुर्सत छे नॖ अख ॳकिस मेलनस सॊम्ब। अंगन ॴशनावन ताम वातुन छु दुशवार। कति सु ब्वरुत गरॖ तॖ कति ॳज़्युक छ़ॊर गरॖ। सामानॖ छु वारियाह मगर बऻच़ छि कति। शुर्यन छे नॖ अज़ कथ करनस सॊम्ब फुर्सत। शुर्य ति कति छि। कति तिम पांछ़ शे ॴठ नव शुर्य, अज़ यिमन अख ज़ॖ तिमन ति खुर्य।फ़ीस वीस बऺर्य बर्य पेरैंट बरहम। शुर्य पालान ॳस्य कमि लोलॖ सान, अख वोत चीन तय ब्याख जापान। ॳड्य छि च़्रंगान तॖ ॳड्य लाचार। प्रऻन्य पऻठ्य मेलहऻव मगर मेलनस नॖ वार। वख छु नॖ दिवान वथ यिमन हालातन प्यठ करहऻव बिहित व्यच़ार। दीन ईश्वर सारिनी पनॖन्यन पनॖन्यन कारन तार। सद्बुदि दीन सारिनी, दयस रोज़व करान ज़ारॖ पार
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

04.10.2018

04.10.2018, ॴशिद (आश्विन/ असूज), गटॖ पछॖ (कृष्ण पक्ष),दऺहम (दशमी), ब्रसवार (वीरवार/बृहस्पतवार),श्री सप्तार्षि सम्वत 5094, राश कर्कट (चलान), ऋतु हरुद (शरद)
(चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
        ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: आसुन गव ॴरख बुथि
         प्यठय छु ननान
    अ: बुथि प्यठय छि मनॖच कथ
         ननान
2. मु: बानॖ हतस दीज़ि ठानॖ हथ
         ज़्यॆवि हतस कऺर्यज़ि क्याह
   अ: यॆलि कथ लूकन अथि छि
         लगान पतॖ छु नॖ तथ चारॖ
         लगान/लूख छि कथन पखॖ
         लागान
3. मु: बागि बोग नानि क्युथ टोक
    अ: बेमंदॖछ लागुन/ज़्यादॖ
          लालॖच करुन
4. मु: बांग्यन छि बांग दिन्य
    अ: गाटॖल्य छि वथ हावान न
         कि मजबूर करान
5. मु: बऻज़्य ति कऺरिव ज़ुव ति
         बचऻविव
   अ: कांह सख़ कऻम करनॖ विज़ि
         गछ़ि ज़ुवुक ति ख़याल
         रोज़ुन
*************************
1. वुनुन....To face bad luck
2. वनॖहऻर...A maina
3. वनि...... Remembrance/
                 Aware
4. वनि आसुन.....To remem-
           ber/To be aware of
5. वनि कडुन..   .To disting-
           uish/To recognise/
           To discriminate
6. वंदिथ लगुन....To sacrifice
                         oneself
7. वंदुन.....To sacrifice
8. वदुन..... To weep
9. वऺन्य दिन्य....To look for
            someone eagerly/
            To search for/To
            seek/To track out
10. वूंगुन... Weeping of dog
*************************
         गीता ज्ञान  :अध्याय-6  :
यूगी तपस्वी ख्वतॖ स्रेष्ट आसान
शास्त्र ज्ञान्यव ख्वतॖ यछ़ ज़ान
अर्ज़न च़ॖ छुख यूगी तॖ ज्ञानवान
वॊन भगॖवानन गीता ज्ञान
*************************
फिकिरी छु नॖ तरान ज़ि ॳज़्युक इन्सान क्वत कुन छु लमान। ॳज़्यकिस इन्सानस त्रॖष्णा कऻच़ाह छि बडेमॖच़, अंद छु नॖ नज़र यिवान। पेंचॖ फटनय शुर्य क्याह क्याह छि मंगान रोज़ान तॖ बुज़र्ग तॖ बुडॖ क्याह क्याह आसनॖच छि व्वमॆद करान रोज़ान इन्सान छु वाकॖय हऻरान तॖ परेशान यि वुछिथ तॖ यि बूज़िथ। जवऻनी हुन्द जोश छु बिल्कुल पज़नॖ प्यॆठी। पऻन्सुक बहाव छु तेज़ तर तेज़। क़दमन हॖन्ज़ रफ़तार छि तेज़। फुर्सत छे नॖ अख ॳकिस मेलनस सॊम्ब। अंगन ॴशनावन ताम वातुन छु दुशवार। कति सु ब्वरुत गरॖ तॖ कति ॳज़्युक छ़ॊर गरॖ। सामानॖ छु वारियाह मगर बऻच़ छि कति। शुर्यन छे नॖ अज़ कथ करनस सॊम्ब फुर्सत। शुर्य ति कति छि। कति तिम पांछ़ शे ॴठ नव शुर्य, अज़ यिमन अख ज़ॖ तिमन ति खुर्य।फ़ीस वीस बऺर्य बर्य पेरैंट बरहम। शुर्य पालान ॳस्य कमि लोलॖ सान, अख वोत चीन तय ब्याख जापान। ॳड्य छि च़्रंगान तॖ ॳड्य लाचार। प्रऻन्य पऻठ्य मेलहऻव मगर मेलनस नॖ वार। वख छु नॖ दिवान वथ यिमन हालातन प्यठ करहऻव बिहित व्यच़ार। दीन ईश्वर सारिनी पनॖन्यन पनॖन्यन कारन तार। सद्बुदि दीन सारिनी, दयस रोज़व करान ज़ारॖ पार
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
  भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

03.10.2018

03.10.2018, ॴशिद (आश्विन/ असूज), गटॖ पछॖ (कृष्ण पक्ष), नवम (नवमी), ब्वदवार (बुधवार),श्री सप्तार्षि सम्वत 5094, राश कर्कट (दुहचि  4.45 बजि प्यठॖ), ऋतु हरुद (शरद)
*************************
जे के विचार मंचॖ तरफॖ छुस बॖ त्वहि सारिनीय यछ़ान
     ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1. मु: अलॖ रुवनि वांगन कडॖन्य
    अ: यथ नॖ व्वमेद आसि ति
         मेलुन/अचानकन कॆंह
         प्रावुन
2. मु: बऻल्य बऻल्य फेरुन
    अ: आवारॖगर्दी करॖन्य
3. मु: बऻच़न इज़ा तॖ प्वतल्यन
         पूज़ा
    अ: पनॖन्यन तक्लीफ तॖ
          व्वपरन फ़ऻयदॖ
4. मु: बऻज़्यगारस बऻज़् गरस
    अ: युस कऻन्सि बद कांछि तस
          छु पानसॖय बद गछ़ान
5. मु: बाह त्रख श्वॊंगुन तॖ खार
         व्वथुन
   अ: बे-ग़म रोज़ुन
*************************
1. वन....Tell/Forest
2. वान....Shop
3. वुन्य....Just now
4. व्वंय....Now
5. वोन्य... Shopkeeper/
               Grosser
6. वोरॖ-न्यॆचुव...Step son
7. वोरॖ-बोय.....Step brother
8. वोरॖ-ब्यॆनि... Step sister
9. वोरॖ-मोल.... Step father
10. वोरॖ-मऻज्य..Step mother
*************************
      गीता ज्ञान : अध्याय-6  :
पॊत ज़न्मॖ ॴस्यमॖत्य रॖत्य संस्कार
यूग प्राप्ती मंज़ यिवान दरकार
स्यॆदी खऻतरॖ पऺतिमि ख्वतॖ यत्न करान
वॊन भगॖवानन गीता ज्ञान
*************************
पनॖन माजि ज़्यव ज़िन्दॖ थावॖनॖ बापथ छु ज़रूरी ज़ि ॳस्य करव पानॖवॖन्य कऻशिर्य पऻठ्य कथबात यॆलि युस यॆमिस यॆतिनस मेलि।
पनॖन्यन शुर्यन करव मजबूर ज़ि तिम करन पनॖन्यन पनॖन्यन गरन मंज़ कऻशिर्य पऻठी कथ बात पनॖन्यन गरिक्यन बऻच़न सॗत्य। कथबाति सॗत्य सॗत्य ह्यॆछन कऻशिर्य पऻठ्य लेखुन तॖ परुन ति। हॆन्दी यानि नागरीयस मंज़ छु कऻशुर लेखुन। कांह बऻथ, कांह अफ़सानॖ, कांह मुहावरॖ, कांह कथ ल्वकॖट बऺड पज़ि तिमन पनॖनि कापी  प्यठ लेखुन। कींहनय तॖ म्यऻन्य यिम मुहावरॖ तॖ कऻशिर अलफ़ाज़ अंग्रीज़ माने ह्यथ लीखिन पनॖन्यन कापियन प्यठ तॖ कऺरिन पनॖनिस मऻलिस-माजि सॗत्य अथ प्यठ पृछ़गऻर। मऻलिस माजि ति पज़ि तिमय पंदाह मिनट या ऒड गन्टॖ पनॖनिस शुरिस रूज़िथ तऺमिस ह्यमथ दिन्य तॖ तमिस वथ हावॖन्य। पनुन फ़र्ज़ ज़ऻनिथ पज़ि असि यथ कथि कन द्युन तॖ पनुन पान परज़ॖनावुन
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

02.10.2018

02.10.2018, ॴशिद (आश्विन/असूज), गटॖ पछॖ (कृष्ण पक्ष),ॴठम (अष्टमी), बॊम्वार (मंगलवार), श्री सप्तार्षि सम्वत 5094, राश मिथुन (चलान), ऋतु हरुद (शरद) (चलान)
*************************
जे के विचार मंचॖ तरफॖ छुस बॖ त्वहि सारिनीय यछ़ान
       ऒरज़ुव तॖ दॊरकॊठ
*************************
नमस्कार माहरा त्वहि सारिनीय म्योन
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन कथबाथ
*************************
1.मु: अलॖ कुलिस चौब तुलॖ
        कुलिस तम्बॖ
   अ: अक्यसुन्द शरारत ब्यॆयिस
        प्यठ कडुन/ॳकिस प्यठ
      पनॖन नाराज़गी ज़ऻहिर करॖन्य
      ब्यॆयिस खोच़नावनॖ बापथ
2. मु: ऒरज़ुव तॖ दॊरकॊठ
    अ: रुत सेहत कांछुन/रॖच़र
         कांछुन
3. मु: ओंगजन प्यठ नच़नावुन
    अ: पनॖन्यन इशारन प्यठ
          पकॖनावुन
4. मु: ओंगलस प्यठ बौंगलॖ
    अ: कम जायि प्यठ बऺड
         अमारत/ल्वकटिस चीज़स
         बॊड फ़ऻयदॖ आसुन
5. मु: ऒन क्याह ज़ानि ज़ग तय
         प्रॊन
   अ: बेकॖल क्याह ज़ानि जान
        क्याह गव तॖ नाकारॖ क्याह
        गव
*************************
1. व्यंदुन.....To think/To
                  consider
2. वयुन...... To suit
3. वॖहर्य वऺरियस....Through
                out the year/For
                the whole year
4. वुहुन...... Shining of
                   sparkles
5. व्वसॖ-द्रॊसॖ..Crowd/Hustle
               and bustle/Mirth
6. व्वतुलुन.... To rise/To
                  make progress
7. व्वतुर...... North
8. व्वठ........To jump/Quick
                  movement
9. व्वज़ुल....Red (colour)
10. व्वज़ॖलुन...To become
               red/To feel guilty
*************************
      गीता ज्ञान  : अध्याय-6 :
वऻरऻगी प्वरुष छु नॖ स्वर्ग यछ़ान
ज्ञानॖवानॖ सॖन्दि गरि ज़न्म दारान
त्युथ ज़न्म मेलुन छु नॖ आसान
वॊन भगॖवानन गीता ज्ञान
*************************
पकान छि सऻरी क़दमा क़दमा। बॊज़ान सऻरी कुस क्याह छु वनान। वनन वोल वनान बोज़न वोल बोज़ान करन वोल करान यि पनुन मन वन्यस। यिथय पऻठ्य छु द्वह द्वह नेरान। कऺम्यसॖन्दि वननॖ कऺमिस क्याह छु असर प्यवान दय ज़ानि। मगर यि छि वऻयिथ कथ ज़ि छलनॖ-छलनॖ सॗत्य छु छलन मल नेरानॖय। दफ अमापॊज़ क्वस साबन या साबनि पौवडर कथ पलवस कऻच़ाह असरदार रोज़ान छि यि ह्यॆकि पलव छलन वोलॖय वऺनिथ न तॖ सु पलव पानॖ। साहबि सतम तॖ क्रालॖ बबॖ सुन्द हवन काम्बॖर्य पछस मंज़ छा वऻजिब किनॖ न, यिति रूद कॆंच़न लूकन हॖन्दिस ज़ॆहनस मंज़ वुज़ान। यि छा ज़ा-दुहुक हवन किनॖ श्राद्दुक हवन, यि ज़ानॖनॖ बापथ ति बास्येयम कॆंह बेताब। ॳक्य ल्यूख ज़ि क्रालॖ बबुन यि हवन छि आमॖत्य ॳथ्य दॊहस प्यठ वरीबद्यव प्यठॖ करान तॖ ॳक्य ल्यूख ज़ि साहिब सतम हुन्द यि हवन छु काम्बॖर्य-पछुख हवन। हक़ीकत क्याह छि दय ज़ानि। कशीरि मंज़ ॴस्य नॖ यिम मसलॖ व्वथानॖय। कऺशीरि न्यबर आयि यिम ति ज़ेरि-ज़बरस मंज़। कुस कडि यिमन कथन फुठ दय ज़ानि
*************************
कऻशुर हॆछव कऻशुर परव
कऻशिर्य पऻठ्य पानॖवुन्य कथबाथ करव
*************************
नऺविव तॖ फोलिव
 भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
(बूज़िव म्यूज़कॖ चन्नल छॆ नॖ अज़कल कऻम करान)