04.01.2021

04.01.2021 पॊह (पौष) गटॖ पछॖ (कृष्ण पक्ष) शॆयम (षष्ठी) च़ऺन्दॖरवार (सोमवार) श्री सप्तर्षि सम्वत 5096, राश कन्या, (रऻच़ हॖन्ज़ॖ 1.03 बजि प्यठॖ) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वाहा स्वधा नमोस्तुते

**************************

              लल वाक्

        (पराग पुस्तक-171)

मूढस प्रॖनुन छुय म्वय वाल छ़्यदुन

मूढस प्रॖनुन छुय मुरि द्युन कोह

मूढस प्रॖनुन छुय समंदर पूरुन

मूढस प्रुनुन रावी द्वह

               अर्थात

मूढ या बात को न समझने वाले को समझाना बाल को चीरने, पर्वत को गोद में लेने या समुद्र को

भरने जैसा है। इसलिए मूढ को समझाना व्यर्थ है। इस कारण उसे न समझाना ही ठीख है। ऐसा प्रयत्न करके आप अपना समय व्यर्थ करेंगे।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             ********

1. छ़िरॖ चॊट (A kind of pañcake made of rice flour)

2. छ़ऺर (Empty/Vacant/Unoccupied/Unfilled)

3. छ़टुन (Winnow)

4. छ़ल (Water wheel/To play foul)

5. छ़लुन (To mislead/To deceive/To dodge/To cheat)

                मुहावरॖ

1. मु: मऻन्ज़ लऻगिथ ति अथॖ 

         छ़्यॆटिय

    अ: बदकॖस्मती छॆ नॖ तदबीरव 

         सॗत्य ख़तम गछ़ान

2. मु: मऻन्ज़ि गुलन म्यॆच़ गछ़ॖन्य

    अ: अचानक मुसीबथ युन,या,

         नाव्वमॆदी सपदॖन्य

3. मु: मऻन्ज़ि गुल्य ह्यथ प्रारॖन्य

    अ: परेशऻनी हॖन्दिस आलमस 

          मंज़ बे-सब्री सान प्रारुन

          (पनॖन्य शुर्य ह्यॆछॖनऻव्यूख)

**************************

पंचान्ग:- कुनवुह सऺदी हुन्द अख संत, स्वामी शंकर राज़दान, युस ज़ामुत ओस ॳकिस सफ़ेद पोश याने मध्य वर्गॖ गरस मंज़ कऺशीरि श्रीनगरॖ शहरकिस कनिकऺदलॖ मऺहल्लस मंज़। ल्वकचारॖ पान प्यठय दपान ॳमिस ॴस्य स्यॆद्धि मीज्यमिच़ याने ॳम्यसुन्द दॊप ओस गछ़ान ज़न वाक् तॖ वच़ुन। ल्वकटि वऻन्सि प्यठय छि दपान छि कऺर्यमॖत्य ॳम्य कॆंह तिथ्य चमत्कार ज़ि वूछनवोल दपान ओस सामानॖ ज़न प्यवान। वनॖनॖ छु यिवान ज़ि ॳमिस ॴस स्यठाह खुलॖ नज़र तॖ ॳमिस यि ज़्यॆवि नेरिहे ती दपान ओस बराबर सपदान या प्रकटान। ॳम्य दपान कऺर पनॖन्य तपस्या याने साधना व्वतरासू गामस मंज़ उमा भगवती नागस नखॖ तॖ पतॖ गव तति प्यठॖ क्वलॖगोम अलाकिस मंज़गोम गाम यॆति ॳम्य पनॖन्य साधना दपान ब्रोंह कुन कऺर हना दृढता तॖ सखती सान। अति नीरिथ दपान वोत स्वामी शंकर राज़दान तुलॖ मुल याने क्षीर भवऻनी तॖ ब्यूठ तति ति कॆंच़स कालस। ॳम्य दपान न्यू ग्वरम्वख श्रीनगरॖ स्वामी ज़नार्दन सऻबुन तॖ बन्यव तसुन्द ॳख यछ़वुन तॖ पछ़वुन शिष्य। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप" 

(बूज़िव म्योन ॳज़्युक सबक़ podcast दऺस्य https://anchor.fm/bldeep) 

(यि सबक़ ह्यॆकिव तोह्य वुछिथ koshursabak.blogspot.com प्यठॖ ति)