03.01.2021

03.01.2021 पॊह (पौष) गटॖ पछॖ (कृष्ण पक्ष) च़ोरम (देवादेव) (चतुर्थ) (देवादेव) आथवार (रविवार/ऐतवार) श्री सप्तर्षि सम्वत 5096, राश सिंह (चलान) ऋतु हेमन्त (चलान)..चूंकि पगाह छि पऻन्च़म (पऺचमी) रावान, पगहुक वॊहरवोद यी ॳज़्य याने च़ोरम (चतुर्थी) द्वह

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वाहा स्वधा नमोस्तुते

**************************

             लल वाक्

        (पराग पुस्तक-170)

मूढ ज़ऻनिथ पशिथ कर कॊल

श्रुतवुन ज़डॖ रूप आस

युस यि दपिय तस ति बोल

यॊहय तत्वॖ व्यदिस छु अब्यास

             अर्थात

जान कर भी मूढ बन, देख कर भी अंधा बन और सुन कर भी जड रूप बन। जो कोई कुछ कहे उस को बोल कि हां आप का कहना ठीख है। यही तत्व को जानने वाले के लिए अभ्यास है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

               ********

1. च़ॖर (Fraud/Mistake/Contrary/Offence)

2. च़रुन (Remain/Unused/To be spare)

3. च़रेथ (Peculiar character)

4. च़रिपॊप (Clapping of hands)

5. च़रच़ुन (To think of others/To suspect/To doubt)

               मुहावरॖ 

1. मु: लछ़ॖज्य लगॖन्य

    अ: बॆ वख मरुन

2. मु: लछ़ि गछ़ुन

    अ: बॆ-यज़थ गछ़ुन, या, यज़थ

          न रोज़ुन

3. मु: लशकरि पथ तॖ पछाडि

         ब्रोंठ

    अ: मुकाबलॖ करनस मंज़ 

         सारिवॖय ख्वतॖ पथ तॖ च़लन

         वाल्यन ब्रोंह, या, बुज़दिल

         आसुन

        (पनॖन्य शुर्य ह्यॆछॖनऻव्यूख)

*************************"

पंचान्ग:- कॆंह द्वह ब्रोंह कऺर असि कथ ब्यॊन ब्यॊन साधन, संतन हॖन्ज़ यिम कऺशीरि मंज़ आयि पनॖन्य दैव शक्ति, योग शक्ति, आत्म ज्ञान हावान तॖ बावान तॖ गऺयि निर्वाण पनॖनि स्मृति त्रऻविथ सानि बापथ। यिथिनॖय महाप्वरुषण मंज़ ओस अख महाज्ञऻनी महाप्वरुष यस नाव ओस साहिब कौल। ॳमिस ॴस्य ज़ानान आनन्दनाथा नावॖ सॗत्य ति। सदऻहिमि सदी मंज़ ज़न्मस आमुत ओस साहिब कौल कऺशीरि मंज़ तमि समयि यॆलि तति दपान ओसमुत ओस शाहजहां तॖ औरंगज़ेबुन शासनकाल। वनॖनॖ छु यिवान ज़ि साहिब कौल सऻबन छु ल्वकचि वऻन्सि मंज़ काल याने मौतुक तजरुबॖ च़्यूनमुत तॖ तमि सातॖ पांछ़ मिस्रॖ शऻयरी हॖन्द्य लीख्यमित्य यथ मंज़ वर्णन आमुत छु करनॖ ज़ि काल क्युथ बासान यिनॖ वखतॖ तॖ यॆलि साहिब कौल वापस आव यथ समसारस मंज़ मौतस च़ऺन्ड दिथ तॖ स्वस्थ सपुद तॖ पतॖ मौतस प्यठ ब्यॆयि पांछ़ मिस्र शऻयरी हॖन्द्य लीख्यमॖत्य। यिमन मिस्रन छु नाव द्युतमुत साहिब कौलन दपान "शिवा-जीवा-दशाका"। शिव व्वपासक छु रूदमुत साहिब कौल ज़बर्दस्त। दपान साहिब कौलस छि ॴसमॖच़ ग्वडॖ प्यठय स्यॆद्धि।शिव फल्सफस प्यठ छि साहिब कौल सऻबस स्यठाह महऻरियत हऻसिल सपद्यॆमॖच़ ख़ास कर कौलतत्व तरीकस मंज़ सॗती ॴसॖन संस्कृत ज़बऻन्य मंज़ शऻयरी करॖन्य ह्यॆछमॖच़। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ podcast दस्य ति - https://anchor.fm/bldeep)

(यि सबक़ ह्यॆकिव वुछिथ koshursabak.blogspot.com प्यठॖ ति)