26.01.2021

26.01.2021 पॊह (पौष) ज़ूनॖ पछॖ (शुक्ल पक्ष) त्रुवाह (त्रयोदशी) बॊम्वार (मंगलवार) श्री सप्तर्षि सम्वत 5096, नक्षत्र आर्द्र, राश मिथुन (चलान) ऋतु शिशर (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक- 192)

शिव छुय ज़ऻव्युल ज़ाल वाहरऻविथ

क्रंज़न मंज़ छुय तरिथ क्यथ

ज़िन्दॖ नय वुछहऻन अदॖ कति मरिथ

पानॖ मंज़ पान कढ व्यच़ऻरिथ क्यथ

             अर्थात

शिव बारीक ताना बाना बनकर फैला हूआ है और हाड मांस के बने शरीरों में विद्यमान है। अपने जीते जी ही उस को देखो। मर कर  कहां देखोगे जब यह शरीर ही नहीं रहेगा। शिव सब में ओत प्रोत है। अपने इसी हड्डियों के पिंजरे में जीते जी उसे विचार कर अपने आप को ढूंढकर पा लो। इस शरीर बिना इसका पाना असंभव है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *********

1. सहिब कमाल (Perfect/Accomplished)

2. सादिक (True/Sincere/Just/Faithful)

3. साफ (Clean/Clear/Bright/Simple)

4. साफ इन्कार करुन (To refuse point blank)

5. साफ जवाब (Clear reply)

              मुहावरॖ

1. मु: हऻर ख्यवान गॖस कऻर थॊद

         थऺविथ

    अ: ॴब थ्यकॖनावॖन्य, या,

          अपज़ी नऺखरॖ करॖन्य

2. मु: हऻन्ज़व त्रऻव्य ज़ाल तॖ 

         गाडव ह्यॆछि वॊटॖ

    अ: पनुन बचाव सोंचुन तॖ 

         करुन, या, प्रथ मुसीबतस

         मंज़ छु बचनुक हल

3. मु: हऻन्ठ गऺयि बरस गऻन्ठ दिथ

    अ: लावऻरिस जायदाद त्रऻविथ

         गछ़ुन

       (पनॖन्य शुर्य ह्यॆछॖनऻव्यूख)

**************************

पंचान्ग:- त्वहि सारिनी छि ख़बर ज़ि ॳकिस वऺरियस मंज़ छि बाह ऱयथ आसान। मगर यिहॖन्द्य नाव कऻशिर्य ज़बऻन्य मंज़ छि नॖ नवि पुयि म्यॆ बासान पूरॖ पताह। अज़ वुछव कऻशिर्य ज़बऻन्य मंज़ तिम नाव यिम यिथपऻठ्य छि :-

1. चिथॖर (चैत्र) 2. वह्यक (वैशाख) 3. ज़्येठ (ज्येष्ठ) 4. हार (आषाढ) 5. श्रावुण (श्रावण) 6. बऻद्र्यप्यथ (भाद्र) 7. ॴशिद (आश्विन) 8. कार्तिक (कार्तिक) 9. मॊंजहोर (मार्ग) 10. पॊह (पौष) 11. माग (माघ) 12. फागुन (फाल्गुन) 

यिमन ऱयतन मंज़ छि कॆंह ऱयथ तिम ति यिम यिमव नावव अलावॖ ब्यॆयि ति नावव सॗत्य छि ज़ानॖनॖ यिवान मसलन -

च़िथॖर (चैत), वह्यक (बैसाख), श्रावुन (सावन) बऻदॖर्यप्यथ (भादून) कार्तिक (कतक) मॊंजहोर (मगर)

यिथय पऻठ्य छि हफतॖक्यन दॊहन हॖन्द्य नाव कऻशिर्य ज़बऻन्य मंज़ यिथॖ पऻठ्य -

1. च़ऺन्दॖरवार (सोमवार) 2. बॊम्वार (मंगलवार) 3. ब्वदवार (बुधवार) 4. ब्रसवार (ब्रहस्पति वार) 5. शॊकुरवार (शुक्रवार) 6. बटॖवार (शनिश्चरवार) 7. आथवार (रविवार)

यिमव दॊहन मंज़ॖ ति छि कॆंह द्वह तिम यिम ब्यॆयव नावव सॗत्य ति छि ज़ानॖनॖ यिवान मसलन - ब्रसवार (वीरवार/गुरुवार), शॊकुरवार (जुम्मा/भार्गव वार) बटॖवार (शनिवार) आथवार (ऐतवार)

पनॖन्यन शुर्यन करनऻविव वऻकफियत यिमन ऱयतन तॖ दॊहन हॖन्द्यन नावन सॗत्य कऻशिर ज़बऻन्य मंज़। कथ छि जऻरी। दय कऺरिन असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ podcast दऺस्य ति लिंक छु हऻविथ)

https://anchor.fm/bldeep

(यि सबक़ ह्यॆकिव तोह्य वुछिथ

kashursabak.blogspot.com प्यठॖ ति)

25.01.2021

25.01.2021 पॊह (पौष) ज़ूनॖ पछॖ (शुक्ल पक्ष) बाह (द्वादशी) च़ऺन्दॖरवार (सोमवार) श्री सप्तर्षि सम्वत 5096, राश मिथुन (दुहचि 1.2 बजि प्यठॖ),नक्षत्र (मृग), ऋतु शिशर (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

        (पराग पुस्तक-191)

सिदमालि स्यदव स्यदॖ कथन कन थाव

च़ॖ दॊह पथ कालि सरन क्या

बालको। तॊह्य किथव द्यनराथ बरिव

काल आव कुठन तॖ करिव क्या

            अर्थात

ललेश्वरी बालकों को देखकर सिद्ध पुरुष स्यदमोल से पूछती है कि आपको भी अपना बाल्यकाल स्मरण होगा। तो इन बालकों की क्या दशा होगी क्योंकि समय बीता जा रहा है और इनको प्रभु स्मरण का ज्ञान ही नहीं है। इस्लिए इनको अध्यात्मिक पथ पर चलना सिखाना आप का दायित्व है। आशय यह है कि ललेश्वरी अनुरोध करती है कि बच्चों में बाल्यकाल से ही अध्यात्म का बीज बोना चाहिए।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            **********

1. सऻबिर (Patient/Enduring for bearing)

2. साबन (Soap)

3. साबॖन्य चऻट्य (Soap bar/A cake of soap)

4. साहिबि इक़बाल (Lucky/Fortunate)

5. साहब ख़ानॖ (Master of the house)

                मुहावरॖ

1. मु: हापतस अथि ओट 

         मांडनावुन

    अ: नाकऻबिलस अथि कामि

         न्वकसान वातनावुन

2. मु: हापुत करिहेना च़ॊचि मगर

         ओट कति अनि

    अ: आसुन छु ह्यॆछनावान तॖ न

          आसुन छु मंदछावान

3. मु: हामॖ ब्योल द्राव शॆठि दॊहॖय 

         क्राव

    अ: यॆलि दान्यस हामॖ ब्योल छु 

          नेरान तॆलि छि क्राव 

          करनॖच आश रोज़ान

        (पनॖन्य शुर्य ह्यॆछॖनऻव्यूख)

**************************

पंचान्ग:- राथ ज़ोन असि ज़ि कुल नक्षत्र छि सतोवुह आमॖत्य मानॖनॖ ज्योतिष्याचार्यव दऺस्य। यिमन सतोवुहन नक्षत्रन मंज़ छि कॆंह शुभ यिवान मानॖनॖ यात्रायि बापथ तॖ कॆंह छि यिवान मानॖनॖ निषेध याने अशुभ तॖ कॆंह छि आसान न ज़्यादॖ शुभ तॖ न ज़्यादॖ अशुभ याने मध्यम नक्षत्र।

उत्तम याने शुभ(श्वब) नक्षत्र

"""""""""""""""""""""""""""""""""""

अश्विनी, पुनर्वस, अनुराधा, तिष्या, मृगशिरा, रेवती, हस्ता तॖ धनिष्ठा

निषेध याने अशुभ (अश्वब) नक्षत्र

"""""""""""""""""""""""""""""""""""""""""""

भरनी, कृतिका, आर्द्रा, आशलेषा, मघा, चित्रा, स्वाति, विशाखा

मध्यम नक्षर

"""""""""""""""

रोहिनी, उतराफा, उत्तराषा, उतरॖभा, पूर्वाषा, ज्येष्ठा, मूला, शतबिशक

भरनी (भरन) (बर) तॖ कृतिका (कृति)(क्रछ़) छि ज़ॖ नक्षत्र हमेशॖ निषीध मानॖनॖ यिवान।

पऻन्च़न नक्षत्रन याने धनिष्ठा, शतभिषा, पूर्व भाद्रा, उतर भाद्रा तॖ रेवती।अथ समूह कालस छु रोज़ान द्रठॖपऻन्च़ुक।

अमि अलावॖ छि जंत्री मंज़ राशि ति हऻविथ आसान। यिम छि कुल बाह - यिहॖन्द् नाव छि :

1. मेष (Aries) 2. वृष (Taurus) 3. मिथुन ( Gemini) 4.कर्कट (Cancer) 5. सिंह (Leo) 6. कन्या (Virgo)  7. तुला (Libra) 8. वृश्चिक (Scorpio) 9. धनु (Sagittarius)10. मकर (Capricorn) 11. कुम्भ (Aquarius) 12. मीन (Pisces)

युस ति कांह सानि याने कऻशिर्य ज़ऻच़ मंज़ ज़न्म ह्यथ यथ समसारस मंज़ यिवान छु तम्यसॖन्दि नावॖ छि अख ट्यॆकिन्य बनान यथ मंज़ तऺम्यसॖन्दि ज़्यनुक समय, तिथि, वार, नक्षत्र, लऺगॖन, मऻल्यसुन्द नावस सॗत्य सॗत्य छि राश ति यिवान हावनॖ। हालांकि सऻर्यसॖय ह्यॆन्द्य समाजस मंज़ तॖ ब्यॆयि ति कॆंच़न मनुष्य ज़ऻच़न मंज़ छि राश मानॖनॖ यिवान। ॳस्य छि वुन्यक्यनस पनॖनि ज़ऻच़ याने कऻशिर बटॖ ज़ऻच़ हॖन्ज़ कथ करान। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

24.01.2021

24.01.2021,पॊह (पौष) ज़ूनॖ पछॖ (शुक्ल पक्ष) काह (एकादशी) आथवार (रविवार/ऐतवार) नक्षत्र रोहि, श्री सप्तर्षि सम्वत 5096, राश वृष (चलान) ऋतु शिशर (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

               लल वाक्

        (पराग पुस्तक-190-क)

आगरुय हा मालि ग्रॊज़ुम

वुगवाने डूर सॊगुम

ओरचि कृपाये ज़गथ व्यॊज़ुम

योरॖ म्यॆ कॆंह कॊरमस नो

           अर्थात

स्रोत ने गर्जन किया नहीं तो मै ने थोडे थोडे पानी से क्यारी को सींचा था। जब उनकी कृपा हुई तब ही जगत का रहस्य ज्ञात हुआ, मेरे करने से कुछ प्राप्त नहीं हुआ। अर्थात मै ने तो थोड़ा सा परिश्रम किया परन्तु उस से क्या हो सकता था, किंतु प्रभु की कृपा होने से ही मैं कुछ जान गई।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

           **********

1. शाहकार (Masterpiece)

2. शाहसवार (Horse man/Princely/Jockey)

3. शाहद (Witness)

4. शायान (Suitable for/Worthy of)

5. शायद (Perhaps/Possibly/Probably)

               मुहावरॖ

1. मु: वुफ वॖन्य रटॖन्य

    अ: अलान्द्यन थपॖ दिन्य, या,

         नामुम्किन कऻम मटि हॆन्य

2. मु: वतन हुन्द माज़ लतन तॖ 

          लतन हुन्द माज़ वतन

    अ: मॆहनत मॊज़ूर्य करान रोज़ुन

3. मु: वति वति छु आब पकान

    अ: पनॖन्यन छि सऻरी मदद 

          करान, या, पनॖन्यन सबन

          पनॖन्य वाज़ॖ

       (पनॖन्य शुर्य ह्यॆछॖनऻव्यूख)

**************************

पंचान्ग:- जंत्री मंज़ छु हऻविथ ऱयथ, तिथि याने तऻरीख, वार याने दुहुक नाव, पछ याने ज़ूनॖ पछ याने शुक्लॖ पक्ष, गटॖ पछ याने कृष्ण पक्ष। जन्त्री मंज़ छु ब्यॆयि अख खानॖ यथ मंज़ छु हऻविथ नक्षत्र। वऺलिव अज़ करव अथ प्यठ कथ बाथ। सऻन्य जंत्री छि हावान कुल सतोवुह नक्षत्र तॖ यिहिन्द्य नाव छि यिथ पऻठ्य :

1. ॶश्वनी (अश्वि) 2. भरनी (भर)

3. कृतिका (कृति) 4. रोहिनी (रोहि) 5. मृगशिरा (मृग) 6. आरिद्रा (आर्द्र) 7. पुनर्वसा (पुर्न) 8. पुश्यामि (तिष्य) 9. अशिलेशा (आश्ले) 10. मघा (मघा) 11. पूर्व फाल्गुनी (पूफा) 12. उत्तरा फाल्गुनी (उफा) 13. हस्ता (हस्त) 14. चित्रा (चित्र) 15. स्वाति (स्वाति 16. विशाखा (विशा) 17. अनुराधा (अनू) 18. ज्यॆष्ठा (ज्येष्ठ) 19. मूल: (मूला) 20. पूर्व आषाढा (पूषा) 21. उत्तर आषाढा (उषा) 22. श्रवण (श्रव) 23. धनिष्ठा (धनि) 24. शतभिषा (शत) 25. पूर्व भाद्रा (पूभा) 26. उत्तर भाद्रा (उभा) 27. रेवती (रेव)

ब्रेकट्यन मंज़ छि यिमन नक्षत्रण हॖन्द्य छ़ॊटॖरऻविथ नाव तॖ यिमय छ़ॊट्य छ़ॊट्य नाव छि सानि जंत्री मंज़ हावॖनॖ आमॖत्य नक्षत्र किस खानस मंज़। यिमन नक्षत्रण मंज़ छि कॆंह उत्तम याने शुभ या जान नक्षत्र यिवान मानॖनॖ यात्रायि बापथ, कॆंह छि मध्यम याने न ज़्यादॖ जान याने शुभ तॖ न ज़्यादॖ ख़राब याने अशुभ तॖ कॆंह नक्षत्र छि अशुभ याने निषेद या नाकारॖ या ख़राब यिवान मानॖनॖ यात्रायि बापथ। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com  प्यठॖ ति)

23.01.2021

23.01.2021 पॊह (पौष) ज़ूनॖ

पछॖ (शुक्ल पक्ष) दऺहम (दशमी) बटॖवार (शनिवार/शनिश्चरवार) श्री सप्तर्षि सम्वत 5096, राश वृष (चलान) ऋतु शिशर (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक-190)

समसार नोम तऻव तऺच़ॖय

मूढन किच़ॖय तावनॖ आय

ज्ञान मुद्रा छि ज्ञऻनियन किच़ॖय 

स्व यूगॖ कलि किन्य प्रज़नॖ आय

            अर्थात

संसार मूढों के लिए ऐक तपता तवा है किंतु ज्ञान मुद्रा वालों के लिए नहीं। वह ज्ञान मुद्रा उन को योग अभ्यास से प्राप्त होती है

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             ********

1. शाह (Breath/Sigh/Respiration/Breathing/King/Monarch/Chief/Great/Eminent/Notable)

2. शाहानॖ (Royal/Regal/Splendid)

3. शाहतीर (Beam)

4. शाह रग (Jugular vein)

5. शाहज़ादॖ (Prince)

             मुहावरॖ

1. मु: वानस फालव दिथ गछ़ुन

    अ: सोरुय पथ कुन त्रऻविथ 

         च़लुन

2. मु: वऻनिस छि ग्राहख वनि

    अ: वानॖवऻलिस छि पनॖन्य

         ग्राहख वनि आसान

3. मु: वऻनिस नॖ ॴस च़ूरस नॖ 

         च़ास

    अ: पनॖन्य कऻम छ़ॊपॖ दम 

          कऺरिथ करॖन्य

        (पनॖन्य शुर्य ह्यॆछॖनऻव्यूख)

**************************

पंचान्ग:- ट्यॆकिनि छि अज़कल ति कऻशिर्य बटॖ मिलनावान रोज़ान अल्बतॖ मिलनावन वऻल्य रुद्य कम तॖ मिलनावनॖक्य तोर तरीकॖ ति छि बदलेमॖत्य। कम्प्यूटरॖ दऺस्य छि ट्यॆकिनि यिवान मिलनावनॖ, यिम पर-ज़ऻच़ मंज़ व्वंय खान्दर करान छि, तिहॖन्दि बापथ छु ट्यॆकिन्य मिलाप बे-मतलब तॖ बे-माने। वर वधु छ़ान्डनुक तरीकॖ ति छु बदल्योमुत। मऺन्ज़िमयऻर्य चूंकि छि स्यठाह कम नज़र यिवान, मैगज़ीनन मंज़, अख़बारन मंज़, मोबाईलन मंज़ छि इश्तिहार यिवान दिनॖ तॖ मऺन्ज़िमयऻर्य सॖन्ज़ कमी छि पूरॖ सप्दान अज़कल। कॆंह खान्दर छि इन्टरन्यटॖ दऺस्य, फेसबुकॖ दऺस्य, वगैरा वगैरा सादनव दऺस्य ति यिवान करनॖ। यिथ्यन कॖसन मंज़ छु ट्यॆकिन्यन हुन्द कमॖय पाहन हाजथ प्यवान। बोज़नस तल छु यिवान ज़ि अज़कल छि खान्दरॖ पतॖ कॆंच़न दम्पतियन पानॖवुन्य तनाव बंडान रोज़ान तॖ तलाकॖच रफ़तार छि स्यठाह तेज़ेमॖच़ तॖ आदालॖच़ वानन ताम छि यितॖ गछ़ करान रोज़ान। ग्वडॖ ॴस्य प्रछ़ॖगऻर करान क्वलावऺली वुछिथ अज़कल छॆ नॖ क्वलावली मंज़ तिम इस्तर्यन हॖन्द्य पिस्तऺर्य ॴश्यनाव नज़रि तल गछ़ान। पर-ज़ऻच़ मंज़ खान्दर करनस प्यठ छॆ नॖ क्वलावली वुछानॖय व्वंय। वुछिथ ति क्याह नेरि। मिया बीवी राज़ी तो क्या करेगा काज़ी। यि बदलाव यिनॖ सॗत्य छा कऻशुर बटॖ व्वंय फऻयदस मंज़ किनॖ न्वकसानस मंज़ यि वनुन छु हना मुश्किल पाहन मगर प्यॆठ प्यॆठ यॊदवय वुछव तॖ बासान छु ज़ि न्वकसान छु ज़्यादॖ तॖ फऻयदॖ छु कम। पानस ति तॖ समाजस ति। अमि नतीजुक छु असि स्यठाह ग़म। मगर कऺरिथ छि सऻरी छ़ॊपॖ दम। वुछान छि ज़ि कुस रटि अथ यीरवॖन्य नावि नम। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

22.01.2021

22.01.2021 पॊह (पौष) ज़ूनॖ पछॖ (शुक्ल पक्ष) नवम (नवमी) शॊकुरवार (शुक्रवार/जुम्मा), श्री सप्तर्षि सम्वत 5096, राश वृष (रऻच़ हॖन्ज़ॖ 1.24 बजि प्यठॖ) ऋतु शिशर (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

        (पराग पुस्तक- 189)

 सहज़स शम तॖ दम नो गछ़ि

यछ़ि नो प्रावख म्वखती द्वार

सलिलस लवन ज़न मीलिथ गछ़ि

तोति छुय द्वरलब सहज़ व्यच़ार

               अर्थात

केवल शम तथा दम से ईश्वर नहीं मिलता तथा केवल इच्छा करने से ही मुक्ति नहीं मिलती है। इन में कॊई यदि पानी में नमक की तरह गुल जाए तो भी सहज विचार दुर्लभ है। सारांश यह कि केवल इच्छामात्र से मुक्ति नहीं मिलती अपितु अंथक प्रयत्न से ही ऐसा होने की सम्भावना है। 

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *********

1. शानॖ (Back/Shoulder)

2. शांद (Pillow/A shelter/A support)

3. शांद गॊन्ड (Pillow/Cushion)

4. शांश (Suffocation/Asthma)

5. शाह खसुन (To breathe)

               मुहावरॖ

1.मु: वऻरान बोनि हुन्द काव

   अ: बेकस तॖ बे-मददगार,या,

        यस नॖ कांह च़ुक्यदर आसि

2. मु: वऻन्लिजि दऻदिस रोहनॖ 

         च़्यॊट

    अ: दऻदिस मुतऻबिक दवा

3. मु: वऻन्टिस हय ख्यॆयज़ि कॆंह

         छ़ॊछ़िस क्याह ख्यॆयज़ि

    अ: कॊन्जूसस निश न्येरि कॆंह

          न्यदऻरिस निश नॖ कॆंह

      (पनॖन्य शुर्य ह्यॆछॖनऻव्यूख)

**************************

पंचान्ग:- यॆमि वखतॖच बॖ कथ करान छुस याने 1959-60-च, मन्ज़िम यार्यन हुन्द बोल बाला ओस स्यठाह तॖ ओस तिमन मन्ज़िमयार्यन स्यठाह चिकॖ थाव। क्वलॖ ब्रह्मुन ओस अक्सर ट्यॆकिनि रलावान रोज़ान तॖ मऺन्ज़िमयऻर्य ॴस्य ट्यॆकिनि बंडल ह्यथ वातान हाजथमंन्दन निश तॖ हावान ज़ि क्वस ट्यॆकिन लगि तॖ क्वस लगि नॖ। यॊताम म्यॆ ज़्वन छु, मुसलमानॖय ॴस्य यि कार ति करान। बटॖ मऺन्ज़िमयऻर्य ॴस्य ब्रह्मन तबकॖ मंज़ॖ कॆंह गिने चुने लूख आसान। कॆंह मुसलमान मऺन्ज़िमयऻर्य ॴस्य खऻलिस यिहऻय कऻमॖय करान रोज़ान तॖ यिहऻय ओसुख पनॖनि कमायि हुन्द ज़रियि बनोवमुत। मुसलमानन मंज़ ओस नॖ ट्यॆकिन्यन हुन्द रवादोर। न ओस सिख समाजस मंज़। यि रिवायत ॴस्य कऻशिर्य बटन मंज़ॖ कऺशीरि मंज़। नरस खर तॖ खरस नर । यि कऻशिर्य दऺपित याने यि मुहावरॖ ति छु आज़मावनॖ आमुत कऻशर्यन मंज़ॖय। ति ज़न गव ज़ि छ़ॊटिस लऺडकस ज़्यीठ कूर, छ़ॊचि कॊरि ज़्यूठ लऺडकॖ। जान स्वन्दर कोरि कुरुप लऺडकॖ या स्वन्दर लऺडकस वुकॖर तॖ त्रकॖर कूर। दपान ॴस्य ज़ि यि गऺयि कर्मॖ लीखा यॆमिस  युथ लानि आव। लऺडकन तॖ कॊर्यन हॖन्ज़न ट्यकिन्यन ॴस्य मिलावान याने द्वश्यवॖन्य हॖन्द्य ग्रॖहॖद्य ॴस्य वुछान मेलान छा तॖ तमि हिसाब ॴस खान्दरन हॖन्ज़ कथ बाथ यिवान करनॖ। वुछनस तल छु आमुत ज़ि तमि वखतॖ ओस मोल मऻजी तय करान क्वलावली मंज़ कॆंच़न चीज़न हुन्द नाप तोल कऺरिथ ज़ि कथ छा ब्रोंह कुन पकनावॖ किनॖ न। लऺडकस या कोरि ताम ओस न आसान कॆंह तॖ न ओस रिवाज लऺडकस कोरि पानॖवॖन्य अख ॳकिस सॗत्य जान पहचान करनुक द्वहवादन तॖ ऱयतॖवादन। वुछान ॴस्यं अख ॳकिस मगर मसऻवी तोर पऻठ्य। क्वलावली प्यठ ओस हना स्यठाह गहरऻयी सान सोच विचार यिवान करनॖ, मसलन मातामाल किथ्य छिस, कतिक छिस,माम कऻत्याह छिस, मासॖ, प्वफॖ, वगैरा। यिथय पऻठ्य ॴस्य कॊरिवऻल्य ति प्रॖछ़गऻर करान रोज़ान ज़ि गरॖ क्युथ छु, कतिक छि, गामॖक्य छा, शहरॖक्य छा, गरॖ कोताह बॊड छुस, द्रिय ज़ऻम कऻत्याह छिस, हश ह्युहुर छुसा वगैरा वगैरा। तमि पतय ओस क़दम यिवान ब्रोंहकुन तुलनॖ। अज़कल रूद मन्ज़िमयोर लबिताकस, क्वल ब्रह्मुन वोत आसमानस, कूर लऺडकॖ लऺग्यमॖत्य पानय अख ॳकिस परखॖनावनस। पर-ज़ऻच़ मंज़ छ़ऻन्ड दिवान रोज़ान तानस, बदलाव आव खान्दरिकिस कारखानस, ॳज़िच पुय करान नॊन डानस तॖ निवान चानस मंज़ कुनि ति मॊयखानस। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

21.01.2021

21.01.2021, पॊह (पौष) ज़ूनॖ पछॖ (शुक्ल पक्ष) ॴठम (देवादेव) (अष्टमी) (देवादेव) ब्रसवार (वीरवार/बृहस्पतिवार), श्री सप्तर्षि सम्वत 5096, राश मेष (चलान) ऋतु शिशर (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

               लल वाक्

       (पराग पुस्तक-188)

स्वर्गस माज़ुन क्या छुय बासनो

नरकस वासुन आसुन द्वेश

च़ख रॖश नासुन शिवमय आसुनो

पानय आसुन कासुन भीद

             अर्थात

स्वर्ग से राग तथा नरक से द्वेष क्यों करते हो? राग द्वेष का अभाव ही शिवमय होने का आभास कराता है। शिवमयता स्वयं ही भेद को नष्ट करती है

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              ********

1.शऻमियानॖ (Pavilion/Canopy)

2. शान (Dignity/Splendor/Glory/Luster/Respect)

3. शानदार (Dignified/Splendid)

4. शान शौकत (Pomp and show/Glory/Splendor)

5. शानॖ बॊड (Splandour/Dignified/Honourable/Famous)

              मुहावरॖ

1. मु:  वावस नावि सऻल

    अ:  बे मोकॖ कऻम करॖन्य

2. मु:  वऻन्य दांद तॖ लऻन्य कान। 

    अ: अकि ख्वतॖ ज़्यादॖ कऻम 

          करनस मंज़ मऻहिर आसुन

3. मु: वाव वुछिथ नाव त्रावॖन्य

    अ: करनॖ ब्रोंह सोंचुन, या, 

         सूंचिथ समजिथ क़दम 

         तुलुन

      (पनॖन्य शुर्य ह्यॆछॖनऻव्यूख)

**************************

पंचान्ग:- वैसे ति ओस म्यॆ व्वंय ब्रिजनाथुन युन गछ़ुन हना कम्य पाहन ति क्याज़ि व्यस्तॖता ॴस बडेमॖच़ पनॖनि पनॖनि जायि तऺमिस ति तॖ म्यॆ ति। ब्रिज नाथ ओस नोकरी करान तॖ बॖति ओसुस कालिजिच पडायि सॗत्य सॗत्य कनिकऺदलॖ शिवाला मंदरस मंज़ ॳकिस ड्रामा पार्टी मंज़ ज़ंगॖ ज़ंग करान रोज़ान। मोहन लाल ति ओस पटवऻर्य ट्रेनिंग मंज़ आवुर तॖ तऺमिस निश ति रूद युन गछ़ुन मंज़्य मंज़ीय। गिरधऻरी लालुन डाक्टर आसनुक पज़र ति ओस व्वंय नन्योमुत तॖ यिथॖकऺन्य ओस राज़स फाश गोमुत। तोति प्रुछ़ म्यॆ द्वह अकि ब्रिजनाथस गिरधऻरी लालॖन्य कथ तॖ तमि द्वह गव ब्रिज नाथ छितॖ ह्यु, बुथिस फ्यूरुस ल्यॆदरर्यार तॖ ज़्यव ज़न गऺयस ख्वखॖर हिश तॖ वॊनुन ज़ि शोठ ओस तमि सातॖ ल्वकुट येलि ब्यॆनिगाशि खान्दर कॊरुख। वॊनुन ज़ि बॖ ओसुस  गरस मंज़ ल्वकुट तॖ तमि मूजूब ॴस नॖ  म्यॆ ताम वातान ख़बर ज़ि गरस मंज़ सपदान क्याह छु। पज़र ति छु ती। यॊदवय तॊह्य पॊत काल वुछिव, कऺशीरि मंज़ ॴस्य प्रथ बटॖ क्यो मुसलमान गरस मंज़ आसान शॆ शॆ सथ सथ शुर्य तॖ गरॖक्य मसलॖ ॴस्य नॖ ल्वकट्यन  शुर्यन ताम वातानॖय। म्यॆ छु बूज़मुत ज़ि हऻन्ज़स तॖ वातलस ॴस्य आसान शुर्य तंदल। दपान ॴस्य ज़ि हऻन्ज़स ॴस्य शुर्य बऺडिथ बाहच़ि लमनस लगान तॖ वातॖलस ॴस्य शुर्य बऺडिथ कमऻयि करनस लगान ति क्याज़ि वातलस दपान ॴस आसान कमऻय स्य़ठहॗय कम तवय ॴस्य तऺमिस ज़्यादॖ ज़्यादॖ शुर्य आसान। यिथय पऻठ्य यॆलि व्यतस्तायि मंज़ हऻन्ज़ ओस बाहच़ पकनावान  दोलॖ दिशायि मंज़ पान्युक बहाव ओस नॖ बाहच़ि ब्वनॖ प्यठॖ ह्यॊर कुन खसनॖ दिवान तॖ हऻन्ज़ ओस रज़ि सॗत्य लमान रोज़ान तॖ अदॖ ॴस बाहच़ वारॖ वारॖ पकान रोज़ान। सु नज़ारॖ ति ओस आसान वुछुन लायख। ॳड्य हऻन्ज़ तॖ हऻन्ज़ बायि आसॖ हमतुल चलावान रोज़ान तॖ कॆंह हऻन्ज़ ॴस्य बाहच़ि रज़ गऺन्डिथ पानॖ दऺर्यावॖ बठि बठि लमान रोज़ान तॖ बाहच़ि ओस सऺही दक्कॖ मेलान। यिति आसि याद म्यान्यन बायन ब्यॆन्यन ज़ि कऺशीरि मंज़ ओस शहरस मंज़ लूकन माहानॖ राशन बाहच़व दऺस्य वातान। बाहच़व दऺस्य ॴस्य ब्यॆयि ति वारियाह चीज़ यिवान सारनॖ होरॖ योर याने अकि जायि प्यठॖ ब्यॆयिस जायि ताम वातनावानॖ, मसलन म्यॆच़, कनि, स्यख, सुरिख्य, सेरि, रूड्य वगैरा वगैरा। यिथय पऻठ्य ॴस वातल कलहीर कथ ति मशहूर कऺशीरि मंज़ यॆम्युक ज़िकॖर ब्यॆयि कुनि द्वह करव। खऻर ब्रिजनाथस ओस नॖ ब्यॆयि अमि मऺज़ीद तऺम्यसॖन्दिस ब्यॆमस मुतलक प्रछ़नस कांह मतलबॖय मगर यूत लॊग पताह ज़ि अथ कथि मंज़ ओस अख मंज़िमयोर ति आमुत बारसस। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

20.01.2021

20.01.2021, पॊह (पौष) ज़ूनॖ पछॖ (शुक्ल पक्ष) सतम (देवादेव) (सप्तमी) (देवादेव) ब्वदवार (बुद्धवार) श्री सप्तर्षि सम्वत 5096, राश मेष (दुहॖचि 12.35 बजि प्यठॖ), सॗती म्वकलि द्रठॖपऻन्च़ुक (पंचक) ति अज़, ऋतु शिशर (चलान) 

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

      (पराग पुस्तक- 187)

शील तॖ मान छुय पोन्य क्रन्जे

म्वछि यॆम्य रॊट मालि यॊद वाव

हॊस्त युस मस्तवालॖ गन्डे

तिय यस तगि तय सुय अदॖ निहाल

              अर्थात

1. शील और मान टिकाव नहीं होते हें। मन की क्रिया होने के कारण यह टोकरी में पानी भरने के समान है। अर्थात, अस्थाई है। मन को काबू करने वाले ने मानो वायु को मुट्ठी में बंद किया हो और हाथी को एक बाल से बांध लिया हो। जो ऐसा करने में समर्थ है वही निहाल अर्थात पूरी तरह संतुष्ट हो गया।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            **********

1. शामॖ शामय (In the evening itself)

2. शाम रंग (Dark colour)

3. शाम स्वन्दर (Beautiful/Name of Lord Krishna)

3. शाम्यर (Blackness)

4. शामथ (Misfortune/Ill luck/Evil days/Punishment)

               मुहावरॖ

1. मु: वाख वाख द्यनी बैरवी

    अ: वन वन कऺरिथ छु ती

         सपदान

2. मु: वाज़ गव लूकन क्युथ

    अ: दॊयम्यन परुन पानस पॖर 

          पॖर, या, अमल नॖ करॖन्य

3. मु: वालॖ वालॖ खोसॖ

    अ: कऻन्सि हॖन्ज़ सऻरॖय दौलथ 

          विटि विटि ख्यॆन्

         (पनॖन्य शुर्य ह्यॆछॖनऻव्यूख)

**************************

प़चान्ग:- गिरधऻरी लालन तुज रुमाल थॊद अमि ल्वकचि गोल कानिव टुकरि प्यठॖ तॖ तुलुन थॊद डकॖनॖ ति तॖ नॊन द्राव अख बॊड तॖ व्यॊठ पूठ स्वरुफ युस अथ पिटारि याने टूकरि मंज़ ॴर कऺरिथ बिहिथ ओस। तमाशॖ गव शुरु, लडकॖ युस डाबॖर वायान ओस ब्यूठ म्वरली याने बांसुरी वायनि तॖ कॊडुख यि सॊरुफ न्यबर अमि पिटारि मंज़ॖ। गिरधऻरी लालन कऺर क्वसताम कथा शुरु ज़ि यि नागराज याने स्वरुफ छु आसान अफ्रीका क्यन जंगलन मंज़। यॆलि यि टॊफ दिवान छु ॳम्यसुन्द शिकार छु नॖ ज़्यादॖ कालस ज़िन्दॖ रोज़ान। यि कथ गव यि बऻज़्यगार ज़्येठरावान तॖ सॗती कॊडुन सॊंदकॖ मंज़ॖ क्याहताम टिकी हिशॖ तॖ ब्यॆयि ति क्याहताम क्याहताम पूरि हिशि तॖ ब्यूठ तमाशॖबीनन मंज़ हावान तॖ बऻगरावान। स्वरुफॖसॖन्ज़ कथ वनान वनान वोत यि अथ टिकियि प्यठ तॖ वॊनुन ज़ि यि लागन सॗत्य छु स्वरुफॖ सुन्द ज़हर खतम गछ़ान दऺसती। यिथय पऻठ्य गव वनान कॆंच़न दाद्यन हॖन्द्य नाव तॖ कॊरुन हाविमच़ि पूरि कुन इशारॖ तॖ ब्यूठ अमि पूरि हॖन्द्य फऻयदॖ वनॖनि तॖ वॊनुन ज़ि यि पूर्य पऻनिस सॗत्य रलऻविथ ख्यनॖ सॗत्य गछ़न दूर यिम सारेयि ब्यमारि। यी करान करान ह्यॊतुन अमि टिकी हुन्द तॖ पूरि हुन्द कॗमथ वनुन तॖ ह्यॆच़ॖन बिकरी करॖन्य। मजमुअस मंज़ खड़ा लूकव ह्यॊत कॆंच़व यि टिकी तॖ पूर्य तॖ कॆंच़व ह्यॆच़ नॖ। अंतत: ग्युन्द अम्य स्वरुफस सॗत्यन, दवा कुनुन तॖ ऒड गन्टाह होवुन तमाशॖ वगैरा तॖ वॊट ॳम्य पनुन वाहरोवमुत दुकान तॖ द्रायि सऻरी पानस पानस। बॖति द्रास पनुन गरॖ कुन। गरॖ वोतुस च़ीर्य तॖ माजि म्यानि प्रुछ़ म्यॆ वजह च़ीर्य यिनुक तॖ म्यॆ बोज़नऻव पनॖन्य मऻज्य यि सऻरॖय कथ। त्वहि यी नॖ पछ़ॖय यि बूज़िथ ज़ि म्यानि माजि द्राव यकदम ॴसॖ मंज़ॖ, हय क्याह गोम, तॖ दंदस तल छ़ॖनिन्य ज़्यव तॖ बॖ करनोवनस छ़ॊपॖ। वॊनुनम च़्यॆ आसिय ब्रोंत गोमुत। यि आसिही ब्यॆयि कांह, ब्रिज नाथुन ब्यॆमॖ आस्याह बऻज़गार। यि क्वसु त्रठ। बटन मंज़ ति छा कांह यि कार करान। माजि म्यानि आव नॖ विश्वासॖय यि म्यऻन कथ बूज़िथ तॖ कऺरॖन म्यॆ नसीहथ ज़ि अगर यि हरगाह पॊज़ छु तॖ च़ॖ ॴस्य ज़्यनॖ ब्रिज नाथुन गरॖ यिवान गछ़ान। क्याह पताह च़्यॆति परी मॗथरा वॗथरा कुनि द्वह तॖ गछ़ख बखऻलन ख़राब। ख़बर क्याह क्याह वॊन म्यानि माजि ब्यॆयि ति तॖ ॴसॖस नॖ बिहान म्यऻन्य यि कथ। बटॖ तॖ बऻज़्यगार। नबा यि गऺयि नऺवॖय त्रठा। ॳमिस मा आसन लूख थ्वकॖ छ़ॖनान। च़ॖहऻय दपान ओसुख ज़ि ब्रिजनाथस छु ब्यॆमि डाक्टर। यि किथ सना पऻठ्य छु लॊगमुत अथ तपालि। यी वनान वनान बदल्यव विषय। म्यानि माजि करनोवनस बॖ छ़ॊपॖ। म्यॆति ज़ोन ती मुनऻसिब। कथ छि जऻरी।दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ podcast दऺस्य ति)

https://anchor.fm/bldeep

(यहि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

19.01.2021

19.01.2021 पॊह (पौष) ज़ूनॖ पछॖ (शुक्ल पक्ष) शॆयम (देवादेव) (षष्ठी) (देवादेव) बॊम्वार (मंगलवार), श्री सप्तर्षि सम्वत 5096, राश मीन (चलान) द्रठॖपऻन्च़ुक (पंचक) (चलान) ऋतु शिशर (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

      (पराग पुस्तक-186)

अनाहत ख-स्वरूफ शून्यालय

यस नाव नॖ वर्ण नॖ गुथुर तॖ रॗफ

अहम विमर्ष नाद ब्यंदॖय यस वॊन

सुय दीव अश्ववार प्यठ चड्यस

              अर्थात

ऐसे घोडे पर चढने  वाले घुडसवार के बारे में स्वयं ही उत्तर देती हैं,  कि जो अनाहत अर्थात ओम शब्द रूप है, आकाशवत शून्य का स्रोत है, उसका कोई नाम वर्ण गोत्र तथा रुप नहीं है। अहं विमर्ष नाद बिंदु रूप की जिस को पहचान तथा समझ है और सदा उसी में स्थित है। वही पूर्ण साधक रूपी देव घुडसवार इस घोडे पर चढ सकता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            ********

1. शादाब (Green/Lush/Radiant with health)

2. शऻद्यमरॖग (Death from sudden joy)

3. शालॖ टुंग (Bully of jackal)

4. शाल (Jackal/shawl)

5. शाम (Evening)

                 मुहावरॖ

1. मु: वाजि सान अथॖ प्यठ थावुन

    अ: कऻन्सि रुत करनॖ वरऻय 

         मिनथ खारॖन्य

2. मु: वादस वाद न्यालस न्याय

    अ: वाद वाद करुन, या, 

         बे-लिहाज़ॖ पऻठ्य वरतावं

         करुन

3. मु: वारिनि निश शुर थवुन

         खऺटिथ

    अ: राज़दारस निश राज़ खटुन

         (पनॖन्य शुर्य ह्यॆछॖनऻव्यूख)

**************************

पंचान्ग:- कऺशीरि मंज़ रूज़िथ तॖ मुसलमान बायन मंज़ व्वथनॖ बॆहनॖ सॗत्य ॴस्य कऻशिर्य बटॖ वारियाहन तिमन चीज़न सॗत्य वऻकॖफ गऻमॖत्य यिमन चीज़न सॗत्य कऻशिरिस बटस दूर दूर ताम ओस नॖ कुनि कॖसमुक लेन देन। ति ज़न गव मिसाल तोर पऻठ्य, सऻद मकऻर बनुन,स्यदॖ लऻन्छ़ बऺनिथ गरॖ गरॖ गऺछ़िथ नच़ुन, बान्डॖ पऻथर करुन, हऻन्ज़ लडऻय करॖन्य तॖ लडऻय फॊतिस तल थवॖन्य, ल्यकॖ ल्यख तॖ थ्वकॖ थ्वख करॖन्य,दपान ॴस्य मुसलमानस छि ग्वडॖ ल्यख ज़ामॖच़ तॖ अदॖ छु मुसलमान आमुत, सब्ज़ी कॖनॖन्य, फीर्य करॖन्य, टांगॖ चलावुन, बस ड्राईवर बनुन, नावि  हऻन्ज़ बनुन, वातुल बनुन या चमार बनुन, छान या दऺसिल बनुन, सॖच़ या नऻविद बनुन, मॊज़ूर, ख़ार, सकॖ, ख़बरदार वोल,तबरदार वोल, गिन्दन गॊर,साज़िन्दर, ब्यॆछवुन, बऻज़यगार तमाशि हावन वोल वगैरा वगैरा। यिम चीज़ योदवय वुछव तॖ ॴस्य असि ब्रूंठ्य यिवान सुह प्यठॖ शाम ताम।  कऻश्यरिस बटस ओस यिमन चीज़न सॗत्य स्यठाह सॊन तॖ गॊन रिश्तॗ बन्योमुत मगर यिम कार ॴस वऺसिथ पायिक कार यिवान मानॖन तॖ यिमव कारव मंज़ॖ ओस नॖ बटॖ अख कार ति पानॖ करान मगर रिश्तॖ ओसुन थोवमुत बनऻविथ सनिरॖ तॖ गनिरॖ सान। यि बटॖ सॖन्ज़ मजबूरी ॴस, मॊहतऻजी, सोचनॖच कमज़ूरी ॴस, पननॖ परनॖ लेखनॖच तॆह ॴस, अहम् ओस या बेवसीलगी ॴस या ब्यॆयि कांह वजह ओस अथ प्यठ करव नॖ वुनक्यनस  बहस मगर बटॖ ओस यिम कार वुछान तॖ नज़र अन्दाज़ कऺरिथ पकान रोज़ान तॖ कडान पनुन द्वह द्वह। ॳथ्य दऻर्य वुछनय सानि ॳछ मॖ वुछनय। यॊदवय त्वहि ति ज़्वन आसिवॖ ख़ास कर तिमन यिम कऺशीरि शहरस मंज़ रोज़ान ॴस्य, बटस ओस नॖ वा-गुज़ारॖ यिमव कारन मंजॖ अख ति कार करनस, ति कऺरिथ ति म्यॆ ओसवुछनस तल आमुत ज़ि कॆंह म्यऻन बटॖ बऻय ॴस्य द्रामॖत्य च़ॖनि रॖख कऺरिथ या सीनस प्यठ कऺन्य थऺविथ या ॳछन पऺट गऺन्डिथ तॖ छ़ॖन्यमॖच़ ॴसॖख ज़ंग कुनि कुनि कारस मगर ॴस्य त्वमलस मंज़ कनॖफऺलिस बराबर। मिसालन जिया लाल ओस टांगॖ चलावान तॖ ॴसिस वनान जी टांगॖवोल, गोपी नाथ ओस खान्दरन मंज़ गऺछ़िथ ग्यवनस सॗत्य सॗत्य गिन्दन गॊर ति बनान तॖ वनान ॴसिस गुपॖ बचॖ, सोम नाथ ओस पनॖन्य बस चलावान तॖ ॴसिस वनान सूमॖ ड्राईवर। यिथय पऻठ्य ओस गिरधऻरी लाल बऻज़्यगऺरी खेल करान रो़ज़ान तॖ ॴसिस वनान गिरॖ डाक्टर। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

18.01.2021

18.01.2021 पॊह (पौष) ज़ूनॖ पछॖ (शुक्ल पक्ष) पऻन्च़म (देवादेव) (पऺचमी) (देवादेव) च़ऺन्दॖरवार (सोमवार), श्री सप्तर्षि सम्वत 5096, राश मीन (चलान) द्रठपऻन्च़ुक (चलान) ऋतु शिशर (चलान).....अज़ छि कुमार शॆयम ति

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक-185)

शिव गुर तय कीशव पलनस

ब्रह्मा पायर्यन व्वलर्यस

यूगी यूगॖ कलि परज़ान्यस

कुस दीव अश्ववार प्यठ च़ढ्यस

            अर्थात

यह एक अध्यात्मिक पहेली है जिस में ललेश्वरी पूछती है कि शिव एक घोडा है और केशव उसका पलना (काठी) तथा ब्रह्मा रिकाव बनकर प्रतीक्षा करते हुए झूम रहा है। योगी जिस को योग रुचि द्वारा पहचानता है। कौन है वह देव जो घुडसवार के रूप में इस घोडे के ऊपर चलने वाला या बैठने वाला हो सकता है

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

               ********

1. शाबाश (Brave/Well done/Excellent/Buck up)

2. शाख (Branch)

3. शाख तरऻशी (Cutting/Pruning of branches)

4. शाद (Glad/Happy/Joyful/Cheerful/Pleasant)

5. शादमऻनी (Happiness/Rejoicing)

                   मुहावरॖ

1. मु: वातल बट्वार 

    अ: अपुज़ वादॖ करुन, या,

         अज़ तॖ पगाह करुन

2. मु: वातलस दिच़्यॊख डायन

         गर्यन राज, तऺम्य कॊड 

         दालुव  ज़रॖब

   अ: थज़र प्रऻविथ ति नज़र छ़ॊट

         आसॖन्य,या,पनॖन्य खसलथ

         नेशनावॖन्य

3. मु: वान्या मठस नय छुय कॆंह

         वुठस ति छुय ना

    अ: अथॖ नय कथि सॗती हमदर्दी

          करॖन्य 

         ( पनॖन्य शुर्य ह्यॆछॖनऻव्यूख)

**************************

पंचान्ग:- गिरधऻरी लालुन फोटु योदवय म्यॆ वुछमुत ओस ब्यन्यगाशि सॗत्य ब्रिज नाथ जी नि गरि ॳकिस कुठचि लबि प्यठ बॖ ओसुस तऺमिस सॗत्य रू ब रू यछ़ान समखुन तॖ पताह करुन ज़ि सु किथॖ पऻठ्य तॖ कमन ओस तबाबथ करान रोज़ान यॆमि मूजूब तऺमिस ॴस्य लूख डाकटर वनान रोज़ान। व्वंय गव अथ कथि समया अख तॖ म्यॆ ॴस यि दऺपज़ि ति यि कथ मऺशथॖय गऻमॖच़ ज़ि अकि द्वह ओसुस बॖ एस पी कालिजि प्यठॖ गरॖ कुन पनॖन्यन द्वन त्र्यन हमजमऻत्यन सॗत्य पकान ज़ि ॳकिस लडकस गव मन प्रताप पार्कि मंज़ ॳच़िथ वशपा ह्यु कडनस तॖ असि ति कॊर नॖ इन्कार कॆंह तॖ च़ायि प्रताप पार्कि मंज़ दिल बऺहलऻयिया करनि। अमराकऺदलॖ ॴस यि बऺड पब्लिक पार्क। अथ पार्कि मंज़ आसॖ च़्ववापऻर्य पोशॖ टूर्य यथ मंज़ ब्यॊन ब्यॊन कॖसमॖक्य पोश ॴस्य आसान।  मंज़स ति ओस अख पोशॖ टूर गोल आकारस मंज़ तॖ तथ मंज़ ओस अख फवारॖ ति आसान यथ वुछिथ मन ओस करान ज़ि ॳथ्य नखॖ बिहिथ डुलगॊनाह त्रऻविथ करहऻव ग़म दफऻया। लूख ॴस्य अथ पार्कि मंज़ ॳच़िथ पनॖन्य दिल बऺहलऻया करान रोज़ान। ॳस्य छि बिहिथ गप शप करान तॖ अकि तरफॖ वुछ असि ज़ि कॆंह नफर ह्यॆतिन जमा गछ़ॖन्य। बीरॖ गऺयि बडान तॖ नफरा अख गव नज़रि यिमन लूकन आरॖ कॊन्डुल बनावनुक इशारॖ करान तॖ ब्यॆयि अख ल्वकुट सोंदूक ओसुस पानस ब्रोंहकनि । बॖति गोस ओर कुन वुछनि ज़ि यि नफ़र करान क्याह छु। म्यॆ तोर फिकिरी ज़ि कुस ताम बऻज़्यगारा छु आमुत पनॖन्य बऻज़्यगऺरी लूकन हावनि।कऺशीरि मंज़ ॴस्य यिथ्य कॖसॖ चलान रोज़ान तॖ कुनि कुनि जायि ॴस्य जोदूगर, बऻज़्यगर तमाशॖ हावान तॖ पौंसॖ कमावान जमाह गऻमत्यन लूकन निशि। कॆंह पठान ति ॴस्य सलाजीत याने जडी बूटी कॖनान रोज़ान तॖ यिथ पऻठ्य पनॖन्य यड बरान। यि लऺडकॖ ब्यूठ डाबॖर वायिनि तॖ ओस प्रारान लूकन हॖन्दिस समनस। डाबॖर वायान वायान छु यि लऺडकॖ वनान क्याहताम क्याहताम। म्यॆति बडेयि चाहत ॳमिस लऺडकसुन्द तमाशॖ वुछनॖच तॖ गोस बॖति खडा अथ लूकॖ हॊजूमस मंज़। वारॖ वारॖ ह्यॆतिन्य लूख समॖन्य तॖ लऺडकॖ सुन्द तमाशॖ ति ह्यॊतुन रंग रटुन। ॳथ्य असनाहस मंज़ द्राव कुस ताम अमि लूकॖ हॊजूमॖ मंज़ॖ तॖ गव सॊंदकस कुन। सोंदकस मुच़रोवुन ठानॖ तॖ ह्यॊतुन क्याहताम कडुन अमि मंज़ॖ। अख ल्वकॖट गोल कानिव टूकॖर कऺडॖन तॖ थॊवुन अथ रुमाल प्यठॖ। यान्य अम्य कलॖ थॊद तुल बॖ गोस रॊबूदॖ ह्यु तॖ प्योस ज़न आसमानॖ प्यठॖ ति क्याज़ि यि नफर ओस नॖ गऻर कांह बऺल्कि ओस यि सुय युस म्यॆ ब्रिजनाथनि गरि कुठचि लबि प्यठ टंगिथ फोटुवस मंज़ वुछमुत ओस ब्यॆन्यगाशि सॗत्य याने  पानॖ गिरधऻरी लाल। माने ब्रिजनाथुन जिजा जी। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ podcast दऺसय ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

17.01.2021

17.01.2021 पॊह (पौष) ज़ूनॖ पछॖ (शुक्ल पक्ष) च़ोरम (देवादेव) (चतुर्थ) (देवादेव) आथवार (रविवार/ऐतवार), श्री सप्तर्षि सम्वत 5096, राश मीन (रऻच़ हॖन्ज़ॖ 1.15 बजि प्यठॖ), द्रठॖपऻन्च़ुक (पंचक) (चलान), ऋतु शिशर (चलान)...अज़ शामन 5.50 बजि प्यठॖ गछ़ि गुरु अस्त 

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वाहा स्वधा नमोस्तुते

**************************

              लल वाक्

        (पराग पुस्तक- 184)

शिशरस वथ कुस रटे

कुस ब्वके रटे वाव

युस पऻन्छ़ यॆन्द्रिय च़्यलिथ च़टे

सु रटे गटे रव

            अर्थात

झाडे को आने से कौन रोक सकता है? वायु को अपनी मुट्ठी में कौन बंद कर सकता है? यह दोनों काम अति कठिन हैं। जो पांछ इन्द्रियों को नियन्त्रण में रखने वाला है, वही प्रकाश रूपी स्वात्म को पा सकता है। अर्थात झाडे में सूर्य मेघ से ढका रहता है। इसी प्रकार अंतर प्रकाश विषय भोगों के कारण गौण हो जाता है। जो इन्द्रियों के विषयों पर नियंत्रण पाता है वही प्राण वायु को रोक कर अज्ञान रूपी बादलों को हटा कर ज्ञान रूपी सूर्यप्रकाश का साक्षात्कार करेगा।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            **********

1. सागवान (Teak tree)

2. सास (Thousand)

3. सावुन (To put to sleep/Lull)

4. सावन (Name of a month)

5. सासॖबऺद्य (Thousands)

               मुहावरॖ

1. मु: नऻल्य नॖ ज़ऺट मऻल्य नाव

    अ: ह्वॊखुय बजर, या, लूकन

         थ्यकॖनावुन

2. मु: नागॖ गाडॖ वुछनि हलाल

         ख्यॆनि हराम

    अ: तिम चीज़ यिम इन्सान 

         ह्यॆकि नॖ वरतऻविथ

3. मु: न करनस त्रॆ करॖन्य

    अ: बॆकारस त्रॆ कार, या, पानॖ 

         नॖ करुन, पॖर पॖर करुन

        (पनॖन्य शुर्य ह्यॆछॖनऻव्यूख)

**************************

पंचान्ग:- ब्यॆन्यगाशि ॳन्य म्वगॖल्य चाय तॖ सॗत्य द्युतुन कान्दॖर्य वानुक कत्लमाह। चाय च्यवान च्यवान प्रुछ़ म्यॆ ब्यॆन्यगाशि ज़ि जिजा जी कर यी वापस। अज़ पगाह यी। त्रॆ च़ोर द्वह गऺयस गऻमॖतिस। वॊन ब्यॆन्यगाशि। यॆलि कशीरि मंज़ होर योर दोरस गछ़ान छु पऻंछ़ शॆ दॊह्य पतय छु यिवान। कऺशीरि न्यबर ति छा गछ़ान? म्यॆ प्रुछ़  ब्यॆन्यगाशि? आहनू यि छु ज़्यादॖ कालस न्यबरॖय आसान। न्यबरय मतलब? मतलब दिल्लि, बम्बयि, यू पी, एम पी वगैरा। क्याज़ि अस्पतालस मंज़ छु ना आसान? म्यॆ प्रुछ़मस। ना अस्पतालस मंज़ क्याह करि? डाक्ट्रीय तॖ ब्यॆयि क्याह? ब्यॆन्यगाशि वुछ हऻरऻन्यगी सान म्यॆ कुन तॖ वॊनुन यि छु नॖ डाक्टर, च़्यॆ कऺम्य वॊनुनय? म्यॆ छॆ नॖ पताह मगर म्यॆ वोत बोज़ान ज़ि जिजा जी छु डाक्टर। ब्यॆन्यगाशि त्रोव असन खंगाला तॖ दॊपुन ॳमिस छि लूख लोलॖ सान वनान डाक्टर मगर डाक्टर छु नॖ पानॖ। ब्रिज नाथन छ़ॊटरऻव कथ त तुलनस बॖ थॊद तॖ दॊपुन च़्यॆ तरी नॖ फिकिरी यि कथ पख बॖ वनय वति। यि वनान वनान द्रायि ॳस्य ब्यॆन्यगाशि हॖन्दि गरि प्यठॖ मगर म्यॆ रूद वॖज़ान अंदरॖ ज़ि यि माजरॖ क्याह छु। लूख वनान गिरधऻरी लाल डाक्टर मगर तऺम्यसॖन्ज़ आश्यन्य याने ब्यॆन्यगऻश वनान डाक्टर छु नॖ। कथ क्याह गछ़ि आसॖन्य। म्यॆ प्रुछ़ व्वंय ब्रिज नाथस अमि कथि हुन्द मतलब। ब्रिज नाथन वॊन ज़ि तऺम्यसुन्द जिजा जी छु हिकमथ करान मगर तऺमिस छि कॆंह गरेलू न्वसखॖ तॖ तिमनॖय सॗत्य लूकन तबाबथ करान रोज़ान तॖ तवय छि तऺमिस डाक्टर वनान लूख। ऒडाह तॊरुम फिकिरि तॖ ऒडाह तॊरुम नॖ कॆंह तॖ तऺम्य ति च़ऺट कथ ॳडी तॖ म्यॆति द्युत नॖ ज़्यादॖ ज़ेछर कथि कॆंह। अल्बतॖ अख कथ गऺयी वाज़ॆह ज़ि गिरधऻरी लाल ओस नॖ डाक्टर वाक्टर कॆंह। लूकॖ मॊत गव अनिगॊट। बॖति गयोस ती वनान यि बॖ बोज़ान आस। मगर वाठ ख्यव कथि ति ज़न गव ज़ि ब्रिजनाथनि गरिक्य हालाथ वुछिथ ओस नॖ म्यॆ मन मानाय ज़ि ब्रिजनाथुन ब्यॆमॖ गछ़ि डाक्टर आसुन। वुकॖर्य बानन ह्यिवॖय ठानॖ। म्यॆ गऺयि यि शंका दूर मगर दॊयिम शंका बडेयम यि ज़ानॖनॖ खऻतरॖ ज़ि अमा ॳम्य सॖन्दिस ब्यॆमस कम ह्यि गरेलू न्वसॖखॖ छि तिम यिमव दऺस्य यि लूकन हुन्द यलाज या हिकमथ या तबाबथ करान छु रोज़ान। यि ज़ानॖनॖच यछ़ा बडेयम। दोस्ती रूज़ चलवॖन्य, समय गव नेरान। म्यॆ बासान अमि पतॖ वारियाहि कऻल्य यॆलि बॖ कालॆजस मंज़ ओसुस परान। ब्रिज नाथन पॊर नॖ ब्रोंह कुन तॖ न पॊर मोहन लालनॖय। अति ओसुस बॖय रॊंगॖ मंज़ॖ कॊंगॖफॊल युस कालेजस मंज़ ओस परान। ब्रिजनाथस लऺज्य नोकरी यूनऻनी कालेजस मंज़ तॖ मोहनलाल गव पटवऻर्य ट्रेनिंग करनि। तिमन दॊहन ॴस्य मैट्रिक पतय तऻलीमि हॖन्दिस नऺविस नावस कुन लमान। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव म्योन ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

16.01.2021

16.01.2021 पॊह (पौष) ज़ूनॖ पछॖ (शुक्ल पक्ष) त्रय (देवादेव) (तृतीय) (देवादेव) बटॖवार (शनिवार/शनिश्चरवार) श्री सप्तर्षि सम्वत 5096, राश कुम्भ (चलान), द्रठॖपऻन्च़ुक (पंचक) (चलान) ऋतु शिशर (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव।

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वाहा स्वधा नमोस्तुते

**************************

            लल वाक्

      (पराग पुस्तक- 183)

शिव शिव करन हमसॖ गथ स्वरिथ

रूज़िथ व्यवहऻर्य द्यन क्यॊह राथ

लागि रुस अद्वय युस मन कऺरिथ

तस न्यथ प्रसन्न सुर ग्वर नाथ

              अर्थात

शिव ही मेरा रूप है, ऐसा मान कर दिन रात व्यवहार में रहते हुए द्वैत भाव को त्याग कर अलिप्त होकर कार्य जो करेगा, ऐसे व्यवहारी मनुष्य पर परमेश्वर सदा प्रसन्न रहते हैं।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

           *********

1. साज़ रटुन (To play music)

2. साज़ बाज़ (Conspiracy/Connection/Good relations with)

3. साज़ सामान (Equipments/Belongings)

4. सऻज़िश (Conspiracy/Plot)

5. साज़गार (Conducive/Appropriate/Favourable/Agreeable)

                मुहावरॖ

1. मु: नारॖ मंज़ॖ गुलज़ार

    अ: नाकऻमी मंज़ काम्यऻबी 

         वनि यिन्य

2. मु: नावॖ गऺया नीरिथ

    अ: च़ेर न गछ़ुन

3. मु: नऻल्य गोम तॖ नाल वॊलनम

    अ: कुनि चीज़स या मुसीबतस

         मंज़ वलनॖ युन

      (पनॖन्य शुर्य ह्यॆछॖनऻव्यूख)

**************************

पंचान्ग:- ब्यॆन्यगाशि हुन्द वऻरिव ओस नऺज़्यदीखॖय। रोज़ान ॴस्य शालॖकऺदलस तॖ करफऺल्य मऺहलस मंज़। तमि दूर ॴस्य ॳस्य अनान रोज़ान गरॖ खऻतरॖ कान्दरस निशि सुब्हस च़ॊट तॖ गूरिस निशि ओम द्वद या ज़ामुत द्वद। कऺशीरि मंज़ ॴस्य ज़्यादॖ तर मुसलमानॖ गूरी ओम् द्वद, ज़ामुत द्वद या च़ामन कॖनान रोज़ान। बटॖ हलवऻय वान ॴस्य स्यठाह कम कऺशीरि मंज़ तॖ पंज्यॆब ह्यॆन्द्य हलवऻय ति ॴस्य इके दुके मगर तिम ॴस  ह्यॆरम्यन अलाकन याने ॳमराकऺदलॖ, हज़ूरीबाग, हरीसिंह हाई स्ट्रीट, तुलसी बाग़, जवऻहिर नगरॖ वगैरा। अख चीज़ ओस साफ़ नज़रि यिवान ज़ि मुसलमान ॴस्य नॖ बटॖ हलवऻयिस निश द्वद या मिठऻय अनान। तिमन ॴस्य पनॖन्य मुसलमान हलवऻय या मुसलमान कान्दर आसान। गूर ओस मुसलमानॖय आसान। बटन मंज़ ओस नॖ कांह गूर आसान। शहरस मंज़ ओस नॖ कांह बटॖ गुपन रछान। तति ॴस्य मुसलमानॖय गुपन रछान अल्बतॖ गामन मंज़ ॴस्य बटॖ ति गुपन रछान। मगर कठ छ़ावजि ॴस्य मुसलमानॖय रछान बटॖ ॴस्य नॖ  रछान यॊत ताम म्यॆ ज़्वन छु। मुसलमान ॴस्य शहरस मंज़ गरॖ गरॖ तीर ह्यथ याने कठ, गब्बि या छ़ावजि ह्यथ फ़ेरान रोज़ान तॖ ॴस्य छिर याने छ़ावजि या गब्बि द्वद कॖनान रोज़ान। दपान ॴस्य ज़ि छिर छि ब्यमारन खऻतरॖ फऻयदॖमंद आसान। छिर ॴस स्यठाह द्रोज आसान। खऻर ॳस्य वऻत्य ब्यॆन्यगाशि हुन्द वऻरिव। दुपूर मकान ओस यि ॳकिस कोचस मंज़। ल्वकॖट आंगनहऻन ति ॴस। अंदर च़ायि तॖ ब्यॆन्यगऻश गऺयि ख्वश बऻयिस वुछिथ तॖ म्यॆ कुन वुछिथ ति द्युतुन म्यऻनिस नमस्कारस नमस्कार सॗती जवाब। दुहुल्य वख ओस तॖ ब्यॆन्यगऻश ॴस वटिस अंदर कुनी ज़ऺन्य बिहिथ सलयन प्यठ क्याहताम वोनान। बऻयिस प्रुछ़ॖन शॆछ ख़बर तॖ फीर म्यॆ कुन वनॖनि च़ॖ बॊज़नावु भूषण लाला गरि छिवा वारय, मऻज्य छया वारय। अज़ किथॖ पऻठ्य आख यारस सॗत्य, यि कति लॊबथन। ज़ॖ त्रॆ सवालॖ कऺरिन्य तॖ बॖति गोस जवाब दिवान सॗत्य सॗत्य। गरॖ बास्योम छ़ॊरुय ह्यु। अमा ॳमिस छुना सना हश ह्युहुर या द्रुय ज़ाम या पानस शुर कॊट। पानसॖय सॗत्य रूदुस बॖ सवालॖ करान। ब्रिज नाथन प्रुछ़ ब्यॆनि ज़ि जिजा जी कति छु। सु छु दोरस गोमुत। तऺमिस गऺयि ज़ॖ त्रॆ द्वह गऻमॖतिस। ब्यॆन्यगाशि द्युतनस जवाब। कथ अलाकस सना छु अज़कल, ब्रिजनाथन प्रुछ़ ब्यॆनि ब्याख सवाल। दपान ओस वरॖमुल छुम गछ़ुन। अच्छा। तॖ बिटू जी आसि स्कूलॖ? आहनु सु छु यिवान साडि च़ोरि स्कूलॖ प्यठॖ। बिहिव पत्थर बॖ वनावोव चाय। नाय चाय वाय छॆ नॖ च्यॆन्य। वॊन ब्रिजनाथन। हा क्योहो छुख करान। अज़ छुथन भूषण लाल ऒनमुत ब्यॆनि हुन्द वऻरिव तॖ यॆति प्यठॖ नेर्याह चायि रॊस। यि वनान वनान वऺछ़ ब्यॆन्यगऻश थॊद सलयि तॖ यॆरॖ डींज्य पथर थऺविथ तॖ च़ायि चोकस मंज़ चाय बनावनि। ॳस्य ति बीठ्य पथर तॖ तुल मैगज़ीना अख तॖ बीठ्य अथ मंज़ शक्लॖ वुछनि तॖ छि प्रारान चाय यिनस। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

15.01.2021

15.01.2021 पॊह (पौष) ज़ूनॖ पछॖ (शुक्ल पक्ष) द्वय (देवादेव) (द्विती) (देवादेव) शॊकुरवार (शुक्रवार/जुम्मा) श्री सप्तर्षि सम्वत 5096, राश कुम्भ (शामन 5.5 बजि प्यठॖ) तॖ द्रठॖपऻन्च़क     (पंचक) शुरु ॳज़्यकि प्यठॖ, ऋतु शिशर (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

        (पराग पुस्तक-182)

हा मनशि क्याज़ि छुख वुठन स्यकि लवर

अमि रटि हमालि पकिय नॖ नाव

ल्यूखुय यि नारऻन्य कर्मॖनि रॖखि

ति मालि ह्यकिय नॖ फिरिथ कांह

              अर्थात

अरे मनुष्य! तू क्यों बटता है रेत से रस्सी अर्थात व्यर्थ प्रयास कर रहा है? इस (रेत की रस्सी) को पकड कर तेरी जीवन नाव चलाई नहीं जा सकती। तेरी कर्म रेखा में जो नारायण जी ने लिखा है उसे कोई भी बदल नहीं सकता। सारांश यह कि उपायों से कर्म की गति को टाला नहीं जा सकता है। अर्थ यह कि मनुष्य शुभ अशुभ कर्म करने में स्वत्रंता है और इनका फल भोगने में विवश है। कितने ही प्रयास करे किंतु कर्मभोग अटल है। अत: अब पुरुषार्थ द्वारा शिव को प्रसन्न करने का प्रयास करना चाहिए।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            **********

1. सऻर (A stroll)

2. सऻर करुन (To go for a walk)

3. सऻराब करुन (To irrigate/To water)

4. सऻराब गछ़ुन (Be irrigated/Be happy/Be fresh)

5. साज़गर (Beautician)

               मुहावरॖ

1. मु: नागस नाग छिकॖ छक

    अ: बऺडिस मॊहनिविस सॗत्य 

         पकुन बजर हावनॖ खऻतरॖ 

         बराबरी करॖन्य

2. मु: नागॖरादॖच न्यॆन्दॖर

    अ: शिहॖज न्यॆन्दॖर, या, आराम

3. मु: नार तॖ कार च़ापुन

    अ: ट्यॊठ मॊदुर च़ालुन

     (पनॖन्य शुर्य ह्यॆछॖनऻव्यूख)

**************************

पंचान्ग :- ॳस्य ॴस्य व्वंय त्रे दोस्त, याने ब्रिज नाथ, मोहन लाल तॖ बॖ। अख ॳक्यसुन्द गरॖ रूद युन गछ़ुन। कुनि कुनि सातन ॴस्य यिकॖवटॖ बिहान तॖ स्कूलॖच कऻम ति करान रोज़ान। म्यॆ गऺयि कल गनान ज़ि बॖ वुछहऻन ब्रिज नाथुन ब्यॆमॖ युस दपान ॴस्य ज़ि सु छु डाक्टर। म्यॆ ओस नॖ दिल मानान कतऺय ज़ि सु गछ़ि डाक्टर आसुन मगर बऺहरान ओसुस नॖ प्रॖछ़नस ब्रिज नाथस तऺमिस मुतलक कॆंह। हालांकि म्यॆ प्रुछ़ मोहन लालस द्वयि च़ोरि लटि मगर तऺम्य ति द्युत प्रथ लटि वऺलिथ मऺलिथॖय जवाब। तऺम्यसॖन्दिस वनॖनस मंज़ ओसुम बासान आंकार ति तॖ नकार ति। मंज़्य ओसुस बॖ पानस सॗती सोंचान ज़ि मुम्किन छु ज़ि सु मा आसि कम्पौंडर वम्पौंडर। तमि सातॖ ॴस्य ॴस्य कम्पौंडरन ति वनान डाक्टरॖय। म्यॆ छु याद ज़ि कऺशीरि मंज़ ओस प्रथ मऺहलस मंज़ अख ज़ॖ दवा वान आसान तॖ सु दवा दिनॖवोल ओस ल्वकच्यन म्वकच्यन ब्यमार्यन पानय यलाज करान रोज़ान। ति ज़न गव ज़ि च़ास, ज़ुकाम, तफ, तॗर, कलॖ दोद, यड दोद, कब्ज़ी, दस्तॖ बेतरी बापथ ओस यि दवा वोल यलाज करान रोज़ान। दवा पिल या बोतलि मंज़ ओस मिक्सचर बनऻवॖथ दिवान तॖ ब्यमार ओस बलान। न ओस मशवरॖ ह्यनॖ बापथ कुनि कॖस्मुक फीस आसान द्युन तॖ न ओस यिमन ल्वकच्यन ब्यमार्यन बापथ प्यवान अस्पतालॖ वानन गछ़ुन। यि दवा वोल ओस शायद कम्पौंडरॖय आसान, ती मऻनिथ ॴस्य लूख अथ दवा वानस प्यठ यिवान रोज़ान। तऺमिस कम्पौंडरस ति ॴस्य सऻरी डाक्टर वनान तॖ डाक्टरस ॴस्य डाक्टर वनानॖय वनान। अज़कल छि नॖ तिम कम्पौंडर नऺनी कुनि तॖ न सु मिक्सचर मेलान कुनि। अज़कल यॊदवय प्वंद ति द्वयि त्रॆयि लटि यिवान छि यकदम छु प्यवान डाकटरस गऺछ़िथ ग्वड पऻछ़ सथ हथ रॊपियि फीस बरुन तॖ अदय करि सु यलाज तॖ सॗती छस प्यवान ट्यस्ट बलाया करॖन्य तॖ तरान छु सासि द्वयि सासि। द्वह गऺयि नेरान तॖ अकि द्वह आव ब्रिज नाथ म्यॆ निश तॖ दॊपुन ओरय ज़ि पख अज़ गछ़व ब्यॆनगाशि हुन्द। म्यॆ आयि नॖ पछ़ कुनि यि बूज़िथ। यि गऺयि कॊबिस लथ कारगर। म्यॆ सूंच ज़ि अमि ख्वतॖ बॊड मोकॖ कति मेलि। बॖति गोस तयार गछ़नॖ बापथ। म्यॆ लगोव शऻर्ट पैंट। हता शऻर्ट पैंट कॊत लगोवुथ, वॊन ब्रिज नाथन, ब्यॆन्यगाशि हुन्दॖय ताम छु गछ़ुन। ब्रिज नाथ ति बास्योम ज़ि ओस पनॖन्यन गरिक्यन पलवन मंज़ॖय मगर चूंकि म्यॆ ओस ग्वडनिचि लटि गछ़ुन ब्रिज नाथनि ब्यॆनि हुन्द वऻरिव म्यॆ ज़ोन मुनऻसिब पलव बदलऻविथॖय गछ़ुन। ख़बर कुस कुस आसि तति। ब्यॆयिसुन्द गरॖ गछ़ि जान पऻठ्य गछ़ुन ती ओस असि पनॖन्यन ज़िठ्यन निश ह्यॊछमुत।  कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

14.01.2021

14.01.2021 पॊह (पौष) ज़ूनॖ पछॖ (शुक्ल पक्ष) ऒक्दॊह (देवादेव) (प्रथमा) (देवादेव) ब्रसवार (वीरवार/बृहस्पतिवार) श्री सप्तर्षि सम्वत 5096, राश मकर (चलान) ऋतु शिशर...अज़ छि मकर सऻन्क्रात तॖ शिशर सऻन्क्रात ति

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

      (पराग पुस्तक- 181)

अथॖ मबा त्रावुन खर बा

लूकॖ हॖन्ज़ क्वंगॖ वऻर ख्ययी

तति कुस बा दारिय थर बा

यॆति नऺनिस करतल प्ययी

            अर्थात

अपने मन रूपी गधे को खुली ढील मत दो। वह किसी दूसरे की केसर की क्यारी को चट कर जाएगा अर्थात अवांछित कर्म कराएगा। हानि तो गधा करेगा और दण्ड तो तुझे ही मिलेगा। तेरे बिना दण्ड को भोगने के लिए स्वयं को कौन प्रस्तुत करेगा। जहां बचाने वाला कोई भी नहीं होगा। दूसरे शब्दों में कि कर्म तो मन करता हे और पीडा शरीर को सहनी पडती है। मन को नियंत्रण अर्थात काबू में न रखने से मनुष्य स्वंय ही कष्ट भोगता रहता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             **********

1. सऻड्य (Woman's outer garment comprising single piece of cloth)

2. सऻथी (Companion)

3. सऻजुव (Wife's sister's husband/Co-brother)

4. सऻदमकार (One who sings suspicious songs)

5. सऻदॖरवार (Fresh/New/Green/Young/Recent)

              मुहावरॖ

1. मु: नाव छु रोज़ान बाव छु नॖ

         रोज़ान

    अ: रुत छु अंदॖ वंदॖ पोशान

2. मु: नाव थॊद नस्यति गॊद

    अ: न्वकुस आसुन, या, नाव

         बॊड मगर अमल नॖ बऺड

3. मु: नावि दकॖ दिथ च़लुन

    अ: मुसीबतस अंदर त्रऻविथ

          च़लुन,या, दोखॖ द्युन

       (पनॖन्य शुर्य ह्यॆछॖनऻव्यूख)

**************************

पंचान्ग:- ब्रिज नाथस ॴस पनॖन्यन ॳन्द्रिम्यन हालातान हॖऩ्ज़ ख़बर मगर बास ओस नॖ दिवान। म्यॆ सॗत्य मित्रुत थवुन ओस सु फखॖर ज़ानान तॖ म्यॆ ओस बासान फर्ज़ ॳमिस सॗत्य दोस्ती थवॖन्य ति क्याज़ि वारॖ वारॖ वुछ म्यॆ ज़ि ब्रिज नाथस सॗत्य ओस नॖ कांह यछ़ान यारज़ थवॖन्य यारानॖ पऻठ्य। शायद तिमन आसिहे वऻकफियत ॳम्यसॖन्द्यन गर्यिक्यन हालातन हॖन्ज़। यॆमि वखतॖच बॖ कथ छुस करान याने अज़ ब्रोंठ शेठ वऺर्यिच, तमि विज़ि ति ओस सऻनिस समाजस मंज़ यि ज़हर बऺरिथ सान्यन रगन मंज़ तॖ ॴस्य वुछान अमीर ग़रीब, थज़र तॖ लॊच़र , देखा दीखी तॖ मान-मान। ॳमीरस ॴस्य लोन्चि थफ कऺरिथ पकान तॖ ग़रीबस ॴस्य पथ कुन दकॖ दिवान रोज़ान। बॖ ति ओसुस नॖ पौंसॖ वोल कांह दफ अमापॊज़ म्यॆ ओस तरस यिवान ब्रिज नाथस ह्यिय लूख वुछिथ। शायद ऒस यि स्वबाव म्यऻनिस ख़ूनस मंज़ॖय बऺरिथ ति क्याज़ि म्योन मोल ओस अख समाज सुधारक केशव बन्धुहस सॗत्य वॊथमुत ब्यूठमुत तॖ म्यऻन मऻज्य ॴस रूज़मॖच़ दिलदार तॖ ॴस च़ूरि छ़्यपि यिथ्यन लूकन मदद करान रोज़ान नगदी तॖ जिनसीय तोर पऻठ्य। पानस पोशिहेस या नॖ पोशिहेस मगर पसपायन सॗत्य वरतावनस मंज़ ॴस सारिनी ब्रोंठ आसान। म्यॆ छु विश्वास ज़ि म्यॆ छि रूज़मॖच़ मऻलिस माजि हॖन्ज़ॖय ॴही ज़ि बॖ वोतुस व्वंय शुसतथ वुहुर मगर अज़ ताम रूज़ॖम नॖ कुनिच व्यछ़य। माजि मऻल्य सॖन्ज़ ॴही तॖ ॴशिर्वाद आम बकार विज़ि विज़ि। ब्रिज नाथस लॊग ज़्यादॖ पाहन म्यॊन गरॖ युन गछ़ुन बनिसॖबतॖ मोहन लालुन ति क्याज़ि म्यऻन मऻज्य ॴस म्यान्यन यारन दोस्तन वछ़ि वऻन्लिजि माय रोज़ान बरान तॖ म्यऻन्य यार दोस्त ति ॴस्य म्यऻनिस गरस पनुनुय गरॖ ज़ऻनिथ दिल खूलिथ यिवान गछ़ान असान गिन्दान रोज़ान। ब्यॆनिगाशि याने ब्रिज नाथॖनि ज़िछि ब्यॆनि हुन्द बर्था याने रून ओसुम बूज़मुत ज़ि ओसमुत ओस डाक्टर। मगर ब्रिज नाथनि गर्युक माहोल वुछिथ ओस नॖ म्यॆ व्यच़ान ज़ि ॳम्यसुन्द ब्येमॖ आसि डाक्टर। मगर नाव ॴस्य सऻरी ह्यवान विज़ि विज़ि तऺम्यसुन्द गिरधारी लाल डाक्टर। म्यॆ गऺयि शंका बडान तॖ वख ति गव पनॖन्य चाल पकान तॖ ॴखॖर वॊथ तिमन बानन ति ठानॖ दॊह अकि। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ podcast दऺस्य)

https://anchor.fm/bldeep

यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

13.01.2021

13.01.2021 पॊह (पौष) गटॖ पछॖ (कृष्ण पक्ष) मावस (देवादेव) (अमावस्या)(देवादेव) ब्वदवार (बुद्धवार) श्री सप्तर्षि सम्वत 5096, राश मकर (दुहचि 12.5 बजि प्यठॖ) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

        (पराग पुस्तक- 180)

व्यथ रेन्या अरचुन सखर

अथि अल पल वखुर ह्यथ

यॊद वनय ज़ानख परम पद अक्षर

हिशिय खॊश खोवुर क्यथ ख्यथ

               अर्थात

ललेश्वरी संबोधित करते हुए कहती हैं कि उठ ऋणिया (भगवद् भक्ति का ऋण चुकाने के लिए) पूरी तयारी के साथ। पूजा के लिए अर्थात प्रभु से मिलने हेतु प्रस्तुत हो जा। मै तो कहती हूं कि यदि परमपद (परमात्मा) अक्षर अर्थात ओमकार को जानोगे तो तुझे किसी प्रकार की क्षति नहीं होगी अत: लाभ ही होगा। फिर दायें बायें, टेढे चलें या सीधे कोई क्षति नहीं होती है। अर्थात भोग भोगने या न भोगने से कोई अंतर नहीं पडता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *******

1. सादगी (Simplicity/Plainness/Simple mindedness/Frankness)

2. सादना (Regulate exercise/To practise)

3. सार (Substance/Consequences/Abstract/Extract/A lane wherefrom the water is taken to small beds)

4. सारुन (To carry/To collect/To feel (with hands)/To observe)

5. सारंगी (A kind of string musical instrument)

              मुहावरॖ

1. मु: नारॖ द्राव स्वन

    अ: स्यठाह प्वख्तॖ आसुन

2. मु: नारॖ विज़ि क्रूर खनुन

    अ: गऻर वख्तॖ या नामुनऻसिब 

         वख्तॖ कऻम करॖन्य

3. मु: नारॖय छु जन्नत तॖ नारॖय छु

         जहनम

    अ: नारॖक्य ज़ॖ बुथ्य, तॊत ति तॖ 

          तुरुन ति

    (पनॖन्य शुर्य ह्यॆछॖनऻव्यूख)

**************************

पंचान्ग:- यॆलि ति बॖ ओसुस ब्रिज नाथुन गरॖ गछ़ान म्यॆ ओस ॳजीब ॳजीब तऺम्यसॖन्दि गर्युक माहोल वुछनस तल यिवान सु ज़न गव ज़ि ब्रिजनाथॖन्य मऻज्य ॴस्य त्रॆयमिस पोरस प्यठ कऻनी हॖन्ज़ि डबि प्यठ बिहिथ कॆंह न तॖ कॆंह करान आसान मतलब यॆन्दॖरस सॗत्य यॆन्द्रॖतुल ठीख करान, फम्ब कतान रोज़ान, छ़्यॆनमॖत्यन पलवन त्रॊप दिवान रोज़ान या पनॖनिस फ्यरनॖकिस दामानस डूर लागान, तरंग शेरान, पूच़ि या डुपट्टस मायि करान वगैरा वगैरा, मोल ओस ॳथ्य कऻनी हॖन्दिस ॳकिस कूनस मंज़ ज्यॆजीराह रऺटिथ आसान, ज़्यिठ्य बऻय ति ॴस्य आसान ॳथ्य कऻनी मंज़ॖ उर्दू अखबारा रऺटिथ वरख फिरान रोज़ान। ब्रिज नाथुन बॊड बॊय याने मिलट़्री वोल ओस गरि कमॖय पाहन आसान ति क्याज़ि तस ॴस गामन गुटन मंज़ ड्युवटी आसान। ब्रिज नाथॖन्य बऺड ब्यॆनि ॴस पनॖनिस वऻरिव गरस मंज़ॖ तॖ ॴस मंज़ॖ मंज़ॖ यिवान मऻलिस माजि ख़बरा अतरा ह्यॆनि। ब्रिज नाथ ओस अकसर बऺन्यमिस पोरॖकिस मंज़्यमिस कुठिस मंज़ परान लेखान तॖ ॳम्यसॖन्ज़ ल्वकॖट ब्यॆनि फूलॖ ति ॴस तथ्य कुठिस मंज़ पनॖनिस किताबॖ सोंदकस ब्रोंहकनि बिहिथ आसान। ब्रिज नाथॖन्य ज़िठ बऺयकाक्यन ॴस चोकॖ सम्बऻलिथ आसान तॖ दॊयिम बऺयकाक्यन ॴस न्यॆबरिम कऻम करान रोज़ान याने डुवुन शेरुन, पोन्य सारुन या सब्ज़ी च़ारॖन्य बेतरी। ऒत ताम ओस ठीख मगर गरस मंज़ बिहिथ बऻय बारॖन्य ज़ॖ वुछ न म्यॆ ज़ांह ति पानवुन्य अख ॳकिस सॗत्य कथ बाथ करान या असान गिन्दान।  दॖरकाकिनि दॊशवय ति आसॖ पानस पानस मंज़ॖय आसान। ब्रिज नाथ ति ओस कमॖय पाहन पनॖन्यन बायन सॗत्य म्युल थऺविथ। गरॖ ओस ब्वरुत मगर ओस छ़ॊर बासान। यिकॖवटॖ ॴस्य सऻरी मगर ॴस्य ॳकिस ब्यॆयिस निशि ब्यॊन ब्यॊन। यॆलि त्यॆलि ति बॖ गोस ब्रिज नाथुन गरॖ, यिहोय मंज़र ओसुस बॖ वुछान प्रथ विज़ि। ज़िठ हिश बऺयकाक्यन ॴस जान स्वभावॖ किन्य मगर तसॖन्ज़ दॖरकाक्यन्य ॴस स्यदॖ चऻर हिश बासान। दूत्य बॆडंगॖ कऺरिथ, अकि अंदॖ ग्वडव ह्यॊर तॖ दॊयिमि अंदॖ ब्वॊन ज़न ति त्रेशि वऺछ़मॖच। मस परेशान। दपान स्व ॴस अकसर पां नऺट्य सारान रोज़ान न्यॆबरॖ सरकऻर्य नलकॖ प्यठॖ ति कयाज़ि तस ओस नॖ वार यिवान आंगनॖकिस नलकॖ सॗत्य। तऺम्यसॖन्ज़व हरकच़व मूजूब ॴस्य अहलॖक्य मऺहलॖक्य लूख वनान तस इशॖ क्वकॖर तॖ ॳम्यसॖन्दिस रॗनिस ॴस्य वनान वासॖकाकॖन्य गासॖ नाव। असली नाव ओस तस वासुदेव। सु ति ओस बुथि तलॖ बासान स्यदॖ चोराह ह्यु न ऒर तॖ न यॊर। अति ओस फस्यॊमुत मंज़बागॖ ब्रिज नाथॖय योत बिचोर युस यिमन सारिनी बऻच़न निशि बिल्कुल ब्यॊन ओस प्रथ रंगॖ। तोर तऺरीकस मंज़, परनस लेखनस मंज़, व्वथनस बॆहनस मंज़, कथि हॖन्ज़ि तुल त्रावि मंज़। यि दऺपज़ि ति ब्रिजनाथॖय यॊत ओस बासान अथ गरस मंज़ अख इन्सान। यॆमिस सॗत्य म्यॆ गऻमॖच़ ॴस ज़ान पहचान। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल दीप"

(बूज़िव ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ 

koshursabak.blogspot.com प्यठॖ ति)

12.01.2021

12.01.2021, पॊह (पौष) गटॖ पछॖ (कृष्ण पक्ष) च़्वदह (देवादेव) (चतुर्दशी) (देवादेव) बॊम्वार (मंगलवार) श्री सप्तर्षि सम्वत 5096, राश धनु (चलान), ऋतु हेमन्त (चलान)...अज़ छि ख्यॆच़िमावस (यक्ष अमावस्या) ति

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

      (पराग पुस्तक- 179)

लूब मारुन सहज़ व्यच़ारुन

द्रॊग ज़ानुन कलपुन त्राव

निश छुय तॖ दूर मो गारुन

शुन्यस शुन्या मीलिथ गव

            अर्थात

लोभ को मारना या समाप्त करना, सहज़ अर्थात आत्मा का विचार करना बहुत मंहगा है, अत: अपनाना कठिन है। ऐसी कल्पना करना छोड दे। दूर जाकर मत ढूंढो उसे। वह दूर नहीं स्वयं तुम्हारे पास ही है। ऐसा समझ कर ही उस के साथ तेरा मिलन होगा, अर्थात छुम परमशिव के साथ हो जाओगे।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

           ********

1. सादॖ (Simple/Plain/Blank)

2. सादॖ ब्यडोल (Clumsy/Simpleton)

3. सादॖ प्रकरथ (Simple nature/Stupidity)

4. साद संत (Saints/Hindu ascetic)

5. सादन (To help/To assist/To reinforce/Aid)

             मुहावरॖ

1. मु: नानि रॊस शुर गव पानि 

         रॊस दानि

    अ: नान्य छि शुरिस रछनॖ

          खऻतरॖ तिछ़ॖय ज़रूरी युथ

          दान्यस पोन्य

2. मु: नार छा थवान सार

    अ: नार छु अकॖल डालान

3. मु: नार छु मार

    अ: नारॖ सॗत्य छि तबऻही गछ़ान

      (पनॖन्य शुर्य ह्यॆछॖनऻव्यूख)

**************************

पंचाऩग:- मोहन लाल तॖ बॖ ॴस्य दोस्त पानॖवुन्य। हमजमऻत ओस तॖ हमसाय ति ओस। ॳस्य ॴस्य अख ॳक्यसुन्द गरॖ यिवान गछ़ान। मोहन लालस ओस पनुन अख दोस्त ब्रिज नाथ युस तऺमिस निश यिवान गछ़ान ओस। चूंकि बॖति ओसुस मोहन लालुन गरॖ गछ़ान रोज़ान, म्यॆ बडेयि ब्रिज नाथ जियस सॖत्य दोस्ती तॖ दोस्ती गऺयि गहरावान वारॖ वारॖ तॖ लॊग म्यॆ ब्रिज नाथुन गरॖ ति युन गछ़ुन। मऺहलॖ ओस कुनुय मगर ब्रिज नाथ ओस रोज़ान डलहसनयारॖ तॖ करफऺल्य मऺहलस दर्मियान ॳकिस तंग कोचस मंज़। अगर त्वहि याद आसिवॖ, कऺशीरि ॴस्य श्रीनगरस मंज़ कॆंह कॆंह कोचि तंग, गंदॖ, ह्यॊर ब्वन याने ॳक्यसॖय कोचस मंज़ द्वन त्र्यन जायन मंज़ॖ मंज़ॖ ज़ॗज़ त्रॆ त्रॆ ह्यॆरॖ पऻयव ति आसान तॖ यिथ्यन कोचन मंज़ ओस बऻसकलॖ चलावुन ति अख व्वदरूग आसान। ब्रिज नाथ ति ओस यिथिसॖय ॳकिस कोचस मंज़ रोज़ान तॖ ॳम्यसॖन्दिस मकानस ॳन्द्य पख्य ॴस्य मुसलमान गरॖ। अथ कोचस मंज़ ॳच़िथ ओस मऺकर्यॆर नज़र यिवान  तॖ ब्रिज नाथुन गरॖ ॳच़िथ ओस ज़न दम ह्यु गुटान। चूंकि म्योन गरॖ ओस डलहसनयारॖ दऺर्याव बऺठिस प्यठ तॖ खुलॖ डुलॖ तॖ हवा दार आसनॖ म्वखॖ ॴस्य म्यऻन यार दोस्त ज़्यादॖतर म्योनुय गरॖ यिवान रोज़ान। मगर म्योन ब्रिज नाथुन गरॖ गछ़ुन ओस आसान मंज़्य मंज़्य सुति यारज़ रऺछ़रावनॖ मूजूब। ब्रिज नाथस ओस मोल मऻज्य तॖ ब्यॆयि ॴसिस पानस बऺड्य त्रॆ बऻय तॖ अख ब्यॆनि तॖ पानस वऺसिथ अख ब्यॆनि। यॆलि म्यॆ यारज़ गऺयि ब्रिज नाथस सॗत्य तमि वखतॖ ओस ब्रिज नाथनिस द्वन बायन तॖ ॳकिस ब्यॆनि खान्दर कॊरमुत तॖ बकाया ॴस्य सऻरी अनहॖरी। मोल ओसुस शायद रिटायर गोमुत ति क्याज़ि सु ओस गरस मंज़ॖय बिहिथ नज़र यिवान। गरॖ ओस सफ़ेद पूशीय। ग़रीब गरॖ ओस बासान। बॖ छुस करान कथ 1959-60-च। ज़िठ्य ज़ॖ बऻय ब्रिज नाथॖन ॴस्य पुलसस मंज़ सिपाह, पानस ज़्युठ बोय ओस फौजस याने मिलट्री मंज़ सिपाह तॖ पानॖ ओस मैट्रिक्स मंज़ तॖ कॗन्स ब्यॆनि ॴस्य सऺतिमि किनॖ ॷठ्यमि जमऻच़ मंज़ परान। ज़िठ्यन द्वन बायन तॖ ज़िछि ब्यॆनि ओस खान्दर कॊरमुत। मिलिट्री वॊल बोय ओस नोकरी करान मगर अनॖहूरुय। ब्यॆनि हुन्द रून याने ब्रिज नाथुन ब्यॆमॖ सऻब दपान ओसमुत ओस डाक्टर। ब्रिज नाथॖन ज़िठ्य बऻय ॴस्य नॖ ज़्यादॖ पऺर्यमॖत्य लीख्यमॖत्य कॆंह तॖ न ॴसॖस ज़िठ ब्यॆन्य ज़्यादॖ पऺरमॖच़ अल्बतॖ ब्रिज नाथ ओस पानॖ दऺह्यमि जमऻच़ याने मैट्रिकस मंज़ तॖ ल्वकॖट ब्यॆनि ॴस्य सऺतिमि या ॷठ्यमि जमऻच़ मंज़ परान। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविवॖ तॖ फॊलिव

भूषण कौल "दीप"

(बूज़िव ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

11.01.2021

11.01.2021, पॊह (पौष) गटॖ पछॖ (कृष्ण पक्ष) त्रुवाह (देवादेव) (त्रयोदशी) (देवादेव) च़ऺन्दॖरवार (सोमवार) श्री सप्तर्षि सम्वत 5096, राश धनु (दुहचि 9.8 बजि प्यठॖ) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक-178)

लज़ कासिय शीत न्यवारिय

त्रन ज़ल करि आहार

यि कऺम्य व्वपदीश कॊरुय हूटॖ बटा

अच़ीतन वटस सच़ीतन द्युन आहार

              अर्थात

"राज़ॖ कठ" अर्थात पत्थर की मूर्ती के सामने भेडू का बलिदान देने वालों को फटकारते और अहिंसा मार्ग पर ज़ोर देते हुए ललेश्वरी कहती है कि अपने को भट्ट कहने वाले अग्निहौत्री पंडिता यह भेड तो केवल घास खाता है, तेरे बदन को एन से ढांप कर लज्जा की रक्षा करता तथा सर्दी से बचाता है। ऐसा उपदेश आपको किस ने किया कि इस सजीव को मारकर बेजान पत्थर को मांस गिला दे। यह खेद की बात है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              *********

 1. साबिकॖ (Former/Prior/Fore/Previous/Prefix/Earlier)

2. सात (Opportunity/Auspicious time/Omen)

3. सात रटुन (To start at an auspicious time)

4. सातॖ सातॖ (At time/Now and again/On all times)

5. साद (Saint/A religious or holy man/A hermit/Taste/Flavour/Relish/Deliciousness/Pleasure)

               मुहावरॖ

1. मु: नाटॖ गंज़रिथ रस मीनिथ

    अ: यॆति प्रथ कांह चीज़ हदस

          मंज़ आसि

2. मु: नाटि फॊल छु नफसुख 

          ब्येमॖ

    अ: म्यूठ चीज़ छु प्रथ कऻन्सि 

          टोठ

3. मु: नादानस नसीहत करॖन्य 

          गव पंज़्यन नून द्युन

    अ: बेवकूफस छॆ नॖ नसीहत

          व्यपान

      (पनॖन्य शुर्य ह्यॆछॖनऻव्यूख)

**************************

पंचान्ग:- राथ ताम आस बॖ कथ करान सादन, संतन हॖन्ज़, महाप्वरुषण हॖन्ज़ॖ, पीरन हॖन्ज़ यिम तऻवीज़ॖ दी दी ॴस्य कॆंच़न लूकन हॖन्ज़न आमॖच़ बलायन  दूर करनस मंज़ मदद करान रोज़ान तॖ वुछन वऻल्यसॖन्ज़ कऻम ति करान। यिथय पऻठ्य ॴस्य कॆंह पीर कऺशीरि मंज़ यिम दपान जिन्नॖ मऻथॖर ॴस्य परान तॖ लूकन मंज़ च़ामुत जिन्न या तसरुफ च़ऺलरावान। यि तसरुफ कऺमिस तॖ किथ पऻठ्य ओस लूकन मंज़ अच़ान यि वनुन छु हना मुश्किल। त्यूतुय मुश्किल छु यि वनुन ति ज़ि क्याह वाकऺय ओसा कांह जिन्न या तसरुफ नावुक चीज़ आसान ति किनॖ न। कऺशीरि मंज़ ओस बटमाल्यनि रोज़ान अख पीर सऻब युस ज़ानॖनॖ ओस यिवान नबॖ पीरनि नावॖ सॗत्य तॖ दपान ॴस्य ज़ि ॳमिस पीरस ॴसमॖच़ ॴस ख़ास महीरियत जिन्न या तसरुफॖ च़ऺलरावनॖच। अमि अलावॖ ओस यि तऻवीज़ॖ या रऺछ्य ति दिवान रोज़ान परवॖन्य लऺडकन क्यो कोर्यन इम्तिहानस पास गछ़नॖ बापथ या ब्यॆयि ति कॆंह मसलॖ हल गछ़नॖ बापथ। जिन्न कऺमिस ओस अच़ान, किथॖपऻठ्य ओस अच़ान, कमन जायन गछ़नॖ सॗत्य ओस इन्सानस हमलॖ करान, अथ प्यठ छि अज़ताम ब्यॊन ब्यॊन राय, खयाल तॖ व्यच़ार आमुत करनॖ। ब्यॆयि अख अहम दोद ओस यि नबॖ पीर सऻब बऺलरावान, सु गव नाफ, काम्बल तॖ मलदर। क्वस ताम मऻथॖर पऺरिथ ओस यि नबॖ पीर सऻब लूकन हॖन्द्य गम्भीर मसलॖ हल करान रोज़ान तॖ तिहॖन्ज़ यछ़ पछ़ हऻसिल कऺरिथ ओस ॳम्य पीर सऻबन जान नाव कमोवमुत तॖ ॳमिस पीर सऻबस निश ओस लूकन हुन्द आव गव चलान रोज़ान। नबॖ पीर सऻबॖन्य जॖ च़ोर कॖसॖ छि म्यॆ याद प्यवान यिम बॖ त्वहि ताम वातनावुन छुस यछ़ान। मगर नबॖ पीर सऻबॖन्य कथ बोज़नावनॖ ब्रोंठ करनावोवॖ तुहुन्द तोरुफ ॳकिस ख़ास इन्सान सुन्द युस न पीरऻज़ी करान ओस तॖ न फ़कीरी मगर लूकन ओस आवुर थवान तॖ पनॖन्य कमऻय करान तिहॖन्दि दऺस्य पनॖन्य व्यॊखतुय करामऻच़ हऻव्य हऻव्य। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

10.01.2021

10.01.2021 पॊह (पौष) गटॖ पछॖ (कृष्ण पक्ष) बाह (देवादेव) (द्वादशी) (देवादेव) आथवार (रविवार/ऐतवार) श्री सप्तर्षि सम्वत 5096, राश वृश्चिक (चलान) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

               लल वाक्

           (पराग पुस्तक- 177)

राज़हमस ॴसिथ सपदुख कॊलुय

कुसताम च़ॊलुय क्याहताय ह्यथ

ग्रटॖ गॊय बंद तय ग्रटन ह्यॊत गॊलुय

ग्रटॖवोल च़ॊलुय फल फॊल ह्यथ

               अर्थात

किसी को सम्बोधित करते हुए ललेश्वरी कहती है कि तुम कर्म रूपी अन्नाज, गुरु रूपी ग्राटी के पास पिसने के लिए लाया था किंतु तू राजहंस आत्मा होकर हकला गया और कुछ बोल न सका क्योंकि तेरे अंदर का वह राजहंस भाव खो गया है। इस कारण चक्की बंद हो गई और तेरा कर्म फल पिसे बिना चक्की में फंस कर रह गया। ग्राटी अर्थात गुरु रूपी भगवान तेरा कर्म फल लैकर तेरे भुगताने के लिए साथ ले गया है। अर्थात अब पथ प्रदर्शक को पाना कठिन है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

               *********

1. छ़रॆयर (Emptiness)

2. छ़टॖ छ़्रठ (Running from place to place)

3. छ़्रटन लगुन (To get disturbed)

4. छ़ल (Deception/Duplicity)

5. छ़ल बाज़ (One who deceives/Fraudulent/Swindler/Artful)

                  मुहावरॖ

1. मु: महारऻनी माजि पऺत्यकिन्य

         पितुर बोय

    अ: दुशमन नऺज़दीक ज़ानुन

2. मु: माल गव तॖ न्याल गव

    अ: कुनि चीज़कि म्वकलनॖ

         सॗत्य तम्युक वॊजूदुय 

         म्वकलुन

3. मु: मऻज्य कऺरिन्य शुर्य शुर्य

         शुर मॖ कऺरिन्य मऻज्य मऻज्य

    अ: मऻज्य रावुन छु स्यठाह 

         बॊड मुसीबथ

            (पनॖन्य शुर्य ह्यॆछॖनऻव्यूख)

**************************

पंचान्ग:- सालरन हॖन्द्य पंदाह शुराह नाव वऺन्य असि पीर सऻबस तॖ पीर सऻबन होव अथॖ सॗत्यन रुकनुक इशारॖ। पीर सऻबन च़ऺट अथ काग़ज़ वर्कस यि ऱयल यीतिस प्यठ यिम नाव लीखमॖत्य ॴसिन। पानस दऺछिन्य किन्य पिलनोवुन अथॖ तॖ तुजिन अख क़तरिव नऻर यथ सब्ज़ रंग कऺरिथ ओस तॖ थऺवॖन यि नऻर सॊंदकस प्यठ। ॳछ कर्यन बंद तॖ ब्यूठ क्याहताम अंदॖर्य अंदॖर्य परनि। यि काग़ज़ ऱयल थऺवॖन अथ नऻरि हॖन्दिस गऺलिस प्यठ। अकि अंदॖ कऺरॖन अथ थफ तॖ पकनऻवॖन वारॖ वारॖ यि ऱयल अकि अंदॖ प्यठॖ। ॳस्य छि गरा पीर सऻबनिस बुथिस कुन वुछान तॖ गरा पीर सऻबनिस अथस कुन वुछान। पकान पकान ठऺहर्यव पीर सऻबुन अथॖ तॖ त्रऻवॖन असि कुन नज़र। ॳस्य ति छि हऻरऻनी सान वुछान पीर सऻबस कुन। प्रुछ़ पीर सऻबन ज़ि यि मोहन जी कुस छु? म्यानि माजि वॊनॖनस मोहन जी हऺज छु पनॖन्यवॖय औलादव मंज़ॖ। सुय छु प्यॆद्योमुत। तऺम्य छि तुज्यमॖच़ यि चेन तॖ थऻवमॖच़ कऺमीज़ि चंदस मंज़। नारि प्यठॖ तुजिन यि काग़ज़ ऱयल तॖ हऻवॖन असि कुन। अथ काग़ज़ रॆलि प्यठ लीख्यमॖत्य नावन मंज़ ओस मोहन जीनिस नावस तीलॖ दागा ह्यु गोमुत। ब्यॆयि छा कॆंह प्रुछ़ुन। मऻज्य म्यऻन्य  प्यॆयि सौंचस। वॊनुन नॖ कॆंह। पीर सऻबस ति होवुन कलॖ सॗत्य ज़ि बस ब्यॆयि छु नॖ कॆंह प्रुछ़ुन। असि क्याह छु द्युन? प्रुछ़ माजि म्यानि पीर सऻबस। पीर सऻबन कॊर इशारॖ ॳकिस सोंदकस कुन तॖ दॊपुन त्रऻविव ॳथ्य मंज़ यि त्वहि मनशा आसि। ॳस्य वऺथ्य थॊद, गऺयि सोंदकस कुन तॖ त्रोव माजि क्याहताम सॊंदकस मंज़ तॖ फीर पीर सऻबस कुन वनॖनि। दॊपमव हऺज़, वापस मेलनॖच मा छि गुंजऻयशा कांह। असुनाह कॊरुन तॖ दॊपुनस यॆति छि लूख यिवान वुछनि ज़ि च़ूर कुस छु। कारॖवऻयी छु करान पुलसॖ मऺहकमॖ। नाव ति नन्यॊवॖ त्वहि व्वंय वुछिव सबीला कांह ज़ि किथॖ पऻठ्य वऻतिव तॊह्य च़ूरस ताम। यि बूज़िथ फीर्य ॳस्य गरॖ कुन। मोहन जीयस प्यठ चलेयि चर्चा वारियाह मगर रिश्तॖ ओस नाज़ुक स्यठाह। पलि ओस नॖ प्यवान ज़ि च़ूर रटोन किनॖ मऺशरावोन ति क्याज़ि पुलसॖ थानन गछ़नस आसॖ नॖ रानॖ दरान। मगर हऻरऻनी गऺयि यि बूज़िथ ज़ि यॆलि बदकॖसमॖती आसि तॆलि छि पनॖनी फरान। माल गव तॖ न्याल गव। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तॊह्य वुछिथ

koshursabak.blogspot.com प्यठॖ ति)

09.01.2021

09.01.2021 पॊह (पौष) गटॖ पछॖ (कृष्ण पक्ष) काह (एकादशी) बटॖवार (शनिवार/शनिश्चरवार) श्री सप्तर्षि सम्वत 5096, राश वृश्चिक (सुबहॖचि 6.57 बजि प्यठॖ), ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा  क्षमा शिवा धात्री स्वाहा स्वधा नमोस्तुते।

**************************

             लल वाक्

       (पराग पुस्तक- 176)

राजस बऻज यॆम्य करतल त्यऻज्य

स्वर्गस बऻज छुय तफ तय दान

सहज़स बऻज यॆम्य ग्वरॖ कथ पऻज्य

पापॖ प्वन्य बऻज छुय पननुय पान

                अर्थात

तलवार का त्यागी राज का भागीदार है (राजा के सामने तलवार त्याग कर अथवा मित्र बन कर ही राज्य का साझी बन सकता है), तप, दान करने वाला स्वर्ग का साझी है और गुरु वाक्य का पालन करने वाला ही शिव का साथी, और पाप पुन्य का साझी अपना आप ही है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

               ******

1. छ़ट रूद (Windy rain)

2. छ़टॖ शिकऻर्य (A little boat)

3. छ़टॖ शीन (Windy snow)

4. छ़टॖ काह (Watering the land for ploughing)

5. छ़टॖ ग्वगॖज्य (A dish of turnips)

                मुहावरॖ

1. मु: माल मस्त हाल मस्त

    अ: यस यड बऺरिथ आसि सु 

         क्याह ज़ानि ब्यॆयिसॖन्ज़

         ब्वछि

2. मु: माल वुछिथ ज़काथ

    अ: बुथ वुछिथ बोग

3. मु: मासतॖर गऻव हुन्द प्वफतॖर

         लॊट

    अ: हंगॖ तॖ मंगॖ ॴश्यनऻवी 

         हावॖन्य

      (पनॖन्य शुर्य ह्यॆछॖनऻव्यूख)

**************************

पंचान्ग:- आमॖ्त्य सवऻल्य ॴस्य नॖ ज़्यादॖ अल्बतॖ पीर सऻब ओस प्रॖछ़ गऻर करनस मंज़ वख लागान। पीर सऻब ओस ल्वति कथ करान, ब्यॆयिसॖन्द्यन कनन ताम ॴस्य नॖ कथ वातान मगर वुठव तलॖ ओस नज़र यिवान ज़ि सु छु सऻयलस सॗत्य प्रॖछ़गऻर करान। सऻयल तहि ओस कलस ज़ीर ज़ीर करान रोज़ान,गरा आंकार तॖ गरा नकार। पीर सऻब वुछ म्यॆ ज़ि काग़ज़ तिलमन प्यठ क्याहताम लेखान गरा अकि मीलि सॗत्य तॖ गरा दॊयिमि मीलि सॗत्य तॖ ओस करान च़ॊगुन ताह तॖ प्यठॖ गन्डान अड्यन क्रुहुन तॖ अड्यन व्वज़ुल पन तॖ ओस पिलनावान सवऻलिस। सॗती ओसुस वनान ज़ि अथ करुन क्याह छु याने नरि छा गन्डुन किनॖ नऻल्य त्रावुन। इशारव सॖत्य ओस फिकिरी तरान। पॖहॖर्य खऺन्ड्य नन्यव ज़ि पीर सऻब ओस तऻवीज़ दिवान। वारॖ वारॖ ह्यॆच़ॖन असि ताम वऻर्य वातॖन्य। ॳस्य ति ॴस्य बेतऻबी सान प्रारान। अख चीज़ कॊर म्यॆ ग़ोर ज़ि युस ति कांह अथस मंज़ रटान ओस यि तऻवीज़्, सु ओस रटनॖ विज़ि यि पनॖन्यन ॳछन लागान।  अथ चोकि याने चबूतरकिस दासस प्यठ ओस नमान तॖ अदॖ ओस नेरान। पीर सऻब ओस ॳम्यसॖन्दिस कलस प्यठ अथॖ फ़ेरान रोज़ान। कऺह्यतान्य कऺह्यतान्य आयि सऻन्य वऻर्य।  लऺडकन कॊर इशारॖ असि ब्रोंहकुन यिनुक तॖ म्यऻन्य मऻज्य, प्यारी तॖ बॖ गऺयि पीर सऻबनि चोकि नखॖ तॖ छि  वुछान पीर सऻबस कुन आरॖ हति। त्वहि छुवॖ क्याहताम रोवमुत? प्रुछ़ पीर सऻबन असि कुन। माजि म्यानि द्युतनस जवाब। आहन हऺज, स्वनॖ सॖन्ज़ चेन हऺज़ गऺयि गरॖ मंज़य गऻब। चेन कऺम्यसॖन्ज़ ॴस? प्रुछ़ ब्याख सवाल पीर सऻबन। यॆम्यसॖन्ज़ हऺज्, यि छि म्यऻन न्वश। अमीय ॴस थवमॖच़, पीर सऻबन रुकऻव म्यऻन्य मऻज्य वनान वनान तॖ प्रुछ़ुन प्यारी कुन, चेन ॴसा च्यऻन्य? कलॖ सॗत्य कॊर प्यारी आंकार। कति ॴसॖय थऻवमॖच़? पनॖनिसॖय कुठिस मंज़। सॊंदकॖ मंज़ॖ निया कऻन्सि कऺडिथ किनॖ ब्यॆयि कुनि जायि प्यठॖ। प्यारी ह्यॆच़ वनॖन्य सऻरी दास्तान कालॖ प्यठॖच। कऻन्सि ख़ास इन्सानस प्यठ छा शक? प्रुछ़ पीर सऻबन। न हऺज़ म्यॆ छु नॖ शक कऻन्सि प्यठ मगर चेन छि तुजमॖच़ कऺम्य ताम। गरॖ ओस पछ़्यव सॗत्य बऺरिथ। ह्यॊर ब्वन ॴस्य सऻरी करान। शक कऺमिस प्यठ करव। अमि कुठ्युक बर ओसा बंद किनॖ यलय। यलय हऺज़। मऺर्यदियादम मतलब म्योन छु ज़ि बुज़ुर्ग ज़नानॖ तॖ मर्द त्रऻविथ कऻत्याह पऺछ़्य ॴस्य, ह्यकॖकॖ वऺनिथ? प्यारी त्रऻव हशि कुन नज़र, शायद जवाब छ़ान्डनॖ म्वखॖ। म्यॆति ह्यॆच़ मनॖ मंज़्य नफ़र शुमऻरी करॖन्य, ज़ि म्यानि माजि द्युत जवाब, यिहऻय अलॖ पलॖ ॴस्य वुह पॖन्च़ॖह नफ़र। पीर सऻबन तुल काग़ज़ वरुखा अख तॖ रॊटुन फौंटेन प्यन अथस मंज़। कॆंच़न हॖन्द्य नाव वऺनिव? मर्दन हॗन्द्य? प्रुछ़ पीर सऻबस म्यानि माजि। कॊरि लऺडकॖ मर्द ज़नानॖ युस याद त्वहि छु बुज़र्गव बगऻर। ॳस्य त्र्यनवय लऺग्य अख अख नाव ह्यवान तॖ पीर सऻब गव काग़ज़ वर्क्स प्यठ त्युहुन्द नाव लेखान। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ podcast दऺस्य ति)

https://anchor.fm/bldeep

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

08.01.2021

08.01.2021 पॊह (पौष) गटॖ पछॖ (कृष्ण पक्ष) दऺहम (दशमी) शॊकुरवार (शुक्रवार/जुम्मा) श्री सप्तर्षि सम्वत 5096 राश तुला (चलान) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वाहा स्वधा नमोस्तुते

**************************

             लल वाक्

        (पराग पुस्तक-175)

यिहु यिह करम करॖ प्यतरुन पानस

अरजुन बरजुन ब्यॆयिस क्युत

अनति लागि रुस पुशरुन स्वात्मस

अदॖ यूर्य गछ़ॖ तॖ तूर्य छुम ह्यॊत

             अर्थात

अपना कर्म फल मुझे स्वयं ही भुगतना है। लोगों का काम केवल बातें बनाना है। कर्म में लिप्त हुए बिना ही ईश्वर अर्पण करके (अकर्तृत्व भाव से) कर्म करना है तो फिर जिधर भी जाऊं उधर मेरा हित है

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              ********

1. छ़ॊच़ (Hollow/False)

2. छ़ॊम्ब (Trick)

3. छ़ठ (Cold breeze/Chill)

4. छ़ठॖ बटॖ कडुन (To raise someone)

5. छ़टॖ रस (Mutton soup)

                 मुहावरॖ

1. मु: माजि ख्वतॖ कूर बऺड

    अ: मसलुक व्यखच़ार आसुन,

         या, ताजॖ मसलॖ छि व्यॆखती

         आसान

2. मु: माजि हुन्द नॖ माल्युन शुर्यन

         हुन्द मातामाल

    अ: ज़ोरॖ लदनि ज़गॖ,या,पान्यार

         ज़ोरॖ हावुन

3. मु: मऻज्य वॊहवान छुम नॖ कांह

         प्वत्रॖ वति प्यठ बॆह

    अ: हंगॖ मंगॖ न्यायन मंज़ पान

         त्रावुन,या, ज़ोरॖ लडऻय मऺल्य

         ह्यॆन्य

       (पनॖन्य शुर्य ह्यॆछॖनऻव्यूख)

**************************

पंचान्ग:- अथ ओस कुण्डॖ फुटनस तयार। वॊन प्यारी जी पनॖनिस खानदारस कुन। तवय थऺवॖम यि चेन अल्मारि हॖन्ज़ि पॆन्जि प्यठ। म्यॆ सूंच ज़ि अथॖ म्वकलि तॖ यि थवन सम्बऻलिथ। म्यॆ कति ॴस पताह अथ ख्यॆयि चिव मंज़य। कथ बाथ रूज़ चलवॖन्य, बऺहसॖ बऺहस ति गव, तू तू मैं मै ति गव, मगर चेन रऻव हंगॖ तॖ मंगॖ। माजि म्यानि दिच़नख राय ज़ि वुछन वऻलिस निश प्यॆयि गछ़ुन। दपान शीलटेंगॖ छु कुस ताम वुछन वोल करान यि कऻम। पगाह गऺछ़िव तऺमिसॖय तॖ द्यवॖ कॆंह न्याल नेरि। आंकार कॊर सारिवॖय तॖ वऺथ्य सऻरी तॖ लऺग्य पनॖनिस लॊह लंगरस सॗत्य। दॊयिमि द्वह ओस गछ़ुन व्वंय वुछन वऻलिस निश। कुस कुस गछ़ि, फऻसलॖ आव करनॖ। म्योन नाव ति आव ह्यनॖ। बता वता ख्यथ दॊपुख वऺथिव गछ़व वुछन वऻलिस निश। शीलटेंग वऻत्य, द्वन त्र्यन प्यव प्रुछ़ुन तॖ मॊखसरॖ वऻत्य ॳमिस पीर सऻबस निश। ज़्यूठ कमरॖ, वगविस प्यठ सतरन्ड वाहरऻविथ। अकि अंदॖ ॴस्य नमदॖ ति आमॖत्य वाहरावनॖ। पीर सऻब ओस दरवाज़ॖ अच़वुनुय बुथि ॳकिस ज़ॖ डाय फुट थऺदिस चॊबूतरस प्यठ बिहिथ। ब्रोंहकनि अख ज़्यूठ हच्युव सॊन्दुक यथ प्यठ लेखनॖ बापथ मील़ॆन्दॖर्य जोरा तॖ तऺथ्य सॗत्य नरकऻन्य कलम ज़ॖ, त्रॆ, अख फोंटैन-प्यन, खऻली काग़ज़, ब्यॆयि कॆंह किताबॖ ति आसॖ अथ सॊन्दकस प्यठ नज़र यिवान। कमरस मंज़ सानि अच़ॖनॖ ब्रुंहॗय ॴस्य कॆंह लूख ग्वडय आमॖत्य पीर सऻबस निश। कॆंह बुर्कॖ लगऻविथ मुसलमानि, कॆंह बुज़ुर्ग लूख ति तॖ मगर बटाह गव नॖ नज़रि कांह असि बगऻर। खऻर, कुठिस मंज़ ॳच़िथ बॆहनऻविख ॳस्य अच़वुनॖय दऺछनि तरफॖ। कुस ताम मुसलमान लऺडकॖ आव प्रुछ़ुन नाव सोन तॖ प्रॖछ़ुन मुद्दा सानि यिनुक याने कमि बापथ ॴस्य गऻमॖत्य। यि सोन यिनुक मक्सद वातनोवुन ॳम्य लडकन पीर सऻबस ताम तॖ असि होवुन ज़ि पनॖनि वारि प्यठॖ यी असि आवाज़ दिनॖ। ॳस्य छि बिहिथ वुछान गाह पीर सऻबस कुन तॖ गाह बोज़ान यिनॖ वाल्यन हॖन्ज़ दऻद्य कांगॖर। वुछान रूद्य यि तमाशि ज़ि पीर सऻब किथॖ पऻठ्य छु आमॖत्य लूकन पानस ब्रोंह कुन बुलावान तॖ प्रॖछ़ान क्याहताम क्याहताम। अख अंध विश्वासा ओस लूकन मंज़। पुलसस गछ़नस ॴस्य नॖ बऺहरान। पीरन तॖ फऺकीरन प्यठॖय ओस यकीन् ज़्यादॖ।  कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ podcast दऺस्य ति)

(https://anchor.fm/bldeep)

(यि सबक ह्यॆकिव तोह्य वुछिथ

koshursabak.blogspot.com  प्यठॖ ति)

07.01.2021

07.01.2021 पॊह (पौष) गटॖ पछॖ (कृष्ण पक्ष) नवम (नवमी) ब्रसवार (वीरवार/बृहस्पतिवार) श्री सप्तर्षि सम्वत 5096, राश तुला (चलान) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वाहा स्वधा नमोस्तुते

**************************

             लल वाक्

       (पराग पुस्तक-174)

यवॖ तॗर च़लिय तिम अमबर ह्यता

क्ष्वद यवॖ गलि तिम आहार अन

च़्यता स्व परा व्यच़ारस प्यता

च़ेनतन यिह दीह वान कऻ वन

               अर्थात

ललेश्वरी कह रही है कि ठंड से बचने के लिए उचित कपडे पहन। भूख जिस से मिटे वही आहार कर। ऐ मेरे चित्त! स्व की परा का विचार तो कर, अर्थात स्वात्मा की परा अवस्था के बारे में सोच। इस शरीर को समझ ले। तुम्हे इस बात को समझाने के लिए अति विस्तार से कौन सी वाणी का प्रयोग किया जाए।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              *******

1. छ़ॊट (Short/Little/Small)

2. छ़ॊटिन्य (Pigmy sized woman/Small sized woman)

3. छ़ॊप (Who talks less/Silent one)

4. छ़ॊर (Void/Vacant)

5. छ़्वॊख (Pride/Vanity)

              मुहावरॖ

1. मु: मान मऻन्य छि गऻमॖच़ 

         राज़दऻन्य फ़ना

    अ: मान मऻन्य सॗत्य वुजारॖ 

         गछ़ुन

2. मु: मरॖ हऻ गरि कुस थवन

    अ: फुर्सथ नॖ आसॖन्य, या,

         इन्सानस छु शुर्यन बऻच़न

         हॖन्द्य किन्य तीच़ ज़िम्मॖवऻरी

         कलस प्यठ आसान ज़ि

         मरनॖकिस दमस ताम ति 

         छस नॖ तिमन हॖन्ज़ फिकिर

         त्रावान

3. मु: मऻज्य करान कूर कूर, कूर

         करान रऻन्य रऻन्य

    अ: ख्वदग़र्ज़ी हुन्द इज़ॖहार,या,

          बे मायि आसुन याने

          खान्दरॖ पतॖ सिरिफ रॗन्य

          सॖन्ज़ माय रोज़ॖन्य

         (पनॖन्य शुर्य ह्यॆछॖनऻव्यूख)

**************************

पंचान्ग:- रावन वऻलिस सास ग्वनाह तॖ निनॖ वऻलिस कुनुय ग्वनाह। ति ज़न गव ज़ि रावन वोल छु दऺहन प्यठॖ शक करान ज़ि हुमी न तॖ हुमी आसि चीज़ च़ूरि न्यूमुत तॖ करान छु ग्वनहऻन प्यठ ग्वनाह दऺहन प्यठ शक कऺरिथ मगर निनॖ वऻलिस छु कुनुय ग्वनाह ज़ि सु छु चीज़ च़ूरि निवान। प्यारी जी ॴसिन व्वंय स्वर्गॖय, प्रॖछ़ान रूज़ पनॖन्य किन्य ॳकिस ॳकिस ल्वति ल्वती मगर कऻन्सि ह्यॊत नॖ मटि। ॴखॖर गऺये तॖ गऺयि कॊत। ओर कुस च़ाव। अति क्याह कऻम ॴस तस। ख़बर प्यारी ति छा पूरॖ याद ज़ि कत्यन ॴसॖन थऻवमॖच़। सवालन प्यठ सवालॖ आयि करनॖ पानवुन्य अख ॳकिस सॗत्य मगर नन्यव नॖ कॆंह ति। जॆशिन ओस चलान। सऻरी ॴस्य अंसान गिन्दान मगर प्यारी जी ओस डॊलमुत मूडुय। बुथिस प्यठ ॴसॖस शिकन साफ़ नज़र यिवान। रटिहे तॖ रटिहे कस। सालर ॴस्य सऻरी पनॖनी। व्वपर बऺहर्येनॖ यिथॖ पऻठन अथ कुठिस मंज़ अच़नस ति क्याज़ि सु ओस ल्वकुट कुठ तॖ प्यारी जी हुन्दॖय सामानॖ ओस अति यथ सॗत्य नॖ कऻन्सि सरोकारॖय ओस।अल्बतॖ अख शक ओस बासान ज़ि कांह पनुनुय गछ़ि आसुन च़ामुत ति क्याज़ि अमि ल्वकटि कुठ्युक दरवाज़ॖ ओस खुलान बऺडिस कुठिस मंज़ ति। वुज़ॖ तरफुक बर ओसुय ओस मगर यि अंदरिम कुठि मंज़ कुठ्युक बर ओस कॆच़न नफ़रन प्यठ शक करनॖच गुंजऻयिश थवान। वजह ओस शक करनुक यि ति ज़ि केंह मामतॖर्य मासतॖर्य प्वफतॖर्य बऻय ॴस अथ बऺडिस कुठिस मंज़ कॆंह काल ब्रोंठॖय पानॖवुन्य तास गिन्दान तॖ बतॖ ख्यनुक मोकॖ यॆलि आव तॖ यिमन ति कॊरुख आलव बतॖ ख्यनॖ बापथ। व्वथनॖ विज़ि मा आसि कांह च़ामुत ति क्याज़ि बर ओस यलय पनॖन्यन गरिक्यन बऻच़न हॖन्दि बापथ। शक ओस ह्यवान गऺहरावुन ज़ि मुम्किन छु यिमवॖय मंज़ मा आसि कऻन्सि अथ चेनि प्यठ ज्योंटॖ मोरमुत। स्वनॖसॖन्ज़ चेनॖय ॴस, आस्यन तुज्यमॖच़ तॖ चंदस बऺरमॖच़ तॖ आसि द्रामुत कार कऺरिथ। मगर तिमव मंज़ॖ कुस? यि वनुन ओस स्यठाह दुशवार। समय गव नेरान। सालर ति ह्यॆतिन बतॖ ख्यथ नेरॖन वारॖ वारॖ। शोर ह्यॊतुन हमुन ह्यु मगर प्यारी जी बिचऻर ॴस दिल मलूल हिश बिहिथ। हालांकि गरिच कऻम रूज़ करान मगर बासान ओस ज़ि दिल फुट्यथॖय तॖ ब्यॆह्यमती सानॖय ॴस होरॖ योर करान। बऻयराज याने प्यारी जी हुन्द खानदार ओस ॴसस त्रॊप दिथ बिहिथ। वनिहे तॖ वनिहे क्याह। शरारत ओसुस ज़ि स्वनॖसुन्द चीज़ किथॖ पऻठ्य ओस प्यारी जी लापरवऻही सान अल्मारि हॖन्ज़ि प्यॆन्जि प्यठ थोवमुत। बडि वनॖनस ति ओसुस नॖ वार ति क्याज़ि पऺछ़्य ॴस्य गरस मंज़ॖय वृनि। माहोल बन्यऻव च़ॊक मॊदुर ह्यु। शाम वखॖत ह्यु ति ह्यॊतुन युन, पऺछ़्य ति द्रायि पनॖनि पनॖनि वति। व्वंय रूद्य पनॖन्य गरिक बऻच़ॖय यऻत्य तॖ ह्यॆच़ॖन चेनि च़ूरस प्यठ सवाल जवाब चलॖन्य याने कि, क्युथ, कर, कुस, कऺम्य, कपऻर्य बेतरी। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप" 

(बूज़िव म्योन ॳज़्युक सबक़ podcast दऺस्य  https://anchor.fm/bldeep) 

(यि सबक़ ह्यॆकिव तोह्य वुछिथ koshursabak.blogspot.com प्यठॖ ति)

06.01.2021

06.01.2021 पॊह (पौष) गटॖ पछॖ (कृष्ण पक्ष) ॴठम (अष्टमी) ब्वदवार (बुद्धवार) श्री सप्तर्षि सम्वत 5096, राश तुला (रऻच़ हॖन्ज़ॖ 4.28 बजि प्यठॖ), ऋतु हेमन्त (चलान)...अज़ छु महाकऻली वॊहरवोद (महाकाली जयन्ती)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वाहा स्वधा नमोस्तुते

**************************

             लल वाक्

      (पराग पुस्तक- 173)

मूढो क्रय छय नॖ दारुन तॖ पारुन

मूढो क्रय छय नॖ रछिन्य काय

मूढो क्रय छय नॖ दीह संदारुन

सहॖज़ व्यच़ारुन छुय व्वपदीश

               अर्थात

ऐ मूर्ख! पदार्थों को संचय करना, केवल काया को ही सम्भालना तथा सज्जाना वास्तविक क्रिया नहीं है। वास्तविक क्रिया तो सहज अर्थात स्वात्म का विचार करते रहना है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

           ********

1. छ़्यवुन (Be extinguished/Put out/Bring to an end (health etc.))

2. छ़्यफ (Hiding)

3. छ़ॆय (Roof/Grass roof)

4. छ़्यटुन (Be impure/To be unclean)

5. छ़्यॆटरावुन (To make unclean

              मुहावरॖ

1. मु: मऻज्य गऺयि स्वनसॖन्ज़ यॆट

         रॗन्य गऺयि ब्वकॖवऺट

    अ: ख्वदग़र्ज़ी हुन्द हद, या,

          लोलस अंदर तफ़ावत, या,

          माजि ख्वतॖ ज़नानि लोल

          बरुन

2. मु:  मऻर्यमन्द्यन ब्रऻर्य ज़ागि

    अ: खानॖमाल्यन छि आसान 

          हथ बलायि पतॖ

3. मु: मालि मुफुत दिल बे-रहम

    अ: ब्यॆयि सॖन्दि चीज़ुक 

        बे-रहमी सान इस्तिमाल 

        करुन

          (पनॖन्य शुर्य ह्यॆछॖनऻव्यूख)

**************************

पंचान्ग:- ब्यॆयिस ॳकिस वुछन वऻल्यसुन्द कॖसॖ प्यव म्यॆ याद अज़ युस बॖ त्वहि सॗत्य शिरकत यछ़ान छुस करुन। असली मक्सद म्यानि वनॖनुक छु ज़ि सानि तथ कऺशीरि मंज़ कमि कमि ज़ऻच़ हॖन्द्य साध, संत, पीर, फ़कीर आमॖत्य छि रोज़ान। यिहॖन्ज़ॖ करामऻच़ वुछान वुछान ओस इन्सान हऻरान ह्यु गछ़ान। यॊदवय सम्सारस मंज़ छि यिछ़ हिशि करामऻच़ सपदान रोज़ान मगर सऻन्य कऺशीर ति छॆ नॖ ॴसमॖच़ पथ कॆच़न व्यखुत हऻदिसन मंज़। यि वुछन वोल ओस शीनगरॖ हब्बॖकऺदलॖ शील्यटेंगॖ मऺहलस मंज़ बसान। दपान ॳमिस ओस नाव हुसैन किनॖ हसन पीर। अथ कॖसस ति गऺयि तकरीबन पऻच़वनज़ाह शुवनज़ाह वऺरी। असि ओस गरि कुस ताम बॊड द्वह चलान यथ मंज़ म्यानि माजि ओस साल कॊरमुत कॆंच़न अंगन ॴश्यनावन। सालस प्यठ प्यव म्यॆ याद जि कऺशीरि मंज़ ॴस्य साल कऻशिर्य बटॖ यसलॖ करान रोज़ान। ति ज़न गव ज़ि अगर शुर च़ूर्यमि जमऻच़ ति पास ओस नेरान, शीर्य चायि प्यठ ॴस्य मऺहलस साल करान। वॊहरवऻदिस प्यठ ॴस्य पानस अंद्य पऺक्य मऺहलॖवाल्यन बतस प्यठ साल करान। खान्दरॖ ब्रोंह ओस आसान त्वमुल छ़टुन, शैरुन, त्वमुल च़ारुन, वॖरॖ दिन्य, वगेरा वगैरा तॖ यिम ति यिमन काम्यन तॖ कारन ॴस्य अंद वातनावान तिमन ॴस्य ख्यावान, च्यावान रोज़ान तॖ यिथ्य कॖसॖ ति ॴस्य हफ्तस पंदहऻन दॊहन चलानॖय चलान। नऺव न्वश यीहे तॖ साल, शिशुर आसिहे आसान लागुन तॖ साल, मतलब यि ज़ि सारिनी ल्वकट्यन बड्यन दॊहन प्यठ ॴस्य कऻशिर्य बटॖ साल खलि करान रोज़ान। दपनबतॖ, दॖर्यबतॖ, फिरॖ साल, सलामि द्वह साल, यि साल हु साल, सालॖय साल ॴस्य खयवान रोज़ान वखतॖ अकि। यिमव सारिनी रसूमातव तॖ बरतावव निशि गऺयि ॳस्य वारॖ वारॖ छ़्यनॖ। यि रूद अख स्वपनाह व्वंय तॖ नवि पुयि छॆ यिमन कॖसन हॖन्ज़ ब्वॊयी। न असि वनॖनस वार तॖ न तिमन बोज़नस सॊम फरागथ। बॖति वोतुस कथ कथ करान कति प्यठॖ कॊत। कुस ताम बॊड द्वह ओस गरि तॖ सालर ति ॴस्य आमॖत्य तॖ ॴस्य करान डलहसनयारॖ द्वन मकानन मंज़ हॆरि ब्वन तॖ ब्वनॖ ह्यॊर। आंगनस अकि तरफॖ ओस च़ु पूर मकानॖ तॖ आंगनस दॊयिमि तरफॖ याने दऺर्याव बऺठिस प्यठ ओस त्रु पूर मकानॖ। अथ्य जटॖ जोशस मंज़ रऻव म्यानि मंज़्यमि बऺयकाकनि स्वनॖसॖन्ज़ चेन य्यॊस तमि हटि मंज़ कऺडिथ पनॖनि ल्वकटि कुठि हचवि अलमारि हॖन्ज़ि पॆंजि प्यठ थऻवमॖच़ ॴस।कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव म्योन ॳज़्युक सबक़ podcast दऺस्य  https://anchor.fm/bldeep)

(यि सबक़ ह्यॆकिव तोह्य वुछिथ

koshursabak.blogspot.com प्यठॖ ति)

05.01.2021

05.01.2021 पॊह (पौष) गटॖ पछॖ (कृष्ण पक्ष) सतम (सप्तमी) बॊम्वार (मंगलवार) श्री सप्तर्षि सम्वत 5096, राश कन्या (चलान) ऋतु हेमन्त (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वाहा स्वधा नमोस्तुते

**************************

             लल वाक्

      (पराग पुस्तक- 172)

मूढस ज्ञानॖच कथ नो वऺनिज़े

ख़रस गोढ दिनॖ राविय द्वह

स्यकि शाठस फल नो वऺविज़े

रावरिज़ि नॖ कॊम याजन तील

             अर्थात

मूर्ख के साथ ज्ञान की बात मत करो। यह गधे  को गुड खिलाने, रेत में बीज बोने तथा चावल के छिलके की बनी रोटियों में तेल डालने के बराबर हे। सारांश यह कि मूढ को कभी समझाने की व्यर्थ कोशिश नहीं करनी चाहिए।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              ********

1. छ़ान्ठ (Swimming/Floating)

2. छ़ारुन (To search/To investigate/To spot)

3. छ़ाय (Shadow/Shade/Reflected image)

4. छ़ाल (Jump/Leap)

5. छ़्यन (Break/Separation)

                       मुहावरॖ

1. मु: माजि नॖ लचक तॖ सेतारस

         गिलाफ

    अ: ग़रीबी मंज़ ॳमीरी हॖन्ज़ 

         तॆह हावॖन्य

2. मु: माजि बतॖ

    अ: स्वख तॖ सावय, या, रॖच़र

          या, जऻनियर

3. मु:  मऻज्य गव ओल मोल गव

          च़्रोल

    अ: मऻल्यसॖन्दि ख्वतॖ छु माजि

         हुन्दुय थज़र तॖ बजर 

         मानॖनॖ आमुत

        (पनॖन्य शुर्य ह्यॆछॖनऻव्यूख)

**************************

पंचान्ग:- स्वामी शंकर राज़दान सऻब ओसमुत छु दपान ज़बर्दस्त चमत्कऻरी संत। ॳम्य दपान छि अकि लटि बचऻव्यमॖत्य यात्री अमरनाथॖ यॆलि तिम ॴस्य फस्येमॖत्य ॳकिस त्रटॖबुज़स मंज़ तति याने रूदॖ त्रटन, गगरायन तॖ वुज़मलन मंज़ ॴस्य तिम यात्री ह्यनॖ तॖ वलनॖ आमॖत्य। यिथय पऻठ्य ब्यॆयिस ॳकिस चमत्कारस मंज़ दपान स्वामी शंकर राज़दान सऻबन ऒन ज़ुव ॳकिस बालकॖ सॖन्दिस मृत शरीरस मंज़। ॳमिस बालकॖसॖन्ज़ मऻज्य दपान ॴसमॖच़ ॴस अख व्यधवा ज़नान।  प्राण प्रतिष्ठिथ कऺरिथ ॳमिस बालकस मंज़ दपान रॊट मंगतॖ यि बालक स्वामी शंकर राज़दान सऻबन तॖ द्युतनस नाव रामजुव। यि बालुक बड्यव तॖ प्रथ्यव स्वामी जियस निशीय तॖ बऺडिथ मीज्य तस नोकरी फौजस मंज़ याने मिल्ट्री मंज़ तॖ वोत फोजकिस ॳकिस बऺडिस ऒहदस ताम याने सु बन्यऻव फोजुक सलाहकार माने एडवायज़र महाराजा अमरसिंह सॖन्दिस शासनकालस मंज़। माहाराजा अमरसिंह ओस महाराजा हरीसिंह सुन्द मोल। स्वामी शंकर राज़दान ओसमुत छु दपान शारदा लिपि ज़ाननवोल तॖ ॳम्य छि दपान शारदा लिपि मंज़ अख किताब ति लीछमॖच़। मगर यि किताब दपान छॆ नॖ आमॖच़ छापनॖ वुन्युखताम। दपान स्वामी शंकर राज़दान ओस थवान अख मकॖज् माने तबॖर हमेशि पानस सॗत्य। यि ओसमुत छु अथ मक्ज़ि याने तबरि नॆत्य माने दॊहय पूज़ा करान रोज़ान। पानस सॗत्य यि मकॖज़ थवनॖ मूजूब ॴस्य लूख वनान रोज़ान शेंकरॖन्य मकॖज़। दपान अख समाधी ति छि आमॖच़ बनावनॖ माहाराजा अमरसिंहनि दऺस्य स्वामी शंकर राज़दान सऻबनिस यज़तस मंज़ अकिस मंदरस सॗती यथ नाव छु आमुत दिनॖ रत्न ज्योत। अथ जायि निश दपान आमॖच़ छि थवनॖ ॳम्यसॖन्ज़ मकॖज़ तॖ ब्यॆयि ति कॆंह स्वामी जियिन ॳडिन्य गऺडिन्य। कथ छि जऻरी। दय कऺरिन्य असि सारिनी पनॖन्य यऻरी तॖ दूर गऺछ़िन यि महामऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव म्योन ॳज़्युक सबक़ podcast दऺस्य https://anchor.fm/bldeep)

(यि सबक़ ह्यॆकिव तोह्य वुछिथ koshursabak.blogspot.com  प्यठ ति)