04.09.2020

04.09.2020 ॴशिद (आश्विन/ ॳसूज) गटॖ पछॖ (कृष्ण पक्ष) द्वय (देवादेव) (द्विती) शॊकुरवार (शुक्रवार/जुम्मा),‌ श्री सप्तर्षि सम्वत 5096, राश मीन (चलान) द्रठॖपऻन्च़ुक (पंचक) (चलान), ऋतु वऺहरात (वर्षा/बरसात) (चलान)...कांबॖर्य पछ (पितृ पक्ष) (चलान)

**************************

कांबॖर्य पछॖ त्रॆयि हुन्द श्राद्ध छु अज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

          लल वाक्

ओमकार यॆलि लयि ऒनुम

वुही कॊरुम पनुन पान

शिवॊत त्रऻविथ सथ मार्ग रॊटुम

त्यॆलि लल बॖ वऻच़ॖस प्रकाशस्थान

          ***************

अर्थात:- जब मैं ने एक ही ओमकार के साथ प्रेम का नाता जोडा और अपने आपको तपाकर इसी में लीन हो गई तो मैं ने छ: रास्तों को पार कर सतमार्ग को पा लिया। उसी से मैं लल प्रकाशस्थान अर्थात परमात्मा के निकट पहुंच गई

**************************

शरीरक्यन अंगन हुन्द्य नाव कऻशिर्य ज़बऻन्य मंज़ छि - मस (बाल), ड्यकॖ (माथा), बुमॖ (भौहें), ॳछ (आंखें), नस (नाक), कन (कान), ॴस (मुंह), वुठ (होंट), ज़्यव (जीभ), दंद (दांत), ॳछरवाल (पलकें), कलॖ (सिर), गलॖ (गाल), ह्वगन्य (ठुड्डी), हॊट (गला), गर्दन (गर्दन), फ्यॊक (कन्धा), सीनॖ (छाती), नऺर (बाज़ू), हॊच़ (कलाई), अथॖ (हाथ), ऒंगॖज (ओंगली), नम (नाखून), ख्वनवट (कोहनी), न्यॊठ (ओंगूठा), यड (पेट), कमर (कमर), कॊठ (घुटना), ज़ंग (टांग), ग्वड (टखना), खूर (ऐडी), ख्वर (पैर), तलपॊत (तला)....पनॖन्यन शुर्य ह्यॆछनऻव्यूख

**************************

पंचान्ग:- ऒक्टूबर ज़ॖ सास शुराहस मंज़ म्यानि आश्यनि हॖन्दि  स्वर्गॖवास गछ़नॖ पतॖ छि म्यऻन्य यि ज़िठ हिश न्वश पनॖनि अयालॖ अलावॖ म्यॊन ति पूरॖ पूरॖ ख्याल थऺविथ। गरॖच मऻल्यक्यन्य छि यिहऻय व्वं। पऺरमॖच़ लीछमॖच़, संस्कऻरी ज़नान, नोकरी पेशॖ, दाना तॖ द्यमागदार, यिहऻय वऻच़ तपलऺदिन्य कुनी ज़ऺन्य यशोदा अस्पताल ऐम्बुलैंसॖ मंज़। नेरनॖ ब्रोंह ओस अमि न्वशि पनॖन्य कॆंह ज़रूरी काग़ज़ात ति सॗत्य तुल्यमॖत्य। ॳम्यसॖन्दि नेरनॖ पतॖ बास्यव असि मऻल्य पोत्रस तॖ मऻसूम द्वन शुर्यन प्यव यि गरॖ ज़न प्यॆठ ह्यु । अथ वथ आयि नॖ कॆंह ज़ि कति प्यठॖ तॖ किथॖ पऻठ्य करव ब्रोंहकुन व्यवस्था। गऺयि पींतिस खन्डस असमंजस मंज़ हि। मगर ह्यमथ थऻव तिक्याज़ि तमि बगऻर चारॖ ति ओस नॖ कॆंह। न्वशि सॗत्य रूद राबतॖ मोबाईलॖ दऺस्य। अस्पतालॖ प्यठॖ वॊन न्वशि ज़ि यिम छि दपान अख लछ रॊपियि कऺरिव ग्वडॖ जमाह तॖ अदॖ मेलि ऐडमिशन। चूंकि न्वशि ओस न्यूमुत डेबिट कार्ड वगैरा पानस सॗत्य तॖ कऺरिन रॊपियस पन्च़ाह सास जमाह अथ शर्तस प्यठ ज़ि बाक़ी पन्च़ाह सास करव दॊयिमि द्वह जमाह तॖ यि शर्त मोन अस्पताल वाल्यव। ब्यमार गव बऺर्ती,यलाज गव चालू तॖ पौंसॖच तमाशॖ ति गऺव शुरु। यपऻर्य रूद्य ॳस्य गरि संदरावान वारॖ वारॖ। फ़ोनस प्यठ रूज़ कथ चलान न्वशि सॗत्य। नारॖक्य पऻठ्य फऻलेयि यि ख़बर सुसाईटी मंज़। माहोल बास्यव युथ ज़ि ज़न ॴसिख ॳस्य च़ूरि प्यठ रऺट्यमॖत्य। नगर निगम प्यठॖ ह्यॆतिन न्वशि फ़ोन वातॖन्य तॖ ॴसिस प्रॖछ़गऻर करान, तफसील प्रॖछ़ान, नाव, पताह, तेदाद नफ़री, बऺड्य कॗत्य, ल्वकॖट्य कॗत्य, वगैरा वगैरा। परेशऻनी ह्यॆच़ॖन्य बडॗन्य मगर ह्यमथ ति हऻर नॖ। शुर्यन रूद्य दिलासॖ दिवान तॖ म्यऻन न्यॆचिव सम्बोल गरॖ। बॖ ओसुस सोंचान ज़ि यॆमिस ब्यमारस जमाह करनॖ बापथ यीत्य पौंसॖ आसन नॖ, सु दिया नारस नरि। सु ॴखॖर क्याह करि। सु म्यॆ बासान मरनॖ ब्रोंठय मरि। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)