03.09.2020

03.09.2020, ॴशिद (आश्विन/ॳसूज) गटॖ पछॖ (कृष्ण पक्ष) ऒक्दॊह (देवादेव) (प्रतिपदा/प्रथम) ब्रसवार (वीरवार/बृहस्पतिवार/गुरुवार), श्री सप्तर्षि सम्वत 5096, राश मीन (दुहचि 2.14 बजि प्यठॖ), द्रठॖपऻन्च़ुक (पंचक) (चलान), ऋतु वऺहरात (वर्षा/बरसात)(चलान)..कांबॖर्य पछ (पितृ पक्ष) (चलान)

**************************

कांबॖर्य पछॖ द्वय हुन्द श्राद्ध छु अज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

          लल वाक्

अकुय ओमकार युस नाबि दरे

कुम्बय ब्रह्मांडस सुम गरे

अख सुय यंथॖर च़्यतस करे

तस सास मंथॖर क्याह करे

       ************

अर्थात:- जो कोई प्राणायाम के पूरक में सांस को कुछ देर रोक कर एक ही मंत्र ओमकार का नाभि में धारण करके अर्थात ध्यान करके शनै: शनै: ब्रह्मांड के साथ संयुक्त या सम करेगा और इसका अभ्यास करता रहेगा, ऐसे व्यक्ति को किसी और मंत्र साधना की आवश्यकता नहीं है।

**************************

सब्ज़ियन याने सिन्यन कऻशिर ज़बऻन्य मंज़ छि नाव यिथ पऻठ्य -

गोल अल या सीता फल, ज़ीठ अल, अलॖ हचि, ऒबॖज, ओलव,करेलॖ, कनॖगॖछ, क्रछ़, गाज़ॖर, गॊगजि, गन्डॖ, ग्वरदऻल्य, नदर्य, नुनर, टमाटर, ठूलॖ राज़मा, त्वरेलॖ, पालक, पॖदनॖ, फूल गोबी, बंद गोबी, बुम, ब्वॊगलॖ, म्वन्जि, मुजि (गोल/ज़्येछि), मटर, मीथ्य, मर्च़ॖवांगन, वांगन (व्यॆठ/फूलॖ वांगन), व्वपल-हाक, वांगन-हचि, लऻर, सिमला-मिरिच, राज़मा ह्यम्बॖ, ह्यडर, हन्द, हाक (कान्युल/वारि हाक/बऺद्य हाक)....पनॖन्यन शुर्यन ह्यॆछॖनऻविव)

**************************

पंचान्ग:- तफन रऺट्य सऻरी। पगाह आव नफ़र कॊरुन न्वशि ट्यस्ट तॖ द्राव यि वनान वनान ज़ि च़ॊवुहऻन गन्टन अंदर अंदर वाति रिपोर्ट। फिकिर गऺयि गनान, तपुक दवा रूद्य गरिक पान्च़वय बऻच़ ख्यवान। ॳकिस ब्यॆयिस ति रूद्य प्रॖछ़ान ज़ि कुस दवा छु ख्यॊन कमि सातन, ब्यॆयि क्याह एहतियात छि निन्य। मशवरॖ द्युतुख ज़ि सुबॖ प्यठॖ शाम ताम गरम् पोन्य च्यॊन, गरगरॖ करॖन्य नून या न्यॊम त्रऻविथ गरम पऻनिस मंज़, काडा च्यॊन अकि दॊयि लटि दोहस, सामन श्वंगनॖ ब्रोंह गरम द्वदस मंज़ ल्यॆदरि पींत्येहऻना मिलविथ च्यॊन। ब्यॊन ब्यॊन जायव प्यठॖ ह्यच़न ब्यॊन ब्यॊन रायि यिनॖ तॖ ह्यॊत असि ती करुन। परेशऻनी ह्यॆच़ॖन्य बडॖन्य ज़ि ट्यस्ट गॊछ़ ठीखॖय आसुन। बेक़रऻरी तॖ बेसब्री ह्यॆच़ॖन्य बडॗन्य तॗ सोंचस प्यॆयि ज़ि ॴखॖर यि तफ कति प्यठॖ आव व्वतॖलिथ। दोयमि द्वह आव न्वशि रिपोर्ट ज़ि ट्यस्ट छु पोज़िट्यू तॖ अवॖ म्वखॖ छु बनान लऻज़िमी ज़ि यि ट्यस्ट प्यॆयि बाकय बऻच़न ति करुन। पोज़िट्यू नाव बूज़िथॖय फॗट्य ज़न कॊठ्य। व्वं करव तॖ करव क्याह। न्वशि वॊन दफ्तरकिस डाक्टरस सऻरी शेछ तॖ तऺम्य वॊन अस्पताल बऺर्ती गछ़ुन। प्रॖछ़गऻर ओरॖ योर कऺरिथ गव यि फऻसलॖ ज़ि यशोदा अस्पताल, कोषम्बी, गाज़ियाबाद गछ़ि न्वश एडमिट। ऐम्बुलैनस मंगनऻव तॖ न्वश वातॖनऻव अस्पताल। दऻद्य कांगरि हुन्द सफ़र गव शुरु। ख़बर गऺयि कॆंच़न मऺहकमन ज़ि फलऻन जायि आव लबनॖ कोरोनावयरस मरीज़। यपऻर्य द्रायि न्वश अस्पताल कुन, ब्यॆयि तरफॗ आयि सोसाईटी हॖन्द्य कॆंह नफ़र यिमव सील कॊर वथ तमि आयि ज़ि युन गछ़ुन गव बिल्कुल बंद। फिकिरी तॊर नॖ कॆंह ज़ि ॴखॖर यि बलाय आयि किथॖ पऻठ्य। कॆंच़ॖ कालॖ पतॖ आव फ़ोन ज़ि न्वश गऺयि ऐडमिट तॖ यलाज गव शुरु। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)