01.10.2020

01.10.2020, ॴशिद(मलमास) (आश्विन/ॳसूज)(मलमास) ज़ूनॖ पछॖ (शुक्ल पक्ष) पुनिम (पूर्णिमा) ब्रसवार (वीरवार/बृहस्पतिवार/ गुरुवार),श्री सप्तर्षि सम्वत 5096, राश मीन (चलान) ऋतु हरुद (शरद) (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

               लल वाक्

         (पराग पुस्तक-76)

रव मतॖ थलि थलि तऻप्यतन

तऻप्यतन व्वतम व्वतम दीश

वरुन मतॖ लूकॖ गरॖ ॳच़्यतन

शिव छुय क्रूठ तय च़ेन व्वपदीश

            अर्थात

सूर्य हर स्थान को भले न तापे। केवल उत्तम स्थानों पर ही अपनी आग बिखेर दे। भले ही पानी भी लोगों के घरों में न जाए। यह दोनों बातें सम्भव है। किन्तु (शिव में ऐसी बात नहीं) शिव इतना व्याप्त है कि उस को पहचानना इतना सरल नहीं है। इसलिए इस उपदेश को समझ ले और ग्रहण कर

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *******

1. पारसंग (Make weight, something placed on one pan of the balance to balance the other/Insignificant portion)

2. पाज़ुन (To clean spring etc./Cleanse)

3. पास (Side/Permission/Pass)

4. पासि ख्वदा (For God's sake)

5. पासॖ (Pure gold)

              मुहावरॖ

1. मु: पऺतिम गऺर छि सख

    अ: बुजरिक्य द्वह छि मुश्किल

         आसान

2. मु: पऺतरन सग तॖ मूलन द्रोत

    अ: शत्रुथ करुन तॖ अम्युक 

         बास नॖ द्युन

3. मु: पतॖ बऺडिस छि नज़र बऺड

    अ: बॊड मॊहन्युव छु बॊडुय

         आसान, या, खान्दऻनी

          बजर

           (पनॖन्य शुर्य ह्यॆछॖनऻव्यूख)

**************************

पंचान्ग :- राथ वऺन्य म्यॆ कॆंच़न तिमन मंदरन हॖन्द्य नाव, यिम कऺशीरि मंज़ व्यतस्ता दऺर्यावकिस द्वश्यवुन्य बठ्यन प्यठ बन्यॆमॖत्य छि। तिमव मंदरन मंज़ छु अख मंदर यथ नाव छु रघुनाथ मंदर। दपान कऻशिर बट्टॖ यॆलि 1990-तस मंज़ कऺशीरि प्यठॖ च़ऺल्य, यि मंदर रूद छ्यॊन तॖ छ़ॊर तॖ अमि मंदरॖच इमारतॖच हालथ ह्यॆच़ॖन्य ख़स्तॖ गछ़ॖन्य वारॖ वारॖ तॖ ओस यिमन त्रॖहन वऺरियन मंज़ अमि मंदरुक रंग रूपॖय डॊलमुत। यि मंदर दपान ओस अज़ त्रॆ हथ वऺरी ब्रोंठ बन्योमुत। वनॖनॖ छु यिवान ज़ि ट्यूरिस्ट डिपार्टमेंट मऺहकमन छि अमि मंदरॖच मरमतॖच कऻम करॖन्य ह्यॆच़मॖच़ मटि तॖ दपान अथ मंदरस नव्यर दिनॖ बापथ छु त्यॆयतऻजी (43) लछ रॊपिय आमुत मनज़ूर करनॖ सरकारॖ दऺस्य। बकाया मंदरन ति आसि दय दय करान यीरवुन्य नाव गऻमॖच़ यिमन त्रॖहन, अकत्रॖहन वऺरियन, व्वमेद छि ज़ि तिमन मंदरन हुन्द ति यी ठीख करनुक व्यच़ार करनॖ सॗत्य सॗत्य। राथ रूद्यमॖत्य ब्यॆयि कॆंह मंदरन हॖन्द्य नाव छि - मदनयार मंदर, प्वरुषॖयार शिव मंदर, द्रऻबियार शिव मंदर, शऺशियार शिव मंदर, शिव मंदर दुबजि घाठ, गऻवकऺदल, मलॖयार शिव मंदर, मन्दिर बाग शिव मंदर, मलॖपोर शिव मंदर तॖ कानिमऻज्य मंदर, वरमुल। यिम छि सिरिफ जॆहलिम याने व्यथि याने व्यतस्ता दऺर्यावॖकिस दऺछिन तॖ खोवॖर्य बठ्यन प्यठ बऺनिथ मंदर। अमि अलावॖ छि कऺशीरि मंज़ ब्यॆयि हथ शथ मंदर बऺनिथ ब्यॊन ब्यॊन जायन यिमन हुन्द ज़िक्रॖ करव ब्रोंह कुन। तमि अलावॖ वुछव ब्रोंहकुन ॳस्य कऺशीरि मंज़ॖक्य नाग, आश्रम, तॖ साधु संत यिम वखतॖ वखतॖ कऺशीरि मंज़ रोज़ान आयि। आश्रम रूद्य तती, नाग छि तती बस कऻशिर्य बट्टॖ आयि नॖ ज़ॖरनऻवनॖ तति आतंकवाद्यन हॖन्द्य दऺस्य।  बटन हॖन्ज़ बिज़ऻती कऺशीर,गऺयि तिमनॖय निशि दूर, करॖख्य च़लन बापथ मजबूर। कथ छि जऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

30.09.2020

30.09.2020, ॴशिद(मलमास)(आश्विन/ॳसूज)(मलमासे) ज़ूनॖ पछॖ (शुक्ल पक्ष) च़्वदह (चतुर्दशी) ब्वदवार (बुद्धवार) श्री सप्तर्षि सम्वत 5096, राश मीन (रऻच़ हॖन्ज़ि 8.36 बजि प्यठॖ), ऋतु हरुद (शरद) (चलान), द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

         (पराग पुस्तक-75)

य्वसय शैल पीठस तॖ पटस

स्वय शैल छय प्रथिवून दीश

स्वय शैल शूबवुनिस ग्रटस

शिव छुय क्रूठ तय च़ेन व्वपदीश

              अर्थात

जिस प्रकार पत्थर सड़क, सुन्दर चक्की आदि के रूप में हर दिशा में दिखाई देता है उसी प्रकार शिव हर पदार्थ में व्याप्त है। यही उपदेश ले कर यथार्थ को जान ले क्योंकि इस बात को समझे बिना शिव को पाना कठिन है। ऐसे समझे बिना ज़रा सी देर में मन में भ्रम उत्पण हो जाता है

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            *********

1. पादाश (Punishment/

Retaliation/Penalty/

Requital)

2. पार (sole of the shoe/End/Limit/Extremity/Opposite side of the river)

3. पारुन (A small piece of land for sowing seeds/To  set right the hair of a lady)

4. पार्थीश्वर (An idol of God)

5. पार्सल (Parcel)

               मुहावरॖ

1. मु: पानसॖय ख्यॆतन असि मतॖ

         दीतन

    अ: रॖच़र कांछुन, या, शुर अगर

         बजाह आसि, च़म छि

         शिहिज

2. मु: फागुन ज़ोरावुन

    अ: पज़नॖ प्यॆठ खर्चावुन या 

         बेदर्दी सान खर्चावुन

3. मु: फातॖ छ्यऻन्य गरा च्यऻन्य 

         गरा म्यऻन्य

    अ: बे-व्वफा या बे-पछ़ ज़नान

       (शुर पनॖन्य ह्यॆछनऻव्यूख)

**************************

पंचान्ग :- कऺशीरि मंज़ व्यतस्ता दऺ्र्यावॖकिस द्वश्यवॖन्य बठ्यन प्यठ बन्यॆमॖत्य कॆंच़न मशहूर मंदरन हॖन्द्य नाव छि - वॆज्यब्रोर मंदर, शुराहयार मंदर, हनुमान मंदर, गद्दाधर मंदर, शिवा मंदर (बसंत बाग), गणपतयार मंदर, काठलीश्वर मंदर, गोपी नाथ आश्रम, दुर्गा मंदर, अभयंकरदीवी मंदर, सूमयार मंदर, रघुनाथ मंदर, दीवान मंदर, महाकाली अस्थापन, राम कौल मंदर, बटॖयार मंदर, धर मंदर (सफाकऺदल), रॊप भवऻनी अस्थापन (सफाकऺदल), भैरवघाट मंदर, शऻद्यपुर, काली मंदर (सोपोर), ऋश्यपीर अस्थापन (सोपोर), ब्रह्यणघाट मंदर (सोपोर), नन्दकीश्वर अस्थापन(सोपोर), दीवीबल (वरमुल), कोटी तीर्थ (वरमुल), अमि अलाव ति छि ब्यॆयि कॆंह मंदर व्यतस्ता हॖन्दिक्यन द्वश्यवॖन्य बठ्यन प्यठ, यिमन हुन्द ज़िकिर पगाह करव। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

29.09.2020

29.09.2020, ॴशिद(मलमास)(आश्विन/असूज)(यलमासे) ज़ूनॖ पछॖ (शुक्ल पक्ष) त्रुवाह (त्रयोदशी) बॊम्वार (मंगलवार) श्री सप्तर्षि सम्वत 5096, राश कुम्भ (चलान), ऋतु हरुद (शरद) (चलान) द्रठॖपऻन्च़ुक (पंचक) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

               लल वाक्

           (पराग पुस्तक - 74)

यिमय श्यह च़्यॆ तिमय श्यह म्यॆ

श्याम गला! तॊय ब्यन त्वतस

युहुय ब्यन अभेदा च़्यॆ तॖ म्यॆ

च़ॖ श्यन स्वऻमी बो शयि मुशॖस

        ************

            अर्थात

हे प्रभु! जो छ: आप के पास हैं वही छ: मेरे पास हैं, किंतु तुम इन तत्वों से अलग हो, हे अभेदा यही भिन्नता आप और मुझ में है कि आप छ: के स्वामी हो और मैं इन को भूल कर इन के आधीन हुई हूं। कारण यह कि मैं और आप समान होकर भी मैं तो इन को भूल गई हूं और आप नित्य इन को भूलते नहीं (भेदाभेद स्थिति)।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

             *********

1. पाठशाला (School/Semi-

nary)

2. पाख़ाना (Latrine/Lavatory/Stools)

3. पाद (Foot/Root of a tree/Root of a mountain)

4. पादन प्यॊन (Obeisance to the feet/To touch feet of

a person)

5. पादर सॖह (Lion)

                 मुहावरॖ

1. मु: पांच़ऻलिस रोज़ि नॖ दॊहय 

         वाव

    अ: मुसीबथ छु नॖ अकि डंजि

         रोज़ान

2. मु: पान्यो पान्यो

    अ: ख्वदगर्ज़ी

3. मु: पानस पॖरॖ पॖरॖ लूकन 

          तबाबथ

    अ: पानॖ नाकारॖ कामि कऺरिथ 

         लूकन रॖच़ कऻम करनॖच

         नऺसीहथ करॖन्य

       (पनॖन्य शुर्य ह्यॆछॖनऻव्यूख)

**************************

पंचान्ग:- कऺशीरि हुन्द ग्वडॖन्युक नाव दपान ओसमुत छु सतीसर, अथ कऺशीरि ॴस्य वनान कश्यपमऻर ति, ति क्याज़ि दपान सतीसरुक पोन्य छु कऺशीरि न्यबर कॊडमुत कश्यप ऋश्यन पनॖनि तपोबलॖ सॗत्य।कऺशीरि ओस ब्याख नाव ति, सु गव, ऋश्यवऻर। ति क्याज़ि अथ कऺशीरि मंज़ छि वख्तॖ वख्तॖ आमॖत्य साधू, संत, महात्मा, महापुरुष, ज्ञऻनी, यूगी, ऋशी, मुनि, पीर, फकीर, व्यदवान यिमव साधना कऺर, तपस्या कऺर तॖ पनॖनि मनोबलॖ सॗत्य प्रोवुख थॊद मुकाम या प्रोवख ईश्वर या पानस मोक्ष। ॳथ्य कऺशीरि मंज़ छु अख दऺर्याव ति वसान यथ नाव छु जेहलिम। अथ दऺर्यावस छि ब्यॆयि ति ज़ॗ नाव मॊहशूर याने व्यतस्ता तॖ व्यथ। अथ व्यॆथि हॗन्दि द्वश्यवुन्य बठ्यन प्यठ छि लूकन हॖन्द्य मकानॖ बनिथ तॖ सॗतिय छि कॆंह मंदर ति बऺनिथ। पगाह ह्यमव तिमन मंदरन हॖन्द्य नाव यिम वेरीनागॖ प्यठॖ वोरि ताम बनिथ छि। हालांकि 1990-तस मंज़ प्यव कऻशिर्य बटन च़लुन कऺशीरि प्यंठॖ ति क्याज़ि कॆंह उग्रवऻद्य अनासिर गऺयि पऻदॗ यिमव बटॖ गरन लूठ मार कॊर, मकानन नार द्युत, बे-हुर्मती कऺरॖख, दऺहशथ फऻलऻवुख, बटव त्रोव पनुन ज़मीन जायदाद तती तॖ पनुन पान, आन बान तॖ शान बचावनॖ म्वख आयि च़ऺलिथ कऺशीरि प्यठॖ तॖ लऺग्य दक्कन तॖ डुलन पनॖनिसॖय  वतनॖस मंज़ ब्यॊन ब्यॊन जायन तॖ अलाक़न मंज़ गऺछ़िथ। मंदर रूद्य कऺशीरि मंज़ॖय छ़ऺर्य तॖ छऺन्य भगवानसॖय हवालॖ। हालांकि तिमव बे-मुर्वत तॖ नादान आतंकवाद्यव फॖटरऻव्य कॆंह मंदर ति, कॆंच़न जायन कज्यख मूर्ती मंदरॖ न्यबर तॖ त्राव्यख तिमय वतन प्यठ। तिम बे-दर्द मारॖवातल तॖ दहशथगर्द छि नॖ वुनि ति पायस प्यवान। पगाह करव कॆंच़न मंदरन हुंद बखान। कथ छि जऻरी

********************"*****

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

28.09.2020

28.09.2020, ॴशिद(मलमास)(आश्विन/ॳसूज) ज़ूनॖ पछॖ (शुक्ल पक्ष) बाह (द्वादशी) च़ऺन्दॖरवार (सोमवार), श्री सप्तर्षि सम्वत 5096, राश कुम्भ (दुहचि 9.40 बजि प्यठॖ), ऋतु हरुद (शरद) (चलान)..द्रठॖपऻन्च़ुक (पंचक) शुरु

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुतै

**************************

               लल वाक्

         (पराग पुस्तक-73)

मनस सॗतिय मनॖय गॊंडुम

च़्यतस रऺटॖम च़्वपऻर्य वग

प्रकृच़ सॗतिय प्वरुश नो वॊलुम

सरॖह म्यॆ कॊरुम लऺबॖम वथ

          अर्थात

मैं ने मन से मन को बांध लिया। प्रकृति से पुरुष को अलग रखा। चित को चारो ओर से लगाम लगाई अर्थात थाम लिया। ऐसा अनुभव करके मैं ने गंतव्य का रास्ता पा लिया।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            ********

1. पाबंद (Bound/Committed/Habituated/ Restrained/Detained/Imprisoned/Checked/Controlled)

2. पाबंदी (Restraint/Restriction/Detention/Check/Control/Commitment)

3. पाफ (Wickedness/Crime/Villain/Guilt)

4. पाफ खसुन (To commit a crime/To become guilty)

5. पाताल (The lower (infernal regions hell - According to Hindus lower region of world infested by fiends and serpents)

              मुहावरॖ

1. मु: पौंसॖ गव पारुद तॖ म्यकराज़

    अ: पौंसस छु हदॖ ख्वतॖ ज़्यादॖ

          ताक़त

2. मु: पौंसस निश छु पौंसॖ वातान

    अ: पौंसॖवऻलिस निश छु पौंसॖ 

          वातान

3. मु: पौंसॖ थऺव्यज़ि म्वर्दस प्यठ 

         सु ति गछ़ि ज़िन्दॖ

**************************

पंचान्ग :- श्री बी के शायर याने पंडित ब्रिज कृष्ण शायर, यसुन्द देहान्त सपुद कॆंह द्वह ब्रोंठ, ओस अख गायक तॖ ब्यॆयि रेडियो कलाकार। ल्वकचार प्यठय ओस ॳम्य लुकॖ-बऻथ ग्यवॖन्य ह्यॆछमॗत्य। ॳम्य ॴस तरबियत नीमॖच़ पंडित  रामेश्वर गिगू सऻबस निश। ॳम्य ओस एम ऐ कॊरमुत ग्यवनस मंज़ अल्हाबादॖ प्यठॖ तॖ ॴसॖन डिग्री हऻसिल कऺरमॖच़ इन्डियन क्लासिकॖल म्यूज़कस मंज़। संगीत रचनाकार अलावॖ ओस ब्रिज कृष्ण अख नामावार कलाकार रूदमुत रेडियो स्टेशन, श्रीनगरॖ तॖ दूरदर्शन कऺशीरि मंज़। श्री बी के शायिर सऻबन ओस ज़ऻनदार मऺहलॖ, श्रीनगरॖ, कऺशीरि मंज़ पनुन अख इन्सटिच्यूट खूलमुत, यथ नाव दिन आमुत ओस अर्विंद म्यूज़िक इन्सटिच्यूट। हारमोनियमस प्यठ ओस ब्रिज कृष्ण जियन वारियाहान कलाकारन सॗत्य साथ द्युतमुत।ब्रिज कृष्णन छि वारियाह कलाकार ह्यॆछिनऻवमॖत्य संगीत तॖ सऺगीतुक व्याकरण। ॳम्यसॖन्दि अथॖ ह्यॆछिथ यिमव कलाकारव पनुन अख थोद मुकाम प्रोव गायकी पेशस मंज़, तिमन मंज़ छि कॆंह मशहूर नाव स्व. विजय मल्ला, इन्दु भूषण कौल, दीपाली वातल तॖ रवी भान। यि नामावार तॖ कदावार हऺस्ती गऺयि यि संसार त्रऻविथ बस कॆंह द्वह ब्रोठ। विष्णुबवनस ॴस्यनस जाय।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक म्यानि ज़्यॆवि ति)

(koshursabak.blogspot.com ति वुछिव)

27.09.2020

27.09.2020, ॴशिद (मलमास) (आश्विन/ॳसूज) (मलमासे) ज़ूनॖ पछॖ (शुक्ल पक्ष) काह (एकादशी) आथवार (रविवार/ऐतवार) श्री सप्तर्षि सम्वत 5096, राश मकर (चलान) ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश -  मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

          (पराग पुस्तक-72)

प्राणस सॗतिय लय यॆलि कऺरॖम

ध्यानस थऻवनम नॖ रोज़न नॖ शाय

कायस अंदर सोरुय वुछुम

पायस पोवुम कऺडमस ग्राय

            अर्थात

अपनै मन को प्राणों के साथ इतना लीन किया कि ध्यान के लिए स्थान ही नहीं रहा (गहन अभ्यास के पश्चात)। मैं ने सारा कुछ अपने शरीर के अंदर ही देखा। इसी वास्तविकता को समझा कर इसे अर्थात मन को पवित्र किया।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

            ***********

1. बारॖन्य (Brothers)

2. बारदानॖ (Gunny bags/Forage/Weight/Packages/Provision packages)

3. बारगाह (Palace/Court/Place of audience/Place of some saint)

4. बारसस युन (To come in existence)

5. बार (Weight/Responsibility/Burden/Room or counter where drinks are served/Profession of barristers)

            मुहावरॖ

1. मु: बब बेछान गॊबरस नाव 

         मुरादबेग

    अ: ग़रीब सुन्दर नाव बॊड

         आसुन

2. मु: बत्तॖ बत्तॖ तॖ प्यादॖ पतॖ

    अ: पानॖ करान ब्वछि ब्वछि

          ब्याख छुस पतय

3. मु; बत्त साज़ॖन्दर

    अ: मतलबुक यार

    (पनॖन्य शुर्य ह्यॆछॖनऻव्यूख)

**************************

पंचांक:- कोरोनावयरस महामऻरी छि लगातार पनुन भयानक रूप दऻरिथ। न छि च़लनुक नाव ह्यवान तॖ न छि गलनुक नाव ह्यवान। थाल ति वऻय, च़ऻन्ग्य ति ज़ऻल्य, ज़फ ति कॊर मगर महामऻरी छि बे-असर, बे-रहम, बे-काबू। सऻनिसॖय वतनस मंज़ दपान 58 लछ लूख छि आमॖत्य अथ महामऻरी हॖन्दिस ज़दस मंज़ यिमन मंज़ करीबन शीथ सास लूख हारेयि तॖ गऺयि स्वर्गॖवास तॖ बाकय छि ज़िन्दॖ रोज़नॖच कूशिश करान ॳड्य शफाखानन मंज़ प्यथ, ॳड्य पनॖन्यनॖय गरन मंज़ पनुन पान अलग थलग बकाया बऻच़न निशि थऻविथ। हालथ छि दपान अड्यन अस्पतालन मंज़ यीच़ खस्तॖ ज़ि मरीज़स ताम छि नॖ पूरॖ साधन मॊयसर, मसलन आक्सीजन, ब्यड, दवा, डाकटर, व्यनटिलेटर बेतरी। मऺरीज़ युस अस्पताल ताम वातान छु सेहतियाब गछ़नॖ बापथ सु छु बिचोर यिमव चीज़व दादि पनॖन्य प्राण यिवान त्रऻविथ। ग़ऺरीब मऺरीज़ यस नॖ बिचऻरिस चंदस पौंसॖ छु बराबर अथ महामऻरी मुकाबलॖ करनॖ बापथ छु वैसे ही अडमोर गऺछ़िथ द्वह द्वह कडान। बे-बस छु यि इन्सान क्वदर्यतकिस यथ कॊहरामस ब्रोंह कनि। बस अख आश छि, अख यछ़ पछ़ छि ज़ि यॆमि शक्ति ॳस्य ज़न्मस ॳन्य, सॊय शक्ति वुछि असि पतॖवथ। सॊय रोज़ि सहायतस। तस शक्ति पुशरावव पनुन पान। ग्रऺन्दि रॊस गऺयी असि त्रऻविथ वुन्युखताम। जंग छु जऻरी। प्रारान ज़ि कर तुलि थफ यि महामऻरी। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

26.09.2020

26.09.2020, ॴशिदॖ(मलमास)(आश्विन/ॳसूज)(मलमासे)ज़ूनॖ पछॖ (शुक्ल पक्ष) दऺहम (दशमी) बटॖवार (शनिवार/शनिश्चरवार),श्री सप्तर्षि सम्वत 5096, राश मकर (चलान) ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

          (पराग पुस्तक-71)

पवन तॖ प्राण सॊमॖय ड्यूंठुम

मीलिथ रूदुम शेर खोर ताम

दीह यॆलि मॊठुम अदॖ क्या मॊतुम

न कुनि पवन तॖ न कुनि प्राण

             अर्थात

अपने प्राण पवन, सर से पैर तक सारे शरीर में समान रूप से मिलकर रहे। तब तक तो देह का विचार (अस्तित्व) रहा। किन्तु जब शरीर को ही भूल गई  फिर ना तो सांस लेने का ध्यान रहा और न ही प्राण शक्ति का ज्ञान रहा।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

**************************

1. बाडव (Body frame)

2. बाड (Fence)

3. बार (Weight/Weighing)

4. बारव (Scream/Noise/

Wild cry)

5. बारव दिन्य (To scream/To Cry)

              मुहावरॖ

1. मु: बबॖ बॖडतम तॖ खऺदमथा 

         करतम

    अ: यि छि वनान यॆलि कूंसुय 

         ज़िठिस प्यठ ह्वकुम 

         चलावि

2. मु: बबॖ न्येथॖर तॖ यॆमी दमॖ

    अ: स्यठहॖय बेतऻबी लागॖन्य

3. मु: बतय आसि कऻत्याह गरॖ 

         गछ़न पऻदॖ

    अ: बत्त वऻलिस छु प्रथ कांह

          रिश्तॖदार बनान

       (शुर्य पनॖन्य ह्यॆछनऻव्यूख)

**************************

पंचान्ग:- लूकन हुन्द च़सिथ यिनॖ किन्य तॖ वऻर्यव्यन हॖन्दि ज़ुलमॖ सॗत्य तंग यिथ त्रोव लल द्यदि गरबार तॖ गऺयि दय नावस सॗत्य मुकमल पऻठ्य लीन। स्व ॴस व्वंय पनॖनिस ग्वरस स्यदॖ बऻयिस सॗत्य गंंटॖ वादॖ रुहऻनियतस आवागमनस तॖ धर्मार्थस प्यठ बऺहस करान, सवालॖ जवाब करान। ॳथ्य दोरान ह्यॆच़ लल द्यदि शऻयरी ति करॖन्य। ललि हॖन्दिस अथ स्वखनस तॖ दऺपिस प्यव लल वाक नाव। दपान ॳम्यसॖन्द्य वऺन्यमॖत्य वाक फऻलेयि नारॖक्य पऻठ्य शहर गाम तॖ लल गऺयि तीच़ाह मशहूर, मक़बूल ज़ि फखरॖ तॖ यज़तॖ सान ॴस्य लूख ॳमिस वनान लल द्यद या लल मऻज्य। लल द्यदि हॖन्ज़ शऻयरी याने वाक छि दमदार तॖ पुर माने यथ ओरूजस ताम ज़ि पऺत्यम्यव अॅसाडव शॆयव हतव वऺरियव प्यठॖ आयि वुन्युखताम तमी लोलॖ तॖ खलूसॖ सान यिम वाक परानॖ बोज़ान तॖ बोज़नावनॖ युथ यिमन वाकन बोज़नुक चिकॖचाव ओस तऺम्यसॖन्दिस दोरस मंज़। मानॖनॖ छु यिवान ज़ि कऻशिर शऻयरी हुन्द असली आग़ाज़ छु लल द्यदि हॖन्दि प्यठय शुरु गछ़ान। लल द्यद बनॆयि अख नामावार तॖ कदावार शखसियत सऻनिस कऻशिर्य अदबकिस तऻरीखस मंज़। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

25.09.2020

25.09.2020, ॴशिद(मलमास)(आश्विन/ॳसूज)(मलमासे) ज़ूनॖ पछॖ (शुक्ल पक्ष) नवम (नवमी) शॊकुरवार (शुक्रवार/जुम्मा), श्री सप्तर्षि सम्वत 5096, राश मकर (रऻच़ हॖन्ज़ॖ 12.41 बजि प्यठॖ) ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते। 

**************************

              लल वाक्

          (पराग पुस्तक-70)

परुन स्वलब तॖ पालुन द्वरलभ

सहज़ गारुन सिखिम तॖ क्रूठ

अभ्यासकि गनिरय शास्त्र मॊठुम

च़ीतन आनन्द निश्चय गोम

            अर्थात

पढना तो आसान है परन्तु इसका पालन करना दुर्लभ है। स्वात्मा अथवा परम शिव को खोजना अति सूक्षम तथा कठिन है। मैं अभ्यास की गहनता से शास्त्र भी  भूल गई, तो मुझे चैतन्य आनन्द निश्चित अर्थात पूर्ण रूप से अनुभव हो गया। अर्थात गहन अभ्यास से ही लक्ष्य प्राप्त होती है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

              *******

1. बादाम पोश (Almond flower)

2. बा-पोशाख (In full dress/In a formal dress,)

3. बाबथॖर (Brother's son/ Nephew)

4. बादा (Obstruction/Trouble)

5. बादशाह (King)

              मुहावरॖ

1. मु: बागि बोग तॖ बऻगरन बोग

    अ: द्वगनॖ हिस्सॖ छ़ान्डुन

2. मु: बाह गव नॖ सौदा तॖ बाज़रस

         खलबली

    अ: मॊमूली कथि खऻत्रॖ शोरॖ 

         शोर तुलुन, या, बऺल्य 

          फितिनॖ तुलुन

3. मु: बाबॖ मूद तॖ जन्दॖ रूद

    अ: माल गव तॖ न्याल रूद, या

         असॖल चीच़ रूद नॖ निशानॖ

          रूद

      (शुर्यन ह्यॆछनऻविव)

**************************

पंचान्ग:- दपान लल द्यदि ॴस नॖ हश बत्तॖ ति पूरॖ दिवान ख्यनॖ बापथ। स्व ॴस ॳम्यसॖन्दिस बत्तॖ थालस मंज़ बतस तलॖ नीलॖवठ थवान तमि आयि युथ ज़न बत्त बासिहे वारियाह। मगर ललि हुन्द स्वभाव ओस ज़ि स्व ॴस बत्तॖ ख्यवान तॖ यि नीलॖ वठ छॆलिथ थवान चोकस मंज़ पनॖनि जायि।अथ कॖसस सॗत्य छि अख कथ वाबस्तॖ "हॊन्ड मऻर्यतन या कठ, ललि नीलॖ वठ च़लि नॖ ज़ांह"। दॊयिम कॖसॖ छु मशहूर ललि मुतलक, सु गव यि ज़ि दपान लल द्यद ॴस द्वह अकि पोन्य अनॖनि खऻतरॖ यारबल वऺछ़मॖच़। तति लऺज्य कथन कॆंच़न ज़नानन सॗत्य तॖ लॊगुस वख च़ॊर पाहन। हशि गव नॖ बर्दाश्त लल द्यदिहुन्द च़ॊर वख लागुन। तमि बऺर्य न्यॆचिविस कन तॖ वॊनुनस क्याहताम पॊज़ अपुज़।रून आव तऻशस माजि हॖन्ज़ॖ कथॖ बूज़िथ तॖ युथुय लल द्यद आयि नखस प्यठ पां नॊट ह्यथ तॖ ॳम्य तुल डंडॖ शरारतस मंज़ तॖ छोवुन अथ नऺटिस। दपान क्वदर्यतॖच करामात गऺयि यि ज़ि नॊट फुट मगर पोन्य रूद तऺती नखस प्यठॖय तमी ताह तीतिस कालस यॊत ताम ललि बऺर्य सऻरी बानॖ चोकस मंज़ पानि सॗत्य तॖ युस पोन्य हर्यॊमुत ओस सु द्युतुन दऻरिथ दारि किन्य न्यबर। वनॖनॖ छु यिवान ज़ि यॆतिनस यि हुर्यॊमुत पोन्य प्यॊमुत ओस, तत्यन बन्यव अख नाग। अथ नागस दपान प्यव लल त्राग नाव। लल द्यदि हॖन्ज़ यिछ़य ब्यॆयि ति कॆंह करामऻच़ बूज़िथ ह्यॆतिन अंद्य पऺख्य लूख ललि हुन्द दर्शन करनि  दुरि दूरि जायव प्यठॖ यिन्य।कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

24.09.2020

24.09.2020, ॴशिद(मलमास)(आश्विन/ॳसूज)(मलमासे) ज़ूनॖ पछॖ (शुक्ल पक्ष) ॴठम (अष्टमी) ब्रसवार (वीरवा/ बृहस्पतिवार/ गुरुवार), श्री सप्तर्षि सम्वत 5096, राश धनु (चलान), ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते।

**************************

             लल वाक्

         (पराग पुस्तक-69)

दिहचि लरे दारि बर त्रॊपरिम

प्राणॖ च़ूर रॊटुम तॖ द्युतमस दम

हृदयिचि कूठरि अंदर गॊंडुम

ओम के चोबुक तुलमस बम

             **********

अर्थात:- ललेश्वरी कहती है कि मैं ने अभ्यास के समय शरीर रूपी घर के दरवाज़े तथा खिडकियां (नव द्वार) बंद किए और प्राण चोर अर्थात मन का दम घोंट दिया(सांस को रोक कर) तथा हृदय की कोठरी में बंद करके ओम् शब्द रूपी चाबुक से उसे पीटा और बार बार ओंकार का उच्चारण कराया।

भावार्थ :- नवद्वार को बंद करके तेज़ गति से मन में ओम् का उच्चारण करती रही ताकि मन भटके नहीं और एकाग्र हो जाए।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

**************************

1. बाजि (Harmonium/A musical instrument)

2. बाजमाथ (Together/In 

congregation/Collectively)

3. बादाम (Almond)

4. बादाम ट्यॊक (Any small mark/Spot on forehead like an almond)

5. बादाम कुल (Almond tree)

              मुहावरॖ

1. मु: बालॖ नॖय छि लाल न्येरान

    अ: ग़रीब गरॖ मंज़ॖ कांह जान

         नेरुन या लॆम्बॖ मंज़ॖ छि

         पम्पोष फ्वलान

2. मु: बाह पऺज़्य ति गऺयि शेठॖय

    अ: अकुय चीज़ मुख्तिलिफ 

          तरीकॖ वनुन

3. मु: बाह वुहरिस क्याह करि 

         वाव

    अ: बाल्यग शुरिस क्याह करि

         नसीहथ

      (पनॖन्य शुर्य ह्यॆछॖनऻव्यूख)

**************************

पंचान्ग :-  लल द्यद ज़ायि 1320 ईस्वी मंज़ कऺशीरि पांद्रठनॖ गामस मंज़ युस पऻम्परॖ तॖ श्रीनगर दरमियान वाका छु। ल्वकचारॖ प्यठय आयि लल द्यदि धार्मिक ग्रंथन तॖ संस्कारन हॖन्ज़ तऻलीम दिनॖ। लल द्यदि हुन्द ग्वर ओस श्री सिदु श्रीकऩ्ठ यस आम पऻठ्य स्यदॖ बोय ति वनान ॴस्य। लल द्यदि आव ल्वकचारसॖय मंज़ पऻम्पुरस मंज़ॖय खांदर ति करनॖ मगर खॊट तक्दीर आसनॖ मूजूब आयि नॖ वऻरिव्यन सॗत्य लल द्यदि कॆंह बराबरी। यीच़ व्यदॖवान लल द्यद ॴस दपान त्यूतुय वुकुर तॖ त्रकुर तॖ मूर्ख ओसमुत छु ॳम्यसुन्द बरथा याने ॳम्यसुन्द खानदार। हशॖ मऻज्य लल द्यदि हॖन्ज़ ति दपान ॴसमॖच़ छि स्यठाह बुरॖ वर्ताव करन वाज्यन यानि ज़ऻलिम तॖ सॗती ॴसमॖच़ छि स्यठाह बेवकूफ ज़नान। अमि म्वखॖ दपान द्रामुत छु ललि वऻरिव गरस मंज़ सु वख सख़ पऺन्द्य ति क्याज़ि हश तॖ तसुन्द न्यॆचुव, द्वशवय माजि पऺथॖर ॴस्य लल द्यदि हदॖ नीरिथ तंग करान सुबॖ शाम। कथि कथि मंज़ॖ क्वथ कडान तॖ प्रथ कामि मंज़ कॖठ कड़ान। बेक़दरी सान ॴस्य दपान यि हश तॖ ॳम्यसुन्द बरथा ॳमिस सॗत्य पेश यिवान। मगर दपान लल द्यद ॴस पनॖनकिन्य छ़ॊपॖ दम कऺरिथ यि ज़ुलुम तॖ बद-सलूक बर्दाश्त करान तॖ वऻरिव गरस मंज़ न्वश आसनॖच ज़िम्वऻरी बखूबी सान निबावान। स्व ॴस वऻरिव गरस मंज़ पानस प्यठ सपदान यि सॊरुय ज़ुलुम नज़र अंदाज़ कऺरिथ पनुन फालतू  वख ज्ञानस तॖ यूगस मंज़ रूज़िथ कड़ान रोज़ान। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

23.09.2020

23.09.2020,ॴशिद(मलमास)(आश्विन/ॳसूज)(मलमासे) ज़ूनॖ पछॖ (शुक्ल पक्ष) सतम (सप्तमी) ब्वदवार (बुद्धवार) श्री सप्तर्षि सम्वत 5096, राश धनु(शामचि 6.21 बजि प्यठॖ)ऋतु हरुद (शरद)(चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

   महामऻरी नाश - मंत्र

जयन्ती मन्गला काली भद्रकाली कपालिनी। दुर्गा  क्षमा धात्री स्वहा  स्वधा नमोस्तुते

**************************

             लल वाक्

         (पराग पुस्तक-68)

त्यमबॖर प्यॆयस कवॖ नो च़ऻजिन

मस रस कवॖ ओहनऻजन गोस

शांतन हॖन्ज़ क्रय तुलमुल वऻजॖन

अंदरिम गाह यॆलि न्यबर प्योस

           ***********

अर्थात:- जब अपने अंतर में स्वप्रकाश का भास हो गया तुझे, तो ऐसी मस्ती को सहन क्यों नहीं किया तथा इसका आनन्द रस क्यो अवांछिथ राह में व्यर्थ चला गया। फिर शान्ति पाने की दूसरी क्रियायें करता रहा। अब अंतरप्रकाश (बाहर) प्रस्फुटिथ हुआ तो शान्ति पाने की दूसरी क्रियायें तुलमुल पहुंचा दी (त्याग हो गई)।

भावार्थ:-- प्रकाश का भास जब हो जाए तो गंभीर होकर शांति पाने की दूसरी क्रियायें शक्ति के स्रोत में लय करनी चाहिए, अर्थात त्याग देनी चाहिए, नहीं तो भटकने का भय रहता हे।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

**************************

1. बापऻर्य (Businessman/

Trader/Merchant)

2. बाथ (Matter/Talk)

3. बाठ (Branches of a tree/A ministrel poet/A bard)

4. बाज (Tax/Tribute)

5. बाज गुज़ार (One who pays tax or tribute)

            मुहावरॖ

1. मु: बागि बोग नानि क्युथ टोक

    अ: बेमन्दछ लागुन या ज़्यादॖ

         लालॖच करुन

2. मु: बानॖ हतस दीज़ि ठानॖ हथ

         ॴसॖ हतस कऺर्यज़ि क्याह

    अ: यॆलि कथ लूकन अथि छि

          लगान पतॖ छु नॖ तथ चारॖ 

          बनान या लूख छि कथन 

          पखॖ लागान

3. मु: बांदव कुस ज़ि चन्दॖ

    अ: द्यारव सॗत्य छु व्वपर ति 

         पनॖन्य बनान

**************************

पंचान्ग :-  यीतिस कालस बॖ आवुर रूदुस कोविड-19-किस सिल्सिलस मंज़, म्योन रुत कांछन वोल म्यॆथॗर, श्री अर्विंंदं शाह सऻबन ॴस यि ज़िम्यवऻरी मटि ह्यॆच़मॗच़ ज़ि यि पंचान्ग गॊछ़ वातुन रऻतिब परन वाल्यन ताम। श्री अर्विंद शाह सऻबन निबऻव यि ज़िम्मॖवऻरी बडॖ लोलॖ सान। बॖ छुस तऺम्यसुन्द शुकरगुज़ार ज़ि तऺम्य थोव य्योन नाव तॖ म्यऻन्य यि कऻम थकॖ रॊस जऻरी तॖ परन वाल्यन वोत यि पंचान्ग दॊहय हिसबि मामूल। म्यॆथॖर गछ़न आसॖन्य ति यिथीय ह्यि यॆमिस म्यॆथरॖ सुन्द दिल्ली च़ुक आसि। युस म्यॆथरॗ सॖन्दिस दऻदिस दगि मंज़ अकार बकार यी। कॆंंह म्यॆथॖर छि आसान नऻनी यार, याने बऺल्य यार। यिम यार गऺयि ख्यन-च्यनॖ यार। ख्यना-च्यनाह कॊरुख तॗ द्रायि पानस लऺट गिलविथ। च़ॖ नॖ कांह तॖ बॖ नॗ कांह। यिथ्यन यारन निशि गछ़ि यूत बॖ त्यूत पथॖय रोज़ुन हालांकि मुम्किन छु नॖ ति, ति क्याज़ि ज़िन्दगी हॖन्दिस सफ़रस मंज़ छि यिथ्य यार समखानॖय समखान। च़ुक्यदार यार छि स्यठाह कम मेलान यि छि अख आज़मऻवमॖच़ कथ। यिथी च़ुक्यदार ॴश्यनाव ति छि स्यठहॗय कम नज़र यिवान यिम पनॖनिस अंगस ॴश्यनावस वख्तॖ बॆवख्तॗ अकार बकार यिवान छि। मानॖनॖ छु आमुत ज़ि अंगस ॴश्यनावस खॊतॖ नऺज़दीक छु ब्याख अख रिश्तदार अकार बकार यिवान रूदमुत सु गव पनुन हक-हमसायि। हकस-हमसायस सॗत्य छु आसान अलगॖय अख रिश्तॗ यथ नॖ कांह नावॖय छु, मगर अथ रिशतस मंज़ ति छि पनॖन्य पनॖन्य ज़ाथ। अख ॳकिस अलज़ुन पलज़ुन छि नसीबॖच कथ आसान। अथ मंज़ ति छु पॊरु- ज़न्मुक क्याहताम ह्यॊत द्यॊत आसान, यि छु हाजतॖ विज़ी बासान। कथ छि जऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

22.09.2020

22.09.2020, ॴशिद(मलमास)(आश्विन/असूज)(मलमास) ज़ूनॖ पछॖ (शुक्ल पक्ष) शॆयम (षष्ठी) बॊम्वार (मंगलवार), श्री सप्तर्षि सम्वत 5096, राश वृश्चिक (चलान), ऋतु हरुद (शरद) (चलान)....अज़ छि कुमार शॆयम ति

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

        (पराग पुस्तक-67)

च़लॖ च़्यता व्वंदस भयि मो बर

चोन च़िन्थ करान पानॖ अनाद

च़्यह कवॖ ज़नन्य ‌क्ष्वद हरि, कर

कीवल तसुंदुय तारुक नाद

           **********

अर्थात :- ललेश्वरी अपने चंचल चित्त से कहती है - अरे चंचल चित्त! अपने अंदर कोई भय मत रख। तेरी चिंता तो स्वयं अनाद (जिस का आदि ही न हो, अर्थात परमेश्वर) रख रहा हे। तेरी जन्मों की (पार जाने की) भूख कैसे मिटेगी। केवल उसी के द्वारा तार देने की पुकार कर। अर्थात उसी प्रभु को ही पुकार वही तुझे भवसागर से पार करेगा।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

**************************

1. बाबी/बऺयकाकन्य  (Brother's wife)

2. बाबॖ/मोल (Father)

3. बाबू (Clerk)

4. बापत (For)

5. बापार (Business/Trade/

Commerce)

              मुहावरॖ

1. मु: बऻच़न यिज़ाह तॖ प्वतल्यन

         पूज़ा

    अ: पनॖन्यन तक्लीफ तॗ व्वपरन

          फऻयदॖ

2. मु: बऻज़्य ति कऺरिव तॖ ज़ुव ति

         बचऻविव

    अ: कांह सख़ कऻम करनॖ 

          विज़ि गछ़ि ज़ुवुक ति 

          ख़याल रोज़ुन

3. मु: बांग्यन छि बांग दिन्य

    अ: गाटॖल्य छि वथ हावान न

         कि मजबूर करान

       (पनॖन्य शुर्य ह्यॆछॖनऻव्यूख)

**************************

पंचान्ग:- यिथॖ पऻठ्य द्राव म्योन तॖ म्यानि अयालुक सफ़र कोरोनावयरस महामऻरी किस दौरानस मंज़। अगस्तुक पूर ऱयथ तॗ स्यपतम्बरुक पछ वोत असि यि दऺप्यज़ि ति मोतस सॗत्य लड करान। ॳन्द्य पऺक्य यॆलि वुछान छुस कम कय नी यॆमि महामऻरी यॆमि संसारॖ निशि कऺडिथ तॖ असि निशि छ़्यनॖ कऺरिथ। त्राहि त्राहि छि करान। म्यॆ छु याद प्यवान ज़ि यॆलि बॖ अस्पतालस मंज़ ठीख ओसुस ह्यॊतॖमुत गछ़ुव तॖ डाक्टरस दप्यॊम ज़ि म्यॆ दितॖ अख द्वह याने त्रॊवह अगस्त बजाय ज़ॖतोहवुहमि अगस्त अस्पतालॖ निशि म्वकजार, जवाबस मंज़ वॊन डाक्टरन ज़ि डिस्चार्ज करनस छु नॖ हर्जॖ कॆंह मगर म्यॆ प्यॆयि तथ सूरतस मंज़ ॳकिस ऐग्रीमैंटस प्यठ दस्तॖखत करुन। अथ ऐग्रीमैंटस छु तिमव नाव थोवमुत "LAMA" (Leave against medical advice)। म्यॆ यॆलि अमि लफ़ज़ुक माने प्रूछ़ डाक्टर् तॖ दॊपुन युस कांह मऺरीज़ यॆछ़ि पनॖनि मर्ज़ी अस्पतालॖ प्यठॖ डिस्चार्ज सपदुन, तथ सूरतस मंज़ छि नॖ ॳस्य कुनि कॖसॖमॖच ज़िम्मवऻरी मटि ह्यवान यॊदवय मरीज़स कॆंह क्युथ गछ़ि गरॖ वऻतिथ। तथ बजाय यॆलि डाक्टर सॖन्ज़ि मर्ज़ी मुतऻबिक मऺरीज़ डिस्चार्ज सपदान छु, ज़िम्मवऻरी छि ॴयिद सपदान डाक्टरस प्यठ ना कि मऺरीज़स प्यठ। यि बूज़िथ वॊन म्यॆ दिलन ज़ि अख द्वह ब्यॆयि ब्युहनुय छु जान। हालांकि यॊदवय ख़्वदा-न-खास्ता कॆंह क्युथ गछ़ान ति छु मऺरीज़स, मटि छु नॖ ह्यवान कांह मगर यि ऐग्रीमैंटुक नाव बूज़िथ छु ज़ॆहनी दबाव बडान तॖ मऺरीज़ छु द्वन तॖ च़्वन मंज़ गछ़ान। अमि सॗत्य ननान छु ज़ि डाकटरव ति छु पनुन बचाव ग्वडय वुछिथ थोवमुत। युथुय ऐग्रीमैंट छि अस्पताल वऻल्य ब्यॆयि ति कॆंच़न मर्ज़न यलाज करनॖ ब्रोंठ करनावान, यिमन हुन्द ज़िक्र वुन्यक्यनस करुन छु नॖ मुनऻसिब। दय सुन्द शुखुर तॖ यारन दोस्तन हॖन्ज़ि ॴही तॖ ॴशिर्वादॖ सॗत्य ह्यॊत म्यॆ तॖ म्यऻन अयालन नॊव ज़न्म यॆमि बापथ बॖ छुस तहे दिलॖ सान मशकूर तिमन सारिनी हुन्द। म्योन गरि प्यठॖ अस्पताल तॖ वापस गरॖ ताम वातनुक सफ़रनामॖ वोत अज़ अंद। म्यॆ छु पूरॖ विश्वास ज़ि यि सफरनाम परनॖ सॗत्य आसि वारिहाव  हालातन हॖन्ज़ साम ह्यॆच़मॖच़। 

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

************************"*

नऺविव तॖ फॊलिव

 भूषण कौल"दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

21.09.2020

21.09.2020 ॴशिद(अधिक)(आश्विन/ॳसूज)(अधिक) ज़ूनॖ पछॖ (शुक्ल पक्ष) पऻंच़म (पंचमी),च़ऺन्दॖरवार (सोमवार),श्री सप्तर्षि सम्वत 5096, राश वृश्चिक (दुहचि 3.16 बजि प्यठि), ऋतु हरुद (शरद) (चलान)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक- 66)

ज़न्म प्रऻविथ व्यबव ना छ़ोंडुम

लूबन बूगन बऺरॖम नॖ प्रय

सॊमुय आहार स्यठाह ज़ोनुम

च़ोलुम द्व:ख दाद पोलुम दय

            **********

अर्थात:- संसार में जन्म लेकर मैं ने ऐश्वर्य का अनुगमन नहीं किया। भोगों तथा लोब को तुच्छ समझा। सम आंहार ही पर्याप्त मान लिया तथा द्व:ख दर्द को सहन किया एवं प्रभु के नाम का ही सहारा लेती रही। 

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

**************************

1. बा-अदब (With respect/Respectfully/Well mannered)

2. बा-ख्वदा (In the name of God/Swearing of God)

3. बा-रसूख़ (Influential person/One who can talk with official head)

4. बाकऻयदॖ (Properly/Approbatory/As per rules)

5. बाब (Chapter)

              मुहावरॖ

1. मु: बऻल्य बऻल्य फ़ेरुन

    अ: आवारॖगर्दी करॖन्य

2. मु: बाह त्रख श्वंगुन तॖ खार

         व्वथुन

    अ: बॆग़म रोज़ुन

3. मु: बऻज़्य गारस बऻज़्य गरस

    अ: युस कांह बद कांछि तस छु

          पानसॖय बद गछ़ान

      (पनॖन्यन शुर्यन ह्यॆछनऻविव)

**************************

पंंचान्ग:- ॴखॖर बऺहमि अगस्त 2020, याने पूरॖ अकि ऱयतॖ पतॖ प्यव म्यॆ हावुन डाकटरस पनुन पान ति क्याज़ि दवाह यिम तऺम्य  दितिमॖत्य ॴस्य तिम ॴस्य वऻत्यमॖत्य अंद ओत ताम ख्यथ।सुय चक्कर अकि फिरि ब्यॆयि चलावुन याने अख सास रॊपियि फीस जमाह करुन तॖ ऐक्सरे तुलनावुन। खऻर! वोतुस अस्पताल लऺडकस सॗत्यन। डाक्टरस निश वातनॖ ब्रोंठ ओस प्यवान ब्यॆयिस ॳकिस कमरस मंज़ गऺछ़िथ पनुन ब्लड-प्रशर वुछनावुन तॖ सॗत्य पनुन वज़न करनावुन। शुखुर छु ज़ि तमि बापथ ओस नॖ अलग पौंसॖ प्यवान बरुन। म्यॆ करनोव बॖल्ड-प्रशर च्यक तॖ वुछुम पनुन वज़न मिशीनि प्यठ। ज़ॖ नऺर्सॖ आसॖ अमि कामि बापथ लऺगिथ यिम यि तफ़्सील ॴस्य पर्चस प्यठ लेखान डाक्टरस हावन बापथ। पनॖनि वारि प्यठ आव म्यॊन नाव ह्यनॖ तॖ ब्यूठुस तऺथ्य स्टीलकिस स्टूलस प्यठ डाक्टर सऻबनिस कमरॖ किस दरवाज़स प्यठ। बासान ओस ज़ि ज़न छु मऺरीज़ कुनि च़ूरि प्यठ आमुत रटनॖ तॗ मशवरॖ बदलॖ बासान पुलसॖच प्रॖछ़गऻर सपदान। पर्चॖ युस सास रॊपियि दिथ बनावनॖ यिवान छु तॖ पनॖन्य फाईल छि नऺर्स अमि दरवाज़ॖ प्यठॖ पानय डाकटरस पिलनावान। पानॖ छु नॖ इजाज़थ पिलनावनुक। अंदाज़ॖ कऺरिव ज़ि यूत प्रकोप छु होवमुत कोरोनावयरसन। डाकटर सॖन्दिस कमरस न्यबर यिम ति मऺरीज़ पनॖनि वारि प्रारान ॴस्य, तिम ति ॴस्य बिहिथ कुर्सियन प्यठ दूर दूर याने मंज़ॖ अख कुर्सी खऻली त्रऻविथ। डाक्टरन प्रुछ़ हाल चाल, ऐक्सरे वुछुन तॖ प्रोन न्वसखॖ ति वुछुन तॖ यॆमि लटि द्युतुन ॳकिस ऱयतस प्यठ ब्यॆयि दवाह तॖ दॊपुन सोरुय छु ठीख अल्बतॖ ऐक्सरेहस मंज़ छु वुनि कमज़्यादॖ इन्फैक्शन नज़र यिवान युस ठीख सपदि यिम दवाह ख्यनॖ सॗत्यन। अख खुशी हॖन्ज़ कथ कऺर डाक्टरन यि वऺनिथ ज़ि सऻरी सिम्पटमॖज़ मध्यनज़र थऺविथ छु नॖ म्यॆ व्वं कांह हाजथ दुबारॖ कोविड ट्यस्ट करनावनुक। ॳम्यसॖन्द्य ॳक्य लफ़ज़न खऻर म्यॆ वऻन्लिज बॊठ हिश। मनॖ अंदरी कॊरुम भगवानस शुखुर ज़ि ज़ंगि तऺल्य त्रोवनस तॖ कऺमिसताम सुन्द बत्तकाल आव बकार। लऺडकॖ ति गव ख्वश यि ख़बर बूज़िथ तॖ यक्दमॖय फीर्य गरॖ कुन वापस दवा वानॖ प्यठॖ दवा मऺल्य ह्यथ। अस्पतालॖ नेरनॖ विज़ि कॊरुम नमस्कार अस्पतालकिस गेट्स तॖ मॊंगॖमस ज़ि यिमव शफाखानव निशि थऺव्यज़ि दूर तॖ सॗती मॊंगुम मातायि ज़ि यि महामऻरी च़ऺलराव सान्यव गरव तॖ बरव निशि दूर तॖ बखॖश्य असि सारिनी आबिहयातुक नूर। कथ छि जऻरी।

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

20.09.2020

20.09.2020, ॴशिद(अधिक) (आश्विन/असूज)(अधिक), ज़ूनॖ पछॖ (शुक्ल पक्ष) च़ोरम (चतुर्थी) आथवार (रविवार/ऐतवार), श्री सप्तर्षि सम्वत 5096, राश तुला (चलान), ऋतु हरुद (शरद) (चलान)....त्रय छि रावान

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

      (पराग पुस्तक - 65)

ज़न्म प्रऻविथ कर्म सोवुम

धर्म पोलुम सॊय छम सथ

न्यत्रन अंदर प्रेयम दोरुम

च़ोरुम तॖ मोनुम यिहोय अख

         *********

अर्थात :- जन्म लेकर कर्मों के बंधन में नहीं फंसी मैं, किन्तु स्वधर्म पर अडिग रही।  वही तो परिपूर्ण सहारा है तथा उसी का तो विश्वास है। अपने नेत्रों कौ मैं ने प्रेम से भर दिया और चुन कर केवल प्रेम को ही साधन मान कर चली।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दपित

1. ॳज़ॖयत (Oppression/Torment/Trouble/Suffering/Woe/Distress

2. ॳसीर (Fed up/Prisoner/Captive)

3. ॳश बुख (Flow of tears)

4. ॳश टोर/ॳश टऻर्य (Eyes full of tears)

5. ॳश ददॖराय (Flow of tears/To shed tears/To weep)

              मुहावरॖ

1.मु: अथॖ छ़ॊट तॖ ज़्यव ज़ीठ

   अ: युस वनि स्यठाह तॖ करि 

        कम या अथव सॊत तॖ कथव

        तेज़

2. मु: अथस मंज़ ओंगजि पांछ़

          तिम नॖ हिशय

    अ: द्वन छि नॖ ह्यिवी आदत 

         आसान या कांह छु नॖ 

         कऻन्सि ह्यु आसान

3. मु: अथॖ शलखॖ ख्वतॖ छु कथॖ

         शलख ज़्यादॖ

    अ: बेज़ती छि लायनॖ ख्वतॖ 

         सख़

    (पनॖन्यन शुर्यन ह्यॆछनऻविव)

**************************

पंचान्ग :- मन सपुद ख्वश यॆलि बूज़ ज़ि न्वशि हुन्द दुबारॖ कऺर्यमॖत्युक ट्यस्ट रिपोर्ट ओस नगेट्युव। न्वशि त्रोव व्वश ह्यु तॗ बुथिस ति फ्यूरुस रंग ह्यु। शुर्यव ज़न लॊब क्याहतम ज़्यूत ह्यु। यिम शुर्य आयि पनॖनि माजि अलनॖ तॖ वलनॖ तॗ प्रॖछ़ुख बार बार ज़ि व्वं ह्यकना तिम कूनव मंज़ॖ नीरिथ बॆ-फ्रूक पऻंठ्य फीरिथ। न वुनि छु नॖ इजाज़थ जवाब द्युतनख माजि ति क्याज़ि बॖ ओसुस वुनि दर अज़ाबस मंज़ॖय। हालांकि म्यऻनिस लऺडकस ओस डाक्टरन वॊनुमुत ज़ि दुबारॖ ट्यस्ट करॖनावनुक छु नॖ कांह हाज़थ मगर तऺम्य तॖ न्वशि करनोव इन्द्रापुरमस मंज़ ब्यॆयि ट्यस्ट तॖ नन्योख ज़ि तिम द्वशवय छि नगेट्यु।  न्वशि ओस करनावनुय तॖ तऺम्यसॖन्द्य खानदारन करनोव अमि म्वखॗ ति क्याज़ि यि संस्था ॴस सारिनी लूकन मुफुत ट्यस्ट करान। व्यवस्था ॴस यि ॳकिस गुरुद्वारस मंज़ आमॖच़ करनॖ तिहॖन्ज़ि प्रबंधक कऺमीटी तरफॖ। न तॖ ओस प्यवान डाई सास रॊपियि दिन्य ट्यस्ट करनावनस। हालांकि बोज़ान ॴस्य ज़ि कॆंच़व लैबाट्री वाल्यव छु अपुज़ पॊज़ वऺन्य वऺन्य ग़लत कारोबार शुरु कॊरमुत तॖ पौंसॖ कमावनुक अख ज़रियि बनोवमुत। पॊज़ क्याह तॖ अपुज़ क्याह, दय ज़ानि मगर यि छि हकीकत ज़ि नक़ली व्यनटॶलेटर, नक़ली सैनिटायज़र, नक़ली मास्क आयि यथ महामऻरी हॖन्दिस दौरानस मंज़ बनावनॖ। खऻर, शुर्य ॴस्य व्वं भगवानस मंगान ज़ि म्यॆ ति गॊछ़ रिपोर्ट नगेट्यु आसुन। तमि बापथ प्यव तिमन कॆंह द्वह ब्यॆयि ताब करुन। गरस मंज़ रूदुस बॖय योत ऱवंगॖ मंज़ॖ क्वंगॗ फॊल। त्रॆयि दॊह्य पतॖ गोस बॖति पनुन पान हावनॖ बापथ अस्पताल पनॖनि गाडि मंज़ लऺडकस सॗत्य। ऐक्सरे ति ओस म्यॆ तुलनोवमुत ति क्याज़ि डाक्टरन ओस वॊनमुत ऐक्सरै तुलनावनॖ बापथ। नवि सरॖ प्यव अख सास रॊपियि जमाह करनावुन डाक्टर सुन्द कनस्लॖटेशन फीस। सास रॊपियि छु अज़कल बासान ज़न हथ रॊपियुन नोठा ह्यु। कति तिम द्वह यॆलि पांछ़ रॊपियि ॴस्य दिवान डाकटरस तॖ ओस सु मऺरीज़स वुछान। पांच़ि पतॖ दऺह, दहि पतॗ पॖन्च़ॖह, पतॖ पऺच़ाह तॖ हथ। हथ गऺये बऺड कथ। मगर पतॖ कपऻर्य तॖ किथॖ पऻठ्य वोत यि फ़ीस सासन ताम वुछान वुछान, यि छि हऻरऻन्यगी हॖन्ज़ कथ। इन्सान छु आसमानॖ प्यवान यि बदलाव वुछिथ। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

19.09.2020

19.09.2020, ॴशिद(अधिक) (आश्विन/असूज)(अधिक) ज़ूनॖ पछॖ (शुक्ल पक्ष) द्वय(देवादेव)(द्विती) बटॖवार (शनिवार/ शनिश्चरवार), श्री सप्तर्षि सम्वत 5096, राश तुला (दुहचि 2.41 बछि प्यठॖ), ऋतु हरुद (शरद) (चलान)...अधिक मास चलान

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

         (पराग पुस्तक-64)

ग्वरस प्रॖछ़ोम सासि लटे

यस नॖ कॆंह वनान तस क्या नाव

प्रॖछ़ान च़्रछ़ान थऺचिस तॖ लूसॖस

कॆंहनस निशे क्याहताम द्राव

          **********

अर्थात:- ललेश्वरी ने अनाम अवस्था के बारे में अपने गुरु से प्रश्न किया कि हे प्रभु! जिसका नाम ही नहीं उसका कुछ नाम तो कहिए। कहती है कि ऐसा पूछते पूछते वह थक गई किन्तु उन के गुरु मौन ही रहे। अंत में तब उन (गुरु) की ख़ामोशी से ही उस "कुछ नहीं" (अनाम पद) को मैं समझ गई।

भाव यह है कि अनाम पद को समझा जा सकता है न कि समझाया जा सकता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दऺपित

1. ॳडिज (Bone)

2. ॳड/ ऒड (Half/One of two equal parts of some thing)

3. ॳर्य अछर (Vowels)

4. ॳर (Good/Healthy/In good order)

5. ॳज़्य ॳज़्य (Very recently)

              मुहावरॖ 

1. मु: अथॖ दितम तॖ ब्रोंठॖ यितम

    अ: नीकी छॆ नॖ ज़ांह ति ज़ायि

          गछ़ान

2. मु: अथॖ दारुन गव पान कुनुन

    अ: मंग मंग करनॖ सॗत्य छु 

         यज़थ वसान

3. मु: अथवास गव मॊहरि सास

    अ: इतिफ़ाकस मंज़ छु ताक़त

      (शुर्य पनॖन्य ह्यॆछनऻव्यूख)

**************************

पंचान्ग :- द्वह गऺयि नेरान। द्वयि द्वह पतय ओस म्यॏनिस न्यॆचविस डाक्टरस पान हावुन, म्यॆति ओसुख पांच़न दॊहन हुन्द म्याद थोवॖमुत ब्यॆयि पनुन पान डाक्टरस हावनॖ बापथ। पांच़ि द्वह पतय गऺयि दॊशवय याने बॖ तॖ य्योन न्यॆचुव अस्पताल तॖ बऺर्य ज़ॖ सास रॊपियि कनसलटेशन फ़ीस, ॶख सास ॳकिस मरीज़स, तॖ वऻर्य यिनॖ पतय होव डाकटरस ग्वडॖ म्यऻन्य न्यॆचिव तॖ पतॖ म्यॆ। म्यऻनिस न्यॆचविस वॊन डाक्टरन प्रॖछ़ॖगऻर करनॖ पतॖ ज़ि तऺमिस छु नॖ ब्यॆयि ट्यस्ट करनावनुक ज़रुरथ, अल्बतॗ दवा द्युत डाक्टरन ख्यनॖ बापथ ब्यॆयि पांच़न दोहन खऺतरॖ। म्यॆति प्रॖछ़ डाक्टरन ख़बर अतर तॖ वुछुन स्टैटस्कोपॖ सॗत्य सीनॖस वीनस, वॖछिन ज़्यव प्यव तॖ गोस तसलाह ज़ि मऺरीज़ छु ठीख ह्यवान सपदुन। म्यॆति द्युतुन दऺहन दॊहन सॊम्ब दवा तॖ दॊपुन म्यॆ दहि द्वह पतॖ ब्यॆयि पान हावुन। अमि द्वह वुछ म्यॆ ज़ि मरीज़स ओस नॖ इजाज़त डाक्टरस नखॖ आमने सामने बेहनस बल्कि कमरस मंज़ यॆतिनस डाकटर पानॖ बिहिथ ओस, तऺथ्य कमरॖकिस दरवाज़स प्यठ ओस अख स्टीलुक स्टूल थवनॖ आमुत तॖ तऺथ्य स्टूलस प्यठ ॴस्य मऺरीज़स बेहनावान तॖ डाक्टर ओस दूरि दूरी हाल चाल प्रॖछ़ान तॖ यलाज वनान। अमि सातन ओस बासान यि पॊतकालुक अख नज़ाराह यॆलि कांह शूद्रॖ ओस ब्रह्मणस निश गछ़ान मॆलनि तॖ अख ॳकिस निशि ॴस्य दूर्यर थऺविथ कथ बाथ करान। हद गऺयि तमि विज़ि यॆलि डाक्टरन वुछ्य म्यऻन ज़्यव ॴठ फ़ुट दूरि प्यठॖ तॖ दॊपुन ओ के। ज़ानि दय यीति दूरि प्यठॖ क्याह आसि म्यानि ज़्यवि मंज़ बोज़नॖ आमुत तस। खऻर, दवाह द्युतुन म्यै दऺहन दोहन प्यठ तॖ दॊपुन दहि द्वह पतॖ ब्यॆयि युन। ॳथ्य अस्पतालस मंज़ॖय छु दवा-वान ति यॆमिस निश दवा ह्यॊत म्यऻन्य लऺडकन पनॖनि तॖ म्यऻनि बापथ। यीतिस कालस यि लऺडकॖ खडा ओस वानस निश, म्यॆ करेयो मन ज़ि बॖ चमहऻ काफी कपहऻना टी स्टालस प्यठ युस ॳथ्य नखयओस अस्पतालस यंज़ॖय मगर रानॖ दरेयम नॖ काफ़ी अतिनस च्यनॖ बापथ ति क्याज़ि रेट वुछिथ त्रऻहर्योस बॖ। युस काफ़ी कप न्यबरॖ छु दऺहन रॊपियन, सुय काफ़ी कप छु अथ अस्पतालकिस कैफ्टेरियाहस मंज़ अख हथ तॖ बाहन रोपियन। दॊयिम कॖसॖम काफ़ी ॴस अख हथ तॖ ज़ॖ रॊपियि तॖ त्रॆयिम कॖसॖम पांच़ॖनमथ रॊपियन। म्यॆ रॊट मन अंदरी, प्रार्योस यीतिस कालस लऺडकन दवा ऒन तॖ द्रायि गरॖ कुन काफ़ी च्यनॖ रॊस्तुय। अस्पतालस मंज़ ख्यनॖ सामानस यीच़ थऺज़ रेट, त्राहि त्राहि।, यि रेट गऺयि म्यॆ नज़रि हवऻयी अडस प्यठ तॖ हवऻयी जहाज़स मंज़। तोबॖ कॊरुम मनॖ अंदरीय तॖ सूंचुम ग़रीब इन्सान मरि मरनॖ ब्रोंठॖय युथ बाज़र वुछिथ ति क्याज़ि यिम छि त्रावान इन्सानस बुछिथ वुछान वुछान। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

18.09.2020

18.09.2020, ॴशिद(अधिक)(आश्विन ॳसूज)(अधिक), ज़ूनॖ पछॖ (शुक्ल पक्ष) ऒक्दॊह (देवादेव)(प्रथमा) शॊकुरवार (शुक्रवार/जुम्मा), श्री सप्तर्षि सम्वत 5096, राश कन्या (चलान), ऋतु हरुद (शरद)(चलान)..ॳज़्यकि प्यठॖ छु अधिक मास शुरु

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

*********************"****

             लल वाक्

          (पराग पुस्तक-63)

कायस अंदर रूदुम ॳच़िथ

न्यायस थऺवनम च़्वपऻर्य शाय

पाय कॆंह लॊबुम नो माय छस कऺरिथ

ज़ायस नॖ आयस लॊगुम नाव

           *********

अर्थात:- मेरी काया में प्रभु घुस कर बैठे हैं। उसने मेरे चारों ओर संसार का जंजाल खड़ा किया है। जन्म लेते ही मेरा (संसारी) नाम रखा गया जो मेरा वास्तविक नाम नहीं है। संसार की मान्यता स्वीकारने के सिवा मेरे पास कोई ओर रास्ता भी नहीं है। इसीलिए मैं लाचार, एकाग्र होकर चुपी साधे हूं।

भावार्थ:- प्रत्येक पंचभूत शरीर के अंदर प्रभु बैठे हैं और पैदा होते ही काया का नाम भी रखा जाता है। इस से शरीर ही सच लगता है और अंदर बैठा प्रभु गौण हो जाता है। अपितु हमारा सारा कार्य  उसी की शक्ति से संपन्न हो रहा है। फिर भी हम इस तथ्य को भूल कर शरीर को ही 'मैं और मेरा' मानते जाते हैं।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दऺपित

1. अछॊल (Unwashed)

2. ॳछ (Eye/Eyes)

3. ॳड्यजि क्रन्ज़ (Skeleton)

4. ॳड्यजि फुटरावुन्य ( To break bones/To beat severely)

5. अडॖ (A stand (of vehicles), place, Bus Stand/Stationary position)

               मुहावरॖ

1. मु: अथ अथ बुथिस सथ सथ

         चौब

    अ: यॆमिस यिछ़ ख़स्लथ आसि

         तमिस त्युथुय पेश यिवान

2. मु: अथ पुरनि यिमय च़ॖरनि

    अ: युस यथ लायक़ आसि तस

         तिथी मैलान

3. मु: अथॖ क्रॖहॖन्य तॖ बुथ सफ़ेद

    अ: रुत बुथ मगर बदकार

      (पनॖन्य शुर्य ह्यॆछॖनऻव्यूख)

**************************

पंचांग:- हयबुंगॖ ह्यि गऺयि शुर्य। वुछान सान्यन बुथ्यन कुन, अस्य रूद्य पानॖ वुछान अख ॳकिस कुन। बुथिस प्यठ मास्क लगऻव्य लगऻव्य बासान ॴस्य जंगलॖक पंज़्य ह्यि। न्वशि दिच़ नॖ ज़्यादॖ किचनॖच कऻम करनॖ। सऻरी ॴस ॳड ॳड कऻमाह सम्बऻलिथ यथ गरॖ नावि दक्कॖ दी दी पकनावान। लॊच़ लॊच़ कऻम याने सब्ज़ी च़ारॖन्य ॴस म्यानि नावॖ, डुवुन तॖ फर्शस पौंछि लगावुन कऻम ॴस रऺटमॖच़ द्वयव शुर्यव, यिमव ति ॴस पनॖनि यि कऻम वारि हिसाब थऺवमॖच़, निकॖ ओस सफऻयि करान तॖ कूर ॴस पौंछि लगावान, दॊयिमि द्वह ॴस पानॖवुन्य यि कऻम बदलावान। म्यऻनिस न्यॆचिविस ॴस मटि कऻम, सुबहस वऺथित पोन्य गर्म करुन, तथ नून, न्यॊम वगैरा मिलनऻविथ सारिनी बऻच़न द्युन गरॖ गरॖ करनॖ बापथ, पतॖ चाय दिन्य, नाशतॖ तयार करुन तॖ दवा सारिनी ख्यावॖनावुन। न्वश ॴस पनॖनि कोरि दूरि दूरी रूज़िथ ह्यॆछनावान तॖ हावान बतॖ बनावुन, स्युन रनुन तॖ ब्यॆयि ति कॆंह किचनॖक्य कार कसॖब। दुहॖल्य खयनॖ ब्रोंठ ॴस्य फ्रुट वगैरा ख्यवान तॖ अदॖ ॴस्य ख्यवान दुहॖल्य ख्यन। यि ख्यन ॴस्य इकॖवटॖ बिहिथ ख्यवान मगर अख ॳकिस निश दूर्यर थऻविथ। च़ोरि साडि च़ोरि बजि ॴस कूर काडॖ बनावान, पतॖ सति साडि सति बजि चाय वाय च्यॆन्य त्त नमकीना वमककीना ख्यॊन,  पतॖ गव ॴठि प्यठॖ नवन बजन ताम शामचि ख्यनॖच तयऻरी करॖन्य।  श्वंगनॖ ब्रोंठ  ॴस्य गर्म द्वद ल्यॆदरि प्यूंताह त्रऻविथ सऻरी बऺड्य ल्वकॖट्य च्यवान तॖ अदॖ गऺयो श्वंगुन। यि बन्यव अख नियम ह्यु युस वुन्युखताम छु कऻयिम। कोरोनावयरसन ॳन्य ॳड्य लयि, ॳड्य पऻविन लरि। बेबस इन्सान करे तॖ क्याह करि। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

17.09.2020

17.09.2020, ॴशिद (आश्विन/ॳसूज) गटॖ पछॖ (कृष्ण पक्ष) मावस (अमावस्य) ब्रसवार (वीरवार/बृहस्पतिवार/गुरुवार), श्री सप्तर्षि सम्वत 5096, राश कन्या (दुहचि 3.6 बजि प्यठॖ),ऋतु हरुद (शरद)(चलान) कांबॖर्य पछ (पितृ पक्ष) (चलान)

**************************

अज़ छि कांबॖर्य पछ (पितृ पक्ष) मावस (अमावस्या) याने प्यॆतरॖ मावस (सर्व पितृ अमावस्या).अज़ यी मावसि हुन्द तॖ पुनिम हुन्द श्राद्ध इकव़ट तॖ यॊदवय कऻन्सि पितृ सुन्द तिथि याद आसि नॖ, तस सुन्द श्राद्ध ति यी ॳज़्य। यिथ पऻठ्य वाति पितृ पक्षुक अंद अज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूक करव मुकाम प्रावव

**************************

      महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

         (पराग पुस्तक-62)

क्वश पोश तेल दॗफ ज़ल ना गछ़े

सदभावॖ ग्वरॖ कथ युस मनि ह्यये

शंभुहस स्वरि नित्य पनने यछ़े

सय दपज़े सऺहॖज क्रय न ज़्यये

          ***********

अर्थात:- कुशा, फूल, तिल, दीप तथा जल का पूजा में प्रयोग करने की कोई आवशयकता नहीं है। अपितु ग्वरु की बात को श्रद्धा के साथ मन में धारण कर, तथा श्रद्धा से परमशिव का नित्य स्मरण करना ही सहज क्रिया हे।ऐसी क्रिया से पुनर्जन्म नहीं होगा।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तर्जमॖ तॖ त्रे मुहावरॖ याने कऻशिर्य दऺपित

1. ॳछ यिनय आसनि (Immature)

2. ॳछरवाल (Eye lashes)

3. ॳछन ब्वछि (False appetite)

4. ॳछन मथुन (To accept with respect)

5. ॳछन हुन्द गाश आसुन (To be very dear)

              मुहावरॖ

1. मु: अतुल ख्योमुत हापतव

    अ: बेवकूफ छु ख्यवान हदॖ 

         रॊस, या ख्यॊन गछ़ि हदस

         मंज़

2. मु: उतनि बलायि तुत

    अ: ॳक्यसॖन्दि बलायि ब्याख

         लगुन

3. मु: ॳथ्य दऻर्य वुछनय म्यानि 

         ॳछ मॖ वुछनय

    अ: अख वॊहव, या मदद करनॖ 

         बदलॖ सखती करॖन्य

**************************

पंचांग:- नऺव ख़बर तॖ नॊव सफ़र। न्वशि रॊट कमरस मंज़ अख कूनाह बाकय बऻच़न निशि ब्यॊन। आयि दॊयिमि द्वह नफ़र जोरा ह्यल्थ मऺहकमॖ प्यठॖ तॖ कॊरुख सैनिटायज़र फ्लैटॖक्यन सारिनी कमरन, किचनस, बालकऻनीयन, वाशरूमन, यि दप्यज़ि ति प्रथ कुनस, प्रथ चीज़स, ब्यडन, फऺर्नीचर आईटमन, किताबॖ अलमारि, ठोकुर कुठिस, शुर्यन हॖन्दिस कमरस, तिहन्ज़न किताबन, शू रैकस मंज़ थऻव्यमॖत्य बूटन, चपॖन्यन, गमलन वगैरा तॖ लऺगिख गन्टॖ जोराह तॖ द्रायि यि वऺनिथ ज़ि हिरासॖ गछ़ि करुन। अथॖ गछ़ि छलान रोज़ॖन्य, गर्म त्रैश्य गछ़ि च्यवान रोज़ॖन्य बेतरी। यपऻर्य रूद्य फ़ोन यिवान तॖ पनॖनि पनॖनि हिसाबॖ छॆछ खबर रूद्य प्रॖछ़ान। फ्लैट्स मंज़ सोन पोर आव नवि सरॖ सील करनॖ ब्यॆयि च़्वदहान दॊहन प्यठ। हालांकि मार्चॖ प्यठॖ वोत असि गरस मंज़ॖय बिहिथ दारि बर त्रॊपरिथ, यि तॊर नॖ फिकिरी ज़ि यि बलाय आयय तॖ कपऻर्य आयि तॖ गरॖ सोन किथॖ पऻठ्य तॖ कपऻर्य च़ायि। अस्पतालस मंज़ प्यव असि यि पछ प्यॆठ ह्यु मगर व्वं कमरस मंज़ ब्यॆयि अलग अलग कून रटॖन्य ति रूद अख सख अज़ाब, मगर कयाह करहऻव, ॳस्य ॴस्य लाजवाब। अख हऻरऻनी हॖन्ज़ कथ छम ज़िमनी वनॖन्य। स्व गऺयि यि ज़ि म्योन ज़्युर (न्यॆचिवि सुन्द न्यॆचुव) छु अज़ वारॖकारॖ पऺदाह वुहुर तॖ तमिसॖन्दि ज़्यनॖ प्यठॖ वुन्युख ताम छु सु आमुत श्वंगान  ग्वडॖ पनॖनि नानि निश, तॖ 2016-हस मंज़ तमिसॖन्दि स्वर्गवास गछ़नॖ पतॖ म्यॆय निश। हफ़तस मंज़ कुनि कुनि सातॖ बटॖवारी द्वह ओस म्यॆ इजाज़थ ह्यवान तॖ गछ़ान ब्यॆयिस कमरस मंज़ पनॖनि माजि निश श्वंगनि। कोरोनावयरसन होव व्यॊखतॖय रूपाह ज़ि सु गव म्यॆ निशॖ अलग तॖ व्वं छु बिल्कुलॖय अलगॖय। तऺमिस ति वऻत्य यीत्य ऱ़यथ म्यॆ निशि दूर्यर थवान तॖ म्यॆति बासान क्याह ताम कऺमी हिश। यॆमि महामऻरी क्याह क्याह कऺन्डय वाहरऻव्य, कपऻर्य कपऻर्य वाहरऻविन, कम कम अनिन पनॖनिस ज़दस मंज़। बयान करुन छु स्यठाह मुश्किल।  कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

16.09.2020

16.09.2020, ॴशिद (आश्विन/ॳसूज) गटॖ पछॖ (कृष्ण पक्ष) च़्वदह (चतुर्दशी) ब्वदवार (बुद्धवार), श्री सप्तर्षि सम्वत 5096, राश सिंह (चलान), ऋतु हरुद (शरद)(चलान), कांबॖर्य पछ (पितृ पक्ष) (चलान)

**************************

कांबॖर्य पछॖ (पितृ पक्ष) च़्वदुश हुन्द श्राद्ध यी अज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

         (पराग पुस्तक-61)

कंद्यव गैह त्यज़ि कंद्यव वनवास

व्यफुल मन ना रटिथ तॖ वास

द्यन रात गंज़रिथ पनुन श्वास

युथुय छुख तॖ त्युथुय आस

         *********

अर्थात:- ललेश्वरी पुन: कहती है कि मन को वश में किए भिना मनुष्य घर में रहे या वनवास में कोई अंतर नहीं है। अच्छा है कि दिन रात अपने श्वासों की ओर ध्यान दे या गिने तो ऐसा करने से मन पर नियंत्रण होगा, फिर अपनी वास्तविकता को पहचाना जा सकता है।

सारांश यह कि जो मनुष्य अपने मन को वश करने में विफल हुआ है उसका वनवास करना व्यर्थ है। इसलिए श्वासोश्वास द्वारा मन को नियंत्रण में लाकर अपने स्वरूप का ज्ञान प्राप्त हो सकता है।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तरजमॖ तॖ त्रे मुहावरॖ याने कऻशिर्य दऺपित

1. ॳछ दोद (Pain in eyes/

Eye sore)

2. ॳछ रावॖन्य (To lose friendship)

3. ॳछ कितुर (Obstacle in an eye/Hatred)

4. ॳछ गाश (Eye sight/Dear one)

5. ॳछ लगॖन्य (To cast an evil eye)

                मुहावरॖ

1. मु: आबॖ तऺल्य श्राख

    अ: दोस्त लऻगिथ दुशमनी 

         करॖन्य, या बे शॊंक ख़तरॖ

2. मु: आबस अंदर क्रंड

    अ: गुज़ारॖ पकॖवुन आसुन, या

         आमदनी हॖन्ज़ व्वमेद

3. मु: अपुज़िस ग्वड कति

    अ: अपुज़िस छु नॖ हॊट लॊट

         आसान

4. मु: अपारि मुन दानि तॖ यपऻर्य

         गऺयि अथन हठ

    अ: यि छि तस वनान युस हदॖ

         नीरिथ नोज़ुक लागि

5. मु: ॳपिस दऺन्य मुश्किल ख्यॆन्य

    अ: अख लॊत इन्सान छु नॖ 

          राज़ ह्यकान छुपऻविथ

**************************

पंचान्ग:- वुनि छि नॖ ख्वर डऺखरावानॖय, दोयिमि द्वह आव न्वशि राथ करनऻमॖतिस ट्यस्टुक रिपोर्ट मोबाईलस प्यठ तॖ गऺयि नवि सरॖ परेशऻनी ति क्याज़ि यि रिपोर्ट ओस हावान कोविट-19 पोज़िट्यू। वुनि छि ॳस्य पानॖवॖन्य कथॖय करान तॖ फोनन प्यठॖ फ़ोन ह्यॆतिन यिन्य ब्यॊन ब्यॊन जायन प्यठॖ तॖ बीठ्य अलग अलग राय दिनि। सोसाइटी वाल्यन आव वनॖनॖ ज़ि सोन पोर यकदम सील करुन। न्वशि प्रॖछ़ॖख नविसरॖ तफ्सील, क्याह नाव, कऻत्या बऻच़, बुज़ुर्ग कॗत्य, बच्चॖ कॗत्य बेतरी। सॗती वॊनुख ज़ि पगाह यिन सरकऻर्य मुलऻयज़िम यिम सैनिटेशन करन सऻर्यसॖय फ्लैटस। न्वशि दिच़िख हिदायथ जि कऻन्सि सॗत्य नॖ रऻब्तॖ थावुन। फ़ोन रूद्य यिवान यिमन दॊश्यवनी बऻच़न ब्यॊन ब्यॊन दफ्तरव प्यठॖ। यि बास्यव ज़न आयि ब्यॆयि तिमय द्वह फीरिथ। न्वशि डॊल बुथिस रंगॖय, कथ फोरॖन्य गऺयि बंद हिश। मगर अख बचाव ओस ज़ि अमि न्वशि ॴस अस्पतालॖच वऻर्य म्वकॖलऻवमॖच़ तॖ डाक्टरन ॴस दॊपुन च़्यॆनॖवन्य दिच़मॖच़ ज़ि दुबारॖ छु नॖ अस्पताल यिनुक ज़रूरत अगर रिपोर्ट पोज़िट्यु ति आसि मगर रोज़ुन छु गरस मंज़ सारिनी निशि ब्यॊन नवि सरॖ च़्वदहऻन दॊहन। ख़ास ख़याल ओस थवुन न्वशि ज़ि तफ गछ़ि नॖ खसुन या च़ास गछ़ि नॖ यिन्य या हऺटिस गछ़ि नॖ खराश हिश बासॖन्य। तथ सूरतस मंज़ प्यॆयि अस्पताल वातुन। यि बडेयि व्वं ब्याख परेशानी। ज़ानि दय यि किछ़ महामऻरी। मगर चारॖ ओस नॖ ब्यॆयि कॆंह नज़रि तल। यी वॊनुख तॖ ती कॊर। जिगरॖ थोव दॊर। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल 'दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

15.09.2020

15.09.2020, ॴशिद (आश्विन/ॳसूज), गटॖ पछॖ (कृष्ण पक्ष) त्रुवाह (त्रयोदशी) बॊम्वार (मंगलवार), श्री सप्तर्षि सम्वत 5096, राश सिंह (दुहचि 2.24 बजि प्यठॖ), ऋतु हरुद (शरद), कांबॖर्य पछ (पितृ पक्ष) (चलान)

**************************

कांबॖर्य पछॖ (पितृ पक्ष) त्रुवुश हुन्द श्राद्ध यी अज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

         (पराग पुस्तक-60)

कंद्यव ग्रह कंद्यव वनवास

युथुयय छुख त्युथुय आस

मनस दऻर रठ सऻंपनख सुवास

क्याह छुय मलुन सूर तय सास

            ***********

अर्थात:- शरीरधारी घर में रहे या वनवास में, कोई अंतर नहीं हे। केवल मन को नियंत्रण में रखने से  अपने ही में वास (अपने अंदर ही रहना) होता हे। तो फिर राख तथा भस्म मलकर उसे (परमात्मा को) ढूंढने की कोई आवशयकता नहीं है। अर्थात मन में धैर्य रखकर अपने अंतर में ही वास करके उस प्रभु को पा सकते हो।

**************************

पांछ़ कऻशिर्य लफ़ॖज़ तॖ तिमन हुन्द अंग्रीज़स मंज़ तरजमॖ तॖ त्रे मुहावरॖ याने दऺपिथ कऻशुर

1. ॳछ फ्युर (To lose respect)

2. ॳछ तल नॖ युन (Not to consider adequate)

3. ॳछ टिटॖवार (Twinkle of an eye)

4. ॳछ टुवॖन्य (To close eyes/To die)

5. ॳछ दरॖ लगनि (To look intently)

                मुहावरॖ

1. मु: अबक़ छानस तबक़ यड

    अ: बेवकूफस छु ब्वछर

         आसान, या अडॖह्यॆछलिस 

         छु ब्वछर

2. मु: अपुज़ छु तुलॖकतुर तॖ पॊज़

          छु आफ़ताब

    अ: अपुज़ छु नॖ दऺरिथ ह्यकान 

          पऺज़िस निश

3. मु: आबुक आबस तॖ द्वदुक

         द्वदस

    अ: हलालुक छु वति लगान तॖ

         हरामुक छु ज़ायि गछ़ान

    (पनॖन्यन शुर्यन ह्यॆछनऻविव)

**************************

पंचान्ग :- पऺत्यम्यन द्वन च़्वन फेरन प्यव ऐम्बुलैंन्स मंगॖनावुन ॶस्पताल गछ़नॖ तॖ गरॖ यिनॖ बापथ। येमि महामऻरी मूजूब  बास्यव ज़ि तिमव ति छि पनॖन्य किराय अगनस द्वगन कऺरमॖच़। ग्वंडनिचि लटि यॆलि न्वश गऺयि ऐडमिट, ऐम्बुलैंन्सवऻल्य मॊंग साड च़ोर सास गरि, क्रासिंग रिपब्लिक, गाज़ियाबादॖ प्यठॖ यशोदा अस्पताल, कोषम्बी, गाज़ियाबाद ताम, यॆमुक फऻसलॖ मसा वुह किलोमीटर छु। यि किरायि बास्यव हदॖ ख्वतॖ स्यठाह ज़्यादॖ तमि म्वखॖ कऺर न्वशि कथ द्वन त्रॆयन नफरन सॗत्य तॖ ॴखरस गऺयि किरायि मुकर्र डायन सासन प्यठ। हालांकि अगर ओला वगैरा गऻड्य आसिहे मंगनऻवमॖच़, किरायि खसिहेनॖ हथ डॊड हथ ह्यॊर, मगर ब्यमऻर्य ॴस वोकॖह, इन्फैक्शन निशि बचनॖ बापत प्यव ऐम्बुलैंन्सस मंज़ॖय युन। यॆलि न्वशि छुटी मीज्य, अमि लटि ति वऻच़ न्वश गरॖ तमी ऐम्बुलैंन्सॖ दुस्य तॖ प्यॆयस डाई सास रॊपियि दिन्य। त्रेयिमि लटि मंगनऻव सॊय ऐम्बुलैंन्स यथ मंज़ म्योन न्यॆचुव तॖ बॖ वऻत्य गरि प्यठॖ अस्पताल। च़ूर्यमि लटि यॆलि म्यऻनिस न्यॆचविस मीज्य छुटी, तऺमिस ति लऺग्य तिमय डाई सास गरॖ वातनस ताम। वननुक म्योन मतलब यॆतिनस छु यि ज़ि च़्वन फेरन लऺगय वुछान वुछान असि दऺह सास रॊपियि यिनस तॖ गछ़नस। अगर होर योर प्रॖछ़गऻर करहऻव नॖ, तॆलि ॴस्य दिन्य च़्वन फेरन साडि च़ोरि सासॖ हिसाबॖ अरॖदाह सास रॊपियि यथ असि सिरिफ दऺह सास लऻग्य। अन्ज़ान तॖ लाचार इन्सान दिया नारस नरि। क्याह करि सु, कऺमिस वनि सु, बोज़्यस कुस। अस्पताल वाल्यव छि कुनि कुनि जायि बूज़ुम ज़ि पनॖन्य ऐम्बुलैंन्स सीवा कोविड-19 मऺरीज़न हॖन्दि बापथ बंदॖय कऺरमॖच़ युथ नॖ अख ॳकिस लाग तरि। प्राइवेट ऐम्बुलैंन्स वाल्यव ति छि बास्योम वग रऺटमॖच़ तॖ पज़नॖ प्यॆठ किराय मंग्य मंग्य पनॖन्य चन्दॖ बरान, वखतुक नाजऻयिज़ फऻयदॖ तुलान। सरकार छु ॳछ वऺटिथ तमाशि वुछान। ॳथ दऻर्य वुछनय सानि ॳछ मॖ वुछिनय।  खऻर, म्यऻन्य ख्वश नसीबी ॴस्य ज़ि बॖ वातनोवहोस गरॖ पनॖनी गाडि मंज़। म्यॆ नन्यव ज़ि न्वशि म्यानि ओस कॆंह पौसॖ पनॖनिस बऻयिस ह्यॊतॖमुत तॗ जमाह कॊरमुत मगर म्यॆ वॊनुख नॖ तॊत ताम यॊत ताम बॖ गरॖ वोतुस। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

14.09.2020

14.09.2020 ॴशिद (आश्विन/ ॳसूज) गटॖ पछॖ (कृष्ण पक्ष) बाह (द्वादशी) च़ऺन्दॖरवार (सोमवार) श्री सप्तर्षि सम्वत 5096 राश कर्कट (चलान) ऋतु वऺहरात (वर्षा/ बरसात) (चलान) कांबॖर्य पछ (पितृ पक्ष) (चलान)

**************************

कांबॖर्य पछॖ (पितृ पक्ष) बऻश हुन्द श्राद्ध यी अज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

           लल वाक्

        (पराग पुस्तक-59)

सु मन गारुन मंज़ यथ कंदे

यथ कंदि दपान स्वरूप नाव

लूब मुह च़लिय शूब यियय कंदे

यॆथ्य कंदि तीज़ तय सोर प्रकाश

           *************

अर्थात:- प्रभु को अपने शरीर के अंदर मन से तलाश करो। इसी में वह स्थित है। उसको खोज कर तेरा शरीर धमकेगा और इसी शरीर के कारण तेज तथा सूर्य प्रकाश (वास्तविक प्रकाश) का साक्षातकार होगा।

भावार्थ :- अपने शरीर की महानता देखें - इसी मनुष्य शरीर में ही प्रभु मिल सकता है। शरीर के भिना ऐसा नहीं हो सकता है।

**************************

पांछ़ कऻशिर्य लफ़ॖज़ तॖ तिहुन्द अंग़्रीज़स मंज़ तर्जमॖ (डिक्शनरी हॖन्द्य लऺखक- जवाहिर लाल तिक्कू) तॖ त्रे मुहावरॖ याने कऻशिर्य दऺपित (किताबि हॖन्द्य ऐडिटर - स्व. ओंकार कौल)

1. ॳबीद (Money offered to priest at the time of thread ceremony)

2. अजदर (Snake - Dragon)

3. ॳछ पूर (To have full eye sight)

4. ॳछ फोरॖन्य (Have a premonition/pulsation in the eye)

5. ॳछ फेरॖनि (Not to be in good terms)

                """""""''''""

                  मुहावरॖ

1. मु: अबक़ छानस सबक़ रूद

    अ: अडॖ ह्यॆछलिस छु वखतॖ 

          विज़ि सबक़ मशान

2. मु: अबॖन्य द्रॖय बबॖन्य द्रॖय

    अ: नाहकय कसमॖ क़सम, या

          हीलॖ बहानॖ, या पछ़ 

          आनॖनावनॖ बापथ हु क्या

          यि क्या वऺनिथ टाल मटोल

          करुन

3. मु: अब ति टोठ तॖ बब ति टोठ

    अ: दॊयव मंज़ॖ नॖ कांह चीज़ 

          त्रावनस तयार आसुन, या

          हुति गॊछ़ुम यिति गॊछ़ुम

पनॖन्यन शुर्यन ह्यॆछनऻविव

**************************

पंचान्ग:- कऺह्य ताम कऺह्य तान्य द्रायि अमि ब्रकॖ तलॖ ॳस्य त्र्यनवय बऻच़ गरिक्य। कऺमिस ताम सुन्द बत्तॖकाल आव बकार। कमाल छु म्यानि न्वशि हुन्द ज़ि पानॖ कोविड-19 मऺरीज़ ॴसिथ, कऺरॖन पौंसॖ जमाह करनॖच व्यवस्था, पनॖनि बापथ, पनॖनिस खानदारसॖन्दि बापथ तॖ म्यानि बापथ।साड च़ोर लछ म्यऻनिस खातस तॖ अख लछ पनॖनिस तॖ पनॖनिस खानदार सॖन्दिस खातस मंज़ ॳकिस सादारन इन्सानॖ सॖन्दि बापथ यूत रक़म चंदॖ कडुन छॆ नॖ मोमूली कथ। येमि रफतारॖ यि महामऻरी छि अज़कल डुव दिनस प्यठ आमादॖ गऻमॖच़, ख्वश कॖस्मत छु सु युस कांह ब्यमार गऺछ़िथ पतॖ स्यॆदि बुथि गरॖ वापस यी, नतॗ छॆ नॖ ज़िन्दॖ रोज़नॖच कांह ब्रांथ बोज़नॖ यिवान। ॳस्य वऻत्य स्यॆदि बुथि गरॖ तॖ त्रोव फ्रख ह्यु। गरॖ वातिथ वुछ ज़ि यथ पोरस प्यठ सोन फ्लैट छु, वुनि छु सु सील कऺरिथॖय याने युन गछ़ुन छु बिल्कुल बंद। वुनि गऺयि नॖ ॳस्य अमि महामऻरी निशि पूरॖ फ़ारेग ति क्याज़ि यॊताम नॖ दुबारॖ ट्यस्ट रिपोर्ट नगेट्यु यी तॊत ताम छु आमुत असि वनॖनॖ ज़ि गरस मंज़ ॴसिथ ति पांच़वॖनी बऻच़न ब्यॊन ब्यॊन जायन बिहुन, मास्क लऻग्यथॖय थवुन। म्यॆ वॊनुख पान्च़ि द्वह पतॖ ब्यॆयि अस्पताल डाक्टरस मेलनि बापथ हऻज़िर सपदुन। अख राहत मीज्य यि ज़ि म्यऻनिस न्यॆचविस वॊनुख ज़ि तऺमिस छु नॖ दुबार ट्यस्ट करनावनुक हाजथ।कथ जि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

13.09.2020

13.09.2020, ॴशिद (आश्विन/ॳसूज) गटॖ पछॖ (कृष्ण पक्ष) काह (एकादशी) आथवार रविवार ऐतवार) श्री सप्तर्षि सम्वत 5096,राश कर्कट (दुहचि 10.35 बजि प्यठॖ) ऋतु वऺहरात (वर्षा/ बरसात) (चलान), कांबॖर्य पछ (पितृ पक्ष) (चलान)

**************************

कांबॖर्य पछॖ (पितृ पक्ष) कऻश हुन्द श्राद्ध यी अज़)

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

           (पराग पुस्तक-58)

कंद्यव करख कंदि कंदि

कंद्यव करख कंदि व्यलास

भूगॖय मीठ्य दितिथ यथ कंदे

अथ कंदि रोज़ि नॖ सूर ना तॖ सास

          ************

अर्थात :- हे मनुष्य! यद्यपि तू अपने शरीर के बारे मॆं ही सोच कर इसको पुष्ट करके इसे सुन्दर वेशभूषा पहनाए गा अथवा विलास करेगा तथा मीठे भोग खिलाए गा फिर भी इस शरीर का अंत ही होगा और इस की कहीं राख या भस्म भी शेष न रहेगा

**************************

केंच़न कॆम्यन, क्रॗलन हॖन्द्य नाव कऻशिर्य ज़बऻन्य मंज़ छि -

च़र (Bug), मॊह (Mosquito), मऺछ (Fly), ज़लुर (Spider), तुलॖर (Bee), रैय (Ant), बुमसिन (Earthworm), काग़ज़-क्यॊम (Silverfish), पनपौंपुर (Butterfly), स्यय (Aphid/Plant lice), ज़्वव (Lice), खॊडॗक्यॊम (Rice larvea moth), ॴट्य क्रॗल (Flour beetles), त्वमुलॖ क्रॗल (Rice weevil), दरॖज़ (Cabbage worm), दऺरकॖ Leeches), मुहुर (Caterpillar), हालव (Locust)......पनॖन्य शुर्य ह्यॆछॖनऻव्यूख

**************************

पंचान्ग :- त्रॊवुह अगस्त आव ज़न ति म्यॆ नोव गाश आव। अज़ नेरॖ बॖ यॆमि शफाखानॖ मज़ॖ यि दऺप्यज़ि ति महामऻरी हॖन्दि कऻदखानॖ मंज़। कोविट-19 नाव बूज़िथॖय छि तॗर फटान। कपऻर्य यिवान, कऺमिस रटान, कॗतिस कालस प्यठ यिवान, कऻन्सि तॊर नॖ वुन्यख ताम फिकिरी। म्यानि न्वशि ओसुख वॊनॖमुत ज़ि पांच़ि द्वह पतॖ युन दुबारॖ ट्यस्ट करनावॖनॖ बापथ। तमि कॊर म्यॆ फ़ोन ज़ि स्व तॖ तऺम्यसुन्द खानदार यिन गऻड्य ह्यथ म्यॆ निनॖ बापथ। सॗती ज़ोन तमि मुनऻसिब ज़ि तऺमिस छु यिनॖ युनुय तॖ पनुन दुबारॖ ट्यस्ट ति करनावि तॖ लठ यी बचथ। डाक्टर ॴव विज़िट करनि तॖ सॗत्य ॴसिस ब्यॆयि ज़ॖ त्रॆ डाक्टर। वुछुख रिपोर्ट वारॖ पऻठ्य, कॆंह सवालॖ ति प्रॖछ़िख तॖ पानॖवुन्य डाक्टरव मशवरॖ कऺरिथ वॊनुख रिस्यपशनस प्यठ बिहिथ नर्सि म्यऻन फाईल तयार करॖन्य ताकि बॖ ह्यकॖ अज़ गरॖ गऺछ़िथ। शुक्रियाह कॊरुम ॳमिस डाकटरस तॖ मनॖ मंज़्य ओसुस स्यठाह ख्वश। फाईल तयार करनस, बिल बनावनस, डिस्चार्ज सऺर्टिफिकेट बनावनस, इन्शोरैन्स वाल्यन सॗत्य हिसाब किताब करनस लोग अस्पताल वाल्यव पूरॖ द्वह। म्यऻनिस सॗत्य वऻलिस मऺरीज़स ओसुख कालॖ ब्यॆयि कॊविट ट्यस्ट कॊरमुत तॖ सु ओस प्रारान रिपोर्ट्स ति क्याज़ि तऺमिस ति ओस डाक्टरन छुटी दिच़मॖच़ अज़। परारुन प्यव प्येठ्य ह्यु। यपऻर्य आयि म्योन न्वश तॖ न्यॆचुव यिमव ओस बऺन्य किनी म्यानि बिलि हुन्द हिसाब किताब कॊरमुत तॖ सॗती करनोवुन पानस दुबारॖ ट्यस्ट। बिल वुछिथ प्योस। बॖ आसमानॖ ज़न ति क्याज़ि बिल ॴस म्यऻन्य बनेमॖच़ च़ोर लछ कुनत्रॖह सास पांच़ हथ तॖ त्रॖह।

न्वशि म्यानि ॴस म्यॆ वनॖनॖ रॊस्तुय अस्पतालॖवाल्यन हॖन्दिस वनॖ वनॖस प्यठ साढ च़ोर लछ वुन्युखताम जमाह कऺर्यमॖत्य। खऻर ॴखरस मंज़ वोनुख ज़ि ॶसि प्यॆयि करीबन पाच़सतथ सास पनॖनि चंदॖ द्युन। इन्शोरैंनसुक मंज़ूरशुदा पौंस रऺटिथ दोपुख ज़ि बकाया रक़म मॆलि असि वापस।कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

12.09.2020

12.09.2020, ॴशिद (आश्विन/ॳसूज) गटॖ पछॖ (कृष्ण पक्ष) दऺहम (दशमी) बटॖवार (शनिवार/ शनिश्चरवार) श्री सप्तर्षि सम्वत 5096, राश मिथुन (चलान) ऋतु  वऺहरात (वर्षा/बरसात) (चलान) कांबॖर्य पछ (पितृ पक्ष) (चलान)

**************************

कांबॖर्य पछॖ (पितृ पक्ष) दऺहम हुन्द श्राद्ध यी अज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

   महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

        (पराग पुस्तक-57)

कवॖ छुख दिवान अनिने बछॖ

त्रुखय छुख तॖ अंदरॖय अछ़

शिव छुय ॳती तय कुन मो गछ़

सहजॖ कथॖ म्यानि कऺर्यतव पछ़

          ************

अर्थात:- हे मनुष्य! तू अंधे की तरह इधर उधर क्यों हाथ मार रहा है। यदि समझदार हो तो इधर उधर मत भटक। अपने भीतर चला जा और देख शिव वहां ही है। कहीं ओर जाने की आवश्यकता नहीं है। मेरे इस सरल तथा सीधे अध्यात्मिक सत्य पर विश्वास कीजिए।

भाव यह है कि शिव को पाने के लिए बाहर जाकर ढूंढने की कोई आवशयकता नहीं है। विश्वास करके जान लेना चाहिए कि वह तो आप के शरीर मैं ही स्थित हे। और अपने अंदर झांक कर ही निसन्देह उसे पाया जा सकता है

**************************

जानावार गव युस वुडिथ ह्यॆकि।कॆंच़न जानावारन हॖन्द्य कऻशिर्य पऻठ्य नाव छि -

च़ऺर (चिडिया)(Sparrow), हऻर (मैना) (Myna), गऻन्ठ (चील)(Kite), बाज़ (बाज़)(Eagle), कोतुर (कबूतर)(Pigeon), कुकिल (कोकिला)(Black cuckoo), बिल्यबिच़ुर (बुलबुल)(Nightingale), तोतॖ (तोता)(Parrot), सत्तुत (कठफोडवा)(Woodpecker), गगुर (चूहा)(Rat), काव (कौवा)(Crow), रंगॖ च़ऺर (कौंडिल्ल)(Kingfisher), बतुख (बतख)(Duck), क्वकुर (मुर्गा)(Cock), क्वकॖर (मुर्गी)(Hen), रातॖम्वॊंगॖल (उल्लू)(Owl), रातॖक्रॗल (चमगादड)(Bat), ग्रद (गिद्द)(Vulture)

**************************

पंचान्ग:- बॖ छुस नॖ वुनि बिहानॖय कुनि ब्यडस प्यठ ज़ि ब्याख मऺरीज़ आव म्यऻनिस अथ कमरस मंज़ तॖ ॳम्य रॊट द्वयिम ब्यड। द्वन ब्यडन मंज़ॖ त्रोवुख पर्दॖ। ॴसस दॊपुख मास्क लऻगिथॖय थवॖन्य। यलाज रूद चलान, ड्रिप ओस चलान, अथ ड्रिप मंज़ ॴस्य बरान कमताम कमताम इनज्यक्शन, नाशतॖ ब्रोंठ, लंचॖ ब्रोंठ, डिन्नरॖ ब्रोंठ ॴस नर्स या कम्पौंडर यिवान तॖ करान ओस इन्सुलीन शुगर नियन्त्रनस मंज़ थवनॖ म्वखॖ। ब्याख इनज्यक्शन कुस ताम ॴस्य यॆड मंजं करान खुन् पतलॖ याने तॊन बनावॖनॖ बापथ ॴस्य दपान। आक्सीजन पाईपॖ अलावॖ दिछ़ॖख ब्याख अख पाईप यॊस नेबूलयज़रॖक पऻठ्य ॴस्य थवान नसति प्यठ तॖ अमि सॗत्य ओस पनॖनिस शाहस खारनस वालनस मंज़ मदद मेलान। दर-अज़ाब ओस, अल्बतॖ द्यमऻगी राहत ॴस्य ज़ि अकि नरकि खानॖ मंज़ॖ ओसुस द्रामुत तॖ ऒसुस ब्यॆयिस खानस मंज़ च़ामुत। ब्याख राहत मीज्य अथ कमरस मंज़ ज़ि वाशरूम ताम ओसुस ह्यकान पकान पकान गऺछ़िथ पानय, यि सॊहीलियथ ॴस नॖ आई सी यू-अस मंज़। नऺविस मऺरीज़स सॗत्य कथ कथ करान नन्यव ज़ि यिति ओस अमी महामऻरी हुन्द शिकार। सॗती नन्योम ज़ि यि ब्यमार ओस म्यऻनि न्वशि हॖन्दि दफ्तरुक अख मुलऻज़िम। सेहत ओस वारॖ वारॖ ठीख ह्यवान गछ़ुन। अकवुहिम तॖ ज़ॖतोवुहिम अगस्त द्वह कडुन ज़न बास्यव कॊह कडुन। ज़ॖतोवुहमि ल्यूख डाक्टरन म्यानि फाईलि प्यठ ज़ि पगाह याने त्रॊवुहिमि यी म्यॆ छुटी दिनॖ अस्पतालॖ म़ंज़ मगर कॆंच़व शर्तव सान। सॗत्य वोल मऺरीज़स ति दोपुख त्रॊवुहिमि यी अस्पतालॖ प्यठ़ छुटी दिनॖ। अथ कमरस मंज़ ओस टी वी ति, व्वं ओस मन करान ज़ि टी वी-हस मंज़ वुछहऻव शकला-वकला तॖ बोज़ॖहऻव ख़बरा अतरा कुल आलमॖच। आवाज़ ॴस्य नॖ बोज़ान अल्बतॖ न्यूज़ ह्यॆच़ बोज़ॖन्य। ख्यनस मंज़ ॴस्य सुबहऻय चाय तॖ ज़ॖ बिस्कुट वातान, पतॖ ओस यिवान नाशतॖ। तमि पतॖ सूप ज़रा ठॖहरिथ, लंच, च़ोरि बजि काढा, पतॖ गयो डिन्नर, श्वंगनॖ ब्रोंठ ओस यिवान गर्म द्वद। डायटिशन दपान ओस ख्यन मुकर्र करान मऺरीज़ सॖन्ज़ फाईल वुछिथ। कथ छि जऻरी

**************************

कऻशुर ह्यॆछव कऻशुर परव

कऻशिर्य  पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

11.09.2020

11.09.2020, ॴशिद (आश्विन/ॳसूज) गटॖ पछॖ (कृष्ण पक्ष) नवम (नवमी) शॊकुरवार (शुक्रवार/जुम्मा) श्री सप्तर्षि सम्वत 5096, राश मिथुन (चलान) ऋतु वऺहरात (वर्षा/ बरसात) (चलान) कांबॖर्य पछ (पितृ पक्ष) (चलान)

**************************

कांबॖर्य पछॖ (पितृ पक्ष) नवम हुन्द श्राद्ध यी अज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

   महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

         (पराग पुस्तक-56)

ओरॖ ति पानय योरॖ ति पानय

पानय पानस छु नॖ मेलन

प्रथम अच़्यस नॖ मूलय दऻनी

सुय हा मालि च़ॖय आशच़र ज़ान

          *************

अर्थात:- परमात्मा स्वयं ही जीव हे और स्वयं ही ईश्वर हे। यह आश्चर्य की बात हे कि स्वयं ही स्वयं से नहीं मिलता हे। यह तो पूर्ण है। इस में बढाने घटाने (या द्वैत) की कोई भी जगह नहीं है।

**************************

जानवर छि वनान तस युस नॖ वुडिथ ह्यकि। केंच़न जानवरन हॖन्द्य नाव कऻशिर्य पऻ़ठ्य -

गुर (घोडा), खर (गद्दा), ख़रगोश (ख़रगोश), हॊस (हाथी), सॖह (शेर), हापुत (भालू), पौंज़ (बंदर), कातुर (पहाडी घोडा), वूंठ (ऊंट), गाव (गाय), कठ (भेड), छ़ावॖज (बकरी), दांद (बैल), हून (कुत्ता), ब्रऻर (बिल्ली)...शुर्य पनॖन्य ह्यॆछनऻव्यूख

*************************

पंचान्ग :- यथ कमरस मंज़ बॖ वातॖनोवहऻस अथ मंज़ ॴस द्वन ब्यडन सॊम्ब जाय तॖ ॳकिस ब्यडस प्यठ बॆहनोवोस बॖ। आक्सीजन पाईप ॴस म्यॆ आई सी यु-अस मंज़ चलान, स्व पाईप रूज़ यथ कमरस मंज़ वऻतिथ ति चलवॖन्य। डाक्टर सुन्द यॊदवय बोज़व,तऺम्यसुन्द वनुन ओस ज़ि कोविट-19 या कोरोनावयरस छु इन्सानस सॖन्दिस शुशिनऻरिस हमलॖ करान तॖ ब्यॆयि छु यिवान वलनॖ हॊट ति, कुनि विज़ि छि यि ब्यमऻर्य दिलस ति ॴडरावान। शूशिनऻरिस युस इनफैक्शन गछ़ान छु,सु छु निमूनियऻहिच सूरत इख्तियार करान। शाह खारनस तॖ वालनस मंज़ छि सख़ती यिवान। तमि बापथ छि आक्सीजन पाईप थवान लऻगिथ। यिम मऺरीज़ डैबिटिक या ब्लड प्रशरॖक्य आसान छि या यॆमिस दिलॖच ब्यमऻर्य ग्वडय आसि या यॆमिस च़ासि हॖन्ज़ शिकायत आसि, तऺमिस छि ब्यमऻर्य कॊहनॖ पऻठ्य रटान तॖ यलाज करनावकिस दौरानस मंज़ छु मऺरीज़ लडऻय हारान तॖ छु प्राण त्रावान। डाकटर छि पनॖन्यकिन्य प्रथ कांह चीज़ मद्यनज़र थऺविथ यलाज करान रोज़ान, मगर मरीज़ कर वटान छु ॳछ, पताह छॆ नॖ लगान। कोरोनावयरस ब्यमऻर्य छि अमि तलॖ स्यठाह ब्यॆ-पछ़ ब्यमऻर्य। अख ज़ॖ केस वुछि म्यॆ आई सी यू-अस मंज़ॖय। मगर दय सॖन्ज़ मेहर ॴस म्यॆ तॖ म्यान्यन शुर्यन प्यठ तॖ सॗत्य ॴस ॴही तॖ ॴशिर्वाद सान्यन रुत कांछन वाल्यन हॖन्ज़ यॆमि कि ज़ोरॖ सॗत्य ॳस्य रूद्य मुकाबलॖ करान अथ महामऻरी। डाक्टर ति ॴस्य ख्वश्य ज़ि मऺरीज़ ॴस ह्यवान ठीख सपदॖन्य। पौंसन हॖन्ज़ खेल छयी छि मगर इन्सऻनियत ति ॴस टाकारॖ नज़र यिवान मंज़्य मंज़्य। दवा दारु ति छुयी छु, मगर दुआ यारन दोस्तन हॖन्ज़, नेक बंधन हॖन्ज़ ति छि मरी़ज़स यमॖ सॖन्दि ॴसॖ मंज़ॖ वापस कडिथ ह्यवान कुनि कुनि सातन। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

10.09.2020

10.09.2020 ॴशिद (आश्विन/ ॳसूज) गटॖ पछॖ (कृष्ण पक्ष) ॴठम (ॳष्टमी) ब्रसवार (वीरवार/ बृहस्पतिवार/गुरुवार) श्री सप्तर्षि सम्वत 5096, राश मिथुन (रऻच़ हॖन्ज़ॖ 2.36 बजि प्यठॖ) ऋतु वऺहरात (वर्षा/बरसात) (चलान) कांबॖर्य पछ (पितृ पक्ष) (चलान)

**************************

कांबॖर्य पछॖ (पितृ पक्ष) ॴठम हुन्द श्राद्ध यी अज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव तॖ मुकाम प्रावव

**************************

       महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षभा शिवा धात्री स्वहा स्वधा नमोस्तुते

**************************

           लल वाक्

       (पराग पुस्तक-55)

गायत्रैय अज़पा छ़लॖ तऻजिम

सूहम सतची कऺरमस थफ 

अहमस लॊत पऻठ्य ज़ठरॖय वऻजिम

ग्वरॖ कथ पऻजिम च़ऻजिम च़ख

          *************

अर्थात:- ललेश्वरी कहती है कि मैं ने गायत्री का अजपाजाप पाठ एक विशेष विधि से सोहम शब्द द्वारा किया। अहंकार को शनै: शनै: समाप्त किया तथा गुरु की आज्ञा का पालन कर क्रोध को सह लिया।

**************************

अंगन ॴश्यनावन हॖन्द्य नाव कऻशिर पऻठ्य -

मऻज्य (माता), मोल (पिता), बोय (भाई), ज़्युठ बोय (बड़ा भाई), कून्स बोय (छोटा भाई), ब्यॆनि (बहन), ज़िठ ब्यॆनि (बडी बहन), ल्वकॖट ब्यॆनि (छोटी बहन), बऺयकाकन्य (भाभी), बेमॖ (बहनोई), बॖड्यबब (गर्युक)..(दादा), बॖड्यबब (मातामालुक)...(नाना), नान्य (गरॖच)...(दादी), 

नान्य (मातामालॖच)...(नानी), माम (मामा), मामन्य (मामी), मास (मासी), मासू (मासड), प्वफ (फुफी), प्वफू (फुफा)....पनॖन्यन शुर्यन ह्यॆछनऻविव

**************************

पंचान्ग :-  कुनवुहमि अगस्त 2020 वऻच़ न्वश गरॖ। पनॖनि नावॖच अस्पतालिच बिल वुछिथ गऺयस हऻरऻनी हिश मगर व्यस्तार ओसुस नॖ वनॖनस कॆंह। बिल ॴस बन्यॆमॖच़ अख लछ तॖ पांच़सतथ सास। शुराह सास प्यॆयि न्वशि पनॖनि चन्दॖ दिन्य तॖ बकाया म्यूल अस्पताल वाल्यन इन्शोरैंन्सॖ प्यठॖ। अकवुह अगस्त मीज्य छुटी म्यऻनिस न्यॆचॖविस ति तॖ नेरनॖ ब्रोंठ कऺरॖख तऺमिस ति बिल हवालॖ। यि बिल ति ॴस बन्यॆमॖच़ अख लछ तॖ दूहऻठ सासॖच तॖ ॳमिस ति प्यॆयि च़्वदाह सास पनॖनि चन्दॖ दिन्य तॖ बकाया पूर्ती कऺर इन्स्शोरैंन्स वाल्यव। यिति वोत पनुन गरॖ ठीख गऺछ़िथ भगवान सॖन्ज़ि मॆहरबऻनी सॗत्य। चूंकि बॖ ओसुस आई सी यू-यस मंज़ॖय, अमि द्वह याने अकवुहमि कॊडहोस बॖ अति प्यठॖ ब्यॆयि कुस ताम कुस ताम ट्यस्ट कऺरिथ तॖ वातनोवहोस बॖ कमरस मंज़। कमरस मंज़ वऻतिथ त्रोव म्यॆ फ्रख ह्यु। म्यॆ ज़न फ्यूर गाश ह्यु।आई सी यु-क नाव बूज़िथॖय छु इन्सान त्रऺहरान। दय गछ़ि पनुन अनुग्रह करुन, अथॖरॊट करुन गरि गरि। दॊयिमि द्वह आव हिस्बि मामूल डाक्टर विज़िट करनि। रिपोर्टन दिच़ॖन नज़राह तॖ गव ख्वश तॖ वॊनुन पगाह नॖ कॆंह कऻल्यक्यथ सोज़ोवॖ तॊह्य गरॖ मगर तॊत ताम छु त्वहि ज़ेरि निगरऻनी रोज़ुन युथ नॖ यि ब्यमऻर्य ब्यॆयि व्वतलिथ यी। म्यॆति कऺर बोज़नऻनाह तॖ पानसॖय सॗत्य वॊनुम ज़ि यॆति यूत, तति ब्यॆयि ज़ॖ द्वह। ॳक्य शऻयरन छि अख ग़ज़ल लीछमॖच़, यॆमुक कऻशुर तर्जमॖ छु ज़ि, ज़िन्दगी ख्वतॖ बोड सज़ा छु न कॖहीं इन्सानस, ख़ता कयाह छुस, पताह छस नॖ किहीं। आस्पतालस मंज़ वऻतिथ कम कम ख़याल छि यिवान रोज़ान, यि ह्यॆकि सुय वऺनिथ युस दर अज़ाबस लॊगॖमुत आसि। च़म ॴस म्यॆ शिहिज यि वुछिथ ज़ि न्वश तॖ न्यॆचुव वऻत्य स्यॆदि बुथि पनुन गरॖ। कऺमिस ताम सॖन्ज़ ॴही आयि यिमन बऻच़न द्वन बकार। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

09.09.2020

09.09.2020, ॴशिद (आश्विन/ॳसूज) गटॖ पछॖ (कृष्ण पक्ष) सतम (सप्तमी) ब्वदवार (बुद्धवार) श्री सप्तर्षि सम्वत 5096 राश वृष (चलान) ऋतु वऺहरात (वर्षा/ बरसात) (चलान) कांबॖर्य पछ (पितृ पक्ष) (चलान)

**************************

कांबॖर्य पछॖ (पितृ पक्ष) सतम हुन्द श्राद्ध यी ॳज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

              लल वाक्

अंदर ॴसिथ न्यबर छ़ोन्डुम

पवनन रगन कऺरनम सथ

ध्यानॖ किन्य दय ज़गि कीवल ज़ोनुम

रंग गव संगस मीलिथ क्यथ

         *************

अर्थात:- मेरे अंदर मौजूद होकर मैं ने उसे (शिव) को बाहर ढूंढा। फिर प्राणायाम द्वारा कुण्डलिनि जाग गई और मैं आत्मविश्वास हो गई। ध्यान द्वारा सारे जगत को प्रभू रूप ही जान लिया। इस कारण मैं भी प्रभू के रंग में ही रंग गई अर्थात उन के साथ एक हो गई।

**************************

नक्षत्र छि कुल सतोवुह, यिहॖन्द्य नाव छि - 1. अश्वनी 2. भरनी 3. कृतिका 4. रोहिनी 5. मृगशरा 6. आर्द्रा 7. पुनर्वस: 8. पुश्यामि(तिष्य) 9. अश्लेशा 10. मघा: 11. पूर्वफाल्गुनी 12. उत्तराफाल्गुनी 13. हस्ता 14. चित्रा 15. स्वाति 16. विशाखा 17. अनुराधा 18. ज्येष्ठा 19. मूला 20. पूर्व आषाढा 21. उत्तर आषाढा 22. श्रवण 23. धनिष्टा 24. शतभिशा 25. पूर्व भाद्रा 26. उत्तर भाद्रा 27. रेवति...पनॖन्यन शुर्यन ह्यॆछनऻविव

**************************

पंचान्ग:- ॳथ्य सॗत्य आम याद ह्यडुन शफ़ाखानॖ। अथ ॴस्य ॳड्य वनान ह्यडरुन हस्पताल तॖ ॳड्य ॴस्य वनान ह्यडवुन हस्पताल। अंग्रेज़व दऺस्य बन्योमुत ओस सु शफाखानॖ। बॊड बारॖ हस्पताल। कऺशीरि मंज़ छच़बल कुन गछ़ान गछ़ान ओस यि हस्पताल वति यिवान। बऺड्य डीड्य ॴस सडकि प्यठ आसान म्यॆ छु याद, डेडि प्यठॖ ओस प्यवान क़रीबन ऒड मीलाह पकुन अदॖ ॴस्य वातान हस्पतालॖकिस गेटस ताम्। अथ ॳडिस मीलस सडकि ॴस्य दॊश्यवय अंदव ज़ीठ्य ज़ीठ्य कुल्य खडा हवादार, शांत वातावर्ण ओस अथ सडकि पकान पकान बासान। अथ हस्पतालस मंज़ ओस ब्यमारन ख़बर अतर प्रछ़नॖ बापथ वख मुकर्रर याने सुबहस चायि मोकॖ, नाशतॖ करनुक समय, दॊहलि बतॖ ख्यनुक याने लंच करनुक समय,  शामॖच च़ोरि बजि हॖन्ज़ चाय तॖ पतॖ गऺयो शामुक ख्यन याने डिन्नर। ब्यमारस सॗत्य ओस आसान अख तीमारदार युस द्वह तॖ राथ ॳमिस ओस सीवा करान यिथॖ पऻठ्य डाक्टर वनिहे। सुबहस ओस डाक्टर यिवान मऺरीज़स वुछनि बापथ तॖ ॳमिस डाक्टरस सॗत्य ॴस्य आसान डाकटरन हॖन्ज़ पंगथ सॗत्य, जूनियर डाक्टर, नऺव्य बननवऻल्य डाक्टर, कॆंह डाक्टरी परन वऻल्य लडकॖ/लऺडकी तॖ यि बॊड डाक्टर ओस यिमन हावान तॖ ह्यॆछॖनावान मरीज़ सॖन्ज़ि ब्यमारि मुतलक। यीतिस कालस डाकटर ओस मरीज़न ख़बर अतर प्रॖछ़ान रोज़ान, सोरुय स्टाफ याने नर्स, कम्पौन्डर वगैरा ॴस्य आसान संजीदॖ तॖ स्तर्क। ब्यमारन हॖन्द्य सऻरी तीमारदार ॴस्य यिवान वार्डॖ न्यबर कडनॖ तॖ ब्यमारस अंद्य  पऺक्य जाय यिवान साफ़ सुथरॖ थवनॖ।  तिमन द्वहन ओस यि दऺप्यज़ि ति रामॖ राजा हस्पतालस मंज़ आसान। तीमारदार ओस निवन सतरऺन्ड, मसनन्द, शान्दगॊन्ड, स्टोव, चायि बापथ बोहगुन, नून, मऺदर्ऐर, द्वद वगैरा ह्यथ। बासान ओस ज़ि ज़न छु तीमारदार कुनि पिकनिकस प्यठ आमुत। ब्यमारस यिम खबर अतर प्रछ़नि यिवान ॴस्य तिमन ॴस्य चाय वाय यिवान च्यावनॖ। यि ओस मुनहसर मऺरीज़ सॖन्ज़ि हालऺच़ प्यठ। वारॖ वारॖ ह्यॊतुन बदलाव युन अथ शफाखानस ति। म्यानि ल्वकचारुक हस्पताल छु नॖ कुनि ति सूरतस मंज़ ॳज़्यकिस अस्पतालस सॗत्य वाठ ख्यवान।

कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

08.09.2020

08.09.2020, ॴशिद (आश्विन/ॳसूज) गटॖ पछॖ (कृष्ण पक्ष) शॆयम (षष्ठी) बॊम्वार (मंगलवार) श्री सप्तर्षि सम्वत 5096, राश वृष (दुहचि 3.9 बजि प्यठॖ), ऋतु वऺहरात (वर्षा/बरसात) (चलान), कांबॖर्य पछ (पितृ पक्ष) (चलान)

**************************

कंबॖर्य पछॖ शॆयम (षष्ठी) हुन्द श्राद्ध यी अज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

अंदरीय आयस च़ंदरॖय गारान

गारान आयस हियन हि

च़ॖये नारान च़ॖये नारान

च़ॖये नारान यिम कम विह

         *********

अर्थात:- मैं ने अपने गहन अभ्यास से सहस्रार में चन्द्रमा (शिव) को देखा और इसके समान का जोडा तलाश करने लगी, किंतु नहीं मिला। अपितु इन ही को सर्वत्र पाया। फिर कहने लगी कि हे परमात्मा। आप ही सर्वत्र व्याप्त हो फिर आपकी यह उत्पत्ति, पालन और संहार का नाटक क्यों हे। यह सब कैसा व्यवहार है

*************************

नव ग्रहन हॖन्द्य कऻशिर्य पऻठ्य नाव छि -

सिरयि (सूर्य), च़न्द्रमॖ (चन्द्रमा), बोम् (भौम), ब्वद (बुध), ब्रहस्पथ (ब्रहस्पति), शॊकुर (शुक्र), शनिश्चर (शनि), राहु (राहु), केतु (केतु)

राश छि बाह यिहॖन्द्य नाव छि -

1. मेष (Aries) 2. वृष (Taurus) 3. मिथुन (Gemini) 4. कर्क (Cancer ) 5. सिंह (Leo) 6. कन्या (Virgo) 7. तुला (Libra) 8. वृश्चिक (Scorpio) 9. धनु (Saggittarius 10. मकर (Capricorn)11. कुम्भ (Aquarius) 12. मीन (Pisces)....पनॖन्य शुर्य ह्यॆछॖनऻव्यूख

**************************

पंचान्ग:- चूंकि न्वश ॴस सानि ज़ॖ द्वह ब्रोंठ याने दऺहमि आगस्तअस्पताल वऻच़मॖच़, ॳमिस दिछ़िख छुटी कुनवूहमि अगस्त यि वऺनिथ ज़ि पान्च़ि द्वह पतॖ युन ब्यॆयि तॖ कोवीट ट्यस्ट दुबारॖ करनावुन। बाकय सिम्पटमज़ बास्यॆयि डाक्टरन न्वशि मंज़ ठीख। ॳम्यसॖन्दिस खानदारस तॖ म्यॆ दॊपुख वुनि क़रार करुन ब्यॆयि कॆंच़न द्वहन। यॆलि म्यॆ बूज़ ज़ि न्वश वऻच़ गरॖ, भगवानस कॊरुम मनॖ अंदरी लाख लाख शुखुर ज़ि मऻज्य वऻच़ पनॖन्यन पूत्यन निश ब्यॆयि वारॖ कारॖ वापस। शुर्यन ति बूज़ुम ॴस नॖ पछ़ आमॖच़ कुनि पनॖन्य मऻज्य पानस ब्रोंह कनि गरस मंज़ ठीख ठाख वुछिथ। व्यॆच़ेमॖत्य ॴस्य नॖ कुनि। कऻन्सि शुरिस गछ़ि नॖ मऻज्य छ़्यनॖ गछ़ॖन्य मगर तऺम्यसॖन्दिस (ईश्वर) करनस कुस रुकावि। आई सी यू-अस मंज़ ब्यैडस प्यठ बिहित द्युत अकि द्वह ख़यालन फ्युर ह्यु तॖ बॖ वोतुस कऺशीरि पनॖनिस ल्वकचारस कुन याने 1950 या 1951 ईस्वी, तॖ प्योम तत्युक हैडुन शफाखानॖ याद। ब्यॆयि प्योम याद द्र्वगजन शफाखान। म्यॆ छु याद ज़ि म्योन प्यॆतॖर ओस दऻखॗल द्र्वगजनॖ शफाखानस मंज़ तमि वख्तॖ ति क्याज़ि तऺमिस ॴस सीनॖच ब्यमऻर्य नवेमॖच़। द्र्वगजन शफाखानस ओस नाव आमुत दिनॖ च्यस्ट डिज़ीज़ ह्वास्पिटिल। यि शफाखानॖ ओस डलगेटॖ शंक्राचारिकिस पहाडॖ दामनस तल आमुत बनावनॖ तॖ यिम कॆंह खास ब्यमार दमहॖक्य या टी बी-हिक्य ॴस्य आसान, तिमन ब्यमारन ॴस्य ॳथ्य शफाखानस मंज़ करान दऻखॖल। मानॖनॖ ओस आमुत दपान ज़ि चूंकि अथ शफाखानस अंद्य पऺक्य ओस साफ शफाफ फिज़ह आसान अकि तरफॖ डल जील, डलुक साफ़ सुथरॖ च्यनॖवोल पोन्य, ब्यॆयि तरफॖ शंक्राचार मंदॖर युस पहाडस प्यठ बऺनिथ छु, ब्रुंहकिन्य शहर ग्रज़वुन, दपान अथ शफाखानस मंज़ बऺर्ती गऻमॖत्य ब्यमार ॴस्य जल जल सेहतियाब सपदान। यि ॴस ब्याख कथ ज़ि दवाहऻन हॖन्ज़ कमी ॴस खलान सख तॖ टी बी या दमहॖक्य मऺरीज़ ॴस्य कमॖय पाहन वापस फ़ेरान मगर डाक्टर ॴस्य कऻबिल, तजरुबॖकार, नामावार मगर मजबूर दवहऻव मूजूब। कोरोनावयरसस च़ऺलरावनॖ बापथ छु नॖ वुनि ति कांह इन्जक्शन बन्योमुत, हालांकि दावा छि करान जलदॖय यी बाज़रस मंज़ मगर ॳस्य छि वुनि ति अथन लदॖन्य लायक़ यथ महामऻरी हॖन्दिस सऺत्यमिस ऱयतस मंज़ ति। मरन वाल्यन हॖन्ज़ ग्रन्द छि द्वह पतॖ द्वह हुर्रानॖय कम गछ़नॖच नाव छॆ नॖ ह्यवान। राथ सपुद सानि समाज्युक अख नामावार शखॖस, श्री बी एल साधु चन्डीगडस मंज़ स्वर्गवास। यिति ओस रॊटमुत कोवीट-19-हन। समाजुक अख अहम् कारकुन ओस यि साधु सऻब। कथ छि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

07.09.2020

07.09.2020, ॴशिद (आश्विन) ॳसूज गटॖ पछॖ (कृष्ण पक्ष) पऻन्च़म (पऺचमी) च़ऺन्दॖरवार (सोमवार), श्री सप्तर्षि सम्वत 5096, राश मेष (चलान) ऋतु वऺहरात (वर्षा/बरसात) (चलान) कांबॖर्य पछ (पितृ पक्ष) (चलान)

**************************

कांबॖर्य पछ पऻन्च़म हुन्द श्राद्ध छु अज़

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ। आय बत्तॖ। वुद्यूग करव तॖ मुकाम प्रावव

**************************

    महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

             लल वाक्

पॊत ज़ूनि वऺथिथ मॊत बोलनोवुम

दग ललनऻवॖम दय सॖन्ज़ि प्रहे

लऺल्य लऺल्य करान लाल वुज़ॖनोवुम

मीलिथ तस श्रूच़्योम देहे

        ************

अर्थात:- मैं प्रात: काल जाग कर मन से नाम स्मरण करने लगी तथा प्रभु के प्यार की खातिर पीडा सह ली। मैं लल हूं, मैं लल हूं, ऐसा कहते प्रियतम को जगाया और तब उन से मिल कर (लीन होकर) मेरा सारा देह अर्थात अस्तित्व शुद्ध तथा पवित्र हो गया

**************************

रंगन हॖन्द्य नाव कऻशिर्य ज़बऻन्य मंज़ छि - वान्गॖन्य या जामुन (बैंगनी) (Violet), गूड न्यूल (गहरा नीला)  (Indigo), न्यूल (नीला) (Blue), सबॖज़ (हरा) (Green), लॆदुर (पीला) (Yellow), स़ंगतऺरी (संतरी) (Orange), व्वज़ुल (लाल) (Red)

यिम सथ रंग छि आसान राम राम बऺद्रनि दूनि याने इन्द्र धनुषस मंज़। यिमन सतन नावन छु छ़ॊट याने संक्षपित शब्द अंग्रीज़स मंज़ यिवान वनॖनॖ "VIBGYOR"...अमि अलावॖ ब्यॆयि कॆंच़न रंगन हॖन्द्य नाव कऻशिर्य ज़बऻन्य मंज़ छि - तोतॖ (रानी) (Magenta), गुलऻब्य (गुलाबी) (Pink), क्रुहुन (काला) (Black), सफ़ेद (सफ़ेद) (White), गगॖर्य (आसमानी) (Grey), मॆरून (बूरा-लाल) (Maroon)...पनॖन्यन शुर्यन ह्यॆछनऻविव

**************************

पंचान्ग:- द्वह द्वह गव नेरान, ॳस्य त्र्यनवय बऻज़ ति ह्यॆतिन सॆहतियाब सपदॖन्य वारॖ वारॖ। चूंकि बॖ ओसुस आई सी यू-अस मंज़ॖय, अत्युक खर्चॖ छु पज़नॖ प्यॆठी आसन तॖ ओसुस भगवानस मंगान ज़ि जलदॖय गॊछ़ म्यॆ अति म्वकजार म्यॆलुन। इन्शोरन्स वाल्यन हॖन्ज़ मनज़ूरी यीतिस कालस मंज़ यिहे, म्यानि न्वशि ॴस्य क़रीबन च़ोर साड च़ोर लछ रॊपियि जमाह करिमत्य। द्यमऻगी तनाव रूद सख़, मोसूम शुर्य ज़ॖ गरस मंज़ कुनी ज़ऺन्य, ॳस्य पानॖ अस्पतालस मंज़ त्र्यन जायन त्रॆ ब्यमार। ख़बर अतर रूज़ चलान फोनस प्यठॖय। यपऻर्य आयि ख़बर ज़ि म्यऻनिस दॊयमिस न्यॆचविस युस गुडगांव ओस पनुन अयाल याने पानॖ, आश्यन तॖ मोसूम कोरि ज़ ह्यथ बिहिथ, तिमन ति आव यि कोरोनावयरस वलनॖ। तिमन सारिनी बऻच़न द्राव ट्यस्ट रिपोर्ट पोज़िट्यु, मगर दयन बचऻव्य अस्पतालॖ बऺर्ती गछ़नॖ निशि। तिम रूद्य गरस मंज़ॖ ब्यॊन ब्यॊन कमरन मंज़, दवा रूदुख चलवुन, ख्यनस च्यनस वरतोवुख पूरॖ पूरॖ ए्हतियात। दूरि दूरी वोत अख ॳकिस हाल चाल प्रॖछ़ान। विडम्बना वुछ्य म्यॆ ज़ि शुर्य कऺट्य ब्रोंह कनि ॴसिथ ति रूज़ व्यछ़य तॖ ह्यॆक्य नॖ अख ॳकिस तीमारदऻरी कऺरिथ। यॆमि महामऻरी होव व्यॊख्तॖय मनज़र। त्राहि त्राहि छि सऻरी करान। बॖ यथ ब्यडस प्यठ आई सी यू-अस मंज़ ओसुस, म्यॆ दऺछनि तरफॖ ॴस अख मऺर्यदियादम ब्यमार ज़नान य्यॊस, बोज़नस तल आम ज़ि  वारियाह कालॖ प्यठॖ ॴस।ॴसमॗच़ आई सी यू-अस मंज़ॖय। ॳमिस ब्यमारस ओस दोहय कुस ताम मर्द तॖ ज़नान आई सी यू-किस दरवाज़स ताम यिथ दजि गऺन्डिथ क्याह ताम चीज़ नऺर्सिहॖन्द्य अथॖ पिलनावान तॖ नमस्कार कऺरिथ नेरान। यि ब्यमार वुछुम यि पिलनोवमुत चीज़ मुच़ॖरावान तॖ अमि मंज़ॖ ॴस अख पनॖदाव कड़ान हऺटिस गन्डॖनॖ बापथ ब्यॆयि अख ल्वकुट स्टीलुव डब्बॖ मुच़रऻविथ अमि मंज़ॖ ट्योक कऺडिथ पानस ड्यकस लागान तॖ सॗत्य सॗत्य शायद कांह मंथॗर परान। यि वुछिथ बास्यव म्यॆ ज़ि इन्सानस पज़ि नॖ दय तॖ दय सॖन्ज़ दय गऺच़ मऺशरावॖन्य कुनि वि़ज़ि ति तॖ कुनि जायि ति। यि कथ मनस मंज़ थऺविथ रूदुस बॖति ब्यैडस प्यठ बिहतॖय हनुमान चालीसा परनि तॖ ब्यॆयि ति कॆंह मंत्र रूदुस परान मनस मंजॖय तॖ बास्यॊम ज़ि तऺम्यसॖन्ज़ मेह्रर छि अपरम्पार। रुत कांछन वाल्यन तॖ ईश्वर सॖन्ज़ ॴशिर्वादॖ सॗत्य आस बॖ गरॖ नॊव ज़न्म ह्यथ न्वशि न्यचिविस सान। कथ छि जऻरी

*************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"  

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)

06.09.2020

06.09.2020, ॴशिद (आश्विन/ ॳसूज) गटॖ पछॖ (कृष्ण पक्ष) च़ोरम  (चतुर्थी) आथवार (रविवार/ऐतवार) श्री सप्तर्षि सम्वत 5096, राश वृष (चलान) ऋतु वऺहरात (वर्षा/बरसात) (चलान) कांबॖर्य पछॖ (पितृ पक्ष) (चलान)

**************************

च़ोरम हुन्द श्राद्ध यी अज़...ॳज़्यकि प्यठॖ मावसि ताम यी पनॖनी द्वह श्राद्ध 

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

ओमकार शरीर कीवल ज़ोनुम

शब्द स्पर्श रूप रस गन्द सॗत्य ह्यथ

आत्म स्वरूप सु पानय ओसुम

परम तत दोरुम शेरस प्यठ

        ************

अर्थात:-  प्रकृति के पांच महाभूतों, आकाश, अग्नि, वायु, जल तथा पृथ्वी एवं उनकी विशेषताओं, शब्द, रूप, स्पर्श, रस, गन्द समेत इन से बने अपने शरीर को मैं ने केवल ओमकार रूप ही जान लिया। मैं ने जान लिया कि यही ओमकार मेरा आत्मस्वरूप भी है। मैं ने इसी परम तत्व या ओमकार को शिरोधारि अर्थात ब्रह्मांड में धारण किया

**************************

रंगन हॖन्द्य नाव कऻशिर्य ज़बऻन्य मंज़ - वांगॖन्य या जामुनी (बैंगनी) (Violet), गूड न्यूल (गहरा नीला)(Indigo), न्यूल (नीला)(Blue), सबॖज़ (हरा)(Green), लॆदुर (पीला)(Yellow), संगतऺर्य (संगतरा)(Orange), व्वज़ुल (लाल)(Red)...यिम छि सथ रंग यिम आसान छि राम राम बऺद्रनि दूनि मंज़ याने इन्द्र धनुषस मंज़। यिमन सतन रंगन हुन्द छ़ॊटरऻविथ शब्द छु अंगरीज़स मंज़ VIBGYOR .... अमि अलावॖ ब्यॆयन रंगन हन्द्य नाव कऻशिर्य ज़बऻन्य मंज़  छि...तोतॖ (रानी)(06.09.2020, ॴशिद (आश्विन/ ॳसूज) गटॖ पछॖ (कृष्ण पक्ष) च़ोरम  (चतुर्थी) आथवार (रविवार/ऐतवार) श्री सप्तर्षि सम्वत 5096, राश वृष (चलान) ऋतु वऺहरात (वर्षा/बरसात) (चलान) कांबॖर्य पछॖ (पितृ पक्ष) (चलान)

**************************

च़ोरम हुन्द श्राद्ध यी अज़...ॳज़्यकि प्यठॖ मावसि ताम यी पनॖनी द्वह श्राद्ध 

**************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ तॖ दाय मॊह्यनिव

**************************

     महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**************************

            लल वाक्

ओमकार शरीर कीवल ज़ोनुम

शब्द स्पर्श रूप रस गन्द सॗत्य ह्यथ

आत्म स्वरूप सु पानय ओसुम

परम तत दोरुम शेरस प्यठ

        ************

अर्थात:-  प्रकृति के पांच महाभूतों, आकाश, अग्नि, वायु, जल तथा पृथ्वी एवं उनकी विशेषताओं, शब्द, रूप, स्पर्श, रस, गन्द समेत इन से बने अपने शरीर को मैं ने केवल ओमकार रूप ही जान लिया। मैं ने जान लिया कि यही ओमकार मेरा आत्मस्वरूप भी है। मैं ने इसी परम तत्व या ओमकार को शिरोधारि अर्थात ब्रह्मांड में धारण किया

**************************

रंगन हॖन्द्य नाव कऻशिर्य ज़बऻन्य मंज़ - वांगॖन्य या जामुनी (बैंगनी) (Violet), गूड न्यूल (गहरा नीला)(Indigo), न्यूल (नीला)(Blue), सबॖज़ (हरा)(Green), लॆदुर (पीला)(Yellow), संगतऺर्य (संगतरा)(Orange), व्वज़ुल (लाल)(Red)...यिम छि सथ रंग यिम आसान छि राम राम बऺद्रनि दूनि मंज़ याने इन्द्र धनुषस मंज़। यिमन सतन रंगन हुन्द छ़ॊटरऻविथ शब्द छु अंगरीज़स मंज़ VIBGYOR .... अमि अलावॖ ब्यॆयन रंगन हन्द्य नाव कऻशिर्य ज़बऻन्य मंज़  छि...तोतॖ (रानी)(Magenta), गुलऻब्य (गुलाबी)(Pink), सफेद (सफेद)(White), क्रुहुन (काला)(Black), गगॖर्य (आसमानी)(Grey)....पनॖन्यन शुर्यन ह्यॆछनऻविव

**************************

पंचान्ग:- अस्पतालॖ वाल्यन सॗत्य ॴस न्वश पौंसन हुन्द लेन देन पानय सम्बऻलिथ। कति ओनुन, कोताह ऒनुन,कऺमिस ह्यॊतुन इन्शोरन्स वाल्यन सॗत्य तारॗ कानॖज करॖन्य वगैरा ॴस न्वश करान पानय। यि अंद ओस तमी सम्बोलमुत। आई सी यू-हस मंज़ ॴस्य ब्यमारन ख़ास एहतियात कऺरिथ। सुबहऻय साडि पान्च़ि या शॆयि बजॖ ॴस कम्पौंडर या नऺरॖस यिवान तॖ निवान रथ कऺडिथ सैंपॖलॖ बापथ, यॊदवय कुनि सातॖ नस या रग ॴसॖख नॖ लबनॖ यिवान अकि फिरि सिरींजॖ सॗत्य, तमि  विज़ि ॴस्य ज़ॖ त्रॆ त्रुस्य हना ज़्यादय पाहन लगान, तमि वजह किन्य ओस अज़ाब सख गछ़ान। चूंकि म्यॆ ओस मधुमेह याने डायबॖटीज़, अमिच मिक्दार रूज़ लगातार हदॖ ह्यॊर तॖ हदस मंज़ शुगर थवनॖ म्वखॖ ॴस्य इन्सॊलीन ति करान युस नॖ म्यॆ अथ वख्तस ताम ज़ांह ति कॊरमुत ओस। अथ सॗत्य सॗत्य ॴस ब्याख अख इन्जक्शन तिम करान यि वऺनिथ ज़ि अमि सॗत्य छु रथ तॊन गछ़ान। यि इन्जक्शन ॴस्य यॆड करान। राथक्युत ज़ॖ त्रॆ बजे ओस एक्सरे वोल यिवान तॖ ब्यडस प्यठ बिहतॖय ब्यमारन एक्सरे तुलिथ नेरान। अख ख़ास चीज़ युस म्यॆ वुछिनस तल आव सु गव यि ज़ि कोरोनावयरस मूजूब ओस सारिनी डाक्टरन, नऺर्सन, कम्पोडरन, खऺदमतगारन, कैंटीनस मंज़ कऻम करनवाल्यन यि दऺप्यज़ि ति प्रथ ॳकिस ओस आमुत कुनी कॖस्मुक ड्रैस दिनॖ यॆमि सॗत्य तिहॖन्द्र बुथ्य ॴस्य नॖ बोज़नॖ यिवान। फिकिरी ओस नॖ तरान ज़ि कुस क्याह छु। डाक्टर यिमन दोहन यॆच़ि फिरि ति आव, सु ओस ग्वडॖ पनुन नाव वनान अदॖ ओस हाल चाल प्रछ़ान। मास्क ओस सारिनी लऻगिथ आसान, ड्रैस ओस कलॖ-नलॗ आसान, ख्वर ताम ॴस्य बंद ड्रैसस तल। बासान ॴस्य ज़न छि यिम परलूकॖ प्यठॖ पृथ्वी लूकस प्यठ आमॗत्य। मंज्य मंज़्य ओस दु-च़्यॊत गछ़ान, युस बासान ओस कम्पौंडर, स्व ॴस् नऺरॖस आसान।आई सी यू-हस मंज़ ओस नॖ इजाज़त वाश-रूम ताम गछ़नस, ममऻनियथ ॴस कोरोनावयरसॖ मूजूब।  ज़ल-मल ओस ब्यैडस प्यठॖय प्यवान करुन। सीवादार ॴस्य बराबर हऻज़िर आसान मगर अख अज़ाब ओस यि ति।  मजबूरी ॴस। ख्यावनॖच च्यावनच व्यवस्था ॴस ठीख बासान। पानस सॗत्य मोबाईल थवुन ओस यन्नाह। अल्बतॖ अख मोबाईल ओस क्वौंटरस प्यठ यॆमि दऺस्य कऻन्सि सॗत्य कथ बाथ ॴस  यिवान करनॖ। पौंसॖ छु वज़ान।कथ जि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)), गुलऻब्य (गुलाबी)(Pink), सफेद (सफेद)(White), क्रुहुन (काला)(Black), गगॖर्य (आसमानी)(Grey)....पनॖन्यन शुर्यन ह्यॆछनऻविव

**************************

पंचान्ग:- अस्पतालॖ वाल्यन सॗत्य ॴस न्वश पौंसन हुन्द लेन देन पानय सम्बऻलिथ। कति ओनुन, कोताह ऒनुन,कऺमिस ह्यॊतुन इन्शोरन्स वाल्यन सॗत्य तारॖ कानॖज करॖन्य वगैरा ॴस न्वश करान पानय। यि अंद ओस तमी सम्बोलमुत। आई सी यू-हस मंज़ ॴस्य ब्यमारन ख़ास एहतियात कऺरिथ। सुबहऻय साडि पान्च़ि या शॆयि बजि ॴस कम्पौंडर या नऺर्स यिवान तॖ निवान रथ कऺडिथ सैंपॖलॖ बापथ, यॊदवय कुनि सातॖ नस या रग ॴसॖख नॖ लबनॖ यिवान अकि फिरि सिरींजॖ सॗत्य, तमि  विज़ि ॴस्य ज़ॖ त्रॆ त्रुस्य हना ज़्यादय पाहन लगान, तमि वजह किन्य ओस अज़ाब सख गछ़ान। चूंकि म्यॆ ओस मधुमेह याने डायबॖटीज़, अमिच मिक्दार रूज़ लगातार हदॖ ह्यॊर तॖ हदस मंज़ शुगर थवनॖ म्वखॖ ॴस्य इन्सॊलीन ति करान युस नॖ म्यॆ अथ वख्तस ताम ज़ांह ति कॊरमुत ओस। अथ सॗत्य सॗत्य ॴस ब्याख अख इन्जक्शन तिम करान यि वऺनिथ ज़ि अमि सॗत्य छु रथ तॊन गछ़ान। यि इन्जक्शन ॴस्य यॆड करान। राथक्युत ज़ॖ त्रॆ बजे ओस एक्सरे वोल यिवान तॖ ब्यडस प्यठ बिहतॖय ब्यमारन एक्सरे तुलिथ नेरान। अख ख़ास चीज़ युस म्यॆ वुछिनस तल आव सु गव यि ज़ि कोरोनावयरस मूजूब ओस सारिनी डाक्टरन, नऺर्सन, कम्पोडरन, खऺदमतगारन, कैंटीनस मंज़ कऻम करनवाल्यन यि दऺप्यज़ि ति प्रथ ॳकिस ओस आमुत कुनी कॖस्मुक ड्रैस दिनॖ यॆमि सॗत्य तिहॖन्द्य बुथ्य ॴस्य नॖ बोज़नॖ यिवान। फिकिरी ओस नॖ तरान ज़ि कुस क्याह छु। डाक्टर यिमन दोहन यॆच़ि फिरि ति आव, सु ओस ग्वडॖ पनुन नाव वनान अदॖ ओस हाल चाल प्रछ़ान। मास्क ओस सारिनी लऻगिथ आसान, ड्रैस ओस कलॖ-नलॖ आसान, ख्वर ताम ॴस्य बंद ड्रैसस तल। बासान ॴस्य ज़न छि यिम परलूकॖ प्यठॖ पृथ्वी लूकस प्यठ आमॗत्य। मंज्य मंज़्य ओस दु-च़्यॊत गछ़ान, युस बासान ओस कम्पौंडर, स्व ॴस् नऺर्स आसान।आई सी यू-हस मंज़ ओस नॖ इजाज़त वाश-रूम ताम गछ़नस, ममऻनियथ ॴस कोरोनावयरसॖ मूजूब।  ज़ल-मल ओस ब्यैडस प्यठॖय प्यवान करुन। सीवादार ॴस्य बराबर हऻज़िर आसान मगर अख अज़ाब ओस यि ति।  मजबूरी ॴस। ख्यावनॖच च्यावनच व्यवस्था ॴस ठीख बासान। पानस सॗत्य मोबाईल थवुन ओस मन्नाह। अल्बतॖ अख मोबाईल ओस क्वौंटरस प्यठ यॆमि दऺस्य कऻन्सि सॗत्य कथ बाथ ॴस  यिवान करनॖ। पौंसॖ छु वज़ान।कथ जि जऻरी

**************************

कऻशुर ह्यॆछव कऻशुर परव

कऻशिर्य पऻठ्य पानॖवॖन्य कथ बाथ करव

**************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(koshursabak.blogspot.com ति वुछिव)