23.06.2019

23.06.2019 हारॖ (आषाढा) गटॖ पछॖ (कृष्ण पक्ष) शॆयम (षष्ठी) आथवार (एतवार रविवार) श्री सप्तार्षि सम्वत 5095, राश कुम्भ (चलान), ऋतु ग्रीष्म (चलान)...द्रठॖपऻन्च़ुक (पंचक) (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: च़ठिथ ह्यन्दॖवन्दॖ तॖ
         पृछ़िथ सौदा
    अ: सोदा गछ़ि वुछिथ तॖ
         चुकऻविथ करुन
2. मु: छ़ावल्या प्वलावॖ हा
       दॊपनस म्यानिनॖय नाटन
    अ: ब्यॆयि सॗन्दिस ख़ूनस
         मश्कॖ करनि
3.मु:च़िथ्थॖर हय द्वशि वऺरियस
       पोशि
   अ: च़िथ्थरस मंज़ छु रूद
        सज़वुन आसान
4. मु: च़ॖ तॖ बॖ  तॖ लॖतॖ बब
    अ: स्यठाह कम त्येदादॖ
         नफ़री/छ़ॊट अयाल
5. मु: च़ऻन्गिस तल अनि-गॊट
    अ: यॆति कांह चीज़ मॊह्या
         आसि तति नॖ तम्युक
         फ़ऻयदॖ वातुन
**********************
1. हिबॖ....Gift/Present
2. हिबॖ नामॖ....Deed of
           gift/Gifted deed
3. हिबॖ करुन.To execute
           a deed of gift
4. हु......That/He
5. हपुन....To wait for/
               Anticipate
6. अच़ॊप....Unchewed/
            Not munched/
            Not chewed
7. अछ़ॊल...A simple
           minded/Gentle/
           Straightforward
8. अच़ुन....To enter
9. अस्वन्दर....Ugly
10. अस्तॖ....Measure-
           ment about feet
**********************
     गीता ज्ञान :अध्याय-13
तिक्याज़ि युस सऻर्यसॖय मंज़ डेंशान, दऺरिथ सम भावॖ ब्रह्म वुछान
सु पानय पानस छु नॖ नष्ट करान
वॊन भगवानन गीता ज्ञान
**********************
आल के पी आरगनयज़ेशनज़ महासम्मेलन आव राथ पम्पोश कालोनी, दिल्लि हॖन्दिस शिव मंदरस मंज़ आयोजित करनॖ। नॊव वलॖ वलॖ नॊव जोश नॊव क़दम नऺव वथ नॊव तदबीर आव छ़ान्डनॖच़ कूशिश करनॖ ज़ि किथ पऻठ्य तॖ कम तऺरीकॖ ह्यकव ॳस्य कऻशिर्य बटॖ ब्यॆयि कऺशीरि वऻतिथ तॖ पनॖनि तथ कऺशीरि मंज़ ब्यॆयि तिथय पऻठ्य रिहऻयिश कऺरिथ यिथॖ पऻठ्य अज़ त्रॖह वऺरी ब्रौंठ रूज़िथ ॴस्य। यॆलि तति आतंकवाद्यव च़ऺलॖरऻव्य कुनवुह शथ तॖ नमतस मंज़ कॆंह सऻन्य बऻय ब्यॆनि मऻरिथ छ़ॖनिख तॖ दहशथ फऻलऻवुक तॖ बटॖ च़ऺल्य पनुन पान बचावनॖ बापथ, पनॖन्यन शुर्यन कट्यन हुन्द यज़थ बचावनॖ बापथ तॖ आयि कऺशीरि न्यबर छऺक्करनॖ अख लार तॖ अख दार। अथ सम्मेलनस मंज़ आयि कॆंच़न संस्थायन हन्द्य  व्यच़ार थवनॖ, कॆंच़न हॖन्ज़ राय तदबीर थवनॖ तॖ कॆंच़न हॖन्ज़ॖ शिकवे शिकायतॖ थवनॖ। नतीजि द्राव ज़ि अख क्वाडिनेशन कऺमटी काहन नफ़रन हॖन्ज़ बनावनॖ यिम यिमन सारिनॖय ख़यालन अख रंग रूप दिनॖच्य कूशिश करन तॖ यि मुहिम ब्रौंहकुन पकनावन। श्री रमेश जी ज़ाडू तॖ श्री डी के गॊंजू छि अलम थऺज़ थविथ सम्पूर्ण संगठन संस्थायि हॖन्दिस दामनस थफ कऺरिथ द्रामॖत्य कमर कऺसिथ कॆह हल छ़ान्डॖनि कऺशिर्य बटन हॖन्दि बापथ। वुछव ॳस्य ति कति व्वथि तॖ कति ब्यॆहि।
**********************
"वन्दे लम्बोदरं देवं वन्देsहं गुरुपादुकाम।स्वस्थं साक्षात शिवं वन्दे गुरुदेवं भवार्तिहम्।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

22.06.2019

22.06.2019 हारॖ (आषाढ) गटॖ पछॖ (कृष्ण पक्ष) पऻन्च़म (पन्चमी) बटॖवार (शनिवार/ शनिश्चरवार)श्री सप्तार्षि सम्वत 5095, राश कुम्भ (सुबहॖचि 7.38 बजि प्यठॖ) ऋतु ग्रीष्म (चलान)..ॳज़्यकि प्यठॖ छु द्रठॖपऻन्च़ुक (पंचक) ति शुरु
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: छ़ॊप गाव गुदऻम्य खाव
    अ: ख़ामोश इन्सान छु वु-
         टॊकुर आसान
2. मु: छ़ॊर अथॖ छु नॖ ॳच़ान 
         ॴसस ति
    अ: लाचऻरी छि इन्सानस
         मारान
3. मु: छ़ॊटि बरॖ व्वटि बोर
    अ: सऺहल वथ छ़ांडॖन्य
4. मु: च़्वन पऻहरन कस दॊद
         च़ोंग
    अ: दौलथ छॆ नॖ पोशॖवॖन्य
5. मु: च़्यथ रछय तॖ वऻलिंज
         तछय
    अ: ज़बऻन्य तसल्लाह द्युन
         तॖ ॳन्दॖर्य ज़ख वातॖ-
         नावुन।
**********************
1. हऻल..Habit/Custom/
             Practice
2. हऻथी..Satisfied/Rich
              Wealthy
3. हऻन्ज़....Boat-man/
            Sailor/Sea-man
4. हऻबथ...Fear/Terror/
            Danger/Scare/
            Dread/Awe
5. हऻबथ गछ़ुन...To be
            frightened/To
            be terrified
6. अच़ॖ रछ़....Dancing
            girl/Prostitute/
            Fairies
7. अज़ताम...Till today
8. अरॖहर...Pigeon/Pea/
            A kind of pulse
9.  अरमान.... Ambition/
            Yearning/Long-
         ing/Wishfulness/
         Desire
10. अरम..... Back-teeth
**********************
     गीता ज्ञान :अध्याय-13
यिमन नाश गछ़न वाल्यन मंज़ ज़ान, अविनऻशी ब्रह्म सम भाव रोज़ान
युस यि ज़ानि सु परमगऺती प्रावान
वॊन भगवानन गीता ज्ञान
**********************
दपान ॳर्य आयि सऻरीय ऒर कुस गव। पानस ॳन्द्य-पऺख्य नज़र त्रऻविथ प्यव म्यॆ यि दॊप बदॖलावुन तॖ म्योन वनुन छु ज़ि ऒर आव नॖ कांह कांह ऒर गव नॖ कांह ज़ांह। बचॖ अख मोसूम वुछुम ट्रेनि मंज़ पानस स्यदॖस्यॊद सीटि प्यठ बिहिथ पनॖनिस मऻलिस माजि सॗत्य असान-गिन्दान। म्यॆ कुन ति प्यॆयस नज़र तॖ कलॖ फ्युर द्युतुन तॖ ब्यूठ ब्यॆयि पनॖनिस पानस सॗत्य गिन्दनि। म्यॆ प्रुछ़ ॳमिस बचस नाव तॖ ॳम्य द्युत कनॖ-डोल। ॳम्यसॖन्द्य मऻल्य होवनम इशारॖ सॗत्य ज़ि यि छु नॖ ह्यकान कथ कऺरिथ। म्यॆ लऺज्य पानस दॖनन हिश। बचॖ बास्योम पांछ़ शु वुहुर तॖ मगर कथ नॖ करुन गव मतलब यि बचॖ छु ज़ामुत कॊल। कथ कथ करान नन्यव म्यॆ ज़ि यि बचॖ ओस ॴठॖ नवॖ वुहुर मगर ॳम्यसुन्द जिस्म ओस क्रॆट्योमुत यूत ज़ि बासान ओस ति ज़न पांच़ॖ शु वुहुर। यिति नन्योम ज़ि यि बचॖ ओस नॖ कॊल ति बऺल्कि मंज़्य मंज़्य ओस वनान पापा, मम्मी मगर बडॖ मुश्किलॖ सानॖय। यि वुछिथ वोनुम पानस सॗत्य ज़ि सोन दॊप यानि मुहावरॖ छु ग़लत अल्बतॖ मुहावरॖ गछ़ि आसुन कांह कांह आव नॖ ऒर तॖ ऒर गव नॖ कांह ति ज़ांह। यि बचॖ छु व्वंय हावुन डाक्टरस ति वॊन ॳमिस बचॖ सॖन्द्य मऻल्य म्यॆ। पतॖ सूंच म्यॆ वाकॖयी कति छि ॳर्य यिवान सऻरी। कांह छु आसान कॊल, कांह छु ज़्यवान ज़ॊर, कांह ऒन तॖ कांह कोन। कांह नॖ पऺकिथ ह्यकान तॖ कांह नॖ वॊथिथ ह्यकान। दय गछ़ि रऻछ करुन प्रथ ॳकिस। मगर मन छु दुखी गछ़ान यॆलि कुनि कुनि सातॖ नज़रि यिवान छि खॊठज़द इन्सान यिम ज़न्मॖ प्यठय यिथिस हालतस मंज़ यिवान छि। ज़िन्दॖ छि तिम ति रोज़ान मगर ॳन्दॖर्य ॳन्दॖर्य आसन सासॖ बऺद्य अरमान कूरिथ थऺविथ ॳकिस ब्यॆयिस सॗत्य व्वथान-बिहान, असान-गिन्दान अड्ल्यॊक पान ह्यथॖय। दय सॖन्ज़ि दयिगऺच़ कर नमस्कार। ज़िन्दगी हॖन्दिस सफ़रस मंज़ वुछान छि कम कम चमत्कार।
**********************
"मन्नाथ: श्री जगन्नाथो मद्गोरु:
श्री जगद्गुरु:। मदात्मा सर्वभूतात्मा तस्मै श्री गुरुवे नम:।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

17.06.2019

17.06.2019 ज़्यॆठॖ (ज्येष्ठ) ज़ूनॖ पछॖ (शुक्ल पक्ष) पुनिम(देवादेव) (पूर्णिमा)च़ऺन्दॖरवार (सोमवार)श्री सप्तार्षि सम्वत 5095, राश धनु (दुहचि 10.42 बजि प्यठॖ)ऋतु ग्रीष्म (चलान)....अज़ छु रूप भवऻनी प्रकाश दिवस ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात।
**********************
1. मु: सूर मऺथित च़ूरॖ जमाथ
    अ: स्व बदमाश जमाथ
         यथ नॖ नन्यर गोमुत
         आसि
2. मु: सॊमिस सॊम न्यामथ तॖ
         बॆसॊम कयामथ
    अ: हिविस ह्यु छु सजान
         तॖ बे-हिशरन छि ठोंसॖ
         ठॊंस रोज़ान
3. मु: स्वदामुन सॊत-फॊल
    अ: ग़रीब सुन्द कम छु
        अमीर सॖन्दि सासॖ ख्वतॖ
        जान
4. मु: सुवुन तॖ ग्यवुन तगि
         प्रथ कऻन्सि मगर सुवुन
         छु सुवुनुय तॖ ग्यवुन छु
         ग्यवुनुय
    अ: प्रथ कांह छु नॖ कारस
         मंज़ मुक्कमल ॴसिथ
         ह्यकान
5. मु: सॊरॖ रग मेलि वोरॖ रग
         मेलि नॖ
    अ: वोरॖ मऻज्य ह्यॆकिनॖ
         लोलॖच रग ॴसिथ
**********************
1. हऻन्कल....Iron chain
2. हान्गुल.....Stag
3. हान्गॖल्य ह्यंग...Horn of
                         stag
4. हावुन...To show/To
        exhibit/To display
5. हाहा कार...An uproar/
               Lamentation/
             Consternation/
        Sound of distress
6. अरबाब....Owners/
         Lords/Officers/
         Members
7. अरतल....Gold leaf
8. अरब....100 crores
9. अरथाथ.....That is to
         say/Namely/Like
         as/Like this/That
          is
10. अरकॊश....Saw dust
**********************
   गीता ज्ञान :अध्याय-13
ही अर्ज़न यि ज़ड तॖ चेतन ज़ान, क्षेत्र तॖ क्षेत्रॖ यऺगॖ मलॖ पऻदॖ सपदान
यि च़र अच़र सोरूय छु नाशवान
वॊन भगवानन गीता ज्ञान
**********************
रातुक द्वह रुद फ्रूच़ तॖ रुत  दॊयव त्रॆयव रंग्य। ग्वडन्युक रंग रूद गाशॖतारुख सॆमि-फाइनल यथ मंज़ वुछनॖ आव बचन हुन्द ग्यवुन, नच़ुन तॖ साज़ वायुन। यिमव शुर्यव मंज़ यिम च़ारनॖ यिन तिमन छु आथवारि द्वह यानि त्रॊवुहमि जून फाइनलस मंज़ वऻतिथ  पनॖन्य जवहर हावॖन्य तॖ बनुन गाशतारुख । रातकिस अथ प्रोग्रामस मंज़ द्युत उत्पल कौल जीयन अख प्रवचन   सान्यन शुर्यन तॖ वॊनॖनख ज़ि सऻन्य कऺशीर येति प्यठॖ असि प्यव च़लुन पनुन ज़ुव तॖ यज़थ बचावनॖ म्वखॖ अज़ त्रॖह वऺरी ब्रौंठ स्व कशीर कॗच़ाह थऺज़ रूज़मॖच़ छि पनॖनि सभ्यतायि मंज़। कऻत्याह महा-प्वरुश छि पऻदॖ गऻमॖत्य सानि कऺशीरि मंज़।हवालॖ द्युतनख कल्हनॖन्य राज तरंगनी तॖ नीलमत पुरानुक।  कथ आयि शुर्यन तॖ तिहन्द्यद ज़िठ्यन ताम अमि म्वखॖ वातनावनॖ ज़ि ज़रूरी छु नॖ तलवारि तॖ बॊन्दूकॖ सॗती कांह लडायि ज़ेनॖन या पनुन हक़ हऻसिल करुन बल्कि पनॖनि कलायि सॗत्य ति छि ह्यकान यिम कामि कऺरिथ। शुर्यन आव वनॖनॖ ज़ि तिम ति त्रावन पनुन पान तथ सांचस मंज़  युस तिमन थऺदिस मुकामस ताम वातनावि तॖ तिम ह्यकन पनॖन्य कऺशीर पनॖन्य तस्वीर बनऻविथ अज़ नय तॖ पगाह। दोयिम रंग ओस ज़ि सऻनिस समाजकिस ॳकिस शहीद जवानस  स्व सुशील जी एमा सॖन्ज़ि बापथ मीज्य गुडगांवस मंज़ ज़मीन च़कुल यथ प्यठ अख म्यमोरियल यी सुशील जीनि नावुक बनावनॖ।तथ जायि आव राथ भूमि-पूजन करनॖ तॖ त्रॆयिम तॖ ॴखरी रंग ओस ज़ि सान्यव क्रिक्यट खिलार्यव दिच़ पऻकिस्तानस माथ तॖ बनऻवॖख पनॖन्य वथ साफ वऺर्ल्ड कपकिस फाइनलस ताम वातनावनॖ बापथ
**********************
"नमो धर्मनिधानाय नम: स्वकृतसाक्षिणे, नम: प्रत्यक्ष देवाय श्री भास्कराय नमो नम:।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

16.06.2019

16.06.2019 ज़्यॆठॖ (ज्येष्ठ)ज़ूनॖ पछॖ (शुक्ल पक्ष) च़्वदाह (देवादेव) (चतुर्दशी)आथवार (एतवार/ रविवार)श्री सप्तार्षि सम्वत 5095, राश वृश्चिक(चलान)ऋतु ग्रीष्म (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु:सोपूर्य माज़रथ
    अ: दपान सोपोरॖ ॴस्य
        ब्रौंह कालि छ़ऺरॖय माज़-
        रथ करान
2. मु: स्वनस बोश कनस तल
    अ: प्रथ कुनि चीज़स छु
         पनॖनि जायि सऺही बंजर
3. मु: स्वनॖ रॊफॖ कनि छुय
         ताराचन्द
    अ: छऺलिथ तॖ छॊकिथ/
         ह्यनॖ दिनॖ वरऻयि
4. मु: सॊन्दरी हॖन्दि शान्दय
    अ: मस्त मगन आसुन/
         कुनिच नॖ ख़बरॖय
         आसॖन्य
5. मु: सिवन ल्यॆज्य द्रायि
         बुज़न ल्यॆज्य च़ायि
    अ: अकि बलायि म्वक-
         लिथ ब्यॆयिस बलायि
         लगुन
**********************
1. आवुर.....Busy
2. म्वकुल....Free
3. ज़्यूठ.....Long
4. थ्वद......High
5. छ़ॊट......Short
6. छ़्यॊट....Impure
7. राथ...... Yesterday
8. अज़......Today
9. पगाह..... Tomorrow
10. वुन्य.....Just now
**********************
     गीता ज्ञान:अध्याय-13
ब्यॆयि ति कॗत्य यिम कम अकॖल आसान, ज्ञऻनियन निशि बूज़िथ अमल करान
तिम ति छि सागरस तार लबान
वॊन भगवानन गीता ज्ञान
**********************
कथ-बात तॖ ब्यॆयि क्याह प्रोग्राम छु चलान बडॖ जान पऻठ्य यथ मंज़ बजन कीर्तन छु यिवान करनॖ गुडगांवस मंज़ रोज़न वाल्यन कॆंच़न बख्तन हॖन्द्य दऺस्य। ख़ास कथ छि यि ज़ि यि मंडली छि प्रथ बटॖवारि शामन सति बजि प्यठॖ रातस काहन बाहन बजन ताम कीर्तन करान रोज़ान यथ मंज़ कॆंह ल्वकॖट्य बच्चॖ ति छि शिरकथ करान तॖ लीलायि,जंत्री मंज़ॖक्य कॆंह मंत्र परान बड्यन सॗत्य सॗत्य। संजय भठ छु बडॖ शौकॖ सान, बख्ती सान, प्रॆमॖ तॖ लगनॖ सान पनॖनि मॊदुर्य आवाज़ि मंज़ अथॖबाजस प्यठ ईश्वर लीलायि ग्यवान। अमी मारमति छु संजय जियन पूरॖ साज़ोसामान सॊम्बरोवमुत तॖ छु लीन गछ़ान बख्ती मंज़ तॖ बाकय बख़त ति छि दय नाव स्वरान रोज़ान। ज़नानॖ मर्द शुर्य बऺड्य छि समान तॖ कीर्तन रथि खारान। पतॖ छि नवीन ति करान तॖ अदॖ गछ़ान पनॖन्यन पनॖन्यन गरन।
**********************
"ज्ञानं ज्ञेयं ज्ञान प्रसारं ज्ञानेन्द्रं,
ज्ञानाकारं ज्ञान प्रबोधं ज्ञानतत्वम्। एकं नित्यं विश्वाराध्यं हृदिवेशं, वन्दे गुरुदेवं शैवयतीन्द्रं भगवन्तम्।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

15.06.2019

15.06.2019, ज़्यॆठॖ (ज्येष्ठ) ज़ूनॖ पछॖ (शुक्ल पक्ष) त्रुवाह(देवादेव)(त्रयोदशी)बटॖवार (शनिवार/ शनिश्चरवार)श्री सप्तार्षि सम्वत 5095,राश वृश्चिक (चलान)ऋतु ग्रीष्म (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: स्वनॖ पोश ति तार ति
         व्यनॖ पोश ति तार
    अ: प्रथ कांह कऻम छि
         अंद वातान
2. मु: स्वनि हॖन्ज़ प्वन्द
    अ: हंगॖ मंगॖ कॖठ कडॖन्य
3. मु: सूरस मंज़ सॖच़न
    अ: यि नॖ आसऻनी सान
         अथि यी
4. मु: सोंतॖ च़ायो वारि क्वकुर
         हरदॖ कॊरहऻस हिश
    अ: वख्तस प्यठ नॖ कारस
         वातुन
5. मु: सन्दिजि दिवान ज़ऻल्य
       ह्यन्दॖव्यन्द च़लान नीरिथ
    अ: बऺडिस फ़ऻयदस कुन नॖ
          गछ़ुन पीन्त्यन सनुन
**********************
1. हाल...Hall/Condition
2. हालव.... Locust
3. हाम्.A kind of weeds
4. हान.... Allegation/
          Accuse/Charge/
          Impeachment/
          Imputation
5. हान खसॖन्य...To be
          alleged/To be
          accused/To be
          imputed
6. अध्यात्मॖ.... Spiritual/
          Relation to sprit
      or soil as distingui-
      shed from physical
      nature
7. अर्दांगनी....Wife
8. अरॖग....Grains for
           pooja (rice/
           barley)
9. अरॖवरॖ....From all
         sides/From head
         to foot/From this
         end to that
10. अराकीन...Members
           Pillars/Columns
**********************
     गीता ज्ञान :अध्याय-13
कऻत्याह मनुश तस ब्रह्मस वुछान, सूक्षम ब्वज़ हृदयस मंज़ दऻरिथ ध्यान
कॆंह ज्ञानॖ कॆंह कर्मॖ यूगॖ प्रावान
वॊन भगवानन गीता ज्ञान
**********************
न्यर्ज़ला काह ॴस्य ऊतर। वारियाह संस्थायव दऺस्य आयि मॊदुर त्रेश च्यावनावनॖ लूकन वति वति। कॆंचन सुसाइटियन मंज़ रोज़न वाल्यव बसकीनव ति ॴस यि व्यवस्था थऺवमॖच़  तॖ वोतुख त्रेश च्यावान वति पकवॖन्यक्यन लूकन तॖ वऻच़ॖख तिहॖन्ज़  ॴही प्रावान। यि छि वाकऺय अख धर्मॖच कऻम कऻन्सि त्रेश चावुन्य। यॆति अकि तरफॖ आव वति वति यि द्वह मनावनॖ बडॖ श्रद्धायि तॖ लगनॖ सान मगर  ज़ॖ चीज़ गऺयि म्यॆ नज़रि यिम म्यॆ बासान छि त्वहि ताम वातॖनावॖन्य तॖ पनुन  फ़र्ज़ अदा करुन। ग्वडॖन्युक चीज़ गव यि ज़ि शायद छि असि गन्दगी मंज़ रोज़नॖच हऻल गऻमॖच़। कॆंच़न जायन ॴस्य हरगाह कूडॖदानॖच्य व्यवस्था आमॖच़ करनॖ मगर  त्यूत कऺरिथ ति ॴस्य कॆंह लूख आदतन मजबूर तिमव कॊर नॖ कूडॖदान इस्तिमाल बऺल्कि त्रऻविख  प्लास्टिक लिफ़ाफॖ, प्लास्टिक गलासॖ, कटोरि बेतरी मंज़ सडकि या दऺछिन्य खॊवॖर्य नाल्यन मंज़।   यॆम्यकि वजह सॗत्य वति पकनवाल्यन लूकन, गाड्यन, स्कूटियन वोत बडॖ तक्लीफ तॖ दिक्कथ। सडकॖ ति बासेयि गन्दॖ। कॆंच़न जायन ॴस नॖ कूडा दान थावनॖच्य व्यवस्था
आमॖच़ करनय। लूकव ति ज़ोन हज़ीमतस ग़नीमत तॖ गऺयि छ़्वठ ओरॖ योर फऻलावान। दोयिम चीज़ वुछ म्यॆ ज़ि मॊदुर त्रेश ॴस यिवान च्यावनावनॖ मगर कॆह बिच़ऻर्य यिम शुगर पेश्यन्ट ॴस्य तिहॖन्दि बापथ पज़िहे कॆंह बदलॖ त्रेश यानि न्येम-त्रेश नूनॖदार च्यावनॖच  व्यवस्था करनॖ। ताहम यथ गरमॖ क्रायि मंज़ त्रेश लूकन ताम वातनावॖन्य ॴस वाकॖय सत्य-धर्मॖच कऻम य्यॊस जान पऻठ्य आयि अंद वातनावनॖ।  अख व्यनती छि म्यॆ ज़ि असि पज़ि यूत बॖ त्यूत कूशिश करॖन्य छ़्वठ पानस अंद्य पऺख्य गंद नॖ वाहरावॖन्य सॗत्य सॗत्य पनॖन्यन शुर्यन कट्यन ति यि संस्कार द्युन।
**********************
"नमोस्तुगुरुवे तस्मात इष्टदेवस्वरूपिने।
यस्य वाग्मृतम हन्ति विषं संसार संज्ञकम्।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

14.06.2019

14.06.2019 ज़्यॆठॖ (ज्येष्ठ) ज़ूनॖ पछॖ (शुक्ल पक्ष) बाह (देवादेव)(द्वादशी) शॊकुरवार (शुक्रवार जुम्मा),श्री सप्तार्षि सम्वत 5095, राश वृश्चिक (रऻच़ हन्ज़ॖ 4.00 बजि प्यठॖ)
ऋतु ग्रीष्म (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: सॖच़न दपान पनॖ दावि
         सऻरी छि गऻमॖत्य अकी
         नावि
    अ: सऻरी ॳक्यसॖय गन्डस
         मंज़ वलनॖ आमॖत्य/
      सारिनॖय अकुय मुसी़बथ
2. मु: सुलि हॖन्द्य गुल्यमीठ्य
    अ: हॊछी हमदर्दी/छ्यनी
         नालमॖत्य
3. मु: समुत छॆ ह्यमथ
    अ: इतिफ़ाकस छु ताक़त/
         अख तॖ अख गव काह
4. मु: समन्दर छु सॊन लाल
         जवऻहिर छिस व्यपान
    अ: यॆमिसॖन्दिस स्वभावस
         यूताह सन्यर आसि
         तऺम्यसॖय निश छि
         दानशमन्दी हॖन्ज़ कथ
         व्यपान
5. मु: समन्दरस मंज़ यीरॖ
         गऺछ़िथ गासस थफ
         करॖन्य
    अ: मुसीबतस मंज़ फऺसिथ
         यॆमि सॗत्य नॖ कॆंह अन्दि
         तऺथ्य थफ दिन्य
**********************
1. हाख....Greens/Khol/
               Sweeds
2. हाकॖ ब्वद....A bundle
            of knoll khol
3. हाकॖ रंग.... Colour of
          knoll khol/Green
          ,colour
4. हाख बत्तॖ पोशुन...To
          maintain liveli-
          hood
5. हाख बत्तॖ ख्यॊन... To
          eat for survival
6. अदना.... Ordinary/
          Mean/Inferior/
          Small/Wretched
7. ॳदीब....Writer
8. अरॖदॖल्य.....Orderly
9. अदबॖ सान...With due
                       respect
10. अदा....Payment/
            Execution/Dis-
            charge/Accom-
            plishment/Per-
        formance/Grace/
        Blandishment/Ex-
        pression/Hand-
    somness/Elegance
    Graceful/Manners
**********************
     गीता ज्ञान :अध्याय-13
यिथॖ पऻ़ठ्य प्वरुश तॖ प्रकृती ज्ञान, युस मनुश यि ग्वनव सान ज़ानान
सु सोरुय कऺरिथ ति नॖ ज़्यवान
 मरान
वॊन भगवानन गीता ज्ञान
**********************
स्यठाह जान गव ज़ि सऻरी सऻन्य बऻय-ब्यॆनि वऻत्य वापस पनॖन्यन पनॖन्यन गरन माजि रऻज्ञन्यायि हुन्द दर्शुन कऺरिथ कऺशीरि क्षीर भवऻनी, तुलमुलि प्यठॖ। आतंकवादुक फ्रटॖ फ्रट आसिहेक सॗत्य ति क्याज़ि तति छु तनाव दऺछिन खोवॖर्य चलान। यिमनॖय दॊहन मऻरिख अनन्तनागॖ तरफॖ कति ताम पांछ़ आर्मी जवान।पताह छु नॖ लगान कर व्वथि तॖ कपऻर्य व्वथि कुस आतंकवऻद्य तॖ नी दुशकर्म कऺरिथ। यि छॆ नॖ मोमूली कथ कॆंह ज़ि यिम त्रॖह वऺरी गऺयि बराबर कऺशीरि मंज़ यि मारा मऻरी चलान। यिथ्यन हालातन मंज़ किथॖ पऻठ्य ह्यॆकि कऻशुर बटॖ मुस्तकॖल तौर पऻठ्य कऺशीरि वापस गऺछ़िथ तॖ तति ज़िन्दगी बसर कऺरिथ। ज़ानि दय यि तनाव कॗतिस कालस छु असि ब्यॆयि वुछुन। म्वखसरॖ कऺरिख ॳस्य छ़्यनॖ पनॖनि कऺशीरि निशि हालस। तिम छि ख्वश ज़ि तिमन म्यूल वखॖत गिन्दनुक बटॖ सॖन्दिस मालस। ॳस्य छि परेशान असि आव नॖ कॆंह हऻसिल वुन्युखताम वऺनिथ पनॖन्य दऻद्य कांगॖर नरेन्द-लालस। कॊत ताम रोज़ि क्रेशुन वदुन कॊत ताम रोज़ि युन तॖ गछ़ुन, मऻज्य रऻज्ञन्यऻय कर दया। प्रारब्ध ब्यॆयिस ज़्येठॖ ॴठम ताम।कति व्वथि कति ब्यॆहि। व्वंय छि नज़र असि अमरनाथ यात्रायि प्यठ। पऺकिव करव ॳस्य ततिच तयऻरी। त्वहि शंकर भगवान करुन पनॖन्य यऻरी।
**********************
"योगक्षेमन्करी हृद्यां वराभयधरां प्रियाम।
स्वरूप-गोपन व्यग्रां वन्देsहं गुरुपादुकाम्।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

13.06.2019

13.06.2019 ज़्यॆठॖ (ज्येष्ठ) ज़ूनॖ पछॖ (शुक्ल पक्ष) काह(देवादेव)(एकादशी)
ब्रसवार (वीरवार/ब्रहस्पतवार)श्री सप्तार्षि सम्वत 5095, राश तुला (चलान)ऋतु ग्रीष्म (चलान)...अज़ छि निर्जला एकादशी ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: सिरस सरपोश
    अ: राज़ पर्दस तल थवुन
2. मु : सिरस गव फाश कथि
          द्राव वाश
  अ: कुनि मसलुक हल कांह
       राज़ नॊन न्यॆरनॖ सॗत्य
       गछ़ुन
3. मु: सिरॖ सान पीरॖ माहराज़ॖ
         आव
    अ: ॴलिम तॖ कऻमिल
       इन्सान छि नॖ हाव बावस
       प्यठ यकीन करान
4. मु: श्रन्डन हॖन्ज़ लडऻय
         च़्रन्डन हॖन्ज़ शाहमत
  अ: द्वन ज़न्यन हॖन्ज़ि लडाय
       मंज़ छु बे-कॊसूर लतॖ-
       म्वंजि गछ़ान
5. मु: सऺर्य प्यॆठ्य सऻलाब
    अ: बे-अन्दाज़ॖ ज़्यादती
**********************
1. हार.....Failure/Neck-
               lace/Garland
2. हार मानॖन्य..To accept
                      defeat
3. हारॖ फॊल...A bead of
                  a necklace
4. हारॖ......Money
5. हारॖ वोल.... Wealthy
6. अदॖ कुस...Who else
7. अदॖ कति..Where else
8. अदॖ कूत..How much
9. अदा करुन...To pay/
           Repay/Execute/
           Perform
10. अदब..... Literature/
           Decorum/Civili-
           ty/Respect/
          Politeness/Man-
          ners/ Courtesy
**********************
      गीता ज्ञान  :अध्याय-13
यथ जिसमस मंज़ आत्मॖहय छु परमात्मा, वुछन तॖ रछन वोल भरता
ब्रह्मा विकन हुन्द स्वामी महीश्वर ज़ान
वॊन भगवानन गीता ज्ञान
**********************
धर्म गव क्याह? छ़ॊट्यन लफ़ज़न मंज़ मानव तॖ धर्म गव फ़र्ज़ यानि फ़र्ज़ पूरॖ करुन।ऊतरॖ ज़्येठॖ ॴठम द्वह यिम लूख कशीरि  तुलमुल गऻमॖत्य ॴस्य तिम ॴस्य माजि रऻज्ञन्या हुन्द दर्शुन करनि गऻमॖत्य, तुलमुलि नागस प्रक्रमॖ दिनि गऻमॖत्य, नागस मंज़ व्यनॖपोश छावनि तॖ द्वदॖ डुल भावॖनि गऻमॖत्य। कन्द तॖ नाब्द माजि रऻज्ञन्यायि ख्यावॖनि गऻमॖत्य। यि ओस धर्म यिवान निभावनॖ यानि फ़र्ज़ यिवान पूरॖ करनॖ। मगर अथ धर्मस मंज़ अधर्मॖच कऻम करनॖ सॗत्य गऺयि सऻरॖय मॆहनत क्वलि तिमन भक्तन यिमव द्वद कन्द तॖ पोश नागस मंज़ भावान भावान द्वदॖक्य खऻल्य लिफ़ाफॖ ति तुलमुलि नागस मंज़ त्रऻव्य तॖ नाग अपवित्र कॊर। लूख आयि अज़ताम नागुक रंग तॖ रूप वुछान ज़ि नाबॖद्य रंग छा आमुत, द्वदॖ रंग छा आमुत किनॖ गुलाब पोश आसनॖ म्वखॖ गुलाब रंग छु आमुत। सु रंग नागुक वुछिथ आयि भक्त यि सौंचान ज़ि रऻज्ञन्या कऻच़ाह ख्वश छि गऻमॖच़ तॖ तम्यसॖन्ज़ि लीलायि सॖत्य किथॖ पऻठ्य आव अज़ताम नागुक रंग बदलान रोज़ान। यॆलि कऻशिर्य बटन 1990-तस मंज़ कऺशीरि प्यठॖ च़लुन प्यव दपान तुलमुलि नागुक रंग ओस क्रुहुन गोमुत या येलि कऺशीरि सऻलाब आव तॆलि ति दपान ओस नागुक रंग बदल्यॊमुत माने मऻज्य रऻज्ञन्या आयि इशारॖ दिवान पनॖन्यव रंगव दऺस्य मगर ॳस्य नादान तॖ अज्ञान रूद्य यिमन चीज़न निशि अनज़ान। खऻल्य द्वदॖ लिफ़ाफॖ या ब्यॆयि ति कॆंह लटरम-शटरम नागस मंज़ त्रावनॖ सॗत्य वातनोव तिमव भक्तव पनॖनिस धर्मस ज़बर्दस्त ज़ख यानि पनुन फ़र्ज़ तॊगुख नॖ पूरॖ करुन।तिमन कति करि मऻज्य दीवी माफ़। येमिस नॖ पनुन धर्म तगि साफ़ थवुन, सु क्याह रऻछ करि पनॖनिस समाजस तॖ पनॖनिस पानस। यॆमिस नॖ पनुन फ़र्ज़ तगि पूरॖ निभावुन सु क्याह संस्कार दी पनॖनिस शुरिस कऺटिस। तिमन पज़ि तोबॖ करुन तॖ माजि शर्ण गछ़ुन तॖ पनॖनि ग़लती बापथ मऻफ़ी मंगॖन्य। मऻज्य दीवी रूज़्यनव सहायतस हर हमेशॖ। ह्यॆछिव पनुन फ़र्ज़ किथॖ पऻठ्य छु पूरॖ करुन सुय गव पनुन धर्म पालुन। स्वच्छ भारत थवुन छु ज़ॆहनस मंज़ थऺविथ पनॖन्यन संस्कारन रऻछ करॖन्य।
**********************
"शलोकत्रयं पठेत्प्रात: गुरुपादाम्बुजं स्मरन्।
त्रिवर्ग फलभागत्र मृतौ मोक्षपदं व्रजेत्।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
  भूषण कौल 'दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

12.06.2019

12.06.2019 ज़्यॆठॖ (ज्येष्ठ) ज़ूनॖ पछॖ (शुक्ल पक्ष) दऺहम (देवादेव) (दशमी) ब्वदवार (बुधवार)श्री सप्तार्षि सम्वत 5095,राश तुला(रऻच़ हॖन्ज़ि 11.20 बजि प्यठॖ)ऋतु ग्रीष्म (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: सरा ड्यूठुम सारिवॖय
         ख्वतॖ बॊड, तेल फॊल
         वात्यस नॖ ऒड
    अ: न्यॆबॖर्य बॊड बारॖ अमा-
         पॊज़ ॳन्दॖर्य नॖ व्यपन
         बानॖ
2. मु: स्वर्फॖ सॖन्ज़ सथ ज़्यव
    अ: दॊखॖबाज़ इन्सान/फंद
        बाज़/युस नॖ डंजि रोज़ि
3. मु: श्रॊग शॊद्ध तॖ पनाहदार
  अ: यथ कम कॗमथ ॴसिथ
        ति जान दार न्येरि या
        बागॖन्य आस्यस
4. मु: श्रॊगुय गव द्रॊग तॖ
         द्रॊगॖय गव श्रॊग
    अ: वऺसिथ चीज़स छु नॖ
         दार न्यॆरान
5. मु: स्वरुफ पकान हॊल
         हॊल वाजि निश
         वऻतिथ स्यॊद
    अ: पनॖनिस पवस ख़बर-
          दार आसुन/सांग
          लागुन तॖ पनुन फऻयदॖ
          कडुन
**********************
1. हापुथ....Bear
2. हापथ बचॖ..Young one
                     of bear
3. हापथ न्यॆन्दॖर...Sound
                          sleep
4. हापथ यारज़...Risky
                  friendship
5. हापॖच़......She bear
6. अख़लाक़... Manners/
            Disposition/Vir-
            tues/Morality
7. अदॖ स....Yeah/Yes
8. अदॖ कॗत्याह.....How
                           many
9. अदॖ कर....When
10. अदॖ कऺमिस.... Whom
              else/To whom
**********************
       गीता ज्ञान :अध्याय-13
प्वरुश प्रकृती मंज़ दऺरिथ रोज़ान, प्रकृच़ सॗत्य त्रॆ ग्वन
पऻदॖ सपदान
यिमवॖय ग्वनव नेक बदयोनी
प्रावान
वॊन भगवानन गीता ज्ञान
**********************
कऻशिर्य बटन हुन्द अख जथा मा ओस दपान समख्योमुत मौल्वी फारोख अब्दुलाह सऻबस तऺम्यसॖन्दिस दौलत खानस प्यठ। यि वीडयो ति गव म्यॆ नज़रि राथ-ऊतरॖ। पछ़ आयम नॖ ग्वडॖ मगर पछ़ प्यॆयम करॖन्य ति ति क्याज़ि व्वंय गव सऻबित ज़ि असि छु नॖ तगान पनुन यज़थ रऺछ़रावुन। युस मौलवी सऻब राथ ताम ओस बटन कऺशीरि न्यबर दक्कॖ दिनस प्यठ तऺम्यसॖय मौल्वियस सऻबस निश गऺयि यिम बटॖ-काख पनॖन वीलज़ार ह्यथ तॖ तऺमिस मनॖनावॖनि ज़ि ख्वदारा असि बटन करतॖ यऻरी तॖ वापस कऺशीरि अनॖनुक छ़ान्डतॖ कांह सऺबीलॖ। अथ्य छि वनान पीरॖ तति करतम यऻरी यॆति पानॖ आसख यीरॖ। तऺमिस मौल्वियस छि पानस जंगॖ नटान तॖ सु क्याहसना करि रुत बटन। फारूख ऒब्दुलाह सऻबन थऺव दुलॖ दऺछिन्य किन्य तॖ ख्यमॖ खोवॖर्य किन्य तॖ न्यून फोटुवा तुलनऻविथ। अख इशारॖ द्युतुन असि बटन ज़ि असि मुसलमानन हुन्द त्रॖह वऺरि ब्रौंठ द्युतमुत नऻरॖ गव पूरॖ ज़ि असि गछ़ि कऺशीर बटव रॊस तॖ बटन्यव सान। यि च़ॊय तऺर नॖ फिकरी दुलस या ख्यमस यिम फारूख ऒब्दुलाह सऻबस सॗत्य फोटू तुलनावान छे नॖ व्यॆच़्यॆमॖच़ॖ कुनि। मरहब्बा छु त्वहि सारिनॖय यिथ्य कार करनॖ बापथ तॖ पनॖनि समाज्युक नाम मन्दछावनॖ बापथ तॖ पनुन नाव ॳट्य ॳट्य कडनॖ बापथ। रामॖ लगय च्यानि लीलाये।
**********************
"ज्ञानन्दमयं देवं निर्मलस्फटकाकृतिम आधारं सर्वभूतानां हयग्रीवमुपास्महे।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

11.06.2019

11.06.2019 ज़्यॆठॖ (ज्येष्ठ)ज़ूनॖ पछॖ (शुक्ल पक्ष)नवम (नवमी) बॊम्वार (मंगलवार),श्री सप्तार्षि सम्वत 5095, राश कन्या (चलान), ऋतु ग्रीष्म (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: साद लऻगिथ सूद खार
    अ: ॳन्दॖर्य अख तॖ न्यॆबॖर्य
         ब्याख/पऻपी ॴसिथ
         साद लागुन
2. मु: सान्य गुर्यन ल्यद लऻर
    अ: पनॖनिस पानस तऻरीफ़
          करॖन्य
3. मु: सानि ज़ूरि ति दॊद च़ॊंग
    अ: यॆमिच नॖ व्वमेद आसि
         ती बनुन
4. मु: सथ बुथ्य चन्दस मंज़
    अ: बॊहरूपी/यॆत्यन युथ
     चलि तत्यन त्युथ चलावुन
5. मु: सतय गज़ आसमान
    अ: कऻफी मुसीबथ पऻदॖ
         गछ़ुन/छ़ॊट नज़र
**********************
1. या...... Either
2. यात्रा..... Pilgrimage
       to a Hindu shrine
3. याद.....Memory/Re-
       membrance/Re-
       collection
4. यादाशत.....Memory/
                      Memoirs
5. याद दिहऻनी.Reminder
6.अहसास....Feeling/
         Sense/Percep-
         tion/Sensitive-
         ness
7. अहसान.... Obligation
         Favour/Kindness
8. अहमक...Very foolish
         Silly/Stupid/Fool
9. अहवाल....Report of
         State/Condition/
         Circumstances/
         Affairs/Incidents
10. अख़राजात..Charges
          Expenditure/Ex-
          penses
**********************
    गीता ज्ञान  :अध्याय-13
 कार्य कारन उत्पन सपदान
अम्युक वजह प्रकृती मानॖनॖ यिवान। स्वख द्वख यूग हीतु
ज़ीव आत्मा ज़ान
वॊन भगवानन गीता ज्ञान
**********************
ज़्यॆठॖ ॴठम म्वकलॆयि मगर सवाल गऺयि वारियाह खड़ा। फ़ारूक ऒब्दुला सऻब आव ॳकिस वीडियोहस मंज़ तुलमुलि श्रीनगर कऺशीरि मंज़ गन्टा वायान हावनॖ। ज़ानि दय करुक वीडियो आमुत छु हावनॖ। अगर यि रातुक वीडियो छु पऺज़्यपऻठ्य तॆलि छि म्यॆ बासान तिम कऻशिर्य बटॖ भखॖत्य मऺहज़ बेवकूफ़ तॖ बे-अदब यिम फ़ारूक सऻबस आमॖत्य छि अलनॖ तॖ वलॖनॖ। तिम लूख ति म्यॆ बासान चऻर्य तॖ फ्यऻर्य यिम ततिक्यन सरकऻर्य  मुसलमानन  तुलमुल अहातस मंज़ अथॖवास करान आयि हावनॖ वीडियोहस मंज़। युथुय नज़ारा गव म्यॆ नज़रि ज़ॖ त्रॆ वऺरी ब्रौंठ यॆलि यऻसीन मऺल्यकस ॴस्य कऻशिर्य बट्टॖ लॊलॖमतॖ लाय करान तुलमुलि अहातस मंज़। मुसलमान ज़नानॖ छि तुलमुल अहातस मंज़ ॳच़िथ खऻल्य च़ऻन्ग्य सौंम्बरावान माताहॖन्ज़ि पूज़ायि स्थलस प्यठॖ। कोताह लोल रोज़व ॳस्य बरान कशीरिहॖन्द्यन मुसलमानन प्यठॖ तिमन यिमव असि सीनन छुरि लायि, तिमन यिमव सानि बटॖ कोरि आरस प्यठ चीरिथ त्रावि। मंज़ सडकि सान्यन बायन गोलि लायि। कऻत्याह सॆद्य छि सऻन्य बटॖ-बऻय। यॆमि लटि दपान लूख ॴस्य गुतॖल्य वऻत्यमॖत्य तुलमुल तॖ बाक्यन जायन ति कऺशीरि मंज़ यॆति यॆति दीवी स्थापना ॴस। ज़ीठ्ययऻरॖ संस्था वऻल्य ॴस्य यात्री हॖन्दिस इस्तिकबालॖ बापथ कमर कऺसिथ प्रारान। वारियाह लूख दपान ॴस्य ज़ीठयऻर ति वऻत्यमॖत्य। कथ छि जऻरी
**********************
"आनन्दमानन्दकरं प्रसन्नं
 ज्ञानस्वरूपं-निजबोधयुक्तं।
योगेन्द्रमीड्यं भवरोगवैद्यं श्री सद्गुरुं नित्यमहं नमामि।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

10.06.2019

10.06.2019 ज़्यॆठॖ (ज्येष्ठ) ज़ूनॖ पछॖ (शुक्ल पक्ष) ॴठम (अष्टमी)च़ऺन्दॖरवार (सोमवार)श्री सप्तार्षि सम्वत 5095,राश कन्या(शामन 7.59 बजि प्यठॖ)ऋतु ग्रीष्म चलान...अज़ छि ज़्यॆठॖ-ॴठम ति
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: सऻलाब छु ऒन
    अ: सऻलाबस मंज़ छु प्रथ
         कांह चीज़ यीरॖ गछ़ान
2. मु: सऻरी न्याय छि सऺहल
         लानि न्याय छु महाल
    अ: सऻरी न्याय छि सऺहल
         अमापॊज़ कॖस्मतुक
         न्याय अंज़रावुन छु
         सखॖत
3. मु: सासन डास वथरुन नॖ 
         वगुव
    अ: बे-वतीरॖ खर्चावुन
4. मु: सासन स्वन पिटारस
         च़ऻन्गिस नॖ तील रातस
    अ: रॊपियि मचि बऺर्य बऺर्य
         अमापॊज़ च़ऻन्गिस नॖ
         तील/महा कॊन्जूस
5. मु: सऻरी करान पान्यो
         पान्यो जमल्यव नॖ कांह
    अ: प्रथ कऻन्सि पनॖन्य
         फिकिर क़ौमॖच नॖ
         कऻन्सि दग़
**********************
1. यारानॖ.... Friendship/
              Acquaintance
2. यारबाश.... Friendly/
              Consolable/
              Jolly/Cordial
3. यार जऻनी..Fast friend
              Bosom friend
4. यारि बोज...Friend
5. यार बरादऺरी...Friend-
                        ship
6. अहबाब....Friends/
        Lovers/Dear ones
7. अहतिजाज...Protest
8. अहतिराम...Respect/
       Honour/Adoration
9. अहतिमाल...Apprehen
        sion/Conjecture/
        Likelihood/Doubt
        Presumption
10. अहतियात...Caution/
            Warning/Care/
            Circumspection
            Foresight
**********************
      गीता ज्ञान :अध्याय-13
प्रकृती तॖ प्वरुष अनादी ज़ान,
विकार तॖ ग्वन प्रकृती पऻदॖ करान
राग द्वेष आदि ग्वन व्वपदान
वॊन भगवानन गीता ज्ञान
**********************
क्षीर भवऻनी तुलमुलि अलाव छु ॳज़्युक द्वह यिवान मनावनॖ कऺशीरि मंज़गामि, टिक्करॖ, मट्टन, खनॖवरनी, ल्वकॖट्यपोरॖ तॖ ज्यॆमिस मंज़ जगती, जानीपोरॖ तॖ यपऻर्य कऺशीरि न्यबर शालमऻर गार्डन तॖ पटपटगंज तॖ बाकियन शहरन मंज़ ति कुनि कुनि जाय। ज़्यॆठॖ ॴठम द्वह छु कऻशिर्य बटन हुन्द अख बॊड द्वह यिवान मानॖन। कऺशीरि मंज़ ओस बॊड बारॖ मऻलॖ लगान तुलॖमुलि क्षीर भवऻनी मंज़। अकि तरफॖ ओस दऺरियावस मंज़ श्रान यिवान करनॖ, मर्दन हुन्द अलग तॖ ज़नानन हॖन्दि बापथ अलग इन्तिज़ाम ओस यिवान करनॖ। अकि तरफॖ ओस हलवायन हुन्द ताम-जाम, बजि बजि क्रायन मंज़ लुची तॖ नदॖर्यम्वजि दुह्यकिस दॊहस तॖ रऻत्य रातस यिवान बनावनॖ। अ़दरिम अहातॖ ओस ख़चाख़च बऺरिथ आसान लूकव सॗत्य। शुर्य ल्वकॖट्य क्यॊहऻ बऺड्य ॴस्य छ़ालॖ मारान, रटॖ रट करान, प्रक्रमन मान मान करान दऺह काह अख हथ तॖ काह गन्ज़रऻव्य गन्ज़रऻव्य अमि मऻलुक लुत्फ तुलान। शामॖच आरती ॴस गाह त्रावान। साक्षात ॴस रऻज्ञन्या दीवी बासान भक्तन सॗत्य सॗत्य नच़ान तॖ पनुन अनुग्रह करान रोज़ान। यि नज़ारॖ ओस वखतॖ अकि। मऻलॖ छु लगान अज़ ति, स्व वॊसॖ द्रॊस छि अज़ ति मगर सु दम खम छु नॖ नज़र यिवान। सु जोशि ख़रोश छु नॖ बासनस तल यिवान। तिम लूचि तॖ नदॖर्यम्वजि छॆ नॖ बनान व्वंय। बनान छि मगर सु मज़ॖ सु ब्वछर छु नॖ नज़रि गछ़ान। सु श्रोच़र ति ज़न छु नॖ व्वंय रूदमुत तति। मगर आस्था छि। आस्था गछ़ि रोज़ॖन्य ति।
**********************
"यस्य स्मरणमात्रेण ज्ञानमुत्पध्यते स्वयम्।
स एव सर्व सम्पत्तिस्तस्मै श्री गुरुवे नम:।।
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

09.06.2019

09.06.2019 ज़्यॆठॖ (ज्येष्ठ) ज़ूनॖ पछॖ (शुक्ल पक्ष)सतम (सप्तमी) आथवार (एतवार/ रविवार), श्री सप्तार्षि सम्वत
5095, राश सिंह (चलान)ऋतु ग्रीष्म (चलान)
अज़ छि विजय सप्तमी
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: स्वरनय गछ़ि वायिन
         गऺल्य खारनॖ वरऻय
    अ: जान गछ़ि करुन हाव
         बावॖ वऺरऻय
2. मु: स्वनुर नय स्वनॖ च़ूर
         करि तॖ काछ़ गछ़्यस
    अ: स्वनुर छु नॖ ईमानदार
         आसान
3. मु: सोरुय छु दूर मरुन छु
         नऺज़दीक़
    अ: मोत ह्यॆकि कुनि ति
         सातॖ यिथ
4. मु: सोरुय छु मऺल्य कथ
         छि मुफुत
    अ: कथ करनस छु नॖ ठाक
         कऻन्सि/कथ करॖन्य छि
         मुफुत
5. मु: स्वकार क्वकार पानस
         बकार
    अ: रुत करनस छु रुत
        फल तॖ नाकारस नाकारॖ
**********************
1. यपॖरावुन....To digest/
                     To adjust
2. यायम करुन...To take
          all responsibili-
          ties
3. यावरी....Kindness/
           Assistance/Aid/
           Reinforcement
4. यावॖ... Beautiful/Pre-
           tty/Handsome/
           Lovely
5. यामथ.....In the mean
           time/When/
          Whenever/Since
6.अजनास...Commodi-
        ties/Crops/Goods
        Cereals
7. आंचार....Pickles
8. अचानक....All of a
         sudden/All at
         once/Unawares/
         Unknowing/By
         chance
9. ॳछूत....Untouchable
10. अछा..Good/Sound
              Excellent/Use-
              ful/Pleasing/
              Appropriate/
              Agreeable
**********************
     गीता ज्ञान  :अध्याय-13
यिथॖ पऻठ्य क्षेत्र ति क्षेत्रक्युक ज्ञान , म्यॆ परम आत्मा सुन्द रूप ज़ान
भक्तीयि ज़ऻनिथ म्यॆ प्राप्त सपदान
वॊन भगवानन गीता ज्ञान
**********************
ह्यॆतिन लूख कऺशीरि तुलॖमुल ताम वातॖन्य। बोज़नस तल छु यिवान ज़ि सरकारॖ तरफ़ॖ छु ज़बर्दस्त बंदोबस्त आमुत करनॖ ताकि यात्रीयन वाति नॖ कुनि कॖस्मुक तक्लीफ। मऻज्य रऻज्ञन्या कर्यख पनुन अथरॊट। कऺशीरि मंज़ तुलॖमुल बगऻर ति छि कॆंह जायि यॆति माता रऻज्ञन्या हॖन्ज़ स्थापना छि, तिमन जायन ति ह्यॊतुन मऻलॖ लगुन। यि छि अख जान अलामथ। द्यवॖ यिहॊय अख बहानॖ बनि बटन कऺशीरि वारॖ वारॖ वापस गछ़नुक। वख कर बदलि, किथ पऻठ्य बदलि कॊताह बदलि कॆंह ह्यकव नॖ वऺनिथ। वख करि पानय फऻसलॖ। रऻज्ञन्या दी ॴज्ञन्या वातय बॖ तुलॖमुल।व्यनॖ पोश छावय तॖ बावय द्वदॖ डुल।
कऺशीरि न्यबर ति यथ यथ जायि तुलमुलिच छाप छि आमॖच़ त्रावनॖ तिम ति ह्यॆतिन तयऻरी करनस मंज़ जुटिथ ति क्याज़ि पगाह छि ज़्यॆठॖ ॴठम, कऻशिर्य बटन हुन्द अख बॊड द्वह। शालॖमऻर गार्डॖनॖ, साहिबाबादस मंज़ तॖ पटपटगंजस मंज़ यी जॆशिन मनावनॖ। म्यान्यन ब्यॆन्यन तॖ बायन आसि याद प्यवान ज़्यॆठॖ ॴठम हुन्द वलॖवलॖ कऻशीरि मंज़ तुलॖमुलि नागस अंद्य पऺख्य। लूचॖ तॖ नदॖर्यम्वंजि तॖ प्यठॖ म्वगॖल्य चाय वाय्ह कति यिन तिम द्वह फीरिथ। लूख वातन यॆमि लटि ति, पऺत्यमव त्रॖहव वऺरियव प्यठॖ वोत गछ़ान मगर अख ख़ौफ, भय, फ्रटॖ-फ्रट छु सॗत्य तॊत ताम यॊत ताम सऻरी पनॖन्यन पनॖन्यन गरन वापस वातन असान तॖ गिन्दान।
**********************
"पूजितोsसि मया भक्त्या भगवन् त्वम्  स्मादरात्।
ब्रह्मरूपोsसि मे स्वान्तं विश विश्रान्ति हेतवे।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

08.06.2019

08.06.2019 ज़्यॆठॖ (ज्येष्ठ) ज़ूनॖ पछॖ (शुक्ल पक्ष)शॆयम(देवादेव) षष्ठी बटॖवार (शनिवार/ शनिश्चरवार)श्री सप्तार्षि सम्वत 5095, राश सिंह(शामन 5.21 बजि प्यठॖ), ऋतु ग्रीष्म (चलान)अज़ छि कुमार शॆयम
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: सऺहल चीज़स प्यठ
         जहल
  अ: मोमूली चीज़स या कथि
        प्यठ शरारत खसुन
2. मु: सेरॖ वावॖ ख्वतु छु डेरॖ
         वाव सख़
    अ: ख्यन-च्यन नॖ आसनॖ
         सॗत्य छॆ नॖ तीच़ सख़ती
         गछ़ान यीच़ जाय न
        आसनॖ किन्य गछ़ान छि
3. मु: स्यॆदिस हॊल करि क्या
    अ: युस दिलॖ साफ़ आसि
         तस छु नॖ ब्यॆयि सुन्द
         हजर कॆंह करान
4. मु: स्यॊद सादॖ माहराज़ॖ
    अ: सादॖगी छु पनुन बजर
         स्यॊद सादॖ गव शाह-
         ज़ादॖ
5. मु: स्यॆज़ि ऒंगजि छु नॖ
         ग्यव खसान
    अ: युस चीज़ नॖ स्यॊद
         स्यॊद हऻसिल सपदि
         सु छु कुनि विज़ि हजरॖ
         सॗत्य हऻसिल प्यवान
         करुन
**********************
1. यऻज....A thick cup
               shaped bread
        made of rice floar
2. याजि च़ापनि....To say
          irrelevant things
3. यऻर.....Pine tree
4. यार....A friend
5. यऻरी..Kindness/Help
             Assistance
6.अजऻयब गर... Museum
7. अजदाद... Ancestors/
                   Forefathers
8. अजल...  Angel of
           death/End of
         life/Term of life
9. अजनबी.... Stranger/
        Foreign/Unknown
        Alien/Solitary
10. अजहल....Most
                       ignorant
**********************
     गीता ज्ञान  :अध्याय-13
मायायि दूर तीज़न मंज़ तीज़वान, तत्वॖ ज्ञानॖ सु ब्रह्म प्राप्त सपदान
सारिनॖय हृदयन मंज़ रोज़ान
वॊन भगवानन गीता ज्ञान
**********************मैट्रो-हन मंज़ छि शऻन्ती रोज़ान, वजह छु मोबायल। गरन मंज़ छि शऻन्ती वजह छु मोबायल। बऻच़न दॊन मंज़ पानवॖन्य छि शऻन्ती वजह छु मोबायल। कॊताह बदलाव ऒन ॳम्य मोबायलन। ल्वक्ट्यन ल्वक्ट्यन शुर्यन छु अज़कल अथस मंज़ आसान यि मोबायल। काग़ज़ क़लम रुद लबिताकस। अकि तरफ़ॖ वुछव तॖ फ़ऻयदय फ़ऻयदॖ आव मोबायल सॗतय सऻरिसॖय जहानस मंज़ अथ मंज़ कांह शक़ छु नॖ।मगर सॗती छु नज़रि गछ़ान न्वकसान ति युस मोबायलॖ दऺस्य लूकन वातान छु। टी वीयस प्यठ ॴस्य हावान ज़ि सान्यन शुर्यन छु ॳछन ख़तरॖ पऻदॖ सपदान द्यमागस बद-असर प्यवान  ल्वक्ट्यन बड्यन कमताम गेमॗ गिन्दनॖ सॗत्य यिम मोबायलन प्यठ यिवान छि अनॖनॖ। अमि मोबायलॖ कि इस्तिमालॖ सॗत्य छि वारियाह फऻयदॖ तुलान रोज़ान तॖ यॆमिस शख्सस खुराफऻती द्यमाग आसान छु सु छु अमि मोबायलॖ सॗत्य पनॖन्यन या परद्यन ज़ख ति वातनावान। कऺशीरि प्यठॖ च़लनॖ पतॖ असि कऻशिर्य बटन रूद यि मोबायल वारियाहव रंगव कऻम दिवान। सारिनी छि पताह ज़ि ॳस्य किथ पऻठ्य छि अम्युक फ़ऻयदॖ तुलान तॖ कोताह क्लेश छु व्वतलिथ यिवान सान्यव बद-कलामव सॗत्य। पनॖन्यन शुर्यन प्यठ छि नज़र थवॖन्य ज़रूरी ज़ि तिम किथ पऻठ्य छि अम्युक इस्तिमाल करान तॖ बड्यन पज़ि यहतॖराम सान तॖ समजदऻरी सान पनॖन्य कलामॖ व्हाटसाप दऺस्य अख ॳकिस सोज़नॖच कुशिश करॖन्य तॖ ॳकिस ब्यॆयिस फऻयदॖ वातनावुन न कि पनुन पान मन्दॖछावुन। त्वहि भगवान रॖच़ वथ विज़ि विज़ि हावुन
**********************
"गुरुवे नम: परम गुरुवे नम: परमेष्ठिने गुरुवे नम:
परमाचार्य गुरुवे नम: परमसिद्ध आदि गुरुवे नम:।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
   भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

07.06.2019

07.06.2019 ज़्यॆठॖ (ज्येष्ठ) ज़ूनॖ पछॖ (शुक्ल पक्ष)च़ोरम(देवादेव)(चतुर्थी) शॊकुरवार शुक्रवार/जुम्मा),श्री सप्तार्षि सम्वत 5095,राश कर्कट(चलान)ऋतु ग्रीष्म (चलान)...चूंकि पऻन्च़म छि रावान, पऻन्च़म हुन्द वॊहरवोद यी ॳज़्य यानि च़ोरम दुहुय
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: शाल च़ऺलिथ बठ्यन
         चौब
   अ: ख़तरॖ टऺलिथ रोब हावुन
2. मु: शाल शाल ब्यॊन ब्यॊन
         टुन्गि विज़ि कुनी
    अ: ज़ऻती दुश्मनी ॴसिथ
         ति यतिफ़ाक़ आसुन
3. मु: शाल गव क्वलि ज़ि
         दुनिया गव क्वलि
    अ: युस मरि तसॖन्दि किन्य
         छु दुनिया मरान
4. मु: शामॖ च़ॊतुर तॖ मन्दिनि
         बॆहवाल
    अ: दॊहलि कऻम नॖ करन-
        वोल तॖ रातस चालऻकी/
         कामि च़ूर
5. मु: शऻल्य तारख हावॖन्य
    अ: अपुज़ दऺलील बोज़ॖ-
         नऻविथ दोखॖ द्युन/नूनॖ
         गुर्य तॖ तीलॖ तलाव
         हावॖन्य
**********************
1. यथ बजाय.... Instead
                         of this
2. इतमिनान.... Confi-
           dence/Satisfac-
           tion/Ease/Com-
           fort
3. इतमीनानॖसान...With
          confidence/With
         satisfaction/With
      ease/With comfort
4. यिथॖ तिथॖ...Some how
            By hook or by
             crook
5. यिथय ह्यु....Sadness
6. असर....Sign/Token/
        Impression/Trace
        Consequences/
        Influence
7. असर गछ़ुन....To be
           influenced/To
           have effect
8. असर त्रावुन....To in-
           fluence/Have
           effect
9. असासॖ.... Collection/
           Accumulation/
           Riches/The sum
        total of a person's
        or nation's resour-
        ces/Money and
        property
10. अथि.....In hand/
                   Through
**********************
      गीता ज्ञान :अध्याय-13
सारिनॖय मंज़ ॴसिथ सु ब्यॊन बासान, विष्णु रूपॖ ज़ीवन पालान पोशान
ब्रह्मा रूपॖ उत्पन रुद्रॖ रूपॖ नाश करान
वॊन भगवानन गीता ज्ञान
**********************
सऻन्यन मोबायलन मंज़ छि ग्रन्दि रॊस व्हाटसाप ग्रुप बनऻवमॖतय असि पनॖनि पनॖनि मतलब खऻतरॖ। वुछनस तल छु म्यॆ यिवान ज़ि यिमन ग्रुपन हुन्द नाव छु क्याहताम तॖ ख़बरॖ छि चलान क्याहताम। कऻशुर बोलव छु अख ग्रुप मगर अथ ग्रुप्स मंज़ छु नॖ अख ति नफ़र कऻशिर्य पऻठ्य नॖ पोस्ट लेखान तॖ नॖ परान। ॳकिस ॳकिस ग्रुपस छि बन्यॆमॖत्य ज़ॖ ज़ॖ त्रॆ त्रॆ ग्रुप तॖ अकॖय कथ छि तिमन सारिनॖय ग्रुपन मंज़ यिवान करनॖ। प्रथ ग्रुपस मंज़ छि फोटु सोज़नस मान मान लऺज्यमॖच़। कॆंह म्यऻन्य बऻय छि पनॖनि दिलुक तम्माह कडिथ नशूबॖवुन्य फोटु ति सोज़ान रोज़ान। लाख समजऻविथ ति छिनॖ तिम बाज़ यिवान तॖ न छि पनॖनि अक्लि कऻम ह्यवान ज़ि क्याह पज़ि सोज़ुन तॖ क्याह नॖ पज़ि सोज़ुन। कॆंह म्यऻन्य बऻय छि अंग्रीज़स मंज़ पोस्ट सोज़ान रोज़ान मगर शब्दन हुन्द सही माने ज़ानॖनॖ रॊस्तुय सोज़ान रोज़ान यॆमिकि वजह सॗत्य परनवोल छु दुच़्यॆतिस मंज़ गछ़ान ज़ि ॳमिस वनुन छु क्याह। कॆंह म्यऻन्य बऻय छि कॆंच़न ग्रुपन मंज़ सियासत तिथॖ पऻठ्य दगान रोज़ान बासान छु ज़ि सऻर्यसॖय ज़गतुक च़ुक छु ॳम्यसॖय योत या फ़ऻसलॖ करनवोल छु बस यिहऻय अख। ल्यकॖ ल्यख तॖ अख ॳकिस न्यथॖनॊन करनुक ति छु ॳड्यन बन्यॊमुत मुद्दा व्हाटसापस प्यठ पनुन पान ॳट्य ॳट्य कडनुक। कऺशीरि प्यठॖ च़लनॖ पतॖ छु म्यॆ बासान लऺज्य यि कऻम अस्य तॖ ॳस्य छि असली मुद्दा निशि ह्यवान दूर स्यठा दूर गछ़ुन। ज़ानि दय सानि बापथ तस क्याह छु यछ़ुन।
**********************
"हरलीलावताराय शंकराय परौजसे। कैवल्यकलना कल्पतरवे गुरुवे नम:।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

06.06.2019

06.06.2019, ज़्यॆठॖ (ज्येष्ठ)ज़ूनॖ पछॖ (शुक्ल पक्ष) त्रय (देवादेव) (तृतीय) ब्रसवार (वीरवार/ब्रहस्पतवार),श्री सप्तार्षि सम्वत 5095, राश कर्कट (दुहचि 2.50 बजि प्यठॖ), ऋतु ग्रीष्म (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: शुर कति शुर कति
         माजि नखस प्यठ
   अ: चीज़ नखॖ ॴसिथ ओरॖ
         योर छ़ऻन्ड दिन्य
2. मु: शुप्य कानि वछस ज़री
         नऻल्य
    अ: युस नॖ यथ लायक़
         आसि सु ति छ़ारान
3. मु: शालॖ ह्यन्ग च़रि द्वद तॖ
         मऺह्य ॳडिज
    अ: नामुम्किन तॖ नायाब
          चीज़
4. मु: शाला बॊड कुस?
        दॊपनख यॆलि युस आव
    अ: यसॖय बऺड जाया अथि
        आयि तऺस्य वॊनुख बॊड
5. मु: शालस लॊट ज़्यूठ
         पानस वुरुन वलुन
    अ: प्रथ कऻन्सि छु पनुन
         पनुन चीज़ पनॖनि
         आसऻयशि बापथ तॖ
         ब्यॆयिस क्याह
**********************
1. यिथ कऺन्य....Like this/
                       This way
2. यिथऻय..... Little/Very
            little/The least
3. यिथय.....Free/With-
                   out cost
4. यिथय प्यॊन...To get
                         free
5. यत्रुन....To bear/To
                endure
6. अपऻर्य...To that side
7. अथॖ पंजॖ...Gloves/
           Covering of lea-
           ther/wool for
           hands
8. अथवास...Handshake
9. अथ वथ...Plan/Hit on
          a plan/A design/
          Way out
10. अथॖ......Hand
**********************
      गीता ज्ञान :अध्याय-13
सारिनॖय ज़ीवन न्यॆबरॖ ॳन्दरॖ परिपूरनॖ, सूक्षम आसनॖ ज़ानॖनस तल नॖ यिवन
छु नऺज़दीक सोरुय दूर बासान
वॊन भगवानन गीता ज्ञान
**********************
राथ ओस गोपी नाथ जी आश्रमॖ हवन। यि हवन चल्यव प्रथ तथ आश्रमस मंज़ यॆति यॆति गोपी नाथ जी मूर्ती स्थापना आमॖच़ छि करनॖ माने वैशाली, उत्तम नगरॖ, पम्पोश कालोनी, ज्यॆमि, पूने, वगैरा वगैरा जायन। गरमॖ क्रायि मंज़ ॴस्य लूख नऺवीद करनि वऻत्यमॖत्य प्रथ जायि। म्यॆ यॊत ताम ज़्वन छु कऺशीरि मंज़ ओस यि आश्रम ॳक्यसॖय जायि सु गव क्रालॖ खॊडॖ तॖ लूकन ॴस नॖ अमि आश्रमच ब्वयी। मगर यनॖ बटॖ च़ऺलिथ आयि कुनवुह शथ तॖ नमतस मंज़ कऺशीरि प्यठॖ जाय जाय आयि आश्रम बनावनॖ तॖ गोपी नाथ जीयिन मूर्ति स्थापना करनॖ। ॳथ्य देखा देखी मंज़ आयि बनावनॖ आश्रम बाकयन कॆंच़न सत-प्वरुशन हन्दि ति मसलन क्रालॖ बब, मस्तॖ बब, नन्दॖ बब, पोशॖ बब तॖ बेतरी तॖ सॗत्य सॗत्य मीज्य जाय कुनि कुनि जायि साईं बाबाहस ति। यि करान करान छु म्यॆ बासान ज़ि ॳस्य ज़न दूरेयि राम जीयस निशि, कृष्णॖ जीयस निशि या शंकर जीयस निशॖ।सान्यन शुर्यन छु नॖ गीता जी कुन कांह वथ हावनस, महिम्नापारस कुन ज़्वन पावनस, पंचस्तवी कुन या भवऻनी सहस्रनामस कुन पकनावन वोल। वखतॖ अकि आसॖ यिम किताबॖ सान्यन ज़िठ्यन ज़्यॆवि प्यॆतिस प्यठ याद।रामायण, भगवद् गीता वगैरा वगैरा। मगर अज़कल छु म्यॆ बासान यिम किताब ह्यच़न रोज़नि लबि ताकस।
कोर कुन छि ॳस्य पकान तॖ सऻन्य शुर्य कोरकुन वातन कति प्यठॖ तॖ कऺमिस भगवानस दिन वऺन्य वति वति, दय ज़ानि।
**********************
"यो गुरु स शिव: प्रोक्तो य: शिव: स गुरु स्मृत:।
उभयोरन्तरं नास्ति गुरोsपि शिवस्य च।।"
पऺरिव यि मंत्र ति
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

05.06.2019

05.06.2019 ज़्यॆठॖ (ज्येष्ठ)ज़ूनॖ पछॖ (शुक्ल पक्ष) द्वय(देवादेव)(द्विती) ब्वदवार (बुधवार),श्री सप्तार्षि सम्वत 5095,राश मिथुन (चलान),ऋतु ग्रीष्म (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: शुर गव ब्रोर वलॖ वलॖ
         कॊरुस तॖ यी
   अ: शुर छु वलॖ वलॖ करनस
        लोर आसान
2. मु: शुर्यवोल ख्यॆया हिर्य-
         वोल पनुन
    अ: ज़िम्दार शख़स छु
         हमेशॖ परिह्यॊत आसन
3. मु: श्रंग तॖ ब्रंग
    अ: शऻल्य तारख हावॖन्य/
          फंद वनॖन्य
4. मु: शुर गव गुर न लग्यस
         तॗर तॖ न यियस यड
    अ: शुरिस छि तॗर कम
         पोरान तॖ ख्यथ-च्यथ
         छु ब्यॆयि मंगान
5. मु: शुर्य ब्वछि हून क्वछि
   अ: शुर मुर नॖ आसनॖ किन्य
        कऻन्सि हॖन्दिस शुरिस
        ल्वलॖमतॖ लाय करुन
**********************
1. यठ......Jerk
2. यट....A basket used
           for carrying load
           on shoulders
3. यिथ पऻठ्य...Like this
4. यिथॖ पऻठ्य तिथॖ पऻठ्य....
           Somehow/By
         hook or by crook
5. यतिहास.... History
6. ॴयीन...Constitution
7. इबतिदा.....Beginning/
         Start/Commence
         ment
8. इबहाम.... Ambiguity/
                    Thumb
9. अबुज़..... Unfried
10. अपऻर्य यपऻर्य..Up and
            down/Here and
            there/Around
**********************
      गीता ज्ञान :अध्याय-13
सारिनॖय यऺन्द्रयन हुन्द विशय ज़ानान, मगर पानॖ यऺन्द्रयव रॊस आसान
बेलगाव अथ पालान पोशान
वॊन भगवानन गीता ज्ञान
**********************
ख़बर क्याह ति कऺर्यतन कांह मगर असि गछ़ि नॖ मऺशिथ ज़ांह पनॖन्य कऺशीर। नऺव हऺकूमथ आयि तॖ क्याहताम सॖरॖ-गॖरॖ ह्यॊतुन सपदुन कशीरि हॖन्दिस मसलस मंज़। पॊज़ क्याह तॖ अपुज़ क्याह ननि वखतॖ विज़ि। बूज़ुम कुसताम तीर्थसिंह छु तॊरमुत कऺशीरि रोज़नॖ बापथ तॖ कारॖबार करनॖ बापथ। अमि ब्रौंठ ओस तॊरमुत कुसताम मावा सऻब कॆंह रयथ ब्रौंठ यिथय पऻठ्य। अगर यि सिल्सिलॖ रूद जऻरी तॆलि छु नॖ सु द्वह दूर यॆलि कऻशिर्य बटॖ वापस वातन पनॖन्यन पनॖन्यन जायन। अल्बतॖ स्व जाय छखा तती किनॖ न स्व नन्यख तऺती यॆलि तॊत ताम वातन। वारॖ वारॖ छु वापसी हुन्द मन बनान म्यॆ बासान। जान ति छु। ॳस्य ति छि यी मंगान ज़ि ॳस्य गछ़व कऺशीरि वापस। इबतिदा ह्यॆच़ॖन्य गछ़िन। यपऻर्य छु नॊव सरकार ज़ीर दिनस लॊगमुत तॖ वुछव ॳस्य ति कति व्वथि तॖ कति बॆहयि।
मावा सऻबस ओस मक़सद ति क्याज़ि मावा सऻबनिस लऺडकस छि कऺशीरि मंज़ होवॖर्य ति क्याज़ि बोज़नस तल छु आमुत ज़ि तऺम्य छु कॊरमुत ॳकिस मुसलमान कॊरि सॗत्य खांदर। तीर्थसिंहस क्याह लालॖच छु रूदमुत कशीरि गछ़नस मंज़ दय ज़ानि। लाकम ह्यॆच़ॖन्य यलॖ गछ़ॖन्य म्यॆ बासान। हुपऻर्य ह्यॊत सिख बायव ति ह्यमथ करॖन्य ज़बर्दऺस्ती मकानन क़ब्ज़ॖ करुन कऺशीरि मंज़ सु ति कऻशिर्य बटॖ कालोनी मंज़ॖय कति ताम शेखपुरा जायि। मुसलमान मऺहलस मंज़ छिनॖ तिम ति बऺहरान अंदर अच़ुन कऺशीरि मंज़।मगर बटॖ छु आज़मोवमुत तॖ ह्यकान छि ॳमिस गुर कऺरिथ। आज़मोवमुत गव पोवमुत।
**********************
"यस्य स्मृत्या च नामोक्या तपोयज्ञ क्रियादिषु:।
न्यूनं सम्पूर्णतां याति सधो वन्दे तमच्युतम्।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

04.06.2019

04.06.2019 ज़्यॆठॖ (ज्येष्ठ)ज़ूनॖ पछॖ (शुक्ल पक्ष) ऒक्दॊह(देवादेव) (प्रथमा/प्रतिपदा) बॊम्वार (मंगलवार)श्री सप्तार्षि सम्वत 5095, राश मिथुन(दुहचि 11.38 बजि प्यठॖ) ऋतु ग्रीष्म (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: शिशस ति पुशि
    अ: कम आमदनी/ना
         कऻफ़ी आसुन
2. मु: शॆशतॖरस छु शॆशतॖरॖय
         च़टान
    अ: पनॖनिस छु पनुनुय
          ददार वातॖनावान/
          दारस छु पनुनुय प्वन
          फाटॖवान
3. मु: शुर्यन सॗत्य गरॖ करुन
         गव गुर्यन सॗत्य दब
         करॖन्य
    अ: शुर्य रछिन्य छि स्यठाह
         मुश्किल कऻम
4. मु: शुर्य कॆहय छिय मऻच़ॖ-
         क्रॗल त्रॆह हऻनॖ, दॖरकाक
         नि कॆहय छिय ददॖर
         हिश कूर
   अ: ब्यॆयि सुन्द शुर छु मंदल
         व्यॊठ बासान/पनॖन्य
         चीज़ छि नॖ म्वलॖल्य
         बासान
5.मु:श्राकि तॖ माज़स छा वाठ
    अ: अख ॳकिस दुशमन/
         पानॖवुन्य दुशमनुत
**********************
1. यडॖल...One who eats
                a lot/Glutton
2. यख.....Ice/Cold
3. यखलाक...Character/
           Manners/Dis-
           position/Virtues
           Morality
4. यख्तियार....Authority/
        Power/Command
        Control/Choice/
        Option
5. यखॖन्य....Meat dish
         coocked in curds
6. ॴनॖ..... Mirror
7. ॴनॖ खानॖ......Mirror
                          house
8. ॴनॖ पॊट...A piece of
                    glass
9. ॴनॖ दऻर..Glass pane
10. ॴव्युल.... Delicate/
             Tender/Mild/
              Weak/Thin/
              Flexible/Soft
**********************
    गीता ज्ञान :अध्याय-13
प्रथ तरफ़ॖ अथॖ ख्वर रऻछ तॖ कलॖ वोल, प्रथ तरफ़ॖ कन हर तरफ़ॖ म्वखॖ वोल। सऻर्यसॖय सम्सारस छु व्याप्त आसान
वॊन भगवानन गीता ज्ञान
**********************
कऻशिर्य बटॖ छि कऺशीरि हॖन्द्य अथ मंज़ छु नॖ कुनि कॖस्मुक शख। अगर आतंकवाद्यव यिम बटॖ च़ऺलरऻव्य कऺशीरि प्यठॖ अज़ त्रॖह वऺरी ब्रौंठ तम्युक मतलब गव नॖ यि ज़ि ॳस्य मऺश्यरावव स्व जाय य्यॊस सान्यन ज़िठ्यन हॖन्ज़ जाय रूज़मॖच़ छि सासॖ बद्यव वऺरियव प्यठॖ। कऻशुर बटॖ आव अज़ ताम खोच़ान तॖ खोरान, पनुन ज़ुव तॖ जान बचावान, ति क्याज़ि यि कौम छु रूदमुत हर हमेशि अहिंसा परमोधर्मस प्यठ पकान मगर तम्युक मतलब गव नॖ ज़ि कऻशिरिस बटस छु नॖ ज़ुव तॖ जुर्रत मुकाबलॖ करनुक। कऺशीरि हुन्द यितिहास कॊताह गॊन तॖ सॊन रूदमुत छु तथ निश छु ॳज़्युक कऻशुर बटॖ स्यठाह बेख़बर। तम्युक ख़ास वजह छु रूदमुत ज़ि बटसुन्द बहोदरी हुन्द यितिहास छु आमुत विज़ि विज़ि दूर थावनॖ बटस निशि, तल तल आमुत छु यि यितिहास दबावॖनॖ तॖ बटॖ रूद बिचोर वुन्यखताम बेख़बर पनुन पॊतकाल ज़ानॖनॖ निश। अथ राज़स कॊर फ़ाश श्री आशीश कौल सऻबन ऊतरॖ ॳकिस प्रोग्रामस मंज़ गुडगांवहस मंज़ यॆम्य पनॖनि कॆंह किताबॖ लेछमच़ॖ छि तॖ यिमन थदि पायक यजाज़ छि आमॖत्य दिनॖ। कौल सऻबन छि
कऺशीरि मंज़ॖक्य तिम तिम राज़ खूल्यमॖत्य यिम बोज़नॖ तॖ परनॖ सॗत्य छि असि पानस प्यठ अकि तरफॖ पनॖनि ज़ऻच़ प्यठ फखॖर मऺहसूस सपदान तॖ दॊयिमि तरफॖ छु पनॖनिस पानस प्यठ शर्म यिवान ज़ि ॳस्य बन्यॆयि बडॖ कमज़ोर ज़ाथ तॖ खोच़ॖबॖड ज़ाथ ज़ि ॳस्य छिनॖ ह्यकान मुकाबलॖ कऺरिथ ज़ुल्मुक तॖ जहालतुक। दिदा रानी छि असि ब्रौठकनि अख मिसाल य्यॊस ग्वडनिच कऻशिर बटॖ ज़नान रूज़मॖच़ छि यॆमि पनुन यितिहास पानॖ बनोवमुत छु मगर ॳस्य छि तमि निशि बेखबर। ब्यॆयि ति छि वारियाह यिथीय चीज़ यिम सान्यव नज़रव निशि दूर छि रूद्यमॖत्य। कथ छि जऻरी
**********************
"गुरु माता पिता चैव गुरूर् देवो हि बान्धवा:।
गुरोर् देवात् परं नान्यत् तस्मै श्री गुरुवे नम:।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
  भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

03.06.2019

03.06.2019 ज़्यॆठॖ (ज्येष्ठ)गटॖ पछॖ (कृष्ण पक्ष)मावस (देवादेव) (अमावस्या)च़ऺन्दॖरवार (सोमवार),राश वृष(चलान),ऋतु ग्रीष्म (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: शक्लि छा ल्यव दिन्य
         अकॖल गछ़ि आसॖन्य
    अ: दानऻयी छि खूबसूर्ती
         ख्वतॖ ज़्यादॖ कॗमती
2.मु:शिक्सॖनि वावॖ छु व्वखुल
        फुटान
   अ: बद द्वह यॆलि यिवान छि
        तॖ मुसीबथ ति छु व्वत-
        लिथ यिवान
3. मु: शुकॖर ज़ाति पाकन
        आयम यड तॖ न लॊगुम
         फ़ाकॖ
    अ: सफ़ेद पूशी मंज़ द्वह
        गुज़ारॖन्य/सन्तोष करुन
4. मु: शिकसलदस हून पतय
    अ: बदनसीबस छु तक्ली-
         फस प्यठ तक्लीफ
         पतय आसान
5. मु: शकॖलदस पनुन शक़
    अ: शकी इन्सान छु प्रथ
        कऻन्सि प्यठ शख करान
**********************
1. यज़थ.... Honour/Dig-
           nity/Respect/
          Esteem/Reputa-
          tion
2. यज़थदार....Respec-
                      table
3. यज़थ द्युन.To respect/
        To confer honour/
         Dignity upon
4. यज़थ रावुन....To lose
                          respect
5. यज़थ वालुन....To dis-
          honour/To insult
          To disgrace
6. ॴल.... Cardamom
7. ॴलिचि...Sour cherry
                    Damson
8. ॴलचि कुल...Damson
                         tree
9. ॳफ़ीन....Opium
10.ॴनख....Glasses/
                    Spectacles
**********************
     गीता ज्ञान :अध्याय-13
ज़ानुन लायक़ ठीख पऻठ्य ज़ान, ज़ऻनिथ मनुश परम आनन्द प्रावान
सु आदि रॊस सत तॖ असत ज़ान
वॊन भगवानन गीता ज्ञान
**********************
मन गव ख्वश यि वुछिथ ज़ि सान्यन शुर्यन मंज़ छि कऻब्यलियथ बडेमच़ ग्यवनस मंज़, नच़नस मंज़, साज़ वायनस मंज़। मगर द्वख छु अमि कथि हुन्द ज़ि सऻन्य शुर्य छि कऻशिर्य बऻथ ग्यवान अल्बतॖ बऻतन हुन्द माने छि नॖ ह्यकान वऺनिथ। कऻशिर्य पऻठ्य छुख नॖ तगान पनॖनिस मऻलिस माजि हुन्द नाव वनुन। दपान छि म्यऻनिस मऻलिस छुस नाव फलऻन्य तॖ म्यऻनिस माज्यस छु नाव फलऻन्य। यि छि वाकऺय शरमिहॖन्ज़ कथ सानि बापथ।मोल मऻज्य छु ज़िम्वार अमि बापथ यॆमिस पनॖनिस शुरिस तगि न यि ग्वडन्युक पायदान ठीख करुन। बऻथ छु नॖ ग्यवनॖय योत, अम्युक माने ज़ानुन ति छु ज़रुरी। ज़रूरि छु यि बऻथ कऻशिर्य ज़बऻन्य मंज़ लेखुन तगुन, कऻशिर्य पऻठ्य ल्यूखमुत परुन तगुन तॆली मानव ज़ि सऺही तऻलीम तॖ तरबियथ छि आमॖच़ दिनॖ पनॖनिस शुरिस। न तॖ छु यि अख मज़ाख तॖ ब्यॆयि नॖ कॆंह। म्यऻन्य व्यनती छि सारिनी म्यान्यन बायन ब्यॆन्यन ज़ि तिम दीन अथ कथि प्यठॖ ज़ोर  तॖ बनऻविन पनॖनिस शुरिस अख कऻशुर शुर ज़बऻन्य हन्दि तुलॖ त्रावि दऺस्य।
**********************
"वन्दे बोधमयं नित्यं गुरुं शंकररूपिणम्। यम् आश्रितो हि वक्रोsपि चन्द्र: सर्वत्र वन्ध्यते।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)

02.06.2019

02.06.2019 ज़्यॆठॖ (ज्येष्ठ)गटॖ पछॖ (कृष्ण पक्ष)च़्वदह(देवादेव) (चतुर्दशी) आथवार (एतवार/ रविवार)श्री सप्तार्षि सम्वत 5095, राश वृष (सुबहचि 6.44 बजि प्यठॖ) ऋतु ग्रीष्म (चलान)
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: शिकसलदस शिकस
         डऺन्ड
    अ: कमज़ाथ छु नॖ ज़ांह
         बदलान
2. मु: शॊंगिथ बांग दिन्य
    अ: आलॖच़्य इन्सान/
         कऻहिल इन्सान
3. मु: श्वंंगुन गछ़ि च़ांगि तॖ
         व्वथुन गछ़ि बांगि
    अ: सुलि श्वंगुन तॖ सुलि
         व्वथुव छु जान
4. मु: शमशीर ज़ख्म बलि तॖ
       ज़्यॆवि ज़ख्म छु नॖ बलान
   अ: कऻन्सि हॖन्ज़ ज़्यव कांह
       वुटुकॖर कथ वॖनिथ युस
        छ्वख लगान छु सू छु नॖ
       सऺहल सऺहल बलान
5. मु: शोदन चव चरॖस
         कॊन्डलि ख्वत कऻन्फ
    अ: हऻकिम शऺरीफ़ अमा-
         पॊज़ नौकरस चम
**********************
1. युस..... Who/Which
                one
2. यश.....Fame/Great-
        ness/Reputation/
        Glory/Character/
        Splendor
3. यक़बाल...Luck/Good
          fortune/Dignity
         Eminence/Power
4. यक़रार....Agreement/
         Promise/Assu-
         rance/Acknow-
         ledgement
5. यड..... Abdomen
6. ॴसॖ थॊप द्युन..To shut
         one's mouth/Not
      to allow talk/Close
      the mouth
7. ॴस......Mouth
8. ॴश्यनाव....Relative/
        Relation/Kith and
        kin
9. ॴशिर्वाद....Blessing
          from elders/
          Benediction
10. ॴश्यनऻवी..Relation-
             ship/Kinship
**********************
      गीता ज्ञान :अध्याय-13
अध्यात्मॖ ज्ञानस मंज़ दऺरिथ रोज़ान, तत्वॖ ज्ञानॖ रूपॖ भगवान वुछान यि छु ज्ञान अथ उल्टॖ छु अज्ञान
वॊन भगवानन गीता ज्ञान
**********************
अज़ छु दॊयिम जून ज़ सास कुनवुह तॖ आथवार। जे के विचार मन्च संस्थायि तरफॖ यी अज़ बचन आडिशन ह्यनॖ तॖ वुछन कऺमिस शुरिस किछ़ कऻब्यलियथ छि ग्यवन मंज़ या नच़नस मंज़ या संगीतस मंज़ ताकि तिम शुर्य ह्यकोख बुलऻविथ सॆमि-फाईनलस मंज़ युस शुरऻहमि जून ज्ॶ सास कुनवुह द्वह मुक़र्र आमुत छु करनॖ। तति युस जान करि सु वाति फाईनलस मंज़ तॖ असली मुकाबलॖ लगि पतॖ त्रॊवुहमि जून ज़ॖ सास कुनवुह द्वह। तमि द्वह यी वुछनॖ ज़ि ज़ॖ सास कुनवुहुक गाशॖतारख कुस बनि। समाजिच सीवा छु असली मक्सद। सान्यन शुर्यन गछ़ि नॖ व्यछ़य प्यॆन्य कुनि कॖसमॖच कुनिसात तॖ कऻन्सि हॖन्द्य दऺस्य। जे के विचार मन्चस मंज़ कार्यकर्ता छि यि मुहिम आमॖच़ चलावान ख़ास तोर प्यठॖ यनि कऺशीरि प्यठॖ प्यव च़लिथ युन तॖ यॆति आयि छकॖरन ॳड्य होर तॖ ॳड्य योर। सान्यन शुर्यन गॊछ़ नॖ यि हुन्नर ज़ायि गछ़ुन तथ थज़र तॖ बजर दिन म्वखॖ छु यि गाशतारुख प्रोग्राम अख वसीलॖ। सोज़ान रूज़िव पनॖन्यन शुर्यन यथ संस्थायि मंज़ अगर तिम ह्यकान छि ग्यविथ, नऺच़िथ या संगीत बजऻविथ तॖ यि संस्था रोज़ि तिमन शुर्यन होसलॖ अफज़ऻयी करान विज़ि विज़ि।
**********************
"नमोस्तुगुरुवे तस्मात इष्टदेवस्वरूपिने।
यस्यवाग्मृतम हन्ति विषं संसार संज्ञकम्।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
नऺविव तॖ फॊलिव
 भूषण कौल '"दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)