03.05.2019

03.05.2019, वह्यक (वैशाख) गटॖ पछॖ (कृष्ण पक्ष)च़्वदाह (चतुर्दशी),शॊकुरवार (शुक्रवार/जुम्मा),श्री सप्तार्षि सम्वत 5095, राश मेष (दुहचि 2.39 बजि प्यठॖ), ऋतु बसन्त (चलान)
द्रठॖपऻन्च़ुक (पंचक) ति म्वकॖलि अज़
**********************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
पांछ़ मुहावरॖ तॖ दऺह कऻशिर्य लफ़ज़ तॖ तिमन हुन्द अंग्रीज़स मंज़ तरजमॖ तॖ गीता जी मंज़ुक अख श्वलूक कऻशिर्य ज़बऻन्य मंज़ तॖ पनॖन्य कथबात
**********************
1. मु: गरस मंज़ गंगा
    अ: यॆलि नॖ कॆंह प्रावनॖ
         खऻतरॖ मॆहनत प्यॆयि
         करॖन्य
2. मु: गरि गटॖ तॖ मऺशिदि च़ोंग
    अ: पानस नॖ वातुन तॖ
         ब्यॆयन पलज़ुन/पानस
       व्यछ़य रोज़ॖन्य तॖ ब्यॆयिस
       मदद करुन
3. मु: गुर बडि सोन तॖ दानॖ
         ख्यॆयि च्योन
    अ: ब्यॆयि सॖन्दि सॗत्य
         फ़ऻयदॖ तुलुन
4. मु: गरि द्युन तॖ ज़ामॖन्य नॖ
         अच़ुन
   अ: कऻन्सि ज़मानत दिन्य
         छि मुश्किल
5. मु: गुर खसिथ च़ादर
         मंडिथ तॖ गाव प्रऺसिथ
    अ: चीज़न छु परखऻविथ
         म्वल खसान
**********************
1. रफ़ीक.... Faithful/
                   Helpful
2. रफ़तार...Speed/Pace
                  Conduct
3. रफ़ाक़थ...Help/Loyal
               ty/Friendship
4. रफ़ा दफ़ा...To settle-
                      ment
5. रफ़तनी...About to die
6. रफ़्यगॊर.....Darner
7. रक़स........Dance
8. रफ़ल......Fine muslin
              Fine woollen
              stole
9. रफ़तारो गुफ़तार...Con-
             duct/Behavior
             of talking/
             Manners
10. रक़म....Amount
**********************
   गीता ज्ञान  :अध्याय-12
      श्री भगवान वनान
एकाग्र मनॖ युस दारि म्योन ध्यान, म्यॆ स्वगुन रूपॖ बजि श्रदायि सान
यूगियन मंज़ म्यॆ स्रेष्ठ बासान
वॊन भगवानन गीता ज्ञान
**********************
कशमीर सम्मति हॖन्द्य चुनाव छि सपदन वऻल्य जलदॖय। सानि समाजिक्यन बायन छि ऊर्य कुन कल ज़ि कुस करि अथ संस्थायि सदारत। क़यास छि सऻरीय पनॖनि पनॖनि जायि कऺरिथ मगर दब्यसुन्द छलुन ननि यीज़ द्वह। 1953-ज़हऻस मंज़ बनेमॖच़ि अथ संस्थायि युस दबॖदब रूद पऺत्यम्यव दॊयव त्र्यॆयव वऺरियव प्यठॖ त्यूत दपान छु नॖ कऻन्सि वुछमुत वुन्युखताम। ब्यॊन ब्यॊन व्यच़ार छि यिवान बावनॖ ब्यॊन ब्यॊन जायव प्यठॖ। लूकन हॖन्द्यन मनन मंज़ छि शंका व्वपदेमॖच़ ज़ि ॴखॖर क्याह कारण छु ज़ि अथ संस्थाय मंज़ बिहित महानुभाव क्याज़ि छि ज़ऻनिथ मऻनिथ वुन्यखताम चुनाव करनावनस कनॖडोल आमॖत्य दिवान ॴखॖर अथ संस्थायि मंज़ क्याह सु लास छु लॊबॖमुत यथ लऻरिथ गऻमॖत्य छि अत्युक सदॖर तॖ तऺम्यसॖन्द्य ॴहलिकार। खऻर तनाव छु बऺनिथ अल्बतॖ हालात छि कोबूअस मंज़।दिल्लि मंज़ सारिवॖय प्रऻन्य कऻशिर्य बटन हॖन्ज़ संस्था यॊस वख्तॖ अकि दपान ग्रज़ान ॴस सॊय संस्था छि आमॖच़ विवादन मंज़। सोन समाज छु अख पॊरुमुत ल्यूखमुत समाज। अगर नॖ असि तगन ल्वकॖट्य म्वकॖट्य मसलॖ अंज़रावॖन्य असि छु नॖ कांह हक़ बनान खज्यन पऻजामन पनॖनि ज़ंगॖ छ़ॖनॖनि। असि छि गऻमॖच़ दॊन ब्रार्यन तॖ पंज़्य सॖन्ज़ बऻश्य यॊतताम च़ामनिफॊल पॊंज़ गछ़ि ख्यथ तॖ रोज़व हयबुंगॖ हि अख ॳकिस कुन वुछान।
**********************
"आत्मा त्वम् गिरिजामति: परिजन: प्राणा: शरीरं गृहं, पूजा ते विषयो पभोगरचना,निद्रा समाधि स्थिति:।
संचारोsपि परिक्रम: पशुपते: स्तोत्राणि सर्वागिरो, यत यत
कर्म करोमि देव भगवन तत्-तत् तवाराधनम।।"
पऺरिव यि मंत्र ति दॊहय
**********************
कऻशुर ह्यॆछव कऻशुर परव
कऻशिर्य पऻठ्य पानवॖन्य कथबाथ करव
**********************
 नऺविव तॖ फॊलिव
 भूषण कौल "दीप"
(बूज़िव अज़्युक सबक़ म्यानि ज़्यॆवि ति)
(koshursabak.blogspot.com ति वुछिव)