26.02.2020 फाल्गुन (फाल्गुन) ज़ूनॖ पछॖ (शुक्ल पक्ष)
त्रय (तृतीय) ब्वदवार (बुधवार)
श्री सप्तर्षी सम्वत 5095, राश मीन (चलान) ऋतु शिशर (चलान), द्रठॖपऻन्च़ुक (पंचक)(चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
गुरु स्तुति
नवायं नवरूपाय परमार्थैक रूपिणे।
सर्वाज्ञानतमोभेदमानवे चिद्धनायते।।
**************************
लल वाक्
ओंकार यॆलि लयि ऒनुम
वुह्य कॊरुम पनुन पान।
शुह-वॊत त्रऻविथ सथ मार्ग रॊटुम
त्यॆलि लल वऻच़ॖस प्रकाशस्थान
***********
अर्थात:- जब ओंकार को मैंने अपनी ओर अनुरक्त कर लिया, मुझे अपने आपको एक अंगारे की तरह तपाना पडा, अर्थात योगक्रिया द्वारका अपने शरीर को आंच दें कर मैंने विचारों को प्रणव कर केन्द्रित किया, तभी मैं उसकी बन गई। और जब शशमार्ग (छ: चक्र या शक्ति के छ: चर्ण) त्याग कर मैंने सन्मार्ग का सातवां पथ(सहस्त्रार चक्र) धारण किया, तब मैं लल्ला, प्रकाशस्थान तक जा पहुंची।
**************************
नुंदॖ ऱेशिन्य श्रुक्य
ज्ञान यस वोत रन तस तऺजी
सु करि हरस च़ॆति बाव
मद यस मॊर तॖ खुदी च़ऺजी
बॖ नॖ कुनि तॖ म्यॆ क्या नाव
सु यॆम्य ड्यूंठ दॖय तस च़ऺजी
अदॖ कुस करि कॊन्द तॖ ग्राव
***********
माने:- युस ज्ञान प्रावि सुय करि दयस बाव। तऺस्य ज्ञानॖवानस तॊग ज़िन्दॖ रोज़ुन। मद मऻरिथ म्वकॖलि तस अहम् बाव यॆम्यसॗत्य "बॖ" रोज़िनॖ कुनि सिरिफ बास्यस दय (च़ॖ) हर जायि। अमि दर्शनॖ च़लि तस दॖय तॖ बाव तॖ प्रथ ज़ीवस मंज़ कुन दय बऻसिथ करि नॖ दयस रॊस कऻन्सि ति ग्राव।
**************************
पंचान्ग:- रंगॖ रंगॖ रंग। पऺत्यम्यव त्रॖहव पांच़त्रॖहव वऺरियव प्यठॖ वोत म्यॆ वुछान ज़ि असि कऻशिर्य बटन छि वाकऺयी रंगॖ रंगॖ रंग गऻमॖत्य। कुनवुहशथ तॖ नमतस मंज़ आयि म्यॆ केंह गरॖ नज़रि तल तिम यिमन तमि सातॖ अख या ज़ॖ ल्वकचि ल्वकॖचि कोरि आसॖ तॖ ओसुख प्योमुत च़ऺलुन कऺशीरि प्यठॖ तॖ वऻत्य ब्यॊन ब्यॊन जायन यॆमिस यॆतिनस प्रारब्ध ओस। यिमन त्रॖहन वऺरियन सॗत्य गऺयि यिम द्वनवय कोरिहेन ति बडान तॖ मोल मऻज्य ति बुडान। अज़ करव अकि गरॖच कथ युस च़लनॖ पतॖ बंगॖलोर वोत। यिमव दोयव कोर्यव कऺर विद्या प्राप्त तॖ सॗती गव यिमन द्वनवॖन्य कोर्यन बंगलोरॖस मंज़ॖय प्यार पर-ज़ऻच़क्यन लऺडकन सॗत्य। मोल यिमन कोर्यन हुन्द ओस सफेद-पूशी, स्यॊद-सादॖ, शरीफ तॖ संस्कऻरी। नन्योस येलि कोर्यन हॖन्ज़ करामात, फूरॖस नॖ कथ ति तॖ ॳछ वऺटिथ कॊरनख आंकार। ह्यॆह गव कोर्यन हॖन्दिस नानि-बुड्यबबस। यिम ॴस्य नॖ ज़्यॆहनी तोर पऻठ्य तयार यि कथ बोज़नॖ बापथ। मगर ह्यॊकुख नॖ कॆंह कऺरिथ। कोर्यन गव खान्दर ति। ॳकिस म्यूल मंगलोरुक लऺडकॖ तॖ दोयिमि म्यूल अख पारसी। तिम वाच़ॖ खान्दरॖ पतॖ पनॖन्यन पनॖन्यन गरन तॖ मोल-मऻज्य रूद्य पनॖनिस मऻलिस माजि सॗत्य। वख्तन द्युत फ्युर, नान्य तॖ बुड्यबब गऺयि स्वर्गवास तॖ स्वर्गॖवास गऺयि कोर्यन हॖन्ज़ मऻज ति। रूद व्वंय मोल बिचोर, कुन तॖ कीवल, हूनि मशीदि हुन्द जिन ह्यु। न पथ कांह तॖ न ब्रौंह कांह। अगर अख या ज़ॖ लऺडकॖ आसहऻनस तॖ वंश पकिह्यॆस ब्रौंहकुन मगर अथ खानदानस लॊग थख ॳती। मोल छु कुनुय ज़ॊन कॊर्यन मातॖहद।तिमन ति पनॖन्य पनॖन्य मजबूरी तॖ गरॖच ज़िम्वऻरी। मऻलिस कॊत ताम ह्यकन पानस सॗत्य पकनऻविथ वख करि फऻसलॖ। पगह वुछव ब्यॆयि गरॖच कथ यॆमिस कोऱय याच़ॖ छि तॖ न्यॆचुव नॖ कांह।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
त्रय (तृतीय) ब्वदवार (बुधवार)
श्री सप्तर्षी सम्वत 5095, राश मीन (चलान) ऋतु शिशर (चलान), द्रठॖपऻन्च़ुक (पंचक)(चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
गुरु स्तुति
नवायं नवरूपाय परमार्थैक रूपिणे।
सर्वाज्ञानतमोभेदमानवे चिद्धनायते।।
**************************
लल वाक्
ओंकार यॆलि लयि ऒनुम
वुह्य कॊरुम पनुन पान।
शुह-वॊत त्रऻविथ सथ मार्ग रॊटुम
त्यॆलि लल वऻच़ॖस प्रकाशस्थान
***********
अर्थात:- जब ओंकार को मैंने अपनी ओर अनुरक्त कर लिया, मुझे अपने आपको एक अंगारे की तरह तपाना पडा, अर्थात योगक्रिया द्वारका अपने शरीर को आंच दें कर मैंने विचारों को प्रणव कर केन्द्रित किया, तभी मैं उसकी बन गई। और जब शशमार्ग (छ: चक्र या शक्ति के छ: चर्ण) त्याग कर मैंने सन्मार्ग का सातवां पथ(सहस्त्रार चक्र) धारण किया, तब मैं लल्ला, प्रकाशस्थान तक जा पहुंची।
**************************
नुंदॖ ऱेशिन्य श्रुक्य
ज्ञान यस वोत रन तस तऺजी
सु करि हरस च़ॆति बाव
मद यस मॊर तॖ खुदी च़ऺजी
बॖ नॖ कुनि तॖ म्यॆ क्या नाव
सु यॆम्य ड्यूंठ दॖय तस च़ऺजी
अदॖ कुस करि कॊन्द तॖ ग्राव
***********
माने:- युस ज्ञान प्रावि सुय करि दयस बाव। तऺस्य ज्ञानॖवानस तॊग ज़िन्दॖ रोज़ुन। मद मऻरिथ म्वकॖलि तस अहम् बाव यॆम्यसॗत्य "बॖ" रोज़िनॖ कुनि सिरिफ बास्यस दय (च़ॖ) हर जायि। अमि दर्शनॖ च़लि तस दॖय तॖ बाव तॖ प्रथ ज़ीवस मंज़ कुन दय बऻसिथ करि नॖ दयस रॊस कऻन्सि ति ग्राव।
**************************
पंचान्ग:- रंगॖ रंगॖ रंग। पऺत्यम्यव त्रॖहव पांच़त्रॖहव वऺरियव प्यठॖ वोत म्यॆ वुछान ज़ि असि कऻशिर्य बटन छि वाकऺयी रंगॖ रंगॖ रंग गऻमॖत्य। कुनवुहशथ तॖ नमतस मंज़ आयि म्यॆ केंह गरॖ नज़रि तल तिम यिमन तमि सातॖ अख या ज़ॖ ल्वकचि ल्वकॖचि कोरि आसॖ तॖ ओसुख प्योमुत च़ऺलुन कऺशीरि प्यठॖ तॖ वऻत्य ब्यॊन ब्यॊन जायन यॆमिस यॆतिनस प्रारब्ध ओस। यिमन त्रॖहन वऺरियन सॗत्य गऺयि यिम द्वनवय कोरिहेन ति बडान तॖ मोल मऻज्य ति बुडान। अज़ करव अकि गरॖच कथ युस च़लनॖ पतॖ बंगॖलोर वोत। यिमव दोयव कोर्यव कऺर विद्या प्राप्त तॖ सॗती गव यिमन द्वनवॖन्य कोर्यन बंगलोरॖस मंज़ॖय प्यार पर-ज़ऻच़क्यन लऺडकन सॗत्य। मोल यिमन कोर्यन हुन्द ओस सफेद-पूशी, स्यॊद-सादॖ, शरीफ तॖ संस्कऻरी। नन्योस येलि कोर्यन हॖन्ज़ करामात, फूरॖस नॖ कथ ति तॖ ॳछ वऺटिथ कॊरनख आंकार। ह्यॆह गव कोर्यन हॖन्दिस नानि-बुड्यबबस। यिम ॴस्य नॖ ज़्यॆहनी तोर पऻठ्य तयार यि कथ बोज़नॖ बापथ। मगर ह्यॊकुख नॖ कॆंह कऺरिथ। कोर्यन गव खान्दर ति। ॳकिस म्यूल मंगलोरुक लऺडकॖ तॖ दोयिमि म्यूल अख पारसी। तिम वाच़ॖ खान्दरॖ पतॖ पनॖन्यन पनॖन्यन गरन तॖ मोल-मऻज्य रूद्य पनॖनिस मऻलिस माजि सॗत्य। वख्तन द्युत फ्युर, नान्य तॖ बुड्यबब गऺयि स्वर्गवास तॖ स्वर्गॖवास गऺयि कोर्यन हॖन्ज़ मऻज ति। रूद व्वंय मोल बिचोर, कुन तॖ कीवल, हूनि मशीदि हुन्द जिन ह्यु। न पथ कांह तॖ न ब्रौंह कांह। अगर अख या ज़ॖ लऺडकॖ आसहऻनस तॖ वंश पकिह्यॆस ब्रौंहकुन मगर अथ खानदानस लॊग थख ॳती। मोल छु कुनुय ज़ॊन कॊर्यन मातॖहद।तिमन ति पनॖन्य पनॖन्य मजबूरी तॖ गरॖच ज़िम्वऻरी। मऻलिस कॊत ताम ह्यकन पानस सॗत्य पकनऻविथ वख करि फऻसलॖ। पगह वुछव ब्यॆयि गरॖच कथ यॆमिस कोऱय याच़ॖ छि तॖ न्यॆचुव नॖ कांह।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
No comments:
Post a Comment