12.02.2020 फाल्गुन (फाल्गुन) गटॖ पछॖ (कृष्ण पक्ष) च़ोरम (चतुर्थी) ब्वदवार (बुधवार) श्री सप्तर्षी सम्वत 5095, राश कन्या (चलान), ऋतु शिशर (चलान)..अज़ छि संकट च़ॊरम ति (संकट निवार्ण चतुर्थी)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
गुरु स्तुति
ऊं ब्रह्मानन्दं परम सुखदं केवलं ज्ञान मूर्तिं
द्वन्द्वातीतं गगन सदृशं तत्तवमस्यादि लक्ष्यम्
**************************
लल वाक्
म्यथ्या कपट असथ त्रोवुम
मनस कॊरुम सुय व्वपदीश
ज़नस अन्दर कीवल ज़ोनुम
अनस ख्यनस कुस छुम द्वीश
************
अर्थात:- मैं ने मिथ्या, असत्य और कपट को छोड दिया और मन को ऐसा ही करने का उपदेश दिया। हर जन में उसी परमेश्वर को देखा फिर (व्रत के दिन) अन्न खाने में क्यों घ्रणा है।
**************************
नुंदॖ ऱेशिन्य श्रुक्य
ज़िकरि सॗती रटुन माले
फिकरि सॗती तारुस पुन
नफ़स गन्ड मालि हाले हाले
ज़न तोरुथ म्वख्तॖ माले पन
************
माने:- ज़िक्रि हॖन्ज़ ज़ितिन्य ज़ॆवरिथ गछ़ि फिकरि हॖंदि चिलॖ सॗत्य प्वख्तॖ कऺरिथ पनुन ध्यान यादि दयस कुन पूरॖ लागुन। अमलि मंज़ अनान गछ़न नफसी ख्वऻहिशि वारॖ वारॖ तिथॖ पऻठ्य गंड रटनि, यिथकऺन्य म्वख्तस पन तऻरिथ मालॖ छि बनावान। माने शाह रूप दावव गछ़न ज़िकरि तॖ फिकरि रूप म्वख्तॖ मालॖ दयस नऻल्य त्रावनि।
**************************
पंचान्ग:- राथ गव म्यॆ कनस अख आडियो यथ मंज़ कुस ताम म्योन बोय छु वनान ज़ि अगर असि शास्त्रॖच ब्वय छॆ नॖ, असि पज़ि नॖ शास्त्रस मुतलक कथॖय करॖन्य। सॗती बूज़ुम सु आडियो यथ मंज़ सु वनान छु ज़ि असि छॆ नॖ पतहॗय ज़ि ट्यॆकिनि मिलनावॖन्य कथ छि वनान। यि ति छॆ नॖ ख़बर ज़ि ट्यॆकिनि मंज़ क्याह लीखित छु, कुस ग्रह कथ गरस मंज़ छु। सु आडियो छु यिति वनान ज़ि असि छॆ नॖ यिति ख़बर ज़ि इन्सानस कऺच़ ज़ऻच़ छि, मनुश्य ज़ात कथ छि वनान, राक्षस ज़ात कथ छि वनान तॖ देव ज़ात कथ छि वनान। यि बरादर म्योन छु वनान अमि आडियो दऺस्य ज़ि कऻशुर बटॖ छु आमुत ग्वडय कॖनॖनॖ तॖ असि पज़ि नॖ बटॖ ब्यॆयि कॖनुन। आडियोहॖच यि आवाज़ बूज़ॖम वनान कथ ताम संस्थायि कुन ज़ि तथ संस्थायि पज़न नॖ पांछ़ सास मंगॖन्य या त्रॆ सास मंगॖन्य तॖ बटॖ कुनुन। ब्यॆयि ति वारियाह कॆंह बूज़ म्यॆ अमि आडियो दऺस्य सऻनिस शास्त्रस मुतलक यि बरादर वनान। कॆंह कथॖ वनि ॳम्य बरादरन पज़ॖ तॖ कॆंह कथॖ छॆ नॖ ॳमिस बरादरस म्यॆ बासान पतहॗय ज़ि ॳस्य कति ॴस्य, ॳस्य कॊत वऻत्य। तऺमिस छॆ नॖ शायद यिति ख़बर ज़ि कति छु रऺह्यमॖ तॖ कति छि खऻत्य। अगर असि शास्त्र विद्या आसिहे आमॖच़ ह्यॆछनावनॖ, तॆलि क्याज़ि प्यॆयिहे असि व्यछ़य शास्त्र ज़ानन वाल्यन हॖन्ज़। तॆलि क्याज़ि यिहऻन बारसस बिहऻर्य, उतराखण्डॖक्य, उतरांचलॖक्य कॆंह लूख असि शास्त्र ह्यॆछनावनि। अगर ट्यॆकिनि मिलनावनस यूत महत्व छु तॆलि कयाज़ि छि नॖ ज़ऻच़ न्यबर खान्दर करन वाल्यन हॖन्ज़ॖ ट्यॆकिनि यिवान मिलनावनॖ। यॊदवय ॳमिस बऻयस यूतुय च़ुक छु पनॖनि समाजुक युस आसुन ति गछ़ि, तॆलि क्याज़ि छु नॖ यि शास्त्र सान्यन नवजवानन ताम वातनावान या समजावान? तॆलि क्याज़ि छि नॖ सऻन्य शास्त्र ज़ानन वऻल्य लूकन ताम अमि शास्त्रुक महत्वॖ वातनावान। अगर ट्यॆकिनि
सऺही पऻठ्य यिवान छि मिलनावनॖ तॖ तऺथ्य विश्वासस प्यठ खान्दर यिवान करनॖ, तॆलि क्याज़ि छि सऻन्य शुर्य खान्दरॖ पतॖ दरबॖदर अदालत वानन फ़ेरान रोज़ान। तिहॖन्द्य ग्रॖहॖद्य क्याज़ि छि नॖ रास यिवान पतॖ यॆलि ग्वडॖ मील्यमॖत्य छि आसान खान्दरॖ ब्रौंह? ॳमिस आडियो वऻलिस पज़ि असि यिमन सवालन हुन्द जवाब द्युन तॖ असि शास्त्र ह्यॆछनावुन। यॆमि संस्थायि कुन यि म्योन बोय वनान छु, तमिस पज़ि रू-ब-रू कथ करॖन्य तॖ ज़ानुन ज़ि संस्थायि हुन्द मुद्दा तॖ मकसद क्याह छु। ॳमिस बऻयिस पज़ि वारॖ पऻठ्य परुन ज़ि पांछ़ या त्रॆ सास कमि कथि बापथ छि आमॖत्य मंगनॖ।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
गुरु स्तुति
ऊं ब्रह्मानन्दं परम सुखदं केवलं ज्ञान मूर्तिं
द्वन्द्वातीतं गगन सदृशं तत्तवमस्यादि लक्ष्यम्
**************************
लल वाक्
म्यथ्या कपट असथ त्रोवुम
मनस कॊरुम सुय व्वपदीश
ज़नस अन्दर कीवल ज़ोनुम
अनस ख्यनस कुस छुम द्वीश
************
अर्थात:- मैं ने मिथ्या, असत्य और कपट को छोड दिया और मन को ऐसा ही करने का उपदेश दिया। हर जन में उसी परमेश्वर को देखा फिर (व्रत के दिन) अन्न खाने में क्यों घ्रणा है।
**************************
नुंदॖ ऱेशिन्य श्रुक्य
ज़िकरि सॗती रटुन माले
फिकरि सॗती तारुस पुन
नफ़स गन्ड मालि हाले हाले
ज़न तोरुथ म्वख्तॖ माले पन
************
माने:- ज़िक्रि हॖन्ज़ ज़ितिन्य ज़ॆवरिथ गछ़ि फिकरि हॖंदि चिलॖ सॗत्य प्वख्तॖ कऺरिथ पनुन ध्यान यादि दयस कुन पूरॖ लागुन। अमलि मंज़ अनान गछ़न नफसी ख्वऻहिशि वारॖ वारॖ तिथॖ पऻठ्य गंड रटनि, यिथकऺन्य म्वख्तस पन तऻरिथ मालॖ छि बनावान। माने शाह रूप दावव गछ़न ज़िकरि तॖ फिकरि रूप म्वख्तॖ मालॖ दयस नऻल्य त्रावनि।
**************************
पंचान्ग:- राथ गव म्यॆ कनस अख आडियो यथ मंज़ कुस ताम म्योन बोय छु वनान ज़ि अगर असि शास्त्रॖच ब्वय छॆ नॖ, असि पज़ि नॖ शास्त्रस मुतलक कथॖय करॖन्य। सॗती बूज़ुम सु आडियो यथ मंज़ सु वनान छु ज़ि असि छॆ नॖ पतहॗय ज़ि ट्यॆकिनि मिलनावॖन्य कथ छि वनान। यि ति छॆ नॖ ख़बर ज़ि ट्यॆकिनि मंज़ क्याह लीखित छु, कुस ग्रह कथ गरस मंज़ छु। सु आडियो छु यिति वनान ज़ि असि छॆ नॖ यिति ख़बर ज़ि इन्सानस कऺच़ ज़ऻच़ छि, मनुश्य ज़ात कथ छि वनान, राक्षस ज़ात कथ छि वनान तॖ देव ज़ात कथ छि वनान। यि बरादर म्योन छु वनान अमि आडियो दऺस्य ज़ि कऻशुर बटॖ छु आमुत ग्वडय कॖनॖनॖ तॖ असि पज़ि नॖ बटॖ ब्यॆयि कॖनुन। आडियोहॖच यि आवाज़ बूज़ॖम वनान कथ ताम संस्थायि कुन ज़ि तथ संस्थायि पज़न नॖ पांछ़ सास मंगॖन्य या त्रॆ सास मंगॖन्य तॖ बटॖ कुनुन। ब्यॆयि ति वारियाह कॆंह बूज़ म्यॆ अमि आडियो दऺस्य सऻनिस शास्त्रस मुतलक यि बरादर वनान। कॆंह कथॖ वनि ॳम्य बरादरन पज़ॖ तॖ कॆंह कथॖ छॆ नॖ ॳमिस बरादरस म्यॆ बासान पतहॗय ज़ि ॳस्य कति ॴस्य, ॳस्य कॊत वऻत्य। तऺमिस छॆ नॖ शायद यिति ख़बर ज़ि कति छु रऺह्यमॖ तॖ कति छि खऻत्य। अगर असि शास्त्र विद्या आसिहे आमॖच़ ह्यॆछनावनॖ, तॆलि क्याज़ि प्यॆयिहे असि व्यछ़य शास्त्र ज़ानन वाल्यन हॖन्ज़। तॆलि क्याज़ि यिहऻन बारसस बिहऻर्य, उतराखण्डॖक्य, उतरांचलॖक्य कॆंह लूख असि शास्त्र ह्यॆछनावनि। अगर ट्यॆकिनि मिलनावनस यूत महत्व छु तॆलि कयाज़ि छि नॖ ज़ऻच़ न्यबर खान्दर करन वाल्यन हॖन्ज़ॖ ट्यॆकिनि यिवान मिलनावनॖ। यॊदवय ॳमिस बऻयस यूतुय च़ुक छु पनॖनि समाजुक युस आसुन ति गछ़ि, तॆलि क्याज़ि छु नॖ यि शास्त्र सान्यन नवजवानन ताम वातनावान या समजावान? तॆलि क्याज़ि छि नॖ सऻन्य शास्त्र ज़ानन वऻल्य लूकन ताम अमि शास्त्रुक महत्वॖ वातनावान। अगर ट्यॆकिनि
सऺही पऻठ्य यिवान छि मिलनावनॖ तॖ तऺथ्य विश्वासस प्यठ खान्दर यिवान करनॖ, तॆलि क्याज़ि छि सऻन्य शुर्य खान्दरॖ पतॖ दरबॖदर अदालत वानन फ़ेरान रोज़ान। तिहॖन्द्य ग्रॖहॖद्य क्याज़ि छि नॖ रास यिवान पतॖ यॆलि ग्वडॖ मील्यमॖत्य छि आसान खान्दरॖ ब्रौंह? ॳमिस आडियो वऻलिस पज़ि असि यिमन सवालन हुन्द जवाब द्युन तॖ असि शास्त्र ह्यॆछनावुन। यॆमि संस्थायि कुन यि म्योन बोय वनान छु, तमिस पज़ि रू-ब-रू कथ करॖन्य तॖ ज़ानुन ज़ि संस्थायि हुन्द मुद्दा तॖ मकसद क्याह छु। ॳमिस बऻयिस पज़ि वारॖ पऻठ्य परुन ज़ि पांछ़ या त्रॆ सास कमि कथि बापथ छि आमॖत्य मंगनॖ।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
No comments:
Post a Comment