15.02.2020 फाल्गुन (फाल्गुन) गटॖ पछॖ (कृष्ण पक्ष) सतम (देवादेव) (सप्तमी) बटॖवार (शनिवार/शनिश्चरवार) श्री सप्तर्षी सम्वत 5095,राश वृश्चिक (रऻच़ हॖन्ज़ॖ 11.18 बजि प्यठॖ) ऋतु शिशर (चलान)...अज़ छि हुर्य सतम
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
**************************
गुरु स्तुति
यस्य देवे पराभक्ति: यथा देवे तथा गुरौ, तस्यैते कथिता ह्यर्था: प्रकाशन्ते महात्मन:।
श्री गुरूं परमानन्दं वंदाम्यानन्द विग्रहम्। यस्य सान्निध्यमात्रेण चिदानन्दायते परम्।।
**************************
लल वाक्
मकरस ज़न मल च़ॊलुम मनस
अदॖ म्यॆ लऺबॖम ज़नस ज़ान
सु यॆलि ड्यूंठुम निशि पानस
सोरुय सुय तय बो नो कॆंह
**********
अर्थात:- जब मेरे मन के शीशे का मैल समाप्त हुआ तो मैं ने स्वात्म को जान लिया। उस शिव को जब अपने पास ही देखा तो पाया कि वही सब कुछ है और मैं कुछ भी नहीं। अर्थात, मन से मैल उतर जाए तो ईश्वर की पहचान हो जाती है और वही सर्वत्र दिखाई देता है।
**************************
नुंदॖ ऱेशिन्य श्रुक्य
मुकाम रूज़िथ मन नॖ मोरुम
यि कऺम्य हूंछ़ॖय फुटरुम शीश
गुपन दॊरुय वॊदुर बॊरुम
कस नॖ कॊरुम वलॖवेश
यि दिह शीरॖ नाबदॖ संदोरुम
अदॖ सखोरुम परदेश
**********
माने:- कुनि मुकामस प्यठ वऻतिथ ति ह्यकुम नॖ मऻरिथ पनुन मन। यि कऺम्य अयूनन फुटरुम दिल तॖ रावरऻवनम ब्वद। गुपन दरॆव बॊरुम पनुन वॊदुर। सारिनॖय यॆन्दरियन हुन्द मऻनिथ कॊरुम अपुज़ व्यवहार। दिहस पनॖनिस कॊरुम शीरॖ तॖ नाब्दॖ सॗत्य पलालॖ अदॖ ह्यॊतुम तोर सखरुन।
**************************
पंचान्ग:- सिद्धेश्वर दुर्गा मन्दर युस कश्यप ऋषि विहारॖ, डूंडाहेडाहस मंज़ छु कऻशिर्य बटव दऺस्य आमुत बनावॖनॖ, ख्वशनऺसीबी म्यऻन्य ज़ि म्यॆ म्यूल मोकॖ यि मन्दर वुछनुक राथ पनॖन्यन कॆंच़न म्यॆथरन सॗत्य। मंदर छु आमुत बनावनॖ बडॖ नफ़ीस पऻठ्य तॖ च़ुकि सान। सडकि अपारि यानि मन्दरकिस दरवाज़स स्यदॖस्यॊद छु आमुत बनावनॖ अख बॊड हाल ति यॆति ल्वकॖट्य म्वकॖट्य व्वत्सवॖ ह्यकन अंद वऻतिथ। वुन्यक्यनस यॊदवय कांह कऺमी पीशी नज़र म्यॆ आयि स्व गऺयि अथ मंदरस ताम वातॖनॖच व्यवस्था। चूंकि यि मन्दर छु बऺस्ती मंज़, बासान छु ज़ि भख्तन मा गछ़ि हना मुश्किल ऒत ताम वातनस हालांकि वनॖन आव ज़ि कऻफी बऺड जाय छि यॆत्यन गाडि वाडि यिन थवनॖ मगर कच्चॖ वथ आसनॖ म्वखॖ लग्यस कॆंह समय। यॊत ताम म्यॆ कनन गव ज़ि अथ मंदरस ॳन्द्य पऺख्य छि कीवल श्यॆ या सथ बटॖ गरॖ बसान। बाकॖयव छि मकानॖ बनऻवमॖत्य मगर रूज़िथ छि पानॖ ब्यॆयि कुनि जायि अथ कॊम्यूनिटी हालस मंज़ छि पूरॖ व्यवस्था आमॖच़ बानॖ-बठन हॖन्ज़ करनॖ। मंदरस मंज़ भजन कीर्तन करनॖ बापथ छु ज़रुरी साज़ सामानॖ ति आमुत अनॖनॖ। प्रथ ॴठम छु यिवान भजन कीर्तन करनॖ, खिर यिवान बनावनॖ कॆंह माजि ब्यॆनि छि लीलायि ल्येखान ति। डूंडाहेडा छु दरासल अख गाम मगर अथ गामस छि आमॖच़ शहरॖच शकॖल दिनॖ तॖ सॗती छुस नाव आमुत दिनॖ अथ कश्यप ऋशि विहार।अख बऺड पार्क ति छि बऺनिथ तॖ अथ पार्कि मंज़ छि कश्यप ऋशि सॖन्ज़ अख मूर्त ति बऺनिथ। मन्दर छु जान जायि मगर बटन हॖन्ज़ बऺस्ती छि कम।असि कऻशिर्य बटन पज़ि मन्दरिक्यन सदस्यन तन मनॖ तॖ धन सॗत्य मदद करुन। कॊम्युनिटी हालुक पज़ि असि सऺही इस्तिमाल करुन। सऻनिस समाजस ह्यॆकि मीलिथ राहत ति तॖ मन्दरॖच अर्थ व्यवस्था रोज़ि डन्जि। मऻज्य दुर्गा कऺरिन्य पनुन अनुग्रह सारिनॖय भख्तन, सदस्यन, कार्य कर्ताहऻन, तॖ तमि दऺस्य रूज़िन मऻज्य मॆहरबान असि सारिनॖय।
अज़ छि हुर्य सतम। मानॖनॖ छु यिवान ज़ि ॳज़्यकि द्वह छु माता ज़्वाला दीवी ति अवतार दोरमुत। अज़ सतम द्वह दपान पज़ि ज़्वाला माता हॖन्ज़ आराधना करॖन्य। सन्यवार्यन पज़ि यज्ञन्युक/दानुक क्रुहुन ट्यॊक लागुन। दपान यॊदवय कांह ति आसि भाग्यवश कालारिष्टस मंज़ वलनॖ आमुत, ज़्वाला मातायि हॖन्ज़ आराधना करनॖ सॗत्य छि तस म्वख्ती म्येलान। नियमानुसार छु असुन द्रॊकुन, हारन गिन्दुन तॖ द्वह मनावुन। हेरथ मऻज्य आयि। बरॖ किन्य च़ायि। लक्ष्मी ह्यथ आयि।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
**************************
गुरु स्तुति
यस्य देवे पराभक्ति: यथा देवे तथा गुरौ, तस्यैते कथिता ह्यर्था: प्रकाशन्ते महात्मन:।
श्री गुरूं परमानन्दं वंदाम्यानन्द विग्रहम्। यस्य सान्निध्यमात्रेण चिदानन्दायते परम्।।
**************************
लल वाक्
मकरस ज़न मल च़ॊलुम मनस
अदॖ म्यॆ लऺबॖम ज़नस ज़ान
सु यॆलि ड्यूंठुम निशि पानस
सोरुय सुय तय बो नो कॆंह
**********
अर्थात:- जब मेरे मन के शीशे का मैल समाप्त हुआ तो मैं ने स्वात्म को जान लिया। उस शिव को जब अपने पास ही देखा तो पाया कि वही सब कुछ है और मैं कुछ भी नहीं। अर्थात, मन से मैल उतर जाए तो ईश्वर की पहचान हो जाती है और वही सर्वत्र दिखाई देता है।
**************************
नुंदॖ ऱेशिन्य श्रुक्य
मुकाम रूज़िथ मन नॖ मोरुम
यि कऺम्य हूंछ़ॖय फुटरुम शीश
गुपन दॊरुय वॊदुर बॊरुम
कस नॖ कॊरुम वलॖवेश
यि दिह शीरॖ नाबदॖ संदोरुम
अदॖ सखोरुम परदेश
**********
माने:- कुनि मुकामस प्यठ वऻतिथ ति ह्यकुम नॖ मऻरिथ पनुन मन। यि कऺम्य अयूनन फुटरुम दिल तॖ रावरऻवनम ब्वद। गुपन दरॆव बॊरुम पनुन वॊदुर। सारिनॖय यॆन्दरियन हुन्द मऻनिथ कॊरुम अपुज़ व्यवहार। दिहस पनॖनिस कॊरुम शीरॖ तॖ नाब्दॖ सॗत्य पलालॖ अदॖ ह्यॊतुम तोर सखरुन।
**************************
पंचान्ग:- सिद्धेश्वर दुर्गा मन्दर युस कश्यप ऋषि विहारॖ, डूंडाहेडाहस मंज़ छु कऻशिर्य बटव दऺस्य आमुत बनावॖनॖ, ख्वशनऺसीबी म्यऻन्य ज़ि म्यॆ म्यूल मोकॖ यि मन्दर वुछनुक राथ पनॖन्यन कॆंच़न म्यॆथरन सॗत्य। मंदर छु आमुत बनावनॖ बडॖ नफ़ीस पऻठ्य तॖ च़ुकि सान। सडकि अपारि यानि मन्दरकिस दरवाज़स स्यदॖस्यॊद छु आमुत बनावनॖ अख बॊड हाल ति यॆति ल्वकॖट्य म्वकॖट्य व्वत्सवॖ ह्यकन अंद वऻतिथ। वुन्यक्यनस यॊदवय कांह कऺमी पीशी नज़र म्यॆ आयि स्व गऺयि अथ मंदरस ताम वातॖनॖच व्यवस्था। चूंकि यि मन्दर छु बऺस्ती मंज़, बासान छु ज़ि भख्तन मा गछ़ि हना मुश्किल ऒत ताम वातनस हालांकि वनॖन आव ज़ि कऻफी बऺड जाय छि यॆत्यन गाडि वाडि यिन थवनॖ मगर कच्चॖ वथ आसनॖ म्वखॖ लग्यस कॆंह समय। यॊत ताम म्यॆ कनन गव ज़ि अथ मंदरस ॳन्द्य पऺख्य छि कीवल श्यॆ या सथ बटॖ गरॖ बसान। बाकॖयव छि मकानॖ बनऻवमॖत्य मगर रूज़िथ छि पानॖ ब्यॆयि कुनि जायि अथ कॊम्यूनिटी हालस मंज़ छि पूरॖ व्यवस्था आमॖच़ बानॖ-बठन हॖन्ज़ करनॖ। मंदरस मंज़ भजन कीर्तन करनॖ बापथ छु ज़रुरी साज़ सामानॖ ति आमुत अनॖनॖ। प्रथ ॴठम छु यिवान भजन कीर्तन करनॖ, खिर यिवान बनावनॖ कॆंह माजि ब्यॆनि छि लीलायि ल्येखान ति। डूंडाहेडा छु दरासल अख गाम मगर अथ गामस छि आमॖच़ शहरॖच शकॖल दिनॖ तॖ सॗती छुस नाव आमुत दिनॖ अथ कश्यप ऋशि विहार।अख बऺड पार्क ति छि बऺनिथ तॖ अथ पार्कि मंज़ छि कश्यप ऋशि सॖन्ज़ अख मूर्त ति बऺनिथ। मन्दर छु जान जायि मगर बटन हॖन्ज़ बऺस्ती छि कम।असि कऻशिर्य बटन पज़ि मन्दरिक्यन सदस्यन तन मनॖ तॖ धन सॗत्य मदद करुन। कॊम्युनिटी हालुक पज़ि असि सऺही इस्तिमाल करुन। सऻनिस समाजस ह्यॆकि मीलिथ राहत ति तॖ मन्दरॖच अर्थ व्यवस्था रोज़ि डन्जि। मऻज्य दुर्गा कऺरिन्य पनुन अनुग्रह सारिनॖय भख्तन, सदस्यन, कार्य कर्ताहऻन, तॖ तमि दऺस्य रूज़िन मऻज्य मॆहरबान असि सारिनॖय।
अज़ छि हुर्य सतम। मानॖनॖ छु यिवान ज़ि ॳज़्यकि द्वह छु माता ज़्वाला दीवी ति अवतार दोरमुत। अज़ सतम द्वह दपान पज़ि ज़्वाला माता हॖन्ज़ आराधना करॖन्य। सन्यवार्यन पज़ि यज्ञन्युक/दानुक क्रुहुन ट्यॊक लागुन। दपान यॊदवय कांह ति आसि भाग्यवश कालारिष्टस मंज़ वलनॖ आमुत, ज़्वाला मातायि हॖन्ज़ आराधना करनॖ सॗत्य छि तस म्वख्ती म्येलान। नियमानुसार छु असुन द्रॊकुन, हारन गिन्दुन तॖ द्वह मनावुन। हेरथ मऻज्य आयि। बरॖ किन्य च़ायि। लक्ष्मी ह्यथ आयि।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
No comments:
Post a Comment