24.02.2020,फाल्गुन(फाल्गुन) ज़ूनॖ पछॖ (शुक्ल पक्ष)ऒक्दॊह (प्रथम) च़ऺन्दॖरवार (सोमवार), श्री सप्तर्षी सम्वत 5095, राश कुम्भ (चलान), ऋतु शिशर (चलान), द्रठॖपऻन्च़ुक (पंचक) (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
**************************
गुरु स्तुति
श्री गुरुं ज्ञान सत्सिन्धुं दीनबन्धुं दयानिधम्।
देवीमंत्रप्रदातारम् ज्ञानानन्दम् नमाम्यहम्।
**************************
लल वाक्
अकुय ओंकार युस नाभि दरे,
कुम्भइ ब्रह्मांडस सुम करे।
अख सुय मन्थर च़्यतस करे,
तस सास मन्थॖर क्या करे
**************
अर्थात:- एक ओंकार (जप) जिसको नाभि से निकल कर कुम्भक द्वारा ब्रह्मांड से जा मिले और यही एक मंत्र जिसके मन-प्राण में बस जाए, उसको सहस्त्र मंत्रों के जाप की क्या ज़रूरत। अर्थात उसके लिए अन्य मंत्र बेकार हैं।
**************************
नुंदॖ ऱेशिन्य श्रुक्य
क्रॆय युस करि सु हन मो थकी
शरह पकी पऻलिथ तॖ कथ
शूब तस आसि युस सहज़य पकी
लूब तॖ तमाह गऻलिथ तॖ कथ
युस कीज़म ॴसिथ लीज़म पकी
पनुन पान थवि वऻलिथ तॖ कथ
*************
माने:- कर्तव्य कर्म युस करान आसि सु थकि नॖ ज़ांह ति। सु पकि नियम पऻलिथ। तस आसि प्रथ वति शूब, युस दय ज्ञानॖ वतन प्यठ पकि। यॆम्य ज्ञान नारस मंज़ अज्ञान पनुन ज़ोलमुत आसि, तऺमिस आसि लूब तॖ तमाह गॊलमुत। युस दनऻड्य ॴसिथ नर्मी तॖ शराफ़त वरतावि, सु ति आसि सरस।
**************************
पंचान्ग:- राथ आव जम्मू कश्मीर विचार मंच संस्थायि दऺस्य शिवरात्री महोत्सव मनावॖनॖ दिल्लि हॖन्दिस नैशनल म्यूज़यमॖ किस आडिटोर्यमस मंज़ बडॖ चावॖ सान। आडिटोरियम ओस सोरुय बऺरिथ लूकव सॗत्य यिम आमॖत्य ॴस्य ब्यॊन ब्यॊन जायव प्यठॖ। अथ प्रोग्रामस मंज़ ओस श्री ओ पी कॊहली सऻब आमंत्रित करनॖ आमुत युस गुजरातुक गवर्नर रूद्यमॖत्य ओस। सॗत्य ॴस्य आमॖत्य श्री विवेक ॳग्निहोत्री जी तॖ श्रीमती पल्लवी जोशी जी आमंत्रॖत करनॖ। यिम दॊनवय छि कलाकार तॖ अदाकार फिल्मी ज़गतस मंज़। रंगा रंग प्रोग्राम आव हावनॖ यथ मंज़ ल्वकॖट्य ल्वकॖट्य शुर्यव शम्हूलियत कऺर तॖ मॊदॖर्य मॊदॖर्य बऻथ ग्यविक यिमन बऻतन मंज़ ओस भक्ति गान, बजन तॖ लीलायि ति। यनामॖ आयि दिनॖ, सऺरटिफिकेट, ट्राफी तॖ शाल वगैरा ओस अथ यनामस मंज़। यि यनामॖ तॖ यज़्ज़त आव दिनॖ तिमन यिमव ब्यॊन ब्यॊन क्षेत्रन मंज़ पनुन नाव कमोवमुत छु पनॖन्यव करऻमऻच़व दऺस्य। परनॖ ल्येखनॖ दऺस्य, साहित्य ल्येखनॖ दऺस्य या ब्यॆयि कुनि रंग्य यॆमि सॗत्य पनॖनिस समाजस छु थज़्ज़र आमुत मेलान। ख्यनॖच च्यनॖच व्यवस्था ति ॴस जान पऻठ्य करनॖ आमॖच़। मुबारक छु अथ संस्थायि य्वस पनॖनि समाजिच प्रज़नथ बरक्रार थावनॖच कूशिश आयि करान। पेंटिंग तॖ कऻशिर ज़बान बोलनस मंज़ ति कऺर शुर्यव शम्हूलियत तॖ रूद सऺही मुकाबलॖ। यिमव बच्चॖव जान पेंटिंग बनऻवमॖच़ ॴस पनॖन्यव अथव सॗत्य तॖ यिमव शुर्यव पनॖनि माजि ज़्यॆवि मंज़ जान पऻठ्य कथ ह्यॆच़ करिथ तिमन ति आव सम्मान करनॖ तॖ यनामॖ दिनॖ। श्री एम के काव सऻबस तॖ ए एन कौल साहिबस ति आयि श्रद्धांजलि दिन। अख हास्य नाटक यानि अख स्कैट ति हावनॖ यथ मंज़ कऺशीरि वापस गछ़नुक मुद्रा ति आव पेश करनॖ। प्रोग्राम रूद स्यठाह जान। राथ चूंकि डून्य परमूज़नुक द्वह ति ओस, लूकन ॴस पनुन पनुन गरॖ वातनॖच ति जल्दी तॖ तृफ-तृफ।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(Koshursabak.bligspot.com ति वुछिव)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
**************************
गुरु स्तुति
श्री गुरुं ज्ञान सत्सिन्धुं दीनबन्धुं दयानिधम्।
देवीमंत्रप्रदातारम् ज्ञानानन्दम् नमाम्यहम्।
**************************
लल वाक्
अकुय ओंकार युस नाभि दरे,
कुम्भइ ब्रह्मांडस सुम करे।
अख सुय मन्थर च़्यतस करे,
तस सास मन्थॖर क्या करे
**************
अर्थात:- एक ओंकार (जप) जिसको नाभि से निकल कर कुम्भक द्वारा ब्रह्मांड से जा मिले और यही एक मंत्र जिसके मन-प्राण में बस जाए, उसको सहस्त्र मंत्रों के जाप की क्या ज़रूरत। अर्थात उसके लिए अन्य मंत्र बेकार हैं।
**************************
नुंदॖ ऱेशिन्य श्रुक्य
क्रॆय युस करि सु हन मो थकी
शरह पकी पऻलिथ तॖ कथ
शूब तस आसि युस सहज़य पकी
लूब तॖ तमाह गऻलिथ तॖ कथ
युस कीज़म ॴसिथ लीज़म पकी
पनुन पान थवि वऻलिथ तॖ कथ
*************
माने:- कर्तव्य कर्म युस करान आसि सु थकि नॖ ज़ांह ति। सु पकि नियम पऻलिथ। तस आसि प्रथ वति शूब, युस दय ज्ञानॖ वतन प्यठ पकि। यॆम्य ज्ञान नारस मंज़ अज्ञान पनुन ज़ोलमुत आसि, तऺमिस आसि लूब तॖ तमाह गॊलमुत। युस दनऻड्य ॴसिथ नर्मी तॖ शराफ़त वरतावि, सु ति आसि सरस।
**************************
पंचान्ग:- राथ आव जम्मू कश्मीर विचार मंच संस्थायि दऺस्य शिवरात्री महोत्सव मनावॖनॖ दिल्लि हॖन्दिस नैशनल म्यूज़यमॖ किस आडिटोर्यमस मंज़ बडॖ चावॖ सान। आडिटोरियम ओस सोरुय बऺरिथ लूकव सॗत्य यिम आमॖत्य ॴस्य ब्यॊन ब्यॊन जायव प्यठॖ। अथ प्रोग्रामस मंज़ ओस श्री ओ पी कॊहली सऻब आमंत्रित करनॖ आमुत युस गुजरातुक गवर्नर रूद्यमॖत्य ओस। सॗत्य ॴस्य आमॖत्य श्री विवेक ॳग्निहोत्री जी तॖ श्रीमती पल्लवी जोशी जी आमंत्रॖत करनॖ। यिम दॊनवय छि कलाकार तॖ अदाकार फिल्मी ज़गतस मंज़। रंगा रंग प्रोग्राम आव हावनॖ यथ मंज़ ल्वकॖट्य ल्वकॖट्य शुर्यव शम्हूलियत कऺर तॖ मॊदॖर्य मॊदॖर्य बऻथ ग्यविक यिमन बऻतन मंज़ ओस भक्ति गान, बजन तॖ लीलायि ति। यनामॖ आयि दिनॖ, सऺरटिफिकेट, ट्राफी तॖ शाल वगैरा ओस अथ यनामस मंज़। यि यनामॖ तॖ यज़्ज़त आव दिनॖ तिमन यिमव ब्यॊन ब्यॊन क्षेत्रन मंज़ पनुन नाव कमोवमुत छु पनॖन्यव करऻमऻच़व दऺस्य। परनॖ ल्येखनॖ दऺस्य, साहित्य ल्येखनॖ दऺस्य या ब्यॆयि कुनि रंग्य यॆमि सॗत्य पनॖनिस समाजस छु थज़्ज़र आमुत मेलान। ख्यनॖच च्यनॖच व्यवस्था ति ॴस जान पऻठ्य करनॖ आमॖच़। मुबारक छु अथ संस्थायि य्वस पनॖनि समाजिच प्रज़नथ बरक्रार थावनॖच कूशिश आयि करान। पेंटिंग तॖ कऻशिर ज़बान बोलनस मंज़ ति कऺर शुर्यव शम्हूलियत तॖ रूद सऺही मुकाबलॖ। यिमव बच्चॖव जान पेंटिंग बनऻवमॖच़ ॴस पनॖन्यव अथव सॗत्य तॖ यिमव शुर्यव पनॖनि माजि ज़्यॆवि मंज़ जान पऻठ्य कथ ह्यॆच़ करिथ तिमन ति आव सम्मान करनॖ तॖ यनामॖ दिनॖ। श्री एम के काव सऻबस तॖ ए एन कौल साहिबस ति आयि श्रद्धांजलि दिन। अख हास्य नाटक यानि अख स्कैट ति हावनॖ यथ मंज़ कऺशीरि वापस गछ़नुक मुद्रा ति आव पेश करनॖ। प्रोग्राम रूद स्यठाह जान। राथ चूंकि डून्य परमूज़नुक द्वह ति ओस, लूकन ॴस पनुन पनुन गरॖ वातनॖच ति जल्दी तॖ तृफ-तृफ।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(Koshursabak.bligspot.com ति वुछिव)
No comments:
Post a Comment