25.02.2020, फाल्गुन (फाल्गुन) ज़ूनॖ पछॖ (शुक्ल पक्ष) द्वय (द्विती) बॊम्वार (मंगलवार) श्री सप्तर्षी सम्वत 5095,राश मीन (दुहचि 12.26 बजि प्यठॖ)ऋतु शिशर (चलान)...द्रठॖपऻन्च़ुक (पंचक) (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
**************************
गुरु स्तुति
ब्रह्मानन्दं परम-सुखदं केवलं ज्ञानमूर्ति।
द्वंद्वातीतं गगन-सदृशं तत् त्वं अस्यादि लक्ष्यम्।।
एकं नित्यं विमलं-अचलं सर्वदा साक्षि-भूतम्।
भावातीतं त्रिगुण-रहितं सद् गुरुं तं नमामिsहम्।।
**************************
लल वाक्
यऺहय मातृ-रुप पय द्यये
यऺहय भऻर्या-रूप कर विशीष
यऺहय माया-रूपॖ अन्ति ज़ुव द्यये
शिव छुय क्रूठ तय च़्येन व्वपदीश
*************
अर्थात:- (नारी की महिमा वर्णन करते हुए "लल्ला" कहती है) माता के रूप में यही (शिशु को) दूध पिला कर उस का भरन-पोषण करती है और यही (नारी) भारिया-रूप में विशेषता: अपनी (सांगनी) बन ज़ाती है। यही अन्तत: माया रूप धारण कर के प्राण हरण तक कर लेती हे। शिव प्राप्ति कठिन है। तनिक सोच समझ ले, यह उपदेश है।
**************************
नुंदॖ ऱेशिन्य श्रुक्य
ज़ऺरिस ज़र च़ाम हंगरे
बलि नॖ खंडॖ नाबद सोरे
सुय रंगुर छ़ारुन प्रथ गरे
युस क्रॖहनिस थानस छॊत करे
**********
माने:- अमि ख़यालॖ प्यॆयस कनन ज़र यॆम्युक असर काड्येन प्यठ प्यॆयस युस नॖ खंड, नाबद तॖ शकर या पलाल सॗत्य छु कॆंह बलनवोल। त्युथ वतॖहावुक गछ़ि छ़ान्डनॖ युन प्रथ गरि, युस अज्ञऻन्य (क्रॖहनिस) मनस ज्ञान ज़ॖच़ि गाशरावि।
**************************
पंचान्ग:- ऊतरॖ युस शिवरात्रि महोत्सव प्रोग्राम आव करनॖ नैशनल म्यूज़्ययमस दिल्लि मंज़, तथ प्रोग्रामस मंज़ यॊदवय वुछव तॖ असली मुद्दा ओस कऻशिर्य सभ्यताय हॖन्ज़ रऻछ करॖन्य। माजि ज़्यव रऺछ़रावॖन्य। ॳथ्य ॳन्द्य पऺख्य छि यिवान बाकय प्रोग्राम ति करनॖ। अख ख़ास कथ आयि नज़रि ज़ि सऻन्य नऺव पुय छि ह्यकान कऻशिर्य बऻथ ग्यविथ, कऻशिर्य लीलायि ह्यकान पऺरिथ य्वस अख रॖच़ कथ छि मगर त्रासदी छि यि ज़ि तिमन शुर्यन छु नॖ सऺही मतलब तगान ज़ानुन यिमन बऻतन या लीलायन हुन्द। तिम छि पनॖन्यन पनॖन्यन कापियन मंज़ ल्येखान यिम बऻथ ब्यॆयव किताबव प्यठॖ पनॖनि पनॖनि आयि यानि हॆन्दियस मंज़ या अंग्रीज़स मंज़ कऻशुर मगर कऻशिर् मात्रायव रॊस। तिमन छु नॖ कॆंच़न शब्दन हुन्द माने ति पताह मगर ग्यवान छि। ज़रूरत छु सान्यन शुर्यन ज़ऻन्यकऻरी करनावनॖच कऻशिर्य लफ़ज़न हॖन्ज़, गरस मंज़ कऻशिर्य चीज़न हॖन्ज़, कऻशिर्य सब्ज़ियन हॖन्ज़, पलवन दलवन हन्ज़, अंगन ॴश्यनावन हॖन्ज़, रिशतन हॖन्ज़ वगैरा वगैरा। म्यऻन व्यनती छि म्यान्यन बायन ब्यॆन्यन ज़ि तिम कडन पनॖनि कॗमती वख्तॖ मंज़ ऒड ऒड गन्टॖ दॊहय तॖ ह्यॆछनावन पनॖन्यन लालॖ फल्यन कऻशिर्य पऻठ्य यिमन चीज़न हॖन्द्य नाव। वऺर्कशाप छि ॳस्य चलावान जायि जायि मगर तम्युक तऻसीर छु बे-मक्सद तॊत ताम यॊत ताम नॖ गरन मंज़ शुरिस यी तऻलीम दिनॖ। वऺर्कशापुक महत्व छु गछ़ान ज़ायि ति क्याज़ि ॳमिस शुरिस छु नॖ गरस मंज़ द्वहरावनस कांह मदद करान। सोन अदब गछ़ि लुति-छुति तॖ रावि यॊदवय ॳस्य वरतावव नॖ कऻशिर्य ज़बान पूरॖ पऻठय तॖ वऺतीरॖ सान। हालांकि विज़ि विज़ि छु यिमन शुर्यन यिवान दिनॖ नगद यनामॖ ति कऻशिर्य पऻठ्य कथ करनस प्यठ या ल्यॆखनस प्यठ। युस शुर कऻशुर ल्यॆखनस मंज़ पनुन कमाल ह्यॆकि हऻविथ, म्यानि तरफॖ यी तऺमिस शुरिस प्रोत्साहन रूपस मंज़ ज़्यादॖ ज़्यादॖ यनामॖ दिनॖ दऺस्य ब्यॆयि ब्यॆयि फऻयदॖ वातनऻविथ। यि छु म्योन वऻदॖ।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
**************************
गुरु स्तुति
ब्रह्मानन्दं परम-सुखदं केवलं ज्ञानमूर्ति।
द्वंद्वातीतं गगन-सदृशं तत् त्वं अस्यादि लक्ष्यम्।।
एकं नित्यं विमलं-अचलं सर्वदा साक्षि-भूतम्।
भावातीतं त्रिगुण-रहितं सद् गुरुं तं नमामिsहम्।।
**************************
लल वाक्
यऺहय मातृ-रुप पय द्यये
यऺहय भऻर्या-रूप कर विशीष
यऺहय माया-रूपॖ अन्ति ज़ुव द्यये
शिव छुय क्रूठ तय च़्येन व्वपदीश
*************
अर्थात:- (नारी की महिमा वर्णन करते हुए "लल्ला" कहती है) माता के रूप में यही (शिशु को) दूध पिला कर उस का भरन-पोषण करती है और यही (नारी) भारिया-रूप में विशेषता: अपनी (सांगनी) बन ज़ाती है। यही अन्तत: माया रूप धारण कर के प्राण हरण तक कर लेती हे। शिव प्राप्ति कठिन है। तनिक सोच समझ ले, यह उपदेश है।
**************************
नुंदॖ ऱेशिन्य श्रुक्य
ज़ऺरिस ज़र च़ाम हंगरे
बलि नॖ खंडॖ नाबद सोरे
सुय रंगुर छ़ारुन प्रथ गरे
युस क्रॖहनिस थानस छॊत करे
**********
माने:- अमि ख़यालॖ प्यॆयस कनन ज़र यॆम्युक असर काड्येन प्यठ प्यॆयस युस नॖ खंड, नाबद तॖ शकर या पलाल सॗत्य छु कॆंह बलनवोल। त्युथ वतॖहावुक गछ़ि छ़ान्डनॖ युन प्रथ गरि, युस अज्ञऻन्य (क्रॖहनिस) मनस ज्ञान ज़ॖच़ि गाशरावि।
**************************
पंचान्ग:- ऊतरॖ युस शिवरात्रि महोत्सव प्रोग्राम आव करनॖ नैशनल म्यूज़्ययमस दिल्लि मंज़, तथ प्रोग्रामस मंज़ यॊदवय वुछव तॖ असली मुद्दा ओस कऻशिर्य सभ्यताय हॖन्ज़ रऻछ करॖन्य। माजि ज़्यव रऺछ़रावॖन्य। ॳथ्य ॳन्द्य पऺख्य छि यिवान बाकय प्रोग्राम ति करनॖ। अख ख़ास कथ आयि नज़रि ज़ि सऻन्य नऺव पुय छि ह्यकान कऻशिर्य बऻथ ग्यविथ, कऻशिर्य लीलायि ह्यकान पऺरिथ य्वस अख रॖच़ कथ छि मगर त्रासदी छि यि ज़ि तिमन शुर्यन छु नॖ सऺही मतलब तगान ज़ानुन यिमन बऻतन या लीलायन हुन्द। तिम छि पनॖन्यन पनॖन्यन कापियन मंज़ ल्येखान यिम बऻथ ब्यॆयव किताबव प्यठॖ पनॖनि पनॖनि आयि यानि हॆन्दियस मंज़ या अंग्रीज़स मंज़ कऻशुर मगर कऻशिर् मात्रायव रॊस। तिमन छु नॖ कॆंच़न शब्दन हुन्द माने ति पताह मगर ग्यवान छि। ज़रूरत छु सान्यन शुर्यन ज़ऻन्यकऻरी करनावनॖच कऻशिर्य लफ़ज़न हॖन्ज़, गरस मंज़ कऻशिर्य चीज़न हॖन्ज़, कऻशिर्य सब्ज़ियन हॖन्ज़, पलवन दलवन हन्ज़, अंगन ॴश्यनावन हॖन्ज़, रिशतन हॖन्ज़ वगैरा वगैरा। म्यऻन व्यनती छि म्यान्यन बायन ब्यॆन्यन ज़ि तिम कडन पनॖनि कॗमती वख्तॖ मंज़ ऒड ऒड गन्टॖ दॊहय तॖ ह्यॆछनावन पनॖन्यन लालॖ फल्यन कऻशिर्य पऻठ्य यिमन चीज़न हॖन्द्य नाव। वऺर्कशाप छि ॳस्य चलावान जायि जायि मगर तम्युक तऻसीर छु बे-मक्सद तॊत ताम यॊत ताम नॖ गरन मंज़ शुरिस यी तऻलीम दिनॖ। वऺर्कशापुक महत्व छु गछ़ान ज़ायि ति क्याज़ि ॳमिस शुरिस छु नॖ गरस मंज़ द्वहरावनस कांह मदद करान। सोन अदब गछ़ि लुति-छुति तॖ रावि यॊदवय ॳस्य वरतावव नॖ कऻशिर्य ज़बान पूरॖ पऻठय तॖ वऺतीरॖ सान। हालांकि विज़ि विज़ि छु यिमन शुर्यन यिवान दिनॖ नगद यनामॖ ति कऻशिर्य पऻठ्य कथ करनस प्यठ या ल्यॆखनस प्यठ। युस शुर कऻशुर ल्यॆखनस मंज़ पनुन कमाल ह्यॆकि हऻविथ, म्यानि तरफॖ यी तऺमिस शुरिस प्रोत्साहन रूपस मंज़ ज़्यादॖ ज़्यादॖ यनामॖ दिनॖ दऺस्य ब्यॆयि ब्यॆयि फऻयदॖ वातनऻविथ। यि छु म्योन वऻदॖ।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
No comments:
Post a Comment