11.02.2020 फाल्गुन (फाल्गुन) गटॖ पछॖ (कृष्ण पक्ष) त्रय (तृतीया) बॊम्वार (मंगलवार) श्री सप्तर्षी सम्वत 5095, राश कन्या (रऻच़ हॖन्ज़ि 7.42 बजि प्यठॖ) ऋतु शिशर (चलान)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
**************************
गुरु स्तुति
चैतन्यं शाश्वतं शान्तं व्योमातीतं निरन्यजनम्
बिन्दु-नादकलातीतं तस्मै श्री गुरवे नम:
**************************
लल वाक्
यथ सरस सऺर्य फॊल नॖ व्यच़ी
तथ सरि सकॖल्य पोन्य च्यन
मृग स्रगाल गंढ्य ज़लॖ हऺस्य
ज़्यन न ज़्यन तॖ तॊतुय प्यन
***********
अर्थात:- जिस सरोवर को चावल का एक छोटा दाना "कनकी" भी कुछ न माने या जो सर कनकी से भी छोटा है (अर्थात बिन्दु जितना बड़ा है)। उसी में मृग, गीदड, गेंडे, दऺर्यायी घोडे, हाथी जैसे विशाल शरीरधारी जीव जन्म लेकर इस में रहकर इसी का पानी पीते हैं और फिर मर कर इसी में समा जाते हैं
**************************
नुंदॖ ऱेशिन्य श्रुक्य
द्वहस गुज़ोरुम नॊफलॖ हथा
रातस रूदुस ज़ागय
यॊद व्वंय करहम क्वबूल्ययथा
नतॖ हून ज़न फ्यूरुस आगय
**************
माने:- द्वहस कऺरॖम इबादत स्यठा, रातस कऺरॖम बॆदऻरी तॖ रूदुस ज़ागि तस दयस। यॊद व्वंय रथि खसि यि म्यऻन्य इबादत, तॆलि बनिह्यम तसॖंज़ कृपा, नतॖ छुस गरॖ गरॖ फेरवुन ज़न हून
**************************
पंचान्ग:- पऺतिमि ऱयतॖ यानि माघॖ ज़ूनॖ पछॖ ॴस गोरॖ त्रय तॖ यॆमि पछॖ छि यि हुर्य त्रय। हालांकि यिमन हेरच़ॖक्यन द्वहन छु सारिनी द्वहन ब्यॊन ब्यॊन महत्वॖ मगर ॳस्य छि मानान हुर्य ऒक्दॊह प्यठॖ हुर्य नवम ताम यॆमी नावॖ तॖ दऺहम छि वनान द्यारॖ दऺहम, कऻश छि वनान गाडॖ काह, बऻश्य छि वनान वागॖर्य बाह, त्रुवुश्य छि वनान हेरच़ॖ त्रुवाह, च़्वदुश द्वह गऺयि सलाम तॖ मावसि छि वनान डून्य मावस। अमि द्वह पतॖ छि यिवान डून्य ऒक्दॊह, डून्य द्वय, डून्य त्रय तॖ पकान पकान छि वातान ॳस्य ॴठम ताम। अथ ॴठम छु नाव प्योमुत तीलॖ ॴठम। अमि द्वह क्याह क्याह छि ॳस्य करान सु वुछव बुथि इनॖ वाल्यन दॊहन मंज़। हुर्य ओक्दोह ओस कऺशीरि मंज़ नेरान लिवनस-डुवनस मंज़।मकानन ॴस्य वालान हॆरि प्यठॖ ब्वन ताम लिविथ, हेरन, द्वारस, कुठ्यन, चोकस, ठोकुर कुठिस वगैरा वगैरा। ओक्दोहस ओस ब्याख नाव ति,सु गव गरॖ नावय। शिव साधना तॖ तन्त्र पूज़ा छि दर- असल ॳज़्यकि प्यठय शुरु गछ़ान। हारन ॴस्य ॳज़्यकि प्यठय ह्यवान गिन्दुन। पतॖ गयि हुर्य द्वय य्वस राथ रावान ॴस। अमि द्वॊहन ॴस्य कऺशीरि मंज़ वख्तॖ अकि शिवालयन मंज़ रूज़िथ भैरवन न्यमंत्रन यिवान दिनॖ पूज़ायि दऺस्य। यिम शिवालय छि कऺशीरि मंज़ वुनि ति मगर पूज़ा प्रथा छॆ नॖ व्वंय नज़रि गछ़ान। शिवालय यानि अमरनाथ, मामलेश्वर, हरिश्वर, सऺरीश्वर, ध्यऻन्यश्वर, थऺज्यवोर, कपाल मोचन, व्यथॖवॊतुर, भैरव अस्थापन, गंग बल, राम रादन बेतरी। शामन शामन ओस यिवान भजन कीर्तन करनॖ। अज़ छि हुर्य त्रय। ॳज़्यकिस द्वॊहस ति छि वनान गुरु त्रय। ॳज़्यकि द्वह दपान यिवान ओस गुरु माहराज पनॖनिस शिश्यस यानि यॆज़मनस मेलनि। गुरु ओस अध्यात्मिक प्रवचन दिवान। शामन दपान छि ॴस्य पनॖनिस क्वल-गुरुहस पूज़ा करानॖ। यानि हेरच़ॖक्यन प्रथ ॳकिस दॊहस छु पनुन महत्व तॖ महिमा।ह्रच़ तॖ फ्रूच़ नीर्यनवॖ यिम द्वह। पगाह छि हुर्य च़ोरम।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ
**************************
गुरु स्तुति
चैतन्यं शाश्वतं शान्तं व्योमातीतं निरन्यजनम्
बिन्दु-नादकलातीतं तस्मै श्री गुरवे नम:
**************************
लल वाक्
यथ सरस सऺर्य फॊल नॖ व्यच़ी
तथ सरि सकॖल्य पोन्य च्यन
मृग स्रगाल गंढ्य ज़लॖ हऺस्य
ज़्यन न ज़्यन तॖ तॊतुय प्यन
***********
अर्थात:- जिस सरोवर को चावल का एक छोटा दाना "कनकी" भी कुछ न माने या जो सर कनकी से भी छोटा है (अर्थात बिन्दु जितना बड़ा है)। उसी में मृग, गीदड, गेंडे, दऺर्यायी घोडे, हाथी जैसे विशाल शरीरधारी जीव जन्म लेकर इस में रहकर इसी का पानी पीते हैं और फिर मर कर इसी में समा जाते हैं
**************************
नुंदॖ ऱेशिन्य श्रुक्य
द्वहस गुज़ोरुम नॊफलॖ हथा
रातस रूदुस ज़ागय
यॊद व्वंय करहम क्वबूल्ययथा
नतॖ हून ज़न फ्यूरुस आगय
**************
माने:- द्वहस कऺरॖम इबादत स्यठा, रातस कऺरॖम बॆदऻरी तॖ रूदुस ज़ागि तस दयस। यॊद व्वंय रथि खसि यि म्यऻन्य इबादत, तॆलि बनिह्यम तसॖंज़ कृपा, नतॖ छुस गरॖ गरॖ फेरवुन ज़न हून
**************************
पंचान्ग:- पऺतिमि ऱयतॖ यानि माघॖ ज़ूनॖ पछॖ ॴस गोरॖ त्रय तॖ यॆमि पछॖ छि यि हुर्य त्रय। हालांकि यिमन हेरच़ॖक्यन द्वहन छु सारिनी द्वहन ब्यॊन ब्यॊन महत्वॖ मगर ॳस्य छि मानान हुर्य ऒक्दॊह प्यठॖ हुर्य नवम ताम यॆमी नावॖ तॖ दऺहम छि वनान द्यारॖ दऺहम, कऻश छि वनान गाडॖ काह, बऻश्य छि वनान वागॖर्य बाह, त्रुवुश्य छि वनान हेरच़ॖ त्रुवाह, च़्वदुश द्वह गऺयि सलाम तॖ मावसि छि वनान डून्य मावस। अमि द्वह पतॖ छि यिवान डून्य ऒक्दॊह, डून्य द्वय, डून्य त्रय तॖ पकान पकान छि वातान ॳस्य ॴठम ताम। अथ ॴठम छु नाव प्योमुत तीलॖ ॴठम। अमि द्वह क्याह क्याह छि ॳस्य करान सु वुछव बुथि इनॖ वाल्यन दॊहन मंज़। हुर्य ओक्दोह ओस कऺशीरि मंज़ नेरान लिवनस-डुवनस मंज़।मकानन ॴस्य वालान हॆरि प्यठॖ ब्वन ताम लिविथ, हेरन, द्वारस, कुठ्यन, चोकस, ठोकुर कुठिस वगैरा वगैरा। ओक्दोहस ओस ब्याख नाव ति,सु गव गरॖ नावय। शिव साधना तॖ तन्त्र पूज़ा छि दर- असल ॳज़्यकि प्यठय शुरु गछ़ान। हारन ॴस्य ॳज़्यकि प्यठय ह्यवान गिन्दुन। पतॖ गयि हुर्य द्वय य्वस राथ रावान ॴस। अमि द्वॊहन ॴस्य कऺशीरि मंज़ वख्तॖ अकि शिवालयन मंज़ रूज़िथ भैरवन न्यमंत्रन यिवान दिनॖ पूज़ायि दऺस्य। यिम शिवालय छि कऺशीरि मंज़ वुनि ति मगर पूज़ा प्रथा छॆ नॖ व्वंय नज़रि गछ़ान। शिवालय यानि अमरनाथ, मामलेश्वर, हरिश्वर, सऺरीश्वर, ध्यऻन्यश्वर, थऺज्यवोर, कपाल मोचन, व्यथॖवॊतुर, भैरव अस्थापन, गंग बल, राम रादन बेतरी। शामन शामन ओस यिवान भजन कीर्तन करनॖ। अज़ छि हुर्य त्रय। ॳज़्यकिस द्वॊहस ति छि वनान गुरु त्रय। ॳज़्यकि द्वह दपान यिवान ओस गुरु माहराज पनॖनिस शिश्यस यानि यॆज़मनस मेलनि। गुरु ओस अध्यात्मिक प्रवचन दिवान। शामन दपान छि ॴस्य पनॖनिस क्वल-गुरुहस पूज़ा करानॖ। यानि हेरच़ॖक्यन प्रथ ॳकिस दॊहस छु पनुन महत्व तॖ महिमा।ह्रच़ तॖ फ्रूच़ नीर्यनवॖ यिम द्वह। पगाह छि हुर्य च़ोरम।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
No comments:
Post a Comment