13.02.2020 फाल्गुन (फाल्गुन) गटॖ पछॖ (कृष्ण पक्ष) पऻन्च़म (पन्चमी) ब्रसवार (वीरवार/ ब्रहस्पथवार/गुरुवार) श्री सप्तर्षी सम्वत 5095, राश तुला (रऻच़ हॖन्ज़ॖ 8.22 बजि प्यठॖ) ऋतु शिशर (चलान)...अज़ छि हुर्य पऻन्च़म
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
गुरु स्तुति
एकं नित्यं विमलं अचलं सर्वधी साक्षिभूतं, भवातीतं त्रिगुणरहितं सद्गरुं तं नमामि।।
**************************
लल वाक्
मऻरिथ पांछ़ बूथ तिम फल हऺन्ड्य
च़ीतन दानॖ वखुर ख्यथ
तदय ज़ानख परमॖ पद च़ऺन्ड्य
हिशी खॊश खोवुर कोह ति ना ख्यथ
*************
अर्थात:- उन पांच भूतों को मारो जो मोटे भेडूं की तरह हैं। जो मनुष्य की चेतन शक्ति रूपी दाने की नहारी खाकर मोटे ताज़े हो गये हैं। इन्हें मारकर ही तुम परम पद को पा सकते हो। फिर यह दायें जायें या बायें तो कोई अंतर नहीं पडता।
**************************
नुंदॖ ऱेशिन्य श्रुक्य
शिव छुय ज़ऻव्युल ज़ाल वऻहरिथ
तिय छुय मरुन तिर्थ कथ
ज़िंदॖ नय मरख अदॖ कवॖ ज़ि मऺरिथ
पानॖ मंज़ॖ पान कड व्यच़ऻरिथ कथ
************
माने:- शिव छु नॖ बोज़नॖ यिनॖवोल, मगर ॳस्य सऻरी छि तऺस्य मंज़ बऺसिथ। यॊद च़ॖ च़ेनख तॆलि छुय नॖ कुनि तीर्थस प्यठ गछ़नुय। च़िह च़िह सु पानस सॗत्य बासनऻविथ मरख ज़िन्दय। तिक्याज़ि यॊद सु पानस सॗत्य थवहन, च्यानि दऺस्य गछ़ि नॖ ग़लत किहिन्य मगर यिछ़ अमल छि स्यठा मुश्किल। वारॖ वारॖ छु आदत गछ़ान तॖ इन्सान छु प्वखतॖ बनान। अथ प्यठ व्यच़ार कऺरिथ ह्यकख पनुन पान प्रज़ॖनऻविथ पानसॖय मंज़ दय लऺबिथ
**************************
पंचान्ग:- राथ ॴस हुर्य च़ोरम। यि द्वह छु यिवान दपान आदि दीव, महागणशि सुन्द द्वह मानॖनॖ। अज़ छि हुर्य पऻन्च़म। दपान नीलमत पुराणस मंज़ ति छु ॳज़्यकि दुहुक ज़िक्र आमुत करनॖ। यि ॳज़्युक द्वह छु पनॖनिस मऻलिस माजि हुन्द द्वह आमुत मानॖनॖ। भजन, कीर्तन, मनन वगैरा कऺरिथ पज़ि पनॖनिस मऻलिस माजि नऺवीद द्युन, तिहिन्द्य चर्ण स्पर्श करॖन्य। तमि पतॖ छि मऻज्य उमायि हॖन्ज़ पूज़ा करान। पोशॖमाल त्रावान नऻल्य यॆतिनस ति माताय हॖन्ज़ जाय बनऻवमॖच़ आसि या पनॖनिस ठोकुर कुठिस मंज़ यि कऻम करॖनॖ यिवान। हारन गिन्दनुक सिल्सिलॖ छु पकान रोज़ान यिमन दॊहन। मगर त्रासदी छि यि ज़ि अज़कल छॆ नॖ हारॖ नन्यॆय कुनि तॖ न छि सान्यन शुर्यन फुर्सथ कुनि ज़ि तिम गिन्दहऻन हारन। कुनवुहशतनमतॖ पतॖ यिम ति शुर्य ज़न्मस आयि, म्यॆ छु नॖ बासान तिमन आसि पताह ति यि हारॖ कथ चिज़स छि वनान तॖ किथ पऻठ्य छि गिन्दान। न छि मऻलिस माजि यीच़ फुर्सथ ज़ि तिम दिन हारन हॖन्ज़ ज़ऻन्यकऻरी पनॖन्यन शुर्यन। सु वख ति रूद बऺनिथ व्वंय अख स्वपनाह। कऺशीरि ॴस्य प्रथ गरस मंज़ कुठि पतॖ कुठि, वऺटिस मंज़, कऻनी प्यठ, डबि मंज़, श्यान्श्यॆनि मंज़, बडि कुठि, ल्वकटॖ कुठि, यि दप्यज़ि ति यॆतिनस जायि प्यूंताह मेलिह्ये तऺती आस्य ह्यवान हारन गिन्दुन।कलॖ ॴस्य व्वथान पानॖवून्य यॊदवय अख ति हार ॴस गछ़ान होरॖ योर। मगर माय मॊ्ब्बतस मंज़ ॴस्य द्वह नेरान। फ़ेरान छु तिमन द्वहन हुन्द सख़। तिम द्वह वुछ्य नॖ सानि नवि पुयि। सु मिलच़ार, सु तकरार, ठाह ठाह कऺरान सु असुन तॖ गिन्दुन। सु शोर-ओ-गुल। स्व शिव रात्रि, स्व हेरथ वुछ्य नॖ सानि नवि पुयि। कोताह बोज़नावव तॖ क्याह क्याह बोज़नावव। तिम शुर्य छि कति यिमन बोज़नावव।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
गुरु स्तुति
एकं नित्यं विमलं अचलं सर्वधी साक्षिभूतं, भवातीतं त्रिगुणरहितं सद्गरुं तं नमामि।।
**************************
लल वाक्
मऻरिथ पांछ़ बूथ तिम फल हऺन्ड्य
च़ीतन दानॖ वखुर ख्यथ
तदय ज़ानख परमॖ पद च़ऺन्ड्य
हिशी खॊश खोवुर कोह ति ना ख्यथ
*************
अर्थात:- उन पांच भूतों को मारो जो मोटे भेडूं की तरह हैं। जो मनुष्य की चेतन शक्ति रूपी दाने की नहारी खाकर मोटे ताज़े हो गये हैं। इन्हें मारकर ही तुम परम पद को पा सकते हो। फिर यह दायें जायें या बायें तो कोई अंतर नहीं पडता।
**************************
नुंदॖ ऱेशिन्य श्रुक्य
शिव छुय ज़ऻव्युल ज़ाल वऻहरिथ
तिय छुय मरुन तिर्थ कथ
ज़िंदॖ नय मरख अदॖ कवॖ ज़ि मऺरिथ
पानॖ मंज़ॖ पान कड व्यच़ऻरिथ कथ
************
माने:- शिव छु नॖ बोज़नॖ यिनॖवोल, मगर ॳस्य सऻरी छि तऺस्य मंज़ बऺसिथ। यॊद च़ॖ च़ेनख तॆलि छुय नॖ कुनि तीर्थस प्यठ गछ़नुय। च़िह च़िह सु पानस सॗत्य बासनऻविथ मरख ज़िन्दय। तिक्याज़ि यॊद सु पानस सॗत्य थवहन, च्यानि दऺस्य गछ़ि नॖ ग़लत किहिन्य मगर यिछ़ अमल छि स्यठा मुश्किल। वारॖ वारॖ छु आदत गछ़ान तॖ इन्सान छु प्वखतॖ बनान। अथ प्यठ व्यच़ार कऺरिथ ह्यकख पनुन पान प्रज़ॖनऻविथ पानसॖय मंज़ दय लऺबिथ
**************************
पंचान्ग:- राथ ॴस हुर्य च़ोरम। यि द्वह छु यिवान दपान आदि दीव, महागणशि सुन्द द्वह मानॖनॖ। अज़ छि हुर्य पऻन्च़म। दपान नीलमत पुराणस मंज़ ति छु ॳज़्यकि दुहुक ज़िक्र आमुत करनॖ। यि ॳज़्युक द्वह छु पनॖनिस मऻलिस माजि हुन्द द्वह आमुत मानॖनॖ। भजन, कीर्तन, मनन वगैरा कऺरिथ पज़ि पनॖनिस मऻलिस माजि नऺवीद द्युन, तिहिन्द्य चर्ण स्पर्श करॖन्य। तमि पतॖ छि मऻज्य उमायि हॖन्ज़ पूज़ा करान। पोशॖमाल त्रावान नऻल्य यॆतिनस ति माताय हॖन्ज़ जाय बनऻवमॖच़ आसि या पनॖनिस ठोकुर कुठिस मंज़ यि कऻम करॖनॖ यिवान। हारन गिन्दनुक सिल्सिलॖ छु पकान रोज़ान यिमन दॊहन। मगर त्रासदी छि यि ज़ि अज़कल छॆ नॖ हारॖ नन्यॆय कुनि तॖ न छि सान्यन शुर्यन फुर्सथ कुनि ज़ि तिम गिन्दहऻन हारन। कुनवुहशतनमतॖ पतॖ यिम ति शुर्य ज़न्मस आयि, म्यॆ छु नॖ बासान तिमन आसि पताह ति यि हारॖ कथ चिज़स छि वनान तॖ किथ पऻठ्य छि गिन्दान। न छि मऻलिस माजि यीच़ फुर्सथ ज़ि तिम दिन हारन हॖन्ज़ ज़ऻन्यकऻरी पनॖन्यन शुर्यन। सु वख ति रूद बऺनिथ व्वंय अख स्वपनाह। कऺशीरि ॴस्य प्रथ गरस मंज़ कुठि पतॖ कुठि, वऺटिस मंज़, कऻनी प्यठ, डबि मंज़, श्यान्श्यॆनि मंज़, बडि कुठि, ल्वकटॖ कुठि, यि दप्यज़ि ति यॆतिनस जायि प्यूंताह मेलिह्ये तऺती आस्य ह्यवान हारन गिन्दुन।कलॖ ॴस्य व्वथान पानॖवून्य यॊदवय अख ति हार ॴस गछ़ान होरॖ योर। मगर माय मॊ्ब्बतस मंज़ ॴस्य द्वह नेरान। फ़ेरान छु तिमन द्वहन हुन्द सख़। तिम द्वह वुछ्य नॖ सानि नवि पुयि। सु मिलच़ार, सु तकरार, ठाह ठाह कऺरान सु असुन तॖ गिन्दुन। सु शोर-ओ-गुल। स्व शिव रात्रि, स्व हेरथ वुछ्य नॖ सानि नवि पुयि। कोताह बोज़नावव तॖ क्याह क्याह बोज़नावव। तिम शुर्य छि कति यिमन बोज़नावव।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
No comments:
Post a Comment