22.02.2020, फाल्गुन (फाल्गुन) गटॖ पछॖ (कृष्ण पक्ष) च़्वदह (चतुर्दशी) बटॖवार (शनिवार/शनिश्चरवार) श्री सप्तर्षी सम्वत 5095, राश कुम्भ (रऻच़ हॖन्ज़ॖ 12.28 बजि प्यठॖ), ऋतु शिशर (चलान)...ॳज़्यकि प्यठॖ छु शुरु द्रठॖपऻन्च़ुक (पंचक) ति
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
गुरु स्तुति
ज्ञान-शक्ति समारुढं तत्वमालाविभूषितम।
भुक्तिमुक्तिप्रदातारं तस्मै श्री गुरवे नम:।
**************************
लल वाक्
तन्तॖर गलि तय मन्थॖर म्वच़ॆ
मन्थॖर गॊल तय मॊतुय च़्यथ
च़्यथ गॊल तय कॆंह ति ना कुने
शून्यस शुन्याह मीलिथ गव
***********
अर्थात:- तन्त्र की इति हुई तो मंत्र शेष रहा। अर्थात कथनी यानि ज्ञानोपार्जन की सीमा के परे ध्यानोपासना का क्षेत्र बचा रहता है। (और जब) मंत्र भी मिटा तो मात्र चित्त बचा रहा। चित्त भी जब मिट कर शिवतत्व में मिल गया तो कहीं कुछ न रहा अर्थात सब अभावमय हो गया - शून्य में शून्य विलीन हो गया।
**************************
नुंदॖ ऱेशिन्य श्रुक्य
ज़ुवॖ म्यान्ये हा मनॖ शोठो
द्वह द्वह ग्वनाह छिय पॊठऻनी
ग्वनॖहन कुनुय बॊरथम टोठो
तति कुस यियीय टोठऻनी।
नकीर तॖ मुनकिर यिनय ब्रौंठो
ती करनय यी कस्ब करान कोठऻनी
************
माने:- हे इन्सानॖ! द्वह ख्वतॖ द्वह छुख च़ॖ पापन मंज़ बॊडान। यॊद मन च़ॗ ग्वनॖहन छुख लोल बरान, तति कुस त्यॆलि बरिय च़्यॆ लोल। नकीर तॖ मुनकिर यॆलि ब्रौंठकुन हिसाब ह्यॆनि यिनय, तिम करनय तिय यि कटस पुज छु करान
**************************
पऺचान्ग:- असि मनऻव सलाम राथ मगर बोज़नस तल आव ज़ि कॆंच़व मनऻव हेरथ राथ। तिम पऺक्य पूरॖ पूरॖ जंत्री हिसाबॖ तॖ बूज़ुख नॖ रछ़ा ति होरक्यन या योरक्यन हुन्द। तिमन भख्तन आयि मनॖच शऻन्ती राथॖय पूज़ा करनॖच तॖ कऺरॖख। यिमन दॊहन वोत असि यि दऺप्यज़ि ति डंडूरॖ दिवान ज़ि हेरथ यी मनावनॖ वुहमि फर्वऺरी मगर कॆंच़न ताम आसि नॖ वऻच़मॖच़ यि ख़्बर पूरॖ पऻंठ्य।असि मनऻव सलाम राथ तॖ कॆंह मनावन अज़। म्यॆ छु बासान ज़ि असि पज़ि सिरिफ अख पंचान्ग थवुन। हु या यि। सु गव ज़ि या ओंकार नाथ जियिन्य या पुनीत जियिन्य। द्वन जंत्रीयन मंज़ छु गछ़ान यि बट्टॖ दु-च़्यॆतिस मंज़। शास्त्री सऻबन द्वनवऺनी छि पनॖन्य दुकानदऻरी चलान मगर असि छि पऺन्य डलान ज़ि हुम्यसॖन्दिस ल्यीख्यमॖतिस प्यठ गछ़वा किनॖ यॆम्यसॖन्दिस ल्यीख्यमॖतिस प्यठ। परेशान छु गछ़ान असि ह्यु नफ़र प्रथ विज़ि। अख दॊयिम विडम्बना छि ज़ि असि कऻशिर्य बटन छु कऺम्य ताम कनन छ़ूनॖमुत ज़ि नऺव जंत्री गछ़ि नॖ बुथ वुछनॖ ब्रौंह यानि नवरॆह द्वह थालस बुथ वुछनॖ ब्रौंह अंदर वुछिन्य यि दपान छि अपश्वगुन छु यिवान मानॖनॖ। अमि मूजूब छु यि बट्टॖ सऻब जंत्री मऺल्य ह्यवान तॖ थवान तल कुन तीतिस कालस यॊत ताम नॖ अथ बुथ वुछॖनुख समय यिवान छु। तमि पतॖ यॆलि यि जंत्री मुच़रावान छु तॖ ॳन्दरॖ वुछान छु कत्यन क्याह छु ल्यीखित त्यॆली छु वनान ज़ि अथ जंत्री मंज़ कत्यन क्वस ग़लती छि रूज़मॖच़ छापनस मंज़ या ननान छु ज़ि द्वन जंत्रीयन मंज़ ब्यॆन्यर कत्यन छु। तॊत ताम छु आसान वारियाह च़ेर गोमुत त पतॖ छु नॖ कांह चारॖ रोज़ान ति करनस यि अथ जंत्री मंज़ ल्यीखित छु आसान या नतॖ छि तिथय पऻठ्य प्यवान यिम शास्त्री-बऻय बुलावॖन्य तॖ प्यवान छि वातनावॖन्य कुनी कथि प्यठ तिथय पऻठ्य यिथॖ पऻठ्य युहुस गव। बट्टॖ छु रोज़ान भ्रमस मंज़ तॖ लाचऻरी मंज़। अथ प्यठ छु व्यच़ार करुन ज़रूरी ज़ि असि पज़ि दॊयव मंज़ अख जंत्री पानॖनावन्य ह्व या यि।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
गुरु स्तुति
ज्ञान-शक्ति समारुढं तत्वमालाविभूषितम।
भुक्तिमुक्तिप्रदातारं तस्मै श्री गुरवे नम:।
**************************
लल वाक्
तन्तॖर गलि तय मन्थॖर म्वच़ॆ
मन्थॖर गॊल तय मॊतुय च़्यथ
च़्यथ गॊल तय कॆंह ति ना कुने
शून्यस शुन्याह मीलिथ गव
***********
अर्थात:- तन्त्र की इति हुई तो मंत्र शेष रहा। अर्थात कथनी यानि ज्ञानोपार्जन की सीमा के परे ध्यानोपासना का क्षेत्र बचा रहता है। (और जब) मंत्र भी मिटा तो मात्र चित्त बचा रहा। चित्त भी जब मिट कर शिवतत्व में मिल गया तो कहीं कुछ न रहा अर्थात सब अभावमय हो गया - शून्य में शून्य विलीन हो गया।
**************************
नुंदॖ ऱेशिन्य श्रुक्य
ज़ुवॖ म्यान्ये हा मनॖ शोठो
द्वह द्वह ग्वनाह छिय पॊठऻनी
ग्वनॖहन कुनुय बॊरथम टोठो
तति कुस यियीय टोठऻनी।
नकीर तॖ मुनकिर यिनय ब्रौंठो
ती करनय यी कस्ब करान कोठऻनी
************
माने:- हे इन्सानॖ! द्वह ख्वतॖ द्वह छुख च़ॖ पापन मंज़ बॊडान। यॊद मन च़ॗ ग्वनॖहन छुख लोल बरान, तति कुस त्यॆलि बरिय च़्यॆ लोल। नकीर तॖ मुनकिर यॆलि ब्रौंठकुन हिसाब ह्यॆनि यिनय, तिम करनय तिय यि कटस पुज छु करान
**************************
पऺचान्ग:- असि मनऻव सलाम राथ मगर बोज़नस तल आव ज़ि कॆंच़व मनऻव हेरथ राथ। तिम पऺक्य पूरॖ पूरॖ जंत्री हिसाबॖ तॖ बूज़ुख नॖ रछ़ा ति होरक्यन या योरक्यन हुन्द। तिमन भख्तन आयि मनॖच शऻन्ती राथॖय पूज़ा करनॖच तॖ कऺरॖख। यिमन दॊहन वोत असि यि दऺप्यज़ि ति डंडूरॖ दिवान ज़ि हेरथ यी मनावनॖ वुहमि फर्वऺरी मगर कॆंच़न ताम आसि नॖ वऻच़मॖच़ यि ख़्बर पूरॖ पऻंठ्य।असि मनऻव सलाम राथ तॖ कॆंह मनावन अज़। म्यॆ छु बासान ज़ि असि पज़ि सिरिफ अख पंचान्ग थवुन। हु या यि। सु गव ज़ि या ओंकार नाथ जियिन्य या पुनीत जियिन्य। द्वन जंत्रीयन मंज़ छु गछ़ान यि बट्टॖ दु-च़्यॆतिस मंज़। शास्त्री सऻबन द्वनवऺनी छि पनॖन्य दुकानदऻरी चलान मगर असि छि पऺन्य डलान ज़ि हुम्यसॖन्दिस ल्यीख्यमॖतिस प्यठ गछ़वा किनॖ यॆम्यसॖन्दिस ल्यीख्यमॖतिस प्यठ। परेशान छु गछ़ान असि ह्यु नफ़र प्रथ विज़ि। अख दॊयिम विडम्बना छि ज़ि असि कऻशिर्य बटन छु कऺम्य ताम कनन छ़ूनॖमुत ज़ि नऺव जंत्री गछ़ि नॖ बुथ वुछनॖ ब्रौंह यानि नवरॆह द्वह थालस बुथ वुछनॖ ब्रौंह अंदर वुछिन्य यि दपान छि अपश्वगुन छु यिवान मानॖनॖ। अमि मूजूब छु यि बट्टॖ सऻब जंत्री मऺल्य ह्यवान तॖ थवान तल कुन तीतिस कालस यॊत ताम नॖ अथ बुथ वुछॖनुख समय यिवान छु। तमि पतॖ यॆलि यि जंत्री मुच़रावान छु तॖ ॳन्दरॖ वुछान छु कत्यन क्याह छु ल्यीखित त्यॆली छु वनान ज़ि अथ जंत्री मंज़ कत्यन क्वस ग़लती छि रूज़मॖच़ छापनस मंज़ या ननान छु ज़ि द्वन जंत्रीयन मंज़ ब्यॆन्यर कत्यन छु। तॊत ताम छु आसान वारियाह च़ेर गोमुत त पतॖ छु नॖ कांह चारॖ रोज़ान ति करनस यि अथ जंत्री मंज़ ल्यीखित छु आसान या नतॖ छि तिथय पऻठ्य प्यवान यिम शास्त्री-बऻय बुलावॖन्य तॖ प्यवान छि वातनावॖन्य कुनी कथि प्यठ तिथय पऻठ्य यिथॖ पऻठ्य युहुस गव। बट्टॖ छु रोज़ान भ्रमस मंज़ तॖ लाचऻरी मंज़। अथ प्यठ छु व्यच़ार करुन ज़रूरी ज़ि असि पज़ि दॊयव मंज़ अख जंत्री पानॖनावन्य ह्व या यि।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
No comments:
Post a Comment