14.02.2020 माघॖ (माघ) गटॖ पछॖ (कृष्ण पक्ष) शॆयम (षष्ठी) शॊकुरवार (शुक्रवार/जुम्मा) श्री सप्तर्षी सम्वत 5095, राश तुला (चलान) ऋतु शिशर (चलान)...
अज़ छि हुर्य शॆयम
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
गुरु स्तुति
स्मारं स्मारं जनिमृतिभयं जातनिर्वेद वृत्ति:
ध्यायं ध्यायं पशुपतिं उमाकान्तं अन्तर्निषण्णम्
पायं पायं सपदि परमानन्द पीयूषधारा
भूयो भूयो निजगुरुपदां भोजं युग्मं नमामि।।
**************************
लल वाक्
मल व्वंदि ज़ोलुम
जिगर मोरुम
त्यॆलि लल नाव द्राम
यॆलि दऺल्य त्रऻव्यमस तती
**********
अर्थात:- मैं ने अपने मन के मैल को हटाया। जिगर को मारा, अर्थात इच्छाओं का दमन किया। जब अपना दामन फैलाकर वहीं उसी के पास डेरा जमा लिया। तभी मेरा नाम 'लल' प्रसिद्धि पा गया। अर्थात मैं ने एक पल भी उसका साथ नहीं छोडा।
**************************
नुंदॖ ऱेशिन्य श्रुक्य
शिव छुय थलि थलि रोज़ान
माज़ान ह्यॊंद तॖ मुस्लमान
त्रुकय छुख पनुन पान परज़ान
स्वय छय साहिबन ज़ऻनी ज़ान
***********
माने:- शिव छुय हर जायि तॖ प्रथ इन्सानस मंज़ रोज़ान तवॖ किन्य न छु कांह ह्यॊंद तॖ न कांह मुस्लमान
यॊद च़ॖ पनॖनिस दबस ख़बरदार छुख च़ॖ ज़ान पनुन पान तसॖंज़ अमानथ। तस सॗत्य ज़ान गछ़ॖन्य गव पनुन पान प्रज़नावुन।
**************************
पंचान्ग:- अज़ छि हुर्य शॆयम। ॳज़्यकि द्वह दपान गछ़ि पार्थीश्वर बनावनॖ बापथ साफ़ सुथरॖ श्वद्ध म्यॆच़ अनॖन्य। दॊहलि गछ़ि ठोकुर कुठिस मंज़ एकान्त रूपस मंज़ बिहिथ शिव नावस मंज़ लीन गछ़ुन तॖ पतॖ ब्यॆयि पनॖनिस लॊह लंगरस लगुन। शामन पतॖ ब्यॆयि पनॖन्य पाठ्य भजन कीर्तन नियमानुसार करुन। असुन गिन्दुन तॖ हारन गिन्दुन वगैरा वगैरा। कऺशीरि मंज़ छु म्यॆ याद यिवान ज़ि ॳस्य ॴस्य शंकराचार्य पहाडॖ प्यठॖ म्यॆच़ अनान तॖ पार्थीश्वर बनावान। पार्थीश्वर बनावनॖच कऻम ॴस्य पनॖन्यन गरन मंज़ ज़िठ्य मर्द करान रोज़ान। मगर यि प्रथा गऺयि समयस सॗत्य सॗत्य तति ति ख़तम तॖ योर लऺगिथ गऺयि बिल्कुल हॗय ख़तम। कऻन्सि कऻन्सि यॊदवय वुनि अमि प्रथायि हुन्द कॆंह ति व्वदबव छु तॖ वुनि यि प्रथा चलावानुक च़ुक छु तऺमिस छु म्यॊन नमन। ॳस्य गऺयि पनॖन्यव संस्कारव निशि स्यठाह दूर। कॆंह लाचार तॖ कॆंह मजबूर। श्रावनॖ पुनिम द्वह ति ॴस्य ॳस्य म्यॆच़ वालान शंकराचार्य प्यठॖ तॖ ॴस्य पार्थीश्वर ठोकुर कुठिस मंज़ सऻन्य ज़िठ्य बनावान रोज़ान तॖ ॳस्य ॴस्य थलि थलि तिमन कुन आसान वुछान ज़ि अमा पॊज़ यिम करान छि क्याह। मगर ॳसि आव नॖ मोकाह ज़ांह ति यि कऻम करनस। ति क्याज़ि हालात गऺयि बदलान। समय गव बदलान। व्यच़ार गऺयि बदलान। आस्था गऺयि छ़्वकान। ज़िठ्य गऺयि म्वकलान। ल्वकॖट्य यिम ज़िठ्य बनान गऺयि तिमन मंज़ रूद नॖ यिछ़न काम्यन सॗत्य ज़्यादॖ लगाव। ह्यॆछनावन वाल्यन हॖन्ज़ व्यछ़य रूज़। खऻर कथॖय यऻच़ छि रोज़ान। अज़कल छि सऻन्य शुर्य सिरिफ प्रानि कथ बोज़ान। वाह वाह कऺरिथ बुथ फ़ेरान तॖ नेरान पनॖनिस कारस तॖ बारस। ॳज़्यकि द्वह छि सानि नवि न्वशि पनुन माल्युन ति गछ़ान तॗ वापस वऻरिव गरॖ यिवान हुर्य दऺहम द्वह। हुर्य दऺहमि छु ब्याख जान नाव ति यानि द्यारॖ दऺहम।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
अज़ छि हुर्य शॆयम
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
**************************
गुरु स्तुति
स्मारं स्मारं जनिमृतिभयं जातनिर्वेद वृत्ति:
ध्यायं ध्यायं पशुपतिं उमाकान्तं अन्तर्निषण्णम्
पायं पायं सपदि परमानन्द पीयूषधारा
भूयो भूयो निजगुरुपदां भोजं युग्मं नमामि।।
**************************
लल वाक्
मल व्वंदि ज़ोलुम
जिगर मोरुम
त्यॆलि लल नाव द्राम
यॆलि दऺल्य त्रऻव्यमस तती
**********
अर्थात:- मैं ने अपने मन के मैल को हटाया। जिगर को मारा, अर्थात इच्छाओं का दमन किया। जब अपना दामन फैलाकर वहीं उसी के पास डेरा जमा लिया। तभी मेरा नाम 'लल' प्रसिद्धि पा गया। अर्थात मैं ने एक पल भी उसका साथ नहीं छोडा।
**************************
नुंदॖ ऱेशिन्य श्रुक्य
शिव छुय थलि थलि रोज़ान
माज़ान ह्यॊंद तॖ मुस्लमान
त्रुकय छुख पनुन पान परज़ान
स्वय छय साहिबन ज़ऻनी ज़ान
***********
माने:- शिव छुय हर जायि तॖ प्रथ इन्सानस मंज़ रोज़ान तवॖ किन्य न छु कांह ह्यॊंद तॖ न कांह मुस्लमान
यॊद च़ॖ पनॖनिस दबस ख़बरदार छुख च़ॖ ज़ान पनुन पान तसॖंज़ अमानथ। तस सॗत्य ज़ान गछ़ॖन्य गव पनुन पान प्रज़नावुन।
**************************
पंचान्ग:- अज़ छि हुर्य शॆयम। ॳज़्यकि द्वह दपान गछ़ि पार्थीश्वर बनावनॖ बापथ साफ़ सुथरॖ श्वद्ध म्यॆच़ अनॖन्य। दॊहलि गछ़ि ठोकुर कुठिस मंज़ एकान्त रूपस मंज़ बिहिथ शिव नावस मंज़ लीन गछ़ुन तॖ पतॖ ब्यॆयि पनॖनिस लॊह लंगरस लगुन। शामन पतॖ ब्यॆयि पनॖन्य पाठ्य भजन कीर्तन नियमानुसार करुन। असुन गिन्दुन तॖ हारन गिन्दुन वगैरा वगैरा। कऺशीरि मंज़ छु म्यॆ याद यिवान ज़ि ॳस्य ॴस्य शंकराचार्य पहाडॖ प्यठॖ म्यॆच़ अनान तॖ पार्थीश्वर बनावान। पार्थीश्वर बनावनॖच कऻम ॴस्य पनॖन्यन गरन मंज़ ज़िठ्य मर्द करान रोज़ान। मगर यि प्रथा गऺयि समयस सॗत्य सॗत्य तति ति ख़तम तॖ योर लऺगिथ गऺयि बिल्कुल हॗय ख़तम। कऻन्सि कऻन्सि यॊदवय वुनि अमि प्रथायि हुन्द कॆंह ति व्वदबव छु तॖ वुनि यि प्रथा चलावानुक च़ुक छु तऺमिस छु म्यॊन नमन। ॳस्य गऺयि पनॖन्यव संस्कारव निशि स्यठाह दूर। कॆंह लाचार तॖ कॆंह मजबूर। श्रावनॖ पुनिम द्वह ति ॴस्य ॳस्य म्यॆच़ वालान शंकराचार्य प्यठॖ तॖ ॴस्य पार्थीश्वर ठोकुर कुठिस मंज़ सऻन्य ज़िठ्य बनावान रोज़ान तॖ ॳस्य ॴस्य थलि थलि तिमन कुन आसान वुछान ज़ि अमा पॊज़ यिम करान छि क्याह। मगर ॳसि आव नॖ मोकाह ज़ांह ति यि कऻम करनस। ति क्याज़ि हालात गऺयि बदलान। समय गव बदलान। व्यच़ार गऺयि बदलान। आस्था गऺयि छ़्वकान। ज़िठ्य गऺयि म्वकलान। ल्वकॖट्य यिम ज़िठ्य बनान गऺयि तिमन मंज़ रूद नॖ यिछ़न काम्यन सॗत्य ज़्यादॖ लगाव। ह्यॆछनावन वाल्यन हॖन्ज़ व्यछ़य रूज़। खऻर कथॖय यऻच़ छि रोज़ान। अज़कल छि सऻन्य शुर्य सिरिफ प्रानि कथ बोज़ान। वाह वाह कऺरिथ बुथ फ़ेरान तॖ नेरान पनॖनिस कारस तॖ बारस। ॳज़्यकि द्वह छि सानि नवि न्वशि पनुन माल्युन ति गछ़ान तॗ वापस वऻरिव गरॖ यिवान हुर्य दऺहम द्वह। हुर्य दऺहमि छु ब्याख जान नाव ति यानि द्यारॖ दऺहम।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
No comments:
Post a Comment