18.02.2020 फाल्गुन (फाल्गुन) गटॖ पछॖ (कृष्ण पक्ष) दऺहम (देवादेव) (दशमी) बॊम्वार (मंगलवार) श्री सप्तर्षी सम्वत 5095, राश धनु (सुबहॖचि 5.13 बजि प्यठॖ) ऋतु शिशर (चलान)...अज़ छि द्यारॖ दऺहम
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
*********************"****
गुरु स्तुति
ज्ञानिनां ज्ञानरूपाय प्रकाशाय प्रकाशिनाम्
विवेकिनां विवेकाय विमर्शाय विमर्शिनाम
पुरस्तात् पार्श्वयो: पृष्ठे नमस्कुर्याम्
उपर्यधा:
सदामत् चित्तरूपेण विधेहि भवदासनम्
**************************
लल वाक्
पानस लऻगिथ रूदुख म्यॆ च़ॖय
म्यॆ च़ॖय छ़ान्डन लूसतुम द्वह
पानस मंज़ यॆलि ड्यूंठुख म्यॆ च़ॖय
म्यॆ च़्य तॖ पानस द्युतुम छ़ॊह
***********
अर्थात:- तू तो मेरे अंदर वेष बदल कर रहे और तुझे ढूंढते ढूंढते मेरे दिन बीत गये। जब मैं ने तुझे अपने अंदर देखा तो मैं तेरे साथ मिलकर आनन्द लीला करने लगी।
**************************
नुंदॖ ऱेशिन्य श्रुक्य
नफसऻन्ययथ छय न्वकसान दीनस
बॊवि नॖ तथ ज़मीनस फल
नसर बाबॖ वगि रोज़हम करीनस
तवॖ समन्द दिनय ज़ीनस तल
मव मांज़ मस माज़स तॖ मीनस
तवॖ दिल गछ़ी शीनस तल
नसर बाबॖ पान पुशर जान आफरीनस
तवॖ सॗत्य च़ली ॴयीनस मल
दॊहय यॊद क्राव करख वदनस रिनस
अदॖ हऺज़रत रछी सीनस तल
***********
माने:- नफ़सी ख्वाशिहातॖ पूरॖ करनॖ सॗत्य छि च्यऻन्य कर्म बूमी बंजर बनान। नसर बाबॖ यॊद च़ॖ रहबर सॖन्दिस सायस तल यिख, च़्यॆ दिनय खसुन तॊरगॖ गुर। मऺ बर लोल, माज़स शराबस तॖ गाडि तमि सॗत्य गछ़ख ॴखरस शर्मंन्दॖ। नसर बाबॖ यॊद पान पनुन तस दयस पुशरख त्यॆलि गछ़ि च्यानि मनुक मल दूर। यॊद द्वहय तसॖन्दिस लोलस मंज़ वदख तॖ रिवख त्यॆलि रटिय हज़रत पनॖनिस सीनस तल
**************************
पंचान्ग:- अज़ छि द्यारॖ दऺहम। वनॖनॖ छु यिवान ज़ि अज़ छि सऻरी दीवी देवता सान्यन गरन मंज़ यिवान। दपान छि ज़ि ॳज़्यकि द्वह छि ॳस्य करान नागन हॖन्दिस राज़स नील सॖन्ज़ पूज़ा तॖ ब्यॆयि छि करान पिशाच राज़ॖ निकम्भॖन्य पूज़ा। ब्यॆयि छि दपान ज़ि ॳज़्यकि द्वह छि ॳस्य करान माता दुर्गा सप्तशती हुन्द पाठ ति। यिमन कहावच़न मंज़ कोताह पज़र छु यि वनुन छु हना मुश्किल। यीतिस कालस बॖति रूदुस कऺशीरि मंज़ कुनवुहशथ नमतॖ ब्रौंठ ति, अमि कॗस्मॖच प्रथा गऺयि नॖ म्यॆ ख़ास नज़रि कॆंह मगर द्यारॖ दऺहमुक छु यिति अख महत्व यि ज़ऻनिथ छु असि पकुन। यिम नवि न्वशि गऻमच़ॖ छि आसान पनुन माल्युन तिम छि ॳज़्यकि द्वह वऻरिव यिवान डुन्य ह्यथ। च़्वचि ह्यथ,अतॖगथ तॖ नून ह्यथ। यि प्रथा ति ह्यॆच़ॖन्य छ़्वकॖन्य वारॖ वारॖ। सानि माजि ब्यॆनि ति छि गछ़ान रोज़ान पनुन माल्युन दॊहस खन्डस ज़ंगि बापथ तॖ यिवान छि वापस गरॖ पनुन नून तॖ अतगथ ह्यथ। ॳज़्यकिस द्वहस छु ब्याख नाव ति, सु गव बुनिल्य दऺहम। शिव जीयन आराधना छि करनी करॖन। हारन छु गिन्दनुय गिन्दुन। भजन कीर्तन छु करुनुय करुन। हेरथ मऻज्य आयि, गरॖ सोन आयि, ख्यॆनि च्यॆनि आयि। हेरथ मऻज़् आयि।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
**************************
नमस्कार माहरा त्वहि सारिनी म्योन। त्वहि ऒरज़ुव तॖ दॊरकॊठ।
*********************"****
गुरु स्तुति
ज्ञानिनां ज्ञानरूपाय प्रकाशाय प्रकाशिनाम्
विवेकिनां विवेकाय विमर्शाय विमर्शिनाम
पुरस्तात् पार्श्वयो: पृष्ठे नमस्कुर्याम्
उपर्यधा:
सदामत् चित्तरूपेण विधेहि भवदासनम्
**************************
लल वाक्
पानस लऻगिथ रूदुख म्यॆ च़ॖय
म्यॆ च़ॖय छ़ान्डन लूसतुम द्वह
पानस मंज़ यॆलि ड्यूंठुख म्यॆ च़ॖय
म्यॆ च़्य तॖ पानस द्युतुम छ़ॊह
***********
अर्थात:- तू तो मेरे अंदर वेष बदल कर रहे और तुझे ढूंढते ढूंढते मेरे दिन बीत गये। जब मैं ने तुझे अपने अंदर देखा तो मैं तेरे साथ मिलकर आनन्द लीला करने लगी।
**************************
नुंदॖ ऱेशिन्य श्रुक्य
नफसऻन्ययथ छय न्वकसान दीनस
बॊवि नॖ तथ ज़मीनस फल
नसर बाबॖ वगि रोज़हम करीनस
तवॖ समन्द दिनय ज़ीनस तल
मव मांज़ मस माज़स तॖ मीनस
तवॖ दिल गछ़ी शीनस तल
नसर बाबॖ पान पुशर जान आफरीनस
तवॖ सॗत्य च़ली ॴयीनस मल
दॊहय यॊद क्राव करख वदनस रिनस
अदॖ हऺज़रत रछी सीनस तल
***********
माने:- नफ़सी ख्वाशिहातॖ पूरॖ करनॖ सॗत्य छि च्यऻन्य कर्म बूमी बंजर बनान। नसर बाबॖ यॊद च़ॖ रहबर सॖन्दिस सायस तल यिख, च़्यॆ दिनय खसुन तॊरगॖ गुर। मऺ बर लोल, माज़स शराबस तॖ गाडि तमि सॗत्य गछ़ख ॴखरस शर्मंन्दॖ। नसर बाबॖ यॊद पान पनुन तस दयस पुशरख त्यॆलि गछ़ि च्यानि मनुक मल दूर। यॊद द्वहय तसॖन्दिस लोलस मंज़ वदख तॖ रिवख त्यॆलि रटिय हज़रत पनॖनिस सीनस तल
**************************
पंचान्ग:- अज़ छि द्यारॖ दऺहम। वनॖनॖ छु यिवान ज़ि अज़ छि सऻरी दीवी देवता सान्यन गरन मंज़ यिवान। दपान छि ज़ि ॳज़्यकि द्वह छि ॳस्य करान नागन हॖन्दिस राज़स नील सॖन्ज़ पूज़ा तॖ ब्यॆयि छि करान पिशाच राज़ॖ निकम्भॖन्य पूज़ा। ब्यॆयि छि दपान ज़ि ॳज़्यकि द्वह छि ॳस्य करान माता दुर्गा सप्तशती हुन्द पाठ ति। यिमन कहावच़न मंज़ कोताह पज़र छु यि वनुन छु हना मुश्किल। यीतिस कालस बॖति रूदुस कऺशीरि मंज़ कुनवुहशथ नमतॖ ब्रौंठ ति, अमि कॗस्मॖच प्रथा गऺयि नॖ म्यॆ ख़ास नज़रि कॆंह मगर द्यारॖ दऺहमुक छु यिति अख महत्व यि ज़ऻनिथ छु असि पकुन। यिम नवि न्वशि गऻमच़ॖ छि आसान पनुन माल्युन तिम छि ॳज़्यकि द्वह वऻरिव यिवान डुन्य ह्यथ। च़्वचि ह्यथ,अतॖगथ तॖ नून ह्यथ। यि प्रथा ति ह्यॆच़ॖन्य छ़्वकॖन्य वारॖ वारॖ। सानि माजि ब्यॆनि ति छि गछ़ान रोज़ान पनुन माल्युन दॊहस खन्डस ज़ंगि बापथ तॖ यिवान छि वापस गरॖ पनुन नून तॖ अतगथ ह्यथ। ॳज़्यकिस द्वहस छु ब्याख नाव ति, सु गव बुनिल्य दऺहम। शिव जीयन आराधना छि करनी करॖन। हारन छु गिन्दनुय गिन्दुन। भजन कीर्तन छु करुनुय करुन। हेरथ मऻज्य आयि, गरॖ सोन आयि, ख्यॆनि च्यॆनि आयि। हेरथ मऻज़् आयि।
**************************
कऻशुर ह्यॆछव कऻशुर परव
कऻशिर्य पऻठ्य पानॖवुन्य कथबात करव
**************************
नऺविव तॖ फॊलिव
भूषण कौल "दीप"
(बूज़िव ॳज़्युक सबक़ म्यानि ज़्यॆवि ति)
(koshursabak.blogspot.com ति वुछिव)
No comments:
Post a Comment