01.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

01.07.2022 हारॖ (आषाढा) ज़ूनॖ पछॖ (शुक्ल पक्ष) द्वय (द्वितिय), देवादेव, शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र तिष्या, राश कर्कट (चलान) ऋतु ग्रीष्म (चलान )

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी सरकारन दपान करेये पनॖन्यकिन्य कूशिश 1950-हस मंज़ सरकऻर्य स्कूलन मंज़ नस्तालीक़ याने उर्दू ज़बऻन्य मंज़ कऻशुर परनावुन मगर सरकार गव नॖ कामयाब ति करनस मंज़ ति क्याज़ि कऻशिर्य बटॖ ॴस्य नॖ तथ हक़स मंज़। तिम ॴस्य यछ़ान ज़ि कऻशुर गॊछ़ परनावनॖ युन देवनागरी लिपि मंज़। मानॖनॖ छु यिवान ज़ि 1846 ई० प्यठॖ 1947 ई० ताम यॆलि डूगरॖ राज ओस जम्मू कश्मीरस मंज़ तिम ह्यकहऻन नस्तालीक़ ज़बऻन्य बजायि  कऻशिर्य ज़बऻन देवनागिरी ज़बऺन्य मंज़ वॊजूदस मंज़ ॳनिथ मगर तिमव दपान कऺर नॖ कांह पहल  अथ सिल्सिलस मंज़ शायद अमिन किन्य ज़ि तिमन ओस नॖ सानि माजि ज़्यॆवि सॗत्य कांह वाबसतय। तीज़माल रूज़ बोज़ान बरादर सुन्द बखान। तीज़मालि वॊन बरादरस ज़ि ॳस्य कऻशिर्य बटॖ हाबा आयि पॆहनॖ विज़ि विज़ि याने अकि तरफॖ ऒन मुस्लमान हॊकुमरानव उर्दू, फारसी तॖ अरबी, दॊयिमि तरफॖ पुशरोव अंग्रेज़व पनॖन्य ज़बान अंग्रीज़, डूगरव द्युत नॖ अथ कुन कांह ध्यान।  कऻशुर बटॖ फस्यव ब्यॊन ब्यॊन सरकारन तल तॖ गऺयि पनॖनि माजि ज़्यॆवि  निशि दूरान। शारदा लिपि गऺयि गऻब गछ़ा तॖ संस्कृत हॆन्दी या देवनागरी ज़बऻन्य प्यठ गव परदॖ प्यवान। सऻन्य माजि ज़्यव याने कऻशिर्य ज़बान फसेयि सियासतचि दल-दलि मंज़। हालांकि सऻन्य ज़ातक ॴस्य ऊतरॖ ताम शारदा लिपि मंज़ॖय यिवान लेखनॖ।  कऻशुर ओस यिवान लेखनॖ शारदा लिपि मंज़ॖय। हालांकि शारदा छॆनॖ बोल चालॖच भाषा मगर वारॖ वारॖ छ़ॊकेयि शारदा परनवऻल्य ति सॗती आयि ददार अंसि पनॖन्य माजि ज़्यव बोलनस मंज़ ति।  सरकारन द्युतनॖ ज़ऻनिथ मॏनिथ अज़ताम व्वतलनॖ कऻशुर देवनारी लिपि मंज़ सऻर्यसॖय प्रान्तस मंज़।  नतीजि द्राव यि ज़ि उर्दू ज़बान आयि सरकऻर्य ज़बान मानॖनॖ कऻशिर्य जबबऻन्य बजायि। छ़ॊटॖरऻविथ कथ छि यि ज़ि बदलवॖन्य हालातव किन्य रूद नॖ असि  पनॖनि माजि ज़्यॆवि सॗत्य संजीदॖगी सान ज़्यादॖ लगाव। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

30.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

30.06.2022 हारॖ (आषाढा) ज़ूनॖ पछॖ (शुक्ल पक्ष) ऒक्दॊह (प्रथमा/प्रतिपदा), देवादेव, ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5098, नक्षत्र पुनर्वसु, राश कर्कट (शामन 06.23 बजि प्यठॖ), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

म्यॆ छु याद यिवान पनुन ल्वकॖचार यॆलि बॖ ओसुस शायद अवलस परान रघुनाथ मन्दिर मिडल स्कूलॖ, करन नगर, श्रीनगरॖ कऺशीरि सनॖ 1950-हश मंज़। बरादरन वॊन तीज़मालि। ल्वकचारॖच क्वस बा कथ प्यॆयी च़्यॆ याद अज़। सवाल कॊर तीज़मालि बरादरस। कथ प्यॆयम याद मऻजी ज़ि स्कूलॖ वाल्यव द्युत असि कऻशुर क़ऻयदॖ युस उर्दू ज़बऻन्य मंज़ छापनॖ ओस आमुत तॖ ह्यॊतुख सु क़ऻयदॖ असि शुर्यन परनावुन। ॳस्य ॴस्य शुर्य तॖ रूद्य परान ती यि तमि वख्तुक मास्टर जी ओस परनावान तॖ बोज़ान रोज़ान परनोवमुत सबक़। गव कऻशुर ॴस्य स्कूलन मंज़ परनावान। तीज़मालि वॊन बरादरस। आहनी मऻजी म्यॆ छु पूरॖ ज़ॆहनस मंज़ ज़ि तथ सरकऻर्य स्कूलस मंज़ ह्यॆच़ेयोख कऻशुर परनावुन मगर। बरादर रुक्यव वनान वनान। तीज़मालि दिच़नस ज़ीर तॖ प्रुछ़नस मगर क्याह। च़ॖ क्याज़ि रुक्योख अडॖवती। बरादरन कऺर पनॖन्य कथ पूरॖ यि वऺनिथ ज़ि सु क़ऻयदॖ छु असि पॊरमुत मसा ॳकिस या द्वन ऱयतन कुल। म्यॆ छु याद प्यवान ज़ि यि क़ऻयदॖ आव नॖ पतॖ ज़ांह ति परनावनॖ यीतिस कालस म्यै तमि स्कुलॖ प्यठॖ मिडल पास कॊर। मिडल पास याने प्रुछ़नस तीज़मालि। मिडल पास गऺयो ॷठ्यमि जमऻच़ तॖ दऺहमि जमऻच़ पास करनस ॴस्य वनान मैट्रिक पास। बरादरन तोरनस फिकरी। ख़बर पतॖ क्याज़ि आव नॖ यि कऻशुर परनावनॖ सरकऻर्य स्कुलन मंज़। तीज़माल ॴस यछ़ान ज़ानुन। सियासथ। बरादरन द्युतनस जवाब। अथ मंज़ क्वस बा सियासथ आसिहे। तीज़मालि प्रूछ़ बरादरस। यि सियासथ तऺर नॖ असि तमिसातॖ फिकरी मगर तॊर फिकरी असि स्यठाह च़ीर्य। मुस्लमानन हुन्द दबाव रूद असि कऻशिर्य बटन प्यठ ग्वडॖ प्यठय। यि ति छु अख खास वजह ज़ि ॳस्य रूद्य महरूम पनॖनि माजि ज़्यॆवि निश। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

29.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

29.06.2022 हारॖ (आषाढा) गटॖ पछॖ (कृष्ण पक्ष) मावस (अमावस्या), देवादेव, ब्वदवार (बुधवार), श्री सप्तर्षि सम्वत 5098, नक्षत्र आर्द्रा, राश मिथुन (चलान), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी  नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि इन्सानस हाबा छु नॖ पनुन गर्दनि मल यिवान बोज़नॖ। च़्यॆ कथ प्यठ प्यॊय वनुन यि मुहावरॖ याने यि दऺपिथ कथ मऻजी। यि मुहावरॖ प्योम याद पननिस समुदायस वुछिथ। तीज़मालि द्युत जवाब बरादरस। ति ज़न गव ज़ि असि छि ख़बर सारिनी ज़ि कऺशीरि निशि दूर गऺछ़ान गछ़ान ह्यॆतिन ॳस्य पनॖनि माज़ि ज़्यॆवि निशि ति दूर गछ़न्य। माजि ज़्यव निशि दूर गछ़ुन माने गव पनॖनि संस्कृति तॖ पनॖन्यव संस्कारन निशि दूर गछ़ुन। यि त्रास्दी छि असि नन्यव ॳछव नज़र यिवान मगर पनॖनिस ॴबस वुरुन थऻविथ छि ॳस्य बडि हटि वनान ज़ि कऺशीरि मंज़ छुनॖ व्वंय कऻशुर मुस्लमान ति कऻशिर्य पऻठ्य कथ करान तॖ अगर असि त्रऻव कऻशिर्य ज़बऻन्य मंज़ पानॖवुन्य कथ बाथ करॖन्य तॖ क्याह फरॖख छि। तवय वॊनुम ज़ि ॳस्य छि पनॖन्य कमज़ूरी श्रॊपरावनॖ बापथ ब्यॆयिसॖन्द्यन ॴबन छ़ऻन्ड दिवान रोज़ान। बरादरन वॊन तीज़मालि ज़ि यि छु स्यठाह नाकारॖ ज़ि ॳस्य छिनॖ पनॖनि माजि ज़्यॆवि हुन्द क़दर ज़ानान। माजि ज़्यॆवि मंज़ कथ न करनॖ सॗत्य रावि असि रसॖ रसॖ पनॖन्य प्रज़नथ। रोवमुत चीज़ लबुन छु मऻजी स्यठाह मुश्किल आसान। तऻजबॖच कथ छि यि ज़ि शुर्यसुन्द मोल मीज्य छु नॖ पानॖ कांह दिलचस्पी हावान कऻशि्य ज़बान ज़िन्दॖ थावनॖ बापथ। शुरिस क्याह दोष दिमव। असि छि ज़न च़ूरि प्यठ रटान याम ॳस्य कऻशिर्य ज़बऻन्य मंज़ कथ करान छि। बरादरन वॊन तीज़मालि ज़ि मऻजी बॖ छुस वुछान ज़ि ॳस्य छिनॖ पर-ज़्यव ति सऺही पऻठ्य ह्यकान बूलिथ। तीज़मालि वॊन बरादरस। आहनबा पनॖन्य ज़बान गऺयि पननी ज़बान तॖ व्वपर ज़बान गऺयि व्वपर ज़बानॖय। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

26۔06۔2022

28.06.202228.06.2022

27.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

27.06.2022 हारॖ (आषाढा) गटॖ पछॖ (कृष्ण पक्ष) च़्वदह (चतुर्दशी) च़ऺन्दॖरवार (सोमवार), श्री सप्तर्षि सम्वत 5098, नक्षत्र रोहिन, राश वृष (चलान), ऋतु ग्रीष्म (चलान)...चूंकि च़्वदह छि ज़ॖ गछ़ान ॳज़्युक वॊहरवोद यी पगाह 

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि दपान हाबा छि सनातन धर्मस मंज़ छि शुराह संस्कार मानॖनॖ आमॖत्य। ति छु पॊज़ मऻजी दफ अल्बतॖ सऻनिस समुदायस मंज़ छि आमॖत्य 24 संस्कार हावनॖ सान्यन शास्त्रन मंज़। हालांकि बोद्ध धर्मॖ  हिसाबॖ छि 44 संस्कार आमॖत्य हावनॖ। कऻशिर्य बटॖ छि 24 संस्कार मऻनिथ पकान। यिम संस्कार छि दपान इन्सान सॖन्दि ज़्यनॖ प्यठॖ याने गर्भ अवस्था प्यठॖ तस्सॖन्दिस मरनान्तस ताम मानॖनॖ आमॖत्य। यिम संस्कार कम कम छि तथ प्यठ करव ब्रॊंहकुन कथ मगर यॆतिनस छुस बॖ यछ़ान वनुन ज़ि सऻन्य ज़िठ्य यॊदवय यिमन संस्कारन आयि वरतावनॖच पूरॖ कूशिश करान रोज़ान कॆंह संस्कार छि व्वंय यिवान नज़र अन्दाज़ करनॖ शायद कुनि मजबूरी किन्य या कॆंह अज्ञानतायि किन्य। कॆंच़न संस्कारन हॖन्ज़ ज़ऻन्यकऻरी छॆनॖ वारिहान मगर कॆंह संस्कार छिनॖ विधिपूर्वक  यिवान करनॖ। ह्यॆछनावन  वाल्यन हॖन्ज़ व्यछ़य नमी छि। केंच़न संस्कारन छिनॖ ॳस्य ज़्यादॖ महत्व दिवान ज़ऻनिथ मऻनिथ शायद। असि पज़ि संजीदगी सान यिमन संस्कारन सनुन तॖ वरतावॖन्य विधिपूर्वक ताकि यिमन संस्कारन हॖन्ज़ ज़ऻन्यकऻरी वाति सानि नवि पीरि ताम। बरादरन  वॊन तीज़मालि। कथ छि जऻरी     

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

26.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

26.06.2022, हारॖ (आषाढा) गटॖ पछॖ (कृष्ण पक्ष) त्रुवाह (त्रयोदशी) आथवार (रविवार/ऐतवार), श्री सप्तर्षि सम्वत 5098, नक्षत्र कृति, राश वृष (चलान), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी म्यॆ हय वुछ ज़ि सऻनिस समुदायस मंज़ छॆनॖ वारिहान गरन मंज़ होंछ़ॖच प्रथा नॖ ज़्यनॖच होंछ़ तॖ न मरनॖच होंछ़। व्वंंन्य छुनॖ वारिहान गरन मंज़ वनवुन आसान तॖ नछु पॊत माहराज़ॖ तॖ न लायि बोय सुन्द रिवाज। सोन समाज ति बदल्यव ब्यॆयन वुछ्य वुछ्य तॖ ॳस्य ति वऻत्य तऺथ्य समन्दरस मंज़ यथ मंज़ बकाया सऻरी सऺमिथ गऺयि, रऺलिथ गऺयि तॖ मीलिथ गऺयि। व्वंय छु कऻशिर्य बटस बटॖ वनॖनस मन्दछान। तीज़मालि त्रोव ज़्यूठ व्वशा तॖ गऺयि दमफुट्य। वनिहे क्याह। वनॖनस रूद नॖ वार। बोज़नावव कस पनॖन्य ज़ार। सानि समस्यायि कुस दी तार। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

25.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

25.06.2022, हारॖ (आषाढा) गटॖ पछॖ (कृष्ण पक्ष) बाह (द्वादशी) बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र भरण, राश वृष (शामन 05.02 बजि प्यठॖ), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी बॖति छुस कुनि कुनि सातॖ सोंचान रोज़ान ज़ि यि बॖ वुछान छुस पनॖनिस समुदायस मंज़ केंच़न परिमच़न ज़नानन हॖन्ज़ हालथ स्व हालथ छा सना बकाया ज़नानन ति ब्यॆयन समुदायन मंज़ किनॖ सऻन्यसॖय समुदायस मंज़। किछ़ बा हालथ। तीज़मालि प्रुछ़ बरादरस। च़ॖ क्याह छुख यछ़ान वनुन। मऻजी अज़कल छि सानि कोरि लऺडकन सॗत्य सॗत्य परान रोज़ान तॖ बजि बजि डिग्रीय ति हऻसिल करान रोज़ान। आहनबा परुन लेखन  गव बडॖ जान अथ मंज़ क्याह वुछुथ च़्यॆ ब्यॊन ह्यु। तीज़मालि प्रुछ़ बरादरस। जान हय छु परुन ल्येखुन तॖ तिहॖन्ज़ नोकरी करॖन्य मगर बॖ छुस वुछान ज़ि त्युहुन्द परुन छु गछ़ान ज़ायि याम ॳस्य यिमन कोर्यन खान्दर करान छि। ख़बर क्याज़ि। तीज़मालि प्रुछ़नस। खान्दर कऺरिथ कोर्यन मंज़ छि म्यॆ बासान पन्च़ाह फीसऺदी कोरि तिम यिम खान्दरॖ पतॖ केंच़कऻलीय छि नोकरी त्रऻविथ गर-ग्रहस्तीकिस लॊह-लंगरस सॗत्य लगान। क्याह यि छा पॊज़ यि च़ॖ वनान छुख। तीज़मालि आव नॖ यॆकीन बरादर सॖन्ज़ि अथ कथि प्यठ। बॖ छुस मऻजी वुछान ज़ि याम खान्दर कऺरिथ ॳमिस नप-विवाहित ज़नानि अख ति शुर ज़्यवान छु यि ज़नान छि मजबूरी मंज़ नोकरी त्रऻविथ लगान ॳमिस शुरिस रछनि। बरादरन वॊन तीज़मालि। आहनबा यि च्यऻन्य कथ आसि पॊज़ ति क्याज़ि अज़कल कति छि गरन मंज़ इकॖवटॖ सऺमिथ रोज़नॖच प्रथा। ग्वडॖ ओस आसान गरा बॊड बॊड बऻच़व सॗत्य ब्वरुत। शुर्य ति ॴस्य पलान मान-मऻन्य मंज़। मगर अज़ मा रूद सॖ रवादोर। यि आसि ख़ास वजह ज़नानि नोकरी न करनुक। बरादरन वॊन तीज़मालि ज़ि यिथी यिथी कॆंह वकानॖ छि गछ़ान तॖ पऺरमॖच़ लीछ्यमॖच़ ज़नान छि बॆकार गछ़ान। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

24.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

24.06.2022, हारॖ (आषाढा) गटॖ पछॖ (कृष्ण पक्ष) काह (एकादशी) शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र अश्विन, राश मेष (चलान), ऋतु ग्रीष्म (चलान(

********************** 

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल ॴस सोंचान क्याहताम ज़ि बरादरन प्रुछ़नस मऻजी चॖ किहे छख सोंंचान अज़। सोंचान हाबा छस ज़ि ॳस्य छि पनॖन्यन शुर्यन कट्यन परनावान लेखनावान तॖ पऺरिथ लीखित छि यिमय शुर्य पनॖन्यन बऻच़न याने मऻलिस माजि बऻयिस ब्यॆनि निशि दूरान वारॖ वारॖ तथ हदस ताम ज़ि अख ॳकिस मेलनस छख नॖ फुरसथ मेलान तॖ यॆलि त्यॆलि कुनि विज़ि मेलान ति छि सु माय महोब्बत छु नॖ तथ मेलनस मंज़ नज़र यिवान। बरादरन वॊन तीज़मालि ज़ि यि नय छॆनॖ नऺव कथ बऺल्कि यि दूर दूर गछ़ुन अख ॳकिस निशि छु पतॖवतॖ प्यठॖ आमुत। अथ मंज़ क्याह सोंचुन छु मऻजी। च्यऻन्य कथ हाबा छि पऺज़ दफ अमा पॊज़ पथकालि ओस कऺशीरि गरॖ मंज़ॖ अखा कऺशीरि न्यबर नेरान  तॖ बकाया दऺह बऻच़ ॴस्य सऺमिथ आसान गरसॖय मंज़ मगर अज़कल छि गरॖ मंज़ॖ  सऻरी शुर्य न्यबरॖय रोज़ान तॖ गरस मंज़ छु तिमन हुन्द मोल मऻज्य हारि तोतस सॗत्य कथ बाथ करान रोज़ान। तीज़माल ॴस बरादरस वनुन यछ़ान ज़ि असि कऻशिर्य बटन मंज़ कोताह बदलाव आव यिमन पऻन्च़त्रॖहन च़तजिह्यन वऺर्यन मंज़। सानि संस्कृति मंज़, संस्कारन मंज़, व्यच़ारन मंज़, कथि बाति मंज़, तुलॖ त्रावि मंज़, मेहमान नवऻज़ी मंज़, माय महोब्बतस मंज़, वंश बऺडरावनस मंज़, रस्मन रिवाज्यन मंज़, ज़्यनस मरनस मंज़ यि दऺप्यज़ि ति हॆरि प्यठॖ ब्वन ताम तॖ ॳन्दरॖ प्यठॖ न्यबर ताम। बरादरन वॊन तीज़मालि ज़ि यि कथ छि च्यऻन्य सही। पॊज़ गव यि  ज़ि कऻशुर बटॖ छुनॖ व्वंय बटॖ बासान कुनि ति चालि डालि मंज़। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

23.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

23.06.2022, हारॖ (आषाढा)  गटॖ पछॖ (कृष्ण पक्ष) दऺहम (दशमी) ब्रसवार (वीरवार/गुरुवार/ब्रहस्पतवार), श्री सप्तर्षि सम्वत 5098, नक्षत्र रेव (चलान), राश मेष (सुबहॖचि 06.14 बजि प्यठॖ) तॖ द्रठॖपऻन्च़ुक (पंचक) समाप्त, ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि दपान हाबा छि ज़ि शुर यॆलि माजि हॖन्ज़ि यॆड मंज़ॖय ह्यवान शाह ह्यॊन संस्कार ति छि तऺमिस शॊरु ह्यवान सपदॖन्य सॖत्य सॗत्य। माजि हॖन्द्य आच़ार व्यच़ार, माजि हॖन्द ख्यन च्यन, माजि हुन्द वॊथुन बिहुन, माजि हॖन्दि बोल चालुक असर छु ॳमिस शुरिस यिमन नवन ऱयतन मंज़ यॆड अन्दरॖय प्यवान तॖ यॆलि यि शुर थनॖ प्यवान छु तमि विज़ि य्वॊस ति राश चलान आसि स्वय राश छि ॳमिस शुरिस ज़्यनॖ प्यठॖ मरनस ताम रोज़ान तॖ ॳमिस शुर्यसुन्द ज़ातुक तॖ ट्यॆकिन्य वगैरा ति छि यिवान बनावनॖ राश, नक्षत्र, तिथि, वार तॖ ज़्यनुक समय वुछिथ। यिमन सारिनी तथ्यन छि ज्योतिष्याचार्य गणित कऺरॖथ ह्यकान वऺनिथ शुर्यसुन्द भविष्य क्युथ आसि। हालांकि अज़कल छि शुर्य पऻदॖ सप्दान ब्यॊन ब्यॊन तोर   तऺरीकॖ मस्लन ट्यस्ट-ट्यूब बेबी, यिथ्यन बचन क्याह असर आसि रोज़ान राश या नक्षत्रन हुन्द यि वंनुन छु मुश्किल। या तिम शुर्य यिम यॆतीम खानव प्यठॖ मंगनावनॖ यिवान छि त्युहुन्द भविष्य कथ आधारस प्यठ छु बनान यि वनुन ति छु म्यॆ बासान स्यठाह मुश्किल। मगर मऻजी ॳस्य मानव या न मानवी मगर प्रकृति छि पनुन असर त्रावान प्रथ चीज़स प्यठ। बरादरन वॊन तीज़मालि। आहनबा कॆंह नतॖ कॆंह आसि आसान। ज़ाननवऻल्य ह्यकन अथ मुतलक वऺनिथ। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

22.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

22.06.2022 हारॖ (आषाढा) गटॖ पछॖ (कृष्ण पक्ष) नवम (नवमी) ब्वदवार (बुधवार), श्री सप्तर्षि सम्वत 5098, नक्षत्र रेव, राश मीन (चलान), ऋतु ग्रीष्म (चलान), द्रठॖपऻन्च़ुक (पंचक) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि राथ यिमन नक्षत्रन हॖन्ज़ कथ ॴस्य ॳस्य करान यिमन मंज़ यॊदवय प्यॆठ्य प्यॆठ्य वुछव, दपान छि ज़ि ज़ॖ नक्षत्र याने भरणी तॖ कृतिका छि स्यठहॗय अश्वब नक्षत्र आसान। यिथय पऻठ्य दपान ज़ॖ नक्षत्र याने हस्त तॖ पुनर्वसु छि स्यठाह श्वब नक्षत्र आसान। द्रठॖपऻन्च़ुक छु लगान धनिष्ठा नक्षत्र प्यठ रेवती नक्षत्रस तान्य याने पऻन्च़न दॊहन। मानॖनॖ छु यिवान ज़ि यिमन पऻन्च़न दॊहन गछ़न नॖ कॆंह चीज़ गरॖ च़ानॖन्य मस्लन म्यॆच़ या कत्तर्युव बानॖ, नॊव पलव या कपुर, लऺकॖर, चोकॖ बापथ बानॖ, तील। यात्रायि प्यठ यॊदवय गछ़ुन छु आसान द्रठॖपऻन्च़कस मंज़ दपान गछ़ि नॖ गछ़ुन ति क्याज़ि द्रठॖपऻन्च़कस मंज़ नेरुन छु अश्वब यिवान मानॖनॖ अल्बतॖ यॊदवय नेरुन मजबूरी आसि त्यॆलि छि कॆंह एहतियित यिवान वरतावनॖ मस्लन प्रस्थान कडून या द्वद तॖ नाबंद ख्यथ प्यवान नेरुन। क्वल ब्रह्मनस या कऻन्सि पठित ब्रह्मनस पज़ि मशवरॖ ह्यॊन असि ताकि यिमन नक्षत्रन हुन्द बुरॖ प्रभाव प्यॆयि नॖ। कांह ति कऻम करनॖ ब्रोंह पज़ि तिथि, वार, नक्षत्र, वगैरा वुछुन ताकि कऻम वाति अंद रुत फल ह्यथ।बरादरन वॊन तीज़मालि ज़ि राशि कऻछ़ाह छि आसान मऻजी। बाह राशि हाबा छि आमॖच़ॖ मानॖनॖ सानि शास्त्र हिसाबॖ। तिहिन्द्य नाव छि यिथपऻठ्य। यिमन राश्यन हुन्द नाव हाबा छु अंग्रीज़ ज़बऻन्य मंजं अलगॖय आसान युस ब्रक्यटस मंज़ यिथपऻठ्य छु -

मेष (Aries), वृष (Taurus), मिथुन (Gemini), कर्कट (Cancer), सिंह (Leo), कन्या (Virgo), तुला (Libra), वृश्चिक (Scorpio), धनु (Sagitarian), मकर (Capricorn), कुम्भ (Aquarius), मीन (Pisces)

रऻश्यन मुतलक ब्रॊंहकुन कथ करव पगाह। तीज़मालि वॊन बरादरस। ॴश्य कऺरिथ। बरादरन द्युतनस जवाब। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/ bldeep

(यि सबक़ वुछिव koshursabak.blogspot.com प्यठॖ ति)

21.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

21.06.2022 हारॖ (आषाढा) गटॖ पछॖ (कृष्ण पक्ष) ॴठम (अष्टमी) बॊम्वार (मंगलवार), श्री सप्तर्षि सम्वत 5098, नक्षत्र उ.भा, राश मीन (चलान), द्रठॖपऻन्च़ुक (पंचक) (चलान), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि सानि जन्त्री मंज़ हाबा छि कुल सतोवुह नक्षत्र आमॖत्य हावनॖ। तिहॖन्द्य नाव छिये पताह च़्यॆ मऻजी। प्रूछ़ बरादरन। म्यॆ हाबा छि पताह यिमन नक्षत्रन हॖन्द्य नाय दफ अमा पॊज़ ज़बऻन्य छिम नॖ याद सऻरी। सान्यन क्वल-ब्रह्मणन तॖ सान्यन ज़िठ्यन हाबा ॴस्य आसान यिम नाव ज़्यॆवि प्यॆतिस प्यठ वख़ अकि। तीज़मालि वॊन बरादरस। तलय पाव याद तॖ बोज़नाव यिमन नक्षत्रन हॖन्द्य नाव मऻजी। बरादरन वॊन तीज़मालि।  नाव हाबा छि - 

अश्विनी (अश्व), भरणी (भरण) कृतिका (कृति), रोहनी (रोहि), मृगाशिरा मृगा), आर्द्रा (आर्द्र), पुनर्वसु  (पुन),, तिष्या (तिष्य), आश्लेषा (आश्ले) मघा, (मचा) पूर्व-फाल्गुनी (पू.फा), उत्तरा-फाल्गुनी (उ.फा), हस्त (हस्त), चित्रा (चित्र), स्वाती (स्वात), विशाखा (विशा),  अनूराधा (अनू), ज्येष्ठा (ज्येष्ठ), मूला (मूल),  पूर्वाषाढा (पू.षा), उतराषाढा (उ.षा), श्रवण (श्रवण), धनिष्ठा (धनिष्ठ), शतभिषक् (शत), पूर्वभाद्रपदा (पू.भा), उत्तरभाद्रपदा (उ.भा), रेवती (रेवत) -

सानि जन्त्री मंज़ छि नक्षत्र खानस मंज़ यिमन नक्षत्रन हॖन्द्य छ़ॊट्य छ़ॆट्य नाव आमॖत्य हावन। तिम नाव छि हऻविथ नक्षत्रस  सॗत्य ब्रेक्यटस मंज़ ताकि युथ नॖ परनवऻल्य द्वन तॖ च़्वन गछ़न। यिमन मंज़ छि कॆंह श्वब तॖ कॆंह अश्वब नक्षत्र यिवान मानॖनॖ साथ वाथ वुच़नॖ विज़ि या कऻन्सि हुन्द ज़ातुक या ट्यॆकिन्य मिलनावन विज़ि। यिमन नक्षत्रन मुतलक करव ब्यॆयि ब्रोंहकुन कथ पगाह। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

20.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

20.06.2022, हारॖ (आषाढा) गटॖ पछॖ (कृष्ण पक्ष) सतम (सप्तमी) च़ऺन्दॖरवार (सोमवार), श्री सप्तर्षि सम्वत 5098, नक्षत्र पु.भा, राश मीन (रऻच़ हॖन्ज़ॖ 10.35 बजि प्यठॖ), द्रठॖपऻन्च़ुक (पंचक) (चलान), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी  नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि सान्यन शुर्यन हाबा छॆनॖ दॊहन हॖन्द्य नाव ति  कऻशिर्य ज़बऻन्य मंज़ तगान ह्यॆन्य अज़कल। क्याह बनि सान्यन शुर्यन। यॊदवय कऻन्सि कऻन्सि शुरिस दॊहन हॖन्द्य नाव पताह ति छि वऺनिथ छुनॖ ह्यकान तिमन दॊहन हॖन्द्य नाव हॖकॖ। बरादरन वॊन तीज़मालि ज़ि यि छु पॊज़ ज़ि सान्यन शुर्यन छि गॖठॖ गोजि गछ़ान नाव वनान वनान। नबा यि छि तऻज्यबॖच कथ ज़ि सऻन्य शुर्य आयि ह्यनॖ मंज़ आवलॖनिस। तिमन न छु तगान कऻशुर बोलुन न छख पर-ज़बऺन्य प्यठ महऻर्यत। तिमन रूद द्वन ख्रावन प्यठ ख्वर। पगाह करव नक्षत्रन तॖ रऻश हॖन्ज़ कथ। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

19.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

19.06.2022, हारॖ (आषाढा) गटॖ पछॖ (कृष्ण पक्ष), शॆयम (षष्ठी) आथवार (रविवार/ऐतवार), श्री सप्तर्षि सम्वत 5098, नक्षत्र धनिष्ठा, राश कॊम्भ (चलान), द्रठॖपऻन्च़ुक (पंचक) (चलान), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन प्रुछ़ तीज़मालि ज़ि मऻजी च़्यॆ छिये याद वऺर्यिक्यन ऱयतन हॖनहद्य नाव कऻशिर्य ज़बऻन्य मंज़। हय आहनबा ज़न छस रातॖच। ल्वकॖचारॖ प्यठॖ वोत तिमय नाव ह्यवान तॖ तिमनॖय नावन मंज़ वोत ज़ुवान। तीज़मालि वॊन बरादरस। मगर मऻजी म्यॆ छु यॆकीन ज़ि सऻनिस समुदायस मंज़ आसि नॖ वारिहान यादॖय यिमन ऱयतन हॖन्द्य नाव। च्योन वनुन हाबा छु पॊज़। सान्यन शुर्यन छॆ नॖ स्यॊद कऻशिर ग्रन्द तगान परॖन्य अकि प्यठॖ बतस ताम। ऱयतन हन्ज़ छॆनॖ कथॖय। तीज़मालि वॊन दावा सान। तलय ह्यॆ च़ॖ मऻजी यिमन ऱयतन हॖन्द्य नाव ताकि तिमन प्यॆयि पनुन पॊतकाल याद। बरादरन वॊन तीज़मालि। आदबा तॖ बोज़ -  वह्यक (वैशाख), ज़्येठ (ज्येष्ठ), हार (आषाढा), श्रावुन (श्रावण), बऻदॖरप्यथ (भाद्रपद), ॳशिद (आश्विन), कार्तिक (कार्तिक), मॊंजहोर (मार्ग), पॊह (पौष), माग (माघ), फागुन (फाल्गुन) तॖ च़िथ्थॖर (चैत्र)

बाहन ऱयतन हॖन्द्य नाव यिम च़्यॆ वऺनिथ मऻजी म्यॆ छि ज़्यॆवि प्यॆतिस प्यठ। आहनबा बटॖ छुख ना। त तीज़मालि त्रोव असुना। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

18.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

18.06.2022, हार (आषाढा) गटॖ पछॖ (कृष्ण पक्ष) पऻन्च़म (पंचमी) बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र श्रवण, राश कुम्भ (शामन 06.43 बजि प्यठॖ) तॖ द्रठॖपऻन्च़ुक (पंचक) शॊरु, ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि राथ हाबा कॊर कऺम्यताम म्यॆ फ़ोन तॖ प्रुछ़नम ज़ि जन्त्री मंज़ यिम ऱयतन हॖन्द्य नाव लेखनॖ आमॗत्य छि तिम सऻरी कयाज़ि छि कऻशिर नावन निशि ब्यॊन। च़्यॆ क्याह जवाब द्युत्थस। बरादरन प्रुछ़नस। म्यॆ हाबा तॊग नॖ तऺम्यसॖन्ज़ि कथि जवाब द्युन। तीज़मालि वॊन बरादरस। मऻजी तऺम्यसुन्द प्रुछ़ुन ति छु पॊज़। ॳस्य आयि ल्वकॖचार प्यठॖ वऺर्यिक्यन ऱयतन हॖन्द्य नाव कऻशिर्य नावॖय ह्यवान तॖ बोज़ान ति तॖ गरि न्यबर छि यिमन ऱयतन हॖन्द्य नाव अंग्रीज़ नाव सॗत्य कारोबार करान रोज़ान। जन्त्री मंज़ॖक्य ह्यॆन्दी नाव छि वॊहरवऺदिस, यज्ञस या श्राद्धस वादस प्यठ परान रोज़ान। त्यॆलि कत्यन छि कऻशिर्य नाव कामि यिवान। तीज़मालि कॊर बरादरस सवाल। म्यॆ छुनॖ पानस ति पलि प्यवान ज़ि ॳस्य कऻशिर्य बटॖ क्याज़ि छिनॖ ॳकिस कथि प्यठ दऺरिथ रोज़ान। आम बोल चालि मंज़ कऻशिर्य नाव, यज्ञस ज़पस ह्यॆन्दी नाव तॖ कारोबारस मंज़ अंग्रीज़ नाव। ॳथ्य छि वनान यीरॖवॖन्य नाव। बरादरन द्युत कथि थख। यिमन ऱयतन हॖन्द्य कऻशिर्य नाव वनव पगाह। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

17.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

17.06.2022 हारॖ (आषाढा) गटॖ पछॖ (कृष्ण पक्ष) त्रय (तृतीया), देवादेव, शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र उ.षा, राश मकर चलान ऋतु ग्रीष्म (चलान)..अज़ छि संकट च़ोरम (संकट निवारण चतुर्थी) ति, (ज़ूव खसि रऻच़ हॖन्ज़ि 10.52 बछि)...चूंकि पगाह छि च़ोरम रावान, पगहुक वॊहरवोद यी ॳज़्य

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन प्रुछ़ तीज़मालि ज़ि मऻजी च़्यॆ मा छुय अज़ फ़ाकॖ। क्युथबा फ़ाकॖ। तीज़मालि प्रुछ़नस वापस। अज़ छॆना संकट च़ोरम मऻजी।बरादरन वॊनॖनस। हतबा वख अकि ॴसॖस थवान यि फ़ाक़ॖ मगर व्वंय नॖ। अछा अथ प्यठ करव ब्यॆयि कुनि दॊह कथ। च़ॖ बोज़नाव अन्तिम ज़ॖ पद गौरी स्तुति हॖन्द्य। आदबा तॖ बोज़ -

*नित्यः सत्यो निष्कल एको जगदीशः* 

*साक्षी यस्याः सर्गविधौ सहरणे च* । | 

*विश्वत्राण- क्रीडन शीलां शिवपत्नीं*,

*गौरीम् - अम्बाम्-अम्बु- रुहा -क्षीम्-अहम्-ईडे*।। 

अर्थ : जिस महामाया के सृष्टि बनाते समय अथवा संहार करते समय सदा शिव जो नित्य, सत्य, सजातीय इत्यादि तीन भेदों से रहित है जो आप के बनाने के काम में केवल साक्षी रूप में रहते हैं, जगत की रक्षा करना जिन का एक खेल है उसी कमल जैसी नेत्रों वाली गौरी माता की मैं स्तुति करता हूँ। 

*प्रातः (सायं) काले भावविशुद्धिं विदधानो*,

*भक्त्या नित्यं जल्पति गौरीदशकं यः*। 

*वाचां सिद्धिं सम्पतिम् उच्चै: शिवभक्तिं*,

*तस्या - वश्यं पर्वत - पुत्री विदधाति* ।।

अर्थ: जो प्रातः काल शुद्ध हृदय से युक्त और संकल्प विकल्प रहित होकर भक्ति से नित्य इन दस गौरी माता के श्लोकों का उच्चारण करता है उस भक्त को सिद्धि, ऐश्वर्य, भगवान् शंकर की भक्ति पार्वती माता अवश्य देती है।

जय माता दी। गौरी स्तुति गऺयि अज़ पूरॖ। तीज़मालि वॊन बरादरस। यि छु व्वंय म्यान्यन ब्यॆन्यन तॖ बायन ताम ज़ि तिम किथॖ पऻठ्य करन मनन। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

16.006.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

16.06.2022 हार (आषाढा) गटॖ पछॖ (कृष्ण पक्ष) द्वय (द्वितिय), देवादेव, ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5098, नक्षत्र पु.षा, राश मकर (शामन 05.55 बजि प्यठॖ), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि मऻजी बोज़नावी अज़ गौरी स्तुति ब्रोंहकुन। बासान छुम च़्यै छय माजि हॖन्ज़ॖ लीलायि बोज़नि ख्वश करान। तीज़मालि प्रुछ़नस। मऻजी माजि दीवी हॖन्ज़ कृपा छि असि प्यठ तॖ अवॖ म्वखॗ छु च़्युंह च़्युंह नेरान। बरादरन द्युतनस जवाब। स्व कथ हाबा छि पऺज़। आदबा बोज़ ज़ॖ श्वलूक ब्रोंहकुन -

*यस्याः कुक्षौ लीनम् अखण्डं,जगत्-अण्डं,*

*भूयो भूयः प्रादुर् अभूत्-अक्षतमेव*। 

*भर्त्रा सार्धं तां स्फटिकाद्रौ, विहरन्तीम्*, *गौरीम्-अम्बाम्-अम्बु- रुहा-क्षीम्-अहम्-ईडे*।।

अर्थ : जिस जगदम्बा की गोद में यह सब सृष्टि लय हो जाती है फिर बार बार किसी खण्डन के बिना फिर से उत्पन्न होती है प्रकाश के केन्द्र ब्रह्मरन्ध्र में सदाशिव के साथ विहार करती हुई अथवा बर्फ से ढक्के हुए सफेद हिमलाय पर्वत पर विहार करने वाली कमल जैसे नेत्रों वाली गौरी माता की मैं स्तुति करता हूँ। 

*यस्याम्-एतत्प्रोतम्-अशेषं मणिमाला*,

*सूत्रे यत्-वत् क्वापि चरं चाप्यचरं च*।

*ताम्-अध्यात्म-ज्ञानपदव्या-गमनीयां*, 

*गौरीम्-अम्बाम्-अम्बु- रुहा-क्षीम्-अहम्-ईडे।*।

अर्थ: जिस शक्ति में यह सारी चराचर सृष्टि ऐसे पिरोई हुई है।जैसे सूत्र में रत्न गुधे हुये होते हैं उसी शक्ति रूपी मां को जो आध्यात्म ज्ञान से जानी जाती है। जिस के नेत्र कमलों के समान हैं उसी मां की मैं स्तुति करता हूँ।

जय माता दी। वाह वाह। आनन्द आव। म्यॆ छु बासान व्वंय छि बस ब्यॆयि ज़ॖ श्वलूक। बरादरन यॊछ़ ज़ानुन। आहनबा तिम ज़ॖ परव पगाह। तीज़मालि द्युतनस जवाब। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

15.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------------

🙏🙏 नमस्कार माहरा

15.06.2022 हारॖ (आषाढा) गटॖ पछॖ (कृष्ण पक्ष) ऒक्दॊह (प्रथमा/प्रतिपदा), देवादेव, ब्वदवार (बुधवार), श्री सप्तर्षि सम्वत 5098, नक्षत्र मूल, राश धनु (चलान) ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

 **********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी मुबारक छुय। कम्युकबा। तीज़मालि प्रुछ़नस। नऺविस ऱयतस मंज़ क़दम त्रावनुक। आदबा च़्यॆति न्येरुन यि हारुन ऱयथ ह्रॊच़ तॖ फ्रूच़।  बोज़नावी ॳज़ ब्रोहकुन गौरी स्तुति। आदबा-

*मूलाधारात्-उत्थित-वन्तीं विधिरन्ध्र,*

*सौरं-चान्द्रं धाम विहाय ज्वलितागीम।*

*स्थूलां सूक्ष्मां सूक्षमतरां ताम्-अभिवन्द्यां*  *गौरीम्-अम्बाम्-अम्बु- रुहा-क्षीम्-अहम्-ईडे*।।

अर्थ : सूर्य लोक और चन्द्रमा लोक से गुजर कर मूलाधर से उठी हुई ब्रह्म रन्ध्र तक पहुंची हुई प्रकाश रूप, स्थूल तथा कारण शरीर में व्याप्त, प्रणाम के योग्य, कमलों जैसी नेत्रों वाली माता गौरी की मैं स्तुति करता हूँ।

*आदि-क्षान्ताम्-अक्षर-मूर्त्यां विलसन्तीं,* 

*भूते भूते भूत कदम्बं प्रसवित्रीम्* । |

*शब्द ब्रह्मा-नन्द मयीं ताम्-अभिरामां,*

*गौरीम्-अम्बाम्-अम्बु- रुहा-क्षीम् अहम्-ईडे* ।। 

अर्थ : 'अ' से लेकर 'क्ष' तक अक्षर रूप में विलास करने वाली, युग युग में प्राणियों को उत्पन्न करने वाली, शब्द ब्रह्म स्वरूप आनन्दमई उस सुन्दर मां का जिस के नेत्र कमल के समान हैं मैं स्तुति करता हूँ।

मज़दार। वाह आनन्द आव रातॖक्य पऻठ्य। मनॖ सान बोज़नॖ बापथ ऒरज़ुव। तीज़मालि वॊन बरादरस। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

14.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

14.06.2022, ज़्येठ (ज्येष्ठ) ज़ूनॖ पछॖ (शुक्ल पक्ष) पुनिम (पूर्णिमाशी), देवादेव, बॊम्वार (मंगलवार), श्री सप्तर्षि सम्वत 5098, नक्षत्र ज्येष्ठा, राश धनु (शामन 06.33 बजि प्यठॖ), ऋतु ग्रीष्म (चलान)...अज़ छु रॏप भवऻनी (रूप भवानी) वॊहरवोद

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन प्रुछ़ तीज़मालि ज़ि मऻजी य्वॊस च़ॖ बोज़नावान छख यि गौरी स्तुति यिम कऺच़ श्वलुक छि कुल। जन्त्री मंज़ हाबा छि हऻविथ कीवल काह श्वलुक तॖ तिमय छि ॳस्य परान रोज़ान। तीज़मालि द्युत बरादरस जवाब। अज़ बोज़नावथ बॖ ब्रोंहकुन ज़ॖ श्वलूक। अदय मऻजी स्वागत छुय बरादरन वॊनॖनस -

*चन्द्रापीडा-नन्दितमन्द- स्मितवक्त्रां,*

*चन्द्रापीडा-लंकृत-लोला- लकभाराम् ।*

*इन्द्रोपेन्द्रा-द्यंचित-पादाम्बूजयुग्मां,* *गौरीम्-अम्बाम्-अम्बु-रुहाक्षीम् अहम्-ईडे ।।*

अर्थ : भगवान् शंकर को आनन्दित करने वाले मुस्कराहट से युक्त मुख वाली, भगवान् शंकर के निमित सजाये हुये घूंघट वाले बालों की भार वाली, इन्द्र तथा नारायण जिसके चरणों की पूजा  करते हैं उस कमल जैसे नेत्रों वाली गौरी माता की मैं स्तुति करता हूं।

*नाना कारै:* *शक्ति-कदम्बे-र्भुवनानि,*

*व्याप्त स्वैरं क्रीडति यासौ स्वयमेका*

*कल्याणीं तां कल्पलताम् आनतिभाजां,* *गौरीम्-अम्बाम्-अम्बु-रुहा-क्षीम्-अहम्-ईडे।*।

अर्थ: भिन्न भिन्न शक्तियों से भूः भुवः स्वः लोकों में व्याप्त होकर जो मां अकेली स्वतंत्र रूप से खेलती रहती है, जो कल्याण रूप से शरण में आये हुए के लिए कल्पलता है अर्थात् हर कामना को पूर्ण करने वाली है ऐसी ही कमल जैसी नेत्रों वाली मां की मैं स्तुति करता हूं।

वाह वाह मऻजी यिम श्वलूक बोज़ान बोज़ान छि कन तॖ मन श्वद गछ़ान। बरादरन वॊन तीज़मालि। श्वलूक परान परान ति छि मनस शऻन्ती मेलान। तीज़मालि वॊन बरादरस। पगाह वारॖकारॖ परव ब्रोंहकुन। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

13.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

13.06.2022, ज़्येठ (ज्येष्ठ) ज़ूनॖ पछॖ (शुक्ल पक्ष) च़्वदह (चतुर्दशी) च़ऺन्दॖरवार (सोमवार), श्री सप्तर्षि सम्वत 5098, नक्षत्र अनुं, राश वृश्चिक (चलान), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी बडॖ मज़ॖ आव च्यानि ज़्यॆवि यि श्वलूक बोज़नस। हय आहनबा तथ क्याह छु वनुन। नाय  पॊज़ वॊनमय मऻजी। बडॖ मज़ॖ आव। आदबा ऒरज़ुव ॴस्यनय। बोज़बा ब्रोंहकुन। तीज़मालि वॊनॖनस -

*प्रत्याहार-ध्यान-समाधि- स्थितिभाजां*,

*नित्यं चित्ते निर्वृत्तिकाष्ठां कलयन्तीम् ।* *सत्य-ज्ञाना-नन्दमयीं तां तडित्-आभां,*

*गौरीम्-अम्बाम्-अम्बु- रुहाक्षीम् अहम्-ईडे*।।

अर्थ : प्रत्याहार, ध्यान तथा समाधि के साधना में लगे हुये भक्तों के चित्त में आनन्द उत्पन्न करने वाली, सत्य ज्ञान तथा आनन्द स्वरूप वाली, बिजली की जैसी प्रकाशवाली, कमल जैसे नेत्रों वाली गौरी माता की मैं स्तुति करता हूँ।

वाह वाह मऻजी। आनन्द आव। बरादरन वॊन तीज़मालि। पगाह पकव ब्रोंहकुन। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिवkoshursabak.blogspot.com प्यठॖ ति)

12.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

12.06.2022 ज़्येठ (ज्येष्ठ) ज़ूनॖ पछॖ (शुक्ल पक्ष) त्रुवाह (त्रयोदशी) आथवार (रविवार/ऐतवार), श्री सप्तर्षि सम्वत 5098, नक्षत्र विशा, राश वृश्चिक (शाम 08.33 बजि प्यठॖ), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऺरी मंज़ - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि प्रुछ़ बरादरस ज़ि क्याहबा रातुक श्वलूक गॊयि च़्यॆ याद। आहनी मऻजी। यछ़ख यॊदवय तॖ बॖ बोज़नावथ। बरादरन द्युतनस जवाब। हय वुनि वॊनुम अकुय श्वलूक। यॆलि सऻरी बॖ वऺनिथ म्वकॖलावॖ तमि पतॖ ह्यमय बूज़िथ। तीज़मालि वॊन बरादरस। बोज़नावी अज़ दॊयिम श्वलुक मऻजी। 

*आशा-पाश-क्लेश-विनाशं विदधानां,*

*पादाम्भोज-ध्यान- पराणां पुरुषाणाम् । ईशीम्-ईशाङ्गार्ध हरां तां तनुमध्यां,* *गौरीम्-अम्बाम्-अम्बु- रुहाक्षीम् अहम्-ईडे*।।

अर्थ: जो भक्त जन उस शक्ति रूपी माता के चरण कमलों के ध्यान में लगे हुए हैं, उन के आशा के बन्धनों से पैदा हुए कष्टों को नाश करने वाली, शक्तिशाली, शंकर के आधे शरीर पर अधिकार वाली, सूक्ष्म कमर वाली, कमल जैसे नेत्रों वाली, माता गौरी की मैं स्तुति करता हूँ।

वाह। मन गव ख्वश मऻजी। बॖ छुस व्यन्ती करान पनॖन्यन बायन ब्यॆन्यन ज़ि तिमन पज़ि कूशिश करॖन्य पनॖन्यन शुर्यन परनावन यिम मंत्र, भज़न, पाठ वगैरा युथ तिमन ति पनॖनि धर्मॖच आस्था रोज़ि बरक़रार। बरादरन वॊन तीज़मालि कुन। आहनबा यि छु ज़ॊरूरी। तीज़मालि द्युतनस जवाब। कथ छि जऻरी।

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

11.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

11.06.2022 ज़्येठ (ज्येष्ठ) ज़ूनॖ पछॖ (शुक्ल पक्ष) काह (एकादशी), देवादेव, बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र स्वात, राश तुला (चलान), ऋतु ग्रीष्म (चलान)... चूंकि पगाह छि बाह (द्वादशी) रावान, पगहुक वॊहरवोद यी ॳज़्य...अज़ छि न्यर्ज़ला काह (निर्जल एकादशी) फ़ाकॖ (वृत) ति

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि म्यॆ हाबा वुछ वीडियोहन मंज़ ज़ि ज़्येठॖ ॴठम दॊह यीच़न जायन ति आराधना आयि करनॖ, गौरी स्तुति हुन्द मंत्र ॴस्य नॖ ह्यकान सऻरी पऺरिथ। बॖ छस यछ़ान ज़ि यि पाठ गछ़ि सारिनी ज़्यॆवि प्यॆतिस प्यठ याद आसुन। अमि मंत्रूक अर्थ छु हऻविथ हॆन्दी ज़बऻन्य मंज़। मऻजी सऻनिस समुदायस मंज़ छि यिमन चीज़न हॖन्ज़ कमी ति क्याज़ि परनावन वाल्यन तॖ ह्यॆछनावन वाल्यन हॖन्ज़ व्यछ़य छि असि। म्यॆ हाबा छु मन करान ज़ि अख अख श्वलूक वनॖ बॖ दॊहय। बडॖ जान ख़याल छु यि मऻजी। करी हरि ओम् ततस्त।   

ॐ *लीलारब्ध-स्थापित-लुप्ताखिल-लोका* *लोकातीतै-र्योगिभिर्-अन्तर्-हृदि-मृग्याम्*।

*बालादित्य श्रेणि-समान-द्युति-पुंजां,  गौरीम्-अम्बाम्-अम्बुरु-हाक्षीम् अहम-ईडे*।।

अर्थ: जो जगदम्बा बिना किसी परिश्रम के सृष्टि को बनाती है पालन करती है और नाश करती है, योग के अन्तिम अवस्था पर पहुंचे हुये योगी जिस शक्ति रूपी मां को हृदय से ढूंढते है, उदित होते हुये असंख्य सूर्यों जैसी प्रकाश वाली, कमल जैसे नेत्रों वाली माता गौरी (योगाग्नि से जलाये हुये शरीर के कारण गौर वर्ण वाली) की मैं स्तुति करता हूँ।

बरादरन वॊन तीज़मालि ज़ि पगाह परव दॊयिम श्वलुक। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

10.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

10.06.2022, ज़्येठ (ज्येष्ठ) ज़ूनॖ पछॖ (शुक्ल पक्ष) दऺहम (दशमी), देवादेव, शॊकुरवार (शुक्रवार,जुम्मा/भार्गववार), श्री सप्तर्षि सम्वत 5098, नक्षत्र चित्र, राश तुला (दुहचि 04.07 बजि प्यठॖ), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल ॴस पनॖनिस मोबाइलस मंज़ क्याहताम छ़ान्डान ज़ि बरादरन प्रुछ़नस मऻजी च़ॖ क्याह छख यछ़ान वुछुन मोबाइलस मंज़ युस नॖ मेलान छुय। तीज़मालि वॊन वापस बरादरस हतबा छ़ान्डान ॴसॖस वारियाह कॆंह दफ अमापॊज़ लबनॖ आम नॖ कॆंह ति। त्युथ क्याह चीज़ ओस युस नॖ च़्यॆ नज़र ओय। शुर्य। जवाब द्युत तीज़मालि बरादरस। यीच़न जायन ति ज़्येठॖ ॴठम हुन्द दॊह आव मनावनॖ कऺशीरि मंज़ या कऺशीरि न्यबर कम अज़ कम हाबा वुछ्य म्यॆ सारिनी जायन हॖन्द्य वीडियो मगर ॳकिस द्वन त्रऻविथ शुर्य नाबा गऺयम नॖ नज़रि कुनि ति वीडियोहस मंज़। शुर्य छि कऻत्याह सऻनिस समुदायस मंज़ व्वंय मऻजी यिम च़्यै नज़रि यिहऻनय। असि हय शुर्य पऻदॖ करॖन्य बंदॖय कॊर। व्वंय यिमन छि लऺसिन अख या ज़ॖ तिमन छॆनॖ पनॖनि परनॖ तलॖ फुरसथ। यिमन शुर्यन हॖन्द्य मोल-मऻज्य ॴरिम-पऻरिम छि तिमन शुर्यन छॆनॖ कांह ति चाहत या दिलचस्पी यिथ्यन अस्थापनन गछ़नॖच या यिमन जायन हुन्द महत्वॖ ज़ानॖनॖच। व्वंय हय च़ॖ शुर्यन वऺन्य दिवान छख वीडियोहन मंज़ तॖ तिम कति यिनय च़्यॆ अथि। असि रूज़ शुर्यन हॖन्ज़ व्यछ़य पऺत्यम्यव त्रॖहव च़तजिह वऺर्यव प्यठॖ मऻजी। रसॖ रसॖ रिश्तन छ़्यनान गऺयि तॖर कति रूद मामतॖर तॖ प्वफतॖर। तॖरि सॗत्य मेलि तॖर (खान्दरन व्वछ़बन प्यठ) ज़ानव ग़नीमत, क्याह पताह कल हो न हो। बरादरन वॊन तीज़मालि। वख वाति युथ ज़ि असि प्यन किरायि प्यठॖ कॆंह कोरि अनॖनि मासॖ कार तॖ प्वफॖ कार करनॖ बापथ। मामॖ कार करनॖ बापथ ति प्यन असि मर्द किरायि प्यठॖ अनॖन्य म्यॆ बासान। वख छु तूर्य कुन पकान। दपान हाबा ज़ि स्यठाह कम लूख ॴस्य कऺशीरि तुलॖमुलि तॖ बकाया जायन ति ॴस्य याथी न आसनस बराबर। हालांक बालॖ यपारि ॴस्य लूख वऻत्यमॖत्य ब्यॊन ब्यॊन जायन मगर कऺमी ॴस साफ़ नज़र यिवान। तीज़मालि वॊन बरादरस। हालात छिनॖ साज़गार मऻजी। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

09.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

09.06.2022 ज़्येठ (ज्येष्ठ) ज़ूनॖ पछॖ (शुक्ल पक्ष) नवम (नवमी), देवादेव, ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5098, नक्षत्र हस्त, राश कन्या (चलान) ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

ज़्यव ज़्बान तॖ चोब लबान। बरादरन वॊन तीज़मालि। क्याहबा दऺलील गऺयि अज़। कऺम्य खूज ज़बान तॖ कऺमिस प्यॆयि चोब। तीज़मालि प्रुछ़ बरादरस। नूपुर शर्मा बिचारि गव नॖ बरदाश्त पनन्यन दीवी दीवताहन ख़लाफ मुस्लमानव दऺस्य कॆंह ऊट पटांग बोज़ुन तॖ जवाबस मंज़ वॊनुन इस्लामस मुतलक क्याहताम तॖ तऺथ्य कथि प्यठ वऺथिस सऻरी मुस्लमान ख्यॆनि ज़न हालांकि यि केंछ़ा ति तमि वॊन ति वॊनुन दपान सोरूय शुराह आनॖ पॊज़ मगर आंकार कॊर नॖ कऻन्सि ति मुस्लमानन तऺम्यसॖन्ज़ि कथि। अथ वनान यॊत ताम पॊज़ पज़ान तॊत ताम आलम दज़ान। तीज़मालि वॊन बरादरस। मगर मऻजी यिहय गव मऺत्य आब्। तऻजिब छु यि ज़ि यथ संस्थायि सॗत्य जुडिथ ॴस यि नूपुर तिमवॖय  कॊरहॊस बर बंद। बरादरन वॊन तीज़मालि। अज़कल हाबा छुनॖ पॊज़ वनॖनस ति वार। पऺज़ कथ याम वनि काह, बोज़न वऻलिस ज़न छु टठ्व्यन लगान। पॊज़ बोज़ुन छुख नॖ बरदाश्त गछ़ान। अदॖ यि नूपुर शर्मा हॖन्ज़ कथ छि या कऻशिर्य बटन हॖन्ज़ नर-संहारॖच कथ छि। ख़बर हाबा यि सरकार क्याज़ि छि पॊज़ वनॖनस खोच़ान ज़न। तीज़मालि वॊन बरादरस। ॳथ्य छि मऻजी वनान राजनीति। यि सरकार छि यछ़ान मुस्लमानन नालॖमॊत करुन ति क्याज़ि यिनॖवोल चुनावस मंज़ छु यि सरकार यछ़ान मुस्लमान समुदायुक वोट ज़्येनुन। बटन निश कयाह लार्यख। यि नाबा गऺयि नॖ राजनीति अथ वनान ॳन्य लूठ। यॆमिस वऺछ़ नऺर तऺम्य ख्यॆयि लूकहॖन्ज़ लऺर। तीज़मालि वॊन बरादरस।  कथ छि जऻरी  

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

08.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

08.06.2022, ज़्येठ (ज्येष्ठ) ज़ूनॖ पछॖ (शुक्ल पक्ष) ॴठम (अष्टमी), देवादेव, ब्वदवार (बुधवार), श्री सप्तर्षि सम्वत 5098, नक्षत्र उ.फा, राश कन्या (दुहचि 10.04 बजि प्यठॖ), ऋतु ग्रीष्म (चलान)...अज़ छि ज़्येठॖ ॴठम (ज्येष्ठ अष्टमी) ति.. मेला क्षीर भवानी

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

मऻजी मुबारक हय छुय अज़ बडि दुहुक। बरादरन वॊन तीज़मालि। च़ॖ हाबा नवुन तॖ फ्वलुन। मऻज्य रऻज्ञन्या रूज़िन सहायतस कुल ज़गतस तॖ तिहॖन्दि धर्मॖ कऺरिन पनुन अनुग्रह च़्यॆति तॖ म्यॆति। मऻज्य कऺडिन असि सारिन यिमव ग़मन तॖ फिकिर्यव मंज़ॖ न्यबर तॖ हऻविन रुत बहार। तीज़मालि कऺर ॴही बरादरस तॖ सॗती वॊनॖनस ज़ि कति बनन तिम लुचि नदॖर्यम्वन्जि तॖ म्वगॖल्य चाय य्वॊस वंख अकि ॳस्य ॴस्य तुलिमुलि प्रान्गनस मंज़ टास कऺड्य कऺड्य ख्यवान रोज़ान। तुलमुलि नागस  प्रक्रमॖ दिवान रोज़ान। कांह त्रॆ, कांह सथ, कांह काह तॖ कांह अकहथ तॖ काह।  तुलमुल अच़वुन क्वलि मंज़ ॴस्य यख यख पऻनिस मंज़ श्रान करान तॖ शुर्य ॴस्य छ़ांटॖ छ़ांट करान रोज़ान। कति यिन तिम दॊह ब्यॆयि फीरिथ। बरादरन वॊन तीज़मालि ज़ि दपान यॆमि लटि छि यात्रीयन हॖन्ज़ संख्या ति कमॖय बासान। आहनबा तोति दफ ज़ि यि छु त्युहुन्दुय जिगरॖ यिम तॊत ताम वऻत्य यिथिस क्रकॖनादस मंज़। यिथिस खैफ़ज़द माहोलस मंज़। भगवती कऺर्यनख रऻछ तॖ वातनऻव्यनख वापस पनॖन्यन पनॖन्यन अयालन मंज़ असान तॖ गिन्दान। कथ छि जऻरी  

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

07.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

07.06.2022 ज़्येठ (ज्येष्ठ) ज़ूनॖ पछॖ (शुक्ल पक्ष) सतम (सप्तमी), देवादेव, बॊम्वार (मंगलवार), श्री सप्तर्षि सम्वत 5098, नक्षत्र पू.फा, राश सिंह (चलान), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल रूज़ पनॖनिस मोबाईलस फीर्य फीर्य सु वीडियो वुछनॖच कूशिश करान यथ मंज़ क्वसताम ज़नान छि तुलमुलॖ प्रान्गनस मंज़ माजि रऻज्ञन्यायि पछ़ान ज़ि यात्री क्याज़ि छिनॖ यिवान यॆमि लटि च्योन दर्शुन करनि। ॳमिस ज़नानि छु ग्रऺन्ज़फ्युर गोमुत तॖ राथ शॆयम दॊह छि बास्येमॖच़ सतम तॖ छि पानस सॗत्य वनान रोज़ान ज़ि मऻजी अज़ सतम दॊह ति छि टैंट खऻली, प्रान्गन खऻली, यात्री नॖ कुनी, शोर-गुल नॖ किंही, चहल-पहल नॖ किंहीं, तॖ छि माजि ज़ार वनान रोज़ान। ब्रोंत छु ॳमिस ज़नानि राथ गोमुत ज़ि अधिक शॆयमि बजायि बासेयस सतम राथ तॖ छ़ान्डान ॴस यात्रीयन तुलमुलिस मंज़ राथॖय। बरादरन वॊन तीज़मालि ज़ि मऻजी ॳमिस ज़नानि हुन्द सोंचुन ति छु कुनि हदस ताम पॊज़। तिथि वनॖनस मंज़ छि ग़ल्ती गऻमॖच़ ॳमिस ज़नानि मगर यि ति छि अख हकी़कत ज़ि ज्येठॖ ॴठम हुन्द सु जटॖजोश तुलमुलिस मंज़ छु कमॖय पाहन नज़र यिवान। आहनबा बटॖ बिचऻर्य क्याह करन नारस दिनॖ नरि। तीज़मालि वॊन बरादरस। ग्वडॖ बचावनॖ पनुन पान किनॖ ग्वडॖ वातन तुलमुल। राथ दपान भद्रवाहस मंज़ छु कमवताम दहशथगर्दव तति कथ ताम मन्दरस ज़ख वातॖनोवमुत। आतंकवाद्यन हुन्द ब्योल, माजि रऻज्ञन्यायि गोल, दहशथगर्दन हुन्द ओल, माजि ज़िष्ठायि ज़ोल। मऻज्य शारिका गऻलिन तिम सऻरीय यिमव यिमन मारवातलन हुन्द द्यमाग़ डोल। बरादरन वॊन तीज़मालि ज़ि ॳमिस ज़नानि ओस राथ गोमुत तिथि ओरॖ योर याने शॆयम बजायि वॊनुन सतम ग़ल्ती सान। हतबा यॆम्य तनावन हाबा डऻल्य असि कऻशिर्य बटन अनासिर। फिकरी छुनॖ तराव ज़ि ब्यॆयि कोताह छु असि च़ालुन। कथ छि जऻरी  

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप*

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

06.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

06.06.2022 ज़्येठ (ज्येष्ठ) ज़ूनॖ पछॖ (शुक्ल पक्ष) शॆयम (षष्ठी), देवादेव, च़ऺन्दॖरवार (सोमवार), श्री सप्तर्षि सम्वत 5098, नक्षत्र मघा, राश सिंहं (चलान) ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल ॴस जन्त्री मंज़ क्याहताम वुछ्यनस मंज़ लीन ज़ि बरादरन प्रुछ़नस मऻजी च़ॖ क्याह वुछान जन्त्री मंज़। वुछान हाबा ॴसॖस ज़्येठॖ ॴठम कर छि। तीज़मालि द्युतनस जवाब। करॖय छि। बरादरन प्रुछ़नस। पगाह नॖ कॆंह कऻल्यक्यथ याने ब्वदॖवारि दॊह। तीज़माल रूज़ वनान ज़ि यि दॊह हाबा छु स्यठाह रुत दॊह ति क्याज़ि यि ॴंठम छि प्यवान ब्वदॖवारि दॊह। अथ दॊहस छि वनान ब्वद्ध ॴठम ति। यिथ पऻठ्य मऻजी च़न्दॖरवारि दॊह मावस प्यनस छि वनान सुमरी मावस। आहनबा बिल्कुल तिथय पऻठ्य। मथ छुम गछ़ान काव लऻगिथ वातहऻ कऺशीरि तुलमुल तॖ करहऻस ज़ारॖपारॖ ज़ि असि कऻशिर्य बटन प्यठ कर क्षमा पापन तॖ म्वकलाव असि बडि संकटॖ मंज़। कऺशीरि मंज़ छि रऻज्ञन्या गान्दरबल, दॊदरहामि अलावॖ ब्यॆयि ति द्वन च़्वन जायन पनुन रूप दऻरिथ मस्लन ल्वकॖट्यपोरॖ, टिकरॖ, मंज़बागॖ, खनबरनॖ मगर ज़ानि दय यिमन जायन वातना कॆंह यात्री किनॖ न। तीज़मालि वॊन बरादरस। म्यॆ हय छु बासान ज़ि यीत्य ति कऻशिर्य बटॖ अज़कल कऺशीरि मंज़ रूज़िथ छि तिम यॊदवय यछ़न ति वातुल मगर आसन बिचऺर्य ख़ोफ़ज़द तॖ तवॖ म्वखॖ मा करन गुरेज़ यिमन जायन गछ़नस। बरादरन वॊन तीज़मालि। मऻज्य रऻज्ञन्या कऺर्यनख रऻछ। तीज़मालि वॊन बरादरस ज़ि यॆति यॆति रऻज्ञन्या माजि हॖन्ज़ स्थापना छि यपऻर्यम्यन अलाकन मंज़ सखॖत गरम आसनॖ बावजूद ति छु म्यॆ बासान बखॖ्त्य वातन तिमन जायन तॖ करन कीर्तन तॖ ब्यॆयि माजि हुन्द दर्शुन। मऻज्य दीवी कऺर्यिन सारिनी पनुन अनुग्रह युस यॆतिनस छु। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

05.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

------------------------------------

🙏🙏 नमस्कार माहरा

05.06.2022 ज़्येठ (ज्येष्ठ) ज़ूनॖ पछॖ (शुक्ल पक्ष) शॆयम (षष्ठी) आथवार (रविवार/ऐतवार), श्री सप्तर्षि सम्वत 5098, नक्षत्र अश्ल, राश सिंह (रऻच़ हॖन्ज़ि 12.25 बजि प्यठॖ), ऋतु ग्रीष्म (चलान)...अज़ छि कुमार शॆयम (कुमार षष्ठी) ति...चूंकि शॆयम छि ज़ॖ गछ़ान ॳज़्युक वॊहरवोद यी पगाह

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि दपान क्याहताम फऻसलॖ छु कॊरमुत सरकारन कऺशीरि मंज़ बिहिथ मुलऻज़्यमन हॖन्दिस हक़़स मंज़। बरादरन वॊन तीज़मालि ज़ि फऻसलॖ छु म्यॆ बासान अडॖल्यॊक। खऻर ननि ब्रोंहकुन ज़ि अमि फऻसलुक असर क्युथ रोज़ि। कुस कऺम्यसुन्द बोज़ि। राथ कॊर केंच़व संस्थायव जंत्र मंत्रॖ पनुन विरोद प्रकट तॖ थॊवुख फाक़ॖ सुबहॖचि दऺह बजि प्यठॖ शाम पान्च़न बज़न ताम तॖ कऺरॖख सरकारस यांग ज़ि कऺशीरि मंज़ दहशथगर्द तॖ आतंकवाद पूरॖ पऺठ्य नेस्तॖनाबूद करनॖ बापथ ज़ॊरूरी क़दम तुलिथ युथ कऺशीरि मंज़ बिहिथ  मुलऻज़्यमन तॖ तिन्हद्यन अयालन मारा-मऻरी हॖन्दि ख़ोफ़ निशि राहत मेलि। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति ति)

04.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

04.06.2022 ज़्येठ (ज्येष्ठ) ज़ूनॖ पछॖ (शुक्ल पक्ष) पऻन्च़म (पंचमी) बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र तिष्या, राश कर्कट (चलान), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

स्यठाह खुशी हॖन्ज़ कथ छि यि ज़ि माजि रऻज्ञन्यायि हॖन्ज़ि मूर्ती मंज़ आयि प्राण प्रतिष्ठा करनॖ राथ गुरूग्राम, सुशान्त लोक, साईं आंगनॖस मंज़ तॖ अथ अस्थापनस ति छु दपान नाव आमुत दिनॖ क्षीर भवऻनी याने तुलमुल। माजि हुन्द अथॖ रूज़िन असि सारिनीय प्यठ। ॳस्य आयि अज़ताम बोज़ान ज़ि कऺशीरि मंज़ छु रऻज्ञन्यायि हुन्द असली रूप तुलमुलिस मंज़ तॖ कुनवुहशथ तॖ नमतॖ पतॖ ह्यॆच़ असि ॳमिस मऻज्य  हॖन्ज़़ मूर्ती कऺशीरि न्यबर स्थापित करॖन्य ब्यॊन ब्यॊन जायन मस्लन भवऻनी नगर, ज्यॆमि, शालमऻर गार्डॖनॖ, साहिबाबाद, पट-पट गंजा दिल्लि तॖ व्वंय गुरू ग्राम। धर्मॖच आस्था रूज़िन बडान यिथय पऻठ्य ॳस्य रोज़व यी मंगान। बरादरन वॊन तीज़मालि ज़ि मऻजी दपान कऺशीरि मंज़ छु तुलमुलि नागुक पोन्य पऻन्य पानय रोज़ान रंग बदलावान, नाबद रंग, न्यूल, गुलऻब्य, व्वज़ुल, क्रुहुन रंग वगैरा वगैरा तॖ सानि समुदायिक्य कॆंह बखॖत्य दपान छि रंग वुछिथ वनान रोज़ान ज़ि सऻनिस समुदायस क्याह छु डेशुन बुथि। जान या नाकारॖ समय। आहनबा म्यॆति छु बूज़मुत युथुय ह्यु क्याहताम। मगर बकाया जायन छनॖ यिछ़ कथा नज़र यिवान। बरादरन वॊन तीज़मालि। दय हाबा ज़ानि पॊज़ क्याह तॖ अपुज़ क्याह। यि मा छि असली तॖ नकली नाग आसनॖ मूजूब म्यॆ बासान। कति कऺशीरि हुन्द हारी पर्वत याने च़क्रीश्वर तॖ कति अनन्गपुर फरीदाबादुक पर्बथ। आश्रम बनऻव्य, मंदर बनऻव्य हवन ति रूद्य करान मगर पंनुन कांह जंजगर, पनुन कांह स्कूल, कॏल्यॆज्य या काह शफाखाना बनोव नॖ यिमन द्वयत्रॖहन वऺर्यन यॆमि सॗत्य पनॖनिस समुदायस आसऻयिश वातिहे, शुर्यन ओरॖ योर पेहिये नॖ दवुन। यिमन चीज़न हॖन्ज़ व्यछ़य छि सऻनिस समाजस मंज़ यथकुन ध्यान द्युन छु म्यॆ बासान ज़्याद अहम। बरादरन कऺर कथ पूरॖ। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप*

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

03.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

03.06.2022 ज़्येठ (ज्येष्ठ) ज़ूनॖ पछॖ (शुक्ल पक्ष) च़ोरम (चतुर्थी) शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र पुन, राश कर्कट (चलान), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

यपऻर्य वुछान छस छि तपऻर्य क्रॖहॖन्य काव, क्रुहुन यि ऒबरा कपऻर्य सना आव, हाव व्वंय बहार मऻज्य बऺनिथ च़ॖ बुलबुल, व्यनॖ पोश छावय बावय द्वदॖ डुल, रऻज्ञन्या दी ॴज्ञन्या वातय बॖ तुलमुल। तीज़मालि ग्यॊव ब्याख पद बजनुक ज़ि बरादरन वॊननस ज़ि मऻजॏ ॷठिम पलायन गव शॊरु कऻशिर्य बटन कऺशीरि प्यठॖ ज्यॊम कुन। हतबा चारॖ क्याह छुख। ज़ुव छु तॖ जहान छु। नोकरी छुखॖ ल्यवुन्य। राथ मोरुख बिचोर बैंक मनेजर क्वलॖगामि बैंकस मंज़ॖय। व्वंय क्वस जाय रूज़ महफूज़। गर नॖ, दफ्तर नॖ, स्कूल नॖ, सड़क नॖ, दुकान नॖ। गछ़न हय तॖ गछ़न कॊत। वनन हय तॖ वनन कऺमिस। करन हय तॖ करन क्याह। तापॖ च़न्जन मंज़ छि दरबॖदर विरोध करान ज़नानॖ, शुर्य, बऺड्य, बुज़र्ग, ॳड्य लाचार, ॳड्य ब्यमार। पऺत्यम्यव अरदहऻव दॊहव प्यठॖ छि बिचऻर्य क्रकॖ दिवान ज़ि सोन सूंचतव कॆंह। मगर सरकारस छुनॖ पलि प्यवान ज़ि अथ समस्यायि क्याह हल छु। कऺशीर बनेयि चांदमऻर नविसरॖ। सरकार करान अरॖसरॖ। बड्यन नेतागणन नॖ गछ़ान ज़रॖ ज़रॖ। ह्यॆन्द्यन लॊगमुत कऺशीरि मंज़ मरॖ मरॖ। व्वंय रूद नॖ कॆंह ति परॖ। सऻरी मुलऻज़िम तॖ तिहॖन्द्य अयाल करान छॊरॖ छॊरॖ। तीज़माल गऺयि वनान तॖ बरादर गव बोज़ान। ज़्येठॖ ब्रसवारॖ छि चलान तॖ ज़ीठयऻरॖ ओस वख अकि मऻलॖ लगान। ज़्येठॖ ॴठम छि यिनॖवाज्यन्य। ज़ानि दय क्युथ माहोल रोज़ि तमि दॊह कऺशीरि मंज़ हालांकि केंच़व संस्थायव छि राय दिच़मॖच़ ज़ि युहुस मॖ गऺछ़िव काह क्षीर भवऻनी। हुपऻर्य छि अमरनाथ यात्रा हॖन्ज़ ति तयऻरी यिवान करनॖ। आहनी मऻजी ती छि बोज़ान। पकान छि ॳस्य ति। वुछव हालात कुस रंग रटि। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

02.06.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

02.06.2022 ज़्येठ (ज्येष्ठ) ज़ूनॖ पछॖ (शुक्ल पक्ष) त्रय (तृतीया) ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5098, नक्षत्र आर्द्रा, राश कर्कट (दुहचि 12.20 बजि प्यठॖ), ऋतु ग्रीष्म (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि म्यॆ हाबा छु बासान यि सरकार रूज़ असफल असि कऻशिर्य बटन राहत दिनस मंज़। यॆम्य सरकारन कऺरनऻव पनॖनि बापथ नफ़रत पऻदॖ सऻनिस दिलस मंज़। सऻन्य नेतागण ति गऺयि फऺक्य यि न्याय ॳन्ज़रावनस मंज़। मऻजी बोज़ान ओसुस ज़ि राथ छु आलव आमुत दिनॖ केंच़न ॳहलिकारन कऺशीरि मंज़ चलवॖनिस तनावस मुतलक कथ बाथ करनॖ बापथ। बरादरन वॊन तीज़मालि। ज़ऺर्य बूज़ बहि वुहिर्य बडशाह मूद। तीज़मालि वॊन बरादरस ज़ि अज़ हाबा गऺयि नवि सरॖ बाह त्रुवाह दॊह यि हऻदिसॖ सप्दिम्तिस सरकारस आया व्वंय ॳछ मुच़रावनॖ। यि हाबा गव व्यॊख्तुय। तऻज्यबॖच कथ छि ज़ि यिम मारॖवातल किथॖ पऻठ्य छि अच़ान यिमन अदारन मंज़ या स्कूलन मंज़ बॆफ्रूक पऻठ्य। अच़वुन नेरवुन छॆना सना अनज़ान्यन  तलऻशी यिवान करनॖ। येति हय ॳस्य कुनि मॏलस मंज़ गछ़ान छि या कुनि बऺडिस दुकानस मंज़ अच़ान छि ततिक्य गार्ड छ़ि हेरि प्यठॖ ब्वन ताम मशीन नच़नावान यि वुछ्यनॖ बापथ ज़ि कांह ज़रर वातनावनुक चीज़ मा छु सॗत्य या कांह औवज़ार मा छु सॗत्य तवॖहालॖ गॊछ़ क़दमॖस क़दमॖस प्यठ कऺशीरि मंज़ युथ इन्तिज़ाम आसुन मगर साफ़ छु नज़र यिवान ज़ि अथ मारा-मऻरी मंज़ छि क्याहताम सांठ-गांठ हिश। आहनबा कॆंह नतॖ कॆंह कऺमी छि कुनि नतॖ कुनि जायि। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak blogspot.com प्यठॖ ति)