20۔08۔2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

20.08.2022, बऻदॖरप्यथ (भाद्र) गटॖ पछॖ (कृष्ण पक्ष) नवम (नवमी) बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र रोहि, राश वृष (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी म्यॆ छु बासान ज़ि कऺशिर्य बटॖ छि पनॖन्य किन्य कऺशीरि मंज़ पनॖन्य ख्वर ठींकॖरावनॖच कूशिश करान मगर कॆंह बद-द्यमाग आतंकवऻद्य  छिनॖ यछ़ान तिमन कऻशिर्य बटन ब्यॆयि तऺथ्य कऺशीरि मंज़ बऺसिथ वुछन यिम बटॖ तिमव लचि टास दी दी तॖ ल्यकॖ-थॊकॖ कऺर्य कऺर्य कऺशीरि प्यठ च़ऺलरऻव्य अज़ त्यॆयत्रॖह वऺरी ब्रॊंह। मऻजी ॳस्य छि नॖ अज़ व्यच़ान कुनि ज़ि केंच़व कऻशिर्य मुसलमानव छि गामॖ कि कमि ताम अन्दॖ   राथ सानि धार्मिक कृष्णॖ भगवान सॖन्ज़ि झांकी मंज़ शमूहलियत कऺरमॖच़। अमि ख्वतॖ हमाकतॖच कथ क्याह गछ़ि आसॖन्य सावि बापथ। अकि अन्दॖ छि तिम सानि समुदायक्यन ॳकिस ॳकिस नफ़रस मोतॖकिस ॴसस मंज़ सोज़ान रोज़ान दॊयिमि अन्दॖ छि सान्यन धार्मिक त्यौहारन मंज़ ति दखॖल- अन्दऻज़ी करनॖच जुर्रत करान रोज़ान। सानि बापथ छि यि स्यठाह शरमिहॖन्ज़ कथ म्यॆ बासान। ॳस्य छि नऻरॖ दिवान बडि बडि हिन्दू मुस्लिम भाई भाई तिम छि क्रकॖ दिवान थदि थदि ज़ि प्रथ कांह गऻर-मुस्लिम छु कऻफिर। मगर तिहॖन्दिस वनॖनस छि ॳस्य शायद पनॖनि ख्वदगर्ज़ी मूजूब कनॖ-डोल दिवान रोज़ान। यीत्य ति सऻन्य टऻठ्य वुन्युखताम तिहॖन्ज़न गोल्डन ह्यन्द्य शिकार बनेयि अकि फिरि ति छुनॖ कऻशुर मुसलमान पनॖनि गरि न्यबर द्रामुत तॖ विरोध कॊरमुत बऺल्कि तत्युक मुसलमान छु आतंकवाद्यन पंनाह दिथ पनॖन्यन गरन मंज़ बिहिथ। सोन वदुन तॖ रिवुन वुछिथ छि तिम ॳन्दॖरय ॳनहदॖर्य ख्वश गछ़ान तॖ मगरमछॖ सॖन्द्य पऻठ्य अपज़ुय ऒश हारान तॖ बटस बऻज़्य तारान। खऻर  व्यथ रोज़ि पकवॖन्य, ॳस्य रूद्य छ़्वकॖवॖन्य तॖ रोज़व पनॖन्य व्यथा वनवॖन्य। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

19.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------------

🙏🙏 नमस्कार माहरा

19.08.2022 बऻदॖरप्यथ (भाद्र) गटॖ पछॖ (कृष्ण पक्ष) ॴठम (अष्टमी) शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र कृति, राश वृष (सुबहॖचि 06.05 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि प्रुछ़ बरादरस क्याहबा मनऻवॖ राथ ज़र्मॖसतम। आहनी मऻजी च्यानि ॴशिर्वादॖ सॗत्य। बरादरन द्युतनस जवाब। फ़ाकॖ ओसवॖ बा दॊरमुत सारिवॖय किनॖ कऻन्सि कऻन्सीय। तीज़मालि कॊर सवाल बरादरस। यि फ़ाकॖ छि मऻजी ॳस्य सऻरीय दरान ति क्याज़ि अथ मंज़ छि ख्यवान रोज़ान अग्नस द्वगन मगर तोति छि दपान रोज़ान ज़ि फ़ाकॖ छु। तीज़मालि वॊन बरादरस ज़ि तीच़हऻन हाबा छुय पॊज़। सुब प्यठॖ शाम ताम छि ख्यवानॖय रोज़ान, सोबूदानॖ तॖ जलगोज़, मखाने, ओलव, मर्च़ॖवान्गन, वान्गन, च़ून्ठ्य पकोरि, गारि आटिक्य पूर्य, शक्करपारॖ मॊदॖर्य, नम्कीन, म्यवॖ च़ूंठ्य, टंग संगतरॖ, केलॖ, दऻन, ज़ामुत द्वद, ओम् द्वद,  तऺलिथ ओलव, चाय म्वगॖल्य, लिप्टन, लऺस्य ब्यॆयि ति ख़बर क्याह क्याह मगर तोति छि दपान ज़र्मॖसतम फ़ाकॖ छु। तीज़मालि तॖ बरादरन त्रोव ठा-ठा कऺरिथ बडि असुना यि वऺनिथ तॖ बूज़िथ। तीज़मालि वॊन बरादरस ज़ि हत्बा म्यॆ छु याद प्यवान ज़ि कऺशीरि मंज़ ॴस्य ख्यवान रोज़ान ह्यन्दॖव्यन्दॖ, आर, च़ॖनॖन्य, च़ेरॖ, लऻर, तॖ अलॖ-पोश पकोरि।  तीज़माल गऺयि वनान। यिम चीज़ छि ॳज़्यकि दॊह पीन्ति पीन्ति यथ ओतमस वातनावान रोज़ान मगर छु आसान फ़ाकॖ। मऻजी असि कऻशिर्य बटन हॖन्द्य फाकॖ ति वुछ म्यै आसान छि व्यॊख्तुय। कुनि फ़ाकस मंज़ नूनॖदार, कुनि फ़ाकस मंज़ नूनॖ रॊस, कुनि फ़ाकस मंज़ अख वंख बत्तॖ, कुनि फ़ाकस मंज़ च़ॊट तॖ चायी यऻच़, कुनि फाकस नवि कॖनकॖ आटिच च़ॊट वगैरा वगैरा। फिकिरी छुनॖ तरान ज़ि ॴखॖर ॳस्य करान क्याह छि। ब्यॊन ब्यॊन गरन मंज़ ति कुनिसॖय फ़ाकस मंज़ कॆंह अख चीज़ ख्यवान तॖ कॆंह तॗथ्य फाकस मंज़ बदलॖ चीज़ ख्यवान। पनुन पंनुनन तर्क छु यिति दिवान तॖ हुति दिवान। वुछन वोल छु हऻरान गछ़ान तॖ ॳछ वऺटिथ पकान ब्रोंहकुन। मगर ॳज़िच पुय छि ज़ानुन यछ़ान यि राज़ क्याह छु। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)  

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

18.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------------

🙏🙏 नमस्कार माहरा

18.08.2022 बऻदॖरप्यथ (भाद्र) गटॖ पछॖ (कृष्ण पक्ष) सतम (सप्तमी) ब्रसवार (वीरवार/गुरुवार/ब्रहस्पतवार), श्री सप्तर्षि सम्वत 5098, नक्षत्र  भरण, राव मेष (चलान), ऋतु वऺहरात (वर्षा) (चलान)...अज़ छि ज़र्मॖ-सतम (जन्माष्टमी) ति 

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

वुछतय च़्यॆ मऻजी। बरादरन प्रुछ़ तीज़मालि। क्याहबा ओसुम वुछुन। प्रुछ़ तीज़मालि बरादरस। द्रायि सानि समुदायिक्य लूख ब्यॆयि अकि फिरि हाय तोबा करनि, पनॖन्य व्यथा वनॖनि, दॊदमुत जिगर हावनि तॖ पनॖन्य दऻद्य बावनि मगर कस तॖ कऺमिस। कुस बोज़ान छु सऻन्य विलज़ार। अखतुय ओसुस बोज़ान ज़ि सरकार छि लऺज्यमॖच़ सान्यन ज़ख्मन नून छक्नस। किथॖ पऻठ्य। बोज़ान ओसुस ज़ि यिनॖ वोल चुनावस मंज़ मा यी तिमन लूकन ति वोट त्रावनुक हक़ दिनॖ यिम नॖ जॊम्मू-कशमीरॖक्य रोज़न वऻल्य छि। हय क्याहबा छुख वनान यि आस्या पॊज़। तीज़मालि कॊर बरादरस जांगुर ह्यु। मऻजी ती ॴस राथ कथॖ कथ चलान। सॗती ओसुस बोज़ान ज़ि सरकार मा छु यछ़ान पर-गगरन याने गऻर-वतनन पनॖनिस वतनस मंज़ पनाह द्युन तॖ बसावॖन्य, सुरक्षा दिन्य, रोज़नॖक्य सऻरी सादन मऺह्यया करॖन्य। हय यिहाबा गऺयी त्रठॖय क्याहताम। तीज़मालि छ़ॖन्य दन्दन तल ऒंगॖज। क्याहबा यिहऻय छा सऻन्य सरकार। अथ छि वनान मऻजी पनॖन्यन इज़ाह तॖ परद्यन पूज़ा। त्रावी मऻजी यि कथ। च़्यॆ हय छुय मऻजी अज़ ज़र्मॖसतम व्वत्सवुक मुबारक। च़्यॆति हाबा छुय यॆमि दुहुक मुबारक। यथ ॳस्य वनान ज़र्मॖसतम तथ छि बकाया ह्यॆनद्य वनान जन्माष्टमी। अथ सतम तॖ अष्टमी किस चक्करस मंज़ आयि कोहनॖ पऻठ्य वलनॖ। भगवान कृषण छा ज़ामुत सतम दॊह किनॖ ॴठम दॊह। पॊज़ कुस वनि। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

17.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

17.08.2022, बऻदॖरप्यथ (भाद्र) गटॖ पछॖ (कृष्ण पक्ष) शॆयम (षष्ठी) ब्वदवार (बुधवार), श्री सप्तर्षि सम्वत 5098, नक्षत्र आश्विन, राश मेष (चलान), ऋतु वऺहरात (वर्षा) (चलान)...अज़ छि सऻन्क्रा ति

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

अकि गोलि हुन्द तक्लीफ ज़ानि सुय यस यि गूल्य पनॖनिस जिस्मस अपारि-यपोर आसि तऺरमॖच़। तऺरिथ पानॖ नाहकय मऺरिथ गछ़ि तॖ पानस पतॖ त्रॆ मोसूम शुर्य, तिहॖन्ज़ मऻज्य तॖ पनुन मोल-मऻज्य, ब्यॆनि बऻय छ्वरॖ-छ्वरॖ करान त्रऻविथ गछ़ि। बरादरन वॊन तीज़मालि यिवान यिवानॖय। हय क्याह गोम च़ॖ क्याह बा शोगॖतुत ह्यथ आख यिवान यिवानॖय। तीज़मालि प्रुछ़ हऻरऻन्यगी सान बरादरस। मऺजी राथ ॴसॖख च़ॖ च़्रन्गान तॖ ॴसॖख नॖ व्यच़ान कुनि ज़ि कऺशीरि मंज़ छु हवा बदल्योमुत तॖ मारॖवातल छि शायद पायस प्येमॖत्य। ति कथ छॆनॖ मऻजी। तिम छि तिथी हून्य लटिक्य पऺठ्य। बाहन वऺर्यन कोन्दि मंज़ थऻविथ ति यिथॖपऻठ्य सु हून्य-लॊट हॊलॖय द्राव सॊय वनन छि आतंकवाद्यन कऺशीरि मंज़। बरादरन वॊन तीज़मालि ज़ि तथ कऺशीरि मंज़ शुपयनॖकिस कथ ताम गामस मंज़ आव राथ कुसताम कऻशुर बटॖ गोलि हॖन्दिस ज़ंदस मंज़ तॖ त्रऻविन्य प्राण वुछान वुछान तॖ यपऻर्य ओस सोरुय वतन च्योन वतन म्योन वतन सोन वतन आज़ऻदी हुन्द जॊशॖन मनावनस मंज़ मस्ररूफ तॖ मश्गूल। कऺमिस मीज्य क्वस तॖ किछ़ आज़ऻदी कुस करि कर अम्युक फऻस्लॖ। अथ छि वनान हऺस्य-दन्द। न्यॆबरिम अलग हावनॖ बापथ तॖ ॳन्दरिम अलग च़ापनॖ बापथ। कथ छि जऻरी 

**********************

कऻशुर  ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

16.08.2022 बऻदॖरप्यथ (भाद्र) गटॖ पछॖ (कृष्ण पक्ष) पऻन्च़म (पंचमी) बॊम्वार (मंगलवार), श्री सप्तर्षि सम्वत 5098, नक्षत्र रेव, राश मेष (रऻच़ हॖन्ज़ि 09.06 बजि प्यठॖ) तॖ द्रठॖपऻन्च़ुक (पंचक) समाप्त, ऋतु वऺहरात (वर्षा) (चलान).... अज़ छि चन्दन षॆष्ठी ति 

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वुछ तीज़माल बुथि किन्य ख्वश तॖ प्रुछ़नस ख्वश गछ़नुक सबब। तीज़मालि द्युतनस जवाब ज़ि राथ हाबा फ्वजि म्यॆ ब्लकॖ। ख़बर क्याज़ि। सवाल कॊरनस बरादरन। राथ हाबा ओस जटॖ-जोश च़्ववापऻर्य। झण्डॖ लऺहरावनुक जोश, लूकन हुन्द बोश हाबा वुछुम तॖ मन गोम ख्वश। मऻजी आज़ऻदी हुन्द जॆशॖन छि ॳस्य प्रथ वऺर्ययि यिथय पऻठ्य जोश-खरोश सान मनावान रोज़ान यॆमि लटि क्याह नव्यर ह्यु बास्योय च़्यॆ मऻजी। बरादर ओस यछ़ान ज़ानुन। च्योन वनुन हाबा छु पॊज़ दफ यॆमि लटि वुछुम कऺशीरि मंज़ डल-गेटॖ प्यठॖ लाल-चौक ताम ओस लूकन हुन्द बॊड-बारॖ जॊलूस यथ मंज़ दपान बिहारॖ तॖ यू पी प्यठॖ आमॖत्य एन आई टी-यस मंज़ परवॖन्य लऺडकॖ ति ॴस्य शऻमिल  गऻमॖत्य। कऻशिर्य मुसलमान बायन ति छि शायद अकॖल हिश आमॖच़ बासेयम तॖ तिमव ति ॴस यथ व्वत्सवस प्यठ खुलॖ दिलॖ शिरकत कऺरमॖच़। यि छु ठीख सोरूय मऻजी मगर च़्यॆ क्याह छुय बासान।  कऻशरिस बटस छा कऺशीरि वापस गछ़नॖच कांह ब्रान्था नज़र यिवान। बरादरन प्रुछ़ तीज़मालि। हत्बा क्याह वनय बॖ। हालस छस वुछान ज़ि  क्रखा-चिखा छॆनॖ कुनि तरफॖ नज़र यिवान। न सानि तरफॖ, न यिहन्दि तरफय तॖ न तिहन्दि तरफय। तीज़मालि वॊन बरादरस। बरादरन वॊन तीज़मालि ज़ि मऻजी प्रथ वऺर्ययि यॆमि आयि सऻनिस झण्डस छु थज़र बडान रोज़ान तॖ ज़ेछर बडान रोज़ान तमि आयि ज़न छुनॖ असि ॳन्दॖर्य ॳन्दॖर्य सु क़द बडान तॖ सु मेछर बडान रोज़ान। साम्प्रदायुक तनाव छु हॊल गऺन्डिथ, बे-रोज़गऻरी छि नाल वऺलिथ, द्रॊजरन छु इन्सान पसरॖ ऒनमुत, रिशवतखुरी, बदस्लूकी, बे-ईमॏनी हॖन्ज़ि दल-दलि मंज़ छु ॳज़्युक इन्सान फटनस आमुत मगर झण्डस छु जय जयकार करान रोज़ान युस करुन ति पज़ि। अथ छि वनान बगल में छुरी तॖ मुंह में राम। कथ छि जऻरी  

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

16.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

16.08.2022 बऻदॖरप्यथ (भाद्र) गटॖ पछॖ (कृष्ण पक्ष) पऻन्च़म (पंचमी) बॊम्वार (मंगलवार), श्री सप्तर्षि सम्वत 5098, नक्षत्र रेव, राश मेष (रऻच़ हॖन्ज़ि 09.06 बजि प्यठॖ) तॖ द्रठॖपऻन्च़ुक (पंचक) समाप्त, ऋतु वऺहरात (वर्षा) (चलान).... अज़ छि चन्दन षॆष्ठी ति 

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वुछ तीज़माल बुथि किन्य ख्वश तॖ प्रुछ़नस ख्वश गछ़नुक सबब। तीज़मालि द्युतनस जवाब ज़ि राथ हाबा फ्वजि म्यॆ ब्लकॖ। ख़बर क्याज़ि। सवाल कॊरनस बरादरन। राथ हाबा ओस जटॖ-जोश च़्ववापऻर्य। झण्डॖ लऺहरावनुक जोश, लूकन हुन्द बोश हाबा वुछुम तॖ मन गोम ख्वश। मऻजी आज़ऻदी हुन्द जॆशॖन छि ॳस्य प्रथ वऺर्ययि यिथय पऻठ्य जोश-खरोश सान मनावान रोज़ान यॆमि लटि क्याह नव्यर ह्यु बास्योय च़्यॆ मऻजी। बरादर ओस यछ़ान ज़ानुन। च्योन वनुन हाबा छु पॊज़ दफ यॆमि लटि वुछुम कऺशीरि मंज़ डल-गेटॖ प्यठॖ लाल-चौक ताम ओस लूकन हुन्द बॊड-बारॖ जॊलूस यथ मंज़ दपान बिहारॖ तॖ यू पी प्यठॖ आमॖत्य एन आई टी-यस मंज़ परवॖन्य लऺडकॖ ति ॴस्य शऻमिल  गऻमॖत्य। कऻशिर्य मुसलमान बायन ति छि शायद अकॖल हिश आमॖच़ बासेयम तॖ तिमव ति ॴस यथ व्वत्सवस प्यठ खुलॖ दिलॖ शिरकत कऺरमॖच़। यि छु ठीख सोरूय मऻजी मगर च़्यॆ क्याह छुय बासान।  कऻशरिस बटस छा कऺशीरि वापस गछ़नॖच कांह ब्रान्था नज़र यिवान। बरादरन प्रुछ़ तीज़मालि। हत्बा क्याह वनय बॖ। हालस छस वुछान ज़ि  क्रखा-चिखा छॆनॖ कुनि तरफॖ नज़र यिवान। न सानि तरफॖ, न यिहन्दि तरफय तॖ न तिहन्दि तरफय। तीज़मालि वॊन बरादरस। बरादरन वॊन तीज़मालि ज़ि मऻजी प्रथ वऺर्ययि यॆमि आयि सऻनिस झण्डस छु थज़र बडान रोज़ान तॖ ज़ेछर बडान रोज़ान तमि आयि ज़न छुनॖ असि ॳन्दॖर्य ॳन्दॖर्य सु क़द बडान तॖ सु मेछर बडान रोज़ान। साम्प्रदायुक तनाव छु हॊल गऺन्डिथ, बे-रोज़गऻरी छि नाल वऺलिथ, द्रॊजरन छु इन्सान पसरॖ ऒनमुत, रिशवतखुरी, बदस्लूकी, बे-ईमॏनी हॖन्ज़ि दल-दलि मंज़ छु ॳज़्युक इन्सान फटनस आमुत मगर झण्डस छु जय जयकार करान रोज़ान युस करुन ति पज़ि। अथ छि वनान बगल में छुरी तॖ मुंह में राम। कथ छि जऻरी  

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

15.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

15.08.2022 बऻदॖरप्यथ (भाद्र) गटॖ पछॖ (कृष्ण पक्ष) च़ोरम (चतुर्थी) च़ऺन्दॖरवार (सोमवार), श्री सप्तर्षि सम्वत 5098, नक्षत्र  उ.भा" राश मीन (चलान), द्रठॖपऻन्च़ुक (पंचक) (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन कॊर तीज़मालि मुबारक तॖ वॊनॖनस मऻजी अज़ हय गऺयि असि पान्च़ॖसत्थ वऺरी आज़ाद गऻमतिस। तीज़मालि ति कॊर वापस मुबारक बरादरस ॳज़्यकि दुहुक तॖ वॊनॖनस सानि वतनुक झन्डॖ हाबा गछ़ि हर हमेशि थॊद रोज़ुन तॖ सानि वतनुक नाव गछ़ि प्रज़लवुन रोज़ुन। तथास्तु। वॊन बरादरन। सॗती मंगव भगवानस ज़ि सोन वतन रूज़िन आज़ाद रिशसतखूरी निशि, बैईमीनि निशि, मारा-मऻरी निशि, छ़ल-कपट निशि, लूट-मार निसि। तीज़मालि गऺयि तथास्तु वनान तॖ वॊनुन बरादरस ज़ि ब्यॆयि मंगव माजि दीवी ज़ि असि सारिनी रूज़िन पानवॖन्य यकुत, माय-महोब्बत, मन श्वद, व्यच़ार रॖत्य, नज़र साफ़।बरादर ति रूद वनान तथास्तु। तीज़मालि प्रुछ़ बरादरस ज़ि क्याहबा यि छा मुम्किन ज़ि असि यी फीरिथ वापस पनॖन्य रऻवमॖच़ संस्कृति। आशायि प्यठ छु सोरुय संसार कऻयिम। दफ अमापेज़ पनॖन्य अन्दरिम दिलॖच यछ़ा तॖ मनॖच लगन गछ़ि आसॖन्य। बरादरन वॊन तीज़मालि ज़ि असि ह्यॆछनोव ज़गत मगर ॳस्य ह्यॆतिन पानॖ गूमराह गछ़ॖन्य। तीज़मालि वॊन बरादरस ज़ि अथ हाबा छि वनान ज़ि युसुय रॊछुम तऺस्य निशि रछतम ख्वदायो। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव koshursabak.bligspot.com प्यटख ति)

14.08.2022

14.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

14.08.2022 बऻदॖर्यप्यथ (भाद्र) गटॖ पछॖ  (कृष्ण पक्ष) त्रय (तृतीया) आथवार (रविवार/ऐतवार), श्री सप्तर्षि सम्वत 5098, नक्षत्र पू.भा, राश मीन (दुहॖचि 04.14 बजि प्यठॖ), द्रठॖपऻन्च़ुक (पंचक) (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी पगाह हय छु आज़ऻदी हुन्द दॊह मनावुन। आहनबा बॖ छस तयार मगर करुन छु क्याह। तीज़मालि प्रुछ़ बरादरस। करुन क्याह छु ती यि पऺत्यम्यव पान्च़ॖसत्थव वऺरियव प्यठॖ आयि करान। बरादरन द्युतनस जवाब। कयाह बा च़्यॆ छुयना बासान ज़ि यिमन पान्च़ॖस्थन वऺरियन मंज़ आयि असि हदॖ रॊस उतार चढाव। आहनी मऻजी यॊदवय वुछव यि उतार चढाव छु अख चलवुन सिल्सिलॖ। ति हाबा छु पॊज़ मगर बॖ छस सोंचान ज़ि यिमन अंग्रेज़न निशि असि आज़ऻदी प्रऻव स्व क्वस हिश आज़ऻदी ॴस। च्यानि वनॖनुक मत्लब क्याह सना छु म्यॆ ज़न तॊर नॖ फिकिरी। बरादरन यॊछ़ ज़ानुन।  म्योन वनुन छु यि ज़ि अंग्रेज़ च़ऺलरऻव्य असि मगर तिमव त्रऻव्य वारियाह चीज़ सानि प्यतॖरावनॖ बापच। सारिवी ब्रोंठ पुशरऻव तिमव असि पनॖन्य ज़बान। ख्यन-थ्यनुक तोर-तरीकॖ, अंग्रीज़ तहज़ीब, पलवन-दलवन हुन्द इस्तिमाल, तऻलीमि मंज़ बदलाव पनॖनि अंदाज़ॖ, वगैरा वगैरा। ॳस्य छि आमॖत्य यिमनॖय चीज़न मंज़ वलनॖ तॖ ॳस्य गऺयि पननि संस्कृति निशि छ़्यनॖ। म्यॆ छुनॖ पलि प्यवान ज़ि अंग्रेज़ द्रायि सानि वतनॖ प्यठॖ मगर ॳस्य छि वुनि बंद तिहॖन्ज़न हऻन्क्लन मंज़।बरादरन वॊन तीज़मालि ज़ि अथ छि वनान ज़ि ब्यॆयि सुन्द शुर छॖ व्यॊठ बासान। खऻर आज़ऻदी गऺयि आज़ऻदी। व्वंय यॆछ़िन असि पनॖनिस तिरंगाहस रऻछ करॖन्य। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

13.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

13.08.2022 बऻदॖर्यप्यथ (भाद्र) गटॖ पछॖ (कृष्ण पक्ष) द्वय (द्वितिय) बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र शत, राश कुम्भ (चलान), द्रठॖपऻन्च़ुक (पंचक) (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

ओं नम: शंभवाय च, मयोभवाय च। नम: शंकराय च मयस्कराय च़। नम: शिवाय च शिवतराय च।। तीज़माल रूज़ यि  शिव-मंत्र ज़पान। बरादरन कॊर तीज़मालि नमस्कार तॖ प्रुछ़नस मऺजी बासान छुम ज़ि च़्यॆ वोतुय सुबॖ प्यठॖ ज़पान यि मंत्र। तीज़मालि होवनस ॳछव सॗत्य छॊपॖ करनुक इशारॖ तॖ बरादर ब्यूठ पथर तीज़मालि हुन्द इशारॖ वुछिथ। तीज़माल ॴस ऒंगज्यन प्यठ क्याहताम गऺन्ज़रावान ह्यु तॖ रूज़ यि मंत्र परान। केंच़स कालस परान परान द्युत तीज़मालि परनस थख तॖ बरादरनिस नमस्कारस जवाब दिवान दिवान वॊनॖनस ज़ि यि शिव-मंत्र हाबा दपान गछ़ि अखहथ तॖ ॴठि लटि सुबहस पूज़ा करान करान परुन त यि परनॖ सॗत्य छि मनोकामना स्यद्ध गछ़ान। मऻजी यीच़ फुर्सथ कऺमिस छि अज़कल यि मंत्र अखहथ तॖ ॴठि लटि परनस सॊम्ब दफ अमापॊज़ यॊदवय काह कहि लटि या त्रॆयि लटि परि सु ति छु ग़नीमथ। बरादरन वॊन तीज़मालि।  च्यऻन्य कथ हाबा छि पऺज़ मगर भगवान  याद करून ति छु ज़ॊरूरी त्यूतुय यूताह ख्यॊन-च्यॊन छु ज़रूरी। म्यॆ बासान असि पज़ि पनॖन्यन शुर्यन यिमन मंत्रन हुन्द ज्ञान वातॖनावुन। बरादरन वॊन तीज़मालि ज़ि मऻजी सान्यन शुर्यन छुनॖ ग्वडॖ मोबाईलॖय त्रावान। ॳछ छिनॖ मुच़रान कुनि मोबाइलस छि थफ छ़ॖनान। वऺन्य वऺन्य छु गछान तिमन कऺन्य-पऺत्य।तीज़मालि वॊन बरादरस ज़ि शुर्य बिचऻर्य ति क्याह करन। सुबहस सति बजि छुख आसान स्कूल वातुन तमि बापथ छुख प्यवान पान्च़ि बजि न्यॆन्दरि व्वॊथुन। दवॖ दवॖ तॖ रवॖ रवॖ छि करान रोज़ान युथ नॖ स्कूल-बस नीरिथ गछ़ि। यि शुर अन्या बखऻलन खुर पानस। पूज़ा-पाठ करनस कति अनि वखॖत। अज़कलॖच व्यवस्था छि यिछ़ॖय। न खर ख्वश तॖ न खरवोल ख्वश। तीज़मालि त्रोव ज़्यूठ व्वॊश तॖ वॊनुन बरादरस ज़ि श्रावनॖ-पुनिम हुन्द हाबा छुय मुबारक। च़्यॆति छुय मऻजी। हत्बा रुमॖऋश्युन आय ॴस्यवय। शेंक्राचार ताम वऻच़ॖस नॖ तवम ॴसॖस यि शिव-मंत्र परान। च़्यॆ पॊरुथॖ अखहथ तॖ ॴठि लटि मऻजी। आहनबा ऒंगज्यन प्यठ वुछथसना बॖ गऺन्ज़रावान। तीज़मालि वॊन बरादरस। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

12.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

12.08.2022 श्रावनॖ (श्रावण) ज़ूनॖ पछॖ (शुक्ल पक्ष) पुनिम (पूर्णिमाशी), देवादेव, शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र धनिष्ठ, राश कुम्भ  (दुहचि 02.48 बजि प्यठॖ), द्रठॖपऻन्च़ुक (पन्चक) शॊरु, ऋतु वऺहरात (वर्षा) (चलान)...चूंकि पगाह छु ऒक्दॊह रावान पगहुक वॊहरवोद यी ॳज़्य

********************** 

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

यथ त्राव चोंचा तॖ पख पानस। तीज़मालि वॊन बरादरस। च़्यॆ कथ प्यठ प्यॊय यि मुहावरॖ याद मऻजी। बरादरन प्रुछ़ तीज़मालि। राखी गन्डनॖ बापथ युस ज़िक-ज़िक राथ ताम चलान रूद  यथ मोबाईलस प्यठ लूकव हाबा द्युत कनॖ डोल तॖ मनोवुख यि त्यौहार राथॖ दॊहली तॖ म्वकॖलऻवॖख पनॖन्य कऻम। बरादरन वॊन तीज़मालि ज़ि मऻजी अथ च़ि वनान च़ॖ छुख हॆरि तॖ बॖ छुसय ब्वनॖ स्वनो च़ॖ कर पनॖन्य कऻम। शास्त्र ज़ानन वऻल्य हुन्द या ज्योतिष्याचार्यन हुन्द 

 वनुन या संतन हुन्द तॖ दऻनिशमन्दन हुन्द वनुन गव हारि तॖ तोतस। विज्येश्वर जन्त्री मंज़ ल्यूखमुत ति आव नज़र अन्दाज़ करनॖ तॖ तंथ पन्चान्गस ति रूज़ नॖ कांह वुक़त। यॆमिस यिथॖपऻठ्य ख्वश कॊर तॗम्य मनोव यि त्यौसार पनॖनि पनॖनि अन्दाज़ॗ। तीज़मालि वॊन बरादरस ज़ि बऺड कथ छय नॖ कॆंह मा मनावन राखी त्यौहार अज़ ति। त्रावी मऻजी यि गव तॖ ति गव। बरादरन वॊन तीज़मालि। व्वंय करव ॳस्य ॳज़िच कथा। ॳज़िच कथा क्याह बा करव। कऺशीरि आसहऻव तॖ वुन्यक्यनस आसॖहऻव शेंक्राचार कुन पकान। तीज़मालि द्युतनस जवाब। याद छु प्यवान पनुन पॊतकाल। सानि बदलॖ छि अज़ शेंक्राचारॖ ब्यॊन ब्यॊन जायव प्यठॖ आमॖत्य बखॖत्य शिव लिंग दर्शनॖ बापथ तॖ छि कालॖ प्यठय लऻनन मंज़ व्वदॖन्य रूज़िथ प्रारान। वीडियो अख ज़ वुछिम आमॖत्य मोबाएलस प्यठ।  तीज़मालि वॊन बरादरस म्यॆति हाबत वुछ वीडियो मगर कऻशुर बटॖ गोम नॖ नज़रि कांह। सोंचान छस खारॖ कस तख्सीर  शायद असि निशि दूरेयि सऻनी कऺशीर। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

11.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

11.08.2022 श्रावनॖ (श्रावण) ज़ूनॖ पछॖ (शुक्ल पक्ष) च़्वदह (चतुर्दशी), देवादेव, ब्रसवार (वीरवार/गुरुवार/ब्रहस्पतवार), श्री सप्तर्षि सम्वत 5098, नक्षत्र उ.षा, राश मकर (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

आम राय दपान छि बन्येमॖच़ ज़ि राखी यी बायन ॳज़्य गन्डनॖ। साथ छा सऺही या नहीं महूर्त छा ठीख या नाठीख तथ विषयस प्यठ छु तर्क वितर्क  तॖ बऺहसॖ मुबऻहस वुनि चलान संतन, ज्योतिष्याचार्यन, धर्मॖक्यन ठेकॖदारन तॖ केंच़न दऻनिशमन्दन मंज़ पानॖवुन्य तॖ यपऻर्य निन लूख पनॖन्य कऻम कऺरिथ।  तीज़मालि वॊन बरादरस ज़ि बऺहश छु जऻरी यि ज़ानॖनॖ बापद ज़ि राखी गन्डनुक असली दॊह छु कुस अज़ किनॖ पगाह। तीज़मालि वॊन बरादरस ज़ि असि कऻशिर्य बटव ति हाबा दपान त्रऻव पनॖन्य नाव ॳज़्यकिसॖय वावस सॗत्य तॖ दपान मनावन यि त्यौहार ॳज़्य। ती छु म्यॆति बासान मऻजी ज़ि ॳज़्य गन्डन बायन राखी। बरादर रूद वनान तीज़मालि ज़ि म्यॆ छु बासान यिथिस  माहोलस मंज़ छु नॖ व्वंय असि कांह हक बनान पनॖनि विज्येश्वर जन्त्री प्यठ विश्वास करनुक ति क्याज़ि तथ मंज़ छु हऻविथ पगाह याने बऺह्यमि अगस्त। असि पज़ि व्वंय यि जन्त्री ताख्चस प्यठ थावॖन्य तॖ यपऻर्यमि हॖन्ज़ि जन्त्री  मुतऻबिक पकुन। तीज़मालि वॊन बरादरस ज़ि आहनबा च्योन वनुन हाबा छु पॊज़। म्यॆ छु बासान व्वंय छु बटॖ ति यछ़ान बऺटिल मऺशरावॖन्य। सु छु यछ़ान ज़ि तस गछ़ि नॖ कांह ति परज़ॖनावुन। वारॖ वारॖ ह्यॊत बटन गिलहऺरी हॖन्द्य पऻठ्य रंग बदलावुन। अथ वनान मऻज्य करान कूर कूर, कूर करान रऻन्य रऻन्य। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogpot.com प्यठॖ ति)

10=08=2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

10.08.2022, श्रावनॖ (श्रावण) ज़ूनॖ पछॖ (शुक्ल पक्ष) त्रुवाह (त्रयोदशी), देवादेव, ब्वदवार (बुधवार)  श्री सप्तर्षि सम्वत 5098, नक्षत्र पू.षा,  राश मकर (दुहचि  02.57 बजि प्यठॖ), ऋतु वऺहरात (वर्षा) (चलान) 

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

संतन नॖ पानवॖन्य कुनी कथ। ज्योतिष्याचार्यन नॖ पानवॖन्य कुनी कथ। अख वनान यपऻर्य ब्याख वनान हुपऻर्य। मंज़ कनि आम इन्सान दुच़्यॆतिस मंज़ सोंचान गछ़य तॖ गछ़ॖ कपऻर्य। तीज़मालि वॊन बरादरस ज़ि हेरथ या ज़र्मॖसतम दोह मनावनस छु विज़ि विज़ि ग्रऺन्ज़ फ्युर गछ़ानॖय गछ़ान मगर रक्षा बन्धन दॊह मनावनस मंज़ ग्रऺन्ज़ फ्युर गछ़ुन बूज़ म्यॆ अज़ ग्वडॖनिचि लटि म्यॆ बासान। बरादरन वॊन तीज़मालि ज़ि मऻजी यथ त्यौहारस प्यठ छि ऒमूमन ब्यॆनि वातान बऻयिस निश राखी गन्डनॖ बापथ तॖ कुनि कुनि सातन छु बोय योरय गछ़ान ब्यॆनि निश राखी गन्डनावनॖ बापथ। व्वंय छि राखी ति यिवान गन्डनॖ साथ तॖ महूर्त वुछिथ। मगर बॊड सवालॖ छु पऻदॖ सप्दान ज़ि यिम ब्यॆनि बायन निशि दूर रोज़ान छि तिम छि राखी कोरियर दऺस्य या डाकॖ दऺस्य सोज़ान रोज़ान। यिम राखी साथ तॖ महूर्त नीरिथ बायन ताम वातान आसन तिम किथॖपऻठ्य तॖ कमि सातन आसन राखी गन्डान या गन्डॖनावान किनॖ तिम आसन नॖ राखी गन्डनावानॖय तिक्याज़ि यॊदवय तिम महूर्त नीरिथ गन्डन सु यी अश्वब मानॖनॗ तॖ अगर गन्डनॖय नॖ सु यी अपश्वगुन मानॖनॖ। यिथिस सूरतस मंज़ क्याह सना छु सोन शास्त्र वनान। काह तजरुबॖकारॖय ह्यॆकि वऺनिथ। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

09.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

------------------------------------

🙏🙏 नमस्कार माहरा

09.08.2022 श्रावनॖ (श्रावण) ज़ूनॖ पछॖ (शुक्ल पक्ष) बाह (द्वादशी) देवादेव बॊम्वार (मंगलवार), श्री सप्तर्षि सम्वत 5098, नक्षत्र मूला, राश धनु (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

दुच़्यॆतिस मंज़ छु अख स्यॊद सादॖ इन्सान परेशान गछ़ान। होर ग़छ़ा किनॖ योर फऻसलॖ छु नॖ ह्यकान कऺरिथ। यॆमि लटि बन्यऻव मसलॖ रक्षा बंधम त्यौहारुक ज़ि च़्वदॖश दॊह छा किनॖ पुनिम दॊह छु याने कऺह्यमि अगस्त ब्रसवारि दॊह छा किनॖ बऺह्यमि अगस्त शॊकुरवारि दॊह। ब्यॊन ब्यॊन व्यच़ार छि ब्यॊन ब्यॊवन लूकन हॖन्न्य अथ त्यौहारस मुतलक। कऻशिर जन्त्री याने सप्तर्षि पंन्चांचॖ मुतऻबिक छु यि त्यौहार पुनिम याने बऺह्यमि अगस्त शॊकुरवारि दॊह मगर आम चर्चा छि ज़ि यि त्यौहार यी यॆमि लटि मनावनॖ च़्वदॖश दॊह याने कऺह्यमि अगस्त ब्रसवारि दॊह। कॆंह संत छि वनान ज़ि कऺह्यमि अगस्त छु नॖ श्वब महुर्त बऺहिम अगस्त छु रूत दॊह मगर दॊयिम तरफॖ छि दपान ज़ि सरकऻर्य अदारॖ तॖ तऻलीमि अदारॖ मा मनावन यि त्यौहार कऺह्यमि अगस्त। व्वंय छॆ नॖ पताह लगान ज़ि पॊज़ कुस छु तॖ अपुज़ कुस छु। प्रॖछ़गऻर गऻयि शॊरु मगर पॊज़ कसुन्द वॊनमुत मानव यि फऻस्लॖ करुन छु मुश्किल। छूट छि प्रथ ॳकिस युस यॆमि दॊह मनावि। अगर हिसाबन वुछव रक्षा बन्धन छु नॖ कांह धार्मिक त्यौहार। यि छु अख इतिहासिक हऻदिसॖ मगर लूकन हॖन्दिस मऺत्य आबस क्याह कऺर्यज़ि। रक्षा बन्धनस छु नॖ कऻशुर तर्जमॖ ति म्यॆ बासान ति क्याज़ि यि छुयी नॖ कऻशर्यन हुन्द त्यौहार। चूंकि कऻशिर्य बटस छु खजन पऻजामन मंज़ ज़ंग छ़ॖनॖनुक आदत तवॖ म्वखॖ ह्यॊत असि ति अथ त्यौहारस नालॖमॊत करुन तिथय पऻठ्य यिथॖपऻठ्य असि करवा चौथ फाकॖ ह्यॊत दरुन या लोडी मनावॖन्य या धन तेरस मनावॖन्य या कऻशिर ज़्यव मऺशरऻविथ पऻरिम ज़्यव वनॖन या पनॖनि ज़ऻच़ न्यबर गऻर ज़ऻच़ मंज़ सम्बंन्ध बनावॖन्य। पनॖन्य प्रज़नथ ह्यॆच़ॖन्य रावॖन्य असि। प्रोव क्याह कुस कऺमिस क्याह वनि। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

08.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------------

🙏🙏 नमस्कार माहरा

08.08.2022 श्रावनॖ (श्रावण) ज़ूनॖ पछॖ (शुक्ल पक्ष) काह (एकादशी)  च़ऺन्दॖरवार (सोमवार), श्री सप्तर्षि सम्वत 5098, नक्षत्र ज्येष्ठ, राव धनु (दुहचि 02.36 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरस प्यव क्याहताम याद तॖ वॊनुन तीज़मालि ज़ि मऻजी अगर च़्यॆ ज़्वन आसी कऺशीरि मंज़ ॴस नॖ जायि हॖन्ज़ व्यछ़य। कांह पॊछ़ यॊदवय ॳकिस द्वन रऻच़न बापथ ति यिवान ओस परेशऻनी ॴस नॖ कुनि कॖस्मॖच गछ़ान। कुनि ति कुठिस मंज़ कुनि ति कूनस मंज़ वाहराव्यो गब्बॖ फरदा, तंथ प्यठ वाहराव्यो नॊव या द्वबि-द्राव करॖच तॖ दिच़ेयोस शान्दॖगॊन्डा साफ़ छऺज्यमॖच़ वूरा तऻरिथ। प्यठॖ त्रावेयोस वुरुन मौस्मॖ हिसाबॖ याने लेफ, कमॖल्य, च़ादर, खेश या ब्यॆयि कॆंह तॖ पॊछ़ ओस श्वॊंगान। तीज़मालि वॊन बरादरस ज़ि हत्बा पऺछ़िस हाबा छि वुनि ति त्युथुय वरताव यिवान करनॖ मगर यॆति हाबा छि ज़ायि हॖन्ज़ व्यछ़य। जायि छ़ॊचर आसनॖ म्वखॖ छु पऺछ़्यसुन्द रातस  प्यठ युन म्यॆ वुछमय ग्वबान ह्यु। प्यठॖ अगर पऺछ़िस कांह पछ़लोव ति सॗत्य आसि। गरिक्यन बऻच़न छि पऺन्य डलान यि सूंचिथ ज़ि कुस कतिनस श्वॊंगि। फ्लैटन मंज़ छि ब्यडव ग्वडय जाय रऺटमॖच़ आसान। सौफॖ, कुर्सी, मेज़, अलमारि कुठ्यन मंज़ आसनॖ म्शखॖ छॆ नॖ काह जाय मॊकॖज आसान यॆतिनस आमुत्त नफ़र ह्यॆकि श्वॊंगिथ। बरादरन वॊन तीज़मालि ज़ि मऻजी अथ दपान छि पऺछ़िस पॊछ़ खरान । तीज़मालि कॊर जुम्लॖ पूरॖ यि वऺनिथ ज़ि दपान खानॖदारस द्वश्यवय। बरादरन वॊन असान असान तॖ खानदारिनि त्रॆश्यवय। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

07.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

07.08.2022 श्रावनॖ (श्रावण) ज़ूनॖ पछॖ (शुक्ल पक्ष) दऺहम (दशमी) आथवार (रविवार/ऐतवार), श्री सप्तर्षि सम्वत 5098, नक्षत्र अनूरा, राश वृश्चिक (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि म्यॆ हाबा छु याद प्यवान ज़ि कऺशीरि मंज़ यॊदवय कांह लऻज़िम पॊछ़ यिवान ओस गरिक्य सऻरी बऻच़ ॴस्य पऺछ़्य लऻज़्य मंज़ लगान रोज़ान। कूशिश ॴस्य करान ज़ि कुनि कॖस्मॖच कऺमी गऺछ़ नॖ खऻतिरदऻरी मंज़ रोज़ॖन्य। बतॖ ख्यावनॖ विज़ि ओस पऺछ़िस यिवान अथॖ चिलम्ची मंज़ स्वरशावनॖ। तौलिया तॖ साबन ह्यथ ओस नफ़र व्वदॖन्य रोज़ान। बतॖ थाल ब्रोंंह कनि थऻविथ ॴस गरॖच यॆज़मनबाय या यॆज़मन थलि थलि मुलर गऺंन्न्डिथ वुछान रोज़ान यॊत्ताम पॊछ़ ओस बत्तॗ ख्यवान रोज़ान। बत्तॖ ख्यवान ख्यवान ॴस्य दहि लटि प्रॖछ़ान रोज़ान यि ह्यॆयिव, हु ह्यॆयिव, म्योन मरुन छुय, म्यऻन्य द्रॖय छय, बत्तॖ आसिवॖ यख गोमुत, गर्म बत्तॖ फॊल ह्यॆयिव वगैरा वगैरा। बत्तॖ ख्यथ गऺये ब्यॆयि सॊय प्रक्रिया दॊहरावॖन्य याने चिलम्ची मंज़ अथ छलनावुन, तौलियायि अथॖ व्वथॖरावुन। पॊछ़ ओस तृप्त गछ़ान यि मॆहमान नवऻज़ी वुछिथ। बरादरन वॊन तीज़मालि ज़ि मऻजी अज़कल छु सऻर्यसी बदलाव आमुत। न छि व्वंय अथय चलनावान तॖ न स्व कस्मॖ कस्मय यिवान करनॖ। अज़कल छि नज़ाकत आमॖच़। व्यलायती हाव-बाव छु यिवान वरतावनॖ। डाईनिंग टेबुलस प्यठ यिवान पऺछ़िस ख्यावनॖ। सारेय ज़ियाफतॖ छि यिवान थावनॖ मेज़स प्यठ तॖ पऺछ़िस यी मन करि ती पानय तुलान रोज़ान पनॖनि मर्ज़ी मुतऻबिक। कऺशीरि हॖन्ज़ स्व परम्परा गऺयि गऻबॖय। स्व दरॖ दरॖ करॖन्य प्रथा म्वकलेयि व्वंय। तीज़मालि वॊन बरादरस ज़ि कऺशीरि मंज़च़ि पऺछ़्य-लऻज़्य मंज़ हाबा ओस आसान अलगॖय मज़ॖ। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

06.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

06.08.2022, श्रावनॖ (श्रावण) ज़ूनॖ पछॖ (शुक्ल पक्ष) नवम (नवमी) बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र विशा, राश वृश्चिक (दुहॖचि 12.05 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

त्यॆलि ओस पॊछ़ लॊछ़ यिवान तॖ ब्वकॖ आसॖ फ्वलान। तीज़मालि वॊन बरादरस। पछ़ ॴस नॖ यिवान ज़ि सानि ज़ूरि ति दॊदा च़ोंग याने असि ति आवा कांह पॊछ़। आहनी मऻजी स्व कथ छि पऺज़। म्यॆ छु बूज़मुत ज़ि दपान पॊछ़ याम कुनि गरस यिवान ओस मानान ॴस्य ज़न भगवान गरॖ च़ाव। ख्वश आवय याने स्वागत ओस यिवान करनॖ तस पऺछ़िस। ल्वकुट आसिहे या बॊड, मर्द आसिहे या ज़नान। पॊछ़ गऺयो पॊछ़ॖय। पॊछ़ ओस नॖ वखॖत वुछिथ यिवान तॖ न ओस तिथि या वार वुछिथ यिवान। पऺछ़िस छु दॊयिम नाव अतिथि याने सु इन्सान युस तिथि वुछनॖ रॊस गरस मंज़ क़दम त्राविहे। पऺछ़िस ॴस्य ख्यावान च्यावान, मान यज़थ करान रोज़ान। आज़रथ माज़रथ तहे दिलॖ सान करान रोज़ान। सऻन्य संस्कृति ॴस वख अकि यिछ़ॖय। पॊछ़ यॊदवय कुनि विज़ि सानि गरि प्यठॖ फाकय नेरिहे, अपशॊगुन ओस यिवान मानॖनॖ। दपान ॴस्य हय क्याहबा ज़न च़ाख मुशलमान गरॖ। बरादरन वॊन तीज़मालि ज़ि मऻजी अज़कलुक पॊछ़ याने अतिथि छुनॖ व्वंय अतिथि बासान तिक्याज़ि सु छु कऻन्सि हुन्द गरॖ गछ़नॖ ब्रोंठ ग्वडॖ फोन कऺरिथ पनॖनि यिनॖच ख़बर करान रोज़ान। अज़कल छु व्वंय ती यिवान वुछनस तल। अज़कल छॆ नॖ तीच़ फुर्सत ति ज़ि दिल मुच़रिथ करिहे इन्सान ॳमिस मॆहमानस सॗत्य कथ बाथ। अज़कल छॆनॖ स्व आज़रथ माज़रथ ति नज़र यिवान बऺल्कि छि व्वंय बस वॖठ मांज़रथ छ़ऺर कथ तॖ ब्यॆयि नॖ कॆंह। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति )

(यि सबक़ वुछिव pod cast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

05.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

05.08.2022 श्रावनॖ (श्रावण) ज़ूनॖ पछॖ (शुक्ल पक्ष) ॴठम (अष्टमी) शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र स्वाति, राश तुला (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

वारियाह कालस रूद बरादर दरवाज़स ठुख-ठुख करान दरवाज़ॖ मुच़रोव नॖ कऻन्सि। बरादरन सूंच ज़ि शायद मा आसि तीज़मालि न्यॆन्दॖर प्यॆमॖच़ तवय छॆ नॖ बर मुच़ॖरावान। बरादरन ज़ोन मुनऻसिब वापस नेरुन तॖ च़ीर्य पाहन ब्यॆयि युन। गन्टॖ द्वयि गन्टॖ पतॖ आव बरादर तॖ कॊरुन ठुख ठुख तॖ तीज़मालि मुच़ॖरोवुस दरवाज़ॖ तॖ कॊरनस नमस्कार। नमस्कारस द्युतनस नमस्कारॖ सॗत्य जवाब तॖ प्रुछ़ बरादरन तीज़मालि ज़ि मऻजी च़्यॆ ॴसॖय गऺन्य न्यॆन्दॖर प्यॆमॖच़ शायद तवय आसी नॖ म्योन ठुख ठुख बूज़मुत। हय क्याहबा छुख वनान। च़्यॆ छयना ख़बर ज़ि म्यॆ छु सुलि न्यॆन्दरि व्वथनुक आदत। च़्यॆ करबऻग्य कॊरुथ ठुख ठुख। गन्टॖ डॏड गन्टॖ ब्रोंठ आयोस मऻजी मगर बर ओस बंद तॖ वारियाहस कालस ठुख ठुख कऺरिथ द्रास वापस तॖ सूंचुम पतॖ पाहन यिमॖ।  अछा गव च़ॖ ओसुख आमुत ग्वडॖ। आहनी मऻजी  च़ॖ कति ॴसॖख अगर श्वॊंगिथ ॴसॖख नॖ। बरादरन प्रुछ़नस। हत्बा बॖ ॴसॖस श्रान करान त्यॆलि तमि सातन। तीज़मालि द्युतनस जवाब। बॖ हाबा छस गरि गरि सोंचान ज़ि कुन लगि नॖ कुनि। सऻथी आसुन छु ज़ॊरूरी। जान छु नाकारॖ छु, दोद छु दाग़ छु, कुन ज़ॊन क्याह करि। कॊत वाति। कस वनि क्याह वनि। बरादरन वॊन तीज़मालि कथ च़टान च़टान ज़ि च्योन वनुन हय छु पॊज़। सऻथी आसुन छु लऻज़्यमी। अख तॖ अख गव काह। वख अख ओस यॆलि दारि बर रहि-रास यलॖ ॴस्य आसान मगर वंख गव युथ सख़ ज़ि व्वंय छि दारि बर त्रॊपरिथ बिहिथ आसान। ग्वडॖ ॴस्य गरॖ बऺड्य बऺड्य तॖ बऻच़व सॗत्य बऺरिथ आसान अज़कल गऺयि गरॖ ल्वकॖट्य तॖ बऻच़ छ़ॊकेयि। तीज़मालि बऺर हऻमी बरादर सॖन्दिस वनॖनस तॖ प्यॆयस कॆंह प्रऻन्य कथॖ याद। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ तमि)

04.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

04.08.2022 श्रावनॖ (श्रावण) ज़ूनॖ पछॖ (शुक्ल पक्ष) सतम (सप्तमी) ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5098, नक्षत्र चित्रा, राश तुला (सुबहॖचि 06.39 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि बॖ हाबा ॴसॖस बोज़ान दपान हॊस जानवर यॆलि वति पकान रोज़ान छु तऺमिस छि ह्यॆन्द्य नमस्कार करान रोज़ान। ख़बर कयाज़ि। बरादरन प्रुछ़ तीज़मालि। थूंकि गणपत्र जियस छु हऺस्यतिसुन्द शीश दपान शिव जी महाराजन पनॖनि तपोबलॖ सॗत्य लोगमुत लूख छि हऺस्यतिस मंज़ गणपथ जियिन्य छवि ज़ऻनिथ गुल्य गऺन्डिथ नमस्कार करान रौज़ान। ओओओ। आदबी सोन ति ॴस्यनस नमस्कार। बोज़ान ॴसॖस ज़ि ॳमिस हऺस्यतिस वुछिथ छि हुन्य व्वफान रोज़ान। तीज़मालि वॊन बरादरस। ख़बर हुन्य क्याज़ि छि हॊस वुछिथ व्वफान मऻजी। शायद हऺस्यतिसुन्द बॊड बाडव वुछिथ म्यॆ बासान।  हय नबा। हून छु वैसे ति स्वभावॖ मूजूबॖ ति व्वफान रोज़ान कुनि विज़ि गाड्यन पतॖ, कुनि विज़ि मऺतिस पतॖ, कुनि विज़ि च़ूरस पतॖ वगैरा वगैरा। मगर हऺस्यतिस पतॖ हून्यसॖन्दि व्वफनुक मक्सद छु बदलय दपान। ख़बर क्याह मक़्सद मऻजी। बरादरन यॊछ़ ज़ानुन। तीज़मालि दॊपनस दपान हाबा ज़ि होन्यन छु नॖ बर्दाश्तॖ गछ़ान लूकन हुन्द हऺस्यतिस नमस्कार करुन। दपान छि तिमन छु अज़रवुन यिवान यि वुछिथ तवय छि तिम व्वफान रोज़ान। तीज़माल रूज़ वनान बरादर ज़ि तऻज्यबॖच कथ हाबा छि यि ज़ि दपान हऺस्यतिस छु यि ग्वन ज़ि सु छु नॖ नमस्कार करन वाल्यन निश रुकान रोज़ान तॖ न छु हॊस पॊत फ़ेरान तॖ व्वफॖवुन्य होन्यन लार करान या च़ऺलॖरावन बऺल्कि छु पनॖन्य मस्त चाल बरक़रार थऻविथ शानॖ सान पकान रोज़ान। मगर यि च्यऻन्य कथ कथ कथि सॗत्य छि वाठ ख्यवान। बरादरन प्रुछ़ तीज़मालि। अज़कलॖच सरकार वुछिथ हाबा प्यॆयम यि बूज़मॖच़ कथ वनॖन्य। च्यानि कथि मंज़ ज़न बास्योम क्याहताम गूड मत्लब मऻजी। बरादरन वॊन तीज़मालि। कथव मंज़ॖ क्वथ कडॖन्य ति दपान छु कऻन्सि कऻन्सि हुन्नर आसान। तीज़मालि वॊन बरादरस। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

03.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------------

🙏🙏 नमस्कार माहरा

03.08.2022 श्रावनॖ (श्रावण) ज़ूनॖ पछॖ (शुक्ल पक्ष) शॆयम (षष्ठी) ब्वदॖवार (बुधवार),  श्री सप्तर्षि सम्वत 5098, नक्षत्र हस्त, राश कन्या (चलान), ऋतु वऺहरात (वर्षा) (चलान)...अज़ छि कुमार शॆयम (कुमार षष्ठी) ति 

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

छुख च़ॖ प्रानि पूच़ि हुन्द अख इन्सान, ॳस्य हा अज़कलकी छीय नवजवान। खोच़ान चॖ टासस लायान ॳस्य बम। दम करुं दम दमॖ काका दम। प्रऻनिस तॖ नऺविस कति रूद वाठ, ग्वर ना ग्वर रूद, च़ाठ ना च़ाठ। ग्वर च्यवान द्वदॖ लऺस्य च़ाठ च्यवान रम। दम करुं दम, दमॖ काका दम। दमॖ काका मऺशराव सु पनुन दौर, मायायि रॊटमुत अज़कल छु ज़ोर। मसऻ कर च़ॖ मान मान, नेरी च़्यॆ दम। दम करुं दम, दमॖ काका दम। सॊकालि रॊपयि ॴस्य हाकस वुंह बऺद्य, हाक छ़ऻन्ड्य छ़ऻन्ड्य अज़ फॊलान छि पऺद्य, द्रॊजरन ऒनॖमुत च़्वपऻर्य सितम। दम करुं दम, दमॖ काका दम।  तीज़मालि बोज़नावि यिम ब्यॆयि कॆंह लऻनॖ राथचि बऻतॖ मंज़ॖ बरादरस। वाह वाह मऻजी। मन गव ख्वश

 यि च़्यॆ बोज़नोवुथ च्यान्यन यिमन लऻनन मंज़ छि सदाकथ तॖ हऺकीकत। अज़कल छु युथुय माहोल तॖ रवादोर। बरादरन वॊन तीज़मालि। छ़िरॖ च़ॊट किछ़ बा लऺजी राथ। मज़दार। जवाब द्युत बरादरन तीज़मालि। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

02.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

02.08.2022 श्रावनॖ (श्रावण) ज़ूनॖ पछॖ (शुक्ल पक्ष) पऻन्च़म (पंचमी) बॊम्वार (मंगलवार), श्री सप्तर्षि सम्वत 5098, नक्षत्र उ.फा, राश कन्या (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

पनॖन्यन ख़यालन द्यू व्वंय च़ॖ फ्युर, कुस कडान अज़कल त्वमलस छु स्युर। रऺडीमेड च़ऻरिथ मेलान ब्यॆयि कनॖ कम। दम करुं दम करु दमॖ काका दम। ऒंगजि थफ कऺरिथ कति शुर्य व्वंय पकान, ज़ॖ क़दम कडान याम तिम छिय थकान। तिमन गछ़ि ग्वडॖ प्यठय आसुन टम टम। दम करुं दम करु दमॖ काका दम। कति तिम पान्छ़ शॆ ॴठ नव शुर्य, अज़ यिमन अख ज़ॖय, तिमन ति खुर्य। फ़ीस वीस बऺर्य बऺर्य पेरैंट बरहम। दम करुं दम करु दमॖ काका दम। वाह वाह मऻजी। मज़ॖ आव बोज़ान बोज़ान। बरादरन वॊन तीज़मालि। यि बऻथ कयाज़ि प्यॊय च़्यॆ याद अज़ मऻजी। ॳज़्युक वख वुछिथ हाबा प्योम पनुन सु पॊतकाल याद। तीज़मालि वॊन बरादरस। नरकऺन्य क़लम अनॖन्य, गरॖन्य, स्यफ अनॖन्य, मीलॆन्दुरस मंज़ स्यॆपि मील बनावॖन्य तॖ दोजि प्यठ लेखुन। दूज छलॖन्य, ह्वखॖनावॖन्य तॖ मॊहरॖ रोज़ुन दिवान तॖ पतॖ गऺयो तथ प्यठ लेखुन। अकि तरफॖ अंग्रीज़ लेखुन तॖ दोयिमि तरफॖ ह्यॆन्दी या उर्दू। लेखुन हिसाबॖक्य सवालॖ हल करनॖ बापथ ओस यिवान स्लेट इस्तिमाल करनॖ यथ प्यठ चाकॖ सॗत्य या स्लेट-पैन्सिलॖ सॗत्य यिवान ओस लेखनॖ। बरादर गव बोज़ान तॖ ओस ज़न पनॖनिस ल्वकचारस छ़ॏन्ड दिवान। मऻजी तिम दॊह नय यिन नॖ ब्यॆयि फीरिथ। आहनबा वुनि नय म्यॆ वॊनुय कॆंह। वलॖ व्वंय चमव म्वगॖल्य च़ाय तॖ छ़िरॖ च़ॊट। पतॖ दिमव ब्यॆयि फ्युर मज़दार कथन। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

*****************"****

नऺविव तॖ फॊलिव

भूषण कौल"दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ तमि)

01.08.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

01.08.2022 श्रावनॖ (श्रावण) ज़ूनॖ पछॖ (शुक्ल पक्ष) च़ोरम (चतुर्थी) च़ऺन्दॖरवार (सोमवार), श्री सप्तर्षि सम्वत 5098, नक्षत्र पू.फा, राश कन्या (रऻच़ हॖन्ज़ि 12.28 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि यथ मोबाईलस मंज़ हाबा छि वुछान रोज़ान तिम तिम चीज़ यिम नॖ ईन्सान ज़ांह स्शपनस मंज़ ति सूंचिथ ह्यॆकिहे। टी वी चन्नलन प्यठ ति छिनॖ ह्यकान त्यूत वुछिथ यूत मोबाइलॖ प्यठॖ अज़कल इन्सान वुछान रोज़ान छु। मऻजी च्योन वनुन हय छु पॊज़। यॊदवय ह्यॆछनॖ बापथ छि कॆंह जान जान चीज़ नज़र यिवान मोबाएलस  मंज़ तऺती छि तिथ्य ति कॆंह नाकारॖ चीज़ यिवान  वुछनस तल यिमव सॗत्य सान्यन शुर्यन प्यठ छु नाकारॖ असर प्यवान रोज़ान। बरादन वॊन तीज़मालि ज़ि मऻजी मोबाईलन बऺडरऻव अख बऺड ज़िम्वऻरी असि सारिनी प्यठ सु गऺयि यि ज़ि असि छु रोज़ुन सतर्क युथ नॖ सोन शुर क्वकर्मस कुन लगि। यॊदवय कॆंह वीडियो दपान बनावटी छि आसान मगर कॆंह वीडियो या आडियो छि वाकय ज्ञान बऺडरावनस मंज़ मदद करान। हालांकि यि कथ छि बिल्कुल सऺही ज़ि यॆम्य मोबाईलन कऺर्य ॳस्य सऻरी ॳक्यसॖय गरस मंज़ इकॖवटॖ ॴसिथ ति ब्यॊन ब्यॊन तॖ दूर दूर। मोबाईलन थऻव्य सऻन्य अंग ॴश्यनाव दिलस बदलॖ कनन मंज़। सारिनी अंगन ॴश्यनावन हॖन्द्य फ़ोन नम्बर छि मोबाईलस मंज़ तॖ ख्शदा-नखासता यॊदवय यि मोबाईल रालि बासान छु ज़न सु ॴश्यनाव रोवुय। यॆम्य मोबाईलन ति हऻव्य कम कम रंग यिम वुछिथ या बूज़िथ असुन ति छु यिवान तॖ वदुन ति। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

31.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

31.07.2022 श्रावनॖ (श्रावण) ज़ूनॖ पछॖ (शुक्ल पक्ष) त्रय (तृतीया) आथवार (रविवार/ऐतवार), श्री सप्तर्षि सम्वत 5098, नक्षत्र मघा, राश सिंहं (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

दपान हाबा वनन वोल अगर अपुज़ वनान रोज़ान आसि तॖ बोज़न वोल अपुज़ बोज़नुक ॴदी आसि सु अपुज़ छु पॊज़ यिवान मानॖनॖ तॖ सु बन्योमुतम पॊज़ छु लूकन मंज़ सऺनिथ गछ़ान रोज़ान। तीज़मालि वॊन बरादरस। च्यॆ हय वऺनिथ मऻजी ब्यालि तलॖच कथ। म्यॆ ति छु बृज़मुत मऻजी ज़ि दपान पज़ि कथि यॊदवय ज़ेर ज़बर बऺडरावनॖ यी या गऺटरावनॖ यी सु पॊज़ छुनॖ पॊज़ रोज़ान अल्बतॖ अपुज़ कथि  यॊदवय ज़ेर ज़बर बऺडरावव या गऺटरावव सु  अपुज़ छु अपुज़ुय रोज़ान। तीज़मालि वॊन बरादरस ज़ि अज़कलॖक्य हालाथ हाबा छि बिल्कुल तिथी। पॊज़ छुनॖ वनान कांह तॖ अपुज़िस छि लॊलॖमतॖलाय करान तॖ यॊदवय कांह पॊज़ वनॖनुक जिगरॖ करान छु तऺमिस छिनॖ ज़ॖरनावान कुनि। बरादरन वॊन तीज़मालि ज़ि मऻजी शायद छि दऺपिथ कथ आमॖच़ वनॖनॖ अवय म्वखॖ। क्याह सना। तीज़मालि प्रुछ़ बरादरस। दपान छिना मऻजी यॊत्ताम पॊज़ पज़ि तॊत्ताम आलम दज़ि। यिहाबा छु पॊज़ दॊपमुत वनन वाल्यब। यॆति हाबा छि अज़कल अजि ति च़ूरॖय गजि ति च़ूरॖय। पौंसस पतॖ दवान सऻरी। पज़रस तॖ पऺज़्ययऻरिस मारान रोज़ान च़ऻर्य च़ऻरी। दॖह छु तुलमुत च़्ववापऻर्य रशवतखूरी। रंगॖ रंंगॖ रंगदार वुछमय म्यॆ इन्सान। च़ूर तय पऺहरदार वुछमय म्यॆ इन्सान। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

30.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

30.07.2022 श्रावनॖ (श्रावण) ज़ूनॖ पछॖ (शुक्ल पक्ष) द्वय (द्वितिय) बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र अश्ले, राश सिंह (दुहचि 12.12 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि म्यॆ हाबा बासान ज़न असि छि व्वंय च़ऺटमॖच़ कथॖय कऺशीरि वापस गछ़नॖच। मऻजी बटॖ बिचोर करि कयाह। नारस दिया नरि। बरादरन वॊन वापस तीज़मालि। आहनबा हालाथ छिनॖ साज़गार तति। तीज़मालि वॊन बरादरस। व्वंय थऺक्य बटॖ क्रकॖ दी दी। सरकार छु बोज़नाह करान तॖ पनन दॊह दॊह कडान। संसदस मंज़ पॊज़ अपुज़ वऺन्य वऺन्य बटन दिलासॖ दिवान रोज़ान ज़ि सरकारस छि सख फिकिर यि कऻशुर बटॖ किथॖपऻठ्य तॖ कर वाति कऺशीरि। सरकारचि अथ कथि मंज़ छु नकलीपन नज़र यिवान। मऻजी दपान चुनाव छु यिनॖवोल तॖ शायद मा सोज़न बटन चुनावॖ पतय म्यॆ बासान। बरादरन वॊन तीज़मालि। द्यवॖ दय बोज़ि। तीछ़़मालि द्युत पनॖनिस पानस छ़ॊरुय तस्लाह। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

29.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

29.07.2022 श्रावनॖ (श्रावण) ज़ूनॖ पछॖ (शुक्ल पक्ष) ऒक्दॊह (प्रथमा/प्रतिपदा) शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र तिष्य, राश कर्कट (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि यि हाबा छि तऻजबॖच कथ ज़ि सरकार क्याज़ि छु बेखबर तिमन लूकन निशि यिम खुले आम यिथ्य बदकार करान रोज़ान छि तॖ लूकन हॖन्ज़न ज़ुवन सॗत्य खिलवाड करान रोज़ान छि। मऻजी सरकारस छि सऻरॖय ख़बर दफ अमापॊज़ लूकन हुन्द ॳन्दरिम ज़ऺमीर छु गॊलमुत, लालचन छुनख मरुन मॊशरोवमुत तॖ बनावान रोज़ान छि यिम नकली चीज़। ॳकिस वीडियोहस मंज़ होवुख ज़ि गोल-गप्पै बापथ युस पोन्य आसान छु तथ पऻनिस मंज़ हारपिक यिवान रलावनॖ। हारपिक । तीज़मालि प्रुछ़ बरादरस हऺरऻन्यगी सान हय यि क्याहबा छुख वनान च़ॖ। हारपिक हाबा दपान छु बाथरूम साफ़ करनस लगान तॖ सु छा रलावान पानी-पूरी याने गोल-गप्पे किस पऻनिस मंज़। यि हाबा गऺयि क्याहताम त्रठॖय। कॆंह बेकरी वऻल्य ओट ख्वरव सॗत्य मांडान रोज़ान, कॆंह बदज़ाथ थॊकॖ रलावान ख्यनॖ च़ीज़न मंज़,  कॆंह पार्लर वऻल्य थॊकॖ मथान रोज़ान शेव करान करान या ज़नानन मेकअप करान करान। तलबा थव व्वंय। मन हाबा छु क्रुह गछ़ान यि बूज़्य बूज़्य। तीज़मालि वॊन बरादरस। बॖ हाबा छस दपान ज़ि ॴखॖर लूकन हॖन्द्यन यिमन क्व-कर्मन कुस हॆयि हिसाब। सरकार छु शायद ॳछ वऺटिथ वुछान। रशवतॖच ब्यमऻर्य छि अलगॖय अख बऺड ब्यमॏर्य। स्यॊद सादॖ इन्सान कथ कथ दी वाठ। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

28.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------------

🙏🙏 नमस्कार माहरा

28.07.2022 श्रावनॖ (श्रावण) गटॖ पछॖ (कृष्ण पक्ष) मावस (अमावस्या) ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5098, नक्षत्र पुनर्वस (चलान), राश कर्कट (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल ॴस मोबाईलस मंज़ क्याहताम वुछान तॖ ॴसॖ मंज़ॖ द्रास यकदम त्राहि त्राहि तॖ बरादरन प्रुछ़नस मऻजी किहे दऺलील गऺयि च़्ये कथॖय प्यठ कॊरुथ त्राहि त्राहि। हत्बा यथ मोबाएलस मंज़ छि लूख सोज़ान तिम तिम वीडियो यिमन वुच़ितथ छु इन्सान त्रऺहरान। ख़बर हाबा यिमन वीडियोहन मंज़ कोताह पज़र छु आसान। तीज़मालि वॊन बरादरस। पॊज़ अपुज़ छु यिवान हावनॖ यिमन मोबाईलन मंज़ अकि सुबॖ प्यठॖ ब्यॆयिस सुबहस ताम। वख वोत ज़ि व्वंय छु पॊज़ बासान अपुज़ तॖ अपुज़ बासान पॊज़। बरादरन द्युत जवाब तीज़मालि। मगर च्योन वनुन ति छु पॊज़ ज़ि कॆंह कॆंह वीडियो छि तिथ्य यिमन वुछिथ इन्सान छु वाकय त्रऺहरान। अज़ क्याह वुछुथ च़्यॆ मऻजी। नक़ली दवा, नक़ली ग्यव, नक़ली द्वद, नक़ली ठूल, नकली त्वमुल, नक़ली मसालॖ, नक़ली नोट तॖ ब्यॆयि ति क्याहताम क्याहताम। बॖ वनय क्याह क्याह। तीज़मालि वॊन बरादरस पनॖन्यन कनन थफ करान करान। तवय छि मऻजी असि लूकन मंज़ बजि बजि तॖ खोच़वुन्य दऻद्य व्वत्लिथ यिवान। यॆम्य मोबाईलन हाबा मुच़रावि सानि ॳछ्य। सोंचान छस ज़ि यि आस्या सोरुय पॊज़। तीज़मालि प्रुछ़ बरादरस। यिमन चीज़न हॖन्द्य नाव च़्यॆ ह्यॆतिथ मऻजी सोरुए छु पॊज़। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

27.07.2022

।नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

27.07.2022 श्रावनॖ (श्रावण) गटॖ पछॖ (कृष्ण पक्ष) च़्वदह (चतुर्दशी) ब्वदवार (बुधवार), श्री सप्तर्षि सम्वत 5098, नक्षत्र पुनर्वस, राश कर्कट (रऻच़ हॖन्ज़ि 12.21 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी  नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी राथ ओसुय च़्यॆ गऺलत बूज़मुत। क्याह सना। तीज़मालि प्रुछ़नस  सऻन्य राष्ट्रपति श्रीमतॏ द्रौपदी मुरमुर हय छि आदिवासी तब्कॖच नकि दलित।  आहनबा म्यॆ फिच़ेयि ज़्यव। वनुन ओंसुम क्याहताम वऺनिथ गऺयस क्याहताम।ॳथ्य छि वनान लफ्ज़ॖ फ्युर। बरादरन दॊपनस। आहनबा ति छु पॊज़ दपान छि ना ज़्यवॖय छि तारान ज़्यवॖय छि मारान। तीज़मालि वॊन बरादरस। ब्यॆयि किहे छि नऺव ताज़ॖ ख़बरा मऻजी। बरादरन प्रुछ़ तीज़मालि। हत्बा नऺव ताज़ॖ क्याह वनय। यनॖ यि मोबाईल आव बारसस तनॖ ज़न बासान म्यॆ ज़ि असि सारिनी लूकन मंज़ कुस ताम जिन ज़न च़ामुत। त्युथ क्याह बास्योय च़्यॆ मऻजी। बरादरन कॊर सवालॖ तीज़मालि। बॖ हाबा ॴसॖस ल्वकॖचारस बोज़ान ॳलादीन कां चिराग यॆमिस निश आसाहे  सु ओस ज़गतॖचॖ सारेयि कामि फटाफट करनावान रोज़ान तऺमिस जिनस दऺस्य युस अमि जोदूगऺरी च़ान्गि मंज़ॖ नमूदार ओस सपदान। यि मोबाईल छु म्यॆ बासान त्युथुय क्याहताम बलाया ह्यु। बासान ज़न छु दुन्यह्यूक सोरुय खज़ानॖ अथ मंज़ बऺरिथ तॖ ॳल्यफॖ प्यठॖ यॆयस ताम सऻरी  लूख छि अथ खज़ानस छ़ऻन्ड दिनस मंज़ दॊह तॖ राथ लऺगिथ। म्यॆ छु बासान मऻजी च़ॖति छख यछ़ान अथ मंज़ कॆंह लाल जवऻहिर छ़ान्डॖन्य। अल्बतॖ अख कथ कऺरॖथ च़्यॆ पऺज़ मऻजी। बरादरन वॊन तीज़मालि ज़ि ॳमि मोबाईलॖ सॗत्य गव असि ज़गतकिस कूनस कूनस सऺत्य म्युल मगर युस पानस नखॖ बिहिथ आसान छु ॳस्य गछ़ान तऺस्य निशि ब्यॊन। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

26.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

26.07.2022 श्रावनॖ (श्रावण) गटॖ पछॖ (कृष्ण पक्ष) त्रुवाह (त्रयोदशी), देवादेव, बॊम्वार (मंगलवार), श्री सप्तर्षि सम्वत 5098, नक्षत्र आर्द्रा, राश मिथुन (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल ॴस बासान ख्वश हिप तॖ बरादरन वॊनॖनस मऻजी अज़ गव म्यॆ मन प्रसन्न। कथ सना प्यठ। तीज़मालि प्रुछ़नस। च़ॖ वॖछ्यमख असवुनि मुद्रायि मंज़। मऻजी मन छु ख्वश सपदान यॆलि कांह असवुनि बुथि समखान छु। ति हाबा छुय पॊज़। तनाव छु यूत ज़ि असुन ज़न गव व्वंय गऻबॖय। आहनी मऻजी इन्सान हय अंसि तॖ असि किथॖपऻठ्य। बरादरन वॊन तीज़मालि। मारा मऻरी हुन्द तनाव अकि तरफॖ, द्रॊजरुक तनाव दॊयमि तरफॖ, बे-रोज़गऻरी ब्यॆयि तरफॖ, यपऻर्य गर्मी, हुपऻर्य सऺहलाब, अकि तरफॖ ब्वछिहऺत्य ब्यॆयि तरफॖ ख्वदकुशी। इन्सान छु वोल्योमुत तॖ दलदलस मंज़। असनस रूद नॖ वार कुनि। यिथ्यन हालातन मंज़ यॊदवय कांह असवुन समखि, ख्वश गछ़ि गछ़ुन। तवय मऻजी गोम मन ख्वश च़्योन असवुन बुथ वुछिथ। च़ॖ हाबा बजाह गछ़ुन। मगर ख्वश कथ कथि प्यठ ॴसॖख च़ॖ मऻजी। बरादरन प्रुछ़नस। राथ हाबा वुछिम द्रौपदी मुरमुर सानि वतनॖच राष्ट्रपति बनावं। ख्वश गऺयस यि वुछिथ ज़ि अख दलित ज़नान वऻच़ अथ पायदानस ताम। अछा तॖ यिहऻय ख्वश कथ ॴस। यि छा कम कॆंह। जवाब द्युत तीज़मालि बरादरस। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

25.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

---------------------------------- 

🙏🙏 नमस्कार माहरा

25.07.2022 श्रावनॖ (श्रावण) गटॖ पछॖ (कृष्ण पक्ष) बाह (द्वादशी), देवादेव, च़ऺन्दॖरवार (सोमवार), श्री सप्तर्षि सम्वत 5098, नक्षत्र मृघ, राश मिथुन (दुहचि 11.32 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़माल ॴस क्याहताम सोंचान ज़ि बरादरन दिच़ॖस ज़ीर तॖ प्रुछ़नस सोंचनुक सबब। तीज़मालि त्रोव ज़्यूठ व्वशा तॖ वॊनुन बरादरस ज़ि युहुस हाबा कऺड गरमन छ़ठ। ॴर्कॖ श्रान हाबा छु गछ़ान। प्यठॖ छु दम। बरादरन कऺर कथ पूरॖ। हत्बा दम तॖ श्रत गऺछ़्यतन तिमन तति यिमव ॳस्य कऺशीरि प्यठॖ  पनॖन्यव आल्न मंज़ॖ कऺडिथ यिमन तापॖ च़न्ज्यन मंज़ वातॖनऻव्य। मऻजी दपान तति ति छि गर्मॖ क्राय। बरादरन वॊन तीज़मालि। हत्बा कऺशीर ॴस कऺशीरॖय दफ अमापॊज़ असि ओस नॖ शॆहजार नऺसीबस तॖ लऺग्य यिमन बलायन। तीज़मालि त्रोव ब्यॆयि व्वशा तॖ वॊनुन बरादरस ज़ि अज़ हाबा छि श्रावनॖ ऱयतॖच दॊयिम च़ऺन्दॖरवार तति आसहऻव तॖ यारबल वऺसिथ करहऻव व्यतस्तायि मंज़ श्राना वाना तॖ दरहऻव फ़ाक़ा वाका मगर किथॖपऻठ्य। आहनी ति छु पॊज़। बरादरन ति कॊर इक़ॖरार तॖ वॊनुन तीज़मालि ज़ि यिम शुर्य ति करहऻन ग्वतॖ-ग्वथा पऻनिस मंज़ वायहऻन छ़ान्ठा वान्ठा। तिमव बिचार्यव ति वुछ नॖ कऺशीरि मन्ज़ुक मॏज मऻजी। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak..blogspot.com प्यठॖ ति)

24.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

24.07.2022 श्रावनॖ (श्रावण) गटॖ पछॖ (कृष्ण पक्ष) काह (एकादशी) आथवार (रविवार/ऐतवार), श्री सप्तर्षि सम्वत 5098, नक्षत्र रोहिन, राश वृष (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि वॊन बरादरस ज़ि युहुस हाबा वुछ म्यॆ अख वीडियो यथ मंज़ कॆंह कऻशिर्य बटॖ वुछिम श्रीनगरॖ हवऻई अड्डस प्यठ तिमन मुस्लमानन ज़वर्दस्त ख्वश आवय करान यिम हज कऺरिथ आमॖत्य ॴस्य। बरादरन प्रुछ़ तीज़मालि ज़ि च़्यॆ हय आसी ब्रोंत गोमुत मऻजी कऻशुर बटॖ क्याज़ि करि ख्वश आवय तस युस हज कऺरिथ आव। नबा ब्रोंत गोम नॖ। पॊज़ छसय वनान। तीज़मालि वॊन बरादरस। हालांकि बॖ गऺयस पानॖ हऻरान यि वुछिथ। बॖ छस सोंचान ज़ि मुस्लमान छा करान यिथॖ पऻठ्य ख्वश आवय कऻन्सि बटस युस महादेवॖ प्यठॖ या अमरनाथॖ प्यठॖ या कुनि ति तीर्थॖ स्थानॖ प्यठॖ फीरिथ यिवान छु। बरादरन वॊन तीज़मालि ज़ि म्यॆ छुनॖ बूज़मुत ज़ांह ति मु्सलमान बटस करान ख्वश आवय। खबर हाबा असि कऻशिर्य बटन क्याह छुन होवमुत। असि छु नॖ वुनि ति ह्यन रोजान। तीज़मालि वॊन बरादरस ज़ि अज़कल दपान सरकारन छि कऺरमॖच़ जान व्यवस्था अमरनाथ यात्रायि वति। केंच़व संस्थायव छि वति वति ख्यन-ख्वर्दनी हुन्द इन्तिज़ाम कॊरमुत यात्रीयन हॖन्दि बापथ। ॶमरनाथ ग्वफायि मंज़ ति दपान आमुत छु शॆश्यतुरुव काठकर लगावनॖ तॖ ब्यॆयि ति कॆंह कॆंह शूबिदार कऻम कऺरमॖच़ यॆमि सॗत्य ग्वफायि हॖन्ज़ रोनक बडेमॖच़ छि। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

23.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

23.07.2022 श्रावनॖ (श्रावण) गटॖ पछॖ (कृष्ण पक्ष) दऺहम (दशमी), देवादेव, बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र कृति, राश वृष (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मलि वॊन बरादरस ज़ि कऺशीरि मंज़ हाबा ॴस्य नमतॖ ब्रॊंह बोज़ान ज़ि श्रावनॖ पुनिम दॊह ओस यिवान यात्रायन या यिमन तीर्थन गऺछ़िथ तति शिव लिंग या शिव मूर्ती हुन्द  दर्शुन करनॖ। सऻरी श्रद्धालूॴस्य यिमन मन्दरन या ग्वफायन ताम वातान सिरिफ श्रावनॖ पुनिम दुहुय तॖ दर्शुन कऺरिथ ॴस्य वापस फ़ेरान। आहनी मऻजी ती ॴस्य प्रथा खबर कॗति कालॖ प्यठॖ। शेंक्राचार, अमरनाथ, महादेव, गंगॖजटन, सऺर्यश्वर, हऺर्यश्वर, द्यऻन्यश्वर या कुनि ति शिवालय मन्दर। बरादरन वॊन तीज़मालि। मगर हाबा यि प्रथा छॆ नॖ नज़र यिवान अमरनाथ यात्रा करनस मंज़ व्वंय नमतॖ पतॖ। ख़बर क्याज़ि रूज़ नॖ यि प्रथा बरक़रार पऺत्यम्यव केंच़व वऺर्यव प्यठॖ। च्योन वनुन छु पॊज़ मऻजी। अमरनाथ यात्रा छि व्वंय श्रावनॖ पुनिम ब्रॊंह ज़ॖ डाय ऱयथ प्यठॖ शॊरु गछ़ान तॖ यात्री छि करान रोज़ान शिव लिंग दर्शुन। तीज़मालि प्रुछ़ बरादरस ज़ि च़ॖ ओसुख ना वनान ज़ि अमरनाथ ग्वफायि मंज़ुक शिव लिंग ओस गटॖ पछस मंज़ गटान गटान रोज़ान तॖ मालहि दॊह ओस अदृश्य सपदान। आहनी ती ॴस्य वनान तमि वख्तॖ यॆलि ॳस्य गऺयि यि अमरनाथ यात्रा करि अज़ सतहीठ वऺरी ब्रोंठ। मगर अज़कल क्याह छु यात्रीयन यिवान नज़र तति श्रावनॖ ज़ूनॖ पछॖ ऒक्दॊह ब्रोंठ दय ज़ानि। बरादरन वॊन तीज़मालि। बॖ हाबा ॴसॖस बोज़ान ज़ि मंज़ॖ ओस नमतॖ पतॖ कमि ताम वऺर्यि ग्वफायि मंज़ुक शिव लिंग पूरं पऻठ्य  अदृश्य सप्द्मोमुत केंच़स कालस तॖ श्रद्धालू ॴस्य गऻमॖत्य परेशान तॖ हऻरान मगर दपान ॴस्य पतॖ मा ओस सु शिव लिंग कर ताम ब्यॆयि पनॖनिस आकारस मंज़ बन्योमुत। ख़बर हय पॊज़ क्याह तॖ अपुज़ क्याह। बोज़नस मंज़ छि ख़बर क्याह क्याह बोज़ान रोज़ान दफ अल्बतॖ पॊज़ गव ती यि इन्सान पनॖन्यव ॳछव वुछि। कथ छि जऻरी 

**********************

कऻशुर  ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

22.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

22.07.2022 श्रावनॖ (श्रावण) गटॖ पछॖ (कृष्ण पक्ष) नवम (नवमी), देवादेव, शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र भरण, राश वृष (रऻच़ हॖन्ज़ि 11.01 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश -- मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

शिव लिंग दर्शुन कऺरिथ ह्यॆच़ असि वापस यिनॖच सखर करॖन्य। श्रावनॖ पुनिम दुहुय द्रायि पन्चतरनी कुन। पडावॖ पडावॖ वऻत्य ॳस्य च़ूर्यमि दॊह पऺहलगाम। वापस यिनॖ विज़ि ॴस नॖ कुनिच बऺन्दिश। छ्यॆडि ब्रोंह या पथ मर्ज़ी ॴस पनॖन्य। गुर्यवऻल्य तॖ ब्यॆयि ज़ऻन्पानॖवऻल्य ति गऺयि फार्यग यात्रीयन पऺहलगाम ताम वातॖनऻविथ। ज़िमनी प्यॆयम अख कथ याद। क्याह सना। तीज़मालि प्रुछ़ बरादरस। अथ वति मंज़ ॴस क्वसताम जाय मंज़ॖ यॆतिनस गुर्यवऻल्य ॴस्य नॖ पनॖन्यन गुर्यन जंगली गासॖ ख्यनॖ दिवान। क्याज़ि। प्रुछ़ तीज़मालि बरादरस। दपान ॴस्य सु गासॖ ओसमुत ओस ज़ऺहरीलि यूत ज़ि पॊश याम सु गासॖ ख्यवान ओस सु पॊश ओस नॖ ज़िन्दॖ रोज़ान। तथ अलाकस मंज़ दपान गुर्यवऻल्य ॴस्य पनॖन्यन गुर्यन हुन्द ख़ास ख़याल थवान। पऺहलगाम वऻतिथ कॊर किरायि प्यठ ह्यॊतमुत सोरुय सामान वापस तॖ थखा वखा कऺडिथ कऺर गरॖ वापस वातनॖच तयऻरी। मऻजी यिथॖ पऻठ्य कऺर असि यि यात्रा पूरॖ। बरादरन वॊन तीज़मालि। भगवान  थऻव्यनव वारॖ वति। अज़कल छु वुछनस मंज़ यिवान ज़ि अमि यात्रायि हून्द मत्लबॖय ज़न अलग। तीज़मालि वॊन बरादरस। च्यानि वनॖनुक मत्लब क्याह छु म्यॆ ज़न तॊर नॖ फिकरी मऻजी। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast. दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

21.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

21.07.2022 श्रावनॖ (श्रावण) गटॖ पछॖ (कृष्ण पक्ष) ॴठम (अष्टमी), देवादेव, ब्रसवार (गरूवार/वीरवार/ब्रहस्पतवार), श्री सप्तर्षि सम्वत 5098, नक्षत्र आश्विन, राश मेष (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामॏरी मंज़ - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

शिव लिंग दर्शुन कॊर मऻजी तॖ पॊज़ हय बोज़ख विश्वास आव नॖ ज़ि क्याह पऺज़्यपऻठ्य छा ॳस्य अमरनाथ ग्वफायि मंज़ वऻतिथ यि दर्शुन करान। शिव लिंग शीनुव बन्योमुत लिंग गऺरिथ तॖ च़ऺरिथ मंज़ ग्वफायि ॳकिस थऺदिस तॖ बऺडिस पंडालस प्यठ अकि अंदॖ  दॊपुख ओस गणपथ जी तऺथ्य नखॖ अख ल्शकॖट शीनॖ मऻन्य दॊपुख यि ॴस्य पार्वती तॖ तऺथ्य सॗत्य वाहरऻविथ शीनॖ च़ादर यथ दॊपुख यि ओस बानॖकुठ शिव परिवारुक। ग्वफायि अन्दर शीनॖव यिम आकार वुछिथ ओस प्रथ अख यात्री हऻरान यि मऻनिथ ज़ि वाकय ओस यि अख चमत्कार। ज़्यादॖकालस तत्यन रोज़नस ओस नॖ व्यस्तार। हालांकि ग्शफा ॴस बऺड बऺड खुलॖ डुलॖ मगर यात्रीयन हॖन्ज़ बीरॖ ॴस नॖ ठऺहरॖनॖ दिवान। ग्वफायिचि तालवॖ प्यठॖ ॴस्य पां फॆर्य प्यवान रोज़ान तॖ यात्री ॴस्य ह्यॊर कुन बुथ कऺरिथ यिमन पां फॆर्यन ॴस दऻरिथ प्रारान कर प्यॆयि यि अमृत स्यॊद ॳसस मंज़। यि दृश्य ति ओस वुछुन लाय़क़ दृश्य। मन ओस नॖ करान अमि ग्वफायि प्यठॖ पॊत फेरुन मगर मजबूरी ॴस वापस ओस पनॖन्यन पनॖन्यन गरन ताम वातुन। बरादर गव वनान तॖ तीज़माल रूज़ बोज़ान छ़ॊपॖ दम कऺरिथ। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

20.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

20.07.2022 श्रावनॖ (श्रावण) गटॖ पछॖ (कृष्ण पक्ष) सतम (सप्तमी), देवादेव, ब्वदवार (बुधवार),  श्री सप्तर्षि सम्वत 5098, नक्षत्र रेव, राश मेष (दुहचि 12.49 बजि प्यठॖ), द्रठॖपऻन्च़ुक (पंचक) समाप्त, ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

च़्ववापऻर्य पहाडॖय पहाडॖ। पहाडॖ दामनॖ दामनॖ उमरावऺती हुन्द यख यख पोन्य कनि पलन सॗत्य छावान छावान तॖ श्रॊन्य श्रॊन्य आवाज़ि मंज़ तेज़ रफ्तारि मंज़ दवान कॊत ताम कुन। यॆमि तरफॖ यात्रीयन हुन्द शिव नाव स्वरान रोज़ुन तॖ शंखॖ नाद कनन गछ़ुन मऻजी क्याह वनय सु दृश्य क्याह ओस। बरादरन वॊन तीज़मालि। वाय मथ छुम गछ़ान काव लऻगिथ वातॖहऻ बॖति तथ अमरनाथचि ग्वफायि ताम तॖ करहऻ शिव लिंग दर्शुन। तीज़मालि वॊन बरादरस। मऻजी तथ अलाकस मंज़ ओस नॖ जानावारन हुन्द  नामों निशान कुनि मगर महादेव सॖन्ज़ि लीलायि सॗत्य कॊर असि दीदार कोतर जोरि हुन्द। हय क्याहबा छुख वनान। यि कोतर जूर्य कति ॴयी च़्यॆ नज़र। तीज़मालि प्रुछ़ बरादरस। मऻजी दपान ॴस्य ज़ि अथ अमरनाथ ग्वफायि मंज़ छि कोतर जूर्य वास कऺरिथ तनॖ प्यठॖ यनॖ प्यठॖ यि ग्वफा ॴसमॖच़ छि तॖ यनॖ प्यठॖ यि शिव लिंग ओसमुत छु। बरादरन वॊन तीज़मालि। शिव सॖन्ज़ लीला छि अपरम्पार मऻजी। यूतुय योत नॖ, दॊयिम चमत्कार ति बोज़ मऻजी। क्याह सना। तीज़मालि प्रुछ़नस। तमि वख्तॖच मान्यता ॴस ज़ि ग्वफायि मंज़ुक शिव लिंग ओस गटॖ पछस मंंज़ गटान गटान मावसि दॊह अदृश्य सप्दान तॖ ज़ूनॖ पछस मंज़ बडान बडान श्रावनॖ पुनिम दॊह बऺडिस आकारस मंज़ बोज़नॖ यिवान। बरादरन वॊन तीज़मालि। कथ छि जऻरी

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

19.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

19.07.2022 श्रावनॖ (श्रावण) गटॖ पछॖ (कृष्ण पक्ष) शॆयम (षष्ठी), देवादेव, बॊम्वार (मंगलवार), श्री सप्तर्षि सम्वत 5098, नक्षत्र उ.भा, राश मीन (चलान), द्रठॖपऻन्च़ुक (पंचक) (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

दॊह ओस श्रावनॖ पुनिम। पन्चत्तरनी प्यठॖ ओस वातुन अमरनाथ ग्वफायि ताम तॖ ओस करुन शिव लिंग दर्शुन। सऻरी श्रद्धालू ॴस्य हर हर महादेव वनान, शंख नाद ओस ग्रज़ान। वातान वातान वऻत्य ॳस्य ॳकिस दऺर्यावस नऺज़दीक। अथ दऺर्यावस ओस नाव दपुख उमरावती। अति कॊर श्राना वाना। यात्री वुछ्य क्याहताम सफ़ेद म्यॆच़ हिश बुथ्यन मथान यथ दॊपुख ज़ि यि छि आसान अमरभूती। असि ति मऺछ़ पनॖन्यन पनॖन्यन बुथ्यन। अति प्यठ गऺयि लऻन लगान तॖ बनेयि वारॖ वारॖ अख बऺड लऻन। ब्रोंह ब्रोंह सऻरी बाबाजी, साधु-संत, कॖसॖमवार बाबाजी तॖ तिमन पतॖ पतॖ यात्री कऻशिर्य, पंज्येब, ज़नानॖ, मर्द, वुछुन लाय़क़ दृश्य। अख  बऺड ग्वफा। कॆंह सेवादार,पुलिस यिम अतिच व्यवस्था संबऻलिथ ॴस्य। क़दम क़दम ॴस्य ब्रोंहकुन कडान। बरादरन वॊन तीज़मालि ज़ि मऻजी सु नज़ारॖ बयान करुन छु मुश्किल। गुर्यवऻल्य ॳस्य अकि अंदॖ यात्रियन हुन्द सामान ह्यॆय ह्यॆय। ज़ऻन्पानव मंज़ॖ ति द्रायि यात्री तॖ ह्यॆतिन लऻनि मंज़ लगॖन्य। तीज़मालि द्राव म्वखॖ मंज़ॖ ओम् नम: शिवाय। वॊदॖन्य कॗतिस कालस प्योवॖ रोज़ुन। तीज़मालि प्रुछ़ बरादरस। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

18.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

18.07.2022 श्रावनॖ (श्रावण) गटॖ पछॖ (कृष्ण पक्ष) पऻन्च़म (पंचमी), देवादेव, च़ऺन्दॖरवार (सोमवार), श्री सप्तर्षि सम्वत 5098, नक्षत्र पू.भा, राश मीन  (सुबहॖचि 06.33 बजि प्यठॖ), द्रठॖपऻन्च़ुक (पंचक) (चलान), ऋतु वऺहरात (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

थऺक्यमॖत्य ॴस्य सऻरी योर ताम वातान वातान यि दऺप्यज़ि ति क्रॊथॖ ओस गोमुत मगर सॗती ॴस मनॖच खुशी ज़ि सुबहस नीरिथ वातव अमरनाथ ग्वफायि ताम तॖ करव शिव लिंग दर्शुन। बरादरन वॊन तीज़मालि। यि बालतलॖच वथ क्याज़ि सना ॴस खतरनाक। तीज़मालि प्रुछ़ बरादरस। तिमन दॊहन ओस बोज़नस मंज़ आमुत ज़ि बालतलॖ तरफॖ य्वॊस वथ छि स्व वथ छि कमि ताम फहाड पहाडॖ किन्य स्यॊदुय ग्वफायि ताम वातनावान मगर दपान ॴस्य ज़ि शीनॖ प्यॆठ छु प्यवान पकुन, कुनि कुनि जायि तुलॖकतुर आसनॖ म्वखॖ ओस पऻदल पकन वाल्यन रिकिन गछ़नुक या खर गछ़नुक खतरॖ रोज़ान तॖ भगवान  रऺछिन यॊदवय कऻन्सि ख्वर ओरॖ योर डलिहे सु यीहे नॖ अथी कुनि। हालांकि तमि वति ॴस्य नॖ आम यात्री यिवान गछ़ान मगर यिम कॆंह लूख स्वनॖमर्गॖ तरफॖ रोज़ान ॴस्य या यिमन तपऻरिम वथ यऺच़ ॴस आसान तिमय ॴस्य अमरनाथ यात्रा तमि वति करान रोज़ान। बरादरन वॊन तीज़मालि। खबर कऺच़ दॊह ॴस्य लगान तमि वति ग्वफायि ताम वातनस। तीज़मालि प्रुछ़ बरादरस। छ़ॊट वथ आसनॖ म्वखॖ दपान तपऻर्य ॴस्य यात्री श्रावनॖ पुनिम कालॖ गरि नीरिथ पुनिम दॊह दर्शुन कऺरिथ ऒक्दॊह दॊह वापस गरॖ वातान रोज़ान। बरादरन वॊन तीज़मालि। अज़कल आसि यि वथ व्वंय जान बनेमॖच़। तीज़माल ॴस यछ़ान ज़ानुन। दय ज़ानान। तनॖ ति गव ज़माना अख यॆलिच कथ म्यॆ वऺन्यमय। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

17.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

17.07.2022 श्रावनॖ (श्रावण) गटॖ पछॖ (कृष्ण पक्ष) च़ोरम (चतुर्थी), देवादेव, आथवार (रविवार/ऐतवार), श्री सप्तर्षि सम्वत 5098, नक्षत्र शत, राश कुम्भ (चलान), द्रठॖपऻन्च़ुक (पंचक) (चलान), ऋतु वऺहरात (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

वावज्यनॖ प्यठॖ पन्च़तरनी पडावस कुन पकान पकान प्यॆयि केंच़न यात्रीयन शीशनाग सरस मंज़ कथ ताम कुन नज़र तॖ तुलुख शोर। बरादरन वॊन तीज़मालि। शोर क्याज़ि तुलुख। तीज़मालि प्रुछ़ बरादरस। तिमव वुछ सरस मंज़ बॊड स्वरूफ कलॖ थॊद थऻविथ फन वाहरऻविथ तॖ दिच़ॖख क्रख शीशनाग जय हो। म्यॆ बुथि ओस अख यात्री यॆमिस दूरबीन सॗत्य ॴस तॖ ओस वुछान यि नज़ारॖ पनॖनि दूरबीनि मंज़्य। म्यॆ वॊन तऺमिस ज़ि बॖति वुछॖहऻ यि क्याह छु। तऺम्य दिच़ म्यॆ दूरबीन तॖ म्यॆ वुछ यि अद्धभुत नज़ारॖ। यीतिस कालस म्यऻन्य गरिक तथ जायि ताम वऻत्य शीशनाग ओस गोमुत पऻनिस अन्दर तॖ पतॖ ति आव नॖ नज़र। यिथॖ तिथॖ करान वऻत्य सुय ज़ॖ त्रॆ बजि पन्चतरनी तॖ लऺग्य तऺथ्य कामि याने च़्वल खनॖन्य, काठ सॊम्बरुन, बत्तॖ-स्युन रनुन, ख्यॊन तॖ डाफा त्रावुन। मोसॖम ओस ख्वशयुवुन, साज़गार। अमि फतॖ कुस बा पडाव ओस। तीज़मालि प्रुछ़ बरादरस। पन्चतरनी पतॖ ओस स्यॊदुय ग्वफायि ताम वातुल तॖ शिवलिंग दर्शुन करुन। अमरनाथ ग्वफायि ताम वातनॖ बापथ छि ब्याख वथ ति। बरादरन वॊन तीज़मालि। ब्याख क्वसबा वथ छि तोर वातनॖ बापथ। तीज़मालि प्रुछ़ बरादरस। ब्याख वथ छि मऻजी बालतल याने स्वनॖमर्गॖ किन्य। यि छि बिल्कुल छ़ॊट वथ ग्वफायि ताम वातनॖ बापथ मगर यि वथ दपान छि स्यठाह खतरनाक वथ। ख़बर ठ्याज़ि। तीज़मालि प्रुछ़ बरादरस। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak blogspot.com प्यठॖ ति)

16.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

16.07.2022 श्रावनॖ  (श्रावण) गटॖ पछॖ (कृष्ण पक्ष) त्रय (तृतीया), देवादेव, बटॖवार (शनिवार/शनिश्चरवार), श्री सप्तर्षि सम्वत 5098, नक्षत्र धनिष्ठा, राश कुम्भ (चलान), द्रठॖपऻन्च़ुक (पंचक) (चलान), ऋतु वऺहरात (चलान)...अज़ छि संकट च़ोरम (संकट निवारण चतुर्थी) ति 

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

वावज्यन वऻतिथ द्वयि त्रॆयि बजि ब्यॆयि कॊर ती यि च़न्दनवारि कॊर कालॖ यानै च़्वल खनॖनन्य, काड सॊम्बरुन, बत्तॖ-स्युन रवुद तॖ डाफा त्रावुन। बरादरन वॊन तीज़़मालि। बावज्यनॖ पतॖ कुस बा पडाव ओस प्यवान। तीज़मालि प्रुछ़ बरादरस। वावज्यनॖ पतॖ ओस मऻजी पन्चतरनी पडाव यॊत वातान वातान ओस मंज़ॖ यिवान शीशनाग। बरादरन वॊन तीज़मालि। यि शीशनाग छाबा काह नाग वाग कॆंह। तीज़माल ॴस यछ़ान ज़ानुन। शीशनाग हय छु मऻजी  बॊड बारॖ सर, साफ़ शफ़ाफ़ पोन्य। पहाडॖ दामनस तल। मऻजी म्यॆ हय छु कॊरमुत शीशनाग सॖन्द दर्शुन ति।  शीशनाग सुन्द दर्शुन। ति क्याह गव। म्यॆ ज़न तॊर नॖ फिकरी। मऻजी मान्यता छि ज़ि अथ सरस मंज़ छु शीशनाग स्वरुफ सथ कलॖ कऺरिथ वास करान तॖ यि छु मंज़्य मंज़्य कलॖ थॊद तुलिथ नच़ान रोज़ान तॖ पतॖ ब्यॆयि सरस मंज़ गऻब गछ़ान। बरादरन वॊन तीज़मालि। हय ख़बर क्याह छुय बूज़मुत। तीज़मालि आयि नॖ पछ़ बरादरसॖन्ज़ि कथि प्यठ। बरादरन वॊन तीज़मालि ज़ि बॖ छुसय पनॖनि माजि हुन्द क़सम हावान ज़ि म्यॆ छु साक्षात दर्शुन कॊरमुत। किथॖ पऻठ्य हाबा। यपऻर्य दपान छुख ज़ि यि सर छु पहाडॖ दामनस तल। च्यॆ कति ओय बोज़नॖ तॖ क्याह वुछुथ च़्यॆ। तीज़मालि कॊर शवाल बरादरस। यि छय बोज़ॖन्य लायक़ कथ। बरादरन द्युतनस जवाब। तलबा बोज़नाव। तीज़माल ॴस यछ़ान यि बोज़ुन। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

15.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

15.07.2022 श्रालन (श्रावण) गटॖ पछॖ (कृष्ण पक्ष) द्वय (द्वितिय), देवादेव, शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र श्रयन, राश कुम्भ (रऻच़ हॖन्ज़ि 04.15 बजि प्यठॖ), द्रठॖपऻन्च़ुक (पंचक) शॊरु,ऋतु वऺहरात (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि दॊयिमि दॊह सुबहऻय गव छ्यॆडि हुन्द शंख नाद कनन तॖ ग्वसान्यन हॖन्दि शोर-ओ-गुलॖ सॖत्य गऺयि सऻरीय याथी तयार दोयिमि पडावॖ बापथ। दॊयिम पडाव कुस बा ओस प्यवान। तीज़मालि प्रुछ़ बरादरस। चन्दनवोर  ओस मऻजी दॊयिम पडाव। कोताह फऻसलॖ ओस प्यवान तय करुन पऺहलगामॖ प्यठॖ च़न्दनवोर ताम। तीज़मालि प्रुछ़ बरादरस। क़रीबव ॴठ नव मीन ओस प्यवान पऻदल पकुन। तमि वख्तुक अख मीन गव ॳज़्युक डॏड किलोमीटर। छ्यॆड्य ॴस ब्रोंह ब्रोंह पकान तॖ यात्री ॴस्य तिमन पतय पकान रोज़ान। प्रभातन पऺहलगाम त्रऻविथ ॴस्य च़न्दनवोर दुहचि द्वन त्र्यन बज़रगन ताम वातान। गुर्यवऻल्य ति ॴस्य सॗत्य सॗती आसान। च़न्दनवोर वऻतिथ ॴस्य थख कडान तॖ मर्द मर्दन ॴस्य ग्वडॖ च़्वल खनान।कमि बापथ। तीज़मालि प्रुछ़नस। बत्तॖ-स्युन रननॖ बापथ। चूंकि यि सोरुए अलाकॖ ओस पहऻडी तॖ जंगल। दछिन्य खोवुर्य ॴस्य कुल्यन हुन्द काठ सॊम्बरावान तॖ ज़ालान रोज़ान अथ च़्वलि मंज़ तॖ ओस बत्तॖ-स्युन तयार गछ़ान। बॏवलियन प्यठ ॴस्य अथॖ ख्वर चलान, श्राना करान, बानॖ-वानॖ छलान रोज़ान। खॗमॖ ॴस्य खडा करान तॖ ॴस्य श्वॊंगाम। शामन ॴस्य ब्यॆयि ख्यवान च्यवान तॖ त्रॆयमि पडावॖच तयऻरी करान। सामान वटनस या वाहरावनस ॴस्य गुर्यवऻल्य ति बराबर मदद करान रोज़ान। अमि पतॖ कुस बा पडाव ओस आसान। च़न्दनवारि पतॖ ओस त्रॆयिम पडाव वावज्यन मगर तमि पडावॖ मंज़य ओस प्यवान खसुन पहाडस यथ वनान ॴस्य पिश्य-बाल। यि पहाड़ ओस हना सख़ खसुन आसान। बरादरन वॊन तीज़मालि। मगर महादेव सॖन्ज़ि कृपायि सॗत्य ॴस खसान सऻरी। त्रॆयमि दॊह ॴस्य तिथय पऻठ्य न्यॆन्दरि वॊथान छ्यडि हॖन्ज़ॖ शंख-नादॖ  सॗत्य न्यॆन्दरि व्वथान तॖ नेरान ॴस्य वावज्यन कुन। कत्थ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

14.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

14.07.2022 श्रावनॖ (श्राज्ण) गटॖ पछॖ (कृष्ण पक्ष) ऒक्दॊह (प्रथमा/प्रतिपदा), ब्रसवार (वीरवार//ब्रहस्पतवार), श्री सप्तर्षि सम्वत 5098, नक्षत्र उ.षा, रास मकर (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि म्यॆ छु याद प्यवान ज़ि यॆमि दुकानॖ प्यठॖ खॗमॖ ॴस्य अनान किरायस प्यठ सु ओस दिवान अख बऺड लूर वति डऺखरावनॖ बापथ तॖ ब्यॆयि ॴस्य तुलान तऺमिस निशि ख्वरन लागनॖ बापथ फॖलीट। फॖलीट लऺगिथ ॴस पकनस मंज़ सहुलियत वातान। यिम मॊज़ूर यात्रीयन ज़ऻम्पानस मंज़ नख़स प्यठ तुलिथ पकॖनावान ॴस्य तिम ॴस्य पकान पकान पानॖवुन्य ग्यवान रोज़ान। ग्यवनॖक कंह बोल छि अज़ ताम म्यॆ याद। तलबा बोज़नाव। तीज़मालि वॊन बरादरस। वनान रोज़ान ॴस्य - डोलि क्यथ छय, डुलॖनावॖन्य छय। माज़ खार छय, वातॖनावॖन्य छय। लोटन छुय, छ़ोटॖ मारुस। कनि पल छुय, ॳन्द्य त्रावुन छुय। पान पनुनॖय,दॊर थावुन छुय।सिल गॆफि ताम वातुन छुय। वगैरा वगैरा। अख व्यवस्था ॴस पऺहलगामस मंज़ ज़ि यात्री सुन्द नाव पताह ओस यिवान बाज़ऻब्यतॖ दरॖज करनॖ तॖ सॗती ओस गुर्य वऻल्यन सुन्दर ति नाव पताह  यिवान दरॖज करनॖ ताकि यात्रीयन हुन्द सामान रोज़ि सऺही सलामत। तिमन दॊहन ॴस नॖ वथ हम्वार ति आसान। मगर तिमन वतन प्यठ वक़तस ओस अख अलगॖय मज़ॖ आसान। बरादरन वॊन तीज़मालि। खॗमॖ कत्यन ॴस्य लागान तॖ कुस ओस लागान। तीज़मालि प्रुछ़ बरादरस। पडावस प्यठ वऻतिथ ॴस्य सऻरीय ह्यमतो समतो कऺरिथ यि कऻम करान।बरादरन वॊन तीज़मालि। आदबा तॖ ख्यनस-च्यनस क्याह ॴस्य करान। प्रुछ़ तीज़मालि बरादरस। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(,यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)

13.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

13.07.2022 हारॖ (आषाढा) ज़ूनॖ पछॖ (शुक्ल पक्ष) पुनिम (पूर्णिमाशी) ब्वदवार (बुधवार), श्री सप्तर्षि सम्वत 5098,

नक्षत्र पू.षा, राश मकर (रऻच़ हॖन्ज़ि 04.33 बजि प्यठॖ)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि पऺहलगामॖ ॴस्य गुर्यवऻल्य खलि आसान तॖ तिम ॴस्य पनॖन्य गुर्य पूरॖ यात्रायि बापथ किरायि प्यठ दिवान रोज़ान। गुर्य क्याज़ि बा ॴस्य प्यवान किरायि प्यठ रटॖन्य। तीज़मालि प्रुछ़ बरादरस। तिमन दॊहन ॴस अख प्रथा यि ज़ि यात्री ॴस्य अकि हफ्तॖ बापथ ख्यन-ख्वरदऺनी सामान पनन्यन गरव प्यठॖ सॗत्य तुलान। पऺहलगाम वऻतिथ ॴस्य दुकानव प्यठॖ खॗमॖ किरायि प्यठ अनान तॖ यि खॗमॖ तॖ बकाया सामान ओस यिवान गुर्यन प्यठ सारनॖ। गुरिस कुस ओस पकनावान। तीज़मालि प्रुछ़ बरादरस। गुर्यवोल तॖ ब्यॆयि कुस। बरादरन वॊनॖनस। गव गुर्यवाल्य ति ॴस्य अमरनाथ यात्रा करान रोज़ान। तिम ॴस्य नॖ यात्रा करान मऻजी बऺल्कि तिम ॴस्य कमऻय करान रोज़ान। चूंकि यिम गुर्यवऻल्य ॴस्य सऻरीय मुस्लमान आसान यिमन ओस नॖ यात्रायि सॗत्य कुनि कॖस्मुक लेन-देन आसान। यूतुय योत नॖ, यिम गुर्यवऻल्य ॴस्य यात्रीयन ति गुर्यन प्यठ बॆहनऻविथ पऺहलगामॖ प्यठॖ ग्वफायि ताम तॖ वापस पऺहलगाम ताम निवान रोज़ान। अमि अलावॖ ॴस्य यात्री ज़ऻन्पानन मंज़ गछ़ान रोज़ान। ज़ऻन्पानन मंज़ तीज़मालि प्रुछ़ हऻरऻनी सान। आहनी मऻजी ज़ऻन्पानस मंज़। यि ज़ऻन्पानॖ ॴस्य च़ोर मॊज़ूर पनॖन्य नखन प्यठ तुलान रोज़ान। यिमन ज़ऻन्पानन मंज़ ॴस्य तिम यात्री आसान यिम पऻदल पऺकिथ ॴस्य नॖ ह्यकान तॖ गुर्यन प्यठ गछ़नस खोच़ान। यात्री ॴस्य पऺहलगामस मंज़ॖय यिम सऻरी चीज़ तम कऺरिथ दॊयमि पडावॖच तयऻरी करान रोज़ान। तीज़माल रूज़ बोज़ान बरादरसॖन्ज़ कथ बडॖ दिलचस्पी सान। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

12.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

12.07.2022 हारॖ (आषाढा) ज़ूनॖ पछॖ (शुक्ल पक्ष) त्रुवाह (त्रयोदशी), देवादेव, बॊम्वार (मंगलवार), श्री सप्तर्षि सम्वत 5098, नक्षत्र मूल, राव धनु (चलान), ऋतु वऺहरात (वर्षा) (चलान)...चूंकि पगाह छि च़्वदह (चतुर्दशी) रावान पगहुक वॊहरवोद यी ॳज़्य

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी यि छ्यॆड्य याने यिम सऻरी साध संत ॴस्य श्रीनगर अखाडा मन्दरॖ प्यठॖ पऻदल पकान पकान पऺहलगाम ताम वातान युस अमरनाथ यात्राय हुन्द ग्वडॖन्युक पडाव छु यिवान मानॖनॖ। यिम सऻरी साध संत ॴस्या पऻदल गछ़ान रोज़ान पऺहलगाम ताम। तीज़मालि प्रुछ़ हऻरऻनी सान बरादरस। आहनी मऻजी कम अज़ कम सऻरी अल्बतॖ कॆंह तिम साध संत यिम मऺर्यदियादम या कॆंह तिम यिम अपंग माने लऺन्ग्य ल्यॆच ॴस्य आसान तिम ॴस्य गाड्यव दऻस्य पऺहलगाम ताम वातान। बरादरन वॊन तीज़मालि। तिमन दॊहन आसॖ नॖ गाडि ति ज़्यादॖ मॊय्यसर आसान। साधन संतन ॴस्य त्रॆ च़ोर दॊह लगान पहलगाम ताम वातनस। आम यात्री ॴस्य श्रावणॖ पुनिम ब्रोंह शॆ सथ दॊह मंज़ॖ फरॖख थऻविथ पऺहलगाम वातनॖच कूशिश करान। एहतियात ओस यिवान वरतावनॖ सु गव यि ज़ि यॊत ताम नॖ छ्यॆड्य ग्वडॖ दॊयिमि पडावॖ बापथ नेरिहे आम यात्री ह्यकहऻन नॖ तिमन ब्रोंको नीरिथ। यि ओस सरकऻर्य ह्वॊकुम आसान।बरादरन वॊन तीज़मालि। यूत सख बन्दोबस्त ओसा आसान। तीज़मालि प्रुछ़ बरादरस। आहनी मऻजी यि ओस अख नियम तॖ प्रऻन्य परम्परा। तथ मंज़ छु नॖ कांह शक़। पऺहलगामॖ प्यठॖ ॴस असली यात्रा गछ़ान शॊरू ति क्याज़ि ॳकिस निर्धारित समयस ताम ओस आसान वातुन पऺहलगाम। ब्यॊन ब्यॊन जायव प्यठॖ ॴस्य श्रद्धालु स्यॊदुय पऺहलगाम वातान। पऺहलगामस मंज़ आसिहे जान रोनक़ आसान। तीज़मालि प्रुछ़ बरादरस।रोनक हय हनाह दफ शोलॖ ओस मारान पऺहलगाम तिमन दॊहन यॊत ताम यात्रायि अंद ओस वातान। ख्यनुक-च्यनुक इन्तिज़ाम क्याह सना ओस आसान। तीज़मालि प्रुछ़ बरादरस। दम ह्यु दि। च्यान्यन सारिनी सवालन दिमॖ बॖ जवाब। च़्यड कर हनाह। बरादरन वॊन तीज़मालि। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast  दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

11.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

11.07.2022 हारॖ (आषाढा) ज़ूनॖ पछॖ (शुक्ल पक्ष) बाह (द्वादशी), देवादेव, च़ऺन्दॖरवार (सोमवार), श्री सप्तर्षि सम्वत 5098,, नक्षत्र अनुं राश धनु (सुबहॖचि 05.15 बजि प्यठॖ), ऋतु वऺहरात (वर्षा) (चलान) 

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिन।  दुर्गा क्षमा शिवा धात्री स्वहा स्वधा नमोस्तुते 

**********************

बरादरन वॊन तीज़मालि ज़ि ॶमरनाथ याथा हय छि मऻजी च़्वन पान्च़न पडावन मंज़ पूरॖ गछ़ान।  प्रथ वऺर्यि ॴस्य श्रावणॖ पुनिम दॊह अमरनाथ ग्वफायि वऻतिथ शिव लिंग दर्शुन करान। अज़कल हय छि करान रोज़ान श्रावणॖ पुनिम ब्रोंठुय शिव लिंग दर्शुन।। यि कुस दर्शुन छु तॖ त्यॆलि कुस दर्शुन ओस आसान। तीज़मालि प्रुछ़ बरादरस। यिमन शेठन पान्च़हऻठन वऺर्यन मंज़ हय छि मऻजी ज़ऺमीन आसमानॖच फरॖख आमॖच़ तॖ नियमन मंज़ ति छु कति कोर बदलाव आमुत। च़्यॆ आसी म्यॆ बासान याद मऻजी ज़ि ग्वडॖ ॴस वख अकि छ्यॆड्य नेरान रोज़ान। तिमन पतॖ ॴस्य बकाया श्रद्धालू नेरान अमरनाथ यात्रायि बापथ। बरादरन वॊन तीज़मालि। आहनबा म्यॆ छु पूरॖ याद ज़ि कऺशीरि मंज़ ॴस ग्रख व्वथान बाबा जियन हॖन्ज़, साधन संतन हॖन्ज़। ब्यॊन ब्यॊन जायव प्यठॖ यिथ ॴस्य तिम साध संत गरॖ गरॖ फेरान भिक्षा मंगान रोज़ान  तॖ अमरनाथ गछ़नॖ बापथ पलव-दलव, ख्यन-ख्वरदनी  मंगान रोज़ान माने कॆंह नतॖ कॆंह नक़ॖद या जिनॖस। कऻशर्य बटॖ ति ॴस्य दिल मुच़ॖरिथ तॖ पूरॖ श्रद्धायि सान शिव नावस प्यठ दान करान रोज़ान। साधन सतन ख्यावान-च्यावान रोज़ान। बिल्कुल सऺही वॊनुथ च़्यॆ मऻजी। यि छ्यॆड क्याह बा ॴस आसान। तीज़मालि प्रुछ़ बरादरस। सऻरी साध-संत होरॖक्य योरॖठ्य दिशायव प्यठॖ ॴस्य यिवान तॖ कऺशीरि वऻतिथ ॴस्य तिम ॳकिस जायि समान तॖ पतॖ ॴस्य श्रावणॖ पुनिम ब्रोंठॖय कॆंह दॊह पऻदल नेरान ॳकिस जॊलूस किस रूपस मंज़ यथ दपान ॴस्य ज़ि छ्यॆड्य द्रायि। ब्रोंह ब्रोंह ओस आसान काह थदि पायुक संत अख ज़्यूठ डंडॖ ह्यथ। हरॖ हरॖ महादेव नाव ॴस्य स्वरान तॖ रुद्राक्ष मालायि जपान रोज़ान। यि छ्यॆड्य वुछनॖ बापथ ओस लूकन हुन्द हॊजूम ओमराकदलॖ अखाडा मन्दरस न्यबर जमाह गछ़ान। यि प्रथा ॴस वारियाह कालॖ प्यठॖ चलान।  कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऻस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

10.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

10.07.2022 हारॖ ,(आषाढा) ज़ूनॖ पछॖ (शुक्ल पक्ष) काह (एकादशी), देवादेव, आथवार (रविवार/ऐतवार), श्री सप्तर्षि सम्वत 5098, नक्षत्र विशा, राश वृश्चिक (चलान), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

बरादरन वॊन तीज़मालि ज़ि मऻजी म्यॆ छु बासान पंनुन पान स्यठा  ख्वशकॖस्मत  ज़ि कऺशीरि मंज़ रूज़िथ छि म्यॆ कॆंह यात्रायि करिमच़ॖ। कम कम सना। तीज़मालि प्रुछ़नस। मऻजी बॖ छुस गोमुत अमरनाथ, सऺर्यश्वर, हरिश्वर, द्यऻन्यश्वर, गंगॖजटन, गुदर तॖ ज्यॆमिस मंज़ वैष्नव देवी तॖ बूडा अमरनाथ पंच़ ब्यॆयि कॆंंह ल्वकचि म्वकचि यात्रायि। च़ॖ ओसकॖ कुनुय ज़ॊन गछान। तीज़माल प्रुछ़ बरादर। नाय मऻजी।  कुन ज़ॊन कथ लगि। म्यॆ छु याद ज़ि  त्यॆलि ॴस्य आसान परिवार बऺड्य बऺड्य तॖ सऻरी सऺमिथ। यात्रायन ॴस्य गछ़ान इतर्यन पितर्यन सॗत्य,  यारन दोसतन सॗत्य, हक़स हमसायह सॗत्य, अंगन ॴश्यनावन सॗत्य। अज़कल न छि तिम बऺड्य बऺड्य परिवार, न रूद्य हक़ हमसायि, अंग ॴश्यनाव छ़ॊकेयि तॖ दूरेयि, यार दोस्त ति रूद्य नॖ व्वफादार। अज़कल छि गछ़ान यात्रायि च़ॖ तॖ बॖ तॖ लुतॖ बब। ख़बर नॖ थवान अख ॳकिस। नज़र,गछ़ि नॖ पिलॖन्य ॳक्यसॖन्ज़ ब्यॆयि सॖन्ज़। अज़कल छु गोमुत पान्यो पान्यो। तीज़मालि च़ऺट बरादरसॖन्ज़ कथ यि वऺनिथ ज़ि आदबा तॖ बोज़नाव च़ॖ पनुन सफ़र नामॖ। बरादरन ह्यॊत वनुन। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

09.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

-----------------------------------

🙏🙏 नमस्कार माहरा

09.07.2022 हारॖ (आषाढा) ज़ूनॖ पछॖ (शुक्ल पक्ष) दऺहम (दशमी), देवादेव, बटॖवारं (शनिवार/शनिश्चरवार), श्री सप्तर्षि सम्वत 5098, नक्षत्र स्वाति, राश वृश्चिक (दुहचि 04.21 बजि प्यठॖ), ऋतु वऺहरात (वर्षा) (चलान)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

ग़रीबव दरेये रोज़ॖ दॊह गऺयख बऺड्य। बरादरन वॊन तीज़मालि। क्याहबा दऺलील सऻरी छा वारय। तीज़मालि प्रुछ़ बरादरस।  वारॖ क्याह मऻजी बोज़ान ओसुस ज़ि अमरनाथ ग्वफायि निश छि राथ पां त्रठ प्यॆमॖच़ तॖ वुछान वुछान छु ओमरावती दऺर्यावस मंज़ सऺहलाब आमुत तॖ वारियाह यात्री बिचऻर्य छि दपान ज़ंदह मंज़ आमॖत्य। त्राहि त्राहि। आतंकवादुक फ्रटॖ फ्रठ मऺशरऻविथ गऺये लज़ि पज़ि अमरनाथ यात्रा करनि यिति द्रायख बिच़ार्यन पऺन्द्य। तीज़मालि वॊन बरादरस। मऻजी यॆमिस यि यॆत्यनस बूगुन छु आसान सु छु ततिनस बूगानॖय बूगान। दपान लीखिथ ललाटस यूतुय छुय मेलान त्यूतुय इन्सानस। कस कोताह स्वख द्वख बूगुन छुय ख़बर ॳकिस भगवानस। शिव सॖन्ज़ महिमा छि अपरम्पार। सारिनी भक्तन लऺगिन स्यॆदि-बुथि तार। च़ॖ छखय गऻमॖच़ अमरनाथ ज़ांह। बरादरन प्रुछ़ तीज़मालि। नबा म्योन ॴस्यनस जय जयकार। च़ॖ छुखॖ गोमुत ज़ांह। सवाल कॊर तीज़मालि बरादरस। आहनी मऻजी बॖ छुस आमुत यि याथा कऺरिथ। करबा। ब्याख सवालॖ प्रुछ़ तीज़मालि बरादरस। मऻजी बॖ छुस गोमुत अमरनाथ यात्रायि यॆलि बॖ काह-बाह वुहुर ओसुस। शन्नॖ 1955-हस मंज़। गव अज़ ब्रोंह सतहऻठ वऺरी। त्यॆलि किछ़ आसिहे अमरनाथ याथा आसान। यॊदवय च़ॖ यछ़ान छख सु म्योन सफर-नामॖ बोज़ुन बॖ बोज़नावथ ति क्याज़ि सु दृश्य छु म्यॆ ॳछन तल। बरादरन वॊन तीज़मालि। तलबा बोज़नावव। म्यॆति तरिहे फिकरी ज़ि तथ यात्रायि तॖ अज़कलचि यात्रायि मंज़ क्याह फरॖख छि बासान। पगाह करव स्वय कथ। बरादरन वॊन तीज़मालि। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नऺविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)

08.07.2022

नमस्ते शारदे देवी काशमीर पुरवासिनि त्वामहं प्रार्थये नित्यं विद्यादानं च देहि मे

----------------------------------

🙏🙏 नमस्कार माहरा

08.07.2022 हारॖ (आषाढा) ज़ूनॖ पछॖ (शुक्ल पक्ष) नवम (नवमी), देवादेव, शॊकुरवार (शुक्रवार/जुम्मा/भार्गववार), श्री सप्तर्षि सम्वत 5098, नक्षत्र चित्र, राश तुला (चलान), ऋतु वऺहरात (वर्षा)....अज़ छि हारॖ नवम (नवमी)

**********************

त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

**********************

  महामऻरी नाश - मंत्र

जयन्ती मंगला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

**********************

तीज़मालि कॊर मुबारक बरादरस। सलामत रोज़ मऻजी। जवाब द्युत बरादरन तीज़मालि। च़्यॆ प्रुछ़तुय नॖ मुबारक कम्युक कॊरमय। म्यॆ हय छि पताह ज़ि अज़ छि हारॖ नवम याने माजि शारिकायि वॊहरवोद। कमि कऺशीरि निसि गऺयि ॳस्य छ़्यनॖ तॖ कमन कमन जायन आयि ह्यनॖ। स्व कश्यन-मऻर, स्व ऋश्य-वऻर, स्व कऺशीर, सु जन्नत-बेनऺज़ीर, स्व वादी तलबा थाव व्वंय कऺशीरि हुन्द नाव बूज़िथ छि ज़न जिगरस खन्जि गछ़ान। तीज़मालि च़ऺट बरादरसॖन्ज़ कथ अडॖवती। बरादरन वॊन तीज़मालि ज़ि कऺशीरि ओस हारॖ ॴठम तॖ नवम रातस च़क्रीश्वर ग्रज़ान रोज़ान भजन कीर्तन सॗत्य। हारॖ नवम दॊह ओस गणशिबल प्यठॖ कऻठ्य दरवाज़स ताम कऻशिर्य बटॖ शुर्य, बऺड्य, कोरि, लऺडकॖ, मर्द, ज़नानॖ, जवान, बीड्डॖ सऻरी माजि शारिकायि सॖन्द्यन च़रनन तल वातनॖच कूशिश करान रोज़ान। तीज़मालि द्राव पनॖनि म्वखॖ मंज़ॖ अख मिस्रॖ "माजि गछ़ शर्ण, माजि प्यॆ पर्ण, माजि शारिकाये करसऻ नमन'। वाह वाह तलय बोज़नाव पूरॖ यि बऻथ वरादरन वॊन तीज़मालि। ब्यॆयि कुनि दॊह हाबा बोज़नावथ फरागऺच़ सान। ल्वकचारस हाबा ॴसॖस च़क्रीश्वरक्यन हेरन व्यसन सॗत्य ॳक्यसॖय शाहस मंज़ खसान तॖ खसनस मंज़ मान मान करान रोज़ान।तिम दॊह कति यिन फीरिथ यिम गऺयि व्वंय नीरिथ। बरादरन वॊन तीज़मालि मगर म्यॆ छु विश्वास ज़ि कऻशुर बटॖ ह्यॆयि कऺशीर वापस तिमन मुस्लमानन रथ चीरिथ। मऻज्य शारिका कऺरिन्य पंनुन अनुग्रह च़्यॆति म्यॆति तॖ कुल्य ज़गतस। मऻजी च़्यॆ छुयि पय ज़ि नमतॖ पतॖ छु अनन्गपुरॖ, फरीदाबादॖ माजि शारिकायि हॖन्ज़ स्थापना हारी पर्वतकिस रूपस मंज़ कऺरनॖ आमॖच़।बरादरन वॊन तीज़मालि। आहनबा बूज़मुत छुम दफ अमापॊज़ यॆति प्यठॖ तॊत वातुन हाबा छु हना कठिन। ओसय प्रारब्द गछ़व कुनि दॊह। कथ छि जऻरी 

**********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

**********************

नविव तॖ फॊलिव

भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव  podcast दऺस्य ति)

https://anchor.fm/bldeep

(यि सबक़ वुछिव  koshursabak.blogspot.com प्यठॖ ति)