30.09.2021

30.09.2021, ॴशिद (आश्विन/ ॳसूज) गटॖ पछॖ (कृष्ण पक्ष) नवम (नवमी) ब्रसवार (गरूवार/ वीरवार/ब्रहस्पतवार) श्री सप्तर्षि सम्वत 5097, नक्षत्र पुन, राश कर्कट (शामचॖ 7.05 बजि प्यठॖ),ऋतु हरुद (शरद) (चलान), नवम हुन्द श्राद्ध यी अज़, पूनिम हुन्द श्राद्ध यी पितृ मावसि दॊह याने (06.10.2021)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

यॊदवय द्वश्यवऺन्य जंत्रीयन मंज़ छि कॆंह मंत्र आमॖत्य लेखनॖ मगर स्यठाह कम छि तिम यिम यिमन मंत्रन हुन्द उच्चारन करान छि। तऻजिब छु तमि सातन लगान यॆलि कुनि हवनस प्यठ सामूहिक आरती विज़ि कॆंह मंत्र परनॖ विज़ि म्यऻन कॆंह बऻय ब्यॆनि आरती परन वाल्यन हॖन्द्यन बुथ्यन कुन छि वुछान रोज़ान मगर पनॖनि म्वखॖ छिनॖ पऺरिथ ह्यकान। हालांकि वुछन मंज़ छु अक्सर आमुत यि ज़ि यिम मंत्र या आरती ईकॖवटॖ सऺमिथ परान छि तिम ति छि नॖ ह्युवुय परान। यि छि सानि समुदायि बापथ हऻरऻनी हॖन्ज़ कथ। अल्बतॖ कॆंच़न आश्रमन मंज़ छि पाठॖ पूस्तक यिवान बऻगरावनॖ आरती ब्रोंठॖय तॖ परनस मंज़ छि अख आवाज़ बनान। यिमन ल्वकचन ल्वकचन कथन प्यठ पज़ि असि संजीदगी सान सोंचुन तॖ पनॖन्यन शुर्यन यिमन मंत्रन सॗत्य ज़ऻन्यकऺरी करनावॖन्य। कथ छि जऻरी 

************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

************************

नऺविव तॖ फॊलिव

भूषण कौल "दीप" 

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)