25.09.2021

25.09.2021, ॴशिद (आश्विन/ ॳसूज) गटॖ पछॖ (कृष्ण पक्ष) च़ोरम (चतुर्थी) देवादेव बटॖवार (शनिवार/ शनिश्चरवार), श्री सप्तर्षि सम्वत 5097, नक्षत्र भरण, राश वृष (शामन 6.16 बजि प्यठॖ), ऋतु हरुद (शरद) (चलान), पऻन्च़म हुन्द श्राद्ध फाकॖ यी ॳज़्य, पुनिम हुन्द श्राद्ध फाकॖ यी पितृ मावसि दॊह याने (06.10.2021)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

दॊह ख्वतॖ दॊह छि समस्या बडानॖय गटान नॖ। कऻशिर्य बटॖ छि, यॊत ताम म्यॆ ज़ऻन्यकऻरी छि,सिरिफ द्वन जंत्रीयन प्यठ विश्वास कऺरिथ पनॖन्य कार्यक्रम करान रोज़ान याने महूर्त, तिथि, वार, राश, नक्षत्र, फाकॖ ॴठम, वॊहरवोद, श्राद्ध वगैरा। मगर विडम्बना छि यि ज़ि स्यठाह कमन लूकन छु जंत्री मंज़ यिम चीज़ वुछनुक ज्ञान। तथ प्यठ ति छि यिम दॊशवय जंत्री कुनि कुनि विज़ि भ्रमित करान यॆमि मूजूब परनवोल छु द्वन तॖ च़्वन मंज़ गछ़ान। ॳस्य छि श्यॆशपंजस मंज़ तॆलि ज़्यादॖ गछ़ान यॆलि कांह ज्ञऻनी या कांह संस्था जंत्रीयन मंज़ ग़लती च़ऻरिथ पनुन तर्क थावनॖच कूशिश कऺरिथ यछ़ान ज़ि लूख गऺछ़्य तऺम्यसॖन्दि आयि त्रायि पकॖन्य युस नॖ मुनऻसिब सप्दान छु मगर लूख छि पनॖनि रायि डलान तॖ शंकायि मंज़ फसान। ज्ञानॖच कमी, ह्यॆछनावन वाल्यन हॖन्ज़ व्यछ़य, ज़ानन वाल्यन नॖ पानवॖन्य कुनी राय या कुनी कथ वगैरा मूजूब छु सऻनिस समुदायस मंज़ प्रथ अख परेशान मगर बॆवसीलॖ तॖ बेबस। विश्वासस ह्यॆच़ॖन्य दॖनन हिश लगॖन्य। कथ छि जऻरी 

***********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)