24.09.2021

24.09.2021, ॴशिद (आश्विन/ ॳसूज) गटॖ पछॖ (कृष्ण पक्ष) त्रय (तृतीया) देवादेव शॊकुरवार (शुक्रवार/ जुम्मा/भार्गववार) श्री सप्तर्षि सम्वत 5097, नक्षत्र आश्विन, राश मेष (चलान), ऋतु हरुद (शरद) (चलान), अज़ छि संकट च़ोरम (संकट निवारण चतुर्थी), च़ोरम हुन्द श्राद्ध फाकॖ यी ॳज़्य, पुनिम हुन्द श्राद्ध यी पितृ मावसि दॊह याने (06.10.2021)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

1990-तॖ प्यठॖ वुन्युख ताम कऺर कऻशिर्य बटव सख़ मेहनत पनॖन्य प्रज़नथ बचावनॖ बापथ, ज़िन्दॖ रोज़नॖ बापथ। आश्रम आयि बनावनॖ, मंदर आयि कुनि कुनि जायि बनावनॖ। हवन आयि करनॖ, सांस्कृतिक प्रोग्राम आयि करनॖ, ब्यॆयि ति केंच़व रऺग्य आयि कॆंह प्रोग्राम करनॖ यॆमि मूजूब तिहॖन्ज़ मेहनत खऺच़ रथि तॖ पनॖनि समुदायुक नाव नेशनोवुक। यिमव ति यिम चीज़ हऻसिल करनॖ बापथ लाजवाब मेहनत कऺर, तिमन छु म्योन नमन। अकि अज़ाबॖ तलॖ नीरिथ, पनुन पान संदरावुन, पनॖन्य ख्वर ठीकरावॖन्य छॆ नॖ मोमूली कथ। यूत कऺरिथ छु बासान ज़ि असि मंज़ छि कमि ताम चीज़ॖच व्यछ़य। कमि ताम चीज़ॖच कमी। यीत्य मंदर कऺशीरि मंज़ ॴस्य वख अकि, यीत्य ग्वर ॴस्य तति, यीच़ अध्यात्मिकता असि मंज़ तॖ सान्यन शुर्यन मंज़ ॴस, यूत यकुत ओस पानॖवुन्य तति, तिमन सारिनी चीज़न हॖन्ज़ कमी छि टनलि यपोर तरनॖ पतॖ नज़र यिवान। सान्यन शुर्यन छॆनॖ धर्मॖच सऺही स्वद-ब्वद मेलान। कथ छि जऻरी

************************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)