27.09.2021

27.09.2021, ॴशिद (आश्विन/ ॳसूज) गटॖ पछॖ (कृष्ण पक्ष) शॆयम (षष्ठी) देवादेव, च़ऺन्दॖरवार (सोमवार), श्री सप्तर्षि सम्वत 5097, नक्षत्र रोहिन, राश वृष (चलान) ऋतु हरुद (शरद) (चलान), अज़ छि साहिबॖ सतम, सतम हुन्द श्राद्ध फाकॖ यी ॳज़्य, पुनिम हुन्द श्राद्ध यी पितृ मावसि दॊह याने (06.10.2021)

************************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

  महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

यॊदवय सान्यव शास्त्रीयव तॖ ज्योतिष्याचार्यव छु पूरॖ गणित कऺरिथ कऻशिर्य बटन हुन्द पंचान्ग बनोवमुत मगर ह्वदॖहऺर छि खसान असि विज़ि विज़ि यॆलि सऻनिस पंचान्गस मंज़ कांह तिथि रावान छु या कांह तिथि हुर्रान छु। पताह छुनॖ लगान ज़ि कुस दॊह कमि दॊह गछ़ि मनावुन, मस्लन वॊहरवोद, श्राद्ध, ज़रमॖसतम, हेरथ वगैरा। कऺशीरि मंज़ रूज़िथ यॆलि तॆलि यिथ्य मसलॖह यिवान ॴस्य ब्रूंठ्य, यकदम ॴस्य पनॖनिस पनॖनिस क्वलॖ-ब्रह्मनस निश गऺज़िथ पनॖन्य शंका दुर करान। मगर त्रास्दी छि यि ज़ि असि रूद्य नॖ पनॖन्य क्वलॖ ब्रह्मन सॗत्य असि तॖ न छि तिम शखॖस नऺन्य यिम असि सऺही वथ हावहऻन। अमि चीज़ॖच व्यछ़य प्यॆयि असि ज़्यादय यनॖ ॳस्य कऺशीरि प्यठॖ नीरिथ ब्यॊन ब्यॊन जायन लग्य। पर ज़ऻच़ हॖन्द्य ब्रह्मन छि बस काम चलाव ब्रह्मन। विज्येश्वर जंत्री छि अख डॊख असि अज़कल। यि जंत्री ति छि द्वन ख्रावन प्यठ। द्वनवय ज्योतिष्याचार्य छि अख ॳकिस निशि ब्योन। कुनी कथ नॖ। मंज़ बागन आयि ॳस्य ह्यनॖ। तिथि रावनस तॖ तिथि हुर्र्यर किस चक्करस मंज़ छि ॳस्य परेशान। कथ छि जऻरी।

***********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)