20.09.2021

20.09.2021, बऻदॖरप्यथ (भाद्र) ज़ूनॖ पछ (शुक्लॖ पक्ष) पुनिम (पूर्णिमाशी) च़न्दॖरवार (सोमवार), श्री सप्तर्षी सम्वत 5097, नक्षत्र पू.भा, राश मीन (रऻच़ हॖन्ज़ि 9.51 बजि प्यठॖ), द्रठॖपऻंच़ुक (पंचक) (चलान) ऋतु हरुद (शरद) (चलान), ॳज़्युक श्राद्ध फाकॖ यी ॳज़्य

***********************

नमस्कार माहरा त्वहि सारिनी म्योन। त्वहि ऒरज़ुव दॊरकॊठ आय बत्तॖ। वुद्यूग करव मुकाम प्रावव

************************

 महामऻरी नाश - मंत्र

जयन्ती मन्गला काली भद्रकाली कपालिनी। दुर्गा क्षमा शिवा धात्री स्वहा स्वधा नमोस्तुते

************************

कऺशीरि मंज़ दपान व्यथॖ त्रुवाह आयि बडॖ चमॖ खमॖ सान मनावनॖ। स्यठाह रुत ख़याल तॖ रुत क़दम छु आमुत तुलनॖ। आफरीन तिमन सारिनी कऻशिर्य बटन यिमव अथ बऺडिस दॊहस प्यठ शमुहलियत कऺर तॖ व्यतस्तायि हुन्द मान बऺडरोवुख। असि पज़ि तिमन मुसलमान बायन ति वछ़ि वऻन्लजि शुक्रिया करुन यिमव कशीरि मंज़ सऻनिस अथ बऺडिस दॊहस प्यठ पनॖन्य हऻज़री दिच़ कुनि नतॖ कुनि रन्ग्य, खा सु त्युहुन्द बांड याने शहनायी वादन तॖ डोलकी ॴस, खा त्युहुन्द सायबानॖ ओस, खा ज़ूल करनस मंज़ त्युहॖन्द मदद ओस या त्युहुन्द ब्यॆयि ति कुनि रन्ग्य ओस। तिमव द्युत यि अकि फिरि ब्यॆयि हऻविथ ज़ि कऻशुर बटॖ ह्यॆकि नॖ तिहॖन्दि रॊस अख क़दम ति कऺडिथ अगर बटस यॆलि तॆलि कऺशीरि मंज़ रोज़ुनुक व्यच़ार यी। युसुय रॊछुम तऺस्य निश रऺछज़्यम खॊदायो। कॊत गव सु ख़ोफ़,सु दऺहशत, सॊ नफ़रत, सु कत्ले आम, मऺशिथ गव असि सु तमाम।

***********************

कऻशुर ह्यॆछिव कऻशुर पऺरिव कऻशिर्य पऻठ्य पानॖवुन्य कथ बाथ कऺरिव

************************

नऺविव तॖ फॊलिव

 भूषण कौल "दीप"

(बूज़िव ॳज़्युक सबक़ म्यानि ज़्यॆवि ति)

(यि सबक़ वुछिव podcast दऺस्य ति)

https://anchor.fm/bldeep

(यि सबक़ वुछिव koshursabak.blogspot.com प्यठॖ ति)